زهوري اليانعه ، إهـــــداء إلى : خدر .. تمبس .. صديق الموج

Post: #1
Title: زهوري اليانعه ، إهـــــداء إلى : خدر .. تمبس .. صديق الموج
Author: عمران حسن صالح
Date: 04-09-2008, 02:06 PM

إلى خدر (طارق أبو عبيدة ) ... لأنه أهدانا واحة (عن نفسي فعلت فيا العجب
هنــــــــــا :اسمعني نشيدكـ كيفما اتفق

إلى تمبس : لأنني أعرق جمال روحه مع رسالة مني تقول :
تمبس : انت زول سمح

ود الموج : هو من أهداني الإستماع إلى هذه الأغنية للفنان : أبو بكر سيدأحمد وهو أكثر من يستطيع (التداعي) حول كلمات الأغنية وصاحبها ومناسبتها والذي يؤديها هنــا

وإلى أصدقاء وزملاء الحوش : أبحثوا عن الجمال وانثروه ما استطعتم

Post: #2
Title: Re: زهوري اليانعه ، إهـــــداء إلى : خدر .. تمبس .. صديق الموج
Author: عمران حسن صالح
Date: 04-09-2008, 04:23 PM
Parent: #1

إلى المبدع خدر :
ما تملكه ليس لك وحدك ..
ضريبة سكنك بهذا الحوش لا تؤديها كما يجب ...
دع الكسل واعطنا مما أعطاك الله ...

Post: #3
Title: Re: زهوري اليانعه ، إهـــــداء إلى : خدر .. تمبس .. صديق الموج
Author: عبدالكريم الامين احمد
Date: 04-09-2008, 04:45 PM
Parent: #2

Quote: وإلى أصدقاء وزملاء الحوش : أبحثوا عن الجمال وانثروه ما استطعتم

كل التحايا والود اخي عمران
والف شكر علي هذا اللحن الجميل
ومعا من اجل جمال هذا المكان

Post: #4
Title: Re: زهوري اليانعه ، إهـــــداء إلى : خدر .. تمبس .. صديق الموج
Author: عمران حسن صالح
Date: 04-09-2008, 05:09 PM
Parent: #3

العزيز / عبد الكريم ....
لك التحية والود ....
Quote: ومعا من اجل جمال هذا المكان

Post: #5
Title: Re: زهوري اليانعه ، إهـــــداء إلى : خدر .. تمبس .. صديق الموج
Author: صديق الموج
Date: 04-09-2008, 05:32 PM
Parent: #1

عمران الجميل...
الا يكفى جوء الرياض هذا الايام وشدو خدر؟؟؟
يعنى قصدك تزيد جروح روحنا جروح
وانت براك عارف الغربة والكبر خففوا قلبنا!!
يا شفع نحن ماقدركم وكان لحقنا صبآنا وحاتك
رجعتنا قاسيه..
دحين بعد روضنا انفسنا على السجم دى (غير راضين طبعا)
واتيقنا وبقينا ناس اخره ما تقلبو الدراب تمرقولنا
العقارب...
عمران شكرن رن رن رن رن رن رن رن رن،،،

Post: #8
Title: Re: زهوري اليانعه ، إهـــــداء إلى : خدر .. تمبس .. صديق الموج
Author: عمران حسن صالح
Date: 04-09-2008, 05:51 PM
Parent: #5

العزيز ود الموج ....
Quote: يعنى قصدك تزيد جروح روحنا جروح

قصدي يا ود الموج :
تجي (تكبوا) الكلام الجميل هنا عن غُنانا وحاجاتنا السمحة ..
وتبعدونا عن أجواء الإرهاب .. والتخويف .. وسوس (السياسة ) ...وقتل الشخصيات (معنوياً) ..
وتصفية الحسابات على حساب .. تاريخنـــــــــــا ...
وننثر الجمال حولنا ...
Quote: عمران شكرن رن رن رن رن رن رن رن رن،،،

شكرن دي نقوله ليك نحن بعدين يا ود الموج بعد تجي تكمل (عواستك) هنــــــا ...
راجيك ..........

Post: #6
Title: Re: زهوري اليانعه ، إهـــــداء إلى : خدر .. تمبس .. صديق الموج
Author: هند محمد
Date: 04-09-2008, 05:37 PM
Parent: #1

يستاهلوا كل شئ جميل ..تقدير استاذ عمران
وربنا يديم المحبة بين القلوب

Post: #7
Title: Re: زهوري اليانعه ، إهـــــداء إلى : خدر .. تمبس .. صديق الموج
Author: على محمد على بشير
Date: 04-09-2008, 05:41 PM
Parent: #6

Quote: إهـــــداء إلى : خدر .. تمبس .. صديق الموج

انشاء الله يضووا ليك
والا يبقوا ليك اولاد عم

هو انا زاتى ما راجى لى هديه منك
قال تمبس والموج قال
طيب نسيت معتصم مالك

Post: #10
Title: Re: زهوري اليانعه ، إهـــــداء إلى : خدر .. تمبس .. صديق الموج
Author: عمران حسن صالح
Date: 04-09-2008, 05:59 PM
Parent: #7

المريخابي الودود على ..
إنت يا ود خالتي يا كافي البلاء كل ما نتصل عليك لا بترد ولا بترجع تتصل ...
Quote: طيب نسيت معتصم مالك

كسرنا ليهو تلج ( ببوست خاص ) وما هببوا لينا ..
عندي معاهو تار الله يقدرو عليهوا ..
خليهو بس يجي يرد هنا لأي واحد/ة ........
بالمناسبة أنا عارفك بالمكتب ..
بس حاول اسمع الأغنية وحتعرف كمية الجمال الفايتنا بسبب (المعارك الوهم هنا!!!! ).....

Post: #9
Title: Re: زهوري اليانعه ، إهـــــداء إلى : خدر .. تمبس .. صديق الموج
Author: عمران حسن صالح
Date: 04-09-2008, 05:54 PM
Parent: #6

شاعرتنا : هند
والتقدير لك سيدتي على كل الجمال الذي تنثريه هنا .....

