تشهد مدينة ودمدني هذه الايام فعاليات معرض الزهور السنوي برعاية جمعية فلاحة البساتين
هذا المعرض الذي يضم آلاف الانواع من الزهور والنباتات والشوكيات بالاضافه لمختلف انواع الطيور والنادر منها
وقد دأبت علي حضور المعرض منذ عدة سنوات وقد لفت نظري وجود معرض للعملات النادره السودانية منها والاجنبية وايضاَ جناح للتراث (النسي قديمو تاه)برعاية جمعية حوا أم السشرف وإشراف الاستاذه فوزيه
سنبدأ بأكثر المعارض التي لفتت إنتباهي معرض التراث أو النسي قديمو تاه كما اسمته صاحبته فوزية المشهوره بحوا أم البشر وهي لها جمعية مسجلة بزات الاسم جلست معها وتجازبنا أطراف الحديث وأنا أحتثي القهوه وهي تحكي وصديقتها تنقض لها مسايرها للمشاط .. حدثتني عن إهتمامها بالتراث وولعها بالاشياء القديمة وحسرتها حين يأتي أحد/ي طلاب/ات الجامعات يسألون ماهي المفراكه؟الدوكه؟؟..... عندما تدخل إلي قطيتها المنسوجة من القش وجدرانها المزينة بالصور وهي تقف بجانب الرئيس الاسبق جعفر نميري تحس عبق التاريخ وتشتم رائحة الاصالة من بين ثنايا القش والاص وقد إستأذنتها في نشر صورها مع الموضوع
وداخل القطية وجد ما ادهشني فعلأ !!! كرس للجرتق ؟؟!!! نحن نعرف عنقريب الجرتق لكن هل رأي أحدكم كرسي الجرتق؟؟
وسأعود للحديث عن الجرتق بإستفاضة إنشاء الله
Post: #5 Title: Re: معرض الزهور السنوي بودمدني(صور) Author: محمد سنى دفع الله Date: 04-04-2008, 05:10 PM Parent: #4
ممدوح ابارو عزيزيي الغالي صاحب مقام الجمال معرض الزهور من اقدم المعارض في السودان تم إفتتاحه عام 1903 ومازال مستمرا حتى الأن مدني الجمال والمعرض يحتمل مسابقات كنموعة مثل مسابقة حدائق المنازل والمؤسسات والمدارس .. بجانب المعارض المصاحبة من تراث وادوات زينة منزلية للحدائق وعرض كتب وعديد من الفعاليات المصاحبة احكي لنا مازال المعرض له بريق والزهور منالقة من زهرة الوينكا الى زهرة النيل مودتي
الاستاذ الجميل محمد سني دفع الله الجمال لا يعرفه إلا أصحاب النفوس الجميلة أمثالك لك أكاليل من الموده حقيقة المعرض هذه السنة يطرح العديد من الجماليات والفعاليات وسوف أوردها تباعاَ
المدخل من القنا والحصير تقابلك عريشه من نفس المكونات (راكوبة) معلق بها مشلعيب وهو إنا من السعف يوضع فيه الطعام ويعلق بسقف الراكوبة القطيه أو (بيت الحور) كما زكرت، تبدو من الخارج كأي قطية إلا أن ما بداخلها ينم عن زوق رفيع تجد الاشياء متراصه بعنايه علي المناضد والجدران سألتها متي وكيف بدأت؟ فردت بهدؤ وثقة: *انا ياولدي من زمن النميري بعمل في العمل الطوعي والجمعيات الخيرية *طيب الحاجات دي حقتك؟ *أكيد في جزء وارثاه وجزء جمعتو وراحت تحكي لي عن العريس أيام زمان والهقيت والجرتق والضريرة وكيف أنهم كانو يسيروه بما يسمي القيدومه... سرحت مع حديثها الذي لا يمل حتي أدركتني صلاة الجمعة فإستأذنت وخرجت وأنا مزهول من زكائها ولباقتها في الحديث
نختم زيارتنا لحواء أم البشر فمن يدري ربما تكون هنالك عوده لدارها العامر.... عدة الجبنه... الجرتق00000 كما لها شهاده تعتز بها جدا ممهرة بتوقيع المشير جعفر محمد نميري
الريح عبدالله سليم رجل تستقبلك إبتسامته العريضه ووجهه الصبوح قبل عبارته إتفضل يبني ...!!
