Post: #1 Title: انت تبرا من الألم والألم ما لينا نحن يا ابوعبيدة الجميل!!! Author: jini Date: 04-02-2008, 03:30 PM
انت تبرا من الألم والألم ما لينا نحن الاّ يوم فاتنا وطراكي دابو اصبح لينا محنة اصلو لو ما الدنيا قاسية الألم كيفن يصيبك
يا سلام يا ابوعبيدة شهدت السهرة التى قدمها الاذاعى صلاح طه بالامس من تلفزيون السودان مع العائد بقوة ابوعبيدة حسن واستمتعت بها ايما استمتاع! طفرت الدموع من الفرح الغامر لعودة هذا الانسان الجميل الذى ارتبط صوته العذب بطفولتى وعهد الصبا الباكر وهو يصدح بصوته الجميل فى برنامج ساعة سمر وعبر سماعات الصوت فى البصات والبكاسى واكشاك الليمون! ابوعبيدة بطنبوره المكنتل وشعره الخنفس ماركة انجيلا ديفز وبساطته وعذوبته! يا سلام يا ابوعبيدة كم اسعدتنا واطربتنا! وحين قسونا عليك واشبعناك سخرية لم تقابلنا بالمثل فى صفحات الجرايد بل آثرت الانسحاب! انزويت وانسحبت من عالمنا ففى طبعك المحبة والسلام دائما! يا لنا من اغبياء ساديين امطرناك سخرية وتسخيفا!عندما اجبت على سؤال امنيتك الفنية بان امنيتك الفنيه هى ان تحجج امك! قصر فهمنا العاجز المتعجرف بانك اخترت الايجاز بانك تتمنى ان ييسر لك الفن عائدا ماليا يعينك على ارسال والدتك للحج فماكنت تسال الناس وانما تؤمل ان تقدم للناس فنا يعود عليك بمال يعينك على حج الوالدة! ما اعظمها من امنية فنية او رياضية او انسانية ان يحجج الانسان امه! امنية فى اوائل السبعينات من القرن الماضى قبل ان يعرف اهل السودان الاغتراب عندما كان الحاج له شنة ورنة يزين بابه بالنقش على واجهة الباب يا داخل الدار صلى على المختار وحجا مبرورا وذنبا مغفورا وليس مثل حج المغتربين الماسخ الذى لا طعم له ولا لون ولا رائحة له! اخترعنا التشنيعات واجترحناها حتى على لسان العلامة عبدالله الطيب الذى قولناه:يقول ابوعبيدة شوفوا لى حلل وما درى ان الحلل هو ذكر التمساح! سخرنا من طمبورك الكهربائي الصرعة الذى حاكيت به الجيتار الكهربائى ووصفناهو بخلاطة الفواكه! يا رعاك الله ايها الجميل ليغفر الله لنا وليرعاك الله ايها الجميل وانت تعود الى عالمنا لتذكرنا بذلك الزمن الجميل جنى
Post: #2 Title: Re: انت تبرا من الألم والألم ما لينا نحن يا ابوعبيدة الجميل!!! Author: حمد فتح الرحمن Date: 04-02-2008, 07:41 PM Parent: #1
يا الله يا جني يكفي هذا الادمي ان اجتاز ما مر به و عاد ليعلم كيف يكون الشجن و التطريب
Post: #3 Title: Re: انت تبرا من الألم والألم ما لينا نحن يا ابوعبيدة الجميل!!! Author: jini Date: 04-03-2008, 02:23 PM Parent: #2
حمد فتح الرحمن شكرا للمرور والاضاءة جنى
Post: #4 Title: Re: انت تبرا من الألم والألم ما لينا نحن يا ابوعبيدة الجميل!!! Author: Idris Tabidi Date: 04-03-2008, 02:56 PM Parent: #3
سلام هو كان مختفي وين انا جيت في اخر السهره هذا الفنان الرائع.
