بوست تشهيري بالزميلة heba Elmahi عضو المنبر - سرقة ادبية

ما دعاني لفتح البوست وقبل الخوض في السرقة الادبية التي قامت بها الزميلة هبة الماحي ان الحديث الذي تبنته زميلتنا في المنتدي ولم تشر فيه الي ان الكاتب شخص غيرها وذلك بايحاء القراء ان الموضوع هو بقلمها وذلك بردودها علي الاخرين والوعد بالمواصلة في مواضيع ذات صلة بالمادة المسروقة , الامر الذي دعاني كما اسلفت لفتح هذا البوست ان الموضوع مستفز نوعا ما لشريحة كبيرة من السودانين في دول المهجر وفيه تعميم مخل وان كان هدف كاتبه الاصلي والذي اشتهر في المنتديات بالكتابة الطريفة سوى ان الناقلة دون اشارة لم يعرف عنها انها تريد بهذا البوست المزاح او المرح فبدأ واضحا انها تتبني هذا الراي وتستزيد من الكتاب ابداء الاراء بوصف حالاتهم وما يطابق المادة المنقولة

نأتي لموضوع السرقة الادبية :

فتحت الزميلة هبة الماحي بوستا بعنوان دورة حياة المغترب السوداني

جاء فيه

Quote: الاغتراب والمغتربون عالم تاني .. المغترب يشيل شنطتو ويشرّق قاصد ديار الزيت يمشي هناك عشان ياخد لو سنتين تلاتة ويعرس ويشتري بيت وعربية ويجي راجع يقعد عند اهلو لكن يلقى نفسو اتورط في الغربة والزمن يجري بهنا وبهناك . مغتربين الخليج ولقوانين دول القّطرة والعقال يلقى نفسو لا هو خليجي ولا هو سوداني يلقى نفسو حاجة كدا ما معروفة شنو هناك لاهو مواطن عشان يقعد ويتوهّط سمح وهنا يلقى نفسو مواطن مع وقف التنفيذ ضايع و بين الاتنين يضيع هو. مغتربين السعودية حاجة تانية حاجة تجنن الما يجن خليط من الشعور بالدونية وشعور بالفوقية في وقت واحد شعور بالدونية للبلاقيهو من الغربة وبالفوقية لانو كان لما يرجع هنا بيتعامل كانو حاجة تانية وزول فريد في نوعو يحيط به الناس من كل جانب واول ما يفلس ويعلّم الله يبدو يسالوهو انت راجع متين؟ عشان يمشي يخم ويجي تاني هذا المخلوق المغترب في حياته يمر باربع مراحل رئيسية هي المرحلة القردية .. ثم المرحلة الحمارية .. ثم المرحلة القُرادية .. هذا المراحل لها التأثير في تكوينو الوجداني و سلوكه. المرحلة القردية : تبدأ هذه المرحلة اول ما يبدا المغترب في اجراءات السفر يبدا يحس انه اصبح جزءا من فصيلة المغتربين ويتصرف على هذا الاساس واول ما يقول بسم الله ويخت كراعو في قفص اغترابو يبدا يحاكي من سبقوهو في الاغتراب يبدا يفكر يشتري عربية ثم ستالايت في اوضتو براهو ثم المتزوج يفكر يجيب مرتو بهناك ويقعد يجهز في البيت من العفش زي الجماعة القبالو بالضبط من غرف نوم وعرف جلوس وسراير وموكيت وملايات امريكية وايطالية ولو في ملايات امم متحدة يشتريها زي الكبار والقدرو من المغتربين ..ثم يبدأ في التوالد .. التوالد هناك يتم في موسم معلوم ومعروف حسب خبرتي يتم اغلبه في فترة الشتاء اما فترة الصيف فهي للاجازات والعُمرة لمن لم يستطيع للاجازة سبيلا حكمة ربنا قعدت في منطقة حضرت فيها موسم توالد في اسبوع واحد كان هناك خمسة ولادات ضكور.. والخمسة أي واحد فيهم ابوهو سماهو محمد ودا كان نتيجة تأثير المرحلة القردية.. وقد حباني الله بان اتعرف على احد المغتربين في السعودية عندو تلاتة من الابناء يحملون اسم محمد ، محمد سادة ثم محمد المامون ثم محمد الامين ،واقترحت عليه مساعدة مني في حل ازمة الاسامي ان يسمي الولد الجايي محمد وردي ولو انزنق والحكاية جرت وورت معاهو يسمي البعدو محمد فرفور العجيبة انو اسمو هو براهو محمد عثمان المرحلة القردية مرحلة قصيرة الامد والغربة والشغل وجهاز المغتربين وضرايبو والكفيل ما بيخلو أي مغترب يستمتع بهذه المرحلة ، لهذا نجد ان المخلوق المغترب يدخل في المرحلة الحمارية سريع جدا. المرحلة الحمارية تتميز هذه المرحلة بالسكون والهدوء و الطاعة العمياء وهي اطول مرحلة من مراحل تطور المغترب ويكون المغترب فيها حمار شغل ،البيت الشغل وبالعكس ويكون عارف من تشرق الشمش هو الليلة حيسوي شنو ،وقد استفاد بعض الكفلاء من هذه المرحلة ومميزاتها الحمارية.. بان يطلبوا من المخلوق المغترب ان يشتغل أي حاجة في أي وقت ويقوم هذا المخلوق بالعمل بهمة عالية ونفس راضية ورضى عنها ، كما ان بعض الذكيات من نسوان المغتربين استفادت من هذه المرحلة والطاعة بان كانت تطلب من بعلها كل ما تتمناهو وهو ما بيقول لا ،يتمنى المغترب السعودي في هذه المرحلة بان ينادوهو بابي فلان ابو محمد ،ابو عادل، ابو فاطنة،ابو نفيسة، ابو كديسة . كما وانه تبدو عليه ملامح تقالة الدم بدءا من الدقن المشغنفة وانتهاء بالنكت البايخة التي لو استمعت لواحدة منها تقوم عليهو تعضيهو في نص قنقونو ولما تمشي البيت تقفل عليك اوضة وتقعد تبكي لمن الله يغفر ليك تبكي عشان بياخة النكتة وعشان ربنا ابتلاك ببلوة وهي عظيمة الا على الخاشعين ، ايضا قد حباني الله باحد النكتنجية من مغتربي المرحلة الحمارية يحكي النكتة ويضحك فيها هو لحدي ما دموعو تجري حتى لو حكاها عشرين مرة في الدقيقة ،وكنت لما اشوفو جايي علي اسال الله سبحانه وتعالى ان يلزمني الصبر الجميل والسلوان وان يجعل استماعي الى نكته في ميزان حسناتي ، ويتميز مغترب المرحلة الحمارية بدقة وسرعة تحويل قيمة الريال الى العملة السودانية مرورا بالدولار تتم هذه العمليات بسرعة جدا في راسو ويديك نتيجة تحويل أي مبلغ بكل دقة وامانة حتى الكسور ما يخليها ،ايضا مغترب المرحلة الحمارية يكون شغوف جدا ومعجب جدا بكفيلو يقعد وسط الناس ولو بيتكلمو في الكورة ينط هو ويقول يا زول ها والله الكفيل كفيلي انا وبس ،ثم يحكي عن احترامو ليهو وكيف بيتعامل معاهو مع انك تكون واثقا تمام الثقة انو نضمو دا كلو اماني واضغاث احلام. ثم تبدأ بوادر انتهاء المرحلة الحمارية تلوح في الافق وتظهر بوادر المرحلة القرادية ،بان يبدأ المغترب يفكر في البديل في حالة الاستغناء عنه والبديل داخل بلد الاغتراب، وتظهر عليه القرادية جلية عندما يستغنى عنه فعلا . المرحلة القُرادية وهي مرحلة قد تطول وتقصر حسب عمر المغترب المصّر ان يكون قُرادة للنهاية ،وهي تتميز بان يقوم المغترب بالتشبث بالشغل والبقاء اطول فترة في بلد الاغتراب ، يرفدوهو من شغل يتشعبط في شغل تاني ،يسفروهو يكون شال معاهو فيزا ويرجع تاني ،يكشوهو يرجع عُمرة او حج ويكسر ركبة هناك.. لاحظت ان هذه المرحلة ليست حكرا على السوداني ،ايضا هناك القراد المصري والقراد الهندي والقراد الباكستاني ، ما يميز القراد السوداني انه يتكاثر ويتوالد في العائل وهو ياخد فترة طويله متشعبط في الهدف عكس القراد المصري الذي يكون فترة تطفله قصيرة لكنها مجزية . المرحلة الكلبية الاستثنائية او (مرحلة كلب الحر) وهي استثنائية لانها تتم خارج بلد الاغتراب وداخل السودان ،المخلوق المغترب يقرر ان يرجع الي السودان مصدقا نضم الحكومة في التلفزيون بان المغتربين يرجعو والبلد محتاجة لخبراتهم وان السودان احسن بلد ممكن الواحد يستثمر اموالو فيهو، ثم تبدأ رحلة الجري لو عندو بيت قاعد يبني فيهو يقعد يتجارا عليهو وقتو كلو ورا لواري الطوب والاسمنت ، ثم يبدا الجري في السهلة عشان يعرف البلد والناس بتسوي في شنو؟و يشتغل شنو؟ يجري كما يجري كلب الحر يجري عشان يشوف مدارس وجامعات لي وليداتو ، ثم يستمرئ الجري قد يكون اشد عدوا من كلب الحر زاتو ثم .. ثم بعد فترة يمشي الحج للمرة الاخيرة ثم يعمل عمليه بروستاتا ، ثم يتوفاهو الله الى رحمته . آخر الحكاية اغمريني في كل المساحات والزوايا اصبغي بالفرح البنفسج انوية الخلايا كوني انتظاما كوني انشطارا كوني انقساما كوني فيها تحتويكي وتحتويها واعبري حد النهاية. اليكم جميعا مغتربي السودان في كل اصقاع الارض و اشتاتها جل احترامي و تقديري ، و أعادكم الله سالمين غانمين الي وطن يسعنا جميعا بحب و سلام وامان .

