صورة فاضحة وردي يغني والبشير يرقص

هذه الصورة الجميلة للمناضل محمد وردي

السر شنو يعني عدم نزول الصورة

التحميل من هنا

اها تاني فضل ليكم شنو يا ناس

الفاضح ليس هو بالطرب يا أخا الانترنيت!!!!!

الطرب والغنا هما حالة روحية شفيفة وعالية ..

وردى يغنى ..والماحى سليمان يعزف العود..هذه حالة نادرة من حالات الفن الجميل..والسمو الجمالى..وانا ابجل المستمع "الرئيس" على تساميه الواضح وانفعاله بالفن..

هذا ليس بفاضح يا سيف مساعد..

الفاضج هو الرسالة السياسية التى تقع وراء هذه الصورة ..

صورة رئيس دولة تحترق كل اطرافها ..ا وجوعا..وظلما وحربا ...وموتا روحيا ونفسيا وماديا...

كل العالم يتظر اليوم الى شعب السودان ..ويتعجبون من تفرده فى تشرده..

الفاضح هو ان يجد رئيس هذا البلد ..هذه "الفاقة" والجو المرطب ليغنى و"يشيل" ويفرطق اصابعه..بهدا "المزاج" العالى ..وعلى صوت من؟؟ وعود من؟؟

الفاضح هو صحن الكمثره الذى خلص..وصحن الفواكه الذى امتلأت عنه الكروش..

وطلاب مدارس العالم الاول يستقطعون "حق الفطور" ليتمكنوا من جمعها ..ليرسلونها الى جوعى ..السودان ولاجئيه فى تشاد..وفى ميدان مصطفى محمود..

الفاضح هو ان يركع جبروت الفن...فى بلاط الطاغية .. هكذا ...فى حديقته وكنبته ومروحته ...وابتسامته الجزفاء...

صورة فاضحة حقا..

Quote: الفاضح هو ان يركع جبروت الفن...فى بلاط الطاغية .. هكذا ...فى حديقته وكنبته ومروحته ...وابتسامته الجزفاء... صورة فاضحة حقا..

thanks Tumadir

تحميييييييييييل !

تماضر عارفك شليقه

الفاضح انو وردي الشيوعي يغني للبشير الاسلامي

الفاضح وردي يركع لكل انقلاب غني لمايو جيتنا وفيك وملامحنا

الفاضح انو انتو ياناس معياركم مزدوج

الفاضح يا تماضر البوصلة بتاعتك مجلية

ممكن اعرف لماذا يغني وردي للبشير؟

الصورة لو كان صاحبها فنان تاني كان الدنيا قامت وما قعدت
بالله عليك ياتماضر يامبدعة يا فنانة
وردى يغنى ..والماحى سليمان يعزف العود..هذه حالة نادرة من حالات الفن الجميل..والسمو الجمالى..وانا ابجل المستمع "الرئيس" على تساميه الواضح وانفعاله بالفن..

هذا ليس بفاضح يا سيف مساعد..
اي جمال واي فن هذا القبيح قبيح ياتماضر صورة فاضحة لوردي بحق وحقيقة , وفاضحة ليك انتي يا تماضر الحبيبة عندما تجملي القبيح

فعلا!
ليس غريبا ان يصدج وردي
بل كل الغرابه في ان ينتشي سعادة الرئيس ثم لا يرقص!

اعتقد أن ما في الصحن هو فراولة...فموسم الكمثرى لم يحن
بعد في جبل مرة أو التاكا!!

Quote: فعلا! ليس غريبا ان يصدج وردي

الغريب ان يغني وردي في بلاط الطاغية البشير

ما تعكس الايه ياشيخنا, البشير يرقص في كل محفل , لكن وردي مدعي النضال والوقوف الي جانب الجوعي , وها هو اليوم يقف الي جانبهم ويخفف من مصابهم

الفاضح انه انت ما فهمت كلامى يا سيف

انا قلت:

الفاضح هو ان يركع جبروت الفن...فى بلاط الطاغية .. هكذا ...فى حديقته وكنبته ومروحته ...وابتسامته الجوفاء...

صورة فاضحة حقا..


