Post: #1
Title: رحلة بورداب الدوحة ... واعلنت عليكم الحب ..
Author: ودرملية
Date: 07-28-2006, 03:04 PM
Parent: #0
كنا كسُمار القرية في ليلة العيد...
او..
كنا كالارواح الظريفة قبل انزلاقها في فخ الجسد...
او..
كنا كالربيع الوسيم ... تتضج في ارجائه اهازيج العبير...
او كنا كل شيء غير اي شي ...
هزمنا غربتنا (دستة/صفر) .. وضرجنا ثوب نادي الشاطيء بضاحية الخور ضرجناه بالحنين ..وانسال علي شط الخليج رحيقٌ لطيفٌ من بهاء سُمار الامسية ..
وكنا كالزغرودة الاولى في بيت العُرس ..
كنا زرافات ووحدانا ..كنا مثني وثلاث ورباع ..وكنا واحدا..
تسامينا وتلاطفت ارواحنا بهجة وجمال...
نعم ..
انها امسية .. غارقة في الضياء ..وليت لي .. كنت حنطت روحي بكيمياء عرق الحاضرين ..
اينما يممت وجهك .. صدمةٌ حضارية ..
ومزقنا بغنيوات المودة اوتار الحزن العريق .. وفتحنا صدورنا بالامل ..بالحب والالفة النقية ..
كنا نمشي في الثانية الف خطوة حنان ..
وتركض في جزء من الثانية اشارات هائمة في المحنة لم ترهقها المسافة بين القلب والذي في الدماغ ..
نعم انها امسية جميلة .. بحق الجمال ..
والله موجودا ... يضفي سحره الالهي العظيم علي ملامح خلفائه في الارض ..
نعم انها امسية علي نسق الامسيات الحنينة .. وكاني غفوت للحظة ثم صحوت علي وجه امي الحبيبة..
عزفتم علي اوتار قلبي الحان عذبة .. وورتبت صوركم اركان الذاكرة ..
ففي كل ركن ... حب .. وفي كل حب .. نبض يضج بالحياة ..
همسة:-
شد ما اعجبني .. ان كل الحاضرين اسنانهم بيضاء..
بورداب الدوحة .. اني اعلنت عليكم الحب ...
|
Post: #2
Title: Re: رحلة بورداب الدوحة ... واعلنت عليكم الحب ..
Author: ودرملية
Date: 07-28-2006, 03:24 PM
Parent: #1
امابعد ..
ياشباب اخوكم منتشي مابيقدر يكتب حاجة تاني ... تعالوا ..
ويابكة فردتي الصورة بيني وبينك .. واياك من مداهنة الامير وكيكي ..
|
Post: #3
Title: Re: رحلة بورداب الدوحة ... واعلنت عليكم الحب ..
Author: ebrahim_ali
Date: 07-28-2006, 03:38 PM
Parent: #2
الحبيب الغالي عبدو تحياتي وسلامي الحار لم يسعفني حظي العاثر دوماً في الحضور إليكم برغم التأكيد والتجهيز مني ومن ست البيت والضيفة بت العمة إلا أن ظرف قاهر جداً وضيف حل علينا ونحن على وشك الخروج فكنا على أهبة الاستعداد ولم يتبقى شيء سوى ان نغلق المكيفات ونتحرك ولكن آه من حظنا هذا الذي لم يجمعنا بكم في رحلتكم الموفقة والناجحة بالتأكيد
فقد اكدت للأخ بكري الحضور وطلبت منه توصيف المكان وافاد بان يوصف لي ذلك وحتى سألته عنك وقال أنك موجود وحتى خططنا كما تواعدنا أن تعود معنا ولكن .... فالضيف ومن معه لم يبارحنا إلا قبل لحظات من الآن والله العظيم يعني أخوك الرحلة طرشقت منو بمعنى الكلمة وعلى بت العمة التي كانت تريد الحضور ولديها الرغبة في الانضمام لسودانيز اولاين لكي يزداد بورداب الدوحة شخص جديد ولكنه أيضاً زائر لم توفق في الحضور هي كذلك وتحياتها لك
المهم أرجو أن لا تبخلوا علينا بالتفاصيل والأهم الصور
كثيف اعتذاري للأخ بكري وللأخوة الأعزاء وعلى آمل اللقاء في موعد آخر أو رحلة قادمة
مع تحياتي وتقديري للجميع
|
Post: #4
Title: Re: رحلة بورداب الدوحة ... واعلنت عليكم الحب ..
Author: ودرملية
Date: 07-28-2006, 03:58 PM
Parent: #3
سلامات
وعوافي
ابراهيم ياحبيبنا العالي الانيق ..
افتقدناك وافتقدك الزملاء الشرفاء ..
كن سعيدا ... نكون نحن السعادة ..
قريبا ياهومة .. وتاني مرة نتلاقي كلنا وصغير (المًحنًة) يهزمه صبا (المشاعر)..
|
Post: #5
Title: Re: رحلة بورداب الدوحة ... واعلنت عليكم الحب ..
Author: ودرملية
Date: 07-28-2006, 04:01 PM
Parent: #4
.
.
.
كالبلسم اذا وضعته علي الجرح .. تنَديً ..ثم طاب ...
|
Post: #7
Title: Re: رحلة بورداب الدوحة ... واعلنت عليكم الحب ..
Author: عمران بابكر بدري
Date: 07-28-2006, 04:14 PM
Parent: #5
ود رملية
لم تترك لنا القليل حتي نقوله
هكذا هو برداب الدوحة ابدا يا عزيزي
ولنا عودة
|
Post: #8
Title: Re: رحلة بورداب الدوحة ... واعلنت عليكم الحب ..
Author: بدر الدين الأمير
Date: 07-28-2006, 04:15 PM
Parent: #5
وهل تركت لنا شىء نقوله ياودرملية ياجبل الحنين
ايه العاشق المعشوق امدك الله بالسعادة يامسعد الاخرين
ذبدة كلام : لوحة دافنشى او الجيكوندا الجديد لقد اقناها بدرالدين الامير
وسوف نعرضها فى المزاد قريبا بعنوان ودرملية يقضى على الجيكوندا
خلى بالك من كلمة يقضى 000000000000
|
Post: #6
Title: Re: رحلة بورداب الدوحة ... واعلنت عليكم الحب ..
Author: عبدالكريم الامين احمد
Date: 07-28-2006, 04:12 PM
Parent: #2
الله يا ودرملية يا جميل,,
انه يوم من ايام الجمال والدهشة..وبوداب الدوحة كانوا في قمة القهم
وتماسكهم (المدهش)..
انا ماعارف الناس ديل (عزلوهم) كيف...الفة خاصة وحب كبير بين الجميع
وسرعة انصهار تحير ناس كيمياء الانسان (ذاتتتتتو)..
الدكتورة بيان كانت هي المحتفي به الاول فنثرت في المكان هيبة اكاديمية
لطافةحديث..وروح سودانوية اكيدةبجانب الق وذكاء لايخفي علي احد...
المكان....كان شاطي لم اراه في الدوحة مع خبرتي العالية في شواطيها ومداخلها
ولكن تلك اللجنة النشطة فاجات الحضور...بموقع علي شاطي البحر يشابه كثيرا
السواحل الجنوبية من لبنان,,,,
بورداب الدوحة هيييييييي ان كان ودرملية قد اعلن صيحة الحب...فانا اعلن
صيحة الاخاء والمودة وتكامل الارواح...فمرحبا بكم ...
ولنا عودة...
|
Post: #9
Title: Re: رحلة بورداب الدوحة ... واعلنت عليكم الحب ..
Author: Emad Abdulla
Date: 07-28-2006, 04:27 PM
Parent: #6
| Quote: وهل تركت لنا شىء نقوله ياودرملية ياجبل الحنين |
لا شيء ..
مرهقٌ كل هذا الحب ..
|
Post: #10
Title: Re: رحلة بورداب الدوحة ... واعلنت عليكم الحب ..
Author: bayan
Date: 07-28-2006, 04:35 PM
Parent: #9
يا سلام يا ود رملية ابو الناس
انا نويت اتبناك فنيا  ,,,
بجيك صادة
التحية ليكم جميعا يا اجمل ناس..
|
Post: #11
Title: Re: رحلة بورداب الدوحة ... واعلنت عليكم الحب ..
Author: ودرملية
Date: 07-28-2006, 04:51 PM
Parent: #10
سلامات
وعوافي
عمران ياصديقي النظيف ..
سعيدانا بك ياسيدي الصوفي الرقيق.. وسعيدة سريرتي بانك من اولاد الذين نحبهم ..
معزتي الشاهقة..
وكن كرائحة الامهات ..
|
Post: #13
Title: Re: رحلة بورداب الدوحة ... واعلنت عليكم الحب ..
Author: ودرملية
Date: 07-28-2006, 04:54 PM
Parent: #11
سلامات
وعوافي
Quote: وسوف نعرضها فى المزاد قريبا بعنوان ودرملية يقضى على الجيكوندا
خلى بالك من كلمة يقضى |
غارق انا في محيط الالفة .. يخيفني خبثك .. ويرضيني ان ارضاك ..
كن كرحلة اليوم ياصديقي الحريف ..
والبيناتنا اطياف الحنين ..
ماتوقع اخوك يابلد
|
Post: #50
Title: Re: رحلة بورداب الدوحة ... واعلنت عليكم الحب ..
Author: Siddig A. Omer
Date: 07-29-2006, 08:12 AM
Parent: #11
عمران و صالح....متكلين عبدالكريم "كيكى"
|
Post: #12
Title: Re: رحلة بورداب الدوحة ... واعلنت عليكم الحب ..
Author: بدر الدين الأمير
Date: 07-28-2006, 04:52 PM
Parent: #10
بس نفسى افهم او اعرف
هل بيان الموجودة معنا فى الدوحة هذه الايام
والتى شرفت رحلتنا اليوم وغنت ورقصت معنا
هى نفس بيان الظلامية البتكلمو عنها فى البورد
ذبدة كلام : الانسان عدو مايجهل
|
Post: #14
Title: Re: رحلة بورداب الدوحة ... واعلنت عليكم الحب ..
Author: ودرملية
Date: 07-28-2006, 05:10 PM
Parent: #12
سلامات
وعوافي
عبدالكريم .. ياحبيبي في (الراحات) و(الصراعات)..
الذي بيني وبينك .. هبةٌ من الله ..
ياعدوي اللطيف ...
اخوك الموسيقار ودرملية..
|
Post: #49
Title: Re: رحلة بورداب الدوحة ... واعلنت عليكم الحب ..
Author: Siddig A. Omer
Date: 07-29-2006, 08:08 AM
Parent: #2
عمادعبدالله....محمد عبدالرحمن...عبدالكريم
|
Post: #15
Title: Re: رحلة بورداب الدوحة ... واعلنت عليكم الحب ..
Author: أبو ساندرا
Date: 07-28-2006, 05:11 PM
Parent: #1
يا ودرملية
هل أتاك حديث الغاشية ؟
وهل أرخيت أذنآ { أيواكس } لسماع الولد المدهش يسري صلاح ؟
هل تأملت المعنى الكامن في ترؤس النساء لمحفلنا
رندا : الرئيسة
ماهيتاب : المقررة
نانا : الدينمو
هل تجاوزنا عقدة قيادة الرجال الذين وليناهم أمرنا رهط من الزمن
ولم ننل منهم سوى الودار
ولم نقبض سوى السراب
الآن انا منتشي لليفة
صباحات الله بيضاء
|
Post: #16
Title: Re: رحلة بورداب الدوحة ... واعلنت عليكم الحب ..
Author: ودرملية
Date: 07-28-2006, 05:13 PM
Parent: #15
عمدتنا
كنت قدكتبت لك في بوستنا (الذي بهناك) ...
Quote: سلامات
وعوافي
عماد عبدالله ...
اليوم (هبشت) شغاف فؤادي بهذه المودة الاصيلة .. ودلقت في عصب الروح همساتك (النبيًة) ..يارجل من زمن الضحكات النقية ..
اني احبك والسلام .. |
والسلام ....
|
Post: #17
Title: Re: رحلة بورداب الدوحة ... واعلنت عليكم الحب ..
Author: ودرملية
Date: 07-28-2006, 05:19 PM
Parent: #16
سلامات
وعوافي
العزيزة بيان ..
| Quote: انا نويت اتبناك فنيا ,,, |
يابيان منحتي الرحلة بعدا اضافيا شفافا .. وكنتي وروحك الطيبة تواقة للالفة والوئام .. كنتي كالقمر في منتصف شهر رمضان ... يلعب الاطفال الابرياء تحت هجيج ضياءه الوليف ..
ياااااااه علي هذا السحر الذي لاينضب ..
|
Post: #18
Title: Re: رحلة بورداب الدوحة ... واعلنت عليكم الحب ..
Author: ودرملية
Date: 07-28-2006, 05:23 PM
Parent: #17
سلامات
وعوافي
ابوساندرا ..
نعم والله .. كل ماقلت نعم .. فيسري كان صباح الرحلة بصوته الرخيم ..
وكنتم جميعا نسائم ذلك الصبح ...
كن منتشيا للطيش يابركات ..
نكون نحن برضو منتشين
|
Post: #19
Title: Re: رحلة بورداب الدوحة ... واعلنت عليكم الحب ..
Author: Emad Abdulla
Date: 07-28-2006, 05:26 PM
Parent: #16
( للعوين* العاليات ) .. فقط .
رندا ..
يديك ألف عافية ..
بيان ..
يا ما ظلامية .. يا تفتيحة .. يا ( صديقي ) .
ماهي بركات ..
يا بنية يا أسطى .
نانا ..
يا فنانة ..
ــــــــــــــــــــــــــــــــ
*العوين : جمع مؤنث ظالم , من تخريجات بيان الساخرة .
|
Post: #20
Title: Re: رحلة بورداب الدوحة ... واعلنت عليكم الحب ..
Author: ودرملية
Date: 07-28-2006, 05:34 PM
Parent: #19
سلامات
وعوافي
المقطوعة :- تقاسيم ..
الموسيقار :- الاستاذ حافظ عبدالرحمن ..
وهي هدية من صديقي الوريف (راكوبة) ..وبدوري اهديها الي ضيفتنا العالية بيان .. وسمار الامسية الرائعون ...
|
Post: #22
Title: Re: رحلة بورداب الدوحة ... واعلنت عليكم الحب ..
Author: ودرملية
Date: 07-28-2006, 05:51 PM
Parent: #20
ياريس .. رندوك
ويامقرر ماهي
وياسكرتير نانا
..
جضمتو الشغل .. وحلتي طلعتا مضروبة .. لكن المرة الجايا .. تشوفو شوف
|
Post: #25
Title: Re: رحلة بورداب الدوحة ... واعلنت عليكم الحب ..
Author: Abu Eltayeb
Date: 07-28-2006, 06:19 PM
Parent: #20
يا ود رمليه الصافى :
وجماعتى الأصفياء .. كعذب المياه !!
غلبتنى تعاستى .. وغلبنى الشقاء!!
أن لا أكون بينكم .....هذا المساء !
لعلها جفوتى وضياعى أو هو الجفاء !