واسترسل بعد ذلك بما يوحي ان انها كاتبة الموضوع :

Quote: يلا يا بورداب السعودية و الدوحة و كل دول الخليج كل واحد يورينا هو في ياتو مرحلة بالضبط من المراحل المذكورة أعلاه ولو في واحد عندو اضافة للمراحل دي كمان يورينا . تحياتي و ودي مقدما للجميع و منتظرة اسمع منكم ، بورداب امريكا ما معانا في المراحل دي لاني جايهم بي وصف تاااااني ، حقهم براهو شوف عيني هي مرحلة واحدة و بعد كدة يلاقي الحميد المجيد .

بعد ان قام البعض بالمداخلات المعتادة علي شاكلة

استوقف الامر اخونا ادريس محمد ابراهيم بقوله

Quote: بكل أمانة لقد قرأت هذا الموضوع بكافة تفاصيله في أحد قصاصات الصحف السودانية قبل أكثر من عام منشوراً باسم د. سجيمان، صحيفة الصحافة إن لم تخني الذاكرة، فهل تم نقله أو أن في الأمر شيئاً آخر استعصى علي فهمه؟ أرجو التوضيح منك أو من د. سجيمان وذلك تحرياً للأمانة العلمية.

وبامكان اي واحد عمل بحث بكلمات من الموضوع يجده متوفرا في عدة منتديات ومكتوب باسم سجيمان او النك نيم المختصر له سي جي وهو موجود هنا :
في منتديات قمرنا http://gmrna.com/vb/f31/t20184.html

وايضا
في موقع منتديات جبل اوليا http://www.jabalawlia.com/vb/showthread.php?t=79

وايضا منتديات ود مدني http://wadmadani.com/vb/archive/index.php/t-11911.html

وغيرهم من المنتديات السودانية

ـــــــــ
الاخ اساسي تحياتي

فالنختلف مع هبه فكريا ..

ولنتفق ايضا إن جازا ..

وكذلك اخي لابد من تاخذ حقها

وتعترف وكذلك تعتذر...

او يحذف الموضوع ...

اما هي الان غائبا ......

لا تنسي حداثتها في المنبر... والتشهير شيء

لم يكن جميل في حق اي احد منا ...

فلربما لكل حادثه حديث ...

شكري وتقديري

Quote: لا تنسي حداثتها في المنبر

يعني اي زول جديد تجوز ليه السرقة ..
والله يا عماد مرات بيكون عندكم تبريرات كدا .. ما تعرفها من الجهل ولا من السطحية المعششة عندكم دي ..

..
..

استغفر الله ..
واصل يا اساسي .. وما تنسى انها جديدة وتجوز ليها السرقة ..

ــــــــــ

Quote: يعني اي زول جديد تجوز ليه السرقة .. والله يا عماد مرات بيكون عندكم تبريرات كدا .. ما تعرفها من الجهل ولا من السطحية المعششة عندكم دي .. .. .. استغفر الله .. واصل يا اساسي .. وما تنسى انها جديدة وتجوز ليها السرقة ..

بالله الجهل اين ...

الذي يتريث ويعطي كل ذي حق ..حقه ..

اما الذي (يخنق ويفطس )

وبالله عليك برضو بتستغفر الله

Quote: وما تنسى انها جديدة وتجوز ليها السرقة ..

Quote: واصل يا اساسي .. وما تنسى انها جديدة وتجوز ليها السرقة ..

اواصل شنو يا عمك زولتك ما ادتنا فرصة زاته بي قوة عينها

ياخي دي رايحة عديل

الاخ المفضال عماد الطيب

Quote: فالنختلف مع هبه فكريا .. ولنتفق ايضا إن جازا ..

الامر ليس له علاقة من قريب او بعيد بالاتفاق الفكري او الاختلاف في وجهات النظر , الامر امر سرقة ادبية واضحة للعيان

Quote: و يحذف الموضوع ... اما هي الان غائبا ...... لا تنسي حداثتها في المنبر...

وبما انها انزلت الموضوع في المنتدي تحت اسمها وبغض النظر عن حداثة تسجيلها وهي التي تكتب علي بروفايلها (ماجستير إدارة كوارث و دراسات لاجئين - جامعة افريقيا العالمي) ان صح هذا فلديها القدرة الكاملة والتميز بين الخطا والصح وتعتبر مساءلة قانونيا _ وهذا من قبل الكاتب الاصلي للموضوع _ وادبيا هذا من قبل القراء والكتاب الاخرين , اما امر غيابها وحضورها فهذا امر لا نعلمه نحن ولا يهمنا كثيرا غيابها ما دام الموضوع نزل تحت اسمها واسترسلت بالتعقيب عليه ولا يوجد ما يمنع ان تكون حاضرة الان وتقرا كل هذا

Quote: فلربما لكل حادثه حديث ...

وهذا ما نفعله الان اننا نتحدث في حادثة معينة جرت امامنا هنا وهذا ما قلناه فيها الان وبامكانها الرد متي ما حضرت

ـــــــــ
شكرا لدك اخ اساسي ..

انا لا اجوز لها السرقه ابدا ..

ولكن هي لديها بوست

فمن الممكن ان يكون هذا الكلام داخل البوست

وتحياتي

ـــــــــ
كتب Mohammed A.. Humida

Quote: السطحية المعششة عندكم دي ..

ونحن منو ياحميد ؟؟؟

اتمني ان لا تخلط الاوراق

فانا امثل راي الشخصي ..

الاخ عماد ..

Quote: ونحن منو ياحميد ؟؟؟ اتمني ان لا تخلط الاوراق

معليش .. تعال نفرزا ليك ..
انتو منو .. يعني انتو ناس عماد .. الجمع هنا من اجل التفخيم ..
لكن لو حبيت تجيب معاك صاحبك ما مشكلة .. السرير كبير يكفى مية ..

..
..

خلاف فكري شنو يا عماد يا خوي؟!
دي حقوق ملكية فكرية تم خرقها
ودي حاجة ما مبررة أبداً
شكراً أساسي..
لنا

ــــــــــ

Quote: خلاف فكري شنو يا عماد يا خوي؟! دي حقوق ملكية فكرية تم خرقها ودي حاجة ما مبررة أبداً شكراً أساسي.. لنا

والله عارف جيّد لا مفكري ولا غيره ..

لكن ماعاوز الاختلاف فكريا .. يؤدي للتشهير ..

واعرف جيّداً من وراي هذا البوست الحقوق مليكة الحقوق..

بس من المفترض .. يبدا في بوستها .. وتوضيح لها ان هذا

الحق لاخر .. ويشوف رايها .. اعتذار او حذف او غيره

هذا كان قصدي اختي لنا ..

وهذا هو راي الشخصي

وشكر لكما

Quote: يعني اي زول جديد تجوز ليه السرقة .. والله يا عماد مرات بيكون عندكم تبريرات كدا .. ما تعرفها من الجهل ولا من السطحية المعششة عندكم دي .. .. .. استغفر الله .. واصل يا اساسي .. وما تنسى انها جديدة وتجوز ليها السرقة ..

