Post: #1 Title: نرجسية طلاب وخريجي جامعة الخرطوم Author: الطاهر عثمان Date: 04-15-2008, 01:27 PM
وخوفاً من التعميم المخل دائما اقول (بعض)
أم الجامعات (ما قلنا حاجه) كلية غردون الجامعية (فوق راسنا من فوق) لها دور كبير سياسياً ومعظم خريجيها هم الان في اعلى الدرجات الوظيفية والسياسية (مقبول الكلام ده) لها طعم خاص - المين رود والمكتبة وقانون وكافتيريا اقتصاد وناس school والميدان الشرقي وكل حاجه (وبرضو الكلام ده ماعندنا عليهو اي اعتراض وكلام جميل وحقيقة) وشفنا وعايشنا الحاجات دي كلها ساي كده من زياراتنا لاصحابنا هناك
ده كله متفقين عليهو ومافي خلاف وممكن كمان اكون في حاجات كتيرة ناسيها...
لكن ده كله ما بيعفي من إحساس الزهو والبريق الذي لاتخطئه العين لمه تسال واحد انت قريت وين او بتقرا وين؟ ويكون رده جامعة الخرطوم!!!
اما لو اديتوا فرصة وبدأ يحكي عن البركس وسينما النيل الازرق والـ late فيومك كمل
ولو حكى ليك عن البروفيسور او البروفيسورة الانجليزية التي كانت تدرسهم فانت بلاشك قد امتعته جدا في هذه الجلسة ..
واذا دار الكلام عن الجرائد الحائطية والاركان والمظاهرات فكان الله في عونك ...
يا ايها البعض !!!
ترفقوا بنا يرحمكم الله
Post: #2 Title: Re: نرجسية طلاب وخريجي جامعة الخرطوم Author: محمد الأمين موسى Date: 04-15-2008, 02:50 PM Parent: #1
أخي الطاهر.. المشكلة الكبرى ليست نرجسية الخريجين، بل شيوع هذه النرجسية للتحول إلى عنصرية تجاه خريجي الجامعات الأخرى الذين توصد الأبواب في وجوههم عندما يتقدوا للالتحاق بهيئة التدريس، وكأن حواء الجامعات لم تحبل إلا مرة واحدة لتنجب جامعة الخرطوم وتحولت بعدا إلى عقيم! والنتيجة: أن الجامعة أصبحت تدور في فلك ذاتها وتنتج المعرفة نفسها دون أن تستفيد من تجارب الآخرين ودون أن تتيح للطلاب فرصة الاستفادة من تجارب وعقليات مغايرة... أتت جامعة الجزيرة لتفوز عليها بالضربة القاضية في العديد من المجالات.. وهاهي جامعة السودان تجعلها تردد بكيفية يائسة: "كان أبي.. كان أبي" واقع جامعة الخرطوم يذكرني بواقع كرة القدم السودانية ضمن محيطها الإفريقي.. عندما كان الأفارقة يغطون في نوم عميق انتصرت الكرة السودانية إفريقيا وعربيا.. وعندما أفاقوا تراجعت الكرة السودانية لتجلس على الكراسي الغانية!
Post: #20 Title: Re: نرجسية طلاب وخريجي جامعة الخرطوم Author: الطاهر عثمان Date: 04-16-2008, 06:22 AM Parent: #4
فتحي البحيري تحياتي
ناس اسكول ديل تحديدا احلى ناس والخمسة فوق الاتنين قلنا حاجة اسه...
لك الود
Post: #28 Title: Re: نرجسية طلاب وخريجي جامعة الخرطوم Author: عثمان دغيس Date: 04-16-2008, 06:56 AM Parent: #20
أخي الطاهر ..
الليلة مالك قبلت علينا كده ؟؟؟! يسسسسسسسسسسسسسسسسسسم الله ...!!
لكن كلامك في محله ...
بس ألا يكفي كل ما ذكرته عن جامعة الخرطوم ( الجميلة ومستحيلةحتى وقت قريب ) من أن يرمي بظلاله على خريجها والدارس بها ؟؟!
يعني بعد كل ما جادت به ذاكرتك عنها ... ماذا تتوقع مننا ؟؟؟
يعني أنا معاك في بعض خريجيها مزودنها شوية ..
لكن ، لو راجعت (العينة ) الكانت بتدخل جامعة الخرطوم لوجدت أنها ( أصلاً ) مختلفة قليلاً ...
أرجو أن تضم هذه مع الثوابت والمعطيات التي إستهللت بها البوست ...
بس طبعاً الحال إنقلب مع غيره من أحوال كافة مناحي الحياة بالسودان ...
ويا حليلكم يا الطاهر ويا حليل صاحبك أبو صلعة المغطيها بالطاقية ؟؟!!
و (قسماً بالله ) زولك ده فاتنا بي هناك ...!! والله ده لو كان خريج الخرطوم إلا نشوف لينا بلد ..!.!.!.!
تحياتنا للعيال
Post: #30 Title: Re: نرجسية طلاب وخريجي جامعة الخرطوم Author: الطاهر عثمان Date: 04-16-2008, 07:37 AM Parent: #28
الدغيس
و (قسماً بالله ) مشتاقين
Quote: لكن كلامك في محله ...
بالله قول للناس ديل وانا قاصد فئة معينة عندهم فهم انو جامعة الخرطوم وخلاص الباقي ديل ما فاهمين اي حاجه...
لا ياخي الكلام ده ما كده وياما طلعوا ناس من جامعة الخرطوم مافاهمين التكتحهم ويجي واحد يقول انو خريجي الجامعات التانية الواحد بيكون حاضر 3 محاضرات وبينجح وياخد شهادة...
لك التحايا والود وتحياتي لعلوب وخلي يورينا رايه شنو في الكلام ده
Post: #16 Title: Re: نرجسية طلاب وخريجي جامعة الخرطوم Author: الطاهر عثمان Date: 04-16-2008, 05:16 AM Parent: #2
الاستاذ محمد الامين والمتداخلون الرائعون (خريجي جامعة الخرطوم) صباح الخير لكم جميعاً بتوقيت السعودية وساعود للرد عليكم جميعاً
كويس انو انا لسه عندي باسورد للرد - قالوا الايام دي بكري مركب وش أسد واقل حركة كده كده وتاح تراح
اخي محمد الامين من الذين عايشوا هذا الاحساس والذي قد لايلحظه المعنيون بالامر
كما قال معظم المتداخلون ادناه بان الجميع يحق لهم الفخر والزهو بجامعاتهم اوكي ما قلنا حاجه لكن ادونا فرصة علي الاقل نفاخر معاكم وقللوا شوية بس مراعاة لمشاعرنا بهذا الفخر والزهو
وبعدين وتحديدا بتكلم عن ايام دراستنا كل الاساتذة الكانوا بيدرسوا في جامعة الخرطوم هم نفسهم من يدرس في الجامعات الاخرى وازيد بان بعض المحاضرات مثلا كانت تدرس جماعية لكليات اخرى
يعني مافي فرق بين الاستاذ الجامعي الذي يدرس في جامعة الخرطوم والجامعات الاخرى
بعدين وسائل وطرق المعرفة نفسها اتغيرت
فمن غير المعقول ان تركنوا لذلك الماضي التليد وخلاص
فلك التحية اخي محمد الامين علي التاكيد علي هذا الاحساس واختم باقتباس جميل من مداخلتك القيمة:
Quote: واقع جامعة الخرطوم يذكرني بواقع كرة القدم السودانية ضمن محيطها الإفريقي.. عندما كان الأفارقة يغطون في نوم عميق انتصرت الكرة السودانية إفريقيا وعربيا.. وعندما أفاقوا تراجعت الكرة السودانية لتجلس على الكراسي الجانبية!
لعلمك هذا الفخر من قبل الطلاب بجامعاتهم موجود فى كل الدنيا
1 - خريج هارفارد يفتخر بجامعته من دون الجامعات الامريكيه الاخرى ويتحدث عنها بزهو
2 - حتى فى مصر خريج جامعة القاهره الام يفخر بجامعته من دون الجامعات الاخرى
واستطيع ان اعدد لك ايضا جامعات فى بلدان كثر يتفاخر بها طلابها مع الجامعات الاخرى التى فى بلدانهم
Post: #6 Title: Re: نرجسية طلاب وخريجي جامعة الخرطوم Author: Mohammed Ahmed Saeed Date: 04-15-2008, 04:34 PM Parent: #5
عنصرية ولاجهوية ولا عداء فى اللة من نوع جديد
أفتخر بانى احد خريجيها وقضيت بها اجمل سنين عمرى ونهلت من علومها الكثير الذى لايدرس فى قاعات المحاضرات .
Post: #37 Title: Re: نرجسية طلاب وخريجي جامعة الخرطوم Author: الطاهر عثمان Date: 04-16-2008, 09:54 AM Parent: #6
محمد أحمد سعيد ولاتزعل نفسك
ولاعنصرية ولاجهوية ولاعداء - وضع الامر في نصابه الطبيعي بس
لك الود
Post: #7 Title: Re: نرجسية طلاب وخريجي جامعة الخرطوم Author: عبدالكريم الامين احمد Date: 04-15-2008, 04:36 PM Parent: #5
Quote: لكن ده كله ما بيعفي من إحساس الزهو والبريق الذي لاتخطئه العين لمه تسال واحد انت قريت وين او بتقرا وين؟ ويكون رده جامعة الخرطوم!!!
اه منك يا ظالم...
وكما قال ود الزين من حق اي انسان ان يفخر بجامعته ويبدو ان الاخ عاوز الناس بدون زهو او بريق(عاوزهم سليقة كده لييييه يارجل؟؟) شي تاني كلامك الفوق ده ونسة ولا دراسة ولا سنو ولاحابي غلغلة واذية ناس لا جدعوك ولا جابو طوب..!!!
هذه الجامعة اجمل ما قيل في خريجيها هو التواضع واقولها لك صادقا وعن قناعة وتجربة التواضع هو العامل المشترك بين خريجي تلكم الجامعة
Quote: واقولها لك صادقا وعن قناعة وتجربة التواضع هو العامل المشترك بين خريجي تلكم الجامعة
إلا قليلا جدا
ودا النوع البكون خشاها بالغلط !!
Post: #57 Title: Re: نرجسية طلاب وخريجي جامعة الخرطوم Author: الطاهر عثمان Date: 04-16-2008, 03:42 PM Parent: #9
البحيري تحياتي
Quote: إلا قليلا جدا
اها بس انا قاصد القليل ده
Quote: ودا النوع البكون خشاها بالغلط !!
يعني في ناس بخشوها بالغلط طيب وصلنا لنتيجة من النتائج المطلوبة نشوف تاني الناس البيطلعوا زي ما خشوا وفاكنها ديلك
لك عاطر التحايا
Post: #42 Title: Re: نرجسية طلاب وخريجي جامعة الخرطوم Author: الطاهر عثمان Date: 04-16-2008, 11:27 AM Parent: #7
عبد الكريم تحياتي
Quote: ويبدو ان الاخ عاوز الناس بدون زهو او بريق(عاوزهم سليقة كده لييييه يارجل؟؟)
يعني الزول لو بقى بدون زهو وبريق طوالي يبقى سليقة
Quote: كلامك الفوق ده ونسة ولا دراسة ولا سنو ولاحابي غلغلة واذية ناس لا جدعوك ولا جابو طوب..!!!
ونسة سااااي وتجارب شخصية
Quote: هذه الجامعة اجمل ما قيل في خريجيها هو التواضع واقولها لك صادقا وعن قناعة وتجربة التواضع هو العامل المشترك بين خريجي تلكم الجامعة
بتتكلم عن ياتو جامعة انته !!
لك الود والتقدير
Post: #36 Title: Re: نرجسية طلاب وخريجي جامعة الخرطوم Author: الطاهر عثمان Date: 04-16-2008, 08:57 AM Parent: #5
ود الزين لك الود والتقدير
ليس هناك اي عيب في ذلك ...
ولكن برضو بحدود وله شنو رايك
يعني الفخر لايصل لدرجة انك تسقط البقية ولايصل انك تتصدر اي مجلس للحديث عن جامعة الخرطوم ولايصل للكبر
وما سبق ليس بالطبع كل من تخرج من جامعة الخرطوم ولكنه كما قلنا (البعض)
واحاول توصيل رسالة لهؤلاء (البعض)
ولك كل الاحترام والتقدير
Post: #29 Title: Re: نرجسية طلاب وخريجي جامعة الخرطوم Author: الطاهر عثمان Date: 04-16-2008, 06:56 AM Parent: #3
الازهري تحياتي وتقديري
Quote: يحق لخريجيها أن يرمقوا خريجي غيرها من علِ
ده كلام ده يا الازهري !!!
ليه من عل ياخي --- قول غير كده
Quote: كنت أشعر بزهو وفخر ويا أرض إنهدي ماعليك قدي
اها ده واحد من اسباب كتابة البوست ده
يازول خفف الوط شوية
Post: #8 Title: Re: نرجسية طلاب وخريجي جامعة الخرطوم Author: محمد البشرى الخضر Date: 04-15-2008, 04:41 PM Parent: #1
أخ يا الطاهر لو ما بعزك .... البلد دي فيها شنو غير النيل و جامعة الخرطوم و الهلال عليك الله ما كان يكون كلامك دا قالو واحد من الحبايب عشان الكيتة تدور للصباح
Post: #56 Title: Re: نرجسية طلاب وخريجي جامعة الخرطوم Author: الطاهر عثمان Date: 04-16-2008, 03:25 PM Parent: #8
الحبيب محمد البشرى لك التحايا ومثلها للابناء الظاهرين في البروفايل (حفظهم الله من كل عين) طبعا ده واحد من اسابيع البورد بمزااااج بجيب ليك الرابط وبجيك بهناك...
الأخ الطاهر زي ما بقولوا (كل فتاة بأبيها معجبة). لا أرى أي غضاضة في أن يفخر خريج جامعة الخرطوم بها ما لم يتعد ذلك إلى الحط و التقليل من شأن غيرها. أي إنسان في الدنيا يحب الحديث عن ما يحب. إذا حدثتني عن جامعة الخرطوم ستطرب فؤادي بلا شك و يا حبذا لو كان الحديث عن الهندسة. و بنفس القدر أحب الحديث عن روضتي و عن مدارسي التي درست فيها و عن حلتي... ما العيب في ذلك؟ ياخي إحساس الزهو و البريق الذي لا تخطؤه العين ديل الغلط فيهم شنو؟ مع خالص التحايا.
Post: #72 Title: Re: نرجسية طلاب وخريجي جامعة الخرطوم Author: الطاهر عثمان Date: 04-17-2008, 07:34 AM Parent: #10
الاخ العوض لك خالص التحايا
Quote: لا أرى أي غضاضة في أن يفخر خريج جامعة الخرطوم بها ما لم يتعد ذلك إلى الحط و التقليل من شأن غيرها
Quote: جامعة السودان الاولى التي بها القلوب متيمة وحلم كل طالب سوداني
هييييييييييييييييييييييييييييييييع
Post: #12 Title: Re: نرجسية طلاب وخريجي جامعة الخرطوم Author: MOHAMMED ELSHEIKH Date: 04-15-2008, 05:10 PM Parent: #11
انا احس بالفخر عندما تذكر جامعة الخرطوم و بالزهو عندما تجيء سيرة الدامر الثانوية و اكاد اطير فرحا لوكان الحديث بالباوقة الأميرية شنو العيب في ذلك؟ مودتي
Post: #74 Title: Re: نرجسية طلاب وخريجي جامعة الخرطوم Author: الطاهر عثمان Date: 04-17-2008, 07:38 AM Parent: #12
محمد الشيخ لك الود
ليس هناك اي عيب ومتفقين كما قلت من قبل دون التقليل من شان الاخرين كما ورد في بعض عبارات الاخوة
لك التحايا
Post: #73 Title: Re: نرجسية طلاب وخريجي جامعة الخرطوم Author: الطاهر عثمان Date: 04-17-2008, 07:36 AM Parent: #11
الحبيب غباشي
هييييييعين يا الجميلة وممكنة في الوقت الحالي
لك التقدير والاحترام
Post: #13 Title: Re: نرجسية طلاب وخريجي جامعة الخرطوم Author: حمد فتح الرحمن Date: 04-15-2008, 05:17 PM Parent: #1
الجميلة المستحيلة
اضغط للاستمتاع
Post: #14 Title: Re: نرجسية طلاب وخريجي جامعة الخرطوم Author: سوسن عبد الله Date: 04-15-2008, 05:58 PM Parent: #13
الكل يرغب بالدخول للـ (الجميلة ومستحيلة) ونزعل جدا لو حظنا ما حالفنا. كمان فمن حق المحظوظ بدخولها الزهو والفرح والتفاخر
Post: #76 Title: Re: نرجسية طلاب وخريجي جامعة الخرطوم Author: الطاهر عثمان Date: 04-17-2008, 07:41 AM Parent: #14
سوسن لك الود
اعتقد ممكن تتفقي معاي في انو ليس هناك استحالة حالياً بالمعنى القديم الذي اطلقت عليه التسمية وليس هناك اي اعتراض علي الزهو والافتخار
ولكن:
في حدود إحترام باقي الكليات والجامعات وخريجيها وليس كما قيل في عبارات كثيرة يمكنك الرجوع اليها في هذا البوست فقط فما بالك بالذي لم يقال
العزيز الطاهر سلامات ياخي ذكريات جامعة الخرطوم لايمكن ان ينساها او يتناساها خريجوها طالما احدهم على وجه هذه البسيطة جمعتنا بشباب وشابات من مختلف اصقاع السودان دون ان يحس احدهم باي فوارق. يا سلام ياخي ذكرتنا البركس والله ايام يا زمان. حكاية غطرسة ونرجسية دي الا عند قلة وافتكر حالات شاذة
تحياتي
Post: #17 Title: Re: نرجسية طلاب وخريجي جامعة الخرطوم Author: smart_ana2001 Date: 04-16-2008, 05:43 AM Parent: #15
سلاماات الطاهر عثمان تكون انت قاصد خرجين طب....الدكاتره ديل فعلا نرجسيين و براين...انا بشيل هم لما يبدوا يحكو لى على الرواند او عن دكتور فلان او برفسر علان... لو كان عندك اصحاب فى هندسه كنت ح تقول ان ناس جامعه الخرطوم ديل اجدع ناس
Post: #80 Title: Re: نرجسية طلاب وخريجي جامعة الخرطوم Author: الطاهر عثمان Date: 04-17-2008, 07:50 AM Parent: #17
سمارت انتي
Quote: الدكاتره ديل فعلا نرجسيين و براين
وشهد شاهد من اهلها
Quote: لو كان عندك اصحاب فى هندسه كنت ح تقول ان ناس جامعه الخرطوم ديل اجدع ناس
جزء من ناس هندسة ما بيقصروا برضوا بتاخد نصيبك...
مداخلة طريفة ولك كل الود والتقدير
Post: #71 Title: Re: نرجسية طلاب وخريجي جامعة الخرطوم Author: الطاهر عثمان Date: 04-17-2008, 07:31 AM Parent: #15
الأخ عبده عبد الحميد
والله ذكريات جامعة الخرطوم مابتتنسي حتى نحنا الما قرينا فيها عندنا فيها ذكريات ولها طعم خاص ومتفقين علي النقطة دي تماماً
إختلافي في طريقة التعبير عن الزهو والفخر الطبيعي بحيث لايقلل من شان الاخرين
ولك كل الود والتقدير
Post: #75 Title: Re: نرجسية طلاب وخريجي جامعة الخرطوم Author: الطاهر عثمان Date: 04-17-2008, 07:39 AM Parent: #13
حامد فتح الرحمن
جميلة الاغنية والله وتشكر عليها
بس ده كان ماضي تليد كما يقولون وليس هناك اي استحالة حالياً
لك الاحترام
Post: #18 Title: Re: نرجسية طلاب وخريجي جامعة الخرطوم Author: abdelgadir mustafa Date: 04-16-2008, 06:02 AM Parent: #1
يكفى انها ام نخيل
Post: #79 Title: Re: نرجسية طلاب وخريجي جامعة الخرطوم Author: الطاهر عثمان Date: 04-17-2008, 07:47 AM Parent: #18
عبد القادر مصطفى
هييييع يا ام نخيل
Post: #19 Title: Re: نرجسية طلاب وخريجي جامعة الخرطوم Author: محمد الطيب يوسف Date: 04-16-2008, 06:03 AM Parent: #1
نحن فوق عزنا
كلام الحسود مابهزنا
Post: #21 Title: Re: نرجسية طلاب وخريجي جامعة الخرطوم Author: ابراهيم محمد الحسن Date: 04-16-2008, 06:22 AM Parent: #19
ذي ما قالو ليك الصفوة .. هي الجميلة ومستحيلة وكلنا فخر وزهو بأننا من طلابها .. بالله إنت لما امتحنت الشهادة ما كانت أمنيتك الأولى إنك تدخلها ؟ بصراحة كدة ؟
Quote: لها طعم خاص - المين رود والمكتبة وقانون وكافتيريا اقتصاد وناس school والميدان الشرقي وكل حاجه (وبرضو الكلام ده ماعندنا عليهو اي اعتراض وكلام جميل وحقيقة) وشفنا وعايشنا الحاجات دي كلها ساي كده من زياراتنا لاصحابنا هناك
شايفك اتجاهلت أهم ركن من الجامعة .. الركن الغربي .. (نحن غرب السنتر .. أخلاقنا حلوة وسكر ..) عرفتها أكيد
Post: #24 Title: Re: نرجسية طلاب وخريجي جامعة الخرطوم Author: ابراهيم محمد الحسن Date: 04-16-2008, 06:33 AM Parent: #21
Quote: كما قال معظم المتداخلون ادناه بان الجميع يحق لهم الفخر والزهو بجامعاتهم اوكي ما قلنا حاجه لكن ادونا فرصة علي الاقل نفاخر معاكم وقللوا شوية بس مراعاة لمشاعرنا بهذا الفخر والزهو
والله نحن ما منعنا أحد إنه يفاخر بجامعته .. ولك الحق أن تفاخر كما شئت ..
Quote: وبعدين وتحديدا بتكلم عن ايام دراستنا كل الاساتذة الكانوا بيدرسوا في جامعة الخرطوم هم نفسهم من يدرس في الجامعات الاخرى وازيد بان بعض المحاضرات مثلا كانت تدرس جماعية لكليات اخرى يعني مافي فرق بين الاستاذ الجامعي الذي يدرس في جامعة الخرطوم والجامعات الاخرى
لكن أكيد في فرق بين طالب جامعة الخرطوم والجامعات الأخرى ..
