Post: #1
Title: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور))))
Author: ALazhary2
Date: 04-19-2008, 04:58 PM
هذه الوجبة مهداة إلى العزابة المشردين في أصقاع الأرض (ربنا يرد غربتهمأو يزوجهم ثيبات وأبكارا)
وأخر حاجة التحلية
طبعاً الصور ليست من تصويري والشكر لأصحابها الذين وضعوها على الإنترنت
|
Post: #2
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ASHRAF TAHA
Date: 04-19-2008, 05:48 PM
Parent: #1
مبااااااااااالغة
أنا ختيتا screen saver يا رجل
|
Post: #3
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: amir jabir
Date: 04-19-2008, 06:11 PM
Parent: #2
والله يا الازهرى الله بحسابك  شنوا يا زول هسى دى ما وسيلة تعذيب نفسية
______________
لك التحية
|
Post: #7
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-20-2008, 05:53 AM
Parent: #3
العزيز أمير جابر
حبابك عشرة على الوجبة الدسمة .
عندي واحد صديقي رسلت ليها لصور دي قام قال لي ياخي صورك دي بتخرب علي الكي بوردوتخلي شكلي زي السعران لأني كل ماأشوفها ريالتي تسيل على الكي بورد .
مطرح مايسري يمري .
|
Post: #4
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: عمار عبدالله عبدالرحمن
Date: 04-19-2008, 06:19 PM
Parent: #2
الغربة جرستك عديل كده
لم شنطك وتعال
في حاجات كثيرة راجياك
|
Post: #8
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-20-2008, 05:54 AM
Parent: #4
الحبيب عمار
إنتا وين يازول ؟ مشيت السودان إجازة؟
ياحبيب والله الأندومي كتلتنا .
الشكية لي الله .
شكراً لمرورك الكريم .
|
Post: #6
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-20-2008, 05:49 AM
Parent: #2
العزيز أشرف طه
شرفت دعوة الغداء
بس لو إستعملت الصور screen saver حاتزيد المعاناة .
خليها صور في المستندات ولمن تحس بالجوع وتلاقي المطبخ فاضي(كان في مطبخ أصلاً) جيب ليك عيش وافتح الصور وأكل العيش وإنت بتعاين ليها .
|
Post: #5
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: Hassan Makkawi
Date: 04-19-2008, 06:34 PM
Parent: #1
و نلهف ان وردنا الكسرة لهفا و يلهف غيرنا فول أو سخينا
و تدمع أعينى في صحن رجلة..و تدمع أعين آخرين اذا أتينا
اعضعض فى الضلوع بناب فهد و بعضهم عض اليمينا
أهل المحاشي..نحن منهم..نهم بها و طبعا.... ما علينا
الرغيف فنون...والكساري جنون... فهل أنت منا أم علينا؟
هذة طبخات زوجة تملا الدنيا رنينا
هذة طبخات ام تملا الدنيا حنينا
أدام اللة عزك أزهري..هيجت فينا أشعبينا
(مرتجل)
|
Post: #9
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-20-2008, 05:57 AM
Parent: #5
العزيز حسن مكاوي
نورت الغداء بحضورك .
قصيدتك المرتجلة دي ذكرتني قصيدة:
الا هبي بحمضك فأكسيدنا/ ولا تبقي فلز الخارصينا
شكراً جزيلاً على مرورك الجميل .
وصحتين وعافية .
البوست دا بي صحانته الكتيرة دي كلو هضربة عزابي مالقى عشاْ ونام جعان
|
Post: #10
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: Motawakil Ali
Date: 04-20-2008, 06:04 AM
Parent: #9
Quote: و نلهف ان وردنا الكسرة لهفا و يلهف غيرنا فول أو سخينا
و تدمع أعينى في صحن رجلة..و تدمع أعين آخرين اذا أتينا
اعضعض فى الضلوع بناب فهد و بعضهم عض اليمينا
أهل المحاشي..نحن منهم..نهم بها و طبعا.... ما علينا
الرغيف فنون...والكساري جنون... فهل أنت منا أم علينا؟
هذة طبخات زوجة تملا الدنيا رنينا
هذة طبخات ام تملا الدنيا حنينا
أدام اللة عزك أزهري..هيجت فينا أشعبينا
|
أخي الأزهري
تحياتي
لا أحلى من تلك الأكلات خاصة (صحن الرجلة المسبك)
إلا هذه الأبيات الأشعبية التي جادت بها قريحة أخينا حسن مكاوي
ياخي سيلت لعابنا مع الصباح
|
Post: #11
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-20-2008, 06:38 AM
Parent: #10
الأستاذ الفاضل الحبيب متوكل علي
شرفتنا بحضورك الكريم .
قصيدة حسن مكاوي دي تستحق الطبع والتوزيع مجاناً على كل العزابة المشردين يبروزوها ويعلقوها قدام عيونهم والدموع أربعة أربعة.
سقانا الله وإياكم من يد الوصي شربة لا نظما بعدها أبداً .
تحياتي وتقديري
|
Post: #12
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: Hassan Makkawi
Date: 04-20-2008, 07:40 AM
Parent: #11
ابو الزهور
خليها الطبخ و التوزيع!!
|
Post: #13
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: العوض المسلمي
Date: 04-20-2008, 07:53 AM
Parent: #1
شكلك صائم وبتشهي يا ابو الزهور
ولا طالبنك مغصه تجهجهنا الجهجهه دي كلها
يا اخي حرام عليك
الرحمه يااااااخي
ارحموا من في الارض يرحمكم من في السماء
|
Post: #14
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-20-2008, 10:57 AM
Parent: #13
الحبيب العوض
أولاً حمد الله على السلامة وقدر ولطف وماتشوفوا شر بجاه الرسول الكريم .
ياخي نحنا العزابة المجهجهين إنتو قولوا الحمد لله .
نحنا كتلنا فول العلب والزبادي والأندومي .
وزي ماقلتا قبيل دي هضربة عزابي جاء من الشغل تعبان مالقى أكل في البيت ونام جعان .
|
Post: #15
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ناهد بشير الطيب
Date: 04-20-2008, 11:29 AM
Parent: #1
اخونا (الاندومى) الاصل الازهرى
والاخوه المجهجهين ....اقصد المتداخلين....
عادشوفوا بامانة كده.... المرة العملت ده كله بديها امتياز فى الطبخ
دى ماخلت حاجه يديها العافيه...كدى
شقيش ماتقبل........
الا بصراحة جهجهتنا نحن... خلى العزابه .......
انا عندى زكريات مع كل صحن من ديل
...وحتسأل عنها طبعا
اولا الرجله....
حشها ....مشخبت لى يدينى لى هسه...والعمليه دى بتتكرر اسبوعيا
الضلع ....تحميره بيطير الزيت فى الوش مباشرة...
اللحمه المحمره ....فقاعات فى اليد وعلامات بارزه
العصيده ...حنينه هى والرز .....
والباقى بجيك ليه راجعه....
اقعدوا عافيه
|
Post: #16
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-20-2008, 11:55 AM
Parent: #1
الأخت الكريمة ناهد
شرفتي الغداء ومرحب بطلتك البهية .
ست البيت العملت الاكل دا ربنا يديها العافية والناس الاكلوه ربنا يجعله صحة على أبدانهم . لكن زي ماقلتي جهجهتنا جهجهة السنين .
لي سنة تقريباً ما أكلت أكل سوداني . وفصيلة دمي بقت أندومي بالكاري .
والله ياناهد الطبيخ دا حاجة صعبة الله يعين الطباخين والطباخات .
