Post: #1
Title: اعتذار وطلب سماح من بكري ابوبكر وبقية الاخوة/ات في المنبر
Author: امنة عبد الكريم
Date: 03-31-2008, 08:42 PM
الحبان كيفنكم
مشتاقة ليكم شديد والله يعلم
شوية مشغوليات ابعدتني في الفترة الفاتت دي
كل التحايا ليكم
بابكر التوم ايه الامتدادي الجميل
فيصل نوبي يا اجمل نوبي بالمنبر
انعام العسل وروح البورد عارفة روحي متلومة معاك ولي اخر المداخلة بتفهمي
د.طارق اكتر زول بحبو بدون ما اشوفو وما عارفة ليه
عامر تيتاوي الجميل سلامات ليك
الملك اتمنيت الاقيك والله يديك عروسة زي ما بتحلم
بكري الخير الزول المشاركني بوستاتي كلها
تبلدينا وقلب قاطع النيل بي كبري القوات المسلحة
ابو قصي والدي الكريم
انعام عبد الحفيظ سنيري الجميل
عبد الله كع الذول المهذب
عثمان دغيس والصالحة كيف يا فنان
صديق الموج يا حبيب الروح سلامات عليك
ود البشري الطف زول في المنبر
راشد جبريل بريدكم كلكم يا اولاد جبريل وسلم علي طلحة كمان
هنوف يا حديقة انت
ابو تسابيح الراجل الوقور
امي مني خوجلي
مازن الجمال وكل الجمال
ود الصايم والله من اقرا اسمك في اخر مداخلة بخش البوست
اميرة الشيخ وازهري ومحمد عثمان
وكمان نادية العسل
انا ممتنة ليكم شديد
والله لمن شفت البوست ده وقريتو لمن دمعت
وعشان كلامكم السمح ده
حاحكي ليكم قصتي من طقطق للسلام عليكم
.....
ابداكي من وين زي ما بقول ازهري
...
اول شيء في حاجات من الحكيتها دي ما حقيقية
انا اسفة وبعتذر..لانو ما افتكرت انها مهمة
وكنت مفتكرة المنبر ده زيو زي غيرو العلاقة بين الناس فيهو حدها الكيبورد
لكن اكتشفت انو كان فهمي غلط
لكن بعد فوات الاوان
يعني بعد ختيت بوست الوصيف زي ما سميتوهو انتو
وانا اصلا ما كنت مفتكراهو ح ينجح بالطريقة دي ويعمل بروباغندا للدرجة دي
واتضررت جدا من الكذبة دي واضرروا معاي ناس كتار
اولهم الزول الضربت ليهو انعام بعد شالت تلفوناتي العند بكري
اضريتو انو يكذب عليها ويقول ليها انو اخوي عشان بكري ما يسحب الباسورد مني بسبب الصورة
واضطر (صديق) انو يبيع رقم تلفونو ويستبدلو بي رقم تاني عشان يطلع من الحرج السببتو ليهو
وعلاقتي بيهو اضطربت بعد داك
انا اخترتو لانو كان قريب لي شديد وقدر يفهم اني كذبت وحاول يقيف معاي لكن للاسف بعد عرف حقيقة الموضوع
زي ما وريتكم اتغير علي شوية
المهم
ما موضوعنا
وقفنا وين
انا قريت الاهلية فعلا ومقدمة الان جامعة الخرطوم للماجستير
وشغالة في شركة خاصة
وساكنة الخرطوم برضو لكن ما الامتداد
....
ممكن واحد او واحدة تسال انا كنت بعرف ناس الامتداد ديل من وين؟؟؟؟
سوال منطقي
من صديق بسالو وبتونس معاهو وبحكي لي عن الامتداد كتير وانا بعرف اصحابو
وبحكي لي عنهم طوالي وبعرف تفاصيل كتيرة عن الامتداد
ولاحظ في الفترة الاخيرة انو اهتمامي بي ناس الامتداد زاد
سالني
قلت ليهو نص اجابة
(معاي ناس من الامتداد في الانترنت الايام دي ودايرة اكون مواكبة)
بقي يديني المعلومات بي كرم حاتمي
وبعد شوية لمن الاسئلة بتاعتي كترت بقي مرتاب شوية
وبطلت اسالو
وقفت الكتابة في بوست الامتداد مع انو كان عاجبني شديد
وبيديني الارتباط الاسري الافتقدتو طول حياتي
...
اسريا
امي متوفية من انا عمري خمسة سنة او اقل شوية
ابوي متزوج وقاعد في السعودية معاكم يا صديق الموج
وهو بي اولاده هناك
وانا هنا ساكنة مع حبوبتي
في الخرطوم
بجيني مرة مرة
ماديا ما مقصر معاي
لكن اي حاجة تاني بباح زي ما بقول ود الصايم
...
تاني شنو
....
احتمال بعد الكلام ده يتسحب مني الباسورد
لكن انا قلت اكتبو وارتاح
لاني بقيت تعبانة منو شديد
....
بكري ابو بكر
عندك حق اذا سحبت الباسورد
واذا وافقت اني ابقي في حوشك
تكون اديتني اكبر اسرة ما كنت بحلم بيها
بس في حاجة اخير نتفق عليها من هسي
يا ريت العلاقة بيني وبينكم تكون بالكيبورد
لاني زولة مشتتة ولسه ما بقيت مرتبة عشان استاهلكم
وبي وقتو بعزمكم في بيت ناس حبوبة
ولا بعد ابوي يجي يستقر هنا
ويتم بيتنا بتاع كافوري بعزمكم فيهو
ولا عرسي
اي واحدة من المناسبات التلاتة ديل
انا مستعدة اقابل الدنيا كلها
ولحدي ما تحصل واحدة فيهم
خلونا ناس كيبورد
دا اذا اصلا فضل فيها باسورد
.....
بالنسبة للصورة دي انا فعلا بدون تزييف او تعديل
الصورة الاولي قبل تلاتة سنة
والتانية قبل حوال اربعة خمسة شهور
.....
انا اسفة شديد
وبتمني تقبلوا اعتذاري وانا كده ارتحت شديد
عقبال ترتاحو كلكم
شكرا ليكم كلكم وبالذات انعام حيمورة عشان انت السبب اني واجهت نفسي
الوداع
امنة ابراهيم احمد عبد الكريم
(ما بت الفريق شرطة المشهور عشان ما تلخبتو)
|
Post: #2
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: فيصل نوبي
Date: 03-31-2008, 08:45 PM
Parent: #1
آمنة
اوع تعملي كده نحن منتظرين
_
اب صلعة
ما تسحب الباسورد لو سمحت يا حبيب.
|
Post: #3
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: محمد البشرى الخضر
Date: 03-31-2008, 08:46 PM
Parent: #1
الله يسألني دمعت عديل
لا حننتيني شديد
|
Post: #7
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Amira Elsheikh
Date: 03-31-2008, 08:52 PM
Parent: #3
مبااااالغة....
|
Post: #11
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: elsawi
Date: 03-31-2008, 09:04 PM
Parent: #3
الأخت آمنة
هذه اول مرة اتداخل معك
حرصك على ابداء الحقيقة جدير بالإحترام وارتياحك بعدها دليل على صفاء نفسك ونقاء معدنك ..
لن يسحب بكري كلمة مرورك فانت اكثر استحقاقا للباسويرد من الكثيرين هنا ..
نصيحتي لك ابتعدي عن الموضوعات التي قد تجرجر الي الخوض في الخصوصيات، واحتفظي لنفسك بمساحة خاصة وارسمي الحد الفاصل بينك وبين الناس بما يضمن لك البراح الكافي لما يخصك دون ان يكون ذلك الحد الفاصل شبيها بسور برلين ..
الصاوي
|
Post: #91
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: حسين محي الدين
Date: 04-01-2008, 02:11 PM
Parent: #11
مبااااالغة....
|
Post: #4
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: انعام عبد الحفيظ
Date: 03-31-2008, 08:49 PM
Parent: #1
سؤال بسيط
شنو البخلينا نصدق الحكاية رقم (2) دي؟
|
Post: #5
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: haroon diyab
Date: 03-31-2008, 08:51 PM
Parent: #1
الاعتراف دليل قوة.....
ويابكري المسامح كريييييييييم......
وانت قلبك كبير.... وحوشك واسع....
وياامنة .....
من اخطائنا نتعلم ....
تحياتي
هارون دياب
|
Post: #6
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Ahmed musa
Date: 03-31-2008, 08:51 PM
Parent: #1
Quote: واذا وافقت اني ابقي في حوشك
تكون اديتني اكبر اسرة ما كنت بحلم بيها
|
|
Post: #8
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Amira Elsheikh
Date: 03-31-2008, 08:56 PM
Parent: #6
Quote: الاعتراف دليل قوة.....
ويابكري المسامح كريييييييييم......
وانت قلبك كبير.... وحوشك واسع....
وياامنة .....
من اخطائنا نتعلم .... |
بدينا.......???
|
Post: #9
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Amira Elsheikh
Date: 03-31-2008, 08:57 PM
Parent: #8
Quote: شنو البخلينا نصدق الحكاية رقم (2) دي؟
|
|
Post: #10
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Rawia
Date: 03-31-2008, 09:01 PM
Parent: #8
We can change this board's name to
Jerry springer show
|
Post: #15
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Rasha Hatim
Date: 03-31-2008, 09:12 PM
Parent: #10
هسي تفتكروا انا اقدر افتح خشمي او انبث ببنت شفة في موضوع زي دا؟؟ 
لكن برضو حاتكلم
سواء كنتي حقيقة او وهم يا امنة فما افتكر الحاجة دي بتهم واحد في اعضاء البورد كتير (اللهم الا ناس سك الجكس والحنك).. لسبب انو كتاباتك ما فيها اساءة لأي عضو او نكويش لمواضيع محظورة مثلا او فتح لملفات سرية بتستوجب المعرفة ولا انتي جاية تدلي بشهادة هنا عشان الناس تقعد تزرزرك..
يا بت اكتبي كتابتك ولا يهمك.. وفي النهاية احنا في عالم اسفيري لا تربطنا به سوى بعض الطققطقات على لوحة المفاتيح والكليكات على الفارة
|
Post: #102
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Amira Elsheikh
Date: 04-01-2008, 03:15 PM
Parent: #15
| Quote: وفي النهاية احنا في عالم اسفيري لا تربطنا به سوى بعض الطققطقات على لوحة المفاتيح والكليكات على الفارة |
رشا حاتم..
فى دى اصلا ما معاكى...لانو الصدق والامانة ما عندها علاقة بعالم اسفيرى
او غيرو...قيم بتكون معانا وين ما مشينا...
طيب كان كدا مافى داعى بكرى يتعب روحو بشروط عضوية وتزكية ولائحة وقوانين منبر والذى منو...
اى زول يجى يكضب ويمشى..
|
Post: #20
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Muna Khugali
Date: 03-31-2008, 09:31 PM
Parent: #10
انتي غايتو كان لسه آمنه..
ولو ماكنتي اساسا آمنه..
ولو عندك النيه تبقي آمنه..
أنا بريدك رغم شكي فيك
بس عشان قولة امي وماما دي..
اقول ليك كلام؟
أنا لسه شاكه..
انا في الأول كنت شاكه..وبعدين حبيبتي أنا ساكنه في الأمتداد من قبل ما ادخل المدرسه..
قصتك ماكانت ياها..والسؤال يا غاليه ماهو صعب..لكن انا اكتفيت بشكي..
وانا يا غاليه عندي لسه باقي شك..
النت بقي يخوف..
سمعتي بالزول القتل نفسه اسفيريا وقطع قلبنا؟؟
أها من جنس ده بنخاف..وكلامك الأخير حق تمومة البيت ولا العرس ولا شنو داك..بقت ماها داخله
راسي العنيد ده..
لكن برضه ياآمنه أأكد ليك..
مش البوست ده؟؟
اسه يضرب الرقم القياسي..
بس أوعي تجي حبيبتي بعده وتقولي أنا كذبت تاني..
وبعاني من تأنيب الضمير..
والحقيقه أنا ولد..بس اهلي كانوا متمنين اكون بت..
وعلشان كده انا دون ما اشعر مثلت اني آمنه
آمنه صراحه انا برضه عايزه اعترف ليك باعتراف..
وارجوك ماتزعلي مني..أنا مش أمك؟؟
أناصراحه شاكه انك ولد..وبعدين ده السبب الخلاني اسألك عن فكرتك عن الزواج..
ونقاشك ماكان ياهو..شبكتيني البنات بيغيروا مني وكلام ماياهو..
في حاجه غلط..وبرضه لما قلت ليك اديني اتصالك..مشيتي فد مشيه..
مرات قرني الأستشعار عندي بيشتفلوا زياده
أمونه السمحه..
واحد في الأتنين ان بقيتي زول اسمه آمنه..
يا اما الصوره ماها صورتك...
لأنه لو انتي في الخرطوم او اي حته في العاصمه المثلثه أخبارك بتجي بعد الناس تشوف
صورتك تاني....
يا أما الصوه صورتك وانتي في السودان ذاتو ما موجوده..
علي كل حال أنا أم..وكان بتي غلطت بوريها غلطها وما بوقف حبها..
بس مشكلتي حاجه واحده اساسيه..
ياربي انتي آمنه؟؟
"آمنه" اللذيذه..
اول ما جيتي قلت ليك انتي ذكيه وعرفتي مدخلك للمنبر كويس..
واسه برضه يا غاليه بقول ليك انتي ذكيه جدا لأنه البوست ده بيجيب فكه كتييييييييييييييره..
أها قلتي شنو في ظنوني السيئه دي؟؟
بس قبل كده شوفي اميره الشيخ دي فقريه كيف؟
وبت حيموره هي مالها ومالك ساكاك كده؟
وأنا لو من بكري..
أديك 2 باسوورد..
علي الأقل تكشفي لينا كيف "يفكر الآخر"
والآخر ديل الناس البيخشوا البوستات..
واخيرا وبعد ده كله..أنا ردتك يا آمنه...
وبحب كلمة ماما منك....
|
Post: #12
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: hanouf56
Date: 03-31-2008, 09:07 PM
Parent: #6
Quote: سؤال بسيط
شنو البخلينا نصدق الحكاية رقم (2) دي؟
|
|
Post: #13
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: انعام حيمورة
Date: 03-31-2008, 09:08 PM
Parent: #1
| Quote: شكرا ليكم كلكم وبالذات انعام حيمورة عشان انت السبب اني واجهت نفسي |
حبيبتي انا ...
حقيقة ما كان مقصود انو نشهر بيك او شي تاني ابدا ..لا
كان الغرض الاساسي نضمك لي بورداب الخرطوم وذي ما قلت ليك قبل كدة في البوست داك ...
وهسى بتمنى انو العلاقة ما تكون الكي بورد عشان تزيلي كل الشكوك الحولك ..
لانو بي فهم البورد دي برضو قصة أخرى قابلة للتصديق او التكذيب ..
عموما اذا حبيتي تنضمي لينا وتتابعي اجتماعياتنا وتبقى مننا وفينا مرحب بيك وتلفوني في المسنجر
اتصلي عشان تكوني امنة حقيقية !!!
حيرتينا معاك ذاتو !!
| Quote: اولهم الزول الضربت ليهو انعام بعد شالت تلفوناتي العند بكري |
ايوة دي صاح انا شلت التلفون من بكري واتصلت على صديق .. وعندما لم ترجعي لي عندها عرفت انو في الامر شي!!