Post: #5 Title: Re: انت تبرا من الألم والألم ما لينا نحن يا ابوعبيدة الجميل!!! Author: محمد المرتضى حامد Date: 04-03-2008, 03:21 PM Parent: #4
الرائع جني، بالطبع كتبت أنت أكثر مما يمكنني التعبير عنه، وأنا صاحي كالنعسان قلت أشوف في السودان في شنو، وجدته وصلاح طه وعمر عثمان . في البداية لم أصدق والنوم من عيني فر حتى طيف الخيال كان مستحيل، عيني التي أدمعت فعلا وأنا أستمع لذلك الفنان الجميل. أبوعبيده جميل عديل. صحبه في الأداء صِحابُه من عقد الجواهر الفنان وباهر اللي خلاه يحكي بحبه ويجاهر، هو ذات كورس الوفاء القادم من الماضي إلى الخاطر فأشجونا وبللوا الجوانح بطرب يلغي تبلد الإحساس الذي ظل يلازمنا لكأنما هو الثابت وماعداه هو المتغير في سنواتنا الأخيرة ، لعلنا من نفس الجيل فقد برز إلى الوجود ونحن أطفالا وانطلق كتشالنجر في سماء كيب كانيفرال يتبعه لهب الشباب يمخر عباب الريده البريئة كابتسامته صوب السحاب، ساحقا ماحقا لعادية الحفلات ورتابتها بكورس يهز أركان أي حي يستضيف الحفل، معلنا لمن يهمه الأمر من منظمي الحفل أن الطنبور الكهربائي سيصعق كل من يبقى على المقاعد مدعيا رزانة غير مطمئنة فتنتفض المقاعد وتهدر الجدران ويتلاشى الوقار وتعيد المايكرفونات صدى يعلن للكافة أنها جزلة حبورة بهذه الفوضى المموسقة ، عندما ينتهي الحفل تعقد مقارنة بين هذا المكان وشوارع ريوديجانيرو بعد الكرنفال الشهير، ساحة حرب خرجت منها الجماهير منتشية لتنام بجهاز عصبي معافى وحتى إشعار آخر. حكى لي صديق أن امرأة عجوز كانت في المطبخ مع الطباخين فخرجت للحفل وابوعبيده يغني ومعها (الكمشه) وأدتو هزه وشبال ورجعت تترنح مع الكُمشة طربا. الذي يقول : الجنني وخلاني أغني ما خلاّ لغيرو شي يا جني. تسلم.
Post: #6 Title: Re: انت تبرا من الألم والألم ما لينا نحن يا ابوعبيدة الجميل!!! Author: معاذ حسن Date: 04-03-2008, 03:39 PM Parent: #5
جني سلام الراجل غناي شديد ربنا يديهو الصحة غايتو انا بتذكر الصوت دا طشاش طشاش طبعا لما كان طالع في الكفر نحن كنا حايمين بلباساتنا حيث انني ولدت قبل عهد البامبرز بقليل جدا. والذ حاجة السهرة دي كشفت ليناموديل الستينات والسبيعينات في المنبر الناس الزمنهم فات وغنايهم طفش من البلد. دحين القدم السهرة دا مو صديق الموج؟ يخلق من الشبه اربعين.
Post: #12 Title: Re: انت تبرا من الألم والألم ما لينا نحن يا ابوعبيدة الجميل!!! Author: jini Date: 04-03-2008, 10:35 PM Parent: #6
Quote: والذ حاجة السهرة دي كشفت ليناموديل الستينات والسبيعينات في المنبر الناس الزمنهم فات وغنايهم طفش من البلد.
نحمد ربنا استمتعنا بالعمالقة! انتوا حتكونوا موديل هاجر كباشى وندى القلعة! كل عام ترزلون قرآن كريم جنى
Post: #11 Title: Re: انت تبرا من الألم والألم ما لينا نحن يا ابوعبيدة الجميل!!! Author: jini Date: 04-03-2008, 10:32 PM Parent: #4
Quote: سلام هو كان مختفي وين انا جيت في اخر السهره هذا الفنان الرائع.