تعرفي أنا ما بحب الطبيخ البايت البسخنوه من التلاجة وفي ملاحات أيام العز ماباكلها كلو كلو لو أموت زي ملاح البامبي مثلاً لكن هسع والله كان جابو لي ملاح قرع أكله المهم إنو ملاح (علاقتي مع القرع زي علاقة بوش مع طالبان)أو يدوني ملاح بايت ليه شهر ماعندي مشكلة .
راجين باقي حكايتك مع الطبيخ .
|
Post: #17
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: Hassan Makkawi
Date: 04-20-2008, 07:18 PM
Parent: #16
أبو الزهور راجل حريف
عاجبنى فيو رص الرغيف
عافص عديل للمصاريف
ايامو كلها بس خريف
جزلانو تقلان بالورق ما شايل هم التعاريف
ربك كريم فاتح عليو وراهو درب التصاريف
ست بيتو شدة تقول عريف
راصة الصحون زي الصريف
مكرونتو دييييك شوف لونة كيف؟
تلغف تقول الدنيا صيف
الرز مفرهد و البخار بي فوقو طيف
أبو الزهور راجل حريف
|
Post: #18
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: amir jabir
Date: 04-20-2008, 08:08 PM
Parent: #17
شباب تحياتى تانى والله نتقول شنوا دقسنا اتورضنا ماعرفين الله غالب
|
Post: #20
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-20-2008, 08:39 PM
Parent: #18
أمير جابر
البوست دا بكسر في العزابة ضلعة والبخش فيهو بكسر فيهو ركبة
تعرف أنا والله نفسي في صحن فول مستوي شديد ومضرضر فيه شطة وشمار وملح ومفتفت فيه ربع كيلو جبنة بيضاء(ربع كيلو كامل من جبنة الدويم) ومكبوب فيه(نص رطل كامل) زيت سمسم ومعاهو عيش حار وكباية بيبسي بالتلج .
الأكلة دي أحسن لي من وجبة غداء في أفخم مطعم فرنسي ولا إيطالي ولا صيني .
واشوقاً علي بلدي .
|
Post: #19
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-20-2008, 08:35 PM
Parent: #17
حسن مكاوي
Quote: جزلانو تقلان بالورق ما شايل هم التعاريف
ربك كريم فاتح عليو وراهو درب التصاريف
ست بيتو شدة تقول عريف
راصة الصحون زي الصريف |
والله الكلام دا كلو ماحاصل
لا الجزلان ملان ولا في ست بيت 
الله كريم .
|
Post: #21
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: مرتضي عباس
Date: 04-20-2008, 10:33 PM
Parent: #19
بالرغم انا شبعان و لكن عندما رايت الصور يا ابوالازهرى جوعت واخبرك سرا بان الغربه علمتني ان اطبخ كل هذا الوجبات ما عدا ام فتفت لا تعلم كم اشتاق ان اكل ام فتفت
اه يا الغربه اما الكسره و ام ريققه الفي الصوره انا شميت ريحتها و تسلم الايدي العملتها
|
Post: #24
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-21-2008, 09:47 PM
Parent: #21
العزيز مرتضى
شرفت الغداء ونورت السفرة .
أنا فشلت فشلاً ذريعاً في تعلم الطبخ
الله يخلي الزبادي (ياخي الإخترع الزبادي دا ماقصر معانا كلو كلو) .
بعدين أنا معاك في أكل الحاجات دي كلها إلا أم فتفت دي أنا غايتو برة العزومة .
|
Post: #22
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: طارق جبريل
Date: 04-20-2008, 10:49 PM
Parent: #1
والله ما عافي ليك
ياخي ريالتي جرت
|
Post: #25
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-21-2008, 09:54 PM
Parent: #22
الزميل العزيز طارق جبريل
ياهلا ومسهلا أسفرت وأنورت .
عشان أنا عارف البوست دا بخلي حاجات كدا تسيل جهزت ليكم المناديل
صحتين وعافية .
ومداخلتك دي ذكرتني نكتة :
قالوا في واحد عازم أصحابو على قعدة عبابير المهم لمن قرب وقت العشاء قدر مافتش مالقى ليه قروش يشتري بيها لحمة يحمرا للضيوف . المهم صاحبنا سيد العزومة دا كانت بايتة معاهو من يومين فقام سرق القرد حق جيرانه وضبحوا وحمروا للضيوف . قام واحد من الضيوف بعد ما أكل اللحم كله قال لي صاحبنا ياخي اللحم دا لذيذ جدا والله لمن طلعت في راسي . قام صاحبنا قال ليه : ياخي دا بطلع الشجر خلي راسك الصلعة الزي راس بكري دا .
|
Post: #23
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: قرشـــو
Date: 04-21-2008, 09:00 AM
Parent: #1
العزيز الازهرى
لك التحية والتقدير
قد لا تعلم كيف ان هذه الصور تثير الشجون
وقد لا تعلم ان هنالك اجيال من ابناءنا لم يرونها ولا يعرفونها
هل تصدق ان كم كبير من السودانيين فى الغربة اصبحوا يعتمدوا بصفة اساسية على وجبات البلد المضيف ( فى الخليج مثلا رز وكبسة ) وحتى مناسباتهم اصبحت تقدم فيها هذه الوجبات وحينما يغيروا يلجأوا الى الوجبات السريعة ....
يعنى بعض الناشئة لم يتذوقوا هذه الوجبات ابدا .....
هل تصدق ؟؟؟؟؟
وهذا ما يثير الشجون .....
انا شخصيا جعت عديل كده ياخى واشتهيت ولو كبدة الابل دى بس ياخى ....
يديك العافية واللقمة الدافية يا سيدى .....
|
Post: #27
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-22-2008, 10:24 AM
Parent: #23
الأخ العزيز قرشو
الغداء من غيرك مابينفعنا ياحبيب
تعرف ياقرشو أنا عشت عمري كله برة السودان إلا فترة بسيطة أيام الجامعة والدراسة . لكن الوالد الله يطول عمره كان كل نهاية اسبوع يعزم السودانيين في المدينة النحنا فيها على الغداء والعشاء وبتذكر تماماً فرحة أهلنا العزابة بهذه العزومات وكنت بستغرب لمن زول يجي من بعيد عشان الغداء ماكنت عارف إن حايجي علينا يوم نشتاق فيه للأكل السوداني بالدرجة دي .
أتذكر مرة مشينا السودان إجازة وحبوبتنا الله يرحمها عملت لينا ملاح نعيمية الملاح دا عجبنا أنا وأخواني الصغار بطريقة عجيبة(وماحصل أكلناه قبل كدا) . بس ماعرفنا أسمه شنو لكن عجبنا الطعم واللون . المهم بعد كم يوم كدا أخوي الصغير قال للوالد دايرين نمشي عن ناس حبوبة ناكل ملاح (بوهية) شفتا كيف عشان لون الملاح الغريب سماهو ملاح البوهية ولحدي هسع بعد ماكبرنا بنسميه ملاح البوهية .
حبوبتنا الله يرحمها كانت بتسوي للوالد ملاح ويكاب ( لاحول ولاقوة الا بالله دا حاجة ماعارف الناس بتاكلها كيف) حاجة عجيبة أظرف شئ إنو حبوبة زاتها بتسميه (ملاح الشواطين) عشان بعملوهو بالرماد
وبمناسبة أولاد المغرتبين دي مرة الوالد قاعد يتفرج في قناة السودان ومعاهو أختي الصغيرة(إتولدت برة السودان وعاشت عمرها كله برة السودان) المهم جابو في التلفزيون صورة (قطية) الوالد قام سألها قال ليها دي شنو ؟ فردت بكل ثقة وإطمئنان لصحة جوابها : دي (قفة) والله ياقرشو الوالد ضحك لمن قرب يشرق وكل مايجيه واحد من أصحابو يحكي ليه لمن البت إتعقدت) طبعا السؤال دا كان وهي كبيرة يعني في المتوسط . ذكرتني البت المغتربة السالوها قالو ليها بتعرفي الراعي ؟ قالت أي ليه مابعرفه دا موش الزول البسوق الغنم يفسحها .
