سؤال برئ0000000بدون حساسية 00000من انت يا سارة عيسى؟

الاخت الكريمة سارة عيسى
تحية طيبة
ارجو ان اتوجه لك بالسؤال عن شخصك الكريم
بعض الاخوة في المنبر يقولون ان سارة شخصية غير حقيقية
مع احترامي لخصوصيتك ارجو ان تعطينا اي امارة للتعريف بشخصك
فقط لاننا نحب ان نحس بمن نتحاور معه
خاصة وانك نشيطة وتديرين عدد من البوستات المهمة

Quote: بعض الاخوة في المنبر يقولون ان سارة شخصية غير حقيقية

الاخ ناصر
السلام عليك ورحمة الله
من هم قالوا بان سارة عيسى سخصية غير حقيقية؟

Quote: الاخ ناصر السلام عليك ورحمة الله من هم قالوا بان سارة عيسى سخصية غير حقيقية؟

معذرة اخي شوقار اذا مست هذه الكلمة احد او الاخت سارة عيسى
ولكن سؤالي ما ذال مطروحا بريئا اتمنى ان اجد له اجابة

Quote: Author: Mustafa Shogar الاخ ناصر السلام عليك ورحمة الله من هم قالوا بان سارة عيسى سخصية غير حقيقية؟

يقول فيصل الزبير عن سارا عيسى

Quote: Re: دراسة إستخباراتية عن الجيش السوداني : المقاتلات في عرض عيد الاستقلال قادها طيارون صينيون (Re: Muhammad Elamin) دعوها فهي مثل "نعامة الملك" ، فكل اخبارها مضللة ، وقالت انها قانونية ، ومرة صحفية ، واخيرا ناشطة في حقوق الانسان ، وهي لا تعرف ان راسمال اي كاتب ، حتى لو كاتب عرضحال في محكمة واكمال ابتدائي اويفك الخط ، هو "المصداقية" !! ، سبق ان اوردت رقما كبيرا عن اليخت الرئاسي وكان فضيحة ، واتهمت اسرة اتحادية عريقة بانها "اكلت" اموال الحركة الوطنية 1976 !

Quote: مجاهد عبد الرحمن Re: دراسة إستخباراتية عن الجيش السوداني : المقاتلات في عرض عيد الاستقلال قادها طيارون صينيون (Re: SARA ISSA) يا خريجة آداب الخرطوم طبعاً حسب ما أوردتي في مذكراتك الكنت بتنتقدي فيها المرحوم الدكتورة زكية ساتي يا حاجة سارة لكن ما عرفنا دفعتك منو وكني ساكنة في ياتو داخلية

كتب عادل ردا على سارة عيسى

Quote: عادل فضل المولى . تاريخ التسجيل: 28-11-2004 مجموع المشاركات: 1434 Re: دراسة إستخباراتية عن الجيش السوداني : المقاتلات في عرض عيد الاستقلال قادها طيارون صينيون (Re: مجاهد عبد الرحمن) سلامات مجاهد والمتاخلون Quote: طبعاً حسب ما أوردتي في مذكراتك الكنت بتنتقدي فيها المرحوم الدكتورة زكية ساتي يا حاجة سارة يا زووول ما تغلط "البنية" مواليد 1975 وكانت شاهدة على احداث وقعت في جامعة الخرطوم والانقاذ وجهاز الأمن والتلفزيون ما بين 1985- 1992 تتصور..؟ يعني موسوعة جينيس لو فتشناها ما بنلقى فيها"زولة" بالمواصفات دي..؟ عبقرينووووووووووووو يا أمونة!

ناصر
شكرا على رد
انا بحترم رايك و عارف انو سوالك ده قائم
لكن يا حبيب انا اريد اقتباسا بان بعض االاعضاء المنبر قالوا بانها سخصية غير حقيقىة على حسب زعمك؟ لانك فاتح بوست كامل عشانها لتعرف؟
شوقار

شكرا شوقار على المرور واهتمامك بالموضوع
الحقيقة الموضوع دار بيني وبين اعضاء المنبر مباشرة ولم اقرأه في بوست حتى اقتبسه
سؤالي استفسار وليس افتراء
وانا سعيد جدا اذا ثبت عكس فرضيتي
وعلى استعداد لادارة حوار مع الاخت سارة لان المواضيع التي تطرحها على جانب من الاهمية رغم عدم اتفاقي مع الكثير من وجهات نظرها وذلك لايعني خطأها كما لايعني صواب وجهة نظري
اتمنى ان كا لديك شاهدا على وجود شخصية حقيقية او اي من اعضاء المنبر ان يدلي بها
ومرة اخرى ساكون سعيدا اذا تحققت من ذلك
شكري ومودتي

في انتظار الاجابة الشافية000000هل من مجيب؟؟؟

في انتظار الاجابة الشافية000000هل من مجيب؟؟؟

أسأل صاحب الحوش
هو الوحيد المخوّل بالاجابة
وشكراً على سؤالك البرئ

Quote: أسأل صاحب الحوش هو الوحيد المخوّل بالاجابة وشكراً على سؤالك البرئ

شكرا عادل فضل المولى والسؤال موجه لصاحب الحوش مع تحياتي وتقديري

الفاضلة سارة هل انت هنا؟

يا كافي البلا .... حتي في السايبر كمان عاملين نقاط تفتيش ؟؟؟!!!!

العزيز ناصر
تحية طيبة
والتحية عبرك للأخت سارة عيسى
طالما هى تكتب اذاً وجودها المادي حقيقة
واذا كنت تقصد ان اسمها مستعار الكثيرين/ات يكتبون باسماء مستعارة ولا مشكلة في ذلك ،من الاجدى مناقشة الاخت سارة في افكارها وليس البحث عن هويتها داخل هذا الفضاء الافتراضي،كنت اتمنى لو كان هذا البوست لمناقشة افكار سارة عيسى.

تحياتي يا حبيب

Quote: عبده عبدا لحميد جاد الله العزيز ناصر تحية طيبة والتحية عبرك للأخت سارة عيسى طالما هى تكتب اذاً وجودها المادي حقيقة واذا كنت تقصد ان اسمها مستعار الكثيرين/ات يكتبون باسماء مستعارة ولا مشكلة في ذلك ،من الاجدى مناقشة الاخت سارة في افكارها وليس البحث عن هويتها داخل هذا الفضاء الافتراضي،كنت اتمنى لو كان هذا البوست لمناقشة افكار سارة عيسى. تحياتي يا حبيب

تحياتي اخي عبده
اهو واحدة من فوائد هذا البوست اني تحاورت معك واتمنى ان تتطور العلاقة من علاقة اسفيرية لعلاقات اجتماعية متميزة.
في بوست فتاحاهو احدى الاخوات تدعوفيهو لوضع وصف البيت
يعني العلاقة ممتدة ومتطورة
علي الاقل نعتبرها فرصة للتعارف مع سارة عيسى وقد كتبت عشرات المواضيع في هذا المنبر ومن الطبيعي ان نتعرف عليها اي انها ليست عابر سبيل
في كتير من الاخوة بيكتبو باسم مستعار لكنهم معروفين بشخصياتهم وبورداب منطقتم بعرفوهم

تحياتي وودي

و هل آوحت ألسيدة أو آنسة سأرة عيسى رغبتهأ فى آلتعأرف إجتمأعيأ معك و لمأذأ يهم هذأ ألأخرين فى ألبورد?

اخي ناصر يا اخوي ما تتعب نفسك ساكت دي لا بتجيك ولا شيء ...

لك الود..


ود الباوقة

دراسة إستخباراتية عن الجيش السوداني : المقاتلات في عرض ...قادها طيارون صينيون
هنا ممكن تلقى ملامح
لكن هي مابتجيك
عليك الله في زول راجل بشنباتو يكتب باسم حرمة

Quote: اهو واحدة من فوائد هذا البوست اني تحاورت معك واتمنى ان تتطور العلاقة من علاقة اسفيرية لعلاقات اجتماعية متميزة.

شكراً عزيزي ناصر اتمنى بكل قلب مفتوح ان نتقابل على ارض الواقع
او على رأي القائل الحي بلاقي

تحياتي

Quote: هنا ممكن تلقى ملامح لكن هي مابتجيك عليك الله في زول راجل بشنباتو يكتب باسم حرمة

يا مجاهد تحياتي نحن لغاية الان عندنا فرضية هي ان سارة عيسى شخصية حقيقية
دايرين زول يثبت لينا الفرضية دي

Quote: اخي ناصر يا اخوي ما تتعب نفسك ساكت دي لا بتجيك ولا شيء ... لك الود..

بتجي ياود الباوقة خليك متفائل

Quote: و هل آوحت ألسيدة أو آنسة سأرة عيسى رغبتهأ فى آلتعأرف إجتمأعيأ معك و لمأذأ يهم هذأ ألأخرين فى ألبورد?

