(عالم خاص) للاستاذة/ ناهد بشير الطيب (يوجد فيديو)

Post: #1
Title: (عالم خاص) للاستاذة/ ناهد بشير الطيب (يوجد فيديو)
Author: الطاهر عثمان
Date: 04-01-2008, 08:11 AM
Parent: #0

هذا البوست هو عبارة عن توثيق لحلقة باسم (عالم خاص) قدمتها الأستاذة/ ناهد بشير الطيب علي قناة النيل الأزرق قبل فترة في لقاء مع سامي السيد سوداني مقيم في السعودية وتناولت الحلقة تراث مراسم الزواج في السودان وربطها مع بعض التصميمات الجديدة التي أدخلها سامي

الجزء الأول من الحلقة:

Post: #2
Title: Re: (عالم خاص) للاستاذة/ ناهد بشير الطيب (يوجد فيديو)
Author: الطاهر عثمان
Date: 04-01-2008, 08:16 AM
Parent: #1

الجزء الثاني:

Post: #3
Title: Re: (عالم خاص) للاستاذة/ ناهد بشير الطيب (يوجد فيديو)
Author: الطاهر عثمان
Date: 04-01-2008, 08:22 AM
Parent: #1

الجزء الثالث:

الجزء الرابع والأخير:

Post: #4
Title: Re: (عالم خاص) للاستاذة/ ناهد بشير الطيب (يوجد فيديو)
Author: Muna Khugali
Date: 04-01-2008, 12:07 PM
Parent: #3

برنامج لطيف جدا..علي حسب المشاهده للجزء الأول..
الأنتماء والهويه والأغتراب..
كلها تعبير عن قضيه متشابكه ومتعددة الألوان والتفسيرات..

سأرجع في وقت آخر بعد مشاهدة كل الأجزاء..

شكرا أخي الطاهر..
وشكرا لناهد بشير الطيب..
وبالمناسبه..هل هي نفس ناهد زميلتنا بالمنبر؟؟

Post: #5
Title: Re: (عالم خاص) للاستاذة/ ناهد بشير الطيب (يوجد فيديو)
Author: ناهد بشير الطيب
Date: 04-01-2008, 01:30 PM
Parent: #1

اخونا العزيز جدا الطاهر عثمان

ياخى مشكور على انزال البوست ده ......اليجى ويختفى
ومرات يعصلج مايفتح ....الله يباركك ......
والله بصراحه دايرنك تنزل لينا بوست كامل فيه شرح
لانزال الفيديوهات...خاصة وانه هى بتحتاج لمقاسات
معينه فى سودانيز اون لاين.....

اختنا منى .....بت عمنا خوجل

اجى ....تتجازى انتى ....(وانا اقول شفتك وين)

يانى زاتى رفيقتك مع وفاء والفاتح ......

غاااااااااايتوا

صحى ياسين الصغير شطب دماغك

خاته ليك رد بى هناك (وانا اقول شفتك وين )

الحقيه مايكون طار الصفحه البعيييييييده ديييييييك

منى
خليك قريبه

جاياكم حلقات تانيه

Post: #6
Title: Re: (عالم خاص) للاستاذة/ ناهد بشير الطيب (يوجد فيديو)
Author: Muna Khugali
Date: 04-01-2008, 01:41 PM
Parent: #5

ناهد؟؟
ازيك بت امي انشالله طيبه..
كدي النسالمك سمح..

الله يجازيه الأسفير ده...
يخليك تعرف الزول وما تعرفه متل ما ظاني!
الشي شنو؟؟!

عاد الليله فرحت بي شوفتك..
وان كان لياسين اصله بس كمل الناقصه..الفويت ده اختي من زمان بس زاد مع ياسين..

اكيد برجع واقعد في بيت اخوي الطاهر وأختي ناهد..

