Post: #1
Title: لا .... يا ماما دوما ... أرجوك ما تمشي
Author: انعام حيمورة
Date: 04-21-2008, 11:53 AM
بينما اطالع بوست اللمسات الاخيرة للطفل عبد الله وجدت آخر مداخلة لماما دوما ..
فرحت عندما قرأت مداخلاتها ..
لاني من أمس بحاول أضرب ليها عشان ابشرها بالخبر الحلو انه الطفل عبد الله مشكلته اتحلت ..
لكن دون جدوى ..
ولكن نهاية المداخلة كانت هذه الكلمات التي حزنت لها أشد الحزن ..
Quote: فقد قررت التوقف عن المشاركه بهذا المنبر لاسباب شخصيه .
.,الشكر لكل من تعاملت معهم وتعاملوا معي بموده واحترام
واجزل الشكر لبكري ابو بكر . واعفو عني . |
لا يا ماما دوما ارجوك ما تمشي تخلينا
ارجوك !!!
بتك انعام
|
Post: #2
Title: Re: لا .... يا ماما دوما ... أرجوك ما تمشي
Author: انعام عبد الحفيظ
Date: 04-21-2008, 12:13 PM
Parent: #1
ليه يا ماما دوما ماشة؟
نحنا عندنا حق فيك وفي وجودك معانا
بيك بنطمئن انو السودان بى خيرو لسه
وقاعده تدينا أمل في الزمن الشين دا
|
Post: #4
Title: Re: لا .... يا ماما دوما ... أرجوك ما تمشي
Author: hanouf56
Date: 04-21-2008, 12:23 PM
Parent: #2
Quote: ليه يا ماما دوما ماشة؟
نحنا عندنا حق فيك وفي وجودك معانا
بيك بنطمئن انو السودان بى خيرو لسه
وقاعده تدينا أمل في الزمن الشين دا |
شكرا انعام حيمورة
شكرا انعام عبدالحفيظ
انتم تعبرو عني تماما
محمد
|
Post: #10
Title: Re: لا .... يا ماما دوما ... أرجوك ما تمشي
Author: انعام حيمورة
Date: 04-21-2008, 12:43 PM
Parent: #4
hanouf
والله انا لما قلبي مقبوووض
وتعال نصرخ باعلي صوت
ما تمشي يا ماما دوما
|
Post: #5
Title: Re: لا .... يا ماما دوما ... أرجوك ما تمشي
Author: tmbis
Date: 04-21-2008, 12:24 PM
Parent: #2
ماما دومـا يا انعام .. وانعام
ادمنت انها تبتعد فجأة كدا .. لما اي حاجة تسخن
المرة الفاتت الله يديها العافية كانت بتتكلم معاي .. قلت ليها بقيتي هشة واي كلمة تكسرك .. وقلت ليها قاعده تخذلينا كتير جدا
المهم في الأمر ..
البورد دا بقى البقا فيه للاقوى ..
مش الاقوى العندو عضلات وبتاع .. طبعا اكيد لا .. لكن اللسانو طويل ..
زمان البورد دا تصفية الحسابات فيهو كانت محصورة في شخصيات معينة ..
لكن حسع دي جات شخصيات .. بتحب النجومية من جهة .. وفي نفس الوقت .. قلبها اسود وما بيعجبه العجب ولا الصيام في رجب ..
بلاي زي ديل عليكم الله يمشو يخلو ليهم المكان دا كيفن..؟
وهم زاتهم قدمو شنو للمكان دا .. علشان يمشو يخلوهو ليهم ..؟
|
Post: #17
Title: Re: لا .... يا ماما دوما ... أرجوك ما تمشي
Author: انعام حيمورة
Date: 04-21-2008, 02:18 PM
Parent: #5
عارف يا تمبس
ماما دومة قوية .. وواضحة .. ولا تغشى في الحق شي ..
انا تفأجات بقرارها جدا ..
اتمنى ان لا تخذلنا ..
عارف بالجد قاعدة احتمى بيها واضاري بيها من الهجير !!!