السيد جوزيف تحياتي
نوع التعارف الذي اطلبه ليس دقيقا فقط نريد ان اعرف الى من اتكلم ليس بالضرورة ان توحي الي هي بالتعارف فنحن عضوين في منبر واحد يحق لكل منا ان يطلب من الاخر تعريف نفسه باي اشارة بدون تفاصيل ولها مطلق الحرية ان توافق او تمتنع .
شكرا على مشاركتك الكريمة اخي جوزيف

تحياتي محمد سليمان نقاط تعارف وليس تفتيش

up

Quote: سؤالي ما ذال مطروحا بريئا اتمنى ان اجد له اجابة

سلام ناصر
مازال السؤال قائم من هي ساره عيسي؟
لما لم تتداخل حتي الان؟
نفس السوال طرحنه واتناقشنا فيه قبل عاميين في سويسرا عندما زارني المحبوب ومعاويه احمد حمزه ولم نجد جواب لكن رجحنا انها شضيه مستتره يمكن تعبر عن مجموعه من الاشخاص
مع ودي

والله سؤال يا ناصر ...
هي بتكتب في صحيفة .. ما متذكر إسمها .. لكن سؤالك موضوعي جدا جدا

Quote: Author: سحلوب والله سؤال يا ناصر ... هي بتكتب في صحيفة .. ما متذكر إسمها .. لكن سؤالك موضوعي جدا جدا

بالله حاول تتذكر يا سحلوب ممكن تحلنا من الغلوتية دي

Quote: سلام ناصر مازال السؤال قائم من هي ساره عيسي؟ لما لم تتداخل حتي الان؟ نفس السوال طرحنه واتناقشنا فيه قبل عاميين في سويسرا عندما زارني المحبوب ومعاويه احمد حمزه ولم نجد جواب لكن رجحنا انها شضيه مستتره يمكن تعبر عن مجموعه من الاشخاص مع ودي

الاخ بابكر نحن بنعمل العلينا دايريين شخصية حقيقية نتناقش معاها

Quote: خاصة وانك نشيطة وتديرين عدد من البوستات المهمة

سلام أخي

بالله عايز تتعرف بس ?????
مافي مشكلة بكرة تلقي سارة مطلعة بوست عنك
وحتي تفاصيل طفولتك بالوصف الدقيق
بعده كلو ما عرفت ساااارة دي منو

تحياااتي

مازال السؤال قائم من هي ساره عيسي؟
وايضاً نحن نسأل

Quote: Author: ebrahim_ali مازال السؤال قائم من هي ساره عيسي؟ وايضاً نحن نسأل

شكرا ابراهيم علي شكرا على المرور والمشاركة ومازلنا ننتظر

نحن في الانتظار يادكتور محمد
تخريمة
تحياتنا للامورة لينة

الأخت العزيزة سارة عيسي ...

فليكن ردك مقالات أخري في الصميم تلهب ظهورهم و تفضح مؤسستهم المهترئة .....

و يبدو أن رسالتك قد وصلت اليهم .... عالية مدوية ...... فطفق أولاد قوش يتساءلون في هستيريا : من هي سارة عيسي ؟؟!!

الاخ ناصر
سلامات

انالست متيقنامن الدوافع وراءتقصي سيرة الكاتبة سارةعيسي

ولكن دعنانتفق ان هذاالمنبر يعتني في المقام الاول بالحوار والمفاكرة
والعبرة بمايتركه الكاتب في وعي وضمير المتلقي وفيماعداذلك للكاتب
عالمه الخاص واختياراته العلائقية التي تخضع لشروطه هو.وعليه مهما
كانت درجة تاثير العضو فليس من اختصاص اي احد بالمنبر ان يخضعه
لاستجواب حول ال personal identity

مجاهد عبد الرحمن يا أنا
اقصد يا (ن ح ن ا)

كلمني حاول حس بي
الحاصل شنو ؟؟

سامع انو في راجل بكتب باسم مرة

سلامات يا ( ن ح ن ا )
الشوق بحر ماليه حد
للغزوات الإسفيرية
بالله تحياتي بلا حدود للتي غابت عنا

يا معتز يا خوي
والله ساره عيسى دي في ناس كتار هنا قالوا إنها راجل لكن ناكر ( للهوى ولا الهواء ما عارف ) زي كتار الناكرين نفسهم ووطنيتهم يشتغلوا (تابع) في الجيش الأمريكي ويقولو لينا هنا ضباط والبشتغلو (بيبي ستر) ويقولو لينا بتاعين حقوق إنسان وديمقراطية ...
سارا دي يا طويل العمر يقولون إنها راجل ومشكلتا إنها بتهابش وعاملة فيها مناضلة ومعارضة وهي والله (بي مطرق) ما تعرض ...
البوست عملوه الشفوت لزوم السلخ وكدا ...
بالله تعال شارك لو ما عندك سكين بي فرامة بي جامبية بي قزازة المهم ما تروح عليك هذه الغزوة المباركة دي ...
تحياتي يا أنا بل نحن

(والبشتغلو (بيبي ستر) ويقولو لينا بتاعين حقوق إنسان وديمقراطية )
لايهمنى من تكون سارة عيسى بقدرما يهمنى ما تكتبه
لكن
اسالك شخصيا اخى مجاهد عبد الرحمن
وقد وضعت ما كتبته بين قوسين
ماذا يضير ان يشتغل المرء اى نوع من الاشغال ؟
هل هى سبة ؟
هل يعنى حين لاتجد عملا ان تقعد فى بيتك وتندب حظك ؟
عنى شخصيا اشتغل جليسة اطفال
وما زلت اكتب لان هذه صنعتى التى حبانى اياها رب قدير
ولم اجد مبررا لمثل قولك هذا الا ان تكون ضد العمل ايا كان
و فى هذا الزمان لا بد ان يشتغل الانسان مهما كان نوع العمل
هذا من ناحية
ومن ناحية اخرى حين ابت على بلادى ان اكون جزءا من كيانها مضيت ضاربة فى الكون الفسيح
ووجدت نفسى هنا
لكنى لم ادع انى من (بتاعين حقوق الانسان ) لان حق الانسان فى العمل موجود اينما كان
والسعى فى مناكب الارض ايضا من حقوقه
فاين الازمة ؟ واين مكمن المشكلة ؟
واقول لك ليس لانى اتحسس من سؤالك لكن غيرى كثيرون وكثيرات يلمسهم مثل قولك هذا
ولست هنا فى امر الدفاع عنهم
لكنى وجدت نفسى ممن تساءلت حولهم فى سياق خطابك
واقول لك مرة اخرى انى قد مضيت الى حيث (اهلى وان ضنوا ) فما وجدت سوى الطرد ملازما
والرفض رديفا
والمنع امر جائز لدنهم تجاهى
بل وصل الامر ان منعونى دخول مقر احببته وعملت فيه لسنوات
فهل لى ان ابقى بين العطالى وجيوشها بدون ماء وجه ام اشتغل ما شاء الله حتى اجد مخرجا ؟
ارجو ان نكون دقيقين فى وصفنا للمهن وكل اناء بما فيه ينضح
اخى مجاهد لك تقديرى ولصاحب البوست ايات الاخاء والاسف انى قمت بحرف نقاشه

أختي العزيزة سلمى الشيخ سلامة
لك التحيات الناضرات
أنت يا أستاذة تأريخك العملي في الإذاعة والكتابي في الصحف بمليون كتاب ومليون وسام شرف
أختي والله لم أقصد العمل كقيمة لأنه أيما كان فهو شرف ولكن لشئ ما....
فإن أصابك أو أصاب أي من المحترمين بعضاَ من كلماتي فأنا أعتذر لكم ولكل عمل شريف
لأن هناك من يبيعون أوطانهم وضمائرهم
وللذين لم ينعموا بلمسات سلمى الإذاعية ومسيرته فليستمعوا إلى برنامج نجوم بعيدة للأستاذ نجيب نور الدين ليتعرفوا أكثر على عطاء جزيل نبيل
لك الحب والود
والعتبى حتى الرضا
تقديري لك