Post: #77 Title: Re: نرجسية طلاب وخريجي جامعة الخرطوم Author: الطاهر عثمان Date: 04-17-2008, 07:46 AM Parent: #21
ابراهيم محمد الحسن عندي ود عمتي بنفس الاسم
Quote: ذي ما قالو ليك الصفوة
منو القال انو خريجي جامعة الخرطوم بس هم الصفوة وماهي مقاييس الصفوة
ناس الفربي ديل بقيادة كيكي شايفهم عاملين لوبي بتحت وجاي عليهم
لك التحايا والاحترام والتقدير
Post: #22 Title: Re: نرجسية طلاب وخريجي جامعة الخرطوم Author: osama idris Date: 04-16-2008, 06:24 AM Parent: #19
لا عزيزي طلاب هذه الجامعة كانوا وما زالوا قمة في الوطنية والايثار والتواضع إلا قلة لا تحسب عليهم اذهب إلي اي مكان في العالم ستجد خريجيها مميزين في كل شي لانها غير الجانب الاكاديمي كان متوفر فيها السياسة والثقافة والحياة الاجتماعية التي انصهر فيها جميع ابناء السودان شرقه وغربه وجنوبه وشماله فكان الطالب غير تميزه الاكاديمي يمتاز بصفات رائعة اكتسبها داخل الجامعة نواصل ....
Post: #88 Title: Re: نرجسية طلاب وخريجي جامعة الخرطوم Author: الطاهر عثمان Date: 04-17-2008, 01:14 PM Parent: #22
الاخ اسامة تحياتي
السياسة والثقافة والنواحي الاجتماعية (الجانب غير الاكاديمي) متوفرة في كل الجامعات الاخرى ولسنا هنا بالتشكيك في وطنيتهم ولكن نتحدث عن البعض منهم مزود الحكاية حبتين وبينظر لخريجي الجامعات التانية نظرة دونية وتقليل من شانهم الاكاديمي ومن نواحي اخرى...
بس
لك التحايا والتقدير
Post: #23 Title: Re: نرجسية طلاب وخريجي جامعة الخرطوم Author: shammashi Date: 04-16-2008, 06:27 AM Parent: #19
الجميلة ومستحيلة
عايز تقارنا لي بجامعات أخرى تمنحك الدرجة العلمية وأنت لم تحضر ثلاث محاضرات طوال العام ولا تعرف درب المكتبة بي وين . دا لو كان في مكتبة طبعاً.
ويكفيها فخرا أن منتسبي بعض الجامعات الأخري كانوا يأتون للتجول في حرمها تبركاً بهاويخلطون جكسها باعتبار أنهم من كليات الأطراف. ويكفيها فخراً أن داخلياتها كان معظم سكانها من منتسبي الجامعات الأخرى، يتعمون بالنوم (ملح) في غرفها ويستمتعون بطيبات سفرتها ويشربون الحليب ويأكلون الكاستر بعد الوجبات.
Post: #26 Title: Re: نرجسية طلاب وخريجي جامعة الخرطوم Author: Siham Elmugammar Date: 04-16-2008, 06:38 AM Parent: #23
Quote: أخ يا الطاهر لو ما بعزك .... البلد دي فيها شنو غير النيل و جامعة الخرطوم و الهلال عليك الله ما كان يكون كلامك دا قالو واحد من الحبايب عشان الكيتة تدور للصباح
Post: #90 Title: Re: نرجسية طلاب وخريجي جامعة الخرطوم Author: الطاهر عثمان Date: 04-17-2008, 01:19 PM Parent: #26
الاخ سهام المجمر
تحياتي وتقديري لمرورك ونفس السؤال الذي طرحته لمحمد البشرى محول لك
ولو كان خريج خرطوم ومريخابي
Post: #89 Title: Re: نرجسية طلاب وخريجي جامعة الخرطوم Author: الطاهر عثمان Date: 04-17-2008, 01:18 PM Parent: #23
shammashi لك التحايا والود
معقولة بس ده كلام يتقال في حق جامعات تانية خرجت افذاذ
Quote: عايز تقارنا لي بجامعات أخرى تمنحك الدرجة العلمية وأنت لم تحضر ثلاث محاضرات طوال العام ولا تعرف درب المكتبة بي وين . دا لو كان في مكتبة طبعاً
اها يا اخوانا شوفو النرجسية زاتها هنا في البوست ده ولسه ما مشينا بعيد
Post: #78 Title: Re: نرجسية طلاب وخريجي جامعة الخرطوم Author: الطاهر عثمان Date: 04-17-2008, 07:47 AM Parent: #19
محمد الطيب يوسف
والله ضحكتني ضحك المداخلة دي
لك التحايا ومافي اي حسادة والله
Post: #25 Title: Re: نرجسية طلاب وخريجي جامعة الخرطوم Author: Mohammed Ibrahim Othman Date: 04-16-2008, 06:36 AM Parent: #1
أخوي الطاهر عثمان ... ما عارف ليه جنيت شديد على نااس جامعة الخرطوم كدا... تصدق انت واضح وصريح جداا .. انا بعرف نااس كتيرر بيكرهو جامعة الخرطوم وبالتالي ينعكس ذلك بان ينفرو من خريجي الخرطوم .. وانا مدرك تماما ان الجامعات الاخرى فيها كتيرر من التميز والمتميزين.. لكن تبقى جامعة الخرطوم هي طموح كل ممتحن شهادة سودانية... طموح كل اب لابنه... طموح كل ام لولدها ... بصراحة انا بفتخر جداا بجامعة الخرطوم وبفتخر اني خريج اسكول وبقولها بمليء فمي ... بس ابدا لو جاني اي خريج من اي جامعة ...سوداني او غيره ما بقدم عليه خريج الخرطوم الا حسب الخبرة وامكانياته ... صدقني الواحد بيكون امين جدا في مقابلات التعيين .. والله العظيم انا بحاول اجد فرص لخريجي الكمبيوتر من مختلف الجامعات السودانية في اماكن العمل بالامارات... وبتيح ليهم فرصة التنافس والامتحان وعندي امثلة لكتيرر من الزملاء الاستفدنا منهم جداا من علمهم وهم خريجي جامعات تانية... عندنا نابغة اسمه مجتبى مبروك خريج الجامعة الاهلية قمة في الكمبيوتر ...والان مقيم بامريكا .. لكن دا مابيمنع اني اميل لجامعتي وافتخر بها .. كما افتخر اني درست ابوكدوك المتوسطة المتميزة وبالمجموع .. ودرست بمجموع تفوقي المؤتمر الثانوية .. وهيييييع درست جامعة الخرطوم (الجميلة و....) )..( تحياتي .. لكن ممكن تسأل الناس ليه بتكرهنا ونحن بنحبهم ..
Post: #27 Title: Re: نرجسية طلاب وخريجي جامعة الخرطوم Author: حسن طه محمد Date: 04-16-2008, 06:52 AM Parent: #25
الأخ عثمان الطاهر
تحياتنا
افتح المنبر وتجد بوست مدرسة بحري الثانوية الحكومية وبوست مدرسة بحري الأميرية(1)
وتجدنا نفاخر بهما ونفتخر
بل نحن جميعا نفتخر سودانا العظيم وبنشوفه أحسن بلد في الدنيا.
ايه رايك ؟؟
Post: #109 Title: Re: نرجسية طلاب وخريجي جامعة الخرطوم Author: الطاهر عثمان Date: 04-19-2008, 05:18 AM Parent: #27
الاخ حسن لك الود والاحترام
لا اعتقد ان خريج بحري الثانوية يقلل من شان خريج المدارس الثانوية الاخرى
وهذا ما اقصده
ودونك بعض المشاركات في هذا البوست وتجد فيها هذا التقليل واضحاً
لك الاحترام
Post: #91 Title: Re: نرجسية طلاب وخريجي جامعة الخرطوم Author: الطاهر عثمان Date: 04-17-2008, 01:25 PM Parent: #25
الاخ محمد ابراهيم عثمان
مافي زول والله بكرهكم وانا القدامك معظم اصحابي شديد من جامعة الخرطوم ومنهم عثمان الدغيس وتداخل معنا في هذا البوست
لكن تظل داخل معظمكم النتيجة بانه خريج جامعة الخرطوم لايعلى عليه
مع انه مثلا كمثال وليس للحصر قانون الفرع متميز جدا محاسبين الفرع لايعلى عليهم طب الجزيرة واعلام الاسلامية
وغيرها من الكليات والجامعات الاخرى
لك التحايا والتقدير
Post: #31 Title: Re: نرجسية طلاب وخريجي جامعة الخرطوم Author: mamkouna Date: 04-16-2008, 07:42 AM Parent: #1
Quote: أم الجامعات (ما قلنا حاجه) كلية غردون الجامعية (فوق راسنا من فوق) لها دور كبير سياسياً ومعظم خريجيها هم الان في اعلى الدرجات الوظيفية والسياسية (مقبول الكلام ده) لها طعم خاص - المين رود والمكتبة وقانون وكافتيريا اقتصاد وناس school والميدان الشرقي وكل حاجه (وبرضو الكلام ده ماعندنا عليهو اي اعتراض وكلام جميل وحقيقة) وشفنا وعايشنا الحاجات دي كلها ساي كده من زياراتنا لاصحابنا هناك
بعد الكلام القلتو إنتَ زاااااااااااتك..بعضمة كي بوردك.. و ما دايرنا نتنرجس..؟؟!!!
Post: #114 Title: Re: نرجسية طلاب وخريجي جامعة الخرطوم Author: الطاهر عثمان Date: 04-19-2008, 02:24 PM Parent: #31
ممكونة ممتن لمرورك
وعضمة كيبوردي قالت ذكريات عن المكان وخصوصيته وما قالت اتنرجسوا ابدأ لك التحايا والتقدير
Post: #32 Title: Re Author: Waeil Elsayid Awad Date: 04-16-2008, 07:44 AM Parent: #1
الله ثم الوطن ثم جامعة الخرطوم ثم الهلال
و الماعاجبو ينفلق ((ما معانا زعل)
Post: #115 Title: Re: Re Author: الطاهر عثمان Date: 04-19-2008, 02:24 PM Parent: #32
مافي اي زعل يا وائل في البوست ده بس راعينا شوية
Post: #33 Title: Re: نرجسية طلاب وخريجي جامعة الخرطوم Author: وائل طه محى الدين Date: 04-16-2008, 07:51 AM Parent: #1
لا الليالي تمُر بدونك هي الليالي ....
Post: #34 Title: Re: نرجسية طلاب وخريجي جامعة الخرطوم Author: غباشي Date: 04-16-2008, 08:07 AM Parent: #1
يا الطاهر عندي واحد صحبي .. بعد ما اتخرج من جامعة الخرطوم يوم ركب تاكسي من السوق العربي ... بتاع التاكسي قال ليهو وين ؟ صاحبي قال ليهو شارع الجامعة ؟ بتاع التاكسي قال لسهو ياتو جامعة ؟ صاحبي قال ليهو هو في كم جامعة مسمين الشارع بإسمها ؟
Post: #35 Title: Re: نرجسية طلاب وخريجي جامعة الخرطوم Author: محمد عبدالرحمن Date: 04-16-2008, 08:21 AM Parent: #34
(حلف بالله )الماقرا هناك فاتو الكتير ... اجمل ايام العمر كانت هناك ,,,
Post: #38 Title: Re: نرجسية طلاب وخريجي جامعة الخرطوم Author: اميرة الحبر ادريس Date: 04-16-2008, 10:02 AM Parent: #35
الاخ الطاهر.. سلامات لا اعتقد انها نرجسية ولكنه حب عميق لمكان لن ينساه كل من يمر به بكل تفاصيله واضاءاتها التي تبقي ما بقي العمر وفي هذا الحب والتعبير عنه قد يختلف الناس .. غايتو متاكدة الناس الانت قاصدهم ديل ما ناس اداب اميرة
Post: #118 Title: Re: نرجسية طلاب وخريجي جامعة الخرطوم Author: الطاهر عثمان Date: 04-19-2008, 02:30 PM Parent: #38
الاخت اميرة الحبر
ياسلام علي ناس آداب - طبعا بيقعدوا في كافتيريا قانون اكتر حاجه عندي مجموعة كبيرة من اعز اصدقائي منهم وتحديدا الدفعة التي تخرجت في 95 و 96
والله يا اميرة انا اصلا ما مختلف مع كل المتداخلين في احترامي للذكريات الخاصة بالمكان وفي خصوصيته وفي حق اي شخص ان يعتز بهذه الذكريات .. لكن لو رجعتي لبعض المداخلات بس الموجودة هنا حتعرفي انا قاصد شنو وقاصد ياتو ناس من الكوكبة الكبيرة ..
لك التحايا والتقدير
Post: #117 Title: Re: نرجسية طلاب وخريجي جامعة الخرطوم Author: الطاهر عثمان Date: 04-19-2008, 02:27 PM Parent: #35
غباشي تحياتي للعودة مرة اخرى
قلته لي شارع جامعة الخرطوم اسمه صاح ؟
وائل طه محي الدين تحياتي وتقديري
الاخ محمد عبد الرحمن
اجمل ايام العمر كانت هناك دي عبارة عن ذكريات خاصة بيك وبمجموعة وممكن انا تكون اجمل ايام عمري دراستي في كلية تانية او جامعة تانية والاتنين متفقين
اما (الماقرا هناك فاتوا الكتير) فدي اعتقد كتيرة شوية وما متفقين فيها
وبدون زعل برضو زي ما قلنا لوائل
Post: #39 Title: Re: نرجسية طلاب وخريجي جامعة الخرطوم Author: البشير دفع الله Date: 04-16-2008, 10:51 AM Parent: #1
الحبيب الطاهر
كل ما ذكرته أعلاه صحيح , ولكن ده براهو ما السبب .
لعلها الجامعة المدلل طلابها بأمر الدولة منذ القدم
داخليات مجهبزة نوعيةأكل لا يجده أكثر طلابها في بيوتهم , كلينيك خااااص
رعاية وعناية لعدد قليل من الطلاب هم طلابها يجعلهم يشعرون بالفعل أنهم ( نخبة ) .
أما الآن وقد أصبح عدد طلاب السيكشن الواحد في كلية الطب 115 طالب بعد أن كانوا بالكاد بعض وثلاثين .
يتبين لك أن المسعلة زادوها جردل موية , والدلع رااااااح , ولكن البعض ما زال يعيش على أطلال الماضي .
وأما أنفة خريجيها غير المبررة فواضح وضوح الشمس , بس أطلع فوق راجع بعض المداخلات ناس أزهري اتنين وانت ماش .
مخارجة من بوست الشكل ده :
لي خال بروف يدرس بجامعة الخرطوم منذ أكثر من ربع قرن كان يفتخر ويذهو بذلك
أما الآن فانه يفخر بأنه يتعاون مع جامعة الأحفاد وجامعة مامون جميده .
......
لو واصلت في زي كتاباتك دي يوم من الايام بتجيني وتقول لي اتوسط لي عند بكري يرجع لي الباسويرد
كل الود ولو لقيت طريقة أمرق علينا
Post: #40 Title: Re: نرجسية طلاب وخريجي جامعة الخرطوم Author: ابراهيم محمد الحسن Date: 04-16-2008, 11:15 AM Parent: #39
الأخ بشير دفع الله :
Quote: وأما أنفة خريجيها غير المبررة فواضح وضوح الشمس , بس أطلع فوق راجع بعض المداخلات ناس أزهري اتنين وانت ماش .
والله أعتقد طالما الأنفة دي إجتمعت في كل طلابها وخريجيها فهي أكيد منطقية ومبررة .. يمكن الما سمحت ليه ظروفه بدخول جامعة الخرطوم بيشوفها غير مبررة .... والشاف ما ذي السمع
بعدين .. ومع إحترامنا وتقديرنا لكل جامعات بلادي وغيرها ، فخر طلاب جامعة الخرطوم قبل ما يكون نابع منهم ، بتشوفو في عيون الآخرين .. لما واحد يسألك بتدرس وين؟ وتقول ليه في جامعة الخرطوم ..
Post: #41 Title: Re: نرجسية طلاب وخريجي جامعة الخرطوم Author: حليمة محمد عبد الرحمن Date: 04-16-2008, 11:24 AM Parent: #40
Quote: Quote: أم الجامعات (ما قلنا حاجه) كلية غردون الجامعية (فوق راسنا من فوق) لها دور كبير سياسياً ومعظم خريجيها هم الان في اعلى الدرجات الوظيفية والسياسية (مقبول الكلام ده) لها طعم خاص - المين رود والمكتبة وقانون وكافتيريا اقتصاد وناس school والميدان الشرقي وكل حاجه (وبرضو الكلام ده ماعندنا عليهو اي اعتراض وكلام جميل وحقيقة) وشفنا وعايشنا الحاجات دي كلها ساي كده من زياراتنا لاصحابنا هناك
بعد الكلام القلتو إنتَ زاااااااااااتك..بعضمة كي بوردك.. و ما دايرنا نتنرجس..؟؟!!
Quote: والله أعتقد طالما الأنفة دي إجتمعت في كل طلابها وخريجيها فهي أكيد منطقية ومبررة .. يمكن الما سمحت ليه ظروفه بدخول جامعة الخرطوم بيشوفها غير مبررة .... والشاف ما ذي السمع
بعدين .. ومع إحترامنا وتقديرنا لكل جامعات بلادي وغيرها ، فخر طلاب جامعة الخرطوم قبل ما يكون نابع منهم ، بتشوفو في عيون الآخرين .. لما واحد يسألك بتدرس وين؟ وتقول ليه في جامعة الخرطوم ..
الحمد لله الذي جعلني من خريجاتها..
بس يا اخوانا البوست دا شايت وين؟؟
Post: #43 Title: Re: نرجسية طلاب وخريجي جامعة الخرطوم Author: عاطف عمر Date: 04-16-2008, 12:02 PM Parent: #41
Quote: بس يا اخوانا البوست دا شايت وين؟؟
البوست دا مناسبة جميلة يا حليمة وجدها أبناء هذه الأم الرؤوم ليردوا لها بعض جمائلها فمحبة جامعة الخرطوم مترسخة في وجدان ( أبنائها ) ولا أقول خريجيها كمحبة الإبن لوالدته لذلك نقولها ثلاثاً أصاب من قال بتواضع أبناء هذه الجامعة فـ ( معظم ) من عرفت داخل وخارج السودان من أبنائها يزين طبعهم مع غزير علمهم تواضع يندر أن تجد لن مثيل . شكراً الطاهر فالقلب ما انفك يخفق كلما رأى إسمها أو سمع عنها
فهذا البوست في نهاياته إحتفائية مستحقة وفرح وفخر أبناء بأمهم
وحق لهم
__________________
الطاهر
لو جاز لك أن تصدق أن أحدهم قد إلتحق بجامعة الخرطوم ( بالصدفة ) فأرجوك لا تصدق أنه قد إستطاع أن يستمر فيها ويتخرج ( بالصدفة )
يا أخي خليك من أي حاجة. العدس والكبدة الأكلناهن في الجامعة دي والله تاني إلا في الجنة.
تقول لي شنو وتقول لي منو.
Post: #45 Title: Re: نرجسية طلاب وخريجي جامعة الخرطوم Author: عبدالكريم الامين احمد Date: 04-16-2008, 01:20 PM Parent: #44
ياجماعة ياخي بشير دفع الله والاخ الطاهر ديل ادوهم راسهم... ياخ الجامعة دي اجمل الاشياء الاتعلمناها منها هي حب الناس حب الناس الغبش الكنا بنفرح لمن الاجازة تجي عشان نمشي نشتغل في وسطهم في الصيف..في المدن في القري في الفيافي ديك اعتقد بان اجمل ايام طالب الجامعة هي التي يقضيها في الاجازة يساكك الكورسات الصيفية يقيم الاسابيع الثقافية يساهم في علاج الاخريين يشتغل طلبة عشان يبني مدرسة ويبني جامع يبني قطية لزول فقير الجامعة يا الطاهر يا اخوي بتعلم حب الناس والاهتمام بكل المجتمع الحولك....
ويا شماسي يا حليل يوم الاثنين(الاسبشيل) وياحليل اعمامك الحرس والكبابست وعمال الصفر والطباخين والغسالين والفراشين وياحليل عمر اومو وميرغني وبابكر وكل الناس الكانت عايشة بود وتسامح
ويااخي ياحليل جكس الجامعة النضيف الفاااااهم داك ....................................
انا خمسة سنوات في الجامعة دي بآكل special Meal لأنو كان عندي القولون وكنت باسكن بحري. يعني في الويك إند باتغدى حتى أمشي بيتنا وأجي راجع للعشاء وتاني أقطع الكبري كداري أرجع بحري
عندي واحد صاحبي كان مضايقني ضيق شديد في ال special وكان متيم بواحدة قريبتو في معهد الدراسات الإضافية وهي مجسكة ليها معيد وهو ما عارفأ. يوم جايين طالعين بشارع النشاط شفناها قاعدة في بيت القزاز. قمت قلت ليهو يا عز الدين ناس فلانة قالن البت دي مكسرة فيك وبس راجية منك كلمة والموضوع حيظبط. فياخي أمشي خش في الموضوع طوالي قبل البنية ما تذهج وتطير منك. قام طوالي لف على بيت القزاز ومشى ليها. أنا مشيت ضربت ليك الاسبيشال ومشيت اتغتيت ورقدت في داخلية الرهد. البنية ظبطت ليك أخونا شاكوش تمام وقالت ليهو أنا والله مرتبطة. صاحبي جاء السفرة ما لقى غير باقي طبيخ. قام ملا ليهو صحن وجاء لقاني متغتي راقد في الغرفة. قال لي قوم يا خ... فتحت وشي كشحني بالطبيخ في وشي وقال لي شاكوش وعدم special يا تافه؟؟؟
الجامعة كانت حلوة بالعلاقات الإنسانية الفيها والأنشطة الثقافية .
Post: #50 Title: Re: نرجسية طلاب وخريجي جامعة الخرطوم Author: عبدالكريم الامين احمد Date: 04-16-2008, 01:46 PM Parent: #47
Quote: فتحت وشي كشحني بالطبيخ في وشي وقال لي شاكوش وعدم special يا تافه؟؟؟
خيانات تقيلة ياشماسي والمعيد ما ليهو حق يخرب علي صاحبنا طبعا زي صحبك ده بدون عرفة ومن اول ربع ساعة الواحد بتعاطف معاهو بالذات في قصة العميد الخارطو ده. ولو في طريقة تبوط للمعيد ده كورتو برضو ما بنقصر فيها معيدين اخر زمن يقلقوك ويحموك الترس في التيوتريال وكمان يخرتونا في الجكس
Post: #123 Title: Re: نرجسية طلاب وخريجي جامعة الخرطوم Author: الطاهر عثمان Date: 04-19-2008, 02:44 PM Parent: #45
Quote: اعتقد بان اجمل ايام طالب الجامعة هي التي يقضيها في الاجازة يساكك الكورسات الصيفية يقيم الاسابيع الثقافية يساهم في علاج الاخريين يشتغل طلبة عشان يبني مدرسة ويبني جامع يبني قطية لزول فقير الجامعة يا الطاهر يا اخوي بتعلم حب الناس والاهتمام بكل المجتمع الحولك....