هو حظى الذى أبعدنى من يومٍ كهذا ...
وا حسرتاه ! ثم وا حسرتاه على بنى
وطنى الأذكياء .. الأغنياء... الأوفياء..
هى لحظات باقيه.. ياودرمليه! فأين أنا
منها ! وأين حظى من ..... هذا اللقاء!
ظروف قاسيه وواجب مباشر أبعدنى عنكم
وكمان( نزله ) حاره !! أظنه عقابى على
تقصيرى فى حق نفسى .. وفى حق أجمل أصدقاء !!
مامون أحمد
|
Post: #21
Title: Re: رحلة بورداب الدوحة ... واعلنت عليكم الحب ..
Author: الفاتح وديدي
Date: 07-28-2006, 05:44 PM
Parent: #1
....
أيامكم!
بالمناسبة يا الدوحاب:
أحبّكُم ذاتو
....
|
Post: #23
Title: Re: رحلة بورداب الدوحة ... واعلنت عليكم الحب ..
Author: ودرملية
Date: 07-28-2006, 05:57 PM
Parent: #21
سلامات
وعوافي
الفاتح وديدي ..
الانيق صاحب الحرف البريق ..
ياخي نحن نحبك لامن تغرق في بحيرة الحب ذاتو ..
ماتغيب سمح .. اصلي انا قانص ليك وبترصدك وبترصد حرفك الغزير ..من لدن بوست الجريفاوي والي ماشاء الله لي من حياة ..
تعال لينا هنا طوالي سمح ..
لك المعزة وابتسامة الاطفال ..
|
Post: #24
Title: Re: رحلة بورداب الدوحة ... واعلنت عليكم الحب ..
Author: عبدالكريم الامين احمد
Date: 07-28-2006, 06:02 PM
Parent: #23
ود رملية الان والان فقط تيفنت وسمعت غناء (طائر السنونو)
بحرفك الذي طوق وزين تلك اللحظات التي ذهبت ..فتركت في القلب ولعة وحنين
خاص الي فرح اتي , (لمة) اخري بقرب هذه الشلة المدهشة...
ولنا عودة...
|
Post: #27
Title: Re: رحلة بورداب الدوحة ... واعلنت عليكم الحب ..
Author: ودرملية
Date: 07-28-2006, 06:36 PM
Parent: #24
سلامات
وعوافي
صديقي الحبيب
عبدالكريم ..
لو تركوا لي تصاريف (الايام) لجعلت كل يوم منها رحلة في رحاب الملائكة ...(سُمار الضياء)..
ياحبيبي اخوك شرقان (دُد) ..
افو عليك يالرحلة .. امانة ما خليتي روحنا (حلبة ذكر) ..
ومثل الدرويش اتمتم وادندن باصوات الرحلة ..
الصوت والصورة واللون .. والريشة الالهية المجيدة ..
انعن زيتكن يابورداب الدوحة
|
Post: #28
Title: Re: رحلة بورداب الدوحة ... واعلنت عليكم الحب ..
Author: ودالعباسية
Date: 07-28-2006, 06:51 PM
Parent: #24
|
Post: #26
Title: Re: رحلة بورداب الدوحة ... واعلنت عليكم الحب ..
Author: Salah Abdulla
Date: 07-28-2006, 06:26 PM
Parent: #21
يا أهل الدوحة
سلام ..
لم يكن هنك (في الرحلة) نجم .. فكلكم نجوم .
ولا تستطيع أن تذكر شخصاً دون الآخر ، وإن فعلن فقد ظلمت ..
(نادي الشاطئ) كان مهيأ تماماً ، من كل شئ ، وكان البحر ، والرفقة الطيبة ..
فماذا نطلب أكثر من ذلك ؟؟؟
اللافت أن آخر الأعضاء انضماماً (لسودانيي الدوحة) كانوا أكثرهم نشاطاً (أقول ذلك دون اسقاط حق الآخرين) ..
المحتفى بها الدكتورة نجاة (بيان) كان فاكهة الرحلة ، وملحها ، هذه الظلامية !!!!!
أذا كانت الدكتورة بيان ظلامية ، فأنني أشهدكم أنني أنا الظلام نفسه الذي صنعوا للدكتورة منه اسماً..
قال ظلامية قال ..
أنا تعبان من السباحة الكتيرة .. برجع ليكم بكرة بعد ما الصور تنزل ..
فتكم بي عافية يا ... ظلاميين ..
|
Post: #29
Title: Re: رحلة بورداب الدوحة ... واعلنت عليكم الحب ..
Author: ودالعباسية
Date: 07-28-2006, 06:56 PM
تكريم البورداب للدكتورة بيــــــــان ،،،،
|
Post: #30
Title: Re: رحلة بورداب الدوحة ... واعلنت عليكم الحب ..
Author: ودالعباسية
Date: 07-28-2006, 07:07 PM
Parent: #29
معاوية وعمران ،،، اصحاب الشواء ،،
لقطوها كلها ،،
كيكى ود . بيان وتجهيز لى حله ود رمليه ،،
|
Post: #31
Title: Re: رحلة بورداب الدوحة ... واعلنت عليكم الحب ..
Author: ودالعباسية
Date: 07-28-2006, 07:13 PM
Parent: #30
فاصل غنائى من الفنان ود رمليه ،،،
صديق و ابوعاقله ،،
|
Post: #32
Title: Re: رحلة بورداب الدوحة ... واعلنت عليكم الحب ..
Author: فرح
Date: 07-28-2006, 07:16 PM
Parent: #30
ود العباسيه دى شيه فى منقد البار بكيييووووووو
يا اخوانا اعاصبنا بايظه
|
Post: #33
Title: Re: رحلة بورداب الدوحة ... واعلنت عليكم الحب ..
Author: ودرملية
Date: 07-28-2006, 07:20 PM
سلامات
وعوافي
يا ألهي منك يامامون .. يا الهي ..لو كنت موجودا .. لبعثت في روح الروح روحا ..
ولكنت بدرالتمام (علي قولت حبوبتي خليمة بت الحسين ودشاع الدين) النعم انو مابتقولا طوالي .. وان قالتا .. كمل الكلام ...
والله تمنيناكم انت والرقيق صلاح فالولة والساحر الذي يعربد الحرف في مضاربه .. عبدالغني كرم الله ..
لو كان عندي رصيد بي نزلتك وضيفك الجاي من السفر كلكم كان بقيت ليكم في رقبتكم .. الا امر الله نافذ يامامون .. والجايات اكتر من الرايحات ..
تحياتي لضيوفك .. وقول ليهم حللتم اهلا ونزلتم سهلا ..
اسف علي ردي المتاخر فان في (جوقة) الشغل وبكابس بي جاي ..
لك العتبة .. وهميم الدعاء..
|
Post: #34
Title: Re: رحلة بورداب الدوحة ... واعلنت عليكم الحب ..
Author: ودالعباسية
Date: 07-28-2006, 07:38 PM
Parent: #33
فت تقييييييييييييييييييييييييييل ،،،
|
Post: #35
Title: Re: رحلة بورداب الدوحة ... واعلنت عليكم الحب ..
Author: ودرملية
Date: 07-28-2006, 07:50 PM
Parent: #33
سلامات
وعوافي
ياودالعباسية ..
ياهذا الولد الذي (يعتق) الصور ... ساهرتا بينا مالك يازول ..
والله انا سعيد بيك سعادة ياعبدو ماتتخيلا ..
ياخي انت صاحبي صاح ...
|
Post: #36
Title: Re: رحلة بورداب الدوحة ... واعلنت عليكم الحب ..
Author: ودرملية
Date: 07-28-2006, 08:21 PM
Parent: #35
سلامات
وعوافي
يافرح .. فرح
كيفك ابوي ماك طيب ..
شنو من ديك وعيك (العشا مع ضياء بلال)... تاني لامنبر ولاشوف ما نلم فيك الحكاية شنو والا رجعت البلد البتبلع الفيل ديك .. ربنا يهون قواسيك ياحبيب..
باربكيو ساي يافرح ومعاهو باربيحلة برضو من يدالمعلم ..
|
Post: #37
Title: Re: رحلة بورداب الدوحة ... واعلنت عليكم الحب ..
Author: ودرملية
Date: 07-28-2006, 08:32 PM
Parent: #36
سلامات
وعوافي
نوونو بعد دا ياشباب ... الوردية وكدا ..
تصبحوا علي صورة نبيكم ..
|
Post: #38
Title: Re: رحلة بورداب الدوحة ... واعلنت عليكم الحب ..
Author: Nana
Date: 07-29-2006, 01:33 AM
Parent: #37
تسلم يا ود رملية يا رائع
كفيت ووفيت
فعلاً كانت ليلة من ليالي الفرح غمر الجميع بالحب والسعادة
واجمل مافي الرحلة هي قلوب كل الحضور , قلوب نقية صادقة تحمل كل الحب وتعطي كل الفرح
سعدت بكم وسعدت بوجودي بينكم
تخريمة :ود رملية الحلة كانت حلوة حلاوة حضورك بينا
تخريمة تانية:
يا ود رملية ماتقول لي رقاص جنس رقيص
|
Post: #39
Title: Re: رحلة بورداب الدوحة ... واعلنت عليكم الحب ..
Author: معتز القريش
Date: 07-29-2006, 04:01 AM
Parent: #38
يا ود رملية أنا لسه مخلوع من الرحلة زي خلعة البت الشافتك حاضن العود ـ لمن أفيق برجع ليكم
سؤال : حلتك مشت وين أنا كنت خاتيها بتوصية من اب شيبة عشان تسبك وآخر الرحلة ما لقيناها ؟؟؟؟
يا نانا يا كضااااااااااااابة عليك الله حلة ود رملية دي زي ما قلتي ـ طلعى النصية الكضب حرام والقبر قدام والسمين بقع والضعيف بقيف .
يا أخوانا ضحية حي ولا ميت ـ شايفو أمس الزعل شاقيهو (عشان رفدوهو من الرئاسة والرحلة نجحت)
تعيش الرئيسة والمقررة والسكرتيرة ـ أبدعتن ولا حرمنا الله منكن .(لكن انحنا برضو خطيرين وما حصلناش)
سر لحمة الشية ما حدش يعرفو غير اللجنة النظمة ولعدم الاحراج نرجو عدم محاولة معرفة الأسرار
تحية حاصة للجنة المنظمة وعلى رأسهم أنا .
ظلامي لكن فنان
|
Post: #40
Title: Re: رحلة بورداب الدوحة ... واعلنت عليكم الحب ..
Author: محمد أبوعاقلة الطريفي
Date: 07-29-2006, 05:27 AM
Parent: #39
كما ذكرت في بوست سابق (اعرفوني) ان المنتديات ليست من اكلاتي المفضله لذا آثرت المكوث في تلك الدهاليز التي تشعرني بالارتياح آنذاك .. كنت احس ان المنتديات ناس قاعدين في سبعه قارات (انا عندي قاره براي) مساحات من صحاري ... وديان ... دول ... مطارات ... اصقاع نائيه ... تتسمر عيونهم في الشاشات وقلبوبهم شتي يتحاورون من وراء حجاب ... شبابيك ... كل ما يتطلب الامر ... افتح لي شباك بليد .. اقصد جديد ... مداخلات قد تستغرق وقتا طويلا ... هنا وهناك ... اطروحات جلها مهاترات ... كمية اوجاع ... قمم انفعال ... في الوقت الذي نهرب فيه بكل براعة من مرارات الغربة ... والالتصاق بالروح ... هروب قسري كما تهربون انتم بدسكونكت او كونكشن ارور (خت فيها الف يا عماد) الف مبروك عليك ...
ومن ثم ياتي دور لستك الماوس اب داون حتي التحفيص (طبعا في ناس سطحت) ازعاج بالكر والفر ... فكر اتشتت بين البوستات والمجاملات وحاجات كتيره ... زحمة مواضيع ... فردت توبا وفرضت توبه ...
البعض يتسني له قراية الجرايه )الجرايه ذلك المعول الذي يضع النقاط فوق سطور الواطه ... عشان الفكره تفرهد والرؤيا تقوم ... تشد حيل الشدر لي فوق
تشد حبل الصبر اميال وتثمر شوق
هذا فيما يخص المقدمه
--------------------------------
كنت وما زلت انادي بالشوف
للزول البقيف قدامك لابس لون
لابس لون جلابيه وتوب
وشايل حس وجداني
تقرا نفسك في دواخلو
تلقي صوتك في مخارجو
تلقي احساسك مجسد في بسيمة الفه للحاجه المريحه
بالزول البقيف قدامك لابس لون البشره
لافح توب
شايل حس احساسك بيهو
والبراحات الفسيحه
والزمان لمن يجود بي زول فصيح
بي زول مريح
حاجه اكتر من تعابير في الكتابه
شوف لذيذ ... تواصل بمنتهي الابداع ... الدخول في ناس. الرابط بينك وبينم كيبوردات مشتته في ترابيز الدول ... وكراسي الغربه ... ناس كنا بنشوفا في الحروف وتراتيل لغه ... انا غيرت رايي في الكتابه ... بلمة الناس في المواعيد ... بعيدا عن حيطان الوحده وكركبة المفاتيح ... وكباية الشاي البتبرد جنبك وانت مسخن في بوست غريب ... الشوف خلانا عمي ... من قدر الشفتو وحسيتو وكتبتو كلام ... النغم الكان سايح بيناتنا ونحن بنعرق ... عرق النشوه الدخلت فينا بصحه وعافيه .. فرح الناس المدفق في عويناتنا بإلفه وحب ... احساس غيرك انك عايش رغم الانف ... لحظات ود ... جادت بيهو قريحة الناس في وش الغربه العفنه ... احساس بالاسره الواحده ... وناس بتريدك ريد سوداني ... ريد زيت السمسم ... والجبنه البيضاء وارد النيل الابيض ...
همم الناس بتشيل في هم الناس ... تديك عنوان .. ورقم .. وسكة بيت
زيادة الخير الما شويه ... حلاة اللحمه المشويه وحلة ودرملي... رغم التأخير ... الموضوع ما كان صدفه ... ترتيبة حال .. ولجنة رنده ... جمع مبالغ تافهه بحجم اللمه .. وفرح الناس... الفرح الدخل الساحه وقيل ... بيناتنا كلام ... شيلة روح قبال ما تروح في الليل ورتابه ... اجمل نص يوم بكل وضوح
بكل معاني الالفه وراحة بال
بكل معاني الحس الفينا الما بتقال
جيتو كتار
كنت بتدفنوا في جوانا عنا الترحال
ولقيتكم جد اخوان وحبايب
مستورين حال
)يا جماعه صورة ودرمليه ما تطلع اونلاين)
وجاي راجع من مساحاتكم مدفق بالحنين المنكم ... روعة الناس ... زيادة ارقام التواصل ... والحكايات البترسخ رغم ساعات العمل ... والقسوة لو حنت ظروف الناس ... سرقنا الروح من الروتين ... فرحنا
وقبل ما تمر ليله واحده ... بحراره الشوق غمرنا
خليكم اكتاف وآكتف
لكل الناس ... العفو علي عدم الفهم الغلط ورويحاتكم الحلوه ... شكرا علي تجلية الروح من صدأ مقيم
شكرا علي اهدا حلم ... ما فارقتوني .. انا واصلت براي في النوم قاماتكم ... يا منتشرين
يا الطبظتو عيون العتمه بحبة ضو ... يا الحركتو سكون الروح بي طبله وناي
كونوا الحاجه الما بتروح
كونوا البلسم
ايادي تلاقي ايادي
اصوات بتنادي
لم فراق يتحكر بين عنوانك وسكه تطول
يا حلوين
محمد ابوعاقلة
http://www.geocities.com/boldman14
|
Post: #52
Title: Re: رحلة بورداب الدوحة ... واعلنت عليكم الحب ..
