النقيب/جمال محمود المسئول عن تمويل المعارضة التشادية يكشف تورط السودان في الأزمة التشادية(صورة)

النقيب/ جمال محمود محمد

Quote: Un officier soudanais de haut rang, utilisé depuis 2001 à remettre de l'argent liquide aux mercenaires et aux Djandjawids, a eu ras-le-bol et a déserté les rangs de l'armée soudanaise avec deux mallettes d'argent estimé à plus d'un milliard de F CFA pour manifester son courroux face à l'attitude du régime d'Oumar Hassan Elbéchir. « Je m'appelle Djamal Mahamout Mahamat. Je suis un capitaine de l'armée soudanaise. Je m'occupe de tout ce qui concerne le financement des mouvements rebelles menant des activités militaires contre le Tchad. Je suis aussi chargé de financer les activités des Djandjawids. J'ai observé que le Soudan utilise abusivement l'argent du peuple pour massacrer la population du Darfour et déstabiliser le Tchad qui est pays voisin. L'objectif des autorités de mon pays est de créer le désordre dans la région ouest soudanaise et de profiter de sa richesse. J'estime que c'est inhumain. C'est pourquoi, après 7 ans d'exercice, je ne peux plus continuer à servir le régime soudanais. Cet argent appartient au peuple soudanais et il doit s'en servir. Si j'ai un appel à lancer, c'est de demander aux autorités soudanaises de mettre fin à ces actes inhumains. Je demande également à la communauté internationale d'agir en conséquence pour éviter le risque de déstabilisation de toute la sous-région.»

المصدر:صحيفة الوحدة التشادية

يا محمد سلامات

دي ترجمة سريعة

Quote: كبار ضباط الجيش السوداني ، والذين استخدمو منذ عام 2001 لتحقيق النقدية الى المرتزقه والجنجويد ، وبنك الاحتياطى الفيدرالى قد فروا من صفوف الجيش السوداني مع حقيبتين من المال تقدر بنحو أكثر 'مليار فرنك . الاتحاد المالي الافريقي إظهر غضبه إزاء الموقف من نظام عمر حسن البشير. "اسمي جمال محمد محمود . انا نقيب في الجيش السوداني. لي التعامل مع كل الاحترام لتمويل حركات التمرد تشارك في انشطه عسكرية ضد تشاد. كما انني مسؤولة عن تمويل انشطه الجنجويد. انني لاحظت ان السودان واساءة استخدام الاموال من الناس لمذبحة اهل دارفور وزعزعة الاستقرار في تشاد ، وهي بلد مجاور. الهدف من السلطات في بلدي هو خلق الفوضى في المنطقة الغربية السودانية والاستفادة من ثرواتها.[/B] وأرى انه عمل لا انساني . وهذا هو السبب ، وبعد 7 سنوات من الخدمة ، لم يعد بوسعي أن اخدم النظام السوداني. ان المال ملك للشعب السوداني . إذا كان لي ان اطلق نداء ، مطالبا السلطات السودانية لوقف مثل هذه الاعمال اللاانسانيه. كما ادعو المجتمع الدولي الى التصرف لتجنب خطر زعزعة الاستقرار في المنطقة دون الاقليمية برمتها. "

_
بس يعني سعادتو ده ضميرو صحا بعد سبعة سنين !!
و لما ضميرو صحا ما قال غير الكلمتين ديل !!

Quote: كبار ضباط الجيش السوداني ، والذين استخدمو منذ عام 2001(( لتحقيق النقدية)) الى المرتزقه والجنجويد ، وبنك الاحتياطى الفيدرالى قد فروا من صفوف الجيش السوداني مع حقيبتين من المال تقدر بنحو أكثر 'مليار فرنك .

الاتحاد المالي الافريقي إظهر غضبه إزاء الموقف من نظام عمر حسن البشير.

"اسمي جمال محمد محمود . انا نقيب في الجيش السوداني.


(( لي التعامل مع كل الاحترام)) لتمويل حركات التمرد تشارك في انشطه عسكرية ضد تشاد. كما ((انني مسؤولة ))عن تمويل انشطه الجنجويد. ((انني لاحظت)) ان السودان واساءة استخدام الاموال من الناس(( لمذبحة)) اهل دارفور وزعزعة الاستقرار في تشاد ، وهي بلد مجاور. الهدف من السلطات في بلدي هو خلق الفوضى في المنطقة الغربية السودانية والاستفادة من ثرواتها.