عبد الكريم الكلام ده طبعا مافيه خلاف وكلام عام ينطبق علي كل الجامعات الاخرى وفيه نشاط ثقافي واجتماعي وخدمة مجتمع وقوافل وكل حاجه ... مافي جديد في الكلام ده
باقي المداخلة عبارة عن ذكريات جميلة عايشتموها وعايشنا مثلها ايضا في جامعات اخرى
Quote: وياحليل اعمامك الحرس والكبابست وعمال الصفر والطباخين والغسالين والفراشين وياحليل عمر اومو وميرغني وبابكر وكل الناس الكانت عايشة بود وتسامح
ويااخي ياحليل جكس الجامعة النضيف الفاااااهم داك
لك التحايا
قلته لي عايز تنرجسها ياخي خلاص كفاية فك لينا ثلاثاشرك
Post: #122 Title: Re: نرجسية طلاب وخريجي جامعة الخرطوم Author: الطاهر عثمان Date: 04-19-2008, 02:41 PM Parent: #43
الاخ عاطف عمر تحياتي
وشاكر لك مرورك وشاكر المعلومة
Quote: لو جاز لك أن تصدق أن أحدهم قد إلتحق بجامعة الخرطوم ( بالصدفة ) فأرجوك لا تصدق أنه قد إستطاع أن يستمر فيها ويتخرج ( بالصدفة )
Post: #121 Title: Re: نرجسية طلاب وخريجي جامعة الخرطوم Author: الطاهر عثمان Date: 04-19-2008, 02:39 PM Parent: #41
الاخت حليمة
الحمد الله الذي جعلك من خريجيها ومبروك تاني ...
البوست ده شايت في النرجسية ---- كان عندك منها ... وكان زولة الله ساي زينا ... هو مجال لتبادل الذكريات مع باقي الزملاء
Post: #120 Title: Re: نرجسية طلاب وخريجي جامعة الخرطوم Author: الطاهر عثمان Date: 04-19-2008, 02:36 PM Parent: #39
الحبيب البشير دفع الله
اها الحمد لله جاء زول شوية ياكد كلامي ده او يدعمه
وانا متاكد انو ما قصدته مفهوم وواضح لجميع من تداخل ولكن
تاني يجيبوا لي سيرة الذكريات الجميلة القضوها هناك وما مختلفين معاهم في دي ابدا
ولو عملنا تلخيص للبوست ده حتلقى في عدد مقدر منهم اعترف بوجود هذا الاحساس وفي واحد وله اتنين اكدوا الاحساس ده رسمي واعلنوها صريحة
Post: #46 Title: Re: نرجسية طلاب وخريجي جامعة الخرطوم Author: مريم بنت الحسين Date: 04-16-2008, 01:34 PM Parent: #1
انا ما اتخرجت منها.. وزرتها مرات قليلة.. لكن زوجي درس فيها.. ووالدتي اتخرجت منها.. ووالدي درس، ودرّس فيها... ولم ار منهم سوى التواضع الجم تجاه انفسهم، والفخر العميق بالجامعة..
وحاة الله لما اشوف الصورة بتاعت المكتبة ديك، قلبي برف...
بختكم
بنت الحسين
Post: #48 Title: Re: نرجسية طلاب وخريجي جامعة الخرطوم Author: حليمة محمد عبد الرحمن Date: 04-16-2008, 01:39 PM Parent: #46
ويا شماسي يا حليل يوم الاثنين(الاسبشيل)
كيكي وشماسي.. الـ SPECIAL
كان يوم التلاثاء..
Post: #51 Title: Re: نرجسية طلاب وخريجي جامعة الخرطوم Author: عبدالكريم الامين احمد Date: 04-16-2008, 01:51 PM Parent: #48
Quote: كيكي وشماسي.. الـ SPECIAL
كان يوم التلاثاء..
هلا حليمة ومرحب يوم الاثنين ياااخي وحتي الواحد مذكر انو كان بدك ليهو عشاء الاحد بالليل والفطور بتاع الاثنين
Post: #49 Title: Re: نرجسية طلاب وخريجي جامعة الخرطوم Author: ابراهيم محمد الحسن Date: 04-16-2008, 01:42 PM Parent: #46
لا فض فوك أختى مريم بنت الحسين ...
Quote: وحاة الله لما اشوف الصورة بتاعت المكتبة ديك، قلبي برف.
والله كلنا قلبنا بيرف
Post: #53 Title: Re: نرجسية طلاب وخريجي جامعة الخرطوم Author: عبدالكريم الامين احمد Date: 04-16-2008, 01:57 PM Parent: #49
هلا ابراهيم محمد الحسن وكويس انك مرابط بجاااي كهندسي عريق والناس ديل احنا فكينا ليهم القيد بطيبة وتواضع ونكران ذات ولكن لمن القصة تجيب ليها انطباعية هشة والتجني علي عالم كامل وترصد هنا بقي جنون ما وراء الميدان الغربي بتركبنا والمكشن بلا بصل بظهر... اسوء شي انو الانسان يبني ارائه مهما كانت قيمتها علي انطباعية ويعممها علي الجميع بدون تقدير وبدم بارد...
Post: #126 Title: Re: نرجسية طلاب وخريجي جامعة الخرطوم Author: الطاهر عثمان Date: 04-19-2008, 02:51 PM Parent: #53
عبد الكريم
الله لا جاب المكشن بلا بصل ياصديق والمسالة ليست تعميم كما قلت في اول البوست
هي عبارة عن تجارب كثيرة مرت بي وعكستها لكم وقد اكون مخطي وتستطيعون إقناعي وقد استطيع ان اعكس لكم جانب لا تعرفونه ولم يقله لكم أحد من قبل
Quote: ويعممها علي الجميع بدون تقدير وبدم بارد...
ارجع بس كده لمداخلاتي جميعا ووريني تعميم واحد اصدرته
Post: #54 Title: Re: نرجسية طلاب وخريجي جامعة الخرطوم Author: حليمة محمد عبد الرحمن Date: 04-16-2008, 02:01 PM Parent: #49
بتتذكروا يا جماعة سنة 88 لما الطلاب اتبرعوا بوجبة فاطورهم لمدة اسبوع
لاخوانهم في المويلح ومرزوق والشيخ ابو زيد...وكانوا بمشوا بنفسهم
يوزوعها عليهم ويجوا راجعين من غير ما يفكر الواحد ياخد قرمة وااااااااااحدة
من سندوتش؟
وبتتذكروا في نفس السنة لما كانت توتي مهددة بالغرق لما مشينا اشتغلنا
يوم كامل ردم.. شكلنا صفا طويلا اوله عند كوم تراب الردمية الضخمة واخره..
كان بعدد طلاب الجامعة..تقريبا..كنا كلنا بنات واولاد نعمل
ما زلت اذكر كيف كانت بصات كوسو تقوم بترحيل الطلبة الى توتي...
وظللنا نعمل حتى المساء.. حينها لم يكن هناك رغيف كافي...
فشمرت نساء توتي عن سواعد الجد وعاسن الفطير.. وظبطنو بالفول..
كانت احلى وجبة اكلتها في حياتي..
في الوقت الذي غاب فيه المسئول تماما..
بتتذكروا كمان لما سلوكنا دا شجع ناس اللاماب، فجاءوا ذات مساء يستنجدون بنا...
وظللنا نعمل في الظلام.. هذه المرة لم يكن هناك تراب كافي لعمل الردميات..
مسكت اخوات عزة الكواريك والعزم وظللن يحفرن في بعض الحيشان لاستخراج ترابها
طيلة ذلك المساء وكان الماء قد وصل لبعضهن..
مازلت اذكر زميلي من الاتجاه الاسلامي انذاك والذي كان ينظر الى ركوب البنات ببعض السخرية
وكيف ان سخريته تحولت لاحترام عميق حين عودتنا..
المذكر الكلام دا يبقي دفعتي...يجي بجاي..D
تلك هي شذرات من بعض المشاهد التي تحكي روعة طلاب جامعة الخرطوم...
وتلك هي الجامعة التي افخر كثيرا باننا جلست في الـ102 في يوم من الايام وتتلمذت
على ايدي رجال ونساء خطوا اسمائهم باحرف من نور في خارطة الوطن الثقافية...
وتظل الخرطوم هي الخرطوم.. والجامعة هي الجامعة .. مهما تحولت كثير من الداخليات
الى جامعات..
ويظل الامل يحدو كل طلاب السودان بالدخول الى جامعة الخرطوم ,ونيل شرف الانتماء اليها..
ببساطة يا اخوانا وروني واحد او واحدة قبلوها في الخرطوم وقال/ت ما عايزها/عايزاها..وقدم/ت استقالتها
منها لاحدى جامعات الداخل؟؟؟:
بت الحسين ما قلتي الا الحق..
للجامعة سحر خاص،
لا يتذوقه الا اولئك الذين صالوا وجالوا بين عرصاتها..
Post: #55 Title: Re: نرجسية طلاب وخريجي جامعة الخرطوم Author: عبدالكريم الامين احمد Date: 04-16-2008, 02:16 PM Parent: #54
Quote: المذكر الكلام دا يبقي دفعتي...يجي بجاي..
متذكرين بالحيل ياحليمة وسنة السيول والامطار ايضا تبرع كل طلاب الجامعة وبكل حب بوجباتهم الي المواطينين في اطراف الخرطوم وعمل الكثيرين كمتطوعين في توزيع الاغاثات هذا قليل وكان هو واقل واجب ممكن ان يقدمه ذلك الطالب النحيف (كما وصفهم الطيب صالح ذات يوم) انتي يا حليمة دفعة المرحوم الخواض اذن انتي خريجة 88 الدفعة القدامنا بسنتين
البوست ده صدمني بالجد لاني عارف وكنت شايف حجم الانتماء بتاع معظم الناس او كل الناس الانا بعرفهم للشعب ده وتواضعهم الجم... وممكن يكون في زول (اود) وتكبر باسم الجامعة علي اخريين ولكن حتما ليس هي الاغلبية كذلك...
Post: #106 Title: Re: نرجسية طلاب وخريجي جامعة الخرطوم Author: حليمة محمد عبد الرحمن Date: 04-18-2008, 12:52 PM Parent: #55
Quote: متذكرين بالحيل ياحليمة وسنة السيول والامطار ايضا تبرع كل طلاب الجامعة وبكل حب بوجباتهم الي المواطينين في اطراف الخرطوم وعمل الكثيرين كمتطوعين في توزيع الاغاثات هذا قليل وكان هو واقل واجب ممكن ان يقدمه ذلك الطالب النحيف (كما وصفهم الطيب صالح ذات يوم) انتي يا حليمة دفعة المرحوم الخواض اذن انتي خريجة 88 الدفعة القدامنا بسنتين [/QUOTE
بحليل يا كيكي الاحداث التي سردتها دي كانت في زمن السيول والفيضانات، 88. وكنا حينها في نهائي خامسة اداب..
انت دفعة ناس عبد المنعم ومكي بشير ود. عبد الباقي محمد دفع الله ونعمات فريجون واخرين..
ايوة انا دفعة المرحوم عصام الدين الخواض جاد الرب (منطقة كلي)، ومن دفعتي الذين قطعوا شوطا كبيرا في الحياة.. الاخ د. هشام خوجلي محمد، وهو مترجم ثلاثي اللغات ببنك التنمية الاسلامي بجدة.. وحاتم عباس، وهالة صالح محمد نور(كانوا مساعدي تدريس بشعبة اللغة الانجليزية)، محمد عبد الكريم عبد الله، بالاذاعة السودانية، ادم بخيت بشارة، بالقسم الفرنسي بالاذاعة، ومعه كانت الزميلة سمية سيد عبد الفتاح . ومن دفعنا كانت هناك شابة نابغة في الكتابةمن بنات كردفان (الرهد)اسمها زينب سالم، لا ادري اين قذفت بها الاقدار.. د. سلمي عمر التاريخ، عمر حميدة، وفتحي عبد العزيز فرح.
ومن المعلمين الذين انتدبوا من وزارة التربية لكلية الاداب: كباشي، عبد الرحمن الطيب (المشلخ)، بثينة جلال، بدوي ضيف الله ,واخرين..
ومن شعبة اللغة الفرنسية من دفعتنا.. على كباشي او على الشريف من الابيض (ابو ظبى)، ادم بخيث من دارفور، فداء محمود حسين، الخرطوم (لندن)، نفيسة عبد الله محمد احمد (الدويم)، حاليا بهولندا، مريم هارون من عطبرة (حاليا مشروع دكتورة ومدير قسم التدريب بالمركز الثقافي الفرنسي بالخرطوم،، عفاف الشيخ من الحصاحيصا (موريتانيا)، سوزان بدوي سليمان من الحصاحيصا (سويسرا)، نوال ادهم من بورتسودان (الامم المتحدة باديس ابابا)، بكري عبد الله، وكان مشهورا بالموسيقي وهو زميلنا هنا في المنبر، (كندا) محمد حمدي او حمدي الاغبش من (الحوش)، حاليا بمسقط، عرفة يوسف، امدرمان، خلود احمد قاسم (امريكا)، سمية حمدتو(؟؟)، عرفة يوسف، سامية الصادق (السعودية).زينب عبد الله من بنات الفاشر (الفاشر). نجوى الحاج احمد على (بحري)، اماني كردش (اخصائية نفسية) د. نجاة الحاج (امريكا). المرحوم الدخري احمد الدخري (كردفان). ياسر على سليمان من امدرمان، عصام بشرى ، كوستى (هولندا)
والباقين لم تسعفني الذاكرة حالياَ.. ومن الدفعة القدامنا.. السفير طارق على بخيت (كوستى) ود. محمد طاهر (من شرق السودان. بروفيسور احمد ابو شوك (ماليزيا) وهو عضو بسودانيز اونلاين، وزوجته نوار الشيخ محجوب جعفر. وناس اماني صلاح واماني ابو عيسى، واماني الطيب, وغيرهم..
من اساتذتنا في الاداب:ـ الفرنسي: المرحوم د. خالد مرسي، د. عبد الرحمن مصطفي من بحري (كندا)، د. ابراهيم حامد بدر دارفور (كندا) د. بابكر على ديومة، الكوة (السعودية)، د. يونس الامين من توتي، وفي الانجليزى: شين عبد النور، د. مجذوب، د. محمد احمد محمود (شفتو الاداب كانت كيف؟؟)، في اللغة العربية المرحوم بروفيسور عبد الله الطيب، الاستاذ الواثق، د. حسين النور، الاستاذ عبد المنعم محمد على، د. فاطمة الامين جمعة، د. بتول في اللغة الروسية هناك د. المتعافي، ود. بشرى الفاضل.. في التاريخ، بروفيسور القدال، وغيرهم.. في الجغرافي المنقوري.. وفي الفلسفة شداد، ود. عبد الله..
شفتو ليه الواحد بيفخر بالجامعة.. وكل الاساتذة ديل الذين ذكرت جزءا يسيرا منهم..
ولم يتجاوز طلاب الجامعة كلهم وبكل كلياتها.. الـ(1480)طالبا..
الجدير بالذكر ان عدد المتحنين في العام 1983، ومن جميع انحاء السودان، تجاوز الستين طالبا وطالبة..وكانت الحصيلة التي وقع عليها الاختيار للانضمام للجامعة لم تتجاوز ذلك العدد المذكور اعلاه..
وبرررررررررررضو تسالونا عن سبب (نرجسيتنا)المزعومة؟؟؟
Post: #52 Title: Re: نرجسية طلاب وخريجي جامعة الخرطوم Author: Mohammed Ahmed Saeed Date: 04-16-2008, 01:55 PM Parent: #46
اللة
الباشمهندس عاطف عمر الف تحية والف تقدير
حليل ايامنا فيها وياحليل الكثير
عاطف دا من اتخرجنا من الجامعة زمان ماشفتو وبطلع على كل بوستاتو ودابو وقع لى ود رفاعة ولولا الجامعة ماقابلتو واكيد مامذكرنى وتحياتى لك اين ماتكون
شماشى من الرهد دى انت زول اقتصاد وقريب من دفعنا لكن اولاد بحرى وبالاقتصاد على زمنا وفى دفعتنا اولاد بحرى عادل محمدأحمدقاسم مافى غيرو وبيتم ماجنب الكبرى وتحياتى لك اين ما تكون
واشوقى ليها ولى ايامها ولياليها وحتى الاكزام هول مشتاق ليها كية فى الطاهر
Quote: ويا شماسي يا حليل يوم الاثنين(الاسبشيل) وياحليل اعمامك الحرس والكبابست وعمال الصفر والطباخين والغسالين والفراشين
تحية خاصة للعم جمال وعوض الرباطابي وكل طاقم سفرة المين.
العزيزة حليمة متذكرين ايام السيول والامطار والله كل ايامالجامعة بنتذكرها بتفاصيلها العزيز كيكي وينك يا رجل تحياتي لكل المرور عبر هذه النافذة
Post: #67 Title: Re: نرجسية طلاب وخريجي جامعة الخرطوم Author: عاطف عمر Date: 04-16-2008, 09:41 PM Parent: #52
Quote: الباشمهندس عاطف عمر الف تحية والف تقدير
حليل ايامنا فيها وياحليل الكثير
عاطف دا من اتخرجنا من الجامعة زمان ماشفتو وبطلع على كل بوستاتو ودابو وقع لى ود رفاعة ولولا الجامعة ماقابلتو واكيد مامذكرنى وتحياتى لك اين ماتكون
محمد أحمد سعيد محمد أحمد سعيد محمد أحمد سعيد
لك التحايا مضاعفات ومن بعد المودة والتقدير
وعلى جناح السرعة لا بد أن تلحقني بواحد ( ماسنجر ) لإنعاش هذه الذاكرة التي طالما أوردتني موارد اللوم .
في إنتظارك
Post: #124 Title: Re: نرجسية طلاب وخريجي جامعة الخرطوم Author: الطاهر عثمان Date: 04-19-2008, 02:46 PM Parent: #46
مريم بت الحسين
تحياتي وتقديري ...
قعدنا في المكتبة دي وقرينا فيها لمن فترنا وقلبنا برضو بيرف
ولكن
ارجعي لبعض المداخلات وانت تعرفي
Post: #58 Title: Re: نرجسية طلاب وخريجي جامعة الخرطوم Author: محمد البشرى الخضر Date: 04-16-2008, 03:48 PM Parent: #1
الله يديم المحبة و الخوة في الله يا الطاهر تستحق الشكر على جمعك للكوكبة - النرجسية - الرائعة دي هنا حتى بعد ان تدهور حال الجامعة بعد الإنقاذ ولم تعد زي اول لازالت تحتل خانة الرغبة الأولى لكل ممتحن في الإستمارة في معسكر الإلزامية وفي الإدارات الداخلية و البهدلة لما يسألك التعلمجي قريت وين تقوليه جامعة الخرطوم تحس بيه احترمك زيادة عن اخوانك الفراعة و الجزارة و خريجين الأهلية وناس رومانيا يكفيها فخرا انها الوحيدة الممكن لما تتكلم عنها تقول الجامعة فقط بدون ذكر الخرطوم و يفهموك قاصد ياتها
Quote: طيب لو خريج جامعة الخرطوم ومريخابي حيقول شنو
يا اخي حتى الأنبياء عليهم السلام ما معصومين من الخطأ
Post: #59 Title: Re: نرجسية طلاب وخريجي جامعة الخرطوم Author: محمد البشرى الخضر Date: 04-16-2008, 03:52 PM Parent: #1
شنو يا صديق .. انت البعض ده اداك شاكوش ولا شنو؟..Just kidding man
زمان واحد دفعة قدامنا قام قدم للقضائية..و لمن دخل المعاينة .. قام واحد من اعضاء اللجنة (و هم قضاة محكمة عليا) نزل نظارتو شذرا و قال لأخينا : خريج جامعة الخرطوم ؟.. انتو عاملين فيها انصاف آلهة..!! عارف صاحبنا عمل شنو؟.. قام خمش ورقو من قدام مولانا..و قاموا الشيوخ لاحقنو ليك في الباب..و قالوا ليهو : ماشي وين يا ولدنا؟.. قام قال ليهم: عشان اوريكم انو نحن آلهة مش انصاف..!!
الزهو و الإفتخار ده.. ما قرونا ليهو تب..و ما سمعت بيهو..لكن ألية التنميط (كواحدة من وسائل التنشئة الإجتماعية) هي البراها فرضت أنو تنمط خريج/ة جامعة الخرطوم..و زي ما قال اخونا البشير دفع الله.. الدولة هي الرفعت من شأن جامعة الخرطوم (مش خريجيها و بس)..و زي ما قال احد الإخوة .. الجامعة الوحيدة المسمين عليها شارع..وانا اضيف.. الجامعة الوحيدة الخاتين صورتها في القروش.. الخ.. جامعة الخرطوم.. تميزت بحياتها الإجتماعية الغنية بالتنوع..و لو في اختلاف ممكن يكون من هنا.. و هي علمتنا و اتعلمت مننا برضك..
و عشان ما تزعل ساكت.. ناس جامعة الخرطوم ديل اكتر شعوب السودان تريقة على روحهم.. (الجامعة سنتر..و ما عداها حلال).. اها العدا السنتر دي .. خلي بالك فيهو طب و صيدلة و زراعة و بيطرة و تربية.. (صيدله.. بهدله)..(التور ..ولا الدكتور)..(الأحزان ..ولا الأسنان) اقتصاد (اولاد و بنات .. سكرتيرات) (كوم تراب ولا الأداب).. (رماد كانون..ولا القانون) (جزمة باتا ولا الشمباتا) (البياطرة طراطير الدكاترة).. (هندسة منتشة)(هندسة مرمطة)..و في واحدة خليها في سرك ساكت.. تربية (مدرسين..شينين.. مفلسين).. (مدرسات..شينات مفلسات) و دي واحدة مخصوصة عشان الأصدقاء فتحي البحيري و محمد ابراهيم عثمان.. (قدرة فول ..ولا الأسكول).. علوم(كلب سعران..ولا الفيران) و (اٍلــــوووم)!
واحدة من الحاجات الكنا بنقشر بيها ..انا و اخوي الدغيس القدامك ده.. على ناس باقي الكليات.. انو بنعزمهم مكتبة قانون..عشان يتفرجوا على استاذنا العالم .. دكتور على سليمان فضل الله (عميد الكلية) و هو بيذاكر معانا في المكتبة.. شفت الزهو ده كيف؟ تاني شنو؟.. ايوه.. بالمناسبة انا طيش الدفعة بتاعتي.. (جادي جدا في الحتة دي)..
و بعدين نرجع نشوف افادة صديقنا محمد الأمين موسى..
كبر
Post: #87 Title: Re: نرجسية طلاب وخريجي جامعة الخرطوم Author: Mohammed Ibrahim Othman Date: 04-17-2008, 09:26 AM Parent: #61
Quote: Kabar : و دي واحدة مخصوصة عشان الأصدقاء فتحي البحيري و محمد ابراهيم عثمان.. (قدرة فول ..ولا الأسكول)..