Author: Siddig A. Omer
Date: 07-29-2006, 08:32 AM
Parent: #40
صلاح عبدالله "كيجاب"
محمد ابو عاقلة و زوجته نعمة
|
Post: #53
Title: Re: رحلة بورداب الدوحة ... واعلنت عليكم الحب ..
Author: Siddig A. Omer
Date: 07-29-2006, 08:35 AM
Parent: #52
البحـــر
|
Post: #41
Title: Re: رحلة بورداب الدوحة ... واعلنت عليكم الحب ..
Author: أبو ساندرا
Date: 07-29-2006, 06:23 AM
Parent: #1
البت غزلان المغربية مكسب كبير وجميل لأصدقاء بورداب الدوحة
رقصت وطرقعت أصابعها بشرت
وأنساب جمال شرق المتوسط وروى عطش صحارى شرق إفريقيا
والنيل قريب
البت صفية ، أو كما يحلو لبناتي مناداتها صفصف
لولا صداع الخرم الذي هد حيلها
لقدمت أروع ما في بنات الجزيرة من إبداع وفن
لم تستعيد مزاجها إلا في مطبخ الوجيه صديق
بعد أن تناولت النسكافيه
وجرى الدم في العروق
البت نعمة ، الفنانة صاحبة الحس والشعور
أبت أن تترك بعلها مدستر وحيدآ فرقصت حتى دارت بنا الأرض
البت ريهام ، توزعت بين المشاعر ، فرحت لأجواء الرحلة الصافية
ودمعت لذكرى والدها الفنان المبدع الراحل العزيز هاشم ميرغني
فقد مشت معاهو مشوار حافية على رمل الشاطيء
البت رمى ، التي طلعت الخالق الناظر من أبوها الصديق العزيز صلاح عبدالله
رمت بثقلها الخفيف ومدت أياديها لكل الرجال
ورفضت أن تستجيب لأيادي أي أنثى إمتدت لها
ما عدى أمها وكانت على مضض
يا صلاح البت دي أقهمها من هسع
أو أطلق لها الحبل على القارب
ولن تندم
البت إحلام ، يا سلام
تشابك الوعي والجمال
ما أن تنخرط معها في حوار حتى تدهشك بحضورها وذكائها الوقاد
تعرف كيف تصيغ الأسئلة
وتحيرك حتى تجد جواب
البت منى أخت إحلام ويا سلام
كما الدنيا ، منى وإحلام وسلام ووئام
شكرآ يا هويدا غبوش الغائبة لولاك لما إستطاع معتصم الطاهر
إنتاج كل الجمال الوهبوه لبناتك وليك
وشافوا السحر في مقلتيك
من خلف النضارة
البت زاريا ، زرزور المحبة
تحاول أن تنسجم مع الناس بلغة أسلافها
وهي الناطقة بالإنجليزية
تتجلع ، أجي وسجمي عندها وتمحن الأمهات
خاصة أمها الظلامية
ولو أضأء إبتسامها البراق
|
Post: #43
Title: Re: رحلة بورداب الدوحة ... واعلنت عليكم الحب ..
Author: Siddig A. Omer
Date: 07-29-2006, 06:37 AM
Parent: #41
|
Post: #54
Title: Re: رحلة بورداب الدوحة ... واعلنت عليكم الحب ..
Author: Siddig A. Omer
Date: 07-29-2006, 08:39 AM
Parent: #43
البحر 2
|
Post: #55
Title: Re: رحلة بورداب الدوحة ... واعلنت عليكم الحب ..
Author: Siddig A. Omer
Date: 07-29-2006, 08:43 AM
Parent: #54
من اليمين للشمال
ضحية..عمر بوب...بدرالدين الامير...رندأ وزوجهــا عمران...أبوعاقلة
|
Post: #56
Title: Re: رحلة بورداب الدوحة ... واعلنت عليكم الحب ..
Author: Siddig A. Omer
Date: 07-29-2006, 08:47 AM
Parent: #55
|
Post: #58
Title: Re: رحلة بورداب الدوحة ... واعلنت عليكم الحب ..
Author: Siddig A. Omer
Date: 07-29-2006, 09:02 AM
Parent: #56
عبدالكريم متكل بعد أن اصابه ودرملية بالضربة القاضيــة
و ذهب ليغنى بالفرح بمشاركة معاوية الطيب
حتى النشوة
و د. بيان تراقب بفرح فلقد اذهلها المتمرد ود رملية
|
Post: #59
Title: Re: رحلة بورداب الدوحة ... واعلنت عليكم الحب ..
Author: Siddig A. Omer
Date: 07-29-2006, 09:10 AM
Parent: #58
و لجأ الى الدكتورة لعله يطيب...هاهاهاه
فدبت العافية فى أوصاله
ففرح و رقص برفقة البطل و ماهيتاب
للصور بقيـــة....و للقصة بقية
|
Post: #61
Title: Re: رحلة بورداب الدوحة ... واعلنت عليكم الحب ..
Author: ودالعباسية
Date: 07-29-2006, 10:24 AM
Parent: #43
الفنان يسري ،،والشباب والطرب ،،
ناس الحله الوراء ،،،،
دون كلام ،،،
|
Post: #42
Title: Re: رحلة بورداب الدوحة ... واعلنت عليكم الحب ..
Author: Siddig A. Omer
Date: 07-29-2006, 06:24 AM
Parent: #1
"جـــاييكم"......وين الرابط لرفع الصور يــا ودالعباسيــــة؟؟؟
|
Post: #44
Title: Re: رحلة بورداب الدوحة ... واعلنت عليكم الحب ..
Author: Salah Abdulla
Date: 07-29-2006, 06:47 AM
Parent: #42
معتز القريش ..
كيف أصبحت ..
ظلامي دي قولها لي زول ( ما إندو هديدة ) ..
نحن (دافنينو سوا ) هذه العبارة التي تسببت في مشكلة ( ليها ضل ) بين ( فلان و فلان ) طبعاً عارفهم منو (يا راجل يا قديم ) ..
ولغاية امبارح (كنا بندفن فيهو) .. أواصل ؟؟ لا أحسن أقيف هنا ( وإن عدت !!! عدنا) .. ظلامي وفنان (لا يلتقيان) يا راجل يا فنان..
وبعدين اللحم الجبتو ده (مشكوك في أمره) فقد وقع تحت يدي (ضنب) قدر ما حاولنا نعرفو ده ضنب شنو .. غلبنا ..
وأخيراً استقر رأي اللجنة الى أنه أقرب الى ضنب ( بوبي) .. وأنا اقول من أمبارح بطني دي واجعاني ليه ؟؟ غايتو يمكن من ( الفت الفتيناه امبارح ده ) ..
يا ابا ساندرا .
وصفك حلو ( زي بسمتك ) كما قال عبدالحميد يوسف ، وأيدته ( تماضر ) ..
أنا بتي اسمها ( لمى ) باللام .. ما بالـ(رام) .. بيعمل وجع راس لكن ما فيهو ريحة !!!
أبو عاقلة ..
الى الذي تحلل من قيوده ، وفكّ آخرو ..
كلامك حلو يا حلو ـ وياريت تنزل لينا الصور عشان نعرف نعلق عليها كلها ..
معتصم الطاهر ..
شنو يا فردة ، عامل نايم مالك ، الصور وين يا هندسة ؟؟؟
|
Post: #45
Title: Re: رحلة بورداب الدوحة ... واعلنت عليكم الحب ..
Author: Randa Hatim
Date: 07-29-2006, 07:02 AM
Parent: #42
اتت احدى النساء العربيات وقد كانت فى المنتج وسالت ماهى ان كان الحضور جميهم اسرة واحده فاجابتها ماهى لا لسنا اسره واحدة بمعنى القرابه وصله الرحم فسالتها اذا انتم اقارب فاجابتها لا نحن اصدقاء فذهلت!!!!!!!!!!
نحن اصدقاء بمفهوم قرابة الدم والرحم والنسب ولكننا كنا اسرة واحده بلا ادنى شك ....لم تكن هناك حواجز ولا حدود كان الجميع منصهر فى بوتقة اطارها المحبة والالفة والاخاء ... كنتم كنسائم الربيع تلطفون الجو ضحكا واحاديث ... كنتم .. ولا ادرى ماذا اقول ... وهل ترك لى ذلك المدهش حبيب الكل ود رملية ما يقال؟؟؟
لا اريد ان اذكر اسماء لان الكل فى ليلة الامس كان فوق السحاب ولكن ... حلة ودرملية ادت الرحلة طعم حتى لو قالو ما كانت 100% ...
اصدقائى كلكم مذهلين ومن جاء من طرفكم كان كروعتكم ... احببت فيكم السودان ...واحببت فيكم مودتكم والفكم ...
باص الرحلة اتحول لى بص سيرة وغنينا وزغردنا ولما وصلنا كنا فى انتظار اهل العروس يجو ينزلونا ... ودخلنا الى المنتجع وقد كان بحق رائع ... وولعنا نار الشية باحدث انواع الفحم البلاستيكى (وليس بالجرائد) ... واتغدينا اجمل واطيب غدوه ليس فى الطعم والنكهه فحسب بل الونسه واللمه والاحاديث المتبادله خلتها اجمل وجبة غداء على الاطلاق ...وقبل الغداء قمنا بتكريم د/بيان والله تانى البيقول عليها ظلامية فلا يلومن الا نفسه ... ثم
صدح يسرى وما ادراك ما يسرى ...جعل الجميع يتمايلون طربا ... وضجت الساحة بالرقيص ... وقد غنى فنان اخر عذرا ان كنت لا استحضر اسمة ولكنه كان رائعا ...
وتبادلنا قفشات الرسائل المضحكة وادار البرنامج معتز قريش مكتشف اجود انواع لحوم الشواء ... وعزفت الموسيقى مرة ثانية وصدح يسرى وتمايل المكان معه ...
بورداب الدوحه ... لكم حبى ووفائى ...
ماهى .. نانا ... ما اعدمكم يا توائم روحى .....
ودرملية ... يا بحر الحنين الدافق ... والله لما قلت كلمتك فى الرحلة وهسى لما قريت كلماتك دموعى غلبتنى ... الله يخليك .
صديق ... دارك ان شاء الله دايما عامرة بى حسك ... وبى كرم زوجتك الرايعه ... يا سودانى يا اصيل ...
بورداب الدوحة يا رايعين ... سلامى لى كل الضيوف الجو من طرفكم والعرفتهم معاكم ...
ويا ابو ساندرا و نادوس ... احلى واروع لحظة مرت لما وقفتو تكرمو د/بيان ... والله شفت روعتها فى عيون كل الحاضرين وفى صفقة ودرمليه وضجتو...
|
Post: #46
Title: Re: رحلة بورداب الدوحة ... واعلنت عليكم الحب ..
Author: Salah Abdulla
Date: 07-29-2006, 07:28 AM
Parent: #45
يا عماد عبدالله .. ألحق رندا ، شوف قالت شنو ؟
| Quote: وولعنا نار الشية باحدث انواع الفحم البلاستيكى (وليس بالجرائد) |
الصور وينها .. عليك الله نزلها هنا ..
|
Post: #47
Title: Re: رحلة بورداب الدوحة ... واعلنت عليكم الحب ..
Author: Siddig A. Omer
Date: 07-29-2006, 07:54 AM
Parent: #46
و عبد الكريم كيكى متكل بالشعب
 ]
ودرملية
الهجوم خير وسيلة للدفاع.....صاح؟؟
|
Post: #48
Title: Re: رحلة بورداب الدوحة ... واعلنت عليكم الحب ..
Author: Emad Abdulla
Date: 07-29-2006, 07:59 AM
Parent: #46
Quote: يا عماد عبدالله .. ألحق رندا ، شوف قالت شنو ؟
Quote: وولعنا نار الشية باحدث انواع الفحم البلاستيكى (وليس بالجرائد) |
.. ياصلاح ..
ساااااامع .. و عامل حِميل .
الفي بطنو حرقص براهو بيرقص ..
هسه في زول جاب سيرة جرايد كان ما ساكت ؟؟؟
أقوم أقول لمعتز الحلة البفتش عليها دي كانت مغتغتة و محشورة تحت المقعد في عربية عمران ؟؟ ..
أقول ؟؟ 
|
Post: #62
Title: Re: رحلة بورداب الدوحة ... واعلنت عليكم الحب ..
Author: ودالعباسية
Date: 07-29-2006, 10:37 AM
Parent: #46
دويتو كيكى و ودرمليه ،،
برضو بدون كلام ،،،،
|
Post: #51
Title: Re: رحلة بورداب الدوحة ... واعلنت عليكم الحب ..
Author: Siddig A. Omer
Date: 07-29-2006, 08:25 AM
Parent: #1
من اليسار لليمين
عبدالجليل"نادوس"..محمد ابوعاقلة و زوجته نعمة و ليلى"أبنوسة"
|
Post: #57
Title: Re: رحلة بورداب الدوحة ... واعلنت عليكم الحب ..
Author: ضحيه ابراهيم
Date: 07-29-2006, 09:01 AM
Parent: #51
هسى الواحد يقول شنو....؟ فى حلة الدجاج المحروقه ولا حلة ودرمليه التقول سهريج مويه وانكشح
ولا الشيه الطلعت الساعه خمسه ونص ولا وو لا ووووو لا
ولاالشطة الزاغت بيها رندا ولا اتكلم عن برمودة بدرالدين.. ولا لا ولا ولا....
انا غايتو تانى توبه يا حبوبه رحلة رئيستها رندا تسمنى وتبقى لى دوا مووووووووووووووووت
ولجنه كلها حروووووووووووووووم المره قالو كان بقت فاس ما بتكسر الراس والظلامى معتز القريش
ومعاه المسكين ابوبكر الامين متابعين الحروم ديل وتسمعو فى كلامهم كملتونا بالجوع والانتظار..
حرم كان ما معاوية الطيب وابوشيبه ماقصرو معاى فى الضواقه الت الشيه كان جابو لى الاسعاف
عندى كلام كتيييير بس خلونى اجغ نفسى وارجع
|
Post: #60
Title: Re: رحلة بورداب الدوحة ... واعلنت عليكم الحب ..
Author: عبدالكريم الامين احمد
Date: 07-29-2006, 10:05 AM
Parent: #57
سلام يا حلويين
الرحلة رهيبة والله...والارهب منها شمارتها وحللها الرايحة (شمار في مرقة)..
حلة ودرملية شوهدت في شوارع (معيذر)..واحتمال تمشي (شندوتشات) لام سعيد مع الصباح..
