هل السكرتيرة تعتبر الزوجة التانية ؟؟

كيف يتم اختيارها لشغل هذه الوظيفة ؟
وماهي الشروط والمواصفات والمعايير والمؤهلات لاختيار هذه الموظفة . ؟
وهل كل سكرتيرة تحمل شهادات لشغل هذه الوظيفة أم لديها مؤهلات أخري . ؟
وهل هي مصدر قلل بالنسبة لزوجة السيد المدير . ؟
كيف ينظر لها المجتمع من حولها . ؟
المضايقات التي تتعرض لها من قِبَلْ أصحاب النفوس الضعيفة مستقلين حاجتها الماسة للوظيفة .
وهل هناك أعمال تقوم بها خلاف العمل الموكل إليها والحكمة تقول أن السكرتيرة كالزوجة الثانية . ؟

أسئلة كتيرة غاية الأهمية والخطورة نرجو مناقشتها ..

Quote: كيف يتم اختيارها لشغل هذه الوظيفة ؟

بواسطة مكتب العمل

Quote: وماهي الشروط والمواصفات والمعايير والمؤهلات لاختيار هذه الموظفة . ؟

لاتوجد شروط محدده بل هذه الوظيفه خصصت لمن درس او درست سكرتاريه واداره اعمال

Quote: وهل كل سكرتيرة تحمل شهادات لشغل هذه الوظيفة أم لديها مؤهلات أخري . ؟

اعتقد نعم كل سكرتيره الان تحمل شهاده بتاهلا لانها تكون سكرتيره

Quote: وهل هي مصدر قلل بالنسبة لزوجة السيد المدير . ؟

لالا ده كلام افلام ومسلسلات ساى

Quote: كيف ينظر لها المجتمع من حولها . ؟

كيف يعنى ينظر ليهاالمجتمع؟؟؟ ما هى اصلا عضو فى المجتمع ده

Quote: المضايقات التي تتعرض لها من قِبَلْ أصحاب النفوس الضعيفة مستقلين حاجتها الماسة للوظيفة .

كل النساء يتعرضن للمعكسات من قبل ضعاف النفوس كان سكرتيره او كان مديره

Quote: وهل هناك أعمال تقوم بها خلاف العمل الموكل إليها والحكمة تقول أن السكرتيرة كالزوجة الثانية . ؟

كدى نقيف فى حتت الحكمه دى بالله عليك منو القالا؟؟؟؟؟؟؟؟؟؟؟

Quote: أسئلة كتيرة غاية الأهمية والخطورة نرجو مناقشتها ..

اسئله كتيره !! بتاعت شنو ؟؟؟

العزيز سامي عتباني شكراً لك
ربما أختلف معك في كل ما جئت به و لكن .. كلٌ منا له رأي

Quote: اسئله كتيره !! بتاعت شنو ؟؟؟

الموضوع للنقاش ياود عتباني خلي بالك طويل



عصام الحاج

Quote: هل السكرتيرة تعتبر الزوجة التانية ؟؟

واحيانا كثيرة تعتبر الاولي....!

الأخ العزيز ود الجيلي ،،،

أدخل فى الموضوع على طووووول ،،، خليك من الأسئله الكتيره دى ،،،

يعني هااااات من الآخر ،،، عايز تقول لينا شنو ؟؟؟ ،،،

الموضوع ده موضوع شائك جدا ،،، وعايز ليهو مفاتيح ،،،

كدي أدينا أول مفتاح ،،، وبعدين حتلقى الناس على طول داخلين عليك ،،،




يا هاااااارون يا قريبي ،،،

مالك لبست الكداره أم مسامير ،،، وطوالى أديتها ضفاري كده ،،،،

محمد خليل ساني .. الزول المتصور مع المشاهير
لك مني أعطر محبة وسلام....

Quote: هااااات من الآخر ،،، عايز تقول لينا شنو ؟؟؟ ،،،

داير توقعني في الفخ .. وتطلعني قوال
خلينيا نشوف راي الجماعة مش الموضوع في شكل أسئلة مطروحة للنقاش ..

