Post: #1 Title: دعوة لتغيير لجنة تحكيم نجوم الغد Author: ALGARADABI Date: 04-18-2008, 09:44 PM Parent: #0
شاهدت أمس الحلقة الأولى من برنامج نجوم الغد في دورته الجديدة و الذي يعده ويقدمة الاعلامي الناجح بابكر الصديق عبر قناة النيل الأزرق. كالعادة كان السيد بابكر الصديق موفق للحد البعيد في اختياراته خاصة الموهبة عبد الباقي ناصر والبنت الأخيرة التي غنت لشرحبيل أحمد وكانت غاية في الروعة في أداء أغنية لو تعرف الشوق وأغنية ضاع صبري وكانت حلقة في غاية الروعة لم يفسدها سوي المحكمين... مع احترامي الشديد لأعضاء الجنة التحكمية ،إلا أنهم لم ينجحوا في دورهم كمحكمين ما عدا الإعلامي المخضرم الأستاذ محمد سليمان وهو الوحيد بين الأعضاء الذي يعرف دوره جيدا والذي يتلخص في الحضور المسرحي للمتسابق واختيار الأغاني والتعامل مع الميكرفون قربا وبعدا والنطق و الحفظ السليم لذلك نجد أن الأستاذ محمد سليمان هو الوحيد من بين الأعضاء المحترمين الذي يعرف ما هو مطلوب منه ويتعامل وفق ذلك... الأخ أنور لحد ما أفضل من البقية ( سيف الدين وحواء المنصوري) لعل تجربة الأخ أنور الغنائية مع فرقة عقد الجلاد أعانته بعض الشيء في تقيم ونقد المتسابقين وان لم تكن بالقدر الذي يوازي دور الأستاذة آمال النور والذي كان أكثر أقناعا للمشاهد العادي وللمتسابقين أما الدكتور سيف الدين و الأستاذة حواء المنصوري ومع كامل الاحترام لهما كعازفين صقلا الموهبة بالعلم و حازا أعلى الدرجات العلمية إلا أنهم لم يكونا بمستوي الحلقة (متسابقين ومحكمين) هنا اريد أن أسأل سؤلا : هل كل من عزف خلف فنان يمكن أن يكون ناقدا ومحكما؟؟ الدكتور سيف الدين كان عدائيا للحد البعيد خاصة مع نجوم الحلقة رغم أنه لم يجد في عبدا لباقي عيبا سوي تشابه صوته مع اللحو ولم يجد في البت التي غنت لشرحبيل عيبا سوي أنها لا تفتح فمها كبير جدا لدرجة أنه طبق كفية وفرج بينهما من جهة الأصابع لأبعد حد وقال ليها ( افتحي خشمك كبير كده) وأنا عمري لم أر فنانا يفتح فمه بهذا القدر.. الفنانة حواء المنصوري قد تكون عازفة ممتازة لكنها لم تنجح كمحكمة تنقصها الثقة بالنفس و بآرائها وبدت و كأنها تبحث عما تقول والمشكلة في الجميع أنهم يتبعون رأي المتحدث الأول ولا يجتهدون لإبداء آراء مخالفة أقترح على الأستاذ بابكر الاستعانة بالأساتذة الماحي سليمان و أنس العاقب و الاستاذة آمال النور فهم بالاضافة لكونهم أستاذة في الموسيقي فانهم فنانون لهم مساهماتهم في مجال الغناء أداءا و تلحينا وفوق هذا وذلك لهم ثقافة عالية ومنطق وقدرة علي الإقناع... مع كامل الاحترام لأعضاء اللجنة الحاليين.... وأدعو الأخوة المتخصصين في المنبر أمثال الاستاذة الموصلي وخدر و حمزة ليدلو بدلوهم بمهنية
Post: #2 Title: Re: دعوة لتغيير لجنة تحكيم نجوم الغد Author: محمد البشرى الخضر Date: 04-18-2008, 09:58 PM Parent: #1
القرضابي ازيك ياخ لكن البت الغنت لشرحبيل دي مبالغة عديل كدة
Post: #3 Title: Re: دعوة لتغيير لجنة تحكيم نجوم الغد Author: ALGARADABI Date: 04-18-2008, 10:10 PM Parent: #2
أبو حتوت سلام وشوق مالك مساهر أسابيع البورد لسه؟؟
Post: #4 Title: Re: دعوة لتغيير لجنة تحكيم نجوم الغد Author: abuguta Date: 04-19-2008, 07:11 AM Parent: #3
قرضابى
صباحك ازرق,,,,
لكن الولد ود الحسن وضبعة مبالغة,,,
استاذ سيف قال ليه,,,انت بتقلد على ابراهيم حتى فى الهمس ليس فى على ابراهيم عيب ولكن العيب فى ناصر,,
لكن استاذ بابكر صديق رد عليه,,وقال ناصر دا مصرح ليه الى الجيلى لكن نحن جبناه الخرطوم,,, لا ارى يعيب فى كون ان الفنانا يقلد اصل وصورة مادام يضرب المستمعين
ياخى امال النور ,,انور ,محمد سليمان,,,ويضيفو عليهم مرتضى الغالى,, ياخى زى ديل عاوزين مشجعين,,, صدقنى ناصر والبنية ديل هم الفائزون,,لكن فى واحدة فى الحلة القادمة ابدا ابدا ابداع,,, انا قلت بابكر صديق خلاص معينو كمل لكن امس تجلت قدرته فى البحث عن النجوم,,,
محمد سليمان قال عن ناصر,,,انت ياخى قمر مش نجم,, تحياتى لك ولكل مبدع
Post: #5 Title: Re: دعوة لتغيير لجنة تحكيم نجوم الغد Author: محمد سنى دفع الله Date: 04-19-2008, 08:02 AM Parent: #4