اكبر متامر في الرحلة كان الزول (عبد الرحمن ابوشيبة)..
بكري الامين بالله خليك (خالد كودي) ونزل الصورة الجنب البتاع..
عماد عبدالله (شكارتها دلاكتها)..الخريف بجي يا عماد واللواري بتقيف..
ود رملية حلتك وين..يا حبيب العين...
صديق عبد المنعم....متامر ويعقوبان شمشاري عظيم...
رندا...دي ما المحرية يا زميلة (حلوة زميلة دي)...
بيان مع رايها في ود رملية ده تبقي ضلامية...وضلام ابو كديس عديل كده...
بدر الدين...تاني اربجي الا تشوفها في (روتانا سينما) يا بتاع (البرمودا)....
عباسية يا حليفي (نزل واحزف)..انزل صور اليسار...واحذف صور اليمين
محمد عبدالرحمن (الهدو الذي يسبق العاصفة) رزين ..وراكز(ناس تتكسر وتبكي..ودرملية
يمارس ليهم الكبكبة)....
صلاح عبدالله (استايل رقيص مدهش)..وديامي رهيب..
دفع الله خطاب فرحان بيك..(وهاك المعمل ده)..(وما اجمل بلاد المغرب)
ومعليش قوقل امس ما اشتغل كويس...
العبيد برضو (هاك المعمل ده)
|
Post: #63
Title: Re: رحلة بورداب الدوحة ... واعلنت عليكم الحب ..
Author: ودالعباسية
Date: 07-29-2006, 10:55 AM
Parent: #60
يا زول انزل تحت ،،،
اخر هجيج ،،
|
Post: #76
Title: Re: رحلة بورداب الدوحة ... واعلنت عليكم الحب ..
Author: Randa Hatim
Date: 07-30-2006, 01:28 AM
Parent: #57
طابور خامس وعميل مندس ... 007
بعد ان افشلنا مخططك لسرقة برطمانية الشطه بالدكوة والتى سعيت من وراء سرقتها لاضافة بعض المكونات المشبوهه بها واعادة توزيعها على انها عينة من المواد الغذائية المستخدمة من قبل لجنة الرحلة (معلمات من مصادر قريبة وموثوق بها) وبعد ان تم احباط محاولتك وباءت السرقة بالفشل لجات للاشاعات المغرضة لتبرهن بها على ان عدم تراسك لهذه الرحله ادى لحدوث بعض النواقص ولكن جميع محاولاتك احبطت وفشلت فشل الذين لم يفشلو من قبل ...
ايها الضحية المتامر ...
|
Post: #85
Title: Re: رحلة بورداب الدوحة ... واعلنت عليكم الحب ..
Author: Masoud
Date: 07-30-2006, 06:30 PM
Parent: #51
الصورة من اليسار الي اليسار!!!!
|
Post: #64
Title: Re: رحلة بورداب الدوحة ... واعلنت عليكم الحب ..
Author: عاكف مختار
Date: 07-29-2006, 11:04 AM
Parent: #1
(حسيت انو سبايب شعري قامت من الطرب) فمااستطعت سوى الهرب
|
Post: #65
Title: Re: رحلة بورداب الدوحة ... واعلنت عليكم الحب ..
Author: يوسف سعد
Date: 07-29-2006, 02:37 PM
Parent: #64
اه
يالا حظى العاثر
الذى منعنى من الفرح اواسط هذا الجمع الذى اعشق
والله لقد هيج الاشجان وحرك المشاعر
وذكرنى بالذى لم انساه حتى وانا بعيدا عنكم
هنا ولكن انا سعيد بفرحكم الذى رايته
فى اعين ووجوهكم ادام الله هذا الحب.....
|
Post: #66
Title: Re: رحلة بورداب الدوحة ... واعلنت عليكم الحب ..
Author: ودرملية
Date: 07-29-2006, 02:40 PM
Parent: #64
سلامات
وعوافي
الي كل الصور ..
وكل الذين مشوا في دورة الدم ..
اني احبكم ..
كنت اود التعليق علي كل مداخلة لم اعلق عليها ..
فخفت من نفسي ..
وخفت عليكم من روحي ..
تعالوا نتحابب ...
|
Post: #67
Title: Re: رحلة بورداب الدوحة ... واعلنت عليكم الحب ..
Author: محمد سنى دفع الله
Date: 07-29-2006, 03:09 PM
Parent: #66
أعلنت عليكم الحرب
ياناس ياوهم
رحلة في الرطوبة والسخانة
ما تنتظروا الناس الفي الأجازة
ولاما تسافر؟؟؟؟
ســــــــلام مربع للأخت الدكتورة بيان
انا جاي ومعاي باقي الزعلة
|
Post: #68
Title: Re: رحلة بورداب الدوحة ... واعلنت عليكم الحب ..
Author: ودرملية
Date: 07-29-2006, 03:20 PM
Parent: #67
سلامات
وعوافي
السني ..يوسف مايا ..
اخخخخخخخخخخ من عدم جيتكم ..
بالغتو عديل كدة ..
انعن زيتكن زاتو
|
Post: #69
Title: Re: رحلة بورداب الدوحة ... واعلنت عليكم الحب ..
Author: يوسف سعد
Date: 07-29-2006, 04:04 PM
Parent: #68
نعمل شنو ؟
القدر اختار كده
|
Post: #70
Title: Re: رحلة بورداب الدوحة ... واعلنت عليكم الحب ..
Author: عوض حمزة
Date: 07-29-2006, 04:58 PM
Parent: #1
بورداب الدوحة سلام
اصدقكم القول انى شعرت بالغربه وسط اهلى بامدرمان !!!
حين طالعت هذا البوست !! حنين غامر اخذنى اليكم
وحب دفين تاورنى لقربكم ... ولكنى اقسم بالايمان ان اجمل منكم
لم تشهد عينان ... كنت امنى النفس بمقابلة الكثيرين الذين
تابعتهم وعرفتهم من خلال البورد ولم التقيهم ، والبركه فى ود
رمليه ذى ما قالت واحدة برلومة ( ذيى ) انا جديد وصغير وجاهل !!
وعزائى انو الجايات اكثر من الرايحات . ومصيرنا راجعين
بورداب الدوحة ... انى اعلنت عليكم الحب !!
ابو ساندرا انا جار صاحبك ابقى زورنى وما تعمل مجنون
انت ما وصوك لى سابع جار ؟؟؟؟؟؟؟؟؟؟؟؟؟؟
|
Post: #71
Title: Re: رحلة بورداب الدوحة ... واعلنت عليكم الحب ..
Author: عمران بابكر بدري
Date: 07-29-2006, 06:27 PM
Parent: #70
انه حب مطلق
ورجونا منه الاستزادة
وتعارفنا تعارفا ارتقى بناء إلي مقام الرضا ،وكنا كما أننا ننتقل في كتابة روائي عالمي عرف الكلمة ومداخل الحروف، و شاعرا تربع على عرش البيئة ،ومداعبة الجمال السوداني ، سيما وان من بين الحاضرين هم من يعكسون وجه السودان المشرق في نسق مطرد و مدروس
وتعرف من هيئتهم وقسماتهم معاني كثيرة تخص السودان الجميل العجيب، ولقد كانت السماء هنا رحيمة وقريبة المنال وربما أنها قد خبرة بان تكون كما نريد ؟؟!!
تشارك الكل مع الكل في وعي وإدراك العارفين ..
هناك من غني وابتهج, وهناك من أثرى ساح الرحلة بمداخلات إضافة نسمة صفاء على صفاء
وتم الكشف عن جواهر في الحاضرين أصلية
مما جعل احتراق تلك الشمعة التي أضاءت القلوب والمكان رندوك التي أطاحت بآمال الرئيس السابق ضحية في العودة , كالوردة التي تفتقت لتنثر شذاها دونما تميز ..
وغنت فراشات ساندرا ورفرفت بنا في زمان خلنا انه لن يعود..
وبلغ معتز القريش مرتبة لا يتقد فيها إلا معتز , ولقد آتت حلة ود رملي في خير معتبر وبصل بيان وكيكي المشتهر, ولم اخلف وعدا بهضم شية الرائعة الجليلة نانا, أما الخصوصية التي تفرد بها ود العباسية في رسم كل الحاضرين علي عدسة المعتبرة فهذا حديث أخر, واعتلا معتصم الطاهر الكراسي كان قمة الروعة مما جعل الرحلة في الأفاق التي طار صيتها.. و أتت نشوة ابوساندرا متأخرة بعض الشي لا اعرف لماذا ؟؟!!!
وجال وصال ود الأمير .. ولكنه كان في نفس ابوعاقله ما عارف السر شنو ؟؟؟ ولم المح عمر بوب أبدا ما عارفو كان وين ولا أنا ياربي الوين ؟؟
وناس هناك يسو في شنو ما عارفين عبدا لكريم الأمين وعماد عبدا لله وصديق عمر
ومعاوية أكل اللحمة كلها ما فضل شي للناس
وما زال ضحية في انتظار السني دفع الله..... وشتات يا فردة
ود رملية فديتنا خلي الناس تكتب خلاص كفاك خلي لينا شي نكتبو ... دا شنو يا اهلنا الزول اللصقة دا
ولنا عوده
|
Post: #72
Title: Re: رحلة بورداب الدوحة ... واعلنت عليكم الحب ..
Author: nadus2000
Date: 07-29-2006, 06:45 PM
Parent: #71
كثير من المحبة لكم،
ودمتم ترياق ضد الاحزان، التي تداهمنا برحيل أحد الجميلين، ولا ملجأ منها الا إليكم
|
Post: #73
Title: Re: رحلة بورداب الدوحة ... واعلنت عليكم الحب ..
Author: عبدالغني كرم الله بشير
Date: 07-29-2006, 11:56 PM
Parent: #72
ياااااااااااه....
ما تختاروا إلا الجمعة دي؟... يالها من (دكتاتورية أغلبية)....!!!...
هربتم من غول المدينة، والاسقف الميتة، والضجيج المادي...
وهناك، عربدتم في حمى الفرح والطفولة والموج والغناء....
طوبى لكم، أحسست بكم، فرد، فرد، فغسلت وجهي بندى فرحكم الجميل...
كيكي، عودا حميدا...
ناس الخور، يا مرحبا يامرحبا..
هل غنى الثالوث الجديد..(ما اسعد أسماك البحر لو غنى...)...
ود الامير، (التي شيرت)، نقل لي ما جرى من الق هناك..
الصديق، كنا نود الرؤية،
تحننت أرجلكم برمل البحر، فأي عرس أعظم من هذا...
كم سعيد، (جاهزكم العصبي)، فقد اقتاد من سحر البحر، قوت عام، بل أكثر..
وتبقى (الذكرى)، هذا المخلوق الأبدي، تتردد كصى ناي جميل، يحمل بين طياته، كل الوجوه الضاحكة المستبشرة..
كاميرا ودرملية.... وقلم الكاميرا، ألقيا بالقلب في أتون (الفرح الجماعي المبارك)...
ويارندا، وماهي، (المرة الجاية اعملوها في الشتاء، وبعيدا عن (دكتاتورية الأغلبية)...
ما أسعدكم، وما أسعدنا بكم....
|
Post: #74
Title: Re: رحلة بورداب الدوحة ... واعلنت عليكم الحب ..
Author: معتز القريش
Date: 07-30-2006, 00:54 AM
Parent: #73
يا أخوانا أنا عندي اقتراح _ أدوني شريط الفيديو وأنا مستعد أعمل لكل واحد منكم سي دي ـ فيديو وصور فوتوغرافية (بسعر التكلفة فقط) .
عليكم الله شوفوا البوست دا
يا بورداب الدوحة معتز القريش متشرد
|
Post: #75
Title: Re: رحلة بورداب الدوحة ... واعلنت عليكم الحب ..
Author: ebrahim_ali
Date: 07-30-2006, 01:18 AM
Parent: #74
يا الله يا بورداب الدوحة
ما زال الحزن يلفني حتى هذه اللحظة من عدم الحضور والمشاركة معكم في هذه الرحلة والتعرف على هذه الكوكبة المميزة التي ما قالها لي ود رملية (صاحب الحلة المضروبة والتي طبخت ببصل أخضر وخالي توم عليكم الله في حلة بتنعمل كده ولا الشغلة كما قال هو تكون مقصودة) .
وايضا أتحسر جداً على هذه المناظر الجميلة والوجوة التي ترد الأنفاس ولكن اين الصورة للأخت المغربية والتي تعشق السودان ناس السودان واهل السودان كما وصفها لي ودرملية وقال في عبارة تنم عن إعجاب شديد ومعها شهيق وزفير بان تلك المغربية يمكنك أن ترى كريات دماءها البيضاء (شوفو الوصف بتاع أخونا دا علييييييييييكم الله)
بعض الصور مضروبة ياود العباسية
|
Post: #77
Title: Re: رحلة بورداب الدوحة ... واعلنت عليكم الحب ..
Author: ودالعباسية
Date: 07-30-2006, 05:48 AM
Parent: #75
Quote: وقال في عبارة تنم عن إعجاب شديد ومعها شهيق وزفير بان تلك المغربية يمكنك أن ترى كريات دماءها البيضاء (شوفو الوصف بتاع أخونا دا علييييييييييكم الله)
بعض الصور مضروبة ياود العباسية |
الاخ ابراهيم على ،، كيفك يا راجل ،،،
كلامك دا انا شاهد عليه ،،،وكنت متربص لى الحليفين الاعداء ،،
ودرمليه وكيكى ،، وهم يتلصصون على تلك المغربية لكى ،،،،،
على العموم الصور مدفوع فيها قروش تقيله ،،،
|
Post: #78
Title: Re: رحلة بورداب الدوحة ... واعلنت عليكم الحب ..
Author: Randa Hatim
Date: 07-30-2006, 05:56 AM
Parent: #77
ود العباسية ... ماتنسى الوصيه القلتها ليك لما مرقنا من بيت صديق
ابقى عشرة على الف.....
|
Post: #79
Title: Re: رحلة بورداب الدوحة ... واعلنت عليكم الحب ..
Author: beko
Date: 07-30-2006, 06:12 AM
Parent: #78
خطيريين يا ناس الدوحة
|
Post: #95
Title: Re: رحلة بورداب الدوحة ... واعلنت عليكم الحب ..
Author: ودالعباسية
Date: 07-31-2006, 06:09 AM
Parent: #78
تدفعى كم ،،،
ولا اقول ليك ،،،
سمك هامور بس ،،،،
|
Post: #107
Title: Re: رحلة بورداب الدوحة ... واعلنت عليكم الحب ..
Author: Randa Hatim
Date: 08-01-2006, 04:35 AM
Parent: #95
ود العباسية
وكت يا اخوى الشغلة جابت ليها دفع بالاكلات البحرية نشوف الصور اول ... وانت ابو العارفين فى صور ما عليك بيها .. هه يعنى ممكن ندفع ليك فيها صير .. فى صور نديك فيها هامور .. فى صور روبيان وجمبرى وكابوريا .. وفى صور بنديك فيها كافيار عديييييل كده.
|
Post: #80
Title: Re: رحلة بورداب الدوحة ... واعلنت عليكم الحب ..
