الاستاذ والصحفي الباتع البدوي يوسف ... داير قربك لكن محتار !!! افتحوا الباب ..

سلامات
وعوافي
البدوي يوسف واحد من الصحفيين الشباب الذين تبوءوا مراكز مرموقة في هيكل الصحافة السودانية وهو واحد من الذين اسهموا بقدر كبير في النقلة النوعية التي شهدتها مهنة الصحافة في السودان وذلك لعلو كعبه ورجاحة عقله وقوة حسه الصحفي .. بدا العمل الصحفي بجريدة السودان الحديث محررا بقسم الاخبار ثم انتقل الي جريدة الراي الاخر كرئيس لقسم التحقيقات ثم عمل في صحيفة الراي العام في بداياتها كرئيس لقسم التحقيقات ثم مديرا لتحريرها حتي اليوم وخلال هذه الفترة عمل لمدة عام في صحيفة الراية بالدوحة(قطر) .
كل هذه التقدمة (المانعة) هي مسيرته في عالم الصحافة استطاع في وقت وجيز ان ينتخب لنفسه موقعا مرموقا بين (ديناصورات المهنة) الذين تتلمذ علي يديهم ومن ثم زاملهم فيما بعد ..
نرحب بالبدوي الرجل الطيب والصحفي (السليط) والصديق اللدود والمتمرد (الغتيت) الساخر والفكاهي المجيد وفوق هذا وذاك الشاب الهادي الطبع الرزين الودود المحبوب الحبوب ..
هو الان متجها نحو المنبر وعلي ملامحه ابتسامة اصيلة اعتدتها فيه .. ابتسامة واثقة وبيضاء تحدثك ببشاشتها ونقاءها .. وفي حقيبته الجلدية بعض (مشاغل) وهموم وقضايا ويستصحب معه تجربة فريدة في ميدان العمل الصحفي (فالزول اكان شفتوا تقولوا من الجماعة القروا الاساس) واذا (عاملتوه تقولوا الزول خريج الكُتاب) .... هو بوعيه ورؤاه الثاقبة وحكمته الفريدة وسعة ادراكه هو هو الاستاذ والصحفي الرائع البدوي يوسف (ابواحمد) ..
وانا هنا لن اخطي في تزكية البدوي كمااخطات في تزكية البشاري من قبل ... وكلاهما اي البشاري والبدوي تزكيهم مهنيتهم وسيرتهم الذاتية المتينة ..
وننتظر الزملاء الصحفيين (زرافات ووحدانا) ... والترحيب ..

ود رملية
شكرا
البدوي يوسف علي .. مدير تحرير صحيفة الرأي العام وابرز الذين قامت على اكتافهم هذه الصحيفة. انتقل منها الى صحيفة الراية القطرية حيث ترك بصماته التي لا تخطئها العين المهنية الفاحصة وعاد من الدوحة الى الخرطوم بعد ان وقع اتفاقا مع الناشر محجوب عروة صاحب صحيفة "السوداني" ليتولى منصب نائب رئيس التحرير في هذه الصحيفةالتي نسأل الله ان يفك اسرها .. ثم عاد الى موقعه في الرأي العام بعد ان عرقلت الحكومة اصدار صحيفة السوداني.
ومثل البدوي رجل تفتح له الابواب دون استئذان .. لا نزكيه .. لكن تزكيه سيرته اللامعة ومهنيته العالية وقلمه الواثق وقبل كل ذلك اخلاقه النبيله .. ويكفي ان اقول ان عشرات الصحافيين في المنبر يدينون له بالكثير من الفضل.
الاخ المهندس بكري ابوبكر لا تترك اصحاب الفضل والسبق ينتظرون في هذا الشهر الفضيل.

