توثيق شعراء سودانيون

قصيدة شاعر الوجدان والاشجان
للرائع ادريس جماع

ماله ايقظ الشجون فقاســــت *** وحشة الليل واستثار الخيالا
ماله فى مواكب الليل يمشى *** ويناجى اشباحه والظـــــلالا

هين تســتخفه بسمة الطفل *** قــــوي يصـــــارع الاجــــــيالا
حاسر الرأس عند كل جـمال *** مستشف من كل شئ جمالا
ماجن حطم القيود وصـــوفى *** قضى العمر نشــــــوة وابتهالا

خلقت طينة الأسى وغشتها *** نار وجد فاصبحت صـــلصـــالا
ثم صاح القضاء كونى فكــانت *** طينة البؤس شاعراً مثــــــالا
يتغنى مع الريــــــــاح اذاغنت *** فيشجى خمـــيله والتـــــلالا
صاغ من كل ربوة منبراً يسكب*** فى سمعه الشجون الطـوالا
هو طفل شاد الرمال قصــــورا *** هى آمـــاله ودك الـرمــــــالا
كالعود ينفح العطـــــــر للناس *** ويفنـــــى تحــرقاً واشــــتعالا

الصدى الخالد/ إدريس جماع

ولد بحلفاية الملوك عام 1922م .تخرج فى كلية العلوم عمل مدرسا فى معهد التربية بشندى ثم بخت الرضا .له ديوان لحظات باقية


أمسيت أصداء وذكرى يا لحظة بالخلد أحرى

ماكنت إلا صفحة فاضت علي سني وبشرا

نضحت كعاطرة الورود وقصرت عن تلك عمرا

ضاعت ولكن خلفت نفسا علي الايام حسري

***

لك يا قضارف روعة تركت شعاب النفس سكرى

قامت حواليك الهضاب فأظهرت تيهاً.. وكبرا

زفت من الافق البعيد لأعين الرواد بشرى

زرقاء تحسب أنها غيم تجمع بعد مسرى

حتي إذا انحسر القناع تجسمت للعين صخرا

***

جئنا وأطيار الخريف صوادح يبنين وكرا

والصيف آذان بالرحيل فودع الايام...سرا

والارض حالمة تخبىء للخريف ندي وعطرا

حتي إذا حيا غدا واختال بين رباك نضرا

أفضي الي مجري السراب فرده للماء مجري

وتفتقت بين المروج حياته عشباً وزهرا

****

كانت حياتى كالربى في الصيف قاحلة وحرّى

واليوم صرت خريفها فاخضر منها ما تعرى

رحلة النيل
إدريس جماع

النيلُ من نشوة الصهباءِ سَلْسلُهُ
وساكنو النيلِ سُمّار ونُدْمانُ
وخفقةُ الموجِ أشجانٌ تُجاوبها
من القلوب التفاتاتٌ وأشجان
كلُّ الحياةِ ربيعٌ مشرق نَضِرٌ
في جانبيه وكلُّ العمرِ رَيْعان
تمشي الأصائلُ في واديه حالمةً
يحفّها موكبٌ بالعطر ريّان
وللخمائل شدوٌ في جوانبهِ
له صدىً في رحاب النفسِ رنّان
إذا العنادلُ حيّا النيلَ صادحُها
والليلُ ساجٍ، فصمتُ الليلِ آذان
حتى إذا ابتسم الفجرُ النضيرُ لها
وباكرتْه أهازيجٌ وألحان
تحدّر النورُ من آفاقه طَرِباً
واستقبلتْه الروابي وَهْو نشوان

