Post: #1
Title: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 04-03-2008, 10:01 PM
اعتقد انى قرأت قبل ذلك ...ان لم تخنى الذاكرة ....للدكتور منصور خالد
هذا التعبير اذ قال ان السودانييين لا يستمتعون بمنازلهم التى يشيدونها.
وقال الواحد فيهم بعد مايتعب ويشقى فيها بالسنين...
فى الاخر تلقاه خاتى ليه كرسى فى الشارع
وكمان مدى ضهره للبيت
بتفتكروا ليه
|
Post: #2
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ابو جهينة
Date: 04-03-2008, 10:05 PM
Parent: #1
Quote: وقال الواحد فيهم بعد مايتعب ويشقى فيها بالسنين...
فى الاخر تلقاه خاتى ليه كرسى فى الشارع
وكمان مدى ضهره للبيت |
إيمان مطلق بالمقولة : خربانة البناية أم قش ...
فالسوداني يبني البيت كنوع من إثبات الذات ... و في قرارة نفسه بأنه كبيت العويش ... سرعان ما سيؤول للورثة و هلم جرا
تحياتي أستاذة ناهد
|
Post: #134
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 05-23-2008, 11:25 PM
Parent: #2
إيمان مطلق بالمقولة : خربانة البناية أم قش ...
فالسوداني يبني البيت كنوع من إثبات الذات ... و في قرارة نفسه بأنه كبيت العويش ... سرعان ما سيؤول للورثة و هلم جرا
تحياتي أستاذة ناهد
ابو جهينه
صدقت استاذنا ابو جهينة .......خربااااااانة البناية ام قش
|
Post: #3
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: sourketti
Date: 04-03-2008, 10:28 PM
Parent: #1
عشان يتفرج على الناس المارين فى الخارج ويؤجج نيران الغيره فى الداخل والتى غالباً تكون قد وجدت مبتغاها ببناء المنزل وأجبرت صاحبه على الخروج لقضاء وقته بالخارج !!!
......
بناء المنزل فى هذا الزمن لم يعد من الأمور الساهله وقد يمضى العمر باكمله ويفنى قبل أن يكتمل بناء المنزل ....
|
Post: #7
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 04-03-2008, 11:25 PM
Parent: #3
Quote:
......
بناء المنزل فى هذا الزمن لم يعد من الأمور الساهله
وقد يمضى العمر باكمله ويفنى قبل أن يكتمل بناء المنزل ....
|
ويسكنه وهو عجوز.......وياهو ماباقى الا يشيل الكرسى
ويقعد فى الشارع ....وكمان حتى مايعاين للبيت القصف ليه عمره
بل بديه ضهره كمان ....نكاية فيه الجاب ليه وجع الركب
والمفاصل والضغط والفلس
مشكور والله
|
Post: #4
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: الزبير صالح الزبير
Date: 04-03-2008, 10:47 PM
Parent: #1
Quote: اعتقد انى قرأت قبل ذلك ...ان لم تخنى الذاكرة ....للدكتور منصور خالد
هذا التعبير اذ قال ان السودانييين لا يستمتعون بمنازلهم التى يشيدونها.
وقال الواحد فيهم بعد مايتعب ويشقى فيها بالسنين...
فى الاخر تلقاه خاتى ليه كرسى فى الشارع
وكمان مدى ضهره للبيت |
لانو الانسان لمن يكمل البيت هو زاتو بيكون في اخر عمرة علشان كدة بيقعد قدام البيت لاشغلة لا مشغلة وضهرة للبيت عشان ما يشوف الحاجة الضيع فيها سنين عمرة.
تحضرني طرفة تحكي عن واحد اخونا كان في السعودية الجماعة سمعوة بيتكلم في التلفون مع المقاول البيبني لية البيت في السودان ومصر انو يخلي المقاول يكبر لية مخزن كان مفروض يتعمل جنب باب الشارع ويقلبوا لية اوضة ولمن سالوة الجماعة لية عاوز بيها شنو قال ليهم منو البعد يكمل البيت دة بتكون عندة قدرة ومروة يطلع في السلالم دي ما ياها حاتكون اوضتنا نقعد فيها بالنهار ونطلع منها الكرسي في العصر جنب الباب.
|
Post: #5
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 04-03-2008, 11:09 PM
Parent: #4
Quote: إيمان مطلق بالمقولة : خربانة البناية أم قش ...
فالسوداني يبني البيت كنوع من إثبات الذات ... و في قرارة نفسه بأنه كبيت العويش ... سرعان ما سيؤول للورثة و هلم جرا
|
اخونا ابو جهينة ....
مرة شفت لى واحد بيته جميل وبحديقة كبيرة
شايل الخرطوش وبيرش فى الشارع وخالى الحديقة الجميله
الجوه يرشها ليه الجناينى ....
برضو تفتكر ليه
|
Post: #6
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: Zomrawi Alweli
Date: 04-03-2008, 11:09 PM
Parent: #4
احساس بأنك صاحب البيت وانك تريد ان تعرف الناس ان هذا البيت انت مالكه.
لانك لو مؤجره ما بتحاول تظهر في العلن خوف المداهمة من صاحب الدار وطالب الايجار.
|
Post: #18
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 04-04-2008, 12:42 PM
Parent: #6
Quote: احساس بأنك صاحب البيت وانك تريد ان تعرف الناس ان هذا البيت انت مالكه.
لانك لو مؤجره ما بتحاول تظهر في العلن خوف المداهمة من صاحب الدار وطالب الايجار.
|
والله برضو..... فهم ....
يعنى تانى نفهم انه اى زول قاعد برة البيت
البيت بيكون ملك ...ماايجار ...
وياربى طيب المؤجر بيقعد ويييين ؟ ولا بيكون بره
الحى زاتووو...
فتك بعافيه
|
Post: #8
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 04-03-2008, 11:37 PM
Parent: #4
Quote: لانو الانسان لمن يكمل البيت هو زاتو بيكون في اخر عمرة علشان كدة بيقعد قدام البيت لاشغلة لا مشغلة وضهرة للبيت عشان ما يشوف الحاجة الضيع فيها سنين عمرة.
تحضرني طرفة تحكي عن واحد اخونا كان في السعودية الجماعة سمعوة بيتكلم في التلفون مع المقاول البيبني لية البيت في السودان ومصر انو يخلي المقاول يكبر لية مخزن كان مفروض يتعمل جنب باب الشارع ويقلبوا لية اوضة ولمن سالوة الجماعة لية عاوز بيها شنو قال ليهم منو البعد يكمل البيت دة بتكون عندة قدرة ومروة يطلع في السلالم دي ما ياها حاتكون اوضتنا نقعد فيها بالنهار ونطلع منها الكرسي في العصر جنب الباب. |
اخونا الزبير
فى السودان كمان ...لاحظت بيوت كتيرة من السودانين بيعزموا الناس
على فطور الجمعه مثلا...تلقاهم قاعدين فى الشارع وفى ضل الرقراق داك
لانه الفطور دايما مابيطلع على 11 كده وبتكون الشمس فى نص السما ..
.وتلاقى الجماعه يضايروا ليك من ضل لى ضل
وجوه ممكن البيت يكون مكيف او حتى على الاقل بى ضله يعنى....
لكن البيحير قصة الشارع والقعاد والعزومه البره دى....
يعنى القصه ماواقفه على سيد البيت بس....الضيوف كمان
بتفتكر يالزبير رد الضيف للعزومه (الفى الشارع ) دى
ممكن تكون برضوا فى الشارع ؟
|
Post: #9
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: كمال ادريس
Date: 04-04-2008, 00:52 AM
Parent: #1
الاستاذة ناهد... سؤال يؤكد على الحرفنة في استنطاق المغترب الذي سيؤول الى ذلك الوضع الحتمي الغريب... لكن اسمحي لي ان اخرجك من هذا الــ" موود" واحكي قصة جار لنا في بورسودان كان يداوم على الجلوس في ناصية الشارع وظل الغادي والرائح يلقمه بالسلام،،، عندما يصيبه الضجر من كثرة الرد على السلام كان يدخل الى البيت متمتما "الناس دي ماعندها شغلة غير السلام عليكم"... في يوم وجدنا اطفال الحي يضحكون ويشيرن بايديهم الى الجار، نظرت تجاهه وانغمست مع الصغار في الضحك... جارنا الخبيث كتب لافتة عليها " وعليكم السلام" يرفعها بخبث كلما القى عليه المارة السلام.
بالمناسبة القصة حقيقية دون ذكر اسماء
|
Post: #20
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 04-04-2008, 01:03 PM
Parent: #9
Quote: الاستاذة ناهد... سؤال يؤكد على الحرفنة في استنطاق المغترب الذي سيؤول الى ذلك الوضع الحتمي الغريب... لكن اسمحي لي ان اخرجك من هذا الــ" موود" واحكي قصة جار لنا في بورسودان كان يداوم على الجلوس في ناصية الشارع وظل الغادي والرائح يلقمه بالسلام،،، عندما يصيبه الضجر من كثرة الرد على السلام كان يدخل الى البيت متمتما "الناس دي ماعندها شغلة غير السلام عليكم"... في يوم وجدنا اطفال الحي يضحكون ويشيرن بايديهم الى الجار، نظرت تجاهه وانغمست مع الصغار في الضحك... جارنا الخبيث كتب لافتة عليها " وعليكم السلام" يرفعها بخبث كلما القى عليه المارة السلام.
بالمناسبة القصة حقيقية دون ذكر اسماء |
والله ياكمال ضحكتنى ضحك .....لما زولك قال ....الناس دى ماعندها
شغله غير السلام عليكم ....غايتوا بالغ ده .....
كرهوه الشارع مرة واحده ....وكرهوه يفتح خشمه لرد السلام
والله ده راااااااح عليه جنس اجر ...
اما المغترب المشلهت ...
عندنا صاحبتنا بنت بيتها حلو جدا وبحديقه جميله زوجها
نزل السودان وخلاها هنا لشهر كده ....مشى كسر جزء من الجنينه عملها
دكان ...وقفله ...وجاء راجع كلمها ...قامت وجاطت وليه وماليه
وحيلم لينا الناس خشم الباب تانى لابنقدر نخش لانمرق و...و.......
المهم اتصلت على ام زوجها بالسودان وكلمتها الحاصل ...ولدك وماولدك ...
الخاله قالت ليها ....
ومالوا يابتى ....بعدين زاتو لما تجوا تستقروا بينفعكم
خليه يقعد فيه بره ...اصلوا كلامه حيكون كتر والماقادر كان
يفتوا هناك فى الغربه بيتفشاه هنا ......ومنها زاته مايوجع ليك راسك
والبيت يكون جوه نضيف
ودى برضو قصة حقيقيه
تسلم استاذ كمال
|
Post: #10
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: الرشيد البصيلى
Date: 04-04-2008, 03:34 AM
Parent: #1
التفسير الصحيح لذلك هو ان طبيعة الأنسان السودانى بدوى ....وبالتالى يفضل البراح على الضيق ولهذا لا يعجبه خط النظر القصير داخل صالون مثلا ..... هو يفضل ان يكون لناظريه شساع تتجول فيه عيناه ...وهذه طبيعة كل بنى البشر الذين يخرجون من المدينة الى الغابات والأودية وغيره من المناطق الفسيحة .......... هذه واحدة..
الشئ الثانى هو الظل .... تحلى الجلسة فى ظل العصر وانت خاتى سيرمسة او صبارة شاى جنبك بعد الغدوة ... وبرضو بحثا عن البراح ....ولا يعقل ان توجه ناظريك نحو البيت لينقطع خط نظرك فى مسافة ما بين مترين الى عشر أمتار.....
الشئ الثالث .... طبيعة بنى السودان الفضول غير المدفوع الثمن .... يعنى يحاول البحث عن المعلومات بصورة مجانية ... والبحث عن الأخبار من الذين يمرون من امام المنازل ... وكذلك يعرف للشعب صفة التواصل .....
شئ رابع هو لزوم الوجاهة .... يعنى الزول قام بكل واجباتو ...بيت واقف ...عربية مدكنة وتانيةواقفه لشخصه الكريم ... وتالته لأم العيال وصحباتا ... وواحدة ما بين الخضار وشفع المدرسة وكدا....طيب بعد دا ما حقوا يقعد فى محل ما يريحو ....
هسى لو قال للمرة انا يا أقعد هنا يا أشوف لى مرة تانى تخلينى اقعد فى ضل بيتى بدون مناكفة حتقول ليهو يا راجل اقعد قعادك والشاى والفطور جايينك يا عيونى ....
قالت يدى ضهرو البيت .... نان هو ما قاعدلو فوق راى .... فى قعدة ساى ... بس انتى يا ناهد قولى ليهو كلامك دا غلط ... شفتى اللكزة الصغيرونة دى .... تخليهو طوالى يمشى يجيب ليك ضرة والضحك شرطك ....ما ما عندو موضوع والجيب مليان طوالى ..... يلحقكك التوج ..... وأكيد قعد الشارع دى عمل إسكاننغ - مسح شامل- وبكون عارف لو نط محل رجلو يختها وين
|
Post: #11
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: doma
Date: 04-04-2008, 04:28 AM
Parent: #10
توارد خواطر عجيب يا ابا جهينه خربانه ام بنايا قش والبيت بيت الاخره . من صميم ثقافتنا والرؤيه ا لدينيه .
غايتو يا الرشيد ولدي فضحت الرجاله فضيحه العدو
الحمد لله نحن شغالين بسياسه رحلتي الشتاء والصيف.
الصقط يقطع الاضان والحر يقلي الحبه قعاد شوارع مافي  
|
Post: #29
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 04-04-2008, 07:18 PM
Parent: #11
Quote: توارد خواطر عجيب يا ابا جهينه خربانه ام بنايا قش والبيت بيت الاخره . من صميم ثقافتنا والرؤيه ا لدينيه .
غايتو يا الرشيد ولدي فضحت الرجاله فضيحه العدو
الحمد لله نحن شغالين بسياسه رحلتي الشتاء والصيف.
الصقط يقطع الاضان والحر يقلي الحبه قعاد شوارع مافي |
دوووما
بشوف انه من يوم ما الزول خت علامة فى واطة الله دى
وقال دى ارضى ........
هنا بدأت الحدود والقيود ....
اعتقد انه منها خلاص...بقى زولنا السودانى بيفضل يقعد فى الشارع
بعدا وتباعدا عن هذه الحدود والقيود....لكى لا تشرئب فى عنقه(من تانى )
فيكفيه مالقيه اثناء بناء البيت ....او تحديثه
تسلم
|
Post: #24
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 04-04-2008, 05:36 PM
Parent: #10
Quote: [التفسير الصحيح لذلك هو ان طبيعة الأنسان السودانى بدوى ....وبالتالى يفضل البراح على الضيق ولهذا لا يعجبه خط النظر القصير داخل صالون مثلا ..... هو يفضل ان يكون لناظريه شساع تتجول فيه عيناه ...وهذه طبيعة كل بنى البشر الذين يخرجون من المدينة الى الغابات والأودية وغيره من المناطق الفسيحة .......... هذه واحدة..
اخونا الرشيد .....
مشكور على نقاطك ....المترفه دى...
بالظبط كده....طبيعة الانسان السودانى الريفيه هى كده ......مع التحليق بعيدا
والتأمل للاشياء ...وبعد النظر والتفكر فى ملكوت الله ...دى صحيحه
وبتحصل علينا كلنا لما نكون بنشوف فى صحراء ولا زراعه ولا جبال
....ودائما الريفى نظرته للاشياء فاحصه وذكيه جدا
عكس انسان المدينه ....الذى يشغله عن ذلك الضوضاء....
الشئ الثانى هو الظل .... تحلى الجلسة فى ظل العصر وانت خاتى سيرمسة او صبارة شاى جنبك بعد الغدوة ... وبرضو بحثا عن البراح ....ولا يعقل ان توجه ناظريك نحو البيت لينقطع خط نظرك فى مسافة ما بين مترين الى عشر أمتار.....
يا مااحلاها من جلسه .....وبيوصوا عليها الاطباء
انه الواحد يطلع حته فاضيه (خلا) ويعاين بعيييييييد
ودى مفيده للنظر
الشئ الثالث .... طبيعة بنى السودان الفضول غير المدفوع الثمن .... يعنى يحاول البحث عن المعلومات بصورة مجانية ... والبحث عن الأخبار من الذين يمرون من امام المنازل ... وكذلك يعرف للشعب صفة التواصل .....