الى الاخوان
بخاري بشير
عادل فضل المولى
عثمان فضل الله
سلمى التجاني
نشات الامام
محمد عكاشة
نادية عثمان
مزدلفة
عبد الله عقيد
فيصل محمد صالح
صلاح شعيب
الخاتم المهدي
وجميع الصحافيين في المنبر لا تدعوا البدوي ينتظر

سلامات
وعوافي
البشاري
الف مرحب بيك وانت تتقدم الصفوف لاستقبال رفيق دربك وصديقك الجميل البدوي يوسف ..
ومرحبتين مقدما بالاستاذ البدوي يوسف

ودرمليه
البدوى قال انك كترت المحلبيه
لكن والله ماشايف اى زيادات فيها فالراجل والله مااظنه البته اقل من الذى ذكرت ان لم يزد
البدوى مكانه هنا والله قطعا سيكون اضافه حقيقيه لهذا المنبر واتمنى يابكرى ان يصله الاشتراك فى اقل من الزمن الذى استغرقه البشارى لا الرجل ربما يسمى استاذا للبشارى ودى محلبيه ياود رمليه

شكرا عثمان ود فضل الله وكل عام وانت والاسرة بخير

كما قلت البدوي مكانه ليس هنا فقط بل امامنا.

ودعكر .. ارجو ان نسمع صوتك هنا

سلامات
وعوافي
عثمان فضل الله ..
بلغتك يعني قصة الرسالة (اياها)..
واهي واحدة من محن البدوي يوسف (المابتنتهي)..

Quote: البدوى قال انك كترت المحلبيه لكن والله ماشايف اى زيادات فيها فالراجل والله مااظنه البته اقل من الذى ذكرت ان لم يزد

شكرا عثمان فحقيقة كفيتني شر (خجة) المحلبية
سلمت ياعزيز وكن جوارنا..

Quote: ومثل البدوي رجل تفتح له الابواب دون استئذان .. لا نزكيه .. لكن تزكيه سيرته اللامعة ومهنيته العالية وقلمه الواثق وقبل كل ذلك اخلاقه النبيله .. ويكفي ان اقول ان عشرات الصحافيين في المنبر يدينون له بالكثير من الفضل. الاخ المهندس بكري ابوبكر لا تترك اصحاب الفضل والسبق ينتظرون في هذا الشهر الفضيل

نعم وزيادة على ذلك الاخلاق والتعامل المحترم

سلامات
وعوافي
ودعكر
سلمت ياعزيزي وكل عام وانت بخير

الأخ الكريم ود رملية
لك التيحة
وكل عام وأنت بخير
وأشكرك على هذه المبادرات الجميلة
وأضم صوتي لك وللأخ الأستاذ حسن البشاري
وفي انتظار دخول الأخ الأستاذ البدوي يوسف
وتظل ثقتي في أن الأخ الباشمهندس بكري
لن يوصد الباب في وجه صحفي بقامة البدوي يوسف
وأملي أن نراه قريبا بيننا
بإذن الله..
ولكم ولبكري أطيب تحية

الاخ البدوي
ارجو ان ترسل ايميل الى الاخ المهندس بكري .. ولا اظنه سيخيب كل هذه الرجاءات..
شكرا ودعكر الكارب.
وتحية لك اخي ود عقيد

فوق

اين الاخت سلمى التجاني
اين بخاري بشير
اين نشات الامام
اين عادل فضل المولى
اين محمد عكاشة
لا تدعو البدوي يكثر الانتظار
ونحن في الانتظار

البشاري والله مناداتك جابتني من بعيييييد خلاص
ازيكم
ورمضان كريم
تصوموا وتفطروا علي خير
رغم صعوبة الوصول اليكم(وذلك لظروف تخصني)ما استطعت الا ان آتي
البدوي يوسف استاذنا
كلما كتبت شيئا اشعر انني امام امتحان حقيقي حتي تخرج مادتي من مكتب بدوي
فالرجل استاذ
ويمتلك حس اولنقل ذوق صحفي رفيع يغربل به المواد
وتعجبه المادة الجميلة ويطرب لها كأنه هو كاتبها
الباشمهندس بكري
رمضان كريم
دعنا ندلك علي اضافة حقيقة للمنبر
هو هذا الرجل
ما تتأخر عليهو
ولانني قد لا اجد فرصة اخري للكتابة اسمحوا لي ان اقول لعادل فضل المولي:
سلام
شايفاك زعلان في بوست واصبحت لنا دار
ارجو ان تجد لي العذر انها الامية الالكترونية التي
جعلتني ادخل ما كتبته انت في ما كتبته انا
اعذر اختك

سلامات
وعوافي
محمد حامد جمعة(الضلامي)
شكرا لترحيبك بالاستاذ البدوي يوسف وكل عام اونت بخير

الجماعه ضربوا البليلة ورقدوا عافية
بجوك باكر فجراوي
والبدوى رسل الايميل وفى انتظار بكرى

البدوى يوسف هذا الشاب المهذب الذى يتقطر حياء وادب ...


