Post: #1
Title: مساحة الريد
Author: zumrawi
Date: 04-20-2008, 09:44 AM
مساحة الريد تمد للأخر الباتع
وتتطاول على الاشواق
تصحى النيل وتغويهو
يقوم يتغنى بى شهقة حروفو على
وبهواك رقم واقعك جاف
وواقعى انطمر بالليل
بناديك فى السكة
تمى القول
دحين الذكرى بتصابح غنا الاطفال
وبتواعد شمس بكرة
وبالفكرة مسافة الغير يوافيكى
ويتابعك فى الشجن دوبيت
وانمك بالى خاطر الشوق
مستف بالوله متروس
سواقى الهم تكب تزرح
تكب تجرح
اوديك ابعد الخرطة
وادسك من خيوط الحر
تقومى تعلمى الاجيال
سؤال النيل
وطمى النوح
اقيفى معاى حداك دليل
شوارع مابتودى على
تخارجنى تمرجحنى وتتوقد لهيب الروح
على شهر السماح فى القول
بنادى الشوق
يجينى خجول من اهاتو
يزيد فى قلبى دقاتو
يجيب سيرة الصباح الشح
ويتوالف
عليك الله البحر بسزاك
ومابنساك
زيدى الروح مدى الذكرى
وادفنى ظلمة التاريخ
مقبرة الشقا الطواف
ومابنشاف
سواك عبرة
تمر النمة بالحسرة
خمج معنى الفتات ناداك
واتوهطت بالكسل النحيب الكتمة والتاريخ
سمح معناك بحبو شقى
سمحة الغنية فى خشمك
تعب حرف الشوارع ديك
يجيبك اخر الموال
وينعت سيرتك بالضهب السمع نمى
اقيفى وروقى وانجمى
تعب حرف الشوارع صاح
صباحك نام واتناسى
صباحك غاب عن الحفلة
سيرة جرتق التاريخ
عديلة الليلةفرح الروح
صباحك نى
شمس معناهو محبوسة
آهات فينى مدسوسة
اقول ابداك من الاول
وابعد من شقاى خجلك
اقول انساك واتحول
يفتح قلبى حس وجلك
واتدردر مداى مسنوح
ومفتوح فى خيال باكر
احبك انت دون الكل
احبك انت ابقى الضل
وافتحى شارع التاريخ على النيلين
وزغردى بكرة يبقى الصوت ملان نمة
سلامتك من غبار السم
ومن وجع المواعيد المطششة والنواح
اقول اكتب مواقيتك
وارسم فيها حس زجلى
واسامر ر ليالى الشوق
لحدى الفكرة ماتجلى
اشوف العين تفتح ماتغمض ليه
ومن غير شوقك انت بتدردر
وارحل من اساى ولهان
دحين البوح يجيك دغرى
ويكتب فى دروب حرفك بداية الشمس والهبة
نجوم بتضوى تتوهج
وتتمازج مع القمرة
براك تبقى المدى اليقرا
دروس الليلة والماضى
وبترصد زغاريدك
سيرة النيل بتكتب للحرف معناو
وترسل شوق عبور الروح
الى ملكة فراش الروح
ياسر زمراوى محمد عثمان
جامعة العلوم والتقانة
14\4\و 15\4\2008
الساعة 10 والساعة 11
|
Post: #2
Title: Re: مساحة الريد
Author: zumrawi
Date: 04-21-2008, 07:18 AM
Parent: #1
Upppppppp
|
Post: #3
Title: Re: مساحة الريد
Author: محمد المعتز
Date: 04-21-2008, 08:36 AM
Parent: #2
جميل جدا.............
ولي عودة الي النص لاحقاً........
|
Post: #4
Title: Re: مساحة الريد
Author: zumrawi
Date: 04-21-2008, 08:59 AM
Parent: #1
عزيزى محمد المعتز
مرحب بيك وفى انتظار عودتك
|
Post: #5
Title: Re: مساحة الريد
Author: zumrawi
Date: 04-23-2008, 08:28 AM
Parent: #1
Uppppppppppp
|
Post: #6
Title: Re: مساحة الريد
Author: فتحي البحيري
Date: 04-23-2008, 08:59 AM
Parent: #5
علي العرس انت خسارة على البلد الرضع ضرعها الغيلان
انت خسارة على الغنا ذاتو
وانا اقرأ يا صاحبي
فاكتب وغن واعشق
ومت حياة بداخل ما يعتريك
|
Post: #7
Title: Re: مساحة الريد
Author: zumrawi
Date: 04-23-2008, 03:27 PM
Parent: #1
عزيزى البحيرى
كلماتك لى اطربتنى وجعلتنى اخاف من الكبر
شكرا لمرورك وتشجيعك
ولنا ان نعيش حيواتنا داخل ذواتنا نحملها
مضاءا وشمسا لاهبة
|
Post: #8
Title: Re: مساحة الريد
Author: zumrawi
Date: 04-27-2008, 08:38 AM
Parent: #1
Upppppp
|
Post: #9
Title: Re: مساحة الريد
Author: zumrawi
Date: 05-23-2008, 05:24 PM
Parent: #1
فووووق
|
Post: #10
Title: Re: مساحة الريد
Author: هند محمد
Date: 05-23-2008, 05:45 PM
Parent: #1
ويازمراوى سكرنا من روعة حرفك
وبقراك.........
فى شجن السحابة
الشال
وأتوق لى ومضة
من حنك
لانو الكون بلاك
محال
واحس انك
سنى الايام
وكوكب بهجتى
القدال
وانك مبتدأ الاخر
وانك منتهى
الامال
يسلم احساسك الرائع وتسلم
|
Post: #11
Title: Re: مساحة الريد
Author: zumrawi
Date: 05-24-2008, 07:12 AM
Parent: #1
العزيزة هند
كلماتك هى التى اسكرتنى
انه لشدو شفاف وغناء ممطر
شكرا لمرورك
ولان كلماتى قد وجدت اثرا لديك
|
Post: #12
Title: Re: مساحة الريد
Author: zumrawi
Date: 05-25-2008, 11:46 AM
Parent: #1
فووووووق
|
Post: #13
Title: Re: مساحة الريد
Author: zumrawi
Date: 06-02-2008, 11:56 AM
Parent: #1
النهر الشاف محبوبتى
اتعاد
من اول نهر وسر للقيف
مداهو الموج
طفرة شارع
برمالو بريد ختم المشوار
الغيم مكتوب تقراهو الارض
بحبر سرى جيهة الحيرة
وين الخطوات ان شب خطر فيك ياام هيمة
متدارك البحر اليجى معديك
كنت الالفة فى الزمن المشيهو حجر
جات فى الضمة غير الاحس باقيك
يتوالف السم شجر الحروف النى
طربان سراح النيل مرق.
الا السكون ودر مشيهو من النهار
ياواقفة متطامنة السراب
وين ضحكتك والمد نسيج
لميتو من اثر الشموع
محروقة فى الحرف الضجيج
فرحانة من صوتك
غناك
رسلنى مصلوب الخرائط
كلهن
ياحنهن
وكتين يجن
فاردات ضفايرن للمؤانى
دايس المدن
غفل التراب
من جنهن
جرحك وصولك للسحاب
من غير مغاليق الشجن
وكت اليغنيك الغياب
برسم مثار الهم شروق
المعنى من حزنك اياب
محنانة فى الخاطر متاريس المصير
مصلوبة فيك
لحن الانين
ياصالحة
كت من شوقك انت بجيك
برسم مطور السر هواك
يافرحة الزمن الوشيك
|
|