Quote: مالك لبست الكداره أم مسامير ،،، وطوالى أديتها ضفاري كده ،،،،

هارون دياب يامحمد ساني مابجامل وبقول الحق


عصام الحاج

هارون دياب ... الزول الواضح
شكراً لك ..

Quote: واحيانا كثيرة تعتبر الاولي....!

لان كثيرون يجدون فيها "حائط المبكي" الذي يفضفضون فيه عن مشاكلهم ..
فتصبح مستودعاً كبيراً للأسرار .. أسرار تفضح الصورة الحقيقية التي تتخفي وراء الستار .


عصام الحاج

إنت من الناس اللى بيقعوا فى الفخ يا ود الجيلي ،،،

إنت عارف يا عصام ،،، فكرتك حلوه خالص ،،،

شوف لي كرسي جنبك ،،، حأقعد وأشوف اللى بيحصل شنو ،،،

وبعدين ح تتضح الرؤيه ،،، مع محبتي.

حا ارد ليك علي كل الأسئلة لأني اشتغلت سكرتيرة لمدة ثلاثة سنوات في مكانين مختلفين قبل أن اعمل في مجال الإدارة وشئون العاملين
كيف يتم اختيارها لشغل هذه الوظيفة ؟
بعد ما تقرأ الإعلان المفتوح للوظيفة تقدم اوراقك ويضربوا ليك للإمتحانات وبعد ما تنجح تمشي المعاينات وبعد كدا يكلموك بالمرتب وتتفق معاهم وتستلم الشغل
وماهي الشروط والمواصفات والمعايير والمؤهلات لاختيار هذه الموظفة . ؟
شروط اكادمية وحسب التخصص وخبرتك شهاداتك
وهل كل سكرتيرة تحمل شهادات لشغل هذه الوظيفة أم لديها مؤهلات أخري . ؟
الشهادات والخبرة طبعا
وهل هي مصدر قلل بالنسبة لزوجة السيد المدير . ؟
لا طبعا لانو ما في علاقة بين البيت بتاع المدير والعمل لكن بعض الاحيان بتنشأ علاقات بالهاتف او المقابلة الشخصية عندما ترد علي التلفون وببدا التعارف - بعض زوجات المدراء ظريفات والكثير منهن بغيرن
كيف ينظر لها المجتمع من حولها . ؟
نظرة عادية جدا لأنها وظيفة مثل كل الوظائف وكثيرا ما يشغلها رجال
المضايقات التي تتعرض لها من قِبَلْ أصحاب النفوس الضعيفة مستقلين حاجتها الماسة للوظيفة .
ما بتتعرض لاي مضايقات لانو في حاجة اسمها قانون عمل ومكتب عمل الا اذاالوحده براها عاوزه المضايقات دي
وهل هناك أعمال تقوم بها خلاف العمل الموكل إليها والحكمة تقول أن السكرتيرة كالزوجة الثانية . ؟
طبعا في بعض الاعمال بتكون ضرورية فممكن عادي جدا انك تشتغل شغل غير الحاجة الموكلة لك حسب الضرورة

وختاما طبعا ممكن تحصل علاقات جانبية وممكن كمان يحصل زواج

أنا أعتقد هذا هو مربط الفرس

أو بعبارة أخرى موضوع البوست

إختصرتيه فى آخر سطر يأخت هويدة

Quote: وختاما طبعا ممكن تحصل علاقات جانبية وممكن كمان يحصل زواج.

الإجابات الأخرى واقعية ومقنعة جداً

وتحديداً لو قرأت مع إجابات الأخ سامى عتباني






هارون دياب ياسانى ما عنده صبر طويل للف والدوران

عايز يوصلك للنتيجة مباشرة

أمسك لى ونقطع ليك

لكم التحايا جميعاً








شيخ العرب

Quote: كيف يتم اختيارها لشغل هذه الوظيفة ؟ وماهي الشروط والمواصفات والمعايير والمؤهلات لاختيار هذه الموظفة . ؟ وهل كل سكرتيرة تحمل شهادات لشغل هذه الوظيفة أم لديها مؤهلات أخري . ؟ وهل هي مصدر قلل بالنسبة لزوجة السيد المدير . ؟ كيف ينظر لها المجتمع من حولها . ؟ المضايقات التي تتعرض لها من قِبَلْ أصحاب النفوس الضعيفة مستقلين حاجتها الماسة للوظيفة . وهل هناك أعمال تقوم بها خلاف العمل الموكل إليها والحكمة تقول أن السكرتيرة كالزوجة الثانية . ؟