دى قصة طويلة! قصة ابداع وجحود! لا يتسع المجال لذكرها! لكن قوقل بجيب ليك خبرها! جنى
Post: #7 Title: Re: انت تبرا من الألم والألم ما لينا نحن يا ابوعبيدة الجميل!!! Author: haleem Date: 04-03-2008, 06:56 PM Parent: #1
يا الله
اتانا لينفض الذاكرة
لماذا لم أكتشف أنه يملك كل هذا الجمال الا بالامس
Post: #13 Title: Re: انت تبرا من الألم والألم ما لينا نحن يا ابوعبيدة الجميل!!! Author: jini Date: 04-03-2008, 10:41 PM Parent: #7
Quote: يا الله
اتانا لينفض الذاكرة
لماذا لم أكتشف أنه يملك كل هذا الجمال الا بالامس
هو جنس نفض! نفض السرور! جنى
Post: #8 Title: Re: انت تبرا من الألم والألم ما لينا نحن يا ابوعبيدة الجميل!!! Author: kamalabas Date: 04-03-2008, 07:13 PM Parent: #1
جني تحياتي
Quote: واستمتعت بها ايما استمتاع! طفرت الدموع من الفرح الغامر لعودة هذا الانسان الجميل الذى ارتبط صوته العذب بطفولتى وعهد الصبا الباكر
عهد الصبا الباكر دا متين? ربما أواخر الخمسينات ومطلع الستينات ?
Post: #9 Title: Re: انت تبرا من الألم والألم ما لينا نحن يا ابوعبيدة الجميل!!! Author: jini Date: 04-03-2008, 10:20 PM Parent: #8
Quote: عهد الصبا الباكر دا متين? ربما أواخر الخمسينات ومطلع الستينات ?
كمال عباس ما تجيب لينا الكتاحة وتطير مننا البلوم! انا فى التلاتين وداخل على االتسعة وعشرين! جنى
Post: #10 Title: Re: انت تبرا من الألم والألم ما لينا نحن يا ابوعبيدة الجميل!!! Author: jini Date: 04-03-2008, 10:22 PM Parent: #8
Quote: بالطبع كتبت أنت أكثر مما يمكنني التعبير عنه، وأنا صاحي كالنعسان قلت أشوف في السودان في شنو، وجدته وصلاح طه وعمر عثمان . في البداية لم أصدق والنوم من عيني فر حتى طيف الخيال كان مستحيل، عيني التي أدمعت فعلا وأنا أستمع لذلك الفنان الجميل. أبوعبيده جميل عديل. صحبه في الأداء صِحابُه من عقد الجواهر الفنان وباهر اللي خلاه يحكي بحبه ويجاهر، هو ذات كورس الوفاء القادم من الماضي إلى الخاطر فأشجونا وبللوا الجوانح بطرب يلغي تبلد الإحساس الذي ظل يلازمنا لكأنما هو الثابت وماعداه هو المتغير في سنواتنا الأخيرة ، لعلنا من نفس الجيل فقد برز إلى الوجود ونحن أطفالا وانطلق كتشالنجر في سماء كيب كانيفرال يتبعه لهب الشباب يمخر عباب الريده البريئة كابتسامته صوب السحاب، ساحقا ماحقا لعادية الحفلات ورتابتها بكورس يهز أركان أي حي يستضيف الحفل، معلنا لمن يهمه الأمر من منظمي الحفل أن الطنبور الكهربائي سيصعق كل من يبقى على المقاعد مدعيا رزانة غير مطمئنة فتنتفض المقاعد وتهدر الجدران ويتلاشى الوقار وتعيد المايكرفونات صدى يعلن للكافة أنها جزلة حبورة بهذه الفوضى المموسقة ، عندما ينتهي الحفل تعقد مقارنة بين هذا المكان وشوارع ريوديجانيرو بعد الكرنفال الشهير، ساحة حرب خرجت منها الجماهير منتشية لتنام بجهاز عصبي معافى وحتى إشعار آخر. حكى لي صديق أن امرأة عجوز كانت في المطبخ مع الطباخين فخرجت للحفل وابوعبيده يغني ومعها (الكمشه) وأدتو هزه وشبال ورجعت تترنح مع الكُمشة طربا. الذي يقول : الجنني وخلاني أغني ما خلاّ لغيرو شي يا جني. تسلم.