****
تدافع النيلُ من علياء ربوتهِ
يحدو ركابَ الليالي وَهْوَ عجلان
ما ملَّ طُولَ السُّرى يوماً وقد دُفنِتْ
على المدارج أزمانٌ وأزمان
ينساب من ربوة عذراءَ ضاحكةٍ
في كلّ مغنًى بها للسحر إيوان
حيث الطبيعةُ في شرخ الصِّبا ولها
من المفاتن أترابٌ وأقران
وِشاحُها الشَّفقُ الزاهي وملعبُها
سهلٌ نضيرٌ وآكامٌ وقيعان
وربَّ وادٍ كساه النورُ ليس لهُ
غيرُ الأوابدِ سُمّارٌ وجيران
وربّ سهلٍ من الماء استقرَّ بهِ
من وافد الطيرِ أسرابٌ وَوُحْدان
ترى الكواكبَ في زرقاء صفحتهِ
ليلاً إذا انطبقتْ للزهر أجفان

****
وفي حِمى جبل الرجّافِ مُختلَبٌ
للناظرين وللأهوال ميدان
إذا صحا الجبلُ المرهوبُ رِيعَ لهُ
قلبُ الثرى وبدتْ للذعر ألوان
فالوحشُ ما بين مذهولٍ يُصفّدهُ
يأسٌ وآخرُ يعدو وَهْوَ حيران
ماذا دهى جبلَ الرجّافِ فاصطرعتْ
في جوفه حُرَقٌ وارتجّ صَوّان
هل ثار حين رأى قيداً يكبّلُهُ
على الثرى فتمشّتْ فيه نِيران

****
والنيلُ مُندفِعٌ كاللحن أرسلَهُ
من المزامير إحساسٌ ووجدان
حتى إذا أبصر «الخرطومَ» مُونقةً
وخالجتْه اهتزازاتٌ وأشجان
وردّد الموجُ في الشطّين أغنيةً
فيها اصطفاقٌ وآهات وحرمان
وعربد الأزرقُ الدفّاق وامتزجا
روحاً كما مزج الصهباءَ نشوان
وظلَّ يضرب في الصحراء مُنْسرباً
وحولَه من سكون الرملِ طُوفان
سارٍ على البِيد لم يأبه لوحشتها
وقد ثوتْ تحت سترِ الليلِ أكوان
والغيمُ مَدَّ على الآفاق أجنحةً
ونام في الشطّ أحقافٌ وغُدران
والليلُ في وحشة الصحراءِ صومعةٌ
مَهيبةٌ وتلالُ البيدِ رهبان

****
إذا الجنادلُ قامتْ دون مسربهِ
أرغى وأزبد فيها وَهْوَ غضبان
ونشّرَ الهولَ في الآفاق مُحتدِماً
جمَّ الهياجِ كأنّ الماءَ بركان
وحوَّل الصخرَ ذَرّاً في مساربهِ
فبات وَهْو على الشطّين كُثبان
عزيمةُ النيلِ تُفني الصخرَ فورتُها
فكيف إن مسّه بالضيم إنسان
وانساب يحلم في وادٍ يُظلّلهُ
نخلٌ تهدّل في الشطّين فَيْنان
بادي المهابةِ شمّاخٌ بمفرقهِ
كأنما هو للعلياء عنوان

فات الأوان
التيجانى حاج موسى

من بعد ما فات الأوان
الليله جاى بتعتذر
ترجع أيامنا الزمان
من وين نجيب ليك العمر

وفرحت بيك مديت
دروب الريد سماح
وغزلتا ليك طيبة
مشاعرى غطا ووشاح
لكنى وآ ضيعة رجاي
رديتنى مكسور الجناح
وسقيتنى بعد الحلوة مر
من وين أجيب ليك العمر ؟

يا البي غرورك كم قسيت
كان ظنى فيك تكون حنين
فى سكة الشوق بالسنين
وبراى بالنار إنكويت
وصليتنى بعد الفرقة بين
لحد ما كمل الصبر
من وين أجيب ليك العمر