ياربى يكون كده ؟ ممكن 
شئ رابع هو لزوم الوجاهة .... يعنى الزول قام بكل واجباتو ...بيت واقف ...عربية مدكنة وتانيةواقفه لشخصه الكريم ... وتالته لأم العيال وصحباتا ... وواحدة ما بين الخضار وشفع المدرسة وكدا....طيب بعد دا ما حقوا يقعد فى محل ما يريحو ....
تمام كده ....لكن مديه ضهره ليه .....ليه مايقبل على حاجاته دى
ويستمتع ......بدخول العربيه ومروقها وبشكل البيت ...والخضار الجابوه شنو
والنسوه شنو .....هو طبعا بيكون (كرسيك سر)
انا غايتوا اتخيل لى مغصه بس ...كاتلاه
هسى لو قال للمرة انا يا أقعد هنا يا أشوف لى مرة تانى تخلينى اقعد فى ضل بيتى بدون مناكفة حتقول ليهو يا راجل اقعد قعادك والشاى والفطور جايينك يا عيونى ....
قالت يدى ضهرو البيت .... نان هو ما قاعدلو فوق راى .... فى قعدة ساى ... بس انتى يا ناهد قولى ليهو كلامك دا غلط ... شفتى اللكزة الصغيرونة دى .... تخليهو طوالى يمشى يجيب ليك ضرة والضحك شرطك ....ما ما عندو موضوع والجيب مليان طوالى ..... يلحقكك التوج ..... وأكيد قعد الشارع دى عمل إسكاننغ - مسح شامل- وبكون عارف لو نط محل رجلو يختها وين
(عدل بواسطة الرشيد البصيلى on 04-04-2008, 02:38 ص)
الراى شنوووووو؟..........
حلووووووووه اسكاننغ دى ....
مشكور على الافاده.....
وحبينا نرد عليك فيها حته حته .....
تسلم
|
|
Post: #12
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: يوسف محمد يوسف
Date: 04-04-2008, 08:40 AM
Parent: #1
العزيزة ... ناهد
بما اننى اجهز منذ اكثر من عامين لهذه اللحظة .. "الجلوس امام المنزل" .. وبالمناسبة
اهم شىء فى هذه الجلسة .. نوعية الكرسى الذى يستخدم فى هذا النوع من الجلوس ويسمى
" كرسى القماش / المعاش " .. طبعا كثير من شباب اليوم لا اعتقد راوا هذه النوعية من الكراسى والتى
لم يخلو منها منزل فى عموم السودان فى الماضى .. وبما ان الكرسى الخاص بنا جاهز منذ يوم
احالتنا على التقاعد الاجبارى .. ساوجذ لك وصفه :
كرسى خشبى يصمم من شرائح خشب التك .تجمع وتوصل مع بعضها البعض لتشكل فريم خشبى ذو انحناءة للخلف .
تحاك له فرشة " بدون حشوة " من القماش الثقيل لها فتحات من الاطراف لتمرير عمود او شريحة حديدية لتثبيت
القماش من الامام والخلف . تصميم هذا النوع من الكراسى قصد منه ان الشخص عند جلوسة عليه ان يكون وضع
جسمه فى حالة وسط ما بين الجلوس والرقاد ويفضل وضع " بنبر" او طاولة صغيرة فى الامام لرفع الارجل
عليها .. ميزة هذه الجلسة انها فى حالة النعاس يتم النوم بطريقة سهلة وسلسة .. وبما ان الشخص
فى هذه المرحلة من العمر كثبر النعاس قليل النوم..عديم الحركة .. يكون فى هذه الجلسة كما قال الشاعر " صاحى كالنعسان "
مبزة هذه الجلسة توفر .. الصحى والنعاس والنوم .. لذلك نجد ان اصحاب المعاشات بسكوا الضللة!!
من منا .. ليس له ذكريات .. مع الشارع .. براءة الطفولة .. وفجر الشباب .. لعب ومرح ...
شقاوة وشيطنة وحب للمعرفة والتجربة ومحاولة لاثبات الذات .. كل ذلك كان يتم فى بئة نظيفة
معافاة .. لذلك كان الشارع هو المكمل للمدراسة فى نشاتنا وتربيتنا وتعليمنا ..
امثالنا فى هذا الزمن .. فى اشد الحوجة لمثل هذه الجلسة .. للتامل والتحسر على زمن عامر مضى
لم يتبقى منه غير ذكريات .. جديرة بان تنشط فى ذاكرتنا ..
كل الود
يوسف
|
Post: #13
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: Baha Elhadi
Date: 04-04-2008, 08:44 AM
Parent: #12
أختي العزيزة :
هذا حينما كان المغترب يستطيع بناء منزل
أما الآن : فالمغترب يبني في خاطره
هذا اذا كان أيضا طيبا ومعافي
أها البنيان بنيان الآخرة لأنها الدائمة
لك ودي العاطر
|
Post: #14
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: mahmed alhassan
Date: 04-04-2008, 09:39 AM
Parent: #13
قعاد الشارع اذا استوفيناه حقه الشرعي من رد السلام وعدم الاسترسال
في البصــر في الغادي والرايح يعتبر جزء من النسيح والتواصــــل
الاجتماعـــي وخاصة في الاحياء الشعبية 0 ويعتبر صمــام أمــان للحي
من كل دخيل أو وافــد 0 كمأ أن الجلوس كثيرا في البيت يدخـــــل
الانسان في دوامة التفاصيل اليومية التي قد تؤدي لمشاكل0 مع أم العيال
مع الاسباب المنطقية التي أوردها المتداخلون أعلاه 0
|
Post: #15
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: Muna Khugali
Date: 04-04-2008, 09:49 AM
Parent: #14
| Quote: ليه السودانى بعد مايشقى ويبنى البيت بيقعد على كرسى فى الشارع وضهره للبيت |
أمكن يكون متغاظ من الديون العليهو
سلام اخي محمد الحسن..كلامك سمح..
Quote: قعاد الشارع اذا استوفيناه حقه الشرعي من رد السلام وعدم الاسترسال
في البصــر في الغادي والرايح يعتبر جزء من النسيح والتواصــــل
الاجتماعـــي وخاصة في الاحياء الشعبية 0 ويعتبر صمــام أمــان للحي
من كل دخيل أو وافــد 0 كمأ أن الجلوس كثيرا في البيت يدخـــــل
الانسان في دوامة التفاصيل اليومية التي قد تؤدي لمشاكل0 مع أم العيال
مع الاسباب المنطقية التي أوردها المتداخلون أعلاه. |
طبعا برضه في جوانب سلبيه..
حركة الجميع من الجيران مرصوده وفي هذا بعض من انتهاكات الخصوصيه..
سلام يا ناهد..وبوست دمه خفيف..
|
Post: #16
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: Nazik Eltayeb
Date: 04-04-2008, 10:57 AM
Parent: #15
يا عزيزتي يا ناهد
في العديد من بلدان العالم تصل الطبقة الوسطي سريعا لتحقيق مستلزمات حياتية من نوع السلع الdurable في وقت اقصر نسبيا من دول العالم الثالث.
وبمجهود يقل كثيرا وذلك بغرض استخدامها كوسائل للاستمتاع بالحياة وليس كغايات او اهداف .
لكن في بلد كالسودان تتحول الوسائل لاهداف بل لاحلام واذكر هنا اعلاناً لبنك شهير في الخرطوم يظهر فيه شاب او فتاة احياناً وهما ممسكان بعربات لعبة وتحتهما عبارة توقف عن الحلم وامتلكها. انها لعبة الاحلام التي ضلت طريقها فبدل ان يكون البيت مكان للاستقرار والهدؤ المحفز للابداع والانجازات التي يحلم بها الشخص لتحقيق ذاته نجده يتحول هو لغاية وبما انه غاية كاذبة سرعان ما يكتشف ان من استنزف حياته من اجله لم يروي عطشه او يوفر له الاستقرار واتذكر هنا الممثل السوداني الذي بني قطية من القش في سطح منزله ذو الطابقين .
لا استغرب ان يبحث الانسان عن تسلية رخيصة دائمة و ترويح لجسد منهك عل كرسي في الطريق تلك استراحة المسافر الذي لم يكمل الرحلة وانقطعت به السبل رغم انه حاول(struggling) تجنب ذلك في بداية اكتشاف الحقيقة المرة باستخدام العديد من الوسائل الفاشلة لادراك ما مضي من عمر. والوسائل الفاشلة يطول بها الحديث وقد تخرج بالبوست من مساره لذا ساترك الحديث عنها لفطنة القارئ.
|
Post: #40
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 04-05-2008, 04:48 AM
Parent: #16
Quote: [لا استغرب ان يبحث الانسان عن تسلية رخيصة دائمة و ترويح لجسد منهك عل كرسي في الطريق تلك استراحة المسافر الذي لم يكمل الرحلة وانقطعت به السبل رغم انه حاول(struggling) تجنب ذلك في بداية اكتشاف الحقيقة المرة باستخدام العديد من الوسائل الفاشلة لادراك ما مضي من عمر. والوسائل الفاشلة يطول بها الحديث وقد تخرج بالبوست من مساره لذا ساترك الحديث عنها لفطنة القارئ.
|
والله ذكيه انتى يانازك ....
واكيد لن يغيب ذلك على فطنة القارىء ماتقصدينه
ونقدر نقول عليها .....
واستراحة محارب كمان ...
فى زمن يضاف ولا يضاف اليه
ماتخافى يانازك البوست ده انا عامله ليه
محول اتوماتيك زى بتاع مترو الانفاق
محل مادايرة تمشى بيوديك.....بس ماتنزلى فى اول محطه
لك كل التقدير لهذا الحضور المبهر
|
Post: #38
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 04-05-2008, 04:35 AM
Parent: #15
Quote: أمكن يكون متغاظ من الديون العليهو
العزيزة جدا منى ....وانا اقول شوفت كرسيك ويييييين
ازيك ياغاليه ...تحياتى لاية وياسين...واوعك تفكرى فى الكرسى
منى ....طيب متغايظ يختى ..يدى البيت ضهره...ظ
مايمش مثلا يقعد فى الحوش البيكون بي وراءاو يقعد
فى الزقاق فى ضل الضحويه ....
الاقيك بى هناك ....ارح
|
|
Post: #36
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 04-05-2008, 03:54 AM
Parent: #14
Quote: قعاد الشارع اذا استوفيناه حقه الشرعي من رد السلام وعدم الاسترسال
في البصــر في الغادي والرايح يعتبر جزء من النسيح والتواصــــل
الاجتماعـــي وخاصة في الاحياء الشعبية 0 ويعتبر صمــام أمــان للحي
من كل دخيل أو وافــد 0 كمأ أن الجلوس كثيرا في البيت يدخـــــل
الانسان في دوامة التفاصيل اليومية التي قد تؤدي لمشاكل0 مع أم العيال
مع الاسباب المنطقية التي أوردها المتداخلون أعلاه 0
|
صدقت محمد الحسن
دى ملاحظه جدا فى الاحياء الشعبية ومن ميزاتها زى ماذكرت بيعرفوا الغريب من القريب
لكن احيانا بتكون سلبيه وبتوصل درجة شوبار عاليه .....
انظر
واحد زائر لاحد الساكنين فى هذا الحى غير مرغوب فيه (لاى سبب)
كو كو كو كو كو كو
صاحب (الكرسى) فى الباب المعاكس
اسمع ياولدى الناس ديل دق ليهم الباب ده سمح
بيكونوا جوه...بيختوا فى الغدا..
طيب ياحاج مشكور
كو كو كو كو كو
الحاج :ياولدى انت ماتدق شديد ...كدى هاك الحصحاصة دى دق بيها
هم قاعدين جوه هسى منال جات من الجماعه وادريس زاتو قاعد
كو كو كو كو كو
الضيف:خلاص ياحاج شكرا انا ماشى ...مااظنوا فى زول جوه
لا ياخى فى ....بتول هسى شالت جردل العجين من فايزة مرتى دخلت بيه
كدى عاين بى فوق الحيطه شوف باب الاوضه مفتوح
الضيف:لكن ياحاج ماظريفه اتاوق للناس كده
ياخى انت مش جاييهم مخصوص ....دق ياخى تلقاهم معليين صوت التلفزيون شديد
كو كو كو كو كو
ياحاج السلام عليكم ...ياخى ...انا ماشى
الحاج :تعال ياولد هنا ...دقيقه ...
يشيل الحاج تلفونه الموبايل ويدق على الجيران فى تلفون البيت
كدى امشى على الحيطه شوف سامع صوت جرسى ده عندهم
يرفع الجيران اخيرا التلفون
الحاج (بنهرة) مالكم مابتفتحوا الباب (الوليد الضيف) ده ليه ساعه
بيدقدق ليكم فى بابكم ده مالكم..... انتوا طرش مابتسمعوا
البت منال :...ياحاج على... نحن عارفينوا جاى ...
ومادايرين نفتح ليه الباب شغلتك انت شنو...ومالك هسى ضارب لينا
تلفون ...ياخى كرهتنا الحله زاتها ....
البجى كله انت ياتقول ليه الناس ديل فى..... يامنال هسى لبست اسكيرتيها
الاخضر ومرقت ....يا حمودى ولدهم مرق بقميصه البرتقالى ومتريح وركب الحافلة حقة الخرطوم
...ياخى مش البيت ده حنبيعه ...تانى عاين لليافطه
الحوار ده جاك كده وليد اللحظه ....غايتوا فيه شوبار ماحصل
|
Post: #28
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 04-04-2008, 06:24 PM
Parent: #13
اخونا بهاء الهادى .....
فعلا البيت بيت الاخره ....والمغترب ده كوم براه ....
يتخيل لى عدد بسيط منهم بنى وخلص واستمتع ببيته والبقيه
.... وعرشك...وسيخك
وبيمك... وعواميدك .....واسكلتونك ....محلك سر .....مشكور بهاء
|
Post: #35
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 04-05-2008, 03:27 AM
Parent: #13
Quote:
أختي العزيزة :
هذا حينما كان المغترب يستطيع بناء منزل
أما الآن : فالمغترب يبني في خاطره
هذا اذا كان أيضا طيبا ومعافي
أها البنيان بنيان الآخرة لأنها الدائمة
لك ودي العاطر
|
اخونا بهاء الهادى
المغترب خلاص معينه نضب من سنيييييين....ونشف واتحت ....
كدى هسى اليقدر يحل المعادله بتاعة الراتب المتقلص
اوالمتأخر تلاته شهور دى ....
والكفيل داير شنو...والتجديد جاء...والاقامه مالها مابعرفها
وبعدين يفكر
ينزل ليه لورى طوب واحد......ان قدر
طن الاسمنت الان وصل مليون
السيخ الطن 2 مليون
ورورووووووووووووب
غايتوا ان مغترب هسى خلص ليه بيت اول شىء
يشيل كرسيه ويقبله على البيت ...ويعدالحيطه
طوبه طوبه ...وقشه قشه 27 مرة فى اليوم
|
Post: #25
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 04-04-2008, 05:51 PM
Parent: #12
| Quote: بما اننى اجهز منذ اكثر من عامين لهذه اللحظة .. "الجلوس امام المنزل" .. |
يعنى يااستاذ يوسف ...ناوى مع سبق الاصرار والترصد لقعاد الكرس فى الشارع
والله بعد الغربه الطويله دى فعلا بنصحك بيها .....على الاقل الواحد يرجع حاجاته الحلوه
الزمان كان بيعيشها ....وكان فعلا الزول البيقعد فى الشارع ده اخو الاخوان وحلال المشاكل لكثير
من الخلافات البتكون فى الحى ...وكمان ممكن من كرسيه ده يقولوا ليه ناس الحله ...
ياحاج على ... قوم ارح ...فلانه زعلانه من راجلها
...ماشين انا وانت وعمر وحاج صالح
وعمك مصطفي وود محجوب
وبكل بساطة الحياة ...تنادى على المرة جوة
ياوليه ناولينى الجلابيه والمركوب ماشى حلة وراء
اشوف محاسن مالها مع راجلها ...
بتفتكر فى ظل الظروف العايشنها هسى دى ....