وكم مرة نويت افتح بوست بهذا الخصوص لكن قلت اتريس ..
ولحدي ما بابكر التوم والذي كنت ارى اسمه لاول مرة .. فتح البوست وطوالي قررت اقول العندي واخلي الباقي عليك ..
والحمد لله الانو كلامي القلته كلو طلع صاح وفي محلو ..
وبجيك تاني وما ماشة من البوست دا ...
مودتي
|
Post: #14
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Rihab Khalifa
Date: 03-31-2008, 09:11 PM
Parent: #1
انا كان فاهمه حاجه انطس
|
Post: #16
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: الطيب شيقوق
Date: 03-31-2008, 09:17 PM
Parent: #14
الزم الصمت والمتابعة فقط ريثما تنجلي الامور
|
Post: #120
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: حجة امنة
Date: 04-01-2008, 09:23 PM
Parent: #14
| Quote: انا كان فاهمه حاجه انطس |
يا بت تووووفى
تبري من الانطساسه
امى انا
احى انا من عدم الشغلة و حب المشاركة
|
Post: #127
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Rihab Khalifa
Date: 04-01-2008, 09:57 PM
Parent: #120
اها بس يا مووون، اسوي شنو
شفتي الاطرش في الزفه؟ الياني زااااااااتي
انتي وينك يا بت، بقيتي تمشي التفزيون و الرادي و مشخته لينا
|
Post: #17
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: محمد البشرى الخضر
Date: 03-31-2008, 09:24 PM
Parent: #1
أمنة او ايا كنتي
ما في زول في البورد واقف ليه بعصاية للناس عشان يعرف معلوماتهم الحقيقية و اسماؤهم و عناوين بيوتهم
مشكلتك حاولتي تكوني حقيقة اكتر من اللازم ودا الخلاك - اعتقد - تدعي ما ادعيتي
لو ظليتي يوزر نيم آمنة عبد الكريم او وات إفر من غير صورة او عنوان بيت ما فارقة معانا بقدر ما بفرق الشي البكتبو اليوزر نيم
حتى القصة الحزينة الكتبتيها فوق دي ما بتهمني و لا تفاصيل حياتك الشخصية في داعي انك تنشريها سواء كانت حقيقة ام لا
كويس انو الصورة طلعت
لك فقط لأنو غير كدا كنتي حتكوني إرتكبتي خطأ لا يغتفر في حق صاحبتها
سؤال اخير:
كيف عرفتي المنزل رقم خمسة تحت التشييد وما فيه زول
|
Post: #18
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Ahmed musa
Date: 03-31-2008, 09:25 PM
Parent: #1
| Quote: سواء كنتي حقيقة او وهم يا امنة فما افتكر الحاجة دي بتهم واحد في اعضاء البورد كتير (اللهم الا ناس سك الجكس والحنك).. |
فهم برضو !!!!!
|
Post: #19
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: انعام حيمورة
Date: 03-31-2008, 09:28 PM
Parent: #1
| Quote: وفي النهاية احنا في عالم اسفيري لا تربطنا به سوى بعض الطققطقات على لوحة المفاتيح والكليكات على الفارة |
بالنسبة لينا في الخرطوم الموضوع بختلف لاننا قدرنا نخلق حياة واقعية لا يستطيع اي منا التخلي عنها ابدا ..
وما يربطنا أصبح اقوى واوثق من اي علاقة اخرى بل واصبحنا اسرة واحدة وبنتداخل اسريا كمان ..
ولكن كل زول وعلى كيفوا ..
المعانا حبابوا والما معانا برضوا حبابوا !!
_____________________________________________________________
غايتو يارشا حاتم اكان جيتي الخرطوم اصلوا ما بنعمل ليك ( لقاء)
|
Post: #21
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: abubakr salih
Date: 03-31-2008, 09:39 PM
Parent: #19
سامع ود البشرى قال كويس انو الصورة صورتك..
كان الصورة المنشورة ديك صورتك...تب ما بتجيك عوجــــه
وحاة امى تلخبتى البورد دا ذى ما دايره و برضو تفضلى قــدام
يا زولة بكرى لو قال حاجة كلمينا و الله نسود عيشتو اقعدى ساى
و المسنجر زاتو رجع الحمد لله يكفينا شر التكسّر على المـلاء دا
فترنا منو خلاس و حرق دمنا و جاب لينا الكلام و شيل الحــــال..
|
Post: #29
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Rasha Hatim
Date: 03-31-2008, 10:00 PM
Parent: #19
| Quote: غايتو يارشا حاتم اكان جيتي الخرطوم اصلوا ما بنعمل ليك ( لقاء) |
لقاء على الهوا؟؟ غايتو كان ما جبتو لي يسرا شمسيا مااااا بجيكم
_________
نعومة السكر انا اطولكم وين عليك الله يااااخ 
|
Post: #73
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: عادل فضل المولى
Date: 04-01-2008, 08:17 AM
Parent: #19
ناعومي حامورابي
سلامات شديدة
Quote: بالنسبة لينا في الخرطوم الموضوع بختلف لاننا قدرنا نخلق حياة واقعية لا يستطيع اي منا التخلي عنها ابدا ..
وما يربطنا أصبح اقوى واوثق من اي علاقة اخرى بل واصبحنا اسرة واحدة وبنتداخل اسريا كمان ..
ولكن كل زول وعلى كيفوا ..
المعانا حبابوا والما معانا برضوا حبابوا !! |
|
Post: #22
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: عادل سهل
Date: 03-31-2008, 09:40 PM
Parent: #1
الأخت آمنة عبد الكريم
أنا بدأت من حيث إنتهيتى أنتى
يعنى دخلت على الموضوع بالإعتذار ، ولا أعرف الجرم الذى وقعتى فيه أو الذنب الذى إرتكبتيه.
لكن أعتقد أنك أسهبتى كثير فى الخوض فى التفاصيل الخاصة جداً والتى ليس من المفترض أن تطرحيها بهذه الصورة
ثانياً : كنتى منطقية جداً فى تحديد حدود علاقتك المفترضة بالآخرين ، فمعظمنا نتعامل مع أسماء ولا ندرى درجة الواقعية أو الحقيقة التى تخبأها.
قد أوضحتى عن حالة خاصة تمرين بها وهى بلاشك تحتاج منك الى كثير من قوة الشخصية والصبر لتجاوزها.
آمل الا يفكر بكرى فى سحب الباسورد منك لأنك بكل تأكيد تحتاجى الى هذا المجتمع الفضائى ليقف معك ، فأنتى تفتقدين حنان الأمومة ، وبالمنبر من ستشعرين تجاههم بالتعويض عن تلك العاطفة ولا أقول سيكونون مكان أمك لها الرحمة والمغفرة.
بالمنبر أيضاً من سيشعرك بدفء الأبوة التى تحتاجيها ومنهم الاخ والاخت الذين سيأخذون بيدك.
فقط تحتاجين للتعامل مع المنبر بالشكل الذى يحفظ لك إحترامك لنفسك وهيبتك ، بعيداً عن التجريج أو الإساءة أو الخوض فى الموضوعات التى لربما تؤدى لذلك.
ثم همسة أخيرة فى أذن العزيزة إنعام عبد الحفيظ ، فليحسن ظننا فى الآخرين دائماً ، وإن جاؤنا كما فى هذه الحالة يجب أن نأخذ بيدهم ونساعدهم على النهوض ، فكلنا نخطىء لكن يفقر لنا ذلك الخطأ متى ما أحسسنا الآخرين بالندم عليه ( وكنت أتمنى ان تكونى أول من يفتح زراعيه لها عندما تطرقت لك فى عابر حديثها )
وكلمتى الاخيرة آمل أن تكون كل تجاربنا السابقة رصيد لنجاح قادم نخطو نحوه بكل ثقة وإحترام.
ودمتم سالمين
شيخ العرب
|
Post: #23
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Amira Elsheikh
Date: 03-31-2008, 09:46 PM
Parent: #22
Quote: كويس انو الصورة طلعت
لك فقط لأنو غير كدا |
ود البشرى...
عرفت كيف???
بعد كدا الواحد بقى يشك فى روحوا..
|
Post: #25
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: محمد البشرى الخضر
Date: 03-31-2008, 09:54 PM
Parent: #23
المؤمن صديق يا بت الشيخ
وزول اعترف بإدعاء تاريخ حياة كامل و حلة واصدقاء لا يصعب عليه الإعتراف بسلفقة صورة
لو كانت كذلك
بعدين الصورة شديدة ياخ , افضل انها تكون حقيقية
|
Post: #28
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Elhadi
Date: 03-31-2008, 10:00 PM
Parent: #23
| Quote: انا كان فاهمه حاجه انطس |
وأنا زاتي ما فاهم أبو النوم
المنبر تشفيرو بقى أقوى من الأيه آر تي
|
Post: #26
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: انعام عبد الحفيظ
Date: 03-31-2008, 09:55 PM
Parent: #22
Quote: ثم همسة أخيرة فى أذن العزيزة إنعام عبد الحفيظ ، فليحسن ظننا فى الآخرين دائماً ، وإن جاؤنا كما فى هذه الحالة يجب أن نأخذ بيدهم ونساعدهم على النهوض ، فكلنا نخطىء لكن يفقر لنا ذلك الخطأ متى ما أحسسنا الآخرين بالندم عليه ( وكنت أتمنى ان تكونى أول من يفتح زراعيه لها عندما تطرقت لك فى عابر حديثها )
|
شكراً يا عادل سهل ولكن!!!!
انا لا استطيع إساءة الظن او إحسانه لأنني لا أدري مع من اتعامل
انا لا اتعامل مع المنبر العام طقطقة كيبوردات وبس!!!!
انا اتعامل مع شخصيات اسفيرية نعم ولكنها غير غامضة
شخصيات واضحة تعبر بوضوح عن ما يجيش بخاطرها من أفكار
وتتناول المواضيع مع الغير بكل ديمقراطية وشفافية
لا تهمني شخصية امنة تحديداً فانا لا اعرف شئ عنها ابداً
ما يهمني هو منطق الحكاية نفسها فانا لم افهم اين الحقيقة
هل هي امنة التي قدمت نفسها اول مره ام هي الثانية
ام لا هذا ولا ذاك ما الذي يجعلني اصدقها الان ؟؟؟
ما الجديد في الأمر ؟ لا شئ اعتقد
انا ان اردت فانا اتداخل مع اليوزر نيم الذي يظهر لي بما يكتب
واذا احسست ان الشخصية غير حقيقة او ان في الامر خدعة لا يروقني التعامل
وانا لا احبذ التعامل مع شخصيات وهمية وغير واضحة لي (رأي شخصي)
وكل انسان وله وجهة نظرة التي علينا احترامها
|
Post: #24
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: انعام حيمورة
Date: 03-31-2008, 09:54 PM
Parent: #1
| Quote: وبت حيموره هي مالها ومالك ساكاك كده؟ |
قلنا نقطع الشك الجوانا دا ياخ باليقين
واليوم داك يا منى جاني احساس ارسين لوبين
أمي انا 
|
Post: #27
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: محمد البشرى الخضر
Date: 03-31-2008, 09:59 PM
Parent: #24
ماما قاليك .. ماما
يعلموكم لمتين إنتو
ياخوانا ود الصايم وين دايرن وشوش بالللاي
|
Post: #34
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: معتصم الطاهر
Date: 03-31-2008, 10:42 PM
Parent: #24
أجمل جملة قيلت فى هذا المنبر منذ نشأته ..
معليش
الموضوع الفوق دا لقيتو ما خصاني ..
زيها و زي كتيؤ
بس بقيتو تنتبهوا
|
Post: #69
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: elameen
Date: 04-01-2008, 07:48 AM
Parent: #24
هع هع هع .... اهل العوض؟؟؟
|
Post: #30
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Ahmed musa
Date: 03-31-2008, 10:02 PM
Parent: #1
Quote: بالنسبة لينا في الخرطوم الموضوع بختلف لاننا قدرنا نخلق حياة واقعية لا يستطيع اي منا التخلي عنها ابدا ..
وما يربطنا أصبح اقوى واوثق من اي علاقة اخرى بل واصبحنا اسرة واحدة وبنتداخل اسريا كمان .. |
لولا كلامك كنت ظنيت (إنعام)والآخرون من بورداب الخرطوم ملبسيننا (الطاقية) ... لأنوا إتضح بخلاف ما كنتم تحاولون إقناعنا بأن البورد ده حياة حقيقية و ... و ... إتضح و ظهرت الآن نظرية جديدة بتقول إنوا البورد ده (مُجرد طقطة كيبوردات وعفصة ماوس) !!! أفتونا (راح لينا الدرب في الموية)
|
Post: #31
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: abubakr salih
Date: 03-31-2008, 10:10 PM
Parent: #30
الكثيرين من البورداب المحترمين فى حالة عدم فهم
و قد عبر بعضهم صراحة عن انهم لم يفهموا شئ مما يدور هنا...
لكى تفهم عزيزتى\ى المتابع\ه تجد\ى الكود اللازم لفك شفرة المكتوب اعلاه هنا:
أمنة عبد الكريم ......
ود البشرى انت ما متأكد من امر الصورة و لا شنو.. اتمنى من امنة ان تأكد ذلك
ان الصورة المنشورة من قبل هى صورتها الحقيقة او ان تنفى حتى يكتمل الوضوح
|
Post: #36
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: محمد البشرى الخضر
Date: 03-31-2008, 10:48 PM
Parent: #31
Quote: بالنسبة للصورة دي انا فعلا بدون تزييف او تعديل
الصورة الاولي قبل تلاتة سنة
والتانية قبل حوال اربعة خمسة شهور |
دا كلام آمنة فوق يا ابوبكر
دايرها تأكد اكتر من كدا كيف؟
اقع المسنجر ابوي بعد دا
|
Post: #39
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: abubakr salih
Date: 03-31-2008, 11:04 PM
Parent: #36
شكرا ود البشرى ... شكرا كتير
و الحمد لله جاتنا بعد ما رجع المسنجر يا سلام
و الله الاندراشة على الملاء دى صعبة خلاص و ما يقدر عليها الا عمك الموج
الراجل دا يعملا ظاهرة خلاص و لا يبالى... بالله ما مدينا فرقة نتكسر معـــاه
فوق البنوت السمحات ديل اصلو... قدر ما تدخلو بوستات البنات الحلوات
تلقا الموج قدامك أغبآآآآآش ذى الفول المدمس من الدردقه... كلموا لينا
يدينا معاهو فرقة شوية ياخ...
اها انا واقع المسنجر و ما بدور لي وصية آآآ ود عمى
_____________________________________________
الموج انا بهظر ســـاى ما تزعل منى بس برضو داير معاك فرقة
|
Post: #32
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: mohamed osman bakry
Date: 03-31-2008, 10:11 PM
Parent: #30
مونسـتر آخر.
I feel sorry for DAKEEN
|
Post: #33
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: انعام حيمورة
Date: 03-31-2008, 10:15 PM
Parent: #1
| Quote: ياخوانا ود الصايم وين |
شدوا ليهو سلك بالله
فهو صديق كفاح
________________________________
ود البشرى
انت واسرتك الصغيرة والكبيرة حقيقيين ما عفصة ماوس
|
Post: #40
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: mohmed khalail
Date: 03-31-2008, 11:06 PM
Parent: #33
| Quote: والكليكات على الفارة |
فارة واحدة بس ده بقى في كليكات على كمية من الفيران والفأرات في الحوش ده,,,
وللذين لا يعلمون...