اخي وصديقي وخليلي في الهلال لك التحيات السوامق اتفق معك تماما والله زهلت لدرجة انني فقدت مزاحي بتعقيب اللجنة على كل فنان حسيت انني سوف افقد السلطنةوالحالة التي وصلت لها لان اللجنة في وادي والمجموعة الغنت في وادي زي ما قلت انور كان مغقولا حدا ويقدر الموهبة ولكن دكتور سيف الدين كان واسمح لي قاسيا ياصديقي سيف رفقا بالقوارير هولاء نجوم واعدة وامامها طريق طويل علينا ان ننير لهم الطريق نفتح لهم الدروب لاان نقفلها امامهم ونحبطهم قسما البت الغنت لي شرحبيل انا شخصيا لو غنت خشمة مقفول ولا فاتح نص نص ولا مدورة بوزها غناها وصل لمن خليت الكرسي وقعدت في الأرض ياخي ده تتطريب لي الطيش قسما شرحبيل اتنازل ليها وإديها إذن مفتوح لانو فنان ومتواضع ويدعم الواعدين والواعدات اللجنة دورها تبصر الفنانيين بالأساسيات وتبصرنا نحن الجمهور بمعلومات جديدة ومفيدة عن طريقة الغناء والأداء والتناغم وووو لكن ان تحبط الواعد ومحاولة تمليكوا طرق الداء الأكاديمي وفتح الخشم لي اخروـ ياخي ما الفنانة دي عندها ثقافة اتربت عليها بتقول المرة ما بتفتخ خشمة ها القدور لانو ضد قواعد الجمال السوداني ولا شنو ـ غونانا ملايان اشارات الفم ودعة ـ ياخي انا غايتو حليت المسألة !! بسمع الغنا ولمن اجي دور اللجنة بقفل الصوت مودتي انا هلالابي جناح النـقــر
Post: #9 Title: Re: دعوة لتغيير لجنة تحكيم نجوم الغد Author: ALGARADABI Date: 04-19-2008, 08:14 PM Parent: #5
الحبيب محمد السني دفع الله ( معليش اسمك لا تكتمل روعته الا مثلثا) أولا: تمنينا أن نراك في دبي وكل يوم أحمد العربي مدينا مشوار للشارقة لمقابلتك وآخرتا يقول لينا ساقو... ( انتا بالمناسبة البسوقوك كل يوم ديل منو؟؟) ثانيا: أشكرك لمشاركتي رأي المتواضع فحينما يتفق رأي من هو مثلي مع رأي من هو مثلك جاز لي أن أتمددفي المجلس وأخلف كراع في كراع لك التحية و الاجلال
Post: #7 Title: Re: دعوة لتغيير لجنة تحكيم نجوم الغد Author: ALGARADABI Date: 04-19-2008, 12:39 PM Parent: #4
الحبيب أب قوتا لك السلام
Quote: ناصر والبنية ديل هم الفائزون
أنا متأكد انهما سيكونا ضمن كوكبة الحلفة الأخيرة اتمني لهما التوفيق و النجاح
Post: #6 Title: Re: دعوة لتغيير لجنة تحكيم نجوم الغد Author: محمود ريحان Date: 04-19-2008, 09:42 AM Parent: #1
عبير صلاح
Post: #8 Title: Re: دعوة لتغيير لجنة تحكيم نجوم الغد Author: Elmosley Date: 04-19-2008, 05:03 PM Parent: #6
Quote: قسما البت الغنت لي شرحبيل انا شخصيا لو غنت خشمة مقفول ولا فاتح نص نص ولا مدورة بوزها غناها وصل لمن خليت الكرسي وقعدت في الأرض ياخي ده تتطريب لي الطيش قسما شرحبيل اتنازل ليها وإديها إذن مفتوح لانو فنان ومتواضع ويدعم الواعدين والواعدات
شكرا ياريحان
محمد السني ياخي والل البت غنايه تب وبعدين احسن مغنيه في العالم وانجحهم مورايا كيري
فمها لايفتح الا لضرورة التعبير ومطلعه (صوت السرور) الغنا ثقافات مختلفة مع التحية للجنة ورفقا بها تلك اللجنة ياصديقي القرضابي وكل الحب
Post: #14 Title: Re: دعوة لتغيير لجنة تحكيم نجوم الغد Author: ALGARADABI Date: 04-20-2008, 04:58 AM Parent: #8
حبيب الكل الموصلي الشوق مطر
لما كوركت ليك للتداخل بمهنية عارفك بتجيب لينا الأدلة و البراهين الذي دي:
Quote: احسن مغنيه في العالم وانجحهم مورايا كيري
فمها لايفتح الا لضرورة التعبير
بعدين أنا من زماااان عارف فؤادك لا بشيل عداوة لا شقاوة ولا مظنة
وعارف أعضاء اللجنة كلهم ربعك وناسك فعذرا لو قسونا حبتين
Post: #18 Title: Re: دعوة لتغيير لجنة تحكيم نجوم الغد Author: Elmosley Date: 04-20-2008, 01:37 PM Parent: #14
شكرا لك يلصديقي العزيز
طبعا اقصد ان مابتفتح انها تغني ببساطة دون ان ينفتح صوتها مثل ناس الاوبرا ولكنها تملك امكانات من خلال النتاج السمعي اكبر من الغالب الاعم من المغنيين والمغنيات =============== بحكم وظيفتي في لجنة الالحان فقد تتوفق اللجنة وقد لاتتوفق ولكنها في مغظم الاحيان تتوفق كل الحب
Post: #12 Title: Re: دعوة لتغيير لجنة تحكيم نجوم الغد Author: ALGARADABI Date: 04-20-2008, 04:39 AM Parent: #6
محمود ريحان سلام وأشكرك على عطور الريحان وعقود الياسمين (على رأي جنة الأطفال) والتي طوقت بها جيد البوست يا حامل المسك
Post: #10 Title: Re: دعوة لتغيير لجنة تحكيم نجوم الغد Author: ASHRAF TAHA Date: 04-19-2008, 08:54 PM Parent: #1
لكن البت الغنت لشرحبيل دي مبالغة عديل كدة يا ود البشرى مكنتك سنينة يا رجل فعلا صوتا جميل ودافي وعادي عادي بمعني مطلوب للأضان بمعني مطلوب في زمن ناشف قلعات وطوابي خط الدفاع الأول من لاجوس الشريف في وجه المد بيع النوتات لقاء درهم خير من حرير و (مهوقني) ونضال البلبل (مقارنة مع)العاشق في خدر الولاة وكيف أن: أمراء الإنتاج يجتزون لسان البلبل ويموت البلبل وهو يغرد بعينيه العاشقتين غناء (بتصرف) وليس عادي بمعني التبخيس لكن المشكلة وين؟ إنو قص لسان البلبل بتم بي ناس منا وما فينا همهم الأول النفع المادي وحاجات تانية يلوكو المبدعين ويتفو (تف كدة) زي اللبانة بعد ما ينضفو خشمهم الوسخ ويملو جيبم الطحلبي وبعدين ما تقومللمبدع قايمة إلا كغنايـ/ن/ات في حفلات الحنة والطهور بعد ما يملأ (القصاصين المجتزين الوادئين) كروشوم (أكراشهم جمع كرش تكرش كرشا حتى إنكرش) عليكم الله يا الغنايين إستفيدو من القدامكم وطلعونا من حتة الفاشلين البسمخوكم ديل وبس شوفو تجارب القبليكم والله يـ ...
