الشطة..الشطة..حرقتنى وهرت مصارينى..احدث دراسات تنصح باكل الشطه

طبعا حكاية غريبه ان تنصح الدراسات باكل الشطه ولكن ياهو الحاصل..فما تنسوا بعدما تقروا الموضوع انكم تكتروا منو وربنا يزيد الوحوحه
-----------------------------------------------

تقول الدراسات التى اجريت على الشطه الاتى:

الكابسايسين(Capsaicin)المستخلص من الشطه والذى يشكل الصفة الاساسية فى كل مزيج حار ملئ بالاشياء المفيدة والنافعة للانسان..فهو ملئ بالفيتامينات والكاروتين والشطة عموما تحتوى على الكالسيوم,الفسفور,الحديد,البوتاسيوم,الثيامين(فيتامين بى1),ريبوفلافين(فيتامين بى2),ونياسين(فيتامين بى3)..كما تحتوى على فيتامين سى بكميات اكبر من البرتقال

فى العام 1982اثبتت دراسة اجريت على الشطة انها تقوم بتخفيف الدم وتقلل من ضغط الدم وان الشطة بخلاف كثير من مضادات الكوليسترول يكون لها مفعول ايجابى على الكوليسترول الضار دون ان تؤثر على النوعية المفيدة(HDL).

وفى دراسة قام بها المعهد الامريكى للتغذية فى العام 1986اثبتت الدراسة ان الكابسايسين يقلل من كمية الشحوم المتواجدة فى خلايا الدم والكبد.

واثبتت دراسة طبية تمت فى المانيا عام1998بواسطة الجامعة التقنية بميونخ ان الشطة تزيد من افرازات البطن ولاتضر بها

واوردت دراسة اجريت فى اليابان عام1991ان الشطة تزيد من حركة الطبقة الواقية بالبطن وهذه الحركة تدعم الهضم بزيادة الدورة والتى بدورها تساعد على سرعة هضم وامتصاص الطعام بصورة فاعلة

"Comprehensive nutritional studies have not shown any adverse effects of chile or capsaicinoids even at ten times the maximum use levels," wrote the one world’s experts on capsaicin, V.S. Govindarajan, author of the mammoth study, Capsicum--Production, Technology, Chemistry and Quality.

*******

اها يا جماعه اى واحد داير يخفف دمو عليهو بالشطه وانسوا سجيمان..بس ما تجوا تقولوا لى الشطة هرت مصارينا..وماتنسوا ام فتفت كمان لغاية ما نشوف قصة الملح دى اخليكم بعافية

ما تقول يا بشري رسلوا لي ملوة دكوة من السودان....

الليلة يا القبانيت والليمون جاكن زول.....ليك علي
ابقيها ملاح رسمي....بلاي كل ما امشي لي دكتور...يركب نظارتو
ويقول لي ما تاكل شطة...وانا اعاين ليها في الرف مع كل وجبة

بس...والله انا اشكرك شكر ................ مخلس

ماتنسانا معاك يانزار..حبة دكوه بالله

تأكيداًلكلامك اقرأ الخبر ده
نصح العالم المصري الدكتور احمد شفيق بتناول الشطة بكميات معقولة
لانها تعالج كثيراً من الامراض، ومن بينها امراض الجهاز الهضمي مؤكدا
أن اضرارها لا تقارن علي الاطلاق بفوائدها الصحية للانسان.
وذكر الدكتور شفيق في تصريح صحفى أمس الخميس ان تناول الشطة يساعد
علي فتح الشهية ويزيد من الدورة الدموية في المعدة والامعاء مما يساعد
علي تنشيط حركة الاعضاء وزيادة افرازاتها من الانزيمات والهرمونات
الهاضمة وبهذا تساعد علي عملية الهضم والاخراج اضافة الي دورها في
تطهير الامعاء من بعض الميكروبات والطفيليات.
واشار الي دور الشطه في علاج المسالك البولية حيث تعالج المثانة غير
المستقرة مشيرا الي ان جميع المراكز الطبية والدوريات العلمية الحديثة
اكدت ان استخدام محلول الشطه المذابة في محلول الملح يعالج امراض
المثانة بنجاح كبير وانه اثبت نتائج جيدة.
وأوضح الدكتور شفيق ان الشطة تؤدي دورها العلاجي بنجاح عن طريق تحفيز
الدورة الدموية في الجزء الذي تلامسه فيندفع الدم الي المنطقة المصابة
بالألم مع المضادات المصاحبة لها ولهذا كان لها دور فعال في علاج روماتيزم
الظهر وآلام العضلات والمفاصل المختلفة عن طريق اللاصقات التي تحتوي علي
مادة الشطه المحفزة.
وحول ما يقال من انها تسبب مرض البواسير وقرحة المعدة قال لا بد ان يستخدمها
الانسان بكميات يتحملها حتي لو كان ذلك في كل وجبة يتناولها مؤكدا انها لا تسبب
هذه الامراض لان لها أسباباً اخري غير الالتهابات الناتجة عن تناول الشطه وان قرحة
المعدة لها أسبابها الميكروبية البعيدة عن تناول الشطه

