ليس دفاعاً عن {علي عمر علي} ... (القصة شنو) ؟؟؟؟

خمسمية بوست .... حاصل شنو ؟؟؟ .... (علي عمر علي) ... شاب ... مستنير ... مثقف ... محب لوطنه وبلدة ... غير عنصري ... ولا مستبد ... فإن أخطأ فقد سحب ما أخطأ فيه وإعتذر بحسب ماقرأت بأحد البوستات ... لكن الناس زي ماتقول لقوا جنازة وداير إشبعوا فيها لطم ... ليس هذا دفاعاً عن (علي) فإعتذاره إقرار بالخطأ ورغبة بعدم الرجوع إليه ... الحاصل شنو ؟؟؟ صحيح في ناس تحس الموضوعية في تناولهم القضية لكن واحدين تحس المرارات الشخصية وليس الدفاع عن حق في مداخلاتهم وواحدين تلقاهم داخلين في جُل البوستات ... حاصل شنو ؟؟؟ وعشان مايجي زول وينط ليك ويقول ليك إنت رأيك شنو وجلابي والإسطوانة المشروخة دي أنا أقول إني ضد ما جاء بكلام (علي) ... ولكني أيضاً ضد كترة السكاكين !!!!

احمد موسى
سلامات


لا سكاكين ولا سيوف.....هنا حوجة لحسم واختبار لحزب وليد
في كيفة آلياته لضبط عضويته.
هذا كل ما هنالك.



الحوجة للحسم البعارات العنصريه بالذات للمنتمين لاحزاب ضرورة.


هذا كل ما هنالك.

انت شايف شنو؟؟؟؟


وقبل يويمن لما اصبحنا ولقينا المنبر ده كله بيكورك ضد هباني وعشان تمبس
برضوا كان في موقف موحد تجاه سلوك محدد فلماذا لم تعترض..ام هي فقط الرغبة في تسجيل مواقف
مخالفة يعني خالف تعرف.


صداقتك لعلي عمر على العين و الرأس ولا اظنها اقوى من صداقة عادل عبد العاطي
لان الخطأ نفسه الوقع فيه علي عمر كان نتاج لمحبته القوية لعادل عبد العاطي
لكن قيدما قيل عدو عاقل خير من صديق جاهل
وعلي اضوح للاسف جهلهة بمنظومة القيم و الاخلاق الليبراليه بوضوح.

فانصر اخاك برده عن الظلم.

(1)

علي عمر علي: لقد أخطأت في حق نفسك!
ساعة الفتح :
11-04-2008, 03:46 م

(2)
[لا يا علي عمر علي .. ليست هذه قيّمنا ولا فكرنا ولا مبادئنا !!

ساعة الفتح :
11-04-2008, 03:50 م

(3)
[إدانة من الحزب الليبرالي السوداني ..

ساعة الفتح
11-04-2008, 03:52 م
(4)

عمر علي لا شيئ يعفيك غير الإعتذار

ساعة الفتح :
11-04-2008, 04:06 م


(5)
لا اعتذار ولا دياولو

ساعة الفتح :
11-04-2008, 04:48 م


(6)

على عمر على عليك الاعتزار لللاخ بلاير فورا

ساعة الفتح :
11-04-2008, 06:04 م

احمد موسى ازيك

هى سكاين نصاح يا زول

المنتدى دة من 2004 لى اليوم الاتكتب فية يشيب الراس .هسى حكمة الله الناس جاية تهدى على وهم أصل البلاء والبلوه والمصيبة الاساسية, النصيحة على عمل جليطه وعارفاها ما من الراس بس زهجة
لكن يحلو الحلة بله وأكيد فى بوستات لسه بتتنجر الا تحصل مصيبة فى بوركينا فاسو تخلى الناس دى تجرى تنشده,
غايتو يا على السويتة رقدت وجروح اللسان احر من السنان ,
يا احمد موسى على زول صاحبنا وعارفين ما عنصرى ولا شاتام لكن ده سلو البلد هنا الظاهر
وبعدين هو ما ساب لينا شنو ندافع بيهو عنه؟
يا على عمر انا متضامنه كامل التضامن مع الشتمتهم وسبيتهم شتيمة لا تليق بيك ولا بيهم ومبدئيا ارفض
النعت والشتيمة والانقاص من الشخص والاهانات والتشكيك وجر الشكل
كلنا بنزهج بس لامن تزهج اقفل الكمبيوتر عسى ما تتلوم, غايتو متخيله عيونك المطيرات ديك كيف هسى .

الاخ احمد موسى ...

الادانة لما صدر من الاخ علي ليست لشخصه بقدر ما هي ضد الفعل الذي صدر منه.

ولا يضرنا ان فتح الآلاف يشجبون (التصرف) فالأمر لا يستهان به و يقسم ظهر الوطن.