وبعد رجوعك ونيتك فى الجلوس خشم الباب ..وضهرك للبيت
حتلقى زول حايم ...ولا يجى يقول ليك فى القلبوا ....
ولا حيناولوك المركوب ببساطه كده
غايتوا ربنا يحضرنا قعادك ...واجى اشوف كرسى القماش الازرق بالابيض
تسلم يارائع
|
Post: #17
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناذر محمد الخليفة
Date: 04-04-2008, 11:09 AM
Parent: #1
!!
| Quote: ليه السودانى بعد مايشقى ويبنى البيت بيقعد على كرسى فى الشارع وضهره للبيت |
عشان عارف بعد ما قضى عمرو كلو في البنيان يوم طلوع (عنقريبو) منو قرب !!
|
Post: #37
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 04-05-2008, 04:00 AM
Parent: #17
| Quote: [عشان عارف بعد ما قضى عمرو كلو في البنيان يوم طلوع (عنقريبو) منو قرب !! |
دى قووووويه بالغت فيها ياناذر
|
Post: #19
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: جلال محمد نور
Date: 04-04-2008, 12:54 PM
Parent: #1
شكراً ناهد لهذا السؤال اللماح ..
والإجابة عندي لأنو ده سقفو أحلامو .. ومعاهو حلم تاني وهو " يا زول والله لو قدرت عملت ليك دكان دكانين في السوق وبنيت معاهو بيت بيتين وأجرتهم داير شنو.. تاني ما عندك همك ، والله بس ترمي كرسيك قدام الباب وتنتظر الإيجارات نهاية الشهر ..
|
Post: #41
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 04-05-2008, 05:29 AM
Parent: #19
اخونا جلال
اللماح طبعا الدكتور منصور خالد انا لمحته بعد ماهو لمحه ....
والله فى دى صدقت ...الناس يعنى هى الممكن تشكل ليك حتى طريقة تفكيرك
من ايجار......
وياخى كدى اسمع كلامى مابتندم ..
.وانت عارف مجذوب صاحبى
عمل كده..... هسى بالله البيلزوا مايرميه ....
والله ياجلال تعليق ظريف جدا ...
عمك يتحصل الايجاارات ومش كده بس يتحشر كمان
ماصاحب ملك ...
فى ناس الايجار
يلا عاين للجاى واتخيلت انه ممكن يكون كيف بين صاحب الكرسى والمؤجر
سيد الكرسى للزول المؤجر منه البيت:
اسمع بالله كلم ابوك البير دى اتملت وكبت....قللوا حكاية الموية دى
اسمعى يابت انتوا مكيفكم ده كابى الليل كله سقى لى الحيطه
اسمع ياحاج ...الكهرباء دى نحن مشتركين زى ماعارف
انتو عندكم فرن ومكوه ومكيف ونحن عندنا مروحتين بس كيف ندفع النص بالنص
اسمع ياشاب بالله ماتوقف عربيتك جنب الباب بتضارى لينا الهواء
اسمعى ياحاجه ....الزريعات الزرعتيهم فى الحوش ديل اقلعيهم
بيسقوا لى الحيط ديل ...ويتكسرن على بتبنوهم معاى؟
وقيس على كده
(غايتوا ...اتارى قعاد الكرسى بره ده بى فهم ...)
تسلم جلال
|
Post: #21
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: شهاب الفاتح عثمان
Date: 04-04-2008, 02:22 PM
Parent: #1
| Quote: ليه السودانى بعد مايشقى ويبنى البيت بيقعد على كرسى فى الشارع وضهره للبيت |
حبابك ..
لانه في بلــد الامنيات المستحيله التحقيق
شق الصفــوف وانجـزمشروع البيت ..
فصــار الهمــام في المقــدمه
وطبيعـــي ان يكـون البيت خلفــه
.
_______________________________________________
ليتهم يعلمون ان عمر اللحظـه في بعـدك يا خـرطـوم سنين طـوال .
د شهـاب الفاتح ـ كوالالمبـور
|
Post: #46
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 04-05-2008, 12:13 PM
Parent: #21
Quote: لانه في بلــد الامنيات المستحيله التحقيق
شق الصفــوف وانجـزمشروع البيت ..
فصــار الهمــام في المقــدمه
وطبيعـــي ان يكـون البيت خلفــه
.
|
[
اخونا شهاب
والله صحى ...غايتوا ضحكتنى
.شقى السنين عاد ....ونظريه برضو صحيحهومنطق كويس ....
طيب وبرضو ياشهاب ماممكن نقول ..خايف على البيت شديد
بعد الشقا الشقاه فيه ده .....خايفه (يهرب من خياله )
وحارسه بى برة ....قاعد ليه كده استاند باى ....
|
Post: #22
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: Hassan Makkawi
Date: 04-04-2008, 02:57 PM
Parent: #1
الاخت ناهد
بيوت السودان بناؤها في الغالب Very Basic
تخلو من الحدائق ولو كانت متر واحد
ومقدرة الكثير من اهلنا محدودة فى ابتكار وسائل
السلوي المنزلية. اضيفى الى ذلك شح الكهرباء
قلة مكيفات الهواء.محدودية و تكلفة و سائل الترفية
في الواقع الجلوس امام البيت هو ارخص وسائل الترفية
و النظر للرايح و الجاي ودس الانف فيما يخص ومالايخص
عموما عادة سيئة
لك الشكر
|
Post: #55
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 04-06-2008, 04:51 AM
Parent: #22
Quote: الاخت ناهد
بيوت السودان بناؤها في الغالب Very Basic
تخلو من الحدائق ولو كانت متر واحد
ومقدرة الكثير من اهلنا محدودة فى ابتكار وسائل
السلوي المنزلية. اضيفى الى ذلك شح الكهرباء
قلة مكيفات الهواء.محدودية و تكلفة و سائل الترفية
في الواقع الجلوس امام البيت هو ارخص وسائل الترفية
و النظر للرايح و الجاي ودس الانف فيما يخص ومالايخص
عموما عادة سيئة
اخونا حسن مكاوى
هسى كمان فى السودان بقت الوسائل الحديثه والارخص
بعد مالناس ملت الاقيام بتاعة الكمبيوتر والتفرج
على الفضائيات .....بقت لعبة (السيجه الزمان )بتعرفها؟
وهى طبعا الحفير فى الواطه ...كم حفرة كده
وكانت معروفه لناس امدرمان دون ناس بحرى والخرطوم
وهسى استحدثوها الان بقت (سيجه) ولكن ....
على الطاولات ...
0
emad altaib
.
تاريخ التسجيل: 27-12-2007
مجموع المشاركات: 911
Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت (Re: ناهد بشير الطيب)
ـــــــــ
Quote: وكمان مدى ضهره للبيت
بتفتكروا ليه
كيفك يا استاذه ناهد ..
عارفه حاجات كثيره بتخليه يخرج ويمد ضهره للبيت ..
لزوم (فشخره) .. الحاجة التانية البيوت من جوه طارده ليه
(النقه والحريم) .. (فالبعد ولا البلاد من سعد)..
طبيعة الجو الطبيعي حار في السودان .. وخاصة البنيان اصبح اسمنت
والمكيفات كانت قليله ..والكهرباء لليوم بتقطع بإستمرار..
التربيه السابقه ناسنا بيحبو السهله .. ومن خلالها من الممكن
تمارس فيها اجتماعياتك وتقضيه فراغك ..وحتما وانت جالس في كرسيك
سوف ياتي اليك كم واحد (ليسولف) معك ولربما لم يدخل عليك داخل منزلك ..
وكمان الظاهره دي من زمان موجوده والحديث في ما معناه ومالنا مجالس يارسول
الله غيرها ..يقصودن الجلوس علي الشوارع وهذا اذا افترضنا ان الذي يجلس علي كرسيه
يطل علي الشارع ..
والحاجة المهمه اختي ناهد تكوين المدينه عدناجاء من تطور القريه بمعني الطابع
القروي كان مستمدا في بداية امتدالمدينه والعادات والتقاليد القروية هي نفسها
ففي القريه تكثر التجمعات في علي شاكله الذي يمتطي كرسيه علي جدار بيته وسوف ياتون
غيره ..
واخير نحن شعب عفوي للغايه
شكرا ليك اختي ناهد
(عدل بواسطة emad altaib on 05-04-2008, 12:08 م)
|
|
Post: #23
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: emad altaib
Date: 04-04-2008, 04:27 PM
Parent: #1
ـــــــــ
Quote: وكمان مدى ضهره للبيت
بتفتكروا ليه |
كيفك يا استاذه ناهد ..
عارفه حاجات كثيره بتخليه يخرج ويمد ضهره للبيت ..
لزوم (فشخره) .. الحاجة التانية البيوت من جوه طارده ليه
(النقه والحريم) .. (فالبعد ولا البلاد من سعد)..
طبيعة الجو الطبيعي حار في السودان .. وخاصة البنيان اصبح اسمنت
والمكيفات كانت قليله ..والكهرباء لليوم بتقطع بإستمرار..
التربيه السابقه ناسنا بيحبو السهله .. ومن خلالها من الممكن
تمارس فيها اجتماعياتك وتقضيه فراغك ..وحتما وانت جالس في كرسيك
سوف ياتي اليك كم واحد (ليسولف) معك ولربما لم يدخل عليك داخل منزلك ..
وكمان الظاهره دي من زمان موجوده والحديث في ما معناه ومالنا مجالس يارسول
الله غيرها ..يقصودن الجلوس علي الشوارع وهذا اذا افترضنا ان الذي يجلس علي كرسيه
يطل علي الشارع ..
والحاجة المهمه اختي ناهد تكوين المدينه عدناجاء من تطور القريه بمعني الطابع
القروي كان مستمدا في بداية امتدالمدينه والعادات والتقاليد القروية هي نفسها
ففي القريه تكثر التجمعات في علي شاكله الذي يمتطي كرسيه علي جدار بيته وسوف ياتون
غيره ..
واخير نحن شعب عفوي للغايه
شكرا ليك اختي ناهد
|
Post: #63
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 04-06-2008, 11:38 PM
Parent: #23
الاخ عماد
فعلا زى ماقلت انت ... ممكن كمان تكون طبيعة جو السودان الحار وقطع الكهرباء سبب
فى القعاد فى الشارع ....منها يشم هواء الله ده ومنها يسلم عالغاشى
والماشى ...ومنها يرتاح من ناس البيت ....النقتهم بتكتر ....
اسمع الحوار ده (كمثال ) بين برعى وزوجته
يلا يابرعى قوم
اقوم امشى وين
قوم امرق اى حته
ليه؟فى شنو
دايرين ننضف
طيب ماتنضفوا انا حاميكم
ننضف كيف وانت داخل ومارق
طيب يعنى اسوى شنو امبارح حرمتونى الحوامه قلتوا الا البلاط ينشف
وطيب مالوا مااثر كرعيك ديل بيبينن فى البلاط السواه لى مزمل ولدى
ابيت مامارق ....مش دة بلاط مزمل ...اها (ويخمج المويه بكرعيه )(ويخرب لمزمل بلاطه)
وفيوووووووووو عالكرسى والشارع
الاسباب كتيرة عماد...... كماتفضلت انت واسهبت
ولكنى لم ارد ان اضيف عليها وتركتها لك كما هى
ومشكور
|
Post: #26
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: Hassan Makkawi
Date: 04-04-2008, 05:53 PM
Parent: #1
شباب
الموضوع تراة في قمة الاهمية!!
الرجل موضوع الحوار, ليس في يدة كتاب لية ؟؟؟
أين الخلل في تصميم بيوتنا حتي تكون حاضنة و ممتعة؟
ولم يجلس الحبيب بعيدا ويوفوت علي نفسة متعة التفاعل
مع ال بيتة
جاوبوا سريع
|
Post: #27
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: على محمد على بشير
Date: 04-04-2008, 06:13 PM
Parent: #26
استاذه ناهد
الناس الفوق دى كلها ماناقشه حاجه
اجابة السؤال
| Quote: ليه السودانى بعد مايشقى ويبنى البيت بيقعد على كرسى فى الشارع وضهره للبيت |
عشان يتفرج فى جكس الحله
ايوه والله
لانه زمنه كله مشغول بى بناء البيت ومافاضى
ولمن ينتهى من البنيان يا داب بيتفرغ للجكس
وبس
|
Post: #30
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: Nazik Eltayeb
Date: 04-04-2008, 07:22 PM
Parent: #27
استاذ علي
احترامي
القال ليك منو ما ناقشين حاجة ما اهو ذكرنا الكلام دا هنا
| Quote: استغرب ان يبحث الانسان عن تسلية رخيصة دائمة و ترويح لجسد منهك علي كرسي في الطريق تلك استراحة المسافر الذي لم يكمل الرحلة وانقطعت به السبل رغم انه حاول(struggling) تجنب ذلك في بداية اكتشاف الحقيقة المرة باستخدام العديد من الوسائل الفاشلة لادراك ما مضي من عمر. والوسائل الفاشلة يطول بها الحديث وقد تخرج بالبوست من مساره لذا ساترك الحديث عنها لفطنة القارئ. |
مالمعاينة في بقايا من المحاولات الفاشلة
|
Post: #66
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 04-07-2008, 06:56 AM
Parent: #27
Quote: عشان يتفرج فى جكس الحله
ايوه والله
لانه زمنه كله مشغول بى بناء البيت ومافاضى
ولمن ينتهى من البنيان يا داب بيتفرغ للجكس
|
اخونا على
والله ضحكتنا فى الصباح الجميل ده
وهو لمن ينتهى من البنيان بيكون فضل فيه عيون عشان يعاين بيها
وهل البيعاين ليهم ديل ....ياربى بعبروه؟
تسلموا
|
Post: #64
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 04-07-2008, 00:01 AM
Parent: #26
Quote: شباب
الموضوع تراة في قمة الاهمية!!
الرجل موضوع الحوار, ليس في يدة كتاب لية ؟؟؟
أين الخلل في تصميم بيوتنا حتي تكون حاضنة و ممتعة؟
ولم يجلس الحبيب بعيدا ويوفوت علي نفسة متعة التفاعل
مع ال بيتة
جاوبوا سريع |
الاخ حسن مكاوى
بيوتنا مصممة على الطراز (الحنينى الولوف) من زمن بعيد جدا
البيت الفيه راكوبه وبتلم ناس البيت والجيران وحتى البجوا من بعيد
بيفضلوا يقعدوا فيها ....ويتجمعوا ....ويحكوا مشاكلهم حتى باريحيه وطيب خاطر
الخلل ...جاء قريب بعد ماكل زول فكر انه يشيل الصالون ويقلبوا دكان
...ومحل الراكوبه....يقلعها يعملها بالسراميك ويفرشها نضيفه ماتتفتح اصلوا لى زول
والخلل جاء من فرزان الناس لعيشتها اذا كان الاسره الواحده دلوقتى
(فى بعض البيوت )بيكون فيها كم تلفزيون وكم كمبيوتر
وانقطع التواصل العائلى ...وتواصل الجيران
(لانه ناس فلانه ديل ماراقيين يجوا ساكت يوسخوا ويجوطوا لينا البيت )
غير احساس الناس نفسو اتغير تجاه الجار وحتى للاسف القريب
البقى من الد الاعداء ....صابته سهام الخلل
عارف الخلل وين ؟؟
......فينا نحن للأسف
|
Post: #31
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ALazhary2
Date: 04-04-2008, 07:30 PM
Parent: #1
النفس تبكي على الدنيا وقد علمت *** ان السعادة فيها ترك ما فيها
لا دار للمرء بعد الموت يسكــــنها *** الا التي كان قبل الموت يبنيها
أموالنا لذوي الميراث نجمعها *** ودورنـــا لخراب الدهر نبنيها
أين الملوك التي كانت مسلطنة *** حتى سقاها بكأس الموت ساقيها
فكم مدائن في الافاق قد بنيت *** أمست خرابا وأفنى الموت اهليها
لا تركنن الى الدنيا وما فيها *** فالموت لا شك يفنينا ويفنيها
المرء يبسطها والدهر يقبضها *** والنفس تنشرهاوالموت يطويها
انما المكارم اخلاق مطهرة *** الدين اولها والعقل ثانيها
والعلم ثالثها والحلم رابعها *** والجود خامسها والفضل سادسها
والبر سابعها والشكر ثامنها *** والصبر تاسعها واللين باقيها
والنفس تعلم أني لا اصدقها *** ولست ارشد الا حين اعصيها
واعمل لدار غداً رضوان خازنها *** والجار أحمد والرحمن ناشيها
قصورها ذهب والمسك طينتها *** والزعفران حشيش نابت فيها
أنهارها لبن محض ومن *** عسل يجري رحيقا في مجاريها
والطير تجري على الاغصان عاكفة *** تسبح الله جهراً في مغانيها
من يشتري الدار في الفردوس يعمرها *** بركعة في ظلام الليل يحييها
|
Post: #32
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: Elsanosi Badr
Date: 04-04-2008, 09:36 PM
Parent: #1
الأخت ناهد وزوارها الكرام
Quote: فى الاخر تلقاه خاتى ليه كرسى فى الشارع
وكمان مدى ضهره للبيت |
طبعا عشان يشم هوا وحاجات تانية
|
Post: #65
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 04-07-2008, 06:49 AM
Parent: #32
| Quote: طبعا عشان يشم هوا وحاجات تانية |
اخونا السنوسى
يشم هواء دى ...... عرفناها ........
