لعناية عصام جبر الله وسيف بشير: عشرة مقلون وعشرة اتمنى وجودهم هنا

جمعنا هذا المكان بأصدقاء قدامى واخوان وزملاء اعزاء قضينا معهم اجمل ايام حياتنا الجامعية بكل صخبها الحافل وضجيجها المجنون وافرحها واحزانها، ولكم رسمت تلك الفترة اروع لوحاتها على جدار قلوبنا ونقشته بطعم الزكريات الأنيق ..
كنت امني نفسي بتواصل كثيف يعيد لنا ولو رقراق من ذلك الزمن الحافل الجميل بوجود بعض ممن شهدوا معنا تفاصيله العبقة في هذا المنبر، ولكن لا ادري سبب إقلالهم في الكتابة وفي بعض الحالات الإمتناع عن الكتابة رغم علمي ويقيني بأن ايا منهم قادر علي كتابة منبر بحاله وليس بوست فقط ..
العشرة اعضاء المنبر المقلون في الكتابة هم:

1 ـ ادريس تبيدي
2 ـ الداف
3 ـ صلاح تمساح
4 ـ ابوبكر عثمان
5 ـ امير فاروق (امير الضب)
6 ـ خنساء الكارب
7 ـ عثمان حامد
8 ـ ابراهيم الحاج (ابراهيم السمين) لكن هسه بقى ضعيف
9 ـ صلاح الزين
10 ـ البروف

والعشرة الذين اتمنى إنضمامهم للمنبر كان بكري هون هم:

1 ـ إبراهيم فتح الرحمن
2 ـ مجتبى محسي
3 ـ مصطفى النقيب
4 ـ اسحاق النوش
5 ـ هاشم عثمان
7 ـ محي الدين الجلاد
8 ـ عبد اللطيف عثمان
9 ـ قرشي ادريس
10 ـ محمد ابراهيم حميدة (ابو النوم)

يلا يا عصام وسيف تعالوا نستفز الجماعة ديل عشان يبطلوا الكسل ويكتبو شوية و العشرة التحت ديل عايزين نوصلهم 100 وبكري كان ما اداهم كلمات مرور موقعو ده بنهكرو ليهو ..
ويا العشرة الفوق باصويرداتكم دي ان شاء الله يدفنوها معاكم ..

دفع الله خطاب
انت برضو واحد من المقلين .. يا زول انكرب شوية

ياالصاوي سلام
أبو البنيات سيف بشير مختفي ليهو فترة
وعصام جبرالله ما فاضي من مناقرة أبوساندرا
لكن عليك الله وصيهم كمان يشوفوا درب لي الجاعة ديل كمان:

ناهد جبرالله
معاذ عبدالرحيم
هشام سليمان
إلهام عثمان
غادة كدودة
ومحجوب البرلوم

و أنا بي هنا ح أفتش ليكم

عبدالرحمن السمين
وبدرالدين أحمد موسى
وتحياتي لك ولهم أجمعين

انت دحين ادريس تبيدي
ده ياهو ادريس تبيدي
البلده كوستي ؟

زمن طويل من ما شفناهو
جيبو لنا اخباره .
.
.
تحياتي

الأخ محمد ادريس تحياتي

Quote: انت دحين ادريس تبيدي ده ياهو ادريس تبيدي البلده كوستي ؟

ياهو ذاتو

Quote: زمن طويل من ما شفناهو جيبو لنا اخباره .

والله ترانا مشركين ليهو
غايتو ده بوست الترحيب بتاعو وفي بروفايلو بتلقى تلفونو
إدريس تبيدي.. بالمنبر!! حبابك ألف!!!!

الصديقة انعام سلامات

Quote: أبو البنيات سيف بشير مختفي ليهو فترة

أبو البنيات سيف بشير ده قبل شوية شايفو بهناك شايل الفاتحة مع عثمان حامد في ابوه الله يرحمو

Quote: وعصام جبرالله ما فاضي من مناقرة أبوساندرا

عصام جبر الله ده انا عاذرو، بكون قرأ البوست لكن بكون مفتكرني قاصد عصام جبر الله تاني .. مسكين لي هسه في جهجهتو ديك ..
ودفع الله خطاب ده قبيل كان بتحاوم هنا ولما شاغلتو قام جاري ..
وديل حا نضيفهم للعشرة التحت لهم التحية اينما كانوا

Quote: ناهد جبرالله معاذ عبدالرحيم هشام سليمان إلهام عثمان غادة كدودة محجوب البرلوم عبدالرحمن السمين بدرالدين أحمد موسى

بالإضافة لغسان جعفر
كده يبقى العدد 19

غسان جعفر كرار
كيف نسيتو؟ وقبل كم يوم كنت أتكلم عنه مع صبري الشريف.

عاد ده كلام ده يا ضب؟

عشرة مداخلات بس في اكثر من ثلاثة سنين ونص يا داف يا مفتري؟
المتاريس دي ما كنت بتكتبها براك!!

الصاوي ... صاحبي

أتأمرون الناس بالبر وتنسون أنفسكم ؟؟؟
انت مفروض تضيف اسمك ضمن العشرة الاوائك
قلمك رشيق فما تحرم الناس منو.

اخي الفنان صلاح سلامات

Quote: الصاوي ... صاحبي أتأمرون الناس بالبر وتنسون أنفسكم ؟؟؟ انت مفروض تضيف اسمك ضمن العشرة الاوائك قلمك رشيق فما تحرم الناس منو.

يازول ياجميل ده من ذوقك بس، انتو يا اولاد عبد الله رشاقة الحرف والإبداع تفوتكم تمشي وين .. يا اخوي نحن ناس حريش ساي والمحرش ما بكاتل، بس عايزين نحرش الشباب الحلوين ديل عشان يكسروا حاجز الصمت ويسنوا اقلامهم شوية ..
شكرا ليك كثير يا غالي

يا ساوي
زصاحبك أبوشنب الفوق ده
برضو من المقلين العظام
خاصة في الآونة الأخيرة

يا إنعام
انا فضيت منو


وأضيفوا للمقلين الغياب
__________________________
1- منوت
2- ودقاسم
3-عثمان تراث { بيظهر الفينة تلو الأخرى }
4- علاء سنهوري
5- سلمى
6- معاوية الزبير الطيب
7- ماهيتاب بركات
8- دريمز
9 ايهاب علي
10- اسامة معاوية الطيب

وللمأمول حضورهم وقبولهم :
---------------------------
1- دكتور صلاح أحمد إدريس
2- حيدر محمد الحسن
3- معاوية محمد الحسن
4- بشرى المكي
5- عواطف حسين { نجدي }
6- عوض نوبة


بس خلاص

ابو ساندرا صاحب احلى بنات شخصيا في دارنا؟
ياخي ده شرف كبير لينا والله

Quote: يا ساوي زصاحبك أبوشنب الفوق ده برضو من المقلين العظام خاصة في الآونة الأخيرة

اول حاجة انا اسمي الصاااااااااوي ما الساوي
وبعدين صاحبي ابو شنب بي سببو، سمعت انه من يوم ما مرتو ولدت لم يغمض له جفن، واظن ان هذا سيكون حاله حتى تبلغ مولودته سن الثالثة ..
اها بالنسبة للمأمول حضورهم وقبولهم ديل

Quote: 1- دكتور صلاح أحمد إدريس 2- حيدر محمد الحسن 3- معاوية محمد الحسن 4- بشرى المكي 5- عواطف حسين { نجدي } 6- عوض نوبة

لا يكفي التمني، بل يجب الضغط عليهم لتقديم طلبات التحاق وعلينا تثنية طلباتهم وضغط بكري حتى ينز الزيت من رأسه ـ انا ما جبت سيرة اي صلعة هنا ـ لينالوا عضوية المنبر ..
بالنسبة للمقلين

Quote: 1- منوت 2- ودقاسم 3-عثمان تراث { بيظهر الفينة تلو الأخرى } 4- علاء سنهوري 5- سلمى 6- معاوية الزبير الطيب 7- ماهيتاب بركات 8- دريمز 9 ايهاب علي 10- اسامة معاوية الطيب

انا معاك يجب ان نوجه لهم النداء، وارجو الا ننسى إضافة عطبراوي و عثمان محمد صالح فقد طال غيابهما ..

تعرف يا ابو الجيو بوستك ده شفتو من اول يوم ... و زغت منو

ياخى انحنا نحاول نتخارج من قصة الحنين للاصحاب والصاحبات دى انتا تجى ترميها لينا بردلبببب عديل كده؟

شفت الناس اللايصة في الانترنت دى معظمها رايحين ليهم اصحاب

الكاتلاهو الوحده ... يتذكر الاصحاب
المفلس ... يتذكر الاصحاب

البردان... يتذكر الاصحاب

العيان... يتذكر الاصحاب

المنكرش... يتذكر الاصحاب

المات ليهو زول... يتذكر الاصحاب
وال........ يتذكر الاصحاب

عارفك رايحة ليك ونسة دقاقة ... نفسك تطلع المرتبة في سطوح الداخلية (او سطوح ناس مجتبى) و تقعد نق نق نق نق .. و الخندريس يدور .... و لما المزاج يظبط تمسك العود و تقعد تغنى:

اديتك القلب المعذب
قلت لى المو بتذيلو
يبقا في وارف رموشك
فرحتو و لحظات مقيلو
تبقا نورو تبقا فجرو
تمنع الدمعات يسيلو
اسه كان داير تسيبو
حتى باقي العمر شيلو


اسمع.... نوع بوستات النوستالجيا دى اختاها ...
بتعوق ليك زول و لا عوقت روحك ....