Post: #7
Title: Re: (عالم خاص) للاستاذة/ ناهد بشير الطيب (يوجد فيديو)
Author: ناهد بشير الطيب
Date: 04-01-2008, 02:21 PM
Parent: #1

ياختى اتوهطى ادخلى لاجوه ...الطاهر فتحوا لينا سبيل...وفات
اولا مبروك لى ماجده وابوبكر ....لاقيتها بى هناك وباركت ليها

وتعالى هنا .....انتى النسيان والفويت مااصلوا جاء.... وكده
لكن مسكين ياسين اللصقتى فيه حكاية تفويتك ده .....
غااااااااااايتوا

ومستنياك .....ماتبقى زى ناهد مع ناس وفاء تعاينى بعيونك بس
انا الليله لمن لقيت القصه انتهت ...زعلت زعل ....
لكن فتحت ليكم كوة ....تاوقوا فيها ...بى هناك

منى ....كل الود ياغاليه

Post: #8
Title: Re: (عالم خاص) للاستاذة/ ناهد بشير الطيب (يوجد فيديو)
Author: الطاهر عثمان
Date: 04-01-2008, 03:36 PM
Parent: #1

الأخوات العزيزات منى وناهد
شايف طلعتوا معرفة ماشاء الله
ياخواتي البوست حقكم وانا ضيف عندكم
اقعدوا تب واتوهطوا في انتظار الجميلين والجميلات

ولكم عاطر الود

Post: #12
Title: Re: (عالم خاص) للاستاذة/ ناهد بشير الطيب (يوجد فيديو)
Author: ناهد بشير الطيب
Date: 04-02-2008, 05:57 AM
Parent: #8

اخونا الطاهر

لقيت ليك بوست لرفع هذه الفيديوهات قبل الارشفه
ونزلت منو .....ورجعت لبوست ركن التجارب
وغرفت منو ...
.لكن لى مداخله وسؤال
بس حتلقاهم هناك .....

بنكرر تانى

خالد اتخيل لى صلح السيرفر ....
محتاجين هناك برضو للكتير من الافكار الجديده
الخاصه حتى.... بالتطوير ....لانزال بعض الاشياء
ولا رايك شنو

لك كل التقدير

Post: #9
Title: Re: (عالم خاص) للاستاذة/ ناهد بشير الطيب (يوجد فيديو)
Author: ناهد بشير الطيب
Date: 04-01-2008, 04:07 PM
Parent: #1

الطاهر اخوى

والله قلنا نستفرد بيه برانا ....لكنك وقت جيت مابنخليك
وبالله ادينا درس درسين .....هنا ........

وتعال يالطاهر
خليت المنتدى دااااااك مالك
نشوفك بى هناك

بلا نزل لينا الدروس ....

Post: #10
Title: Re: (عالم خاص) للاستاذة/ ناهد بشير الطيب (يوجد فيديو)
Author: الطاهر عثمان
Date: 04-01-2008, 05:15 PM
Parent: #9

اختي ناهد انا معاكم وما بفوتكم تب

ساحاول الاجابة علي وان اعكس لك تجربتي مع الفيديو مع أشياء اخرى في هذا البوست

ركن التجارب الشخصية وتبادل الخبرات

فمري علينا بهناك

ولك الود والتقدير

Post: #11
Title: Re: (عالم خاص) للاستاذة/ ناهد بشير الطيب (يوجد فيديو)
Author: raheemsudani
Date: 04-02-2008, 00:28 AM
Parent: #10

ناهد!!!
ازيك يا بت الخال
أتاريكي انتي بوردابية وأنا ما عارف؟؟؟

كيفك وكيف الأستاذ هشام والوليدات والله مشتاقين

سلام

رحيم

Post: #13
Title: Re: (عالم خاص) للاستاذة/ ناهد بشير الطيب (يوجد فيديو)
Author: ناهد بشير الطيب
Date: 04-02-2008, 06:07 AM
Parent: #11

رحيم؟؟؟؟

ماتقول لى ود عمتى لزم عبدالرحيم عبد الحليم ؟

ياخى لو ده انت..... بقول ليك سلامات والله
والاولاد ازيهم.....لسه فى بلدكم البعييييده دييييك

بت عمك (اتبردبت )......هنا قريب ...
مالتحديث حق سنة 2002 داك جاء شالنا
نحن وباقى بورداب زمااااان وباسوردنا نسيناه
وشغله شديده الا البورداب ماقصروا ادونا دفره ودخلنا ....
غايتوا الله يلم الشمل....قريب ....