يهوي جمع العملات النقدية بل يعشقها إن جاز التعبير
يعشقها وهي غير صالحة للتداول ويزهد فيها وهي ساريه !!!!
حكي لي بعد أن تبادلنا الضحكات وهو يسند يده علي كتفي
*قبل كم سنة ياممدوح (وصمت برهه) بدري شويه أيام السادات كنت في أم الدنيا وانا في سيدنا الحوسين وقفت جمب محل عصير قصب 00بعدين في مصري واقف من قبالي 00 المصري زح لي وخلاني اشيل قبليه مع انو جا من قبلي؟ اندهشت للصوره السامعها عن المصريين!! المهم بعد شربت قمت دفعت للمصري معاي فقال لي لازم أكرمك تأمر بأيه؟ قلت ليه انا بحب العملات النادره فوداني لي محل روبابيكيا00 الراجل طلب العملات 5 جنيه وانا المعاي 3 جنيه فقال لي تخت قميصك امنيه ولا نقبلو منك؟؟ فما كان مني إلا وقلعت القميص ورجعت الفندق عريان وانا فرحان بعملاتي!!!000000000000
تنهد وقال : *لو قلت ليك ما متأكد بتصدق؟ كل يوم احسبهم القاهم زايدات؟ قول تلاته قول اربعه مليون عمله بالعدد وليس القيمة
وأخذ يحكي لي عن مقامراته وراء جمعها .... وكيف أنه كان يسافر كلما سمع أن هناك عمله ظهرت في جهة ما!!
لتعديل حرف
Post: #13 Title: Re: معرض الزهور السنوي بودمدني(صور) Author: محمد خليل ساني Date: 04-05-2008, 00:49 AM Parent: #12
ممدوح الفنان ،،، سعدت كثيرا بزيارة هذا المعرض الرائع الجميل ،،، رغم إختلاف الأمكنة وبعد المسافات ،،، إلا أن هذا البوست وفّر لنا جهد الزياره ،،، طبعا المشوار بعيد جدا ما بين الدوحه وود مدني إلا أن ممدوح الممدوح أراحنا من زحمة المواصلات ،،، بعدين بالداااارجى كده معقول هى مدنى وكمان معرض زهور وجمال وثقافه ،،، يا شباب خفوا علينا شويه ،،، الغربه حاره وما مستحملين أي أشواق زياده ،،، أحسن الواحد بكره يركب الطياره ويجي السودان ،،، طبعا أنا بورتسوداني بيحب مدني جدا جدا جدا ،،، مع محبتي لكل المدناب ،،،
زمان معرض الزهور في الخرطوم كان مهرجان كبير يستمر عدة ايام..وكان العم زكي هو صاحبه ومنفذه..كنا نذهب من المدرسه لحضوره..أعتقد آخر واحد حضرناه معه كان في حديقة القرشي.. في تلك اليام تجد الجميع مهتمين بمثل تلك المعرض..وتجد الطلبه والطالبات بالزي المدرسي يتجولون وسط اشكال من الزهور ليس لها مثيل..
ثم كان بوكيه الورد الكبير الذي تم تزيينه عند العم زكي لأسر الشهداء للوضع علي النصب التذكاري في 1992..المسيره المشهوره..بالطبع لم يكن يعرف انه لمسيرة معارضه
لا أدري الي اي حد تطورت فكرة معرض الزهور في السودان الآن..وهل تقتصر علي الشتلات النباتيه فقط ام علي اشكال والوان زهور وورود مختلفه..وفي كل الأحوال هو مجهود جميل ومقدر في رأيي ونتمني له الأستمرار والتطور..
أعجبتني جدا جلسة الفولكلور السودانيه..المشاط كشكل قد اصبح تاريحي علي الأقل في المدن.. العنقريب.. وبالطبع لا أحتاج أن اتحدث عن الجبنه..معشوقتي الأولي..