ما قلت الا الحق اخونا الموصلى ,,,,,

اما انت يا اساسى حليت لغز كبير جدا
من التفكير منذ ان قرات الموضوع بفكر انى قريتو وين لكن كنت
متاكدة انه كتبوا احد الاخوان فى المنبر بس مضى وقت طويل
ما قدرت اتذكر ولو اتذكرت كان نزلت البوست قبلك .
لالالالالالالالالالالالالالا
للسرقة الادبية
الاعتذار اولا ياهبة
تجياتى
اساسى ود.سجيمانام وضاح

ما تزال هبة الماحي تواصل في (قوة عينها) حين كتبت قبل قليل المداخلة التالية في نفس البوست المشار اليه عاليه:

Quote: السلام و كل الود لكل المتداخلين و سعيدة جدا بهذا العدد من القراء و المتداخلين و أعتذر للجميع عن تأخري في الرد عليكم جميعا ، و أعتذر ايضا عما سببته من ضيق لكل الاخوة و الاخوات المغتربين ، و كون ان هذا الموضوع قد مس وتر حساس لديكم جميعا فهذا ما انشد و اصبو اليه حتي نفتح باب للحوار و النقاش دون الحساسية المفرطة الظاهرة في تناولكم للموضوع ، و كما لا يفوتكم فاني عندما شبهت المغترب السوداني في مراحله المختلفة بهذة التشبيهات لم يكن القصد منها الاساءة ابدا لانكم اكيد تعلمون بانه لا يخلو اي بيت سوداني من وجود احد أعمدته في أي من دول الخليج أو السعودية تحديدا ، يعني هناك العم و الخال و الوالد و الاخ ، و لا يمكن ان اقصد أي اساءة طبعا لاي منهم ، كل الحكاية يا اخواني انه الحاصل دا حاصل اذا كنتم حاسين بيهو أو ما حاسين هو في النهاية حاصل ، و كونه حاصل لا يتنافي مع وجود ظواهر تانية انسانية كما قال احد المتداخلين و هو شئ واضح للعيان و خصوصا في المناطق الريفية ، أثر المغتربين علي المنطقة بيكون ظاهر اكتر من المدن الكبيرة خصوصا الخرطوم حيث ان المغترب أثره بيكون ظاهر في حدود أسرته فقط ! أكرر أعتذاري لكل من شعر بالاساءة من هذا المقال و كما اوضحت ليس كان هذا هو الهدف .

Re: دورة حياة المغترب السوداني

Quote: و كما لا يفوتكم فاني عندما شبهتالمغترب السوداني في مراحله المختلفة بهذة التشبيهات لم يكن القصد منها الاساءة ابدا لانكم اكيد تعلمون بانه لا يخلو اي بيت سوداني من وجود احد أعمدته في أي من دول الخليج أو السعودية تحديدا ،

اساسي.. بعد اذنك.. لي تعليق بسيط..

في حاجة انا لاحظتها في العديد من المنابر السودانية الاخرى... ثقافة السرقات الادبية والملكية الفكرية وحفظ حقوق الغير ما واردة نهائيا تقريبا... تلقى مئات المواضيع المنقولة بلا اشارة للمصدر او الكاتب ويتداخل معها البقية بلا استنكار او حتى عتاب...

ونظرا لحداثة سن المذكورة اعلاه بهذا المنبر.. فنفترض حسن النية المشفوع بالجهل.. وعملا بقوله تعالى "وما كنا معذبين حتى نبعث رسولا".. فلربما كان الاحرى بنا محو اميتها فيما يختص بحقوق الملكية الفكرية وما يعرف بالسرقة الادبية..

ثم لنا ان ننصب المشانق بعد ذلك...


مجرد رأي... وعذرا إن لم يجد لديكم القبول...





______________
الواحد بقى يلاوز في المنبر دا من ابداء اراءوا.. عشان كدا بقينا نبدأها بالاستئذان ونختمها بالاعتذار...

الاخوات

لنا مهدي
ام وضاح

ما استغربه حقيقة ان الاخت ما تزال تواصل في نفس الخط ولم تعطي اعتبارا لاقوال الاخوة في بوستها عن السرقة الادبية وقامت بالرد عليهم كان لم يكن

Quote: ماجستير إدارة كوارث و دراسات لاجئين

دي كارثة عديل لو البوست مسروق.
الناس دي مفتكرة أي زول مغترب لاجئ
---------------------------

Quote: ما قلت الا الحق اخونا الموصلى ,,,,,

الاخ اساسى ,, سلام كتير ,,

ده كلو حصل والبطل لسه ماظهر , أقصد سجيمان ,,

كدى روقوا المنقه يمكن مستر سى جى يجى ويقول متنازل عن حقوقوا الادبيه
ويمكن كمان يسجل ليها البيت ,, أنا عارفو زول ( بكاى ) .







أساسى : انطلاقا من هذا البوست أتمنى أن تتبنى حملة توعيه فى موضوع السرقات الادبيه
فى المنبر , خاصة للقادمين حديثا , حتى لايقعوا فى مثل هذا الحرج .

سلام اساسي والجميع ..

أعتقد أن خطأ هبه مضعف..لأنها حاملة ماجستير
وفي الماجستير يصير الأقتباس دون اشاره للمصدر قضية عقوبتها رادعه..مثل الفصل!

كل املي أن تأتي الأخت هبه لتشرح السبب في عدم اشارتها للمصدر..فان نست واعتذرت عن
نسيانها..فلنتقبل عذرها..وستستوعب الدرس..كلنا نتعلم من الدروس القاسيه..

تحياتي..

الاعزاء

كمال سالم
رشال حاتم

اختنا بكل برود بتقول

Quote: و الحاجة التانية المهمة التي تم تناولها بكثير من الاستخاف كون أن المقال منقول أو مسروق من جهة أخري !! و هذا غير مقبول ، أول مقال لي نزل في سودانيز اون لاين ذكرت أنه منقول من جهة معينة مما يعني انه لدي الدراية الكافية لادب المنابر و الكتابة في المنتديات و الامانة العلمية !! و كون ان هذا المقال منشور في اماكن اخري فهذا يرجع الي انه تم نشره من قبل اكثر من مرة في النشرات الجامعية التي تصدرها الروابط و الاتحادات الطلابية ، و تحت اسم مستعار لا يعطيني الحق في حفظ حقوق النشر !! لذا يا اخوتي يمكنكم سؤال الاخرين من اين أتوا بهذا المقال و سوف تتفأجون بالاجابة !! و رغم ان المثال اثار كثير من تحفظاتكم لكن هذا لا يعطيكم الحق بأن تيكيلوا الاتهامات للأخرين قبل أن تتقصوا الحقائق ، و لا ما كدا يا ود البشري و أساسي !!

Quote: و الحاجة التانية المهمة التي تم تناولها بكثير من الاستخاف كون أن المقال منقول أو مسروق من جهة أخري !! و هذا غير مقبول ، أول مقال لي نزل في سودانيز اون لاين ذكرت أنه منقول من جهة معينة مما يعني انه لدي الدراية الكافية لادب المنابر و الكتابة في المنتديات و الامانة العلمية !! و كون ان هذا المقال منشور في اماكن اخري فهذا يرجع الي انه تم نشره من قبل اكثر من مرة في النشرات الجامعية التي تصدرها الروابط و الاتحادات الطلابية ، و تحت اسم مستعار لا يعطيني الحق في حفظ حقوق النشر !! لذا يا اخوتي يمكنكم سؤال الاخرين من اين أتوا بهذا المقال و سوف تتفأجون بالاجابة !! و رغم ان المثال اثار كثير من تحفظاتكم لكن هذا لا يعطيكم الحق بأن تيكيلوا الاتهامات للأخرين قبل أن تتقصوا الحقائق ، و لا ما كدا يا ود البشري و أساسي !!

هنا يستوجب الامر تقصي الحقيقة.. ويصبح لزاما علينا وعليك مبتدءً يا اساسي...

فإن كان المقال لها.. استحقت اعتذارا في بوست منفصل وبنفس الطريقة.. كما توجب ايضا فتح بوست تشهيري اخر بالزميل سجيمان.. فلا شيء يعفيه من محاكم السرقات الادبية...

اما إن لم يكن لها.. فهنا ستصبح شخصية غير امينة وغير جديرة بالاحترام..

ولكل حادثٍ حديث عندئذٍ...

وبرضو رأي شخصي....

كل الود...

طيب موش احتمال الموضوع اساسا حقها يا اساسي وسي جي مان ناقلو منها .. ؟؟؟؟؟

كما قلت اخت منال

Quote: أعتقد أن خطأ هبه مضعف..لأنها حاملة ماجستير وفي الماجستير يصير الأقتباس دون اشاره للمصدر قضية عقوبتها رادعه..مثل الفصل!