جيييو

ياالصاوى تحياتى
برضو صديقنا الجميل ياسر بسطاوى
اختفى تماما

العزيز الصاوي
تحياتي لك و للمتداخلين
سوف أحاول المساعدة في حدود مقدرتي في جرجرة البعض
للكتابة لكن بيني وبينك كلام عصام جبر الله ده بخوف و انا كان ما
لعنت الشيطان كان هربت
حكاية انو الداف عندو عشرة مداخلات و كان بكتب المتاريس لوحدة
ذكرتني قصة طريفة
عندما ذهب طلاب كلية الهندسة للتدريب في مدينة عطبرة لم ينقطع
عمل الجبهة الديمقراطية و كانت المتاريس لسان حال الجبهة الديمقراطية
بكلية الهندسة كشمس يتلالا شعاعها وسط مجمع سكن طلاب الكلية في مدينة عطبرة
كان ان حضرت غنماية و بدأت تاكل في صحيفة المتاريس
فطاردها الدف صائحاً هش...هش....هش...
وظل مرابطاً امام المتاريس حماية لصحيفة الجبهة الديقراطية قائلاً يعني يا كيزان يا غنم
ووعد الداف طلاب الكلية بأنه اذا تطاولت هذه الغنماية مرة اخري علي
منابر الجبهة الديمقراطية ليسلقنها (من سليقة) أو ليذبحنها و يجعلنها و ليمة
لجميع الطلبة.
التحية للداف و هو يدافع عن المنابر الحرة الديمقراطية و لن أنساه
و هو يطارد الكيزان من دار اساتذة جامعة الخرطوم و هو ينزف بعد أن
اصابته يدهم الغادرة

Quote: سوف أحاول المساعدة في حدود مقدرتي في جرجرة البعض للكتابة لكن بيني وبينك كلام عصام جبر الله ده بخوف و انا كان ما لعنت الشيطان كان هربت

عزيزي حامد تحياتي لك واسعدني وجودك
اول حاجة انت ذاتك من المقلين ولازم تنكرب شوية، وكويس انت حا تساعد في عملية الجرجرة، وبعدين عصام جبر الله ده مطرطش ساي مسكين لي هسه في جنو وغباهو ما يخوفك كلامو ..
اضحكتني كثيرا بي قصة الداف لما سكا الغنماية، وتذكرت قصتو لما سكاهو القطر وكان بلصق في ورق الدعاية بتاعة فاطمة احمد ابراهيم في الكبري .. انتا الداف حكايتو شنو؟ يوم ساكي ويوم مسكوك، والغريبة البسكهم والبسكوهو ما بني آدمين ..
برضو تذكرت قصتك لما سكيت الكديسة بالليل في كازينو النيل الأزرق لما كنا بنجهز لليوم المفتوح العملتو الجبهة الديمقراطية بالجامعة .. انتو قصتكم شنو يا شباب الهندسة مع سك الحيوانات الأليفة دي؟
خليك قريب وجودك مهم في عملية الجرجرة ..

Quote: ياالصاوى تحياتى برضو صديقنا الجميل ياسر بسطاوى اختفى تماما

وتحياتي لك ايضا اخي محمد مكى محمد
نعم الأخ ياسر بسطاوى من الغائبين لفترة طويلة رد الله غربتة واعادة الينا جميلا كما كان ..
شكرا ليك كثير

الصاوى انا من المعجبين جدا بباصات ود جبرالله البينيه

بختها ليك مع القون ،هسه امانة الله ما ختانا معاكم فى السطوح

اما السياسيه ديك فيها حكمه وفلسفه لا تجدها إلا عند 2 احدهم إنتقل للرفيق الاعلى له الرحمه

والمغفره (الراحل كمال دقدق) والثانى ود حبرالله ربنا يديم ليهو الصحه والعافيه ويمتعو بايامو

ويزيدنا من حكمو .

إنت ذاتك زول ما هين يا صاوى والواحد بحب كتابتك جدا.

تمنياتى لك بالتوفيق عامة وفى هذا البوست (الجذاب ) خاصة .

وقالوا قديما صاحب صاحبك ...شنو كده ما تتلبط !!!

Quote: هسه امانة الله ما ختانا معاكم فى السطوح

والله ختاها جنس خت
وبعدين قصة الباصات البينية دي عصام متخصص فيها من ايام جهلتو
رحم الله كمال دقدق وامد لنا في ايام عصام و مرحب بيك يا فارس موسى صديق وصاحب عديل كده مش بس صاحب عن طريق صاحب .. وخليك قريب ..

عايزنهم هنا:
-------------
علي عوض
آمال الربيع
عبدالرحمن دريسة

Quote: عايزنهم هنا: ------------- علي عوض آمال الربيع عبدالرحمن دريسة

انت يا خوي بناتنا بنات ام درمان ديل بتعرفهم من وين؟
والله صحي عينك طايرة

يا أخوانا صاحبي وود حلتي الكنت بنزل معاه في البركس
ما مذكور مع الذين تتمنون وجودهم ليه......وهو :
عبدالحي عبد الساوى......علوم (جيلوجيا)
وكمان أولا عمي (أولاد ابراهيم أبوعاقلة)
محمد...وليد...عصام.

شكرا ليكم يا شباب يا حلوين وراجع ليكم واحد واحد لكن كدي خلوني ارد على عصام جبر الله ده اول شي لأنه احد المعنيين بهذا البوست ..

Quote: تعرف يا ابو الجيو بوستك ده شفتو من اول يوم ... و زغت منو

عارفك شفتو وصاحبك ابو البنيات ذاتو شافو

Quote: عارفك رايحة ليك ونسة دقاقة ... نفسك تطلع المرتبة في سطوح الداخلية (او سطوح ناس مجتبى) و تقعد نق نق نق نق .. و الخندريس يدور .... و لما المزاج يظبط تمسك العود و تقعد تغنى:

يازميل خندريس شنو؟ نحن ننادي في الداف ومصطفى النقيب تقول لي خندريس؟ بيني وبينك بعد ده إلا يشكونا لي الله ..

Quote: اسمع.... نوع بوستات النوستالجيا دى اختاها ... بتعوق ليك زول و لا عوقت روحك

تعرف يا عصام انا مافي حاجة بتعوقني غير الكلام السمح ده

Quote: اديتك القلب المعذب قلت لى المو بتذيلو يبقا في وارف رموشك فرحتو و لحظات مقيلو تبقا نورو تبقا فجرو تمنع الدمعات يسيلو اسه كان داير تسيبو حتى باقي العمر شيلو

حكى لي مصطفى سيد احمد رحمه الله انه عندما تقدم للإذاعة والتلفزيون لإجازة صوتة تم رفض طلبه في المرة الأولى، وطلب منه ان بعد المعاينة والإستماع له بواسطة لجنة إجازة الأصوات ان يتقدم بطلب جديد ويحضر للمعاينة مرة اخرى بعد اسبوع، ولتعجيزة طلبوا منه ان يأتي بأغنيتين جديدتين الأسبوع القادم .. قال لي مصطفى انه ليلتها لم ينم وظل يتقلب على فراشة وكانت نسائم الليل تأتيه بأصوات مغنين في حفلات اعراس في الأحياء المجاورة ليس لهم ادنى علاقة بفن الغناء فأحس بمرارة الظلم وهو ممتلئ بالغناء حد الطوفان، فغادر فراشة وامسك بالعود وعندما اعلن الآذان عن موعد صلاة الصبح كان مصطفى اعلن عن ولادة اغنيتي "واقف براك" و"المزار" .. الطريف في الأمر ان مصطفى عندما ذهب لإجازة صوته بعد اسبوع سأله احد مقرري لجنة إجازة الأصوات بقوله "جبت معاك غنيتين جديدتين؟" اجابه مصطفى قائلا "ابدا ما جبت غنيتين" فرد المقرر بشئ من الحدة "نحن قلنا ليك تجي بعد اسبوع ومعاك غنيتين" فرد مصطفى "انتو طلبتوا مني غنيتين لكن انا ما جبت غنيتين انا جبت ليكم عشرين اغنية"، فألقمهم حجرا .. ربما وضحت لك هذه القصة موضوع البوست .. ياخ البورد ده بنقرأ فيهو حاجات تجيب للزول قوب في قلبو، والواحد عايز يستفز الشباب ديل عشان يخلوا الكسل ويكتبوا شوية ـ ليس عن الزكريات الرايحة ولا عن الأيام الجميلة ولكن لمدادهم الذي نعرف طعمه وجماله ـ علهم يزينوا هذا المكان بألقهم وطيب كلماتهم ..
هسه عليك الله نوع صلاح تمساح الدخل القش وما قال كش ده يسوو ليهو شنو؟؟

Quote: يا أخوانا صاحبي وود حلتي الكنت بنزل معاه في البركس ما مذكور مع الذين تتمنون وجودهم ليه......وهو : عبدالحي عبد الساوى......علوم (جيلوجيا) وكمان أولا عمي (أولاد ابراهيم أبوعاقلة) محمد...وليد...عصام.

مرحب بيك يا عاطف مكاوي وشكرا لإضافة اسماء جديدة
بالنسبة لصاحبك عبدالحي عبد الساوى والله انا ما بعرفه لكن طالما هو من جلوجيا اكيد ما حا يحتاج لواسطة مننا وبكري حايفتح ليهو الثلاثة ضلفات بتاعة باب المنبر لانه اكيد بكون زاملو في العلوم ..
اما فيما يخص ابوعاقلة اخوان فتمت اضافتهم للقائمة الثانية واتمنى ان يشرفوننا قريبا بتواجدهم بيننا، بالمناسبة اين انتهى بهم المقام؟ وياريت توصل ليهم تحياتي اينما كانوا ..

Quote: اول حاجة انا اسمي الصاااااااااوي ما الساوي

ما انا نعرف
لكن اليومين ديل مكنكشة فيني حبشية
فكت فيني لسانها
العذب
وريقها الحلو

Quote: لكن اليومين ديل مكنكشة فيني حبشية فكت فيني لسانها العذب وريقها الحلو

مكنكشة فيك ولا مكنكش فيها يا مفتري؟
غايتو انتو الإتنين عمايا وما بتشوفوا
والله العظيم انا قايلك بطلت بعد بناتك الحلوات ديل!!!