Post: #16 Title: Re: معرض الزهور السنوي بودمدني(صور) Author: محمد سنى دفع الله Date: 04-05-2008, 06:07 AM Parent: #15
ممدوح السلا م امانة لفوزية قاسم حوا ام البشر والسلام والشوق والمودة الأبدية لصديق الزمن الجمبل الريح سليم الريح الفنان التشكيلي اول من رسم مناظر مدني على أطباق الجبس واول قائد كشافة خرجت العديد من الفنانين وكان التنافس بيننا كبيرا طلائع الدرجة ودلائع المزاد وللعلم هذة الفرق الطلائعية كانت تتبع لأتحاد الشباب وبسبب انضباطها وجمالها كونت مايو طلائع مثلها والريح معاك وسوف يحدثك الريح حالة تانية يمكن الكتابة عنه لانه من الشخصيات التي تعشق مدني وتضحي بكل غالي ونفيس من اجل مدني التقدير والإعزاز للريح ومودتي السلام امانة يا ممدوح
Quote: ممدوح السلا م امانة لفوزية قاسم حوا ام البشر والسلام والشوق والمودة الأبدية لصديق الزمن الجمبل الريح سليم الريح الفنان التشكيلي اول من رسم مناظر مدني على أطباق الجبس واول قائد كشافة خرجت العديد من الفنانين وكان التنافس بيننا كبيرا طلائع الدرجة ودلائع المزاد وللعلم هذة الفرق الطلائعية كانت تتبع لأتحاد الشباب وبسبب انضباطها وجمالها كونت مايو طلائع مثلها والريح معاك وسوف يحدثك الريح حالة تانية يمكن الكتابة عنه لانه من الشخصيات التي تعشق مدني وتضحي بكل غالي ونفيس من اجل مدني التقدير والإعزاز للريح ومودتي السلام امانة يا ممدوح
Ya salllllaaam Please salam katir katir to him This is my first tutor in drawing and ( Kashafa) leader to he true guidance when I was growing up, Thank you so much for publishing this article, you brought back a tangible vision from the past I am so glad he is still contributing Elmelik
Quote: Ya salllllaaam Please salam katir katir to him This is my first tutor in drawing and ( Kashafa) leader to he true guidance when I was growing up, Thank you so much for publishing this article, you brought back a tangible vision from the past I am so glad he is still contributing Elmelik
الملك سلامك واصل حقيقة استاذ الريح كان ليه باع طويل هي نهضة نشاطات الكشافة وهو اول من عمل طلائع
نتمني الطروف تجمعك بعم الريح تاني وفي مدني
Post: #17 Title: Re: معرض الزهور السنوي بودمدني(صور) Author: محمد البشرى الخضر Date: 04-05-2008, 06:35 AM Parent: #1
أبارو ياعمك إن شاء الله الإجازة الجاية حأجيك في مدني مخصوص عشان توديني للسيدة حواء أم البشر صينية القهوة الفي الراكوبة دي مسخت علي اليوم من الصباح ياخ
Quote: أبارو ياعمك إن شاء الله الإجازة الجاية حأجيك في مدني مخصوص عشان توديني للسيدة حواء أم البشر صينية القهوة الفي الراكوبة دي مسخت علي اليوم من الصباح ياخ
لقد هيجت اشجانى بذكرك لمعرض الزهور ونقلك لما فيه من اشياء واضافات جديدة فهذا المعرض كما ذكر الاستاذ السنى قديم قدم مدنى وحينما كنت هنالك لم اكن اضيع يوما من ايامه الجميلة ولعل مدنى كلها كانت كذلك لان اهل مدنى يحبون الطبيعة والزهور والخضرة ... عادت بى الذاكرة الى احدى معارض الزهور التى انتقلت الى قرية مساعد المتاخمة لوادمدنى وكم كان رائعا وجميلا وكم اصبح خالدا فى الذاكرة والوجدان ....
شكرا اخى ممدوح لهذا الجمال الذى اتحفتنا به وارجو ان تزيدنا من صور الازهار والورود الرائعة والنشاطات المصاحبة لذلك المعرض الرائع ...