يا عبير أدي نفسك حقها
Post: #17 Title: Re: دعوة لتغيير لجنة تحكيم نجوم الغد Author: ALGARADABI Date: 04-20-2008, 12:54 PM Parent: #10
الاخ أشرف سلام و محبة
Quote: إنو قص لسان البلبل بتم بي ناس منا وما فينا
المشكلة انهم يريدو أن يبنو مجدهم الشخصي علي أنقاض الألسنة المقصوصة
Post: #11 Title: Re: دعوة لتغيير لجنة تحكيم نجوم الغد Author: نصار Date: 04-19-2008, 11:10 PM Parent: #1
العزيز القرضابي دكتور سيف دا بتاع اسنان و لا اذن و انف و حنجرة?? و البت دي قالوا ليهو عاوزة تقلد عبدالرحيم محمد حسين عشان يشبكا افتحي خشمك و قولي آآآع?? الظاهر ما لقي اليقولو بقي بتاع راس نيفة... اصلا شرحبيل زاتو الواحد بتخيل ليهو انه غناهو بطلع من مسامات جلده ما من فمه... و الله احيك علي البوست و اتمني في زمن ديموقراطية و تعدد منابر التعبير انه اللجنة تستفيد من الكلام القيم الاكتب هنا و ترأف بالبمواهب و تشجعها و تقدم ليها التوجيه العلمي و التربوي السليم... البنية يميزها اداؤها المرتاح دون لولوة خشم و تشنج و قوم نفس و عروق الرقبة.. فهذه ميزة يا حضرة الدكتور و هي ما تمساحة عشان تفتح فمها قدر فتحة راحتا يديك و ما محتاجة للمحوالة اصلا..
Post: #20 Title: Re: دعوة لتغيير لجنة تحكيم نجوم الغد Author: ALGARADABI Date: 04-20-2008, 05:58 PM Parent: #11
العزيز نصار والله معزتك من معزة أستاذنا العظيم عثمان أحمد الطاهر لك وله الود و الاحترام ونشكر مداخلتك القيمة ونتمني مثلك أن يصل صوتنا لأعضاء اللجنة وأيضا للأستاذ بابكر الصديق
Post: #13 Title: Re: دعوة لتغيير لجنة تحكيم نجوم الغد Author: abubakr Date: 04-20-2008, 04:53 AM Parent: #1
Quote: قسما البت الغنت لي شرحبيل انا شخصيا لو غنت خشمة مقفول ولا فاتح نص نص ولا مدورة بوزها غناها وصل لمن خليت الكرسي وقعدت في الأرض ياخي ده تتطريب لي الطيش قسما شرحبيل اتنازل ليها وإديها إذن مفتوح لانو فنان ومتواضع ويدعم الواعدين والواعدات
"لجنة تحكيم" ربما ليست هي التسمية الصحيحة لهؤلاء الاربع انهم يعبرون عن رؤيتهم الشخصية جدا وكثيرا ما يصرون علي القاء محاضرات للترويج الذاتي .... انا استمعت لشرحبيل في هذه الاغنية في مراحل مختلفة من حياتي منذ ان غني بها في مطلع السبعينات وجمعت هذه البنت كل البهاء الذي تناثرفي سماء الاغنية السودانية عبر العقود الاربع .. غنت باحساس عال بهذه الاغنية التاريخ ولم تشوهها بل اضاقت اليها هدوء الليل الهادي ... احد الحكام حول الحلقة الي حصة تشريخ في كلية الطب ...ارحمونا يا ناس وجدانا تعب ونحن نلهث في غربة حارقة غابت عنها حياة اجتماعية فنلوذ بالفضائيات في ما يتبقي من وقت قليل علنا نجد جرعات من ابداع ترفع معنوياتنا فنواصل الكد ....
مودتي ابوبكر
Post: #22 Title: Re: دعوة لتغيير لجنة تحكيم نجوم الغد Author: ALGARADABI Date: 04-20-2008, 08:08 PM Parent: #13
الأخ العزيز أبوبكر فعلا يا باشمهندس نحنا ماناقصين و الفينا مكفينا عشمي أن أكرر الزيارة ونزورك بي مهلة لنستمتع بالحديث معك
Post: #15 Title: Re: دعوة لتغيير لجنة تحكيم نجوم الغد Author: celecon Date: 04-20-2008, 05:03 AM Parent: #1
Quote: والمشكلة في الجميع أنهم يتبعون رأي المتحدث الأول ولا يجتهدون لإبداء آراء مخالفة
قرضابى كيفك يا زول من زمااااان ... كلامك مية فى المية صاح وانا حضرتها وسبقتنى فى ايراد ملاحظاتى ...