وأرى انه عمل لا انساني . وهذا هو السبب ، وبعد 7 سنوات من الخدمة ، لم يعد بوسعي أن اخدم النظام السوداني. ان المال ملك للشعب السوداني . إذا كان لي ان اطلق نداء ، مطالبا السلطات السودانية لوقف مثل هذه الاعمال اللاانسانيه. كما ادعو المجتمع الدولي الى التصرف لتجنب خطر زعزعة الاستقرار في ((المنطقة دون الاقليمية برمتها. ))"


ترجمة




_

شكرا يا أستاذي/ محمد سعيد أحمد على الترجمة

نوبيان .. مرحب بيك ياخي..
شكرا يا الكلس على الترجمة..
نزلت الموضوع بالليل وأنا في آخر نفس، كان لازم أنوم عشان وراي سفر الصباح..
لكن كنت متأكد حيجي أخو بنيات بوراي يترجم الخبر..
كتر خيرك يا مان..

Quote: بس يعني سعادتو ده ضميرو صحا بعد سبعة سنين !! و لما ضميرو صحا ما قال غير الكلمتين ديل !!

أنتو يا كافي البلاء الزول كان ضميروا صحا ما بيخارج معاكم وكان فضل نايم برضو ما مغطي؟
ياخوي زولي شكله داير يؤمن مستقبله بالمليارات الأربع أوالست المختلف حولها..
حلالات عليه ياخي ثمن دواء الأطفال وقفة ملاح أسر الجياشة المساكين..

والله أكان عيوني دي مابتشوف طشاش الليلة ... ده جمال ود ملاح ( نسبو يرجع لعائلة آل ملاح الغنيين عن التعريف ) وهو من سكان العباسية أم درمان محطة سنادة تقاطع الأربعين ثالث بيت على يدك الشمال وأنت متجه شرق ( تعداد سكاني يابعيد ) قبل بيت الرياضي المطبوع جعفر حسين وكان دفعتنا في الجامعة ومابستبعده عليهو يبيع الكيزان هسه لأنو في يومٍ ما باع أصحابو للكيزان من أجل تلاتة دبابير وكان لقبو الجاسوس ... عامل معارضة ويهتف ضد الكيرزان وفي نهاية الجامعة لقيناهو كوووووووووز قاطع ... وفي الكلية الحربية كمان في فترة مايقبلوا فيها إلا من كانت له توصيةمن النوع أبو جلمبو .. سبحان الله غايتو الدنيا دي مامضمونة نوهائياً ... يابت حيمورة الحقي جمال مان ......
وأنا من زمان مستغرب أقول البرادو جات من وين ؟؟؟ حسبي الله ونعم الوكيل .. ياناس الزول كايس ليهو لجوء شكلو ..

Quote: والله أكان عيوني دي مابتشوف طشاش الليلة ... ده جمال ود ملاح ( نسبو يرجع لعائلة آل ملاح الغنيين عن التعريف ) وهو من سكان العباسية أم درمان محطة سنادة تقاطع الأربعين ثالث بيت على يدك الشمال وأنت متجه شرق

عيونك ما طشاش .......

شكرا على المرور أستاذ/ SAMIR IBRAHIM

أخونا/ هيثم لبيب .. سلامات..

Quote: والله أكان عيوني دي مابتشوف طشاش الليلة ... ده جمال ود ملاح ( نسبو يرجع لعائلة آل ملاح الغنيين عن التعريف ) وهو من سكان العباسية أم درمان محطة سنادة تقاطع الأربعين ثالث بيت على يدك الشمال وأنت متجه شرق ( تعداد سكاني يابعيد ) قبل بيت الرياضي المطبوع جعفر حسين وكان دفعتنا في الجامعة ومابستبعده عليهو يبيع الكيزان هسه لأنو في يومٍ ما باع أصحابو للكيزان من أجل تلاتة دبابير وكان لقبو الجاسوس ... عامل معارضة ويهتف ضد الكيرزان وفي نهاية الجامعة لقيناهو كوووووووووز قاطع ... وفي الكلية الحربية كمان في فترة مايقبلوا فيها إلا من كانت له توصيةمن النوع أبو جلمبو .. سبحان الله غايتو الدنيا دي مامضمونة نوهائياً ... يابت حيمورة الحقي جمال مان ...... وأنا من زمان مستغرب أقول البرادو جات من وين ؟؟؟ حسبي الله ونعم الوكيل .. ياناس الزول كايس ليهو لجوء شكلو ..