الاخ طلحة

Quote: طيب موش احتمال الموضوع اساسا حقها يا اساسي وسي جي مان ناقلو منها .. ؟؟؟؟؟

الموضوع تم نشره في جريدة الصحافة وتم انزاله في اكثر منتدي منقولا من كتابات سجيمان

الاخت رشا عليها ان تثبت ان الكتابة لها في البداية لانها انتشرت باسم سجيمان ولم نلمح لها حتي تعليقا بان الكتابة نزلت من قبل باسم سجيمان بمعرفتها او بدون هذا ان كان سجيمان قد تغول عليها , وحال ما تثبت ان الكتابة تخصها وان سجيمان قد استولي علي موضوعها عندها سنعتذر لها باكثر من بوست ان ارادت ولكن حتي ذلك الوقت تظل هبة الماحي سارقة ادبية

كتبت ام وضاح:

Quote: ما قلت الا الحق أخونا الموصلي

عموما يامعروف حميده في مقام ابني
ونحن الاتنين قيافه
وام وضاح نحترمها ونقدرها

Quote: الاخت رشا عليها ان تثبت ان الكتابة لها في البداية لانها انتشرت باسم سجيمان ولم نلمح لها حتي تعليقا بان الكتابة نزلت من قبل باسم سجيمان بمعرفتها او بدون هذا ان كان سجيمان قد تغول عليها , وحال ما تثبت ان الكتابة تخصها وان سجيمان قد استولي علي موضوعها عندها سنعتذر لها باكثر من بوست ان ارادت ولكن حتي ذلك الوقت تظل هبة الماحي سارقة ادبية

معقولة يا اساسي!!

نطق بالحكم قبل المرافعة!!!!

الصحيح ان المتهم بريء حتى تثبت ادانته.. هي متهمة في محكمتنا لمعرفتنا بسجيمان.. ولأنه عضو مميز هنا افترضنا فيه هو النزاهة.. ولكن.. هذا لا يعطينا الحق الا نحكم بالعدل.. فنصبح كداوود عليه السلام حين فُتِن بالخصمين...



وكمان يا اساسي ما نبقى زي عقرب توتي عزالة الغريب..

الحقيقة اولا.. ثم النطق بالحكم..

ياللهول..

هل هبه هي "سيجيمان"؟

اتمني ان لا يضايقكم هذا التعليق فأنا في مرحلة شك تسبق الأيمان!

الاخ اساسي والمتداخلين الكرام:


أثرت موضوع غاية في الاهمية ..وهو موضوع الملكية الفكرية داخل البورد وحفظ حقوق الاخرين...حتي ولو لعبارة واحدة...للاسف حفظ حقوق الاخرين ضعيف...

ولكنك الان ياعزيزي أمام تحدي خطر وضعتك فيه الاخت كااتبة البوست الذي اشرت اليه:

Quote: و رغم ان المثال اثار كثير من تحفظاتكم لكن هذا لا يعطيكم الحق بأن تيكيلوا الاتهامات للأخرين قبل أن تتقصوا الحقائق ، و لا ما كدا يا ود البشري و أساسي

فهلا تقصيتم الامر سواء انت او الاخ العزيز ود البشري وأتيتم لنا باليقين هل هي مالكة هذا المقال الجميل ليتم تهنئتها او يثبت العكس ليتم تحيتكم

الاخ ياسر
تحية وتقدير

كما اسلفت للاخت رشا ان الموضوع انتشر باسم سجيمان في الاسافير وكما ذكر احد الاخوة في جريدة الصحافة فعليها ان تثبت انها كاتبة الموضوع ومتي نشرته وهل تغول عليها سجيمان وان صح ذلك فلها علينا الاعتذار وان لم تستطع فيظل الموضوع لسجيمان وهي متعدية

منكن هبة تكون سجيمان زاتو

Quote: منكن هبة تكون سجيمان زاتو

هبة متخصصة كوارث وسجيمان دكتور بيطري

لكن سجيمان برضو كارثة

والله يا شباب

شكلكم كدا ماشين على بوست ماجستير جديد



الله يعينا على الـ 4

وبرضو حسب النظرية الملاسية
وأحوال النوّار .. قصدي أحوال البورد


يمكن
هبة الماحي = سجيمان!!


ولا شنو




بالمناسبة دي
بطالب بحقوقي الفكرية ياخ!!

Quote: غايتو جنس غايتو!!

كرررررهتونا




_____________________
غايتو يا أبو حتوت عندك جنس شلاقه

إسمها هبة عبدالرازق الطالب

كوستاوي يا خردة

Quote: إسمها هبة عبدالرازق الطالب

Quote: الاقامة الدائمة: USA-VA

يعني الزولة دي جنبك...حاول تفتش لينا عنوانها وتجيبو يمكن يطلع بيت لسه بيبنو فيهو ....أو تاون هاوس فاضي

بالمناسبة قابلت معظم جماعة فرجينيا لكن لم نتصادف أن تقابلنا في فرجينيا أو دي سي...أو حتي في معقلي في سيلفر سبرنق....انا الان خارج الولايات المتحدة سأعود خلال شهر أتمني ان نلتقي

لم يكن يساورني أي شك بأن المقال للأخ سجيمان ولكن بعد إفادة الزميله سيظل الأمر معلقاً لحين ظهور الدكتور ليفتينا في هذه البقرة .

مؤونة عام من الود

نقلاُ عن (أساسي) الأساسي * عن بوست
دورة حياة المغترب السوداني
عملاً بكافة قوانين الملكية الفكرية .... إلخ .. إلخ .. إلخ
...
...
...
صدقاُ يا (أساسي) الواحد بقى يخاف يقول كلمة حق هنا ... لكن الموضوع بأهمية أن يُناقش وأن نصل فيه لنهاية عادلة ... مع توخي الحذر في الإدانة المُبكرة إلى حين وصول الأخ (سجيمان) وسماع رأيه والإطلاع على أسانيده فقوله غير نهائي ولا يجب أن نفترض فيه الصِحة المُطلقة لوجود حالة نزاع موضوعي حول موضوع منشور بأكثر من موقع خاصة وأن الزميلة (هبة الماحي) لم تقُل أنها قد تناست مسألة الإشارة إلى أنه منقول لدرايتها بإهمية تلكم الإشارات ... تابع ومتابعين ...













ـــــ
* أساسي الثانية كسير تلج فلربما أكون قد تناسيت جزئية ما بالإشارات لحقوقكم الفكرية !!!

ادب: السرقات الأدبية ظاهرة خطيرة وطريق مزيفة للحضور

بغداد - الصباح:
عقب انفتاح الاجواء كاملة لحرية الصحافة المتمثل بتوافر عشرات الصحف والمجلات ووسائل الاعلام المختلفة، كالانترنيت وعالمه الفسيح، غدت الابواب مشرعة على سعتها للجميع لمن شاء الكتابة بشتى الاختصاصات في حقول الثقافة والادب والمعرفة
وفي موازاة هذا الفضاء المفتوح استفحلت وتفاقمت ظاهرة السرقات الادبية والثقافية على نحو ملفت ليتحول الى اشكالية خطيرة لايمكن التغاضي عنها، وهي تطالعنا بين حين وآخر في هذه الصحيفة او تلك، اذ يقوم بعض الطارئين وادعياء الثقافة بانتحال جهد الاخرين وسرقة نتاجاتهم، ظنا منهم ان ليس ثمة من يتابع او يقرأ ما يكتب وسط ركام الصحف وكثرة الاسماء وغياب الرقابة، بهدف الحصول على شهرة زائفة وكسب المال الحرام، وقد تفنن بعض هؤلاء اللصوص في اساليب السطو كالجمع بين مادتين او اكثر او اجراء تحويرات وتعديلات على النص ونسبها لنفسه.. استطلعنا اراء عدد من الادباء والمثقفين الذين تفاوتت وجهات نظرهم في تفسير هذه الظاهرة، واتفقت على ادانة هذه الممارسات المشينة، وضرورة ايجاد الحلول للحد من انتشارها حيث دعا بعضهم الى سن قانون يقف حائلا لمن يمارس سرقة الاخرين عبر اخضاع العمل الادبي والصحفي الى ضوابط مهنية وقيود من شأنها التقليل من السرقات في اقل تقدير، ويرى اخرون ضرورة اعتماد مبدأ الاستكتاب تلافيا وتجنبا لممارسة السطو، فيما اقترح بعض اخر على تفعيل قوانين النشر وحقوق المؤلف، وشددوا على التشهير بالسراق اعلاميا وفضح ممارساتهم.

نقلاً عن صحيفة الصباح

Quote: الواحد بقى يلاوز في المنبر دا من ابداء اراءوا.. عشان كدا بقينا نبدأها بالاستئذان ونختمها بالاعتذار...

