Post: #1 Title: الغريب عن وطنو مهما طال غيابو.. مصيرو يرجع تاني لي أهلو وصحابو Author: Yasir Elsharif Date: 04-19-2008, 02:41 PM
مناسبة البوست أنني قرأت إسم العم الأستاذ الراحل المقيم محمد فضل في بوست آخر فتذكرت أنني سمعته يقول بأنه معجب بالفنان الطيب عبد الله وبأغانيه.. وهي طبعا أغاني ذات طابع حزين.. نذكر اليوم الأستاذ الطيب ونهديه التحايا في غربته ونتمنى له السعادة والهناء والصحة، له ولأسرته وأحبائه..
السنين العشت فيها معاك هنايا اقوى من قول العوازل واسمى من كلمة وشاية لوخلاص قلبك نسى الايام معايا برضو راضى وفى الغرام كم من ضحايا بس تاكد ياحبيبى انو حبك فى دمايا وبالامل صبرت قلبى وعشت فى دنيا الامانى اهدد الشوق من ضلوعى واترجم الالام اغانى اروى للناس سر عذابى واحكى ليهم ماشقانى لانفع دمعى السكبتو ولاشفع عندك حنانى الغريب عن وطنو مهما طال غيابو مصيرو يرجع تانى لى اهلو وصحابو ينسى آلامو وشجونو ينسى حرمانو وعذابو الا قلبى ياحبيبى فى هواك طال اغترابو
استمعنا اليوم إلى بعض أغانيه فأهاجت لواعج الذكرى فينا.. وإنما يعيد الذكرى من يتلذذ.. هدية لكل من يعجبه وتعجبها هذه الدوحة.. ياسر
Post: #2 Title: Re: الغريب عن وطنو مهما طال غيابو.. مصيرو يرجع تاني لي أهلو وصحابو Author: Motawakil Ali Date: 04-19-2008, 02:50 PM Parent: #1
أخي الدكتور ياسر تحياتي قرأت عنوان البوست فتمنيت أن تكون كتبته من السودان فدخلت مسرعا لأحدد موعدا للقاء ولكن... رد الله غربتكم.. صادق ودي.. متوكل
Post: #3 Title: Re: الغريب عن وطنو مهما طال غيابو.. مصيرو يرجع تاني لي أهلو وصحابو Author: Yasir Elsharif Date: 04-19-2008, 03:34 PM Parent: #1
الأخ العزيز متوكل،
تحية طيبة ومزيد الأشواق إلى لقياك..
وأرجو أن تستمتع بما في البوست، رغم الأحزان، لأنها أحزان نبيلة..