تبقى أنت أكيد سووووداني

***لو (لبد) ليك شرطى (مرور) فى نهاية شارع (إتجاه واحد) وخلاك لمن
دخلت وجاك بى (دفتر إيصالاتو)… تبقى أنت أكيد سوداني
*** لو لقيت فى بلد ما فيهو (معينات البحث العلمى) وكل يوم الجامعات
تناقش (خمسين) رسالة دكتوراة و(ميتين) رسالة (ماجستير) … تبقى أنت
أكيد سوداني
*** لو إنت فى بلد وزارة الصحة فيهو قالت (الدواء) ده (فاسد) أحظروهو ..
وبعد شويه قالت (ما فاسد) خلوهو .. وبعد شويتين (فاسد) أمنعوهو ….
تبقى أنت أكيد سوداني
*** لو لقيت فى بلد (الصحف) بتتقفل بى (ماده) فى القانون (معموله)
للمطاعم … تبقى أنت أكيد سوداني
*** لو قرأت الصحف فى 1987 و فى 2016 عن (إنتهاء قطوعات) الكهرباء ولقيت نفس الكلام فى صيف 2030 … تبقى أنت أكيد سوداني
*** لو طلعت من بيتكم وداير تركب مواصلات وما لقيت غير مقعد واحد واللي هو الجنب السواق في (الهايس) .... ويقوم الزول البطرف نزل ليك عشان انت تخش جوه ... تبقى اكيد سوداني.
*** لو لقيت (سفة) مرمية في الواطة .... و(تفاف ) ملقى على الارض في كل مكان ..... تبقى اكيد انت سوداني.

*** لو بحثت فى كل البلد عن زول بيعترف بانجازات الحكومة (الحزب الحاكم) حتى ولو هو مختلف معاه وما لقيت… تبقى أنت أكيد ....
*** لو أهم (كبرى) فى عاصمة البلد صيانتو عاوزة ليها (سنتين) .. … تبقى
أنت أكيد سوداني
*** لو لقيت إنو وزارة الداخلية عندها مؤسسات (تعليمية) ووزارة التعليم
عندها مؤسسات (صحية) ووزارة الصحة عندها (شركات إنشائية)… تبقى أنت أكيد سوداني
*** لو لقيت طالب بيقرأ (طب) ونسبتو 59% …. تبقى أنت أكيد سوداني
*** لو عاوز تفتح (بلاغ) وقالو ليك أدفع (رسوم) …. تبقى أنت أكيد سوداني
*** لو إتقدمت لى وظيفة وعندك (امتياز( وقامو عينو زميلك العندو (مقبول)
طبعا يبقى انت اكيد سوداني
*** لو وجدت عيادات (للدجل والشعوذة) فاتحة تستقبل (الزبائن) على عينك
يا تاجر…. تبقى أنت سوداني
*** لو دخلت (الوزارة) وإنت مؤجر فى (زقلونا) وطلعت وعندك عمارتين فى
قاردن سيتى) …. تبقى أنت أكيد فى السودان
*** لو إشتغلت فى الخدمة المدنية 30 سنه وأدوك معاش شهرى يساوى 6 كيلو لحمة …. تبقى أنت أكيد سوداني
*** لو عدمت (التعريفة) وكمان دخلت فى (ديون) للإيفاء بنفقات (فراش(
قريبك الذى توفى إلى رحمة الله …. تبقى أنت أكيد سوداني
*** لو وجدت أن (ترخيص عربتك) يساوى (ربع) قيمتها …. تبقى أنت أكيد سوداني
*** لو (فجأة) إكتشف (المسئولون) أن (الخريف) على الأبواب …. تبقى أنت
أكيد السوداني
*** لو مكث (مرتبك) معك (تلاته ساعات وإطناشر دقيقه) هى الفترة من لحظة إستلامه من الصراف إلى حين عودتك للمنزل …. تبقى أنت أكيد سوداني
*** لو فاز فريقك الذى تشجعه على الفريق الخصم فى مباراة الذهاب 8/صفر
وخسر فى مباراة الإياب 12/صفر…. تبقى أنت أكيد سوداني
*** لو وجدت أن رؤساء (الأحزاب) هم (رؤساء) مدى الحياة …. تبقى أنت أكيد سوداني
*** لو وجدت أن نسبة الفقر تزداد بإزدياد (معدل النمو) …. تبقى أنت أكيد سوداني

لو عملت مظاهرة وعصيان مدنى وأجبرت العسكر على حل المجلس، وسلمت مجهودك للطائفيين
وحلفت ليهم أنو لو جاء عسكرى تانى برضو حتقلعها منو وتسلمها ليهم، تبقى سـودانى.