سلمى الشيخ سلامة
(والبشتغلو (بيبي ستر) ويقولو لينا بتاعين حقوق إنسان وديمقراطية )
لايهمنى من تكون سارة عيسى بقدرما يهمنى ما تكتبه
لكن
اسالك شخصيا اخى مجاهد عبد الرحمن
وقد وضعت ما كتبته بين قوسين
ماذا يضير ان يشتغل المرء اى نوع من الاشغال ؟
هل هى سبة ؟
هل يعنى حين لاتجد عملا ان تقعد فى بيتك وتندب حظك ؟
عنى شخصيا اشتغل جليسة اطفال
وما زلت اكتب لان هذه صنعتى التى حبانى اياها رب قدير
ولم اجد مبررا لمثل قولك هذا الا ان تكون ضد العمل ايا كان
و فى هذا الزمان لا بد ان يشتغل الانسان مهما كان نوع العمل
هذا من ناحية
ومن ناحية اخرى حين ابت على بلادى ان اكون جزءا من كيانها مضيت ضاربة فى الكون الفسيح
ووجدت نفسى هنا
لكنى لم ادع انى من (بتاعين حقوق الانسان ) لان حق الانسان فى العمل موجود اينما كان
والسعى فى مناكب الارض ايضا من حقوقه
فاين الازمة ؟ واين مكمن المشكلة ؟
واقول لك ليس لانى اتحسس من سؤالك لكن غيرى كثيرون وكثيرات يلمسهم مثل قولك هذا
ولست هنا فى امر الدفاع عنهم
لكنى وجدت نفسى ممن تساءلت حولهم فى سياق خطابك
واقول لك مرة اخرى انى قد مضيت الى حيث (اهلى وان ضنوا ) فما وجدت سوى الطرد ملازما
والرفض رديفا
والمنع امر جائز لدنهم تجاهى
بل وصل الامر ان منعونى دخول مقر احببته وعملت فيه لسنوات
فهل لى ان ابقى بين العطالى وجيوشها بدون ماء وجه ام اشتغل ما شاء الله حتى اجد مخرجا ؟
ارجو ان نكون دقيقين فى وصفنا للمهن وكل اناء بما فيه ينضح
اخى مجاهد لك تقديرى ولصاحب البوست ايات الاخاء والاسف انى قمت بحرف نقاشه

الفاضلة الاستاذة سلمى
تحية واحتراما
لا اجد الا ان اجد نفسي اقف احتراما لمن يخرج من بيته طالبا رزقا شريفا...والمهنة التي قصدتيها من انبل المهن
ولا تعطى لاي شخص
ونسأل الله ان يرد غربتك سالمة غانمة
وليكن لسان حالك
بلادي وان جارت علي عزيزة واهلي وان ضنوا علي كرام
لك العتبى حتى ترضين

Quote: Author: Hisham Osman الاخ ناصر سلامات انالست متيقنامن الدوافع وراءتقصي سيرة الكاتبة سارةعيسي ولكن دعنانتفق ان هذاالمنبر يعتني في المقام الاول بالحوار والمفاكرة والعبرة بمايتركه الكاتب في وعي وضمير المتلقي وفيماعداذلك للكاتب عالمه الخاص واختياراته العلائقية التي تخضع لشروطه هو.وعليه مهما كانت درجة تاثير العضو فليس من اختصاص اي احد بالمنبر ان يخضعه لاستجواب حول ال

عزيزي هشام تحية واحتراما
صدقني ليس الامر استجواب او تحري عن الهوية
فقط هناك فرضية ان الشخصية المعنية ليست حقيقية بعضهم يقول انها رجل في ثوب امرأة انا اريد ان اثبت العكس ولكن احتاج لمساعدة احدهم ان لم تكن الشخصية نفسها
الكل يتحدث في هذا المنبر عن اي شخص ( راجع البوستات المعروضة الان ) البعض يتحدث عن شخصيات معروفة بكل وقاحة وابتزال
انا لم اطلب غير امارة واحدة تدل على ان سارة عيسى شخصية حقيقية ونثبت بذلك عكس فرضيتنا) وهي فرضية بريئة كم اسلفت لم اقصد من ورائها اي قصدلماذا لم يقال هذا الكلام عن اي شخص اخر في البورد؟؟؟
مافي نار من غير دخان والعود كان فيهو شق ما بقول طق

الأخ ناصر حتى نقتنع بأن سؤالك برئ و نطرحه معك بدون حساسية
فأسمح لي أن اسألك لماذا سارة عيسى بالتحديد..و هناك الكثيرون
الذين يكتبون باسماء مستعارة و بالتأكيد هناك الكثير من الشخصيات
الوهمية فلماذا لم تسأل عن هؤلاء؟

Quote: سيف النصر محي الدين محمد أحمد الأخ ناصر حتى نقتنع بأن سؤالك برئ و نطرحه معك بدون حساسية فأسمح لي أن اسألك لماذا سارة عيسى بالتحديد..و هناك الكثيرون الذين يكتبون باسماء مستعارة و بالتأكيد هناك الكثير من الشخصيات الوهمية فلماذا لم تسأل عن هؤلاء؟

لك التحية اخي سيف النصر
ان سؤالي برئ ومجرد فرضية يمكن اثباتها او نفيها
في ناس بكتبو باسماء مستعارة ولكنهم معروفين كشخصيات تمبس جني فرانكلي سجيمان وهلم جرا
والعود كان ما فيهو شك ما بقول طق
شكرا على مرورك الكريم

Quote: فطفق أولاد قوش يتساءلون في هستيريا : من هي سارة عيسي ؟؟!!

Quote: 16-02-2008, 06:09 م د.ناهد محمد الحسن . تاريخ التسجيل: 30-05-2007 مجموع المشاركات: 243 ياالله..!؟تركت قلبى بالدوحة..!؟ المدينة مترفة وترتدى زينتها عند كل صباح ..ظننتنى قوية وبمقدورى المجازفة بالحضور ..تحسست قلبى وكل شئ..كنت لا ينقصنى شئ ..حتى تعرفت الى بورداب الدوحة ذات انترنت فى يوم برد عاصف غرقت فى وجوه الحاضرين..كيكى ..ضحية..ولم اعد اذكر ..ثم رحلوا فجأة حتى التقيت كمال سالم ..رجل لا يتسع لامرأة الا بعد الاربعين(هئ هئ)..ثم لا ادرى كيف وجدتنى امام امرأة ساحرة ..تضحك فتعربد مواسم من الخصب والسحر ..تغيم فيدهمك حزنها كالمحن ..ليلى صلاح ابنوسة ..اكثر من جميلة ..ونادوس زوجها الوغد المحظوظ(هئ هئ) ثم الجميلين بشكل قاسى ..اسيا وود الزين ومنال وعمر بوب واسماء ود فاطمة ..ابو ساندرا ورشيدة ومهيتاب ..عادل التجانى ..السنى واحلام ..معاوية وبدر الدين الامير , نجدى وعواطف ..عادل سالم ونادر ..طارق وصحافة 30 ..عفراء وعبد الرحمن ..وقصة اكبر من الكلام معتصم الطاهر وهويدا ومنى والزوجين الجميلين ( كنت صف الحبايب فيهم وكل العاشقين حلفى ..يامعتصم )..وفيصل الزبير ومعتز القريش واسماء محمود والنور حمد وعبدالله عابدين وامير تاج السر وبروف البيلى ود هاشم كرار ود مامون ..فوزى بشرى ,رجل بقامة مدينة..و الزبير نايل وكثيرين احالوا ايامى فى الدوحة الى سعادة قاتلة ولكن ..اين اضعت قلبى ..؟فى مكان ما فى لحظة ما ..ترانى اضعت قلبى ..وعدت كما قال احدهم ثقب ما فى مكان القلب اتالم كلما هبت الريح فيه ..عدت الى المدينة التى احب ..وهنالك شئ ما ثمين جدا لم يعد هناك .. احبائى بورداب وبوردابيات الدوحة ..من يعثر على قلبى ..لا داعى لان يفعل به شئ ..فانا واثقة انه معكم سيعرف الامان والحب الذى عرفته..كونوا بالف خير ..

هكذا قيمة التعارف في سودانيز اولاين شخصيات بكل الوان الطيف السياسي استقبلت د ناهد في الدوحة قمة الحب قمة الاخاء بين شخصيات لم يجمع بينهم الا القلم في الفضاء بالهه عليكم ردوا لها قلبها الذي سرقتوه
هذا ما نريده عندما نسأل من فلان فيسمي البعض البحث عن التعارف استجواب
ستظل سارة عيسى شخصية وهمية حتى تثيت العكس

الاخ ناصر

تحياتي واحترامي

اجد نفسي متفقا مع اخي العزيز عبدو عبد الحميد جاد الله ولكنى كقانوني اضيف الاتي : طالما انت تدعي ان سارة ليست شخصية لانثى حقيقية وانما رجل انتحل شخصية انثى اختار لها اسم سارة .ارى ان البينة على من ادعى وهو انت واليمين على من انكر . دعني انسى يمين المنكر لاننا لا نملك مطالبه / مطالبتها باليمين ولكن فالنستمع لبينة المدعي ان وجدت .

انا والله يا ناصر اخوى زيك - لقد قالها لي الكثيرون اى ان سارة ليست انثى ولكني لا املك مطالبتها بتاكيد ذلك .

Quote: Author: الطيب شيقوق الاخ ناصر تحياتي واحترامي اجد نفسي متفقا مع اخي العزيز عبدو عبد الحميد جاد الله ولكنى كقانوني اضيف الاتي : طالما انت تدعي ان سارة ليست شخصية لانثى حقيقية وانما رجل انتحل شخصية انثى اختار لها اسم سارة .ارى ان البينة على من ادعى وهو انت واليمين على من انكر . دعني انسى يمين المنكر لاننا لا نملك مطالبه / مطالبتها باليمين ولكن فالنستمع لبينة المدعي ان وجدت . انا والله يا ناصر اخوى زيك - لقد قالها لي الكثيرون اى ان سارة ليست انثى ولكني لا املك مطالبتها بتاكيد ذلك .