لا حولا! you left me speechless jini
Post: #14 Title: Re: انت تبرا من الألم والألم ما لينا نحن يا ابوعبيدة الجميل!!! Author: Maawya Hussein Date: 04-03-2008, 10:53 PM Parent: #1
Post: #15 Title: Re: انت تبرا من الألم والألم ما لينا نحن يا ابوعبيدة الجميل!!! Author: jini Date: 04-04-2008, 00:25 AM Parent: #14
Quote: معليش يا جني لو خربت ليك البوست بي اللحن
والله جيهت البوست جنس جيهة يا وجيه جنى
Post: #16 Title: Re: انت تبرا من الألم والألم ما لينا نحن يا ابوعبيدة الجميل!!! Author: يسرى معتصم Date: 04-04-2008, 01:16 AM Parent: #15
أخوى جنى سلامات أروع بوست من أروع الرائعيييييين أخوى معاوية مشكوووووووور على الرابط
Post: #17 Title: Re: انت تبرا من الألم والألم ما لينا نحن يا ابوعبيدة الجميل!!! Author: الطيب شيقوق Date: 04-04-2008, 10:24 AM Parent: #16
جيني مرتضى
على الطلاق بسمع وببكي
وما قادر اقول اى حاجة
اكرمت
شيقوق
Post: #18 Title: Re: انت تبرا من الألم والألم ما لينا نحن يا ابوعبيدة الجميل!!! Author: الطيب شيقوق Date: 04-04-2008, 10:28 AM Parent: #17
(تعتريني حالة من الانجذاب الى الوطن سائحاً في معيتكم في مستقبل ماضيه الذي استشرفته واعدته نبضاً في وجداني وقلبي وتصورا في ذهني وعقلي رؤية أسعد كثيراً أن أشاطركم حقوق ملكيتها وأعباء التفكر والتدبر فيها وتمثلها والصبر على غرسها وانتظار حصادها ... عِبئان لا يطيقهما إلا الرواد العائدين من (دور) المستقبل لقيادة ظعائنهم إليه ليشاركوا جميعا في تنمية أرضه وأهله الطيبين ليغسلوا عنهم أوضار العجز التي غشت وجه شعبنا الوضئ وتبعث فيه قدرته على التمام من جديد) الدكتور محمد يوسف ابو حريرة
(ولعل الاحتياج الدائم لعمر الطفوله وزمن الصبا والعمر والتجارب والمراحل تاخذ الانسان فى تجوال ملزم وتتشتت فى سماء الكون احاسيس الالفه والامان..وذلك الطهر البراءه...وذكريات الطفوله والدراسه لن تنمحى من خيال الذاكره ابدا..حتى تفاصيل الاشكال قد تغيب الاسماء لكن هنالك اسماء حفرت فى اخاديد الذاكره لن تنمحى..ويبدا الطواف الذى فى اجتراره يمنح دعشات تلك الانسام ويجدد خلايا الروح ويوصل مسافات العمر ليبقى ذلك الارتباط هو حلم الخيال الامانى والاحلام..وكل منا يريد ان يعود الى زمن الطفوله ورفقة الصبا عله يستطيع تعديل واصلاح مدى الرؤيا فى مستقبل عالم مضطرب..لان امان اللحظه وقتها كان قائما على احساس ذلك الامان فى البيت والحله والقريه والطريق والمدرسه ..وكان تلك رياح الزمن الجميل..) عصمت العالم