Post: #11
Title: Re: زهوري اليانعه ، إهـــــداء إلى : خدر .. تمبس .. صديق الموج
Author: Muna Khugali
Date: 04-09-2008, 09:19 PM
Parent: #9

شكرا يا عمران..
علي زهورك اليانعه وقلبك الجميل..
وياريتهم يجوا يحكوا ويسعدونا بحكيهم..
بوست كله جمال...بداية منك..
والمهدي لهم..
ولأبوبكر سيد أحمد والذي فاتني حضوره في الخرطوم..

فقيل لي أن كثيرا من عمري قد ضاع مني..
وشكرا علي عمران الصغير في البروفايل..سلم لي كتير علي أمه..

Post: #12
Title: Re: زهوري اليانعه ، إهـــــداء إلى : خدر .. تمبس .. صديق الموج
Author: خدر
Date: 04-09-2008, 10:14 PM
Parent: #11

يا عمران يا اخوي والله حرام عليكـ تهيج علينا (الجاغريو) بي حالو ؟؟
يازول خاف الله في الخلوق دي
يا نسمات سلامي (سَحراَ) عرجيلا ,, اعملي احتياطي قبل دخول حَجيلا
وكمان تتخازز وجيلة .. يا لطيف يا لطيف

الجاغريو يا عمران انا سميتو اعظم اللاحقين .. اعاد ما تواري خلف (الانا) من جزل شعر الحقيبة
امي عاشه الله يرحمها ما فتئت تردد علي مسامعنا
يا البحر السطيت .. غيركـ مافي ذكري
كشفت العرائس العجوز و البكره
ويحاصر اللحن الحَنين مسامعنا و نحن ليه تيراب و انا من جني و غباي حتي وقت قريب خلته شِعرها
حتي ندمت و تبت لجبل الشعر و الموسيقا .. الجاغريو

بجيكـ راجع كان ربنا مد في الآجال

______
يا عمران تهدينا غنية و ما تورينا البغنيها منو ؟ اخت ليكـ قنبلة في البوست ده اسه

Post: #13
Title: Re: زهوري اليانعه ، إهـــــداء إلى : خدر .. تمبس .. صديق الموج
Author: عمران حسن صالح
Date: 04-10-2008, 07:15 AM
Parent: #12

فوق إلى أن (نكتح) شاي الصباح ....
فوق إلى أن نتأكد من (سبب) تواجد أحد الغائبين بالجوار ..
أظهر وبان يا ............ لذيذ

Post: #14
Title: Re: زهوري اليانعه ، إهـــــداء إلى : منى خوجلي
Author: عمران حسن صالح
Date: 04-10-2008, 08:05 AM
Parent: #11

الأخت الزميلة / منى خوجلي ...
تحيات واحترام :
Quote: شكرا يا عمران..
علي زهورك اليانعه وقلبك الجميل..
وياريتهم يجوا يحكوا ويسعدونا بحكيهم..
بوست كله جمال...بداية منك..
والمهدي لهم..
ولأبوبكر سيد أحمد والذي فاتني حضوره في الخرطوم..

فقيل لي أن كثيرا من عمري قد ضاع مني..
وشكرا علي عمران الصغير في البروفايل..سلم لي كتير علي أمه..

والشكر لمرورك سيدتي
والإهــداء موصول بالطبع لك انت ...
القصد ليس (تخصيص أسماء) فقط بل الأمر فيه رسالة للكل ..
فخدر يمثل أعلى قائمة شريحة كبيرة هنا ..
من موسيقيين وأدباء وشعراء
قل انتاجهم ومشاركاتهم وتركوا (كثير) من الزبد يطفو سواءً على مستوى هذا الحوش ..
أو حتى داخل مجتمعنا السوداني الجميل ..
غنى خدر هنا (وجاء) الأعمي شايل المكسر شاكراً حامداً وجود مثل جمال خدر بيننا ...
أين الآخرون ...؟؟؟؟؟؟؟؟
تمبس مثال لبعض المعارك (الوهمية) التي يخوضها البعض هنا ...
نعرف تمبس عن قرب .. نعايش حاجاته بكل تفاصيلها ...
فيه نبل وانسانية تحكي عنها دموعه في كثير من الأشياء ...
لماذا يتعرض لما يتعرض له ..
ومثله كآخرين ..
أيضاً طفح(الزبد) وصال وجال هنـــــــــــا ...
العزيز ود الموج :
إن بدأ الحديث عن الحقيبة وما يملكه من معلومات وقصص حول غناء الحقيبة فلن يجد وقتاً حتى للرد على مُداخلات الأحباب هنا .. هو كغيره هنا يملكون رصيداً معلوماتياً في الكثير من الدهشة والجمال ..
أين هم ولم يدعون (الزبد) يطفو ويتواجد ....
ولك التحية من أم محمد ... سيدتي
ولننثر الجمال متى ما وجدنـــــــــاه ..........

Post: #15
Title: Re: زهوري اليانعه ، إهـــــداء إلى : منى خوجلي
Author: عمران حسن صالح
Date: 04-10-2008, 08:10 AM
Parent: #14

حباب خـــدر ::
Quote: يا عمران تهدينا غنية و ما تورينا البغنيها منو ؟ اخت ليكـ قنبلة في البوست ده اسه

مبدئياً يا خدر :
إفعل ما تريد ... نحن غير قنابلك راجين شنو !!!!!!!!

راجينك .... ومنتظرين
وراجع معاك لـ ( الجاغريو) .....

Post: #16
Title: Re: زهوري اليانعه ، إهـــــداء إلى : منى خوجلي
Author: اساسي
Date: 04-10-2008, 08:16 AM
Parent: #15

Post: #19
Title: Re: زهوري اليانعه ، إهـــــداء إلى : أساسي
Author: عمران حسن صالح
Date: 04-10-2008, 10:08 AM
Parent: #16

الحبيب أساسي ...
وصلت الفكرة ..
عبأت (ورقتك الفاضية) .. بما أحب أن تقول ...
فقط تذكر :
أنت جزء من :
Quote: القصد ليس (تخصيص أسماء) فقط بل الأمر فيه رسالة للكل ..

..
كن بخير .. وفي الجوار .........