عزيزي الصاوي. انت لسع متذكر حكاية الكديسة, أسمح لي أن احكيها للشباب
في البوست, عشان قصة حامد سكه الكديسة في كازينو النيل الأزرق ح تتفهم
غلط خاصة من عصام جبر الله الذي لوح بذلك.
القصة و ما فيها أعزائي كنا بنستعد لليوم المفتوح بتاع الجبهة الديمقراطية
و مساهرين في الكازينو مساء الخميس لزوم التجهيزات ليوم الغد. كانت هناك
مواد تموينية للبيع بسعر التكلفة من ضمنها دجاج مجمد و كنت مسئول عن المواد
التموينية, بيني و بينكم الزملاء كانوا جعانين و نفسهم في الدجاج لكن عزت نفسهم
أبت عليهم أن يتطاولوا علي الدجاج و اكتفوا ب سف الطحنية لزوم الطاقة. عموماً حضرت
قطة (ما عاوز أقول كديسة عشان عصام ما يفهمني غلط) و سرقت دجاجة و فرت تجاه النيل
الأزرق و بعد مطاردة بسيطة استطعت أن احضرت الفرخة (( كلمة فرخة دي أخير منها كديسة))
و الله أنا بكتب و خايف من عصام جبر الله
قال أحد الزملاء الدجاجة دي لو ختيتها مع باقي الدجاج ح تكون خالفت قوانين الجودة
رد عليه اخر الأمانة الثورية تستوجب أن نبعدها من الدجاج المعروض للبيع
رد ثالث أنا ضد أي قروش حرام تدخل ميزانية الجبهة الديمقراطية
في النهاية قرر الزملاء طبخ الدجاحة للعشاء ... و اقترحوا أن اطبخها لهم بحكم دراستي
بمصر و معرفتي ب شئون الحلل.
ذهبنا أنا و العزيز وليد أبوعاقلة لكي نبحث عن دكان لشراء أشياء يمكن أن تساعد
في تسبيك الحلة و ايضاً لشراء عيش لان عدد الزملاء كبير. عموماً فشلنا أنا و أبوعاقلة
في الحصول علي أي شيء و تهنا في شوارع مدينة بحري.
اقترحت لوليد أن نطرق أحد البيوت و نطلب الأشياء العاوزينها... وليد قال لي أنت مجنون
قلت في سري لو وليد بقول علي مجنون ناس البيت ح يقولوا علي شنو... طردت الفكرة من
رأسي مباشرة و احساس الخيبة يكاد يمزقني. و في تلك اللحظة شاهدت مجموعة من الشباب
امام أحد البيوت قاعدين في كراسي و اخر ونسة ... و بما انني كنت طول اليوم في حالة
بروفات مسرح لفقرة المسرح في اليوم المفتوح خطرت لي فكرة قررت أن انفذها دون تردد
ذهبت للشباب سلام عليكم //// وعليكم السلام
يا شباب ممكن أطلب منكم خدمة ///// جداً اتفظل يا ابو الشباب
ممكن تدوني شوية بصل + يهارات و شوية ملح و لو في صلصة يكون تمام
رد أحدهم نعم نعم نعم حاولت ابحلق فيهم بعيون مفتوحة لأقراء باحساس مسرحي ردة فعلهم
و شاهدت وليد أبوعاقلة ينتظرني في اخر الشارع من ضمن ذلك كان الطلب مفاجيء بالنسبة
لهم خاصة و انه من شخص لا تبدو علية اي علامة من علامات الجنون و لا اختلال العقل. عموماً
قبل ان يزول زهولهم المفاجيء عاجلتهم بالقول بانني لست مجنون كما قد يكون تخيل لكم
و لكنني طالب بجامعة الخرطوم حكمت علي الدنيا بأن اقضي هذه الليلة في مدينتكم
العامرة و دعوتهم لليوم المفتوح الذي تقيمه الجبهة الديمقراطية غداً بكازينو النيل
الازرق و ان به مواد تموينية بأسعار التكلفة و دار بيني و بينهم حوار لطيف و النتيجة
كانت صلصة + بهارات مما جميعه بصل توم و الاكثر اقترحوا يرسلوا لينا عشاء جاهز و لكنني
شكرتهم و بالطبع لم أذكر لهم حكاية الجاجة التي انتزعناها من مخالب القط ...حاشية..
((با لله نحن كنا مقطعين لهذة الدرجة)) (( لا و ألف لأ كنا طلبة أي واحد مننا كان يتمني
أن يكون القرشي و علي استعداد متي ما حانت الفرصة)) عموماً
كانت عشوة جميلة و طلعت حلة مسبكة بدجاجتين مش واحدة
و أكثر ما أسعدني هو حضور الشباب و بعض أفراد اسرهم و استمتاعهم بفقرات اليوم المفتوح
في اليوم التالي و بعد الفقرة المسرحية بالتحديد قال لي أحد شباب بحري ما تقول لي انت
بتاع مسرح أنا قلت انت مجنون ... قلت ليه أنا ما بتاع مسرح... أنا طالب هندسة و اتمني
أن اكون بتاع مسرح ... و حقيقة حتي الان أتمني أن اكون
و حتي لا أسرح
أتمني للبوست أن يمرح
و أن يكون بكري يمزح
و أن يتنسي البوست من ال مسح
و لسان عصام جبر الله يكبح (( بضم ال ياء و سكون الكاف و فتح ال باء))
و الجميع يسعد

شكرا يا حامد على تسطيرك لبعض الزكريات الجميلة واعاد لي سردك الجميل تفاصيل لأحداث كدت ان انساها، وايضا تذكرت الزيارة المفاجئة لصديق الجبهة الديمقراطية ابوبكر الشوية للكازينو في تلك الامسية الخميسية ومعه ذاد الخميس المعتاد، بعد ان بحث عن الزملاء من شلتة وعلم انهم يحضرون لليوم المفتوح في الكازينو وخميسهم بيض، وبعد إنكراشات شديدة انضم له البعض بينما واصل الآخرين نصب الخيام والتجهيز لليوم، تذكرت ايضا صديقنا فتحي ود الآداب ـ لا اعلم اين قذف به الزمان ـ وكان من اوائل المنضمين لأبوبكر الشوية وبرر لفعلته بأنه خارج المجال بقولته الشهيرة "يا زملاء الحد البحر" .. واتذكر اننا اخذنا بنصيحة الزميل احمد المجذوب طيب الله ثراه الذي اشار لنا بلكنته المحببة "يا زملاء ترابيز البيع الت السلع الإستهلاكية دي وقفوا فيها الزميلات لانه جنس ناس مانديلا ديل اكان وقفتوهم ما بنبيع الحبة" وبالفعل تمكن الزميلات بقيادة نجوى ابراهيم و خنساء الكارب وناهد جبر الله من بيع كل السلع الإستهلاكية وكان يوما ناجحا استفادت منه الجبهة الديمقراطية في الجامعة كثيرا وكان لسان حال نساء بحري وربات بيوتها يلهج لنا بالدعاء ..
خليك قريب يا ابو حميد ..

عزيزي الصاوي، لك الشكر على هذا الـ post ، فقد أعادني لسنوات و سنوات. آلمني جدا أن أعرف أن الصديق و الزميل احمد المجذوب قد غاب عن هذه الدنيا، له الرحمة و الغفران.
التحايا لكل الزملاء و الزميلات الذين وردت أسماءهم .

المأمون أبوسن

سلامات يا الصاوي
انت يا اللخو ما تقول بالمختصر كده انا عايز اعمل
الجبهه الديقراطيه - فتره الثمانينات بجامعه الخرطوم -فرع سودانيزاونلاين
______________________

ازيك يا حامد الصاوي -مشتاقيين يارجل-
ياخوي قبل ما تجرجر الناس كدي جرجر نفسك بالاول

Quote: سلامات يا الصاوي انت يا اللخو ما تقول بالمختصر كده انا عايز اعمل الجبهه الديقراطيه - فتره الثمانينات بجامعه الخرطوم -فرع سودانيزاونلاين

قرقرقرقر
ابدا والله يا عمر بوب القصة ما كده، لكن غايظيني ناس الداف وصلاح تمساح وعثمان حامد وعفيفي ودفع الله ومن لف لفهم من العندهم باسويردات هنا وكل واحد فيهم لابد ليهو في جحر وسايبين زي نوع سيف مساعد وصلاح غريبة ديل يتفسحوا فينا ويفقعوا مرارتنا، والغريبة كلهم بتاوقوا ومرة مرة تلقاهم محكرين في قائمة الحضور وبعد شوية تلقى الواحد قام جاري .. القصة ما جبهة ديمقراطية ولا غيرو لكن عايزين نستفزهم عشان يطلعوا من حالة البيات الشتوي البقت بالسنين دي ولانه الواحد عارف انه عندهم الكثير مما يمكن كتابته، يعني عاجباك لبدة الداف دي؟ عشرة مشاركات في اكثر من ثلاثة سنين ونص، نحن عايزين نجرجرو ان شاء الله يكتب لينا عن ال Fluid Mechanics برضو ما بطال ..

Quote: ازيك يا حامد الصاوي -مشتاقيين يارجل- ياخوي قبل ما تجرجر الناس كدي جرجر نفسك بالاول

ياللخو انت مساخة الدناقلة دي لي هسه ما بطلتها؟
نظام الواحد بحامي لي اخوه وكده ..

كتب الساوي :

Quote: والله العظيم انا قايلك بطلت بعد بناتك الحلوات ديل!!!

كلامك صاح وحليفتك في محلها
بطلنا أو بطلونا ، فالنتيجة واحدة

وماكتبته انا بخصوص اللغة والكنكشة ، فهو من قبيل الأحلام المستحيلة
والرغبات الدفينة التي لايمكن تحقيقها

ما خلاص ياخ


وبالنسبة للغياب أضف

غادة نصر
-----------------
وانا ماعارف هذه غابت أم غيبها الزواج
وينك يا عماد آدم ؟


وبخصوص آمال الربيع
فهذه ان كانت بت حلتكم
فإنها بت حزبنا وبت نقاباتنا
فنحن اولى

وبالمناسبة آمال عضو هنا
لكنها عضو سري

أبو ساندرا
الصاوي دة من زمان لسانو طويل
خليك منو
خلينا نحن في القصص الظريفة و طلع الجواك
نحن عندنا تراث لا يستهان به
عمقة الصدق مع النفس
ديدنه الأمانة مع الحس ((بكسر الحاء و سكون ال سين))
كلامنا ما فاضي كان لي أولادنا أو لي اولاد جيراننا
و صورنا تشهد
سأزوركم في الخليج قريباً
أتمني أن نتقابل

Quote: كلامك صاح وحليفتك في محلها بطلنا أو بطلونا ، فالنتيجة واحدة

تعرف يا ابو ساندرا قصتك دي ذكرتني قصة واحد صاحبنا كده بقى ما بقدر على الشربة، وفي آخر ايامو بقى كان شما الكاس ساي بغني، واصحابو بقوا ما بدفعوه نصيبة في الشربة لانه ما يشربه لا يتجاوز الملعقتين وبعدها يقيف لط .. اها صاحبنا بعد ان اصبح مسخرة واضحوكة بين اصحابو قال انا خلاص بطلت الشراب .. فيا صديقي ارجو ارجو الا يمنعك كبريائك من التمييز بين عدم القدرة وعدم الرغبة .. يا كافي البلا لا عيون لا سنون لا سجم رماد بس ياهو لسانك ده الفضل غايتو ابقى عليهو عشرة ..