تحياتي وتقديري وربنا يملاك عافية.
|
Post: #26
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: كمال عكود
Date: 04-21-2008, 09:57 PM
Parent: #1
صديقنا الازهري مساء الخير
مع أني ماني عزابي لكن صورك دي عجيبة قربت اقول للجماعة قوموا سووا لنا على الاقل جزء من الحاجات دي وإن كان الغداء اليوم كان فيه كسرة كاربة بثلج وشكله زي السبروق
دحين بتعرف السبروق يا حاج ازهري ؟؟؟؟؟؟؟؟
|
Post: #28
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-22-2008, 11:43 PM
Parent: #26
الأستاذ الزميل كمال عكود
مرحب بيك حبابك منور جيتنا وفيك ملامحنا.
العزوبية شينة أريتها حالة العدو .
ملاح السلج بعرفوا لكن السبروق مابعرفوا والله
يلا سم الله وكل على بركة الله مطرح مايسري يمري .
|
Post: #29
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: محمد خليل ساني
Date: 04-23-2008, 00:04 AM
Parent: #28
آآآآآآآآآآآآآآآآآآآآخ منك يا أبو الزهور ،،،
ورمتنا ورم ياااااخى ،،،
ده شنو ده اللى عملتوا فينا ،،،
والله الواحد رغم إنو تعشى (عشوه) كاربه إلا إنه جاع جوع شديييييييييييييد ،،،
بكره الأربعاء حأعمل حملة إستنفار شامله وسط الأسر السودانيه بالدوحه ،،،
والسبب معروف الخروج بوجبه دسمه زى اللى هلكتنا بيها دي ،،،
ولحدي الوقت داك أقوليك ،،، إتقى الله فينا ،،، وكتر من الصور العجيبه دى ،،، مع محبتي.
|
Post: #33
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-23-2008, 08:02 AM
Parent: #29
الحبيب محمد خليل
عشاء أمبارح ينفعك وغدانا دا مطرح مايسري يمري
بس المرة الجاية كان عزمناك غداء جيب لينا معاك ماردونا وبيليه وماتنسى رونالدينو أب سنون .
وكان ماردونا الحلبي مانفع معاهو غدانا ولا بيليه قال ليك جنس الغداء دا بقوم علي المعدة والمصران كفاية علينا ولدنا رونالدينو أب سنون أصلو بشبه أهلنا .
حبابك عشرة
|
Post: #30
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: أبوبكر طه
Date: 04-23-2008, 01:17 AM
Parent: #1
تسلم ياحبيب لكن انت من زمن العزابه بتاعين الفول والعدس والله بقينا ما فاكرين حتي في الحريم زي أكلك دا الواحد بيعملو دقه سريعه كده وهو مارق علي الشغل
وبالهنا والشفا
|
Post: #31
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: سيف النصر محي الدين محمد أحمد
Date: 04-23-2008, 02:13 AM
Parent: #30
و العيش ده اشمعنى خاتينو قدام البوني ؟؟
|
Post: #37
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-23-2008, 09:17 AM
Parent: #31
سيف النصر
ماشاء الله عليك ملاحظة مية مية
أرشحك للعمل في جهاز (البصاصين) " الإسم القديم لجهاز الأمن"
Quote:
و العيش ده اشمعنى خاتينو قدام البوني ؟؟ |
تتوقع يكونوا قاصدنها ؟
مرحب بيك نورت بوستنا وشرفت غدانا .
|
Post: #34
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-23-2008, 08:06 AM
Parent: #30
أبوبكر طه
يازول بطل حركات العزابة دي
هسع الله يسألك صحن رجلة زي الفوق دا بتعرف تعمله ؟
والله سواقة طيارتك دي أسهل من عمل الرجلة.
الله يملاك عافية ومشكور على تلبية الدعوة.
|
Post: #32
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: خالد العبيد
Date: 04-23-2008, 05:49 AM
Parent: #1
اها يالازهري يا خوي
اتفرجنا!!!
بعد ده اقع ياتو محيط ؟!!
الهندي ولا الهادي ؟!!
والله الاتنين جنبي!
اشتهيناها والله
كسرة وام رقيقة
|
Post: #38
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-23-2008, 09:21 AM
Parent: #32
الزميل الكريم خالد العبيد
أنا زاتي والله حالتي نفس حالتك يا أقع البحر الأحمر ولا الخليج الفارسي الإتنين جنبي
لكن ياحبيب الكلام دا نقوله نحنا العزابة إنتو المتزوجين المانعكم شنو؟
أستراليا مافيها ذرة عيش ولا مافيها ويكة؟
والله بي لحم خرفان استراليا السمح تعملوا أحلى أم رقيقة في ما وراء البحار .
حبابك عشرة وشرفت الغداء الله يشرف قدرك ياود العم .
تحياتي وتقديري
|
Post: #35
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: قرشـــو
Date: 04-23-2008, 08:31 AM
Parent: #1
الحبيب الازهرى 2
لك التحية والتجلة
والتحية للسيد والدكم الرجل الكريم الهميم الذى ما نسى عادة بلده وهذه عادة السودانيين فى كل اصقاع الدنيا (بالداخل والخارج) ان تكون بيوت الاسر هى مرفأ للعزابة لا سيما ايام الجمع فهو اليوم الذى يكون الناس فى اجازات ويستطيعون الاجتماع للغداء معا وهى مناسبة للاجتماع والانس وتفاكر وتبادل اخبار الوطن فهاهى الكسرة تصبح رمزا قويا للوطن وهاهو ملاح الفرك يبقى أقوى رابط بين اهل السودان فى اصقاع الارض ... والتحية للسيدة والدتكم التى تتحمل عناء الطبخ وتجهيز الوجبات ولا شك ان ذلك شاقا لا سيما فى الغربة فالوقت فيها ضيق ولا يتسع ويقينى انها لم تتبرم ولم تشتكى لانها ترى انها جمعت اهل وطنها وانها همزة وصل مهمة جدا فهى القاعدة للاجتماع والتجمع وهى تعود بذلك الى الوطن حيث المناسبات وحيث الخدمة الكثيرة وبطيب خاطر وفرح .... وتذكر لقمة فى بطن جائع اجرها مثل جبل أحد ...
لله دركم اخى الازهرى ورغم انك كما تفضلت ترعرت خارج الوطن ( لعلك شهادة عربية يعنى حنكوش) ولكنك تحتفظ بالثوابت فغيرك من ابناء الاغتراب لا يأكلون حتى هذه الاشياء وانا اراهم امامى هنا يهربون من وجبة الكسرة الى سندوتشات الهامبرجر ... فالبركة فيك وارجو ان تشب هكذا ممتلئا بحب وطنك حافظا لكل تراثه وان تزرع ذلك فى ابناءك من بعدك كما زرعها والديك فيك ....
حقيقة التلفزيون السودان تناسى هذه الشريحة الكبيرة (وهم يحسبوها ضئيلة) من ابناءنا المولودين فى الخارج والذين يعيشون هنالك فانت محظوظ إذ تمكن الوالدين من العودة بك ولرؤية شىء من وطنك ومعرفة شىء من تراثه ولكن البعض حتى اللغة العربية لا يعرفها ناهيك عن معرفة شىء عن تراثه وموروثاته وحقيقة المشكلة كبيرة جدا وقد يأتى يوم نجد سودانيين بالاسم فقط ولكنهم غير سودانيين بالمرة ....
