مرة أخري شكرا حميم ...وناهد علي ..

الاعزاء كلكم

سعدنا البارحة بشوفة كل من حميم وناهد علي

وكان كرما حاتميا وزيارة أفرحتنا باحباب الاسفير الذين أصبحوا

أخوة لم تلدهم امهاتنا ولم تراهم أعيننا ودمعت عيناي وانا أسلم

علي الحبيبة ناهد علي وع الرغم من مدني جنب الخرطوم وكلهم في السودان

بس يدوب شفتها.. وعقبال أشوف لنا مهدي وانعام حيمورة يا رب

وعقبال بيك نفرح يا زينة

شكرا ناهد

شكرا حميم

و




ودمتم والفرح يبقالكم هدم يغطيكم من راسكم لي كرعيكم

الأخت العزيزة سودانية !!!

حمدا لله على سلامة العودة وألف مبروك .. بيت مال وعيال ..

فيما يتعلق بناهد فهي بحق سيدة مواقف .. وسودانية أصيلة قلبا وقالبا .. أما الأخ حميم فهو إسم على

مسلم ,, ربنا يسعدكم جميعا .

التحية لكم جميعاً
سودانية
ناهد علي
حميم.

والتحية عبرك يادكتورة لحميم وناهد واتمنى مقابلتكم في أول اجازة لي للسودان
لكم التحايا والود

ست العرائس
الحمد لله اني شفتك وانتي في احلة وابهاء صورة يتمناها الجميع وهو الاستقرار وراحت البال وقد كان لكي ....كانت شوفتي ليك واجب لابد منه ولكم سعدت بذلك رغم انو زيارة العرسان .... بتذكرني وذي ماحكيت ليك بالامس باهل العوض لما عرسوا بتهم (تمي الباقي، اياكي من ضحكات انبارح).
ولزوجك عثمان خالص الود علي كرم الضيافة والاستقبال .
اما الاخ حميم بدون تعليق .
عواطف تسلمي وكثير ماقلتي فيني (ضروري جدا عبر الماسنجر تلفونك )
اسماعيل وراق لك الود والاحترام اخبارك مقطوعة
حياه مليانة حب وود كثير امنياتي لكي
محبتي

ناهد علي
انسانة بقامة الوطن
تعرفت عليها اسفيريا في ظروف اقل ما توصف بأنها كانت كارثية بالنسبة لي تقدمت بكل شجاعة وعالجت لي ما لم يستطعة كل من اعرف في السودان ان يعالجة، وشأءت الظروف ان التقي بها علي الطبيعة في مدينة الرسول صلي الله علية وسلم ووجدتها كما أعتقدت تماما بدون زيادة او نقصان انسانة تتمني ان تلتقي بها كل يوم وهذا ما خرجت بة انا من سودانيز اون لاين ان تتعرف وتلتقي بأخوة لك تتشرف بأن تعرفهم.

الف مبروك الاخت سودانية والاخ عثمان وبيت سعادة وهناء
الاخت ناهد شهادتي فيها ستكون مجروحة لذلك لن اقول حاجة الا متعك الله ياناهد بالصحة والعافية
وياريت ياناهد تدينا خبر اذا كان العرسان لازالا بالخرطوم للاحتفاء بهم
والتحايا للحميم حميم

سودانية انت وين ؟
اقلعت طائرتكم الي القاهرة اتمني لكي سنين وليس شهور من العسل .

الاعزاء -الطاهر عثمان
اتمني أن التقيك واتعامل معك كثير خاصة وانك من تمسح دمعه اتيم .
الزبير صالح
شكري اخي صدقني كل من هنا كان سوف يقوم بماقمت به وهو ابسط شي والناس بتتعامل بي اصلها وبرضو جاهزين لاي خدمة تحت أمرك واعظم شي اننا التقيناء في مدينة الرسول (ص) الله علية وسلم وياليت لنا عودة تحياتي للاسرة.
ابويسرا.
بركة الشفناك وعاجزة عن شكر .
شكر لسودانية شكر لحبكم لي وانا بكم ومعكم دائما.

سلام سودانيه ومبروك
وبيت مال وعيال
ومشكور حميم
ناهد

Quote: بتذكرني وذي ماحكيت ليك بالامس باهل العوض لما عرسوا بتهم

ناهد
اهلي مالهم؟

العوض ياخي
انت هين الكلام اخي حميم الذلل الصعاب ووصلني بي سودانية.


تذكر ياحميم لما وقفنا جنب المجسم ونحنا خارجين وتعليق سودانية لاهل العوض اها براحة كدي احكيها للمسلمي

المسلمي والله خوف كدي منك ساي بنحكي ليك بس امهلنا شوية

تسلم انت ويسلمو اهلك

السلام عليكم

وفي قاهرة المعز ترتفع الحرارة لنهرب الي الاسكندرية

هدؤ و اتزان جو يجعلك تفكر لما كل هذا المناخ المتغطرس في السودان

الدكتور امبدة : سعدنا بلقياك وخالص الشكر علي كريم الدعوة

وكرم السودان والود بقي اسكندراني

وتسلم

حمدا لله علي السلامة يادكتورة
ومبروك تاني وربنا يسعدك ويهنيك

سعدت بمقابلة الاخت ناهد و الاخ حميم ايضا

الف مبروك يا سودانية و بيت مال و عيال.

ياحبيبة يابحبك بحر(دي حقتك)
فضلتي ليك حبه رواب من العسل للجاين وراك وله قمتي بية كلوا(غايتو الله العوض ديلك )
ليك الهناء والسعادة وراحة البال .

سعد الدين والله انا المتشرفة بي معرفتك رغم انها حتيتة وحميم قسما معاي ومااداني فرصة .
نلتقي تاني والشوق فينا

سلامات

نرجع ليه تكون دعوتك استجابت وصارت سنين عسل

تحياتي