يا Kabar يا اخوي ماسمعت : اسكول اوف ماث سمحة ياناس ... التحية لكل نااس اسكوول ... التحية لكل ناس جامعة الخرطوم .. عمالها،طباخينها،طلبتها ،اساتذتها وضيوفها ولا تنسو ناس مستشفى العيون ... بتذكر الداخلية كانت مجمع لكل الاهل البيمتحنو من مختلف انحاء السودان شهادة سودانية ... واي واحد من هؤلاء الطلبة يجد المعونة في الدراسة او اي شيء يشمل السرير وتجد صاحب السرير طالب جامعة الخرطوم ينام على الارض .. ...الخ.. فهذا طالب جامعة الخرطوم المهموم بكل القضايا ... فلنشكر الأخ الطاهر الحرك دواخلنا وذكرنا بجامعتنا الحبيبة .. وليكون البوست حملة استنفار لدعم جامعتنا ..واكيد خريجنها في مختلف انحاء العالم متبوين اعلى المناصب..
Post: #162 Title: Re: نرجسية طلاب وخريجي جامعة الخرطوم Author: الطاهر عثمان Date: 04-21-2008, 11:14 AM Parent: #61
مولانا kabar
تحياتي وتقديري وقبل ان ابدا دائما ما تكون مداخلتك في اي بوست اقراه هي الفيصل والراي السديد...
والله مافي اي شواكيش وخلطنا بناتكم عاااادي وماكان في اي مشاكل زي دي
ولو كان الناس ناقشوا كلامك ده
___ لكن ألية التنميط (كواحدة من وسائل التنشئة الإجتماعية) هي البراها فرضت أنو تنمط خريج/ة جامعة الخرطوم ___
Quote: الاخ الطاهر.. سلامات لا اعتقد انها نرجسية ولكنه حب عميق لمكان لن ينساه كل من يمر به بكل تفاصيله واضاءاتها التي تبقي ما بقي العمر وفي هذا الحب والتعبير عنه قد يختلف الناس .. غايتو متاكدة الناس الانت قاصدهم ديل ما ناس اداب
ولا ناس اقتصاد
Post: #66 Title: Re: نرجسية طلاب وخريجي جامعة الخرطوم Author: عبدالكريم الامين احمد Date: 04-16-2008, 08:49 PM Parent: #65
Quote: الاخ الطاهر.. سلامات لا اعتقد انها نرجسية ولكنه حب عميق لمكان لن ينساه كل من يمر به بكل تفاصيله واضاءاتها التي تبقي ما بقي العمر وفي هذا الحب والتعبير عنه قد يختلف الناس .. غايتو متاكدة الناس الانت قاصدهم ديل ما ناس اداب
Quote: ولا ناس اقتصاد
ولا ناس هندسة
Post: #81 Title: Re: نرجسية طلاب وخريجي جامعة الخرطوم Author: Mohammed Ibrahim Othman Date: 04-17-2008, 08:03 AM Parent: #66
Quote: الاخ الطاهر.. سلامات لا اعتقد انها نرجسية ولكنه حب عميق لمكان لن ينساه كل من يمر به بكل تفاصيله واضاءاتها التي تبقي ما بقي العمر وفي هذا الحب والتعبير عنه قد يختلف الناس .. غايتو متاكدة الناس الانت قاصدهم ديل ما ناس اداب
Quote: ولا ناس اقتصاد
Quote: ولا ناس هندسة
ولاناس ادارية عشان زوجتي ..
ولا ناس اسكوول
Post: #230 Title: Re: نرجسية طلاب وخريجي جامعة الخرطوم Author: الطاهر عثمان Date: 04-30-2008, 07:35 AM Parent: #81
الصاوي عبد الكريم ومحمد ابراهيم عثمان
قلتو ولا (اقتصاد - هندسة - ادارية - اسكول) طيب الفضل منو
احكي ليكم عن قصة عن واحد من الكليات السابقة اعلاه بدون تحديد كان الكلام عن صعوبة الدراسة في الكلية المعنية والكلام طبعا من طرف هذا النرجسي وذكر لي بان الدفعة مثلا يدخل منها 200 يطلع منها 50 وبصورة ما كان يقود الحديث نحو دفة ان الـ 50 الذين يواصلون لنهاية الكلية ويتخرجون هم اذكياء جدا وشاذين ومافي زول زيهم وطبعا هو من ضمنهم
قدر ماحاولت أجيب صورة لجامعة الخرطوم من قوقل موضح عليها الجامعة والمنطقة المحيطة بيها ماقدرت . وكل مرة تطلع الصورة فيها غلط.
غايتو معرفتي بالكمبيوتر دا زي معرفة جورج بوش بأحكام الميراث وفقه الزكاة .
الشكية لي الله .
Post: #69 Title: Re: نرجسية طلاب وخريجي جامعة الخرطوم Author: ابراهيم محمد الحسن Date: 04-17-2008, 06:40 AM Parent: #68
Quote: والناس ديل احنا فكينا ليهم القيد بطيبة وتواضع ونكران ذات ولكن لمن القصة تجيب ليها انطباعية هشة والتجني علي عالم كامل وترصد هنا بقي جنون ما وراء الميدان الغربي بتركبنا والمكشن بلا بصل بظهر...
صدقت يا كيكي .. واتصلح يا حكم .. بندقك يا حكم ...
Post: #70 Title: Re: نرجسية طلاب وخريجي جامعة الخرطوم Author: ابراهيم محمد الحسن Date: 04-17-2008, 07:01 AM Parent: #69
Quote: الله يديم المحبة و الخوة في الله يا الطاهر تستحق الشكر على جمعك للكوكبة - النرجسية - الرائعة دي هنا
يا شباب ومواصلة للنرجسية والتفاخر رايكم شنو كلنا نضع الصورة دي في البروفايل ؟ عشان نعرف الصفوة والكوكبة من غيرهم (مع الإعتذار)
Post: #83 Title: Re: نرجسية طلاب وخريجي جامعة الخرطوم Author: ابراهيم محمد الحسن Date: 04-17-2008, 08:23 AM Parent: #70
الأخ الطاهر .. تحياتي ..
Quote: ابراهيم محمد الحسن عندي ود عمتي بنفس الاسم
منو القال انو خريجي جامعة الخرطوم بس هم الصفوة وماهي مقاييس الصفوة ناس الفربي ديل بقيادة كيكي شايفهم عاملين لوبي بتحت .. وجاي عليهم لك التحايا والاحترام والتقدي
- دي بس نوع من النرجسية والفخر الوصفتنا بيها بعدين انت مصر (بضم الميم) انك تقولنا شئ ما قلناه .. نحن ما قلنا انو مافي غيرنا صفوة .. لكن نحن بنتكلم عننا نحن (طلاب وخريجي الجميلة ومستحيلة) .. نحن صفوة - ناس الغربي ديل طبعا هم صفوة الصفوة ذاتها .. واعمل حسابك منهم لسه ما ظهرو ليك الباقين .. (اتصلح يا حكم )
لك التحايا والتقدير .. تخريمة : ود عمتك ده ليه الشرف إنه إسمه يكون ذي إسم واحد من الصفوة just kidding بس ما تقول لي إنه الموسيقار إبراهيم محمد الحسن
أخوي الطاهر كيفنك .. لن تقنع أحد بأنك تقصد البعض بعد أن جاء التعميم واضحاً في عنوان بوستكم .. وأقترح عليك بعد أن أخذ البوست منحاً آخر خلافا لما قصدت، أن تقوم بتغيير عنوانه إلي "ذكريات طلاب جامعة الخرطوم"..
Post: #239 Title: Re: نرجسية طلاب وخريجي جامعة الخرطوم Author: الطاهر عثمان Date: 05-06-2008, 09:11 AM Parent: #175
الاخ الصافي بشير تحياتي وتقديري البوست الان هو بوست ذكريات كما تفضلت وانا لم اعمم اطلاقا وعنوان البوست هو وسيلة جذب ليس الا
لك التحايا والود
Post: #82 Title: Re: نرجسية طلاب وخريجي جامعة الخرطوم Author: مدثر ابراهيم سعيد Date: 04-17-2008, 08:13 AM Parent: #69
اولا ارجو تعديل العنوان الي
نرجسية طلاب الجامعة
فهو يكفي !!!!!!!!!!
سلام يا ناس الجامعة
طبعا معروفة ومعرفة بالاف واللام ومافي زول يقول لي ياتو ناس ولا ياتو جامعة
وهو ما كانت تعرف به في زمان الفرع والمعهد والجزيرة والاسلامية
وما زالت تعرف به في زمان هلمجرا
ثم سلام يا ناس البورد
وعندي سؤال , وما سؤال جيش ( اي سؤال؟)
ماذا تعني كلمة نرجسية التي وصفوا بها خريجو الجامعة؟
عشان نرد علي الاتهام
والحمد لله الذي جعلنا من طلابها
ونفخر بانتمائنا لها ولا نفخر على غيرنا
(وليس كمن قال انا اكثر منك مالا وولدا لازم نفرق في المعاني)
وحتى تعم الفائدة ارجو ان يتحدث كل خريج من الجامعة عن ما عايشه في كليته
حتى ننور الجميع عنها
علي سبيل المثال
الاساتذة وطريقة تدريسهم وثوابتهم في التدريس
الطلاب ونبوغهم
الانضباط والالتزام باللوائح الاكاديمية
ووااااااااا هندستاااااااااااااااه
Post: #132 Title: Re: نرجسية طلاب وخريجي جامعة الخرطوم Author: Abubakr Osman Date: 04-19-2008, 07:04 PM Parent: #82
Quote: سلام يا ناس الجامعة
طبعا معروفة ومعرفة بالاف واللام ومافي زول يقول لي ياتو ناس ولا ياتو جامعة
وهو ما كانت تعرف به في زمان الفرع والمعهد والجزيرة والاسلامية
وما زالت تعرف به في زمان هلمجرا
That is enough
Post: #134 Title: Re: نرجسية طلاب وخريجي جامعة الخرطوم Author: حليمة محمد عبد الرحمن Date: 04-19-2008, 08:50 PM Parent: #82
Quote: الحبيب غباشي
هييييييعين [U]يا الجميلة وممكنة في الوقت الحالي
لك التقدير والاحترام
مع الاستحالة، انتفت التقدير والاصالة..
هيييع...
طيب مادام شايف البيت وقع ما تشيل ليك ربطة منو
وتلحقو بركب النراجسة (من النرجسية)..؟
وتوتة توتة تخلص الحدوتة..
طيبين هوي يا خريجي الالق والاشراق
وقدحط عندي..
واني لها مشتاق/ة
وكمان غارق في الوجد..
تعرف العبارة التحتها خط دي ذكرتني، غُبُش الاداب..
كانوا اول ما النور يقطع.. يقوموا فرررررررر، يزاحموا
الحناكيش في المين رود..
تخريمة:ـ
بكل جدية: تعرف يا الطاهر اخوي، الجامعة دي ما
كانت مكان للقراية بس..
دي كانت بيوتنا وحلالنا وفرقانا واهلنا، وحبايبنا..
نأتيها في كل المواسم، دمر ونشوق ومسور ودرت..الخ..
ولولا ان مكاننا يحتله غيرنا عقب التخرج.. لما فضينا الداخليات..
على قول احد اعمام المرحوم الشاعر جيلي عبد الرحمن حينما زاره في الداخلية
ووجد العز الذي يعيشه، فسأله انت كل يوم بسوولك كدي..
فرد جيلي عليه الرحمة بالايجاب..
فقال له عمه: سمح المتخرج لها شنى (شنو)؟
باختصار (الجامعة) اسرتنا الصغيرة ، على اتساع براحها..
امنا وابونا الما بنحمل فيهم الهبشة..
كانت لنا ايام..
في القلب ذكراها
يا ليتنا عدنا
او عادت الايام..
ازهرى .. كم هيجت اشجاني..
واجريت دمعي مدرارا
ذكرت حبيبا عنى قد توارى..
لك و(لها) تعظيم سلام
Post: #84 Title: Re: نرجسية طلاب وخريجي جامعة الخرطوم Author: مرتضى الكجم Date: 04-17-2008, 08:38 AM Parent: #1
نفخر اننا من خريجيها
فجامعة الخرطوم زمان , ( تلك القلعة الحصينة )
مش بعد ثورة التعليم اياها والتى دخلت للجامعة كل من هب ودب
وبرضو انا معاك انو فى ناس مزودنها شوية
ومضيعين حق الجامعات الاخرى , حتى دون الاعتراف
واكرر الجامعة كانت زماااااان
Post: #86 Title: Re: نرجسية طلاب وخريجي جامعة الخرطوم Author: هشام آدم Date: 04-17-2008, 09:14 AM Parent: #84
_______________ الطاهر عثمان يا أخوي ... والله ما عرفنا أكان دي نرجسية طلاب جامعة الخرطوم، ولا عقد نقص بتاع طلاب الجامعات التانية! على العموم حسي الكتوف اتساوت يا حبيب، والبركة في سياسات التعليم العالي والقبول الخاص
Post: #85 Title: Re: نرجسية طلاب وخريجي جامعة الخرطوم Author: مريم بنت الحسين Date: 04-17-2008, 09:12 AM Parent: #1
والله انا البوست ده ما قاعده اقفله.. بس بعمل refresh....ومستممممممممممممممتعه بالحكاوي والذكريات البكتبوها الناس هنا..
Post: #93 Title: Re: نرجسية طلاب وخريجي جامعة الخرطوم Author: عبدالكريم الامين احمد Date: 04-17-2008, 01:52 PM Parent: #1
ياجماعة اخونا الطاهر ده الظاهر عليهو عاوز يتونس مع ناس الجامعة الوناسين ديل شششوية..!! امس كنت عندي رغبة جامحة اني اطالعوا في بوست احلق معاهو في جولة ام نخيلية ونفكك خطابه الشديد الانطباعية ده.. لكن لقيت الموضوع فيهو جوانب ايجابية عرفتنا علي الاجيال اللاحقة والسابقة من خريجين وخريجات الجامعة في المنبر واحنا كناس نرجسين كبار بهمنا كمان نعرف اخوتنا النرجسين والنرجسيات وزي ما قال المثل(ابو قدح بعرف محل بعضي اخوهو) احنا بنقول النرجيس بعرف محل بلاقي النرجيس الزيو فيا الطاهر اخووي دحين انا القدامك ده نرجسي وشيوعي وسكران...وحلاليب مصرية كمان
Post: #94 Title: Re: نرجسية طلاب وخريجي جامعة الخرطوم Author: الطاهر عثمان Date: 04-17-2008, 02:19 PM Parent: #93
عبد الكريم
يعلم الله اني فاقدك من الصباح في البوست ده ومن امس ناوي ارد عليك واقولك شوية شوية ياناس الغربي وماتحرش علي الناس ساكت
فيا عزيزي بي نرجسيتكم دي بنحبكم وبنعزكم انتو بس خففوا شوية كده وادونا نظرة...
فانا جاييك والله لكن اها فطينا ليك الدور عدييل كده رشوة بس لناس الغربي
قلته ليك (كنوع من سياسة فرق تسد ) شايفكم كلكم وقفتوا وقفة رجل واحد انا وابن عمي علي الغريب طيب لو كان ابن عمك ده(خريج الخرطوم) كوز وانته شيوعي مثلا مثلا موقفك شنو مع نرجسيتو !!!
ولك الود
Post: #95 Title: Re: نرجسية طلاب وخريجي جامعة الخرطوم Author: عبدالكريم الامين احمد Date: 04-17-2008, 02:38 PM Parent: #94
Quote: فانا جاييك والله لكن اها فطينا ليك الدور عدييل كده رشوة بس لناس الغربي
هلا يا الطاهر واهااا شفت الفط ده ياهو البجيب النرجسسسية ذاااتو ترجع يازول ترجع ترد علي الامة دي كلها بالدور(طابور رد) وانا اقيف في الصف زيها وزي وقفتنا ايام الجامعة في صف الصفرة وشايل الصينية ام صحانة ديييك
احنا بنحبكم يا الطاهر وبنحب كل الناس الطيبين في السودان البلد الطيب لكن بس ما كمان تهبوشنا بدون سبب. وناس الجامعة ديل يا الطاهر لمن وقوفو سوي شالو (عبود) وساهمو في شيلة نميري والله يستر عليك ساكت من خشومهم النرجسية... ولو ابن عمي طلع كوز من الجامعة يكون نرجسي (تدي في راسو طوالي زي ده).. انت عارف يا الطاهر انا اكثر زول في الدنيا دي صحبي (كوز) وخريج جامعة الخرطوم ونرجسي زينا كده وابن عمي كمان (لو لقيتو خلاص ما داير ونسة مع اي زول في الدنيا دي) فهو اجمل كوز في العالم ده... العلاقات في الجامعة اعمق ومتجاوزة الحتات السياسية دي لتواصل انساني وزمالة وملح وملاح وفيها لو ما عجبك (سف تمباك من كيس واحد مع كيزان)
صدقني بوستك رغم بدايته المتوترة الا انه صار موغل في النرجسية عشان كده واصل ونحن تلقانا متنرجسين وراك
تعرف قصة جامعة الخرطوم .. وطلابها وخريجيها قصة ما عندها نهاية خالص ..لي ؟
لانها ابتدت ريده ومحبه واصبحت في ذاتها غاية كنت تمنحنى السعادة ولى تتفجر عطايا ولما أغرق فى دموعى تبكى من قلبك معايا كنا فى ماضينا قوة قوة تتحدى الصعاب نقطع الليل المخيم ونمشى فى القفر اليباب كنا للناس رمز طيبة وكنا عنوان للشباب (ذي ما قال الفنان)
ـــــ
طبعا دي صورة بالقرب من (لاب) جغرافية .. والي جمنب السلم زميلي وصديقي النور البلك .. في النص دكتور حسن المنقوري والاخير شخصي .. تعرف يالطاهر الدكتوره ده (شلهت روحي حتي استلم (بحث تخرجي) وبعد مشاورير أدمت قدماي وقلبي كمان ..حتي بعديهااستلمه.. والقريبه نحن في الدفعة(اثنين ال عندهم بحثين الاول جغرافيه.. والثاني علم نفس .. والله ناس علم النفس عسل استلموا بحثي واعطوني درجات حلوه فيه لكن دكتور المنقوري ده بعد ما ستلم البحث قالي كنت عاوز اعمل ليك (انظار)وتجي السنه الجاية وتسلم بحثك .. لكن شفتك عندك اصرار واخذ البحث مني .. وقال لي نصيحة ليك .. وما بتلقاها في الزمن ده لو ما استلمت شهادتك لا تسافر.. طبعا تعرف انا كنت بسافر يعني عندي اقامه سارية المفعول ..!! والله كانت احلي نصحية سمعتها في حياتي (في نفس الوقت كانت معاي زميله اسمها فائقة) ما اصرت ذي لتلسيم بحثها وعمل ليها (انظار).. وكلمها بي (مساسقتي) لي مكتبه ياخي والله وبكل صراحة ما بقدر انسي كل المواقف الجميلة والحزينه فيها .. وهذا بدون (نرجسية)
طبعا ال جالس شخصي ..والنص صديقي ايمن محمد عبد الله وال باين وجهه صديقي بابكر فضل السيد والطرف الاخير برلوم علوم صديقي النور البلك وشقيقه طبعا كلنا اداب .. ومعليش الصوره اخذتها بالجوال ماعندي اسكنر.. ولكن قدر ما الواحد يزهج.. بنلجأالي ذكرياتها الانيقة وفريده.. تحياتي
Post: #97 Title: Re: نرجسية طلاب وخريجي جامعة الخرطوم Author: محمد البشرى الخضر Date: 04-17-2008, 09:19 PM Parent: #1
Post: #102 Title: Re: نرجسية طلاب وخريجي جامعة الخرطوم Author: عبدالكريم الامين احمد Date: 04-18-2008, 12:05 PM Parent: #101
Quote: أنا نزلتها امبارح ونمت مامتاكد نزلتها ولا لا .
هلا ابو الزهور وصورتك دي اخوي بالله شوف نزلتها وين...!!! قدر ما حاولت القي لي تفسير نرجسي لاختفاء الصورة دي ما لقيت حل..!!! كدي بالله اعمل ليك كلك كلكين نرجسيات كده وجيبها تاني خلينا نعرف فيها نفر نفرين باقي ناس اداب ديل روحنا ودمنا
هذه هي الصورة وزي ماقلتا قبل كدة أنا ما متاكد نزلتها وتحذفت ولا نسيت انزلها .
أو يمكن تكون فيها مخالفة لقانون وبكري حذفها ؟
عليك الله ياعبد الكريم لو بكري حذفها وانا نزلتها تاني وبكري زعل إتوسط لي عنده . وباسويردي أمانة في رقبتك وعذري إني ما متأكد أنا نسيت أنزل الصورة ولا إنحذفت .
(شفتو جنس الخوف دا كيف من السلطات البكرية )
دفعة آداب الخرطوم 1990م
Post: #104 Title: Re: نرجسية طلاب وخريجي جامعة الخرطوم Author: عبدالكريم الامين احمد Date: 04-18-2008, 12:22 PM Parent: #103
هلا يا ازهري واتخيل لي لو ما الزمن طال دي دفعة اداب (روسي) وعرفت اسامي (2) والغريبة ال2 لابسين كرفتات اسماعيل الواقف في اقصي يسار الصورة وزاهر الجالس في المنتصف
كل الوجوه دي الزول بعرفها لكن طال الزمن وصدئت الذاكرة يا ابو الزهور ولك كل الود وبكري لا يمكنه ازالة هذه الصورة او توقيفك في امرها فهو ذاااتو قاعد ينزل صور. فيا زول باصوريدك ما بتجيهو عوجة ولو شالو الليلة الدم ركب (خوة نرجسسسسسسسسين ساكت نجيبو ليك قبل ان يرتد طرفك). وانت الظاهر كلو كلو ما نزلت الصورة دي يازول
تسلم ياعبد الكريم يازميل في أعظم منبر سوداني وأعظم جامعة سوادنية .
لك خالص الود والتقدير .
Post: #107 Title: Re: نرجسية طلاب وخريجي جامعة الخرطوم Author: Abubakr Osman Date: 04-18-2008, 02:45 PM Parent: #99
متذكرين بالحيل ياحليمة وسنة السيول والامطار ايضا تبرع كل طلاب الجامعة وبكل حب بوجباتهم الي المواطينين في اطراف الخرطوم وعمل الكثيرين كمتطوعين في توزيع الاغاثات هذا قليل وكان هو واقل واجب ممكن ان يقدمه ذلك الطالب النحيف (كما وصفهم الطيب صالح ذات يوم) we hope thses days return back
Post: #100 Title: Re: نرجسية طلاب وخريجي جامعة الخرطوم Author: ناهد بشير الطيب Date: 04-18-2008, 11:43 AM Parent: #1
اخونا الطاهر ود عمى عثمان
ويييينك ياراجل مختفى لا بنشوفك بى هنا ....ولا بى هناك؟
عارف اختك طبعا فراعيه ...نسبتها... ودتها حقوق الفرع
حزنت وقتهاولكن كان حزنى بس .. انى حااكون بعيدة عن صاحباتى ..... . .لكن كان العزاء الوحيد انه نحن بنتلاقى الصباح لانه كنا بنترحل
من منطقة واحده....وكانوا بينزلوا ...ونواصل انا ونجوى وهاله
للفرع ...........
