اغنيــــــــات ... وقصائـــــــد

انا الفى خاطرى جافيتك
وقلت وراك ، يطيب حزنى
لقيتك ساكن الأحلام
وفى خطواتى .. تسبقنى

** **

وجيت ، من بعدما نسيتك
تصّحى الذكرى والأيام
وتنثر فى رُباى عطرك
وترسم فى شفاى انغام
ترجّع فينى لون صورتك
وتنشر فى سواحلى غمام

** **

معاك رجع الربيع زاهى
وبيك عاد الزمن ، أعوام
شتا الأيام طويتيهو
وأزهر فينى كون أنسام
لقيت فى دنيتك عمرى
وأصبح فيهو لي مقام

احتواك لونك ..
وأشواقك بقت فاضحاك
حزنك مكّتم فى حشاك ..

كونك ..براك !!
راجى البروق منك .. وسدرة منتهاك
حبرك .. موسّم بى صفاك.

** **

ياوطن..
علّمنى كيف أنساك ..
وكيف الذكرى تبقى ..بدون رؤاك !!
كمل الكلام فى حضرتك ،
واتجملّت لغة الحواس ..
لى مشتهــــــــــــــــاك.

وبقيت معّلق فى سماك ،
لا قادر أوصل للنجوم ..
لاسكة الأحلام بتبقى .. بدون حجاك

** **

مالىّ غير دنياك..
انا العايش معاك ، بهواك.

Quote: معاك رجع الربيع زاهى

يا ود خالتي.. الرجع ليك الربيع زاهي دة وطير الحزن ورجعك بشري البنعرفو الي مرافئ السعادة والفرح نشيلو في عيونا ...

اعياد سعيدة

الحبيب ابن الخالة ابوبكر
أسعدت قلبي اليوم .
فقط .. اذكرني بالخير ، و ادع لي بظهر الغيب .
محبتي وأمنياتي لك بفرح يبدد غيوم الحزن المتلبدة و سعادة
غامرة تحل عليك دونما رحيل..

بشرى ..
وجيت ..شايل الفرح..
شايل الأماني الحلوة ..
تهزم كل.. تباريح الهيام ..

تعرف يابشري ... اليوم قت لخالتك فاتنة خديجة (هي في زيارتنا الايام دية) في واحدة اخيرا خلت بشري شفوقة يرجع مبسوط ومزقطط زي زمانك البعيد داك فادعو ليهو بشان تكون ثابتة وياها بتدعو ليك ...وكل عام وانت بخير

تماضر..
كلماتك لامست جرحي ..
ولكنها رائعه لامعه كما النجم في ليلة شتوية..
فلا توقفي دفقكِ..

بشرى لنا ببشرى

بُشرى
سلامات



رأيك شنو يا زول يا جميل ؟


الوعد المستحيل