شكرا ثانية لفتح هذه النافذة الجميلة المحببة لنا ونحن فى دياجير الغربة يملأؤنا الحنين للوطن الجميل ولكل شىء فيه ( شوق للشينه ولو صعبة )..
والله يديك العافية يا سيدى
|
Post: #36
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: عبدالله كع
Date: 04-23-2008, 09:06 AM
Parent: #1
ALazhary2
سلامات يامان
ياخي عمليتك ما اصليه ياحبا........
عليك الله ده كلام........شوف الروفايل حقي
الرجلة دي يامان بتعمل رجفه في المعد
ــــــــــــ
|
Post: #69
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-25-2008, 12:56 PM
Parent: #36
عبد الله كع
حبابك الف يازول
والله الرجلة دي من شدة مابحبها لو سألوني قالو لي هوايتك شنو أقول ليهم أكل الرجلة
أنا بحبها لمن العدس حقها يكون زائد ومابتكيف الا لمن تعمل لي حرقان
شفت كيف الحب الغريب دا.
شفتا بروفايلك ولقيتك من عشاق الرجلة .
ونعم الحبيبة والله
تعرف العرب أتلوموا مع الرجلة لوم شديد سموها (البقلة الحمقاء) شفت الحقارة دي كيف ؟
الرجلة قدامك ياحبة اكلها بي عيش ولا أعجنها بي صحن الكسرة الفوق داك .
ومطرح مايسري يمري
|
Post: #39
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-24-2008, 10:30 AM
Parent: #1
العزيز قرشو
ربنا يديك العافية على كلماتك الجميلة ونفسك الأخوي اللطيف .
ربنا يملاك ياعافية ياحبيب .
خالص الشكر والمودة والتقدير
|
Post: #40
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-24-2008, 10:45 AM
Parent: #1
فطور بسيط إنتو ناس بيت ماحانتكلف ليكم فول مصلح وطعمية وجك موية باردة :
صحنين فول عشان إنتو كتار
|
Post: #41
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: هويدا شرف الدين
Date: 04-24-2008, 11:49 AM
Parent: #40
بالرغم من إنو ماكلين هسع لكن بالجد جوعتنا تسلم علي البوست الجميل
|
Post: #43
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-24-2008, 09:21 PM
Parent: #41
هويدا شرف الدين مرحب بيك حبابك يابت العم .
شرفتي غدانا وصحتين وعافية .
|
Post: #42
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: Hassan Makkawi
Date: 04-24-2008, 08:29 PM
Parent: #40
يا جماعة أبو الزهور دة سبتو!!!
الطعمية دي فيها كمان سمسم
وصحن الفول الفوق دة
زايغ من زيت السمسم
بالغت ياخخخخ
|
Post: #44
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: amir jabir
Date: 04-25-2008, 10:28 AM
Parent: #42
| Quote: البوست دا بكسر في العزابة ضلعة والبخش فيهو بكسر فيهو ركبة |
الزهور سلامات الغريبة انا ما عزبى لكن الاغنية بتقول بنحب من بلدنا وبنعرس من بره البلد ده المشكلة يعنى الواحد كمل ربع الدين كدة
Quote: تعرف أنا والله نفسي في صحن فول مستوي شديد ومضرضر فيه شطة وشمار وملح ومفتفت فيه ربع كيلو جبنة بيضاء(ربع كيلو كامل من جبنة الدويم) ومكبوب فيه(نص رطل كامل) زيت سمسم ومعاهو عيش حار وكباية بيبسي بالتلج .
الأكلة دي أحسن لي من وجبة غداء في أفخم مطعم فرنسي ولا إيطالي ولا صيني .
واشوقاً علي بلدي . |
وغايتو شغلك دة حقاره عديل كدة وشحتفه وتعزيب رسمى
-------------------------------------------------------------
القى عندك صورة ((تركين)) ((ملاح كول)) خوك عفن جدا
|
Post: #45
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-25-2008, 10:43 AM
Parent: #1
أمير وحسن مكاوي
الصينية دي ليكم إنتو الإتنين بس بالله أمسحو لينا الصحانة مادايرين نلاقي نقظة زيت في الصينية.
أمير والله التركين بعرفوا لكن مابحبه ولو جبناهو ريحته بتمسخ على الناس الأكل .
ملاح الكول سمعتا بيهو سماع لكن ماشفتو .
ياخي البوست دا للعزابة لكن الناس المتزوجين ملوهوا علينا ماأدونا فرصة زاتو .
بالهنا والعافية
|
Post: #46
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-25-2008, 10:47 AM
Parent: #1
الماداير يأكل ونفسو يشرب شاي بي لبن مع لقيمات يجيب كباية الشاي حقتو ويجي معانا جنب اللقيمات المردوم دا .
|
Post: #47
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-25-2008, 10:49 AM
Parent: #46
الصحن دا حقي أنا براي النعيمية دي مابدي زول معاي كلو كلو .
لكن ياخي الصحن دا جابوهو من وين مكرفس ومطقع ومكعوج كدا ؟
لكن برضو باكلها براي :
ألنعيمية دي أسمح أختراع بعد الإنترنت
|
Post: #48
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-25-2008, 10:52 AM
Parent: #1
الطربيزة دي هدية لي حسن مكاوي بس أدوني منها صحن اللقمة الفي النص وحلة الملاح الفوق
|
Post: #50
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-25-2008, 10:56 AM
Parent: #48
عشان نرضي أذواق الجميع :
دي ساندويتشات وكيك وكرواسون وجاتوه من ((((أوزون)))) للعزابة الحناكيش المابعجبهم أكلنا.
شيلو زي مادايرين والحساب علي بخصمه من قروش انا مسلفها لي أسامة داواد أدينها مني قبل سنة كدا ومارجعها
|
Post: #51
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-25-2008, 10:58 AM
Parent: #50
مانسينا الضيوف ناس ادروب العندهم الجبنة أهم من الأكل :
إتفضلوا دبايوا
|
Post: #52
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-25-2008, 11:00 AM
Parent: #51
شايف الضيوف كترو قمنا كلمنا ناس جيرانا مدو لينا بالحيطة الصينية دي (أريتها صينية السرور)
|
Post: #49
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ناهد بشير الطيب
Date: 04-25-2008, 10:52 AM
Parent: #1
شنو يعنى .........   
.جمعه مبروكه.. كدي نركع ونجي........
|
Post: #53
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-25-2008, 11:03 AM
Parent: #49
ناهد جمعتك مباركة وربنا يتقبل
لكن والله أعوج منكن تجو فاضيات ماشايلات معاكن عمودأكل مقاس ستة ادوار .
|
Post: #54
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ناهد بشير الطيب
Date: 04-25-2008, 11:11 AM
Parent: #53
| Quote: لكن والله أعوج منكن تجو فاضيات ماشايلات معاكن عمودأكل مقاس ستة ادوار |
عمودي .... جببته ...جنبي
بدورلي حبه كمونيه منكم......ومحشي...ورجله...
|
Post: #55
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: عمران حسن صالح
Date: 04-25-2008, 11:14 AM
Parent: #49
ناهد الجميلة ........
لكـ كثير من الود ...
أنا طبعاً (متعود) على المناظر دي باعتباري من (غير العزَابة) .....
بس عاد كمان (ما قدر ده) ...!!!
يعني دي ميزانية (شهر) كده ... وكمية الصحون دي من (الضحية للضحية !!!)
سؤالي /:
وزن (سي السيد كم ) ؟؟؟؟؟؟؟؟؟
يوم (بروح فيها ) من وجباتكـ دي
تسلمي للطبخ الشكلو رائع ... (الطعم علمو عند الله) !!!!!!!
|
Post: #61
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ناهد بشير الطيب
Date: 04-25-2008, 12:06 PM
Parent: #55
عمران ياخوى
وزنه ذائد اكيييييييييييييد......