Author: أبو ساندرا
Date: 07-30-2006, 06:33 AM
Parent: #1
نواصل
تحيتنا
للبنات الحلوات
- إسراء صلاح :
قالت للقمر قوم وأنا اجلس مكانك
اضوي في بدالك
علمآ بأن القمر كانت أمها نانا
قبل ان ترث إسراء وتسرق كل الضوء وجهجة التساب
ويا أبوها مووووت من الغيرة
|
Post: #81
Title: Re: رحلة بورداب الدوحة ... واعلنت عليكم الحب ..
Author: معتز القريش
Date: 07-30-2006, 12:15 PM
Parent: #80
يا أخوانا وين باقي الصور ووين الزول الكان بصور فيديو اسعفونا سرعة
|
Post: #82
Title: Re: رحلة بورداب الدوحة ... واعلنت عليكم الحب ..
Author: Nana
Date: 07-30-2006, 12:40 PM
Parent: #80
ابو ساندرا ابو ا لأقمار
اليوم تحالفنا انا واسراء على ابوها
بأن يقر ويعترف ويثني على كلامك
ولكن المحسي أبى واستكبر
وقال : جعلتهم اقمارا وجعلتني من طين
قوالة من ابو اسراء:
اصبر لي يا ود الديم بلاقيك في زقاق ضيق
تحياتي لأجمل البلابل ولولا امهم الجميلة
ماعارف كان يكون الوضع كيف (ابواسراء)
|
Post: #83
Title: Re: رحلة بورداب الدوحة ... واعلنت عليكم الحب ..
Author: Siddig A. Omer
Date: 07-30-2006, 04:46 PM
Parent: #82
ياناس انا معاكم برغم حزنى العميق على رحيل أحدنا....أخى و صديقى و حبيبى عبد الماجد الذى عرفته هنـــــــــــــــــأ.......
صديق ...الدوحة
|
Post: #86
Title: Re: رحلة بورداب الدوحة ... واعلنت عليكم الحب ..
Author: ودرملية
Date: 07-30-2006, 07:25 PM
Parent: #84
كما تأسي نأسي ياصديق ...
والحزن لن يزيح عن كاهلنا احزاننا الاخري بقدر ماهو يعبي في خواطر الروح مساحة اخري متوشحة بالفجيعة ..
نعم نحزن .. ونقتبس من مرارة الايام .. ميقاتا اخرا للفرح ..
لنحيا وتحيا مساماتنا للنشيد .. فمن منا سيبقي خالدا ..
وكنت قد تضامنت مع الزميل bob وبقية الزملاء في الوقوف يوما كاملا عن الكتابة كحداد رمزي علي رحيل طيب الذكر الزميل عبدالماجد يوسف فرح ..
الف رحمة ونور عليك ياعبدالماجد يوسف فرح ... الف رحمة ونور عليك ..
|
Post: #87
Title: Re: رحلة بورداب الدوحة ... واعلنت عليكم الحب ..
Author: ودرملية
Date: 07-30-2006, 07:31 PM
Parent: #86
سلامات
وعوافي
الاحباب البورداب ..
طيبين ..
عودا حميدا يانادوس .. اهو طلتك الاسفيرية ادت البوست لمحة حلوة ..
|
Post: #106
Title: Re: رحلة بورداب الدوحة ... واعلنت عليكم الحب ..
Author: Randa Hatim
Date: 08-01-2006, 04:31 AM
Parent: #83
لك العزاء ... ولكل اصدقائة ومن عرفه
انا لله وانا الية راجعون ... وربنا يعوض شبابو الجنة
|
Post: #91
Title: Re: رحلة بورداب الدوحة ... واعلنت عليكم الحب ..
Author: معتز القريش
Date: 07-31-2006, 02:17 AM
Parent: #82
Quote: تحياتي لأجمل البلابل ولولا امهم الجميلة
ماعارف كان يكون الوضع كيف (ابواسراء) |
صدقت والله يا ابو اسراء صح لسانك
|
Post: #92
Title: Re: رحلة بورداب الدوحة ... واعلنت عليكم الحب ..
Author: معتز القريش
Date: 07-31-2006, 02:20 AM
Parent: #82
Quote: ابو ساندرا ابو ا لأقمار
اليوم تحالفنا انا واسراء على ابوها
بأن يقر ويعترف ويثني على كلامك
ولكن المحسي أبى واستكبر
|
تحياتي لك ايها المحسي الضكر والله رجالتك فاتت الحد ـ وانتي يا نانا اسعدي بهذا الرجل الغيور والباقي انتي عارفاه .
|
Post: #93
Title: Re: رحلة بورداب الدوحة ... واعلنت عليكم الحب ..
Author: Nana
Date: 07-31-2006, 03:02 AM
Parent: #92
| Quote: تحياتي لك ايها المحسي الضكر والله رجالتك فاتت الحد ـ وانتي يا نانا اسعدي بهذا الرجل الغيور والباقي انتي عارفاه |
يعني نقول الظلاميين زادو واحد ؟؟!!
وربنا يستر وما تشيلو الهاشمية ويقلب علينا ،، ساعتها يحل مننا الحلا بله
|
Post: #94
Title: Re: رحلة بورداب الدوحة ... واعلنت عليكم الحب ..
Author: معتز القريش
Date: 07-31-2006, 05:55 AM
Parent: #93
| Quote: يعني نقول الظلاميين زادو واحد ؟؟!! |
انتي يا دوب ح تقولي ما الناس قالوها من زمان
ظلامي لكن فنان
|
Post: #88
Title: Re: رحلة بورداب الدوحة ... واعلنت عليكم الحب ..
Author: Agab Alfaya
Date: 07-30-2006, 10:32 PM
Parent: #1
الحبيب ودرملية
سلام وتحايا قلبية لك ولكل احبابنا بالدوحة ،
وطاري لي طلة عليكم ان شاء الله خميس
|
Post: #89
Title: Re: رحلة بورداب الدوحة ... واعلنت عليكم الحب ..
Author: أبو ساندرا
Date: 07-31-2006, 01:03 AM
Parent: #1
Quote: ابو ساندرا انا جار صاحبك ابقى زورنى وما تعمل مجنون
انت ما وصوك لى سابع جار ؟؟؟؟؟؟؟؟؟؟؟؟؟؟ |
يا عوض حمزة
نصيحتي ليك
أرحل
ده حايفكها فيك
او
إتخذ ساتر
وأديهو الطرشة
قبل فترة الزعيمة هالة أدتني رقم تلفون زعمت انه لك
لقيتو بتاع هندي
دقسة القادة عظيمة
فوتت علينا فرصة تواصل من زمن
عملت شنو في موضوع بنتي ؟
بنتي ده ابو تفري
بتعرفو ؟
|
Post: #90
Title: Re: رحلة بورداب الدوحة ... واعلنت عليكم الحب ..
Author: أبو ساندرا
Date: 07-31-2006, 01:08 AM
Parent: #1
Quote: و أتت نشوة ابوساندرا متأخرة بعض الشي لا اعرف لماذا ؟؟!!!
|
عمران بابكر بدري:
تسأل وبرآءة الحمل في عينيك
اسأل الكان مسئول عن الإمداد
والدعم اللوجستي
وأفرج عن الفرح بالقطارة
يا شحيح
يا مدستر
يا لذيذ
|
Post: #96
Title: Re: رحلة بورداب الدوحة ... واعلنت عليكم الحب ..
Author: أبو ساندرا
Date: 07-31-2006, 06:11 AM
Parent: #1
Quote: Quote:
تحياتي لك ايها المحسي الضكر والله رجالتك فاتت الحد ـ |
ولايدري الظلامي المنتكس العائد إلى النور بسرعة الضوء
إنو
البفوتو حدو بنقلب لي ضدو
او كما قال المثل السوداني المبين
|
Post: #97
Title: Re: رحلة بورداب الدوحة ... واعلنت عليكم الحب ..
Author: nadus2000
Date: 07-31-2006, 10:24 AM
Parent: #96
Quote: الحبيب ودرملية
سلام وتحايا قلبية لك ولكل احبابنا بالدوحة ،
وطاري لي طلة عليكم ان شاء الله خميس |
العزيز عجب الفيا
مرحبا بك بدوحة الجميع، وكل بورداب الدوحة ستجدهم رياحين إستقبالك.
|
Post: #98
Title: Re: رحلة بورداب الدوحة ... واعلنت عليكم الحب ..
Author: hameem
Date: 07-31-2006, 01:18 PM
Parent: #1
يا ود رملية سلامات ويا بورداب الدوحة تحيات
أنا بوردابي ومن الدوحة كمان وكنت بتاوق من الشبابيك طيلة ما مضى
إلا أن رحلتكم وندوة إدريس جماع حببت إلي التعرف عليكم ...
ود رملية دا غايتو بعرفو وقد سعدت ليلة ندوة الشاعر إدريس جماع بالتواجد
ولم أستطع أن أميزغير ود رملية الظاهر الباقين خاتين صور قديمة
نرجو أن تقبلونا في حضوركم هذا الودود يا حلوين
|
Post: #99
Title: Re: رحلة بورداب الدوحة ... واعلنت عليكم الحب ..
Author: ودرملية
Date: 07-31-2006, 04:14 PM
Parent: #98
سلامات
وعوافي
بيكو حبابك الف ياصديق ...
|
Post: #100
Title: Re: رحلة بورداب الدوحة ... واعلنت عليكم الحب ..
Author: ودرملية
Date: 07-31-2006, 04:32 PM
Parent: #99
سلامات
وعوافي
يا استاذ الفيا .. الف مراحب بيك وقت ما تشاء .. خميس او خمايس كتيرررة كلو مرحب بيك ..
وطبعا نحن كنا لابدين ليك تقدم ندوة محسن خالد واهو الظروف ماسمحت ليك وماسمحت لينا بي نعمة شوفتك ..
Quote: الحبيب ودرملية
سلام وتحايا قلبية لك ولكل احبابنا بالدوحة ،
وطاري لي طلة عليكم ان شاء الله خميس |
ياخي بس قول عووووك ..
مراحب
|
Post: #101
Title: Re: رحلة بورداب الدوحة ... واعلنت عليكم الحب ..
Author: ودرملية
Date: 07-31-2006, 04:39 PM
Parent: #100
سلامات
وعوافي
ياهميم كيفنك ياخي طيب وقت عرفتنا ما كان توقفنا نقول سلام عليكم ياخي ..
موش:-
الناس في بلدي يزرعون الحب ..
كلامهم انغام وسحرهم بسام ..
وحين يتقابلون يبدأون بالسلام..
سلام عليكم ..عليكم السلام ..
وكدا ياحبيب ..
خلينا نشوفك وسيب التلبد دا .. اظهر وبان وعليك الامان ..
مراحب
|
Post: #102
Title: Re: رحلة بورداب الدوحة ... واعلنت عليكم الحب ..
Author: ودرملية
Date: 07-31-2006, 04:46 PM
Parent: #101
سلامات
وعوافي
ياعوض حمزة والله فقدناك وكنا ممنين العين بي شوفتك وكدا .. لكن حسب مصادرنا قالو زقتا من الرحلة
بي حجة الاجازة في السودان ..
نشوفك في الرحلة التانية .. ماتمش تقول لينا برضك مشيت اجازة عشان مانختك في اللستة ..
وكدا ..
اجازة سعيدة وسط الاهل والاحباب ..
|
Post: #103
Title: Re: رحلة بورداب الدوحة ... واعلنت عليكم الحب ..
Author: ودرملية
Date: 07-31-2006, 05:02 PM
Parent: #102
سلامات
وعوافي
يانانا
صلاح دا فردتي بالله خليهو يظهر علينا يعني.. وقولي ليهو يا ابواسراء نحن اولاد رقصة واحدة وكدا ..باقليك انا وهو دقينا سامبا اصلية موش سامبا اي كلام زي سامبت كيكي وضحية الخونة المارقين من دوائرنا الفنية مرقت الشعرة من العجين ..
ياابواسراء سعيد جدا جدا باناقة روحك وطبعك الجميل .. وسعيد جدا جدا كونك كنت واحد من نجيمات تلك الامسية البهية ..
ومودتي
|
Post: #105
Title: Re: رحلة بورداب الدوحة ... واعلنت عليكم الحب ..
Author: Randa Hatim
Date: 08-01-2006, 04:28 AM
Parent: #98
مرحب تراحيب المطر
باهل القرى والحضر
وكل البورداب فى قطر (نص معدل)
حبابك الف .....
|
Post: #108
Title: Re: رحلة بورداب الدوحة ... واعلنت عليكم الحب ..
Author: معتز القريش
Date: 08-01-2006, 01:11 PM
Parent: #98
تابعوا معنا سيتم عرض المزيد من الصور خصوصا المغربية منها
|
Post: #104
Title: Re: رحلة بورداب الدوحة ... واعلنت عليكم الحب ..
Author: hameem
Date: 08-01-2006, 02:30 AM
Parent: #1
أها يا حبيبنا
ختينا ليك صورة عدييييييييييييل
أبقو أدرجونا في الذاكرة القريبة
|
Post: #109
Title: Re: رحلة بورداب الدوحة ... واعلنت عليكم الحب ..
Author: معتصم الطاهر
Date: 08-01-2006, 03:03 PM
Parent: #1
الوجـــــــــــــع
رجـــــــــــــع
الخايف يدفع ( 1000 ريال ) لصالح اللجنة
وإلا فإنى سأنشر
وأنشر
وسأنشر
من العصافير
حتى
التماسيح
أو يقولوا الروب ..
|
Post: #110
Title: Re: رحلة بورداب الدوحة ... واعلنت عليكم الحب ..
Author: عبدالكريم الامين احمد
Date: 08-01-2006, 03:29 PM
Parent: #109
رقم حسابك يا هندسة[]
|
Post: #111
Title: Re: رحلة بورداب الدوحة ... واعلنت عليكم الحب ..
Author: بدر الدين الأمير
Date: 08-01-2006, 03:45 PM
Parent: #110
بس ياهندسة حدد الدفع لياتو لجنة المنتهية صلاحيتها
ام الصالحة لكل الايام والاجيال يعنى جيلى وجيلك وجيل عمنا عماد
|
Post: #112
Title: Re: رحلة بورداب الدوحة ... واعلنت عليكم الحب ..
Author: ودرملية
Date: 08-01-2006, 03:54 PM
Parent: #111
سلامات
وعوافي
يااااالهي ...يااااالهي ..
عادل ياهذا البرق الصوفي المضيء ..
باي سحر خبأت هذا الود عنا ..
وباي شرع اوقفت قوافلك بعيدا عن مضاربنا ..
يارجل بقامة العشق الذي يتدلي كالثمار .. اعناقا اعناق ..
وي كاني قاب قوسين او ادني من (الزغرودة) بيد ان صوتي (مقروش) من هجيج الرحلة ..
حبابك حبابك حبابك حبابك ..
فرحتا بيك فرح .. يستاهل رحلة تانية ...
معزتي لي يوم الوقاف
|
Post: #113
Title: Re: رحلة بورداب الدوحة ... واعلنت عليكم الحب ..
Author: ايهاب
Date: 08-01-2006, 04:05 PM
Parent: #112
ااااااااااخ
|
Post: #114
Title: Re: رحلة بورداب الدوحة ... واعلنت عليكم الحب ..