سلام يا ميادة.

الاخت ميادة .. .. مسكاقمي :

لو قلتي الكلام دة كلو وماعملوا ليكي حاجة اكي ياهو دا السودان ..
انت عليكي الله خليتي في البلد دي شنو ؟

Quote: الاخت ميادة .. .. مسكاقمي : لو قلتي الكلام دة كلو وماعملوا ليكي حاجة اكي ياهو دا السودان .. انت عليكي الله خليتي في البلد دي شنو ؟

يا قريبي بهاء عيسي
كيفك
سكرفي ويفييييييييييينا
إلووووو
ديل ناس منو الماعملوا لي حاجة
ما تقولي أساسي وكدا(نزير الموت)
الجاب خبر شهيد قدور وناس خضر
لا عليك الله انا ما قدره
شكرا على المرور وتحياتي

الاخ ابو الريش
سلامااااااات
شكرا على الاضافة

ميادة كيفنك


سوداني وخليك سوداني .. وكدا




بالمناسبة دي

Quote: لو لقيت فى بلد ما فيهو (معينات البحث العلمى) وكل يوم الجامعات تناقش (خمسين) رسالة دكتوراة و(ميتين) رسالة (ماجستير) … تبقى أنت أكيد سوداني

الأهــداء إلى نيستا

الاخ محمد عبد الماجد الصايم

Quote: الأهــداء إلى نيستا

بدون مشااااااااااااكل
بس ورونا معاكم المناسبة
اصلوا اختك ما متابعة
شكرا على المرور

ويامياده

عندما يستضيفون (فنانة هابطة ) لتتحدث عن (السياسة ) ... يجب أن تعرف انك سودانى


عندما تقوم من النوم لتجد في موبايلك رسائل ليس لها أي معنى ...تاكدانك سودانى

أن لا تحصل على الترقية في عملك إلا (بواسطة) ولا تجيب تقدير في الجامعة إلا (بواسطة) ولا تجد الوظيفة إلا (بواسطة) ولا تنتقل إلا (بواسطة) ولا تحصل على (حقوقك) إلا بواسطة . أنت مواطن مسكين مقهور اذن انت سودانى

عندما يكون هناك ستة ملايين (عامل) أجنبي .. وثلاثة ملايين (عاطل) . أنت سودانى

الاخ سامي عتباني
صباحك زين
كيفك
شكر على الاضافة والمرور

لما تتعرف على زول وتكون صادق تجاه وفجاءة سلام الله ما يرده ليك

دا بكون اكيد ما سودانى

مياده قريبتي ،،،

هيلووووووو ،،، ويفيييييييييييينا ،،،

حمدالله على السلامه ،،،

ميادة و بهاء عيسي و ساني بالله خلونا في العربي لغة المنبر الرسمية ، تحياتي يا ميادة وووينك مختفية ليك زمن افتقدناك ...
*** و لما يجيك زول زيارة الساعة 2 ضهر بدون اي سابق موعد تاكد انك سوداني و عايش في السودان
*** و لما تمشي لي دكتور في عيادته الخاصة و انت دافع من حر مالك عشان تتعالج و الدكتور يلطعك اكتر من ربع ساعة و هو بيتكلم في الموبايل أي كانت اهمية المكالمة تأكد انك سوداني
*** ولما لما تلاقي زول حولك ما بيحترم مواعيده أو يحترم فكرة حافظوا علي نظافة مدينتكم و بكل بساطة ممكن يجدع ليه علبة بيبسي أو صندوق سجائر من شباك عربة اخر موديل ، تأكد ان هذا الحدث وقع داخل السودان و انك انت سوداني
***** بس كمان لما تكوررررك بأعلي صوت و تقول الحقوني أو يا ابو مروة و تلقي خلال دقيقة واحدة حولك مئات الناس تأكد انك سوداني و عايش في السودان
***** و لما تصحي الصباح و تلاقي البيت مافيه قوت يومك ، تمشي انت و عيالك الاربعة بيت ناس عمك أو عمتك ،خالك أو خالتك و تقيل معاهم اليوم كله و تأكل معاهم 3 وجبات من غير تذمر منهم أو اي احساس بالضيق تأكد بس ساعتها انك سوووووداني و أنه الحدث دا ما بتكرر الا في السودان
تحياتي و عميق ودي و خليك هنا ما تفوتي يا ميادة

اختي الفاضله ميادة ..