ياخ لو ما بقيت انت عضو المنبر دا ودعمنا طلبك ندعم منو تانى


حبابك الف ... والله لو مافى خانة عضوية اديك خانتى ... والله العظيم


تخريمة :

ارحب - ولو متاخرا - بالاستاذ حسن البشارى وهو من جيل البدوى يوسف ويا سلااااااااااااام على ذلك الجيل الوسيم حسن البشارى والبدوى يوسف ومعاذ منصور .. وعماد ابو شامة والراحل مهيد بخارى .. وعبد الحفيظ مريود ... متذكرهم يا حسن

حبيبنا ودرملية ..

تحياتى ..

والف مرحب بالاستاذ صاحب القلم العفيف الرجل الاخلاق

البدوى يوسف ..

التقيته هنا فى الدوحة رجل اهم مايميزه الهدوء

والثقة بالنفس ..وكتاباته تتميز بالموضوعية والرصانة

والقدرة على التحليل وفوق ذلك رجل مهنى من الطراز الاول

من جيل جديد فى الصحافة السودانية ..جيل ولد بأسنانه ونحت

فى الصخر حتى اوجد لنفسه مكانة بين عمالقة القلم فى الصحافة

السودانية ..

الف مرحب بالاستاذ البدوى يوسف اضافة ثرة وحقيقية للمنبر ...

وشكرا ياودرملية وانت تستقطب هذه الاقلام الناضجة الي هنا ...

سلامات
وعوافي
محمد عبدالرحمن .. صديقي الذي احب
شكرا لك وانت كعهدي بك مضيافا وكريما وحاضرا في كل المواقف ..

Quote: التقيته هنا فى الدوحة رجل اهم مايميزه الهدوء والثقة بالنفس ..وكتاباته تتميز بالموضوعية والرصانة والقدرة على التحليل وفوق ذلك رجل مهنى من الطراز الاول من جيل جديد فى الصحافة السودانية ..جيل ولد بأسنانه ونحت فى الصخر حتى اوجد لنفسه مكانة بين عمالقة القلم فى الصحافة السودانية ..

والله ماقلت الا الحق .. فحين عرفت انهم جاءوا للدوحة(اي البشاري والبدوي) من الايام والراي العام ... وكانوا هناك مدراء لتحرير (الايام والراي العام) استغربت (كغيري) كون ملامحهم لم (تغشاها) التجاعيد ولا الرؤوس (مشتعلة) بالشيب ورغما عن ذلك مدراء تحرير .. اذا فهم اكبر من (عمرهم) بكثير .. نعم..
وشهدوا الاثنين معا بل شاركوا في خلق روح جديدة تسري في عروق العمل الصحفي بمهنية بالغة وعلمية نافذة وفكر ثاقب فكانت النقلة الكبيرة التي شهدتها اروقة الصحافة السودانية وكانوا في (قلبها) النابض بجهدهم وعملهم ومهنيتهم الصارمة .. وببساطة ساهموا بفاعلية في تعديل *جينات المهنة ..
سلمت ياعزيز وكن بجوارنا
شرح
*( تعديل جينات المهنة) مصطلح نحته محمد عبدالقادر(الراي العام سابقا والشرق القطرية حاليا) ..