فارة مصطلح يطلق على الزول الداقس,,,دقسة السنين..
يا ناس يا طيبيييييييين.
|
Post: #35
Title: : اعتذار وطلب سماح من بكري ابوبكر وبقية الاخوة/ات في المنبر
Author: بابكر التوم
Date: 03-31-2008, 10:44 PM
Parent: #1
أمنة
حتى هذة اللحظة
شكرا لشعورك اعلاة لابناء الامتداد الحى والوعاء الذى يحوى الجميع
من الاخوان والاصدقاء بتواجدهم معنا حسبوا منا ويوجد منهم اخوة هنا
المثير وحتى الان اختيار الوقت للتوضيح او الاعتذار كما وضح اعلاة
انك كنتى متابعة جيدة وتعلمين من بوست الاهلية ومحاولات الاجترار للخوض
فى تفاصيل محددة مما دعى لفتح بوست الاخ أيمن وهو ادرى ومحاولة تحاشى
تفاصيل عميقة فى مداخلاتى فى البداية معك وسرد تفاصيل فى البوست الاخير
لمحواة لماذا التاخير .
اتمنى توضيح اكثر دون لكى يتعامل معك كل المتداخلين مستقبلا بقناعات
وكنت اتمنى طالما انك متواجدة الان المداخلة لانها بتكون دون ترتيب
وصادقة تزرع الثقة التى زعزعت لدى الكثيرين .
ولو القصة التى بدأتى بها حقيقية ثقى بان الاخوان بالامتداد سوف يكونوا
كما تظنين .
|
Post: #37
Title: Re: : اعتذار وطلب سماح من بكري ابوبكر وبقية الاخوة/ات في المنبر
Author: Muna Khugali
Date: 03-31-2008, 10:57 PM
Parent: #35
ازيك يا بابكر..
لكن يا بابكر..
عديد من اولاد الأمتداد كلامهم ومداخلاتهم كانت بتوحي انهم متأكدين منها..
ولا انا غلطانه؟؟
مني في دور مس ماربل
|
Post: #42
Title: Re: : اعتذار وطلب سماح من بكري ابوبكر وبقية الاخوة/ات في المنبر
Author: محمد البشرى الخضر
Date: 03-31-2008, 11:10 PM
Parent: #37
| Quote: عديد من اولاد الأمتداد كلامهم ومداخلاتهم كانت بتوحي انهم متأكدين منها.. |
اها يا منو ديل ناسي بقى
جاييهم و بالصور
(اب شنب ما تصحى ياخ)
|
Post: #45
Title: Re: : اعتذار وطلب سماح من بكري ابوبكر وبقية الاخوة/ات في المنبر
Author: بابكر التوم
Date: 04-01-2008, 00:40 AM
Parent: #37
منى خوجلى
ازيك
Quote: عديد من اولاد الأمتداد كلامهم ومداخلاتهم كانت بتوحي انهم متأكدين منها..
ولا انا غلطانه؟؟ |
طبعا انت ادرى بان معظم المتوجدين حاليا فى المنبر هم من شريحة
المغتربين ولفترات طويلة وانتى ادرى بحجم مشغوليات الغربة وعند
التواصل مع ناس السودان بكون فى حدود ضيقة وكلنا ادرى بحال البلد
تتصل لشى تطلع ليك حاجة تنسيك المتصل لية اصلا . وبعدين لو روايتها صحيحة
الشخص الذى كان بوصل ليها اشياء دقيقة جدا جدا وشخص مواكب وذو علاقات
جيدة بكل المربعات والامتداد حى صغير جدا انت ادرى والعلاقات متينة
بس ما كانت مسالة صعبة لمعرفتها مربع 7 من المربعات الصغيرة . انا من اول مداخلة
ببوست الاهلية بدات تساورنى اشياء لاننى كنت أول رئيس للرابطة ووضحت الحاجة
دى ولم تتطرق لها ولو تذكرى تتداخلت معك فى موضوع الزواج .
وبعدين ممكن تكون من المؤجرين فى حساباتهم.
بس التقاشات كانت موجودة بيننا مررتى على البوست واكيد فهمتى بداية من الاسم
والطريقة التى لم تكن مفهومة للكثيرين (وسيكونا)
لكن التيم رهيب (انعام 2& نوبى& ود ابشرى & ود الصائم وبقية العقد الفريد)
لكن دقلوبى دقيل (مدرسة) لكن بالجد حبيتكم
شوية شوية يا حلوين
|
Post: #41
Title: Re: : اعتذار وطلب سماح من بكري ابوبكر وبقية الاخوة/ات في المنبر
Author: عبد العظيم احمد
Date: 03-31-2008, 11:07 PM
Parent: #35
سلام للجميع
مرة كتب هشام هبانى
احزروا من البوستات المفخخة
ثانيا انا لما شفت فيها حيشان واكتب اى عنوان بيتكم وادينا
شميت ريحة جهاز امن متحرك
وقوائم امنية
والجماعة انبرشوا
وقد كتبت
فى بوست دينا خالد انا بالبورد 2 امنة واحدة ح تطلع مضروبة
طبعا امنة مختار معروفة
اما الاخرى,,, هى الاستفهام
فاضل سارة عيسى الرجل الذى تشبه بالنساء
تخريمة
....................
امر محزن
الذى يكذب مرة لن اصدقه ولامرة
|
Post: #38
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Ahmed musa
Date: 03-31-2008, 11:01 PM
Parent: #1
Quote: انا لا استطيع إساءة الظن او إحسانه لأنني لا أدري مع من اتعامل
انا لا اتعامل مع المنبر العام طقطقة كيبوردات وبس!!!!
انا اتعامل مع شخصيات اسفيرية نعم ولكنها غير غامضة
شخصيات واضحة تعبر بوضوح عن ما يجيش بخاطرها من أفكار
وتتناول المواضيع مع الغير بكل ديمقراطية وشفافية
لا تهمني شخصية امنة تحديداً فانا لا اعرف شئ عنها ابداً
ما يهمني هو منطق الحكاية نفسها فانا لم افهم اين الحقيقة
هل هي امنة التي قدمت نفسها اول مره ام هي الثانية
ام لا هذا ولا ذاك ما الذي يجعلني اصدقها الان ؟؟؟ |
الآن أشعر بـ (بعض) الأمان !!!!
|
Post: #43
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: انعام حيمورة
Date: 03-31-2008, 11:45 PM
Parent: #1
الاخت آمنة
ساتوقف عن مداخلاتي في هذا البوست الى حين الاتصال بي ...
والله على ما اقول شهيد
______________
رايكم شنو؟
|
Post: #46
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: hanouf56
Date: 04-01-2008, 00:49 AM
Parent: #43
امنة كتبت :
انعام قالت :
Quote: ساتوقف عن مداخلاتي في هذا البوست الى حين الاتصال بي ...
|
لو كانت عايزة تتصل عليكي كانت قالت الي اللقاء ... امنة راحت ...
انتظري لامني شمس الحرية تشرق
محمد ادريس
|
Post: #44
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Ahmed musa
Date: 03-31-2008, 11:59 PM
Parent: #1
| Quote: يا ناس يا طيبيييييييين. |
|
Post: #47
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: يوسف الولى
Date: 04-01-2008, 00:51 AM
Parent: #1
انتو قايلين عدم الثقه الملازمه السودانين دى جات من وين....
هسى منو الحيصدق التانى ...
بعدك يا حلوه ما حيكون فى تعامل بحسن نيه ( وهو اصلو من بدرى مافى )
شكرا لانك اغتلتى حاجه حلوه كانت فى نفوس الناس هنا
|
Post: #48
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: بشير جبريل علي
Date: 04-01-2008, 01:43 AM
Parent: #47
| Quote: اضريتو انو يكذب عليها ويقول ليها انو اخوي عشان بكري ما يسحب الباسورد مني بسبب الصورة |
الصورة مالة؟ إذن ما صورتك طالما بسببها يمكن سحب الباصورد..
Quote: بالنسبة للصورة دي انا فعلا بدون تزييف او تعديل
الصورة الاولي قبل تلاتة سنة
والتانية قبل حوال اربعة خمسة شهور
|
والله جنس تناقض ..إنتي بتنسي ولا شنو؟ شكلك ما أظنو تاني بتجي راجعة ..
Quote: بكري ابو بكر
عندك حق اذا سحبت الباسورد
|
أنت لم تخالفي اللائحة لأن الأعضاء غير ملزمين بتوصيف منازلهم أو الأحياء التي يقطنونها هذا إن لم يكن لك مخالفات أخرى تعلمينها ويعلمها بكري..لكنك فقدتي ثقة الزميلات والزملاء بالمنبر..
بعد كل هذا أتمنى أن تكوني بعض من حقيقة وتعودي للمنبر بتكتيكات أخرى ..
مع جزيل شكري ..
بشير
|
Post: #49
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: يوسف الولى
Date: 04-01-2008, 01:51 AM
Parent: #1
انتو قايلين عدم الثقه الملازمه السودانين دى جات من وين
هسى منو الحيصدق التانى ...
بعدك يا حلوه ما حيكون فى تعامل بحسن نيه ( وهو اصلو من بدرى مافى )
شكرا لانك اغتلتى حاجه حلوه كانت فى نفوس الناس هنا
|
Post: #50
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: نها محسن أبورأس
Date: 04-01-2008, 04:26 AM
Parent: #1
أختي الكريمة آمنة أو أيا من تكونين...
لقد أحببناك كما أنت ودونما فواصل أو حدود...
ليس منا من هو معصوم عن الخطأ ..فكلنا نخطئ وكلنا نتعلم من أخطاءنا...
لكن الأهم هو الإعتراف بهذا الخطأ..
إختي أيا كان خطأك فالمسامح كريم..
وكما قلت نحن هنا أسرة واحدة وأسرتك التي تفخر بك يا ..آمنة..
محبتي الخالصة
|
Post: #51
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Dania Elmaki
Date: 04-01-2008, 04:52 AM
Parent: #1
مع انه لا لي في التور ولا في الطحين بس حبيت اشارك.
اولا يا أمنه انتى الجبرك منو توصفي بيتكم و شنو يعني زول يوصف ليك الامتداد و يحكي ليك ادق التفاصيل والله نفسي اعرف استفدتي شنو يعني؟؟؟
ثاني حاجه انعام حيموره لزومه شنو تحكيها لمن تجيب الدم, يعني لازم تكوسي في الشوراع و الزقاقات و تفتشي و تصوري و تسألي, امنه عبدالكريم اهميتها شنو ليك ولا للمنبر عشان تكوسي وراها و تضيعي وقتك, لكن برضه عجبتين عشان تشمتي الناس في الجماعه الشربوا الزيت و اتكبكبوا الكبير و الصفير, ثاني يا امنه رجعتي و حكيتي لينا قصة حياتك و ابوك ما شغال بيك, نحن نستفيد شنو من نشر غسيل اسرتك و نشر خصوصياتك؟؟ يا اختي ده انترنت و الجماعه الاتكسروا فيك ديل شخصيات اسفيريه يعني اعتبريها ما حقيقيه و ما في واحد فيهم جايي يتقدم ليك, لازم الواحد يحافظ على خصوصيته, هسع لو ابوك او اخوانك شافوا كلامك او ناس حلتكم حتودي وشك وين؟؟ والله الا ترحلي من الحله من الخجله زي ما هسع رحلتي من المنبر,
بعدين البيقول لعبت بمشاعر الناس و كده, مشاعر شنو في النت كمان؟؟؟ يا جماعه نحن بنتعامل عبر الكيبورد و الشاشه يعني كأننا شخصيات ما حقيقيه و كل شخص لازم يحافظ على خصوصيته, غايتوا يا امنه و نعومه دي ما سبقكم عليها زول
|
Post: #52
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Dania Elmaki
Date: 04-01-2008, 04:58 AM
Parent: #1
غايتوا يا امنه و انعام بس رجعتوني لايام الجامعه, صاحبتي سعوديه اتعرفت على سعودي في النت و هو في الرياض و هي في امريكا المهم حب و علاقه و تلفونات و مقابلات في الاجازه بين امريكا و السعوديه و وعدها بالزواج, هو قال ليها انه كان عاقد و طلق, في الرياض صاحبتي سألت منه عرفت انه متزوج و عنده ثلاثه اطفال, لمن زرته قال ليها انه كان متزوج و زوجته ماتت و عشان يثبت ليها مشى طلع شهادة وفاه باسم زوجته, والله شهاده وفاه عديل كده و عمليها سكان و رسلها ايميل, المهم صاحبتنا صدقته, بعد كم سنه و لمن العلاقه انتهت يوم شافته في الرياض في السوق مع زوجته, هو طبعا زاق منها, مشت اتعرفت على الزوجه و دقت معاها صحبه, الغريب في الموضوع انه الاسم الزوجه المتوفيه الثلاثثي في شهاده الوفاه هو نفسه اسم زوجته.,, اها ده استفاد شنو
|
Post: #53
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: mohmed khalail
Date: 04-01-2008, 05:08 AM
Parent: #52
مش
يمكن
تكون
دي
كذبة
ابريل
من
الزولة
دي
|
Post: #92
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Muna Khugali
Date: 04-01-2008, 02:16 PM
Parent: #52
| Quote: غايتوا يا امنه و انعام بس رجعتوني لايام الجامعه, صاحبتي سعوديه اتعرفت على سعودي في النت و هو في الرياض و هي في امريكا المهم حب و علاقه و تلفونات و مقابلات في الاجازه بين امريكا و السعوديه و وعدها بالزواج, هو قال ليها انه كان عاقد و طلق, في الرياض صاحبتي سألت منه عرفت انه متزوج و عنده ثلاثه اطفال, لمن زرته قال ليها انه كان متزوج و زوجته ماتت و عشان يثبت ليها مشى طلع شهادة وفاه باسم زوجته, والله شهاده وفاه عديل كده و عمليها سكان و رسلها ايميل, المهم صاحبتنا صدقته, بعد كم سنه و لمن العلاقه انتهت يوم شافته في الرياض في السوق مع زوجته, هو طبعا زاق منها, مشت اتعرفت على الزوجه و دقت معاها صحبه, الغريب في الموضوع انه الاسم الزوجه المتوفيه الثلاثثي في شهاده الوفاه هو نفسه اسم زوجته.,, اها ده استفاد شنو |
ضحكتيني والله يادانيه بالقصه دي..
وبعدين تسالي استفاد شنو؟
كيف يعني استفاد شنو؟؟
استفاد انه قضي زمن مراهقته في أحلام صدق انها سعيده
وخطط ان نجحت مشي قعد بيها في أمريكا..
لكن انعام ثقيله..موش؟؟
|
Post: #54
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: تيسير عووضة
Date: 04-01-2008, 05:48 AM
Parent: #1
Quote: اول شيء في حاجات من الحكيتها دي ما حقيقية
انا اسفة وبعتذر..لانو ما افتكرت انها مهمة
وكنت مفتكرة المنبر ده زيو زي غيرو العلاقة بين الناس فيهو حدها الكيبورد
لكن اكتشفت انو كان فهمي غلط
لكن بعد فوات الاوان
يعني بعد ختيت بوست الوصيف زي ما سميتوهو انتو
وانا اصلا ما كنت مفتكراهو ح ينجح بالطريقة دي ويعمل بروباغندا للدرجة دي
واتضررت جدا من الكذبة دي واضرروا معاي ناس كتار
اولهم الزول الضربت ليهو انعام بعد شالت تلفوناتي العند بكري
اضريتو انو يكذب عليها ويقول ليها انو اخوي عشان بكري ما يسحب الباسورد مني بسبب الصورة
واضطر (صديق) انو يبيع رقم تلفونو ويستبدلو بي رقم تاني عشان يطلع من الحرج السببتو ليهو
وعلاقتي بيهو اضطربت بعد داك
انا اخترتو لانو كان قريب لي شديد وقدر يفهم اني كذبت وحاول يقيف معاي لكن للاسف بعد عرف حقيقة الموضوع
زي ما وريتكم اتغير علي شوية
المهم
ما موضوعنا
وقفنا وين
انا قريت الاهلية فعلا ومقدمة الان جامعة الخرطوم للماجستير
وشغالة في شركة خاصة
وساكنة الخرطوم برضو لكن ما الامتداد
....