الحاجات التانيه شنو ..... ماذكرتها .....
مع خالص التشكرات الكتيرات
|
Post: #33
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: طارق جبريل
Date: 04-04-2008, 11:07 PM
Parent: #1
ناهد كيفنك
تعرفي انا لا عندي بيت في السودان ولا ناوي عليه
لكن لمن امشي بيت ناس ابوي يمين من الدرابزين ما بطلع
ما بدخلني البيت الا الشديد القوي
|
Post: #34
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: هاشم أحمد خلف الله
Date: 04-04-2008, 11:29 PM
Parent: #33
يا ناهد اختي كدي بعد ما اعمل لي بيت بجي ارد علي سؤالك ده
|
Post: #70
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 04-07-2008, 07:36 AM
Parent: #34
| Quote: يا ناهد اختي كدي بعد ما اعمل لي بيت بجي ارد علي سؤالك ده |
اخونا هاشم .....
انشاءالله ان مد الله فى الاجال حنستنى ....
وفى انتظار كرسيك ...اقصد بيتك
وقالوا ياهاشم ياخوى البيت بيت الاخره .....
لك كل الود
|
Post: #67
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 04-07-2008, 07:09 AM
Parent: #33
Quote: ناهد كيفنك
تعرفي انا لا عندي بيت في السودان ولا ناوي عليه
لكن لمن امشي بيت ناس ابوي يمين من الدرابزين ما بطلع
ما بدخلني البيت الا الشديد القوي |
طارق ود عمى جبرين
عاد ياطارق انت باامانه قلت الكلام الصح وريحت روحك
بعد الغربه الطويله دى ...والقعاد فى الشارع ....مع الدرابزين
لكن المشكله طيب لو كان فى واحد
ماعنده (بيت ابو )
ذكرتنى ياطارق اخونا ود بلدنا...... م. بروى ....
الله يطراه بالعافيه قالوا شال قريشاته ومشى بنى ليه
بيت جميل جدا...عارف عامل الشبابيك كيف؟
بانيها تحت مع الارض زى شبابيك زمان عشان الغاشى والماشى
يسلم عليه ..وده طبعا بيدل على الكرم الاصيل فيه ...وحبه للناس
التحيه ليه
وليك ياطارق مع الدرابزين وشاى اللبن المقنن...
واسكت كب
|
Post: #39
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: Sabri Elshareef
Date: 04-05-2008, 04:37 AM
Parent: #1
الاستاذه / ناهد
تحياتي
بيكون ضهروا انكسر ؟؟؟؟؟
|
Post: #68
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 04-07-2008, 07:17 AM
Parent: #39
Quote: بيكون ضهروا انكسر ؟؟؟؟؟
|
بيكون ضهرو انكسر وضيع صبره الشويه......
مشكور اخونا صبرى
والتحاياعبرك لابوعركى
|
Post: #42
Title: Re
Author: Waeil Elsayid Awad
Date: 04-05-2008, 05:49 AM
Parent: #1
الاستاذة ناهد
تحياتى
الكلام دة بينطبق على المغتربين بس و لا على اى زول بنى بيت
(نشهد هذه الايام حملة جائرة فى هذا المنبر على المغتربين و حزب الامة )
عشان كدة حددى موقفك فى ياتو فسطاط (ما فساطيط بن لادن )
|
Post: #43
Title: Re: Re
Author: ابو جهينة
Date: 04-05-2008, 07:32 AM
Parent: #42
أختنا ناهد
سلام من تاني
Quote: مرة شفت لى واحد بيته جميل وبحديقة كبيرة
شايل الخرطوش وبيرش فى الشارع وخالى الحديقة الجميله
الجوه يرشها ليه الجناينى |
دة ذكرني بي زول ساكن في حي راقي جدا بالخرطوم و حالتو متيسرة ... لكن بياكل البوش مع ناس الدكان يومياً ...
|
Post: #79
Title: Re: Re
Author: ناهد بشير الطيب
Date: 04-07-2008, 11:05 PM
Parent: #43
Quote: دة ذكرني بي زول ساكن في حي راقي جدا بالخرطوم
و حالتو متيسرة ... لكن بياكل البوش مع ناس الدكان يومياً ... |
ابو جهينه
السودانى بطبعه حتى لو كان حالته متيسرة ومترفه
وحتى لو كان ارستقراطى فى تصرفاته بنجده دائما مابيلجأ
للشارع والتراب والمشى بالكرعين وقعاد الدكاكين
وقريض العيش حار ...واكل العجوره بلا غسيل.....
وتلقاه يتزاوغ من رفاهيته ويفتش لى امفتفت فى سوق الله
وكوارع منو مابعرف ...والباسم عند فلان وين كده .....
عندنا واحد بنعرفوا .....عايش فى دوله اوروبيه
بوضع عالى ومتميز وانيق......ده قال ....اول يوم بيستغرب كيف الضبان
ده حايم فى الصينيه والناس تهش فيه
ومستغرب كيف الناس دى لمن تجى تسلم عليه بتكون رجلينها مكتحه...و و و و
بس الزول ده بيقعد بس يومين ....تانى تلقاه راقد فى واطة الله دى ببرش
ويخلى الضبانه ترك وتاخد الفيها النصيب وتمش وهو ياكل
وتانى تلقاه حايم بسفنجته فى الحله
السودانى بسييييييييط ....جوااااه بسييييط .....جدا
الا مرات مرات بيسوي ليه رويشات كده .... دى طنقعه ساكت وبتفوت....
|
Post: #71
Title: Re: Re
Author: ناهد بشير الطيب
Date: 04-07-2008, 07:52 AM
Parent: #42
Quote: )الكلام دة بينطبق على المغتربين بس و لا على اى زول بنى بيت
(نشهد هذه الايام حملة جائرة فى هذا المنبر على المغتربين و حزب الامة )
عشان كدة حددى موقفك فى ياتو فسطاط (ما فساطيط بن لادن )
|
اخونا وائل
الكلام ده بينطبق على كل الشرائح بالتاكيد..
.كدى قولى
.كم مغترب بنى ليه بيت ....
اما عن بن لادن وفساطيطو ...فما لى علاقه بيها نهائى
اللهم الا فى لواكتى لى لبان (اللادن).......
ارتحت...
شربت الشاى باللبن...
جايينى بكلمات كبار كبار من الصباح.....
تسلم
|
Post: #44
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: Shawgi Sulaiman
Date: 04-05-2008, 08:57 AM
Parent: #1
الأخت ناهد لك التحية
السوداني دائما يشقى من أجل اسرته ، انا شخصيا كل تفكيري إنوا ابني بيت لزوجتي وأطفالي وإحساسي وقلقي دائما أن اؤمن لهم مكان يقيهم شر الحر وبرودة الشتاء ، أما أنا أجلس قدام البيت فوق البيت تحت البيت دي دائما لا تشغل تفكيري وأعتقد هي دي الفكرة العامة .
وفي الفكرة التانية في ناس بتحب تتفرج في خلق الله رايحة جاية
|
Post: #80
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 04-07-2008, 11:53 PM
Parent: #44
Quote: السوداني دائما يشقى من أجل اسرته ، انا شخصيا كل تفكيري إنوا ابني بيت لزوجتي وأطفالي وإحساسي وقلقي دائما أن اؤمن لهم مكان يقيهم شر الحر وبرودة الشتاء ، أما أنا أجلس قدام البيت فوق البيت تحت البيت دي دائما لا تشغل تفكيري وأعتقد هي دي الفكرة العامة .
وفي الفكرة التانية في ناس بتحب تتفرج في خلق الله رايحة جاية |
الاخ شوقى
فكرتك الاولى حلوه ....بس تجهز ليهم مكانهم ....وكان جهزتوا
ماياكا الدوبك ارتحت .....وجهزت مكانك برضو البيكتمل بيهم واكيد معاهم
والله بس الله يحلى الايام..... ويجيب الزمن السمح والناس السمحه
والطيبه والحنيه ...والباقى كلو على قولك هين ......
انشاءالله فوق برش
تسلم
|
Post: #45
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: الرفاعي عبدالعاطي حجر
Date: 04-05-2008, 11:25 AM
Parent: #1
Quote: الاستاذة ناهد... سؤال يؤكد على الحرفنة في استنطاق المغترب الذي سيؤول الى ذلك الوضع الحتمي الغريب... لكن اسمحي لي ان اخرجك من هذا الــ" موود" واحكي قصة جار لنا في بورسودان كان يداوم على الجلوس في ناصية الشارع وظل الغادي والرائح يلقمه بالسلام،،، عندما يصيبه الضجر من كثرة الرد على السلام كان يدخل الى البيت متمتما "الناس دي ماعندها شغلة غير السلام عليكم"... في يوم وجدنا اطفال الحي يضحكون ويشيرن بايديهم الى الجار، نظرت تجاهه وانغمست مع الصغار في الضحك... جارنا الخبيث كتب لافتة عليها " وعليكم السلام" يرفعها بخبث كلما القى عليه المارة السلام.
بالمناسبة القصة حقيقية دون ذكر اسماء |
تعرفي يا ناهد كلكم نسيتوا أنو الزول بيحب يشوف جمال حاجتوا او انجازه في عيون الآخرين !!! لذلك يجلس يعاين في اعجاب الناس بالعيون او بالنظر في عيون المااااارة .
تحياتي بوست جميل... وفكرتو مجلواتية (من مجلة).
.....................................................................................................حجر.
|
Post: #47
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: غادة عبدالعزيز خالد
Date: 04-05-2008, 12:55 PM
Parent: #45
الأخت اللطيفة الجميلة
ناهد
للأسف يا ناهد.. هذا القول ممكن ينطبق على السودان نفسه
بعد ما تعب في أولاده وأدخل المدارس ودفع حق الجامعات
ترك ذات الأبناء والبنات وراء ظهره وأنشغل في صراعات وحروب
حتى إنفضوا من حوله...
يا وطن يا جميل... يا الشعبك أصيل...
نظرة بالله 
تخريمة:
والله يا جماعة ما نفسي افلسف ليكم الموضوع
لكن بس الجمره بتحرق احيانا
وبعدين يا ناهد موش لو بنيت حيبقى بيتي
أقعد جواهو... براهو...
إن شاء الله فوق راسو
موش على كيفي
إن شاء الله راجعتي الماسنجر
خالص المحبة
غادة
|
Post: #48
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: nazar hussien
Date: 04-05-2008, 01:14 PM
Parent: #47
...وشي البيت فيه خشم الباب...وقفا البيت فيه جيران...ولو مافي جيران بيكون في شمس
وضهر البيت بتكل فيه ضهرو وكرسيه...فيه الضل...والشارع...والمارة...وشلة الدومينو
والشمارات والذي منو...
وعادة القعاد دا بيكون في العصريات...والله مش كدة
|
Post: #49
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: Hassan Makkawi
Date: 04-05-2008, 05:02 PM
Parent: #48
نزاري
كان بنيانك خلص!!
كرسيك أسألنى منو أنا......
|
Post: #51
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: جمال السنوسي
Date: 04-05-2008, 05:19 PM
Parent: #49
العزيزة ناهد
انقل ليكم قصة من احد اصدقائي : (قصة واقعية)
اها صاحبي ده قال عنده صاحبه جاب امه عمرة في رمضان وعايزها تقعد للحج عشان تحج اها الحاجة من اول ايامها شالت الكرسي وعايزة تمرق تقعد في الشارع في جدة زي ما بتقعد في السودان ، اها ولدها قال ليها ياحجة هنا غير والقعدة دي ما بتبقى والناس هنا ما بقعدوا في الشارع اها الحاجة زعلت وقالت ما بتقعد تاني ولازم تسافر البلد وترجع لبيتها اها الزول ده نادى صاحبي ده وقعد مع الحاجة يقنعوا فيها ما تقعد في الشارع في جدة اها رضت بي كلامهم وما قعدت في الشارع ولكن بعد كم يوم اصرت انها تسافر السودان ولا تنتظر الحج وقد كان وسافرت لبلدها وقالت (اخير لي بلدي من الحبس ده)
ناهد
بجيك راجع
جمال
|
Post: #103
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 04-25-2008, 02:27 PM
Parent: #49
اخونا حسن مكاوى
حضر الكرسى خلاص ...وصلت مرحلة البوهيه...
|
Post: #104
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 04-25-2008, 02:30 PM
Parent: #49
اخونا حسن مكاوى
حضر الكرسى خلاص ...وصلت مرحلة البوهيه...
|
Post: #105
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 04-25-2008, 02:30 PM
Parent: #49
اخونا حسن مكاوى
حضر الكرسى خلاص ...وصلت مرحلة البوهيه...
|
Post: #83
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 04-08-2008, 12:06 PM
Parent: #47
Quote: للأسف يا ناهد.. هذا القول ممكن ينطبق على السودان نفسه
بعد ما تعب في أولاده وأدخل المدارس ودفع حق الجامعات
ترك ذات الأبناء والبنات وراء ظهره وأنشغل في صراعات وحروب
حتى إنفضوا من حوله...
يا وطن يا جميل... يا الشعبك أصيل...
نظرة بالله
|
العزيزة المختفيه غاده
مازالت ياغاده شموس ليل (الوطن) تضىء عتمة ابناءه حسبوها مهد نجمة تحدثت بما يجيش فى خاطر
مساحاتنا المتوالية الاتساع ...الوطن مازال يشدو بااناشيد الجبال الاولى
ويسترق اسماعنا نحن خارج مياهه ويتذكر ايام كنا نتجمهر حول مذياعه ....لنستمع الى اخباره
يااختى ياغاده ...الوطن يتسامى ...الى درجة الامساك بكتاب الشمس وقراءة افاداته النضره
سطرا ...سطرا ...فى كيفية (لم) ابناءه من مغترباتهم المهترئه ....والبعيدة...
اخر الكلام غاده .....
الوطن (فاتح)لنا ذراعيه وترك ابوابه مشرعه ولكنه كتب لافته على بابه
(ممنوع الدخول لمن هم اقل من...... سن الوطن )
تسلمى يالغاليه
|
Post: #96
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 04-11-2008, 05:48 PM
Parent: #45
Quote: [تعرفي يا ناهد كلكم نسيتوا أنو الزول بيحب يشوف جمال حاجتوا او انجازه في عيون الآخرين !!! لذلك يجلس يعاين في اعجاب الناس بالعيون او بالنظر في عيون المااااارة .
تحياتي بوست جميل... وفكرتو مجلواتية (من مجلة).
............................................................................... |
من المؤكد يااخ رفاعى ....ان الكل حابى فعلا يشوف انجازاته
فى عيون الاخرين ...سواء كان نجاح واحد من الاولاد او تخرج البنت
او عقد الوليد الكبير او بناء البيت او او او او
كتيره هى انجازات الواحد....وربنا يحضرنا انجازاتنا المعلقه...
ليتنا يارفاعى بعد البيوت ماتتبنى نقعد ونستنى الجار للتسامر
معاه ....ونودعه وهو بيلوح لينا بيدينه دون ادنى شك فى انه يده
التانيه شايله(وشايه)ودون حتى ماندخل نحن جوه شايلين سره(لناس البيت)
ليت هذا الزمان يعود.....وساعتها سنجلس كلنا فى الشارع
الفكرة فكرة عمك منصور خالد....