انا حارد ليك لانو كنت سكرتيرة لمدة تلاتة ونص سنة فى شركة واحدة

حسب اسئلتك انا ح ارد ليك تسلسلا
- الاختيار يتم وفق معاينات زيها وزي اى وظيفة ولو انو فى عدد من الشركات بتعتمد على الشكل والمظهر فقط للسكرتيرة
- الشروط العادية والمؤهلات العادية والمعايير العادية الخاصة باى وظيفة
- المؤهلات الاخري دي شنو البتقصدها انت جمال وحسن وكدا؟؟ دى زى ما قلت ليك فى مدراء جاهلين جدا بقوموا يركزوا على المظهر دون المؤهل
- ممكن مصدر قلق بالنسبة للزوجة ودا بتوقف على شخصية السكرتيرة يعنى مرة المدير من نظرة واحدة بتفهم انو البت دى عينها على المدير ولا لا ومن تلفون واحد بتفهم انو راجلها عينو على السكرتيرة ولا لا
- المجتمع ينظر ليها زيها وزي اى فرد فى المجتمع حقيقة سؤالك دا سخيف جدا
- مضايقات شنو هى سكرتيرة ولا رقاصة ،، المضايقات البتحصل لكل البنات
- اعمال اخرى زى شنو احسن توضحها عشان ما نطبز لينا حاجة وتطلعونا شكاكين وخبيثين

شيخ العرب ... الله يديك العافية

Quote: عايز يوصلك للنتيجة مباشرة

كل سعينا للوصول لهذه النتيجة ...

أرجو لك دوام الصحة والعافية



مودتي

عصام الحاج

Quote: هل السكرتيرة تعتبر الزوجة التانية ؟؟

لا
الزوجة الأولى هي السكرتيرة
التانية صاحبة المكتب
هو الغفير
والله اعلم

بعض خبثاء المدينة يسميها سكستيرة ...!!
عند الخليجيين تعتبر الزوجة التانية والأولى وال أي حاجة ...

هيك عم بصير عناهون ...!!

ده كلام غريب يا جماعة، (تثبيت)
وظيفة أخرى للسكرتيرة غير أعباء
السكرتارية، من قال بهذه الفرضية التى
تعود بالمرأة لعصر الحريم، و" ما ملكت أيمانكم"،
وتعود بنا إلى عهد موغل فى البعد، وفى البغض،
ثم ماذا يكون عليه الحال لو كان سكرتيراً
رجلاً وليس إمرأة، هل يكون هو زوجة ثانية أيضاً ؟؟؟؟!!!!

عجايب .

معليش أخي الكريم سيد البوست..

موضوعك ده به الكتير من الإيحاءات غير الجميلة..
ضد المرأة العاملة وكانها طالعة للمسخرة وخراب البيوت..
السكرتيرة تؤدي عملها كأي موظف آخر في مكان العمل
لها حقوق وعليها واجبات..
هي ليست جارية للمدير.. ولا الوزير..

ولا هي منكسرة.. لأن أي شخص يحتاج لعمله.. لأنه أكل عيشه أولا..
ولإرضاء إحتياجات عليا.. كتقدير الذات وغيرها..

الأخوات جاوبن بكل موضوعية رغم المداخلات الغير موضوعية من البعض هنا..

في مديرات سيدات وعندهم سكرتارية رجال.. أو مساعد إداري
وهذا يكون بمثابة ساعدها الأيمن.. وأقرب الموظفين لها إداريا
بحكم تنظيمه لوقتها.. وإئتمانه لأسرار العمل والقرارات الهامة..