لك التحية والاجلال اخي الاستاذ الطيب
انتم اهل القانون لانملك ان نغالطكم في اكل عيشكم
ليس لدي بينة وانما هي مجرد شبهة والاخت سارة بريئة منها حتى يثبت العكس
اذن الامر ليس اتهام ولكن عشمي ان تخرج علينا الاستاذة سارة وتنهي هذا الجدل ومن حقها ان تمتنع ولا ننازعها هذا الحق
تحيتي لك مرة اخرى ولا تحرمنا دوما من التوجيهات القانونية نحتاج لها كثيرا في هذا المنبر وعلينا السمع والطاعة

Quote: يا كافي البلا .... حتي في السايبر كمان عاملين نقاط تفتيش ؟؟؟!!!!

محمد سليمان
يعني أنت داير بس كل من هب ودب كان زول ولا خيال ساي يكتب ويعمل فيها صاحب رأي وينصب نفسه قييم على خلق الله ويدي روحه الدرجات العلمية والألقاب .... زيك كدي!!!!

حليل زمن التوثيق والتحقق والمعرفة...


الزمن ده أي ضبانة تلقى ليها سوشيلسيكيورتي ونت بلوشي وبيت بي حوشي حتى لو كانت نجيلة مع رصيف الشارع يعمل فيها داروين وفبساغورس زمانه.....

ما ياما بلاوي أنكشفت لشخصيات هلامية وأقرب مثال (روضة مردا وأبوها الجانا واحد من المنافيقين هنا وقال أتصلت بيها وكلمت أبوها؟؟؟؟)...

عيشوا الواقع وليس التسول !!!!

الشايقي

فاوضني بلا زعل

Quote: Author: Al-Shaygi محمد سليمان يعني أنت داير بس كل من هب ودب كان زول ولا خيال ساي يكتب ويعمل فيها صاحب رأي وينصب نفسه قييم على خلق الله ويدي روحه الدرجات العلمية والألقاب

الله قادر يا الشايقي
تحية وشكر على المرور

أصدق التحايا للأخت ساره عيسى
يهمنا فقط ما تكتب

مولد وسيدو غائب

Quote: Author: عادل فضل المولى مولد وسيدو غائب

جنينة وغفيرة نايم يا سيد عادل

اين ذهب بائع الروببيكا....



ود الباوقة

Quote: Author: رأفت ميلاد أصدق التحايا للأخت ساره عيسى يهمنا فقط ما تكتب

اظنك تقصد يا رافت يهمنا ما يكتب بضم الياء (مبني للمجهول كما يقول اهل اللغة) لان الفاعل غير معروف

اتمنى ان تكون صادقا مع نفسك يا رافت اذا كان يهمك ما يكتب فقط لماذ تسئ اذن لزملاءنا في المنبربدلا من ان تهتم بما كتبوه يا سيدي الفاضل

see you

Quote: اظنك تقصد يا رافت يهمنا ما يكتب بضم الياء (مبني للمجهول كما يقول اهل اللغة) لان الفاعل غير معروف

لا .. أقصد ما تكتب ساره عيسى تحديدآ

Quote: اتمنى ان تكون صادقا مع نفسك يا رافت اذا كان يهمك ما يكتب فقط لماذ تسئ اذن لزملاءنا في المنبربدلا من ان تهتم بما كتبوه يا سيدي الفاضل

لم أسيئ الى أحد .. أسمى الأشياء بمسمياتها .. والكذب صفة معناها عكس صدق .. فأنا صادق مع نفسى .. العلة ليست فى المقال .. ولكن أن يقوله .. من يناقضه .. تفهمنى جيدآ .. ولكنها حملة منظمة .. لا تعنينى ..
لماذا تريد معرفة هوية ساره ؟؟
أعلم لا تريد .. وسؤالى بدون معنى .. فهى حملة منظمة .. جعلها الله فى ميزان حسناتك
عنوانك:

Quote: سؤال برئ0000000بدون حساسية 00000من انت يا سارة عيسى؟

لا يختلف عن

Quote: رأفت ميلاد ..... ليه كدا بس؟؟؟؟؟؟

وكلها براءة
ظهر الثعلب يوما فى ثياب الواعظينا

لا أستطيع أن أجد أي منطق أو أي موضوعية للذين يتركون قراءة الفكرة، ليبحثوا عن اسم وأصل كاتبها، وأستعجب أن يناقش البعض سيرة الكاتب، وبحجج كاتبها أول من يعلم أنها لا تكفي لإقناعه ببراءتها- وان كانت بريئة- فمنطق الثقافة المكتوبة، يقوم على ما دلق من حبر وضرب على كيبورد، ومدى استحقاقه لما نهدره عليه من زمن في قراءته، من عدمه، وما تثيره من افكار، وما ترفدنا به من معلومات .

أنا شخصياً أسعى جاهد للتعامل مع المكتوب، وأبعد عن شخصنة المكتوب ما استطعت اليه سبيلا، ولا أجد أي أهمية لمعرفة الكاتب، ولماذا كتب، إلا في إطار الإحاطة بالمكتوب، باعتباره هو الهم الأساسي، وجوهر وجودنا هنا...

أخي ناصر
ود و حميمية لقاءات عضوية البورد، وسعيهم للقاء بعضهم البعض، لن تصلح كحجة لتبرر مطالبة سارا أو أي عضو بالإفصاح عن اسمها، فالسعي نحو لقاء الآخرين يقوم أساساً على رغبة متبادلة بين المحتفى به والمحتفين...ويمكن لأي عضو في هذا البورد ألا يكون له أي رغبة في تطوير علاقاته مع الآخرين، ويكتفي بالتعرف عليهم عبر صفحات المنبر (وبث).

أنا هنا لست بصدد الدفاع عن سار عيسى، فأنا لا أعرفها، ولكن كمتابع وعضو في هذا المنبر، أقرأها، وأختلف أحياناً و أتفق أحيانا أخرى مع ما تكتبه..لن يهمني ان كان هذا اسمها أو اسم مستعار يهمني ما تكتب..
بعدين يا خي فلنفرض أنه اسم مستعار، فما المشكلة في ذلك، فأنا أحد الذين ظلوا ولأكثر من 15 سنة يقرأ للكاتب الكبير عبدالعزيز حسين الصاوي، وباعجاب منقطع النظير، ومن سنوات كشف لي أحد مثقفينا أنه اسم مستعار لديبلوماسي سوداني اسمه محمد بشير، وطبعا هو بنفسه كشف عن هذا الأمر خلال الشهر الماضي، فهل يا ترى كشفه لاسمه قل أوأضاف شيئاً لقيمة ما يكتبه؟؟؟!!! لا أظن.

.

اخي nadus2000

اشكرك على المرور والمشاركة
وجهة نظرك مقبولة ومحترمة وان كنت اختلف معك ان الذي يكتب عن الفكر والادب مثلا يمكن ان يكتب باسم مستعار ولكن من يكتب عن الناس منصبا نفسه قاضيا عليهم يصدر احكامه هذا صالح وهذا طالخ من حق الناس ان يعرفوا من هو ......... على كل علينا السؤال وعليها الاجابة ان ارادت والافهي حرة غير مغصوبة ولكن يبقى السؤال قائما
مرة اخرى اشكرك على وجهة نظرك القيمة وقد تكون انت على صواب وانا مخطئا
ودمت بخير ياعزيزي

الاخ نادوس
أو معكوس (سودان)
سلامات
مع التقدير التام لوجهة نظرك فإن القياس يبدو فارقاً
الاستاذ عبد العزيز حسين الصاوي معلوم للكثيرين وقد شارك في انشطة عديدة كان ينظمها التجمع المعارض بالخارج
وقد تستر خلف ذلك الاسم لمبررات قد تبدو مقبولة في وقتها..لكن نحن الآن في زمن مختلف، واذا كانت المنتديات السايبيرية تتيح للواحد انتحال عدة اسماء وتركيب عدة شخصيات فإن هذا الموقع صار لا يتعامل مع العضوية الجديدة الا بالاسم الصحيح، بجانب ان معظم اصحاب الاسماء المستعارة - وانت منهم- شخصيات حقيقية بمعنى انها فاعلة ومتفاعلة مع من حولها..
بالمناسبةالصاوي لا يزال يكتب بالاسم نفسه مع الصورة الحقيقية طبعاً

هذا البوست يكشف حجم الإنصرافية و " قلة الشغلة " لبعض منسوبي هذا المنتدى ، هؤلاء الذين أختاروا إسم سارة عيسي ليكون العنوان بالخط العريض كانوا في حاجة إلي brand Name لا أكثر ولا أقل ، هكذا يغوصون في الإثارة بغرض جر القراء إلي بضاعتهم الفاسدة ، بالفعل هناك من اشتهر لأنه كتب عن سارة عيسي ، عبد الله العقيد ، بريمة ، الطيب عبد الرازق النقر ، سماح ، نمارق ، مهيرة ، علي جبارة ، القائمة تطول ، لكن هذه الأقلام لن يقرأ لها الناس إذا لم تنل من شخص سارة عيسي
they should thank me because i inspired them