كلام محبط كأنهم (المحكمين) من أول ما بدأو كانو بالمستوى البتكلموا عنه ده ...
----- يديك العافية ...
Post: #26 Title: Re: دعوة لتغيير لجنة تحكيم نجوم الغد Author: ALGARADABI Date: 04-21-2008, 04:40 AM Parent: #15
حبيبنا واحة السليكون
تحياتنا و أشواقنا الواحد بشوفك مرة في السنة رغم أنف الجغرافيا ياخ أظهر وبان عليك الأمان شكرا على الاضافة
Post: #16 Title: Re: دعوة لتغيير لجنة تحكيم نجوم الغد Author: Mirghani Ali AlAmin Date: 04-20-2008, 08:11 AM Parent: #1
ناصر عبد الباقي ( فنان مكتمل ) زي ما قال الأستاذ محمد سليمان ( قمر ) مش نجم من نجوم الغد .
عبير صلاح روعة للغاية صوت ملائكي ، شجن عالي تمكن وراحة في الأداء عالي جداً تطريب ولا أجمل من كدا ، صوت جميل للغاية أتوقع أن نراها فنانة كبيرة وأن تنهال عليها عروض الكلمات والألحان من كل حدب وصوب بالأضافة إلى مقدرتها وجمال صوتها فهي وجه تلفزيوني جميل مريح أتمنى لها التوفيق
Post: #19 Title: Re: دعوة لتغيير لجنة تحكيم نجوم الغد Author: عماد شمت Date: 04-20-2008, 04:28 PM Parent: #16
ياودنور سلام كتير ..
لا يانصار سيف الدين رجل عازف جيتار ماهر في المقام الاول كنا معا في مركز شباب السجانة
واجتهد في مجال الموسيقي الي ان نال الدكتوراة (في الموسيقي) فهو يعد موسيقي من الطراز الاول
وليس دكتور اسنان ..
الا ان الاخ سيف رجل حاد الطباع ولا يجامل ..
والفنانه عبير صلاح صوتها جميل مافي شك لآول مرة اسمعها واداءها جميل وواثقة وثابته .يرجي منها
ولها مستقبل ...
الفنان احمد الطيب (والد عماد) يغني وفمه مغلق تماما الا دائرة صغيرة لا تشاهد الا حركة الشفتين
لكنه فنان مبدع رحمه الله ..
لك التحيه وللاسرة الكريمة كثير التحيات ...
Post: #36 Title: Re: دعوة لتغيير لجنة تحكيم نجوم الغد Author: ALGARADABI Date: 04-21-2008, 05:31 PM Parent: #19
عماد عويس (يا فنان حنتي) سلام وشوق صاحبك سيف الدين روحو مكركرة
Quote: الفنان احمد الطيب (والد عماد) يغني وفمه مغلق تماما الا دائرة صغيرة لا تشاهد الا حركة الشفتين
وتيب
Post: #30 Title: Re: دعوة لتغيير لجنة تحكيم نجوم الغد Author: ALGARADABI Date: 04-21-2008, 07:04 AM Parent: #16
العيناوي ميرغني تحية واحترام وشكرا علي مداخلتك
Quote: ناصر عبد الباقي ( فنان مكتمل )
Quote: عبير صلاح روعة للغاية صوت ملائكي ، شجن عالي
ما قلت الا الحق
Post: #21 Title: Re: دعوة لتغيير لجنة تحكيم نجوم الغد Author: abubakr Date: 04-20-2008, 06:19 PM Parent: #1
استمعو الي عبير صالح في الليل الهادي وقرروا بعيدا عن سطوة لجنة التحكيم :
Post: #23 Title: Re: دعوة لتغيير لجنة تحكيم نجوم الغد Author: Salah Abdulla Date: 04-20-2008, 10:08 PM Parent: #21
أخونا القرضابي سلام
أول حاجة شايف الناس الفوق ديل كلهم ( زايغين ) من ذكر اسمك ، ما عارفين يقولوا القرضابي واللا القردابي واللا شنو ؟ قول ليهم عشان يرتاحوا .. تاني حاجة أنا ما حضرت الحلقة في بثها الأول ، لكن بعد قراءتي لكلامك ، قررت حضور الإعادة ، رغم أنني لم أكن أنوي ذلك .. وأما لجنة التحكيم فرأيي أن أستاذنا محمد سليمان أساسي جداً في هذه اللجنة ، فهو يمثل صوتنا ورأينا نحن المستمعين العاديين .. يعتمد على ذوقه وسمعه ( السوداني ) الخطير ، فتسمعه يتحدث بلسانك ، ويقول ما وددت قوله بالضبط ، فيريّحك راحة السنين .. كلامه دائماً منطقي ولا يميل كثيراً للمجاملات ، يوصل رأيه وإن كان سلبياً بطريقة ( محمد سليمان ) فلا تملك ( كمؤدي ) الا أن تقبله وتحترمه ، و وتستفيد من نصائحه .. الأستاذة حواء المنصوري ، وهي بالمناسبة زميلتنا في الجامعة ( تسنيرت ) علينا كنا (براملة) حينما كانت تتأهب للتخرج ، وقد تزاملنا أيضاً في فصول الموسيقى بالجامعة .. ولكن هذا لا يمنع من أن أقول أنها لا تمتلك الإمكانيات الكافية لتحليل الصوت وطريقة الأداء .. كلامها عادي يستطيع أي شخص درس قليلاً من الموسيقى أن يقوله.. هذا بالتأكيد لا ينتقص من قيمتها كفنانة وموسيقية لها إسهاماتها التي لا تُخطئها العين ، وأرجو أن لا يُفهم كلامي في غير موضعه ويُحوّر .. أنور ، يُحدد لك الداء ، ويصف الدواء ، وهو المطلوب من عضو اللجنة ، أن يجيد قراءة المؤدي ( كاملاً ) ويثني عليه/ـا اذا استحق/ـت ثناءاً ، وويحدد له/ـا أماكن الضعف ( بيان بالعمل ) ويشرح ويوضح بلسان العارف بمهنته رأي الموسيقى شنو .. ( عضو نموذجي ).. الدكتور سيف ، مع احترامي له كموسيقي ، وتقديري للقبه الأكاديمي ، الا أنه لم يكن مفيداً في تلك الحلقة .. وبدا كمن أراد أن يخلق عيوباً أويحاول إيجادها ، وقد قال ذلك ( بعضمة لسانه ) .. قال سأحاول أن أجد شيئاً ، ثم استدرك ( ولّطف ) الموضوع شوية .. الموضوع يا دكتور ليس محاولة البحث عن عيوب ، وليس شرطاً أن تكون هناك عيوب ليتسنى التقييم .. رأي دكتور سيف وأستاذ أنور في المؤدي الذي غنى لعلي إبراهيم يبين الفرق بينهما ( من حيث إمكانية التقييم ) .. ثم أنني قصدت أن ألحظ وأراقب فم المؤدية عبير لأقارن ذلك بكلام الدكتور ، فوجدت أنها تغنى بارتياح ، وحركة فمها عادية جداً ، تزداد فتحته وتضيف حسب ما يتطلبه الأداء .. مع احترامي الأكيد، وبدون مجاملة، الدكتور لا يصلح لأن يكون عضو لجنة تحكيم ( تقييم ) .. با أستاذ موصلي ، قبل كده قلنا ليكم الكلام ده ، القصة دي محتاجة ليكم ، أو للزيّكم عشان تمشي لي قدام ..
القرضابي أرجو أن تتقبل ( والقارئ) كلامي على علاته ، وتعتبروه ( خطرفة ) سااااااي .. وما تزعلوا يا أخواننا ، ده رأي ( شخصي جداً ) ..
Post: #37 Title: Re: دعوة لتغيير لجنة تحكيم نجوم الغد Author: ALGARADABI Date: 04-21-2008, 08:20 PM Parent: #23
الاخ العزيز صلاح أخوي (على طريقة عماد عبدالله) وبالمناسبة عماد عبدالله وبربر و طاشين أولاد فصلي في الجديدة التحايا لهم جميعا و لكل الديامة ونشكر مساهمتك القيمة في الموضوع ونتمني أن يصل صوتنا لبابكر الصديق
Post: #24 Title: Re: دعوة لتغيير لجنة تحكيم نجوم الغد Author: haroon diyab Date: 04-20-2008, 10:31 PM Parent: #1
القردابي مساء الخير
Quote: أقترح على الأستاذ بابكر الاستعانة بالأساتذة الماحي سليمان و أنس العاقب و الاستاذة آمال النور
وهذا هو المختصر المفيد. اختيارات لو تمت ستكون نقلة نوعية للبرنامج كل الود هارون دياب
Post: #38 Title: Re: دعوة لتغيير لجنة تحكيم نجوم الغد Author: ALGARADABI Date: 04-22-2008, 05:05 AM Parent: #24
الاخ هارون طمنا على السيارة انشاالله بعتها واشتريت قطعة أرض شكرا للمرور
Post: #25 Title: Re: دعوة لتغيير لجنة تحكيم نجوم الغد Author: انعام عبد الحفيظ Date: 04-20-2008, 11:05 PM Parent: #1
القردابي
سلامات ياخ
انا غايتو ما متابعة البرنامج دا
بس لما تمبس ينزل ليهو بوست عنهم بعرفهم
Post: #41 Title: Re: دعوة لتغيير لجنة تحكيم نجوم الغد Author: ALGARADABI Date: 04-22-2008, 05:45 PM Parent: #25
Post: #27 Title: Re: دعوة لتغيير لجنة تحكيم نجوم الغد Author: abubakr Date: 04-21-2008, 05:18 AM Parent: #1
Quote: عشمي أن أكرر الزيارة ونزورك بي مهلة لنستمتع بالحديث معك
ياعمر انت بس تعال ( زي بتاعة عادل امام " ما بتجيش ليه ؟ ) .. باقي لي شوية والواحد حيناضم روخو .. دبي يا كاف البلا الناس يا مزنوقة في الشغل يا في زحمة السير .. نسينا النضمي ... تعال نقطع في ودعمك سيد الانجمامة ودالمنسي....
Post: #28 Title: Re: دعوة لتغيير لجنة تحكيم نجوم الغد Author: بكرى الخليفة الكتيابى Date: 04-21-2008, 05:27 AM Parent: #27
الحبيب الغالي عمر والله الشوق مطر طبعا انحنا هنا محرومين من النيل الازرق بس بنشوف الاغاني في النت لكن الزوله دي رايعه
Post: #39 Title: Re: دعوة لتغيير لجنة تحكيم نجوم الغد Author: ALGARADABI Date: 04-22-2008, 01:40 PM Parent: #28
حبيبنا بكري الخليفة ود الناس الطيبين سلام وشوق وعشمي أن تكون بخير وعلي خير والاسرة الكريمة وسؤالي عن الاهل شكر لتنوير البوست بالطلة
Post: #29 Title: Re: دعوة لتغيير لجنة تحكيم نجوم الغد Author: Manar Mahsoub Date: 04-21-2008, 06:02 AM Parent: #1
بابكر صديق دائما مبدع و مكتشف الابداع لو فى انتقاد واحد لبرنامجه الناجح بيكون لجنة التحكيم و التى لم يتوفق فى اختيارها و بيديك احساس انو اللجنة نقصت و قام حاول يتم العدد باى ناس عندهم علاقة بالموسيقى بغض النظر عن امكانيتهم فى التحكيم لانو مش حاجة ساهلة انك تقيم اداء فنى و زى ما قولتو ما اى زول عزف او تخرج من معهد الموسيقى حتى لو عمل دكتواره فهو مؤهل ان يكون فى لجنة تحكيم ....اللجنة القديمة كانت احسن بمليون مره ..و نطالب بابكر بان يعين لجنة تقنع المشاهد و المشاركين و فى الاخر ديل نجوم فى بداية طريقهم و تنقصهم الخبرة و محتاجين لتوجيه صح و كلام يشجعهم عشان يمشو لقدام .....