فهل ينظر له كزوج ثاني.. إنتهازي وهلفوت يريد إيقاع المديرة في دباديبه
أو خطر يهدد بيت زوجية المديرة؟

_____
وعموما المسخرة وطيارة العين (عند رجل أو إمرأة).. لا تعرف وظيفة معينة..

Quote: وعموما المسخرة وطيارة العين (عند رجل أو إمرأة).. لا تعرف وظيفة معينة

والله ريحتيني راحة

والمحيرني سؤال صاحب البوست كيف ينظر لها المجتمع؟؟؟


عليك الله دا سؤال ينطرح ، لعلمك وبناءا على خبرتي السكرتارية، فى سكرتيرات بيفهموا الشغل اكتر من سيد الشغل ذاتو المسمى المدير واحتمال دا بيخلى المدير يعتمد عليها كتير

لكن تظل السكرتاريا العمود الفقري للشركات رضيتوا ام ابيتو


بلا قرف ياخ

اخي صاحب البوست

التعميم مخل جدا حين يتعلق الامر بعمل اخواتنا السكرتيرات

لما نسقط الجوانب المشرقة في مهنتهن بدلا عن كل هذا

ما نكتبه هنا مسرولين عنه امام المولى

فلندع العبارات والإيحاءات غير الكريمة جانبا

هناك من يتضررن من مثل هذه الاتهامات

Quote: وعموما المسخرة وطيارة العين (عند رجل أو إمرأة).. لا تعرف وظيفة معينة..

.



تسلمى يا نجوان، وربنا يكمّل ليك بعقلك ،
دايماً موضوعية، وذات نظر ثاقب، ورأى حكيم،
وبالطبعً قلم حاذق .


دمتى معافاة .

شكرا عبدالله شمس الدين..

تحيّرني مثل هذه الإتهامات والإيحاءات ضد المرأة
والبتكون وليدة مزاج كده.. دون إعتبار لمن قد يجرحهن مثل هذا الكلام
من أخوات مكافحات وعزيزات نفس.. شايلين بيوت..

Quote: فى سكرتيرات بيفهموا الشغل اكتر من سيد الشغل ذاتو المسمى المدير

مضبوط..
لكن تقولي شنو..

Quote: بلا قرف ياخ

بنت النور ممنون

Quote: فى مدراء جاهلين جدا بقوموا يركزوا على المظهر دون المؤهل

مش دا كلامك في نفس البوست




مودتي

عصام الحاج

العزيزة نجوان وبقية المتداخلين . تحياتي وشكري
قطعاً عندما نزلت البوست وأخترت ليه العنوان دا لم أقصد به التقليل من شأن المراة العاملة التي أحترمها جداٍ.
ولعلمي أن الدين الأسلامي الحنيف شرع العمل للمراءة في كل المجالات مالم يتعارض ذلك مع طبيعتها الجسمانية وأخلاقها السمحة . وأعتبر أن وظيفة السكرتاريا من الوظائف المناسبة للمراة . ولكن في بعض المجتمعات نجد أن بعض أصحاب العقول الضعيفة والقلوب المريضة يعتبرون شغل هذه الوظيفة أو عمل المراة عموماً من سواقط المجتمع وهي دائماً محل إتهمام بالفساد الأخلاقي . "طبعاً قمة التخلف"
وأنا نزلت البوست للمناقشة ليس إلاّ ووضعته في شكل أسئلة لكي يتم الإجابة عليها بالصورة الصحيحة ..
بس ياتري إنت ِ بتحملي فهم كل الناس أو كل العالمين عندهم نفس فهمك دا أنا أتفق معك بس غيري ممكن يختلف أو رايك دا ما يعجبو . عموماً أرجو مناقشة الموضوع لأجل عكس الصورة الصحيحة بالنسبة للموضوع "الموضوع للنقاش"

Quote: موضوعك ده به الكتير من الإيحاءات غير الجميلة.. ضد المرأة العاملة وكانها طالعة للمسخرة وخراب البيوت..

ودا الدليل علي كلامك أعلاه .. ولو بحثتي في قوقل بتجدي الكثير
http://problem.6rbx.com/subjects1.php?id=1205
إسلام أون لاين
http://www.islamonline.net/servlet/Satellite?pagename=I...gA&cid=1147955884816



مودتي وأحترامي

شكرا عصام على رحابة صدرك..