حبايبنا
ك/ التيجانى حاج موسى غ/ البلابل

حبايبنا ... قرايبنا ... وتخاصـمــونا
وخـصــامـكـــم لـــمـــــا زاد طــول
ولــمـــن انـتو فى الأول جرحـتــونا
قلـنا أقـلو نتلاقى تعاتبونا وتلومـــونا
وفـى الآخـر تصالحونا ... حبايــبـنا
تـغــــلــــطــــــــوا انـــتـــو نســامح
مـــــا بـنــــقـــــــدر نـخــاصـــمـكـم
مـــــا اصـــلــــو الـهــوى الجـــامح
بـيـــنــســـيـــــــنــا الـخــصـــام كلو
ويــهــــــــون ظـلـــم الـهـــوي وذلو
والـضــقــنــــــــــاهـــــو مــن مـرو
لــمــا عـيــونــك الحلويــن تصابحنا
نـــرجـــــع نـحـــــــن مـجـبـــروين
نــســــــامـــحـــكــــــم ... حبـايبــنا
ولمن زاد خصامـكـم ليـنا فـات حدو
والــقــــايـلـــنــــــو بـــبــقى هـظــار
أســــــفــــــــــر لــيـــنــــا عـن جدو
بـــحــــــر ريــــدكــــم وانتو بعـــاد
يــــومــــــــاتــى بـيــــزيــــد حـــدو
ولـــمــا عيونك الحلوين تصـابحــنا
نـــرجــــــــــع نــــحـن مجـبـوريـن
نــســــــــامـــحـــــكــم ... حبايـبــنا
وقــــــــــرايــبـنا ... وتخـاصـمــونا

يا فضوحلى انت مشيت الجامعة ولا منتداء الشعراء العرب

ورغم عن ذلك قصائد جميلة جدا واختيار موفق لادريس جماع


وجايلك راجع

المسافر
التيجانى حاج موسى / محمود تاور

ماتطولوا الغيبه
لسه العشم فيكم
الناس فى وادى بعيد
ومكانى واديكم
فرق الحبايب حار
سهدنى واشقانى
وشتل المحبه روي
عطشتو ليه تانى ؟
رسل المحبه الجوك
ومارجعوا بالأخبار
ومدائن الأفراح
تعبت من الترحال
والخاطر الممراح
حزنان وفيك محتار
غيبتك يا اغلى الناس
لا بتبقي لا بتندار

السماح
ك/ التيجانى حاج موسى

بشكى منك وبشكى ليك
قلبى يا مسكين وهين
عشت ريدو وغدرو بيك
وأصلو ظلم الدنيا بين

آسى كل الأنجرح
وزيدها افراح المساء
وغن للريد والفرح
والحزينة تونسها
ومر على كل الديار
كون بشارة خير وفال
وابقى عنوان للجمال
المستحيل ببقى هين
لو جراح الغدر مرة
بكرة بطيب الجراح
ولو جفا الأحباب أمرا
افتح ابواب السماح
الصعاب بكره بتهون
أطرد الهم والظنون
والمقدر هو البكون
طالما قلبك حنين

قدر ما تقدرتحب
حب وأغفر للبخونك
وأزرع الريد فى الدروب
بكره بثمر بيهو كونك
وقابل الناس بإبتسام
وأنسى دنياها الخصام
واليلومك هو الملام
طالما قلبك حنين

بشكى منك وبشكى ليك
قلبى يا مسكين وهين

عزيزى محمد فتوحلى
جهد مقدر وفقك الله فيه واصل
ونحن معاك

يا محمد لكن شغلك نضيف
ذكرتنا زمان زهرة الأغاني بتاعت السراج

الاخوان زمراوي و معاويه
شكرنا علي المرور

الخرطوم

اللحان/ مستر كيم اوق مان

كلمات/ التجاني حاج موسي



يا جمال النيل والخرطوم بالليل

ياراضعة من نيلين حضنوك من أزمان

يا قبلة الزائرين يادرة السودان

ضمخ شذى الياسمين والورد والريحان

عشاق سمر بالليل سحرم جمال النيل

أجمل ليالي هنا لما القمر يظهر

والونسة تبقي غنا والغنوة تتنقل

وتفوت علي أمدرمان وهناك تكون أجمل

لوبس تطول ياليل وتزيد جمال النيل

ليه كل العذاب / التجاني حاج موسى

ليه كــــــــــــل العذاب ليه كل الألم
بزرع في المحبة وحصادي العشم
ليه كل العذاب ليه كل الألــــــــــــم
لسه الفرقة حاصلة وبقاسي الألم