والله يا أستاذ/ لبيب نظرك شكله 6/6 (ماشاءالله تبارك الله)
شايف في شهيدين من رجالكم أكدوا كلامك تب..
يتخبل ياهو زولك ظاتووووووووووووو..
قلت لي كمان فيها برادو..باقي لي اللخو سافيها من زمااااان..
أنا بتهمني 3 حاجات في الموضوع دا كله..
أولها: رغيف المساكين ودواء أطفالهم يرجع ليهم بشكل أو بآخر وبأسرع ما يمكن..
تانيا:يكون السيد جمال برادو صادق في مزاعمه ويطلع يفند للرأي العام الإقليمي والدولي تورط السودان في نسف الإستقرار في تشاد بالأدلة، مش يكتفي بالإدلاء بتصريح لإذاعة مغمورة مثل الإذاعة التشادية لا تكاد تسمع خارج نطاق أنجمينا. الكل يعرف تورط السودان في الأزمة التشادية واتكلمنا هنا في الموضوع دا لمن صوتنا بح ، لكن طالما سعادتو كان مسئون عن إمداد المعارضةالتشادية اليتكرم وينور بصيرتنا ويؤكد لينا معلوماتنا السماعية والتحليلية عشان ذاتو نتهم السودان بعين قوية وأدلة دامغة وخشم مليان..
ثالثا: وطالما سعادتو احتمى بتشاد ونظام ديبي والتحق بجناح بحر إدريس أبو قرجة ويقيم الآن في أدري التشادية كما تتحدث الأخبار فسيعرف بالتأكيد زملاؤه في الجانب التشادي من المسئولين عن دعم المعارضة السودانية . وطالما أن الرجل أخرجته من دياره مؤامرة السودان ضد الآخرين وزعزعة استقرار دول الجوار فسيصحى ضميره مرة أخرى وينأى بنفسه عن الإرتماء في أخضان النظام التشادي .. الإ اللهم كان ضميرو دا مزدوج الفعالية..


شكرا يا لبيب

Quote: أولها: رغيف المساكين ودواء أطفالهم يرجع ليهم بشكل أو بآخر وبأسرع ما يمكن.. تانيا:يكون السيد جمال برادو صادق في مزاعمه ويطلع يفند للرأي العام الإقليمي والدولي تورط السودان في نسف الإستقرار في تشاد بالأدلة، مش يكتفي بالإدلاء بتصريح لإذاعة مغمورة مثل الإذاعة التشادية لا تكاد تسمع خارج نطاق أنجمينا. الكل يعرف تورط السودان في الأزمة التشادية واتكلمنا هنا في الموضوع دا لمن صوتنا بح ، لكن طالما سعادتو كان مسئون عن إمداد المعارضةالتشادية اليتكرم وينور بصيرتنا ويؤكد لينا معلوماتنا السماعية والتحليلية عشان ذاتو نتهم السودان بعين قوية وأدلة دامغة وخشم مليان..

يؤسفني أنو أقول ليك أنسى الكلام ده ..
مافي قروش راحت أو بالمعني الصحيح أتلحست جات راجعه مع ناسنا ديل ...وزولي ده أنا عااااااااااااااارفو مابيرجعه .. وبعدين ماتنسى فيهو دماء كيزانية لسه ومربا كيزان وبالنسبة ليهم فلوس البلد حلال .. والله الواحد مازعلان إلا على الناس الزي ديل أها أخره شنو .. غايتو نشوف ...
زمان كان بشاغلو ببيوت شعر ماعارف جبتها من وين .. اها هسه أنطبقت عليهو مع الكيزان .. أتذكر منها التالي ...

وأنت راجع في المغيرب ...
ليك عشيشاً كنت حاضن فيهو طيرك ...
وأنت راجع في المغيرب ...
تلقى طيرك حاضنو غيرك ....

أها أخونا حضن الحضنو وطار ...

Quote: وكان دفعتنا في الجامعة ومابستبعده عليهو يبيع الكيزان هسه لأنو في يومٍ ما باع أصحابو للكيزان من أجل تلاتة دبابير وكان لقبو الجاسوس ... عامل معارضة ويهتف ضد الكيرزان وفي نهاية الجامعة لقيناهو كوووووووووز قاطع ... وفي الكلية الحربية كمان في فترة مايقبلوا فيها إلا من كانت له توصيةمن النوع أبو جلمبو .. سبحان الله غايتو الدنيا دي مامضمونة نوهائياً ... يابت حيمورة الحقي جمال مان ......