ولا يمكنك ان تلومنا على الزج باسمه طالماهو المسيء كما اننا لم نسئ إليه و نشرنا استنكارنا في ذات النافذة التي استخدمها لقوله ومن حق انفسنا علينا وحق كل من يمسه فحش ذلك القول ان لا نسكت عن قولة الحق!

Quote: وقبل يويمن لما اصبحنا ولقينا المنبر ده كله بيكورك ضد هباني وعشان تمبس برضوا كان في موقف موحد تجاه سلوك محدد فلماذا لم تعترض..ام هي فقط الرغبة في تسجيل مواقف مخالفة يعني خالف تعرف.

مالوا مايكورك المنبر كلوا ... ونوقع كلنا على خطأ (علي) ... لكن هل ده بيتطلب الثورة البوستاتية دي ؟؟؟ وخمسماية بوست ... وشنو رغبة أسجل موقف مخالف دي ؟؟؟ وكيف وأنا بدين زيي زي الآخرين ..؟؟؟ ولا دي رغبة ترصد مانقول والسلام ....
...
...
...
القصة (تراجي) لا تتعلق بصداقة وعداء ... بالعكس الصداقة تحتم علي التنبيه المبكر لكنني للأسف لم أقرأ ما خطه (صديقي) ... (تروس) ... ومع إيقاني بحدوثه في سياق مُبرر (فرد الفعل لاينفصل عن الفعل) ... ولكن هذا لا يعفية ـيقيناً ــ من الخطأ وضرورة الإعتذار ... أما مسألة القيادات الحزبية فهذا شأن لا يعنينا ولا يعني البورد ولا القراْ ما يقوم به الحزب تجاه منسوبية فهذا شأن داخلي (ولاشنو) ؟؟؟












ـــــــــ
صدقاً توقعت حضورك المبكر ولم يخب ظني !!!!

كتب أحمد موسي

Quote: خمسمية بوست .... حاصل شنو ؟؟؟ .... (علي عمر علي) ... شاب ... مستنير ... مثقف ... محب لوطنه وبلدة ... غير عنصري ... ولا مستبد ... فإن أخطأ فقد سحب ما أخطأ فيه وإعتذر بحسب ماقرأت بأحد البوستات ... لكن الناس زي ماتقول لقوا جنازة وداير إشبعوا فيها لطم ... ليس هذا دفاعاً عن (علي) فإعتذاره إقرار بالخطأ ورغبة بعدم الرجوع إليه ... الحاصل شنو ؟؟؟ صحيح في ناس تحس الموضوعية في تناولهم القضية لكن واحدين تحس المرارات الشخصية وليس الدفاع عن حق في مداخلاتهم وواحدين تلقاهم داخلين في جُل البوستات ... حاصل شنو ؟؟؟ وعشان مايجي زول وينط ليك ويقول ليك إنت رأيك شنو وجلابي والإسطوانة المشروخة دي أنا أقول إني ضد ما جاء بكلام (علي) ... ولكني أيضاً ضد كترة السكاكين !!!!

حينما يرتكب مثل هذا الخطأ من ( شاب ... مستنير ... مثقف ..) يكون رد الفعل بنفس الحجم ....لأنه أتي من شخص يفترض أن يكون في الخندق المعادي للعنصرية
ومن شخض قيادي في منظومةضد التعالي العرقي والديني والعنصري
لذا جاءت الادانة مشددة,........
وصفك لعلي عمر بأنه

Quote: غير عنصري

يثير السخرية !!!!! فعنصرية الرجل جاءت عارية وفجة ومفضوحة.....
.........نعم نرفض تصفية الحسابات السياسية والتشفي عبر الحادثة ولكن
هذا لايقلل خطورتها أو ينفي ضرورة التصدي الحاسم لها

Quote: الاخ احمد موسى ... الادانة لما صدر من الاخ علي ليست لشخصه بقدر ما هي ضد الفعل الذي صدر منه.

ودي الموضوعية (عزاز) الذكرتها ببداية البوست من وجود آراء تتسم بالموضوعية ... لكن لم تخلوا عدد من المُداخلات من (الغرض) ... نعم (علي) أخطأ ولم يترك لنا ما نسنده به كما قالت ـ بحق ـ الصديقة (هادية) ... ولكنه بحسب ما قرأت إعتذر ... ولنا أن نطالبه بإعتذار مكتوب في إطار محاولة جبر الضرر النفسي للصديق (عادل بلير) ... وإن كان لا تكفي كل أوراق العالم لذلك ولكن كلنا (خطائون) وخيرنا التوابون ...(علي) أنا أعرفه جيداً ... ليس عُنصرياً ولن يكون ولو أراد ... ولكنها هفوة ضيق أتمنى أن يتحمل وزرها ولكن ........ بموضوعية

الاستاذ المحترم احمد موسى
للاسف الشديد انطباعك هذا عن المدعو على عمر عاطفى جين قلت:

"...(علي) أنا أعرفه جيداً ... ليس عُنصرياً ولن يكون ولو أراد ."