Author: ودرملية
Date: 08-01-2006, 04:17 PM
Parent: #113
سلااااامات
وعوافي
والله ياهوبا اخخخخخخخخخخخخخ مليون ..
ياخي مشتاقين اول شي .. تاني حاجة والله بيان سالت منك سوال الضهبان لكن مالقينا اي وسيلة نصلك بيها ..
المهم هي سافرت وفقدناك ياهوبا والله العظيم افتقدناك وسالنا منك .. المشكلة مالمينا في تلفونك ..
ياخي بالغتا ...بالغتا .. بالغتا..
وعليك الله الرحلة الجاية خليك استاندباي ..ماتقول لي مافي طريقة وماعندي فرصة ..
ومعزتي معزتي ...
|
Post: #115
Title: Re: رحلة بورداب الدوحة ... واعلنت عليكم الحب ..
Author: ايهاب
Date: 08-01-2006, 05:18 PM
Parent: #114
الشفيف العزيز ودرمليه
واللله الشوق كيمان ...وانا كنتا مسافر ويادوب جيت الليله
ووالله الفاتني كتير كتير والعزيزه بيان كان الزول بتمنى يلاقيهاويلاقيكم لكن احنا دايما ما لينافي الطيب نصيب
شايف ما شاء الله الكوم كبر (الله يستر اتذكرتا بورداب الرياض ما عارف ليه loOoOoOOooOoOolz ) حقيقه حاجه تفرح وانشاء الله انا جاهز وفي اقرب فرصه معاكم
كل التحايا والاشواق يا ملك
|
Post: #116
Title: Re: رحلة بورداب الدوحة ... واعلنت عليكم الحب ..
Author: معتصم الطاهر
Date: 08-01-2006, 06:22 PM
Parent: #1
عدلت
وفعلت
فأمنت
فنمت
ياعمر ...
|
Post: #117
Title: Re: رحلة بورداب الدوحة ... واعلنت عليكم الحب ..
Author: معتصم الطاهر
Date: 08-01-2006, 06:31 PM
Parent: #1
البعض كأنما يسمونه بعد أن يكبر
البقية فى العدد القادم ..
|
Post: #118
Title: Re: رحلة بورداب الدوحة ... واعلنت عليكم الحب ..
Author: معتصم الطاهر
Date: 08-01-2006, 06:35 PM
Parent: #1
البلى
يا جلى ..
أبنوسة
و شوشو
والبحر ساعة الغروب
وابتسامات أعمق من البحر و أصفى
|
Post: #119
Title: Re: رحلة بورداب الدوحة ... واعلنت عليكم الحب ..
Author: معتصم الطاهر
Date: 08-01-2006, 06:54 PM
Parent: #1
وانتى تابعي لى اللجان ..!!
|
Post: #120
Title: Re: رحلة بورداب الدوحة ... واعلنت عليكم الحب ..
Author: ودرملية
Date: 08-01-2006, 07:44 PM
Parent: #119
سلامات
وعوافي
هندستنا ..
تتعلي ما تتدلي يايابا ..
قول امين ..
بعدين المداهن كيكي شايفو يغمز ويلمز بي هناك فاتمني ان تنحاز لي صف البراءة والجمال ..
اقصد صف الريس راندوك وبقية العقد النضيد وكدا ...
واليك ياسيدي دخلنا من شباك الحنين .. وها نحن مبسوطين كما الزوجين في ليلة مولودهم الاول..
|
Post: #121
Title: Re: رحلة بورداب الدوحة ... واعلنت عليكم الحب ..
Author: nadus2000
Date: 08-02-2006, 03:18 AM
Parent: #120
يا باشمهندس
نحن ما شايفين حاجة
|
Post: #122
Title: Re: رحلة بورداب الدوحة ... واعلنت عليكم الحب ..
Author: ebrahim_ali
Date: 08-02-2006, 04:47 AM
Parent: #121
ولا نحن كمان
|
Post: #123
Title: Re: رحلة بورداب الدوحة ... واعلنت عليكم الحب ..
Author: معاوية الطيب
Date: 08-02-2006, 07:06 AM
Parent: #1
الفنان ود رملية
لك التحية واعتزر عن الغياب لزحمة العمل استعدادا للاجازة
ولى عودة
|
Post: #124
Title: Re: رحلة بورداب الدوحة ... واعلنت عليكم الحب ..
Author: معتصم الطاهر
Date: 08-02-2006, 07:07 AM
Parent: #1
من يحسده جون ترافولتا
وتغير منه نانسى عجرم
|
Post: #126
Title: Re: رحلة بورداب الدوحة ... واعلنت عليكم الحب ..
Author: ودرملية
Date: 08-02-2006, 03:02 PM
Parent: #124
سلامات
وعوافي
هلا هلا ..
|
Post: #125
Title: Re: رحلة بورداب الدوحة ... واعلنت عليكم الحب ..
Author: معتصم الطاهر
Date: 08-02-2006, 02:38 PM
Parent: #1
فرح واثق بالنجاح ..
|
Post: #127
Title: Re: رحلة بورداب الدوحة ... واعلنت عليكم الحب ..
Author: ودرملية
Date: 08-02-2006, 03:46 PM
Parent: #125
سلامات
وعوافي
يامعتصم غايتو شغال اليومين دي بي مكنة ملاسي .. كلمتين وتزوغ ... الحكاية شنو يازول..برضو التحية ليك .. ولي كمرتك المجنونة دي ..
يامعاوية الطيب مشتاقين ومرحبتين بيك ماتبقي غايب ...
|
Post: #128
Title: Re: رحلة بورداب الدوحة ... واعلنت عليكم الحب ..
Author: ودرملية
Date: 08-02-2006, 07:29 PM
Parent: #127
سلامات
وعوافي
انا عندي صورة مع عبدالكريم كيكي ياجماعة مشت وين ؟
|
Post: #129
Title: Re: رحلة بورداب الدوحة ... واعلنت عليكم الحب ..
Author: hameem
Date: 08-03-2006, 06:30 AM
Parent: #1
سنحاول يا حبيب أن نكون عند حسن ظن احتفالك بنا
تحياتي مغموسة في دن حب كبييييييييييير
|
Post: #130
Title: Re: رحلة بورداب الدوحة ... واعلنت عليكم الحب ..
Author: معتصم الطاهر
Date: 08-03-2006, 11:50 AM
Parent: #1
ود رملية
العطل التقنى قد تجاوزناه
وسنكون حضورا ..
|
Post: #131
Title: Re: رحلة بورداب الدوحة ... واعلنت عليكم الحب ..
Author: عبدالكريم الامين احمد
Date: 08-03-2006, 11:58 AM
Parent: #130
بعد...ده وتقول لي عطل فني....
|
Post: #132
Title: Re: رحلة بورداب الدوحة ... واعلنت عليكم الحب ..
Author: معتصم الطاهر
Date: 08-03-2006, 06:05 PM
Parent: #1
هكذا كانوا ..
بعض البراءة
والبراعة
على قدم وساق
أخوات عماد مبسوطات باللخويا
الفدائيـــــــــــــــــــــة
الأطفال والبحر
العجوز والبحر
تمساح وورل ...و قرنتية
سرقة لحظات ندية
أو
استراحة محارب سلاحه ابتسامة
رقصة قبل العمرة
نتمنى أن تكون العمرة كفارة
و شكر
أنا أميل للأخيرة
بين قوسى قزح ؟
مسّكوه الشفع والشنطة
عشان تانى تلبس زى دا....
قال خيطو حبشى قالّّّ!!
لا علاقى للزجاجة أسفله
بالحالة الظاهرة أعلاه
وحياة ابتسامتك ..
برضو
1/ صفر
لمن تصفق الأيادى ؟
يغنى وحده ويرقص وحده ويستمتع بالجميع ومع الجميع
يمكنكم رؤية كيكى و ود رملية فى الخلفية
الضيوف كانوا أقرب الى القلب
وأفيد العقل
وأريح العين
حضور الصغار
و غياب الكبار
|
Post: #133
Title: Re: رحلة بورداب الدوحة ... واعلنت عليكم الحب ..
Author: معتصم الطاهر
Date: 08-04-2006, 03:48 AM
Parent: #1
المداخلات القادمة
كل مداخلة بموضوع ..
ومن لم أسمع رسالة فى الجوال من البنك بتحويل الألف ريال
يشيل شيلتو ..
ما خفى أعظم
|
Post: #134
Title: Re: رحلة بورداب الدوحة ... واعلنت عليكم الحب ..
Author: عبدالكريم الامين احمد
Date: 08-04-2006, 04:24 AM
Parent: #133
شنو يا هندسة
كملت قروشنا ياخي...
اسمع
لو ما وصلت التحويلة الاولي..حنحول تاني و(امرنا لله)..راجع البنك التجاري فرع (معيذر)..
(بس انشاء الله التحاويل دي تجيب مريسة تام زين)
|
Post: #135
Title: Re: رحلة بورداب الدوحة ... واعلنت عليكم الحب ..
Author: معتصم الطاهر
Date: 08-04-2006, 09:29 AM
Parent: #1
شفت الناس المادفعوا عملنا فيهم شنو؟
دا حالتو المناظر
...
|
Post: #136
Title: Re: رحلة بورداب الدوحة ... واعلنت عليكم الحب ..
Author: ابوبكر الامين يوسف
Date: 08-04-2006, 04:13 PM
Parent: #135
انا جيتكم واى زول يخت يدو فى قلبو
وممنوع اى زول يتقرب ...
ياودرملية وعبدالكريم والبقية شدو حيلكم
ياودالامير انا عند الوعد ..
وياودعبدالرحمن ابقى لى وراء
***********************************
شوفو اول شئ فتح الشهية ده
ماشاء الله ...ماشاء
|
Post: #137
Title: Re: رحلة بورداب الدوحة ... واعلنت عليكم الحب ..
Author: بدر الدين الأمير
Date: 08-04-2006, 04:30 PM
Parent: #136
تعجبنى يامهندس التفاصيل
ومزيدا من التفاصيل والفصول
ياعامر وانت مهندس العمارة والمعمار
همسة: الجايات ترعب الفايتات مش كده ياكوستى
|
Post: #138
Title: Re: رحلة بورداب الدوحة ... واعلنت عليكم الحب ..
Author: Siddig A. Omer
Date: 08-04-2006, 04:33 PM
Parent: #136
ياابوبكر...ياصديقى..نحن الجمال اينما ذهب.....ليك واحدة تانى..
|
Post: #139
Title: Re: رحلة بورداب الدوحة ... واعلنت عليكم الحب ..
Author: Siddig A. Omer
Date: 08-04-2006, 04:45 PM
Parent: #138
انتى البيان...وربنا انشاء الله ابين ليك طريقك
|
Post: #143
Title: Re: رحلة بورداب الدوحة ... واعلنت عليكم الحب ..
Author: بدر الدين الأمير
Date: 08-04-2006, 04:51 PM
Parent: #139
ابوبكر ياأمين التفاصيل يافيصل الجمال
يافرس الرهان الكاسب ابقى عشرة على العهود
|
Post: #140
Title: Re: رحلة بورداب الدوحة ... واعلنت عليكم الحب ..
Author: ابوبكر الامين يوسف
Date: 08-04-2006, 04:46 PM
Parent: #138
عشان المطششين ...
|
Post: #141
Title: Re: رحلة بورداب الدوحة ... واعلنت عليكم الحب ..
Author: Siddig A. Omer
Date: 08-04-2006, 04:49 PM
Parent: #140
انا و البيـــان......ياظلامييون
|
Post: #144
Title: Re: رحلة بورداب الدوحة ... واعلنت عليكم الحب ..
Author: Siddig A. Omer
Date: 08-04-2006, 04:53 PM
Parent: #141
لو كان لنا بيانان لذهب الكثيرون.....اولهما الجناحان....
|
Post: #142
Title: Re: رحلة بورداب الدوحة ... واعلنت عليكم الحب ..
Author: ابوبكر الامين يوسف
Date: 08-04-2006, 04:51 PM
Parent: #140
وذاك من هذا ..
وماشاء الله ...
المديرة والمقرر ...
|
Post: #147
Title: Re: رحلة بورداب الدوحة ... واعلنت عليكم الحب ..
Author: ابوبكر الامين يوسف
Date: 08-04-2006, 04:55 PM
Parent: #142
صلا ياصلاح ياحرف الان ..
|
Post: #148
Title: Re: رحلة بورداب الدوحة ... واعلنت عليكم الحب ..
Author: Siddig A. Omer
Date: 08-04-2006, 04:57 PM
Parent: #142
لماذأ دان براون........شفرة...تفهمهــا دكتور بيـــان.
|
Post: #145
Title: Re: رحلة بورداب الدوحة ... واعلنت عليكم الحب ..
Author: معتصم الطاهر
Date: 08-04-2006, 04:54 PM
Parent: #1
بكو
إنت جيت ؟
هاك دى يا تاسعن ..
|
Post: #146
Title: Re: رحلة بورداب الدوحة ... واعلنت عليكم الحب ..
Author: معتصم الطاهر
Date: 08-04-2006, 04:55 PM
Parent: #1
بكو
إنت جيت ؟
هاك دى يا تاسعن ..
|
Post: #149
Title: Re: رحلة بورداب الدوحة ... واعلنت عليكم الحب ..
Author: ابوبكر الامين يوسف
Date: 08-04-2006, 04:58 PM
Parent: #146
Quote: بكو
إنت جيت ؟
هاك دى يا تاسعن ..
|
انت جيت ...
انا قلت انزل سريع واتخارج
|
Post: #150
Title: Re: رحلة بورداب الدوحة ... واعلنت عليكم الحب ..
Author: ابوبكر الامين يوسف
Date: 08-04-2006, 05:01 PM
Parent: #149
كل الناس فرحانة ...
كل الناس مبسوطة ...
|
Post: #151
Title: Re: رحلة بورداب الدوحة ... واعلنت عليكم الحب ..
Author: Siddig A. Omer
Date: 08-04-2006, 05:02 PM
Parent: #149
كيكى يعانى من الضربة القاضية و يلعب باكورد....
|
Post: #152
Title: Re: رحلة بورداب الدوحة ... واعلنت عليكم الحب ..
Author: Siddig A. Omer
Date: 08-04-2006, 05:03 PM
Parent: #151
|
Post: #154
Title: Re: رحلة بورداب الدوحة ... واعلنت عليكم الحب ..
Author: Siddig A. Omer
Date: 08-04-2006, 05:06 PM
Parent: #152
كيكى عرفناه...بدرالدين...............مالو؟؟؟؟؟
|
Post: #157
Title: Re: رحلة بورداب الدوحة ... واعلنت عليكم الحب ..
Author: Siddig A. Omer
Date: 08-04-2006, 05:09 PM
Parent: #154
عماد عبدالله......حس الفنان المرهف لابد أن يعلو.....بتروى...
|
Post: #159
Title: Re: رحلة بورداب الدوحة ... واعلنت عليكم الحب ..