البعض من مقالاتي تم تناوله في الصحافة السودانية ، وبعضها نُشر في كل المواقع الإخبارية مثل موقعي قناة الجزيرة والعربية ، وهناك ردود على مقالاتي نُشرت في موقع الدكتور فيصل القاسم ، وعندما تأخذني المشاغل بعيداً تصلني الرسائل من كل دول العالم ..ويسالونني بقلق عن السبب ..فهل وصلت يد الأمن العنصري إلي سارة عيسي ؟؟ كما أنها باعت القضية بثمن بخس مقابل المنصب والسلامة ؟؟ فنحن في عهد عاش على غياب الحريات ، وانا من جيل الثورة الذي يرى أنها لم تبدأ بعد ، أنا جيل السودان الجديد الذي إذا رحل منه قرنق واحد تنبت من أرضه آلاف الرايات بإسم قرنق ، أنا خريجة مدرسة الشهداء ، قرنق ، دواود بولاد ، يوسف كوة ، هؤلاء الناس الذين حاربوا من أجل وطن المساواة والعدل والحرية ، لن أعلق أكثر من ذلك مع أنني أعطيت هؤلاء المندسين(crocked snitchers) الأمنيين شيئاً من الإعتبار والوزن الذي لا يستحقونه

Quote: بالفعل هناك من اشتهر لأنه كتب عن سارة عيسي ، عبد الله العقيد ، بريمة ، الطيب عبد الرازق النقر ، سماح ، نمارق ، مهيرة ، علي جبارة ، القائمة تطول ، لكن هذه الأقلام لن يقرأ لها الناس إذا لم تنل من شخص سارة عيسي

انا اسمي مكتوب..؟
على قول عادل امام
لكن انا حزين لأنو اسمي ما مكتوب مع اني أول واحد في المنبر دا "شال وش القباحة" وطالبك باظهار شخصيتك الحقيقية..!

الأستاذة/ سارة عيسي
تحياتي
أري أن الرد العملي من جانبك لإثبات إنصرافية وقلة شغلة كاتب هذاالبوست هو أن تثبتي له أنك تحملين إسمك الحقيقي، وذلك فقط بذكر إسم الجامعة والكلية التي درستي فيها وسنة تخرجك منها، وبذلك تكوني قد ألجمتيه ومن ظاهره وقطعتي ألسنتهم من لغاليغها كمان ووضعتي حداً لهذا البوست، وإلاّ سيك سيك معلق فيك (:
وبغض النظر عن هذا أو ذاك يعجبني أسلوبك الساخر وثقافتك العالية في تناول الأحداث وإحترام وجهة نظرك فيما تكتبين سواء إتفقت أو أختلفت معك فيها.
مع تقديري،،
الصافي بشير

Quote: الأستاذة/ سارة عيسي تحياتي أري أن الرد العملي من جانبك لإثبات إنصرافية وقلة شغلة كاتب هذاالبوست هو أن تثبتي له أنك تحملين إسمك الحقيقي، وذلك فقط بذكر إسم الجامعة والكلية التي درستي فيها وسنة تخرجك منها، وبذلك تكوني قد ألجمتيه ومن ظاهره وقطعتي ألسنتهم من لغاليغها كمان ووضعتي حداً لهذا البوست، وإلاّ سيك سيك معلق فيك (: وبغض النظر عن هذا أو ذاك يعجبني أسلوبك الساخر وثقافتك العالية في تناول الأحداث وإحترام وجهة نظرك فيما تكتبين سواء إتفقت أو أختلفت معك فيها. مع تقديري،، الصافي بشير

الاخ الصافي والله مادايرين غير دة وانا بكتب تعهد هنا قدامك وقدام الناس كلهم لو سارة ادتنا اي اشارة لوجود حقيقي لشخص اسمه سارة انا مدين لها بالاعتذار امام جميع خلق الله وسحب البوست دة فورا
ويا سارة السؤال مابقى سؤالي انا بس حقو علي الاقل تحترمي كل هذا لعدد الذي يطلب منك حتة تعارف
واتنين لوقالو ليك راسك مافي اهبشو

Quote: they should thank me because i inspired them

شكرا لك سارة لانك اتحت لنا هذه الفرصة
من لايشكر الناس لايشكر الله
بس قولي لينا انت منو عشان نقفل علي الموضوع دة

فى تاريخ الكتابة عموما..
انتحال الاسماء لا يعد عيبا
حتى لو كان الاسم يخالف النوع..
حاجة عادية واتكررت كتير..
وللكاتب مطلق الحرية فى الاعلان عن نفسه بالصورة التى تريحه( ده حقو)..

انا واحدة من معحبى قلم سارة عيسى ، وهى تعرف ذلك
وربما تعرف ان اتفق معها( تقريبا )فى كل ما تكتب..
ولكن مشكلتى الاساسية فى هذه الحياة ان ما بقدر اقاوم أقول رأيى فى امر من الأمور
وأرجو أن لا تفهمنى سارة خطأ..فأنا أحترم جهدها الخارق فى الكتابة فى كثير من الأماكن فى وقت واحد
وانتمى معها قطعا الى السودان الجديد الذى نحلم به...,سنجعله واقعا باذن الله:

Quote: هذا البوست يكشف حجم الإنصرافية و " قلة الشغلة " لبعض منسوبي هذا المنتدى ، هؤلاء الذين أختاروا إسم سارة عيسي ليكون العنوان بالخط العريض كانوا في حاجة إلي brand Name لا أكثر ولا أقل ، هكذا يغوصون في الإثارة بغرض جر القراء إلي بضاعتهم الفاسدة ، بالفعل هناك من اشتهر لأنه كتب عن سارة عيسي ، عبد الله العقيد ، بريمة ، الطيب عبد الرازق النقر ، سماح ، نمارق ، مهيرة ، علي جبارة ، القائمة تطول ، لكن هذه الأقلام لن يقرأ لها الناس إذا لم تنل من شخص سارة عيسي they should thank me because i inspired them البعض من مقالاتي تم تناوله في الصحافة السودانية ، وبعضها نُشر في كل المواقع الإخبارية مثل موقعي قناة الجزيرة والعربية ، وهناك ردود على مقالاتي نُشرت في موقع الدكتور فيصل القاسم ، وعندما تأخذني المشاغل بعيداً تصلني الرسائل من كل دول العالم ..ويسالونني بقلق عن السبب ..فهل وصلت يد الأمن العنصري إلي سارة عيسي ؟؟ كما أنها باعت القضية بثمن بخس مقابل المنصب والسلامة ؟؟ فنحن في عهد عاش على غياب الحريات ، وانا من جيل الثورة الذي يرى أنها لم تبدأ بعد ، أنا جيل السودان الجديد الذي إذا رحل منه قرنق واحد تنبت من أرضه آلاف الرايات بإسم قرنق ، أنا خريجة مدرسة الشهداء ، قرنق ، دواود بولاد ، يوسف كوة ، هؤلاء الناس الذين حاربوا من أجل وطن المساواة والعدل والحرية ، لن أعلق أكثر من ذلك مع أنني أعطيت هؤلاء المندسين(crocked snitchers) الأمنيين شيئاً من الإعتبار والوزن الذي لا يستحقونه

أقطع ضراعى هذا القلم ليس نسائى ...
فٍأسلوب كتابة المرأة مختلف بلا شك عن أسلوب الرجل...لأسباب كثيرة..
ولى سبب آخر يجعلنى متأكدة من اعتقادى هذا ( أفضل ان أحتفظ به لنفسى )

ومعليش يا سارة..ما قدرت أقاوم أكتب الكلام ده ..

شكرا الاستاذة آمنة على المرور والمشاركة
وجهة نظرك دي عندها معنى كبير وبعتبرا شهادة في الموضوع
أكرر يا اخوانا انا ما بعيب علي سارة انها بتكتب باسم مستعار
وذي ما قت قبال كدة لو انها بتكتب في الادب او الشعر او الفن من حقها ان تكتب باي اسم
لكنها وقفت شاهدة على التاريخ وكتبت سيرة ناس عشان كتابتا تكون مرجع لازم نعرف الشخصي منو

Quote: أقطع ضراعى هذا القلم ليس نسائى ... فٍأسلوب كتابة المرأة مختلف بلا شك عن أسلوب الرجل...لأسباب كثيرة.. ولى سبب آخر يجعلنى متأكدة من اعتقادى هذا ( أفضل ان أحتفظ به لنفسى ) ومعليش يا سارة..ما قدرت أقاوم أكتب الكلام ده ..

عليك الله يا استاذة آمنة قولي لينا السبب التاني الشمار حرقنا

الأخ/ ناصر أحمد المصطفى تحية طيبة


يبدو أن " الإثارة قد بدأت الآن .... وكنت أعتقد بأن الأمر سيقتصر على حصولك على " ليكشر " " ليكشرين " وينوم الموضوع فى غياب صاحب/ة الشأن....... ولكن المداخلة الصادرة منه/هاأضفت الكثير من الإثارة على الموضوع........