لوووووول يا حليل دينا البتشوت ضفاري .
حلوه حكايه جديده ويجوز لها السرقه
لكين في بروفايلها لقيتها حاصله علي ماجستير كوارث وساكنه في امريكا يعني حقوق الملكيه الادبيه بيكون معلوم لديها .
والله بختك يا سجيمان
بقوا يسرقوك ادبيا

Quote: و الحاجة التانية المهمة التي تم تناولها بكثير من الاستخاف كون أن المقال منقول أو مسروق من جهة أخري !! و هذا غير مقبول ، أول مقال لي نزل في سودانيز اون لاين ذكرت أنه منقول من جهة معينة مما يعني انه لدي الدراية الكافية لادب المنابر و الكتابة في المنتديات و الامانة العلمية !! و كون ان هذا المقال منشور في اماكن اخري فهذا يرجع الي انه تم نشره من قبل اكثر من مرة في النشرات الجامعية التي تصدرها الروابط و الاتحادات الطلابية ، و تحت اسم مستعار لا يعطيني الحق في حفظ حقوق النشر !! لذا يا اخوتي يمكنكم سؤال الاخرين من اين أتوا بهذا المقال و سوف تتفأجون بالاجابة !! و رغم ان المقال اثار كثير من تحفظاتكم لكن هذا لا يعطيكم الحق بأن تيكيلوا الاتهامات للأخرين قبل أن تتقصوا الحقائق ، و لا ما كدا يا ود البشري و أساسي !!

دا رد هبه الماحي نفسها

غايتو يا اساسي اعترف انكم كوارث
لكن يبدو ان هبه المسكينيه لم يدرسوها عيناتكم دي
لعلمك في جنس ناس بتعلم عمايل زي دي بس ما بيكتشفوهم واشهد لله
اكثر من مرة قرات عن كفش مثل هذا....لكن بعض البوستات من شدة ماهي مغمورة
ما بيكون ااشمشارين نقشوا الفيلم وتلقى في واحد ود ناس دخل بادب نبه صاحب البوست
انه هذا المقال منقول وهو/ي لم يشير للمصدر وقد شهعدت وقاحة ولداحلة كثيرة وغلاط في الفاضي
لكن يعلم الله لا شهروا بيهم ولا فتحوا ليهم بوستات زي دي يا اساسي لكن تأكدوا بان صاحب
اللفح بطل لفحيه بعدها ,وصدقوني بعضهم اختفى من هنا او توارى بهدؤ.


المهم يازول سجيمان فعلا بختوا البقوا ينقلوا عنه كمان.


لكن بنيتنا هبه دي و الله ما قريت لها هذا لكن تابعت لها الاهم يعلم الله زولة نخوة وجدعه
واخت اخوان وعلى فكرة من انشط الوجوه لانجاح حفلة واشنطون لاجل سناء.



وانت يا كستاوي بقيت خردة فعلا يا اخي الزولة دي كانت معاكم في حفلتكم وجايي
تلصقها لعبد الرازق الطالب؟؟!! طيب ما تشفع لها يا اخي؟؟؟


الابنه و الاخت العزيزة هبه
اتمنى اعتذارك فهذا لا يليق بك
وصدقيني يمكن تبقى الخطوة البتصلح المشيه.
انت انسانة جيدة وفاضلة وقد تابعت كتاباتك حول موضع سناء ويشهد الله من اول من لبيتي نداء الاختص باح حسين وعملتي بهمة لانجاح الحفلة,مثلك يا غاليه ..لا تستحق ان يرتبط باسمها مثل هذا.
تعالي الينا باي موضع اعجبك ولصدقني سيظل لك اجر المناولة وجرءة الطرح للامر.
وبيقة مناقشتك ببوست سجيمان اياه تثبت انك متمكنه من الكتابة وماك زولة ساهله
اتخارجي يا غاليه فالمنبر وغيره من المواقع فيه ناس متخصصين في مثل هذه الامور.

Quote: وبما انها انزلت الموضوع في المنتدي تحت اسمها وبغض النظر عن حداثة تسجيلها وهي التي تكتب علي بروفايلها (ماجستير إدارة كوارث و دراسات لاجئين - جامعة افريقيا العالمي)

حرام عليك يا أساسي.. طيب ما تديها فرصة تدير الكارثة العملتها بنفسها!! ألزم الصبر يا حبيب وما تنسى أن إدارة الكوارث تتطلب وقتا وجهدا وربما التسبب في كارثة أخرى من أجل حل الكارثة الأولى!

Quote: لذا يا اخوتي يمكنكم سؤال الاخرين من اين أتوا بهذا المقال و سوف تتفأجون بالاجابة !!

الكوره الان فى ملعب سجيمان
اما اساسى
فالله يعينه على الهجمه المرتده

Quote: لوووووول يا حليل دينا البتشوت ضفاري . حلوه حكايه جديده ويجوز لها السرقه لكين في بروفايلها لقيتها حاصله علي ماجستير كوارث وساكنه في امريكا يعني حقوق الملكيه الادبيه بيكون معلوم لديها . والله بختك يا سجيمان بقوا يسرقوك ادبيا

حبيبتنا

انا زاتي بشوت ضفاري لكن لما احس انو الكورة ممكن تجيني راجعة وسخانة بفضل اني ما اشوت.. الشفتنة في المنبر دة بقت موضة الايام دي.. وللحق.. اساسي لم ارى منه الا كل خير.. هي فقط عضة الدبيب البتخوف من جرة الحبل..

نجي لكلامي عن هبة يا دومة.. انا ما قلت جدتها بتجوز ليها السرقة.. انا بصراحة ما شفت بروفايلها لما كتبت المداخلة دي وكلامي كان تعليق عام.. افترضت فيها السطحية بتاعة الكثير من الاعضاء في منابر اخرى لصغر سنهم عادة او قلة تجربتهم الخلتهم يتعاملوا مع موضوع النقل دا بعفوية...

لكن كونها حاصلة علي ماجستير فهذا لا يعفيها مطلقا.. وهي مسئولة تماما عن كل حرف تكتبه هنا او في اي منبر اخر.. ويبقى الشق الاخر.. وهو اثبات التهمة باثبات نسب المقال.. (عاوزين فحص دي ان ايه بالله)

في حاجة غلط واللا ما واضحة في الموضوع دا..

اساسي ، احييك اولا ، لا ادري حتي الان لماذا يقوم الانسان بسرقة مقال لم يكتبه ، فبحسب ظن شخصي الضعيف ان متعة الكتابة هي احساسك ورضاك التام بانك قد -اوصلت - ما تتيقنه او تعتقده الي الآخرين باسلوب جزل وواضح ،، السرقة الادبية ايا كان نوعها هي ضعف في النفس ، وانا شخصيا لا احترم من سرق كتابة شخص آخر ، ولنا في فدوي وعبدالرازق وآخر نسيت اسمه قدوة سيئة ، ولكن انكشفوا ، يجب ان ندين هذا التصرف ، واعتقد اساسي اقر بان هبة اذا ثبت ان لها الحق وان المقال سرق منها بوساطة آخرين فهي تستحق الاعتذار ....

Quote: لذا يا اخوتي يمكنكم سؤال الاخرين من اين أتوا بهذا المقال و سوف تتفأجون بالاجابة !!

السؤال: لماذا ننتظر الآخرين ، لماذا لا تقوم هبة نفسها بتوضيح هذا اللبس ، وترد علي السؤال البسيط وهو من الكاتب الحقيقي لهذا الموضوع ؟؟؟؟ وبعدها من حقنا ان نحاكم سيجمان (والذي فعلا هو سجيمان ).... ولكن حتي هذا اللحظة كاتب المقال في رأي الضعيف هو سجيمان ؟ طالما ان هبة لم تقل انها كاتبة المقال صراحة

Quote: استغفر الله .. واصل يا اساسي .. وما تنسى انها جديدة وتجوز ليها السرقة ..

اساسي ازيك

Quote: إسمها هبة عبدالرازق الطالب

شقيقة فدوى الشريف عبد الرازق الطالب

لكن لو فعلا الموضوع طلع ما حقها تكون داقسة وما تفتيحة زي أبوها عبد الرازق الطالب. حيث أن والدها كان يحشر كلمة كلمتين من عندو في كل سطر من الموضوع المسروق.

لكن هي جابتو بي ضبانتو.

شتااااااااااااااارة ولفحي مني


اعتراااااف واعتذاااااار (واااا خجلتي وصغرة وشي الليلة غايتو)


اساسي,, الله يسألني لما رديت في الموضوع دا, كنت لا خشيت البوست المعني ولا شفت سجم الرماد دي كاتبة شنو..

عشان كدا جيت هسي اعترف ليك بانو المداخلات الفوق دي كلها تعتبر شتااااارة مني لا اكترررر..