Post: #19 Title: Re: انت تبرا من الألم والألم ما لينا نحن يا ابوعبيدة الجميل!!! Author: jini Date: 04-04-2008, 07:42 PM Parent: #18
Quote: أخوى جنى سلامات أروع بوست من أروع الرائعيييييين أخوى معاوية مشكوووووووور على الرابط
الرائع ابوعبيدة حسن هو الذى اعطى للبوست عمقا ومعنى شكرا لك على المرور البهى ولمعاوية على الخلفية الشجية جنى
Post: #20 Title: Re: انت تبرا من الألم والألم ما لينا نحن يا ابوعبيدة الجميل!!! Author: jini Date: 04-04-2008, 07:51 PM Parent: #19
Quote: جيني مرتضى
على الطلاق بسمع وببكي
وما قادر اقول اى حاجة
اكرمت
شيقوق
الله يديك العافية وانشاء الله ما تبكى فى شين! ما اروع دموع الفرح! وخاصة عند عودة غايب! زى الجميل ابو عبيدة! بالله شوف الصوت دا ما شاء الله تقول كان مقرش ولا فى فريزر! لم تؤثر عليه السنين! وما اقساها من سنين تلك التى مرت على ابو عبيدة! جنى
Post: #21 Title: Re: انت تبرا من الألم والألم ما لينا نحن يا ابوعبيدة الجميل!!! Author: محمد المرتضى حامد Date: 04-05-2008, 01:52 PM Parent: #20
Quote: بالله شوف الصوت دا ما شاء الله تقول كان مقرش ولا فى فريزر!
يا جني، نحن لسه ما صدقنا انو الراجل رجع. تاني كان غنى لومني.
Post: #22 Title: Re: انت تبرا من الألم والألم ما لينا نحن يا ابوعبيدة الجميل!!! Author: Hussein Mallasi Date: 04-05-2008, 02:02 PM Parent: #21
اصلو لو ما الدنيا قاسية الألم كيفن يصيبَك .. يا ابو عبيدة.
______ سعادة الكورس فاقت سعادتنا بعودته.
Post: #39 Title: Re: انت تبرا من الألم والألم ما لينا نحن يا ابوعبيدة الجميل!!! Author: كمال علي الزين Date: 04-06-2008, 04:25 PM Parent: #22
Quote: اصلو لو ما الدنيا قاسية الألم كيفن يصيبَك .. يا ابو عبيدة.
(أطعم ) عبارة قرأتها ل(ملاسي) ..
ياسلام ياخينا (لما تسخى) ....!
__________________________________
بس إنشاء الله ماتكون محبة مقرونة بي (تسلم مايو)
Post: #23 Title: Re: انت تبرا من الألم والألم ما لينا نحن يا ابوعبيدة الجميل!!! Author: jini Date: 04-05-2008, 07:13 PM Parent: #21
Quote: يا جني، نحن لسه ما صدقنا انو الراجل رجع. تاني كان غنى لومني.
مرجوعة فى مسماها! انشاءالله تانى ما نفقدو قول آمين جنى
Post: #24 Title: Re: انت تبرا من الألم والألم ما لينا نحن يا ابوعبيدة الجميل!!! Author: محمد عبدالرحمن Date: 04-05-2008, 07:18 PM Parent: #23
ياجنى تحياتى ..
سمعت بأبوعبيدة حسن ولكن اول مرة استمع اليه مع انو اغانيه سمعتها من آخرين ..كانت سهرة جميلة وابوعبيدة له مقدرة على التطريب عجيبة ويغنى بنفس هادىء وبدون جهد ..