الدرب المشيتو مشيتو عشانــــــك
عذب وزيد عذابك يا سلطان زمانك
عذب وزيد عذابك يا جبــــار زمانك
كل ما أجيك داني كايس لــي حنانك

تبعد مني تقسى وتزيد الألم ألــــــم

لو تعرف يا ظالــــــــ بحبك قدر إيه
بحبك والله عالم ده حب احترت فيه
بحبك زي عــيوني ولو سألوني ليه

لأنك في عـــــيوني في عيوني الألم

عذب فيني بالغ وزيد مــــــنو الكتير
لو يرضيك آذاي عــــــــــذب يا أمير
قالو البهوا دايماً يـــاما يشوف كتير

وشفــت غلاوتي عندك وحبيت الألم
ليه كل العــــــــــــــذاب ليه كل الألم
بزرع في المحبة وحصادي العشــم
ليه كل العــــــــــــــذاب ليه كل الألم
لســـه الفرقة حاصلة وبقاسي الألم
لســـه الفرقة حاصلة وبقاسي الألم
لســـه الفرقة حاصلة وبقاسي الألم

قصر الشوق / التجانى الحاج موسى


أقول أصبر على الهجران

أقول أنســـــــــــــاك لا بدا

أشوف بس طرفك النعسان

تخوني القوة والشـــــــدة

تصبر قلبي على الهجران

يثور مــــــاضينا ويتحدى

يا قصر الشوق لو هـداك

حبيبك ومر ليك صـــــــدا

بأبنيك بغلاوة الـــــــــريدا

مــــحال أنا قصري يتهدا

أهي الأيام بــتــــتــعــــدى

ونـــرجع تاني لا بــــــــدا

وحات عمراً قضيتوا معاك

محــــال عن ريدك ارتــــدا

وراجي العين تلاقي العين

وأحضــــــــن إيدك البضة

وأهي الأيـــــــــــام بتتعدى

ونرجع تــــــــــــــاني لابدا

باب الريده وإنســـــــــــــدا

نقول ياربي إيه جّــــــــــــدا

تمر أيـــــــــــام وتــــــتعدى

ونقعــــــــد نحسب في المدة

مهما أجــــــــــــرب النسيان

ألأقي الشــــــــــــــــــوق يمتد

ما باب الريـــــــــــــدة وإنسد

اظلم من ظلم / التجانى الحاج موسى

كم شفت من مجهول مصير
وشفــت ياما شــفــــــت كم
انا شفت ناس ظالمين كثير
بـــــــس أنت أظلم من ظلم
انا تانى ما بـــــــــندم عليك
اصلو الــــندم بـيـــفيد شنو
ولمتـــــــين انا اتـرجى فيك
الزيى كـــــــــــــان رادك منو
لكن طباعـــــــــــك يا ضنين
لكن طباعـــــــــــك ما بتلين
جفوة ونفور وعذاب وسنين
وعمرو قلبك ما رحـــــــــــم
انا شفت ناس ظالمين كثـــير
بس انت اظلم مـــــــــــن ظلم
يا دنيــــــــــا يامــــا فيك ناس
بتــــــــــــــــقابل الريد بالجفا
يا دنـــيا ياما فيــــــكى نـــاس
اتعـــلــمـــــت قـــــــــــل الوفا
ويا دنـــــيا ياما فــــــيكى ياما
وياما فيـــــكى وبس كــــــفى
آه مــــــن جفاك .. خليت شنو
انا شــــــــــــــــــــــان رضاك
يا العــــــــــــمرو قلبك ما رحم
انا شــــــفت ناس ظالمين كثير
بس انت اظــــــــــــــلم من ظلم

تباريح الهوى /التجانى الحاج موسى


ده الجانى منك ومن تباريح الهوى ، …وصفو بصعب يا جميل

…وبعدت عنك ، ولما طال بى النوى ،

بقى لى أسيبك مستحيل ، ..تبقى سيرتك هى الكلام ..