ممكن واحد او واحدة تسال انا كنت بعرف ناس الامتداد ديل من وين؟؟؟؟
سوال منطقي
من صديق بسالو وبتونس معاهو وبحكي لي عن الامتداد كتير وانا بعرف اصحابو
وبحكي لي عنهم طوالي وبعرف تفاصيل كتيرة عن الامتداد
ولاحظ في الفترة الاخيرة انو اهتمامي بي ناس الامتداد زاد
سالني
قلت ليهو نص اجابة
(معاي ناس من الامتداد في الانترنت الايام دي ودايرة اكون مواكبة)
بقي يديني المعلومات بي كرم حاتمي
وبعد شوية لمن الاسئلة بتاعتي كترت بقي مرتاب شوية
وبطلت اسالو
وقفت الكتابة في بوست الامتداد مع انو كان عاجبني شديد
وبيديني الارتباط الاسري الافتقدتو طول حياتي
... |
أنا ما عارفة البيخلي بنات في عمر الورود يكضبوا كضب قدر دا وزي دا شنو
ليه يا بنات؟
الناقصكم شنو؟
وبتجيبوا الخيال دا كلو من وين ؟
ما قادرة أتخيل منظر أجيالنا الجاية والحاتربيها مجموعة من الكضابات حيكون كيف !
حقيقي خسارة ..
|
Post: #55
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Tragie Mustafa
Date: 04-01-2008, 05:53 AM
Parent: #54
تيسر يختي حرام القسوة دي كلها:
Quote:
أنا ما عارفة البيخلي بنات في عمر الورود يكضبوا كضب قدر دا وزي دا شنو
ليه يا بنات؟
الناقصكم شنو؟
وبتجيبوا الخيال دا كلو من وين ؟
ما قادرة أتخيل منظر أجيالنا الجاية والحاتربيها مجموعة من الكضابات حيكون كيف !
حقيقي خسارة |
كلامك قوي فعلا واتمنى الا يحتاج اي انسان ولو بحجة لا اكذب ولكن اتجمل.
لكن يا آمنه
انا شخصيا مصدقاك وبعتر المؤمن صديق.
يازوله مرحب بك وكوني آمنه التي عرفنا حروفها ولا يهمنا عنوانها.
واسمعي كلام الصاوي فهو مفيد.
|
Post: #56
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: تيسير عووضة
Date: 04-01-2008, 05:58 AM
Parent: #55
يا تراجي ..
أنا المحيرني فعلاً إنو البنات ديل ما محتاجين ولا مضطرين يكضبوا
آسفة جداً لكن دا في نظري بيعتبر نوع من العبث والإستهتار ..
|
Post: #57
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Tragie Mustafa
Date: 04-01-2008, 06:02 AM
Parent: #56
تيسر يا غاليه جليلك وجيلي لم نذق بالمناسبة ربع ما ذاقوه هؤلاء البنات مع الانقاذ....
Quote:
يا تراجي ..
أنا المحيرني فعلاً إنو البنات ديل ما محتاجين ولا مضطرين يكضبوا
آسفة جداً لكن دا في نظري بيعتبر نوع من العبث والإستهتار ..
|
فالنرحمهم كفايه العليهم صدقيني.
|
Post: #58
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: تيسير عووضة
Date: 04-01-2008, 06:04 AM
Parent: #57
ووووب علي يا تراجي
أنا زاتي جيل إنقاذ وحاط الله
حتى أسألي لنا مهدي
|
Post: #65
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: ابوحراز
Date: 04-01-2008, 06:43 AM
Parent: #58
برضو انا ماعارف الحاصل شنو ؟؟
لكن يبدو لي أن هناك كذبة كبيرة مثل كذبة نسرين سوركتي
مشكلة أن يصل المنبر الى هذا المستوى
وأن يفقد بريقه ومصداقيته
وأن يتعكر ماؤه الصافي
دخل كثيرون هنا يا أختي بعضهم باسمائهم الحقيقية
والبعض الآخر دخل باسم آخر
وكثيرون منهم قد ثبتوا اقدامهم وأصبح لهم قراء وقارئات على مستوى العالم
فشلنا نحن المرة الولى والثانية والثالثة
ذهبت الكثير من بوستاتنا أدراتج الرياح
ولكن عادت السفينة مرة أخرى الى مجراها الصحيح وهدات الرياح
يمكن أن يعشقك الناس ويحبوك دون أن تكذب عليهم
ودون أن تدخل بصورة وهمية أو بوستات لغيرك
شخصياً اتقبل مواجهة الحقيقة مهما كانت مرة وقاسية
واثق في الجميع
ولكن لو وجدتك تخدعني أو تكذب فإنني للأسف أكره حتى الذي يشبهك
بامكانك أن تعودي مرة أخرى
وأن تكتبي بقلمك
لكن بصدق
وتذكري قبل كل شيء انك تحملين اسم { آمنة بنت وهب } عليها السلام
مفتاح الدخول لقلوب الناس
ليس سياراتنا الفارهة او مكانتا الإجتماعية
بل صدقنا واريحيتنا
|
Post: #103
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Tragie Mustafa
Date: 04-01-2008, 03:18 PM
Parent: #58
تيسير يا عسل انا ما قصده اكبرك
Quote: ووووب علي يا تراجي
أنا زاتي جيل إنقاذ وحاط الله
حتى أسألي لنا مهدي |
لكن كلمة جيل انقاذ على الناس اللقوا النقاذ من فتحوا عيونهم
يعني ناس ابراهيم بقال وكده اها كان بقيت قدر ابراهيم بقال قولي لي عووووك...وكده.
وبعدين جنس فصاحتك الشايافاها هنا ما اظنك جيل انقاذ.
|
Post: #59
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Salah Waspa
Date: 04-01-2008, 06:15 AM
Parent: #54
| Quote: انا كان فاهمه حاجه انطس |
وأنا والله يا رحاب إنطسيت خلاس!!!
هوا في إيه يا قماعة ??
لكن أقول ليكم حاجة ما بتكلم إلا ترجع إنعام وتقول شربت الشاي
والفهوة بتاعة أمونة المابتغبانا ديك لأنه لمن نقول إنعام الكلام
بكمل .
till then حنتعامل بحسن النوايا والله يستر يا سجيمان آآخوي
صلاح واسبه (ود الإمتداد)
|
Post: #60
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: نجوان
Date: 04-01-2008, 06:16 AM
Parent: #54
___
| Quote: والحاتربيها مجموعة من الكضابات |
___
والله sad لكن funny يا تيسير!
|
Post: #61
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: كمال علي الزين
Date: 04-01-2008, 06:22 AM
Parent: #54
Quote: ما قادرة أتخيل منظر أجيالنا الجاية والحاتربيها مجموعة من الكضابات حيكون كيف !
حقيقي خسارة .. |
|
Post: #63
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Ashraf El Bagir
Date: 04-01-2008, 06:26 AM
Parent: #54
الحمد لله جاءت سليمة. بس يا امنة ما كل مرة تسلم الجره.
بس الدقسة كانت كبيرة عندنا فى الأمتداد
|
Post: #62
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: فيصل نوبي
Date: 04-01-2008, 06:24 AM
Parent: #1
امنة
Quote: بالنسبة للصورة دي انا فعلا بدون تزييف او تعديل
الصورة الاولي قبل تلاتة سنة
والتانية قبل حوال اربعة خمسة شهور |
تثبتي الكلام ده كيف !!
وصلني ايميل بيقول انه الصورة دي ما بتخصكـ ..
و عشان نصدقكـ نقول ...
_
يخلق من الشبه اربعين !!
|
Post: #64
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Mahir Mohammed Salih
Date: 04-01-2008, 06:40 AM
Parent: #1
Quote:
ووووب علي يا تراجي
أنا زاتي جيل إنقاذ وحاط الله
حتى أسألي لنا مهدي
|
وهذا ثانى أجمل ما قيل فى هذا البورد بعد كلام إنعام حيمورة " أمى أنا "
ماهر
|
Post: #66
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: صديق الموج
Date: 04-01-2008, 06:58 AM
Parent: #1
| Quote: الزم الصمت والمتابعة فقط ريثما تنجلي الامور |
ود شيقوق تلزم الصمت والا تكضم كلو كلو..
انا ما بخلى الدردقه....
تعالى يا امنه الفى الضمير ماذيانا..
بكرى يسحب ماهيتك كان سحبت الباسورد..
وبعدين كان سحب الباسورد انا بديك حقى تكتبى بيه ..
يعنى صلاح غريبه احسن مننا،،،
|
Post: #67
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: عبدالله كع
Date: 04-01-2008, 07:31 AM
Parent: #1
لاحولة ولا قووووووووووووة الا بالله
ــــــــــــــــــــــــــ
امنه عبدالكريم دخلتي في حينا المتفرد فكان لكي الامتداد مرحبا ......
والحمد لله انك لم تكوني من الامتداد لان شباب الامتداد معروفين بعلاقاتهم
الطيبه المحترمه ......
ـــــــــــــــــــــــــــ
دقست المعلم بتالم ........ يامان
|
Post: #71
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Elhadi
Date: 04-01-2008, 07:57 AM
Parent: #67
أيوااااااااا يادوب بدينا نجمع ... بعد الوصلة الجابا أبو بكر صالح
قالت ساكنة في الامتداد وما طلعت ساكنة في الامتداد .. ده في العرفتو لحدي أسي ..
طيب وأيه يعني إن شاء الله ما تكون ساكنة في الامتداد ولا حتى في السودان كلو..
فيها شنو ؟؟ أو المشكلة وين يعني ؟؟
عااااااادي جداً وأكتر من عادي كمان ..
وإذا مزرزرين بنية الناس عشان القصة دي .. فصراحة اسمحوا لي يعني ...
وأصلاً التحريات فوق كم ... ولي شنو يعني ؟؟؟
|
Post: #68
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Abdalla mohamed
Date: 04-01-2008, 07:46 AM
Parent: #1
زى مابقولوا دخلت نملة وطلعت نملة
أها ياناس إنتو الزولة دى مشت وين.
وكل إبريل وانتم طيبون
عبدالله
|
Post: #72
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Sidig Rahama Elnour
Date: 04-01-2008, 08:00 AM
Parent: #1
دا كلو حصل متين ؟؟؟ نحن التقول برة البورد دا مع انو بنخش شبه يوميً !!!
قادر الله ( علي قول إيمان) ، كل مرة بتأكد أنو طريقتي في متابعة البورد صحيحة جداً
لكن عجبني لدكين ، وود البشرى ، ونوبي ، والاخرين
إنعام ، وبت حيمورة ديل غايتو كان ما قابلوني كان طلعوني فتة ساكت
|
Post: #75
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: محمد البشرى الخضر
Date: 04-01-2008, 08:24 AM
Parent: #72
يا خوي كان دا كلامك | Quote: لكن عجبني لدكين ، وود البشرى ، ونوبي ، والاخرين |
يبقى راجع الحتة دي معاك| Quote: كل مرة بتأكد أنو طريقتي في متابعة البورد صحيحة جداً |
او يمكن تكون بتابع في بورد تاني ولا حاجة
|
Post: #78
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Sidig Rahama Elnour
Date: 04-01-2008, 08:32 AM
Parent: #75
يا ود البشرى ما تعمل فيها حريف وتلبسا في دكين والباقيين أنا هسع مريت على كل البوستات ولقيتك زيك وزي دكين قبل تشك في الحتة دي ، وكنت منبهل على أخرك زي ود الموج
يا عمك أنا بتابع بالكاتب ما بالموضوع عشان كدة إحتمال كبير بكون متابع في بورد تاني ... عرفت كيف عشان كدة لو ما دكين كتب عن الحتة دي ماكان عرفتا ذاتو ، هسع شوية فضية كدة خلتني أنقر البوست دا وقلت يمكن أشوف دكين جوة ، جيت لقيت الهيصة دي كلها
بعد ردي لافوقا داك في واحد صاحبي أتصل علي قال لي انت قاعد وين في كم بوست نزلت على غرار بوست أمنة عبدالكريم من ضمنهم قال لي (ود الصائم ودكين) لكن بصراحة ماجابت سيرتك أنت
|
Post: #80
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: محمد البشرى الخضر
Date: 04-01-2008, 09:25 AM
Parent: #78
يا عمك لا حرفنة لا حاجة سنس وكدا
المهم دا ما موضوعنا لكن في دي | Quote: وكنت منبهل على أخرك زي ود الموج |
مش حقو تساعدها بي كوت كوتين كدا
وبعدين نشوف البحصل شنو؟
|
Post: #74
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: العوض المسلمي
Date: 04-01-2008, 08:18 AM
Parent: #1
Quote: شيء في حاجات من الحكيتها دي ما حقيقية
انا اسفة وبعتذر..لانو ما افتكرت انها مهمة
وكنت مفتكرة المنبر ده زيو زي غيرو العلاقة بين الناس فيهو حدها الكيبورد
لكن اكتشفت انو كان فهمي غلط |
بالله ده كله
Quote: وبي وقتو بعزمكم في بيت ناس حبوبة
ولا بعد ابوي يجي يستقر هنا
ويتم بيتنا بتاع كافوري بعزمكم فيهو
ولا عرسي
اي واحدة من المناسبات التلاتة ديل
انا مستعدة اقابل الدنيا كلها
ولحدي ما تحصل واحدة فيهم
خلونا ناس كيبورد |
ناس كيبورد بس يعني؟
امنه رغم المرافعه القويه والاسلوب المتماسك الا انني مازلت اعتقد انك رجل
ولكن التساؤل
لم نكتب بغير وضوح ؟
ولكن المخرج وحيد هو لقاء مع انعام حيموره علي الاقل
او تلفون ....مع تاكيدي ان التلفون لاؤكد شيئا
مرحبا بالشاب امنه بيننا
|
Post: #76
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: haleem
Date: 04-01-2008, 08:26 AM
Parent: #1
كل ابريل وانتم بخير
|
Post: #77
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: بدرالدين كاجوري
Date: 04-01-2008, 08:31 AM
Parent: #1
ماعارف لكن عندي احساس
انو كلام امنة دة كذبة ابريل
وللتاكد من الصورة بسيطة
يا امنة كدي جيبي لينا صورة تالتة
وكان ما اخاف الكذب الصورة الانا شفتها دي صورة واحدة ماسودانية
وتشبة صورة الحبشية القاعدة قدام عدة الجبنة وبتكون معلقة دايما في اكشاك الحاجة الباردة وصوالين الحلاقة
بعدين الصورة بالجد حلوة
كدي ياانعام قوقل باللة جيبي لينا قرار محمد ناصر دة عشان
تريحي ناس مني وماجدة خوجلي والاخ بهاء الدين
|
Post: #79
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: اساسي
Date: 04-01-2008, 08:46 AM
Parent: #77
يا اخوانا ما دام الكلام جاب الكلام وفي شفافية عالية بقت في المنتدي انا قررت استغل البوست دا واعترف باني انا ما اساسي
وكمان عندي اكتر من اسم في سودانيز اون لاين .
|
Post: #95
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Mohamed Foto7li
Date: 04-01-2008, 02:46 PM
Parent: #79
Quote: يا اخوانا ما دام الكلام جاب الكلام وفي شفافية عالية بقت في المنتدي انا قررت استغل البوست دا واعترف باني انا ما اساسي
وكمان عندي اكتر من اسم في سودانيز اون لاين |
|
Post: #81
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: صديق الموج
Date: 04-01-2008, 09:37 AM
Parent: #1
| Quote: وكنت منبهل على أخرك زي ود الموج |
انا ما كنت ،لى هسع بتدردق
تطلع حلمه ساكت سراب ، خيال،والى حين اخر،،،
|
Post: #82
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: البشير دفع الله
Date: 04-01-2008, 09:51 AM
Parent: #1
تحية للجميع
وأخص الفاضلة جميلة الدواخل / انعام حيموره
أفهم أن الكذب ( كليا أو جزئيا ) صفة ذميمة , وأفهم أن البعض يضطر للكذب لأسباب قوية , وليس له العذر بكذبه هذا .