الأخت/ آمنة مختار أصابت المرمى بالنيران الصديقة عندماأوردت ملاحظة ذكية ليس فقط بما يتعلق بأسلوب الكتابة ... فإن صحّ فهمى لما أشارت إليه تلميحاً فهو لا يقتصر على حرية الحركة له/ها، وإنما يتعداه إلى أنه/ها قد أبان/ت دواخله/ها فى الإستشهاد بالنماذج الذكورية من جيل السودان الجديد وأغفل/ت أى إشارة تلقائية منطقية للعنصر النسائى... هذا يُعرف بما اُصطلح على تسميته بال
(inside moves)

أنا شخصياً موقن تماماً من أن الشخصية لرجل وقد سبق لى الإشارة لذلك فى رسالتى تعقيب لإثنين من الكاتبات فى هذا المنبر عندما لم أكن أتمتع بالعضوية.... لأننى اذكر أنه قبل عامين كتب/ت عن معاناة شخصية عند زيارة السودان وفهمت منها أن الشخص المعنى مقيم بسلطنة عمان....... وفى كل الأحوال فهو خريج أداب ( قانون) من الجيل القديم ( جيل السبعينيات ) الذين كانوا يدرسون السنة الأولى فى كلية الأداب قبل إستكمال الدراسة فى كلية القانون والسر فى إسم البكالوريوس( على غرار كلية العلوم لبرالمة الكليات العلمية بجامعة الخرطوم )، أرجع لمعنى شهادة البكالوريوس(L.L.B) التى تمنحها جامعة الخرطوم التى تشير إلى صحة تمسكه/ها بالتخرج من الآداب.

وتتواصل الإثارة........

يلا..
فرصة أخرى للحزن..
ومساحات للمشاتل والشناتل..

الأخ/ ناصر أحمد المصطفى تحية طيبة

كدى حاول فسّر لينا الكلام دا ( يلا.. فرصة أخرى للحزن.. ومساحات للمشاتل والشناتل ) والكلام للمسافر..

Quote: Author: أبوبكر أبوالقاسم الأخ/ ناصر أحمد المصطفى تحية طيبة كدى حاول فسّر لينا الكلام دا ( يلا.. فرصة أخرى للحزن.. ومساحات للمشاتل والشناتل ) والكلام للمسافر..

المسافر للتكرم بالشرح مع تحياتي للاخوين ابوبكر والمسافر مع تمنياتي بوصول امن

Quote: الأخت/ آمنة مختار أصابت المرمى بالنيران الصديقة عندماأوردت ملاحظة ذكية ليس فقط بما يتعلق بأسلوب الكتابة ... فإن صحّ فهمى لما أشارت إليه تلميحاً فهو لا يقتصر على حرية الحركة له/ها، وإنما يتعداه إلى أنه/ها قد أبان/ت دواخله/ها فى الإستشهاد بالنماذج الذكورية من جيل السودان الجديد وأغفل/ت أى إشارة تلقائية منطقية للعنصر النسائى... هذا يُعرف بما اُصطلح على تسميته بال (inside moves)

شكرا اخي ابوبكر ابو القاسم على مرورك الكريم ومشاركتك
يبدو ان السؤال ظل يؤرق الكثيرين والحمد لله الناس بدو يساهموا بشارات تثبت ان الكاتب سارة شخصية غير حقيقية
رغم ان مدخلي هو مجرد استفسار وما داير ادخل التحليلات والاشارات والشواهد لكن الحصل حصل والجاي اكتر

Quote: يا كافي البلا .... حتي في السايبر كمان عاملين نقاط تفتيش ؟؟؟!!!!

يا استيــف ..
بلاي إنت بتنسى بالسرعة دي ..؟
واللا بتتناسى ..؟
ما يـاكا هنا دا اي ( جلابية) كنت داخل فيها بي يدينك وكرعينك وكان ما جات قدرك عايز تعمل ليها ( كفة ) انقليزية ..
إنت يا بتاع الاتنين الاسود وبتاع الاتنين الابيض .. ولاهاي .. وباقي الاسطوانة دي .. إنت نسيت الشفتن بتاعتك بتاعت زمانك واللا شنــو ..؟
واللا انقز الارشيف اجيب ليك البوستات بتاعتك مع الكاتبة الصحفية ( سلمى التجاني ) ..
نقاط التفتيش دي لي نوعيتك دي ولي الأخ ساره عيسى واجب وطني ..
عجبك .. كان بها .. ما عجبك ترجع لينا ( دوراراتنــا)
اي سؤال يا قندولي ..؟


يا ســارة عيسى ..
عملت لي شنـو في موضوع السيخ والأسمنت بتاع امس .. شايفك مسردب شديد .. وعامل فيها ما شايف ..

ملحوظة:
معليش يا سارة عيسى اعذرني .. زي ما شايف بذكر في المؤنث وبانث في المذكر .. اصلو اخوك زمانك كان ( ياســر تمتــام ) وكدا .. بعدين حبوبتي خنقتني بي ( مصران الضحية ) المصران الأعـور منــه .. وادتو شوية بتاعت شطة دكـوه .. علشان كدا اخوك طلع نظرو ضعيف .. ومع ضعف النظر جابت ليها ( شنــا) ومساخة ولدغه في اللسان .. علشان كدا ما تتحسس لينا استحملني يا مياس .. حتى زوال السبب المؤثر ..
يــا
كمان انتظر عيد الضحية الجاي .. بنديك الجلد والراس .. الجلد تعمل بيهو ( دربوكــه ) .. والراس ممكن تبدل بيهو عدة ..
انتهى..

Quote: الأخت العزيزة سارة عيسي ... فليكن ردك مقالات أخري في الصميم تلهب ظهورهم و تفضح مؤسستهم المهترئة ..... و يبدو أن رسالتك قد وصلت اليهم .... عالية مدوية ...... فطفق أولاد قوش يتساءلون في هستيريا : من هي سارة عيسي ؟؟!!

يا استيف ..
ياخي اللهب بتاعك دا من ما جيت البورد دا .. شغال لهب لهب .. لحدت ما اعتقدنا انك رتينة عديل كدا ..
كلو لهبك دا .. راح شمار في مرقة ..
طبعا لازم تجي تدافع هنا دا وبي كرعينك ويدينك .. لانو الكتابات العنصرية .. العنصريين الزيك ديل بلقو فيها راحتهم .. والواحد بيدردق كدا لمن يفتر من الدردقة ..
اهــا بعد كدا اصلو الناس المتدسية وعامله فيها منظرة دي .. عايزين نصل معاها الحد ..
طالما في نوعية بقت تهدد .. وتوصل الطلبات للبيوت .. ما عندنا مشكلة
عايزين نشتغله ميدان بعد كدا ..
والحشاش يملى شبكتو .. مش اي واحد بكري مديهو باسوورد عايز يجي يكتب البيكتبو .. وهاك يا دجل وهاك يا كضب وهاك يا عنصرية وهاك يا فلسفة ..
وكمان في النهاية شابكنا لهب ...
طيب ما تعال اللهب إنت .. واللا اجيب ليك كبريته تلهب بيها..

بعيدا عن شخصنة المواضيع او تجنيسها بان من كتب هذا رجل او امراه
لا
فليكن العبره بالذي كتب
فاذا كانت ساره رجل فليست الرجل الوحيد
وان كلنت امراة فليست الوحيده
يعني عادي رجل او امراة
المهم ما تكتبه لا ما تلبسه
ثوب او جلابيه
والموضوع واضح
اللفه الطويله دي لزومها شنو

وتحياتي

واحد قال لى ساره عيسى دى منصور خالد

وقالوا زعاماتنا السياسيه دى كلها فى المنبر وبالقاب وسره عند بكرى

اسع يمكن اطلع الميرغنى رايكم شنو ؟؟


رددوا معاى تلحقنا وتنجدنا يابو هاشم





السنجك

Quote: uthor: السنجك واحد قال لى ساره عيسى دى منصور خالد وقالوا زعاماتنا السياسيه دى كلها فى المنبر وبالقاب وسره عند بكرى اسع يمكن اطلع الميرغنى رايكم شنو ؟؟ رددوا معاى تلحقنا وتنجدنا يابو هاشم

تلحقنا وتنجدنا يا ابوهاشم

فوق

Quote: العوض المسلمي بعيدا عن شخصنة المواضيع او تجنيسها بان من كتب هذا رجل او امراه لا فليكن العبره بالذي كتب فاذا كانت ساره رجل فليست الرجل الوحيد وان كلنت امراة فليست الوحيده يعني عادي رجل او امراة المهم ما تكتبه لا ما تلبسه ثوب او جلابيه والموضوع واضح اللفه الطويله دي لزومها شنو

العوض يا خوي
الموضوع ما موضوع شخصنة ولا موضوع مرة وراجل لكن الزول لامن يقو يكتب في الناس دة كدة ودة كدة لازم يعرف نفسه لانه الكلام عنده مسئولية ودي شهادة للتاريخ لازم نعرف القاله منو اكان كلام في الشعر والحب معليش ما ضروري نعرف القالو منو

اخي ابو النصر تحيه

Quote: اكان كلام في الشعر والحب معليش ما ضروري نعرف القالو منو

حليلو الحب والريده
وحليل الشعر وناسو
ديل ما لاقين زول يبكي عليهم

مارأيك أخي ناصر أن تقوم بتعديل عنوان البوست ليكون "أبحث عن الإسم الذكوري المناسب لسارة عيسي" بعد أن حسمت الأستاذة آمنة مختار الأمر لصالحكم بالضربة القاضية!!