نحن لفيناها وجبناها ليكم بى هنا
|
Post: #50
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: أشرف البنا
Date: 04-05-2008, 05:16 PM
Parent: #1
أستاذة ناهد سلاام ..
يعني لو هلالابي و الحيطة أصفر ممكن يديها ضهرو أو مريخابي و الحيطة أزرق برضو ممكن ...
أو لو مستني يسدد الديون البنى بيها البيت برضو ممكن ...
أو البناء ما فضل ليهو حق الكهرباء ... أو الكهرباء زاتها مقطوعة برضو ممكن ...
أو ما ممصدق إنو قدر يبني البيت و بيفتش ليهو في واحد يقنعوا ...
برضو ممكن ...
|
Post: #81
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 04-08-2008, 05:05 AM
Parent: #50
Quote: يعني لو هلالابي و الحيطة أصفر ممكن يديها ضهرو
أو مريخابي و الحيطة أزرق برضو ممكن ...
|
الاخ اشرف
ناس الكوره ديل ماشاءالله عليهم بيبينوا بسرعه ....
بس..... لكن منو الضرب ليه الحيطه من اساسو ...باللون
المناسب مع فريقه ...ولا هو قاصد ...امعانا فى تلقى الحجج بس
تسلم
|
Post: #52
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: المر
Date: 04-05-2008, 05:27 PM
Parent: #1
اشان ما (يتف) السفة فى الحيطة
|
Post: #84
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 04-09-2008, 00:01 AM
Parent: #52
Quote: اشان ما (يتف) السفة فى الحيطة
|
اخونا المر
برضو جائز.....
تسلم ياخى
|
Post: #53
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: omar altom
Date: 04-05-2008, 06:31 PM
Parent: #1
ليه السودانى بعد مايشقى ويبنى البيت بيقعد على كرسى فى الشارع ???
بتفتكروا ليه ????
عشان ما ممكن يخت سرير في الشارع.........الكرسي احسن......!!!
|
Post: #86
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 04-09-2008, 11:36 AM
Parent: #53
Quote: عشان ما ممكن يخت سرير في الشارع.........الكرسي احسن......!!!
|
اخونا عمر التوم
فى سراير برضو فى الشارع ....لف وشوف كده
لكن دى اسبابها براها ...
واغلب الناس اصحاب السراير البره ...
بتكون بيوتهم فى حدود امتار قليله جدا.....
لهم ولنا الله ....والله يوسع على جميع امة محمد
لكن صاحبنا المقصود بتاع البيت ده ....ده عايز (يصنقر)
مشكور
|
Post: #54
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: د.محمد حسن
Date: 04-05-2008, 07:05 PM
Parent: #1
الاستاذة ناهد
ما معقول الواحد اول مر يدخل ليك بوست يحس باالجهجهة
هسة ارد ليك بالجد جد والا بالهزار
ارد بالاتنين وانتي اختاري واحد منهم
هزار هزار
اها البيت وبنيناهم
النضوق ضله
جد جد
المنزل من اولويات بداية العمل وليس نهاية المطاق في كل الدول المنتجة
لانه اساس الاستقرار فبمجرد ما يستلم الشاب الوظيفة بيفكر في ناء او شراء المنزل وتدعمه الدولة او الجهة المخدمة
وبما انه في غياب تام لثقافة الانتاج في جمهورية الخرتيت
فنهاية المطاف
تكلة على الحيطة
وبس
|
Post: #89
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 04-09-2008, 07:51 PM
Parent: #54
Quote: الاستاذة ناهد
ما معقول الواحد اول مر يدخل ليك بوست يحس باالجهجهة
هسة ارد ليك بالجد جد والا بالهزار
ارد بالاتنين وانتي اختاري واحد منهم
هزار هزار
اها البيت وبنيناهم
النضوق ضله
جد جد
المنزل من اولويات بداية العمل وليس نهاية المطاق في كل الدول المنتجة
لانه اساس الاستقرار فبمجرد ما يستلم الشاب الوظيفة بيفكر في ناء او شراء المنزل وتدعمه الدولة او الجهة المخدمة
وبما انه في غياب تام لثقافة الانتاج في جمهورية الخرتيت
فنهاية المطاف
تكلة على الحيطة
|
د. محمد حسن انت بدل ماتحتار ياخى ماكنت ترد على بالجهجهه وتخلص ....
والله احلى حاجه التكله على الحيطة دى ...بس ماتكون مايله....
البنا زمان كان بيخضع للترتيب والحسبان
نظرة للارض ....فحفر...فتنزيل للطوب...فسقف...
اليوم ياعجائب الزمان قد يلتقى فى الارض سمساران
(يتشاكلان) من قبل ان يبيعا.....
تسلم يارب
|
Post: #56
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: حسن إبراهيم خليفة
Date: 04-06-2008, 06:16 AM
Parent: #1
الأستاذة العزيزة / ناهد
كميات من التحايا والمودة ...
والله بعد الشقى ده كله في البيت والله حالف ما أطلع منه ...إلا يطلعني الشديد القوي (صلاة أو مناسبة
في الحي) لكن غير كده لا ... لأنه كل ما أرقد في السرير بعاين في السقف بشوف كمية الأسمنت اللي
إتصرفت في الصبة وكل ما أعاين تحت بشوف السيراميك ، ودي كلها فلوس طلعت مني بي خراج
الروح ....أها البوديني أطلع في الضل شنو؟ والله ما أطلع!!!! أها رأيك شنو؟؟؟ قولي لي!!!
|
Post: #90
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 04-10-2008, 01:46 AM
Parent: #56
Quote: والله بعد الشقى ده كله في البيت والله حالف ما أطلع منه ...إلا يطلعني الشديد القوي (صلاة أو مناسبة
في الحي) لكن غير كده لا ... لأنه كل ما أرقد في السرير بعاين في السقف بشوف كمية الأسمنت اللي
إتصرفت في الصبة وكل ما أعاين تحت بشوف السيراميك ، ودي كلها فلوس طلعت مني بي خراج
الروح ....أها البوديني أطلع في الضل شنو؟ والله ما أطلع!!!! أها رأيك شنو؟؟؟ قولي لي!!!
|
اخونا حسن خليفه
كيفك ووين اخبارك والحى بيك .....
قلت لى حالف ماتطلع منه ؟
.....والله انا معاك فى معاينة السقف
والسراميك .....دى
لكن خايفه يقوم يجيك وجع الرقبه من معاينتك للسقف فوق
وتنزل تعاين تحت للسيراميك وتانى تعاين تحت وتانى فوق للسقف.....
لكن اظنوا غايتوا مابتجيك الفليته
لانه حتعدل رقبتك بالسلام فى الصلاة يمنة ويسرة ....
وبكده تكون معادلة الرقبه ظبطت
عفارم عليك....ومبروك عليك السقف والسراميك
|
Post: #57
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: صديق الموج
Date: 04-06-2008, 06:37 AM
Parent: #1
| Quote: ليه السودانى بعد مايشقى ويبنى البيت بيقعد على كرسى فى الشارع وضهره للبيت |
ناهد صاحبتى من زمان...كيف حالك
هو فى الحقيقه ما بكون مدى البيت ضهرو بكين مدى
ضهرو للشريك الثقيل الما دفع حاجه فى بناء البيت
وقاعد ينظر ونق نق نق نق نق نق نق نق نق نق نق
وبون مستصحبا بعض الامثال:
الضل اب رقراق ولا الرفيق الفسل ونقناق...
الكتاحة ولا المرة النباحه...
حر الشارع ولا كوراك المره ام كوارع
رقده فى شوال ولا مصاقرة ام العيال..
وبعدين يعنى انتى ماعارفه؟؟؟....
|
Post: #58
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: Abuobeida Ali Abdullah
Date: 04-06-2008, 07:29 AM
Parent: #57
الأستاذة ناهد
الموضوع لا يخلو من صالح عام ومعاشات ومغتربين مفنشين ومضروبين في السوق من اٌقرب الأقربين.
الغريبة البيقعدو في الضل أغلبيتهم عاملين فيها سماسرة لأيجار البيوت وحافظين ليك كل البيوت الملك والمؤجرةولمن يجو يختو ليك الطاقية في سعر الأيجار أحسن منها مكتب العقار.
دمتم....
أبوعبيدة
|
Post: #93
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 04-10-2008, 05:06 PM
Parent: #58
Quote: الموضوع لا يخلو من صالح عام ومعاشات ومغتربين مفنشين ومضروبين في السوق من اٌقرب الأقربين.
الغريبة البيقعدو في الضل أغلبيتهم عاملين فيها سماسرة لأيجار البيوت وحافظين ليك كل البيوت الملك والمؤجرةولمن يجو يختو ليك الطاقية في سعر الأيجار أحسن منها مكتب العقار.
دمتم....
|
اخونا ابو عبيده
الكلام ده صح ميه الميه .....لكن فى بداية البوست كتبت
انه حتى الناس الاوضاعها كويسه او مستقره او نقدر نقول عليها..
(مروقه)...برضو بتحب تقعد فى الشارع وتبارى الرقراق من حته للتانيه
رغم انه البيت جوه بضله ومراوحه وقد تكون مكيفاته كمان شغاله (هواء)....
وفعلا حقيقى حكاية الجماعةناس الشارع ديل مالذاذ....
دى بتلاقينى كتير .........
نتخيل سوا الحوار التالى ده
بين واحد جاى للحله غريب وبين زولنا بتاع الكرسى
الغريب...السلام عليكم
سيد الكرسى ...وعليكم السلام والرحمه
بالله عايز بيت ناس دفع الله
قالوا ليك فى مربع كم
والله ياخى اظنوا فى مربعكم ده
ده مربع 36
اى اظنه هو مش..... ياهو جنبكم كشك بسط الامن الشامل
اى ياهو ....انت داير دفع الله ابصلعه ولا بتاع القضائيه
لا ولا واحد فيهم ...دفع الله البقصدوا انا ده شغال مع ناس شركة الدقيق
دفع الله...الدقيق.... ده شكله كيف ده؟
اخضر ومليان كده
طيب اها ماقال ليك بيته مضروب لون شنو ولا شكل الباب كيف؟
انا جيته قبل كده ..اعتقد انه طوب ساكت
طيب سايق شنو
والله اظنه ياخ سايق عربية الشركه بوكس كده
بوكس شركة الدقيق ....ياربى لاقانى البوكس ده وين وين
اها ياحاج عرفته
اى عرفته ده مادفع الله السواق....ده رحل من هنا طول ياخى
مشى وين
والله مابعرف لكن البيت الكان ماجره هدا عارضنوا للبيع انت جاى تشترى
لا انا جاى لى دفع الله بس
اى عشان البيت دايرين فيه 120 مليون لكن بحاول انزله لغاية 90 مليون
لا ياحاج شكرا
السلاك عليكم
وعليكم السلام
تسلم ياابو عبيده
|
Post: #91
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 04-10-2008, 04:39 PM
Parent: #57
Quote: ناهد صاحبتى من زمان...كيف حالك
هو فى الحقيقه ما بكون مدى البيت ضهرو بكين مدى
ضهرو للشريك الثقيل الما دفع حاجه فى بناء البيت
وقاعد ينظر ونق نق نق نق نق نق نق نق نق نق نق
وبون مستصحبا بعض الامثال:
الضل اب رقراق ولا الرفيق الفسل ونقناق...
الكتاحة ولا المرة النباحه...
حر الشارع ولا كوراك المره ام كوارع
رقده فى شوال ولا مصاقرة ام العيال..
وبعدين يعنى انتى ماعارفه؟؟؟....
|
ود الموج الصاحبى لسه ....ازيك والبنيات
انت الشريك الاكل معاك الفريك ده موجعك من زمان ....
وياها وقلناها ليك قبل كده انا وام بنياتك
نق نق نق نق نق نق نق دى مابتتخلى .....
الا هى عاد تخلينا .....
غايتوا امثالك المخترعه براك دى بنقبلها منك
وبعدين انا عارفه.....انت خليت شىء زمان
بالجرايد جننتنا ........
بس الله يخارجنى من لسانك ده
اها وهاك .... ونق نق وقر قرق قر قرقر ونق نق نق
|
Post: #59
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: عبدالله كع
Date: 04-06-2008, 07:31 AM
Parent: #1
سلامات ناهد بت الطيب......
| Quote: وكمان مدى ضهره للبيت |
| Quote: وكمان مدى ضهره للبيت |
صديقني لو عندي بيت زي ده .... الشارع مابطلع (ضهرو للبيت قاااااااالت )
ــــــــــــــــــــ
خليتنا نحلم .....
دربك اخضر
|
Post: #92
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 04-10-2008, 04:45 PM
Parent: #59
Quote: صديقني لو عندي بيت زي ده .... الشارع مابطلع (ضهرو للبيت قاااااااالت )
ــــــــــــــــــــ
خليتنا نحلم .....
|
اخونا عبدالله
قوم صحصح ماتحلم....انشاءالله يديك الفى مرادك قول امين
وتقعد فى بطنو ....وخلى قعاد الشارع لى ود الموج ده
تسلم ومشكور على البيت الحلو ده
زى البيت ده بيكلف كم كده
|
Post: #60
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: خالد العبيد
Date: 04-06-2008, 08:26 AM
Parent: #1
dear Nahed
my old friend
regards
sorry I havent Arabic Keboard now
but Iwill be soon to this article
did you hear a funy jok that about a Shaegest man
one man from Shaeg tribe God grant him two homes in paradise
the man sell one and rent the sceond home
|
Post: #61
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: nazar hussien
Date: 04-06-2008, 09:15 AM
Parent: #60
Quote: نزاري
كان بنيانك خلص!!
كرسيك أسألنى منو أنا......
|
حا تديني كر....سيك..كم مرة...ما أنا اخدتها وانتهيت
يا راجل,,,,تسعل من الاسمنت واسعارو...تأخد كر ...سيك
من السيخ والذي منو تاخد...كر...سيك
لامن خليت الكتشينة زاتو...
حا نقلبها دومينو في راكوبة...والله الدومينو برضو فيها كر...سيك
|
Post: #94
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 04-10-2008, 05:43 PM
Parent: #60
Quote: dear Nahed
my old friend
regards
sorry I havent Arabic Keboard now
but Iwill be soon to this article
did you hear a funy jok that about a Shaegest man
one man from Shaeg tribe God grant him two homes in paradise
the man sell one and rent the sceond home
|
الاخ خالد
والله مافرقت بينا الا المنافى والاغترابات المهترئه
دى وفعلا كانت الجرايد بتلمنا ....وتجمعاتنا ومنتدياتنا
والله كل مااتذكرها بتدمع عينى .....وخاصة اختنا الاديبه خلود كبيده
والاستاذه سميره عواض ....
بعدين يعنى شنو ....قاصدنى بنكتتك دى عدييييييييييل
وبس عشان نكتتك دى احتمال كبير ااجر الكرسى البره للمارين ....
البيقبل لى ... على البيت سعره براه
والبيدى ضهره للبيت ده كمان سعره براه
فتك بعافيه وماتنقطع/B]
|
Post: #62
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: سيف اليزل الماحي
Date: 04-06-2008, 09:54 AM
Parent: #1
.
أستاذة ناهد بشير
أخلص تحياتي ..
موضوع فيه من الطرفة والمعنى الكثير ..
لأن الإنتقال للمدنية لا يتم وفق الحراك الطبيعي للمجتمع بفعل الكثير والكثير من المعوقات، فإن ثقافة المجتمع الرعوي لاتزال تتمدد وسط المدينة
في الخرطوم ولوقت قريب كان الجلوس خارج المنزل سانحة للإطلاع علي الصحف والإستماع للأخبار وربما الحوار الفكري والتلاقي الإجتماعي وفيه بعضا من أدب الإنتظار،
حتى إبتدع الناس فكرة إنشاء حدائق صغيرة أمام المنازل وسط الأحياء، فأضافوا براحا لمثل هذه الأغراض وغيرها على حساب الشارع، وقد شهدت الكثير من الأحياء
وسط الخرطوم معارك مستمرة بين الأهالي ومجالس الأحياء في قانونية التمدد أمتار إضافية خارج المنزل .. وكما أشار الأديب الطيب صالح: فإن السودان أمام معضلتين
تحددان المستقبل وهما الإنتقال للمدنية وقضية السلطة.