التحية لبابكر صديق و لصاحب البوست و لجميع المتداخلين
Post: #42 Title: Re: دعوة لتغيير لجنة تحكيم نجوم الغد Author: ALGARADABI Date: 04-23-2008, 04:11 PM Parent: #29
الاخت منار سلام
Quote: حاول يتم العدد باى ناس عندهم علاقة بالموسيقى
يبدو أن الأمر كذلك
Quote: التحية لبابكر صديق و لصاحب البوست و لجميع المتداخلين
ولك مثلها
Post: #31 Title: Re: دعوة لتغيير لجنة تحكيم نجوم الغد Author: abubakr Date: 04-21-2008, 10:58 AM Parent: #1
Quote: بابكر صديق دائما مبدع و مكتشف الابداع
يا قريبتي بابكر صديق وضع ابداعه الذي عرفناه من خلال برنامجه (نسيت اسمو !! ؟؟؟ وانامل ) في الرف He shelved it وانصرف الي هذا المولد الذي لم يعرف له اعدادا مناسبا حتي اليوم .. السودان ملئ بالاصوات الجميلة سواء ان اتت في برنامج نجوم الغد او لم تات ...البادية تزخر باصوات مطبوعة علي الابداع وكذلك الريف شمالا وشرقا وعربا وجنوبا ... خرجت اصوات من نردد غناؤهم يوميا سواء من رحلو عن هذه الفانية اما زالو فيها بجهد ذاتي تنافسي اعتمد علي مقدرتهم الشخصية في المنافسة الحرة دون معينات تقنية او خلافه وستخرج اصوات اخري كذلك بنفس الاسلوب ...المبدع الحقيقي من يفرض ابداعه بابداعه ولكن هذا لا يلغي دور اعلامي رسمي في شكل برامج وخلافه الا ان فكرة جمع اصوات كثيرة وتعويدها علي الاضواء والشهرة حتي لو كانت محدودة الوقت كما في برنامج بابكر صديق ثم تركهم دون ان يوجهو وجهة ترعي قدراتهم فهذا تخبط وحالة وقتية مرتبطة بالبرنامج ...بلادنا ليست لبنان او مصر او امريكا حيث صناعة النجم رائجة ولها باع طويل وبالتالي استنساخ افكار امريكان ايدول وسوبر استار في بلادنا امر فيه كثير من العشوائية .. لو رعت اكاديمية المسرح والموسيقي واتحاد المهن الموسيقية هذا البرنامج بحيث تتكفل برعاية الاصوات التي تنجح في المسابقات لصار لهذا البرنامج قيمة اكثر من يكون تسالي وبس
Post: #32 Title: Re: دعوة لتغيير لجنة تحكيم نجوم الغد Author: Salah Abdulla Date: 04-21-2008, 01:15 PM Parent: #31
Quote: السودان ملئ بالاصوات الجميلة سواء ان اتت في برنامج نجوم الغد او لم تات ...البادية تزخر باصوات مطبوعة علي الابداع وكذلك الريف شمالا وشرقا وعربا وجنوبا ... خرجت اصوات من نردد غناؤهم يوميا سواء من رحلو عن هذه الفانية اما زالو فيها بجهد ذاتي تنافسي اعتمد علي مقدرتهم الشخصية في المنافسة الحرة دون معينات تقنية او خلافه وستخرج اصوات اخري كذلك بنفس الاسلوب ...المبدع الحقيقي من يفرض ابداعه بابداعه ولكن هذا لا يلغي دور اعلامي رسمي في شكل برامج وخلافه الا ان فكرة جمع اصوات كثيرة وتعويدها علي الاضواء والشهرة حتي لو كانت محدودة الوقت كما في برنامج بابكر صديق ثم تركهم دون ان يوجهو وجهة ترعي قدراتهم فهذا تخبط وحالة وقتية مرتبطة بالبرنامج ...بلادنا ليست لبنان او مصر او امريكا حيث صناعة النجم رائجة ولها باع طويل وبالتالي استنساخ افكار امريكان ايدول وسوبر استار في بلادنا امر فيه كثير من العشوائية .. لو رعت اكاديمية المسرح والموسيقي واتحاد المهن الموسيقية هذا البرنامج بحيث تتكفل برعاية الاصوات التي تنجح في المسابقات لصار لهذا البرنامج قيمة اكثر من يكون تسالي وبس
أبوبكر ،، يا قريبي .. لا فُضّ فوك ..
Post: #33 Title: Re: دعوة لتغيير لجنة تحكيم نجوم الغد Author: نجوان Date: 04-21-2008, 01:25 PM Parent: #32
Quote: دعوة لتغيير لجنة تحكيم نجوم الغد
وأقترح أن يشمل التغيير بابكر صديق أولا..
_____ وجهة نظر..
Post: #34 Title: Re: دعوة لتغيير لجنة تحكيم نجوم الغد Author: Nasruddin Al Basheer Date: 04-21-2008, 02:25 PM Parent: #33
يا زول أحمد ربّك إنو لجنة التحكيم دي ما كان فيها مـــــــــــــــــــــــــازدا..