التحية لك ولوادمدنى وللقائمين على معرض الزهور والرحمة والمغرة لعمنا ادريس بخيت الذى كان من اركان هذا المعرض سابقا ....
لقد هيجت اشجانى بذكرك لمعرض الزهور ونقلك لما فيه من اشياء واضافات جديدة فهذا المعرض كما ذكر الاستاذ السنى قديم قدم مدنى وحينما كنت هنالك لم اكن اضيع يوما من ايامه الجميلة ولعل مدنى كلها كانت كذلك لان اهل مدنى يحبون الطبيعة والزهور والخضرة ... عادت بى الذاكرة الى احدى معارض الزهور التى انتقلت الى قرية مساعد المتاخمة لوادمدنى وكم كان رائعا وجميلا وكم اصبح خالدا فى الذاكرة والوجدان ....
شكرا اخى ممدوح لهذا الجمال الذى اتحفتنا به وارجو ان تزيدنا من صور الازهار والورود الرائعة والنشاطات المصاحبة لذلك المعرض الرائع ...
التحية لك ولوادمدنى وللقائمين على معرض الزهور والرحمة والمغرة لعمنا ادريس بخيت الذى كان من اركان هذا المعرض سابقا ....
العم قرشو المعرض سيستمر لاسبوع تاني يعني حتشبعو صور وكلام
التحية لك أخي الفاضل ممدوح وأنت تشركنا معك بهذا الجمال
Post: #38 Title: Re: معرض الزهور السنوي بودمدني(صور) Author: محمد سنى دفع الله Date: 04-05-2008, 12:48 PM Parent: #36
معرض (( مساعد )) هو معرض موازي لمعرض الزهور في مدني وهذا معرض للخضر والفواكه والشتول يقيمه على ما اعتقد قسم البحوث الزراعية بمشروع الجزيرة وهو معرض خرافي وكان يدهشنا بتطور نوع الزراعة والأبحاث ودقة التنظير وعمليات المتابعة وحصافة البحاث وكان ان فتح ابواب العلم لتطوير كثير من المنتجات من القطن للموليتا ,, ما اجمل الجزيرة وهي تتفوق على نفسها بالزراعة بلد النفط الأبيض والكنوز الحضراء ... مودتي
Post: #39 Title: Re: معرض الزهور السنوي بودمدني(صور) Author: محمد سنى دفع الله Date: 04-05-2008, 12:55 PM Parent: #38
تفوقنا في كثير من الأبحاثوتم عرض كثبير من المانقو السودانية المتنوعة والفواكه والخضر الجيدة مزيد من التفوق والتقدم ..
Post: #41 Title: Re: معرض الزهور السنوي بودمدني(صور) Author: محمد سنى دفع الله Date: 04-05-2008, 01:03 PM Parent: #39
في مدني كان هناك اكثر من مهرجان في السنة في يوم الحصاد ويوم القطن وفيه يتم احتيار ملكة القطن وكانت دائما ما تكون الفتاة المتفوقة في امتحانات الستة وكان يوم الحصاد ننتظره بفارغ الصبر لجمال السيارات المزينة كل مؤسسة او وزارة او شركة تزين عربتها كما تريد وكان احتفالا يزيد المدينة جمالا مدني الجمال ابدا ..
Quote: في مدني كان هناك اكثر من مهرجان في السنة في يوم الحصاد ويوم القطن وفيه يتم احتيار ملكة القطن وكانت دائما ما تكون الفتاة المتفوقة في امتحانات الستة وكان يوم الحصاد ننتظره بفارغ الصبر لجمال السيارات المزينة كل مؤسسة او وزارة او شركة تزين عربتها كما تريد وكان احتفالا يزيد المدينة جمالا مدني الجمال ابدا ..