Quote: لم أقصد به التقليل من شأن المراة العاملة التي أحترمها جداٍ

كتّر خيرك والله
لكني إنتقدت الإيحاءات التي حملتها تساؤلاتك.. في نظري..
قصدك أخي الكريم لا أعلمه ولا أفترض انه سئ.. خصوصا وإنك زميل جديد هنا
وإنما نبّهتك -حسب شوفي- كما فعل البعض هنا..

Quote: وأعتبر أن وظيفة السكرتاريا من الوظائف المناسبة للمراة

جميل.. وأعتقد أن المرأة أكثر دراية بما يناسبها وما لا يناسبها من المهن..

Quote: وأنا نزلت البوست للمناقشة ليس إلاّ

طيّب ما نحنا هسه قاعدين نناقشك

Quote: أنا أتفق معك بس غيري ممكن يختلف أو رايك دا ما يعجبو

إحنا بناقش فيك انت كاتب الموضوع..
غيرك لما يجي برضو بناقشوا كان الله هوّن..

______
نسيت أرحب بيك في المنبر بين أهلك وناسك..

العزيزة نجوان ..

شكراً لكِ سيدتي الفاضلة علي الترحيب ...

Quote: انت كاتب الموضوع..

أرجو أن أوفق في كل ما أكتب وأن لا تسبب كتاباتي الضجر للآخرين ..



أتمني لكِ دوام الصحة والعافية ...

عصام الحاج

Quote: ودا الدليل علي كلامك أعلاه .. ولو بحثتي في قوقل بتجدي الكثير

Quote: http://problem.6rbx.com/subjects1.php?id=1205

عصام سلامات مره تانيه
للنقاش

الا يا عصام النسالك
انت قاصد يا اخوى السكرتيره ياته
حواء السودانيه ولا حواء اللبنانيه
ولا حواء السوريه
كان قاصد حواء الغير سودانيه بكون كلام تالت
لى عوده

العزيز عتباني .. تحياتي

Quote: انت قاصد يا اخوى السكرتيره ياته حواء السودانيه ولا حواء اللبنانيه ولا حواء السوريه

للأسف حواء العربية ... بما فيها السودانية




عصام الحاج

نرحب بالزميل (الجديد) عصام

ونحيي روحك الرياضية..


الأخوات (بستفوك) بستفة تاريخية..

آي صاح في حريات كتابة هنا..

لكن يجب أن تعلم يا أخي الكريم..

إنك مسئول من آرائك..وكل كلمة تكتبها

بتكون محتاج تراجعها كذا مرة كدا..

الكتابة في البوردات زيها وزي أي كتابة

صحفية تانية في جريدة أو مجلة..

وهامش الحرية الكبير المتاح في الصحافة

الإلكترونية ، يجب ألا يخدع البعض في حجم

المسئوليات والتبعات التي قد ينجروا

إليها حتى ولو كان الأمر بحسن النية..

نتمنى لك طيب الإقامة هنا ومعاً نحو

المزيد من الكتابة الجادة والمسئولة.

مع تحياتي

______________________
العزيزات نجوان وشمائل:
حقكن علينا..
تيك إت إيزي وكدا

العزيز محمد مصطفي ... شكراً لك علي الترحيب

وأشكرك علي المداخلة والنصائح الجميلة المهمة ... ولكن
على ما يبدو أن نكتب أو نناقش موضوعات جادة غاية الأهمية ملامسة لما يدور في واقعنا وتحمل رسالة فهو الصعب .!؟

أكرر شكري و تقديري




عصام الحاج

Quote: يبقي الأمر فرصة لمعرف كيف يفكر هؤلاء

Quote: يبقي الأمر فرصة لمعرفة كيف يفكر هؤلاء

أشكرك رحاب .. وخليك هنا لمعرفة تفكير هؤلاء ...



عصام الحاج

Quote: هل السكرتيرة تعتبر الزوجة التانية ؟؟

عصام ..حبابك


اها لو كانت مديرة؟..