Post: #43 Title: Re: دعوة لتغيير لجنة تحكيم نجوم الغد Author: ALGARADABI Date: 04-24-2008, 04:01 PM Parent: #34
ود الجار عودو سلام
أهه خم و صر ماذدا جاك بحق و حقيقة
Post: #35 Title: Re: دعوة لتغيير لجنة تحكيم نجوم الغد Author: abubakr Date: 04-21-2008, 03:55 PM Parent: #1
Quote: أبوبكر ،، يا قريبي ..
قديما المنافسة المتكافئة في مشقتها ومكابدة الاصوات الواثقة من امكاناتها رغم وعورة الطريق وحين كان الوصول الي باب الاذاعة حلما كما قال الفنان عثمان حسين هي التي اتت الينا بكم الابداع الذي ينهل منه مئات من الاصوات المقلدة هذه الايام .. منافسة كما يقول الفرنج apple to apple اتت بخليل فرح ووردي من اقصي الشمال وعبدالقدر سالم وعبدالحمن عبدالله وصالح الضي ورفاقهم من الغرب وعبدالله دينق من الجنوب والجمري من النيل الازرق وكواكب الجزيرة من مدني وضواحيها والتاج مكي واوهاج ورفقائهم من الشرق وومبدعي العاصمة من امدرمان والخرطوم وبحري واعداد وافرة عافرت وزاحمت فقط لتستمع اليها لجنة الاذاعة .. اصوات كانت قد رسمت خريطة طريقها لوجدان المستمع السوداني وحين وصلت سكنت الوجدان والقلب ....
Post: #40 Title: Re: دعوة لتغيير لجنة تحكيم نجوم الغد Author: tmbis Date: 04-22-2008, 02:14 PM Parent: #35
Quote: المشكلة انهم يريدو أن يبنو مجدهم الشخصي علي أنقاض الألسنة المقصوصة
.. سلامات يا قرضابي .. تعرف في برنامج في الـ mbc4 منافسات رقص .. لجنة التحكيم فيهو .. على مستوى عالي جدا من المهنية .. وفي نفس الوقت (صرامة) شديدة جدا .. مافي مجاملة .. يعني احيانا كتيرة جدا .. المتنافسين (ببكو) عديل كدا في المسرح بعد التقييم .. وأنا القدامك دا بزعل ليك عديل كدا .. (وبكضم) من اللجنة دي لانو بكون متعاطف لي مع متنافس يا متنافسة وساكيهو من فترة طويلة ومتابعو.. يجو يطلعو ليك حاجة غريبة ما حاسي بيهو (رفعت ) كعب ما بي زاوية مقبولة .. يا ميلان خصر بطريقة غير مقبولة .. يا الاداء بي موود لا يشبه شكل الكمبوزيشن الاساسي بتاع الرقصة .. يعني اشياء دقيقة جدا لكن بتحس فيها بي مهنية وتخصصية الناس ديل. لجنة الاختيار دي أو لجنة التحكيم دي ما حصل حسيت بي تحيز أو مجاملة او قسوة من واحد فيهم لانهم كل واحد في تخصصو .. بيشوف اعمق من شوفنا العادي دا .. وفي نفس الوقت بيكون خايف انو لو (فلت) منو متنافس ومشى لي قدام .. وعرض بضاعتو دي على الجهة البعديهم دي .. شكلو ح يكون كيف .. من ناحية انو متخصص ومفروض يكون جيه شغلو .. برنامج نجوم الغد دا حالة استثنائية جدا .. التعامل فيها مع خامات كتيرة جدا .. فيهم المبتدي حسسع دي .. وفيهم المتمرس .. وفيهم الصوتو لسه ما نجض في حبالو الصوتية واتشكل بي طريقة سليمة .. التقييم فيهو ممكن يودي السماء .. وممكن يهبط بي المنافس الأرض .. وللاسف الشديد ودون انقاص لي مقدرات كل لجان التحكيم المرت .. لحدي الآن ما لقيت لي واحد اقنعني .. خلاف أمال النور .. ومحمد الصافي .. حتى استاذ محمد سليمان بي تغولو على عدم تخصصو .. بشوفو تعدي سافر على الاغنية .. والمجال الموسيقي ما ممكن اجيب لي مقدم برنامج .. علشان يقيم لي أداء مواهب من النواحي الفنية .. ويقوم يعرج لي على حاجات ما ليهو بيها علاقة .. في فترة من الفترات استغربته أنو كيف منحت لجنة التحكيم النجومية لي الموهبة (مي عمر) بالرغم من محدودية امكانياته الصوتية .. آراء اللجنة التحكيمية كتير جدا بتضيع مجهود الاوركسترا .. والمؤدي .. وحتى المشاهد بي تكرارية الحديث عن نقطة صغيرة ربما لا تساعد على تقديم اي مفيد للموهبة نفسه .. بعكس ما وجدته في آمال النور التي كانت بصماتها واااضحة في الكثير من المواهب .. الواحد كان ما خجلان من نفسو .. كان قال: يا حليل الكوريين .. ناس مستر اوشان بتاع معهد الموسيقى والمسرح .. ومستر (لي) بتاع قصر الشباب والاطفال .. زي المواهب دي .. (كتلت) في ناس متخصصين في شغل زي دا .. الحاجة المهمة يا قرضابي: عبير دي حاجة تانية .. قبلما نيران عافية حسن .. وأفراح عصام تنطفي .. جات طالعة لينا دي من وين ما عارف الحلقة الجاية .. فيها أفراح عصام .. يعني عبير وافراح .. حديد يلاقي حديد ,. وانا مبدئيا بشجع اللعبة الحلوة .. كان ما يطلع لينا بعاتي يخمهن الاتنين
Post: #46 Title: Re: دعوة لتغيير لجنة تحكيم نجوم الغد Author: ALGARADABI Date: 04-25-2008, 09:44 AM Parent: #40
Quote: عبير وافراح .. حديد يلاقي حديد
تعرف يا تمبس بعد ما قريت كلامك قررت أرد عليك بعد الحلقة و بعد ما أشوف أفراح وبع ما شفتها قررت استخدام الابدال و الاعلال لكلامك أعلاه وابدال الدالات راءات يعني تشيل اي دال وتخت راء لتصبح
Quote: عبير و أفراح.. حرير يلاقي حرير
وقول لعمو سيف الدين قولة زكي عبدالكريم:
ما أصلو الحرير بنجر بي مهل
وأيييييييييه لازم الزعل
Post: #44 Title: Re: دعوة لتغيير لجنة تحكيم نجوم الغد Author: celecon Date: 04-24-2008, 10:13 PM Parent: #1
قرضابى ...