والله ما كنت فاكر بنتنا آمال الربيع عضو هنا، طيب ما تجرجرها شوية وخليها تكتب وتسيب العمل السري ده شوية، والله الواحد ما عارف الناس ديل عايزين يقعدوا مبلمين كده لمتين ..

بعدين ياخي انا جني وجن الناس البقولوا لي الساوي والصادق والضاوي بعد ده بضاربك عديييل كده ..

العزيز الصاوى تحياتى وحبى .
كتب الصاوى للعزيز أبو ساندرا

( يا كافي البلا لا عيون لا سنون لا سجم رماد بس ياهو لسانك ده الفضل غايتو ابقى عليهو عشرة )

يا ود أختى المرفعين ده ما فى حاجة بتغلبو أسألنى أنا , حتى اللسان الفضل دا , ممكن يوظفو لأغراض أخرى
ليس من بينها النطق وتذوق الأطعمة ومد اللسان .

الخال العزير فيصل
سعداء نحن بوجودك معنا، خليك قريب لأنه يظهر انه القصة دي حاتجيب ليها ضرب شديد مع مرافعين الديم، وبيني وبينك كده في ناس في الدنيا دي الواحد كان ما ضوقتوا يدك ما بمشي عديل والظاهر كده انه الديامه ديل ماسمعوا بينا بالرغم من انه الخال حسن كان مفروض يكون وراهم العينة ونوع الحليب الذي رضعناه .. اما في ما يخص هذا المرفعين الضبلان غايتو كان جاهو شلل في لسانه انا انصحة بأن يضع حدا لغربتة ويعود دياميا كما كان ويكتفي بكرسي متهتك امام البقالة التي جوار منزله ليرقب المارة إذا نجحت عملية زراعة القرنية التي سيقوم بها قريبا ..
تحياتي لك ولأسرتك وعميق حبي ومودتي ..

كتب حامد الصاوي { كبيرة كان عشان فلان يشوف }

Quote: سأزوركم في الخليج قريباً أتمني أن نتقابل

يا رييييت
جوالي مسجل وممكن نديك ليه وللأخريات 009745052880
ما مطلوب منك غير تلفون قبل يوم من جيتك
وح تلاقانا قاعدين في المطار

كتب الساوي :

Quote: لا سجم رماد

يا ساوينا العزيز
بمناسبة السجم الرماد
الذي كال حامد
وفاض في الكيل
فإنك لو رأيته ح تتشهد وتقول : قادر الله ، يضع سره في أشين خلقه

انت بس بعدين سمي
وتعوذ من الشيطان

أها تعال مع قريبك حامد
ستجدون ما يسركم
من حسن ضيافة وإستقبال
وروائع وجمال

وكتب العزيز الغالي فيصل عثمان الحسن
الزول السمح وزين

Quote: ممكن يوظفو لأغراض أخرى

صدقت يا فيصل ، باللاهي كلم ود أختك ده
وبالمرة قول ليه ابو ساندرا ناوي يعمل جراحة تجميل في لسانه
وعايز يعمل فيه إضافات وتضاريس وكمان يزرع شعر
عشان اللهط


وبمناسبة فيصل العسل ده
ياريت كمان منح عضوية المنبر لشقيقه الكبير المناضل
والزعيم وصديق العمر
حسن عثمان الحسن
الذي كنا نسميه حسن أبوعضل عشان كان بيشيل حديد وبطل في العاب القوى
وخبير في المظاهرات ورئيس إتحاد طلاب مدرستين
المقرن الثانوية والخرطوم الجديدة الثانوية

Quote: يا ساوينا العزيز بمناسبة السجم الرماد الذي كال حامد وفاض في الكيل فإنك لو رأيته ح تتشهد وتقول : قادر الله ، يضع سره في أشين خلقه انت بس بعدين سمي وتعوذ من الشيطان

يا زول الله لا ورانا ليهو وبعدين شوف يا مرفعين نحن فاتحين البوست ده عشان نجرجر الناس ونجيبهم مش عشان نطفشهم .. اها بعد كلامك ده الكان عايز يجي خوف ساي حايزوغ خاصة الحسان من بنات الأسر وذوات الأخلاق .. ويبدو ان ود جبر الله كان بعيد النظر بقوله

Quote: تعرف يا ابو الجيو بوستك ده شفتو من اول يوم ... و زغت منو

ولربما كان يعلم ما سينتهي به حال هذا البوست فأعلن انسحابه مبكرا حفاظا على حياته وحاجاتة، اما سيف بشير فأكتفى بالمراقبة من خرم الباب وفر هاربا بعد مجئ المرفعين ..
التحية للخال حسن عثمان الحسن وندعو لإنضمامة للمنبر وغايتو كان الأخوال حسن وعبيد ومصطفى انضموا للمنبر حانعمل لينا إنقلاب عسكري في المنبر ده ولما تجوا الصباح حا تلقوا موسيقي الجلالات العسكرية ضاربة وحملة اعتقالات واسعة بين لأعضاء على رأسهم بكري ابوبكر وحملة بحث مكثفة عن جميع المرافعين الفارين والمختفين وبين كل جلالة واخرى تردد الإذاعة المنبرية قولها "بعد قليل سيذيع عليكم العقيد فيصل عثمان الحسن بيانا عسكريا فترقبوه"

Quote: يا ساوينا العزيز

السوسة التاكل لسانك ذاتو قول آمين

Quote: التحية للخال حسن عثمان الحسن وندعو لإنضمامة للمنبر وغايتو كان الأخوال حسن وعبيد ومصطفى

تعرف انا كنت قايل يا { خال} دي علقنة منك ساكت
اتاريك طلعت ود الجماعة
بهتناك بالعلقنة ساكت

تعرف يا صاوي الشباب المذكورين أعلاه ناس عزاز

عشان كده ماممكن يرتكبوا هفوة الإنقلاب
لكن أظن حسن فيه حاجة كده من العسكر

شوف يا مرفعين
انا جدي ابو امي اسمو وداعة الله الحسن، يعني اخو عثمان الحسن والد ناس حسن وفيصل وعبيد ومصطفى وانصاف .. يعني الشباب الحلوين ديل اولاد عم امي طوالي وبالتالي اخوالي ..
اما حديثك عن انه ماممكن يرتكبوا هفوة الإنقلاب فما تضمنهم ديل اخوالي وانا عارفهم كويس العايزين يعملوهو بعملوهو وكان صنفت في راس اي واحد منهم ياكم الجيتو لقيتوها مقلوبة ..

شايف البوست سخن شديد ون تو بين الصاوى وبركة .
يا بركة الصاوى وحامد ديل أولاد أختنا عديل , انت ما ملاحظ جرعة الثورية
البائنة فى مواقفهما . بعدين ياخى ما تعمم معيارك الديامى الخاص بالخؤولة
وحقوقها على كل الحالات , مثل الخال والد , خالى الحوتة , الخال خالى وأنا ود أختو .....
خالى أنا سعيد.
الصاوى يا عزيز بوستك ده الله يعوضك فيهو .

Quote: شايف البوست سخن شديد ون تو بين الصاوى وبركة . يا بركة الصاوى وحامد ديل أولاد أختنا عديل , انت ما ملاحظ جرعة الثورية البائنة فى مواقفهما . بعدين ياخى ما تعمم معيارك الديامى الخاص بالخؤولة وحقوقها على كل الحالات , مثل الخال والد , خالى الحوتة , الخال خالى وأنا ود أختو ..... خالى أنا سعيد.

عاذرو يا خال لانو المرفعين ده وصل مرحلة الخلخلة، وكما جاء في الأثر انو المرافعين لما تصل لمرحلة الخلخلة معاييرها بتاعة الخؤولة بتتخلخل وبتخلي اي حاجة وتقعد بس لي خراب البوستات ..

Quote: الصاوى يا عزيز بوستك ده الله يعوضك فيهو .

عليهو العوض ومنو العوض
بس البركة في شوفتك يا خال

الصاوى يا حليلك
بالمرة كده فتش معاك على:
عاليه عوض الكريم
عثمان محمد صالح
شيرى
جورج
شتات
راويه العباسى
تماضر شيخ الدين
حسن الجزولى
ست البنات كمبال(ست البنات)
منى احمد
حجة امنه

اها خلاص جانا المرفعين التاني ود الموج وتم الناقصة
والله يا موج صورتك دي بتزكرني بالآية البتقول "يخرج الحي من الميت ويخرج الميت من الحي" .. عليك الله هسه آمنة دي ما قدر بناتك؟ ياخي البت عقدتها لما طفشت ..

Quote: عاليه عوض الكريم عثمان محمد صالح شيرى جورج شتات راويه العباسى تماضر شيخ الدين حسن الجزولى ست البنات كمبال(ست البنات) منى احمد

ديل كلهم عرفناهم وبعضهم ناديناهم زماااان الا طرش نسوي شنو
لكن الأخيرة دي

Quote: حجة امنه

دي منو ما عرفتها

Quote: Quote: حجة امنه دي منو ما عرفتها

إذن فأنت ماعارف أي حاجة

يا خاله
أدركه

بالمناسبة يا فيصل ، كمان عايزك توقع لي صلة قرابتك
بناس حفظ الله وناس السر حسن عباس
والإتنين ديل كانوا الدفع القدامنا في المدارس
لكن تزاملنا في الكليتون
متابع السر حسن عباس لكن حفظ الله ضاع مني أثره
وإن كان بنشوف بعض ملامحو في راشد خالد

الصاوي "المطاول":

تعرف بوستك دا من نوع البوستات العاملة زي الاكل لما يكون جاهز ليهو مدة قبل مواعيد الاكل والواحد يكون الجوع كاتلو، كل دقيقة والتانية يخش المطبخ - خلسة في اغلب الاحيان - يخمش ليهو حاجة!!

فالخمشة البقدر اخمشا هسع، هي الترحيب بالصاوي "المدردم"، وماعارف إذا كنت عملتوا ليه حفل استقبال وللا لا..

