Post: #1 Title: في سباق ال 50 المسابق يحطم الرقم السابق لسلمي الشيخ سلامه و يفوز بالذهبية Author: Abu Eltayeb Date: 03-30-2008, 04:31 AM Parent: #0
هو اليوبيل الذهبي كم سنه؟
Post: #2 Title: Re: في سباق ال 50 المسابق يحطم الرقم السابق لسلمي الشيخ سلامه و يفوز بالذهبية Author: Abu Eltayeb Date: 03-30-2008, 04:39 AM
50 شمعة
Post: #3 Title: Re: في سباق ال 50 المسابق يحطم الرقم السابق لسلمي الشيخ سلامه و يفوز بالذهبية Author: محمد سنى دفع الله Date: 03-30-2008, 05:15 AM Parent: #2
ملايين السنوات الضوئية توهجي سلمى الشيخ سلامة
Post: #4 Title: Re: في سباق ال 50 المسابق يحطم الرقم السابق لسلمي الشيخ سلامه و يفوز بالذهبية Author: هشام هباني Date: 03-30-2008, 05:26 AM Parent: #3
العزيز لطفي
سلامات
كل عام وانت بخير وان شاء الله تطفي الشمعة الالف غايتو بتكون عامل ازمة شمع في كلDFW
مودتي واحتراماتي
Post: #5 Title: Re: في سباق ال 50 المسابق يحطم الرقم السابق لسلمي الشيخ سلامه و يفوز بالذهبية Author: سلمى الشيخ سلامة Date: 03-30-2008, 09:35 AM Parent: #4
الف مبروك وعقبال تطفى الشمعة المية امنياتى لك بحياة سعيدة مديدة ملؤها الامل والتفاؤل ان الباكر هو الاحلى ان الغد هو الاجمل يا مولود فى برج الامل تفاءل يا مولود فى قلب الامل كن اكثر تفاؤلا مودتى
Post: #6 Title: Re: في سباق ال 50 المسابق يحطم الرقم السابق لسلمي الشيخ سلامه و يفوز بالذهبية Author: Abu Eltayeb Date: 03-30-2008, 04:18 PM Parent: #5
Quote: ملايين السنوات الضوئية توهجي سلمى الشيخ سلامة
محمد السني المبدع كل ما رايتك اتذكر الاحباء العميري, مهلب علي مالك (فوكس) محمد نعيم سعد وفي الجانب الاسري اولاد امين اخر مره قابلتك فيها في مطعم الفيتامينات
بس الموضوع سلمي تعدت تلك المرحلة وتحطم الرقم القياسي و للاسف و في سرك
لطفي
Post: #7 Title: Re: في سباق ال 50 المسابق يحطم الرقم السابق لسلمي الشيخ سلامه و يفوز بالذهبية Author: Abu Eltayeb Date: 03-30-2008, 04:24 PM Parent: #6
Quote: العزيز لطفي
سلامات
كل عام وانت بخير وان شاء الله تطفي الشمعة الالف غايتو بتكون عامل ازمة شمع في كلDFW
مودتي واحتراماتي
ودهباني الف شمعه المساله فيها احباط شديد غايتو الله يستر علي الشمع الاحمر و العطاءات المغلفة بعد شوفو ليكم لمبات جاظ (ز) للسواقين
كدي مسئول من الخير دي صورة منو و عمره كم؟
اشواق 50 سنة ضوئيه
لك ودي
لطفي
Post: #8 Title: Re: في سباق ال 50 المسابق يحطم الرقم السابق لسلمي الشيخ سلامه و يفوز بالذهبية Author: Abu Eltayeb Date: 03-30-2008, 04:31 PM Parent: #7
Quote: الف مبروك وعقبال تطفى الشمعة المية امنياتى لك بحياة سعيدة مديدة ملؤها الامل والتفاؤل ان الباكر هو الاحلى ان الغد هو الاجمل يا مولود فى برج الامل تفاءل يا مولود فى قلب الامل كن اكثر تفاؤلا مودتى
سلمي بت الشيخ سلامة (البك) طبعا سنونك الاخيره ظاهره لتحطيم الرقم القياسي لليوبيل الذهبي المهم طلعتي اجدع من هشام هباني و عقبلتيني بالميه وهو ناولني بالمليون
اما الغد هو الاجمل و تفاءل دي فيها قولان
مودتي (از ول) as well
لطفي
Post: #9 Title: Re: في سباق ال 50 المسابق يحطم الرقم السابق لسلمي الشيخ سلامه و يفوز بالذهبية Author: Abu Eltayeb Date: 03-30-2008, 04:33 PM Parent: #8
والله انا قبل عشرة سنوات كنت شاعر انو الامر ما ياهو
لطفي