يا امي تعالي !!
|
Post: #3
Title: Re: لا .... يا ماما دوما ... أرجوك ما تمشي
Author: انعام حيمورة
Date: 04-21-2008, 12:21 PM
Parent: #1
Quote: نحنا عندنا حق فيك وفي وجودك معانا
بيك بنطمئن انو السودان بى خيرو لسه
وقاعده تدينا أمل في الزمن الشين دا |
صااح يا انعام كلامك ..
فعلا قاعدة تكون سندي ورفيقة دربي في كل الحملات ...
لا ياماما دوما ....
|
Post: #14
Title: Re: لا .... يا ماما دوما ... أرجوك ما تمشي
Author: ابو جهينة
Date: 04-21-2008, 01:35 PM
Parent: #3
| Quote: فقد قررت التوقف عن المشاركه بهذا المنبر لاسباب شخصيه |
ليه كدة ؟
قرار مكدر للغاية و محزن ... نرجو أن تكون إتكاءة للراحة
تحياتي إنعام
|
Post: #30
Title: Re: لا .... يا ماما دوما ... أرجوك ما تمشي
Author: عماد محمود علي
Date: 04-22-2008, 06:48 AM
Parent: #3
Quote: فقد قررت التوقف عن المشاركه بهذا المنبر لاسباب شخصيه .
.,الشكر لكل من تعاملت معهم وتعاملوا معي بموده واحترام
واجزل الشكر لبكري ابو بكر . واعفو عني . |
معقووووول بس يا ماما دومه !!! في أم في الدنيا تمشي وتخلي أولادها ؟!! وين رايحه ومخليانا ياماما!! نحن في حاجة شديدة لك ولعطفك وحنانك وحضنك الدافئ ، لا يا ماما ... لا ياماما ... الذئاب بتأكل القطيع لما تكون أمه غير موجودة ، لا تدعينا نتأكل أمي .
شكراً إنعام ... وأطلقها صرخة داوية .......لا ياماما دومة لا تودعينا ..... . هيا عودي أمي .
مودتي
عماد
|
Post: #6
Title: Re: لا .... يا ماما دوما ... أرجوك ما تمشي
Author: ناهد علي
Date: 04-21-2008, 12:31 PM
Parent: #1
بس بقول ليك
عشان الفاقدة امها وهي متقوية بيك
عشان حضنك الدافي وانتي مسرعة من المطار ليها
عشان كلامك الحنين ولين .
|
Post: #7
Title: Re: لا .... يا ماما دوما ... أرجوك ما تمشي
Author: عادل سهل
Date: 04-21-2008, 12:31 PM
Parent: #1
دوما . . .
نسبة لأننى جديد نسبياً فلم أكون وثيق المعرفة بها
لكنى أعرف أن لها مشاركات جميلة وبناءة
وفى كثير من المواقف تكون جهيزة التى تقطع قول كل خطيب
ولأن من سبقنى فى الطلب منها أن تبقى هما إنعام وإنعام
تجدنى حزيناً على أننى لن أعرفها وكنت آمل . . .
نسأل الله أن لا يكون أمراً قاهراً دعاها لذلك.
وكل الأشياء الممكنة يمكن أن تحل فيما عدا ذلك
فأنا أضم صوتى لبناتك إنعام وإنعام
لا ترحلى دوما فالمنبر يحتاج لقلمك
يحتاج لقلم يقول ما يسكت الآخرين عنه
يحتاج لشخص يحمل هموم الآخرين
يحتاج لك دوما
فهلا بقيتى . . .
سنظل نحترمك . . .
ولك منى محبة تزيد كما الأيام
|
Post: #8
Title: Re: لا .... يا ماما دوما ... أرجوك ما تمشي
Author: Muna Khugali
Date: 04-21-2008, 12:34 PM
Parent: #7
ليه يا دوما؟؟
انتي منال قالت ليك شنو يا نعومي؟
|
Post: #9
Title: Re: لا .... يا ماما دوما ... أرجوك ما تمشي
Author: nadus2000
Date: 04-21-2008, 12:42 PM
Parent: #8
الحاجة زينب أو الخالة دوما، أمنا كما يحلو لها، وهي تجود علينا جميعا بأجمل عاطفة انسانية (الأمومة)..