وعندما تجدي المتسكعين علي ابواب اعانات البطالة يحاولوا ان يتحدثوا باسم البلد ... وينظروا في سسياسة البلد واقتصاد البلد ... تعرفي ان هذه العاهات الاكلترونية اكيد صنع خصيصا من السودان وللسودان ....

الاخت مياده

مساك سعيد بي توقيت هنا

اجعل هدفك في الحياة هو الراحه والاسترخاء
حب سريرك فهو مملكتك الوحيده
ارتاح بنهار لتتمكن من النوم في الليل
العمل شي مقدس لذلك لاتقترب منه
لا تؤجل عملك للغد طالمايمكنك تأجيله لبعد الغد
اذا احسست بأن لديك رغبه في العمل
استرخي قليلا حتي تزول الرغبه
لا تنسي ان العمل مفيد للصحه لذلك اتركه للمرضي

واخيرا احنا الوحيدين في العالم بنستعمل المصطلح (الولد ده اخ تف من ابوه) في قرف اكتر من كده

سلام يا أخت ميادة


والله بوست عينة..

لو الواحد قرأ البوست ده وشعر بإرتياح أو أريحية.. أكيد سوداني..



تحياتي





عبدالعزيز

الحبيبة الحبوبة هبة الماحي
مساءك خير
شكرا على الاضافة والمرور
وتسلمي كتير على الشعور الطيب


وافيني على الماسنجر
شكرا يا حبيبة

محمد خليل
كيفك يا ملك
انا الحمد لله بخير
وانت كيف
الله يسلمك
وشكرا على المرور
والسؤال كمان
نشوفك قريب

اختي الفاضلة انتصار
سلمات
كيفك
لما تتعرف على زول وتكون صادق تجاه وفجاءة سلام الله ما يرده ليك

دا بكون اكيد ما سودانى
انا كمان صادقة تجاهك
مافي اي فجا ولا حاجة
كل الحكاية اني انشغلت الفترة الفاتت ديك بعدة امور دنيوية والله ما بقعد على الجهاز
وعلى فكرة الماسنجر وتسجيل الدخول للموقع هنا بكونل اوون لاين على طول مجرد ما السيرفر يفتح عندي ، ولكن عادة انا ما بقعد على الجهاز ،،، وانتي طبعا افتكرتي اني ما عايزة ارد عليكي،،،
وبالفعل لقيت منك مسج الهوت ميل
ووقتها اذكر برضو اني رديت عليكي وترتكت ليكي اووف لاين مسج
وبعدين زي ما انتي قلتي ما بتظني السوء في الناس طيب مالك ما اديتني العذر عملا بقول الرسول صلي الله عليه وسلم اوجد لاخيك سبعين عذرا
عموما يا اختي
بعتزر منك لاني ما قدر ارد عليكي
وان شاء الله الاقيكي على الماسنجر بي هناك
ولكي العتبى حتى ترضي
اختك ميادة

لما الايميل نفسه يصلك بعنوان

أكيد فى السودان‏

و كل المفارقات تنتهى بالجملة نفسها

أكيد فى السودان‏

تجى تلقاهو منزل بوست

و "أكيد فى السودان"‏ مبدلة ل "تبقى أنت أكيد سووووداني"

و محذوف منه بعض الجمل لاسباب "ما"

تبقي اكيد ....

الاخ esam gabralla
سلمات
فعلا هي رسالة جاتني في الايميل
وانا حبيت اشاركم بيه في البورد هنا
ليس الا
والهدف في النهاية هو الرسالة اللي مفروض توصل للناس
والقصد من الموضوع
وكمان ياريت نركز شوية على الموضوع مش على اطراف البوست
يعني انا لمن قصدت انزل البوست كان قصدي منه نتناقش في شئ (وليس اني شلت حاجة بتاعة زول وجيت جارية بيه المنبر هنا)واللي هو سلوك الناس وممارساتهم واللي هي جزء من ثقافتهم
واللي المفروض السلبي منها يتعرف ويحاول الناس يتداركوه....