Post: #20
Title: Re: زهوري اليانعه ، إهـــــداء إلى : منى خوجلي
Author: عمران حسن صالح
Date: 04-10-2008, 10:15 AM
Parent: #16

الحبيب عماد :
لا تغيب كثيراً ( مثلي ) ...
..
تواجد الجمال مطلوب هنــا ...
نختلف في الفكرة (والطريقة) ..
نتفق في المودة والحب ... والاحترام المتبادل ..
نزرع الجمال وننثره هنا :
عن دارفور .. عن مروي .. وعن جوبا ...
ننتقد شداد ... ونهلل للمريخ إذا انتصر ... ( كهلالاب ) ...
....
دعنا نبحث عن جزء من خيال (مدينة فاضلة).. غير موجودة أصلاً ولكن لنحاول في هذا الحوش ...

Post: #22
Title: Re: زهوري اليانعه ، إهـــــداء إلى : منى خوجلي
Author: Sidig Rahama Elnour
Date: 04-10-2008, 10:28 AM
Parent: #20

العزيز عمران
لانختلف نحن على جمالك أنت وتمبس وخدر وود الموج
فهذه الألحان الجميلة هي ديدنكم ، ونثركم لهذا الجمال يتواصل دوماً
شكراً لهذا الدفق

Post: #18
Title: Re: زهوري اليانعه ، إهـــــداء إلى : منى خوجلي
Author: عماد محمود علي
Date: 04-10-2008, 09:10 AM
Parent: #15

أخي النبيل عمران

تحية عطرة وجميلة مع أجواء الرياض الربيعية

قلت وأوفيت ... فهؤلاء الزهور التي تطرقت لهم هم أهل الجمال والمتعة والنقاء وأحد شخصياً كل جمال × جمال .

مودتي عبر لهم ولك أيضاً

مودتي

عماد

Post: #17
Title: Re: زهوري اليانعه ، إهـــــداء إلى : خدر .. تمبس .. صديق الموج
Author: تماضر الخنساء حمزه
Date: 04-10-2008, 08:21 AM
Parent: #1

أنا إسمي مكتوب؟؟

أهن بدينا صباحنا بي زهورك دي..

شكرا عمران

Post: #21
Title: Re: زهوري اليانعه ، إهـــــداء إلى : الخنســــــــــــــــاء
Author: عمران حسن صالح
Date: 04-10-2008, 10:19 AM
Parent: #17

الحنينة تماضر :
Quote: أنا إسمي مكتوب؟؟

استرقي السمع أكثر ..
حسي بدفء الكلمات وصدقها .. وحلاوة الحن .. وجمال الأداء (وأنت ست الإحساس) ...
خاصة حين يقول :
Quote: يا نسمات سلامي (سَحراَ) عرجيلا ,, اعملي احتياطي قبل دخول حَجيلا

حينها ستحسي (أكثر) بأن :
إسمك مكتوب ..

Post: #23
Title: Re: زهوري اليانعه ، إهـــــداء إلى : خدر .. تمبس .. صديق الموج
Author: صديق الموج
Date: 04-10-2008, 10:34 AM
Parent: #1

______
Quote: يا عمران تهدينا غنية و ما تورينا البغنيها منو ؟ اخت ليكـ قنبلة في البوست ده اسه

خدر هو انت الغناء السمح بخليك تعرف شى؟
ماقافل عليك بطين المعرفه واذين الدرايه..الله يخليك..
ياخى البغنى ده اخونا الجميل ابوبكر سيداحمد ولو ركزت شويه
الفنانه منى خوجلى ذكرت ذلك فى معرض مداخلتها..
هذا ما كان امر المشوطن المسكون خدر..

اما انت يا عمران يا فنان تقعد تكبر لى فى راسى وتجعل منى مالكا
فى الحقيبه بالمدينه او ابو حنيفة النعمان فى سبر اغوارها بالبصره..
لما تكبر كراعى من الاطراء وتبقى نص فى الارض نص فى النعال
زى ماقال خالى عمر الدوش الف رحمه ونور على قبره..
ونقوم نهضرب ليك بدون علم ونخرب عليك البوست..
ولكن مهما كان من امر فليكن:
زهورى اليانعه دى من كلام عمك احمد محمد الشيخ الجاغريو وهو شاعر فحل من نواحى الدبيبه
من اعمال شرق النيل واحسب انه قد انشدها فى مجلس هارون الرشيد فى صدر
العهد العباسى وهو بين قصر الرصافة والجسر..
حيث اخذت لبه المشاهد وماكان يحيط بقصر الرشيد المنيف من خضرة وماء ووجه حسن. وهو
نفس القصر الذى جاء ذكره عند الشاعر على المساح فى قصيدته
غصن الرياض المايد يا الناحلنى هجرك وانت ناضر وزايد
حيث يقول:
فى مدحك بنيت قصر الرشيد الشايد
اما عتيق لم يذكر القصر ولا حشاياه ومطارفه وانما ذكر
ذلك العصر برجاله بان دلف على ابناء الخليفة عبد الملك بن مروان
وقال فى قصيدته شادن الارام:
الفى تهامه وشام مرعاه نال وبشام
الما غشاه بشام يسبى الوليد وهشام
وعلى ذكر الرشيد وقصره والخضرة والماء والوجه الحسن.
يقول عمك ود الرضى فيك تلاته عزن قسن ماء وخضرة ووجهآ حسن.
وفى ذات الخصوص يقول المخضرم ابراهيم العبادى
فى قصيدته من محاسن حسن الطبيعه:
شى يعيد الروح فى احتضاره الخضار والماء والجمال
مش قلت ليك ياعمران بهضرب ليك ساكت؟؟
الجاغريو يا عمران لما سئل ود الرضى عنه قال:
انا شيطان شعرى فى وادى عبقر ولكن الجاغريو
شيطان شعره حاضر..
ولما عمل الجاغريو اغنية سميرى الفى ضميرى..
حكى لى العارف بالحقيبه البروف بادى عليه الرحمه.
ان هذه الاغنية والتى تغنى بها الفنان احمد المصطفى،كانت
تمجد بنات الخرطوم بعد ان شكن له ان شعراء امدرمان لم يتغنوا
لهن،وان كل او جل غناء الحقيبه عن امدرمان ونواعمها وفاتناتها.
فانشد لهن الجاغريو اغنية سميرى وهو كعادته يلحن الاغنيه ويعطيها للفنان
جاهزة من غير سوء، وكان مغنيا ايضا،شانه فى ذلك شأن عبد الرحمن الريح..
فعل ذلك الجاغريو واعطى الاغنية لابن موطنه الفنان احمد المصطفى
وتغنى بها، وبلغ الجاغريو ان احدى حسان الخرطوم وهى من اسرة محترمه ومعروفه
وهى اسرة مناديلو عاتبه عليه لانه لم يورد اسم اسرتها او
اسمها فى القصيده وقد تغنى لبثينه ومحاسن وبنات بيت الخياطه
وقمر وكل الذين ورد ذكر اسماؤهن فى القصيده..
وتصادف ان كان لاحمد المصطفى مشاركه فى المسرح القومى( يوم ان
كان هنالك نشاط اسبوعى ثقافى فى السودان)،فذهب الجاغريو
لاحمد المصطفى فى شركة ابو العلا وقال له: يا احمد سمعت
انك عندك حفله يوم الخميس فى المسرح القومى ؟فاجاب احمد
ايجابا،فقال له الجاغريو: بالله لما تغنى سميرى لازم
تضيف ليها الابيات التاليه:
حبيب روحى اهديلى
ومن عنبك اديلى
فلايكى عديلى
انا نسيت مناديلى
وقد كان ..والفلايكى هو الذى يقود الفلوكه او المركب..
يعنى كان مشهور بان معظم قصائده وليدة اللحظه،او قطع اخدر كما يقولون..
عمران حا اجيك للمبدع الجاغريو كلما كان ذلك ممكنا
وسوف اسكن فى هذا البوست مناصفة مع بوست خدر
ولا اريد منهما فكاكا ولا ابتغى غيرهما سكنا..
فتك عافيه،،،،

