Post: #1
Title: للنجاح ألف أبٌ....و الفشل يبقى يتيم...!!!
Author: mamkouna
Date: 04-01-2008, 07:00 AM
Parent: #0
عندك مشروع ....عمرك كلو بتحلم بيهو..
تشاور ناس قريبين منك...
بعضهم/ن يدعمك و يؤازرك و ينصحك بكل صدق و أمانة..
و بعضهم/ن يكسر مجاديفك...
تصر أنت على إتمام المشروع متسلحاً بإيمانك القوي بنجاحه..... مُستنداً على دعم الفئة الأولى..المادي و المعنوي..
بينما تستمر الفئة الثانية في إحباط عزيمتك و إثباط همٌتك بكل ما أوتيت من قوة...
بعد كدا في إحتمالين.....
الإحتمال الأول:
يشاء الله أن يفشل المشروع بالرغم من كل محاولاتك المضنية لإنجاحه...
تواسيك الفئة الأولى...و تدعو لك بالنجاح في المرات القادمة..و تنصحك بأن لا تستسلم للفشل...و أن تحاول مرة أخرى...
تُفاجأ بأن الفئة الثانية قد تبنٌت فشلك و شرعت تحكي شامتة عنه في كافة المجالس...
مرددين..قائلين..... (( نصحوك أبيت تسمع كلام..و هدوك أبيت ما تنهدي ))
الإحتمال الثاني:-
يشاء الله أيضاً و ينجح مشروعك بفضل الله و بفضل إصرارك و مثابرتك...
تهنأك الفئة الأولى من كل قلبها و ترى السعادة في عيونهم و قلوبهم...
تُفاجأ بأن الفئة الثانية قد تبنٌت نجاحك و طفقت تتحدث عنه في كافة المجالس .
مع التأكيد على دعمهم اللا محدود لكَ...و عن إيمانهم المنقطع النظير بمواهبك و قدراتك..
بل والتأكيد على أن المشروع ما كان لينجح لولا مجهودهم و نصائحهم لكَ..!!!!
دا من شنو يا ربي؟!!!
|
Post: #2
Title: Re: للنجاح ألف أبٌ....و الفشل يبقى يتيم...!!!
Author: فيصل نوبي
Date: 04-01-2008, 07:08 AM
ممنونة 
صباحاتكـ ورد بتوقيت هناكـ ..
الفئة الاولي ديل هم من يستحق لقب صديق ..
أما الثانية من الواضح اننا بصدد إمساكـ الفئة الضالة او الحاقدة ابسط ما تستحق ان تُسمي ..
يعني ديل ببساطة لا بيرحمو لا بيخلو رحمة ربنا تنزل ..
نعود للاولي الفشل في حال وجودهم لا يبقي يتيم لانهم يدفعونكـ للابتداء كأن شيئا لم يكُن ..
_
شكلكـ ممغوسة المرة دي
|
Post: #3
Title: Re: للنجاح ألف أبٌ....و الفشل يبقى يتيم...!!!
Author: ابوحراز
Date: 04-01-2008, 09:07 AM
Parent: #2
أحياناً أقرب الناس لنا هم من يشمتون لفشل المشروع
وبعضهم يظهر لك أنه مبسوط على نجاحك
لكنه في داخله يغلي كبركان مازال ينتفض للتو
إلا أنه من اغرب ما قابلني من فشل في المشاريع
مشروعين لأحد اصدقائي
يخطط للمشروع جيداً من كل النواحي
ويقوم بدراسته
ويختار الموقع المناسب
وتشاء الصدف أن كلا المشروعين كان يتطلب العمل بهما نساء
فيختار شابتين جميلتين لإنجاح المشروع
وبالفعل يخطو المشروع خطوات جيدة
ولكنه سرعان ما يفشل
عارفة ليه ؟؟؟؟؟
زوجته هي من تقوم بافشال المشروع
لاتريد اطلاقاً أن تعمل إمراة مع زوجته
لدرجة أنها مرة في غيابه باعت المشروع باكمله
الآن لديه مشروع نجح لدرجة لاتتصوريها
فقد اشترى معدات الحفلات من أورغان وساوند واضاءة وكاميرات
وطلب من زوجته متابعة المشروع مع الرجل الذي يديره
وهي تأخذ الدخل كل اسبوع 00 !!!! لكن الدخل محدود لوجود نفس المشاريع وبكثرة بالخرطوم
|
Post: #4
Title: Re: للنجاح ألف أبٌ....و الفشل يبقى يتيم...!!!
Author: abubakr
Date: 04-01-2008, 09:59 AM
Quote:
دا من شنو يا ربي؟!!!
|
هي كدة الدنيا ...
وعموما قالو
“There is no such thing as failure. There are only results.”
|
Post: #5
Title: Re: للنجاح ألف أبٌ....و الفشل يبقى يتيم...!!!
Author: mamkouna
Date: 04-01-2008, 11:38 AM
أخوي العزيز..فيصل نوبي...
أحكي ليك موقف شبيه بالحاصل دا..
واحدة بتتكلم مع صاحبتها و هم بيقروا خبر في الجريدة عن شخص مشهوووور....
قالت ليها : بالمناسبة فلان دا قريبنا.
التانية قالت ليها : كاتبين إنه متهم في قضية إختلاس..
قالت ليها...: قريبنا..لكن من بعيييييد!!!