غايتوا بدفعوه وزن ذائد كده فى حدود 2 3 الف ريال ناس سودانير
عمران....
7 طبايخ والطعم رائع ....حتى اسأل ازهرى
|
Post: #56
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-25-2008, 11:23 AM
Parent: #1
ههههههه
كمان
بدال ماتجيبي لينا دايرة تشيلي مننا ؟
حبابك عشرة أغرفي الدايراهو كله بس خلي لي ملاح النعيمية .
|
Post: #57
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-25-2008, 11:29 AM
Parent: #56
في زول داير دمعة بي قراصة
|
Post: #63
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ناهد بشير الطيب
Date: 04-25-2008, 12:17 PM
Parent: #56
Quote: بدال ماتجيبي لينا دايرة تشيلي مننا ؟
|
ازهرى
الدنيا اخر شهر وكده... ....والماهيه خلاص ببح.....
يااحتل هنا فى بوستك ده... واغرف ....يا كمان
اقوم ابارى ...الاعراس والبكيات ...والكرامات....
صحن النعيميه ختفتوا بتى .....قبيل ...ولحسته وانتهت ليك من ابو امه....الحق الطعميه....
عمران قافل عليها ...............
|
Post: #64
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-25-2008, 12:23 PM
Parent: #63
ناهد
لا والله مابنرضى ليك الحوامة في الحر دا .
هو زاتها مشية بيوت البكيات والعرس قالوا بقت ماهينة والنسوان بشيلن ليها هم كبير لازم التوب يكون جديد والشبط جديد والحنة لازم رسمتها تكون من رسوم سلفادور دالي ولا بيكاسو .
كل يوم جيبي صحنك وعمودك وأغرفي ليك وللجيران .
وبنيتك ملاح النعيمية ينفعها ومطرح مايسري يمري .
عمران دا شكلو ما أكال حلال عليهو حبة ولا حبتين طعمية .
|
Post: #58
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: unixo
Date: 04-25-2008, 11:34 AM
Parent: #1
الازهري اخوي
ربنا يسامحك .. لكن العملتها دى مافي زول سبقك عليها
|
Post: #59
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-25-2008, 11:57 AM
Parent: #58
unixo
شرفتنا ياحبيب يازميل في أعظم جامعة وأعظم منبر .
طبعاًإنتا زول سينير سينير سينير سينير ... ألخ سينيرنا في الجامعة.
لكن برضوا في النهاية زميل في الجامعة أم نخيل .
مرحب بيك حبابك .
Quote: الازهري اخوي
ربنا يسامحك .. لكن العملتها دى مافي زول سبقك عليها |
نسوي شنو يازميل دي جوعة عزابي مغترب فطوره شاي بي بسكويت وعشاه زبادي وغداه أندومي .
|
Post: #60
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-25-2008, 12:00 PM
Parent: #1
الحقو الشية واللحمة المحمرة (خروف كامل) الخواجية ام عيونن صغار دي ماتكملها عليكم.
تصدق ياامير جابر وانا بنزل في الصورة ريحة الشي ملت علي الاوضة .
|
Post: #62
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-25-2008, 12:14 PM
Parent: #1
حسين مكاوي
داير الفول المصلح حق أهلنا الغبش دا
ولا داير فول الحناكيش دا
|
Post: #65
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-25-2008, 12:39 PM
Parent: #1
ياجماعة الحقونا ناهد ماصدقت كشكشرنا ليها قامت خمت ملاحنا وعصيدتنا في عمودها وماشة بيهو
|
Post: #66
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-25-2008, 12:41 PM
Parent: #65
الناس البحبو السمك المحمر مع شطةبي ليمون كاربة جبناهو ليهم مخصوص من الموردة
|
Post: #67
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-25-2008, 12:43 PM
Parent: #66
الداير مرارة ياكل مرارة
|
Post: #68
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-25-2008, 12:47 PM
Parent: #67
وبعدين لمن تكونوا ماشين أنا كلمت بتاع البتيخ (البطيخ) دا إنو يدي كل زول فيكم بطيخة يشيلها معاهو بيتهم والحساب علي بدفع ليهو لمن أسامة داواد يرجع لي القروش المستلفها مني
على طاري البتيخ قالوا في إمام جامع ودهو قرية ماكان فيها مسجد فقام خطب فيهم يوم الجمعة عن حديث من كان عنده فضل ظهر فليعد به على من لاظهر له ومن كان عنده فضل زاد فليعد به على من لا زاد له . المهم بعد الصلاة الإمام طلع من الجامع لقى ليه بتاع بطيخ فقام اشتري ليه بتيختين ومشى على بيته . قام شافوا ليك زول لايوق من الناس الصلو معاهو قام مشى وراهو وقعد يقول ليه من كان عنده فضل زاد فليعد به على من لازاد له . قام الامام زهج واداهو بتيخة وقال ليه هاك ان شاء الله ماتنفعك والله ينعل ابو البعلمكم حاجة زاتو
|
Post: #70
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ناهد بشير الطيب
Date: 04-25-2008, 12:56 PM
Parent: #1
خاف الله فينا .....الجمعه الفاتت برضو جهجهتنا كده...لاعرفنا نطبخ
لا لقينا صورك دى اتصبرنا بيها.........ا
حالتك صعبه خلاص انت....بقت
اسمع ياازهرى ياخوى
حجزت ليك تذكرة للسودان ....قوم الاحد تذكرتك تلقاها فى وكالة الطيار ....
حولت ليك على حسابك فى بنك الراجحى حق الكمونيه والشيه والعصيده ....
حسابك ....مش 3 صحانات وكبسه.......اقصد 3 سبعات وخمسه (7775)
|
Post: #72
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-25-2008, 01:00 PM
Parent: #70
ناهد الله يسألك الحالته صعبة منو فينا ؟
أنا العزابي المابعرف أطبخ ولا إنتي البي مطبخك وحللك ومفراكاتك وكمشك وحاتلة معانا بي جاي
وياريت كان حاتلة وبس لا كمان من شناة الطبع جايبة ليك عمود وخامة أكل العزابة وماشة ؟
كدي بدال ماتعبي نفسك وتقطعي لي تذكرة وترسلي لي على الحساب قومي أعمل ليك حلة نعيمية كاربة وختيها في الفريزر ولمن تجمد رسليها لي بالدي أتش أل ويكون كتر خيرك وماقصرتي ونردها لي في عرس اولادك
|
Post: #73
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-25-2008, 01:04 PM
Parent: #72
الداير لالوب ياكل لالوب
الداير نبق ياكل نبق
الداير عرديب ياكل عرديب
ماعارف الكلام دا ذكرني حسني مبارك ليه يمكن عشان الكلام كان في لقاء صحفي واحد ايام علاقته مع ناس الحكومة كعبة .
قال في إجابة على سؤال :
كل بلد وليها سياسة إلي عاوز ياكل ملوخية ياكل ملوخية والي عاوز ياكل بامية ياكل بامية
وفي النهاية في مذيعة سمحة سماحة البنيات لي حدهن سألتو وهي بترجع في خصل الشعر الماخمج لي وراء كدا: ياسيادة الرئيس السودان بيقول إن مصر باعت أضية(قضية) فلسطين إية رأي سيادتك في الكلام دا؟
فرد مبارك بكل بساطة :
طيب مايروحو يشتروها هوما
|
Post: #78
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ناهد بشير الطيب
Date: 04-25-2008, 01:23 PM
Parent: #72
ياازهرى
الجمعه دى باقى ليها كم ساعه ونخلص....من الصحانه ..اقصد من الفيلم ده...
وترجع بكره لى اندوميك بكره ونرتاح.....