سلامات
وعوافي
عبدالله عقيد
سلمت ياعزيز وكن بجوارنا..
كل عام وانت بخير

ود رمليه
ومن تالاك بتتساقط
درر
ومن جبينك بلمع برق
ومنك بنرجا الوعد


مرحبا بكل ما تنطق به ذاكرتك ومعرفتك بآخرين
لا نعلمهم
وتسعى حثيثا لتملكنا لهم


ايدينا معاك تواصل في ممارسه التصفيق الحاد والاشتر في بعض الاحايين
حتى تقلق منام بكري
ويفتح بابه

واهلين حباب بالبدوي

سلامات
وعوافي
فيصل (ابوسيدي المكاشفي) رضوان الله عليهم جميعا
ودخلت علينا في وقت السحر (الوقت الذي ينزل فيه الله السماء الارض ليقول ياعبادي هل من داعي فاجيب) واساله سبحانه وتعالي ان تتنزل نعمائه علينا وعلي صحبنا واهلينا ورفاقنا اجمعين وان يستجيب دعاءنا فهو غوثنا وملاذنا .. آمين..
واساله ان ينعم الوطن الحبيب بالامن والسلام ..آمين
شكرا فيصل العزيز شكرا كثيفا بقدر ما تفرغه (الحضرات النبوية) في صدر الهائمين في محبة سيدي وحبيبي المصطفي الف صلاة عليه وسلام ..
وكل عام وانت رافل في نعيم الله ورضاه ..

سلامات
وعوافي
بكري ابوبكر هل تم المراد ..؟
نكون شاكرين
ومرحبتين البدوي يوسف ..
وفوق

العزيز ود رملية
العزيز البشاري
تحية طيبة.. يا اخوانا والله غاية الاسف.. يعني امس يوم كان صعب.. البوست ده ما قربت عليهو من زحمة الشغل.. فأسفي مرة أخرى ان تأخرت في الترحيب
بود القضارف الأستاذ البدوي يوسف.. وود رملية ما خلا لينا حاجة نقولها.. بس نبقى في انتظار بكري بأن يفتح بابو لأستاذنا البدوي يوسف

ود رملية
يا بتاع المحن
انت في زول لازيك..؟
المرة الفاتت جبت البشاري
قولنا ليك أمرق منها
المرة دي جبت البدوي ذاتو
نقول شنو..؟
يا بكري
عليك الله قفل لي ودرملية دا حسابو
دا زول مزعج
وبعد داك..
دخل لينا البدوي
والكلام القالوه الجماعة الفوق ديل
ماتصدقهم
انا بقول ليك الكلام الجد
جيب اضانك قريب
*-#@&!*
^>\][
..|+=ّّ
اها بعد دا عندك كلام..؟
يلا سريع بالله الحساب
وكل سنة وانت طيب
وبعدين نشكرك على اعادة الماسنجر

الأخوة المتداخلين ,,تحياتي
بدءا بالرائع ود رملية الذي لا أدري كيف أصفه..هذا الذي لم تقدر لي الايام حتى الآن ملاقاته..أعرفه جيدا من خلال أفعاله وصفاته التي يتناقلها من يعرفونه ,,صفات فارعة ورجل من شاكلة أخرى ..كيف لا وود رملية جاءنا في المرة الفائتة بالبشاري ,,وف يهذه المرة يأتينا بالبدوي شخصيا..
والله إنه من العجب ياودرملية ان تجمع هذين القمرين في سماء الصحافة السودانية ..يازول انت وصلت الدرجة دي كيف؟؟؟
عموما أنا بالذات ما مصدق انو البدوي داير يجاورنا في المنبر ..والله يابكري انت لو عارف الزول ده كنت أديتو الدخول من زمان قبل ما يطلب منك ود رملية ,,أو أي زول تاني..
يابكري بدوي ده ما بوقفو
انت داير الناس يزعلو منك واللا شنو؟؟؟

الرائع بخاري
الحبيب ود رملية كالعهد به يظل السباق فينا على الدوام.. لا نطرق بابا للخير الا ونجده امامنا هذا الرجل الانسان المدهش. شكرا للمناشدة والدعم والمؤازرة.

سلامات
وعوافي
عزيزي الغالي
بخاري
ياسيدي انا (طمعان) اهزَ ايدك بالسلام و(طمعان) (اروي) نفسي بي شوفتك ..