Quote: الكابسايسين(Capsaicin)المستخلص من الشطه والذى يشكل الصفة الاساسية فى كل مزيج حار ملئ بالاشياء المفيدة والنافعة للانسان..فهو ملئ بالفيتامينات والكاروتين والشطة عموما تحتوى على الكالسيوم,الفسفور,الحديد,البوتاسيوم,الثيامين(فيتامين بى1),ريبوفلافين(فيتامين بى2),ونياسين(فيتامين بى3)..كما تحتوى على فيتامين سى بكميات اكبر من البرتقال

الاخ بشرى سليمان والاخوة المتداخلين "شطه" اخباركم ماله الليلة مسخنه ومولعة من الصباح خليتونا نعطس، وانا عندي الحاسيسة اليومين دي قايمه علي وكمان القولون والتهاب المعدة ويظهر دايرين تبقوا لي سبب هي اصلاً الشطة وخصوصاً بالليمون والدكوة ما بتتقاوم .. مش لو عندك مصران لو عندك قرحه وشايلنك للمقابر ما بتتخلى .. لووووول

المعلومات مفيدة جداً وهذه دراسات جيدة جداً في ذلك الموضوع، السؤال فقط لماذا ينصح بعض الاطباء بعدم تناول الشطه في حالة التهاب القولوون او القرحة او غيرها من الامراض الباطنية؟؟؟

العزيز وليد..الظاهر -والله اعلم-عشان الواحد مايسخن ويقوم يطلق المره

الناس العايزين يخففو دمهم ما ينسو يكترو من الشطه..عشان دمهم يبقى شربات..لووول

العزيز بشرى سليمان
التحايا والود

اولا انا سعيد بعودتك للبورد.

ناس كتار محتاجين ليها لتخفيف الدم
انصح بها ليكون البورداب كلهم بخفة
دم سى جى ... وبالتالى تنتهى الخلافات
والمهاترات ... حل عملى ومفيد لمشكلة البورد


خالص مودتى
أحمد داود NZ

اشكرك بحرارة

مريم الطيب شكلك كنت زيي كده كايسا ليك سبب عشان تستشيطي دكوة وليمونا
بلاي انا مما استاذنا في الشطة بشري جاب كلامو دا وانا الشطة ما فارقت جيبي
ان مشيت معزوم عند ناس بطلّع شطتي...والعجب في المطاعم....كشح اكشحا ليك
في اقرب منديل ورق....وبعد داك اشغل ليك الجرسون...

do you have some P butter some lemon ,make sure it is fresh
بلاي لامن يتخلع هو زاتو الزول داير يعمل شنو؟

ياسلام عليكى يامريم..الظاهر عليكى كنتى ممكونه وصابره..اهو جاتك فى جرح يلا سخنو كلكم

العزيز احمد
كيف حالك واحوالك..مشتاقين كتير
انا سمعت تحت تحت انو سجيمان قاعد يختها بدل السفه والله اعلم..طبعا فى ناس كتار هنا عاوزين ليهم شطه فى عيونهم يمكن يشوفو كويس واللا يغوروا مره واحده من وشنا
لك حبى وتقديرى
بشرى