Post: #28
Title: Re: زهوري اليانعه
Author: عمران حسن صالح
Date: 04-10-2008, 12:14 PM
Parent: #23

الحبيب / صديق
وبما أن الحبايب كُتار في مجال الحقيبة فلنعد مع عمر الفاروق (وكدعوة للآخرين) للأرشيف :
درر الحقيبة ...أجمل ما سمعت

Post: #24
Title: Re: زهوري اليانعه ، إهـــــداء إلى : خدر .. تمبس .. صديق الموج
Author: لؤى
Date: 04-10-2008, 11:45 AM
Parent: #1

Quote: وإلى أصدقاء وزملاء الحوش : أبحثوا عن الجمال وانثروه ما استطعتم

وجدناه كامن هنا

عارف مفروض الواحد يمشي يجيب ليك حاجة من الحاجات المدسوسة ديك
عشان يجازيك خير الجّزاء

التّحايا للوالدة والمدام وأبو حميد
والعصبة إيّاها

Post: #26
Title: Re: زهوري اليانعه ، إهـــــداء إلى : أبو اللووووووووووووووووووووووووووووول
Author: عمران حسن صالح
Date: 04-10-2008, 12:01 PM
Parent: #24

يا ولد !!!!!!!!!

أيويويويويويويويويويويوووووووووووووووي ... وتاني زغرودة ...
ايويويو.......... والماعاجبو يشرب من البحر الميت .......
............
كدي أول (هاك البتاع ده ) .... وبعدين نشوف :

Post: #29
Title: Re: زهوري اليانعه ، إهـــــداء إلى : أبو اللووووووووووووووووووووووووووووول
Author: لؤى
Date: 04-10-2008, 12:21 PM
Parent: #26

إنتو بتعملوا الحاجات دي كيف ؟
نسينا أيّ حاجة

أنا والأشواق

Post: #25
Title: Re: زهوري اليانعه ، إهـــــداء إلى : خدر .. تمبس .. صديق الموج
Author: د.محمد حسن
Date: 04-10-2008, 11:55 AM
Parent: #1

عمران

وكل ساكني الدهليس

من تمباسة

وامواج
ودايشي
ومعتصمين

وجمن لفلف لفتهم

احبكم

-

Post: #31
Title: Re: زهوري اليانعه ، إهـــــداء إلى : د. محمد حسن
Author: عمران حسن صالح
Date: 04-11-2008, 03:30 PM
Parent: #25

حبيبنـــا الدكتور (الزهجان هذه الأيام) ...
وبهذا الُحب نرسل رسالــة :
دع الزهج وتمتع بما حولك (رغم قلته !!!!!!!!!) ...
دمت يا لذيذ

Post: #27
Title: Re: زهوري اليانعه ، إهـــــداء إلى : خدر .. تمبس .. صديق الموج
Author: ناهد بشير الطيب
Date: 04-10-2008, 12:06 PM
Parent: #1

الاخ عمران

الاخوان صديق وتمبس وخدر وبقية الاخوة البورداب
كل الود وعاطر التحايا

ازحتم عن اذنى طنين (اغانى اليوم) تماما كما تهشون (ذبابه)...
تأوهت .... وقلت فى نفسى
ليس زامر الحى وحده لايطرب بل كل (الزمارين) فى العالم لا يطربون

فقط سمرت اعينى بالسقف ....

لكم الود والتفرد

Post: #30
Title: Re: زهوري اليانعه ، إهـــــداء إلى : خدر .. تمبس .. صديق الموج
Author: Raja
Date: 04-10-2008, 05:13 PM
Parent: #27

الصديق عمران..

ومعك أحيي تمبس والموج أصدقائي..

Post: #33
Title: Re: زهوري اليانعه ، إهـــــداء إلى : خدر .. تمبس .. صديق الموج
Author: عمران حسن صالح
Date: 04-11-2008, 04:12 PM
Parent: #30

الزميلة العزيزة : رجاء ....
ولك الود ...

Post: #32
Title: Re: زهوري اليانعه ، إهـــــداء إلى : خدر .. تمبس .. صديق الموج
Author: عمران حسن صالح
Date: 04-11-2008, 03:40 PM
Parent: #27

الزميلة الفاضلة / ناهد
لك التحيات ..
مثلك أيضاً من يصنعون الفرح ...
ومرورك فرح...
....
من مزايا الغربة(إن كان لهامزايا ) .. الإحساس (بحاجات) الوطن ...
وتفاصيل أشيائه ...
Quote: فقط سمرت اعينى بالسقف ...