لا زالت الاحتفالات موجودةإلا أنها فقدت بريقهاالسابق مع إنشغال الناس بلقمة العيش
معرض (( مساعد )) هو معرض موازي لمعرض الزهور في مدني وهذا معرض للخضر والفواكه والشتول يقيمه على ما اعتقد قسم البحوث الزراعية بمشروع الجزيرة وهو معرض خرافي وكان يدهشنا بتطور نوع الزراعة والأبحاث ودقة التنظير وعمليات المتابعة وحصافة البحاث وكان ان فتح ابواب العلم لتطوير كثير من المنتجات من القطن للموليتا ,, ما اجمل الجزيرة وهي تتفوق علة نفسها بالزراعة بلد النفط الأبيض والكنوز الحضراء ...
زدنا استاذ محمد سني فالحديث عن المعرض كثير ومثير
هنالك معارض لمؤسسة الرهد الزراعية ومشتل الشجره والبحوث الزراعية وجمعية الصم والبكم جمعية المعاقين حركياَ وجمعية المكفوفين بالاضافة لمعارض لبعض الافراد
حمزة وعباس شقيقان من مدينة رفاعة حمزة الذي لم يبلغ الثامنة عشر تستحيل جوالين الزيت الفارغة في يده إلي سيارات وقطارات وعربات للاسعاف آية في الجمال عباس يساعده في جلب الفارغ والاغطيه وتقطيع الاسلاك *اسمك منو ؟ عباس ....أجاب وهو لا يحول ناظريه عن آلته التي يعمل عليها *من وين؟ *رفاعه *الشغل ده العلمك ليه منو؟ *براي انا كنت بعمل اول شي العربات بالحديد بس لمن لقيت البلاستيك أحسن بقيت أعمل بيه *البديك القروش تشتري المواد حقتك منو؟ *أبوي وهو قاعد بهناك أناديهو ليك؟ ضحكت من عفويته وأخذت بزكاءه ودقة تصاميمه
يعمل حمزه بهمة ونشاط لاينفك يصَنع فهو ما بين تقطيع للجوالين وبين تربيط بالاسلاك حتي انك تحس ان لا وقت لديه للحديث جلست اراقبه وابهامي علي زر الكاميرا كان يعمل علي عربة إسعاف لم ينطق ببنت شفه حتي فرغ من تجميعها وتربيطها وانا أراقب وأصور
هل توجد مؤسسه أو جمعيه يمكن أن تتبني افكار وتصاميم حمزه وعباس؟؟
Post: #57 Title: Re: معرض الزهور السنوي بودمدني(صور) Author: هاشم أحمد خلف الله Date: 04-05-2008, 06:37 PM Parent: #55
ممدوح ابارو تسلم يا مبدع اخذتنا في سياحة جمالية متفردة شكراً جميلاً وشكراً لكل من ساهم في خلق هذه الروعة . والتحية عبرك لمدني الحبيبة ولاهل مدني الجميلين.
مضغوط وحاتك بس يا ممدوح بقيت بجي داخل يوميا استمتع وامرق ويغلبني ارد
عارف يا ممدوح معرض الزهور سنويا كان عندنا برنامج اساسي بنمشي نقيل فيه من الصباح سنة 98 اظن كنا مشاركين في قسم الكمبيوتر وعلى ما اذكر كانت مقسمة الليالي على جميع اقسام المعرض بالايام وفي اليوم الكان علينا اخوك عمل فيها فنان ومسك المايك وكدا كنا عاملين لينا زي قروب صغيروني والوكت داك كان في فرقة برضو تابعة للرابطة الفرنسية اعضاءها ( الواثق بحيري - ومحمد عبد الرحمن - وصديق - وعباس - وولد تاني من مايو 40 ما متذكر اسمو ) كانوا مبدعين بمعنى الكلمة يا ممدوح وما عارفم مواصلين بغنو لحدي هسة ولا اتفرتقو ؟
المهم دي هسة اعتبرها هضربة زول مرهق ساي وبجيك تاني
انت من الزمن داك موجود؟ كنتو طلبة في جامعة الجزيرة (إمام) ولا ما كدي؟
Quote: والوكت داك كان في فرقة برضو تابعة للرابطة الفرنسية اعضاءها ( الواثق بحيري - ومحمد عبد الرحمن - وصديق - وعباس - وولد تاني من مايو 40 ما متذكر اسمو ) كانوا مبدعين بمعنى الكلمة يا ممدوح وما عارفم مواصلين بغنو لحدي هسة ولا اتفرتقو ؟
تزامن مع بوستك هذا ومع معرض الزهور اذاعة حلقة عبر قناة هارمونى عن مدنى وقد تغنى فيها فتاح السقيد وبلال موسى واخرون مما جعل مدنى تبقى فى الذاكرة متقدة وما زالت هارمونى تعيد بث تلك الاغانى بصورة منتظمة فارجو ان تتابع وتستمع وتستمتع ...