---
حسي كان كانوا مهنئنو على نجاح مشروع من مشروعاتو..
كانت قالت ليها...: أمبارح القريبة دي..كان مقيٌل معانا..!!
|
Post: #6
Title: Re: للنجاح ألف أبٌ....و الفشل يبقى يتيم...!!!
Author: محمد المرتضى حامد
Date: 04-01-2008, 01:44 PM
Parent: #5
| Quote: قالت ليها...: قريبنا..لكن من بعيييييد!!! |
الزوله دي ردها (ممتاز) يا ممكونه غض النظر عن (المسافه) أم خمسه يايات .
تعرفي يا ممكونه البوست ده مضمونه لاينتهي عند حقيقة يُتم الفشل
Success has many parents, but failure is always an orphan
لكن يتمدد ويتجسد في اتجاه آخر هو أن تكون للبعض علائق حميمة
بشخص ما له ما يقرب بعضهم إليه ثم يولي عنه الكثير منهم حين
يفقد ما قربهم إليه.
راجع تاني.
|
Post: #7
Title: Re: للنجاح ألف أبٌ....و الفشل يبقى يتيم...!!!
Author: محمد عثمان
Date: 04-01-2008, 02:11 PM
Quote: واحدة بتتكلم مع صاحبتها و هم بيقروا خبر في الجريدة عن شخص مشهوووور....
قالت ليها : بالمناسبة فلان دا قريبنا.
التانية قالت ليها : كاتبين إنه متهم في قضية إختلاس..
قالت ليها...: قريبنا..لكن من بعيييييد!!!
---
حسي كان كانوا مهنئنو على نجاح مشروع من مشروعاتو..
كانت قالت ليها...: أمبارح القريبة دي..كان مقيٌل معانا.. |
!!
حكااية...!!
ممكونة...
سلااااام..
|
Post: #8
Title: Re: للنجاح ألف أبٌ....و الفشل يبقى يتيم...!!!
Author: mamkouna
Date: 04-02-2008, 10:13 AM
| Quote: فيختار شابتين جميلتين لإنجاح المشروع |
بصراحة يا أب حراز زولك دا غلطان شديييييد..
و ست نفرو ما خاتية عليهو..
يعني المشروع ما كان ممكن ينجح... بشابين مفتولي العضلات..شلولخين..؟!!!
|
Post: #9
Title: Re: للنجاح ألف أبٌ....و الفشل يبقى يتيم...!!!
Author: mamkouna
Date: 04-02-2008, 04:02 PM
Quote: هي كدة الدنيا ...
وعموما قالو
“There is no such thing as failure. There are only results.” |
و نعم بالله يا باشمهندس...
بس أنا حقيقي بسأل نفسي..
من أين أتى هؤلاء..؟؟!!
من وين إنتو كنتو بتكسرٌوا في مجاديفي..
و من وين إنتو حسي بتتبنوا نجاحي..
بل ... و بلا خجلة أو حرج ...بتنسبوهو إلى أنفسكم/ن...
ديل ممكن نقول عليهم/ن شنو؟
إنتهازيين..
وصوليين..
منافقين..
أم..
حاسدين و بغرانين....؟!!
|
Post: #10
Title: Re: للنجاح ألف أبٌ....و الفشل يبقى يتيم...!!!
Author: abubakr
Date: 04-02-2008, 04:32 PM
| Quote: ديل ممكن نقول عليهم/ن شنو؟ |
اشياء جد صغيرة
|
Post: #11
Title: Re: للنجاح ألف أبٌ....و الفشل يبقى يتيم...!!!
Author: mamkouna
Date: 04-03-2008, 08:04 AM
Quote: أن تكون للبعض علائق حميمة
بشخصٍ ما... له ما يقرب بعضهم إليه...
ثم يولي عنه الكثير منهم... حين
يفقد ما قربهم إليه. |
سيد (( ناسنا ))...
البتتكلم عنهم/ن ديل معروفين...و نفاقهم ظاهر و يسهل التعرف عليهم/ن..
و رأيي الشخصي أنهم يستحقوا الشفقة و الرثاء..
فروابطهم/ن الإنسانية تفتقد العُمق و الصدق .
من أتحدث عنهم/ن..هم أناس تخصصوا في نسب نجاحاتك إليهم/ن..
رغم أنهم كانوا في الصفوف الأمامية..لإحباط كل محاولاتك للتفوق و النجاح.
جماعتي أخطر كتير من جماعتك!
|
Post: #12
Title: Re: للنجاح ألف أبٌ....و الفشل يبقى يتيم...!!!
Author: mamkouna
Date: 04-15-2008, 09:53 AM
و دي كمان حكاية جديدة يا محمد عثمان..
--
تحلٌق الأهل و الأحباب حول إبنتهم النجيبة التي أحرزت درجات عالية من النجاح..
و تعارك الكل حول أصل ذكاءها و نجابتها..
قال الجد..أنها تتمتع بتصميمه و إرادته..
قالت الجدة..أنها تتمتع بصبرها و قوة عزيمتها..
قال الأب..أنها تتمتع بإصراره و رغبته الدائمة في التميٌز..
قال الخال..طالعة ليا...الخال والد...
قالت العمة..ما قلت ليكم..البت عَمٌة..؟!!
قالت الوالدة...
للنجاح ألف أب...و الفشل يبقى يتيم.
|
|