وهذا من سوء غربتنا ..
حتى مساحة (مدى رؤيتنا) يضيق ... حيزه سقف فقط ..
وليس سماوات (زرقاء) أو مليئة (بنجوم) تبعث فينا الأمل والروح .. لرحابة مداهـا..
وإحساسها بنا ..أكثر ...
....
سأتوه إن واصلت ..
فقط واصلي الإستماع ..

Post: #34
Title: Re: زهوري اليانعه ، إهـــــداء إلى : خدر .. تمبس .. صديق الموج
Author: خدر
Date: 04-11-2008, 05:03 PM
Parent: #32

Quote: ياخى البغنى ده اخونا الجميل ابوبكر سيداحمد ولو ركزت شويه
الفنانه منى خوجلى ذكرت ذلك فى معرض مداخلتها..
هذا ما كان امر المشوطن المسكون خدر..

اصلكـ كان ما اديتني حبشه ما بترتاح .. عارفكـ انا

يا عمران و يا مني
ياخي والله شكرا علي ابوبكر سيداحمد
ماشاء الله .. صوت راسي و جميل و عارف بسوي في شنو
ويا ابوبكر امسكـ في صوتكـ ده قوي و نحن ماسكين معاكـ
و شكرا تاني

Post: #35
Title: Re: زهوري اليانعه ، إهـــــداء إلى : خدر .. تمبس .. صديق الموج
Author: ناهد بشير الطيب
Date: 04-11-2008, 05:10 PM
Parent: #32

Quote: من مزايا الغربة(إن كان لهامزايا ) .. الإحساس (بحاجات) الوطن ...
وتفاصيل أشيائه ...

Quote: فقط سمرت اعينى بالسقف ...

وهذا من سوء غربتنا ..
حتى مساحة (مدى رؤيتنا) يضيق ... حيزه سقف فقط ..
وليس سماوات (زرقاء) أو مليئة (بنجوم) تبعث فينا الأمل والروح .. لرحابة مداهـا..
وإحساسها بنا ..أكثر ...
....
سأتوه إن واصلت ..
فقط واصلي الإستماع ..

حتما اخى عمران... سااواصل الاستماع اذ لابد لى غير ذلك
ونحن فى زمن يضاف ولا يضاف اليه ......

ولن اكتب لكى لااحيل تلك السطور اسلاكا تطرزها
اطيار الحروف ......

لكنى ....
لكنى
ان مد الله فى الاجال ...سوف اعودلاحقا

لك التفرد وكل الود

Post: #36
Title: Re: زهوري اليانعه ، إهـــــداء إلى : خدر .. تمبس .. صديق الموج
Author: سيف النصر محي الدين محمد أحمد
Date: 04-11-2008, 06:04 PM
Parent: #35

ما في داعي لمداخلة شينة زي دي
في بوست سمح زي ده

Post: #37
Title: Re: زهوري اليانعه ، إهـــــداء إلى : خدر .. تمبس .. صديق الموج
Author: عمران حسن صالح
Date: 04-11-2008, 06:13 PM
Parent: #36

الأخ الزميل : سيف النصر
أشكرك سيدي للمرور .....
سأعلق لك لاحقاً حول (ملاحظاتك) ...
بس ياخي (كرم) الجميل أبوبكر سيداحمد ده ما بستاهل منك كلمة
بعدين ما شاء الله إنت معانا هنا (حيث الثلاثية الجهنمية أسمنت - أسفلت - نيون) ..
ما تشد لينا سلك (حق زمالة الحوش ده بس يعني )

Post: #38
Title: Re: زهوري اليانعه ، إهـــــداء إلى : خدر .. تمبس .. صديق الموج
Author: سيف النصر محي الدين محمد أحمد
Date: 04-11-2008, 06:29 PM
Parent: #37

أخونا عمران
سلامات

أبوبكر سيد أحمد ده زمااان قبل ما يبقى عضو في سودانيزاونلاين
كتب عنو الطيب بشير ..و في البوست نفسو كونا الطيب بشير و أنا رابطة
معجبي أبو بكر سيد أحمد أو (أبي بكر) حسب أسمو الأسفيري.

Post: #39
Title: Re: زهوري اليانعه ، إهـــــداء إلى : خدر .. تمبس .. صديق الموج
Author: عماد محمود علي
Date: 04-12-2008, 07:07 AM
Parent: #38

أخي الجميل عمران

مرةأخرى التحية عبرك لهؤلاء الجميلين الرائعين في كل شيء .

مودتي

عماد

Post: #40
Title: Re: زهوري اليانعه ، إهـــــداء إلى : خدر .. تمبس .. صديق الموج
Author: عمران حسن صالح
Date: 04-12-2008, 07:31 AM
Parent: #38

الأخ الزميل : سيف النصر
أشكرك مرة أخرى للمرور .....
Quote: أبوبكر سيد أحمد ده زمااان قبل ما يبقى عضو في سودانيزاونلاين
كتب عنو الطيب بشير ..و في البوست نفسو كونا الطيب بشير و أنا رابطة
معجبي أبو بكر سيد أحمد أو (أبي بكر) حسب أسمو الأسفيري

ألحقنـا بالرابط يا سيف .........
والحقنا كمان بتوضيح حول التحته خط لأن الرجل ليس عضواً هنا
أو صحح لي المعلومة

Post: #41
Title: Re: زهوري اليانعه ، إهـــــداء إلى : خدر .. تمبس .. صديق الموج
Author: سيف النصر محي الدين محمد أحمد
Date: 04-12-2008, 10:57 PM
Parent: #40

أخونا عمران..سلامات
يا حليلك يا النايم علي حيلك..أو كما قالت حبوبتي

هاك الرابط ده:

أجيك مـدّ الطـرب نشـوان..أجـيك فـنـّان..أو..مرحبآ بالفن... سيد أحمد بوردابيآ..

Post: #48
Title: Re: زهوري اليانعه ، إهـــــداء إلى : خدر .. تمبس .. صديق الموج
Author: عمران حسن صالح
Date: 04-13-2008, 08:55 PM
Parent: #41

شكــرا صديقي سيف ........

Post: #42
Title: Re: زهوري اليانعه ، إهـــــداء إلى : خدر .. تمبس .. صديق الموج
Author: أبي بكر سيد احمد
Date: 04-13-2008, 12:29 PM
Parent: #1

نعم يا صديقي عمران ....