Post: #14
Title: Re: (عالم خاص) للاستاذة/ ناهد بشير الطيب (يوجد فيديو)
Author: عثمان دغيس
Date: 04-02-2008, 07:24 AM
Parent: #13

الطاهر محمد عثمان

أستاذة ناهد ..

كيفنكم ..

بوست جميل مع إني ما فهم ناهد نقلت الحلقة دي من جدة واللا من السودان واللا الأمارات ..
على كلِ ...حاجة تمام ..

قبل كم يوم شفنا ليك لقاء مع نسوان سمااااااان كده وكانن بيستعرضن في دهيباتن وحنتن ..!!!
وكان قد تم إختيارهن بعناية فائقة ...
وكان الموضوع عن بنات المغتربين وما أدراك ..

تسلم يا صديقي الطاهر ...

Post: #19
Title: Re: (عالم خاص) للاستاذة/ ناهد بشير الطيب (يوجد فيديو)
Author: ناهد بشير الطيب
Date: 04-02-2008, 04:06 PM
Parent: #14

اخونا عثمان دغيس

الحلقه اتقدمت من مدينة جده .......بالسعوديه
وضيفى كان السيد ..سامى سيد محمد كمال

والحلقه الاخيره التى بثت قبل ثلاثه ايام على قناة
النيل الازرق ايضا من مدينة جدة ....
وضمت اخوات عزيزات ....ساهمن فى اثراء الحلقه
باراءهن حول ظاهرة تأخر سن الزواج بين المغتربين
كقضيه غير مسكوت عنها ...والتى صارت هاجسا لكثير من الاسر
المغتربه فى الخليج وليست السعوديه وحدها ...
وقمنا بدعوتهن كنفر كريم من نساء بلادى ....المهاجرات
وايضا بحكم تجربتهن كامهات زوجن بناتهن هنا .....

عثمان.....

لك كل الشكر والتقدير

Post: #30
Title: Re: (عالم خاص) للاستاذة/ ناهد بشير الطيب (يوجد فيديو)
Author: ناهد بشير الطيب
Date: 04-21-2008, 11:39 PM
Parent: #19

Quote: []والحلقه الاخيره التى بثت قبل ثلاثه ايام على قناة
النيل الازرق ايضا من مدينة جدة ....
وضمت اخوات عزيزات ....ساهمن فى اثراء الحلقه
باراءهن حول ظاهرة تأخر سن الزواج بين المغتربين
كقضيه غير مسكوت عنها ...والتى صارت هاجسا لكثير من الاسر
المغتربه فى الخليج وليست السعوديه وحدها ...
وقمنا بدعوتهن كنفر كريم من نساء بلادى ....المهاجرات
وايضا بحكم تجربتهن كامهات زوجن بناتهن هنا .....

الحلقه الان على المنبر ....
هاهى الحلقه التى قبلها
كل التقديرلك وللاخوه المعاك

Post: #15
Title: Re: (عالم خاص) للاستاذة/ ناهد بشير الطيب (يوجد فيديو)
Author: خالد حامد الجزولي
Date: 04-02-2008, 07:32 AM
Parent: #1

الاستاذة / ناهد
تحياتي
هذا الإبداع ليس بغريب عليكمفقد عهدناك دوماً وجهاً مشرقا يشع نوراً وبهاء ويعطي الأمل في الحياة وأن تطلين في صحيفة الخرطوم فنستمتع بحرفك حد الدهشة ، ونطالع عبر الشاشة البلورية فتفيضي إبداعاً ويتكتبي في البورد فتجدي التجاوب من الجميع وتلك نعمة من رب العالمين
تحياتي للمهندس هشام والابن محمد وبقية البنات ، مع تحياتي والاسرة

Post: #16
Title: Re: (عالم خاص) للاستاذة/ ناهد بشير الطيب (يوجد فيديو)
Author: تاج السر محمد حامد
Date: 04-02-2008, 11:41 AM
Parent: #15

ألم اقل لكم بأنها ناهد بنت بشير ودالطيب .. فلنستفيد من هذه
الدره الغالية .. لك تحياتى إبنة أمى ..