تزامن مع بوستك هذا ومع معرض الزهور اذاعة حلقة عبر قناة هارمونى عن مدنى وقد تغنى فيها فتاح السقيد وبلال موسى واخرون مما جعل مدنى تبقى فى الذاكرة متقدة وما زالت هارمونى تعيد بث تلك الاغانى بصورة منتظمة فارجو ان تتابع وتستمع وتستمتع ...
مع مودتى
نحيي قناة هارموني والقائمين علي أمرها
للاسف ياعم قرشو طبيعة عملي ما بتسمح لي بمشاهده التلفاز ...!! حيث أنني أعمل دوامين في اليوم
وبرضو ما لافقه
Post: #65 Title: Re: معرض الزهور السنوي بودمدني(صور) Author: خالد علي محجوب المنسي Date: 04-06-2008, 01:34 PM Parent: #64
أبارو كيف حالك تسعد يا جميل .. سعدنا بين هذا الكم الهائل من جمال الجمال والفات قديمو تاه ... سر وإلى الأمام سر بوست موفق وجميل ربنا يسعد يا غالي
Quote: أبارو كيف حالك تسعد يا جميل .. سعدنا بين هذا الكم الهائل من جمال الجمال والفات قديمو تاه ... سر وإلى الأمام سر بوست موفق وجميل ربنا يسعد يا غالي
تجولت في اروقة المعرض والازهار حولي من كل ناحية وزقزقة العصافير في تناسق مع صوت موسيقي زامفير وهي تنبعث من أحد أكشاك المرطبات والآيس كريم كلوحة رسمها فنان في حاله نشوه حتي وصلت معرض جمعية الصم والبكم وهناك شاهدت ما صنعت أياديهم ولكأنها تنطق بما تعجز عنه أفواههم من روعه التصميم رغم شح الامكانات
يتكون معرضهم من مجموعة من المشغولات اليدويه كالمفارش وغيرها لم أجد المشرف علي المعرض حتي آخذ منه بعض المعلومات ولضيق زمني إلتقطت بعض الصور ثم إتجهت ألي باقي المعارض وأعدكم بمزيد من المعلومات عن الجمعية إذا ما سنحت لي الفرصه مره أخري
الاخ ممدوح تحية عطرة-- لقد اعدت لنا الذاكرة الي الستينات والسبعينات حينما كان يقام في منزل الحاكم العسكري حسين علي كرار بعد ثورة اكتوبر وبعد ذلك في حديقة سليمان وقيع الله حينما كانت حديقة بحق-- معرض الزهور كان ملتقى للشباب من الجنسين -- اجمل الذكريات نحملها لذلك العهد الجميل -- شكرا لك لتذكيرنا بواحد من فعاليات مدني التي لن تندثر
Quote: الاخ ممدوح تحية عطرة-- لقد اعدت لنا الذاكرة الي الستينات والسبعينات حينما كان يقام في منزل الحاكم العسكري حسين علي كرار بعد ثورة اكتوبر وبعد ذلك في حديقة سليمان وقيع الله حينما كانت حديقة بحق-- معرض الزهور كان ملتقى للشباب من الجنسين -- اجمل الذكريات نحملها لذلك العهد الجميل -- شكرا لك لتذكيرنا بواحد من فعاليات مدني التي لن تندثر
الفاتح يوسف العبيد
بوجودكم يزدان المعرض ويصبح أكثر ألقاَ
فهل من أوبه لربوع مدني ؟؟
Post: #71 Title: Re: معرض الزهور السنوي بودمدني(صور) Author: محمد عبد الماجد الصايم Date: 04-06-2008, 06:12 PM Parent: #1
Quote: تجولت
يا عمك
كلنا اتجولنا معاك ياخ!!