دومة أجمل من منحته الينا هذه الأسافير، ووجودها دايما ما يمثل نقطة ارتكاز للعديدين، والعصب الماسك لعدد من الأخوة والأخوات والذي يربط بينهم وبين هذا المكان، وبينهم وبين بعضهم البعض.
تكتب كثيرا بعاطفة امومتها التي اسبغتها على الكل، ومتى كان لنا حق محاسبة الأم على انحيازها لهذا أو لذلك من أبناءها.
شكرا انعام
|
Post: #12
Title: Re: لا .... يا ماما دوما ... أرجوك ما تمشي
Author: ود محجوب
Date: 04-21-2008, 01:00 PM
Parent: #9
دا كلام
الأخت دوما
نرجوك البقاء
|
Post: #11
Title: Re: لا .... يا ماما دوما ... أرجوك ما تمشي
Author: Salah Waspa
Date: 04-21-2008, 12:48 PM
Parent: #8
Quote: Quote: فقد قررت التوقف عن المشاركه بهذا المنبر لاسباب شخصيه .
.,الشكر لكل من تعاملت معهم وتعاملوا معي بموده واحترام
واجزل الشكر لبكري ابو بكر . واعفو عني . |
يا جماعة مالكم ? في شنو ?
ليه دائما أحلى الناس بحردوا ويقولوا لأسباب شخصية
ماما دوما من الناس الغيابهم حيترك فراغ كبير
نتمنى أن تعيد التفكير في هذا القرار
شكرا إنعام وتحياتي
صلاح واسبه
|
Post: #13
Title: Re: لا .... يا ماما دوما ... أرجوك ما تمشي
Author: Gaafar Ismail
Date: 04-21-2008, 01:11 PM
Parent: #11
الأخت العزيزة الفضلي دوما هي دون شك من أعقل وأكثر أعضاء هذا المنبر حكمة وعقلانية وسعة صدر ، وأحرص دائما على قراءة مشاركاتها.ابتعادها من المنبر خسارة كبيرة لقبيلة الحكماء والجندريات . آمل مخلصا أن تأخذ بعض الراحة وتعود سريعا للمنبر.
أختي العزيزة الفضلى دوما: أدعوكِ بكل غالي وعزيز عندك أن تعودي على الأقل لحفظ التوازن في هذا المنبر.
تحياتي وصادق مودتي وفائق احترامي .
|
Post: #15
Title: Re: لا .... يا ماما دوما ... أرجوك ما تمشي
Author: Adam Omer
Date: 04-21-2008, 01:56 PM
Parent: #13
الى اين ذاهب هذا المنبر؟
بلامس الاخت تراجى مسطفى
واليوم الولدة دوما
ولا ادرى ماذا يفقد المنبر غدا
لماذاتتصاقط الشموع هكذا
جد حزين لكم جميعا (هشام هبانى خضر حسن تراجى هسطفى الوالدة دوما)
|
Post: #16
Title: Re: لا .... يا ماما دوما ... أرجوك ما تمشي
Author: بابكر التوم
Date: 04-21-2008, 02:13 PM
Parent: #15
انعام
وكل الكوكبة الجميلة المتداخلة
اضم صوتى معكم لاثناء الاخت دوما للابتعاد
وكل المنى بعودة الجميع ونشر دعوة التسامح فى هذا الوطن الاسفيرى
ويزداد حلمنا ليبقى حقيقة
|
Post: #18
Title: Re: لا .... يا ماما دوما ... أرجوك ما تمشي
Author: عبدالله كع
Date: 04-21-2008, 02:47 PM
Parent: #1
الماما دوما
انتي علي كيفك تمشي كدا بدون اي اسباب؟؟؟؟؟؟؟؟
بالله ختي الحاجات الصغيرة بعيد
وتعالي خلي الناس تسفيد منك ومن خبراتك وخيراتك
ـــــــــــ
ولو مافيك خير انسي الموضوع وخلاس
|
Post: #19
Title: Re: لا .... يا ماما دوما ... أرجوك ما تمشي
Author: شول اشوانق دينق
Date: 04-21-2008, 03:04 PM
Parent: #1
هبانى وتراجى ودوما و....