وتبقى صورتك هى الرؤى الحلوة البعيشها

فى صحوتى ، او حتى فى عز المنام

ويبقى اسمك هو الغنا ..هو البجفف لى عذابات الضنى ..

ما الشفتو منك يا منى الروح يا أنا ،

وصفو بصعب يا جميل .... وبعدت عنك ....

ولما طال بى النوى ..بقى لى أسيبك مستحيل

***

بشكى ليكم يا مظاليم الهوى ..أصلى مجروح مرتين ،

.يمكن القى الزيى فيكم

ضاق جراح الحب ومتعذب سنين ..ويمكن القى وصفة تنفع

.. ولا يمكن القى حاجة تخفف الجرح القديم ..

حاجة تشفع ..

**

ده الجاني منك ومن تباريح الهوى …وصفو بصعب

يا جميل ..وبعدت عنك ، ولما طال بي النوى

بقى لى أسيبك مستحيل

المحترم ياسر تسلم ياحبيب
المضوع حا يطول

ووووو نواصل انشالله

خطـواتك هـذه عــالم من الروعــــه

_______________________________________________

ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كوالالمبـور

Quote: خطـواتك هـذه عــالم من الروعــــه

تسلم يا د شهاب ياراقي

جواب للبلد
التيجانى حاج موسى
محمود عبدالعزيز

ضل الضحى الرامى وشمس شتويه دفايه
وريحة البن لما يفوح فى قلايه
وفروة جدى صورة جدى لمن جيت أمد يدى :
( جدى أدينى تعريفه )
( بتقرا الحمدو يا المبروك )
( بقراها شان تعريفه ألقاها )
بجود فى القرايه كمان
وايه يا يمه والله زمان!!
وسبحة ( بنت الفكى )
والطورية والواسوق
وسعف حبوبة والكوريه والحنقوق
وصوت ( سعدية ) بت جيرانا
تشحد ليها فى طايوق
وصوت ( عرفه ) لما تخمج الدلوكه غنايه
وحبة فريك لموه لى رمضان
مصرور فى مخلايه
صور محفورة جوايا ومن يوم داك
ولى الليلة ولى بكرة وبعد باكر
شان الزمن غدار وما معروف
زمن مكار .. زمانا كلو خوف فى خوف
وايه يا يمه والله زمان
مشتاق يمه لى ملاح النعيميه
وريحة صاجك المحروق ولما تسوى طعمية
وغباشة روب وعنزه حلوب
بدور ارجع اجيكى هناك ضاقت بيه يا يمه هنا
بدور لتمسى بعيونك واصابحك يا حبيبتى انا
صباح الخير على عيونك
اتارى الدنيا من دونك شينة ومره ما بتندار
ومرة مرارة يا يمه دي مرة وحارى زى النار
ولو بتدورى احكيلك كيف احوالى فى البندر
من وين عايزه ابدالك مو شيتا غريب وعجيب
ده شيتا كلو شين فى شين
هنا الزول العديل ونصيح وحاتك انت يا غاليه
بعيش حياتو يوماتى بى وشين
وزولتى الحتى حبيتها لقيتها براى تحب زولين
وايه يا يمه والله زمان
دي قشة عينى من النوم معاى بشيل هموم باكر
قبل ما اشيل هموم اليوم اختها خطواتى الأولى
اعدى الباب تدق طبول الهم
خواطر تذهل الألباب واقابلك يا شوارع الجن
وفى جوايا حاجة تئن اشد وتر الحزن واعزف
تموت غنواتى يا يمه ويخنقنى الغنا وأنزف
وتنتر فى العروق حمى خيال بيتنا القديم يرجف
صور تنزاح وتتلم وتانى وتالت آيمه
واشوفك بى خيال حالم تشاورى وترقص السبحة
ملامح العابد الصايم تشع فوق جبهتك سمحة
وشييك يحاكى ضى النور مزدان يمه فى الطرحه
وتبسمي لى أمد ايدى اقول اتلاقى يا السمحة
يتلاشى الحلم واصحى ويدفق عرق مالح
ويسكن فينى كل الهم واشم ريحة ندم جارح
وارفس عصفورة منجرحه فارقت الفضاء البارح
وتانى وتالت آيمه وهم كل المداين وهم
وهم غرقانه فى زخم الحضاره الغم
حضارة بتحصد الإنسان وتزرع فى مكانه نغم
وقصد القول .. يا شايل اللوم ويما جابنى للبندر
وحاتك انتى يا الغالية ده يوماً شوم
ولا بسنى الخجل من راسى لى كرعى
شايلو وأحوم وهادي الحالة فى الخرتوم
زي عايش شقى ومهموم