البرادعى !!




بيظهر ليك فى آخر المسلسل


السنجك

Quote: uthor: السنجك البرادعى !! بيظهر ليك فى آخر المسلسل السنجك

السنجك يا خوي منو بقدر يصبر لغاية نهاية المسلسل دايرين زول يكون دخل الفلم قبل كدة

Quote: Author: الصافي بشير الصافي مارأيك أخي ناصر أن تقوم بتعديل عنوان البوست ليكون "أبحث عن الإسم الذكوري المناسب لسارة عيسي" بعد أن حسمت الأستاذة آمنة مختار الأمر لصالحكم بالضربة القاضية!!

الصافي مازلنا في الانتظار مزيد من شهادات الاعضاء وشهادة بحث من سيد الحوش الله يديهو العافية اظنو متحير!
يعني مافي داعي للاستعجال امكن تطلع ذي ما قالت

Quote: العوض المسلمي اخي ابو النصر تحيه حليلو الحب والريده وحليل الشعر وناسو ديل ما لاقين زول يبكي عليهم

حليلو وحليلو
العوض اخوي ابكي بس!

فوق

الاخ ناصر
سلامى و تحياتى

و لآ ادرى من هو (هى) سارة عيسى و إن كنت ارجح شهادة الأخت امنة مختار – وهى ممن يعجبون بكتابة سارة عيسى - بان بصمات الكاتب لرجل و ليس لإمراة.
و يبدو ان هذا السؤال صعب الإجابة عليه و قدإستعصى عليك و على من قبلك من السائلين؟

أرى ان يكتب الانسان تحت إسم مستعار مقبول إذا كان الإنسان يخشى من بطش الجهات الأمنية
اما لغير ذلك فغير مقبول عندى لأن ذلك يعنى انه يخفى شئ ما فهناك ثعالب كثر لا يجوز لها ان تخرج فى ثياب الواعظين و تعنى ان الكاتب له تاريخ اسود و ماضى مشين لم يعلن توبته عنه يخاف ان يواجه به
و الإ افتونى لماذا يكتب الناس بالأسماء المستعارة ؟؟؟؟

ناصر حل للإشكال و يبدو إنك ساكن فى الخرطوم ما تختف رجلك لواحد إسمو منصور خالد و أسالوا لينا السؤال ده؟

Quote: اما لغير ذلك فغير مقبول عندى لأن ذلك يعنى انه يخفى شئ ما فهناك ثعالب كثر لا يجوز لها ان تخرج فى ثياب الواعظين و تعنى ان الكاتب له تاريخ اسود و ماضى مشين لم يعلن توبته عنه يخاف ان يواجه به

والله انك صدق يامحمد شمس الدين
خليك من الاساء التنكرية في واحد هسع في المنبر دة عضومجلس تشريعي في ولاية في شمال السودان ويقبض ماهية الحكومة وقاعد في لند يناضل مع المناضلين بالله دي ما قصة عجيبة

Quote: ناصر حل للإشكال و يبدو إنك ساكن فى الخرطوم ما تختف رجلك لواحد إسمو منصور خالد و أسالوا لينا السؤال ده؟

تقصد منصور بتاع الحركة الشعبية(مايو؟)
ياربي دة سارة عيسى ذاتو(ذاتا)...حيرتونا
تخريمة
محمد عبدالرحمن ياخي ما معقول كيف اخبارك واحوالك تحياتي الحارة واشواقي

برضو سارة عيسى عندها نفس تكتب وتسئ للشعب السوداني عديم غلة وجاهل لايعرف مصطلح الدول الاسكندنافية
ورينا في الاول انت منووبعدين تعالي ناضلي ضد الشعب السوداني

البورد ده فيهو لائحة تتيح لاي شخص ان يكتب باسم مستعار..على شرط يعلم بكري ابو بكر باسمو الحقيقي
وليس اعضاء البورد

واهتم انت بما يكتب الناس وليس من يكتب
واذا في زول كتب عنك شخصيا حاجة يمكنك ان تشتكيه لصاحب البورد
وما تكتبه سارة عيسى هنا في الشان العام يعبر عن رائيها
ولكل بضاعة شراي وسوق
وامور الرباطين دي خلوها

عادل امين تحياتي واحترامي ووجهةنظرك مقدرة وعلى العين والراس ولكن كما قال محمد شمس الدين

Quote: اما لغير ذلك فغير مقبول عندى لأن ذلك يعنى انه يخفى شئ ما فهناك ثعالب كثر لا يجوز لها ان تخرج فى ثياب الواعظين و تعنى ان الكاتب له تاريخ اسود و ماضى مشين لم يعلن توبته عنه يخاف ان يواجه به

Quote: ولكل بضاعة شراي وسوق وامور الرباطين دي خلوها

نعم يا عادل لكل بضاعة شراى و سوق
و لكن لمن تمشى تشترى ساعة رولكس ب 20 دولار من سوق الحرامية لا يعنى ذلك انك صرت المالك القانونى لها
و الرباط يا أستاذنا زيه زى الهمباتى بقلع بالقوة نحن عندنا المشكلة فى الحرب البتلب البيوت
فالزول المدسى وراء إسم مستعار يورينا السبب ممكن يكون شنو ؟

كتب عادل فضل المولى

Quote: أسأل صاحب الحوش هو الوحيد المخوّل بالاجابة

و كتب السنجك

Quote: واحد قال لى ساره عيسى دى منصور خالد وقالوا زعاماتنا السياسيه دى كلها فى المنبر وبالقاب وسره عند بكرى

سيد الحوش كمالك للمنبر لا يعرف الأسم الحقيقى لكل صاحب أسم مستعار
يمكنه أن يعرف المدينة التى يكتب منها

لا نطلب لائحةالمنبرولكن نطلب الحق الادبي

شمس الدين سلامات

Quote: سيد الحوش كمالك للمنبر لا يعرف الأسم الحقيقى لكل صاحب أسم مستعار

لا بل سيد الحوش يعرف بالاسم الحقيقي
ولو راجعت تأريخ تسجيل المدعو سارا عيسى تجده كان بعد تطبيق اللائحة الجديدة
التي تشدد على ضرورة ايراد الاسم الحقيقي في التسجيل
وبرضو ممكن تسأل بكري في هذا أو تراجع لائحة التسجيل
ولك الشكر

ليست سارة عيسى الرجل الوحيد الذى يكتب باسم امرأة فى هذا المنبر..
هناك كاتبتين منسوبتين للاسلاميين او ناس الانقاذ..
تكتبان بأقلام رجالية ..على الأقل معظم المشاركات ..ان لم تكن كلها..
احداهن( فدوى الشريف)..
والأخريات..لسه ما اتأكدت منهن..
لو اتأكدت برجع باسمائهن..وانشاء الله الرهيفة التنقد...

Quote: ليست سارة عيسى الرجل الوحيد الذى يكتب باسم امرأة فى هذا المنبر.. هناك كاتبتين منسوبتين للاسلاميين او ناس الانقاذ.. تكتبان بأقلام رجالية ..على الأقل معظم المشاركات ..ان لم تكن كلها.. احداهن( فدوى الشريف).. والأخريات..لسه ما اتأكدت منهن.. لو اتأكدت برجع باسمائهن..وانشاء الله الرهيفة التنقد...

الاستاذة امنة مختار تحياتي وشكرا على المرور الثاني
عموما الكتابة باسم مستعار ليست معيبة اذا كان الانسان يكتب في مسائل ادبية وفكرية (حسب وجهة نظرشخصي الضعيف ) لكن الواحد لوداير يكتب عن الناس وممارساتهم وسلوكهم ومواقفهم لازم يبيض وشه

لا يهمني كثيرا من تكون الأستاذة سارة عيسى فكتابتها تذكرني بالأثر الذي يحذر من الكهان و كيف أن شياطينهم يأتون إليهم بالمعلومة الصحيحة فيضيفون عليها ما يشاؤون من أكاذيب و تكون هذه المعلومة الصحيحة الواحدة سببا لتصديق الناس لهم. فهي تورد في كلامها معلومات تحاول إيهام الناس من خلالها أنها عايشت بعض الأحداث أو لديها معلومات موثقة عنها و بعد ذلك تتم الباقي موية. ما حيرني هو قول بعض الناس إن الذي يكتب باسم الأستاذة سارة هو الدكتور منصور خالد. د. منصور اختلفنا معه أو اتفقنا كاتب مجيد و ذو قلم لا يختلف على جودة كتابته اثنان... أما الأستاذة سارة فكتاباتها مليئة بالأغلاط الإملائية و النحوية و مقدراتها في اللغة الإنجليزية متواضعة جدا. قبل فترة بسيطة كتبت بوست طويل عريض عن الطيارين الصينيين الذين شاركوا في عرض عسكري للجيش السوداني لأنها ترجمت كلمة (trainer) خطأ. و مرة أذكر أنها أرادت ان تسخر من إحدى الأخوات بالمنبر و تقول أن أخاها قدتبول على بعض كتبها فكتبت (her samll brother pest on it while she was away to attend a sipritaul preaching). من الممكن أن تكون الأستاذة سارة أي شخص غير د. منصور خالد أو أي إنسان يعرف اللغتين العربية و الإنجليزية أو إحداهما.