تاج السر

Post: #33
Title: Re: (عالم خاص) للاستاذة/ ناهد بشير الطيب (يوجد فيديو)
Author: ناهد بشير الطيب
Date: 04-30-2008, 02:25 PM
Parent: #16

Quote: ألم اقل لكم بأنها ناهد بنت بشير ودالطيب .. فلنستفيد من هذه
الدره الغالية .. لك تحياتى إبنة أمى ..

تاج السر

وجودكم جنبى دايما ياخ تاج السر هو الداعم الاساسى لى ....
بكم وبقضايانا....... انتم .....ثم انا...نكون

كل التقدير والتوفيق

Post: #17
Title: Re: (عالم خاص) للاستاذة/ ناهد بشير الطيب (يوجد فيديو)
Author: طارق جبريل
Date: 04-02-2008, 11:54 AM
Parent: #1

ناهد صحافية ومذيعة من طراز خاص

تحياتي

Post: #18
Title: Re: (عالم خاص) للاستاذة/ ناهد بشير الطيب (يوجد فيديو)
Author: Muna Khugali
Date: 04-02-2008, 12:09 PM
Parent: #1

صباح الخير ناهد..
أعجبني في هذا الجزء المقدم..

"الأغتراب عن الأوطان والتمسك به عند الأرتحال"

وسعدت بالتعرف علي وجه سوداني في اصله غادر السودان..امدرمان حي البوسطه في طفولته
ومازال يذكر الكثير منه..شاي اللبن عند المغربيه ..ثم..
"الرجال بيدق الباب" ويقصد سيد اللبن التقليدي ..
بداية سامي الموهبه ثم كاميرا اشتراها له الوالد ثم استخدام مستقبلي لها مع دراسه لصقل موهبة التصميم..
اعجبني الحديث المقارن في شكل ونوع الحياه بالنسبه له ..في السعوديه التي كانت بها تربيته
ومنها تزوج وبها ينشأ ابناءه..وبين السودان الأصل الذي يعيش حيا للغايه في دواخله..لدرجة الأهتمام بتراثه بشكل عملي..
تحدث في شرحه عن الفرق بين الحياه في السعوديه وفي السودان من ناحية علاقات اجتماعيه وتقاليد..
ودرجة التكافل وشكل الكرم السوداني ..الذي يفتقده لحد كبير لأن المجتمع السعودي كما ذكرتي انت يا ناهد مجتمع مغلق..وهذا حقيقي..علي القل من منطق مقارنه سودانيه سعوديه..
حي البوسطه بأمدرمان هو مركز الذكري والنتاج عند الفنان سامي السيد محمد كمال
تصاوير لطقوس الزواج وسوق أمدرمان..والنساء البائعات هن محور ايضا هنا لتعزيز موهبة الفن عنده..
تأثر بالتراث الفني في تصميمات مختلفه علي سبيل المثال التوب السوداني..
وعمل علي تطوير استخدام التوب الأصلي بشكل لا يخل بالهدف منه..وهو الشكل التراثي مع الحشمه..

هذا تلخيص وتعليق علي الجزء الأول...

Post: #20
Title: Re: (عالم خاص) للاستاذة/ ناهد بشير الطيب (يوجد فيديو)
Author: ناهد بشير الطيب
Date: 04-02-2008, 04:53 PM
Parent: #1

اخونا الصحفى الرياضى الموردابى.... ود عمنا حامد الجزولى خالد....

دائما ماتتحف الكل بكلماتك الرقيقات التى تنم عن ادراك ووعى ...وحس صحفى...وحضور فريد
ودائما لكتاباتك فى جريدة الخرطوم او الصحف الاخرى حضورها الباهر فى مسار
تاريخ كرة القدم فى السودان .....
والحديث عنك .... وعن الكرة فى السودان يطول ....