كمشتى ومفراكتى ...وحلتى ...قااااااااااااااااعدات
علا قفلت باب المطبخ ....طبلته ....وشلت المفتاح وجدعته بالبلكونه فى الشارع ....
كرهت المطبخ وسنينه (يااااربى كم سنهوانا فى المطبخ ده ...كم سنة ....يبقالى 16) لا خلاص كفانى
اها عبيت لى العمود ...مادايرة معاك نقه كتيره ......
كتر لى من الشطه بالدكوه ....افتح بيها نفسى شويه .....
وطبعا وحيث انه المفتاح رايح بتاع المطبخ .....فمافى طريقه ابدا لى حلةنعيمية
قال دى اتش ال ...قال ....
كان سويتها ورسلتها ليك ناس الدى اتش ال ...بيوزنوا لى الكيلو بى كم....
جمعه مبااااااااااااااااااااااااااااااااااركه
|
Post: #79
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-25-2008, 01:30 PM
Parent: #78
ناهد إنتي بس سوي الحلة وحق الوزن علي إن شاء الله كان أبيع اللاب توب الشاريهو بالأقساط .
عمود شنو تاني كدي أرجعي فوق وشوفي العمود الخميتي فيهو اكلنا ومشيتي الظاهر فطيتي الرد الفيهو العمود.
بعدين ممكن تسوي حلة الملاح في بيت جيرانكم الجار للجار برضو وأهلنا فيهم الخير .
|
Post: #71
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: unixo
Date: 04-25-2008, 12:58 PM
Parent: #1
اللزهري اخوي
انت نسيت انه في يوم قيامة ويوم حساب
البتسوى فيهو دا والله غلط
يا اخي لو داير تدق راسك في الحيطة دقو
لكن في داعي تخلي الواحد يفتح التلاجة ويجدع
الهوت دوق..المسترد...الكتشب..المايونييز..
الروست بييف..الجكن بريست..اللتس...
|
Post: #74
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-25-2008, 01:11 PM
Parent: #71
الزميل unixo
بختك إنت التلاجتك فيها هوت دوق وماسترد ومايونيز وروست بيف .
تلاجة اخوك الأزهري مافيها غير زبادي وجك موية وتفاحة مضبلنة كدا أظن ليها شهر في التلاجة .
مالي حق أهضرب عليك الله ؟
قالوا في واحد مسطول فتح التلاجة شاف الجلي برجف : قال ليه ياخي ماتخاف أنا داير اشرب بس
برضو قال ليك واحد مسطول شاف جدو شايل ليه ملعقة داير ياكل ليهو جلي : قام قال ليه ياجدي ياخ إنتا ترجف والجلي يرجف جننتو الملعقة جن .
|
Post: #75
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: unixo
Date: 04-25-2008, 01:17 PM
Parent: #1
عندى ليك اقتراح يا اللزهرى
وسع على التلاجة.. خت فيها الهدوم علشان الصباح تلقاها باااااااردة
|
Post: #76
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-25-2008, 01:20 PM
Parent: #75
والله مع الحر الإحنا فيهو دا (هجيراً يقلي الحبة) إقتراحك دا سمح بالحيل.
بس المشكلة الهدوم بتتكرفس وحق كوي الهدوم دا بجيب لي زبادي حق إسبوع
|
Post: #77
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: NGABY AJOOZ
Date: 04-25-2008, 01:22 PM
Parent: #1
والله العظيم انت الازهري رقم واحد
بس خلي لي الكسرة بالرجلة دي اكلتي المفضلة والله لمن شفتها لمن ريقي نشف
تشكر يازوق ويديك العافية
|
Post: #84
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-25-2008, 03:10 PM
Parent: #77
الله يعافيك يانقابي عجوز
شرفتنا بي قبول العزومة.
الرجلة بحجزا ليك كان ماعبد الله كع كملا .
الأكل دا كله حلال عليك انا باقي ماعندي فيه كبير غرض بعد ما بنية ناهد اكلت النعيمية حقتي (تنفعها ان شاء الله) .
حبابك الف
|
Post: #80
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-25-2008, 02:46 PM
Parent: #1
العاوز كبدة ياكل كبدة ولو داير يكب الزيت حقها في صحن الفول مافي مانع كمان الحالة واحدة
|
Post: #81
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-25-2008, 03:01 PM
Parent: #1
|
Post: #82
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-25-2008, 03:04 PM
Parent: #81
قرع كارب أعجنوهوا بالكسرة الفوق
ياناهد دا قرع ولا بطاطس أنا عيوني طششن من الجوع لكن إظنو قرع
|
Post: #83
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-25-2008, 03:06 PM
Parent: #82
ياعامر جابر
قبيل سألتني من التركين قلت ليك مابحبه هاك الصينية دي مخصوص ليك وفيها فسيخ كمان إنتهي منها قبال ماناهد تجيك بي عمودها .
|
Post: #85
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ناهد بشير الطيب
Date: 04-25-2008, 03:26 PM
Parent: #1
هممممم .....همممممممم.....همممممممممممممم
همممممممممممممممممممممم...
|
Post: #86
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-25-2008, 03:46 PM
Parent: #85
ناهد عليك الله فضلي لي عامر دا لقمة فسيخ .
عامر لكن حصانك طلع ماجراي .
|
Post: #87
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: saber alhawatti
Date: 04-25-2008, 10:05 PM
Parent: #86
الأزهرى أنا جيتك بى جاى ماحصلت الغدا
قلت إمكن أحصل العشاء بالفول الكارب والمصلح
وكمان مزين بالبيض المسلوق والقصة دى جميلة عشان الواحد
مايقوم يآكل صفار البيض بخاف من الكولسترول ـ غايتو أنا نفسى دخلت فى صحن الرجله
وعمود حاطب ليل لدكتور البونى ( كينيا كوستى نفر ) الخاتين عليه صحن العيش
|
Post: #88
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-25-2008, 10:10 PM
Parent: #1
مرحب بيك ياصابر
شرفت غدانا وجيت متاخر بعد ماناهد أكلت اكلنا وشالت الباقي في عمود.
لكن جيتك غالية علينا وحرّم ماتطلع قبال ماتشرب الجبنة البي هبهانه.
وباكر تعال لنا بدري في غدوة كاربة .
|
Post: #89
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: saber alhawatti
Date: 04-25-2008, 10:28 PM
Parent: #88
الأزهرى الجبنه وينوا بخورها .... أنا كييف للطيش ؟؟؟
|
Post: #91
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ناهد بشير الطيب
Date: 04-26-2008, 00:44 AM
Parent: #88
| Quote: .وباكر تعال لنا بدري في غدوة كاربة . |
:D
ياتو غدوة ......الاندومى ......
ازهرى
فرغ لى حللى .....ماشة خلاص
تاكلوا وتنكروا
|
Post: #90
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-25-2008, 10:41 PM
Parent: #1
ياصابر خفنا نجيب البخور مع الجبنة إنذار الحريق يضرب وبورد بكري دا يغرق بالمويةويزعل علينا يحلقنا أمات طه .
كدي أشربا المرة دي بدون بخور مع ريحة الكمونية والفسيخ الفوق ديل .
|
Post: #92
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: saber alhawatti
Date: 04-26-2008, 05:40 PM
Parent: #90
الأزهرى إنتظرت غداك ــ الساعه كم هسه ــ كان تقول لى إنت صايم السبت الأخدر!!!!!
|
Post: #93
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: محمد عثمان الحاج
Date: 04-26-2008, 06:36 PM
Parent: #92
كمشرد لم ير السودان منذ أكثر من عشرين عاما وكعزابي محكوم عليه بالعزوبية الدائمة ويكره الطبيخ لدرجة أنه يطبخ مرة واحدة في الاسبوع أقول ليك ياخي صورك دي بوظت اعصابنا!
|
Post: #94
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-27-2008, 01:46 PM
Parent: #1
الأخ محمد عثمان
تحياتي وتقديري وشرفت بيتنا .