لكن فكرة الجلوس أمام المنزل ليست حالة سودانية خاصة، لكنها حين تتجاوز حدود كونها فسحة صغيرة في أوقات مناسبة ولأشخاص محدودين، فإنها تكشف عن خلل ما
فبعيدا عن الحديث عن رتابة الحياة عندنا والمنقصات اليومية، فإن الإنتقال من مرحلة إلى أخري يستعصي على الترتيب وفق الإهتمامات والبدائل والأدوار الإجتماعية
مما يشيء للإنتقال الطبيعي دون اللجوء لما يشبه عبثية الحياة والسخرية منها بإبتداع ما يسمي بإستراحة المحارب القسرية وتبديد الوقت علي تخوم جدران المنازل
وعلي نواصي الشوارع لمن أفنى حياته في واحد من مجالات العمل فينتهي به الأمر مزهوا بما شاد من بنيان أو ساخطا على رحلته الطويلة الشاقة التي بددت أحلام الإستمتاع
بالحياة وسرعان ما إنتهت بموجز فحواه كرسي على جدار المنزل وقليل من تحايا العابرين.
لسعادة العميد يوسف عاطر التحايا
ولو كنت أهديك هذا " الككر" فإنه من دواعي فخرنا بأمثالك من النابغين والنابهين أهل العطايا الأماجد، ولعمري ففي غير هذا الوطن الملوع وتلك المدينة الهاملة، لجلست علي الرحب
والسعة على كراسي المسئولية والأستاذية في أكبر مؤسسات تخصصك وصنعتك تنافح كالعهد بك عالما ومتخصصا وخبيرا، تصنع المستقبل لك ولنا وللقادمين، .ولا بأس أن وجدك
الأصدقاء تبدد الوقت علي شارع النيل مساء في إنتظار أن يبدأ العرض الثاني لسينما البلو نايل في عطلة نهاية الإسبوع.
عامر مودتي
سيف اليزل
.
|
Post: #69
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: مجدي عبدالرحيم فضل
Date: 04-07-2008, 07:32 AM
Parent: #62
يمكن تجئ طيارة طائرة وتهدموا ويمكن الكهرباء قاطعه وطلع يشم ليهو هواء لأن هوي البيت متعكر بينقه ! كلوا جائز ولا مو كدي سعيد بهذا البوست الظل بيتوا هادي شكرا ناهد بشير الطيب .
،،،،أبوقصى،،،،
|
Post: #74
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: سيد محمد احمد سيدنا
Date: 04-07-2008, 08:09 AM
Parent: #69
الاخت العزيزة ناهد
شكرا على البوست الجميل بس نسبتى
الحتة الثانية ( نبنى البيت وننوم فى الحوش )
لكن حتى لو ادينا البيت ظهرنا مش احس مما يعكر
صفونا صاحب الايجار ثم ان الواحد اصبح يبنى للابناء
يعنى جلوسة فى الشارع معناها هو فى الطريق لتوديع
البيت ابديا .
عشتى وطول الله فى اعمار الجميع
تحياتـــــى
ســــــــيد
|
Post: #101
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 04-14-2008, 06:29 PM
Parent: #74
( نبنى البيت وننوم فى الحوش )
اخونا سيد
وهو مامن زمان بننوم فى الحوش رقاد جوه ده ماجاء هسى
ويامااحلى نومة الحوش بالله لينا زمن ياسيد يااخوى ماعدينا النجوم
هسى تعاين بس للسقف وتصطدم بيه احلامك ام (3) امتار دى
وياحليل الحوش ولمة الناس فى العصريه والونسه مع طفى النور
للصباح .....وبعد ده تقوم نشيييييط
....... وفعلا صدقت حتى برضو
البنى بيته ويمكن كمان مكيف تلقاه داير رقدة الحوش....
ماشايف اخوانا المغتربين(يديهم الف عافيه)
بيقولوا شنو .....بتين نمشى السودان نرقد فى الحوش ...
تلقاهم بيقولوهااول يوم والتانى ...التالت بشيلوا شفعهم
وجرى على الغرف من الباعوضه
ده كان ماجاتهم الملاريا وجرى على مكاتب الحجز للرجعه.....
نشوف الحوار ده (لحظوى) بين عائشه وابراهيم راجلها
ياابراهيم ازيك
اهلا وصلتوا كيف ياعائشه
والله كويسين لكن دايرين نرجع
بسم الله مايادوبكمسافرتوا اسبوع ماتميتوه....
لا لا لا لا اسكت الباعوضه قطعت الشفع قطيع
يابت الناس حللى طيب التذاكر.... اقصد حللى للشفع الملاريا
حللت وعندهم ملارياشديده وقال لى الدكتور قربت تبقى تايفود
لكن ترجعوا طوالى كده كيف....مااصلى جاى لاحقكم بعد 3 اسابيع
تلحق منو ؟ الواطه حاره وعارف مكيف واحد عند ناس ابوى مافى
يادوب مروحة البرنده
خلاص يازوله برسل ليكم بكره اشتروا مكيف....(يطنطن) دى شبكة شنو ياخ
عائشه: قلت شنو؟
لا ولا حاجه ....
ولا اقول ليك ارجعوا وتانى ابقى مره نقى لى فى راسى ده مسافره مسافره
شكرا ليك اخونا سيد
|
Post: #95
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 04-10-2008, 06:05 PM
Parent: #69
Quote: يمكن تجئ طيارة طائرة وتهدموا ويمكن الكهرباء قاطعه وطلع يشم ليهو هواء لأن هوي البيت متعكر بينقه ! كلوا جائز ولا مو كدي سعيد بهذا البوست الظل بيتوا هادي شكرا ناهد بشير الطيب .
،،،،أبوقصى،،،، |
اخونا مجدى
النقه دى اكيييييييده ......والكهرباء مؤكده
يعنى فهمنا منك هسى ... انه النقه والكهرباء هم السبب
طيب ليه النقه ....ماتقطع .....ونرتاح
والكهرباء ...تدور وتنق فى راسنا ده للصباح
الحاجات معانا كلها بالعكس
البوست هادى لوجود الاحباب داخله
|
Post: #98
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: عماد محمود علي
Date: 04-13-2008, 08:03 AM
Parent: #95
الأخت الفاضلة ناهد
| Quote: ليه السودانى بعد مايشقى ويبنى البيت بيقعد على كرسى فى الشارع وضهره للبيت |
بيقول للبيت خليتك للزمان الجاي وخلني أنا قاعد بره براي .... 
تخريمة :
هسه إنت ما بنيتي البيت ده ( البوست ) وقاعدة بره ومدياه ظهرك وخالانا برانا جواه وما لاقين موية حتى نشربها ... أها سببك شنو !؟؟؟
|
Post: #99
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 04-14-2008, 05:33 PM
Parent: #98
Quote:
تخريمة :
هسه إنت ما بنيتي البيت ده ( البوست ) وقاعدة بره
ومدياه ظهرك وخالانا برانا جواه وما لاقين موية حتى نشربها ...
أها سببك شنو !؟؟؟ |
[B]اخونا الظريف عماد
ياخى ضحكتنى ...والله عفارم عليك ليك نظره حلوة للبوست المدياه ضهرى دى ....
وهو انا لامة فيه (البوست) كل يوم بجى اجره بكل ثقة وفخر من صفحة تلاته
واجى اخت الفوقو النصيب للاحباب .....والبلقاه عاد منهم... ياهو القعد شرب معاى
البارد والشاى فى ضل البيت...وفى كرسى الشارع كمان ...اها شن ليك ...
اما سببى
سفرى السبب لى ازايا..... [/B]
تسلم على المرور الدمه خفيف ده
|
Post: #137
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 06-02-2008, 01:26 PM
Parent: #62
Quote: في الخرطوم ولوقت قريب كان الجلوس خارج المنزل سانحة للإطلاع علي الصحف والإستماع للأخبار وربما الحوار الفكري والتلاقي الإجتماعي وفيه بعضا من أدب الإنتظار،
حتى إبتدع الناس فكرة إنشاء حدائق صغيرة أمام المنازل وسط الأحياء، فأضافوا براحا لمثل هذه الأغراض وغيرها على حساب الشارع، وقد شهدت الكثير من الأحياء
وسط الخرطوم معارك مستمرة بين الأهالي ومجالس الأحياء في قانونية التمدد أمتار إضافية خارج المنزل .. وكما أشار الأديب الطيب صالح: فإن السودان أمام معضلتين
تحددان المستقبل وهما الإنتقال للمدنية وقضية السلطة.
|
الاخ العزيز سيف اليزل......
شكرا على الصورة المعبرة .....وبالجد اسفه على التأخير فى الرد .....
ابتداع الناس فى الخرطوم لهذه الحدائق من الاشياء البجد جميلة ووسعت كتير على الاسر جوة
...وخاصة الشباب البيجدوا راحتهم فى القعاد برة ...
.بدون مايزحموا ناس البيت بقعاد(اصحاب شباب البيت) فى بيت فيه بنات
ودى من الميزات الحلوة فى السودانيين ....وبصراحة كمان قعدة الحديقة
البرة دى مريحة بشكل بعرف واحده بيتها تقريبا 200 متر ....
اخدت من الشارع تقريبا مترين لى قدام(وعلى فكرة اغلب الحى كده )
....قفلتها بالسلك الشايك والشجر ...وفرشت فيها سراير ...وبقت مغطيه من الشارع تماما
...وطبعا سقفتها ...وبالجد مابنبسط فى القعاد لما امشى ليها
الا فى القعدة البرة دى والجارات يجوا داخلين ومارقين والقهوة بالجد برنامج حلو وونسة حلوة
وفيها حميمية ومؤازرة جار لجار ......
شكرا اخ سيف ...
مع مودتى
|
Post: #72
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: العوض المسلمي
Date: 04-07-2008, 07:58 AM
Parent: #1
طبعا كلام مثل هذا ناهد اختي ينطبق علي اهل المدن فقط
فالرجل الكبير في الريف تستمر حياته سواء زراعه وحش ونظافه للمشروع
والطياني يلخ ويعجن في الطين وكانه ابن العشرين
اما في المدينه فالاسباب كثيره
ومنها ضيق البيت وازعاج الاطفال "ان وجدوا"
وقطع الكهرباء
ومرات يكون الناس كلهم مشوا الشغل يعني البيت فاضي
ومرات دبرسه وزهج ساااااااااااهي
ومرات للونسه مع الجار بدون دخول بيوت
ومرات لتذكر ايام الصبا ورؤية بنات الزمن ده
ولازم الظهر للحيطه قد يكون
خوفا من المجهول
وقد يكون الكرسي مكسور وتاكلنو بالحيطه
ويمكن علشان الشعار
احمي ظهرك وارمي قدام
وغايتو المساله تستحمل الكثير من الحجج
|
Post: #100
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 04-14-2008, 06:04 PM
Parent: #72
اخونا العوض المسلمى
البيمشوا الشغل ديل وخلولوا البيت خلا ......وفاتوا ياحليلوا ...
كتير من ارباب المعاشات او اللى لاى ظروف تانيه ممكن يكون ماشغال
بتلقاه متأثر جدا ودائما مابنشوف الحزن فى تقاطيعه ...
لما نديه احساس انه هو خلاص ادى مهمته وماعليه الا الجلوس بره...
وبقوا الاولاد والبنيات هم البيمشوا الشغل ويصرفوا على البيت..
لنرفق بهؤلاء فياما قدموا من اجلنا ...لنلاطفهم ...
ونعطيهم الاحساس بالامان...ولنستفيد حتى من تجاربهم
وخبراتهم ...وحتى قصصهم ...من المؤكد ان فيها الكثير
لكن ياالعوض مامتخيل نوع ونسته مع جاره شنو
اريتك ان اديتنا منها هنا سطر سطرين كده
خاصة وان حججك الكتيره الذكرتها كلها وارده
يلا برجاك تكلمنا عن عمك وونسته مع جاره
لك الود
|
Post: #73
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: عثمان دغيس
Date: 04-07-2008, 08:06 AM
Parent: #1
العزيزة ناهد
يخيل لي السبب إنو تحقيقاً لمقولة ( هذا الصرح من ذاك الكلس ( أو الجدع ) ........!
يعني كأنه يقول للناس ( أها لقيتوني كيف ؟؟؟)
أنا بالمناسبة دي بنيت بيتي في منطقة صالحة جنوب أم درمان قبل ماإغترب سنة 2002م
وأذكر في تلك الفترة وقبل ما يكتمل البيت وكنت ساكن فيه هروبا من أصحاب البيوت المستأجرة ..
كنت عادة ما أجلس أمام البيت وعلى قوز رملة من رمال البياض أنا وبنتي الوحيدة آنذاك وزوجتي ...
الزمن داك كان أقرب بيت مبني ومسكون يبعد مننا حوالي ال 300 متر وكان بالحلة كلها عدد البيوت لا يتجاوز أصابع اليد الواحدة وطبعاً كانت متفرقة ...
الجدير بالذكر ما كان عندي باب للحوش ..
كنا قاعدين في السهلة سااااكت ..
وكنت لمن اجي من الشغل ألقى زوجتي وبتها منتظرني فوق قوز الرملة من عصراً بدري ..
وما أن إكتمل البيت ( والذي إستغرق حوالي السنتين ) إلا وأن هاجرت إلى قطر ..
وما زلت أشتاق لقعدة الرملة ..
|
Post: #102
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 04-18-2008, 12:21 PM
Parent: #73
Quote: يخيل لي السبب إنو تحقيقاً لمقولة ( هذا الصرح من ذاك الكلس ( أو الجدع ) ........!
يعني كأنه يقول للناس ( أها لقيتوني كيف ؟؟؟)
أنا بالمناسبة دي بنيت بيتي في منطقة صالحة جنوب أم درمان قبل ماإغترب سنة 2002م
وأذكر في تلك الفترة وقبل ما يكتمل البيت وكنت ساكن فيه هروبا من أصحاب البيوت المستأجرة ..
كنت عادة ما أجلس أمام البيت وعلى قوز رملة من رمال البياض أنا وبنتي الوحيدة آنذاك وزوجتي ...
الزمن داك كان أقرب بيت مبني ومسكون يبعد مننا حوالي ال 300 متر وكان بالحلة كلها عدد البيوت لا يتجاوز أصابع اليد الواحدة وطبعاً كانت متفرقة ...
الجدير بالذكر ما كان عندي باب للحوش ..
كنا قاعدين في السهلة سااااكت ..
وكنت لمن اجي من الشغل ألقى زوجتي وبتها منتظرني فوق قوز الرملة من عصراً بدري ..
وما أن إكتمل البيت ( والذي إستغرق حوالي السنتين ) إلا وأن هاجرت إلى قطر ..
وما زلت أشتاق لقعدة الرملة .. |
اخوناعثمان ود عمى دغيس
كتير من الاسر اللى بنت قبل كده ....كانت بداية بيوتهم زى ماانت قلت
بيوت متفرقه فى حى نائى وطرفى ...شويه شويه بيتملى الحى ...والملاحظ
فعلا انه انت مجرد ماتخت الساس ...جارك العلى يمينك ولا شمالك يجى يحفر..
وكانت نصيحة الوالده.... طول الله فى عمرها يارب... دايما....
يااولادى اسمعوا كلامى .... اسكنوا فيه كده....بى حالتوا دى .....
وبعدين وانتوا قاعدين فوقه ....تموه ...وبييتم ليكم باذن الله .....
وتقول لينا (المبدى متموم)
وقعدة الرمله والقوز امانه مامابتتفوت ....نتمنى ليك رجوعك و(تمردغك )فيها
شكرا عثمان
|
Post: #75
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: خالد حامد الجزولي
Date: 04-07-2008, 09:02 AM
Parent: #1
عزيزتي العزيزة ناهد
لا شك البوست هادف وليس أدل على ذلك القبول الكبير الذي وجده ويجده
حبيت أمر وألقي السلام
تحياتي
|
Post: #106
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 04-26-2008, 10:27 AM
Parent: #75
Quote: لا شك البوست هادف وليس أدل على ذلك القبول الكبير الذي وجده ويجده
حبيت أمر وألقي السلام
تحياتي |
اخونا الموردابى خالد الجزولى
زمان كل زول يسوى ليه ضل بيت...
ويشيل ليه كرسى ويقعد بره زى( ايام زماااااااان)
بكل بساطة واريحيه ...وحب للناس والجيران واكرام الماشى
واحتواء الصغار وتوجيههم...والالتفات للترابط بين الناس ..