ألف مرحب بيك يا الصاوي ونتمنى انك تتمكن من احتمال البورد (طبعاً احتمال كبير يكون إتعمل ليك بوست ترحيب واحتمال كبير اكون رحبت بيك قبل كده)، وماعارف هسع الذكرني قصة سفرك لأديس ابابا شنو!

وعد يا الصاوي: كل ما القى فرقه "تنطق القاف هنا كالجيم المصرية" بدي البوست دا طله لانو فيه العديد من الاصدقاء/ت (شفتي يا انعام كلفتينا ت كاملة) الجميلين اعضاءا كانوا ام غير اعضاء بعد...

سيف

أبدا ليك بالعشرة الاوائل:

Quote: 1 ـ ادريس تبيدي 2 ـ الداف 3 ـ صلاح تمساح 4 ـ ابوبكر عثمان 5 ـ امير فاروق (امير الضب) 6 ـ خنساء الكارب 7 ـ عثمان حامد 8 ـ ابراهيم الحاج (ابراهيم السمين) لكن هسه بقى ضعيف 9 ـ صلاح الزين 10 ـ البروف

- ادريث: ما فاضي، مدور ال24 ساعة!
- الداف: اختفاء غير مبرر وفي ظروف غامضة.
- صلاح: هو باللاهي عضو في المنبر؟
- امير الضب: اختفى أول ما ذكرناهو باسمو الحقيقي: الضب!
- خنساء: تداخلت معها مرة واحدة بس في بوست الترحيب بها ولم ترد الترحيب "على وزن ترد التحية"!
- عثمان حامد: العارفو انو عضو في سودان فور اوول وبي سببوا اترفد عصام من س.ف.ا.
- ابراهيم السمين/الضعيف:بالله بلغو عاطر التحايا لما تعتر فيهو..
- صلاح الزين: لم يذكر لي من قبل انو عضو بالمنبر
- البروف: هنا ما عرفتك قاصد البروف منو فيهم: البروف "ود" العلوم، أم البروف "محمد اسماعيل". فإذا كنت تقصد الأول، فلم أسمع عنه أو لم أره منذ تخرج من الجامعة، وإذا كنت تقصد الثاني، فآخر اخبار سمعتها عنه في آخر زيارة لي للسودان كانت الاخبار غير السارة عن مرضه وملازمته الفراش، ألف لا بأس عليه..

لكن أعتقد قائمة المقلين خلت من ثلاثة من أرقى الأقلام:

- محمد عثمان دريج: قلّما تراه يكتب تداخلاً كان أم موضوع أو بوست باسمه (اعتقد نشط في الكتابة في منبر/منابر اخرى).
- محمد النعمان: آخر مرة "رأيته" بالبورد بعد حصوله على الماجستير وابان موسم استقبال محمود الزين.
- محمود الزين: وكأنما صار عضواً بالبورد فقط ليشكر الذين هنأؤوه بالحصول على الدكتوراه.. لم يتداخل بعدها قط... وهذا المحمود اتصور أكثر قلم يحتاجه البورد (عايزين نعرف خبايا وغير خبايا اتفاقيات مياه النيل يا ود حامد)...

فكرت قبل مدة في طرح موضوع للنقاش بعنوان "هل تتوفر في سودان اليوم مقومات الدولة-الامة "nation-satae"؟" يكون الـ (key speakers) فيه هؤلاء الثلاثة وأن يكون محاورهم عصام جبرالله... لكن منعني خوفي من متابعة البوست... وسانفذ الفكرة حالما تمكنت ... وإذا رأيت يا الصاوي انك ممكن تقوم بالحكاية دي بالله اتولاها... الغرض في الاخير هو الفائدة للجميع وتوفير بديل راقي بديل للدش والحش الذي يملأ البورد بين الحين والآخر...

اتصور لو وفر هؤلاء الثلاثة بعض الوقت للكتابة في البورد ستكون مفخرة بل غبطة للصديق بكري ابوبكر تماثل غبطته عندما فاخر باحمد عثمان عمر (ياللا يا اولاد دفعتي وروا الناس الحوار المحترم في البورد دا كيف... )...


سيف



التعديل بعد تنبيه ابوساندرا للخطأ في كتابة "غبطة" قبطة،،،

وينك يا الصاوي؟

العزيز أبو ساندرا تحياتى , معليش اتأخرت عليك شوية فى الرد .
علاقتى بآل حفظ الله عن طريق والدتى ووالدى عليهما شآبيب الرحمة
والمغفرة . والدتى هى المرحومة حليمة حفظ الله عباس , شقيقة كل من
محمد حفظ الله عباس والد صديقك حفظ الله , وخالد حفظ الله عباس , والد
راشد خالد .
وعم والدتى شقيق والدها هو المرحوم حسن عباس , والد كل من زميلك
المرحوم جعفر حسن عباس عليه شآبيب الرحمة والمغفرة وصديقك السر
حسن عباس . يعنى أولاد المرحوم حفظ الله عباس هم أخوالى أشقاء والدتى
وأيضا أولاد المرحوم حسن عباس هم أخوالى أبناء عم والدتى .
جدى لآبى الحسن وجدى لامى حفظ الله هم أبناء عمومة , يعنى أبناء المرحوم
حفظ الله من ناحية والدى هم أعمامى , والأمر نفسه ينطبق على أولاد المرحوم
حسن عباس , حيث كان السائد فى ذلك الزمن أن يتم التزاوج بين الأهل فى
أضيق نطاق ممكن , بالضبط زى ما عندكم فى العسال . بالمناسة كثيرا ما كنت
أتردد على منزل عمك العمدة عوض القاسم والد زميلى اسماعيل فى مناسباتهم السعيدة
منها والحزينة , وقرية العسال الوادعة لديها مكان خاص فى القلب لطيبة أهلها
وكرمهم وأريحيتهم التى يغمرون بها كل من يأتيهم زائرا , والله يابركة انت ود عز
عديل كدا , الناس فى المنبر دا متخيلنك مرفعين جد جد.

Quote: قبطة

إزيك يا سيف
كدي قبل ما الساوي يجي يضبك متلبس بالخطأ
ويعمل ليك فيها حسي ملاسي
قوم أعمل تعديل كالتالي :
غبطة

حكم ان بحب القبطة جدآ
واول حبيبة لي كانت قبطية
ومابحب جبد سيرتهم بدون سبب

واللا شنو يا سي رأفت ميلاد ؟

المصحح مطشش

غلطاتك زاتا سيئة النية

Quote: ومابحب جبد سيرتهم

مرحب بيك يا ابوساندرا:

"قبطة"

تخيل تذكرت الخطأ دا قبل يومين تقريباً، وقلت لما القى طريقة اصححوا او اعدل الكلمة، لكن المكنة دورت وما لقيت طريقة... اشكرك على التذكير والتصحيح... دي واحدة من مشاكل الكتابة لما الواحد يكون جيعان!

عصام: الصاوي لسه عامل نايم!!

عزيزي سيف
انا لما كنت فاضي ليكم الإسبوع الفات قعدتوا تتزاوغوا، ولما انشغلت الإسبوع ده ظهرتوا، يعني اسوي ليكم شنو؟ كنت قد فقدت الأمل في انك تجي رغم انه اسمك مكتوب بالخط العريض في عنوان البوست واستغربت جدا ان تخطئة عيناك ..
عموما يا ابو نبتة منور جدا ونا سعيد بظهورك ولو بطريقة الخمشات ـ كان المرفعين خلى ليك حاجة تخمشها ـ.

Quote: ألف مرحب بيك يا الصاوي ونتمنى انك تتمكن من احتمال البورد (طبعاً احتمال كبير يكون إتعمل ليك بوست ترحيب واحتمال كبير اكون رحبت بيك قبل كده)، وماعارف هسع الذكرني قصة سفرك لأديس ابابا شنو!

قر قر قر قر قر
ما اضحكني انه مش اتعمل ليهو بوست ترحيب بس بل المضحك انك كنت تتضرع في بوست الترحيب كما لو كنت صاحبه ولك فيه ثلاث مشاركات دسمة ..
رحـــبــــــوا مــعــى بالمهــندس حــامــد الصــاوى ع...لمنبر واضافه نوعــيه
مالك يا سيف؟ الحصل ليك شنو؟

اتفق معك تماما في ديل فهم مقلين جدا
محمد عثمان دريج
محمد النعمان
محمود الزين
واضيف لهم احمد عثمان عمر، وان كنت اعتقد ان دريج والنعمان واحمد عثمان استطاعوا ببراعة تعويض الكم بالكيف فما يكتبونه في موضوع واحد ربما يعادل ما يكتب في ارشيف ربع عام في هذا المنبر من حيث المنفعة و الغزارة المعرفية والاسلوب وطريقة تناول الموضوعات ..
بالنسبة لي موضوعك "هل تتوفر في سودان اليوم مقومات الدولة-الامة" يا زول سمي وخش واكيد سوف يكون موضوعا شيقا واكيد سيتكالب عليك المهتمين بهذا النوع من القضايا ـ على قلتهم ـ، ولكني انصحك بالإنتظار لما بعد الأرشفة حتي يأخذ الموضوع حظه الوافي من الوقت والتناول ..
تعرف يا سيف عبارتك دي

Quote: ياللا يا اولاد دفعتي وروا الناس الحوار المحترم في البورد دا كيف

لخصت بها فكرة البوست الذي لم يتوفق عصام جبر الله ولا عمر بوب في إلتقاطها ..
آسف لإنقطاعي الأيام الفاتت وياخوي البيت بيتك تضرع فيه كما تشاء ورد ورحب وازجر من تشاء .. وتحياتي لنجوى و للجميلات نبتة ونسمة ونالا وكل الأصدقاء والصديقات طرفكم ..

عصام جبر الله كيفك

Quote: المصحح مطشش غلطاتك زاتا سيئة النية

خليهم البغلطوا غلطات بسؤ نية مثل المرفعين ابو ساندرا
انت الناس الغلطوا ببراءة وحسن نية هنا مذكراتي لـ 08|03|04 حصريا علي الاقل رحمتهم؟

Quote: عصام: الصاوي لسه عامل نايم!!