ولنا عودة كريمه معك ...ان اذن المولى ....

Post: #21
Title: Re: (عالم خاص) للاستاذة/ ناهد بشير الطيب (يوجد فيديو)
Author: ناهد بشير الطيب
Date: 04-02-2008, 09:57 PM
Parent: #1

اخونا الصحفى النحرير تاج السر حامد
صاحب عمود (كلام بفلوس )

خير الكلام هو الذى يرصف بين الناس طرق الود والخير
والصفاء ....
.وفى كلماتك دائما مااجد ماييحيل صخور
ايامنا وحياتنا ومغترباتنا ومهاجرنا الى طرق ممكنه للعيش والتفاهم
والقدرة على تحمل نوائب الدهر والقدرة ايضاعلى تحمل وقع السرور ...

يشرفنى وجودى بجانبك انت وصديقتى الاستاذة ..علويه ابراهيم
لها كل التحايا والتقدير ....

Post: #34
Title: Re: (عالم خاص) للاستاذة/ ناهد بشير الطيب (يوجد فيديو)
Author: ناهد بشير الطيب
Date: 06-19-2008, 05:05 PM
Parent: #21

Quote: وفى كلماتك دائما مااجد ماييحيل صخور
ايامنا وحياتنا ومغترباتنا ومهاجرنا الى طرق ممكنه للعيش والتفاهم
والقدرة على تحمل نوائب الدهر والقدرة ايضاعلى تحمل وقع السرور ...

Post: #22
Title: Re: (عالم خاص) للاستاذة/ ناهد بشير الطيب (يوجد فيديو)
Author: ناهد بشير الطيب
Date: 04-02-2008, 10:01 PM
Parent: #1

اخونا الصحفى النحرير تاج السر حامد
صاحب عمود (كلام بفلوس )

خير الكلام هو الذى يرصف بين الناس طرق الود والخير
والصفاء ....
.وفى كلماتك دائما مااجد ماييحيل صخور
ايامنا وحياتنا ومغترباتنا ومهاجرنا الى طرق ممكنه للعيش والتفاهم
والقدرة على تحمل نوائب الدهر والقدرة ايضاعلى تحمل وقع السرور ...

يشرفنى وجودى بجانبك انت وصديقتى الاستاذة ..علويه ابراهيم
لها كل التحايا والتقدير ....

Post: #23
Title: Re: (عالم خاص) للاستاذة/ ناهد بشير الطيب (يوجد فيديو)
Author: ناهد بشير الطيب
Date: 04-03-2008, 00:42 AM
Parent: #1

اخونا طارق ود عمنا جبريل

تسلم والله .....

رغم..... منافى الجبر والاختيار
مازلنا محملين بوصايا النيل والجداول والنخيل
بان نسهم بجهد المقل فى الاضاءة لمن هم فى مغترباتهم
يعانون ويحلمون ويبدعون وينجزون....فى زمن يضاف ولا يضاف اليه

لك كل الود

Post: #24
Title: Re: (عالم خاص) للاستاذة/ ناهد بشير الطيب (يوجد فيديو)
Author: ناهد بشير الطيب
Date: 04-03-2008, 11:19 PM
Parent: #1

الرائعة منى خوجلى .....

ياخى بس مشتاقين ......

لو قلت ليك جاياك بتصدقينى .....

يلا خليك قريبه

تحياتى لياسين واية

Post: #25
Title: Re: (عالم خاص) للاستاذة/ ناهد بشير الطيب (يوجد فيديو)
Author: الطاهر عثمان
Date: 04-05-2008, 01:20 PM
Parent: #1

لعشاق الجمال التحية والتقدير
بثت حلقة جديدة للاستاذة ناهد بعنوان أحلام مسافرة وسيتم رفعها باذن الله في الأيام القادمة

Post: #31
Title: Re: (عالم خاص) للاستاذة/ ناهد بشير الطيب (يوجد فيديو)
Author: ناهد بشير الطيب
Date: 04-21-2008, 11:45 PM
Parent: #25