وكلنا أعصابنا باظت .
الشكية لي الله
الله يملاك عافية ياحبيب
|
Post: #95
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-27-2008, 01:53 PM
Parent: #1
صابر اليوم داك يوم عزمناك غداء قومي ياناهد خشي المطبخ حقناونحنا ماجايبين خبر وشيلي الغداء كله زي ماهو في عمودين وبستلة وإتخارجت خلتنا متحيرين (رغيفة ساكت ماخلتها لينا ناكلها على ريحة الاكل).
لكن الليلة عشاك عندنا خمسة كيلو سمك محمر وفول وحاجات سمحة .
بالعافية
|
Post: #96
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-28-2008, 00:30 AM
Parent: #1
شدينا ليكم قدرة الفول من نص الليل كل زول يجيب صحن الفطور حقو ويغرف والعيش من عندكم.
وممكن كمان أخونا الفي الصورة دي يصلحه ليكم ويكب ليكم زيت سمسم من الكيس المليان الفي التربيزة دا .
|
Post: #97
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-28-2008, 03:25 PM
Parent: #1
خلو الصينية دي مغتية كدا وكل زول يتخيل إنو فيها الاكلة البيحبها.
|
Post: #98
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-28-2008, 09:46 PM
Parent: #1
ناهد بالله الصينية دي هدية لي بنيتك ربنا يحفظها بس أهم حاجة تصرف نظر عن صحن النعيمية حقي.
|
Post: #99
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ناهد بشير الطيب
Date: 04-28-2008, 10:06 PM
Parent: #1
ازهرى
صابر حيقفل بيته...... وتانى قال بيحتل هنا .....وانا كمان كلمت ابونا
يوفر قريشاته عليه ......ونعبى من عندك عواميدنا ونمرق..... واهو برضو
زيتنا فى فولنا اقصد بيتنا .......
وكل اندومى وانت بخير
غريبه الليلة الاتنين.... تبدا لينا الجهجهه من هسه....
مامواعيدها يوم الجمعه..... قبل الصلاة.......
|
Post: #100
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-28-2008, 10:17 PM
Parent: #99
الظاهر العواميد دي حاتفلس بي
قالو ياناهد في زول أكال شديد وجنو يمشي بيوت الأعراس عشان يتعشى مجان المهم يابت العم قالوا مرة مشى حفلة في نمرة اتنين والعشاء كان حاجة خمسة نجوم قام صاحبنا دا اكل لمن ماقدر يمشي وجو أولاده شالوه بي نقالة . المهم وهو شايلنو ومارقين بيه من بيت العرس شاف ليه زول أولاده بدردقو فيه بالأرض زي البرميل قام وقف وقال بحسرة : أأأألله ديل الناس الحضروها من الأول
شفتي بالله الزول دا شرفان كيف؟
بالله ياكافي البلاء البوست دا كل الناس الجو فيه مافي زول جا شايل ليه ترمس شاي ولا جك عصير ولا كيس برتقان ولا كيلو موز .
|
Post: #101
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ناهد بشير الطيب
Date: 04-28-2008, 10:30 PM
Parent: #100
Quote: بالله ياكافي البلاء البوست دا كل الناس الجو فيه
مافي زول جا شايل ليه ترمس شاي ولا جك عصير ولا كيس برتقان ولا كيلو موز . |
وهو بوست زى ده.... مدفوس دفس الجن كده ....
البجيبنا شايلين شنو...............هو صابر جاى للقهوة
انا عن نفسى جاية اغرف للعشاء................وماشه .......
ابدا من وين....تفتكر من المغتى ده ؟؟؟
|
Post: #102
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-28-2008, 10:36 PM
Parent: #101
هو نحنا غتيناهو من ناس العواميد مخصوص يقوم ناس العواميد يجو أول ناس يغرفوا منه؟
مشكلة كبيرة.
إتذكرت نكتة حصلت معاي ياناهد عندنا زميلنا أروش رواشة غريبة جداً وأشتر وبمشي متجدع كدا كل يد ورجل في مكان .
المهم يوم فتح الدرج حق مكتبي لقاهو كله مليان مناديل ورق قام قال لي إنتا حرامي مناديل ولا هوايتك جمع المناديل ؟ المناديل دي كلها لاميها لشنو ؟ قمت قلتا ليه والله ربنا يشهد مالميتا الا عشانك انتا . وفعلا ماتميت كلامي إلا قام وهو ماشي لف بي سرعة وكشح لي كباية الشاي في تربيزة المكتب
أها هسع نحنا الصينية دي غتيناها من الناس العملو البوست حقنا دا سبيل يجو ويغرفوا منه بالغدو والآصال . وقامو الناس ديل جو اول ناس دايرين يشيلو الطبق من الصينية؟
|
Post: #136
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: محمد الطيب حسن
Date: 05-22-2008, 12:53 PM
Parent: #100
ازهري
منك لله
|
Post: #103
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ناهد بشير الطيب
Date: 04-28-2008, 10:54 PM
Parent: #1
حلوووووووه
[B]كدى زحى لى شويه اللخش لاجوه...
زحيت ؟؟
جيب اضانك
ناس البلدية واقفين خشم باب البوست ده .....
قالوا دايرين يشيكوا على الحلل والصحانه والاكلات دى اها
ارجع اقول ليهم انت مافى .....
ولا ادخلهم .........؟
|
Post: #104
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-28-2008, 11:01 PM
Parent: #103
ناس بلدية في نص الليل؟
أريتها بلدية السرور الخايفة على صحة المواطنين وموظفنها بلفو أنصاص الليالي على محلات الاكل.
دي قطع شك مابلدية الخرطوم . تكون بلدية دبي دار الحي ياربي؟
في كل الاحوال صحانتنا وحللنا نضيفة وأكلنا نضيف وكان جاتنا مصيبة بتجينا من صحن ملاح النعيمية المكعوج فوق داك.
|
Post: #105
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ناهد بشير الطيب
Date: 04-28-2008, 11:22 PM
Parent: #104
Quote: .في كل الاحوال صحانتنا وحللنا نضيفة وأكلنا نضيف
وكان جاتنا مصيبة بتجينا من صحن ملاح النعيمية المكعوج فوق داك |
لمن دخلوا شيكوا .....وجوا مارقين برة فى البرنده سألتهم
ياخوانا مالكم ماشييين كده ساكت مالقيتوا شىء هنا ...
اكل بايت ...ضبان حايم ...عمال وسخانين...تصريح ممنتهى
هزوا راسهم.....(ومافهمت)
سالتهم ... دايرين طيب شنو
قالوا لى
وينو سيد البوست ده خليه يخت لينا العشاء ده
جايين جعانين نازلين هسى من بص بورتسودان
|
Post: #106
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-29-2008, 06:03 AM
Parent: #105
ياناهد قولي ليهم مافي أي طريقة للعشاء عندنا لانو لو عشيتهم بتكون دي رشوة ولعن الله الراشي والمرتشي .
بعدين دا نظام البلدية الموحد زي الشرطة الموحدة ولا كيف؟
ولا المطعم بتاعي دا بقى مشهور لحدي ماسمعته وصلت بلدية بورسودان شنو؟
مافي إختصاص بلدي ؟
بعدين كمان نعمل حسابنا ممكن دا يكون كمين ؟
أهم حاجة ماشافو الكفتيرة حقتي البعمل فيها الأندومي كان شمعوا لينا مطعمنا.
|
Post: #107
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ناهد بشير الطيب
Date: 04-29-2008, 06:33 AM
Parent: #1
[B]يطرشنى ماسمعت لى يوم بكفتيرة اندومى
ستات الشاى (يديهن الف عافيه)كفتيراتهن يشهن الشاى
وبعد ده البلديه مامريحاهن......