كتير من الاحيان كنا نذهب اليهم فى جامعة الخرطوم
....وكنا دائما مانتجمع سوا مع بعض ... سواء فى جامعة الخرطوم ...
او جامعة القاهره الفرع....
من الذ الحاجات كنا لمن نكون معاهم كانوا ناس الخرطوم بيعرفونا انه
لى ذكريات حلوة معها ...سااحاول ان اتى لذكرها هنا ..
.جعلكم الله اخوة محبين لبعضكم
هكذا الزمن ...ترحل الايام....... وتبقى الذكرى....
Post: #108 Title: Re: نرجسية طلاب وخريجي جامعة الخرطوم Author: عزان سعيد Date: 04-18-2008, 04:31 PM Parent: #100
والله لو ما قرينا جامعة الخرطوم المغسة كان كتلتنا.وكفى
Post: #110 Title: Re: نرجسية طلاب وخريجي جامعة الخرطوم Author: أبوبكر أبوالقاسم Date: 04-19-2008, 08:41 AM Parent: #1
الأخ/ الطاهر عثمان الإخوة النراجسة سلامى للجميع
قال أخونا الطاهر لودالبشرى :
Quote: طيب لو خريج جامعة الخرطوم ومريخابي حيقول شنو
أها أنا من رحم تلك الجامعة ومريخابى ولا أقول إ لا ما قاله أخوانا عن التواضع والفهم .
تشجعنا بظهور بعض العجائز ( محمد أحمد سعيد ) ود أبوفروع .
غايتو على زمنا نحنا (1977-1981) كان الإسبشل يوم الثلاثاء يا كيكى ، إكون غيروه بعد داك؟
ما ناب جامعة الخرطوم من نظام الإنقاذ جاء من أبنائها ممن يُسمون ( أولاد الحكومة ) ، فمنهم من درس بالداخلية من الإبتدائى حتى الجامعة
والقصد واضح فى ألا يُتاح للطلاب وقت للتلاقى معاً فى الداخليات والأمسيات محاربةً لدورها السياسى والإجتماعى ‘ حيث إنشغل أغلب الطلاب
بالمواصلات والسكن والأكل ، وحتى الميزانية تقلصت مما أتاح الفرصة ( للقبول الخاص) الذى أصبحت الجامعة والكليات تعتمد عليه فى تسيير
أعمالها ، وهو ما أتاح لأخونا الطاهر القول بأنها لم تعد مستحيلة ولكن ذلك لا يرجع لتراجع مستواها العلمى أو تحصيل طلابها ‘ فما زال
المعيار موجوداً وهو التفوق فى إمتحان الشهادة السودانية.
أحمد الله بأنى سودانى ومن خريجى هذه الجامعة.
إستمتعنا كثيراً بمداخلات المداومين بهذا البوست : حليمة محمد عبدالرحمن ودالبشرى عبدالكريم الأمين أحمد إبراهيم محمد الحسن الأزهرى 2 محمد إبراهيم عثمان عاطف عمر شماشى
الطاهر يا أخوى : قالوا البهبِّش الجحَّار بيقرص.
Post: #111 Title: Re: نرجسية طلاب وخريجي جامعة الخرطوم Author: Mohammed Ahmed Saeed Date: 04-19-2008, 10:56 AM Parent: #110
الأ خ الفاضل بكرى أبوالقاسم ( أبوبكر) التحايا والود وزمن طويل وربنا يرد غربة الجميع . الطاهر هبش الناس فى شئ عزيز جدا عليهم وكل خريج لة مودة وذكريات ومواقف حبيبة جدا . وبوستو دا بيجر شديد ولسع ناس الطيب شيقوق ( العجائز) ولا ناس أواخر الثمانينات واوائل التسعينات ناس أسماعيل وراق مادوروا فيهو . والتحايا لكل النرجسيين اين ما وجودا
وربنا يخفف على الطاهر من دواهى الجحار
Post: #112 Title: Re: نرجسية طلاب وخريجي جامعة الخرطوم Author: ALazhary2 Date: 04-19-2008, 11:52 AM Parent: #1
العام 1903م جامعة الخرطوم وبعض مختبراتها والمنتسبين إليها :
يا أم نخيل منو الزيك منو الزيك منو الزيك .
1903 دول ماكانت أتوجدت .
Post: #113 Title: Re: نرجسية طلاب وخريجي جامعة الخرطوم Author: Yahia Abd El Kareem Date: 04-19-2008, 12:36 PM Parent: #112
الاخوة المتداخلون...بصفتى أحد قدامى الخريجين او الجيل الوسط ان شئت (1974-1978) فانا أعترض
على وصفنا بالنرجسية ونحن من علمنا الغير التواضع والاحترام وفتحنا مدارس فى العالم ننشر فضيلة
التواضع مع الافتخار بالاصل النجيب....ولا يكاد يمر يوم دون ان يذكرنى أهل الخليج " بتفوقنا على
الاخرين" فى مجال القانون على الاقل وذلك بسؤالهم الدائم والراتب " لماذا كل الشركات الكبرى
والدوائر الحكومية وغيرها يقوم على عمل القانون فيها السودانيون ؟؟؟ ودون الحط من قدر خريجى
الجامعات الاخرى فى السودان تكون اجابتى " جامعة الخرطوم ونظامها والنور التى كانت ولازالت تبث"
سنظل نحمد لوطننا السودان ان اتاح لنا فرصة كتلك ونحمد الله اننا لم نخذل ولن نخذل تلك الام وسنظل
لهااوفياء نفاخر بها اعرق الجامعات اصلا ونسلا..وتلك ايام محفورة فى القلب عشناها فى وسط اكاديمى
واجتماع وسياسى غاية فى الروعة ولن ننسى البركس ولا البلونايل سينما ولا الexamination Hall , ولا
الميدان الشرقى ولا قهوة النشاط ولا ركن النقاش ولا المظاهرة المارسية ولا نجيلة كلية القانون ولا
المزيرة ولا غرفة عم عبدالوهاب ولا المكتبة التى اكاد اذكر عدد ارففها الان ولا جمعية القانون
ولياليها العامرة بصديق الجمعية لفنان عثمان حسين ولا الجلوس فى الmain road واطلالة الmain liberary....ولا..ولا...
Post: #128 Title: Re: نرجسية طلاب وخريجي جامعة الخرطوم Author: معاذ حسن Date: 04-19-2008, 03:12 PM Parent: #127
اخوي الطاهر عساك طيب قال رسول الله صلى الله عليه وسلم ما معناه:- أنا افضل العرب بيد اني من قريش... ولا فخر واقول: أناخريج جامعة الخرطوم بيد اني جعلي ... ولا فخر أها (لا فخر) دي ما عارف زمن الرسول(ص) كان مقصود بيها شنو لكن في زمننا دا اي زول يتكلم عن نفسو ويهز راسو ويقول ليك (ولا فخر) دافخر الدين ذاتو!! صادق الود
- عارف والله عيونى دمعت وكان كا ما خفت من شمارات بنات المكتب كنت جعرت لمن شفت الصور
بعيد عن قصة النرجسية والزهو والحاجات دى - السؤال المفروض تسألو سر علاقة طلاب الخرطوم بجامعتهم دى شنو الحنين الغريب دا علاقة
الانسان بالمكان نحن من حقنا نفتخر بى جامعتنا واذا باقى الناس ما بفتخروبجامعتهم ما اظن دى مشكلتنا
Post: #130 Title: Re: نرجسية طلاب وخريجي جامعة الخرطوم Author: عبدالكريم الامين احمد Date: 04-19-2008, 05:50 PM Parent: #129
Quote: كنت جعرت
let us do it maaaaaaan ولما لا فانه التور وما ادراك ما التور ايامات وصداقات ولاكاشر وامتحانات وناس جميلة ومرح وخيبة ثم فرح اخير الصورة دي ماخودة من زول واقف في الجزء الشرقي من اجمل الميادين في العالم رغم نجيلته المهملة ولكن عبرتها الالف من الارجل النابهة صوب لكشر صوب فعالية تغني للوطن والجمال لذا بداء المعمار في جزء منها وطل التور شاااامخا عاليا ...يبكي ويرجع الوجدان دورة ونص من عقود الزمان... واه ياهندسة واهين يا ام نخيل ارض النرجسة
ازهري اخوي ..غايتو اصلا ما كسبت فينا عافية بصورك دي انت عارف في السخانةدى انا بكرة حامشى الجامعة انشاء الله ادخل بالمين واتلفت يمين وشمال واقول سلام قانون ..سلام ادارية وامر بالمكتبة واسلم من بعيد علي الكلية الجامعة وبعدين ارفع ايدي لاقتصاد واقطع معمار واطلع بباب هندسة قصاد وزارة الصحة واوصى اي زول هناك يسلم لي علي علوم ما حاقدر اصلها اميرة
Post: #133 Title: Re: نرجسية طلاب وخريجي جامعة الخرطوم Author: عبدالكريم الامين احمد Date: 04-19-2008, 07:06 PM Parent: #131
Quote: واطلع بباب هندسة
هلا بالنرجسية اميرة الحبر وعليك الله اطلعي لي باب هندسة ده معاك يااميرة معاكي وسلام والله
Post: #135 Title: Re: نرجسية طلاب وخريجي جامعة الخرطوم Author: احمد التجانى احمد Date: 04-19-2008, 10:01 PM Parent: #1
مع كامل التقدير والاحترام لكل خريجى الجامعات الاخرى
باقول ليهم جامعاتكم is only one bed room compared to U of K
ما شاء الله ابناء الجامعة ماقصروا في حقها و دافعوا عنها و عن منتسبيها بما يكفي و زيادة،،، بس لازم نساهم مع الاخرين في ايضاح الكثير من الحقائق التي -نحسن الظن- بصاحب البوست و نقول غابت عنه،،، الغريب في البوست انه يحمل الاتهام و البراءة لمنتسبي جامعة الخرطوم،،، فكل ما قيل صحيح في حق الجامعة و حق منتسبيها،،، اختلف مع هشام في مسالة تساوي الكتوف مع الجامعات الاخرى،،، الكلام نظريا صحيح، لان لوائح التعليم العالي تقول بذلك،،، جامعةالخرطوم تفوق نظيراتها تاريخيا. اما حديثا، ما لكان لباقي الجامعات ان تقوم لولا الكوادر التي اتي بها من جامعة الخرطوم،،، اذكر ان الدكتور/ معز البخيت (و هو من خريجي الجامعة) كان يقدم برنامجا تلفزيونيا استضاف فيه كليتي الطب بجامعة الخرطوم و جامعة الجزيرة في ثمانينيات القرن الماضي. منذ البداية كان قصارى مجهود اساتذة طب الجزيرة هو التقليل من شان طب الخرطوم، فانبرى لهم احد اساتذة طب الخرطوم بشعر رصين مذكرا باصل التعليم العالي في السودان، قائلا: كالبحر تمطره السماء و ما لها من فضل لانها من مائه نعود لما عرف حديثا بظاهرة غسيل الشهادات. ظهر هذا المصطلح حديثا للتعبير عن رغبة خريجي كل الجامعات السودانية في الحصول على مؤهل عالي من جامعة الخرطوم لتحسين سجلاتهم الاكاديمية رغم اعتراف العالم بالمؤهلات التي يحملون،،، جامعة الخرطوم رغم عجزها المالي، هي الوحيدة تتمسك بمعايير الجودة في منح الدرجات العلمية و الترقيات،،،، و لكم ان تقارنوا بين الذين حصلوا على درجة الدكتوراه داخليا منذ خمس سنوات. الذين يعملون في جامعات اخرى تمت ترقيتهم في اقل من خمس سنوات الى درجة الاستاذ المشارك وبدون اي انتاج علمي، و منهم من هو على وشك الحصول على مرتبة الاستاذية،،، و هذا لا يحدث في جامعة الخرطوم،،، اما التعيين، فلا يعقل ان تقوم جامعة الخرطوم بتعيين -قل- معيدين حصلوا على مرتبة الشرف الاولى من اقسام كل اعضاء هيئة التدريس فيها من حملة البكالريوس و على حساب خريجيها الذين نالوا العلم على ايدي علماء يفاخر بهم على مستوى العالم،،،، يهمنا ان يتطور التعليم العالي في السودان و ان تكون لكل الجامعات سمعة جامعة الخرطوم،،، الا ان هذا لا يتم باتهام الاخرين بادلة هي في واقع الامر احساس اناس غير منتمين،،، من حق خريجي جامعة ان يفتخروا بانتمائهم لهذه المؤسسة التعليمية العملاقة، و ليس هنالك من هو اكثر تاهيلا منهم ليسلبهم هذا الحق. و مع كل هذا نحفظ لبعض لخريجي الجامعات الاخرى تاهيلهم العلمي العالي،،، و اذكر في هذا المقام نتائج اختبارات السنة التاهيلية للطلاب القادمين من الجامعة الاهلية لاداء برنامج ماجستير الاداب في اللغة الانجليزية بجامعة الخرطوم حيث كثيرا ما تفوقوا خريجي نفس القسم الذي يقدم الدرجة،،، و مع ذلك .... هلالاب و نفتخر و خريجي جميلة و مستحيلة و نفتخر،،، و دمتم جميعا
يا أميرة كان بقت عندك كاميرةً ديجيتال ... أمانة عليك تصوري لي الــ Tower بتاع هندسة من جوة الكلية و من ناحية شارع النيل ... بالجد واااااااااحشني ................ تسلم يا أزهري ...
Post: #138 Title: Re: نرجسية طلاب وخريجي جامعة الخرطوم Author: حليمة محمد عبد الرحمن Date: 04-20-2008, 04:36 AM Parent: #137
Quote: من حق خريجي جامعة ان يفتخروا بانتمائهم لهذه المؤسسة التعليمية العملاقة، و ليس هنالك من هو اكثر تاهيلا منهم ليسلبهم هذا الحق.
Post: #139 Title: Re: نرجسية طلاب وخريجي جامعة الخرطوم Author: Al-Sadig Yahya Abdall Date: 04-20-2008, 04:59 AM Parent: #138
صباح الخير الاستاذة/حليمة كنت في الجامعة من اربع ايام و بالمصادفة وجدت الدكتور/ محمد البوصيري و الدكتور/ محمدين يوسف يتكلموا باعجاب عن شخصية اظنها شخصك الكريم،،، احيي دفاعكم عن جامعتكم العريقة،،،
Post: #140 Title: Re: نرجسية طلاب وخريجي جامعة الخرطوم Author: Al-Sadig Yahya Abdall Date: 04-20-2008, 05:18 AM Parent: #139
Quote: وجدت هذه الصورة في شبكة الإنترنت لخريجي آدب جامعة الخرطوم دفعة 1990م .
هل تعرفون أحدهم؟
هل منكم أحدهم؟
الزعيم اسماعيل الازهري،،، حياك الله و ابقاك بخصوص الصورة اعلاه، هي لطلاب الكلية دفعة 1985 حينما كانوا بالسن الخامسة للعام 89/1990 عرفت منهم: و قوفا: الدكتور/ عمر حسن و هو الان استاذ مساعد بالجامعة المرحوم/ بشير الطيب (في الوسط) عبدالرحمن (الحلبي) و هو الان محاضر بجامعة النيلين الدكتور/ محمد صلاح الدين (بالامارات العربية المتحدة) اسماعيل (سمعة) كان في مرحلة بالامم المتحدة جلوسا: المرحومة/ اميرة عبدالقادر عمر (من الجزيرة و توفيت حينما كانت تعمل بجامعة الفاشر) حاتم صديق ( و هو صديق المرحوم بشير الطيب)
Post: #141 Title: Re: نرجسية طلاب وخريجي جامعة الخرطوم Author: حليمة محمد عبد الرحمن Date: 04-20-2008, 05:29 AM Parent: #139
Quote: صباح الخير الاستاذة/حليمة كنت في الجامعة من اربع ايام و بالمصادفة وجدت الدكتور/ محمد البوصيري و الدكتور/ محمدين يوسف يتكلموا باعجاب عن شخصية اظنها شخصك الكريم،،، احيي دفاعكم عن جامعتكم العريقة،،،
الصادق ياخوووووووي.
لا حولاااااااااااااا
انا وشيك دا ما بعرفو زي جوع بطنى...
كيفنك؟
كنت عايزة اقول ليك الكلام دا..بس الاولاد طالعين المدارس..
سرقة لحظة منهم ما يشوفوني ويكوركوا الفطور، الهدوم، العصير
رفعت الاقتباس اعلاه من مداخلتك وقلت في نفسي بجيك صادة..
لقيتك سبقتني، فيك الخير ..طول عمرك سباق..
ما اكبرك انت ورانا بكتير..بس بالله شوف الناس كانت بتعرف بعضها كيف؟
ومتعودة على بعض كيف؟
عارف اول اسماء من الزملاء والاخوة الاعزاء خطرت في بالي
وانا بشوف صورتك هم منو؟
الريح عبد القادر ومحمد حماد ازيرق، على كباشي (على الشريف)
وجمال عبد الرحمن، عبد العزيز ابكر..الخ (التلاتاء الاوائل ديل متواصلة معاهم.
وعارف انا ذكرت الناس ديل ليه؟ كانوا من اميز الناس في الاداب قلبا وقالبا..
وافر شكري وتقدير للدكاترة محمدين والبوصيري، سواء كنت انا المعنية ام لا..
انت معاي في نفس مركب الاغتراب.. راجع مسنجرك بعد شوية...
طالع موقع الاداب على الرابط التالي، وشوف ناس الخرطوم حريصين على
Post: #145 Title: Re: نرجسية طلاب وخريجي جامعة الخرطوم Author: osama idris Date: 04-20-2008, 07:29 AM Parent: #141
الله الله على قلعة الصمود والنضال أعزائي والله الجامعة هذه تعني حياتنا رغم فراقي لها منذ 12 سنة والله كل يوم في الجامعة يعني لي شخصيا الكثير وتعلمت فيه الكثير ورايت المثير اظن بعد هذه السنين الواحد حيبدأ يتكلم عن الايام الخالدة في هذه الجامعة الرائدة بداية من عدالة توزيع الفرص الجامعية ورابطة طلاب مدرسة العلوم الرياضية وتجمع الروابط الاكاديميةالأول والثاني واتحاد طلاب جامعة الخرطوم 90-91 واتحاد طلاب جامعة الخرطوم 94 الذ ي زورت نتيجته ونواصل ....
Post: #142 Title: Re: نرجسية طلاب وخريجي جامعة الخرطوم Author: ALazhary2 Date: 04-20-2008, 05:43 AM Parent: #137
بالله كمان ما تنسي تجيب قسم الهندسة الميكانيكية عشان عندي زول هسع بجي متلب..
Post: #146 Title: Re: نرجسية طلاب وخريجي جامعة الخرطوم Author: osama idris Date: 04-20-2008, 07:57 AM Parent: #143
الاخت الرائعة حليمة نبدأ بالصورة
الواقف بالعصا هو صديقي وزميل دراستي عبد المنعم احمد شاذلي ومعه كذلك مكي بشير الذي لا يتواجد في الصورة وفي الصورة كذلك الاخت ابتسام رغم اني من اسكول .... تذكرت من ايام الجامعة الرائعة ايام فيضان 88 وكيف كانت لطلاب هذه الجامعة الاشاوس ادوار خالدة بالاضافة لحرس البحر في توتي والحماداب ليلا وحتى الصباح وعمل سواتر من الرمل والتبرع بوجبة الافطار لاولئك المنكوبين أمانة طلاب هذه الجامعة حيث اتصل بنا قائد مطار الخرطوم واظنه كان برتبة لواء وكنت حينها نائب رئيس تجمع الروابط الاكاديمية وكان رئيس التجمع الاخ العزيز طارق ابوشوك ( فلتة من فلتات الزمان في القيادة والاخلاق والصدق والثبات على المبدا تعلمت منه شخصيا الكثير ) وكان رئيس رابطة اقتصاد وكان معنا الاخ ابوبكر الصديق سكرتير عام التجمع وممثل الجمعية الهندسيةومن آداب الاخ عبد الله رئيس الرابطة والاخ عصام رئيس رابطة علوم وبقية اعضاء التجمع .
وقال لنا سعادة اللواء وكان رجل نزيه عاوزين طلاب الجامعة يحصروا كل ما تاتي به حملات الاغاثة من اشقائنا في الدول العربية ولاسلامية والاجنبية الذين كانت تعبا طائراتهم بدون معرفة ما تحتويه فكنا نذهب صباحا ونجرد الطائرات في مطار الخرطوم قبل شحنها في اللواري والشاحنات ثم نذهب مع الشاحنات إلى سلاح المهندسين في بحري ونسلم هذه البضائع محصورة إلى قائد السلاح
نواصل
Post: #144 Title: Re: نرجسية طلاب وخريجي جامعة الخرطوم Author: سوسن عبد الله Date: 04-20-2008, 06:42 AM Parent: #142
حنيني إليك .... وليل الغربة اضناني
يا الله ... جننتونا عديل بالصور دي.
Post: #147 Title: Re: نرجسية طلاب وخريجي جامعة الخرطوم Author: حليمة محمد عبد الرحمن Date: 04-20-2008, 08:17 AM Parent: #144
اداب الخرطوم دفعة 1985-1990 (الصورة)
الأخت حليمة لك الشكر مجددا فقد استمتعت بالمداخلات والذكريات أيما متعة، وأشعر كأن كاتب المقال أحد خريجي الجامعة وأراد أن يستفز خريجيها لكي يظهروا حبهم وولاءهم، فقد كان اعتذاريا في اتهامه. أما من هم في الصورة فهم دفعتي في الآداب (85-90) في السنة الخامسة، وكنا نسميها دفعة الانتفاضة لأننا جلسنا لامتحان الشهادة على أنفاس بومبان المظاهرات في مارس 85، . لعلك تلاحظين أن الصورة لا يوجد بها أي من خريجي الفرنسي باستثناء زاهر عبد الفاضل، حيث اقترقنا عن الدفعة بسبب رحلة فرنسا (88-89)، وتخرجنا قبلهم بسمستر (89)، وزاهر تأخر في العودة من فرنسا وتخرج مع بقية الدفعة.