صبغة سيجيمان واااااااااضحة في الموضوع.. والبت دي ما عندها اي حل غير انها تطلع سيجيمان زاااتو

غير كدا فعليها بجاحة وقوة عين تأكل لحم الصدقة غايتو..

ياااخ الزولة دي ما عندها اي حل غير انها تكون هي الكتبت المقال دا.. لانو تبني الردود والشررح كمان.. (طبعا انا قسمت المراحل بناءً علي كذا وكذا وبطيخ)... يعني زي الزول الطرح ليو نظرية علمية وعاوز يشرحها للناس... يااااااخ دي ما عندها اي فرقة تتخارج بيها الا تطلع سجيمان.

سؤال : هل سجيمان عندو [ حقوق ملكية فكرية ] .. ؟





تخريمة :

حميدة : [ واصل يا اساسي .. وما تنسى انها جديدة وتجوز ليها السرقة .. ] .

Quote: يمكن هبة الماحي = سجيمان!!

والله يا حاج الصايم سمتايمز سيجمان دا راجل مكار ويمكن تتوقع منو أي حاجة!

التحايا ليكم
أعتقد أننا ومن أجل ترسيخ مبادئ احترام الحقوق وحمايتها، كل الحقوق، وحقوق الملكية الفكرية بشكل خاص ، التي تندرج كتاباتنا في هذه المنابر تحتها، فلابد من إعلان موقف واضح ضد مثل هذه التصرفات التي أصبحت جريمة وفق كل التعريفات القانونية المعمول بها، ما قامت به العضوة هبة الماحي محل إدانة، ويجب أن تتضمن لائحة المنبر الحر مواد تدين مثل هذه الاعتداءات، وتؤسس لعقوبات تترتب على مثل هذا الفعل، ففي تقديري أن مثل هذا التصرف لا يقل بأي حال من الأحوال، من كثير مما يوقع بعض البوستات تحت مقصلة الأخ بكري أبوبكر، والحق أحق بأن يتبع.

ملاحظة:
وألاحظ هنا أن بعض الذين دافعوا عن "أبورزقة وفدوى"، عادوا ليدشنوا حملة ضد نها، وهو أمر يؤكد ازدواجية المعايير التي تمارس هنا، وحيث أنني أرى أن المبادئ لا تتجزأ، وأنه يجب علينا التصدي لأي محاولات للتجاوز والتعدي على حقوق الغير، مهما كان مرتكبها بعيداً عن "شلتي وشلتك"، و"حزبي وحزبك.

انا غايتو بميل إلى إعتبار أن هبة هي كاتبة الموضوع
بلا سجيمان بلا لمة
نحن ناقصين كتبة ؟

و هنا أيضا دقسة (متعمده) من الأخ ايهاب نميري

و اختار أن يتجاهل سؤال لآرسين لوبين البورد**

و حلها الوحيد انو يكون إيهاب هو عروس الرمال في سودابست!


الرداحات



الغريب انو كتيرين اتجاهلوا القصة و ما حاولوا يشهروا بإيهاب (مع انو ما جديد) !












____________________________________


**تعظيم سلام للبت الحديقة إنعام حيمورة

اولا الشكر الجزيل للذين مروا من هنا



ومما يتضح ان هذا المقال الذي تلا كتابة سجيمان للموضوع الاصل منشور منذ العام 2004 م وهو ما بتدره قائلا بذكرت سابقا

Quote: Quote: و الحاجة التانية المهمة التي تم تناولها بكثير من الاستخاف كون أن المقال منقول أو مسروق من جهة أخري !! و هذا غير مقبول ، أول مقال لي نزل في سودانيز اون لاين ذكرت أنه منقول من جهة معينة مما يعني انه لدي الدراية الكافية لادب المنابر و الكتابة في المنتديات و الامانة العلمية !! و كون ان هذا المقال منشور في اماكن اخري فهذا يرجع الي انه تم نشره من قبل اكثر من مرة في النشرات الجامعية التي تصدرها الروابط و الاتحادات الطلابية ، و تحت اسم مستعار لا يعطيني الحق في حفظ حقوق النشر !! لذا يا اخوتي يمكنكم سؤال الاخرين من اين أتوا بهذا المقال و سوف تتفأجون بالاجابة !! و رغم ان المثال اثار كثير من تحفظاتكم لكن هذا لا يعطيكم الحق بأن تيكيلوا الاتهامات للأخرين قبل أن تتقصوا الحقائق ، و لا ما كدا يا ود البشري و أساسي !!

كما قيل عش رجبا ترى عجبا

في احتمال برضو انو سجيمان يكون (استلف) الموضوع من هبة من زماااان و ما رجعو ليها

Quote: انا غايتو بميل إلى إعتبار أن هبة هي كاتبة الموضوع بلا سجيمان بلا لمة نحن ناقصين كتبة ؟

وحتي لو سيجمان كتبو
بتكون هبة فكرت فيهو قبالو لكن الظروف ما ساعدتا تكتبو..

Quote: صبغة سيجيمان واااااااااضحة في الموضوع.. والبت دي ما عندها اي حل غير انها تطلع سيجيمان زاااتو غير كدا فعليها بجاحة وقوة عين تأكل لحم الصدقة غايتو.. ياااخ الزولة دي ما عندها اي حل غير انها تكون هي الكتبت المقال دا.. لانو تبني الردود والشررح كمان.. (طبعا انا قسمت المراحل بناءً علي كذا وكذا وبطيخ)... يعني زي الزول الطرح ليو نظرية علمية وعاوز يشرحها للناس... يااااااخ دي ما عندها اي فرقة تتخارج بيها الا تطلع سجيمان.

هسي يا أساسي لو طلع سجيمان بايع الموضوع دة لي هبة نحن نمشي وين ؟؟؟

..
.

Quote: **تعظيم سلام للبت الحديقة إنعام حيمورة

حسي يا سناء دى الحشرها هنا شنو ؟؟

متلقيين حجج ..

___________

غايتو هبة دى لحقت الفاتو ..
يا سي جى مان بقي عندو راى تانى

يا أساسي الله لا وقعني في دربك....

ياخ البنية دي ماطلعت زيتا عديل كدة........يعني الا تقول الروب؟


خلاص خليها وصدقني تاني بتجيب ليك الرابط (الكاتب) قبل الموضوع








زمان قلت ليك جيرتك اصلا ما بتندار

حبيبنا اساسى

يسعد صباحك

ياخوى السرقة مسألة واضحة وما محتاجة لتفسير الا ان كانت هبة زوجة للاخ سجيمان الرميدان وقد منحها حق اعادة كتاباته وذلك انا شخصيا لا اعنيه هنا ....

المشكلة الاكبر انها ما زالت مصرة على تبنى موقف الاساءة للمغتربين بقولها اللاحق فى ردها :

Quote: كل الحكاية يا اخواني انه الحاصل دا حاصل اذا كنتم حاسين بيهو أو ما حاسين هو في النهاية حاصل

يعنى نحن حيوانات سوى شئينا أم ابينا .....

وبعد ده كلو فى ناس بدافعوا عنها كمان ؟؟؟

مداخلة من برلوم جديد لنج

ياخي الماجستير ذاتو بنجيبو كوبي بيست Copy past
جاي تمرق لينا مواضيع 2004
غايتو لو دكاترتنا زيك يانا الماقرينا

ولقيتك اساسي

يا جماعة كدي قولوا الصلاة على النبي

لي معرفة بهبة و تسكن معنا في أمريكا (فرجينيا) و قد عملت معها في لجنة دعم علاج الأخت سناء و تحدثت معها في موضوع هذا البوست و قالت لي سوف لا تكتب في هذا الموضوع حتى حضور سجيمان و تعليقه على هذا الإتهام.

يعني يا أساسي حضر عرضحال إعتذارك مزود بختم أبو رزقة.


هبة إنسانة مثقفة و متعلمة و ذكية.....و ياما الأيام ح توريكم

و الناس البتهلل و تكورك دي حا تودي و شها وين.



يا سجيمان أمرق طالع!!!

الأخ (أساسي)

تحية طيبة لك ولكل المتداخلين

سؤالي (الأساسي) ماذا نستفيد من هذا البوست أو هذا التشهير

أخي: تتبع هفوات الاخرين واذلالهم بها عمل بغيض جداً لم نكن نتمناه من عضو نشط كنا نقرأ له من خارج المنبر قبل الحصول على العضوية، كان من الممكن معالجة الموضوع بالإشارة للأخت هبه في بوستها بأن الموضوع منقول كما فعل الكثير من المتداخلين هناك، والمطالبة برد توضيحي من د. سجيمان الذي هو صاحب الوجعة، ذلك ما يلبي دفاعهم عن الحق الأدبي العام، هل أنتم حريصون على الحق الأدبي الخاص أكثر من صاحبه والذي اعتقد حسب قراءتي لما يكتب أنه غير محتاج لمحامي عشان يجيب ليهو حقوقو .