Post: #10 Title: Re: في سباق ال 50 المسابق يحطم الرقم السابق لسلمي الشيخ سلامه و يفوز بالذهبية Author: Abu Eltayeb Date: 03-30-2008, 04:38 PM Parent: #9
اسع تجي الخاله ناجيه مصطفي و تقول لي خالة برضو؟ اظهر علي حقيقتك عليك الامان بان المكشوف
Post: #11 Title: Re: في سباق ال 50 المسابق يحطم الرقم السابق لسلمي الشيخ سلامه و يفوز بالذهبية Author: Abu Eltayeb Date: 03-30-2008, 04:41 PM Parent: #10
Quote: ملايين السنوات الضوئية توهجي سلمى الشيخ سلامة
Post: #12 Title: Re: في سباق ال 50 المسابق يحطم الرقم السابق لسلمي الشيخ سلامه و يفوز بالذهبية Author: Masoud Date: 03-30-2008, 05:02 PM
بالله شوفو الأولاد و البنات الصغار ديل. جنونا خمسين خمسين !! اسرعوا نحن راجنكم قدام بعيد !!!
Post: #13 Title: Re: في سباق ال 50 المسابق يحطم الرقم السابق لسلمي الشيخ سلامه و يفوز بالذهبية Author: Abu Eltayeb Date: 04-01-2008, 03:18 AM Parent: #12
Quote: بالله شوفو الأولاد و البنات الصغار ديل. جنونا خمسين خمسين !! اسرعوا نحن راجنكم قدام بعيد !!!
اسلم فمك يا عمو مسعود اهدي المحرية فيك, اها نحن في خطراتكم
لطفي
Post: #14 Title: Re: في سباق ال 50 المسابق يحطم الرقم السابق لسلمي الشيخ سلامه و يفوز بالذهبية Author: Abu Eltayeb Date: 04-01-2008, 03:21 AM Parent: #13
شكرا يا بكري يا هندسه رغما من عدم تدخلك في المباركة او الكفارة لكن بعتبره منك هدية لنقل البوست للارشفة القادمة
لطفي
Post: #15 Title: Re: في سباق ال 50 المسابق يحطم الرقم السابق لسلمي الشيخ سلامه و يفوز بالذهبية Author: tarig almakki Date: 04-01-2008, 06:35 AM Parent: #14
لطفي ود خالتي الصغير كل سنة وإنت طيب وكل الأماني والإشتهاءات تحقق وربنا يخليك للطيب والبنات ونشوفك بخير وعافية دايماً آمين
وعقبال تحطم رقم خالتك ناجية الحالي
Post: #16 Title: Re: في سباق ال 50 المسابق يحطم الرقم السابق لسلمي الشيخ سلامه و يفوز بالذهبية Author: مامون أحمد إبراهيم Date: 04-01-2008, 06:52 AM Parent: #15
لطفى بطل إستهبال , وإعترف
خمسين واللا ستين ؟!!!
Post: #17 Title: Re: في سباق ال 50 المسابق يحطم الرقم السابق لسلمي الشيخ سلامه و يفوز بالذهبية Author: عاطف عمر Date: 04-01-2008, 08:07 AM
عزيزي لطفي كل سنة وأنت أكثر نضاراً وعطاء وإيماناً وتقوى وهدى وكل سنة وأنت وأحبابك بألف خير وصحة وعافية
_____________________________
ما كنا قايلين روحنا مصاحبين لينا ناس ( عواجيز ) قدر دا
Post: #18 Title: Re: في سباق ال 50 المسابق يحطم الرقم السابق لسلمي الشيخ سلامه و يفوز بالذهبية Author: ناجية مصطفى Date: 04-01-2008, 08:12 AM Parent: #17
الأبن الغالى لطفى كل سنة وأنت طيب ياأبو الطيب وعقبال تطفى الشمعة المية تحياتى للاولأد والله مشتاقين شديد لك كل الود خالتك ناجية
Post: #19 Title: Re: في سباق ال 50 المسابق يحطم الرقم السابق لسلمي الشيخ سلامه و يفوز بالذهبية Author: Abu Eltayeb Date: 04-03-2008, 06:32 AM Parent: #18
Quote: وعقبال تحطم رقم خالتك ناجية الحالي
الرقم ده الا سيدنا نوح
تسلم ود خالتي وسلامي للضحيه مازن ابوه بهتو ساكت
لطفي
Post: #20 Title: Re: في سباق ال 50 المسابق يحطم الرقم السابق لسلمي الشيخ سلامه و يفوز بالذهبية Author: Abu Eltayeb Date: 04-03-2008, 06:35 AM Parent: #19
Quote: لطفى بطل إستهبال , وإعترف
خمسين واللا ستين ؟!!!