يعني عصامك ياهو المصحصح
كان ليك يا مصحح

أيقظهم الله الإتنين

ابو ساندرا سلامات

Quote: إزيك يا سيف كدي قبل ما الساوي يجي يضبك متلبس بالخطأ ويعمل ليك فيها حسي ملاسي

عليك الله ما تطفش لينا سيف ده، نحن ذاتنا ما صدقنا انه الشرك قبض

Quote: عزيزي الصاوي، لك الشكر على هذا الـ post ، فقد أعادني لسنوات و سنوات. آلمني جدا أن أعرف أن الصديق و الزميل احمد المجذوب قد غاب عن هذه الدنيا، له الرحمة و الغفران. التحايا لكل الزملاء و الزميلات الذين وردت أسماءهم . المأمون أبوسن

الأخ المأمون أبوسن تحياتي لك
آسف جدا لم انتبه لمشاركتك سوى الآن لأنها انحشرت في وسط المداخلات فأرجو ان تتقبل عذري ..
نعم لقد رحل عنا الأخ احمد المجذوب قبل سنوات في حادث حركة مؤسف في طريق شندي الخرطوم مخلفا وراءه سيرتة العطرة وتاريخه الناصع وسيبقى حيا في قلوبنا ما بقينا، له الرحمة ولنا الصبر ..

مرحبا بك اخي المأمون هنا وفي المنبر واتمنى الا تكون مقلا في كتاباتك ..

تعرف يا الصاوي الزول عامل ذي ساقية جحا
الوجع شديد من فقدان اعز الناس
الواحد ذي الخاشي ليهو فيلم في البلو نايل وبعد
شويه يبتهي الفلم وتمشي النشاط تلاقي كل الناس
لكن الحكايه دي يبدو انها نهاية البداية ولا
بداية النهاية الواحد ما عارف عامل ذي
كل الناس اعني كل الناس حتي السنجاب

Quote: تعرف يا الصاوي الزول عامل ذي ساقية جحا الوجع شديد من فقدان اعز الناس الواحد ذي الخاشي ليهو فيلم في البلو نايل وبعد شويه يبتهي الفلم وتمشي النشاط تلاقي كل الناس لكن الحكايه دي يبدو انها نهاية البداية ولا بداية النهاية الواحد ما عارف عامل ذي كل الناس اعني كل الناس حتي السنجاب

تعرف يا تبيدي دائما ما ارخي لذاكرتي حبالها واتركتها طواعية لتسبح في بحر الزكريات الجميلة فتتفتق الجراح التي اندملت بفعل الزمن تحت تأثير الشجون التي عادة ما تأخذني الى عوالم بعيدة كانت حافلة بشخوص بعضهم طوته الأرض تحتها والبعض الآخر فرشت الأرض اميالها لتحول بيننا وبينهم .. هذه الآرض يا ادريس يا صديقي بقدر ما هي خيره وطيبة بقدر ما هي قاسية وعنيدة ..
تعرف يا ادريس يا صديقي عندما ولجنا مرحلة الدراسة الإبتدائية نسينا بسرعة مرحلة ما قبل المدرسة واندمجنا في عالم جديد صاخب اكثر إثارة .. وعندما وصلنا للمدارس المتوسطة استصحبنا معنا اصدقائنا فلم نفتقد شيئا، وكذلك عند وصولنا للمرحلة الثانوية اغنتنا علاقاتنا الدراسية السابقة والتي في الغالب تكون هي نفسها علاقات الحي والمنطقة والمدينة عن التفكير في فقدان شئ، ولم يكن ذلك الإنتقال من مرحلة لأخرى شاقا بل كان اشبه بطي آخر صفحات كتاب ثم بداية كتاب آخر .. الأمر الذي سهل من ذلك الإنتقال عبر المراحل الدراسية المختلفة هو ان كل مرحلة كانت اكثر إثارة وجمالا من سابقتها .. ولكن لم يكن الحال كذلك عندما تخرجنا من الجامعة وعندما حملنا حقائبنا والقينا نظرة الوداع الأخيرة للجامعة كان رحيلنا اقرب لبتر الأعضاء دون مخدر، ولم يكن عالمنا الجديد مرحبا بل لم يكن حال البلد عموما ـ في اوائل سنوات الإنقاذ ـ يشجع على البقاء، فتلقفت المنافي اجسادنا وبقيت ارواحنا هناك .. نحن لو قدرنا نطور مقدرتنا الإكتسبناها في صغرنا على تجاوز المراحل الدراسية بدون ما تكون الزكريات عامل سلبي ومعوق ـ احيانا ـ للإنطلاق وخلينا محاولة التشعبط في الماضي الجميل واتعاملنا مع كل مرحلة زي كتاب الواحد لما يخلصو يختو بعيد ويمسك الكتاب البعدو لو قدرنا نعمل كده ما بتجينا عوجة ..
سعيد انا يا تبيدي انه الواحد نجح في انه يستنطق واحد من الجماعة القصدتهم وياريت تحاول تكتب ـ في اي حاجة ـ كلما تلقى ليك فرصة ..

كتب ود أختنا الصاوي

Quote: عليك الله ما تطفش لينا سيف ده، نحن ذاتنا ما صدقنا انه الشرك قبض

حاضر يا الحبيب
ومايصير في بالك إلا طيب

أما قصة خؤولتنا ليك
فنابعة من الرضاع المشترك بيني وبين خالك حسن عثمان
حيث رضعنا على صحن فول في مختلف مدارس العاصمة

Quote: حاضر يا الحبيب ومايصير في بالك إلا طيب أما قصة خؤولتنا ليك فنابعة من الرضاع المشترك بيني وبين خالك حسن عثمان حيث رضعنا على صحن فول في مختلف مدارس العاصمة

خلاص انت برضو ما يصير خاطرك الا طيب
موافقين على خؤلتك لكن ليس بالمعنى الديامي للخؤلة
وبعدين بيني وبينك مرات الأخوة بالرضاعة من صحن فول او بوش واحد بتكون اقوى من الأخوة بالرضاعة من شطر واحد ..

الصاوي الحبييب:

Quote: تعرف يا سيف عبارتك دي Quote: ياللا يا اولاد دفعتي وروا الناس الحوار المحترم في البورد دا كيف لخصت بها فكرة البوست الذي لم يتوفق عصام جبر الله ولا عمر بوب في إلتقاطها

تصويب:

دا ما كلامي أنا بل كلام اخونا بكري ابوبكر... واقتبسته لمناسبته لما كتبت... التصويب فقط من أجل حفظ لكل ذي حق حقه، وهكذا..

ازبيلا

كيف كده

يا سلام يا الصاوى
زكرتنا أيام جميلة وناسا عزاز
ما حارمنا عن مداومة الكتابة عل الزحمة الشديدة
وزمنك الما هولك ودى مشاغل كل ناس الداخل
زكرتنا الهجرة وبيت الاسرة هناك والعزف على الكمنجة
وعبد العزيز محمد الحسن واغنية
عازة الفراق بى طال وسال الدمع هطال
كتار العاوزين نجرهم
عبد الرحمن حسن
عصام خميس
مها سراج
عماد عيدروس

يا الصاوى
برضو عاوزين حسن ابو على
بدينا بمعاذوهاشم ويلا نحاول نقنع الباقين

الجميل ابوبكر
والله انا بالجد سعيد لي طلتك
وبعدين قصة الزمن الماهولك دي اكيد ممكن تلقو ليها مباصرة
انا سمعت انه الناس في السودان بقو سحرة عديل كده في إنجاز حاجاتهم اليومية بطرق عجيبة ومدهشة .. عليك الله حاول باصر ليك ساعة ساعتين كده كل اسبوع واكتب هنا عن اي حاجة .. ياخ في ناس هنا الواحد لو بطنو وجعتو ساي نجي نلقى عنوان البوست بالخط العريض بطني واجعاني .. عشان كده تعرف المواضيع الهايفة دي لن تنهزم وتتراجع الا بوجود مواضيع جادة وقيمة ومفيدة واحسب ان من بالخاطر هم الأقدر على الكتابة الأنيقة المتزنة التي تخاطب العقول والقلوب ..

Quote: عبد الرحمن حسن عصام خميس مها سراج عماد عيدروس حسن ابو على

اضفنا هؤلاء العمالقة للقائمة، ولكن حسب علمي عماد عيدروس يمتلك كلمة مرور ولكن يبدو انه يدخرها لليوم الأسود، وجميل انك بديت مع معاذ وهاشم ابوالليف وطبعا انت معروف عنك انك زول عملي جدا ومبادر ..
بالمناسبة سمعت مؤخرا انه هاشم عثمان ابو الليف بقى يقع من السرير بالليل وهو نائم ولا ادري مدى صحة هذه المعلومة لكن بيني وبينك انا لا استبعدها هاشم ممكن يعملها ..
خليك قريب يازول يا جميل

Quote: ازبيلا كيف كده

ايزابيلا تمام كتر خيرك يا اخوي

]دينا فيصل

اهو عندك واحد تاني مرق، بعد أو قبل ابوبكر عثمان، ما متذكر الترتيب....

ادريث تبيدي!

Quote: تعرف يا الصاوي الزول عامل ذي ساقية جحا الوجع شديد من فقدان اعز الناس الواحد ذي الخاشي ليهو فيلم في البلو نايل وبعد شويه يبتهي الفلم وتمشي النشاط تلاقي كل الناس لكن الحكايه دي يبدو انها نهاية البداية ولا بداية النهاية الواحد ما عارف عامل ذي كل الناس اعني كل الناس حتي السنجاب

ما لم أفهمه، ماذا قصد ادريس بزج "معاذ عبدالرحيم" في حكاية البداية والنهاية بتاعتو دي.. (معاذ أطلق عليه عثمان حسن "تمساح" اسم "السنجاب الصغير" لما كان في البرلم، ثم ترقى لـ سنجاب في السنوات التالية)...


وباللفة كدا:

كيفك يا ابوبكر، اتمنى ان تكون بخير، زمن طويل... وعريض..

سيف بشير كيفنك
مشتاقين

السنجاب دى كانت زمان
لو شفتو الان ما حتعرفوا
الزمن فعل فعايلو

ابوبكر الظريف

Quote: السنجاب دى كانت زمان لو شفتو الان ما حتعرفوا الزمن فعل فعايلو

في يوليو 2006، كنت في انتظار عبدالعزيز ومعي الصديقة منال احيمر في مكتبه... بعد لحظات جاء معاذ (التقيته قبل يومين من ذاك اللقاء امسية قدومي للسودان)، فبادر بالتحية لمنال وأدركت على الفور أنها لم تتعرف عليه، فاقتربت من اذنها هامساً "دا معاذ عبدالرحيم"... وكان مشهد "يقطع المصارين" بالضحك والدهشة!!