ليه كده بس يا جماعة! الحاصل شنو؟
مام دوما لا ترحلى
شول اشوانق
___________________________
الظاهر الفترة الأخيرة ما كنت متابع كويس فى البورد!
|
Post: #20
Title: Re: لا .... يا ماما دوما ... أرجوك ما تمشي
Author: tayseer alnworani
Date: 04-21-2008, 09:21 PM
Parent: #19
الاستاذة زينب او ماما دوما (كما يحلو للجميع )
لماذا اتينا لهذا المنبر بالتأكيد من اجل الحوار و
الاستفادة من قدرات بعض و قد لا نتفق ولكن بيننا الاحترام و قد تصادفين غثاء ولكن ادرك برغم برغم معرفتى القصيرة انك قادرة على تجاوزهم املى ان نضع ترك المنبر اشارة حمراء لا نصل اليها .
ماما دوما اجبرى خاطرنا
كسرة
نعومة ازيك شفتى من الزعل السلام نسيته
|
Post: #21
Title: Re: لا .... يا ماما دوما ... أرجوك ما تمشي
Author: خالد العبيد
Date: 04-21-2008, 11:57 PM
Parent: #1
والله انا لما قلبي مقبوووض
وتعال نصرخ باعلي صوت
ما تمشي يا ماما دوما
ارجو عودتك يا دوما
|
Post: #22
Title: Re: لا .... يا ماما دوما ... أرجوك ما تمشي
Author: ناهد بشير الطيب
Date: 04-22-2008, 00:15 AM
Parent: #1
رغم انى لم التقيها بحكم حداثتى فى المنبر
ولكنى قطعا اردد معكم
ماما دوما عودى
شكرا انعام حيمورة ...لتفقدك الاحباب دوما
نكرر معك مرة اخرى
ماما دوما عودى
|
Post: #23
Title: Re: لا .... يا ماما دوما ... أرجوك ما تمشي
Author: Seif Elyazal Burae
Date: 04-22-2008, 01:19 AM
Parent: #22
أنا جديد في المنبر وتعرفت عليها من خلال مداخلاتها معي
واليوم عرفت ان اسمها الحقيقي مطابق لاسم والدتي
ماما دوما الرجاء التريث فنحن بحاجة لامثالكم في هذا المنبر
وما معقول المعادن الرخيصة تطرد المعادن النفيسة
يا (زينوبة) لا ..لا تغادري هذا المكان الرائع بوجودك
ابنك :
سيف اليزل برعي
|
Post: #24
Title: Re: لا .... يا ماما دوما ... أرجوك ما تمشي
Author: الفاتح ميرغني
Date: 04-22-2008, 02:03 AM
Parent: #23
الاخت إنعام
تحياتي
اضم صوتي إلى صوت كل الزملاء الذين ناشدو الخالة دوما بالرجوع عن قرارها.
يشهد الله هي من الشخصيات القلائل التي تحفظ للمنبر توازنه النفسي.
كيف لا وهي الأم الرؤوم والخالة الحنون والاخت النصوح.
مودتي لك ولها بلا حدود
|
Post: #25
Title: Re: لا .... يا ماما دوما ... أرجوك ما تمشي
Author: ودرملية
Date: 04-22-2008, 02:50 AM
Parent: #24
سلامات
وعوافي
يا "حبوبة" دوما تعالي راجعة بالله وسريع ..
ما تخلينا نحلف عليك ..لزوم عريس جديد واعمل تيستا وكدة ..
بعدين تعملي لينا مشكلة مع وزارة الداخلية ..
ركزي معانا شوية وتعالي راجعة بالله عليك ..
"حبوبة" دوما ..
شوفي ..
انا منتظرك 24 ساعة فقط والا بقوم بقول ليك ..
عـــــــــــــــــلي "الطلـ..." تجي راجعة ..
ماتلاوزي بينا..هسي في داعي تضحكي فينا الدنيا ..
الجماعة يجو طايرين يقولو ودرملية المرا هارشاهو حليفة الطلاق ما قادر يتمها..
ونحن عاملين فيها "اسود في قلب غابة" ..
..
انعام كيفك ياخي انشاء الله كلو في محلو ..