عم مامون انت الشئ ما بطمن الزول ساكت
ود اخوك لطفي
Post: #21 Title: Re: في سباق ال 50 المسابق يحطم الرقم السابق لسلمي الشيخ سلامه و يفوز بالذهبية Author: Abu Eltayeb Date: 04-03-2008, 06:37 AM Parent: #20
عاطف الدفعه القدامنا قلت لي المهدي فتح الخرطوم سنة كم؟
انتم السابقون و نحن اللاحقون و لن تناموا ابدا لطفي
Post: #22 Title: Re: في سباق ال 50 المسابق يحطم الرقم السابق لسلمي الشيخ سلامه و يفوز بالذهبية Author: Abu Eltayeb Date: 04-03-2008, 06:40 AM Parent: #21
Quote: كل سنة وأنت طيب ياأبو الطيب
وانت طيبة ياخاله يا طيبه طبعا هدي تعدت المرحلة دي زمااااااان
ود اختك لطفي
Post: #23 Title: Re: في سباق ال 50 المسابق يحطم الرقم السابق لسلمي الشيخ سلامه و يفوز بالذهبية Author: Abu Eltayeb Date: 04-03-2008, 06:42 AM Parent: #22
عشان كده ناس ال 14 ما بدورو كلمة 50 خالص عشان كده ده السبب
Post: #24 Title: Re: في سباق ال 50 المسابق يحطم الرقم السابق لسلمي الشيخ سلامه و يفوز بالذهبية Author: haroon diyab Date: 04-05-2008, 11:29 AM
كلها سعادة وفرح.... وخمسين زيها.... كلها صحة وعافية...
لكن مافرتك فهمي لامن لقيتوا ....! اوعك تقول لي ماياهو ....!
كل ودي هارون دياب
Post: #25 Title: Re: في سباق ال 50 المسابق يحطم الرقم السابق لسلمي الشيخ سلامه و يفوز بالذهبية Author: mustafa bashar Date: 04-05-2008, 04:57 PM
تحيات ما لها حد وامنيات خالصة لحد الشوق وزيادة لسلمي الشيخ تسلمي لي .. ولنا .. ولهم مع تحياتي واجمل الاعياد عندك
Post: #26 Title: Re: في سباق ال 50 المسابق يحطم الرقم السابق لسلمي الشيخ سلامه و يفوز بالذهبية Author: Abu Eltayeb Date: 04-10-2008, 05:12 AM Parent: #25
Quote: اوعك تقول لي ماياهو ....!
كل ودي هارون دياب
Finaly Yahooooooooooooo
واخيرا وجدها وجدها وجدها
لك الود
لطفي ابو 50
Post: #27 Title: Re: في سباق ال 50 المسابق يحطم الرقم السابق لسلمي الشيخ سلامه و يفوز بالذهبية Author: Abu Eltayeb Date: 04-10-2008, 05:19 AM Parent: #26
Quote: تحيات ما لها حد وامنيات خالصة لحد الشوق وزيادة لسلمي الشيخ تسلمي لي .. ولنا .. ولهم مع تحياتي واجمل الاعياد عندك
الاخ مصطفي بشار
تشكر للمرور وسوف نرسل تهنئتك للاخت سلمي بس انت داخل غلط زي اخونا محمد السني دفع الله و كل واحد ياخذ قرشو وينزل المحطه الجاية سلمي تعدت المرحلة دي و الرقم الجديد حطم رقم سلمي
تسلم
اخوك لطفي
Post: #28 Title: Re: في سباق ال 50 المسابق يحطم الرقم السابق لسلمي الشيخ سلامه و يفوز بالذهبية Author: Abu Eltayeb Date: 04-10-2008, 05:30 AM Parent: #27
Quote: كدي خلينا نباري سباق ال 50 ده نشوف حيودينا وييييييييييييييييييييييين ....؟
انا شن خبرني اسال سلمي و لا اقول ليك اسال خالتك ناجيه و لا عمك مامون
Post: #29 Title: Re: في سباق ال 50 المسابق يحطم الرقم السابق لسلمي الشيخ سلامه و يفوز بالذهبية Author: malamih Date: 04-10-2008, 06:48 AM Parent: #28
ها ولقد بلغ راكب الدراجة النارية الخمسين عاما..!