كتب كوستاوي في 13/7/2005م

أساسي: لمن لا يعرفه (1)


ترددت مرات ومرات بأن لا أخوض هذه المعركة الإسفيرية مع شخصين يتبعان أسلوب الغرصنة الإنترنتية. أحدهما و هو الأخ أساسي كان يكتب قديما بمنبر سودان نت. لم تعجبني كتاباته الصبيانيه المتوترة. أحيانا يظهر بجلباب داعي و علامة إسلامي و تارة كمهرج سيرك ممل و مرات أخر ككومدي ضل طريقه الي سوق لعب الأطفال.

عدم الكونستنسي في طرح مواضيعه هي التي لفتت إنتباهي منذ عامين مما حدي بي أن أجهل بوستاته ولم أعد أقرأ له.

في خضم حملة روائع البورد لكوستاوي ظهر هذا ال kid و ركب موج موضة الهجوم علي كوستي و صاحبها ببوست صنع خصيصا للعبد لله. لا أعرف كم من الوقت He spent on it

موضوع البوست طبعا أعاد لي ذكري تلك المواضيع السوقية التي يشتهر بها هذا الأساسي-- يمكن الرجوع للإرشيف لملاحظة ذلك --

و للحقيقة لأساسي مواضيع تجبرك علي الوقف عندها و تندهش.
There is no correlation between these types of writings and the ordinary writings of Assasi.

و لكن الحقيقة التي لا يعلمها أعضاء هذا البورد بأن الأخ أساسي يسرق هذه المواضيع من كتاب آخرين و يدعي إمتلاكها ولا يعطي هؤلاء الكتاب حقهم الأدبي بذكر أسمائهم أو حتي ذكر المراجع الذي نسخت منها هذه المواضيع.

"This is what is called "Plagiarism or Breach of Copyright

يعني سرقه عديل كده و في أمريكا It is a Federal Crime يعاقب عليها القانون.

- - - - - - - - - - - - - - - - - - - - - - - - - - - - - - - - - - - - - - - - - - - -

أخي: الأخت هبة كان غرضها(الأساسي) حسب فهمي البسيط أنها تحاول لفت النظر لقضايا المغترب السوداني وتفتح نافذة للحوار. ما أضافته هبه سواء منقول أوكانت صاحبته قد فتح نقاشات كثيره وسط قراء سودانيز أون لاين (من الخارج).

معاً ضد السرقة الأدبية للحقوق الفكرية
معاً من أجل حوار راقي وهادف ..

اتمني ان تكون هبة هي كاتبة الموضوع ، واساسي اشار الي انه لا يري غضاضة في الاعتذار لها

اذا ثبت انها صاحبة الموضوع الاساسي ، رغم انني اري العذر لاساسي لان الموضوع سبق نشره ...

اما اولئك الذين يقولون ان هذا تشهير بهبة فهذا قول غير منطقي لان هبة -حتي هذه اللحظة- لم تثبت انها كتبت هذا المقال ، بل قالت انها تنتظر سجيمان اولا ... (لماذا؟)


اكرر ان الموضوع بيد هبة ، ولها ان تقول لنا الحقيقة حتي نعترف لها بحقها (ونقبل علي سجيمان )


اكرر تحياتي للاخ اساسي ، ولك الف حق في هذا البوست ، وفضح السارقين واجب علينا جيمعا ....

Quote: (ونقبل علي سجيمان )

سألتك بالذي خلق الأرض (معبد) يا(رقم صفر) لمن يجي اليوم ده (وإن لناظرة قريب) ... سألتك بالله سو لي مسنجر خلي أجيبوا قديم وجديد لسي (سي جي) ...

..


..........

و لكن الحقيقة التي لا يعلمها أعضاء هذا البورد بأن الأخ أساسي يسرق هذه المواضيع من كتاب آخرين و يدعي إمتلاكها ولا يعطي هؤلاء الكتاب حقهم الأدبي بذكر أسمائهم أو حتي ذكر المراجع الذي نسخت منها هذه المواضيع.

"This is what is called "Plagiarism or Breach of Copyright

يعني سرقه عديل كده و في أمريكا It is a Federal Crime يعاقب عليها القانون.

Quote: و لكن الحقيقة التي لا يعلمها أعضاء هذا البورد بأن الأخ أساسي يسرق هذه المواضيع من كتاب آخرين و يدعي إمتلاكها ولا يعطي هؤلاء الكتاب حقهم الأدبي بذكر أسمائهم أو حتي ذكر المراجع الذي نسخت منها هذه المواضيع. "This is what is called "Plagiarism or Breach of Copyright يعني سرقه عديل كده و في أمريكا It is a Federal Crime يعاقب عليها القانون.

ياتو مواضيع يا مصطفى السرقها اساسي؟؟؟

جيب اقتباسات عشان ما يكون كلام ساي.. وما تكون ما يسمى بالهجوم المضاد..

حقو تحاول تكون دقيق شوية بالله..

ولسة هبة مدانة لغاية ما سجيمان يجي يقول انو هو السرق الموضوع دا منها.. وساعتها لكل حادث حديث..

الأخت رشا حاتم

دا كلام كوستاوي في بوست بتاريخ 13/7/2005م وموجود في مكتبة (أساسي) ممكن توجهي السؤال دا لي كوستاوي

http://www.sudaneseonline.com/cgi-bin/sdb/2bb.cgi?board=70



(ولسة هبة مدانة لغاية ما سجيمان يجي يقول انو هو السرق الموضوع دا منها.. وساعتها لكل حادث حديث..)



كلنا ح ندين هبه لو ثبت ذلك ولكن سؤالنا: لماذا التشهير والمذنب بريء حتى تثبت إدانته؟؟؟

------------------------------------------------------------------------------------

(اي زول عندو اعتراض علي وجهة نظر انسان معين او انسانة معينة يبقى يلتزم بمبدأ الحوار الديمقراطي وادب اختلاف وجهات النظر..

اي انسان ساقط وبيحاول يرمي قذاراتو لتكميم الافواه فدا احسن ليو يمشي يشوف مكان تاني لممارسة النقص والخلل الموجود في شخصيتو.. واهلنا في المثل بيقولو "الفيك بدربو"..

اليس فيكم رجلٌ حكيم؟؟؟ متابعة وبقرا البورد دا من تلاتة سنين.. كل مرة تستخدم فيو اسلحة اخس من الخسة.. البجي يتكلم عن اسرة انسان مختلف معاو باسلوب اقذر من القذارة.. والبجي يتكلم مع واحدة باسلوب برضو اتفه من التفاهة ويحاول يضحد حجتها بالخوض في عرضها.. بالله دي رجالة دي؟؟؟؟

ودا كوم والشفتنة البقت في البورد دا كوم تاني.. كل واحد يتحاور مع واحدة ويحس انو رايها كان صائب او ممكن تغلبوا في النقاش طوالي ينزلق الى اسلوب شوارعي منحط عشان يكسر عينها ويخليها تنسحب او كمان يعميها الغضب وتجاريو.. وبالتالي يكسب هو المعركة بتصويرها انسانة مامتربية وبتقالب في الرجال وتتلفظ بنفس مستوياتهم..

حاولوا تحقوا تربية جدودكم الهسي بيكونوا منجضين تحت التراب بتصرفاتكم المشينة دي..

حليل الرجال الجد.. الكان الواحد فيهم بيقنع الكاشفات.. موش يكشف المستورات..

-----------------------------------------------------------------------------------


يا رشا حاتم مش برضو دا كلامك انتي !!!!!!

Quote: يا رشا حاتم مش برضو دا كلامك انتي !!!!!!

يا مصطفى..

كلامي دا علاقتو شنو باتهام هبه؟؟؟ هبة زولة عندها ماجستير يعني واعية جدا لادب الملكية الفكرية.. ودا نقاش في صميم كتاباتها.. مافي سبب بيخلينا نتجاوز ليها عشان هي بت!!!!

دا الفرق الما عاوزين تفهموهو في الفكرة بتاعة اننا كلنا بشر.. راجل او مرة.. غلط يتناقش في غلطو ويتحاسب بنفس المستوى.. كلامي الفوق دا كان في الناس البتحاول تسكت البت بالفاظ شوارعية او بحوارات غير لائقة يعني محاولات كسر العين البعملو فيها الشفاتة الحايمين في المنبر دا..

الزميل اساسي, رغم اني علقت فوق علي حتة انو المتهم بريء حتى تثبت ادانتو دي وانو ما كان مفروض يستعجل, الا انو ما اتعرض للاخت هبه الا في صميم كتاباتا, يبقى عداو العيب وماف سبب بيخلينا ما نخضعا للمحاكمة.

