Post: #1
Title: ياجماعة أنا عايز أقول!
Author: حسين محي الدين
Date: 04-07-2008, 02:10 PM
Parent: #0
الانتخابات قربت
أي والله قربت..
ولغاية هسة مافي زول استقطب مشاعري وحرك دواخلي عشان أصوت
والتحول الديمقراطي
ياهو ذاتو لسة ما أتحول
والبيئة الانتخابية
لسة الجمعية السودانية لحماية البيئة ما شافتها
الموية قاطعة صباح ومسا
والكهرباء ماباقي الا نحنسها
والاسعار نار
والراجل يفتح خشمو..
ولا أقول ليكم كلامي ده هظار
انا قررت أرشح نفسي في ديراتنا
يعني أمدرمان شمال
وبرنامجي واضح
حابني بيت لكل مواطن ومواطنة
وشيلة لكل عازب
وركشة لكل مواظب
على الغنا
الليلة لقيتها انترنت مجاني
وDSL من سوداتل
وتل تل تل كب لي جالون
تل تل تل حسب الليمون
ويا ناس انا ما مجنون
بس عاطل
و ... اطل
والتحية لكل الناس الحاسة بيا
وماعليا
والله ليا
وووب عليا
____________________
الكلام أعلاه على مسئولية صاحبه (أنا) والشينيين يمتنعون!
|
Post: #2
Title: Re: ياجماعة أنا عايز أقول!
Author: حسين محي الدين
Date: 04-07-2008, 05:14 PM
مرة راكب كنت حافلة
قلت طالب وأتجلدت
وأندهشت
ومرة زهجان
جيت ركبت وما دفعت
وأتجلدت
ومرة قاعد بقرا كنت
قالوا (ماركسي) وأتسجنت
ومرة .. نايم
وكنت بحلم
جا الحرامي سرق هدومي
وأتشنقت ..
ومرة خالط جكس كارب
جا (الــ ..) وأتقبضت
ومرة ..
__________________
يا جماعة عايز ناس يدعموا مشروعي الانتخابي
والله لا يضيع أجر من أحسن عملا
|
|