أعــذريـــــنـى
التيجانى حاج موسى

أعذرينى
لو عيونى .. غصب عنى
وقفو فى عيونك شويه
وسانحينى لو مشاعرى
فاتوا منى وغازولكى بحسن نيه
شايله فى عيونك شقايا
ارحمينى وارتى ليا
عارفه لما تفوتى تمشى تودعينى
تانى ترجع لى سنيني
واصحى تانى
وأبدا من أول اعانى
وابقى مصلوب فى الثوانى
شان تجينى وتنقذينى
يا ملازى ويا خلاصى ويا يقينى
خلصينى
أصلى غرقان فى الأسيه
وأعذرينى لو عيونى
ارتاحوا فى عيونك شويه

صــــبـــاح الــخــيــر
التيجانى حاج موسى

قــــول صــبــاح الـخـيـر
وابــــدأ يــومـك بـالـتـحية
هـــــــش وأبــــســـم
وأطــــرد الــهـم والأســيـة
واحضن الناس بي عيون ضاحكة ونديه
يــامــا بـالـكـلمة الـحـنـينة
يـنـفـتح لــيـك الــف بــاب
بــاب مـحـنة وبــاب سـعـادة
بــاب أحـبـة وبــاب صـحاب
تـقـضـي يــوم كـلـو فـرحـة
لا مـــلامــة ولا أكــتـئـاب
جـــرب أغــفـر لـلـبـخونك
تــلـقـى أعــدائــك قـــلال
لـقـمـة الـعـيـش الـنـضـيفة
تـحـلـى بــي كـسـب الـحـال
إمـتـحـان إجــتـازو وأصـبـر
مـافـي شــيء عـنـدك مـحـال

دنيتنا الجميلة
التيجانى حاج موسى

شـوفـوا دنـيـتنا الـجـميلة
بـوديانها وصـحاريها ونخيلها
بـأنهارها وبـاشجارها الظليلة
مـاهـي دنـيـتنا الـجـميلة
الـشـمس كـل يـوم بـتطلع
أصـلو مـا اتـاخر شـروقها
فـي الـعشية تـسيبنا تـغرب
روعــة سـبحانو الـبسوقها
مـاهـي دنـيـتنا الـجـميلة
أربـعة فـصول فـي الـسنة
بــمـرو عـبـر الأزمـنـة
الشتا والصيف ، وربيع وخريف
وده بـيـحـصل كــيـف ؟
مـاهـي دنـيـتنا الـجـميلة
أي واحـد فـينا لـو فكر وقدر
عـظـمة الـخـالق بـتظهر
يـبـقـي واجـبـنا الـعـلينا
نـبـتـهل نـرفـع أيـديـنا
ونـعـمل الـمفروض عـلينا
الله يــــقــــبــــل

التيجانى حاج موسى

طلع الصباح

أطرد النوم من عيونك … ما خلاص طلع الصباح …

خلى بالك للبخونك ..يلاحى على الفلاح

***

وابدأ أول خطوة أمشى ..الطريق لسه طويل ..لسه قدامك مسافة ..