وزرع المحبه ...وتوقير الكبير ..والتوصية على الجار ....
هسى للاسف كل زول قافل بيته عليه ....والجار.... كتار فيهم متخاصمين مع بعض
فبالتالى مابيكون الزول داير يقعد بره (عشان مكجن وش جاره)
زمان الصينيه ناس البيت يمرقوها لسيد البيت
فى الشارع قبل ماياكل يعزم الغاشى والماشى ...
هسى ...اول شىء يرسلوا ليه شافع
ابوى قالوا ليك تعال دايرنك
او...ابوى التلفون من امريكا ولدك عصام ضرب
ياحاج ....خش نضفنا ليك خلاص اوضتك
وهو بكونوا بينادوه للاكل ...كان غدا ولا فطور...
ياربى الظروف هى المنعت الناس حتى تشاركنا فى اكلنا وتقعد معانا طيب عدم رد السلام ده شنو ...موضة...ورسولنا الكريم موصى على كده ؟؟؟؟؟
شكرا خالد
|
Post: #76
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: عاطف عمر
Date: 04-07-2008, 12:01 PM
Parent: #1
| Quote: ليه السودانى بعد مايشقى ويبنى البيت بيقعد على كرسى فى الشارع وضهره للبيت |
سلامات يا ناهد
هذا الجلوس يكون عادة في فترة العصر ويجوز إمتداده لما بعد صلاة العشاء ( وحيث أن الأمر كذلك ) يكون الأمر مسبباً بـ : -
- فترة العصر هى الفترة التى يستعد فيها أهل البيت للنظافة والترتيب تمهيداً لاستقبال الزوار ( الذين يرون في الإخطار المسبق بالزيارة ) عيب كبير لذلك لا يفعلون . فوجود ( الرجال ) في هذا التوقيت يمثل أكبر عائق لأعمال النظافة وتغيير الملايات و( تنفيض ) الأطقم و( مسح السيراميك ). لذلك ( يؤمر ) الرجال بالمغادرة أو ( إن أحسنا الظن ) يشترون راحة بالهم ( بالهروب للأمام ) .
- إستكمالاً للفرضية السابقة ( فرضية تجهيز البيت ) ، يندرج تحت باب التجهيزات أيضاً ( تسريح شعر البنات ) يآآآآآآآه ما أدراك ما تسريح شعر البنات ، ثم ما أدراك ما تسريح شعر البنات وما يصحبه من صراخ للصغار والألم الذي يحسه الأب وكبده الذي يكاد ينفطر . البنت تصرخ من الألم والأم تصرخ من الزعل و( ومادام الأمر كذلك ) فالشارع أرحم للأب كى لا يسمع هذا النواح ، لأنه إن حاول التدخل فسوف يسمع ( موشحاً ) فريداً عن عدم المعرفة و( مالك ومال شغل النسوان ) ثم النصيحة/ الأمر بأن ( إنت ما تمرق للشارع زى الرجال ، مالك قاعد لينا في البيت ؟؟؟ ) .
- قد يكون الأمر مرتبط بشعور الرجل وإفتخاره بـ ( إنجازه ) الكبير ببناء بيته وتحديه للجميع بأنه قد بناه من حر ماله دون اللجوء لأن يستلف من أحد شيئاً وهو بذلك غير مدين لأى مخلوق بدليل ( انني أهو قاعد ليكم في الشارع ) والعاوز مني حاجة يجي يأخدها .
__________________________
يا حليل زمن البيوت والحيشان والجلوس في الشارع يا ناهد
أتتنا العولمة
ودخلنا عصر الشقق
شقق للإيجار وشقق تمليك
|
Post: #138
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 06-02-2008, 02:23 PM
Parent: #76
Quote: هذا الجلوس يكون عادة في فترة العصر ويجوز إمتداده لما بعد صلاة العشاء ( وحيث أن الأمر كذلك ) يكون الأمر مسبباً بـ : -
- فترة العصر هى الفترة التى يستعد فيها أهل البيت للنظافة والترتيب تمهيداً لاستقبال الزوار ( الذين يرون في الإخطار المسبق بالزيارة ) عيب كبير لذلك لا يفعلون . فوجود ( الرجال ) في هذا التوقيت يمثل أكبر عائق لأعمال النظافة وتغيير الملايات و( تنفيض ) الأطقم و( مسح السيراميك ). لذلك ( يؤمر ) الرجال بالمغادرة أو ( إن أحسنا الظن ) يشترون راحة بالهم ( بالهروب للأمام ) .
- إستكمالاً للفرضية السابقة ( فرضية تجهيز البيت ) |
الاخ العزيز جدا عاطف ...
لعلك بخير ....
فترة العصر ياعاطف دى الفترة البتقوم فيها الاسر
كما تفضلت وذكرت بترتيب وتنضيف البيت والاستعداد لاستقبال الضيوف
حوار مرتجل
بين البت الكبيرة واخوانها الشباب
البت:يلا يايامحمد وخالد وامجد لو سمحتوا اطلعوا لينا بره دايرين ننضف
نطلع وين دوبها الساعه 4
مابعرف امرقوا امشوا اى حته
يابت انتى مجنونه نمشى وين فى الحر ده
يعنى انضف كيف وانتوا متبطحين لى فى السراير دى
يعنى نقيف ليكم فى البيت ده ولا شنو
لا ماتقيفوا لكن يوم واحد مالقيت الملايات دى مفرشة سمح داعكنها دعك السنين
طيب ورينا انتى نقعد وين السراير تنقنقوا الكراسى تكوركوا البنابر تجوطوا بتتكسر بتتكسر
مابعرف بس امرقوا بره خلونا ننضف
لكن انا مامتابع فلم فى قناة ام بى سى 2
فلم شنو قوم كده ولا كده انت واخوانك امرقوا
وتبدأ الشكلة اليومية
وهكذا ياعاطف .....
|
Post: #77
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: علوبه
Date: 04-07-2008, 03:36 PM
Parent: #1
اختنا ناهد
اجمل ماسمعت من تعليق بخصوص بناء البيوت كان فى سهرة اذاعية ضمت شاعرنا الفذ شاعر سيد الاسم
كامل عبدالماجد
سأله المقدم: انت يااستاذ كامل بعد رجوعك من الغربة هل اكملت بناء البيت؟
استاذ كامل قال ليه: انا والله بنيت فى العيون بس
وقراء له : انا فى العيون ببنيلو دارين من مودة ومن منى
بجيك راجع
|
Post: #78
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: بله محمد الفاضل
Date: 04-07-2008, 08:40 PM
Parent: #1
ناهد سلام
ذكرتني بالذي كان
لا يحلو لنا إلا الجلوس أمام المنزل
حيث عبور الأصدقاء
البدء في الانطلاق إلى جهات كثيرة
كالتمرين أو النادي أو ...الخ
كذلك كنا نمارس بعض الهوايات
من حلاقة في رؤوس اليتامى
يا الله كم كانت جميلة
وافتقدها
وافتقد الأصدقاء
والعابرين
سلام لروحك الجميلة ناهد
|
Post: #107
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 04-26-2008, 12:10 PM
Parent: #78
Quote: ]ناهد سلام
ذكرتني بالذي كان
لا يحلو لنا إلا الجلوس أمام المنزل
حيث عبور الأصدقاء
البدء في الانطلاق إلى جهات كثيرة
كالتمرين أو النادي أو ...الخ
كذلك كنا نمارس بعض الهوايات
من حلاقة في رؤوس اليتامى
يا الله كم كانت جميلة
وافتقدها
وافتقد الأصدقاء
والعابرين
سلام لروحك الجميلة ناهد |
ياهو يااخ بله قعاد الشارع السمح .....
الممكن حتى تحلق فيه شعر ود الجيران
ولا صاحبك ولا عمك العجوز......ولا واحد من الجيران .....
هى دى الحميميه بتاعة السودانين من بدرى...
لكن هسى بقى قعادالشارع مختلف
تعال نشوف (مرتجل)قعاد شابين فى الشارع
اسمع ياحماده داك ماهيثم السايق الاتوس
ياهو زاتووو .....لقاها وين دى
مااشتغل فى السوق سمسار
وبيسمسر فى شنو
فى اى حاجه ...عربات فيز..عقارات
بالله....... سبحان الله
انت شفت بيت اهله سواه كيف مانفضه نفيض
كيف
لبس البيت بالاسمنت وجيروا وبلط الحوش وجاب المكيفات وسوا السايفون
ده كله من السوق والسمسره
اى ....تقول لى قرايه قرايه بتاعة شنو
هى ياايمن اسمع القراية دى مافى زيها ...كدى النكملها وبعدين الله كريم
اسمع انت ياحماده ...كفانا تكيل من حيطه لى حيطه عاجباك حالتنا دى
مالها حالتنا ...ترانا كويسين
ويمتد الحوار ويمتد
وانا نفسى قام يااخ بله...... كملوا انت واتخيل ...
|
Post: #82
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: essam&amal
Date: 04-08-2008, 05:41 AM
Parent: #1
الحبيبة ناهد
والله ده موضوع مهم وكتبوه فى واحد من المواقع هنا كاحد العادات
السيئة فى المجتمع السودانى وفعلا دى اسوأ عادة انك تجلس فى الشارع
لمراقبة الماشى والجاى خاصة البنات والنساء فى الحى وفى مناطق محددة
فى العاصمة تكثر فيها هذه العادة .
انا اذكر ان البنات فى احد الاحياء بالخرطوم ويسكن فيه بعض اهلى عرفن
انى اكره هذه العادة واحاربها جئن وشكين لى من عمى محمد هذا يراقبهن
باستمرار ويحكى بانهن طلعن الساعة كم ورجعن الساعة كم وهن عندهن
امتحانات ومشاريع تخرج ويذهبن كثيرا للسوق لشراء مستلزمات المشاريع
وعاملين معسكرات جماعية ووالدتهن منعتهن من كل ذلك عشان فلان شايل حالها
فى الحلة وذهبت اليها واقنعتها بصعوبة شديدة وراقبت العم محمد هذا الذى
يشكى منه حتى اهله وتعمدت اولا ان اتاكد من ذلك ومشيت وقفت جنبه وسالت صديقتى
انت ماشه لفاطمة ويرد هو فاطمة مافيشة طلعت الساعة اربعة طيب نمشى لمنى فيرد
هو وين دى كل يوم من الساعةاربعة لستة مافى ونحن نعلم انها عندها كورس كمبيوتر
ولغات فقلت لصديقتى انت عارفة ندخل لخالتى امنة ونحدد مدام جينا الليلة هنا نقضى
كم مشوار على طول رد علينا اخير تحددن من هسه بدل تتعبوا ساكت وانا اديكم تقارير
كاملة عن كل نساء الحى فسالته على طول والرجال يا عمى محمد عارفهم برضوا بطلعوا
الساعة كم قال لى الحوامة ما اصلها حقت الرجال مالى ومال طلوعهم .
هنا تاكدت ان عمى محمد لازم يترك هذه العادة الذميمة ويجلس داخل منزله وتحدثت مع بناته وبمساعدتهن وبعد صعوبة شديدة جلس فى منزله وترك متابعة الخلق وكان زعلان كل مرة يقول
اتصلتت على امال حسى ما عارف النسوان والبنات ديل بضلعوا متين وبجوا متين .
عمى محمد ما ترك هذه العادة الا بعد ان اقنعناه انها حرام والرسول نهى عنها تماما ويحاسب
عليها .
وهى فعلا من العادات السيئة اختى ناهد والاسلام نهى عنها .
موضوعك حلو .
تحياتى ليك
ام وضاح
|
Post: #85
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: khalid fahmi
Date: 04-09-2008, 00:46 AM
Parent: #82
يا ناهـد .. فكرة الكرسي أساسا موجودة في أي دولة في العالم ..
بس الفرق .. إنو الكرسي في الدول الأخرى بيكون ((هزاز ))
وبيكون .. إما في الحديقة .. داخل سور البيت ..
وإما بجوار المدفأة .. داخل الصالة .. وداخل حدود البيت ..
قولي لي ليه ؟؟؟
في الدول الأخرى .. الكرسي الفي الشارع ده أساساً مخصص للحرس او الخفير ..
ومهمة الحرس طبعاً ..
توفير الامان لصاحب المنزل الذي لا يشعر بالأمان إلا بداخل منزلو..
وداخل الأسوار .. وحينها يجلس في كرسيه الهزاز بعد الشعور بالامان ..
و بوجود الحارس جالس على الكرسي برة ..
لكن .. نحن في السودان ..
شعب طيب .. ومسالم ..
مما يجعل صاحب المنزل يحس بالامان .. والراحة ..
وبدلاً من ان يختبئ خلف الأسوار ...
يجلس في الشارع محل الحارس .. والحارس .. الله ...
حيث يشعر بالأمان والإطمئنان .. خارج السور ..
ربما أكثر من داخل البيت ..
بس كرسينا .. ما .. هزاز .. وما عندنا مدفاة ..
ولا شنو ؟؟؟
|
Post: #87
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: نصر الدين عثمان
Date: 04-09-2008, 11:52 AM
Parent: #85
عشان البيت بعد ما يشقى وينبني .. قعد على ساسو ومد لسانو لسيدو!!!
مع فائق مودتي وتقديري...
|
Post: #88
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: عواطف ادريس اسماعيل
Date: 04-09-2008, 11:56 AM
Parent: #87
ناهد !!!
يسعد مساك ,,,
هو لو أدى ضهرو للبيت يكون ما قصر أحيانا بيموت قبل ما دخل البيت ودي بقت ظاهرة غريبة .. ربنا
يستر .. موضوع جيد جدا ..
|
Post: #109
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 04-26-2008, 11:48 PM
Parent: #88
Quote: هو لو أدى ضهرو للبيت يكون ما قصر أحيانا بيموت قبل ما دخل البيت ودي بقت ظاهرة غريبة .. ربنا
يستر .. موضوع جيد جدا . |
استاذة عواطف.....
فعلا ملاحظه صحيحة ياعواطف ....انت عارفه البناء مع ضغوطات الحياة...جد مهلك للزول
شوفى .....اغلب البيموتوا فى الحوادث بيكون موتهم لحظة بينقذوا فيهم تصدقى ...
مثلا
لو فى واحدة بتغرق وبتصارع فى الموج وبكل قوتها ....وتلقيها تجابد وتجابد
واول مايجوا المنذقين ويربطوها فى حبل ولا عوامه ولا اى شىء طوالى قواها خلاص
بتهبط ...وعزيمتها تخف ...,دى غالبا بيقولوا لحظات الموت.....
زى صاحبنا العمره كله يعافر ويجيب من هنا اسمنت ومن هنا حديد وطوب
واخر اهتمام وشدة حيل ...ويفرشوا ....يوم كرامة البيت يقولوا ليك مات
سبحان الله
غايتوا يجينا زول يفتى لينافى الموضوع ده
وشكرا عطووووفه ....
|
Post: #113
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 05-03-2008, 05:17 AM
Parent: #87
Quote: عشان البيت بعد ما يشقى وينبني .. قعد على ساسو ومد لسانو لسيدو!!!
|
بالعكس يعنى يانصر الدين .....حلووووووووووة
مشكور جدا .....على الرد (المقلوب )ده
خالص التقدير
|
Post: #108
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 04-26-2008, 12:14 PM
Parent: #82
Quote: العادات
السيئة فى المجتمع السودانى وفعلا دى اسوأ عادة انك تجلس فى الشارع
لمراقبة الماشى والجاى خاصة البنات والنساء فى الحى وفى مناطق محددة
فى العاصمة تكثر فيها هذه العادة .