وأما أن يكذب الانسان لأسباب غير منطقية , أو بلا أسباب فقط من أجل الكذب , فذلك لعمري غريب , وألأدهى والأمر محاولة
التمادي فيه واقحام آخرين لمواصلة الكذب أو تبريره , حتى لا ينكشف الأمر , وعندما ينكشف الأمر بزيادة الشكوك يظهر علينا
ذلك الكذاب ليقدم اعتذار رقيق مشفوعا بظروف أسرية خاصة ( لا داعي لذكر هذه الظروف أصلا باعتبارها ممعنة في الخصوصية ) .
هذا الاعتذار ما كان ليقدم لولا انكشاف الأمر
لولا سؤال لاخت انعام وتقصيها , ما جاءت الينا آمنة عبدالكريم لتقدم هذا الاعتذار لبكري والأعضاء / ت .
ويتدفق علينا دعاة التسامح والمحبة والوئام ( العشاق الاسفيريون ) ليباركوا هذا الاعتذار ويقبلوه هكذا بكل بساطة , ويتوعدون
بكري بالويل والثبور ان سحب منها الباسويرد , بل ويتطوع بعضهم ويقدم لها باسويرده لتكتب باسمه , وهكذا ,,,
وان أنكر أحد ( مثلي ) هذا الاعتذار فالويل له من ( عشاق آمنة ) وصويحباتها يتناولونه بأقلامهم لوما وتجريحا الى أن
يعود لصوابه ويقول ( الرووووب ) . مالكم كيف تحكمون ؟؟؟
ان لم نكن نلتقي الا عبر هذه الصفحات من المنبر , فالأخلاق والأمانة تقتضي منا توخي الصدق فيما نكتب .
ومن ظن أنه بمنأي أن يكشف كذبه وادعاؤه فقد خاب وخسر , فالعالم أصبح أصغر من قرية , والتواصل الاسفيري بات أكثر حميمية .
صعب أن نصدقك مرة أخرى يا آمنة , قد لا تكونين الوحيده التي كذبت بهذا المنبر ولكن وكما يقولون
( شقي الحال بقع في القيد )
معا لكشف كل كذاب / هـ
|
Post: #83
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: طارق جبريل
Date: 04-01-2008, 10:06 AM
Parent: #1
آمنة كيفنك (حقيقة ولا خيال)
سألتك قبل كدة سؤال واحد:
| Quote: محتاج لي تليفون محمد بلو من الامتداد |
يا ريت تكوني عرفت ليه انا سألتك
تليشة:
يا نوبي وحات الله انت فكي عديييييييييييييييييييييييل
مفروض نزورك
بدل يا سيدي الحسن تنجدني حا نقول يا نوبي تنجدني
|
Post: #84
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: بكري الخير
Date: 04-01-2008, 10:37 AM
Parent: #1
امنة عبد الكريم كيفنك
صدقيني كدا احترامنا ليك زاد زيادة يا زولة يا سمحة
وجل من لا يخطأ
وبكري ابوبكر ما حا يسحب منك الباسوورد لانو عارف اننا بنريدك شديد
ويا صديق الموج أها كدا كيف؟؟؟
|
Post: #85
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Mohammed Ibrahim Othman
Date: 04-01-2008, 10:38 AM
Parent: #1
اختي امنة عبد الكريم ..
بعد ما قريت بوستيك احترمتك جداااااا ...
ياريت تكون لدينا شجاعة مثل شجاعتك دي أختي ...
مافي حد جبرك ان تقولي الحقيقة ..ودا بيعني معدنك طيب ..
عودااا حميدا أختي ...
..
...
....
.....
....
...
..
.
Quote: امنة عبد الكريم :
بالنسبة للصورة دي انا فعلا بدون تزييف او تعديل
الصورة الاولي قبل تلاتة سنة
والتانية قبل حوال اربعة خمسة شهور |
تح ترح ..
تح ترح ...
شنو يا امنة ..
ما قلنا باي باي دليب..
|
Post: #86
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: عماد محمود علي
Date: 04-01-2008, 11:32 AM
Parent: #85
Quote: يا ريت العلاقة بيني وبينكم تكون بالكيبورد
لاني زولة مشتتة ولسه ما بقيت مرتبة عشان استاهلكم
وبي وقتو بعزمكم في بيت ناس حبوبة
ولا بعد ابوي يجي يستقر هنا
ويتم بيتنا بتاع كافوري بعزمكم فيهو
ولا عرسي
اي واحدة من المناسبات التلاتة ديل
انا مستعدة اقابل الدنيا كلها
ولحدي ما تحصل واحدة فيهم
خلونا ناس كيبورد
دا اذا اصلا فضل فيها باسورد |
لا أعتقد بأن هذه الاسباب منطقية وهو نوع من الهروب من المواجه بعد إنكشاف أمرك والشخص الذي تحدث عبر الهاتف لم يكن سواك أنت بالذات وليس أخيك كما تقول ( تقولي ) ، فإذا كنت فعلاً أنت كما ( تقول ) أو تقولي آمنة عبد الكريم يمكنك الاتصال بالاخت إنعام حيمورة ومقابلتها أين ما ( تريد ) تريدي وجهاً لوجه خاصة وإنها قريبة جداً من موقعك أينما كان في الامتداد لأنها من الصحافة وبتعرف كل شوارع الامتداد ذي الصحافة بالضبط . ولكنني متأكد تماماً من أنك إنتحلتي شخصية غير شخصيتك الحقيقة وأنك ذكر وليست أنثي . والله أعلم .
|
Post: #87
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: azhary awad elkareem
Date: 04-01-2008, 11:48 AM
Parent: #86
Quote: سؤال بسيط
شنو البخلينا نصدق الحكاية رقم (2) دي؟
|
ــــــــــــــــــــ
الهم لا تخوذقنا ولا تعولقنا يا رب
|
Post: #88
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: معاوية الطيب
Date: 04-01-2008, 12:41 PM
Parent: #1
Quote: برضو انا ماعارف الحاصل شنو ؟؟
لكن يبدو لي أن هناك كذبة كبيرة مثل كذبة نسرين سوركتي
مشكلة أن يصل المنبر الى هذا المستوى
وأن يفقد بريقه ومصداقيته
وأن يتعكر ماؤه الصافي |
Quote: يمكن أن يعشقك الناس ويحبوك دون أن تكذب عليهم
ودون أن تدخل بصورة وهمية أو بوستات لغيرك
شخصياً اتقبل مواجهة الحقيقة مهما كانت مرة وقاسية
واثق في الجميع
ولكن لو وجدتك تخدعني أو تكذب فإنني للأسف أكره حتى الذي يشبهك |
Quote: مفتاح الدخول لقلوب الناس
ليس سياراتنا الفارهة او مكانتا الإجتماعية
بل صدقنا واريحيتنا |
------------
شكرا ابو حراز فقد اوجزت
|
Post: #89
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: عامر تيتاوى
Date: 04-01-2008, 01:24 PM
Parent: #88
امنة ( الاسفيرية )
امنة ايا من كان
تعودنا فى بوست الامتداد الترحيب بالجميع
سواء كانوا يشاركون باسمائهم الحقيقية الموجودة فى الواقع او من يملكون
اسماء ( اسفيرية ) لذلك لن يكون الترحيب فى حد ذاته نهاية لكل شىء
ولا حدا للتساؤلات الكثيرة التى تشكلت بعد ظهورك المفاجىء واقول مفاجىء
لان كل او معظم من انضموا للبوست عن طريق ترشيح من احد الاعضاء
وهم كلهم معروفون لجميع الاعضاء فيما لم يكن انضمامك بهذه الطريقة ولم
يتم الترشيح ولا التثنية من ايا من الاعضاء وفوجئنا بقدومك فى 8 فبراير ولم
يكن هناك مايدعوا لفتح تحقيق لمعرفة من هو العضو الجديد فلا يمكن لاحد
منا ان يعرف على وجه التحديد كل سكان المنطقة وخاصة البنات اذا سلمنا
بذلك جدلا خاصة ان المشاركة هنا لاتتطلب ان يبرز العضو اثبات شخصية
او شهادة ميلاد او شهاد بحث للمنزل
كما ان تعمدك الاشارة الى بعض المعلومات المتداولة عبر بوستات او مداخلات
سابقة وذكر بعض الوقائع الخاصة باي من اهل الامتداد كان بمثابة ذر للرماد
فى العيون وامعانا فى تنويم الجميع ولاادرى ما الداعى الى كل ذلك
وللحقيقة والتاريخ كنت واحدا ممن حاولوا الوصول الى الحقيقة وقد تحدثت فى
الامر مع طارق جبريل وبابكر التوم وامير الجمرى طوال الفترة الماضية
ولانعفى انفسنا من حسن النوايا الذى لاقيمة حقيقية له فى حال الصعود الى
سنام الاسفير وعالم الكليكات
|
Post: #90
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: الملك
Date: 04-01-2008, 02:05 PM
Parent: #1
أمنة عبد الكريم
..
أو من يكتب بإسم امنة عبد الكريم,,!!بإعتبار إنى لسه شاكى فى "شخص معين"
..
كتبتى
Quote: الملك اتمنيت الاقيك والله يديك عروسة زي ما بتحلم
|
على ثقة بأنها ستكون بعيداً عن هنا" الكلام دا ما حيعجب بكرى ولا هى"
"
زى ما كتبت فى بوست السؤال عنكـ
بالرغم من الشكـ...
لكن المؤمن صديق...
..
..
نبقى نحن يا ما مؤمنين يا فئران تجارب ,,,
أخيراً
مش قلتا ليك يا إنعام عشان تانى ما تخسرى بنزين وتمشى تسألى تانى..!!
|
Post: #93
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: jini
Date: 04-01-2008, 02:26 PM
Parent: #90
| Quote: وانا هنا ساكنة مع حبوبتي |
اواو او او تربية حبوبات كمان!
اواواو عجوة معطونة بى عسل!
اواواو دى تمتمة اواواو قطيع ساكت!
والله يا ود الموج اخدت خازوق تركى!
البت من عدم اعتراضها على تركيب الصورة والدبلجة عرفت الموضوع كتاحة!
جنى
|
Post: #94
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Muna Khugali
Date: 04-01-2008, 02:33 PM
Parent: #93
كده صح يا آمنه؟؟
كده تخذلي ماما حبيبتك؟؟
ياتري ىمنه بتي ولا أنا بحلم؟؟
ياربي أنا ام آمنه ولا انا بيتهيأ لي؟؟
كده يا آمنه تلعبي بعواطفي؟؟
انتي مش عارفة دعوات الأم ليك أو عليك ما بتقع الأرض؟؟
هاتوحشيني موت لو طلعتي انتي مش انتي اكتر من دلوقتي!
|
Post: #98
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: صلاح الأحمر
Date: 04-01-2008, 02:59 PM
Parent: #94
| Quote: كده يا آمنه تلعبي بعواطفي؟؟ |
الليل ليل..ليل
الليل ليل ليل
الليل يآآمنه
وتلعبي بالقلوب
مستامنه ومطامنه
الأخت /منى خوجلي
اعينيني على شجني
على تبريحي
و(عقلي) يامنى
أضحى اليوم
غير صحيح
فسيح (البوست)
في عيني
غير فسيح.
واخرج من دين الإسلام إذا كنت فاهم
حاجه.
وحصل لي موقف طريف مع آمنه حيث
تداخلت معها في بعض مواضيعها المتعدده
وتداخلت معي في مواضيعي النادره.
ومازحتها بكل ادب وفي الحدود
واستجابت بكل روح رياضيه.
لكن لما قلت ليها مشككا ..إنتي منو؟
وانو الصوره ليست مقياسا لكونك حقيقه
زعلت زعلة عدوك ومسحت بي الواطه في غضبة
مضرية كاسحه. رديت عليها معتذرا وسحبت
كلامي رغم انو مافيهو مايشين،ورغم إنو كلامها
القالتو فيهو الكثير مما يمكن ان يرد عليه.
ولكن لعدم رغبتي في دخول حروب وهميه قبلت
اعتذارها العلني في بوستين واحد لها والآخر
لي.
وهاانتم تعيدون الأمور إلى حارة الصفر.
فهل كان شكي في محله أم أنه مجرد حدث برئ؟
أفيدونا يامنى ..مش انتي أمها؟
مع مودتي.
|
Post: #166
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: رأفت حسن عباس
Date: 04-03-2008, 11:44 AM
Parent: #98
و الله ان من رأيى بكرى زاتو بقى يدى باسوردات من طرف !
هسى لينا شهر دايرين باسورد للصحفى قذافى عبد المنطلب ما دير يديهو
-
-
-
أها يا بابكر التوم ( قدرة )
رأيك شنو يا ( خفيف ) ؟
لا طلعت بت الإمتداد لا حاجة
و هى ( هو ) أصلاَ و لد ! ما بت
و حتشوفوا كلامى دة لو ما طلع فى محلو
-
-
-
-
و يا خبر الليلة بفلوس ..
|
Post: #117
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Elawad Eltayeb
Date: 04-01-2008, 04:55 PM
Parent: #93
يا ود الموج جني ما يقطع قلبك
لكن شوف أخوك نوبي أظنوا عايز مقابلة شخصية!
شوفو كاتب شنو
Quote: امنة
Quote: بالنسبة للصورة دي انا فعلا بدون تزييف او تعديل
الصورة الاولي قبل تلاتة سنة
والتانية قبل حوال اربعة خمسة شهور unquote
تثبتي الكلام ده كيف !!
---------------- |
|
Post: #96
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: محمد البشرى الخضر
Date: 04-01-2008, 02:51 PM
Parent: #1
اكتر حاجتين مزعلني في الفلم دا
الدش الأخدو عمك صلاح الأحمر
بالله لمن بقي يتمتم و يعدل
و التانية العبارة بتاعة " الأهداف اللتي دخلت من اجلها المنبر"
كدي ممكن تدينا يا انتا / إنتي / إنتو / إنتن بريف عن الأهداف دي
|
Post: #121
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: رأفت ميلاد
Date: 04-01-2008, 09:27 PM
Parent: #96
أمنة كيفك ودى أول مرة أخش ليكى
وقلبى لسة ماكلنى
نحن وصلنا للأمن يا بت الناس
كان بقى على الكضب .. كلنا ما فايتنا أولا صورتى الشايفاها دى ليها 12 سنة .. وما همانا ..