والزملاء في الصورة هم، من اليمين إلى اليسار، الصف الأول: اسماعيل عمر (روسي)، مي جاد الله (روسي)، محمد صلاح الدين (جغرافيا)، عبد الرحمن (إنجليزي)، أحمد قاسم (إنجليزي)، ؟، تاج الأصفياء (آثار)، عبد المنعم الشاذلي (عربي)، ؟، عمر (إنجليزي).الصف الثاني: حاتم صديق (إنجليزي)، إجلال (إنجليزي)، ؟، ابتسام المبارك (؟)، زاهر (فرنسي)، محمد بشير (إنجليزي). الصف الثالث: حنان سحنون (روسي)، نعمات فريجون (علم نفس)، ابتسام عبد الله (روسي). وينقص الصورة بشير الطيب عليه رحمة فقد كان في نفس الدفعة وقتل في السنة نفسها. ومحمد صلاح الدين (توتي) هو الذي أخذ الصورة ووضعها في موقعه الخاص: http://www.geocities.com/msmudawi/، وأهداها إلينا كذلك في مجموعة آداب خرطوم على ياهو http://groups.yahoo.com/group/adabkhartoum
وقد تقلبت بنا الأيام وحملتنا إلى جامعات أخرى، ولكن في كل منها تحس أن هناك شيئا ما ينقصك، إحساس لا تجده إلا في "الجامعة" وتشعر به عندما تقابل أيا من خريجيها أيا كانت دفعتهم وأيا كانت كلياتهم. ويبدو لي أن النرجسية المزعومة، تكون في كثير من الأحيان شعورا من البعض بعقدة نقص ما، أكثر منها استعلاء من جانب خريجي الجامعة، الذين هم من أكثر الناس "تواضعا" كما قال عبد الكريم، أما الفخر بالانتماء فهي تهمة لا ننكرها، ولا حاجة لنا لتبريرها. وأذكر مرة أني كنت أدرس في إحدى الجامعات الأخرى وكنت خريجيا جديد (فتى غرانقا كما قال لنا د. محمد عبد الحي مرة وهو يحكي بعض ذكرياته ممازحا أمام الـ102)، ولم يكن فرق العمر بيني وبين الطلاب كبيرا وربما كان بعضهم أكبر مني سنا، وعندما خرجت في "البريك" ورجعت إلى القاعة وجدت أحدهم قد كتب على السبورة: انظروا الفرق بيننا وبين خريجي الجامعات الأخرى، وتحدثت إليهم مؤكدا لهم أن الإنسان يقيم بمقدراته وأدائه وليس باسم الجامعة التي تخرج منها وأنه لا يجب عليهم أن يضعوا الشعور بالدونية يسيطر عليهم ويقعدهم عن الاجتهاد. ومرة قدمت أوراقي في إحدى الجامعات الأوروبية وأحيلت الأوراق إلى عميد الكلية وكان بروفيسورا شهيرا في مجاله، وعندما قابلته قال لي شهادات جامعة الخرطوم ليس لنا كلمة فيها، أما الجامعة الماليزية فلا نعرف عنها شيئا وعليك أن تحضر إلينا كل ما قدمته من بحوث وأوراق لكي نقيمها، وشعرت حينها بالزهو، أفلا يحق لي؟
مع تحياتي
مكي بشير البدري
Post: #148 Title: Re: نرجسية طلاب وخريجي جامعة الخرطوم Author: عادل سهل Date: 04-20-2008, 08:44 AM Parent: #1
فى الحقيقة دخلت البوست وطلعت منه أكثر من عشرين مرة بدون تعقيب
فى كل مرة بتخيل إنه صاحب البوست لا يعنى ما كتب
الا أن الأخ أزهرى وحليمة أثارا شجونى بالصور وذكرى الأصدقاء
المشكلة فى جامعة الخرطوم إنها تظل تربطك بها الى الأبد على ما أعتقد
لأننى بعد أن تخرجت منها ، عملت بها قبل أن أغترب
ومن تلك اللحظة لا أعرف مكان يسعنى فى الخرطوم عند حضورى لأى إجازة غيرها
ومهما كان برنامجى أو إرتباطاتى ، فيومى يبدأ وينتهى منها
إن أردت أوعد أحد الأصدقاء لللقاء أو المقابلة
فدار الأساتذة هى مقرنا
وخلال النهار أذهب لكل مشاويرى ثم أعود أدراجى للجامعة للجلوس مع من تبقى من الزملاء
حتى تحين ساعة الإنصراف ليكون الوعد باللقيا غداً فى ذات المكان باكراً
إنها حياة بدأت ولا تزال ممتدة ولا اتوقع لها أن تنتهى الا بفراقنا للحياة
جامعة الخرطوم كانت هى الملجأ لكل طلاب الجامعات الأخرى
إحتضناهم فى غرفنا وأكلوا معنا فى سفرنا
وكان لا يفرقهم عن طالب الجامعة الا نتيجة الإمتحان
بل العديد من الطلاب كانت هى سكنهم الى أن تخرجوا وعملوا
لله درك يأم لبخ فأنتى فخر لكل من درس بك
ولى عودة
Post: #149 Title: Re: نرجسية طلاب وخريجي جامعة الخرطوم Author: عادل سهل Date: 04-20-2008, 09:20 AM Parent: #1
من الطرائف التى عايشتها :
إبراهيم كان رجلاً بسيطاص يفترش النجيلة وينام ، ويكتفى من الدنيا بما يسد الرمق
لكنه تعهدا سيارات أساتذة الجامعة التى تقف بمتحف التاريخ الطبيعى
يغسلها ويلمعها ويجلس بجنبها ، فربما تعود لتعطيه أى شىء
فى ذلك اليوم كان الدكتور أبو القاسم عدمان المليم - كالحالة التى كثير ما كانت تمر بنا
اوقف سيارته اللاده وذهب فى حاله
بعد سويعات عاد ووجد عمنا إبراهيم يغسلها
فثارت ثورته ( طبعاً ما معاهو حق البقشيش ) منو القال ليك غسلها أنا طلبت منك تغسلها
وصياح وتزبيد للدرجة التى يرتجف معها الدكتور أبو القاسم
فما كان من عمنا إبراهيم الا أن رد بهدوء
يادكتور القروش مش مهمه بس المهم عربات الدكاترة تكون نظيفة
Post: #150 Title: Re: نرجسية طلاب وخريجي جامعة الخرطوم Author: ALazhary2 Date: 04-20-2008, 11:15 AM Parent: #149
بوست أراد به صاحبه أن ينال من جامعة الخرطوم وطلابها فأصبح بوست توثيقي للجامعة وخريجيها فلا أملك إلا أن أشكر الأخ الطاهر عثمان على هذا البوست الجميل كما أشكر أخي الأزهري الذي عبّق المكان بروائع الصور التي حملت إلينا روائح المكان والشخوص والذكريات الجميلة
الأستاذة حليمة عبد الرحمن: وين انت في الصورة؟
Post: #155 Title: Re: نرجسية طلاب وخريجي جامعة الخرطوم Author: الطاهر عثمان Date: 04-20-2008, 02:25 PM Parent: #153
اخي هشام آدم (النرجسي) - علاقتي بهشام تسمح لي بمداعبته بهذه الصفة
للتوضيح فقط أنا لم أقصد أبدا ان أنال من جامعة الخرطوم وانما قصدت تسليط الضوء علي جانب اتفق معي بعضكم علي وجوده عند بعض خريجي جامعة الخرطوم ويمكنكم الرجوع لبعض المشاركات هنا وكمثال:
Quote: عثمان الدغيس: لكن كلامك في محله ... يعني أنا معاك في بعض خريجيها مزودنها شوية ..
Quote: الازهري: عندما كنت أطلب من سائق الحافلة أن يوقفها عند مدخل الجامعة كنت أشعر بزهو وفخر ويا أرض إنهدي ماعليك قدي يحق لخريجيها أن يرمقوا خريجي غيرها من علِ
Quote: عبده عبد الحميد: حكاية غطرسة ونرجسية دي الا عند قلة
Quote: Smart ana تكون انت قاصد خرجين طب....الدكاتره ديل فعلا نرجسيين و براين...انا بشيل هم لما يبدوا يحكو لى على الرواند او عن دكتور فلان او برفسر علان...
Quote: Shammashi عايز تقارنا لي بجامعات أخرى تمنحك الدرجة العلمية وأنت لم تحضر ثلاث محاضرات طوال العام ولا تعرف درب المكتبة بي وين . دا لو كان في مكتبة طبعاً.
ولكم الود جميعاً
وتسعدني جدا ذكرياتكم رغم خصوصيتها وارتباطها بمكان معين فلكل منا ذكريات خاصة وجميلة جداً في مكان معين وكون إتفاقكم علي جمال هذه الذكريات وروعتها فهذا شي طبيعي ...
فلكل مجموعة معينة قضت وقتا في مكان ما تنشا وسط هذه المجموعة ذكريات جميلة لاتنسى ابدأ
وليس هذا بيت القصيد من هذا البوست وانما قصدت شي معين في فئة منكم واكد ذلك مجموعة منكم والاخ بشير دفع الله والاخ محمد الامين من خارج الجامعة ومازلنا في انتظار آخرين ...
أزهرينا ... الفيديو المقدم و هذا العمل قام به الأخ العزيز عابدون جلال (خريج إسكول) و يعمل الآن بالمملكة العربية السعودية .... الأخ عابدون يحضر الآن لعمل كبير جداً في مجال المعلومات الجغرافية ..... تحياتي
Post: #154 Title: Re: نرجسية طلاب وخريجي جامعة الخرطوم Author: حليمة محمد عبد الرحمن Date: 04-20-2008, 01:55 PM Parent: #152
سـاعـاتُ أنسٍ فى الجامعة والبركس
محمد الطيب قسم الله*
فِى داخِـليـات " البركسِ " كانتْ لَنـا ساعـاتُ أُنسِ فِـيها الحَـياةُ مَلِـيحـةٌ ونَفِـيسَـةٌ فى كـُلِ نَفْـسِ كَـمْ ذَا نَهـلتُ مُنَّـعَمـاً مِـنْ خَندريسِ الروحِ كأسى كأسـاً تَوّلـى سَقْـيَها " أدروبُ " عندَ الشيخِ " عَبسِ " نَغدو ونَمْـرحُ فِى المـُنى ونَروحُ فى الحُسنى ونُمسى ونَـسيرُ بينَ مَـواكِـبٍ حـُلِيَـتْ بآيـاتٍ وقُـدسِ ما زِلـتُ أذكُـرُهـا فتُحـىِ القَـلبَ ذِكراها وتُنسى وذَكـرتُ كُـلَّ الطِـيبينَ المـُسـرعينَ لِـكلِ دَرسِ للفُـولِ والفـاصُوليا وَردوا إلى سُـفَـرِ " البركسِ " فإذا الصفوفُ مع الصفـوفِ كأنهُـنَّ سُطورُ طِرسِ وذكرتُ " كوسو " سيداً فى النـَاسِ يأمُـرُ كُلَّ جِنسِ لِيُـظاهِرَ الطُلابُ فى صَـولاتِه ِ تَحْـتَ الدِِرَفْـسِ فَـتَرى الحُـكومةَ مِنْهـمو تَشـقى وتَـلقى كُلَّ بأسِ وذكـرتُ يَـومَ دَخـلتُهـا فَـرأيتُ من جِـنٍّ وإنسِ من كُـلِ "حَنْـكوشٍ" أوَى "حَنكوشَةً " فِى ظِلِّ غَرْسِ حسناءُ ترفُـلُ فِـى الحَـريرِ السَابرىِّ وفى الدِمقسِ رُعبـوبَـة مَحـبُـوبَـة مَصْحُـوبَة " بالمارِسِدسِ " رَقـراقـة فَـكأنّـها بَينَ الخَـمائـِلِ ضوءُ شـمسِ لَـولاَ خَـساسـتُهـا لقـُلْـنـا آيـةً للهِ تـُخْـسـى جَـلَـسَتْ على كُرسِيّـِهـا وصَديقُها من دونِ كُرسى جَـلسـا ومِن حَـولَـيهِـما أسْـرابُ أبْـكارٍ ولُعْسِ يَـتَنـاجَيـانِ كأنَّـمـا نَـجْـواهُـما أنفاسُ هـَمسِ فى الـشَارعِ " المينِ " الذى أشجـارُهُ حُفّـَتْ بِخُنسِ فِـيهِ أعـاجـيبُ الوَرى مِـنْ أهـلِ رُومانٍ وفُرسِ ومِـنْ الطيـورِ بـلابِلٌ تَـشْـدو بألحـانٍ وجَـرسِ وتَصـِلُ أمـواهٌ صَلـيلَ عَـرائِسٍ فِى لَـيلِ عُـرسِ ثُـمْ انـثَنـيتُ ولَـمْ تَـزَلْ ذِكرى "حَـناكيشٍ" بِرأسى فَـرأيتُ "بَرلوماً" جَـرى خَوفَ "السَنايِر" جَرىَ تكسى لَـحِـقَ "البَرالِمةَ" الذينَ أخـافَهـم نَـفْـسُ الأخَـسِّ فدخَـلتُ فى "الآدابِ" يحـتمِـلُ الأسَـى مِنى التأسى فرأيتُ "شِينَ" و "جون كلودْ" أستاذَنـا الرَجلَ الفَرنسى شَـفْتَـاهُ تَبسـُمُ كُلَّـما أهـدى إلى الطُلابِ "مِرسى" و"الحِبرُ" يَـمشى مِـشيةَ الأسدِ الهِزبرِ لأجـلِ فرسِ وعَلى " النشاطِ " شَـراذِمٌ مـِنْ كُلِّ نَـاحيةٍ وقِنسِ يَـتصَارخونَ فـَكـُلهم يَدعُـو على " مَايو " بِكنـسِ فى حَـومـةٍ كَـمْ ذَا تُـدارُ بِـثـُلَّةٍ شُـعثٍ وغبسِ فِـيها التَهـالِـيلُ التى هَـزَّتْ عَـماراتِ "البرَكسِ" فَـوَلجـتُ مَـقهـىً " للنشاطِ " حَـسبتُهُ محرابَ قِسِ صِرحـاً بَـنَتـهُ يَـدُ المُـهندِسِ مِنْ قَـوارِيرٍ وكُلسِ أبْـصَرتُ فِـيهِ كَـواعِـباً يَـشـرَبنَ لَيموناً وبِبْـسى ويَـسُـقْـنَ أطرافَ الحَديثِ لِـفتـيةٍ بِـيضٍ ومُـلسِ فخَـرجتُ أسعى " للبركسِ " أسُـوقُ آمـالى ويَـأسى وأُرَدِدُ الكَـلماتِ مِـن صَـدرٍ رَمَـتْـهُ سِـهـامُ أمسِ يالَيتـَنى أجـدُ الذى أمْـحُـو بِـهِ تَـعـسِى ونَـحْسى ---------------------------------------- حاشية : 1. البركس ؛ هو مجمع داخليات الطلاب بجامعة الخرطوم . 2. أدروب وعِبس ؛ ألقاب زملاء للشاعر . 3. كوسو ؛ إختصار الكلمات الإنجليزية التى تعنى إتحاد طلاب جامعة الخرطوم KUSU . 4. حنكوش ؛ لفظة تطلق على الفئة المنعمة من الطلاب . 5. المين ؛ هو الشارع الرئيسى بالجامعة . 6. برلوم ؛ هو طالب السنة الأولى بالجامعة حيث كان دائماً عرضة لمقالب طلاب السنوات المتقدمة . 7. السناير ؛ هم طلاب السنوات عدا السنة الأولى بالجامعة . 8. الآداب ؛ يقصد بها الشاعر كلية الآداب حيث كان يدرس . 9. شين ، جون كلود ؛ الاولي هي زوجة البروفيسور حسن عبد النور وكانت تدرس بشعبة اللغة الانجليزية، اما جان كلود غي فهو فرنسي الجنسية واحد الذين تتلمذنا على يديهم، في ذلك بقسم اللغة الفرنسية. كانت لنا صولات وجولات مع شين في مادة الـStudy Skills 10. مرسى ؛ كلمة فرنسية تعنى شكراً . 11. الحبر ؛ يقصد الشاعر الدكتور الحبر يوسف نورالدائم الأستاذ بكلية الآداب . 12. مايو ؛ يقصد بها الشاعر ثورة مايو . 13. النشاط ؛ هو مكان يمثل مقر النشاطات الطلابية بالجامعة .
أكيد عمله القاعد يجهز فيه حايطلع عمل مميز . كيف لا وهو خريج لجامعة المميزة المافي زيها
Post: #156 Title: Re: نرجسية طلاب وخريجي جامعة الخرطوم Author: محمد البشرى الخضر Date: 04-20-2008, 03:22 PM Parent: #1
الطاهر يا عمك...
Quote: اكد ذلك مجموعة منكم والاخ بشير دفع الله والاخ محمد الامين من خارج الجامعة
مع احترامي لك وللأخوان ولكن كونهم من خارج الجامعة فلا يؤخذ برأيهم ولا يعتد به في أمرها و امر خريجيها عليه نتمنى ليهم حظا اوفر مرة قادمة عندما يكون الحديث عن جامعة الجزيرة وما دون
Post: #157 Title: Re: نرجسية طلاب وخريجي جامعة الخرطوم Author: الطاهر عثمان Date: 04-20-2008, 03:38 PM Parent: #156
الاخ محمد البشرى تحياتي
قلته لي من التجارب الشخصية ابعد عن ناس الـ (كفاية كده كمان) رايك شنو
اختلف معك فيما ذكرته
فمن هم خارج الجامعة هم المقصودون بتاكيد ما سقته او نفيه اما طلاب الـ فهذا مؤكد ان معظمهم سينفون ذلك...
وان لم تتفق معي مجددا فيما قلته
فارجع لمداخلات طلاب الـ الذين اكدوا وجود هذه الصفة وقل لي وش رايك
لك التحايا
Post: #158 Title: Re: نرجسية طلاب وخريجي جامعة الخرطوم Author: محمد البشرى الخضر Date: 04-20-2008, 03:48 PM Parent: #157
Quote: فارجع لمداخلات طلاب الـ الذين اكدوا وجود هذه الصفة وقل لي وش رايك
يا ناس الزول دا انا كل مااشوف صورة لدكتور بشرى الفاضل اتذكروا طوالي لأنهم بكونوا مع بعض كثير التحية لسمعة اينما كان. العزيز عادل سهل من الاسم تقريباًقريب ابراهيم جمعة سهل بتاع الإدارية بالله بلغه تحياتنا. العزيزة حليمة
Quote: عبدالعزيز ابكر
اعتقد الاسم الصحيح عبدالعزيز بكر(انجليزية) كمال بتاع الفرنسية(من ام روابة) شكلو دفعتكم. بالرغم من اني من الأسكول لكن اخدنا كورسات فلسفة مع ناس آداب الحمد لله تشرفنا بمعرفة الكثيرين العزيز ود البشرى بالله عزيم دا انت لابد ليه من زمان والله في بوستيك داك معاك حق
تحياتي للجميع
Post: #161 Title: Re: نرجسية طلاب وخريجي جامعة الخرطوم Author: حليمة محمد عبد الرحمن Date: 04-20-2008, 06:49 PM Parent: #159
الاخ العزيز عبده عبد الحميد.. كيف حالك.. شكرا لك للتنويه.. لكن بجيك راجعة ليهو الاخ هشام..كيف حالك.. بجيك راجعة للصور بتاعت ناس دفعتنا..تسلم
المادة التالية نقلا عن ويكيبيديا:ـ
University of Khartoum From Wikipedia, the free encyclopedia Jump to: navigation, search University of Khartoum Motto: Allah - Al-hagiga - Al-watan - Al-insaniyya
[God - Truth - the nation - Humanity] Established: 1902, renamed khartoum university in 1956 Type: Public Vice-Chancellor: Mohamed Ahmed ElShiekh Staff: 850 Undergraduates: 16,800 Postgraduates: 600 Location: Khartoum State, Sudan Campus: Metropolitan Campuses: 4 Website: www.uofk.edu
The University of Khartoum (U of K) is a public co-educational university located in and near Khartoum, Sudan.
Founded as Gordon Memorial College in 1902 and established in 1956 when Sudan gained independence, the University of Khartoum is the most historically prestigious and selective university in Sudan. It features several institutes, academic units and research centres including Mycetoma Research Center, Soba University Hospital, Saad Abualila Hospital,Dr. Salma Dialysis centre and U of K publishing house. Contents [hide]
* 1 History * 2 Student body * 3 Campuses * 4 Admission * 5 External links
[edit] History This article may require cleanup to meet Wikipedia's quality standards. Please improve this article if you can. (April 2007)
In 1898 after Britain colonized Sudan, Lord Kitchener of Britain proposed founding a college in the memory of Gordon of Khartoum, who was killed in the Battle of Khartoum. Gordon Memorial College was founded in 1902 with primary education being the sole program of the college. By 1906, the college was offering programs for training assistant engineers, land surveyors and primary school teachers. The first equipped laboratory for bacteriological analysis was added in 1905, with donations from Sir Henry Wellcome, an American-British pharmaceutical entrepreneur and archaeologist.
In 1924, the College incorporated programs in Sharia, engineering, education (teachers training), clerical work, accounting and science. Furthermore, Kitchener School of Medicine the first medical school in Sudan was established.
In 1936, the School of Law was established and in 1947, the College was affiliated with The University of London as the first overseas participant in its "special relationship" scheme. The first graduates to receive University of London degrees completed their programs in 1950. The next year, Gordon Memorial College was formally re-named University College Khartoum, which also incorporated the Kitchener School of Medicine. When Sudan gained independence in 1956, the new Parliament passed a bill to award university status to Khartoum University College. It officially became Khartoum University on 24 July 1956. Since then, the University of Khartoum started to get a notorious regional presence being a selective school where only 1-2% out of more than 150,000 secondary school students are nominated to study at the University of Khartoum which logically brought the impression that its graduates are always those of very special skills, and it gained an excellent reputation regionally and internationally when most Arab countries like Saudi Arabia and other GCC countries started to send their princes to study at this University till the British assigned it the name: "Cambridge of the Arabs" Having this excellent record, the University of Khartoum used to control many of the political incidents in Sudan such as the October 1964 revolution and April 1985 Intifada which originated from there
[edit] Student body
Khartoum University has 16,800 undergraduate students in 23 different faculties, schools and graduate research institutes. The annual admission rate is 3500 students, 55% of whom are female. There are 6000 graduate students (graduate diploma, M.Sc. and Ph.D.). It has 850 teaching staff (faculty), 20 research fellows and 500 teaching assistants.
[edit] Campuses
There are four campuses:
* Central Campus - located in central Khartoum. * Medical Campus - located south of central Khartoum. * Agriculture and Veterinary Campus - located at Shambat, Khartoum North. * Education Campus - located at Omdurman 15Km from central campus.omdurman,busta.