تخريمة:-
بالله عليكم الله عرس قوي وسمرية كلمي ناجي قول ليهو سوق معاك هايل زين العابدين واقلبوهو لي في نص الحفلة وكدة ياخي انا لو لميت في العرس دا بخلي غباروا في السما..
تخريمة تانية:-
انا متلوم معاكم انتي وبورداب الخرطوم بعد الرواشة بتاعة الحفلة ديك ياخي انا لقيت ليك نفسي جوطتها جوطة
والله في ناس ضربتا ليهم عشان الومم ليه ماجوني .. قالو لي نحن قاعدين في نص الحفلة..لكن بتذكركم انتي وريل وناجي الملك وانعام وطلال عفيفي ومنعم سليمان واشراقة ..وانشاء الله في افراحكم جميعا يارب ياكريم ..
|
Post: #26
Title: Re: لا .... يا ماما دوما ... أرجوك ما تمشي
Author: تبارك شيخ الدين جبريل
Date: 04-22-2008, 04:07 AM
Parent: #1
المثل الأمريكى بيقول:
If you can't take the heat, get out of the kitchen
لو ما بتقدر على السخانة، اتخارج من المطبخ!
والشاعر بيقول:
أخاف على الحرب من ضدها
وعلى العشق من حامليه الخفاف!
وانا بقول:
آآآى ......يا ماما دوما ......أرجوك اتخارجى!
المهم .....
|
Post: #27
Title: Re: لا .... يا ماما دوما ... أرجوك ما تمشي
Author: HAYDER GASIM
Date: 04-22-2008, 05:17 AM
Parent: #26
Quote: والله انا لما قلبي مقبوووض
وتعال نصرخ باعلي صوت
ما تمشي يا ماما دوما |
ول نمشي ... كلنا
|
Post: #28
Title: Re: لا .... يا ماما دوما ... أرجوك ما تمشي
Author: osama idris
Date: 04-22-2008, 05:29 AM
Parent: #27
الوالدة دوما
اتمنى ان تكوني بيننا
لان المنبر يحتاج لامثالك
لبث كل قيم الخير والجمال
|
Post: #29
Title: Re: لا .... يا ماما دوما ... أرجوك ما تمشي
Author: doma
Date: 04-22-2008, 06:29 AM
Parent: #28
هي يا حبيباتي وحباني بلا فرز
والله خاطركم عندي غالي شديد
وانازوله حنينه ودمعتي قريبه
واهلنا بقولوا كان قعدت للحول ما تقوم بخاتر زول
الا المرقني قوي وشديد
لانه والله ما لقيت الكلام الممكن اعبر بيه عن غضبي وعن حزني وعن غبني
وعيون ولد من اولادي بتسالني ارد ليهو حقه
حقه المهضوم ومضيع
واحترت في وطننا وفي القائمين علي امره
وفي السلطه القضائيه فيه
شاهد شاهد يتم تعذ يبه بواسطه الشرطه حتي يصاب بالشلل ؟؟!!!!!!
اتغبنت شديد
وعيون ولدي الحبيب "كوات بول شول مدينق "
بتاعين لي
اعمل شنو ؟؟؟!!
غير اهرب من عيونه
اعمل شنو ؟؟؟
غير اهرب من الدنيا والفيها .
بحتاج زمن استعيد فيه توزاني
ابقوا عشره
واعملوا ما في وسعكم
لرد حقوق الغلابه
المهضومه ومضيعه .
اين انت يا وزير الداخليه ؟؟
اين العداله يا ر ئيس القضاء؟؟؟
ويا حكام السودان ؟؟؟
|
Post: #31
Title: Re: لا .... يا ماما دوما ... أرجوك ما تمشي
Author: نادية عثمان
Date: 04-22-2008, 11:27 AM
Parent: #29
Quote: لرد حقوق الغلابه
المهضومه ومضيعه .
اين انت يا وزير الداخليه ؟؟
اين العداله يا ر ئيس القضاء؟؟؟
ويا حكام السودان ؟؟؟ |
وعشان الغلابة ديل وحقوقهم مفروض تكوني هنا رغم الألم والوجع المقيم !!