جمال .. من اوائل الناس الصاحبناهم في الجامعة وكانت مهمته الاولى والاخيرة اعداد (طشت) البوش ..


فعلا في النهاية طلع خائن ذي ما قال هيثم لصداقتنا .. وما بعيد يخون بلده ..


خلي الييخم ويصر دا انتهازي ساي..

نعوم .. إزيك (أمي أنا)..
إنشاءالله حرقت تش؟ ربنا يواليك بالعافية وتقومي لينا بالسلامة.

Quote: جمال .. من اوائل الناس الصاحبناهم في الجامعة وكانت مهمته الاولى والاخيرة اعداد (طشت) البوش ..

غايتو شنافة جنس تشنف غايتو
هسع جمال ملاح دا ما لقيتي ليه شيتا سمح في صحوبية الجامعة دي كلها غير طشت البوش.. بس إنشاءالله كان بيدفع الشيرنق
كدي ارجعي بالذاكرة مافي أي حاجة سمحة تشفع ليه عندك غير طشت البوش دا؟
خلطة مولينكس كاربة في المين .. ولا ركن نقاش سمح كدي في شجر آداب فيه كلام المثقفاتية داك.. كدي باصريها عليك الله .. فيك الخير..

Quote: خلي الييخم ويصر دا انتهازي ساي..

جمال بوش بتاعك دا الحبه ما بتجيه .. نخم ونصر نحنا ديل..



كيس إنو استدعينا ليك ذكرياتك..

محمد نور ..

ازيك .. وكيف اخبارك ...


شكرا لايراد الخبر

صحي ضميره الآن..ما شاء الله عليه..،وما الجديد..؟ يتحدث عن شيء مفرغ منه .. فالكل يعلم هذا ..ولو لم يكن للسودان دور ..لما وصل ديبي للسلطة..ولما وصل قبله حبري للسلطة.. والكل يعلم أن تشاد تقوم بنفس الدور..ولكنها لم تجد من يصل الخرطوم ويستلم زمام الأمور..
اذا كان صادقا في ما يقول.. عليه القول بكل الأفعال التى تحدث هناك وهو الملم بكل التفاصيل..

Quote: اذا كان صادقا في ما يقول.. عليه القول بكل الأفعال التى تحدث هناك وهو الملم بكل التفاصيل..

دا كلام مهم عشان المسألة ما تبقى أي زول خت عينو على مال عام داير يلهفه يجي يعمل لينا فيها الشريف الرضي ويعملها نضال وكلام كبار كبار..



حبابك أخونا صلاح الفكي..

الزول دا بيكون عارف أسرار كثيرة، خلو صحوة الضمير تتواصل ويطلع المغطي وملان شطة

شكرا محمد نور
محزن ان يتورط امثاله من غير المحتاجين فعلا لدخول في اعمال
وسخة مثل الانتماء للجيش السواني في ظل الكيزان :

Quote: ده جمال ود ملاح ( نسبو يرجع لعائلة آل ملاح الغنيين عن التعريف )

حسه يجيوا الجلابه يشفوا خدرته دي يلصقوا لك في ناس دارفور ..وبكره تسمع انه ناس الآمن و المسؤلين
من التعذيب اغلبهم من ناس دارفور ...وهم ياهم زي ناس جمال ديل!!

أختنا تراجي .. إزيك ..

Quote: محزن ان يتورط امثاله من غير المحتاجين فعلا لدخول في اعمال وسخة مثل الانتماء للجيش السواني في ظل الكيزان :

الكلام الفوق ما بيخصني كتير، لكن في رأيي عدم حوجته كان مفروض تحوشه من السرقة مش من الدخول في الجيش..
لكن بيني وبينك حسب كلام الناس الفوق من أصحابه البيعرفوه زولك دا مارق للربا والتلاف.. فما تستغربي

Quote: حسه يجيوا الجلابه يشفوا خدرته دي يلصقوا لك في ناس دارفور ..وبكره تسمع انه ناس الآمن و المسؤلين من التعذيب اغلبهم من ناس دارفور ...وهم ياهم زي ناس جمال ديل!!

جزء من كلامك دا حصل وانتهى قبيييييييييل ..
كدا راجعي المداخلات التحت ..

حبابك ألف.