لكن من ينطبق عليه تعليقك "الزمن وفعايلو" هو خالد عايس: you have to see him to realize this

لو البوست دخل في حتة بتاعة صور وكدا ممكن تشوف...

"بعدين ياخ ما في طريقة تصغر صورة بروفايلك دي شووووية كدة؟ الاولاد اسمهم منو ومنو..

Quote: بعدين ياخ ما في طريقة تصغر صورة بروفايلك دي شووووية كدة؟

كده كيف يا سيف وابو بكر؟

Quote: الاولاد اسمهم منو ومنو..

خلاص ابو البنات داير يشرك

Quote: ما لم أفهمه، ماذا قصد ادريس بزج "معاذ عبدالرحيم" في حكاية البداية والنهاية بتاعتو دي.. (معاذ أطلق عليه عثمان حسن "تمساح" اسم "السنجاب الصغير" لما كان في البرلم، ثم ترقى لـ سنجاب في السنوات التالية)...

Quote: في يوليو 2006، كنت في انتظار عبدالعزيز ومعي الصديقة منال احيمر في مكتبه... بعد لحظات جاء معاذ (التقيته قبل يومين من ذاك اللقاء امسية قدومي للسودان)، فبادر بالتحية لمنال وأدركت على الفور أنها لم تتعرف عليه، فاقتربت من اذنها هامساً "دا معاذ عبدالرحيم"... وكان مشهد "يقطع المصارين" بالضحك والدهشة!!

نعم يا سيف لقد تغير السنجاب كثيرا واشتعل الرأس شيبا
فكرة الصور جيدة لكن افضل ان نفتح لها بوستا منفصلا بعد الأرشفة وكل واحد ينزل الصور القديمة والجديدة لعندو، وصلاح تمساح والداف عندهم مجموعة ما بطالة من الصور وانا برضو عندي عدد من الصور ممكن اشارك بيها وبرضو الوالد ياسر حنا ده امد الله في ايامه

عندو البوم مليان صور وممكن ينزلها لينا

Quote: دينا فيصل

جدا يا خال اضفناها وعليك الله كتر لينا من امثالها

...
لكن ما بالغت يا عصام جبرالله

لكم فعلاً الجمال..
أيها الجميلين
الأحاسيس بتفتش ليكم
زي فتيش حامد وأبوعاقلة لبهارات..الجدادة

حامد أو مرة شفتو بمثّل في الجامعة كانت الحركة المثلها..
وقعة.. وقد وقع فعلاً وقعة بالجد بالجد
ومن وكتها حجز موقعو كممثل
وياخي والله انت.. صاح
أي واحد فيكم.. بحر من الجمال

ساظل أحبكم..

الساوي
شكراً جداً

بعدين والله في خرمجة حاصلة في مسألة الضب دي
وأعتقد المسئول الوحيد عن الخرمجة دي إدريث تبيدي

وعصام جبرالله أكتر واحد عارف إنو أمير الضب هو أمير حسن

تصدق يا الساوي أنا من شدة الهرجلة والغياب عن حوش بكري ابوبكر دة ما عرفت ذاتو دخول تبيدي وحامد الحوش..

بالمناسبة انت حكاية "ساوي" دي حرقتك ليه..
مع إنو أنا كررتها بدون..
مطر حبش .. ولا ديك
حبش


صاوي..
لك الحب.. وكمنجة وعود شحمااااااااان كدة..
وأؤكد لكم أيها الأحبة..
أن ما غرسته فيني الجبهة الديمقراطية..
لم ولن ينبت إلا ما بجمال وروعة قاماتكم جميعاً
ولا أعتبركم تاريخاً أو زمنا مضى..
وأشعر أنكم بجانبي.. دوماً
وأنا أسعى لإضافة أضواء وألوان إيجابية في حياة
جوري وعمر..

الحق يا الصاوي:

ضب "شمبات" مرق!!!

"شمبات" لزوم التفريق بين الضبين، وهكذا كانت التسمية للاميرين: ضب الاقتصاد وضب شمبات ودونكم ومصطفى النقيب واميمه سيد احمد ولفيف من اصدقاء وصديقات الزمن الجميل...

Quote: والعشرة الذين اتمنى إنضمامهم للمنبر كان بكري هون هم: 1 ـ إبراهيم فتح الرحمن 2 ـ مجتبى محسي 3 ـ مصطفى النقيب 4 ـ اسحاق النوش 5 ـ هاشم عثمان 7 ـ محي الدين الجلاد 8 ـ عبد اللطيف عثمان 9 ـ قرشي ادريس 10 ـ محمد ابراهيم حميدة (ابو النوم)

as I Male feminist, I wonder why there were no women in this list
I immediately thought about activists within your circle such as Sieren Awadalla and Zeinab Ayega....


mohamed elgadi

Quote: وعصام جبرالله أكتر واحد عارف إنو أمير الضب هو أمير حسن

كنت قد دعوت سرا بقولي اللهم اعز هذا البوست بضب او سنجاب او تمساح فاستجاب الله دعائي واكرمني بضب وما زلت اعشم في صلاح تمساح، رغم انني هاتفته البارحة وعرفت انه متابع لما يدور هنا وفكر في المشاركة ولكنه غير رأيه لأسباب غير مقنعة ..
والله منورنا كتير يا امير، وبعدين يا خوي انت بتغيب كده بتمشي وين؟ فترات انقطاعك مرات بتكون بالشهور ..

Quote: بالمناسبة انت حكاية "ساوي" دي حرقتك ليه.. مع إنو أنا كررتها بدون.. مطر حبش .. ولا ديك حبش

ابدا والله انا بقيت متعايش مع اسم الساوي بسلام شديد والأمريكان 12 سنة شابكني الساوي الساوي لانو حرف الصاد ده ما عندهم و بهزر مع المرفعين ابوساندرا ساي ..

Quote: صاوي.. لك الحب.. وكمنجة وعود شحمااااااااان كدة.. وأؤكد لكم أيها الأحبة.. أن ما غرسته فيني الجبهة الديمقراطية.. لم ولن ينبت إلا ما بجمال وروعة قاماتكم جميعاً ولا أعتبركم تاريخاً أو زمنا مضى.. وأشعر أنكم بجانبي.. دوماً وأنا أسعى لإضافة أضواء وألوان إيجابية في حياة جوري وعمر..

ونحن نبادلك حبا بحب يا امير فمكانتك في الفؤاد باقية ما حيينا، وياريت تنزل لينا صور السحالي جوري وعمر بس ان شاء يكونوا بيشبهوا امهم ..

محمد القاضي سلام

Quote: as I Male feminist, I wonder why there were no women in this list I immediately thought about activists within your circle such as Sieren Awadalla and Zeinab Ayega

لم انتبه الى عدم وجود نساء بالقائمة إلا بعد تعليقك الذكي، لكن العشرة ديل كلهم activists ولو قدرنا نجرهم لي هنا اكيد حا يكونوا مكسب كبير واضافة نوعية ممكن تغير كتير من وجه المنبر ..
ونضيف للقائمة
Sieren Awadalla
Zeinab Ayega
شكرا ليك كتير يا دكتور

والله شاكر ليك كتير يا صاوي..
على هذا الحوش الإتكاءة
وأكيد بنكون محتاجين لحاجات زي دي.. دوماً
شباب زي الورد
زمان وهسة وبعدين
إزيكم كلكم وأبقواعافية

أنا فعلاً كسلان في مسألة الكتابة دي
المشغولية حاصلة ما في شك.. لكن لا أعتقد إنها تصلح شماعة
عموماً الله يسهّل
وإثباتاً لحسن النية يا صاوي
دي صورة جوري (6 سنة وشوية)





ودي صورة عمر (5 سنة وشوية)





حبي لكم جميعاً..


الغريبة حاولت أزوغ من حكاية الضب دي.. مشيت أهبش بهناك مع طارق أبوعبيدة في بوست كدة برضو باغتني بيها..

ياخ ضب ضب المهم إني أنتمي لجمالكم وتاريخكم وعشمكم في المستقبل

شكؤا يا صاوى
سيف بشير مدنى دى حكايتك معاها شنو تجى نسأل منك يقلوا مشى مدنى
لما الاجازة تكمل تكون فى مدنى
مرحبا باباء البنات بس الصف طويللو ما بيملوا الانتظار
شفع الزمن دة من أسة يختوا ف شروطهم ومواصفاتهم
معاذ واقف فى الصف لكن عندنا فيهو رأى
الابناء هما عمرو (5 سنوات) وعمار (سنة ونصف)

الصاوى زى ما بقول صديقى مجتبى محسى
دى لمة التأريخ !!


طبتم

Quote: زى ما بقول صديقى مجتبى محسى

يا زولة بطلي الاستهبال بتاعك ده

عرفنا عرستيهو براك
عاوزة تزاحمينا في "صديقي" كمان؟

الطمع ودر ما جمع ...

و مشتاقون جدا

عدنا و لا نامت اعين الكهول ـ ابوساندرا و صديق الموج و من لف لفهم -

شايف القصة بقت غابة عديييل كده سناجب و ضببة و تماسيح

كافي البلا مافي زول لقبو كروان و لا بلبل
(وتذكر اسامة عصفور والقم نفسه درابة ـ و ده لقب لا صلة له بالزول ، مفروض يلقبوهو قودزيلا او زرافة او ما شابه)

المهم،

واحد من الذ ناس الايام ديك لميت في ايميلو و بدينا نتكاتب و جدع لي كم صورة كده، ده بعض منها


الايام الفاتت دى كنت في شبه غيبوبة، عشان كده احسن نسال، هل نزل بوست او خبر انو معاذ و ابو الليف انضموا للبورد؟

الاجابات بدون تريقة و طولة لسان

عصام
سلامتك زتبرأ انت من الألم
معاذ وابو الليف اقنعتهم بالانضمام للبورد وفى انتظار بكرى ليقبل عضويتهم
وعبد المنعم آدم ايضاً له الرغبة فى الانضمام يلا نثنى طلبه
يبدو انو بوست الصاوى ده نكت الفى الجحور
ايضاً حسن ابو علىفى الانتظار واليومين دى هو فى قمة النشوة والسبب خليهو فى سرك

عصام
كلامك ده بجيب كلام انت ما قدره والا قدره ما عارفه

سهام:

كيفك (كتبت ليك في بوست سابق أن ترسلي رقم هاتفك على ايميلي [email protected])


طيب: هسع الولد دا نخاطبو كيف بعدما "استحوذت" على كلمة "صديقي" (استلفنا فهم عصام لاستحواذك)!