في امبدة شارع الردمية.. في بداية التسعينات.. كان هناك اكتر من كم مكتب لمحاميات (ناجحات)..و مشغلات سكرتيرات معاهن.. في بعض المكاتب بيكون فيها اكتر من سكرتيرة..

و في كل انحاء السودان.. هناك عدد من المحاميات مؤسسات مكاتب للمحاماة و برضك مشغلات معاهن سكرتيرات..
اها ده كلو وين في الحسبة دي؟

اخطر الإيحاءات في اعتقادي.. انو لسع ما واقعة لينا قصة مديرة..و كل الفرضيات مبنية على مدير راجل..و لا كلامي ده اعوج؟



كبر

العزيز كبر .. لك التحية

Quote: اها لو كانت مديرة؟..

للأسف ذي المواقف دي دائماً بتكون من نصيب الرجال وفي الرجال صناع الغرار "ضعاف النفوس"



مودتي

عصام الحاج

شكرا محمد مصطفى


ياعصام انت طرحت عدد من الاسئلة وانا لما جاوبت ليك فى مسالة المؤهلات قلت ليك انو فى بعض الوظائف والدراء الجهلة بيركزوا على الشكل ، اما بلا قرف ياخ دى انت عارفها وفاهمها كويس انا قاصدة بيها اى سؤال



شكرا على طرح الموضوع

العزيزة بنت النور .. تحياتي ...

Quote: شكرا على طرح الموضوع

وشكراً لعنوان البوست الجابك للموضوع ... لان بينكم يصبح للنقاش طعم آخر ..






عصام الحاج

الاخ عصام الجيلي
لك التحية والتقدير
تابعت حوارك الهادئ من أوله
ومن حقك أن تطرح ما تشاء من أسئلة
ولك أن تتوقع كيفية تقبل القراء لما تطرح

من الاجحاف أن نعمم الحكم على اللائي يعملن سكرتيرات , وقد يكون هناك استثناءات هي التي
عنيتها أنت بتساؤلاتك أعلاه .
وما يقابل السكرتيرة من مضايقات من رب العمل أو بعض الزملاء والعملاء , قد يقابل أي موظفة أخرى
من المذكورين أنفسهم , وقد يزيد نصيب السكرتيرة قليلا أو يقل .
وكله مرهون بتقبل وتعامل ( الفتاة أو المرأءة ) مع الآخرين وتستطيع هي أن تميز بين من كانت نواياه
حسنة ومن يقصد المضايقة والتحرش اللفظي , وتستطيع أن تتقبل أو ترفض ذلك .

وقد تجاري بعضهن الوضع حفاظا على وظيفتها أو كنوع من التجربة الجديدة , أو لاشباع أحساسها أنها
مرغوب فيها ومطلوبة , ولكنهن قلة لا على كل حال , ولا يصنف ذلك على أنه قاعدة عامة , ولا ترقى
لان تكون ( ظاهرة ) يعتد بها .

كل الود

العزيز البشير دفع الله ... تحياتي الطيبة
جزيل الشكر لكلماتك الضافية ...

مع التحية والتقدير ...




عصام الحاج

عتقد انو الاخ عصام بتكلم عن ظهرة متواجدة بكثرة فى السودان والعالم العربى
لكن باي حال من الاحوال دا م بقلل من شان السكرتيرة الواجهت الموقف
لانها ببساطة لو كان فى قانون بيحمى النساء كانت سبت لابو اهله وفضحته
لكن للاسف القانون قانون ذكورى يحمى الراجل فقط
والمسكينة لو حاولت اشتكت عارفة مصيرها حا يكون الشارع مش الشركة بتاعته والقانون فى صفه
عشان كده فى البلاد الفيها قانون بتاع sexual harrasment
ما واحد بتجرا يساوم اى واحدة فى حاجة ذى الاالبت تكون interested

العزيز ناجي .. اسعد الله اوقاتك.
ما قلت إلا الحق .. ولك الشكر الجزيل عزيزي علي مداخلتك


فائق الاحترام

عصام الحاج