Quote: والله إنه من العجب ياودرملية ان تجمع هذين القمرين في سماء الصحافة السودانية ..يازول انت وصلت الدرجة دي كيف؟؟؟

اما هذه فشكرا للغربة .. فماربحت فيها شيئا عداهما وثلة من الميامين الطيبين ....
ولك مودتي العالية يابخاري ..
حتي الملتقي ..
وكل عام وانت رافل في نعيم الله ورضاه..

عادل ود فضل المولى
كل عام وانت بخير .. والله قلت الكلام الجد .. واظن ان الاخ المهندس بكري لن يتأخر علينا

سلامات
وعوافي
عادل فضل المولي
والله (ملزوز لزة) جامدة .. تتخيل ..
(لازاني) محبتي العالية التي اكنها لهما (البشاري والبدوي) فهم اصدقاء يمشون في دمي ويمرحون في ايامي وذاكرتي كاطفال العيد .. حقيقي ياعادل هم خالدون في (امنيات الروح).
وربنا يديكم جيمعا الصحة والعافية يااحباب وكل عام وانت ياسيدي عادل رافل في نعيم الله ورضاه..
ولك المودة
تخريمة:
مزعلاني وسوستك مع بكري دي..

Quote: جيب اضانك قريب *-#@&!* ^>\][ ..|+=ّّ

الاخ نشأت
لم تتأخر .. شكرا للدعم .. والبدوي قادم انشاء الله

سلامات
وعوافي
نشأت
لا عليك سيدي فها انت تضيء المكان .. سلمت ياعزيز ولك في السبعين عذرا .. سبعين..

مرحب حباب محمد حامد جمعة الصحفي الذي نصب "عميدا" ومبروك كل الترقيات المنبرية..
والبدوي كما قلت واكثر .. وصفاته وحدها تزكيه..

شكرا لك للترحيب "المتأخر" .. واولئك الذين ذكرتهم لا يزالوا في القلب والخاطر .. والتواصل مستمر رغم الشتات والاغتراب.

يا البشاري معقول البدوي لي أسه ما إستلم الباسويرد.........والله كان كدا بكري إتلوم,,,
up@up@up

هي فرصة لتهنئة الأستاذ البشاري برمضان الكريم والترحيب به في عضوية البورد، فالبدوي إعتاد أن يتيح لغيره الكثير، أنتهز السانحة التي أتاحها البدوي يوسف واكتفي بضم صوتي للمنادين بمنحه كلمة السر !! هلا فعلتها يا بكري؟ ويا حبذا لو تذكرت معها محمود الدنعو !!!؟

سلامات
وعوافي
احمد يونس مكنات
سلمت ياعزيزي .. ومعك ننادي بمنح الاستاذ الدنعو عضوية المنبر الحر..
ولك المودة

ود رملية والجماعة
كيف حالكم

الزول دة اتأخر كِدا مالو يا بكري؟

المهم يا البدوي أول ما تجي داخل
عايزنك الرسائل المسمومة.. شرح مبسط لكيفية دس الرسائل في صياغة الأخبار؟!

وانت معزوم يا ود رملية.. وبقية الشباب

سلامات
وعوافي
عقيد
شكرا لوجودك هنامرحبا معنا بالجميل البدوي يوسف ..
وشكرا علي الهدية .. بوست بطعم افطار رمضاني في البلد .. نسال الله ان يرد غربتنا سالمين غانمين.. امين
معزتي
ويا ابواحمد الحكاية شنو الباص ويرد دي جاتك علي (ظهر نملة) والا شنو ...
منتظرينك يا (ابوغتيتة) .. والشوق قد (استبدا)

سلامات
وعوافي
مازلنا في الانتظار ..
وجمر الشوق (وطيناهو) ..

Quote: سلامات وعوافي مازلنا في الانتظار .. وجمر الشوق (وطيناهو) ..

العزيز ود رملية..
لك المودة.. وياخي متمنين نشوفك متداخل في بوست غير بوستات الترحيب دي!!! هاهاهاهاها
في شوق عظيم لك أخي.. ودرملية.. لم ترسل برقم مدني النخلي؟! لازلت (متلبداً) بانتظارك

سلامات
وعوافي
محمد عبدالرحمن .. سلمت ياعزيز..