[edit] Admission
Undergraduate admission policy is governed by the Board of Higher Education of Sudan, which sets the minimum admission requirement for high school students based on their national origin (Sudanese vs. non-Sudanese) and the high-school certificate board. When the Sudanese High School results are determined annually, the Board of Higher Education of Sudan conducts a press conference broadcasting the minimum percentage requirements for the different colleges and programs, with the University of Khartoum being the most selective school throughout the nation.
For post-graduate studies, the requirements are set at the university admission webpage1.
Khartoum University students engage in several activities that are common amongst Sudanese college students. Workshops, lectures, debates, forum activism, book clubs, political parties, the University sports championship tournament and Sudan colleges championship tournaments are amongst the most common interests and activities of the students.
[edit] External links
* University of Khartoum Homepage * University of Khartoum Students Website
Coordinates: [show location on an interactive map] 15°36′44″N, 32°32′32″E Retrieved from "http://en.wikipedia.org/wiki/University_of_Khartoum" Categories: National universities | Universities and colleges in Sudan | Veterinary schools | Khartoum
Post: #163 Title: Re: نرجسية طلاب وخريجي جامعة الخرطوم Author: ALazhary2 Date: 04-22-2008, 11:00 AM Parent: #1
لمن يريد أن يقرأ تاريخ ممتع عن جامعة الخرطوم وحياة طلابها في النصف الأول من القرن العشرين فليرجع لكتاب (من حقيبة الذكريات) للعلامة عبد الله الطيب رحمه الله . سيجد متعة تفوق الوصف .
على طاري علامتنا عبد الله الطيب أعلى الله في الجنان مقامه :
قالوا لمن نميري أصدر قرار بتعيينه مدير لجامعة أمدرمان الإسلامية البروفسور مشى للنميري وقال ليه : شوف أنا فسرت القرآن لإلمامي باللغة العربية وليس ورعاً وتديناً . لو داير تعيني رئيس جامعة أنا مابقبل إلا بجامعة الخرطوم .
ماعارف القصة دي صحيحة ولا لا . أو أكون أنا ماعارفها كويس و خربتها خراب الرقدوا .
مقطع من أغنية الكابلي هبت الخرطوم (طبعاً عاجبني أكتر حاجة الجزء بتاع وألتقينا وألتقينا في طريق الجامعة في طريق الجامعة)
طبعاً مافي جامعة عندها طريق إلا جامعتنا ومافي جامعة تذكر هكذا إلا وأنصرف المعنى مباشرة إلى جامعة الخرطوم
منو الزيك منو الزيك منو الزيك
Post: #164 Title: Re: نرجسية طلاب وخريجي جامعة الخرطوم Author: ابراهيم محمد الحسن Date: 04-22-2008, 11:15 AM Parent: #163
Quote: قالوا لمن نميري أصدر قرار بتعيينه مدير لجامعة أمدرمان الإسلامية البروفسور مشى للنميري وقال ليه : شوف أنا فسرت القرآن لإلمامي باللغة العربية وليس ورعاً وتديناً . لو داير تعيني رئيس جامعة أنا مابقبل إلا بجامعة الخرطوم .
Post: #166 Title: Re: نرجسية طلاب وخريجي جامعة الخرطوم Author: البشير دفع الله Date: 04-22-2008, 02:05 PM Parent: #1
غايتو يا خريجين جامعة الخرطوم كايسين ليكم لي سبب بس وواقفين على الهبشة نرجسيين دي ما بتغالطوا فيها اتنين , وهسع أغلبكم اعترف بالنرجسية دي صراحة وضمنا أهه نجي نحلل أسباب النرجسية دي , ونشوف مدي منطقيتها
أول بالتبادي اعجاب الانسان بالمكان الذي تواجد فيه ردحا من الزمن شئ طبيعي جدا , بل غريزي كمان , بعض الناس يحكون عن ذكرياتهم بالسجون بشئ من الغبطة والبعض يحكي عن ذكرياته أيام التدريب الشاق بمعسكرات الجيش أو الشرطة أوالدفاع الشعبي وهو في غاية الانبساط . المرحلة الجامعية هي مرحلة تحول هامة في حياة كل طالب , ويتعامل للمرة الأولى مع أشياء جديدة عليه تماما ويختلط بأناس ( ذكور واناث ) ويكون علاقات جديدة , بأسلوب مختلف عن علاقات المدرسة , خاصة وأن المرحلة العمرية والاختلاط تؤهله لحياة عاطفية مختلفة . تصبح الجامعة هي عالم الطالب المحبب له , يمضي بها كل أوقاته , وتصبح أسرة الجامعة هي أسرته , وبعضهم يتواجد بالجامعة حتى في الاجازات , وهذا الارتباط يخص أغلب الطلاب بكل الجامعات . لذا لا نستبعد الارتباط والعلاقة الفريدة والقوية بين أي طالب والجامعة التي يدرس بها .
بس ناس جامعة الخرطوم مزودنها كتير وتامنها موية كمان
ما بنختلف طبعا أنو جامعة الخرطوم هي الأولى بالسودان وده واضح من نسب القبول العالية لطلابها بمختلف الكلالي ولعراقة الجامعة واهتمام الدولة بيها وبي طلابها من دون طلاب الجامعات التانية , مع انو الحاجة دي بعد ثورة التعليم العالي اتغيرت شوية , لكن لسع الرقشة في .
مع انو في طلاب كتيرين بقروا في جامعات غير الخرطوم , وكان بامكانهم دخول جامعة الخرطوم , لكنهم لرغبتهم في كليات معينة يرغبون في دراستها , تركوا جامعة الخرطوم , والتحقوا بالجامعات التانية , في بعض التخصصات التقنية موجودة في جامعة السودان وما موجودة في جامعة الخرطوم , وبرضوا بعض الطلاب ما بدخلوا الخرطوم للاسباب دي .
ولو مسكت واحد خريج الفرع حيقول ليك أيام الدراسة كانت أسعد أيامي , وقبل فترة قريت بوست طويل عريض عن خريجي جامعة ام درمان الاهلية , وناس الاسلامية يقولوا ليك , والله القراية مننا وتقيف , وناس الجزيرة يقولوا ليك جامعتنا ياها الجامعة .
أي زول بيعجب بالمكان الاتخرج منو وكان ليهو عليه فضل وليهو فيهو ذكريات جميلة في عمر غض ( عمر الزهور عمر الهنا ) حتى الطلاب البدرسوا بالخارج , ويا سلام على دراسة الخارج , وبوستات ( ناس الزقازيق أجدع ناس ) ( ناس أسيوط أجمعوا هنا ) وناس عين شمس مافي كلام , وناس الأزهر العلم والوقار , وناس القاهرة أم الدنيا . ده كوم وخريجي جامعات الهند ورومانيا وروسيا كوم تاني .
ياخوانا ناس جامعة الخرطوم فعلا مزودنها قولي مزودنها كيف ؟ مفتكرين انو مافي قراية غير في جامعة الخرطوم , وانو باقي الجامعات التانية قاعدين ساكت أباطن والنجم . كل الجامعات عندها معايير ولوائح ونظم , بس بتختلف من جامعة لي تانية , وطبعا ناس الخرطوم أكتر ناس متشددين بس كمان كل الجامعات بتتفق على حدود معينة لا يمكن تجاوزها وحد أدنى .
قريت مداخلة واحد بتكلم فيها عن تواضع ناس جامعة الخرطوم ...... بالجد ضحكت قال تواضع قال عشان الواحد ما يعمم : الا من رحم ربي , وديل نادرين تب المتواضعين ديل .
Post: #167 Title: Re: نرجسية طلاب وخريجي جامعة الخرطوم Author: محمد البشرى الخضر Date: 04-22-2008, 02:27 PM Parent: #166
البشير يا اخوي كدي بيني و بينك كدا قريت وين؟
Post: #168 Title: Re: نرجسية طلاب وخريجي جامعة الخرطوم Author: عبدالكريم الامين احمد Date: 04-22-2008, 02:47 PM Parent: #167
Quote: قريت مداخلة واحد بتكلم فيها عن تواضع ناس جامعة الخرطوم ...... بالجد ضحكت قال تواضع قال عشان الواحد ما يعمم : الا من رحم ربي , وديل نادرين تب المتواضعين ديل
يا بشير بصفتي اول زول اشار للتواضع ده او احد الذين اشاروا اليه اجد نفسي معني بهذا الامر...
وكمتواضع ممزوج بنرجسية شديدة مفاجئة شايف انك عندك حالة احتقان وانطباعية ملتهبة بابشير وطبعا التعميم دوما مخل وقياس غير علمي...
وطبعا قد تحتاج الي دراسة علمية جادة ومنضبطة حتي تقول بارتياح انو طلاب الجامعة وخريجها نرجسين لانك ما لاقيت كل الخريجين (وعلي الاقل نماذج يمكن ان تشكل معلومات علمية يعتد بها)... فلذا يا بشير يوسفني ان ابلغك بان حديثك اعلاه عشوائي وغير موسس ومبني علي اسقاطات احسبها في المقام الاول مربوطة بخواص النفس البشرية... وقد يكون كلامك صحيح ولكن عليك اثباته بصورة علمية ومدورسة وموثقة مش كلام ساكت كالنايلو الذي تاخذه الرياح يمكن لكل من امتلك اذن دخول لسودانيز اون لاين ان يكتبه ويكابر عليه...
هات دليلك العلمي والقاطع والمنطقي الا يوسفني ان ابلغك مرة اخري بان حديثك لغو حديث وزهج من النراجسة بتاع الجامعة
Post: #176 Title: Re: نرجسية طلاب وخريجي جامعة الخرطوم Author: البشير دفع الله Date: 04-22-2008, 03:21 PM Parent: #168
Quote: وطبعا التعميم دوما مخل وقياس غير علمي...
مرحبا عبدالكريم
أشرت الى أن الأكثرية يفتقدون لفضيلة التواضع , يندر ان يتواضع خريج الخرطوم , ولو راجعت المداخلات أعلاه , بحياد تام سترى وتقرأ كيف يكتب ويتحدث خريج الخرطوم , وان شئت أن أنتقي لك بعض الاقتباسات , فلا بأس , الا أن ذلك يجعلني أقتبس كل البوست عفوا أكثر المداخلات بالبوست .
Quote: يوسفني ان ابلغك بان حديثك اعلاه عشوائي وغير موسس وقد يكون كلامك صحيح ولكن عليك اثباته بصورة علمية ومدورسة وموثقة
لا يمكن اجراء دراسات على الكل , وتستخلص النتائج بأخذ عينات عشوائية غالبا اذا تعذر الرجوع للكل . واذا أخذنا خريجي جامعة الخرطوم الأعضاء بهذا المنبر كعينة مثلا , ستصل الى ما وصلت اليه , وما يصل اليه أي قارئ محايد , وكله موثق بأقلامهم كمداخلات بهذا البوست أعلاه . والقارئ الفطن يفرق بين الامتنان والاعجاب العادي , وبين ما يتجاوز ذلك الى أكثر من الاعجاب .
Quote: الا يوسفني ان ابلغك مرة اخري بان حديثك لغو حديث وزهج من النراجسة بتاع الجامعة
أرجو أن يكون قد وضح اليك أن حديثي ليس لغوا , وانما بنيته على مداخلات منسوبي جامعة الخرطوم أعلاه الذين اتخذتهم كعينة عشوائية
كنت أعتقد أن هذا اللفظ ( النرجسية ) قد بالغ فيه صاحب البوست , الا أنني أراه محقا فيه كل الحق لو لا التعميم
الذي صاحبه , والصحيح أن ألأكثرية هم المعنيين وليس الكل .
كل الود
Post: #169 Title: Re: نرجسية طلاب وخريجي جامعة الخرطوم Author: البشير دفع الله Date: 04-22-2008, 02:50 PM Parent: #167
Quote: البشير يا اخوي كدي بيني و بينك كدا قريت وين؟
حبابك تب أخوي محمد البشرى
أول مرة واحد يسعل ليهو واحد في البوست ده قريت وين ؟
من غير سابق معرفة , اللهم الا لو السعال وراهو سعال .
لكن عربون تعارف كدي قريت في النيلين - اقتصاد يا ملك
أهه السعال التاني شنو ؟
Post: #170 Title: Re: نرجسية طلاب وخريجي جامعة الخرطوم Author: محمد البشرى الخضر Date: 04-22-2008, 02:53 PM Parent: #169
طيب ياخي ما تقول كدا من الأول
Post: #171 Title: Re: نرجسية طلاب وخريجي جامعة الخرطوم Author: البشير دفع الله Date: 04-22-2008, 03:02 PM Parent: #170
Quote: بس ناس جامعة الخرطوم مزودنها كتير وتامنها موية كمان
عندنا فى الجزيرة مثل زى إقتباسك دا. طبعاً الناس بلموا أكلهم كلو ، الملاح الأحمر مع الأبيض مع الأخضر مخلوط مع الكسرة البيضاء والحمراء ....إلخ ولما الملحات تكمل بتموها موية وبقولوا : ( كُب الموية خلى الدنقلاوى يقوم ) لأن أى شخص من خارج الجزيرة ما معتاد على لخبتة الملحات خاصة أن كَبْ الموية بكون فيهو غسيل يد الشخص البقوم بكبها فى كفه لإنزال ما تعلق فى يده من ملحات.........
دحين أنا هنا بقول : ( كُب النرجسة دى ) فهى عادية بالنسبة للغردونيين مثلما كان (كَبْ الموية ) عادى لناس الجزيرة وما بستنكره إلا شخص من خارج الجزيرة.
Post: #174 Title: Re: نرجسية طلاب وخريجي جامعة الخرطوم Author: احمد التجانى احمد Date: 04-22-2008, 03:16 PM Parent: #1
اطالب بشهادة حاتم يوسف احد المظليين من خارج جامعة الخرطوم ليدحض افتراءات النرجسية المزعومة التى وصم بها طلاب (الجامعة)
بعدين اطالب بشهادة طه النور ليؤكد مقولة فكى حلة ود هاشم لما كان بيسال عن بيت ناس كيكى ابان زيارته له فى الاجازة الصيفية سال طه الفكى : وين بيت ناس عبد الكريم الفكى : عبد الكريم الامين طالب الجامعة؟ لاحظ لم يقل جامعة الخرطوم
Post: #177 Title: Re: نرجسية طلاب وخريجي جامعة الخرطوم Author: عبدالكريم الامين احمد Date: 04-22-2008, 04:24 PM Parent: #174
Quote: بعدين اطالب بشهادة طه النور ليؤكد مقولة فكى حلة ود هاشم لما كان بيسال عن بيت ناس كيكى ابان زيارته له فى الاجازة الصيفية سال طه الفكى : وين بيت ناس عبد الكريم الفكى : عبد الكريم الامين طالب الجامعة؟ لاحظ لم يقل جامعة الخرطوم
والله زمان ياود التجاني وانا اطالب بحضور الفكي ايضا لتاكيد شهادة طه ولتكديك الاخ بشير دفع الله ومن وهج الفكي ده استوحيت حلين للاخ بشير ولكن حلول جذرية لازمة النرجسة المالقين ليها حل دي.. وبجي بحكيها ليكم بعدين
Post: #181 Title: Re: نرجسية طلاب وخريجي جامعة الخرطوم Author: ابراهيم محمد الحسن Date: 04-23-2008, 08:10 AM Parent: #177
كتب الأخ البشير دفع الله :
Quote: أول بالتبادي.. اعجاب الانسان بالمكان الذي تواجد فيه ردحا من الزمن شئ طبيعي جدا , بل غريزي كمان , بعض الناس يحكون عن ذكرياتهم بالسجون بشئ من الغبطة والبعض يحكي عن ذكرياته أيام التدريب الشاق بمعسكرات الجيش أو الشرطة أوالدفاع الشعبي وهو في غاية الانبساط . االمرحلة الجامعية هي مرحلة تحول هامة في حياة كل طالب , ويتعامل للمرة الأولى مع أشياء جديدة عليه تماما ويختلط بأناس ( ذكور واناث ) ويكون علاقات جديدة , بأسلوب مختلف عن علاقات المدرسة , خاصة وأن المرحلة العمرية والاختلاط تؤهله لحياة عاطفية مختلفة . تصبح الجامعة هي عالم الطالب المحبب له , يمضي بها كل أوقاته , وتصبح أسرة الجامعة هي أسرته , وبعضهم يتواجد بالجامعة حتى في الاجازات , وهذا الارتباط يخص أغلب الطلاب بكل الجامعات . لذا لا نستبعد الارتباط والعلاقة الفريدة والقوية بين أي طالب والجامعة التي يدرس بها .
جبت شنو من عندك؟ كل المتداخلين من البداية كلامهم كان في الإطار ده ؟؟؟
Quote: ما بنختلف طبعا أنو جامعة الخرطوم هي الأولى بالسودان وده واضح من نسب القبول العالية لطلابها بمختلف الكلالي ولعراقة الجامعة واهتمام الدولة بيها وبي طلابها من دون طلاب الجامعات التانية , مع انو الحاجة دي بعد ثورة التعليم العالي اتغيرت شوية , لكن لسع الرقشة في .
الغريبة إنكم بتردو على نفسكم وبتأكدوا مكانة جامعة الخرطوم وبالتالي مكانة طلابها .. لكن رغم كده ، المكانة دي ليست ذنب عشان بسببها تصفوا الناس بأشياء غير واقعية ..
Quote: بس ناس جامعة الخرطوم مزودنها كتير وتامنها موية كمان
ويؤسفني أقول ليك يمكن دي نوع من العقد تجاه جامعة الخرطوم وطلابها .. وذي ما قلنا ليك أعلاه : الشاف ما ذي السمع ..
Post: #182 Title: Re: نرجسية طلاب وخريجي جامعة الخرطوم Author: emad altaib Date: 04-23-2008, 08:16 AM Parent: #1
ــــــــــــــ ياجماعة الخير ..
سلام..
الطاهرعثمان ..كيفك يازول
تعرف انا عاوز اقوليك سر..
في المنبر ده ..تحفظت عليه كثير
لكن بعد ده .. بفشيه..
جامعة الخرطوم طلابها ملتزمين بالانضباط كثيرا
في السلوكيات الشخصيه والعامه..
شفت بام عيني طلاب جامعة مقرها في الخرطوم
يدخلون الجامعة قاعات الدراسه الله يكرم بـــ(سفنجة)..
و(ينتعل) (السفنجة).. سالته .. ياابو الشباب إنت وين؟
تصدق قال شنو؟
عادي ياخي .. (ود البشري هات الوشوش)
لينا حق (بالنرجسية)
Post: #183 Title: Re: نرجسية طلاب وخريجي جامعة الخرطوم Author: ALazhary2 Date: 04-23-2008, 09:45 AM Parent: #1
Quote: إن شاء الله ياود حشاي بي بركة سيدي الحسن أب جلابية راجل كسلا تتعلى وماتدلى وتكبر لي وأشوفك ماشي وجاي من جامعة الخرتوم .
من دعوات حبوبة عند زيارتنا لها قبل أكثر من عقدين من الزمان عندما كنا نتسابق وإخواني أينا يحضر لها إبريق الوضوء وأسبقهم جميعاً .
الله يرحمك يابت محمد نور
(((((جامعة))))) هي دعوة الحبوبات لأحفادهن .
ما أعظم شأن هذه الجامعة .
تقول لي شنو وتقول لي منو
Post: #184 Title: Re: نرجسية طلاب وخريجي جامعة الخرطوم Author: Mohammed Ibrahim Othman Date: 04-23-2008, 10:25 AM Parent: #1
تعرف يا الطاهر يا اخوي انا كنت ممتحن اديشنال ... وقمت قديت انجليزي لانه ما كان مهم في البوكسينغ خااالص لناس الماث ... يعني ممكن تدخلك باضافة الجغرافية ... المهم ما بقى الا ان ادخل الفرع .. وفعلا دخلت كلية التجارة ...تحياتي لناسي التانين الفراعة.. وعندي اخوي في كلية الهندسة الكهربائية بجامعة الخرطوم .. واختي بالاداب بالخرطوم .. وقولو ماشاء الله التالت بادارية الخرطوم ... شبكوني يازول الجامعات كلها واحدة .. بس المهم تتخرج بتقدير كويس.. الكلام ما ركب ليّ في راسي .. قلت هوي ... انا اهم شيء اخش الخرطوم ... ان شاء الله بس اشرب ليمون ... الحمد لله تاني سنة كنت جوووة الجك ... وجاي تقول ليّ شنو وشنو يا لطاهر يا اخوي.. البرادعي بتاع الكفتريا ..سلام.. عم عبد الحفيظ الحرس ...سلام .. عم ابراهيم الحرس ...سلام ... حجة امنة الفراشة سلام... غرفة السينما في داخلية النشر ...سلام ...
Post: #185 Title: Re: نرجسية طلاب وخريجي جامعة الخرطوم Author: حمد فتح الرحمن Date: 04-23-2008, 11:44 AM Parent: #1
ناس الطاهر و البشير و القالو علينا
كان عندكم دوري الكليات ؟ و ميدانين واحد شرقي و احد غربي ؟ و حوضين سباحة واحد في الجامعة و التاني في الداخلية ؟ و ملعب سلة ؟ و دار اتحاد؟ فيهو مسرح كبيييييير و نادي استاذة ؟ فيهو مسرح برضو و نادي موظفين ؟ فيهو فول بن كلب و مكتبة مين ؟ فيها سلم حلزوني لذيذ كدا و شارع مين ؟ فيهو بنات نضااااف و عيادة كاملة التخصصات ؟ و مسجد سمح كدا و شارع جامعة و مباني ليها مية و كم سنة كدا ؟
طيب كم عدد الشجر الفي جامعاتكم ؟ و كم رئيس حاول يخش جامعاتكم و طردتوهو ؟ و كم فنان غني لي جامعتكم ؟ و تقدروا تشوف البحر من مسافة كم من الكافتريا ؟
موش لينا حق بلاهي تاني لمن اذكر لي حاجات بجي
Post: #186 Title: Re: نرجسية طلاب وخريجي جامعة الخرطوم Author: الطاهر عثمان Date: 04-23-2008, 03:48 PM Parent: #1
والله يا حمد فتح الرحمن ضحكتني ضحك والله انته زول لذيذ وعسل عدييل كده
قلته لي سلم حلزوني لذيذ
تحياتي وتقديري وكل القلته ده ماكان عندنا وذكرتني والله فول كافتيريا الموظفين بالجد كان رهيب وذكريات الجامعة لاتسنى ...