بي مناسبة الجولة دي إنت زول سواق خلاص
بالله البوست دا زي البتشرب ليك في بزيانوس بااااااااااارد
شكراً أخى ممدوح على هذه السياحة التى ردّت نفسنا ....
الحمد لله رغم كل الحاصل لا زال هناك بعض قابض على جمر الإبداعات فى الوطن ...
الصائم قال :
Quote:
بالله البوست دا زي البتشرب ليك في بزيانوس بااااااااااارد
وبنضيف عليهو ستيم وفرات وحتى الببسى من المصنع الجديد
عرِّج وكحِّل عيونا بموفدين مؤسسة الرهد الزراعية بناء على طلب الجمهور.
Post: #79 Title: Re: معرض الزهور السنوي بودمدني(صور) Author: محمد خليل ساني Date: 04-06-2008, 11:30 PM Parent: #78
تسلم يا ممدوح على هذا الألق ،،، تتصور يومى لازم أدخل على البوست ده ،،، يومى شنو ،،، قول فى اليوم مرتين تلاته ،،، وده كله عشان نستمتع بجمال وفنون وروعة مدني ،،، تسلم وفى إنتظار المزيد من الصور والموضوعات ،،، مع محبتي.
Quote: تسلم يا ممدوح على هذا الألق ،،، تتصور يومى لازم أدخل على البوست ده ،،، يومى شنو ،،، قول فى اليوم مرتين تلاته ،،، وده كله عشان نستمتع بجمال وفنون وروعة مدني ،،، تسلم وفى إنتظار المزيد من الصور والموضوعات ،،، مع محبتي.
ساني ياعمك إنت سيد بوست تخش ذي ما تحب وترد علي الزوار في غيابي كمان
ما أجملهن حين يتقاسمن الخيط والسجاده وما وأجلهن وأعظمهن حين يتعاونّ علي مواساة بعضهن
أم سلمة أم لثلاثة من الاولاد وخمس من البنات تعمل علي ماكينة الخياطة منذ ثمانية عشر سنة أو تذيد.. خدوم لها ولد وبنت ولها مع إبرة الكوروشية زكريات أربعه سنوات ونيف
*صوركم دي حيشوفوها ناس أكتر من البحضرو التلفزيون وبره السودان كمان !!! ردت الخالة أم سلمي : *العمل ما عيب يا ولدي العيبة مدت الايد وقالت الخالة خدوم: *خلهي الناس البره يعرفو إنو نسوان السودان بمية راجل
مابال رجلاي لا يحملاني علي الذهاب؟ .......................... أهو سحر هاتين السيدتين أم أنه الاحساس بالعجز أمام كبريائهن؟
Quote: *خلهي الناس البره يعرفو إنو نسوان السودان بمية راجل
نفس معنى العبارات دي و بنفس العزة و الكبرياء سمعتها من الخالة فاطمة في البوسطة امدرمان وانا بشتري منها طواقي يدوية الصنع الإجازة الفاتت قعدت معاها قريب ساعة وهي بتحكي عن الظروف و الراجل المات في الجنوب و الأولاد البقرو في الجامعات جاني نفس إحساس العجز دا يا ابارو مع إحساس غامر بفخري بنساء بلادي
Quote: نفس معنى العبارات دي و بنفس العزة و الكبرياء سمعتها من الخالة فاطمة في البوسطة امدرمان وانا بشتري منها طواقي يدوية الصنع الإجازة الفاتت قعدت معاها قريب ساعة وهي بتحكي عن الظروف و الراجل المات في الجنوب و الأولاد البقرو في الجامعات جاني نفس إحساس العجز دا يا ابارو مع إحساس غامر بفخري بنساء بلادي
عارف يا ود البشري لمن تطول من زول وتلاقية صدفة ويقول ليك أنو مسافر حسي قبل ما تشبع منو؟ أها دا إحساسي مع خالاتك ديل