الف فرسخ والف ميل ..وانت يا سودان قيافة …فيك تراب راويهو نيل

وانت يا سودان ثقافة ..من زمن دقنه وخليل

نادى أولادك وأصرخ .. غربتم طالت سنين …

وأفتح أحضانك وأفرح .. وضمهم بس بى حنين

واوعى تطلع كلمة تجرح …. وتانى نرجع للانين …

والزمن يسرقنا يسرح ..وتانى يسلبنا اليقين

***

خلى بالك للمدارس ..خلى بالك حصة حصة

…وللكراريس أبقى دارس ..والدرس نقراهو هسة

للفصول خليك حارص ..ما تضيع فيها قشة ..

وللتلاميذ أبقى حارس ..همه طينة ولسه هشه

الصبر هد الجبال …وانت صبرك ما اعتيادى ..

وخلى ضراعتك طوال ..توصل القرى والبوادى

لمهم لمة رجال وطوف بلاد الدنيا نادى ..

وعلمهم كيف النضال ..وافتخر قول ديل ولادى

التيجانى حاج موسى
الياسمين

معزورين ، ولو عارفين حكايتى معاهو ، …

تعزرونى لانو الما سقا الياسمين

ما بعرف غلاوة الند .. ولا بعرف نداوة خد ..

ولا بعرف كلام العين .. ومعزورين

أريتكم مرة مرة شفتونى … وبينى وبينو بس خطوات ..

زى عابد وقف بيأدى فى صلوات ..

وزى والد همس لى جناهو بى دعوات

…قولو على لو قايلين .. معزورين ، وما عارفين

لانو الماسقا الياسمين ..

ما بعرف غلاوة الند ..ولا بعرف نداوة خد ..

وما بعرف كلام العين .. معزورين

منو الفيكم بساهر الليل …يبارى سحابة لما تشيل

…ويتبع نجمة ضواية مداها بعيد بعيد بلحيل

وقولو على لو قايلين .. معزورين وما عارفين …

لانو الما سقا الياسمين ،

ما بعرف نداوة خد .. وما بعرف غلاوة الند ….

ولا يعرف كلام العين

محمد عثمان

تحياتي

واصل هذا التوثيق ... متابعك

السلام عليكم ورحمة الله وبركاته

عم جلال انا زميل ابنك مرتضي

وشكرا علي المرور

التيجانى حاج موسى
واحشنى

واحشنى يا الخليت ملامحك .. فى حياتى ، …

واحشنى يا الرسيت مراسيك .. ..جوة ذاتى ،

الا باكر لما ترجع ، … أنا بحكى ليك عن الحصل ، ..

وعن بعد المسافة وقربها

ولمن يفارق زول عيون ..غاليات عليهو كتير خلاص وبحبها …

والله أحكام يا قدر …والله أحكام يا مسافة ويا سفر

***

وانت لما بتسيبنى وتسافر ..

خت فى إعتبارك ، ..انو دنياى فى مدارك

وجد- لفافات الصبر دخنتها ..

وكل المقاطع فى غناى طوعتها

وغريبة غنت ، … فرحة ... لا ... لا .. غربة ..لا....لا ..

تقصد شنو ما عرفتها

وأهى تجربة ..... خطيرة – جد – وأجتزتها ..ولسة واحشنى

ابو امنة حامد

كانت معـــــــى

كانت معى

كانت معى...

عمرى تجمع كله عند اللقاء الممتع

خطواتها وقع الحداء مموسقا فى أضلعى

وحديثها الممراح...