انا اذكر ان البنات فى احد الاحياء بالخرطوم ويسكن فيه بعض اهلى عرفن
انى اكره هذه العادة واحاربها جئن وشكين لى من عمى محمد هذا يراقبهن
باستمرار ويحكى بانهن طلعن الساعة كم ورجعن الساعة كم وهن عندهن
امتحانات ومشاريع تخرج ويذهبن كثيرا للسوق لشراء مستلزمات المشاريع
وعاملين معسكرات جماعية ووالدتهن منعتهن من كل ذلك عشان فلان شايل حالها
فى الحلة وذهبت اليها واقنعتها بصعوبة شديدة وراقبت العم محمد هذا الذى
يشكى منه حتى اهله وتعمدت اولا ان اتاكد من ذلك ومشيت وقفت جنبه وسالت صديقتى
انت ماشه لفاطمة ويرد هو فاطمة مافيشة طلعت الساعة اربعة طيب نمشى لمنى فيرد
هو وين دى كل يوم من الساعةاربعة لستة مافى ونحن نعلم انها عندها كورس كمبيوتر
ولغات فقلت لصديقتى انت عارفة ندخل لخالتى امنة ونحدد مدام جينا الليلة هنا نقضى
كم مشوار على طول رد علينا اخير تحددن من هسه بدل تتعبوا ساكت وانا اديكم تقارير
كاملة عن كل نساء الحى فسالته على طول والرجال يا عمى محمد عارفهم برضوا بطلعوا
الساعة كم قال لى الحوامة ما اصلها حقت الرجال مالى ومال طلوعهم .
هنا تاكدت ان عمى محمد لازم يترك هذه العادة الذميمة ويجلس داخل منزله وتحدثت مع بناته وبمساعدتهن وبعد صعوبة شديدة جلس فى منزله وترك متابعة الخلق وكان زعلان كل مرة يقول
اتصلتت على امال حسى ما عارف النسوان والبنات ديل بضلعوا متين وبجوا متين .
عمى محمد ما ترك هذه العادة الا بعد ان اقنعناه انها حرام والرسول نهى عنها تماما ويحاسب
عليها .
وهى فعلا من العادات السيئة اختى ناهد والاسلام نهى عنها .
موضوعك حلو .
تحياتى ليك
ام وضاح
|
مشكورة على الاضافه ام وضاح وماحااذيد فيه
اى كلمة لانك ماقصرتى
وقلتى فيه المفيد..............
|
Post: #97
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 04-13-2008, 00:01 AM
Parent: #1
الاخوان الاعزاء
وحسب تسلسل ردودهم
حفظكم الله ....
الازهرى
سيف اليزل
سيد محمد
العوض المسلمى
عثمان الدغيس
خالد الجزولى
عاطف عمر
علوبه
بله الفاضل
عصام وامال
خالد فهمى
نصر الدين عثمان
عواطف ادريس
جاياكم بى مهلة ....
ان الله ماشال وداعته
لكم كل الود والتفرد
|
Post: #110
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: خالد العبيد
Date: 04-27-2008, 03:43 AM
Parent: #1
سلام يا ناهد
| Quote: والاستاذه سميره عواض |
الزولة دي وين؟
بسأل عليها والله
لو ممكن تديني التلفون يكون كويس
موبايلي0061402177588
والايميل
[email protected]
|
Post: #111
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: عاطف عمر
Date: 05-02-2008, 10:47 PM
Parent: #110
يعجبك البوست
فتقرأه ( بمزاج )
وتتداخل فيه ( بمزاج )
ويجي صاحبه / صاحبته
ويرد على القبلك والبعدك
ويفطك وبرضو ( بمزاج )
|
Post: #112
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 05-03-2008, 03:48 AM
Parent: #111
Quote: يعجبك البوست
فتقرأه ( بمزاج )
وتتداخل فيه ( بمزاج )
ويجي صاحبه / صاحبته
ويرد على القبلك والبعدك
ويفطك وبرضو ( بمزاج |
عاطف ياخوى عندى الشتارة احيانا.......
تحية خالصة .....
وجعل مزاجك دائما رايق ...وهادىء
وايامك مذدانة بالافراح الجميلة....
واتفضل كدى هاك الكرسى ده اقعد فيه شوية لانى
جاياااااااك بى مزااااااااااااج .......
ولى باقى الاخوة كمان......
مليحيظة....
البوست ده زاتو نكته من وين ...بفتش عليه لى اربعه ايام
شكرا عاطف
|
Post: #117
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ALazhary2
Date: 05-04-2008, 06:11 AM
Parent: #111
عاطف عمر
على وزن دعاية المبيد ريد زمان :
والله وجعني ليك .
ليست فطة ولا فطتان ولا ثلاثة بل الكثير الكثير من الفطات المؤلمة
====> واحد قاعد يبتسم إبتسامة خبيثة و بحب يولع النيران .
|
Post: #119
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ALazhary2
Date: 05-05-2008, 05:51 AM
Parent: #117
عاطف عمر
تاني فطتك
|
Post: #120
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: عاطف عمر
Date: 05-05-2008, 06:31 AM
Parent: #117
Quote: عاطف عمر
على وزن دعاية المبيد ريد زمان :
والله وجعني ليك .
ليست فطة ولا فطتان ولا ثلاثة بل الكثير الكثير من الفطات المؤلمة |
سلامات الأزهري
شكري الجزيل للمواساة
لا عدمناك
أرجو أن أجاملك في ( السمح ) لا في ( الفط ) .
صديقنا العزيز علاء الدين نصار رجل هو والموضوعية وطولة البال أصبحوا أكثر من قرايب
طبعاً دي على وزن " أنا والأشواق في بعدك بقينا أكثر من قرايب "
المهم يا سيدي أخونا نصار دا وبكل هذه الخلفية أصدر ذات يوم بوست أسماهو " ما بنمشي لى ناس ما بيجونا " . شكى فيه عن ألمه وهو يرى الكثيرين ممن يفترض مشاركته إهتماماته في مواضيعه الجادة لا يتفاعلون معها . لا أدري ماذا كان سوف يقول إن تعرض لإمتحان ( الفط ) هذا ؟؟
غايتو أختنا ناهد ( صبرتنا ) أنها لا تستعجل الرد علينا لأنها عاوزة تجينا بمزاااااج وما دايرة تكلفتنا . أو هكذا أقنعنا النفس .
على رأى شاعرنا الكبير فضل الله محمد " بيقولوا ( الفاطي ) عذرو معاه "
|
Post: #121
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: عاطف عمر
Date: 05-05-2008, 06:32 AM
Parent: #117
الأزهري
تاني فطوني ما مشكلة
المشكلة في ردي الواحد عليك تكرر عشرمية مرة
دي تكون ريدة جديدة ولا شنو
|
Post: #122
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: عاطف عمر
Date: 05-05-2008, 06:34 AM
Parent: #117
حذف للتكرار
|
Post: #123
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: عاطف عمر
Date: 05-05-2008, 06:40 AM
Parent: #117
حذف للتكرار
|
Post: #124
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: عاطف عمر
Date: 05-05-2008, 06:44 AM
Parent: #117
حذف للتكرار
|
Post: #127
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 05-07-2008, 04:57 AM
Parent: #117
Quote: .والله وجعني ليك .
ليست فطة ولا فطتان ولا ثلاثة بل الكثير الكثير من الفطات المؤلمة
|
لاحولااااااا يازهرى غايتوا جنس حساده بااااالغت
والله الزول ده كتابته حيرتنى عديل بمنطقها.....
كتابته من نوع الناس التقول احسن كدى اذاكر ليهم واجى .........
وانشاءالله يوم فطك مايجى ياازهرى ياولدى ......
|
Post: #128
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 05-07-2008, 04:57 AM
Parent: #117
Quote: .والله وجعني ليك .
ليست فطة ولا فطتان ولا ثلاثة بل الكثير الكثير من الفطات المؤلمة
|
لاحولااااااا يازهرى غايتوا جنس حساده بااااالغت
والله الزول ده كتابته حيرتنى عديل بمنطقها.....
كتابته من نوع الناس التقول احسن كدى اذاكر ليهم واجى .........
وانشاءالله يوم فطك مايجى ياازهرى ياولدى ......
|
Post: #139
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 06-19-2008, 05:08 PM
Parent: #128
Quote:
ازهرى .....
ماراجياك ....تجيب الكرسى .....
وانشاءالله يوم فطك مايجى ياازهرى ياولدى ...... |
|
Post: #135
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 05-24-2008, 00:19 AM
Parent: #117
Quote: .عاطف عمر
على وزن دعاية المبيد ريد زمان :
والله وجعني ليك .
ليست فطة ولا فطتان ولا ثلاثة بل الكثير الكثير من الفطات المؤلمة
====> واحد قاعد يبتسم إبتسامة خبيثة و بحب يولع النيران . [/QUOTE
غايتوا الله يجازيك ياازهرى عاد مابالغت .....
ليست مبالغة ولا مبالغتان بل تلاتة مبالغات ....
خالص التحايا اخ عاطف ...وليست تحية ولاتحيتان بل تلاتة تحيات كاربات.....
خالص الشكر والتقدير لكما
|
Post: #114
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 05-04-2008, 05:01 AM
Parent: #1
Quote: السودانييين لا يستمتعون بمنازلهم التى يشيدونها.
وقال الواحد فيهم بعد مايتعب ويشقى فيها بالسنين...
فى الاخر تلقاه خاتى ليه كرسى فى الشارع
وكمان مدى ضهره للبيت
|
ليه تفتكروا ......تانى كده .........
|
Post: #115
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: اسيا ربيع
Date: 05-04-2008, 05:43 AM
Parent: #114
Quote: زى صاحبنا العمره كله يعافر ويجيب من هنا اسمنت ومن هنا حديد وطوب
واخر اهتمام وشدة حيل ...ويفرشوا ....يوم كرامة البيت يقولوا ليك مات
|
شنو يا ناهد يعني .. ما نبني ول شنو ؟؟
..
تعرفى .. النوم طار .. لانو ( ببني )
اعمل شنو انا هسي فى القصه دى؟؟
|
Post: #116
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 05-04-2008, 06:05 AM
Parent: #115
شنو يا ناهد يعني .. ما نبني ول شنو ؟؟
..
تعرفى .. النوم طار .. لانو ( ببني )
اعمل شنو انا هسي فى القصه دى؟؟
---------------------------------
اختنا اسيا الرقيقه .......
تصدقى انو النوم ( طار ) بالصحة.....
تخريماية.....
اسمعى كلامى ......مادام بديتى البناء
حضرى الكرسى
دربك مرق ........
|
Post: #118
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: اسيا ربيع
Date: 05-04-2008, 07:04 AM
Parent: #116
Quote:
تخريماية.....
اسمعى كلامى ......مادام بديتى البناء
حضرى الكرسى
دربك مرق ........ |
الكرسى .. و العراقى .. و السروال.
يختي انا هسه بفكر اعرش على كده .. كان نلحق لينا يوم يومين
|
Post: #125
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: Elawad Eltayeb
Date: 05-05-2008, 12:25 PM
Parent: #118
Quote: اعتقد انى قرأت قبل ذلك ...ان لم تخنى الذاكرة ....للدكتور منصور خالد
هذا التعبير اذ قال ان السودانييين لا يستمتعون بمنازلهم التى يشيدونها.
وقال الواحد فيهم بعد مايتعب ويشقى فيها بالسنين...
فى الاخر تلقاه خاتى ليه كرسى فى الشارع |
عشان ما يفوِّت أجر إكرام عابري السبيل.
|
Post: #130
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: علوبه
Date: 05-08-2008, 04:39 PM
Parent: #116
المفطوطن فى البوست
نسوى لينا رابطة ولا جمعية ولا خته ؟؟؟؟؟؟؟؟؟؟
فطونا ... فوطونا .... والله يافطوما
فطه ..... فطه ....... والباقى فكه
فطانى .... فطيتو ...... وماقادر افيتو
|
Post: #140
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 06-19-2008, 05:43 PM
Parent: #130
Quote: المفطوطن فى البوست
نسوى لينا رابطة ولا جمعية ولا خته ؟؟؟؟؟؟؟؟؟؟
فطونا ... فوطونا .... والله يافطوما
فطه ..... فطه ....... والباقى فكه
فطانى .... فطيتو ...... وماقادر افيتو
|
علوووبه ياخوى ....
لو قلت ليك ....البوست ده كل ماافتش عليه بلقاه فى صفحة عشرومية
بتصدقنى بمشى انقله واجيبه واتلتل بيه براى
الازهرى فات خلانى ...للاذى والرذى....وبالله التقول البوست ده مسكون
(مابيت وكده) بسم الله الرحمن الرحيم ...ارد على ناسه كلهم ...
امر عليه تانى ...القى فيه مشاركتين مارديت عليهم ...
ياربى ده (زهايمر بوردى) ولا شنو يمكن !!!!!!
لكن اعرف انك وعاطف قطعتوا قلبى بالضحك يديكم العافيه شقيش ماتقبلوا
اها وكيتا فى الازهرى كدة...تانى برد عليكم حتى لو ماشاركتوا ..قصرت معاكم ..
اها فتك بعافيه النمش ارد عليك فوق ...قبال مايجيبوا البف باف ...
تسلم ياعلوبة .....
|
Post: #136
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 06-02-2008, 01:09 PM
Parent: #114
Quote:
Quote: السودانييين لا يستمتعون بمنازلهم التى يشيدونها.
وقال الواحد فيهم بعد مايتعب ويشقى فيها بالسنين...
فى الاخر تلقاه خاتى ليه كرسى فى الشارع
وكمان مدى ضهره للبيت
|
تفتكروا ليه .....؟؟؟
|
Post: #126
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: طارق ميرغني
Date: 05-05-2008, 01:17 PM
Parent: #1
الاخت ناهد الشي السمعناه انو الراجل ببني البيت عشان يموت فيه فوالله نحن الخايفين منو اننا نخت ظهرنا علي الصقيعه يعني القالو منصور اخير؟؟؟؟
|
Post: #129
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: الطيب شيقوق
Date: 05-07-2008, 06:04 AM
Parent: #126
الاستاذة ناهد
بوستاتك نار ولو تابعناها يا انا الململمين عفشنا وراجعين اهلنا
|
Post: #132
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 05-09-2008, 00:20 AM
Parent: #129
| Quote: بوستاتك نار ولو تابعناها يا انا الململمين عفشنا وراجعين اهلنا |
[B]اخونا الطيب
انا زاتى قاصده كده ....قاصده احرشكم على العوده الطوعية
البيته ناقص يتمه.... والماجره يمرق الناس منه ويرجع يسكن فيه
والرجع وسكن فيه يشيل كرسيه يقعد فى الشارع ويدى ضهره للغربه....
ماللبيت
خالص التقدير الطيب
|
Post: #142
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 06-19-2008, 07:13 PM
Parent: #126
| Quote: الاخت ناهد الشي السمعناه انو الراجل ببني البيت عشان يموت فيه فوالله نحن الخايفين منو اننا نخت ظهرنا علي الصقيعه يعني القالو منصور اخير؟؟؟؟ |
الاخ طارق .....
والله كل يوم نقول الكلام ده ...,اذيدك كمان ...كنا بنقول امبارح مع صاحباتنا
انه نحن بنبنى لاولادنا ...لانه لحد الان سيادتنا المغتربين بالذات
كتير منهم ماسكن ولا فرش بيته ...بقت حاجاته السشاحنها هناك فى الكونتينرات
وشنط الحديد لافتحها هنا استمتع بيها لا هناك كمان فرشها ....
غايتوا ....الله كريم ...وكويس يلقوا المعزين بيت يعزوا فيه زاتو ياطارق ...
كن بخير ....
|
Post: #131
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 05-08-2008, 11:57 PM
Parent: #1
مرة شفت لى واحد بيته جميل وبحديقة كبيرة
شايل الخرطوش وبيرش فى الشارع وخالى الحديقة الجميله
الجوه يرشها ليه الجناينى ....
برضو تفتكر ليه
|
Post: #133
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: khaleel
Date: 05-22-2008, 11:59 AM
Parent: #131
ناهد
ولماذا لا يكمل النساء الونسة
والا وهن متخاجات جنب الباب
|
Post: #141
Title: Re: ليه السودانى بعد مايشقى ويبنى البيت بيقعد على كرسى فى الشارع وضهره للبيت
Author: ناهد بشير الطيب
Date: 06-19-2008, 06:31 PM
Parent: #133
Quote: ولماذا لا يكمل النساء الونسة
والا وهن متخاجات جنب الباب |
خليل اخوى...
مافى شىء ادبنا الا الموبايل ابو رصيد ده ...
نقول المفيد بسرعه سرعه .....
ياحليل وقفة الباب والونسة خشم الباب ياخليل....
دى خلاص انا ماشة ليها بالدرب عديييييييل ....
بس عشرة خلاصطاشر يوم كده واكون خشم الباب
هون يا مهون كل قاسى
|
|
|