Quote: لعشاق الجمال التحية والتقدير
بثت حلقة جديدة للاستاذة ناهد بعنوان أحلام مسافرة وسيتم رفعها باذن الله في الأيام القادمة

الاخ الجميل ود البلد الطاهر

شكرا على اهتمامك وتوثيقك لكل الاعمال التى تبث خاة فى القنوات المشفره
ولك الشكر ايضا فى دعمك للمواضيع برفعها لمن لا يمكنهم
رؤية الكثير من القنوات
الجديده .....التى تبث على بعض الاقمار الاخرى

لك الود والتقدير

Post: #26
Title: Re: (عالم خاص) للاستاذة/ ناهد بشير الطيب (يوجد فيديو)
Author: ناهد بشير الطيب
Date: 04-05-2008, 01:20 PM
Parent: #1

اخونا صاحب البوست ده وينو ....
الطاهر ....
الطاهر ....
دايرنك ياخى عندنا استفسار

منى خوجلى الحلوه

انتى الا اقعد ليك بى مزاااج للكتابه ....
خلصى من ياسين وتعالى .....

وليك رساله بى هناك

Post: #27
Title: Re: (عالم خاص) للاستاذة/ ناهد بشير الطيب (يوجد فيديو)
Author: عبد العظيم احمد
Date: 04-05-2008, 02:41 PM
Parent: #26

الطاهر سلام
والتحية لى ناهد بشير لهذا البرنامج الجميل

شكرا
عبد العظيم

Post: #28
Title: Re: (عالم خاص) للاستاذة/ ناهد بشير الطيب (يوجد فيديو)
Author: جمال السنوسي
Date: 04-12-2008, 09:04 PM
Parent: #27

ناهد بشير الطيب

حضور والق وسرعة بديهة جعلت الحوار سلسا وبسيطا وجميلا

عمل رائع

الى الامام دائما

جمال

Post: #36
Title: Re: (عالم خاص) للاستاذة/ ناهد بشير الطيب (يوجد فيديو)
Author: ناهد بشير الطيب
Date: 06-19-2008, 06:43 PM
Parent: #28

Quote: ناهد بشير الطيب

حضور والق وسرعة بديهة جعلت الحوار سلسا وبسيطا وجميلا

عمل رائع

الاخ جمال السنوسى ....

منكم استمد ذاد مواصلتى لمشوار ...حلقات وقضايا شائكة تهم
المغتربين ...ساعية وجاهدة لالقاء الضوء عليها ...

شكرا كتيرا ...

Post: #35
Title: Re: (عالم خاص) للاستاذة/ ناهد بشير الطيب (يوجد فيديو)
Author: ناهد بشير الطيب
Date: 06-19-2008, 05:19 PM
Parent: #27

Quote: والتحية لى ناهد بشير لهذا البرنامج الجميل

شكرا

الاخ عبدالعظيم ...

خالص التحايا...

وهناك عمل جديد اخر ...مع الكابتن الرائع سبت دودو
يعرض اعلانه على شاشة قناة النيل الازرق الان ....
ضمن سلسلة حلقات احلام مسافرة ...

خالص الود
وخليك متابع

Post: #29
Title: Re: (عالم خاص) للاستاذة/ ناهد بشير الطيب (يوجد فيديو)
Author: الطاهر عثمان
Date: 04-15-2008, 01:00 PM
Parent: #26

الاخت العزيزة/ ناهد

انا موجود تحت النظر
مرات الواحد بس ينشغل دقيقة يلقه البوست ده تحت
للجميع عاطر التحايا والود
وراجع

Post: #32
Title: Re: (عالم خاص) للاستاذة/ ناهد بشير الطيب (يوجد فيديو)
Author: ناهد بشير الطيب
Date: 04-28-2008, 11:33 PM
Parent: #26

Quote: انتى الا اقعد ليك بى مزاااج للكتابه ....
خلصى من ياسين وتعالى .....

سألت منك بى هناك .....مالك خير غايبه
كم يوم ...رسلت ليك. التحايا وصلتك انشاءالله.....

خالص الود