دوزنة تدغدغ مسمعى

اللحن فى الحرف الذي

فى ثغرها المتمنع

يا فرحتى بالكلمة السكرى ترف فلا أعى

لفى الضفيرة أو دعى..عمرى عليها مرتعى

يا موجة العطر المرف

على ربيع اضوع

بى شوق مغترب

الى وطن الشفاه الاينع

لملامس الخد الانيق

على المجال المترع

للحلمتين مسافر

بشراع نهد...مقلع

سمراء يا حلم الليالى الحمر

لا تتمنعى

النسك ليس سجيتى

لا تسرقى حريتى

للصدر آهات تضج

ولى أنا امنيتى

لا تلبسى ثوب العفاف.....

فلست أنت نبيتى !!

قديسة الاهواء ..؟

ويحك .. إن تلك مشيتى

للغير فاكهة العناق

ولى أنا انشودتى

تتدثرين بثوب راهبة وخاشعة

وانت خطيئتى

صونى عفافك للألى..

عرفوا مكانتك التى

أقسمت اطفيء فيك..فى

في نهديك..غضبة ثورتى

لن تهربى منى

فهذى (مشاتل) ليلتى !!

ابو امنة حامد


لست وحدك

شق بالسيف ضمير الظلمة السوداء ناضل

لست وحدك..

أرفع الراية يا عرس النضال المر..قاتل

لست وحدك

يا شموخ النخل يا راية شعبى.. يا مقاتل

كل جرح فاغر..يلتام..يضحك

لست وحدك

كل ليك حالك تنبض في أحشائه شمس عنيدة

والنجوم الحانيات البيض ضوان..امانينا البعيدة

لست وحدك...

فالصباح المرتجى المخضر في كف الحدائق

يتندى.. يتندى .. يتندى..

يا ندي.. ابن العاص.. يا مجد صلاح الدين

يا صيحة .. ناصر .. يا حبيبى

شعب مصر الطيب الصامد..

يا سيفى ورمحى

انت مذ كنت وتبقى

ليلي الدامى .. وصبحى

يا رفيقى في نضال الامس مذ كنا

ومذ كان النضال...

لست وحدك

قولة يعرفها التاريخ والنيل وندوات المقطم

فالذرى الشماء... لا تركع لا تسجد..

لا تبكى وليست تتحطم

وسيبقى شعبنا الحر ومهما

وستبقى ارضنا الحرة مهما

قدر يعرفه الفجر المغنى في حقول الكادحين

فأسال النهر الذي يعبر دهرا

من صحاري... لا يجف

كيف يسقيك حيا الفجر الملون؟

كيف بعد الرحلة الظامئة ..الجوعى

يهش الحب في اعماقه

كيف رق النور في افاقه

كيف بعد الموت يشدو بالحنين...المر.. من أشواقه..

لست وحدك..

إن من يصنع من الآمه الثكلى بقلب الجرح..واحه

قادر يا شعبنا..الرائع..أن يدعو.. جراحه

قادر مهما إدلهم الليل...مهما كان..

أعداء النهار..

أن يظل السيف ..والقرآن...والوحدة

والاحزان والفرحة والموج المسافر..

لست وحدك..

شمسنا الغاضبة الشماء تبقى

يا هدير النيل.. يا تاريخ.. حزن المجد يا وعد الصباح

بيننا يا شعبى المصرى.. يا أغنية النور

ويا حلم الغد..

إعتناق الثورة الواحدة الكبرى

وبوح المسجد...أمل النصر الذى يورق فينا

أناشيد الكفاح المشترك .. بالدم المسكوب في الجبهة..

في فوح القنابل.. في نضالات شعوب الأ{ض

من أجل السلام..حين تضوى الشمس للكادح.. تحبو

مثل طفل رائع الضحكة غنى للسلام...

عصرنا.. عصر الصباح المزهر الدافق

لا عصر الظلام..

انتهى..عصر الظلام..انتهى

انتهى.. عصر الظلام !!

*

http://sudamix.com/Najm/alhagiba/mubark%20H.brkat/6al%2...hgry%20ya%20amdur.rm