انا هنا ..ومتابعك كويس...

تحياتي لك ..ولمن معك .............

ابوبكر سيد أحمد

Post: #43
Title: Re: زهوري اليانعه ، إهـــــداء إلى : خدر .. تمبس .. صديق الموج
Author: هاشم أحمد خلف الله
Date: 04-13-2008, 12:37 PM
Parent: #42

يا سلام عليك يا عمران يا فنان
لقد اجدت الإختيار مشكور علي الإهداء
الجميل ولو انو إسمي ما ورد هنا
والشكر عبرك لصديقي الجميل المطرب
ابوبكر سيد احمد
حقيقة يا ابوبكر أدائك في هذه الأغنية
متفرد وكأنها كتبت لك ولحنت لك فالشكر لك
وفي إنتظار جديدك يا مبدع .

Post: #47
Title: Re: زهوري اليانعه ، إهـــــداء إلى : خدر .. تمبس .. صديق الموج
Author: عمران حسن صالح
Date: 04-13-2008, 08:54 PM
Parent: #43

الحبيب / هاشـم
Quote:
يا سلام عليك يا عمران يا فنان
لقد اجدت الإختيار مشكور علي الإهداء
الجميل ولو انو إسمي ما ورد هنا
والشكر عبرك لصديقي الجميل المطرب
ابوبكر سيد احمد
حقيقة يا ابوبكر أدائك في هذه الأغنية
متفرد وكأنها كتبت لك ولحنت لك فالشكر لك
وفي إنتظار جديدك يا مبدع .

تسلم يا هاشم وأنت الجميل دائماً

Post: #46
Title: Re: زهوري اليانعه ، إهـــــداء إلى : خدر .. تمبس .. صديق الموج
Author: عمران حسن صالح
Date: 04-13-2008, 08:52 PM
Parent: #42

الفنان الجميل : ابوبكر سيد أحمد
Quote: نعم يا صديقي عمران ....
انا هنا ..ومتابعك كويس...
تحياتي لك ..ولمن معك .............

( وش خجلان جداً لضعف متابعته .. وعدم معرفته بوجودكـ هنا ..)
لك العتبى أيها الجميل ...

Post: #44
Title: Re: زهوري اليانعه ، إهـــــداء إلى : خدر .. تمبس .. صديق الموج
Author: أبي بكر سيد احمد
Date: 04-13-2008, 04:07 PM
Parent: #1

Quote: حقيقة يا ابوبكر أدائك في هذه الأغنية
متفرد وكأنها كتبت لك ولحنت لك فالشكر لك
وفي إنتظار جديدك يا مبدع .

الرائع هاشم ...سلامات يا صديقي ..كيفنك ... وصاحبي المعاك ..

اشكرك علي كلامك اللطيف ...

وإن شاء الله دايما أكون عند حسن الظن ....

Post: #45
Title: Re: زهوري اليانعه ، إهـــــداء إلى : خدر .. تمبس .. صديق الموج
Author: صديق الموج
Date: 04-13-2008, 04:25 PM
Parent: #1

Quote: نعم يا صديقي عمران ....

انا هنا ..ومتابعك كويس...

تحياتي لك ..ولمن معك .............

ابوبكر سيد أحمد

ابوبكر الفنان .............تحيات قناطير
ياخى انت انزرعت هنا متين؟
والزرعك منو؟
ترانا نحن نشم فى العبق ساكت وانت من الورد والياسمين عامل ضراك...
ياخى ليك الموده اضعاف.... وكان تقوم كده..
وتنزل لينا تيه واتكاكا..
زى هديه فى شكل ورده ..
تكون ما قصرت ولنكوننا من الشاكرين..
ماتغيب يا حبيب،،،،

Post: #49
Title: Re: زهوري اليانعه ، إهـــــداء إلى : خدر .. تمبس .. صديق الموج
Author: سيف النصر محي الدين محمد أحمد
Date: 04-13-2008, 10:55 PM
Parent: #45

الأستاذ أبوبكر سيد أحمد

على سبيل التذكير أنو رابطة المعجبين في س.اونلاين لحدي
هسه فيها الطيب بشير و أنا..بس عمران ده كمان أديناه العضوية
حتى قبل ما يقدم الطلب.

Post: #50
Title: Re: زهوري اليانعه ، إهـــــداء إلى : خدر .. تمبس .. صديق الموج
Author: الطيب بشير
Date: 04-14-2008, 06:56 AM
Parent: #49

البوســت دة زي ما بقولوا ناس اللغة (جمع فأوعى)
فيهو ناس سمحين بالحيل
الفنان تمبس رجل نحبه و نشتاق اليه
الرائع صديق الموج حبيب و قريب
المبشتن طارق أبو عبيدة المختبيء في (خدر)..فنان بقدر طاقة اللقب
و صاحب البوست عمران ..حامل المسك الفنان..
و رئيس رابطة معجبي أبي بكر سيد أحمد حبيبنا سيف النصر محي الدين محمد أحمد..
يا ربي أنا السكرتير و الله النائب؟؟..
و تمت ناقصة الأثافي بدخول رب الفـن يا سيدي..و فيهو نظمت الدر قصيدي..أبي بكر (زااااتو)...
ليكم التحايا على نغمات زهوري اليانعة
و تسلموا

Post: #51
Title: Re: زهوري اليانعه ، إهـــــداء إلى : خدر .. تمبس .. صديق الموج
Author: عمران حسن صالح
Date: 04-14-2008, 07:51 AM
Parent: #50

الطيب بشير ...
صاحب الإبتسامة الجميلة ...
إزيك يا غائب .... ( شفت رفع الكُلفة ساهل كيف هنــا )
البوست طلعت إنت سيدو ....
وبعدين كملت كسير التلج هنـــــا ....
Quote: البوســت دة زي ما بقولوا ناس اللغة (جمع فأوعى)
فيهو ناس سمحين بالحيل
الفنان تمبس رجل نحبه و نشتاق اليه
الرائع صديق الموج حبيب و قريب
المبشتن طارق أبو عبيدة المختبيء في (خدر)..فنان بقدر طاقة اللقب
و صاحب البوست عمران ..حامل المسك الفنان..
و رئيس رابطة معجبي أبي بكر سيد أحمد حبيبنا سيف النصر محي الدين محمد أحمد..
يا ربي أنا السكرتير و الله النائب؟؟..
و تمت ناقصة الأثافي بدخول رب الفـن يا سيدي..و فيهو نظمت الدر قصيدي..أبي بكر (زااااتو)...
ليكم التحايا على نغمات زهوري اليانعة
و تسلموا

وطلعت إنت وسيف أصحاب (السيف والدرقة )...
تمو الناقصة ونزلوا لينا شوية من (الستخبي والمغطغط)... بس ياريت يكون عود فقط ..
وإني لك من الشاكرين ...