وفى ناس الكضب الجد جد ..
كدى تمى لينا باقى الحكاية
|
Post: #136
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Mohammed Ibrahim Othman
Date: 04-02-2008, 06:06 AM
Parent: #121
Quote: رأفت ميلاد
أمنة كيفك ودى أول مرة أخش ليكى
وقلبى لسة ماكلنى
نحن وصلنا للأمن يا بت الناس
كان بقى على الكضب .. كلنا ما فايتنا أولا صورتى الشايفاها دى ليها 12 سنة .. وما همانا ..
|
يا اخوي رأفت ميلاد ...
يكون العجوز القابلناه في دبي دا انت ...
يا اخي انا قلت لمحمد البشرى دا بيشبه رأفت ميلاد قالي بس تقول ابوه ...
طلع انت ...
همسة لمحمد البشرى
******
يااخوي ...الدليبة دي مشيها لّي عليك الله ..
|
Post: #97
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Mohamed Foto7li
Date: 04-01-2008, 02:58 PM
Parent: #1
والله انتو شماراتكم مبالقه
لاكن عجبني
وا نشوف نهايه الفيلم دا كيف
|
Post: #99
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Amira Elsheikh
Date: 04-01-2008, 03:08 PM
Parent: #97
| Quote: فهل كان شكي في محله أم أنه مجرد حدث برئ؟ |
الاحمر...
لسة بتسال???
غايتو جنس غايتو...
بالمناسبة ود الصايم وينو???
|
Post: #101
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Muna Khugali
Date: 04-01-2008, 03:14 PM
Parent: #99
هوووووي يا ود الصايم..اوعك تكون انت ".........."
غايتو جنس غايتو
أما بعد..
مش قلت ليك يا ىمنه البوست ده بيعمل عدد خيالي؟؟
ولا فيه سرقه اضافة ارقام ولا حاجه..
كله صح!
عارفه..
لا يسعني الا استعارة كلمة خالتي عندما يسعدها تصرف معين من شخص قريب..
كلمتها التي كان من الممكن أن تقولها لك هنا...
جدعه يا آمنه!
|
Post: #100
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Zoal Wahid
Date: 04-01-2008, 03:11 PM
Parent: #1
الحمد لله بوست بت سوركتي ( والله حسه ما قادر اتذكر اسمها) وبوست امنة
اشعروني اني عاقل
امنة من اول بوست كانت عايزة تعرف بيوت الناس
كنت عايز اتداخل لكن كلام انعام و شكها في الامر خلاني اعقل شوية.
اسمعوا مني:
امنة دي ولد وبي شنباتو كمان ...
و حكاية الصورتين زيها وزي وصف البيت اللي طلع انو تحت الانشاء.
امنة ولد..... الى اشعار آخر.
|
Post: #104
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Mohamed Foto7li
Date: 04-01-2008, 03:24 PM
Parent: #1
فوق
من اجل الشمار والحقيقه
|
Post: #105
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Amira Elsheikh
Date: 04-01-2008, 03:28 PM
Parent: #104
Quote: الوداع
امنة ابراهيم احمد عبد الكريم
(ما بت الفريق شرطة المشهور عشان ما تلخبتو)
|
الوداع دى معناها عارف روحك يا ابو الشباب تانى ما جاى راجع..
ارجو انك ما تطالبنا باى شئ لانو ما من حقك..
نلخبت ..نكوجن..نسوى ابرى تانى ماشغلتك...
|
Post: #106
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: صلاح الأحمر
Date: 04-01-2008, 03:32 PM
Parent: #104
Quote: فوق
من اجل الشمار والحقيقه |
حقيقة شنو يامحمد ياخوي
القصه كلها شمار×شمار
وكل ابريل ونحن بخير
آل حئيئه آل..
|
Post: #107
Title: امنة الاسفيرية
Author: سناء عبد السيد
Date: 04-01-2008, 03:32 PM
Parent: #1
ما حدث شيئ محبط للقراء و الأعضاء على حد سواء
لمن قريت البوست الأول لهذة الشخصية , حسيت انو في شيئ غلط
كيف يعني( بت) تكتب وصف بيتم في منبر عام ؟؟ و فعلاًً ما خاب ظني
امنة اي كنتي فقد ارتكبتي خطأفي حق نفسك و في حق الأعضاء و القراء
هييي الأعضاء الكرام انا جديدة لنج , لكن شخصية حقيقة
|
Post: #108
Title: Re: امنة الاسفيرية
Author: صلاح الأحمر
Date: 04-01-2008, 03:37 PM
Parent: #107
اعتذار وطلب سماح من بكري ابوبكر وبقية الاخوة/ات في المنبر [ 1 2 ]
المشاركات 105
الزوار 1732
امنة عبد الكريم
01-04-08, 02:32 م
ابو الزفت
اسرع بوست في العالم
|
Post: #109
Title: Re: امنة الاسفيرية
Author: Amira Elsheikh
Date: 04-01-2008, 03:39 PM
Parent: #107
سناء ياخ مرحب بيك..
بس حقيقية دى بقينا نخاف منها..
اول مشاركة ليك يا سناء والله خطيرة...
|
Post: #113
Title: Re: امنة الاسفيرية
Author: سناء عبد السيد
Date: 04-01-2008, 04:18 PM
Parent: #109
شكرا يا أميرة على الترحيب
و ليكي حق تخافي , لكن ما تخافي مني
انتي ما تفتيحة وللا شنو ؟؟ الشخصية الوهمية بتظهر من أول مداخلة
|
Post: #114
Title: Re: امنة الاسفيرية
Author: Amira Elsheikh
Date: 04-01-2008, 04:27 PM
Parent: #113
| Quote: انتي ما تفتيحة وللا شنو ؟؟ الشخصية الوهمية بتظهر من أول مداخلة |
كضبا كاضب..
|
Post: #122
Title: Re: امنة الاسفيرية
Author: انعام عبد الحفيظ
Date: 04-01-2008, 09:32 PM
Parent: #113
Quote:
سناء عبد السيد
تاريخ التسجيل: 29-03-2008
مجموع المشاركات: 3 |
سناء
كدى اول حاجة امشي البروفايل حقك
عدلي الـMale لـ Female
|
Post: #126
Title: Re: امنة الاسفيرية
Author: Mohamed Foto7li
Date: 04-01-2008, 09:55 PM
Parent: #122
Quote: Quote:
سناء عبد السيد
تاريخ التسجيل: 29-03-2008
مجموع المشاركات: 3
سناء
كدى اول حاجة امشي البروفايل حقك
عدلي الـMale لـ Female |
والله يا انعام عافي منيك
عجبتيني
|
Post: #131
Title: Re: امنة الاسفيرية
Author: سناء عبد السيد
Date: 04-01-2008, 10:27 PM
Parent: #122
نعومة كيفك
شفتي أختك الغربة عملت فيها شنو خرف و ضعف نظر و حاجات خليها ساي
بركة النبهتيني ما تقولي الجماعة ديل بقوا يخافوا من الأعضاء الجداد
اسة يشبكونا دي منو و الدخلا هنا شنو و هي بت و للا ولد و ابقى انا في فيلم امنة
|
Post: #157
Title: Re: امنة الاسفيرية
Author: Muna Khugali
Date: 04-02-2008, 11:25 AM
Parent: #131
اهه اسه كده كويس ياسناء؟؟
اها خلوا آمنه وقبلوا عليك
ومن باب توزيع الشكوك والظنون واكثار الشمارات..
ماهي مصلحتك الحقيقيه يا سناء في صرف النظر عن موضوع ىمنه؟؟
هل لك علاقه بآمنه؟؟
مرحب بك يا سناء في سودانيزاونلاين..
|
Post: #123
Title: Re: امنة الاسفيرية
Author: انعام عبد الحفيظ
Date: 04-01-2008, 09:32 PM
Parent: #113
حذف للتكرار
|
Post: #111
Title: Re: امنة الاسفيرية
Author: mohmed khalail
Date: 04-01-2008, 04:06 PM
Parent: #107
| Quote: هييي الأعضاء الكرام انا جديدة لنج , لكن شخصية حقيقة |
بالله نصدق كيف؟؟؟؟؟
اسمك ..وسنك ..عنوانك..طولك
رقم تلفونك ووصف بيتكم كمان..
وما تنسي 4 صور باسبورت.
|
Post: #115
Title: Re: امنة الاسفيرية
Author: سناء عبد السيد
Date: 04-01-2008, 04:29 PM
Parent: #111
لا صدق يا محمد خليل
اسمي سناء عبد السيد
عمري كم و عشرين سنة
عنوان بيتنا الامتداد تالت بيت من دكان جحا
الصور في الطريق
|
Post: #148
Title: Re: امنة الاسفيرية
Author: عماد محمود علي
Date: 04-02-2008, 08:32 AM
Parent: #115
Quote: سناء
كدى اول حاجة امشي البروفايل حقك
عدلي الـMale لـ Female |
غايتو يا سناء لو باريتي الانعامات ديل  ( إنعام عبد الحفيظ ـ إنعام حيمورة ) بغطسوا حجرك ... ديل ما بتفوتهم حاجة .. التقول كانوا شغالين في أمن نميري .... بيلبتوا للزول ساااااكت ويعملوا مساكين وهم سكين × سكين أها أعملي حسابك منهم ، أنا غايتو بريت ذمتي أوعك تجيبي معلومة خطأ أو كده شمارك بدفق على طووووووول .
تخريمة :
الأمنجية بت حيمورة ،،، أها أفيدينا بالباقي ( الواحد بقى يخاف منكم عديييييل كده ) . ( غايتوالحمد لله واسطتي منى خوجلي  )
|
Post: #110
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: الزبير صالح الزبير
Date: 04-01-2008, 03:46 PM
Parent: #1
يا جماعة سؤال
لنفترض انو امنة دي طلعت ما امنة وانو الاسم وهمي لشخصية وهمية وتعالوا نفترض انها راجل كمان عاوزين نعرف بس كيف قدرت تحصل علي الباسويرد ومنو الزكاها؟
مجرد سؤال
|
Post: #112
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Amira Elsheikh
Date: 04-01-2008, 04:09 PM
Parent: #110
Quote: بس كيف قدرت تحصل علي الباسويرد ومنو الزكاها؟
مجرد سؤال |
السوال محول لبكرى ابوبكر...
|
Post: #116
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Ahmed Mohammed Osman
Date: 04-01-2008, 04:36 PM
Parent: #1
يا ناس
مع انو ماكنت متابع
لكن امنه المقدم احمد عبد الكريم (زي ماقال عادل امام) فقدت المصدتقية
لانو حتي لو الغرض ترفيه ما اعتقد انها اتوفقت فيهو
وبافتراض انو في ناس ( اتدردقت واتكبت علي وشها) فدا لعب بي حاجات حساسة جدا
عشان كدا يا امونة
غلط كبيييييييييييييييييييييييييييييييييييييييييير العملتيهو دا
---
الكلام دا بغض النظر عن الصورة
الصورة قاطعة عديييييييل كدا
|
Post: #118
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Marouf Sanad
Date: 04-01-2008, 05:20 PM
Parent: #116
طيب ما تكلمي لينا محمد ناصر يجي يعتزر برضو
|
Post: #119
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: WadAker
Date: 04-01-2008, 07:28 PM
Parent: #1
Quote: سؤال بسيط
شنو البخلينا نصدق الحكاية رقم (2) دي؟ |
تصرفات تجعل الترحيب بالاعضاء/وات الجدد محل شك
سامحك الله
|
Post: #124
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Salah Abdulla
Date: 04-01-2008, 09:47 PM
Parent: #119
سُحِبت..
|
Post: #125
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: انعام حيمورة
Date: 04-01-2008, 09:53 PM
Parent: #1
وصلتني SMS
وجاء بها رقم
ومكتوب آمنة عبد الكريم
تتخيلو طلع منو ؟؟
طلع غايتو جنس غايتو
________________
والله انا عايزة ارجع ساي لانو يدي من الصباح ماكلاني لل ما اقول ارد اتذكر كلامي
والله كمية التلفونات الاستقبلتها الليلة كان آمنة ختت تلفونها ما كانت جاتها
شي من فرنسا اقسم بالله وشي من السعودية وشي من الدوحة وشي من الخرطوم عييييييييييييك
|
Post: #128
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Mohamed Foto7li
Date: 04-01-2008, 09:58 PM
Parent: #125
Quote: تتخيلو طلع منو ؟؟
طلع غايتو جنس غايتو |
how call you i want to know plz
|
Post: #129
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: heba Elmahi
Date: 04-01-2008, 10:14 PM
Parent: #128
يعني يا محمد يا اخوي اكتر من غايتو جنس غايتو تقول شنو تاني !! دي ماركة مسجلة باسم زول واااااحد و الحقوق محفوظة .
لكن الموضوع بتاع امونة دا خطير يا جماعة و بالجد بخلينا نفقد المصداقية في كل العلاقات الاسفيرية بالرغم من انه انا شخصيا تجربتي تثبت عكس ذلك لاني عندي اصدقاء كثر تعارفنا عبر الانترنت و صارت صداقات حقيقية ، و كذلك رغم حداثة اشتراكي في المنبر العام الا اني قابلت عدد كبير من الاعضاء و صارت بيننا صداقات جميلة .
اعملوا حسابكم من الشرك الزي دا و تاني ما تتكسروا في اي زول ساي كدا قبل ما تتاكدوا منو يا شباب المنبر العام .
انا بثني علي السؤال الموجه لاخونا بكري و عايزين نعرف امنة ( دا ) تحصلت علي الباسوورد كيف بمعلومات وهمية ?
|
Post: #130
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: انعام حيمورة
Date: 04-01-2008, 10:25 PM
Parent: #1
| Quote: ثاني حاجه انعام حيموره لزومه شنو تحكيها لمن تجيب الدم, يعني لازم تكوسي في الشوراع و الزقاقات و تفتشي و تصوري و تسألي, امنه عبدالكريم اهميتها شنو ليك ولا للمنبر عشان تكوسي وراها و تضيعي وقتك, لكن برضه عجبتين عشان تشمتي الناس في الجماعه الشربوا الزيت و اتكبكبوا الكبير و الصفير |
لاني من اول بوستها وعدت الناس قلت ليهم بجيب ليكم خبرها وافيت بوعدي وجبتو اهة شنو ليك
|
Post: #132
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: hanouf56
Date: 04-01-2008, 10:37 PM
Parent: #130
| Quote: لاني من اول بوستها وعدت الناس قلت ليهم بجيب ليكم خبرها وافيت بوعدي وجبتو اهة شنو ليك |
والله شليقة جنس شلاقة
اه حسع طفشتها (صري وخمي)
|
Post: #133
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: mutwakil toum
Date: 04-01-2008, 11:40 PM
Parent: #132
Quote: اول شيء في حاجات من الحكيتها دي ما حقيقية
انا اسفة وبعتذر..لانو ما افتكرت انها مهمة
وكنت مفتكرة المنبر ده زيو زي غيرو العلاقة بين الناس فيهو حدها الكيبورد
لكن اكتشفت انو كان فهمي غلط
لكن بعد فوات الاوان
يعني بعد ختيت بوست الوصيف زي ما سميتوهو انتو
وانا اصلا ما كنت مفتكراهو ح ينجح بالطريقة دي ويعمل بروباغندا للدرجة دي
واتضررت جدا من الكذبة دي واضرروا معاي ناس كتار
اولهم الزول الضربت ليهو انعام بعد شالت تلفوناتي العند بكري
اضريتو انو يكذب عليها ويقول ليها انو اخوي عشان بكري ما يسحب الباسورد مني بسبب الصورة
واضطر (صديق) انو يبيع رقم تلفونو ويستبدلو بي رقم تاني عشان يطلع من الحرج السببتو ليهو
وعلاقتي بيهو اضطربت بعد داك
انا اخترتو لانو كان قريب لي شديد وقدر يفهم اني كذبت وحاول يقيف معاي لكن للاسف بعد عرف حقيقة الموضوع
زي ما وريتكم اتغير علي شوية
المهم
ما موضوعنا
وقفنا وين
انا قريت الاهلية فعلا ومقدمة الان جامعة الخرطوم للماجستير
وشغالة في شركة خاصة
وساكنة الخرطوم برضو لكن ما الامتداد
....