و محذوف منه بعض الجمل لاسباب "ما"
انا ما عارفة اسباب ما بتاعتك ديو اللي خاتيها بين قوسين
ياريت حضرتك تتكرم وتقولها لي وللاخوة المتداخلين



*** عموما بعتزر اذا اخطأت
لكن قصدي شريف وليس بدافع السرقة
فقط اردت ان يكون موضوع نقاش بين الناس ليس الا
شكر ليك
وبعتزر مرة ثانية ليك وللاخوة والاخوات

الرسالة كما وصلتنى

يكون عدلوها ناس البوستة؟

Quote: FW: أكيد فى السودان‏ لو بحثت عن خط (عبور مشاة) أو (أمامك مدرسة) أو(منحنى) فى كل (العاصمة) ولم تجده تبقى أكيد فى السودان لو إنت فى بلد فيهو سنه سابعة وسنة تامنه ابتدائى… تبقى أنت أكيد فى السودان لو طالعتك إعلانات شركات (مسئول) كبير وهو لا زال (فى الخدمة)… تبقى أنت أكيد فى السودان لو (لبد) ليك شرطى (مرور) فى نهاية شارع (إتجاه واحد) وخلاك لمن دخلت وجاك بى (دفتر إيصالاتو)… تبقى أنت أكيد فى السودان لو لقيت فى بلد ما فيهو (معينات البحث العلمى) وكل يوم الجامعات تناقش(خمسين) رسالة دكتوراة و(ميتين) رسالة (ماجستير) … تبقى أنت أكيد فى السودان لو إنت فى بلد وزارة الصحة فيهو قالت (الدواء) ده (فاسد) أحظروهو .. وبعد شويه قالت (ما فاسد) خلوهو .. وبعد شويتين (فاسد) أمنعوهو …. تبقى أنت أكيد فى السودان لو لقيت فى بلد (الصحف) بتتقفل بى (ماده) فى القانون (معموله) للمطاعم … تبقى أنت أكيد فى السودان لما تلاقى الترزى كاتب على باب المحل بتاعو آيه بتقول ( وفصلنا كل شئ تفصيلا) صدق الله العظيم … تبقى أنت أكيد فى السودان لما تخلص تدخل (مكان) وتيجى تركب عربيتك تلاقى (المساحات) مرفوعه عشان تعرف على طول انو فى واحد مسحها ليك وح ياخد منك ألف جنيه لو (إتزنقت) وما لقيت (مراحيض عامة) … تبقى أنت أكيد فى السودان لو قرأت الصحف فى 1987 و فى 2016 عن (إنتهاء قطوعات) الكهرباء ولقيت نفس الكلام فى صيف 2030 … تبقى أنت أكيد فى السودان لو أهم (كبرى) فى عاصمة البلد صيانتو عاوزة ليها (سنتين) .. … تبقى أنت أكيد فى السودان لو لقيت إنو وزارة الداخلية عندها مؤسسات (تعليمية) ووزارة التعليم عندها مؤسسات (صحية) ووزارة الصحة عندها (شركات إنشائية)… تبقى أنت أكيد فى السودان لو دخلت (الوزارة) وإنت مؤجر فى (زقلونا) وطلعت وعندك عمارتين فى (قاردن سيتى) …. تبقى أنت أكيد فى السودان لو إشتغلت فى الخدمة المدنية 30 سنه وأدوك معاش شهرى يساوى 6 كيلو لحمة أنت أكيد فى السودان لو توقفت (الحركة) إثناء ساعات (الذروة) وإكتشفت أن السبب (كشه) …. تبقى أنت أكيد فى السودان لو عدمت (التعريفة) وكمان دخلت فى (ديون) للإيفاء بنفقات (فراش) قريبك الذى توفى إلى رحمة الله …. تبقى أنت أكيد فى السودان لو وجدت أن (ترخيص عربتك) يساوى (ربع) قيمتها …. تبقى أنت أكيد فى السودان لو تقدم إبنك (المهندس) لشغل وظيفة وكان (الإنترفيو) عن (صلاة الجنازة) تبقى أنت أكيد فى السودان لو (فجأة) إكتشف (المسئولون) أن (الخريف) على الأبواب …. تبقى أنت أكيد فى السودان لو عندك (الكلية) اليمين متعطله وعاوزين يشيلوها ليك قامو (إستأصوا) الشمال السليمة لأنو (الدكتور) كان ماسك الأشعة (بالمقلوب) …. تبقى أنت أكيد فى السودان لو مكث (مرتبك) معك (تلاته ساعات وإطناشر دقيقه) هى الفترة من لحظة إستلامه من الصراف إلى حين عودتك للمنزل …. تبقى أنت أكيد فى السودان لو فاز فريقك الذى تشجعه على الفريق الخصم فى مباراة الذهاب 8/صفر وخسر فى مباراة الإياب 12/صفر…. تبقى أنت أكيد فى السودان لو وجدت أن رؤساء (الأحزاب) هم (رؤساء) مدى الحياة …. تبقى أنت أكيد فى السودان لو وجدت أن نسبة الفقر تزداد بإزدياد (معدل النمو) …. تبقى أنت أكيد فى السودان