صلاح طه دا حقو ناس التلفزيون ديل مايخلوهو يرجع مدنى لعله بمثل هذه الاجتهادات يساهم فى اعادة زمن الاغنية الجميلة
Post: #59 Title: Re: انت تبرا من الألم والألم ما لينا نحن يا ابوعبيدة الجميل!!! Author: كمال علي الزين Date: 05-07-2008, 12:39 PM Parent: #19
(*)
Post: #25 Title: Re: انت تبرا من الألم والألم ما لينا نحن يا ابوعبيدة الجميل!!! Author: sumah Date: 04-05-2008, 07:32 PM Parent: #1
** * jini (بدون تعليق) واصلوا تنزيل..
يا معاويه حسين تنزيل اغنيات المطرب ابوعبيدة حسن..
انت تبرا.. من النزلة.
* **
Post: #26 Title: Re: انت تبرا من الألم والألم ما لينا نحن يا ابوعبيدة الجميل!!! Author: jini Date: 04-05-2008, 09:49 PM Parent: #25
Quote: سعادة الكورس فاقت سعادتنا بعودته.
100% دايرين يطيروا من الفرح عديل! جنى
Post: #27 Title: Re: انت تبرا من الألم والألم ما لينا نحن يا ابوعبيدة الجميل!!! Author: محمد عثمان Date: 04-05-2008, 09:54 PM Parent: #1
جنى...
بوست جميل يعيد صدى ايااام جميلة لفنان اغترب خارجيا لفترة من الزمن و اغترب داخل نفسه لفترة طويلة ليعود الينا مرة محملا بشجن الاغنيات القديمة التى لم تبارح الخاطر ابدا...
يديك العاافية...
Post: #28 Title: Re: انت تبرا من الألم والألم ما لينا نحن يا ابوعبيدة الجميل!!! Author: jini Date: 04-05-2008, 11:21 PM Parent: #27
Quote: وابوعبيدة له مقدرة على التطريب عجيبة ويغنى بنفس هادىء وبدون جهد ..
دا السهل الممتنع! موش زى اصحابنا البكرجوا فى سنونهم ويعوسوا بالمايك! جنى
Post: #30 Title: Re: انت تبرا من الألم والألم ما لينا نحن يا ابوعبيدة الجميل!!! Author: Osman Musa Date: 04-06-2008, 00:01 AM Parent: #28
استاذ جنى سلامات والله سعيد شديد بعودة نجم السبعينات أبوعبيدة حسن . وربنا يديك العافيه يا أبوعبيدة . تحياتى أخ جنى
Post: #37 Title: Re: انت تبرا من الألم والألم ما لينا نحن يا ابوعبيدة الجميل!!! Author: jini Date: 04-06-2008, 04:17 PM Parent: #30
Quote: وربنا يديك العافيه يا أبوعبيدة .
آمين يا ابوعفان جنى
Post: #29 Title: Re: انت تبرا من الألم والألم ما لينا نحن يا ابوعبيدة الجميل!!! Author: محمد عثمان محمود Date: 04-05-2008, 11:57 PM Parent: #27
الأخ العزيز جني
تحياتي وأشواقي ..
وددت فقط أن أرفع ساعدي لأحييك وأشكرك على ما سجلته من كلام منصف وجميل في حق هذا الفنان الرائع الأصيل، وهو فعلاً يستحق الاعتذار وأهلٌ للتبجيل والاحترام، يا لروعته وهو يذكرني بأيام الصبا وعنفوان الشباب، فأهلنا في بارا كانوا من عشاقه ومعجبيه. شكراً مجدداً أخي جني مع أمنياتي الطيبة للفنان أبو عبيدة بدوام الصحة والعافية.