ألأخ ناصر
حين يخرج المعتقلين ويتحدثون عن من عذبهم
وحين يعلم الشعب ألأسماء الحقيقيةلمجرمى التعذيب
فى سجون الأمن وتتم محاسبتهم مع كبيرهم الذى علمهم
السحر .. يمكن أن تكشف سارة عيسى تفاصيل أكثر والى
ذلك الحين علينا بالمعلومة اتفقنا أم اختلفنا معها .

عسكوري يخرج مستاءا من وست منستر.....تطلع من بيتك حزين تلقى الفرح عن مين !!

Quote: عموما الكتابة باسم مستعار ليست معيبة اذا كان الانسان يكتب في مسائل ادبية وفكرية (حسب وجهة نظرشخصي الضعيف ) لكن الواحد لوداير يكتب عن الناس وممارساتهم وسلوكهم ومواقفهم لازم يبيض وشه

لا أرى اى سبب لأختفاء الأنسان حول إسم مستعار عدى الخوف على حياته

إنضَمّ الأخ/ العوض للمتسائلين بحق- وأنا منهم - :

Quote: لا يهمني كثيرا من تكون الأستاذة سارة عيسى فكتابتها تذكرني بالأثر الذي يحذر من الكهان و كيف أن شياطينهم يأتون إليهم بالمعلومة الصحيحة فيضيفون عليها ما يشاؤون من أكاذيب و تكون هذه المعلومة الصحيحة الواحدة سببا لتصديق الناس لهم. فهي تورد في كلامها معلومات تحاول إيهام الناس من خلالها أنها عايشت بعض الأحداث أو لديها معلومات موثقة عنها و بعد ذلك تتم الباقي موية. ما حيرني هو قول بعض الناس إن الذي يكتب باسم الأستاذة سارة هو الدكتور منصور خالد. د. منصور اختلفنا معه أو اتفقنا كاتب مجيد و ذو قلم لا يختلف على جودة كتابته اثنان... أما الأستاذة سارة فكتاباتها مليئة بالأغلاط الإملائية و النحوية و مقدراتها في اللغة الإنجليزية متواضعة جدا. قبل فترة بسيطة كتبت بوست طويل عريض عن الطيارين الصينيين الذين شاركوا في عرض عسكري للجيش السوداني لأنها ترجمت كلمة (trainer) خطأ. و مرة أذكر أنها أرادت ان تسخر من إحدى الأخوات بالمنبر و تقول أن أخاها قدتبول على بعض كتبها فكتبت (her samll brother pest on it while she was away to attend a sipritaul preaching). من الممكن أن تكون الأستاذة سارة أي شخص غير د. منصور خالد أو أي إنسان يعرف اللغتين العربية و الإنجليزية أو إحداهما.

وأضيف : أى شخص يعرف اللغتين العربية والإنجليزية والجغرافية ( جغرافية السودان).

مصداقاً لكلام الأخ/ العوض أورد/ت المعنى/ة فى بوست الآتى:

Quote: 5:48 ص SARA ISSA . تاريخ التسجيل: 29-11-2004 مجموع المشاركات: 1371 Re: هل حدث أن صادفك هذا التعليق : " الغرابة " أكثر حقداً من الجنوبيين !!! (Re: SARA ISSA) حكي لي أحد أقاربي قصة في غاية الغرابة أنه عندما تم التفكير في إنشاء كبري كوستي .. أحتج بعض الجلابة في سوق كوستي المركزي على الفكرة ..بحجة أنه - لا قدر الله - وتم إفتتاح هذا الكبري فإن كل الغرابة سوف يجتاحون مدينة كوستي الوادعة ... وسوف يخلص " الفول " والسمك من الساعة السابعة صباحاً .

قمت بتاريخ 18/ 3 بالتعقيب التالى :

Quote: هل لاحظتم أنه/ا لا ي/ترد إلا على ما وافق هواه/ا راجعت المداخلات وتعجبت من هذه المداخلة التى تستخف بالجغرافية الطبيعية وألف بائها: Quote: حكي لي أحد أقاربي قصة في غاية الغرابة أنه عندما تم التفكير في إنشاء كبري كوستي .. أحتج بعض الجلابة في سوق كوستي المركزي على الفكرة ..بحجة أنه - لا قدر الله - وتم إفتتاح هذا الكبري فإن كل الغرابة سوف يجتاحون مدينة كوستي الوادعة ... وسوف يخلص " الفول " والسمك من الساعة السابعة صباحاً . أنا عملت فى مدينة كوستى وهى للعلم تقع فى الضفة الغربية للنيل الأبيض .... يعنى ما محتاجة لكوبرى عشان يجوها الناس من كردفان أو دارفور وقريبة من أمدبيكرات ومدينة تندلتى وتبعد 300 كيلومتر من مدينة الأبيض و......... شرطوا عينا الجغرافية كمان ما بتعرفوها ودايرين تنظروا لينا وتتكلموا عن مصير السودان ... شوفوا غيرها لوضع لمسة الصدق على ما يتم "نجره" من إفك

صدقت أخى العوض فيما سبق وتفضلتم به من ملاحظات دقيقة .

الاخ ابوبكر
تحياتي شايف سارة عيسى ظهرت تاني بعد غيبة امكن المرة دي تورينا حاجة
بالمناسبة الابيض بالشرق ولا بالغرب

إعتقدت بأن بعض المبرراتية سيأتون ويقولون تعليقاً على كلامى .....

والله أحسن أحتفظ بكلامى إمكن يجى واحد ناطى ونستمر فى الإحتفاظ به لأوانه الذى نعشم فى أن يكون قريباً.

بالمناسبة ممكن يكون إتولد/ت وين ؟

فوق فوق
سودانا فوق

راجل لابس توب شفون

جائزة مالية معتبرة لمن يدلي بمعلومات تساعد في الكشف عن المدعو سارة عيسى

الاخ ناصر
ما حأديك الاسم رغم انى متأكد بنسبة 75 % من الشخصية المنتحلة لاسم سارة عيسى
بس حديك اشارات:
1-اصولو من الشمالية الا ان مكان ولادته و نشأته فى كسلا
2-دخل جامعة الخرطوم فى اوائل التمانينات و كان عضوا مبرزا (اعلاميا على الاقل) فى الحركة الاسلامية
3-كادر اعلامى و صحفى كتب فى جريدة الراية و الوان و فى جرائد الانقاذ فى سنيها الاولى
4-كان (مازال ؟؟؟) مقربا من الترابى (كان من حرسه الخاص ) و ذو علاقات اجتماعية واسعة داخل الحركة و خارجها
5-تأثر بالفكر الشيعى (مثل حسن مكى-المرحوم محمد طه .....الخ ) و زار ايران لمرات
6-اعتقل فى اوائل التسعينات (يمكن سنة 1994 ) بعد ان (طمت بطنو ) و منذ ذلك الحين وهو يمارس
فى العلن (light) معارضة اما فى الباطن فهو معارض للحكزمة (قريب نوعا ما للترابى )
7-ليس له علاقة بدارفور

يعني لو عرفت في كيس البرتقال دا شنو بديك برتقالة
مع الإعتذار لجحا
عمار محمد آدم..قاصد صاح ؟؟

استجابة كريمة و سريعه
يا شباب احنا ماشين فى الاتجاه الصاح
بس ما عمار
قربنا
من 75% الى 80 %

Quote: يعني لو عرفت في كيس البرتقال دا شنو بديك برتقالة

لا موزة

الاخ وائل
تحية طيبة
سرورة كيفك
عمار احمد ادم اعرفه جيدا وعاصرتو في جامعة الخرطوم
يتمتع بشخصية صادقة ومتمردة لايحب التقيد بالاجراءات التنظيمية والبرتوكولات
عمار الذي عرفته لا اظن ان له صبر الجلوس خلف الكي بورد كل هذا الوقت
انجازك الكبير انو مرقت لينا الاخ سارة من جحرو وخليتو يرد
شكرا وائل
شكرا سارة

نرفع هذا البوست تكريما للزميل الذي يرتدي ثوب العافية