Quote: الزول دا بيكون عارف أسرار كثيرة، خلو صحوة الضمير تتواصل ويطلع المغطي وملان شطة

مرحب بيك أستاذ/ نصر وحبابك ألف وحباب صحوة الضمير..

Quote: جمال .. من اوائل الناس الصاحبناهم في الجامعة وكانت مهمته الاولى والاخيرة اعداد (طشت) البوش ..

غايتو يا أنعام أتذكرتي لينا حاجة عجيبة ... لكن ماكان بيظبته مية مية أتاريه من زمان زول فتت ولوغيس .. غايتو هسه القروش دي يكون كمله في الفتة بس والبوش ... أو إحتمال أداها لعمك بوش علشان اللجوء وكده .. دليل دامغ ... بيعمله بيعمله هههههههههههه ...

Quote: حسه يجيوا الجلابه يشفوا خدرته دي يلصقوا لك في ناس دارفور

تراجي سلام وسلامتك ياخي اظن طقونا سوا


والله الزول دا لاصق لاصق ...


كدي يا هيثما تعال افتي لينا في الحتة دي !!

Quote: كدي يا هيثما تعال افتي لينا في الحتة دي !!

الأخت تراجي ... وإنعام بت حسن ... من ناحية لاصق لاصق هو لاصق لاصق ... الراجل من ناس ملاح وأنا دخلت بيوتهم كلها إبتداءاً من العباسية ومروراً بالثورة 11 بيت جدو أبو أبوه ولينا جلسات مع عمو عبد الرازق أو عبد الرزاق والراجل كان معارض أبو لستك .. ونهايةً ببيت عمتو في حي الزهور واللي هي زوجة عازف كمان مخضرم في السودان .. والراجل شايقي من أبوه وأمو من جنوب السودان رطانية بس ياتو قبيلة ماعارفة والله ... بس والله نعم الأم ومرة بت رجال وست واجب وكريمة ... وتعرفنا بالإسم وماحصل شفنا منها قصور ربنا يديها العافية... صحي النار بتخـ..رى الرماد .. يعني شايقي أصيل .. فما أظن في فكة .. ولمن أتزوج من واحدة زميلتنا أنحنا الوقت داك في ثالثة تقريبا وهو ربد في تانية اها قامت الدنيا في بيتهم وقعدت وعرسو كملناهو ليه شيرينج ... وعندو أوضة في بيتنا لهسه إسمها أوضة جمال ووضع أبنتو الأولى في بيتنا ... بس دارفوري ما أظن جنوبي ما أظن .. شايقي أكيد وأقولها بالفم المليان ... وأخوانو ياسر والصغير ما متذكر إسمه ولكن بصراحة ماعرفناهو كوز إلا بعد ما أنتهينا من الجامعة أحلى شي .. الإجتماعات بتاعت شباب التجمع كانت بتكون في بيتهم مرات وتاني يوم الناس تجي تلقاها معلقة على الحائط ...... ههههههههههههههههههههه ... أيام... ومرة من المرات دخل بيت واحد صاحبنا الله يديه العافية الساعة 2 صباحا وعذرو ناس الأمن ساكينو ... 2 ونص ناس الأمن دقوا الباب وساقوهم الأتنين ... أيام .. أيام والله ... بعد خلصنا الجامعة وأنا سافرت أكتشفنا القصة دي بعد ركب دبورتو أول نزلة لي السودان مشيت ليهو البيت وقلت ليه قبل السلام ياجاسوس ده شنو الهببتو ده ... ضحك وقال لي الدنيا عاوزة كده يامان .. وطبعاً MAN كان لقبو لأنو جنو يقولها ... غايتو يابت حيمورة طلعتي ليك حاجت غريبة مننا ... وماخفي أعظم ... يازولة ماهي سايبة ... وأنقلب السحر على الساحر ...

Quote: ومرة من المرات دخل بيت واحد صاحبنا الله يديه العافية الساعة 2 صباحا وعذرو ناس الأمن ساكينو ... 2 ونص ناس الأمن دقوا الباب وساقوهم الأتنين

هههههههههههههههههههههه


والله ايام !!