Quote: ما قلت الا الحق اخونا الموصلى ,,,,,

يااساسى الموصلى دا مرة بجاى متين غايتو جنس عجن

اساسي سلام
ليومين قاعد اعاين في هذا البوست المهم جدا
ولم تتاح لي ظروف للتداخل..
ولكن الشاهد بان الامر الان في طريقه للتمييع وهذه سابقة من السوابق الخطيرة يجب التعامل معها
بحسم وبقوي حتي لا تسري في الاسافير عدوي اللفح واللقط من طرف...
الاخت هبة تتدعي ملكية هذا المقال
وسيجمان ايضا نشر هذه المقال في عدة جهات
والامور صارت لايصة وما قلت في طريقها للغتغتة والمدارة...
..
يجب ان يكون هذا البوست عاليا حتي ترجع الحقوق لاصحابها الحقيقين ويعم الانضباط في امر الملكية
والحقوق..
الاسافير دي بقت فيها حرامية ولا شنو ياجماعة..؟؟

الشكر للجميع واعتذرعن عدم قدرتي الفترة السابقة من اعطاء كل مداخلة حقها من الرد لمشغولية المت بي

وبعد مخاض عسير تململ الجبل عن فار هزيل يمكنكم مشاهدته هنا هام لكل الاعضاء

Quote: إسمها هبة عبدالرازق الطالب

عرفنا بهتان تحريفات الكلم عن موضعه من أثر أفيون الهلوكستاويات..
كمان جابت ليها تحريف نسب..


عيىىىىىىىىكـ..
يا ناصر بن زرعيون..

ما منكـ من..

من تخريفات الشايب العايب..

اساسى

الليلة,,,الا تنشق بك الارض..

اتصلت على دكتور سجيمان,,,وهو مشغول بمشروعه الجديد تربية مواشى فى مزرعته الجديدة
فقد ذكر لى بالحرف الواحد ان الموضوع رسالة ماجستير للاخت هبة
وهى كانت مقيمة فى جدة,,ووقتها ما كانت عندها نت وما بتعرف تدخل على المنديات
فنشر ذلك السجيمان الموضوع باسمه,,,فذاع صيته وعلى شانه,,,وهو يردد عبارة ان البنت محقة
واخر كلماته قال لى تعرف اين تقيم والان قلت ليه لا,,,قال لى اسال البعرفها
اها اسى ادونا عنوان هبة عشان نقدر نخلى الزول دا يتصل عليها ويتفاهم معاها
وبعد كدا نحدد لكم صاحب الموضوع الاصلى,,,

يااساسى انا ما قلت ليك سجيمان دا ممكن يبيعك ويبيع حنانك عشان ندى القلعة

اخر الاغانى لندى القلعة

سجيمان مبسوط منى
عشان انا قاعدة بغنى
نشرنى على النت
امناتى والتمنى

Quote: الليلة,,,الا تنشق بك الارض..

\
أولاً كدى وعونا على حد السرقة فى هذا المنبر

فيها قطع يد ولا بوست بوستين تشهير مع كباية موية باردة وإنتهى الموضوع

ثم هل نحن كالذين ذكرهم الرسول صلى الله عليه وسلم ، عندما قال عنهم إذا سرق فيهم الضعيف أقاموا عليه الحد وإذا سرق فيهم الشريف تركوه ؟

أرجو من قدامي المحاربين فى هذا المنبر ( بوصفى من الحديثين جداً ) أرجو فتح بوست بعنوان:


أشهر السرقات فى المنبر

طبعاً يقوم يعمل لينا فيه مسح للسرقات القديمة لأننا كثيراً ما نسمع خلال المداخلات أن هنالك الكثير من السوايق فى هذا المنبر لحالات مماثلة.

عشان نشوف كل الناس الفضلت ليهم يد واحدة ونتحاشى بوستاتهم من البداية و ما نمشى نخبط ويبقى الموضوع مفتوح عليه ستين يلاغ.

بعدين بالنسبة لأختنا المشهر بها هذه ، لو إنها ، كانت من أخواننا وليست أخواتنا ، كان الموضوع ربما مر مرور الكرام ، فعادة زوار مواضيع أخواتنا أكثر من زوار مواضيع أخواتنا ، وبرضو ما كان فى داعى لعنوان رنان وجاذب ، عشان تسلم الجرة.

الدروس المستفاد من هذه الحالة ومثيلاتها:

- إحترام حقوق الآخرين والإشارة لها مبدأ يجب إحترامه دائماً

- ليس يالضرورة على كل جديد الإتيان ببوست إن لم يكن له مقدرة على ذلك ، وأن المداخلة الموضوعية والبناءة فى بوستات الآخرين ، تحقق قدر من النجومية للفرد ، وإحترام الآخرين له بذات القدر.

- أعضاء البورد بقروا كثير ولهم مشاركات لربما فى عدة منتديات أخرى فالتحرى الدقيق لما نكتب واجب.

- فى حالة ثبوت السرقات ، تختفى الصداقات ويصعب الدفاع عن الأمر.

المسألة الأخيرة التى لم أصل فيها برأى البورداب أيضاً هى الفكرة

من الممكن أن يساقيد شخص من فكرة موضوع تناوله فرد آخر فى أى مكان لكن يقدمه بصياغته وأسلوبه الخاص

فقط سرق الفكرة ، فهل هى جريمة كالتى نحن بصددها الآن

ولا لا تتحقق الإدانة الكاملة الا فى حالة يجيبها بضبانتها







غايتو أنا من وجهة نظرى نحاول مخارجتها من الورطة دى بإنها برلومة فى المنتدى ونقول ليها فتحى عينك كويس وتاني ما تعملى كدة ياشاطرة.






ـــــــــــــــــ
إحترامي الأساسى يأساسي
شيخ العرب

..
.

Quote: الليلة,,,الا تنشق بك الارض..

ابوقوتة دا ما تصدقو دا اساسا معروف قنبلة موقوتة


____________________

يكون سجيمان كتب ليها الرسالة
واتنازل عن حقو الادبي

اساسي يا فردة تسلم!

اوعك تكون الماجستير في البوست دا؟؟؟؟

خلاص انا ارشح بوست "طهارة العوض ود ابقناية" للدكتوراة
جــلا ليع..... بـلاليع.... ومُدافرة ســوق ام دفســو

Quote: يا جماعة كدي قولوا الصلاة على النبي لي معرفة بهبة و تسكن معنا في أمريكا (فرجينيا) و قد عملت معها في لجنة دعم علاج الأخت سناء و تحدثت معها في موضوع هذا البوست و قالت لي سوف لا تكتب في هذا الموضوع حتى حضور سجيمان و تعليقه على هذا الإتهام. يعني يا أساسي حضر عرضحال إعتذارك مزود بختم أبو رزقة. هبة إنسانة مثقفة و متعلمة و ذكية.....و ياما الأيام ح توريكم و الناس البتهلل و تكورك دي حا تودي و شها وين. يا سجيمان أمرق طالع!!!

ماقاعدة اريد الخفة

Quote: ياخي الماجستير ذاتو بنجيبو كوبي بيست Copy past جاي تمرق لينا مواضيع 2004 غايتو لو دكاترتنا زيك يانا الماقرينا

للأسف ..كما ذكر الأخ
هذه الظاهرة صارت منتشرة فى الدراسات العليا فى عهد الانقاذ..
سرقة ساااااااكت..دون اشارة للمصادر.





______
ملحوظة: أسلوب سجيمان طبعا ( واضح) و ( مميز)..

العزيز اساسي..

سلام وتحية..

زي ما غلط الكتابة دون الإشارة للمصدر. برضو غلط إننا نلقاها فرصة في التشفي في الشخص الناقل..

الأمر يمكن معالجته بكل بساطة ومباشرة. أي بإخطار كاتب البوست في نفس البوست أو لو إيدك حرقتك تفتح بوست جديد فيهو توضيح.
ويا دار ما دخلك شر.

وللعزيزة هبة الماحي اقول أنه جل من لم يسهو.
وقد فتحت بوستا لمن يهمه الأمر..

وأساسي ده أصلو بيتلًح البرالمة الجداد. أنا شخصيا كان مكرًهني المنبر


للجميع التحايا

وحقوق عصام مشت وين؟

مركز القاهرة لحقوق الإنسان ,,يعتدى على حقوق المصور السو...نى "عصام عبد الحفيظ"

ولا هي المسألة ما اكتر من تفشي











حديث شريف:
________
إنما أهلك الذين قبلكم أنهم كانوا إذا سرق فيهم الشريف تركوه، وإذا سرق فيهم الضعيف أقاموا عليه الحد، وأيم الله لو أن فاطمة بنت محمد سرقت لقطعت يدها