Author: Siddig A. Omer
Date: 08-04-2006, 05:12 PM
Parent: #157
معاك يامــان.....ابتهج
|
Post: #161
Title: Re: رحلة بورداب الدوحة ... واعلنت عليكم الحب ..
Author: Siddig A. Omer
Date: 08-04-2006, 05:16 PM
Parent: #159
الامير يطلب من عبدالكريم الخروج من الحلقة فلا مكان للمهزومين...وود رملية لايهتم..وود العباسية ترك التصوير و المناقشة ...وركز!!!!
|
Post: #163
Title: Re: رحلة بورداب الدوحة ... واعلنت عليكم الحب ..
Author: Siddig A. Omer
Date: 08-04-2006, 05:19 PM
Parent: #161
عبدالكريم و ودرملية واخر حلاوة....ضحية مــالو؟؟؟؟
|
Post: #165
Title: Re: رحلة بورداب الدوحة ... واعلنت عليكم الحب ..
Author: Siddig A. Omer
Date: 08-04-2006, 05:21 PM
Parent: #163
ركزوا....
والامير مودر
|
Post: #167
Title: Re: رحلة بورداب الدوحة ... واعلنت عليكم الحب ..
Author: Siddig A. Omer
Date: 08-04-2006, 05:25 PM
Parent: #165
عبدالكريم....لودرملية ...وين يافردة....و ود رملية يرد"بالله خلينا كدهــا"...وشخصى "بودى قارد للبطــل"
|
Post: #169
Title: Re: رحلة بورداب الدوحة ... واعلنت عليكم الحب ..
Author: Siddig A. Omer
Date: 08-04-2006, 05:27 PM
Parent: #167
معتز القريش..كما عرفته من قبل...ابداع فى ابداع
|
Post: #172
Title: Re: رحلة بورداب الدوحة ... واعلنت عليكم الحب ..
Author: Siddig A. Omer
Date: 08-04-2006, 05:33 PM
Parent: #169
دفع الله خطــاب....الفيلسوف...يترنم مع الفيلسوفة بيان....
لا أدرى ماذا يقولون..
|
Post: #173
Title: Re: رحلة بورداب الدوحة ... واعلنت عليكم الحب ..
Author: Siddig A. Omer
Date: 08-04-2006, 05:34 PM
Parent: #172
|
Post: #175
Title: Re: رحلة بورداب الدوحة ... واعلنت عليكم الحب ..
Author: Siddig A. Omer
Date: 08-04-2006, 05:40 PM
Parent: #173
ياهو....ياهو ....من سرق الشية...ضحية..ضحية....ضحية....و عمر بوب يراقب كشاهد على الاعتراف....
|
Post: #177
Title: Re: رحلة بورداب الدوحة ... واعلنت عليكم الحب ..
Author: Siddig A. Omer
Date: 08-04-2006, 05:48 PM
Parent: #175
فااعترف ضحية بحضور الامير و أبوعاقلة...و راندأ تقول اكلته الشية و السلطة و الشطــة...وسقته معتز لبيت "العزابة التعابة" و لا مش كدهــا يامعتز.....فذهب بنظره بعيداً كمن يهرب........ياخى انأ بتاع مشاكل.....
|
Post: #178
Title: Re: رحلة بورداب الدوحة ... واعلنت عليكم الحب ..
Author: Siddig A. Omer
Date: 08-04-2006, 05:50 PM
Parent: #177
و عمران بسأل"اين الشطة ياضحية"
|
Post: #153
Title: Re: رحلة بورداب الدوحة ... واعلنت عليكم الحب ..
Author: ودالعباسية
Date: 08-04-2006, 05:04 PM
Parent: #149
قوية لكن يا هندسه ،،،
|
Post: #156
Title: Re: رحلة بورداب الدوحة ... واعلنت عليكم الحب ..
Author: ابوبكر الامين يوسف
Date: 08-04-2006, 05:07 PM
Parent: #153
Quote: بكو
إنت جيت ؟
هاك دى يا تاسعن ..
|
اقول كنت بتعاين وين ...
|
Post: #155
Title: Re: رحلة بورداب الدوحة ... واعلنت عليكم الحب ..
Author: Nana
Date: 08-04-2006, 05:07 PM
Parent: #1
معتصم ،،، بكري ،،،، صديق
الله يديكم العافية للصور الحلوة دي
ما قصرتو ،، ان شاء الله ما تقصر ايامكم
|
Post: #158
Title: Re: رحلة بورداب الدوحة ... واعلنت عليكم الحب ..
Author: ابوبكر الامين يوسف
Date: 08-04-2006, 05:11 PM
Parent: #155
ولا اقول بتصور فى منو ياصديقى ...
|
Post: #162
Title: Re: رحلة بورداب الدوحة ... واعلنت عليكم الحب ..
Author: ابوبكر الامين يوسف
Date: 08-04-2006, 05:18 PM
Parent: #158
انا عايز ده ..
بفتش لى فتيش ..
يمشى ويجى بين البحر والصالة لكن يسمك ...
|
Post: #170
Title: Re: رحلة بورداب الدوحة ... واعلنت عليكم الحب ..
Author: معتصم الطاهر
Date: 08-04-2006, 05:29 PM
Parent: #162
ويصل هنا ويجلس مع البحر
والرمل
ويقبض ( الريـــــــح)
|
Post: #160
Title: Re: رحلة بورداب الدوحة ... واعلنت عليكم الحب ..
Author: بدر الدين الأمير
Date: 08-04-2006, 05:14 PM
Parent: #155
نانا
حتى الان ماعرفناك مع ام ضد
ذبدة كلام : هل تعلمى أن صلاح بوردابى
|
Post: #166
Title: Re: رحلة بورداب الدوحة ... واعلنت عليكم الحب ..
Author: ابوبكر الامين يوسف
Date: 08-04-2006, 05:23 PM
Parent: #160
Quote: ابوبكر ياأمين التفاصيل يافيصل الجمال
يافرس الرهان الكاسب ابقى عشرة على العهود |
ود الامير صورى ختهم لو حبيت تحسم اللعبة
وانا جاهز
|
Post: #171
Title: Re: رحلة بورداب الدوحة ... واعلنت عليكم الحب ..
Author: Nana
Date: 08-04-2006, 05:30 PM
Parent: #160
والله يا ود الأمير شفقت عليك بعد الانشقاق الحاصل لديكم ،،وبعد ضغوط من السيده الرئيسة وتقديم كل
التسهيلات وتذليل الصعاب ومنحي الكثير من العطايا قررت البقاء في الجانب الأخر جانب راندوك
اما بالنسبة لصلاح بوردابي ما بستبعد احتمال يكون داسي مني اصلو المحس غتيتييييين
|
Post: #174
Title: Re: رحلة بورداب الدوحة ... واعلنت عليكم الحب ..
Author: Salah Abdulla
Date: 08-04-2006, 05:37 PM
Parent: #155
سلام بعد غيبة (قسرية) ..
في شنو هنا ؟؟ الناس دي جايطة مالها؟؟
يا معتصم ، لكن ما سليت روحي .. زمان قلت ليك نزل لينا الصور ، عارفك لسه عندك (مفاجآت) ..
بالله يا جماعة الما حوّل لمعتصم ده يحول بسرعة (منتظرين باقي الصور)..
يا بكور البنيات السميحات ديل بنيات عماد عبدالله وصلاح أبوبكر ، وديل أخواني ، وأنا البنيات عمهن عديييييييل ، أها أكان في كلام الراي عندي أنا يا خوي (علا البنيات بيدورن يقرن الجامعة ، كان بترجاهن ما عندنا مانع تب ، باقي انت زولن كلس متل أخوك يوسف صاحبي).. رشوة عشان تنزل باقي الصور ..
يا عماد عبدالله ، شفت الصورة النزلها صديق ؟؟ وبدرالدين حبيبنا ( مصنقع ) فيها ؟؟ الزول ما قصّ ضهرنا يا عماد !!
ويا صديق أخوي (الصنقيعة ) حقت بدرالدين دي رقصة جديدة بيسموها ( الرقـبـيـة ) !!!!!!!
منتظرين باقي الصور (ركزوا على صور معتصم وح تشوفواالعجب !!!) ..
|
Post: #164
Title: Re: رحلة بورداب الدوحة ... واعلنت عليكم الحب ..
Author: معتصم الطاهر
Date: 08-04-2006, 05:20 PM
Parent: #1
قلنا ندسهن خوف العين
لكن مادام الله فى
هاكم دى وقولوا ماشاء الله
وقل هو الله أحد والمعوذتين ..
|
Post: #168
Title: Re: رحلة بورداب الدوحة ... واعلنت عليكم الحب ..
Author: ابوبكر الامين يوسف
Date: 08-04-2006, 05:26 PM
Parent: #164
| Quote: قوية لكن يا هندسه ،،، |
ودالعباسية انزل المخفى ...
|
Post: #176
Title: Re: رحلة بورداب الدوحة ... واعلنت عليكم الحب ..
Author: بدر الدين الأمير
Date: 08-04-2006, 05:42 PM
Parent: #168
نانا هناك تفاصيل تهمك
هل تعلمى ان صلاح بوردبى قبلك
وهل تعلمى انه تداخل معك من خلال البورد
ورديتى عله
نانا خليك عاقلة وماتخسرى صلاح كما خسرت رندوك عمران
ذبدة كلام : اقفى فى صفنا و لدينا لك تفاصيل أخرى
|
Post: #179
Title: Re: رحلة بورداب الدوحة ... واعلنت عليكم الحب ..
Author: Nana
Date: 08-04-2006, 05:50 PM
Parent: #176
والله يا ود الأمير بس جيب الاثباتات انو صلاح بوردابي
وصوتي اضمنو وختو في جيبك
تخريمة من المحسي :-
يا ود الأمير الفرده جقلبت ،، انت جيب لي الباسورد والعضوية وانا بضمن ليك صوتها هيييييييييع افا انااخوك انت ( مش زي عمران )
|
Post: #180
Title: Re: رحلة بورداب الدوحة ... واعلنت عليكم الحب ..
Author: ودالعباسية
Date: 08-04-2006, 06:03 PM
Parent: #179
شباب مساكم فل وياسمين ،،،
الحاصل شنو ،،
|
Post: #181
Title: Re: رحلة بورداب الدوحة ... واعلنت عليكم الحب ..
Author: محمد عبدالرحمن
Date: 08-05-2006, 01:32 AM
Parent: #180
| Quote: يا بكور البنيات السميحات ديل بنيات عماد عبدالله وصلاح أبوبكر ، وديل أخواني ، وأنا البنيات عمهن عديييييييل ، أها أكان في كلام الراي عندي أنا يا خوي (علا البنيات بيدورن يقرن الجامعة ، كان بترجاهن ما عندنا مانع تب ، باقي انت زولن كلس متل أخوك يوسف صاحبي).. رشوة عشان تنزل باقي الصور .. |
يابنات (اقرو) ساكت.. اصلا ماتقيفوا من القراية دى ..طالما
نهاية القراية ممكن يكون راجيكن مصير زى بكرى دا ...
وياعماد ياخوى البنات (كربتن ) شنو ؟
|
Post: #182
Title: Re: رحلة بورداب الدوحة ... واعلنت عليكم الحب ..
Author: nadus2000
Date: 08-05-2006, 02:11 AM
Parent: #181
يا هندسة
ويا ود العباسية
انتو متأكدين نزلتو صور
والله انا ما شايف غير عبارة "الصور غير متوفر وعلامة كروس
شوفو موقع آخر لرفع الصور
|
Post: #183
Title: Re: رحلة بورداب الدوحة ... واعلنت عليكم الحب ..
Author: عبدالكريم الامين احمد
Date: 08-05-2006, 03:11 AM
Parent: #182
عرفنا التمساح من صيحات اخيه..(تمساح ام كبلو)...
لكن السوال الاساسي يا هندسة...اين الورل؟؟؟؟
|
Post: #185
Title: Re: رحلة بورداب الدوحة ... واعلنت عليكم الحب ..
Author: Siddig A. Omer
Date: 08-05-2006, 03:51 AM
Parent: #183
ياشباب.......شكراً كثيراً على تشريفكم لى بالزيارة الطيبة...وشكراً كثيراً على هذأ الانجــاز الرائع..نعم مازلنا بخير
|
Post: #184
Title: Re: رحلة بورداب الدوحة ... واعلنت عليكم الحب ..
Author: معتصم دفع الله
Date: 08-05-2006, 03:42 AM
Parent: #1
بورداب الدوحة ..
يا سلااااااااام عليكم ..
حلوين ورائعيييين ..
إن شاء الله دائماً ملمومين في السمح ..
|
Post: #186
Title: Re: رحلة بورداب الدوحة ... واعلنت عليكم الحب ..
Author: معتصم الطاهر
Date: 08-05-2006, 05:53 AM
Parent: #1
نادوس
تحية
الا نقوم ننزل بأكثر من تحميل
لأنى جربت أكثر من موقع
سأجري سودانييز
فبكرى كل يوم له اسلوب فى التحميل
|
Post: #187
Title: Re: رحلة بورداب الدوحة ... واعلنت عليكم الحب ..
Author: معتصم الطاهر
Date: 08-05-2006, 06:45 AM
Parent: #1
|
Post: #188
Title: Re: رحلة بورداب الدوحة ... واعلنت عليكم الحب ..
Author: معتز القريش
Date: 08-05-2006, 12:01 PM
Parent: #187
تسلموا ايها المراسلون الصحفيون فقد أتحفتمونا بهذه الزكريات الخالدة
|
Post: #189
Title: Re: رحلة بورداب الدوحة ... واعلنت عليكم الحب ..
Author: ابوبكر الامين يوسف
Date: 08-05-2006, 12:53 PM
Parent: #188
اقبض ...
|
Post: #190
Title: Re: رحلة بورداب الدوحة ... واعلنت عليكم الحب ..
Author: ابوبكر الامين يوسف
Date: 08-05-2006, 12:57 PM
Parent: #189
دفع الله خطاب وبيان وخطاب مفتوح على الهواء الطلق ...
|
Post: #191
Title: Re: رحلة بورداب الدوحة ... واعلنت عليكم الحب ..
Author: ابوبكر الامين يوسف
Date: 08-05-2006, 01:01 PM
Parent: #190
حوار هادئ خطاب ونادوس ...
|
Post: #192
Title: Re: رحلة بورداب الدوحة ... واعلنت عليكم الحب ..
Author: ابوبكر الامين يوسف
Date: 08-05-2006, 01:05 PM
Parent: #191
عماد وصلاح ..البحر امامكم والعدو من خلفكم ..
|
Post: #193
Title: Re: رحلة بورداب الدوحة ... واعلنت عليكم الحب ..
Author: ابوبكر الامين يوسف
Date: 08-05-2006, 01:08 PM
Parent: #192
استراحة محارب ...
|
Post: #194
Title: Re: رحلة بورداب الدوحة ... واعلنت عليكم الحب ..
Author: ابوبكر الامين يوسف
Date: 08-05-2006, 01:12 PM
Parent: #193
دى حال دى...
يعنى ناكل لينا تلج ونشرب على موية ولاشنو ...
|
Post: #195
Title: Re: رحلة بورداب الدوحة ... واعلنت عليكم الحب ..