هذا ما نتمناه من من نحبهم و نعز فيهم, لا يمكن لا اى مننا معرفة ما يدور فى دواخل الاحبة. لا يحق لحد ان يطالب اصدقاء عمر و اقرباءه او من يعرفونه جيدا كرهه, لان ذلك يدخل فى صميم العلاقات الشخصية و القرارات الفردية, لكن استاذ احمد, الوقوف ضد العنصرية مسالية مبدائية و لا يقبل ال double-standard و لا تجزء(pick and choose). هذا هو سبب ال bruhahhaahaa ال انت شايفو فى البورد. و انا اعتبر الرد السريع من الحزب الليبرالى و ابتعادهم من هذا الشخص كان سليما. لقد قال ما قاله من اجل إلحاق اسوء ضرر معنوى بعادل فيلب, فقط العنصرى هو القادر على تفوخ بذلك اللفظ.
هل يعقل ان يكون هذا الرجل قد مكث زمنا من الوقت فى اميريكا و لم يتعلم معنى التحسس العرقى.

Quote: .........نعم نرفض تصفية الحسابات السياسية والتشفي عبر الحادثة ولكن هذا لايقلل خطورتها أو ينفي ضرورة التصدي الحاسم لها

(كمال) ... لهذا إفترعت هذا البوست ... (علي) أخطأ ؟؟؟ ... نعم ... الخطأ كبير ؟؟؟ بلاشك ... ومتعاظم ولكن هذا لا يمنحنا الحق في تمرير مشروعات إغتياله سياسياً ...ولا نسمح بأن يكون مدخلاً لتصفية حسابات سياسية خارجة إطار المُشكل ....

Quote: يا احمد موسى على زول صاحبنا وعارفين ما عنصرى ولا شاتام لكن ده سلو البلد هنا الظاهر وبعدين هو ما ساب لينا شنو ندافع بيهو عنه؟ يا على عمر انا متضامنه كامل التضامن مع الشتمتهم وسبيتهم شتيمة لا تليق بيك ولا بيهم ومبدئيا ارفض النعت والشتيمة والانقاص من الشخص والاهانات والتشكيك وجر الشكل

وأنا معاك يا (هادية) لو شعرت للحظة أن (علي) هو كما يحاول البعض تصويره لإبعاده عن العالم الإسفيري والحياة العامة لما إهتممت ولكني لعلمي به وبإخلاقة ووعيه أقول ما يسمع الكل هنا
...
...
...
وأنا معك ضد الشتم والإساءة والسباب الذي تم...

أها :
(7)

متى استعبتم الناس ولقد ولدتهم اماتهم احرارا ياناس الحزب الليبرالى

ساعة الفتح :

11-04-2008, 06:19 م

{إبن حلال يفتح البوست}

العالم دى مسكت الضنب وخلت الراس

لا تزال الاسباب والدوافع والتى من اجلها كتب الكلام العنصرى لا زالت موجوده وتتفاقم بشده مع الزمن

الكلام القالو ( نط ) من جواهو لى اصابعينو ومنها الى المنبر
لكن هنالك الكثير من الكلام ما ( نط ) ولكنه يتقال تحت تحت.....

عبارات مثل خاين ومزور وعميل وكلب وكزاب ووووو كلها اكثر خطوره من كله ( عب )
لان تداول القبيح من القول لن يؤدى الا الى قول فبيح اخر
الراجل اعتزر .. لكن لا تزال المشكله ( on )

Quote: عبارات مثل خاين ومزور وعميل وكلب وكزاب ووووو كلها اكثر خطوره من كله ( عب ) لان تداول القبيح من القول لن يؤدى الا الى قول فبيح اخر الراجل اعتزر .. لكن لا تزال المشكله ( on )

Quote: سلام والله البورد كلو عمر علي معقوله عليكم الله لمو المواضيع دي كله في بوست واحد Mohamed

Quote: لكن استاذ احمد, الوقوف ضد العنصرية مسالية مبدائية و لا يقبل ال double-standard و لا تجزء(pick and choose). هذا هو سبب ال bruhahhaahaa ال انت شايفو فى البورد

معك صديقي (زكريا) فيما ذكرت ... نعم التعصب للعنصر مذموم ومرفوض ... ولكني أعرف التربية الإجتماعية والبيئة التي نشأ بها ... هي أبعد ماتكون عن ذلك ... ولم أدافع عن خطأه ولن أفعل ... بل قلت إن كل أوراق الأرض لن تفي الأخ (عادل) حقه ... ولكنني وقفت فقط ضد المداخلات والبوستات التي نًبت مشانق وليس دفاعاً عن كلمة حق ... بل إراد ــ بعضهم ــ بذلك باطل....