Post: #52
Title: Re: زهوري اليانعه ، إهـــــداء إلى : خدر .. تمبس .. صديق الموج
Author: أبي بكر سيد احمد
Date: 04-14-2008, 12:03 PM
Parent: #1

الحبوب صديق الموج...

Quote: ابوبكر الفنان .............تحيات قناطير
ياخى انت انزرعت هنا متين؟
والزرعك منو؟
ترانا نحن نشم فى العبق ساكت وانت من الورد والياسمين عامل ضراك...
ياخى ليك الموده اضعاف.... وكان تقوم كده..
وتنزل لينا تيه واتكاكا..
زى هديه فى شكل ورده ..
تكون ما قصرت ولنكوننا من الشاكرين..
ماتغيب يا حبيب،،،،

يا سيدي القناطير من الود ليك انت ...

كيف يشم العبق من كانت دواخله مترعه بها ...؟؟؟

تيه وإتاكا موجوده عندي ...لكن لسه ماعارف بنزلوها كيف ...حقو تمدوني بالمعرفه (الكلام ليك يا

عمران أو اي زول ممكن يساعدني في معرفه الكيفيه )

العزيز عمران : مافي لزوم للخجل او الإعتزار فكل معلومه مرهونه بزمنها ومكانها المقدر ليها من

صاحب الأقدار عز وجل ..

تسلموا .............

Post: #53
Title: Re: زهوري اليانعه ، إهـــــداء إلى : خدر .. تمبس .. صديق الموج
Author: Alsa7afa_30
Date: 04-14-2008, 12:33 PM
Parent: #1

العزيز عمران حسن صالح

سلامات

و ما أجمل زهورك اليانعة

تحية للمبدع أبو بكر سيد أحمد ..

Post: #54
Title: Re: زهوري اليانعه ، إهـــــداء إلى : خدر .. تمبس .. صديق الموج
Author: عمران حسن صالح
Date: 04-14-2008, 03:17 PM
Parent: #53

سلام يا حسام ..
يعجبني الاسم الذي اخترت (الصحافة) ... لي فيها (دنيا) منذ أن كان محمد اسماعيل يشدو بروائع الكاشف
ويسيطر على سهرات (الصحافات) ...
كما يعجبني كمية (الموسيقى) المُخزَنة (لديك)..
وهي بالطبع انعكاس على صورة البروفايل ..........(الفكرة رائعة)...
(معليش شكلو التلج بزيادة) ...
وهي مُقدمة لطلب (بوست) تكون مادته أغاني بالعود فقط ... للرائعين(الجُدُد) من بلادي ...!!
رأيك شنو ؟؟؟؟؟؟؟؟؟؟؟

Post: #55
Title: Re: زهوري اليانعه .............
Author: عمران حسن صالح
Date: 04-15-2008, 08:03 AM
Parent: #54

Post: #62
Title: Re: زهوري اليانعه ، إهـــــداء إلى : خدر .. تمبس .. صديق الموج
Author: Alsa7afa_30
Date: 04-16-2008, 01:02 PM
Parent: #54

العزيز عمران

Quote: وهي مُقدمة لطلب (بوست) تكون مادته أغاني بالعود فقط ... للرائعين(الجُدُد) من بلادي ...!!
رأيك شنو ؟؟؟؟؟؟؟؟؟؟؟

جاهزين جاهزين

ورينا التفاصيل بالمسنجر ..

Post: #56
Title: Re: زهوري اليانعه ، إهـــــداء إلى : خدر .. تمبس .. صديق الموج
Author: أبي بكر سيد احمد
Date: 04-15-2008, 11:04 AM
Parent: #1

صديقي سيف النصر :

Quote: على سبيل التذكير أنو رابطة المعجبين في س.اونلاين لحدي
هسه فيها الطيب بشير و أنا..بس عمران ده كمان أديناه العضوية
حتى قبل ما يقدم الطلب.

ياخي سلامات .... وليك وحشه ...

فكرة رابطة المعجبين دي في حقيقتها كرم فياض منك وحبيبنا الطيب بشير ...

لكن الواقع أنو انا ماني الزوول البستحقها ...لأني لسه يا دووووب رقم صغير جداً (دا إذا وجد رقم

أصلاً ) في الحاصل الثقافي .. عموماً شكري الجزيل .. ومنك والزيك نحن بنستمد الضوء ...

كل التحايا .

Post: #57
Title: Re: زهوري اليانعه ، إهـــــداء إلى : خدر .. تمبس .. صديق الموج
Author: صديق الموج
Date: 04-15-2008, 11:41 AM
Parent: #1

Quote: الأستاذ أبوبكر سيد أحمد

على سبيل التذكير أنو رابطة المعجبين في س.اونلاين لحدي
هسه فيها الطيب بشير و أنا..بس عمران ده كمان أديناه العضوية
حتى قبل ما يقدم الطلب.

سيف (الدين) ما النصر... الدين دى لزوم زعلة وكده..
ياخى سجلنى !!!
وحات الله امانه ما اتلومت..
كده انا الضابط الرابع،،،

Post: #58
Title: Re: زهوري اليانعه ، إهـــــداء إلى : خدر .. تمبس .. صديق الموج
Author: سيف النصر محي الدين محمد أحمد
Date: 04-15-2008, 09:04 PM
Parent: #57

Quote: لكن الواقع أنو انا ماني الزوول البستحقها ...لأني لسه يا دووووب رقم صغير جداً

استاذنا ابوبكر..نعم التواضع فضيلة عظيمة..لكن أمر الأستحقاق
هذا نرجوك أن تتركه لنا..يا زول ناس قريعتي راحت مصدري الضوضاء
و مسببي التلوث السمعي لشعبنا عاملين روابط ..
أدعو من هنا كافة الأصدقاء و جميع من مروا على هذا البوست أن
يدعموا المبدع ابوبكر سيد احمد ليحتل مكانه الطبيعي على خارطة الغناء
السوداني..