الاخ ود رملية

قلنا نسجل أول حضور لنا فى بوست لكم
وفى ترحاب بالزميلالبدوى يوسف

التحييات النواضر

بدر الدين الأمير

الاخ المهندس بكري رمضان كريم
كل هذا التدافع لاستقبال الحبيب البدوي ولا استجابة.
الحكاية شنو .. انشاء الله المانع خير ..

الاخ عثمان فضل الله الرسالة وصلت منك ومن صاحبك .. وكلامك صحيح وراجنو ناس كتار اولهم صاحبك ، لكن كما يقول اخونا معاذ منصور ،يطراه الله بالخير، ده كلام يلقاه عند الغافل.
لكما وانت وصاحبك مودتي.

في حضرة القامة الاعلامية السامقة الاستاذ بدوي يوسف تجدوني أقف بتقدير للأخ بدوي وإجلال لما لا وهو الزميل فارس الكلمة وربان ماهر من ربابنة سفينة الرأي العام حيث التقيته هناك آخر مرة في زيارتي الخاطفة للسودان قبل اسبوعين ، فقد قدم لي كل الدعم بأريحيته المعتادة ومهد لي بتكليفه أحد الزملاء المصورين بالرأي العام لاجراء العديد من المقابلات والتحقيقات الصحفية ،، له مني ومن صحيفة الشرق القطرية كل الشكر والعرفان وأهلاً ومرحباً به في منبرنا العامر بأصحاب الأقلام المميزة .

وبذات القدر أرحب بدرة شباب الدوحة ،، الأخ الزميل المحبوب جداً بدرالدين الأمير وهو ينضم إلينا ليزين هذه الروضة الأنيقة بأريج أزهار أعماله التي ننتظرها بقارق الصبر ،، له مني التحية وشكراً للأخ بكري الذي منحنا بمشاركة هؤلاء فرصة كبيرة للتواصل معهم.[/B]

يا اهل الراي العام الم يصل الرد، بعد . افيدونا .. لقد طال الانتظار

والله يابشارى لم يصل حتى تاريخه
يابكرى نستقيل نحن من المنبر ده والله شنو الراجل القدمناه ليك ده ما هين واذا ما دخل نحن بنكون فى موقف حرج للغايه

الاخ بكرى ابوبكر
البدوى يوسف هو فوق الذى ذكره الزملاء واكثر,,وهو شيخ عرب ...كريم اجواد وفتى الفتيان فى ديار الشكرية وسكينو حمرا ينحر ذبيحته قبل ان تترجل من على دابتك...وهوبذا وذا ..يسؤ الرجل الكريم الا يكرم وفادته على الفور ..
برجاء...
بكرى سيد الحوش الوسيع
افتح الابواب
الليلة..
مع مودتى وتقديرى

سلامات
وعوافي
نشات
البشاري
ابوشيبة
عثمان فضل الله
محمد عكاشة
مازلت انادي معكم بفتح الابواب (جميعها) لاستقبال البدوي يوسف .. القمر الذي ننتظر ..
الاخ العزيز بدرالدين الامير
انا سعيد جدا بانضمامك لكوكبة (الكائنات الاسفيرية) (مصطلح منحوت من قبل الاستاذ الرائع حافظ خير).. واظن انك واحد من الذين ننتظر منهم الكثير ..
الف مليون مرحبا الامير وابقي مواصل وما تنقطع ..
الاخ بكري مازلنا منتظرين ..
مع مودتي العالية لكم جميعا..

السلام عليكم

يا جماعة بكري دا اظنو راقدلو فوق راي

ولّا يا ربي يكون لي هسي ما قرا البوست دا؟!