ه

يثم وانعام..
شايفكم عملتوا الحالة واحدة واخدتوا البوست على حسابكم..؟
صاحبكم يخطف قروش المساكين وانتو تخطفوا بوستات الناس .. عاد ما كل خطف

يا شباب ده زول زي ماقلتو (خان) أصحابوا زمان و(خان) طشت البوش البيسناتهم و(خان) إجتماعات التجمع وهسع (خان) الخيانة الكان فيها (سبع سنوات عجاف) ... يعني ده بير حيانة متحركة ... طيب نحن الغشميمين ديل شنو البجبرنا نصدقوا ؟؟؟؟

، وبعد 7 سنوات من الخدمة


جمال دا البعرفو انه في الجيش من سنة 1999

يعنى ليه اكتر من 7سنين

أخونا أحمد موسى ،،،

تعرف دقيت لي وتر حساس .. انا غايتو الزول ده كان حلف لي جوه الحرم جار الكعبة مابصدقوا وغايتو بشك أنو القصة كلها مفبركة ولشي في نفس يعقوب .. ده ماينفي أنو لحس الكنجالات دي بس برضو لشي في نفس يعقوب ونفس الكيزان .. والأيام كفيلة تورينا ... يمكن عاوز يعيد المسلسل بتاع الجامعة ... !!!!

Quote: طيب نحن الغشميمين ديل شنو البجبرنا نصدقوا

يعني إنت كنت ناوي تصدقوا يا أستاذ/ أحمد ؟ ياخي بتبالغ يااخي..


شكرا على مرورك من هنا..

استاذ احمد موسى .. أهة دي الخيانة العظمى البي راسها وقعرها ودا تفسير واضح لكل البعمل فيه دا ..


صورة حديثة تظهر الضابط الهارب بمرتبات جنود قوات الشعب ا...ولاية غرب دارفور ...

تسجيل لمكالمة صلاح قوش مع قائد المعارضة التشادية يحثه ...ضرب انجمينا من جديد

صاحبنا بيحسب في قروشه سااااااااكت والجيش بيقول القروش ما معاه

يا محمد نور أحمد كتلتنا بالضحك .... أقصد الجلابة كتلونا بالضحك ....

الضابط طلع زميلهم بالجامعة و من ناس ود ملاح و أكل معهم الملح و الملاح و ... طشاتة بوش ....
أها .... بعد ما إتذكروه كويس ... إنتبهوا لفعلته و نكروه و تبرأوا و إستبرأوا منه .....
و كأنه أو ل و آخر ضابط جلابي موكل بتأجيج نار الفتنة و القتل بدارفور و تشاد بالكاش ....
جيش المرتزقة الذي يسمي بالجيش السوداني و الذي كل قادته من الجلابة .... من خططه و أهدافه إستمرار نيران الإبادة لتلتهم أهل دارفور ... فيدفعون الكاش للجنجويد المأجورين ...
أتذكرون حادثة تحطم مروحية بدارفور و مقتل ضباط كبار فيها ..ز و تم العثور علي أكياس و جوالات ملأي بالكاش ( لزوم الدفع للجنجويد ) .؟؟؟
الشكوي المقدمة بواسطة المدعي العام للمحكمة الجنائية الدولية ضد أحمد هارون أنه كان يملأ طائرات بالكاش و الأسلحة و يقوم بتوزيعها علي الجنجويد بدارفور .
قبل أسبوع فقط أغار جنجويد علي مدينة الفاشر و نهبوا سوقها .... لأن الكاش من الحكومة لم يصلهم .

جمال بس هو الخائن ؟؟؟
و كمان يتفلسف هيثم لبيب أنو هو شايقي و أبوه شايقي أصيل لكن النار ( تخ... ) الرماد ... علي حد قوله ..
أوكي ... هل هؤلاء كلهم ( خ ) رماد : علي عثمان و أبوالجاز و صلاح قوش و و و ..؟

جمال هذا هو كنز معلومات .... و بالطبع سيخضع لإستجواب مكثف من قبل المخابرات العالمية و المحكمة الدولية ....

و أرجو أن لا ننخدع بال ( سطرين ) الذي صرح بهم أعلاه ..... فتلك لم تكن غير إشارة الي رؤسائه بالخرطوم و أماكن أخري : يا جماعة أنا وقعت ... شيلو شيلتكم !!!

Quote: و كأنه أو ل و آخر ضابط جلابي موكل بتأجيج نار الفتنة و القتل بدارفور و تشاد بالكاش ....