وعشان تصرخي في وجه الطغيان وتكسّري قيود الصمت وتكشفي المستور وتعلني الحقائق وتتابعي حقوق الغلابة الماعندهم سند لازم تكوني هنا وتعلّي صوتك بي صراخهم موش تنسحبي ياحبيبة !!
يلا تعالي ياأروع وأجمل ماما دومة سمح؟
|
Post: #32
Title: Re: لا .... يا ماما دوما ... أرجوك ما تمشي
Author: هاشم أحمد خلف الله
Date: 04-22-2008, 11:43 AM
Parent: #31
| Quote: يلا تعالي ياأروع وأجمل ماما دومة سمح؟ |
|
Post: #33
Title: Re: لا .... يا ماما دوما ... أرجوك ما تمشي
Author: مجدي عبدالرحيم فضل
Date: 04-22-2008, 12:03 PM
Parent: #32
خبر محزن للغاية ذهاب أستاذتنا وخالتنا ماما دوما
يٌدمي القلب ويفلقه وتنفطر كل معاني الأنسانية وتتمزق
ثيابها ونتيتم فرادا وجماعات وبذا يفقد المكان ركن عظيم
وطود شامخ بحب الوطن وكل المحتاجين للعمل النبيل فعرفنا
فيكم هذة المعاني كيف؟ تعلمونا وتتركوه في قارعت الطريق
ليتشفي فينا من ليس له نخوه ولا مروه قطعا ننادي معكم إنعام
وأنعام هذة النعمة التي كانت تملئ البوست روعة وقبطة أرجو
أن تسمعنا الخال الكريمة دوما وتلبي النداء ،،
ونحن هنا ننتظر قلمها الشاهر لسلاح المحبه والوٌد بين الناااس .
،،،،أبوقصى،،،،
ــــــــــــــــــــــــــــ
وأذا السماء بدأت لنا وأستعصمت بالبعد عنا آلا رحمتنا من الفراق.
|
Post: #34
Title: Re: لا .... يا ماما دوما ... أرجوك ما تمشي
Author: SILVER MOON
Date: 04-22-2008, 12:45 PM
Parent: #1
تابعت مشاركاتها من أيام سودان نت
انسانة عظيمة
أحلامها كانت بسيطة وأملها الوحيد أن تزرع بسمة
يندر ان يجود بمثلها الزمان
هى انسانة مليانة محنة وطيبة ودمعتها قريبة
وعشان كدا بتجيكم راجعة
ماتشيلو هم
عليكي السلام أيتها النخلة أينما كنتي
|
Post: #35
Title: Re: لا .... يا ماما دوما ... أرجوك ما تمشي
Author: سناء عبد السيد
Date: 04-22-2008, 04:44 PM
Parent: #1
ليه كدى يا ماما دومة ؟؟ يعني نحن نجي و انت تمشي , كان نفسي اتداخل معاكي
في مواضيع كتيرة لكن ليه كدى تكسري بخاطرنا , عليكي الله ما تمشي
المواضيع المزعلاكي دي بتحتاج لوقفتنا كلنا مع بعض مش بهروبنا منها
|
Post: #36
Title: Re: لا .... يا ماما دوما ... أرجوك ما تمشي
Author: مجدي عبدالرحيم فضل
Date: 04-23-2008, 07:01 AM
Parent: #35
الحبيبة ماما دوما ،،،،،
بالأمس كان لي شرف الأستماع لصوتها الدفئن فينا دفئه وبها أشرقت شمس سمائي وبزخ قمر المكان لكل الأزمنه مسافات صور صينها العظيم لك مودتي وعظيم تقديري ، ولايفوتني أن أقول هي إنجمامة ود المنسي للمحاربين القداما وستعود أكثر ضراوة مداد وتشهر قلمها سلاح يهزم جدارات الصمتْ طلاوت
حديثها الحميم الدال للخير خضرة وطن يحلم بالسلام والأمن والتكافل الإجتماعي لك هذا ياماما دوما أستجمي وعودي علي موعد مع القٌرأ علي صفحات قلبوهم التي أحبت فيك كل شئ.