و
تبقى أنت أكيد سووووداني

تختلف كليا عن:

تبقى أنت أكيد فى السودان

ولو ليقت بلد في العالم عدد قواته المسلحة أقل من عدد القوات الدولية بارضه فاكيد انت في السودان.
لو ليقت شيخ قبيلة أصبح مستشار في ديوان الحكم الاتحادي أكيد أنت سوداني.

لو لقيت بلد يصدر سكانه لاجئين و يستورد أجانب في إعادة توطين فأنت سوداني.

للحقيقه وصلتني هذه الماده أيضاً عبر بريدي الإلكتروني قبل فتره طويله جداً بعنوان (تبقى إنت أكيد في السودان).
وقد سال هنا حبر كثير جداً عن الحقوق الأدبيه لذا أتمنى أن تؤكد لنا الأخت مياده هل هي كاتبة هذا البوست أم لا .

لو سمعت بوزير قدم استقالته بعد فضيحة من نوع طاخ ,, وفي اليوم التاني عينوا وزير دفاع ,,,
اكيد الوزير كوز سوداني ..


ولا انا ما سوداني

ولو قمتي الصباح لقيتي ناس الامن قدام بيتكم
أكيد حتكوني سودانية


ياخ ده كلام مبالغة
تحيااااات طيبات

I thought this was written by Ibrahim Jabra

Bagir

ذكرتنى فكرة هذا البوست برسالة وصلتنى من احدى الاخوات عن السعوديه

Quote: كـيـف تـعـرف أنـك في الـسـعـوديـة؟؟ *يسألون عن الغبار يفطر إذا وصل الحلق ويأكلون أموال الناس في الأسهم وسوا * تـٌمنع المواقع المسيئة للأدب في الإنترنت ويٌسمح بالقنوات الفضائية الأكثر إساءة للأدب. * تٌـدرس حقوق الزوج والزوجة في المدارس الابتدائية وتٌـدرس اللغة الإنجليزية في المرحلة المتوسطة. * نستقدم سائقين لا يتحدثون اللغة العربية ومسميات الشوارع بالعربي. * موظف الخطوط السعودية ينتقد تعامل موظف الهاتف. * تصلك رسالة على بريدك لتكتشف أن المرسل أقرب لك من صندوق بريدك. * تطلب كبسة رز مع لحم وتصر على الدايت بيبسى * تشترك في نادي رياضي لمدة 3 شهور لكي تحضر 3 أيام فقط * أبناء وبنات القائمين على التعليم يدرسون في مدارس خاصة ... *يشجعون ويدعون المواطنين للسياحة الداخلية وعائلاتهم في نيس وكان!!!. *خمس مرات على الأقل مراجعة البلدية لاستخراج رخصة محل لا يمت للبلدية بصلة *تراجع القاضي ليصدر لك صك منحة من الدوله *ما تنجز ولا معاملة في رمضان في الدوائر الحكومية *يطلع وزير ويستدلخ الشعب مثل ما استخف فرعون قومه وأطاعوه *كثرة المدن الاقتصادية * الأمراء يكتبون شعر المعاناة !!!. * تبحث عن واسطة لاخراج سائقك الخاص من التوقيف بعد تجاوزه إشارة المرور الحمراء. * تبحث عن واسطة لاستخراج تقرير طبي للخادمة الجديدة بدون إجراء الكشف الطبي اللازم. * تكلم البيت بالجوال لأكثر من دقيقة فقط لتسأل إذا أهلك محتاجين خبز بريال أو لا. * تـٌمنع الدخول لحديقة الحيوانات مع عائلتك ويسمح لك بالدخول في حديقة الغرفة التجارية. لماذا المرأة السعودية أطول عمرا من الرجل السعودي؟ لأنه لم يسبق للمرأة أن راجعت دائرة حكومية. * كيف تقيس سرعة الصوت؟ الوقت بين تغير إشارة المرور من اللون الاحمر الى اللون الأخضر ومنبه السيارة التي خلفك. ما هو التضخم (فقدان العملة قيمتها الشرائية)؟ هو التسوق في محل البائع فيه لبناني. تعريف الرجل المناسب في المكان المناسب؟ تعيين مدير البيتزا وزيرا للصحة( لأن البيتزا تصل الى البيت اسرع من الاسعاف ) ما هو الفرق بين دول العالم الثالث ودول العالم الأول؟ في دول العالم الأول يصنعون من المليونيرات ورجال الأعمال وزراء ورجال دولة. ... في دول العالم الثالث يصنعون من الوزراء ورجال الدولة مليونيرات رجال أعمال. * أين تذهب في عطلة هذا الأسبوع مع العائلة.؟ السوق ولا المطعم ولا السوق ولا المطعم ولا السوق ولا المطعم ولا المستشفى, ملاحظة (ممنوع دخول العزاب). * مميزات الشوارع: كامري كابرس ميركوري هايلكس إعلانات عن المطاعم الطريق مقفل يوجد حفريات. * ينادى للصلاة وتقفل المحلات وتدخل المسجد لترى الامام و4 هنود.