Quote: نفس معنى العبارات دي و بنفس العزة و الكبرياء سمعتها من الخالة فاطمة في البوسطة امدرمان
كان يوم أمس الجمعة يوماَ للتراث وقد كان من حسن حظي أن صادف هذا اليوم عطلة نهاية الاسبوع .... عبرت مدخل البوابة الشماليه لجمعية فلاحة البساتين حيث مقر المعرض وأنا في عجالة من أمري فستوقفني صوت من خلفي *يا ودأبارو أقيف سرعان ماإكتشفت فيه صوت إحسان صديقة الاستاذه فوزيه أم البشر *الليلة يوم المعرض بتاعنا جبت معاك كاميرا فيديو؟لانو ناس التلفزيون جايين وحيكون في القيدومة وحيرقصو العروس وكان قد فاتني يوم الشجره ويوم الصم والبكم وغيره من الفعاليات كما زكرت لي إحسان تحسرت لما فاتني من فعاليات ولانني لا أملك هذه التقنية في ماعدا كاميرا دجتل لا تتجاوز زاكرتهاالعشرون دقيقه فإستعضت عنها بالصور الثابته آملاَ ان أكون قد أوثقت ولو لجزء يسير من هذا التراث الاصيل
لا يتجاوز عمر العروسة والعريس الثامنة عشر إلا أنهم أدو دورهم كأبرع الممثلين قي تجانس بديع مع بعضهم البعض !!! وحولهم بعض النسوه يطلقن العنان لحناجرهن بالزقاريد
جلست مع السيد الباشمهندس عبد العزيز عبد المنعم مدير المعرض ورئيس جمعية فلاحة البساتين وحدثني عن تاريخ الجمعية والمعرض حيث بدأ المعرض بفكرة من العاملين بمشروع الجزيرة وكان يقام لمدة ساعة واحده تقطف فيها الزهور من كل سنة،ثم تطور الي يوم كامل ثم ثلاثة ايام فإسبوع حتي وصل إلي ثلاثة اسابيع في الفتره الحاليه.
قبل أن يسدل الستار علي المعرض عدت أدراجي لعم الريح صاحب العملات النادره
بعد أن حكي لي بعض المواقف الطريفه التي واجهته في جمع العملات سألته *اها بعدا المعرض شطب تاني ألاقيك ويين؟ *أنا قاعد في مدني وتلفوني معاك موش؟ وإحتمال قريب أعمل معرض للعملات بديك خبر ثم إسترد *أسمع أنا عندي طلب من ناس سودانيز ديل *قول داير تسجل معانا؟ إبتسم وقال ياريت بس طلبي أقل من كدا داير لي عملات وطوابع..... داير أي واحد جاي البلد يتزكر عمو الريح بي طابع أو عملة قديمه ولا حديثة وسلم عليهم كلهم شديد خاصة السني وقول ليه عمك راجي عملاتو وطوابعو
ودعته وأنا متعجب من حب هذا الرجل لهوايته التي أصبحت كل حياته كما قال !!!!!
رقم هاتف الاستاذ الريح سليم لمن أراد أن يجلب له بعض العملات والطوابع
وهكذا إكتملت أجمل أيام وليالي مدينة ودمدني علي أمل اللقاء في العام المقبل بإذن الله
الحبيب/ ممدوح مساء الخير والله عيب كبير انوا الواحد ماشاف البوست ده من البدائة لكن العتب علي النظر. وهكذا دائما هي مدني تاتي بكل جميل لتعطر سماؤاتنا وليالينا باريج الياسمين عمل جميل وجهد مقدر وبساطة تضاهي كل انواع الحداثة والتجديد. لن انسئ اجمل اسبوعين قضيتهم في ربوعها وانا في شهر العسل وهي حولته الي عسل حقيقي ولن انسئ ماحييت تلك الايام الجميلة التي قضيتها في ربوعها خاصة بمارنجان عووضة . عبرك كل التحايا لكل من اسهم في هذا العمل الجميل وربنا يخضر اياديكم كاخضرار مدني . وسنتواصل كل الود هارون دياب
دي
تحيةطيبه ليك 