ودمتم بخير
Post: #32 Title: Re: انت تبرا من الألم والألم ما لينا نحن يا ابوعبيدة الجميل!!! Author: النصرى أمين Date: 04-06-2008, 01:07 AM Parent: #29
اصلو لو ما الدنيا قاسيه
الالم كيفنك يصيبك؟
لو بيدى ياحبيبه فى الالم آآآخد نصيبك
********
حولالالالالالالالالالالالالالالالالالالالا
Post: #33 Title: Re: انت تبرا من الألم والألم ما لينا نحن يا ابوعبيدة الجميل!!! Author: Rawia Date: 04-06-2008, 02:57 AM Parent: #32
Hayder you are so so so sensitive have my respect and love
Post: #34 Title: Re: انت تبرا من الألم والألم ما لينا نحن يا ابوعبيدة الجميل!!! Author: jini Date: 04-06-2008, 07:50 AM Parent: #33
Quote: have my respect and love
The same is reciprocated jini
Post: #36 Title: Re: انت تبرا من الألم والألم ما لينا نحن يا ابوعبيدة الجميل!!! Author: jini Date: 04-06-2008, 02:58 PM Parent: #29
Quote: تحياتي وأشواقي ..
وددت فقط أن أرفع ساعدي لأحييك وأشكرك على ما سجلته من كلام منصف وجميل في حق هذا الفنان الرائع الأصيل، وهو فعلاً يستحق الاعتذار وأهلٌ للتبجيل والاحترام، يا لروعته وهو يذكرني بأيام الصبا وعنفوان الشباب، فأهلنا في بارا كانوا من عشاقه ومعجبيه. شكراً مجدداً أخي جني مع أمنياتي الطيبة للفنان أبو عبيدة بدوام الصحة والعافية.
ودمتم بخير
التحية والامنيات الطيبة بموفور الصحة ومديد العمر للفنان ابوعبيدة ولشاعره محمد جيب الله كدكى ودمت انت بالف خير جنى
Post: #35 Title: Re: انت تبرا من الألم والألم ما لينا نحن يا ابوعبيدة الجميل!!! Author: jini Date: 04-06-2008, 07:57 AM Parent: #27
Quote: جنى...
بوست جميل يعيد صدى ايااام جميلة لفنان اغترب خارجيا لفترة من الزمن و اغترب داخل نفسه لفترة طويلة ليعود الينا مرة محملا بشجن الاغنيات القديمة التى لم تبارح الخاطر ابدا...
يديك العاافية...
فروقات سنين غياب ابوعبيدة البدفعها منو! يديهو العافية ومعاهو الشعب المغلوب على امره جنى
Post: #41 Title: Re: انت تبرا من الألم والألم ما لينا نحن يا ابوعبيدة الجميل!!! Author: إيمان أحمد Date: 04-06-2008, 04:52 PM Parent: #35
جني كلام صادق وذكي وحنين
Quote: فروقات سنين غياب ابوعبيدة البدفعها منو!
شكرا ليك إيمان
Post: #40 Title: Re: انت تبرا من الألم والألم ما لينا نحن يا ابوعبيدة الجميل!!! Author: كمال علي الزين Date: 04-06-2008, 04:40 PM Parent: #27
Quote: بوست جميل يعيد صدى ايااام جميلة لفنان اغترب خارجيا لفترة من الزمن و اغترب داخل نفسه لفترة طويلة ليعود الينا مرة محملا بشجن الاغنيات القديمة التى لم تبارح الخاطر ابدا...
Quote: يا لنا من اغبياء ساديين امطرناك سخرية وتسخيفا!عندما اجبت على سؤال امنيتك الفنية بان امنيتك الفنيه هى ان تحجج امك!
في زمن منافق يشكر فيه الضيف التلفزيون علي اتاحة الفرصة ويقول آآآآآآآآ في الحقيقة اجاب ابوعبيدة المرهف بصدق عن امنية تجول فعلاً في خاطره لست الحبايب فسخر كل من لا يقول الحقيقة ويحتقر المشاعر الانسانية المرهفة
أخوتى الكرام السلام عليكم ورحمة الله وبركاته لكم إعتذارى بخصوص الخطأ الغير مقصود الذى أدى لقفل البوست وشكرآ للأخ / بكرى لتعديل الخطأ وأعيد لكم مشاركتى أغنية عقد الجواهر
Post: #45 Title: Re: ــــ Author: كمال علي الزين Date: 04-07-2008, 06:52 AM Parent: #44
(*)
الله لاوراك ألم يا(جني) , ياخي الواحد بقى يفتح البوست ده ويستمع وبعدين يشوف الحاصل ..