ممكن واحد او واحدة تسال انا كنت بعرف ناس الامتداد ديل من وين؟؟؟؟
سوال منطقي
من صديق بسالو وبتونس معاهو وبحكي لي عن الامتداد كتير وانا بعرف اصحابو
وبحكي لي عنهم طوالي وبعرف تفاصيل كتيرة عن الامتداد
ولاحظ في الفترة الاخيرة انو اهتمامي بي ناس الامتداد زاد
سالني
قلت ليهو نص اجابة
(معاي ناس من الامتداد في الانترنت الايام دي ودايرة اكون مواكبة)
بقي يديني المعلومات بي كرم حاتمي
وبعد شوية لمن الاسئلة بتاعتي كترت بقي مرتاب شوية
وبطلت اسالو
وقفت الكتابة في بوست الامتداد مع انو كان عاجبني شديد
وبيديني الارتباط الاسري الافتقدتو طول حياتي
...
اسريا
امي متوفية من انا عمري خمسة سنة او اقل شوية
ابوي متزوج وقاعد في السعودية معاكم يا صديق الموج
وهو بي اولاده هناك
وانا هنا ساكنة مع حبوبتي
في الخرطوم
بجيني مرة مرة
ماديا ما مقصر معاي
لكن اي حاجة تاني بباح زي ما بقول ود الصايم
...
تاني شنو
....
احتمال بعد الكلام ده يتسحب مني الباسورد
لكن انا قلت اكتبو وارتاح
لاني بقيت تعبانة منو شديد
....
بكري ابو بكر
عندك حق اذا سحبت الباسورد
واذا وافقت اني ابقي في حوشك
تكون اديتني اكبر اسرة ما كنت بحلم بيها
بس في حاجة اخير نتفق عليها من هسي
يا ريت العلاقة بيني وبينكم تكون بالكيبورد
لاني زولة مشتتة ولسه ما بقيت مرتبة عشان استاهلكم
وبي وقتو بعزمكم في بيت ناس حبوبة
ولا بعد ابوي يجي يستقر هنا
ويتم بيتنا بتاع كافوري بعزمكم فيهو
ولا عرسي
اي واحدة من المناسبات التلاتة ديل
انا مستعدة اقابل الدنيا كلها
ولحدي ما تحصل واحدة فيهم
خلونا ناس كيبورد
دا اذا اصلا فضل فيها باسورد
.....
بالنسبة للصورة دي انا فعلا بدون تزييف او تعديل
الصورة الاولي قبل تلاتة سنة
والتانية قبل حوال اربعة خمسة شهور
.....
انا اسفة شديد
وبتمني تقبلوا اعتذاري وانا كده ارتحت شديد
عقبال ترتاحو كلكم
شكرا ليكم كلكم وبالذات انعام حيمورة عشان انت السبب اني واجهت نفسي
الوداع
امنة ابراهيم احمد عبد الكريم
|
قصتك دي ما حزينة شديد..
just words ، كان تقولي ( تركني والدي لمربية قاسية كانت تضربني بتشفي حتى اصابتني قروح أدت الي شلل ربعي ثم نصفي، تحول الي شلل كلي وانا طفلة صغيرة جميلة اصابني داء السرطان، منعني من المدرسة، كنت أرى صديقاتي يحملن الحقائب المدرسية علي ظهورهن ويلعبن أركا عمياء، وانا لا أقوى علي مدّ اصابعي ) كان بكيتينا ووقفنا ليك الف احمر مع بكري إنت قايلة ناس يوسف السباعي واحسان عبد القدوس ديل شطار؟.
* * *
باي زا وي : انت الزولة الكتب فيها دينق بوست البكايين؟
|
Post: #135
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Dania Elmaki
Date: 04-02-2008, 03:41 AM
Parent: #130
والله يا نعومه بالغتي فيها دي, يعني جنس حاله عليك, الله يديك العافيه يا بت امي
الناس الاتكبكبو وا شماتت ابله ظاظا فيكم على قول عادل امام
و اشماتت دينق فيكم, على فكره دينق وين الايام دي و ما دخل البوست ده لانه حيشما شماته ما عاديه
|
Post: #134
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: غباشي
Date: 04-02-2008, 01:25 AM
Parent: #1
آمنة عبد الكريم
لم تكوني محتاجة لكل هذا الكم من الإجتهاد لتبرهني لأهل الإمتداد بأنك واحدة منهم أو لتثبتي معرفتك بهم , كما انهم ما كانوا ليطلبوا منك هذا العناء في نقل هذا الكم المتواتر من المعلومات , اطمئني بكري لن يسحب الباسورد ولكن هل ستكوني فيما بعد آمنة التي جزبت دكين ؟؟؟ أو تلك التى دفعت صديق الموج لفعل العجايب ؟؟؟؟؟ و كثيرين
كيف ستكون آمنة الجديدة بعد ان خلعت قناع بت الإمتداد؟؟؟
لا أعتقد بأن يكون لها بريق كتلك التي دعت الناس لبيتها أو كآمنة جامعة الليركس !!
للأسف فقد اغتلت بيديك آمنة الأصلية عندما تظاهرت و ادِّعيت أشياء لا تمت اليك بصلة ....
ربما أنني لم أكن مقتنعاً لما كنتي تقومين به , لذلك لم أتداخل معك بمداخلات جادة بنفس القدر الذي قام به آخرون...
لا أحد منا معصوم من الخطأ و لكن عليك الإستعداد بأن لن تكوني آمنة التي انطبعت في أذهان الكثيرين
و أخيراً كامل تضامني و مواساتي لجميع من بكى على درب آمنة (المزيفة) لهم الصبر و السلوان
مودتي!!
|
Post: #137
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: تيسير عووضة
Date: 04-02-2008, 06:11 AM
Parent: #1
| Quote: لاني من اول بوستها وعدت الناس قلت ليهم بجيب ليكم خبرها وافيت بوعدي وجبتو اهة شنو ليك |
الشاويش عطية والأجر على الله
|
Post: #138
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: jini
Date: 04-02-2008, 06:30 AM
Parent: #137
Quote: e: اول شيء في حاجات من الحكيتها دي ما حقيقية
انا اسفة وبعتذر..لانو ما افتكرت انها مهمة
وكنت مفتكرة المنبر ده زيو زي غيرو العلاقة بين الناس فيهو حدها الكيبورد
لكن اكتشفت انو كان فهمي غلط
لكن بعد فوات الاوان
يعني بعد ختيت بوست الوصيف زي ما سميتوهو انتو
وانا اصلا ما كنت مفتكراهو ح ينجح بالطريقة دي ويعمل بروباغندا للدرجة دي
واتضررت جدا من الكذبة دي واضرروا معاي ناس كتار
اولهم الزول الضربت ليهو انعام بعد شالت تلفوناتي العند بكري
اضريتو انو يكذب عليها ويقول ليها انو اخوي عشان بكري ما يسحب الباسورد مني بسبب الصورة
واضطر (صديق) انو يبيع رقم تلفونو ويستبدلو بي رقم تاني عشان يطلع من الحرج السببتو ليهو
وعلاقتي بيهو اضطربت بعد داك
انا اخترتو لانو كان قريب لي شديد وقدر يفهم اني كذبت وحاول يقيف معاي لكن للاسف بعد عرف حقيقة الموضوع
زي ما وريتكم اتغير علي شوية
المهم
ما موضوعنا
وقفنا وين
انا قريت الاهلية فعلا ومقدمة الان جامعة الخرطوم للماجستير
وشغالة في شركة خاصة
وساكنة الخرطوم برضو لكن ما الامتداد
....
ممكن واحد او واحدة تسال انا كنت بعرف ناس الامتداد ديل من وين؟؟؟؟
سوال منطقي
من صديق بسالو وبتونس معاهو وبحكي لي عن الامتداد كتير وانا بعرف اصحابو
وبحكي لي عنهم طوالي وبعرف تفاصيل كتيرة عن الامتداد
ولاحظ في الفترة الاخيرة انو اهتمامي بي ناس الامتداد زاد
سالني
قلت ليهو نص اجابة
(معاي ناس من الامتداد في الانترنت الايام دي ودايرة اكون مواكبة)
بقي يديني المعلومات بي كرم حاتمي
وبعد شوية لمن الاسئلة بتاعتي كترت بقي مرتاب شوية
وبطلت اسالو
وقفت الكتابة في بوست الامتداد مع انو كان عاجبني شديد
وبيديني الارتباط الاسري الافتقدتو طول حياتي
...
اسريا
امي متوفية من انا عمري خمسة سنة او اقل شوية
ابوي متزوج وقاعد في السعودية معاكم يا صديق الموج
وهو بي اولاده هناك
وانا هنا ساكنة مع حبوبتي
في الخرطوم
بجيني مرة مرة
ماديا ما مقصر معاي
لكن اي حاجة تاني بباح زي ما بقول ود الصايم
...
تاني شنو
....
احتمال بعد الكلام ده يتسحب مني الباسورد
لكن انا قلت اكتبو وارتاح
لاني بقيت تعبانة منو شديد
....
بكري ابو بكر
عندك حق اذا سحبت الباسورد
واذا وافقت اني ابقي في حوشك
تكون اديتني اكبر اسرة ما كنت بحلم بيها
بس في حاجة اخير نتفق عليها من هسي
يا ريت العلاقة بيني وبينكم تكون بالكيبورد
لاني زولة مشتتة ولسه ما بقيت مرتبة عشان استاهلكم
وبي وقتو بعزمكم في بيت ناس حبوبة
ولا بعد ابوي يجي يستقر هنا
ويتم بيتنا بتاع كافوري بعزمكم فيهو
ولا عرسي
اي واحدة من المناسبات التلاتة ديل
انا مستعدة اقابل الدنيا كلها
ولحدي ما تحصل واحدة فيهم
خلونا ناس كيبورد
دا اذا اصلا فضل فيها باسورد
.....
بالنسبة للصورة دي انا فعلا بدون تزييف او تعديل
الصورة الاولي قبل تلاتة سنة
والتانية قبل حوال اربعة خمسة شهور
.....
انا اسفة شديد
وبتمني تقبلوا اعتذاري وانا كده ارتحت شديد
عقبال ترتاحو كلكم
شكرا ليكم كلكم وبالذات انعام حيمورة عشان انت السبب اني واجهت نفسي
الوداع
امنة ابراهيم احمد عبد الكريم |
ونسة الضكير للضكير النوم أخير!
انت قايل عندنا قنابير!
انشاء الله يلموا فيك اهل الصورة ويقطعوك قطيع زى الصعايدة!
جنى!
|
Post: #144
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: انعام حيمورة
Date: 04-02-2008, 07:21 AM
Parent: #137
Quote: الشاويش عطية والأجر على الله
|
انتي يا بت الانقاذ اضحكي بس ..
_________________________________
نحن ناس جعفر نميري
|
Post: #139
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: عثمان دغيس
Date: 04-02-2008, 06:44 AM
Parent: #1
والله يا آمنة السويتيها رقدت تب ....!!
لكن يا زولة أقول ليك حاجة ...؟؟؟؟؟؟!؟!؟؟!
برضنا كسبانين ..!!
|
Post: #140
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: عبدالله كع
Date: 04-02-2008, 06:46 AM
Parent: #1
سلامات يا نعومه
| Quote: طلع غايتو جنس غايتو |
يا انعام انت زاتك يقيتي بتاعت درامات
يعني بت الامتداد هي ود الصايم
ولا انتي بتقصدي الرسالة بس .......نفهم
اصلو داشي راس ......
|
Post: #153
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: محمد عبد الماجد الصايم
Date: 04-02-2008, 09:58 AM
Parent: #140
| Quote: يعني بت الامتداد هي ود الصايم |
النظرية الملاسية
آمنة عبد الكريم = محمد الصايم
_______________________
ومالو يعني!!
|
Post: #156
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: عبدالله كع
Date: 04-02-2008, 10:44 AM
Parent: #153
عادي ....
بس نفهم
داشي راس يا حبا
|
Post: #141
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: محمد الطيب يوسف
Date: 04-02-2008, 06:55 AM
Parent: #1
من كان مكنكم بغير خطيئة
فليرمها بحجر
رجال كبار وبي شنباتم
آخر كبكبة وجري ورا بت
لا أحترموا سنهم لا ثقة زوجاتم فيهم
وجايين عاملين فيها اليوم عبد الناصع ود عبد الناصح النضيف
نعم آمنة غلطت
دي مافيها كلام
وقبل يومين في زميلتنا في المنبر ده
طلعت بي أسمين
مازعمطتوها جنس الزعمطة دي مالكم
والله عشان دي عضوة جديدة
وجات بي كل شجاعة وقالت أنا غلطانة
وسامحوني
بعدين ربنا بسامح ياخي
مالكم صعبين كدة
الله يهدينا ويهديكم
|
Post: #154
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: محمد عبد الماجد الصايم
Date: 04-02-2008, 09:59 AM
Parent: #141
Quote: وقبل يومين في زميلتنا في المنبر ده
طلعت بي أسمين
مازعمطتوها جنس الزعمطة دي مالكم |
أنا غايتو أديت الواجب
لكن كلامك الفوق دا كللللللللللللللو
ما بخارج معانا!!
|
Post: #142
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Haitham Labib
Date: 04-02-2008, 07:08 AM
Parent: #1
| Quote: شي من فرنسا اقسم بالله وشي من السعودية وشي من الدوحة وشي من الخرطوم عييييييييييييك |
بقيتي سنترال يابت حسن .. الله ليك .. اها وانشاء الله وريتيهم ده/ي منو .؟؟ شمارات تتوثق في حائط ..
| Quote: لاني من اول بوستها وعدت الناس قلت ليهم بجيب ليكم خبرها وافيت بوعدي وجبتو اهة شنو ليك |
أها في دي بقول ليك وبغني ليك كمان " ياحليل ناس ديييييييييك الزمان بيجونا" ...
|
Post: #146
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Elawad Eltayeb
Date: 04-02-2008, 08:00 AM
Parent: #142
غايتو إنعام زكتا "بعد" التسجيل لمن جابت خبرا عفيت منها..
لكن "قبل" التسجيل ده إلا يكون "زكاها" أخونا صديق الموج!
يا انعام لو جيت السودان بإذن الله لازم تعزمينا في تورابورا. بعدين نمشي نزور "دار عبلة" بالإمتداد!
|
Post: #143
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Tabaldina
Date: 04-02-2008, 07:15 AM
Parent: #1
..
.
غايتو مرافعتك .. فى نظر البعض تفطر القلب
وفى نظرى من السذاجة بمكان ..