هسه بالله عليك في زول بيأجج فتن غيرك هنا في البوست ده ... الناس كلها دخلت وعلقت على الحركة الشينة والممكن تجي من أي زول .. إلا أنت أصريت توديها حتة غريبة جداً وانا من الناس الضد تقسيم الناس وتصنيفهم بالطريقة دي .. وبعدين أنت عرفتو بتاعابي كيفن لو مارديت أنا على الأخت تراجي وأنعام ... ؟؟؟

Quote: و كمان يتفلسف هيثم لبيب أنو هو شايقي و أبوه شايقي أصيل لكن النار ( تخ... ) الرماد ... علي حد قوله ..

يازول قول بسم الله هسه مالك انت الهبشك منو .. ونار شنو ورماد شنو وبنزين شنو أنت عارف شكلك بتختار الكلام المابيعجبك وتنشن عليه يازول قول بسم الله تاني .. أقرا كويس وبعدين بتعرف ليه الكلام ده نزل ..
وبعدين العمل ده أنا كاتبه والبخط العريييييض ( دي ماعرفت تكتب عليها على حد قوله ) الزول باع أصحابو ماغريبه عليه يبيع أي حاجة تانية ... كدي أرجع أقراها تاني بالله عليك ...
بالمناسبة ممكن تشرح لي كلمة بتفلسف في كلمتين أفهمهم لأنو فهمي على قدري ..

Quote: هسه بالله عليك في زول بيأجج فتن غيرك هنا في البوست ده ... الناس كلها دخلت وعلقت على الحركة الشينة والممكن تجي من أي زول .. إلا أنت أصريت توديها حتة غريبة جداً وانا من الناس الضد تقسيم الناس وتصنيفهم بالطريقة دي

الضابط جمال ، في رأي شخص غير جدير بالإحترام برغم خلافي مع الانقاذ في كثير من سياساتها الا انني ارأى بتصرفه هذا يعتبر عمالة وغير يؤتمن عليه ، فماذا دخل المؤسسة العسكرية في البدء وادى القسم اليها والذى هو للسودان وترابه ... ولماذا استمر كل هذه الفترة ..... ولماذ هرب بامانة التكليف العهدة المالية ولمن اعطاها ... ليد الحركات المسلحة ليقوى الة الحرب ام لمصلحته الخاصة ام للنظام التشادي العميل الذى دفع الوطن بسببه الكثير ، وياخوفى على وطني من ابنائه الخارجيين والحاكميين ولابد من ان تكون هناك تربية وطنية وخطوط حمراء فى العمل السياسي والله من وراء القصد

Quote: Author: democracy الضابط جمال ، في رأي شخص غير جدير بالإحترام برغم خلافي مع الانقاذ في كثير من سياساتها الا انني ارأى بتصرفه هذا يعتبر عمالة وغير يؤتمن عليه ، فماذا دخل المؤسسة العسكرية في البدء وادى القسم اليها والذى هو للسودان وترابه ... ولماذا استمر كل هذه الفترة ..... ولماذ هرب بامانة التكليف العهدة المالية ولمن اعطاها ... ليد الحركات المسلحة ليقوى الة الحرب ام لمصلحته الخاصة ام للنظام التشادي العميل الذى دفع الوطن بسببه الكثير ، وياخوفى على وطني من ابنائه الخارجيين والحاكميين ولابد من ان تكون هناك تربية وطنية وخطوط حمراء فى العمل السياسي والله من وراء القصد

والله كلامك غير العقل الراجل خم قروش المساكين وداير يطلع بطل في نفس الوقت بالله خليهو يرجع قروش الغلابة بعدين نتفاهم في موقفو وامكن نقول ساعتا نقول يا سلام عليك

في هذه الحالة .. ضابط الجيش الهارب .. (كـــاذب) !!

جمال محمود الشهير بجمال مان حولااااااا

ايام يا هيثم ويا انعام

جمال كان الدفعة الورانا في الجامعة وكان عضو معانا في التجمع المعارض في الجامعة

وايضا كان عضوا معنا في منتدي رزاز الثقافي وفعلا كما قال هيثم كانت كل اجتماعتنا
تنشر في صحف الكيزان الحائطية في اليوم التالي.

وجمال ابوه شايقي فعلا من عائلة ملاح اما امه يا هيثم فهي كينية من قبيلة المساي.

وحسب معرفتي بجمال لا اشك مطلقا انه بعث في مهمة استخباراتية لزرعة وسط الحكومة
التشادية او المعارضة في دارفور فعليكم الحذر كل الحذر لانه كان مولعا بالمغامرات
منذ امد بعيد.