لطفي علي لطفي .. أستاذ إبن أستاذ.. زاملته وخبرته وعرفته في بنك الخرطوم في صباح يوم من شتاء عام 1982 .. كان موظفي البنك يطلبون سلفية لشراء سيارة إلا لطفي فلقد طلب سلفية لشراء موتر..! وأشترى الموتر وإبتاع له خوذة لتقيه من صدمات الرأس .. كنت قلقآ عليه وتوقعت له ميتة على قارعة الطريق كمثل صديقي وزميلي محمد عبدالكريم صقر في ثانوية الخرطوم القديمة العليا.. فلقد كنت ملحآ على والدي لشراء موتر لي يعيني على مشوار الصباح من البيت في الإمتداد ألى الخرطوم الثانوية في خرطوم الجامعة عند نفق بري والتدريب المهني.. وافق والدي على شراء الموتر لي .. ولكن الوالدة إعترضت بأن أسهل أن أركب الليوث من أن أركب الموتر! وكان يوم الخميس المشؤوم .. جئت ألى المدرسة صباحا حيث تحدثت مع صديقي محمدعبدالكريم بأن والدي قد قرر شراء الموتر لي وأنني أريد شراء نفس ماركة الموتر الهوندا خاصته .. قال لي محمد الصقر سأكون معاونك في شراء نفس ماركة موتري لأنني أعرف صاحب الشركة التي تستورد المواتر.. كانت تصفيات الدورة المدرسية لكرة القدم قد بدأت.. وكان لدينا في نفس يوم الخميس مباراة مع الكلية القبطية الخرطوم.. لذا تم إطلاق سراحنا مبكرآ في تمام الساعة الحادية عشر صباحآ.. لكي نتمكن من الحضور ألى أستاد الخرطوم مبكرآ لتشجيع فريق مدرستنا.. ونحن نخرج بعد إنتهاء اليوم الدراسي القصير لأستقل المواصلات العامة عائدا للبيت أن رأيت الشهيد محمد عبدالكريم صقر راكبآ على دراجته البخارية ,, وعند نفق بري رفع لي يده مودعا و مؤكدآ لقاء يوم غد الجمعة لشراء موتري.. وقال لي (see you at the game) .. وما أن عبر النفق حتى سمعنا صوت فرملة قوية و صوت إصطدام بشئ ما .. فهرعنا لنشاهد مالذي حدث ..!! لنفاجأ بكومر من النقل المكانيكي بحرى واقف وتحته يقبع موتر محمد عبدالكريم صقر .. لقد دهسه ذلك الكومر ورأيت شعيراته تتطاير من تحت الموتر وتقبع من أجزاء مخه شظايا تناثرت هنا وهناك .. مات صديقي محمد عبدالكريم يومها .. وبدلآ من أن نشاهد ونشجع فريق مدرستنا ذالك المساء ليلاعب فريق الكلية القبطية كنا نقف مصدومين و حزينين نودع أخانا و زميلنا الشهيد محمد عبدالكريم الصقر لنواريه الثرى في مقابر الجريف... وسط صدمة أهله كاملة ووالديه!
و من يومها كرهت المواتر..! وكرهت الكوامر الرمادية.. وكرهت النقل الميكانيكي ....!!!
أواصل..
Post: #30 Title: Re: في سباق ال 50 المسابق يحطم الرقم السابق لسلمي الشيخ سلامه و يفوز بالذهبية Author: Abu Eltayeb Date: 04-11-2008, 04:07 AM Parent: #29
الاخ ملامح
الله العبره خنقتني و الدموع امطرت لؤلا انها قصة حزينة رحم الله صديقك و جعل الله الجنة مثواه وعوض الله اهله خير العوض
صديقك لطفي
Post: #31 Title: Re: في سباق ال 50 المسابق يحطم الرقم السابق لسلمي الشيخ سلامه و يفوز بالذهبية Author: haroon diyab Date: 04-11-2008, 09:03 AM