سنوالي الانتظار يا باشمهندس حتى نرى
البدوي بيننا

يا باشمهندس لقد بح صوت "البوست" ..
لكن النداء لن يتوقف ..
لقد قدمنا بين يديكم رجل تزكيه صفاته وتميزه وعلمه ..
قلنا فيه وعنه اقل مما يجب .. وقدمنا القليل فقط من سيرته، وهي كافية، واكثر لمنحه اذن المرور.
وتسابق الاخوان وهم كثر في التثنية والدعم لرجل يعرفون قدره .. ويعرفون علمه .. ويعرفون اخلاقه .. ويعرفون كيف انه سيكون اضافة حيوية لهذا المنبر السوداني.
ومع كل هذا تباطأت الاستجابة ..
ولا نقول ان بكري يرفض منح هذا الرجل السامق الاذن بالدخول.. ولكننا نقول ربما انه لم يطلع بعد على "البوست".
اخي بكري، لا تترك الناس ينتظرون اكثر.

فوق

Quote: سلامات وعوافي البدوي يوسف واحد من الصحفيين الشباب الذين تبوءوا مراكز مرموقة في هيكل الصحافة السودانية وهو واحد من الذين اسهموا بقدر كبير في النقلة النوعية التي شهدتها مهنة الصحافة في السودان وذلك لعلو كعبه ورجاحة عقله وقوة حسه الصحفي .. بدا العمل الصحفي بجريدة السودان الحديث محررا بقسم الاخبار ثم انتقل الي جريدة الراي الاخر كرئيس لقسم التحقيقات ثم عمل في صحيفة الراي العام في بداياتها كرئيس لقسم التحقيقات ثم مديرا لتحريرها حتي اليوم وخلال هذه الفترة عمل لمدة عام في صحيفة الراية بالدوحة(قطر) .

ليكون عاليا حتى اطلالة استاذنا الكبير

سلامات
وعوافي
البورداب الشرفاء
مودة واحترام
....
يابورداب الراي العام تاكدوا من ان البدوي يوسف قد كتب (ايميل) لطلب العضوية ..
ثم لكل الزملاء ليقوم كل منا بكتابة (ايميل) لي بكري بخصوص التزكية المطلوبة حسب لوائح المنبر العام ..
ويالبدوي شوقنا طال والله ..
مع المحبة للجميع ..

فوق

سلامات
وعوافي
..
فووووووووووق

ودى كمان منى عشان خاطر حبيبنا البدوى

سلامات
وعوافي
وبرضو مستنين
...
شكرا يامحمد عبدالرحمن وكن الي جواري

اها كمان واحدة تانى ياودرملية ..نتمنى انو التانية تكون من البدوى

نفسه ..

ودى

مرت لحظات وكمان ساعات وفضلنا وحاتك منتظرين
لو وشوش صوت الريح في الباب
يسبقنا الشوق
قبل العينين

متأكد تماما إنو بكري ده ما قرأ البوست دا حتى هذه اللحظة,,,,,والى أن يقرأه يلا يا جماعة,,أرفعو البوست مرة ,,وإتنين ,,وتلاتة.,,
فوق ,,,,,,,,,فوق,,,,,,,,,,,,فوق

فوق

سلامات
وعوافي
احباب الروح ...
كيف رمضان معاكم .. انشاء الله طيبين وزينين ..
ولكم اكيد محبتي ..
كورنة:
ربما لم يرسل البدوي ايميل العضوية (احتمال وارد) مالم تفتونا في الامر ..
ولي فوق ..

سلامات
وعوافي
فوووووق

ياصاحبى ..

انت والله العرس ده ودر بيك ...يازول البدوى ده قبيييل

اخد باسووردو والناس رحبت بيهو جايينا فى انصاص الليالى

ومعاك فوق كمان ..

الله يجيبو ليك طيب ..

سلام

سلامات
وعوافي
والله يامحمد حتي هذه اللحظة ماني عارف البوست والا عنوانوا ياريت لو تجيب لينا اللينك هنا ..
وكيف انت عامل اليومين دي...
علي العموم الف مرحبا بي استاذنا الرائع البدوي يوسف ..

سلامات
وعوافي
البدوي يوسف اضاء وجودك (الفسحة) .. الف مليون مرحبا .. وللذين فاتهم بوست البدوي اليكم الوصلة :-
شكرا لكم !!!!