Post: #46 Title: Re: ــــ Author: nazar hussien Date: 04-07-2008, 07:17 AM Parent: #45
تعرف يا جني: وأنا احضر في هذه السهرة: شعرت بخيبتي حد البكاء: وفرح حد الزهو بعودة هذا الفنان البريء كما الطفولة...وعرفت كيف يكون أهل الجنة والنعيم...
فالرجل قد اختصر لي طريقا من الامل ما كنت لأعبره بخيالي لو لم يكن امامي بابتسامته البريئة وصوته العذب...
شكرا لك لأنك كذلك فلتة يا جني...وتكتب عن عجزنا جهرة ونحن سكوت
فالمسألة عندي كانت أكبر من عودته للغناء مجددا...
فاذا ما عنونت سهرة محمد جبارة ...بعودة الطيف...فكان الاجدر ان تسمي سهرة ابوعبيدة بعودة أهل الجنة للغناء في الارض
جنى انا سمعتو فى حلقة سابقة قبل شهر على النيل الازرق ولكن كانت المقدمة من الجيل الجديد لكن صلاح طه معدن اكسيرى فى التقديم ويماثله د.عمر مسعود
انا لم احضر حلقتكم هذه لكن طرت لحكاويكم لكن فى الحلة السابقة,,حكى انه كان فى السعودية واظنه فى شمال المملكة,,, الرجل يعانى من قلة سمع لكنه منتمج مع الكورس غير عادى
تحياتنا له فانه احدى فراشات الفرح فى الزمن الجميل المفقود
ودائماً ما تهدينا أحرفك ا لندية ، الدهشة وتزيد من جرعة الأشواق للقياك .. أخي جني .. أخاف أن أقول لكم أنني من معجبي الفنان أبو عبيدة منذ زمنه تقول الراجل كبير في السن ... ولكننا وعينا على سماع الأغاني في سن مبكرة .. ممكن تقول شيخوخة مبكرة كانت ...
تحياتي لكم .
عادل عوض بلال
Post: #61 Title: Re: انت تبرا من الألم والألم ما لينا نحن يا ابوعبيدة الجميل!!! Author: عبدالله كع Date: 05-07-2008, 01:27 PM Parent: #1
جني تحياتي كما تشتهي
.... ابو عبيدة حسن مبدع من الدرجه الاولي وصاحب اداء متفرد
قابلة الرجل مرتين في الحياة مرة في جده واخري في الخرطوم في حفل (صبحيه )
وكنت استمتع به من ازاعة امدرمان
تسلم جني
Post: #62 Title: Re: انت تبرا من الألم والألم ما لينا نحن يا ابوعبيدة الجميل!!! Author: ابراهيم عدلان Date: 05-07-2008, 05:11 PM Parent: #1
الشكر لصلاح طه او صلاح (حريقة) و دا لقب ما بعرفوهوا الا الناس القرت في مدارس الخرطوم جنوب ايام الثانوي العام ايام ابوعبيدة الخضراء و ايام ساعة سمر ايام الكشافة يا صلاح يا حريقة زول فنان بالفطرة
ابوعبيدة حسن رمز لجيل بحاله و مثال حي للطهر و النقاء
و انت يا جن الجن الله لا جاب يوم شكرك
و انتي
___________ انتي تبري من الالم الالم ما لينا نحنا
Post: #63 Title: Re: انت تبرا من الألم والألم ما لينا نحن يا ابوعبيدة الجميل!!! Author: كمال علي الزين Date: 05-10-2008, 10:17 AM Parent: #62
(*)
معليش يا(جني) كل شوية بنرفعوا عشان نلقاهو قريب ونسمتمع .