وبالمناسبة هو مالو ما بعرف يكتب









وللا مافي زول بقدر عليو

شكرا ليكم كتير يا شباب
اليوم الأثنين 31 مارس وهو اليوم المحدد للأرشفة وبعد سويعات سوف يذهب هذا البوست للمتحف ولن نتمكن من الكتابة فيه .. ولكن العزاء إننا نجحنا في اخراج الضب من جحره وتمكنا من جرجرة تبيدي وليس فقط استطعنا ان نجعل ابوبكر يدخل لهذا الفضاء بصورة شبه يومية ولكن يبدو ان جهود ابوبكر سوف تجعل امر وجود معاذ، ابوالليف، منعم وابوعلي بيننا هنا ممكنا وسوف يكون هذا الخيط قد حقق بعض اغراضه ..
احبتي
إنعام سعد
محمد إدريس
صلاح عبد الله
أبو ساندرا
عصام جبر الله
محمد مكى محمد
حامد الصاوي
فارس موسى
عاطف مكاوي
المأمون أبوسن
عمر بوب
فيصل عثمان الحسن
صديق الموج
سيف بشير
ادريس تبيدي
سيف مساعد
ابوبكر عثمان
امير فاروق
محمد القاضي
سهام المجمر
لكم جميعا عاطر محبتي وشكري على اهتمامكم بهذا الخيط ومشاركاتكم الرائعة واتمنى ان نلتقي في خيوط اخرى اكثر رحابة واتساعا تزينها اقلام المقلين والذين تمنينا وجودهم معنا ..

الصاوي

ياحبيبنا الصاوى
لقيت الصورة دى قلت اشارك بيها فى بوستك الرجعنا 20 سنة لوراء
شكرا لكل المشاركين

يا الله يا بكري
من اليسار ابوبكر عثمان، عادل سيد احمد، المرحوم احمد المجذوب، معاذ عبد الرحيم، الزول البعد معاذ ومدخل يدينه في جيوبو ده ما عرفتو لكن فيه شبه من المرفعين ابو ساندرا والإثنين العلى اليمين ديل برضو ما عرفتهم .. عصام اكيد حا يكون اتعرف عليهم السبعة ..
شكرا ليك يا بكري، وبالمناسبة عندنا فكرة نفتح بوست لصور الجامعة القديمة لازم تشاركنا فيهو بي مجموعة الصور العندك .. وشكرا ليك برضو لأنك نقلت لينا ده البوست لربع العام الجديد ونفخت فيهو ثلاثة شهور عمر ..

Quote: والإثنين العلى اليمين ديل برضو ما عرفتهم

الاخير دا قطع شك حمدي (آداب)، والقبلو فيه ملامح من علي فرفور (هندسة) لكن لا اجزم..

يا ناس يا كبار
ابوبكر عثمان طلع دبيب من القرون الوسطى ما شفتوهو وسط الحسس تقولوا ممتحن أساس
عندي تلفون غسان جعفر لكن كسلااااان الزول ده


عاوزين صورة الشهيد بشير الطيب
البوست ده سموهو أبيض وأسود أو من الأمس


إنتو ليه خلقتو فراغ وما سلمتو الراية للجيل البعدكم ... بقت البلد خلاء

أقلاها اكتبوا هنا

Quote: [قال أحد الزملاء الدجاجة دي لو ختيتها مع باقي الدجاج ح تكون خالفت قوانين الجودةرد عليه اخر الأمانة الثورية تستوجب أن نبعدها من الدجاج المعروض للبيع رد ثالث أنا ضد أي قروش حرام تدخل ميزانية الجبهة الديمقراطية في النهاية قرر الزملاء طبخ الدجاحة للعشاء ... و اقترحوا أن اطبخها لهم بحكم دراستي بمصر و معرفتي ب شئون الحلل.

طبختوا الدجاجة وما في ســما عقب النار .بالعافية

Quote: كانت عشوة جميلة و طلعت حلة مسبكة بدجاجتين مش واحدة

السلام عليكم يا شـيبان و ونسـتكم ممتعــة بس اســمحوا لي اتحشـر
شــوية واســألكم دفعتوا قروش الدجاج الأكلتوا دا ؟, ولاحظوا كانت
دجاجة من فـــم الكديســة بقت دجاجتين ( بكرم حاتمي من حامد الصاوي )
والله يا حامد قلنا ندخل هنا ندفعك حق الدجاجتين كالآتي :-
قيمـة دجاجتين × عـدد السـنين × معدل التضخم + غرامة تاخير = ؟ ,
يعني المفروض تدفع ذي مليون جنيه كدا ) والحســاب ولـد علشــان الواحد يقـرأ ونستكم دي
من غير ما ينشـغل كتير بموضوع القروش دا , بس أدفع ســاي يا حامد

الصاوي كيفك:

Quote: الابناء هما عمرو (5 سنوات) وعمار (سنة ونصف)

الشرك "طرشق!! أصغر واحدة في البنات "نولي" كملت 6 سنوات يوم 21/03/2008

سيف والله نولي كبرت وزي القمر ما شاء الله لكن كانت بتشبهك كثير لما كانت صغيرة وهسه شبهها لي نجوى بقى اكثر .. وبعدين نجوى دي ذاتها من كبار المقلين في هذا المنبر ارجو الا يكون توقفها عن الكتابة لاسباب صحية ..

Quote: الشرك "طرشق!!

يا زول البحر ملان سمك وقطع شك شركك حا يقبض عاجلا ام آجلا ..

الأخ عبدالله احيمر سلامات

Quote: اســمحوا لي اتحشـر شــوية

يا زول حبابك الف والبيت بيتك وسل ما تشاء

Quote: السلام عليكم يا شـيبان و ونسـتكم ممتعــة بس اســمحوا لي اتحشـر شــوية واســألكم دفعتوا قروش الدجاج الأكلتوا دا ؟, ولاحظوا كانت دجاجة من فـــم الكديســة بقت دجاجتين ( بكرم حاتمي من حامد الصاوي ) والله يا حامد قلنا ندخل هنا ندفعك حق الدجاجتين كالآتي :- قيمـة دجاجتين × عـدد السـنين × معدل التضخم + غرامة تاخير = ؟ , يعني المفروض تدفع ذي مليون جنيه كدا ) والحســاب ولـد علشــان الواحد يقـرأ ونستكم دي من غير ما ينشـغل كتير بموضوع القروش دا , بس أدفع ســاي يا حامد

انا متأكد يا اخ عبد الله من انه سؤآلك ده من باب المزاح ولكنني سأجيب عليه، لقد كنت المسئول المالي للجبهة الديمقراطية بالجامعة في ذلك الوقت والمسئول عن الأنشطة والفعاليات التي تقيمها الجبهة الديمقراطية بغرض ال Fund raising في ذلك العام ـ يعني حامد لا يعتبر مسئولا عن اي فروقات مالية او دجاجية ـ بعد نهاية الفعالية التي اشار اليها الأخ حامد قدمت تقريري الكامل المفصل لحركة الشراء والبيع لكل السلع التي تم عرضها وبيعها من سكر وشاي وصابون وسجائر ودجاج و أرز ودقيق وغيرها من السلع الإستهلاكية في ذلك اليوم وقد اشرت في تقريري لفرق الدجاجتين اللتين كانتا عشاء لزملاء جوعى ومفلسين ظلوا يعملون في التحضير للمعرض حتى الساعات الأولى من الصباح، وقد اجازت اللجنة المركزية للجبهة الديمقراطية بالجامعة التقرير و شرفتي وكل الزملاء الذين شاركوا في تنظيم ذلك اليوم بصوت شكر واشادة .. يعني المليون حقك ده حامد غايتو إلا يدفعه ليهم تبرع ساي ..
بالمناسبة هل لك اي علاقة قرابة بمنال ورباب احيمر؟

يا الصاوي:

كنت قايل نفسي براي الانضربت ذاكرتو... عاين صاحبك ابوبكر، يبدو انو نسى اني من مدني!

Quote: سيف بشير مدنى دى حكايتك معاها شنو تجى نسأل منك يقلوا مشى مدنى

وطبعاً بعد ما يشوف صورة نولي، حا يضطر يمشي على معاذ، على الرغم من رايو فيو

Quote: معاذ واقف فى الصف لكن عندنا فيهو رأى

ابوبكر:

تحياتي مرة ثانية

وتحياتي للشباب الرائعين ديل كمان:

Quote: عبد الرحمن حسن عصام خميس مها سراج

"قول لي عبدالرحمن وعصام انو النسخة الوحيدة من شريط الفيديو مدني -مارس 2000 - باظت" (اكيد عصام حا يفرح بالخبر دا)

سيف

طيب

الصاوي طفش تاني!!

hi all
sorry for rare contribution
now adays I am in Japan and so busy
I will come back later

يا ايوبكر عثمان
طرشقت لي برنامج الايستر الاخير في لندن
قعدت حرستكـ و انت ما جيت
مالكـ إنشاء الله خير ؟

يا طارق..

Quote: برنامج الايستر الاخير في لندن

أيوااااا!!!!!


ولل تكون قاصد لندن الفي كندا؟

ما بوظو بكور لكن يا سيف
ود جبرالله شبكني بكري حا يجيني و يمشي المانيا و حا يجيكـ في الايستر
ولا بكري جا ولا نحن نزلنا كسلا * .. الله غالب
كان علي الاقل شفناكـ و اتغدينا معاكـ
عامل غداكم اللذيذ داكـ







___
* نكتة الهدندوي الشهيرة

ويا ربي بكري ما عندو اي نية جية تاني، عشان "على الأقل" تشوفنا!

كدي خلي موضوع الغدا دا بالجنبة..

سيف قلت شنو بخصوص الغداء
جنبة ولا جِبنه

سيف لسة الذاكرة نشطة
بس حكاية الاجازة كلها فى مدنى ما مبلوعة

طارق كانت النيةوصولك لكن مستجدات الامور لم تسمح بذلك
سنعوضكم لها مرة ثانية ونختف رجل لحدى ناس لندن