Quote: اول شيء في حاجات من الحكيتها دي ما حقيقية
انا اسفة وبعتذر..لانو ما افتكرت انها مهمة |
كلو ما حقيقي ..
طبعاً دا فى نظرى حنك بيش ساااى ..
انحنا كن ما متنا شقينا القبور ..
شابكانا ركن حجا .. والبيت الجنبو ..
| Quote: واضطر (صديق) انو يبيع رقم تلفونو ويستبدلو بي رقم تاني عشان يطلع من الحرج السببتو ليهو |
دقيقة جنس دقة !!
يعنى حتى احتمال الشريحة لغيتهو ..
انت شغالة فى الامن ولاحاجة..!!؟
| Quote: تبلدينا وقلب قاطع النيل بي كبري القوات المسلحة |
والله يا ( أمن ) دى بتطرح عدد من التساؤلات!!
| Quote: انا قريت الاهلية فعلا ومقدمة الان جامعة الخرطوم للماجستير |
ودى بتغطس حجركـ زيادة
Quote: يا ريت العلاقة بيني وبينكم تكون بالكيبورد
لاني زولة مشتتة ولسه ما بقيت مرتبة عشان استاهلكم |
زول داير معاك علاقة مافى .. بس المصداقية كويسة ما تخدعى وتلفى وتدورى
حسي سببت لى عمنا صديق الموج ومازن واخرون تقلصات فى المشاعر وانقباض فى الاحاسيس
عالم وهم بشكل..
عشان يبطلو الكبكبة ..
Quote: بالنسبة للصورة دي انا فعلا بدون تزييف او تعديل
الصورة الاولي قبل تلاتة سنة
والتانية قبل حوال اربعة خمسة شهور |
دى ما صورتكـ ..
ولا الصورتين بتاعت شخصية واحدة ..
وصورتك بتاعت ذات الرداء الاحمر دى ..
قابلتها فى محل .. فى اشارة .. فى مطعم .. فى نادى
فى قعدة .. فى رحلة .. بس ما متاكد والحى مصيرو يلاقي
والبلد دى ضيقة شديد ..
والبت المتمحنة السمحة دى الا تكون خشت القبر لكن ملامحها ما بتتنسي
ادينا صنة بس نعبي البنزين..
وكما قالت انعام
سنكون من الغباء والهبلل بمكان لنصدق الرواية الثانية
أخيراً
Quote: وفي النهاية احنا في عالم اسفيري لا تربطنا به سوى بعض الطققطقات على لوحة
المفاتيح والكليكات على الفارة |
الطيور على أشكالها تقع يا دينا / رشا
بكرى ابوبكر
ياخى بقيت بتذكى ناس من تذكية من زول انت ما بتعرفو
شنو الخرمجة دى ؟؟ ياخى اصحى
شابكنا الهكرز واخترقوا المنبر ؟؟ ياخى الناس دى تخترق البيوت
ما تصدق ساى وما تذكى من شخص غير معروف لديك واقعاً وتعاملاً ..
طيبة جنس طيبة
________________
غايتو اولاد حلتى - بالانتساب - طلعتو كبكبانة
كع والزبير .. والكلام جبريلا .. قال المتحدث باسم الحى وزير الاعلام ..
ان كيدهن عظيم ..
جاى تانى بفهم جديد..
|
Post: #145
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Al-Sadig Yahya Abdall
Date: 04-02-2008, 07:33 AM
Parent: #143
Amna congrats on this confession! All the best| Quote: صديق الموج يا حبيب الروح سلامات عليك |
بختك يا عم على ثقة ناس الاهلية فيك
|
Post: #147
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: عبدالله كع
Date: 04-02-2008, 08:13 AM
Parent: #143
تبلدينا ..... رب الكبكبه سسسسسلملم
Quote: .. بس المصداقية كويسة ما تخدعى وتلفى وتدورى
حسي سببت لى عمنا صديق الموج ومازن واخرون تقلصات فى المشاعر وانقباض فى الاحاسيس
عالم وهم بشكل..
عشان يبطلو الكبكبة .. |
مااااااااا انت معاهم زانك يا مان راكب التونسيه من اوسع ابوابه......
| Quote: الطيور على أشكالها تقع يا دينا / رشا |
وتبلدينا كردلب...(وجه ضاحك )
Quote: غايتو اولاد حلتى - بالانتساب - طلعتو كبكبانة
كع والزبير .. والكلام جبريلا .. قال المتحدث باسم الحى وزير الاعلام ..
ان كيدهن عظيم .. |
بالانتساب مين يا عمك انت سكنته معانا عديل كدا يا حبا
يا سواقنا (التونسيه )
| Quote: جاى تانى بفهم جديد.. |
يااااااا حليلك ..
Quote: ياخى الناس دى تخترق البيوت
ما تصدق ساى وما تذكى من شخص غير معروف لديك واقعاً وتعاملاً ..
طيبة جنس طيبة |
صاااااااااااااااااااااااااح والله
|
Post: #151
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Rasha Hatim
Date: 04-02-2008, 09:35 AM
Parent: #143
| Quote: الطيور على أشكالها تقع يا دينا / رشا |
والمدفونة بتكسر المحرات يا تبلدينا..
دينا لا جات وصفت ليكم بيتها لا قالت ليكم هي بت الاله امحوتب لا ركبت ليكم صور لا لمتكم وخلت شيبكم قبال شبابكم الاعمى فيهم شايل المكسر..
دينا جات المنبر بنفس مواصفات رشا حتى مكان عملها واقامتها.. ويمكن دا السبب الخلا بورداب الدوحة عرفوها حتى قبل ما انا اقولها ليكم هنا.. لانو الدوحة صغيرة وما فيها غير جزيرة واحدة..
دينا فتحت بوستات عادية ومتنوعة وردت للناس او اتداخلت مع الناس برضو بشكل عادي واتشاكلت وهاترت في الحتات الشافت انها استفزتها والهسي ممكن تستفز رشا عادي برضو.. يعني يا ود امي لا جيتكم طارحة ليكم روحي جكسوية شرط بالاحمريكا ولا عزمتكم شاي مغرب.. وبرضو كل انسان واسلوبو في الحياة عشان الواحد ما يتعدى علي حقوق امنة كمان..
دينا عرفت نفسها بكتاباتها وبقلمها فقط.. ورشا نفس الشي.. قناعاتي انو الحرف بيعبر عن صاحبو حتى لو كانوا البقروا ليهو ما بيعرفوه.. يعني تحت ستار دينا اتحداااااااااااااااك لو تجيب لي مداخلة واحدة اختلفت فيها مع مبادئي او اساءت لشخصيتي الحقيقية او حتى اخجل حاليا اني انسبها لروحي..
فبالله ما تقعد تجدع في الكلام ساي وحاول تركز في الطيور الحواليك كويس.. اما اذا كان في قصر نظر من قبل سيادتك فدا شي احتمال يرجع لقبيلة الطيور البتنتمي ليها..
تحياتي
|
Post: #152
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Tabaldina
Date: 04-02-2008, 09:43 AM
Parent: #151
..
.
Quote: فبالله ما تقعد تجدع في الكلام ساي وحاول تركز في الطيور الحواليك كويس..
اما اذا كان في قصر نظر من قبل سيادتك فدا شي احتمال يرجع لقبيلة الطيور البتنتمي ليها.. |
يا طيرة ..احسن توزنى كلامك وتبطلى قلة ادب
لانى لو ختيتك فى رأسي بتبولى هنا ..
بلا تحايا
_______________
لو ما سمعت اسالى
|
Post: #155
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Rasha Hatim
Date: 04-02-2008, 10:44 AM
Parent: #152
Quote: يا طيرة ..احسن توزنى كلامك وتبطلى قلة ادب
لانى لو ختيتك فى رأسي بتبولى هنا ..
بلا تحايا |
كل إناء بما فيه ينضح..
لو انت بتعرف معنى الاحترام ما كنت بتكتب بالمستوى دا..
ولو ما كان دا مستواك ما كان قلمك طاوعك على الاسلوب الرخيص دا..
وبما أني قد تعلمت أن الهبوط الى من هم دون المستوى يعني استقطاعا من الوقت الذي يستوجب فيه التحليق الى سماوات أرفع...
فأعلن انسحابي من مجاراتك..
وعليه يا انت..
يُرفع قلمي من مكانٍ انت فيه..
|
Post: #158
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Tabaldina
Date: 04-02-2008, 11:30 AM
Parent: #155
..
.
يا انتِ
وحتى هذه لا تستحقيها
يا ليتك عاصرت زمن من لقبت بهذا المسمى
زمن الشفافية والنزاهة والصدق .. والكرستالية
حليلك يا ( انا الزول السمح بلحيل وانا الزول البسوى الويل )
Quote: وبما أني قد تعلمت أن الهبوط الى من هم دون المستوى يعني استقطاعا
من الوقت الذي يستوجب فيه التحليق الى سماوات أرفع... |
مستوى الذى يحط حرفا ام مستوى الكاذب الاشر
الذى ينافق وينتحل شخصيات عده ..
| Quote: كل إناء بما فيه ينضح.. |
قرقر قرقر قرقر
| Quote: لو انت بتعرف معنى الاحترام ما كنت بتكتب بالمستوى دا.. |
اسمعنى انا قلت ليك انا قاعد احترمكـ ؟؟
معقولة احترم لى زول كاذب وعلاقتى بيهو طقطقة كيبورد
_____________
بالمناسبة ما قريت انت عدلت شنو؟؟
كنت فتيت باقى ريشك دا ..
عالم ما بتستحى ولا عندها دم ..
يا بت ما تقومى توعى ..
|
Post: #149
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Tabaldina
Date: 04-02-2008, 08:53 AM
Parent: #1
..
.
| Quote: مااااااااا انت معاهم زانك يا مان راكب التونسيه من اوسع ابوابه...... |
ووين دا !!؟ انت قايلنى
كيس نايلو والهواء شايلو ..
شوف ناس الخفه واللفه
بعدين ياخى ما تجيب لينا هواء الصافية ..
______________
حد يشعر بالصافية يمشى يختار الإمتداد
قصة والله وحكاية تشغل اذهان البورداب
( مع الاعتذار للامتداديين وللمرحوم الجابري )
|
Post: #150
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: رامي يوسف الصديق
Date: 04-02-2008, 09:24 AM
Parent: #149
لماذا نكذب????
|
Post: #160
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: عبدالله كع
Date: 04-02-2008, 01:26 PM
Parent: #149
[
[/QUOTE| Quote: شوف ناس الخفه واللفه |
الامتداد يا قلب , , , ,
الراحه والاكل برااااحه يا مان
|
Post: #159
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Tabaldina
Date: 04-02-2008, 12:30 PM
Parent: #1
..
.
| Quote: شي من فرنسا اقسم بالله وشي من السعودية وشي من الدوحة وشي من الخرطوم عييييييييييييك |
مدشدشين خلف الكواليس
___________
يا رامى ..
انهم لايكذبون ولكن يتجملون ..
(بورد كوافير مدام زوزو )
|
Post: #161
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: nazar hussien
Date: 04-02-2008, 01:51 PM
Parent: #159
Quote: ود شيقوق تلزم الصمت والا تكضم كلو كلو..
|
ههههههههههههههههههههه
الكضمو كتار يا ود الموج
|
Post: #162
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Kostawi
Date: 04-02-2008, 09:50 PM
Parent: #161
|
Post: #163
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: nazar hussien
Date: 04-03-2008, 06:17 AM
Parent: #162
Quote: تحت ستار دينا اتحداااااااااااااااك لو تجيب لي مداخلة واحدة اختلفت فيها مع مبادئي او اساءت لشخصيتي الحقيقية او حتى اخجل حاليا اني انسبها لروحي..
|
طيب القابلت دكين ياتا فيهم؟ دينا والله رشا؟
ومن فيهم الشخصية الحقيقية يا رشا -دينا...انا ما متابع كويس؟
|
Post: #164
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: Rasha Hatim
Date: 04-03-2008, 06:54 AM
Parent: #163
Quote: طيب القابلت دكين ياتا فيهم؟ دينا والله رشا؟
ومن فيهم الشخصية الحقيقية يا رشا -دينا...انا ما متابع كويس؟ |
ولا واحدة يا نزار
دينا خالد شخصية قائمة بذاتها لا علاقة لي بها نهائيا.
اما ان اردت قبول التحدي اعلاه فلك ان تبحث في الارشيف باسم دينا فيصل..
|
Post: #165
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: منى على الحسن
Date: 04-03-2008, 08:03 AM
Parent: #1
سكت سااااااكت يا بت عبد الكريم
اتنطر الكان فهمت وصدقت؟؟؟؟
الصورة الاولي :......لما كنت صغيرة بلعب في الترب
الصورة التانية : لي وين بتودي
نفس الملامح والشبة ......أش خصك يا منى ؟؟؟ على قولة مدير صحبتي الخليجي
خلينــــــــــــــــا في كيبورد على قولتك
|
Post: #167
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: yasir Abdelgadir
Date: 04-03-2008, 01:19 PM
Parent: #165
رأس مال البورد...هو الاقلام التي تكتب فيه
وقد سقطت أقلام كثيرة كانت تملأ الدنيا ضجيجا في بوست نسرين سوركتي.....
قلنا يمكن هفوة أو كبوة ...بحثنا لهم في ذاكرتنا بعضا من أوراق التوت القديمة ليستروا بها ما
تبقي ..حتي لانفتقد اقلامهم وبالتالي نخسر نحن القارئين.
نفس الاقلام وبنفس الطريقة...سقطت سقوطا اخر في بوست اين تسكن هذا المساء لكاتبته هذه المثيرة
للجدل...
ولكن هذه المرة ...لم يتبقي لنا شيئا من اوراق التوت لهم..فكنا نحن الخاسرين
ولكن تبقي نقطة مهمة جدا: يعج المنبر بطلبات كثيرة ... تسبقها سير ذاتية زي البرلنت وصور
ودعومات وزكاوات من كل اتجاه ولا تجد حظها في هذا المنبر....بينما يحصل البعض علي باسوورد او
اتنين..او ربما اكتر....أقترح توزيع فضل الباسوورد علي من لا باسوورد له
يمكن ناس الزكاة بشئوون المغتربين
أتكاءة:
ناس بتمشي سنين طويلة...وناس من غير ما تمشي توصل
|
Post: #168
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: AMNA MUKHTAR
Date: 04-17-2008, 05:28 PM
Parent: #1
الله يجازيك يا خالد الطيب اللصقت لى رابط البوست ده فى واحد من بوستاتى..
أنا لى ربع ساعة ميتة من الضحك ..
يا جماعة الدرامات دى كلللللها تحصل ..ونحنا آخر من يعلم ؟!!
|
Post: #169
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: محمد عبد الماجد الصايم
Date: 04-17-2008, 06:15 PM
Parent: #168
البحر دا قام تاني ولا شنو
|
Post: #170
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: كمال سالم
Date: 04-18-2008, 00:21 AM
Parent: #1
أطبط ,, أمنه مختار جايه تعزى بعد الاربعين ,,
معقوله يأأمنه ماطالعه ونازله كل يوم بجنب الصيوان ده ,, يادوبك شفتيهو ,,
|
Post: #171
Title: Re: اعتذار وطلب سماح من بكري ابوبكر وبقية الاخوة/ات في المنبر
Author: انعام حيمورة
Date: 04-18-2008, 00:25 AM
Parent: #1
| Quote: البحر دا قام تاني ولا شنو |
تكون قاصدة الخميس دا ياربي ؟؟؟!!
|
|