كفتيرتك دى جيب لى سلك ناعم اكرشها ليك جوة وبرة
لا ملينه لا تعريفه.....
بشتغل ليك بس .....مقابل اعبى عمود الوليدات وابوهم ......
اها قصرت معاك
|
Post: #108
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-29-2008, 11:48 AM
Parent: #107
ناهد الكفتيرة دي مهما دعكناها مابتنضف لانو بنطبخ فيها على الفحم المهم إنها نضيفة من جوة من برة مامشكلة.
بعدين لعلمك أندومي الكفتيرة دا أسمح اندومي في العالم لأنو بخليك تأكلي بي مزاج زي مزاج الشاي .
دا غداكم الليلة :
بس الدمعة دي صفي منها الزيت كان أكلتوها كدا الكلسترول بلحقكم أمات طه .
ودي كورية شوربة جداد بالدكوة والليمون مخصوص هدية لي أخونا صابر الفراعي .
ودي التحلية حقتكم بطيخ بارد وعسل بس .
صحتين وعافية
|
Post: #109
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-29-2008, 08:28 PM
Parent: #1
الغداء كان دسم شوية عشان كدا العشاء حايكون بس كباية شاي مع فطير ( الفطير المرشوش فيهو سكر الببعملوه في الاعراس دا أسمح من أي بسكويت في العالم)
كل زول يشيل كباية وفطيرة واحدة بس (والكلام ليك يالإتعودت تجي بي عواميدك)
|
Post: #110
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: saber alhawatti
Date: 04-29-2008, 10:17 PM
Parent: #109
الأزهرى كفتيرك الخايف عليها وإنت ماخايف علينا
هاك بى إندوميها شيلها وشيل معاك ......
ماتقول لى تمام التمام العشا
وقصة العشا الخفيف دى خوف من العين والحسد
من الجماعه السال لعابهم ديل
ولا ذى موضوع المصريين
تتعشى معانا ولا تنام خفيف ؟؟؟؟
تبات معانا ولا اللكونده اريح ؟؟؟؟
|
Post: #111
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-30-2008, 07:29 AM
Parent: #1
ياصابر
بالله المصريين بقولوا للضيف تتعشى ولا تنام خفيف؟
الكلام دا جد ولا إشاعة الناس مطلعينها في المصريين؟
كان الكلام دا جد إتلوموا والله .
المهم ياحبيب أشرب معانا شاي الصباح بالفطير الفوق (فطور خفيف) .
بعدين ياصبري بيني وبينك أنا من أمبارح متكبكب كبكبة السنين . يازول لقيت بكري أبصلعة سيد الحوش خاتي ليه موضوع فوق في المواضيع المختارة في المنبر عن جامعة القاهرة فرع .
قلت لنفسي ياولد يا أبو الزهور كان بكري دا طلع فراعي وشاف لماضتي مع ناس الفرع في بوست جامعة الخرطوم وفي البوست حق صبري بلحق الباسورد حقي أمات طه أو يختني في مخو واول عترة مني الاقي نفسي في السهلة .
تاني رجعت وفكرت قلت أنا عندي واسطة تقيلة بين الفراعة (ناهد ) و(صابر) .
|
Post: #112
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-30-2008, 03:47 PM
Parent: #1
صحن لي زول واحد
|
Post: #113
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: saber alhawatti
Date: 04-30-2008, 04:00 PM
Parent: #112
أبوالزهور ــ أظهر وبان عليك الأمان
صدقنى بكرى أول مايشوف ليك حلل ناهد وكفتيرتك حقت الإندومى دى
والبوفيه المفتوح ( السبيل ) حيعرف طوالى إنك فاعل خيــر
وأمورك حتمشى بدون واسطه ؟؟؟؟؟
حسه كدى تعال وأضرب معانا شاى لبن مقنن( الحله المقننه من ناهد)
باللقيمات مع المغارب ؟؟؟؟
|
Post: #114
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 04-30-2008, 09:23 PM
Parent: #113
صابر وينو اللقيمات حقك ؟ وينو الشاي المقنن؟
هو الحكاية كلام ساكت؟
نستحضر صورة اللقيمات وكباية الشاي المقنن في راسنا خيالنا؟
بعدين بكري دا أمشي شوف البروفايل حقو ماخلى ليه أكلة في الواطة ماكتب إنو بحبها
إنت قايل الصلعة دي جات ساكت ؟
تعرف بكري دا يكون برسل ناهد تغرف ليه من البوفيه حقنا دا ولمن تطلع برة بتقسم ليه من العمود.
|
Post: #115
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ناهد بشير الطيب
Date: 05-01-2008, 00:07 AM
Parent: #1
طبعا ماسألتوا منى .......
وقلتوا نشوف الزوله دى وينها كويس
انا فى عنبر الباطنيه ........لى يومين
بالله لحقونا العواميد بسرعه ....زوارى كتااااااار
|
Post: #116
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 05-01-2008, 08:19 AM
Parent: #115
ناهد بشير
سلامتك
والله فعلاً إفتقدناك اليومين الفاتت .
الكلام دا جد ولا هزار ؟
طمنينا عليك .
|
Post: #117
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 05-01-2008, 07:29 PM
Parent: #116
وينك ياناهد ؟ الحاصل عليك شنو ؟
والله غيابك حنضل علينا الأكل ؟
الدوم دا للناس الغبش ابعرفوا يكدوا الدوم يعدموهوا الحتة
والدوم المقشر ومكسر دا للناس الحناكيش السنونهم مابستحمل كد الدوم .
|
Post: #118
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ALazhary2
Date: 05-02-2008, 10:00 AM
Parent: #1
غداء الجمعة وسامحونا(المدام البحلم بيها) مالقت طايوق لعواسة الكسرة عشان كدا مشووها لينا الجمعة دي وفي الغداء الشوية دا خير وبركة .
ناهد الجمعة دي غدانا شوية مافي أي طريقة تشيلي في عمودك .
|
Post: #119
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: saber alhawatti
Date: 05-02-2008, 01:43 PM
Parent: #118
الأزهرى
التحليه دوم كمان ــ !!! النبق مالوا ؟؟
نقوم نشوف لينا غداء كنا قافلين على غداكم
الجمعه دى طرشقت علينا
|
Post: #120
Title: Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور
Author: ناهد بشير الطيب
Date: 05-02-2008, 02:03 PM
Parent: #118
[QUOTE].
.غداء الجمعة وسامحونا(المدام البحلم بيها) مالقت طايوق لعواسة الكسرة عشان كدا مشووها لينا الجمعة دي وفي الغداء الشوية دا خير وبركة .
ازهرى
غداء فى امانة الله بيكفينا انا والوليدات امبارح ساهرنا مع سامى الحاج للصباح قمنا فترانين الا لقيناك مجهز الصينيه تتبارك انت يايابا ويعدلها عليك ربى محل ماتقبل قول امييين
ناهد الجمعة دي غدانا شوية مافي أي طريقة تشيلي في عمودك .
(عدل بواسطة ALazhary2 on 02-05-2008, 09:02 ص)
|
طبعا ماحااشيل لانه جبت معاى الشفع ....نخلص اكلنا ونغسل يدينا هنا ونمرق نمشى البحر نتفسح...
علا وينو ابريقك والصابونه ماشايفاهم ........
ازهرى
المرارة ليه حبة كده .....صابر عب ليه صحن ولا شنو .........
|
. ربنا يغتي عليها ويحفظها .