تعرف بشوف فى البرنامج هسه بتاع نجوم الغد ولما سيادة المحلل قال لافراح عصام افتحى خشمك قربت افتح شاشة التلفزيون عشان افتح ليهو راسو ...
ننتظر تحليلات الخبراء ....
Post: #50 Title: Re: دعوة لتغيير لجنة تحكيم نجوم الغد Author: ALGARADABI Date: 04-26-2008, 07:51 AM Parent: #44
الحبيب سليكون
Quote: ولما سيادة المحلل قال لافراح عصام افتحى خشمك قربت افتح شاشة التلفزيون عشان افتح ليهو راسو ...
قام تاني جاب سيرة البحر العجيبة لما حاول يوريها كيفية فتح الخشم ياخ قرررب يبلع الكاميرا
Post: #45 Title: Re: دعوة لتغيير لجنة تحكيم نجوم الغد Author: ALazhary2 Date: 04-24-2008, 10:52 PM Parent: #1
كدي عزف منفرد شوية بعيد عن لجنة التحكيم .
البرنامج دا من أجمل وأنجح البرامج السودانية الشفتها،وإكتشف مواهب متميزة , أتمنى لبه النجاح والإستمرار والدعم .
Post: #47 Title: Re: دعوة لتغيير لجنة تحكيم نجوم الغد Author: محمد البشرى الخضر Date: 04-25-2008, 10:02 AM Parent: #1
تصور يا قردابي عمك الدكتور برضو قال للنجفة الأمس دي لفتحي خشمك دا دكتور موسيقى ولا دكتور اسنان اصلو
لكن البت الغنت لشرحبيل في الحلقة الأولى مبالغة عديل كدا
Post: #48 Title: Re: دعوة لتغيير لجنة تحكيم نجوم الغد Author: Abu Mariam Date: 04-25-2008, 11:02 AM Parent: #1
سلام
أنا للأسف لا أستطيع مشاهدة النيل الازرق من هنا (بلجيكا)
لكن افترض أن رأي الدكتور سيف فيه شئ من الحقيقة،، قبل ما أدخل في (فتح الخشم) عايز اخطب ودي دايرة ِدبل وزغرودة وكدة هههه
لا لا بالجد جد البت دي بتعرف تغني،، في كتير جميل في صوتها،، ده بالاول لازم يتقال
لكن لسة هي ما أدت العندها كلو،، وامكن ده كان المفروض يتقال ليها
انا ما سمعتها بتغني وصوتها خارج من كل ركن من المحلات المهمة لاخراج الصوت
اقصد انها خامة دايرة شوية شغل
المهم في القصة دي كلها هي نفسها،، دايرة تعمل شنو مع القصة دي؟ يعني دايرة تبقى فنانة عالمية ام محلية؟
دايرة تبقى من الدرجة الأولى أم من الثانية وأدناه
دايرة تقلد ام تلحين اعمال الخاصة بها .......
لانها هي الشخص الاساسي في القصة دي هو المسؤول عن مجريات طريقها المهني.. القصة دي مهنة زيها زي تبيع تُرمس.. ( مالهم بتاعين الترمس؟ ما ناس؟)
لازم تشتري جردل.. يكون ملون.. اختيار الالوان بالمناسبة دي،،، مهمة مش ساهلة،، بعدين تبل التُرمس ،، تشوف لو ح يكون معاه كابكابي.. بالتالي داير جردل تاني.. ح تخش في مقارنة الوان الجرادل مع بعض ...المهمة كبرت .. بعدها تجي مرحلة التجهيز والبيع.. الحِلة؟..الشارع؟ المركوب؟ العراقي؟ خيارات دايرة معرفة. اها الفنون دي في نهاية الامر هي سلعة دايرة معرفة وزباين.. مش زي بيع التُرمس؟
اوكي تاني بالجد جد
البت دي لو لقت ليها شوية معرفة تدريب،،،، ما تخلص
بمناسبة الهلال دي،،، يا سني انت لسة هلالبي؟ لسسة ما تبتً؟
ارجو ان لا اكون قد اغضبت احد
لكم الود صادق
يا ريت لو نقدر نتابع من خلالكم، أنا مهمتم جداً بالاجيال الجديدة وتشجيعهم
Post: #49 Title: Re: دعوة لتغيير لجنة تحكيم نجوم الغد Author: عماد شمت Date: 04-25-2008, 11:49 PM Parent: #48
عمر زراعة انت لسع متذكر حنتك ؟؟؟
بالمناسبة عندي ليك صورة خطرة جدا ... تذكر رحلة القاهرة!!!!!!!!!!!!!!!لمن كنا في البص!!!
شايف ودالمنسي عمليهو كضيمات !!
ياصلاح عبدالله سيف كان بشتغل مع الفرقة الماسية بمركز شباب السجانة فرقة محمدعبدالله وردي الصغير