Post: #59
Title: Re: زهوري اليانعه ، إهـــــداء إلى : خدر .. تمبس .. صديق الموج
Author: سيف النصر محي الدين محمد أحمد
Date: 04-15-2008, 09:12 PM
Parent: #58

Quote: سيف (الدين) ما النصر... الدين دى لزوم زعلة وكده..
ياخى سجلنى !!!
وحات الله امانه ما اتلومت..

يا ود الموج و الله الشغلانة دي أساسا في يد الطيب بشير
العايز يتزاوغ من الرئاسة..لكن ما في طريقة ليهو..

و بعدين ياخ انت ذاتك ممكن تكون الرئيس إذا الطيب لسه
مصر على الزوغان.

Post: #60
Title: Re: زهوري اليانعه ، إهـــــداء إلى : خدر .. تمبس .. صديق الموج
Author: عمران حسن صالح
Date: 04-16-2008, 12:37 PM
Parent: #59

للمزيد ..
والمزيد من الإستماع ..
والإستمتاع ...
...
متى ستأتي يا هـــــــــــذا ؟؟؟؟؟؟؟؟؟

Post: #61
Title: Re: زهوري اليانعه ، إهـــــداء إلى : خدر .. تمبس .. صديق الموج
Author: خدر
Date: 04-16-2008, 12:58 PM
Parent: #60

يا الطيب و سيف
خلو الحسادة و سجلوني معاكم

Post: #63
Title: Re: زهوري اليانعه ، إهـــــداء إلى : خدر .. تمبس .. صديق الموج
Author: الطيب بشير
Date: 04-16-2008, 02:44 PM
Parent: #61

هــلا بالشباب

أنا موافق على رئاسة الموج..لنا عظيم الشرف..

و يسرنا كثيرآ انضمام الفنان خدر لرابطة معجبي الفنان أبي بكر سيد احمد

و كمان دعم المسيرة الغنائية خطوة أهم

معاكم صولة صولة..و نغمة نغمة

.

Post: #64
Title: Re: زهوري اليانعه ، إهـــــداء إلى : خدر .. تمبس .. صديق الموج
Author: Mahmoud Mustafa Mahmoud
Date: 04-17-2008, 00:07 AM
Parent: #63

وأنا بين مصدق وما مصدق..

أكتبونا بأي لغة يا الطيب بشير

رغم الجفا

Post: #65
Title: Re: زهوري اليانعه ، إهـــــداء إلى : خدر .. تمبس .. صديق الموج
Author: الطيب بشير
Date: 04-17-2008, 04:25 PM
Parent: #64

الحبيب محمود أخوي
كيف حالك
و الله شوق كتير مردوم
لا جفا لا لــوم
لالوم بلدنا و لا تمر الناس
انت كيف حالك؟
معانا في الرابطة يا فنان؟؟

Post: #66
Title: Re: زهوري اليانعه ، إهـــــداء إلى : خدر .. تمبس .. صديق الموج
Author: Mahmoud Mustafa Mahmoud
Date: 04-17-2008, 06:29 PM
Parent: #1

الطيب أبو بشير.. كيفك والعائلة ؟؟؟ نحن بخير الحمد لله

Quote: معانا في الرابطة يا فنان؟؟

الله كييييييييييييييييييف ّ!!!!!!؟؟؟

بشرط أن يغني لنا أبو بكر سيد أحمد "من غير ميعاد" وتوعدنا وتخلف بالصورة.. بالعود

صافي المودة والتقدير

Post: #67
Title: Re: زهوري اليانعه - أبوبكر سيدأحمــــــــــــــــــد
Author: عمران حسن صالح
Date: 04-18-2008, 09:07 PM
Parent: #66

.

Post: #68
Title: Re: زهوري اليانعه ، إهـــــداء إلى : خدر .. تمبس .. صديق الموج
Author: mamkouna
Date: 04-19-2008, 06:19 AM
Parent: #1

شكراً على هذه المساحة الخضراء يا عمران..

---

أوعى يكون باب التسجيل قفل؟!!!

Post: #69
Title: Re: زهوري اليانعه ، إهـــــداء إلى : ممكونـــــــة ...
Author: عمران حسن صالح
Date: 04-19-2008, 06:53 AM
Parent: #68

الممكوني : mamkouna
Quote: أوعى يكون باب التسجيل قفل؟!!!

شكراً سيدتي لمرورك (الأخضر) .... وتسجيلك تم بمجرد (دخولك للإستمـــاع) ...

Post: #70
Title: Re: زهوري اليانعه ، إهـــــداء إلى : خدر .. تمبس .. صديق الموج
Author: منى على الحسن
Date: 04-19-2008, 07:56 AM
Parent: #1

عمران سلامات

ربنا يزيد دواخلك جمال زي ما عمرت دواخلي باللحن الجميل ده

وكتر الله امثالك عشان نقعد في المنبر ده وما نهج غادي

اهاا الحاجات دي البتجببني صادي وبي كل قواي العقلية

التحية وليك ولزهورك اليانعة ولكل الجميلين هنا ....

ابي بكر سيداحمد رقم مميز في فضاء الغناء

تابعتو من خلال مهرجان الاغنية الطويلة وكان المرشح الاول عندي

وكمان غني لوردي في برنامج العيد توعدنا وتبخل بالصورة ابدع فيها بطريقتة الخاصة

اسجل هنا اعجبابي بيهو ...وهو شخص متواضع جدا مع انو يمتلك صوت جميل ورائع جدا جدا

Post: #71
Title: Re: زهوري اليانعه ، إهـــــداء إلى : خدر .. تمبس .. صديق الموج
Author: عمران حسن صالح
Date: 04-26-2008, 01:48 PM
Parent: #70

الأخت الزميلة : منى على الحسن ..
لكـ الشكر والود ؟؟
Quote: اهاا الحاجات دي البتجببني صادي وبي كل قواي العقلية

وتعالي صادي ....