لكن برضو نجي ونقول كلامنا القلناهو الناس التانين ديل برضو قروا كويس وشاطرين جدا ولايمكن ابدا ان تهضمهم هذا الحق
يا حمودة نسيت جون المراسلة له خالص التحايا والتحية لجميع العاملين بالأسكول خاصة والجامعة عامة
___________________________
يا عبده يا اخوي ذكرتني والله .. جون المراسلة ...سلام ... عبدالهادي المسجل ...سلام .. خالة زهرة الفراشة ...سلام.. والله عمك داك نسيتو ...برضو سلام .. خدك الدكاترة ... برفسير عز الدين محمد عثمان..سلام.. دكتور عبد الفتاح..سلام.. دكتور ود المكي ..سلام.. دكتور الدومة ...سلام .. دكتور محمد الامين التوم..سلام.. دكتور محمد عبد المنعم ..سلام.. دكتور عز الدين كامل ..سلام.. دكتور عوض حاج علي ..سلام.. دكتور محجوب ..سلام.. دكتور محمد الازهري ..سلام.. دكتورة منار ..سلام.. دكتور ابراهيم..سلام.. بروفسير عبد القيوم ..سلام.. دكتورة نور ..سلام.. دكتور محسن ..سلام.. دكتور عاصم صغيرون(هندسة)..سلام.. دكتور النجومي (علوم)..سلام.. دكتور شداد (اداب)..سلام.. دكتور عبد المتعال اداب..سلام.. والمعذرة للباقين.. ذاكرتنا التعبة ..
Post: #193 Title: Re: نرجسية طلاب وخريجي جامعة الخرطوم Author: عادل سهل Date: 04-24-2008, 11:37 AM Parent: #186
Quote: لكن برضو نجي ونقول كلامنا القلناهو الناس التانين ديل برضو قروا كويس وشاطرين جدا ولايمكن ابدا ان تهضمهم هذا الحق
يا الطاهر يأخوى كلامك دا على العين والراس
مافى زول بخس بضاعة زول
لكن والله الكيمان ما بتتســاوى
وما تقتولونا بالنصيحة ســاكت .
القال جامعة الخرطوم يا جماعة كمل الكلام . . .
يالأزهرى :
قالوا حمودة حلاق الجامعة ، جلس عنده دكتور مجذوب سالم البر للحلاقة ( وهو طبعاً يلبس الجلابية والعمه على طول ) فعندما جلس وخلع العمة ، ظهرت الصلعة فقال له حمودة بالله يا دكتور تاريك إنت خالى الذهن.
Post: #194 Title: Re: نرجسية طلاب وخريجي جامعة الخرطوم Author: ALazhary2 Date: 04-24-2008, 11:49 AM Parent: #193
العزيز عادل سهل
والله حمودة دا اظرف زول سمعنا عنه حكايات كتيرة ظريفة .
الوالد بحكي لي عن واحد معرفة ما دخل مدرسة ولا جامعة ولا كمان آتاه الله الحكمة أو علمه من لدنه علما لكن رغم كدا متفلسف فلسفة السنين وعشقه الأول والأخير إنو يقعد مع المثقفين:
مرة كدا قاعد مع ناس دكاترة قام خش في الموضوع عرض وقال ليهم إنتو ياناس ثورة مايو كانت في أكتوبر ولا أنا غلطان ؟
ومرة تانية سألهم قال ليهم إنتو عاصمة اليابان المثلثة إسمها شنو ؟
عادل سهل القصة الأخيرة دي بعد المراجعة قلت أخير نحذفها وإن شاء الله تكون قريتها
Post: #197 Title: Re: نرجسية طلاب وخريجي جامعة الخرطوم Author: عادل سهل Date: 04-24-2008, 12:14 PM Parent: #194
يديك العافية الأزهرى
والله ما قريتها . . .
لكن بينى وبينك جامعة الخرطوم محتاجة لبوست توثيقى للأحداث التى جرت بها .
الكثير من ما تم فى هذا البوست مادة جميلة لكن بصراحة عدد كبير يتحاشى الدخول فى البوست لعدم الحرج مع صاحب البوست.
عبدالكريم انت عارف انى بلقط الحروف بالماوس غايتو انا قررت افتح البوم الصور بعد 12 ساعة احمد الامين الصور بالكوم حليمة الكلام كتتتتتتتتتتر عمر حميدة احسن ليك تقدم السبت بكرى عبدالله ..كم اشتاقك يا من ( شلت كتف البنا الميل ) مع المرحوم مصطفى سيد احمد كم من تغنى بكلمات مصطفى..ولكن كم من عرف بان وراء كل هذا كنت اانت
د.احمد القرشي جهز الاسكانر بتاعتك
Post: #205 Title: Re: نرجسية طلاب وخريجي جامعة الخرطوم Author: حمد فتح الرحمن Date: 04-24-2008, 04:37 PM Parent: #1
نحن هنا ... نسدها ونقدها ... " والحاسدنا ينضرا "... مزيدا من "النرجسية "... بس " طعموها حبة بالصور " شكرا ... شكرا ... شكرا لمن ذكرنا ولمن " تذكرنا " ... واهو قدمنا السبت ... بس ورينا أنت منو " ولو بالماسنجر "... احبكم كلكم ... عمر حميده
Post: #207 Title: Re: نرجسية طلاب وخريجي جامعة الخرطوم Author: عبدالكريم الامين احمد Date: 04-24-2008, 09:19 PM Parent: #206
Quote: شكرا لمن ذكرنا ولمن " تذكرنا " ... واهو قدمنا السبت ... بس ورينا أنت منو " ولو بالماسنجر
هلا بالاخ عمر حميدة وانا ما داير اخش بين الدفعة والدفعة لكن الزول الاذكر ده قاعد في الصورة دي وكدي اديها طلة ممكن تطلعوا قبل ما يجيك الخبر الاكيد منو...
كل سلام يا عمر حميدة وانا برضو بزكرك بالحيل ياعمر ولك تحياتي الشديدة
Post: #208 Title: Re: نرجسية طلاب وخريجي جامعة الخرطوم Author: محمد البشرى الخضر Date: 04-24-2008, 09:27 PM Parent: #1
الطاهر ياخ ما تهلكنا بالغلاط ساي الجامعة من شدة ما متميزة و ناسها مميزين حتى الكوز من الجامعة بتلقاه مبلوع شوية اخير من كيزان الجامعات التانية
عبد الكريم اخ ابن الدفعة ود الامين شكرا علي التقريظ .. من الرجال الفي الصورة ضبطت " أحمد يوسف متلبسا "... وهنالك " عبد الله بركات ".. واحد منهم ... والا جليت " بسبب الكبر " جميعهم أحبهم ..واشتاق اليهم ... عمر حميده
عمر حميدة وعبدالكريم سلامات انت عارف يا كريم عمر حميدة الحضر امبارح ودخل بالباب الورا بيسال انا منو Omer you better do your job غايتو هاك دى اتصبر بيها
والله جننتني بكري ود الناظرة حمدي.. والتعيس الفقير الي ربه / عمر حميده ( شوفو الحلا والصغر ده )"... " خسمتك " بي الله أنت منو ؟؟؟ ما تشحتف لي روحي ... وليك أمان الله سرك " في بير "
عمر بتاع زمان
Post: #212 Title: Re: نرجسية طلاب وخريجي جامعة الخرطوم Author: عبدالكريم الامين احمد Date: 04-24-2008, 09:49 PM Parent: #209
الاخ الطاهر عليك الله سامحناوالله حرفنا ليك مجري البوست المسالة ما نرجسية ولا حاجة المسالة انه الجامعة دي ادتنا حاجات اكبر من الاكاديميات ادتنازكريات نرجع ليها كلما ضاقت بينا الواسعة
غايتو يا عمر الا تدفع لعبد الكريم كم ريال او تنتظر حليمة او احمد الامين او البحيراوي
ياهو زاتو بكري ود الناظرة بتاع الاقتصاد يا عبد الكريم
Post: #215 Title: Re: نرجسية طلاب وخريجي جامعة الخرطوم Author: حليمة محمد عبد الرحمن Date: 04-25-2008, 06:11 AM Parent: #214
اها يا حميدة عربون اخوة وصداقة.. لو انت دفعة سلمى عمر ياك تب دفعتي.. نكشف القناع عن شخصية هذا الرجل الذي اكن له اعزازا خاصة.. اها يا ابن يوسف انشاء ال تباصر لي صورة مع الجماعة ديل.. مباصرة عديييل كدي.. انا اصلي ما كنت بتاعت رحلات.. مرة واحدة بس مشيت، وما اظن كان في كاميرا وبالعدم باصر لي واحدة انشاء الله مع الاساتذة..D : الية الاقتباس حرنت .. جبتو عديييل الشتات السوداني الى اين.. ذكريات الجامعة (لاحظوا الجامعة بس) ذكريات الجامعة مقدمة لابد منها
أحمد يوسف عبد القادر، أخ عزيز و زميل دراسة. سبقته الي كلية الاداب، بجامعة الخرظوم. وتزاملنا في التخرج، في نفس العام الدراسي من شعبة اللغة الفرنسية. ومنذ ذلك الحين، شد احمد الرحال، ولم يضع عصا الترحال عن عاتقه. عشقها ، فسكنته. صارت الرفيقة حين عزت الاخيرة . كانت وجهته منذ البداية ، ومازالت كندا، إلأ أنه لم يضع عصا الترحال عن عاتقه. . .
رأي ابن يوسف بلداناً اكثر مما قرأ عنها في دروس الجغرافيا. قري وحلال منسية في بلدانها. هناك وجد ان المليون ميل تمددت خارج خارطتها الاصلية. أدمن ابن يوسف جلساء الزمان الاخيار: السرج السابح والكتاب. وهناك ، في تلك الاصقاع النائية, التقي اخرين ، يهمنا امرهم كثيراً. رسالته الاولي التي ارسلها لي هي التي جعلتني اسعي وراء كتاباته بشدة. قبل الرجل بعد مفاوضات كثيرة والحاح شديد من جانبي، كاد اليأس ، ان يدركني خلالها. أحمد شاب جم الادب، جم التواضع، وشديد الوضوح.
البساطة والصدق اللذان يشلكلان الطابع العام لكتاباته، يجعلانك تقف حاسرالرأس تحية واحتراما واعجاباً. يحكي عن الغربة باسلوب فريد:إحساس المعايشة اليومية وروح الناقد الحصيفة ونظرته الثاقبة. أحمد يحكي عن تجربة الشتات السوداني، الذي تمدد خارج خارطة خطوط الطول والعرض ، كما قال. يضع اصابعنا علي موطن االداء ويترك لنا فرصة البحث عن الدواء وذلك بعيدأً عن الخطب والمواعظ والروشتات المعدة قبلاً. الرسالة الاولي قد لا تعني الكثيرين ، لكنها مدخل هام، لفهم شخصية احمد. عزيزي متصفح صفحتي، انت علي موعد مع قلم يجعلك تقف طويلاً أمام ذلك العالم الذي يتحرك في جميع الاتجاهات، يطوّف بك جميع "قبل الله الاربع." ان كتابات احمد سياحة داخلية عميقة الغور، وسياحة أخرى قد لا تبعث علي السرور، ان عشتها.
أحمد غياب ثلاثة عشرة عاماً عن ارض الوطن. ثلاثة شهور حضور رسمي. واثني عشرة ونصف حضور دائم في الذاكرة والوجدان.
ودمتم... حليمة
الرسالة الأولي
ذكريات الجامعة
.. حليمة .. اختي .. رسالتك وصلتني .. فتحت في كل ينابيع الحنين والشوق الي هذه الوجوه الغائبة .. ولكن اين هم الان؟ ـ مجدي التقيته في الخرطوم .. 1999 .. امضينا معا 4 ساعات فقط .. حيث كان في طريقه الي ابو ظبي .. صبيحة اليوم الثاني .. حتي الاصدقاء .. صار الزمن معهم محكوم بسويعات ..
ـ محمد حمدي .. "حمدي العشوائي" .. كما كان يحلو لنا ان نلقبه .. ذلك الرجل ذو القلب الابيض .. التقيته في الاجازة تلك .. في الجامعة .. ضحكنا من القلب .. سرنا في ردهات الادآب .. بحثت بين ك ل الوجوه .. عن وجوه اعرفها .. ولكن هيهات .. الاشياء تغيرت .. ياحليمة .. حجر الربيترزrepeater's stone ' ازداد قصرا .. ميدان الادآب ..شيدوا فيه دورة مياة طافحة المجاري. ..
ذهبت .. وحمدي الي شعبة ادارة الاعمال لنشرب ليمون بيزنس..فقلت له مازحاً.. ليمون زي دا عاوز ليهو خلطة مع زولة سمحة وظريفة...... فقال لي والحزن بين كلماته .. يا احمد يا ابن يوسف .. زمن الزولات السمحات ولي بلا رجعة .. وصمت .. .. في نادي الاساتذة .. اجتمعنا هناك .. اصدقاء وصديقات .. قدامي وجدد .. هل تصدقي ياحليمة .. ان بعضهم لم يقابل بعض لاكثر من 7 سنوات .. (1)هدايات ..(2) ياسين .. ابراهيم التوم ..(3) سندس .. (4)حمدي .. (5)محمدين .. (6)كمال (7)محمد محمود .. اعلم بانك قد لاتتذكري هذه الشخصيات ولكني اكاد اجزم بانك اذا ما قابلتي اي منهم .. سوف تتذكريه تماما .. كان لقاء فريد .. والكل كان حاضرا .. حتي الغائبين .. ودائما كان السؤال .. (8)ا خبار عصام الخواض .. عبدالمجيد الدغول .. (9)مكي بشير .. (10)المرحوم بشير الطيب .. (11)حاتم عباس .. (12)ازيرق .. (13)علي كباشي .. بعض افراد الاداب .. وخاصة شعبة اللغة الفرنسية .. قابلتهم في اماكن جد فريدة .. التقيت بعضهم في الهند .. اثيوبيا .. تشـاد .. افريقيا الوسطي ..
ـ اخباري .. الحمد لله .. مازال النفس طالع ونازل .. اشتعل الراس شيبا .. وتمددت الصلعة .. لم يرزقني الله ببنت الحلال بعد .. ذهبت الي السودان في 1994 للعزاء في وفاة الوالدة عليها رحمة الله .. مكثت 3 شهور .. وعدت خالي الوفاض .. اعدت الكرة .. 1999 .. مكثت ثلاثة شهور ايضا .. وفي نيتي السترة وبنت الحلال .. ولكن فجأة وجدت نفسي غريب .. وسط زحمة الاشياء .. وحملت نيتي .. المشدوهة من الدهشة .. وعدت خالي الوفاض ايضا ..
ـ اكاديميا .. بعت القضية تماما .. وتحولت الي حقل الكمبيوتر .. ـ مازال في دواخلي حنين الي السودان .. ولكن متي ؟ حقيقة لاادري ..
ـ اخبار حليمة؟؟ ماشاء الله .. ربنا يحفظ لك اولادك وزوجك ويعطيكم الصحة ودوام العافية .. اين انت في السعودية؟ وكم مضي لك فيها ؟ سوف اعود اليك لاحقا .. وحتي لحظة فرح قادم .. لك .. مني .. اختي .. كل الود . احـــمد
1-تزوجت واستقر بها المقام في سويسرا 2- ياسين صار ضابط شرطة بالداخلية السودانية 3-سندس صارت محاضراً بشعبة اللغة الفرنسية 4-محمد حمدي من ابناء الحوش اتجه الي مجال تدريس اللغة العربية للناطقين بغيرها. 5- محمدين: لا اعرف شيئاً عن اخباره. 6- كمال من ابناء الابيض، اتجه الي مجال العمل الطوعي. 7- محمد محمود، ليس لدي من اخباره شئ. 8- عصام الدين الخواض، اخ عزيز من ابناء كلي ، تزوج من انجليزية واستقر به المقام في لندن. توفي في حادث حركة في نوفمبر الماضي.. له الرحمة 9- عبد المجيد : ليس لدي من اخباره شئ. 10- بشير الطيب : كان طالباً في السنة الخامسة بكلية الاداب: راح ضحية العنف في الجامعة. 11-حاتم عباس : اصبح محاضراً بشعبة اللغة الانجليزية بكلية الاداب. ثم استقر به المقام في امريكا. 12- محمد حماد ازيرق: تخرج في اللغة الفرنسية واتجه الي التحضير في مجال اللغات والفكلور: اعتقد انه بصدد انهاء اطروحة الدكتوراة. استقر به المقام في تنزانيا اولا ثم انتقل الى العمل مترجما بالدوحة. 13- تخرج في مجال اللغة الفرنسية واستقر به المقام في بنك ابو ظبي، بدولة الامارات العربية المتحدة.
*ملحوظة: هذه الارقام وضعتها انا..
Post: #216 Title: Re: نرجسية طلاب وخريجي جامعة الخرطوم Author: unixo Date: 04-25-2008, 10:59 AM Parent: #1
حليمـة..اختي
اجزم بانك قد تسألتي اين احمد يوسف عندما نصب صيوان العزاء حضرت..وكم كنت اتمنى ان ارسل بنت صغيرة لتهمس فى اذنك ( فى راجل بره قال ينادو ليهو نفيسة وحليمة عشان يديهم الفاتحة) وتاتين انت و نفيسة من حوش النساء ويلحق بى رضا.. مجدى..كباشى..مكى..حاتم..حاتم الثاني..د.عبد الرحمن.. إزيرق..هشام..حمدي..بكري..عمر..عبد المجيد..والاخرون نعزي بعضنا.. ولكني لم اكن حاضرا تلصصت علي صيوان العزاء..هربت بعيدا..اجتر رنيين اخر مكالمة .......
- حارجع السودان بعد سنة.. والله العظيم حانزل عندك يومين قبل ما اوصل - يا مقطع انت قايل امستردام بتاعتك دى ذي النهود دايرة ليها ركوب لوارى.. يااخى كلها ساعة بالطيارة علشان تجينى - اعفى لي.. لكن وعد منى المرة الجاية - كدا انت عارف انه حتكون فى مرة جاية .. ياليتنى لو وعيت بما كان يقوله .. الهم يا رب اشمله برحمتك وغفرانك بمثل ما شملنا بحبة وانسانيتة
Post: #217 Title: Re: نرجسية طلاب وخريجي جامعة الخرطوم Author: unixo Date: 04-25-2008, 11:45 AM Parent: #1
عبدالكريم..عمر حميدة..حليمـة I'm just wondering if you; gals and guys; are aware of the fact ? that we've hijacked this post
كيمـو هويدا العونى شخصي اسامة محمد بخيت اميرة نعمات النعيم هدى .. جلوسا: عابدة عبد الله مصطفي محمد حامد الدخري نصر الدين يحمل الجيتار نجلاء الصويم مغطيها نصر الدين
... ديل ناس الاداب الاتخرجو 88/89
Post: #220 Title: Re: نرجسية طلاب وخريجي جامعة الخرطوم Author: الطاهر عثمان Date: 04-26-2008, 05:16 AM Parent: #1
Quote: I'm just wondering if you; gals and guys; are aware of the fact ? that we've hijacked this post
Unixo وبقية العقد
تحياتي وتقديري و feel free
I do respect your memories
واصل
Post: #221 Title: Re: نرجسية طلاب وخريجي جامعة الخرطوم Author: حليمة محمد عبد الرحمن Date: 04-26-2008, 12:07 PM Parent: #220
يا وجعي عليك.. (1963-2007)
Post: #222 Title: Re: نرجسية طلاب وخريجي جامعة الخرطوم Author: ابراهيم محمد الحسن Date: 04-27-2008, 11:51 AM Parent: #221
وينكم ياناسنا وينكم ياناس الجامعة أم نخيل ؟ وينكم يالمافي زيكم؟ وينكم يالنخبة ؟ وينكم يالصفوة؟ وينكم يا الأكرمكم الله بي الجامعة التي يذكر المجد أينما تذكر.
Quote: هل تعلم بالتحديد عدد السنوات التي تولى فيها كل من د. يوسف فضل ود. غندور إدارة الجامعة .
الزعيم الازهري،،، للاسف ما عندي ارقام،،،البروفيسور/ يوسف فضل قضى فترة اولى معينامن قبل حكومة جعفر نميري و كاد ان يكمل الثانية منتخبا لولا قدوم حكومة الانقاذ،،، و البروفيسور/ابراهيم غندور تم تعيينه و هو لا يزال رئبسا لنقابات العمال،،، بعض الاساتذة احتجوا امامه في بعض الاجتماعات بان جامعة الخرطوم تستحق مديرا متفرغا،،، و لاسباب خاصة بالحكومة استبدلته بالبروفيسور/ الشيخ في اقل من سنة،،، بس المعلومات متاحة في مدخل مكتب مدير الجامعة ،،، اسم كل مدير و بداية و نهاية عهده،،،
معقولة بس ناس الفرع يرفعوا البوست حق جامعتهم كل يوم ونحنا الجامعة الساس والراس البوست حقنا يمشي الصفحة الخمسين؟
ماليكم حق والله .
إتلومتوا لوم شديد
Post: #241 Title: Re: نرجسية طلاب وخريجي جامعة الخرطوم Author: Mohammed Ibrahim Othman Date: 05-29-2008, 02:24 PM Parent: #1
فوووق ...
Post: #242 Title: Re: نرجسية طلاب وخريجي جامعة الخرطوم Author: ابراهيم محمد الحسن Date: 05-31-2008, 07:29 AM Parent: #241
حمودة .. نحن غايتو الأيام دي في قمة النرجسة في بوست (اليوم الحار ما بندار يوم الهندسة والمعمار) ..
Post: #243 Title: Re: نرجسية طلاب وخريجي جامعة الخرطوم Author: Mohammed Ibrahim Othman Date: 06-02-2008, 08:21 AM Parent: #242
ابراهيم محمد الحسن
Quote: حمودة .. نحن غايتو الأيام دي في قمة النرجسة في بوست (اليوم الحار ما بندار يوم الهندسة والمعمار) ..
انحنا معاكم يا اولاد العم ... ما بنختلف ..
Post: #244 Title: Re: نرجسية طلاب وخريجي جامعة الخرطوم Author: haleem Date: 06-02-2008, 10:29 AM Parent: #1
هاك واحد نرجسي
Post: #245 Title: Re: نرجسية طلاب وخريجي جامعة الخرطوم Author: الطاهر عثمان Date: 06-05-2008, 08:24 AM Parent: #1
جميع الاخوة الذين تداخلوا في هذا البوست وخاصة الذين لم اتمكن من الرد عليهم رداً خاصاً تقبلوا تحياتي وتقديري وإحترامي...
وكما يقال فان إختلاف الراي لايفسد للود قضية احبكم جميعاً ولا أحمل لكم اي ضغينة واكن كل إحترام وتقدير وآسف جداً لو ان جزء مما ذكرت قد اغضب البعض في البداية ولكن بحمد الله تحول البوست لبوست عن ذكريات جامعة الخرطوم وفرصة لكم لمقابلة من ضاع منكم وسط مشاغل هذه الدنيا...
كما ذكرت في مكان آخر هي تجارب وإنطباعات مرت بي في التعامل مع بعض خريجيكم وبالطبع لن يكون اي تعميم صحيحاً ولم أعمم ذلك وذكرته في أول البوست ...
وهي فرصة لنا جميعاً لمراجعة النفس لان النفس امارة بالسوء ان كان فينا شي مما قلت