،،،،أبوقصى،،،،
ا
|
Post: #37
Title: Re: لا .... يا ماما دوما ... أرجوك ما تمشي
Author: Khalid Kodi
Date: 04-24-2008, 04:19 AM
Parent: #1
الأخت العزيزه دومه،
أتمنى بقائك فى هذا الموقع،
وأن تكتبى.... ولو من وقت لآخر ....
هذا زمن عجيب.
مع الود والتقدير .
|
Post: #39
Title: Re: لا .... يا ماما دوما ... أرجوك ما تمشي
Author: تولوس
Date: 04-24-2008, 04:42 AM
Parent: #37
لا .... يا ماما دوما ... أرجوك ما تمشي
|
Post: #38
Title: Re: لا .... يا ماما دوما ... أرجوك ما تمشي
Author: يوسف الولى
Date: 04-24-2008, 04:38 AM
Parent: #1
عليك باضعف الايمان
|
Post: #40
Title: Re: لا .... يا ماما دوما ... أرجوك ما تمشي
Author: مؤيد شريف
Date: 04-24-2008, 10:57 AM
Parent: #38
جديد لنج ولم أتشرف بعد بقراءة كتاباتها ولكن أن يجد شخصا كل هذه المشاعر فهذا يعكس مدى محبة الناس له ... لا أعلم شيء عن ملابسات احجامها عن الكتابة ولكنني أضم صوتي للجميع وأترجاها أن تعود... وتكتب... سألني أحد الاصدقاء لماذا لم تعد تكتب في صحيفة (صوت الأمة) فقلت له أنني أتنفس الكتابة ولا أطيق السكون ..فقط عليك أن تبحث جيدا وستجدني أتنفس ...تنفسي يا ماما فليس أقسي من "كتمة" النفس أي شيء آخر ..تنفسي تنفسي تنفسي
|
Post: #41
Title: Re: لا .... يا ماما دوما ... أرجوك ما تمشي
Author: ALazhary2
Date: 04-24-2008, 11:33 AM
Parent: #1
أحب هذه السيدة الجليلة , كلماتها تشعرني بطيبة القلب وحنان الأم. أسأل الله تعالى أن تظل بيننا وأن يديم عليها نعمته ظاهراً وباطناً وأن يملأها عافية بجاه من بيته في طيبة حرم . صلى الله عليه وآله وسلم.
قد تغضب الأم أو الأخت من إبنها وشقيقها لبعض الوقت لكنها لا تستطيع أن تصبر على فراقهم .
يامن يعز علينا أن نفارقهم / وجداننا كل شئ بعدكم عدمُ
|
Post: #42
Title: Re: لا .... يا ماما دوما ... أرجوك ما تمشي
Author: حسن الجزولي
Date: 04-24-2008, 01:48 PM
Parent: #41
الأعزاء جميعآ
أحيانآ يحتاج البعض منا للإبتعاد قليلآ ,ربما لكي يستعيد توازنآ ,أو هربآ من هواجس تدفع البعض منا, لتفريغ شحنات {غبينة} ما على بعض الذين بالفعل ,يدفعون المرء دفعآ لعدم تحمل أعصابه, وبالتالي لا يسيطر على أصابعه, التي يجدها تمتد نحو حروف الكيبورد ,لرد الصاع صاعين!ونحن بشر..وفي هذه الحالة فإن الإبتعاد مؤقتآ, عن أجواء {الحرابات }والتوتر يكون قرارآ صائبآ!.. تعالوا نطلق عليه إستراحة محارب!..وصدقوني هي جيدة ,ونتائجها أفضل بكثير من أن يجد المرء نفسه, ودون وعي مدفوعآ للرد القاسي!.
ربما أكون ضمن الأفواج الأولي ,التي دخلت المنبر برفقة دوما,,وقد زاملتها وحاورتها وحاورتني, ويشهد الله أني لم أقرأ لها ,أي حرف خادش أو جارح أو معتدي ,في حق آخر أو أخرى..شخص بهذ الحلم والنبل, هو من يحتاج لإستراحة محارب أكثر من أي شخص آخر.
فالتأخذ زينوبة ماشاءت من وقت, للترويح وتنقية صدرها الواسع للجميع..على الا تغيب طويلآ ..ويكون هذا بمثابة إتفاق بيننا وبينها..وتحايا لإنعام وجميع المناشدين
|
|