Author: ابوبكر الامين يوسف
Date: 08-05-2006, 01:15 PM
Parent: #194
شيل الصبر ياطابور ...
الله ينشفك ياموية ..
|
Post: #196
Title: Re: رحلة بورداب الدوحة ... واعلنت عليكم الحب ..
Author: ابوبكر الامين يوسف
Date: 08-05-2006, 01:17 PM
Parent: #195
واخيرا اتى الفرج ..
|
Post: #197
Title: Re: رحلة بورداب الدوحة ... واعلنت عليكم الحب ..
Author: ابوبكر الامين يوسف
Date: 08-05-2006, 01:20 PM
Parent: #196
ودرملية لم يصلنى التحويل المالى حتى الان ..
ولاعذر لمن انذر
ود الامير وينك
|
Post: #198
Title: Re: رحلة بورداب الدوحة ... واعلنت عليكم الحب ..
Author: Salah Abdulla
Date: 08-05-2006, 02:33 PM
Parent: #197
يا سلام عليك يا بكور ...
ابداع والله .....
يديك العافية ...
|
Post: #199
Title: Re: رحلة بورداب الدوحة ... واعلنت عليكم الحب ..
Author: ودرملية
Date: 08-05-2006, 03:25 PM
Parent: #197
سلامات
وعوافي
بكة الصديق اوعاك من الشترة
اصلوا رقصة الوزين مابتحمل العترة
خليك اصيل يااللفي الصيف زي نسيم المطرة
ماتسمع كلام رعديد وتبقي في الحالة الخطرة
..
بعدين انت كنت وين لابد ياخوي .. وموضوعنا عملتا فيهو شنو ؟ ما انا منتظرك يوم تضرب لي وتوريني الحاصل فيهو عشان لو مازبط الواحد يلملم افكارو ويحتفظ بي وقت تفكيرو ..
|
Post: #200
Title: Re: رحلة بورداب الدوحة ... واعلنت عليكم الحب ..
Author: معتصم الطاهر
Date: 08-05-2006, 03:45 PM
Parent: #195
كيكى يغفّل ود رملية ويزيد الحلّة الموية ..
...
Why is that?
|
Post: #201
Title: Re: رحلة بورداب الدوحة ... واعلنت عليكم الحب ..
Author: ودرملية
Date: 08-05-2006, 04:58 PM
Parent: #200
سلامات
وعوافي
ماهو لازم يكب الموية .... موش انا عامل الحلة .. كيكي دا ممكن يكب فيها دي دي تي وياكل ويتسمم هو عشان بس ينبذو لي حلتي .. ياخي انا بعرفو ليك شديد خلاص .. كويس انك قبضتو متلبس عشان مايقولوا انا قاعد اتعدي عليهو .. والصورة لا تكــذب ابدا ..
شكرا ليك ياهندسة ...
|
Post: #202
Title: Re: رحلة بورداب الدوحة ... واعلنت عليكم الحب ..
Author: معتصم الطاهر
Date: 08-06-2006, 06:45 AM
Parent: #201
مشكلتك قلبك أبيض
وهو ذكى
شوف أين بدأت المؤامرة
|
Post: #203
Title: Re: رحلة بورداب الدوحة ... واعلنت عليكم الحب ..
Author: عبدالكريم الامين احمد
Date: 08-06-2006, 07:23 AM
Parent: #202
Quote: مشكلتك قلبك أبيض
وهو ذكى
شوف أين بدأت المؤامرة
|
يا ريس..كدي القلبو ابيض منو..الشايل سكين..ولا المسكين الشايل (مويه)
|
Post: #204
Title: Re: رحلة بورداب الدوحة ... واعلنت عليكم الحب ..
Author: Salah Abdulla
Date: 08-06-2006, 08:37 AM
Parent: #203
يا كيكي
مسا الخير
| Quote: يا ريس..كدي القلبو ابيض منو..الشايل سكين..ولا المسكين الشايل (مويه) |
دي صورة تودي ( السجن عديل ) ..
لكن والله الاتنثين قلوبكم ( بيضاء ) ..
|
Post: #205
Title: Re: رحلة بورداب الدوحة ... واعلنت عليكم الحب ..
Author: معتصم الطاهر
Date: 08-06-2006, 04:34 PM
Parent: #1
تمامة القصة
أين ذهبت السكين
وأين ذهبت الصورة ؟
هنا ذهبت الموية البريئة ..
وهنا عملت السكين السنينة ..!!
والغلطان انــــأ؟
|
Post: #206
Title: Re: رحلة بورداب الدوحة ... واعلنت عليكم الحب ..
Author: Siddig A. Omer
Date: 08-06-2006, 05:44 PM
Parent: #205
قررت انا المدعو صديق ود عبدالمنعم عمر وبكامل قواى العقلية أن أذهب فى اجازة الى المدعو السودان التعبان و ذلك فى فى يوم الخميس الموافق (عشان ناس الامن خليه مخفى) و سوف أورد لكم الصور من هناك.....حتى لقاء أذأ حصل المكتوب على الجبين خلوأ بالكم من زغبى الصغار فى الخور البعيد...لكم حبى و أحترامى و تقديرى...
المنتحر....صديق
|
Post: #207
Title: Re: رحلة بورداب الدوحة ... واعلنت عليكم الحب ..
Author: ودرملية
Date: 08-06-2006, 07:38 PM
Parent: #206
سلامات
وعوافي
صديق بعد غيبة في السودان .. والله حقو الزول يسافر معاك عشان يشرح ليك البلد باقي لي انت ليك 10 سنة ما مشيت ..لاحولااااااااااااا والله انت تروح في المطار خلي تطلع منو ..
رحلة سعيدة ياحبيبنا وبجيك بهناك في الخور قبل سفرك انشاء الله ياحبة ..
تحياتي ليسين والامورات وامهم والي ان نلتقي ياقريب وماك بعيد
|
Post: #208
Title: Re: رحلة بورداب الدوحة ... واعلنت عليكم الحب ..
Author: معتز القريش
Date: 08-06-2006, 11:48 PM
Parent: #206
صديق الصديق
ربنا يكتب سلامتك وارجعك سالم غانم، نتمنى لك اجازة سعيدة .
اترك رقم هاتفي لدى الأسرة وأنا حاضر وياريت لو تدينا رقمهم عشان نطمن عليهم .
أخوك للطيش
ود القريش
|
Post: #209
Title: Re: رحلة بورداب الدوحة ... واعلنت عليكم الحب ..
Author: bayan
Date: 08-08-2006, 11:09 AM
Parent: #208
الاعزاء
قبيلة البورداب كافة بحذافيرها
والضلامي الوحيد
معتز قريش,,,
شكرا لكم على حسن الاستضافة والاهتمام
والرحلة المبهجة...
بجيكم صادة ببوست حينما تهدا الاحوال,
شكرا..
ومحبتي وتحيات زاريا
|
Post: #210
Title: Re: رحلة بورداب الدوحة ... واعلنت عليكم الحب ..
Author: ابوبكر الامين يوسف
Date: 08-08-2006, 11:36 AM
Parent: #209
Quote: الاعزاء
قبيلة البورداب كافة بحذافيرها
والضلامي الوحيد
معتز قريش,,,
شكرا لكم على حسن الاستضافة والاهتمام
والرحلة المبهجة...
بجيكم صادة ببوست حينما تهدا الاحوال,
شكرا..
ومحبتي وتحيات زاريا |
الاخت د/بيان تحياتى
وجودك بيننا منحنا الفة ووعدا وروعة
كل التحية يادكتورة وتحياتى لزاريا
تخريمة:
كنت اتمنى ان التقيك للوداع
ولكننى لم استدل موقع المنزل
لاننى اخذت الوصف من ودعبدالرحمن
وهذا خطأى ..
اتمنى ان نلتقى فى مرات اخرى
ودى
|
Post: #211
Title: Re: رحلة بورداب الدوحة ... واعلنت عليكم الحب ..
Author: ودرملية
Date: 08-08-2006, 03:46 PM
Parent: #210
سلامات
وعوافي
يادكتور بيان ..
اول شي والله مشتاقين .. وانا شخصيا ماشبعتا ونسا معاك .. لانو الزمن ضيق شديد يعني لو دايرة تجينا تاني تعالي لينا واقعدي من غير ماتحددي زمن سفرك يعني تقعدي لحدي ماتزهجي مننا بعدين نقول ليك امشي ...
وبلغي زاريا تحياتنا وقولي ليها قال ليك خالو ودرملية شدي حيلك في قرايتك لانو القراية هي سلاحك البتواجهي بيهو جهل الزمن ..
وخالص التحايا للدكتور ابراهيم وبقية افراد الاسرة .. وكل امل في ان تكونوا جميعا في حب والفة ونجاح ..
معزة شديدة خلاص ..
|
Post: #212
Title: Re: رحلة بورداب الدوحة ... واعلنت عليكم الحب ..
Author: ودرملية
Date: 08-09-2006, 03:34 PM
Parent: #211
سلامات
وعوافي
..
يابكة ياودالعمدة .. انا طبعا لسة ما واثق في انك ممكن تمسح الصورة اياها فعشان كدا اديني امارة اطمئن بيها .. ما انا اخوك وحبيبك ومافي داعي تشوه هذه الاحاسيس النبيلة ..طبعا لقيتك بي هناك بتهدد فيني وانا هنا بقول ليك البينة عامرة ياحبيب ..
شفتا كيف ..
|
Post: #213
Title: Re: رحلة بورداب الدوحة ... واعلنت عليكم الحب ..
Author: معتصم الطاهر
Date: 08-09-2006, 03:55 PM
Parent: #1
ود رملية
يا صديق النيل والليل
من يجرؤ ؟
احتفظ لهم جميعا بأسلحة مضادة ووخاصة بكرى
وريتو العينة
ولسه الشوت الأشتر ما جاء ..
|
Post: #214
Title: Re: رحلة بورداب الدوحة ... واعلنت عليكم الحب ..
Author: معتصم الطاهر
Date: 08-09-2006, 04:06 PM
Parent: #1
كما النسيم
ترتاح له
ربما لا تراه لكنك تحسه
كاضوء
شفيفا .. ربما لا تلحظه لكن بدونه لا تحس بالراحة
|
Post: #215
Title: Re: رحلة بورداب الدوحة ... واعلنت عليكم الحب ..
Author: معتز القريش
Date: 08-09-2006, 04:47 PM
Parent: #214
لقد ايقنت كم وكم ان الاستاذ- ضحية رجل وقيم وحسن سلوك
لله مك يارنودك وكيكى
|
Post: #216
Title: Re: رحلة بورداب الدوحة ... واعلنت عليكم الحب ..
Author: ودرملية
Date: 08-09-2006, 05:47 PM
Parent: #215
كتب ودالقريشQuote: لقد ايقنت كم وكم ان الاستاذ- ضحية رجل وقيم وحسن سلوك
لله مك يارنودك وكيكى
|
ولاتعليق ..
|
Post: #217
Title: Re: رحلة بورداب الدوحة ... واعلنت عليكم الحب ..
Author: Randa Hatim
Date: 08-10-2006, 02:51 AM
Parent: #216
ايضا .....
لا تعليق .....
|
Post: #218
Title: Re: رحلة بورداب الدوحة ... واعلنت عليكم الحب ..
Author: بدر الدين الأمير
Date: 08-10-2006, 03:12 AM
Parent: #217
يا جماعه ...اعذرونى انا اليومين ديل تركيزى ضعيف بسبب جلسات الكهرباء العملها ضحية
ود قريش قاعد معاى فى البيت ... وجيت الصباح قبل ما امشى الشغل لقيتو ناسى الكمبيوتر شغال وما طلع من المنبر قمت دخلت وعملت 3 مداخلات بى اسمو اتهمت فيها كيكي ورندا بالتورط فى الموضوع ده ...
ارجوكم اعذرونى مرة تانيه ...
لو فى زول بيعرف ليهو عنوان طبيب امراض نفسية سمعتو كويسه ادينى العنوان بى سرعه انا جد محتاج مساعدتكم فى المرحلة دى ..
انا هسى بتعالج عند دكتوره فاطمة لكن هسى هى بره قطر وانا حاسس انو الحاله اتفاقمت ارجوكم ساعدونى لغاية ما ترجع ..
ذبدة كلام: انا تعبت شديد من حالة انفصام الشخصية العندى لازم اتعالج
|
Post: #219
Title: Re: رحلة بورداب الدوحة ... واعلنت عليكم الحب ..
Author: معتز القريش
Date: 08-10-2006, 04:48 AM
Parent: #218
| Quote: ودالقريش دا الليلة مالو ياجماعة ؟!!!!! |
والله ود القريش ما كتب اي حاجة من المداخلات الفاتت دي .
فقد قام المدعو ود الأمير الشيطان الأكبر باستغلال وجودي معه في شقته وكنت أكتب مداخلة أبين فيها كذب الكهل ود الأمير على العزيز معاوية (قام المدعو بمسحها) . ونسيت أن أخرج من البورد وقام الشيطان الأكبر بكتابة تلك المداخلات الغريبة باسمي .
زبدة الكلام : هل أنا جنيت عشان أشكر ود الأمير ـ هل الراكوبة تشكر في الخريف .
ود الأمير : أنا مستعد للطرد .
|
Post: #220
Title: Re: رحلة بورداب الدوحة ... واعلنت عليكم الحب ..
Author: معتصم الطاهر
Date: 08-10-2006, 06:33 AM
Parent: #1
من قرّق الأحباب
الأكلونا الكباب
من المنيو
والدليل صوِّرنا ..
|
Post: #221
Title: Re: رحلة بورداب الدوحة ... واعلنت عليكم الحب ..
Author: ودرملية
Date: 08-10-2006, 04:33 PM
Parent: #220
سلامات
وعوافي
ياهندسة مشتاقين وكدا
|
Post: #222
Title: Re: رحلة بورداب الدوحة ... واعلنت عليكم الحب ..
Author: معتصم الطاهر
Date: 08-10-2006, 04:52 PM
Parent: #1
مشتاقين و كمان كدة
دا كتير على
ود رملية
يا حلو
هاك الأبتسامة التصاعدية دى
زى سلّم ..
تطلع بيك حد السما الفرحان
أو تنزل بيك لعمق الفؤاد الطيب ..
|
Post: #223
Title: Re: رحلة بورداب الدوحة ... واعلنت عليكم الحب ..
Author: ودرملية
Date: 08-10-2006, 06:01 PM
Parent: #222
سلامات
وعوافي
ياهندسة.. انت وقت مساهر ماتجي تونس اخوك بي جاي شنو البياخة دي .. ماعارفني في الشغل ..والله هسي حسدتك حسد شديد قلتا تلقي عم معتصم الطاهر لابس لبس خمسة وجنبو كباية شاي لين من ام الدكتور والمهندسات وهاك يا مزاج ولو ما كنت بعرفك كنت بقول جنبك قارورة نبيذ ..هاهاهاها
تسلم ياحبيب انا شخصيا كل الناس الفي الرحلة كانوا بالنسبة لي هدية والله العظيم لما اشوف زول بيضحك انا زاتي بضحك مع اني ماعارف المضحكو شنو ..
اهو الفرح له الف ثوب وعطر ..
|
|