(حُمّيدة) لم نختلف في كون (علي) أخطأ ولكن الإختلاف في عدم إمتطاء الخطأ جواداً لتصفية الحسابات بين أعضاء المنبر .... هل في ذلك القول عيب ؟؟؟ ولايقوم ذلك سبباً لكل من كانت له ضغائن ما بزمان ما ليفترع بوستاً بذات المعني لتصير المسألة أقرب للحرب المدروسة منها لمعالجة خطأ ...

Quote: حُمّيدة) لم نختلف في كون (علي) أخطأ ولكن الإختلاف في عدم إمتطاء الخطأ جواداً لتصفية الحسابات بين أعضاء المنبر .... هل في ذلك القول عيب ؟؟؟ ولايقوم ذلك سبباً لكل من كانت له ضغائن ما بزمان ما ليفترع بوستاً بذات المعني لتصير المسألة أقرب للحرب المدروسة منها لمعالجة خطأ

..
..

احترم رأيك .. بس ما بقدر امشي معاك ابعد من كدا ..

احمد موسى سلام

تصفية حسابات مع علي ؟؟

هو علي كان عندو تار مع منو ؟؟

بالمناسبة

البوستات الاتفتحت من غير اعضاء الحزب الليبرالي اكثر بكثير وقبل ان يكتب اي منهم او منهن بوستا واحدا ... لكن ما يحدث هو استعراض وتمثيل من قبل عضوية الحزب الليبرالي بدعم كبير من بكري ابو بكر حذف كل بوستات الاعضاء الاخرين والابقاء فقط على اعضاء الليبرالي

غالبية البوستات التي اشرت اليها هي لهم في حين يظهر انهم هم الوحيدون الذين ضد العنصرية رغما عن انها جاءت من عضو المكتب الاعلامي للحزب الليبرالي


يبقى هل تصفية الحسابات تتم بين اعضاء الحزب الواحد ؟؟

لا اعتقد

الامر لا يعدو ان يكون احد وسائل العنصرية القذرة

علي عمر قال انه غير نادم على قوله

Quote: احترم رأيك .. بس ما بقدر امشي معاك ابعد من كدا ..

ما إختلفنا ....

هالك دا برضو يا صديق الشاب المستنير الذى يسمى الناس عبيد لسواد لونهم:

و دا ليبرالى ود العـــرب وييين ... سنه يا ولد

بكرة ممكن يقول لى نور تاور يا خادم اذا اختلف معاها، الفرق شنو بين بلاير و نور تاور
هو الفرق شنو بينا كلنا لو لا الضلال و خيلاء النفس و الاوهام، كلنا عند العرب و البيض مجرد عبيد.

Quote: احمد موسى سلام تصفية حسابات مع علي ؟؟ هو علي كان عندو تار مع منو ؟؟ بالمناسبة البوستات الاتفتحت من غير اعضاء الحزب الليبرالي اكثر بكثير

(ود العُمدة) أنا ماحددت ولا بقدر أحدد جهة معينة مُستهدفة شخص ... بس بستغرب للبوستات ... والمُداخلات وواحدين شايلين رايهم وكايسين بيه ... في الموضوعيين ...نعم ... لكن أنا بتكلم عن غيرهم ...
...
...
...
ملحوظة :[/B]
أنا أختلف معك في تفسير القول القائل بشعور (بكري) بدونية تجاه (عادل) والذي ورد لك ببوست لا أذكره الآن ... وذلك لسببين أولهما (عادل) لايمتلك تمييزاً عن بكري ... ثانيهما لو شعرت أنا بدونية تجاه عضو بمنبري لخسفت به الأرض بأول سانحة لا أن أجعله باق حتى يذكرني بتلك الدونية (ولاشنو) ؟؟؟

Quote: هو الفرق شنو بينا كلنا لو لا الضلال و خيلاء النفس و الاوهام، كلنا عند العرب و البيض مجرد عبيد.

الميزان العنصري الأعور!

Quote: وقبل يويمن لما اصبحنا ولقينا المنبر ده كله بيكورك ضد هباني وعشان تمبس برضوا كان في موقف موحد تجاه سلوك محدد فلماذا لم تعترض

ماها دي المشلكة (تراجي) لمن هشام غلط في تمبس أنا شخصياً رديت ليه في (نفس) البوست وما لفحت مفاتيح كيبوردي وقلت أها جنازة ونشبع فيها لطم ... ولمن قريت إيقاف هشام تمنيت ومازلت يكون خبر غير صحيح ... أنا لا أكيل إلا بمكيال واحد وإن كان معطوب أُختي (تراجي)