لمن تجى واحدة إنقاذية وهابية متخلفة تكتب فى المنبر ده معناها إنت سواداني

ولو لقيت واحد يتكلم بأسم الدين وهو كذاب وحرامي فأكيد ده (مؤتمر وطني) سودانييي.

ولو لقيت السياسه بقت في بلد زي سوق النخاسه فتأكد أنك في السودان


لله درك يا سودان

هذه الرسالة وصلتني فاعجبتني.. وفكرت في ان افتح بوستا بها/

فاتصلت على من اعتقدت انه صاحبها، الا انه نفي ذلك

وحدثني بانه لا يعرف صاحبها الاصلي، فصرفت النظر..

لو عرفتم من هو كاتبها، سلموا لي عليهو وبلغيهو اعجابي.. لانها تعكس بصدق واقع حالنا

كسودانيين..

(كيف يكون الحال لو ما كنت سوداني؟؟؟

- كنت ح تلتزم بالمواعيد..

- كنت ح تتصل بالتلفون قبل زيارة أحد في منزله بدري شويه, مش و أنت في خشم الباب...

كنت انتظرت دورك في الصف.. ولم تتفنن في تجاهله أو الوصول إلى مقدمته بأي صورة...

- كنت ح تنهر أولادك لما يبهدلوا ليهم بيت زول..

و كنت ح تتردد في أخذهم معاك المرة الجاية لنفس البيت, علشان يبهدلوه مرة تانية...

- كنت ح تدفع ال share بتاعك في العشاء الجماعي دون ملاحقة.. أو سك من منظمي المناسبة المتوكحين بالفاتورة...

- كنت ح تتردد في إعطاء رقم تلفون أو عنوان شخص ما دون إذنه...

- كنت ح تتكلم بلسانك و ليس لسان كل من يحمل الجواز الأخضر..

- كنت ح تتوقع يحصل شنو لما ترقد طفلك الصغير, دون بامبرز في سرير في بيت الناس..

- كنت ح تلبس حزام الأمان في السيارة..

- وكنت امتنعت عن السماح بجلوس طفلك الرضيع في المقعد الأمامي على حجر والده او والدته...

- كنت ح تترد في زيارة شخص ما أنصاص الليالي و صابح يوم مدارس و عمل...

- كنت ح تخلي الصغار في البيت عندما تكون المناسبة مناسبة كبار...

-كنت اتونست بصوت معقول, حصوصا' عندما يكون الطرف الأخر قاعد جنبك في نفس الكنبة.. و يا حبذا عندما يكون الطرف الاخر ساكت...

- كنت امتنعت عن التدخين في منزل شخص اخر, او على الاقل استأذنت قبل ما تولع...

- كنت ترددت في ارسال حاجات وزنها خمسة كيلو و ما فوق مع كل من تسمع بأنه ماشي السودان...

- كنت رجعت القروش الاستلفتها في وقتها, أو في الحقيقة رجعتها و بس..

- كنت امتنعت عن زيارة احدهم في مكتبه , للونسه او مناقشة امور لا صله لها بالعمل..

- كنت خجلت من عدد المسكولات التي تعملها, مش كمان تقول 'شنو يا فردة, خمسه مسكولات ما ترد عليها؟ و الله الفيك اتعرفت'.....
!