______________


ومعقول تفوت على النقطة دى؟؟

تامضر

ليش ما تقولي المناضل وردي بدون لف ودوران قمة الفن وعالي الموسيقي وجبروت الفن
قوليها عشان اسيا بت ام حقين تقرأ بكل سهولة ما كتبت الفنانة تماضر شيخ الدين , ادانة الفنان محمد وردي لانه اذل الفن السوداني بركوعه للطاغية الرئيس ,ليس بمكان عام بل في جلسه خاصة يغني وردي للبشير

دي الصورة الما فاضحة للكتابه

يبدو اننا مع قوم ,,,لو كان معاهم
نبى الله سليمان لكان محتاج لترجمان
لو الرئيس جلس متجهم لقالو هو مالو
ومال الفن تلقاهو بيسمع وما فاهم حاجة
ولو مال طربا بتحسبو وضع فاضح...كان الله
فى عون هذا الرئيس المفرح

Quote: يبدو اننا مع قوم ,,,لو كان معاهم نبى الله سليمان لكان محتاج لترجمان لو الرئيس جلس متجهم لقالو هو مالو ومال الفن تلقاهو بيسمع وما فاهم حاجة ولو مال طربا بتحسبو وضع فاضح...كان الله فى عون هذا الرئيس المفرح

وليد 500لا يا اخوي ما فاضح الرئيس يرقص, البشير برقص من سنة 89 في اي محفل هو دائما راقص, الفاضح وردي يغني للرئيس

ويكفي الطرفه الحاجة القالت يلا رقصو لينا الرئيس عشان نقوم نمشي الهبوب وقعت

Quote: قوليها عشان اسيا بت ام حقين تقرأ بكل سهولة ما كتبت الفنانة تماضر شيخ الدين

حسى آسيا بت ام حقين عرفت كلامى..

وهى آسيا بت ام حقين عارفة كلامى ده اكتر منى انا ذاتى ..

عشان هى المتحزمة ..من جوع ..ومتضيمة ..من خوف..اكتر منى ..وعارفه الناقصها شنو والظالمها منو..ولمن الليل يهيد وتفتح الرادى وتسمع يانور العين كانت بتشعر بأنه على الاقل فى صوت واقف معاها فى صفها..ولمن تجى تلقى سيد الصوت قاعد مع جلادها والحارمها النفس .....بتفهم كلامنا ده اكتر مننا ...
خليها بت ام حقين...
انت رايك شنو؟

تحميل ياود جبر الله

كنت عايز انزل فديو ما نجح جات الصورة تاني

الفاضح يا أخوانا لا هذا ولا ذاك !!!
الفاضح إنو انا ما شايف اي حاجة ولا شايف أي صورة !!!

صنفرة :

بعدين البوست دا زي المكعوج كدا مالو !

Quote: الفاضح إنو انا ما شايف اي حاجة ولا شايف أي صورة

ناذر ده شعرن ما عندك ليهو رقبة , سقوط الفن السوداني, وردي يغني للرئيس ,وسقطوه في انتخابات اتحاد الفنانين

يا ابوالسيوف ما تفهمنا غلط..

من هذا البوست الطروووب لا يفوتني أن انحني اجلالا لاستاذ الطرب
الأصيل و سيد المواقف الأصيله الأستاذ ابوعركي.

Edited after I listned to the phone call

Quote: من هذا البوست الطروووب لا يفوتني أن انحني اجلالا لاستاذ الطرب الأصيل و سيد المواقف الأصيله الأستاذ ابوعركي.

يا سلام عليك الرجال مواقف

ابوعركي شجاع وجسور

سيف أخوي
عليك الله ارجع صلح لينا بوستيك ده عشان ما نوسوس
و ما نتبشتن اكتر من ما نحن مبشتنين.

والجديد في كدا شنو يا سيف !!!

الكلام دا ما قلتو ليكم زمااانك هنا

خيبة أمل الشعب السوداني في رموزه الغنائية النضالية .. محمد وردي نموذجاً !!

صنفرة :

ماقلتو نوبة !!!

Quote: ليش ما تقولي المناضل وردي بدون لف ودوران

تانى لقيت روحى جيت عشان ..الجملة دى..

بالله عاين ليها تانى ..ماشايف فيها حاجة غلط؟؟

مناضل دى تعبير اتصنع فى البورد ده..

بالمناسبة يا سيف مساعد..لفظة مناضلين دى بقت عندها دلالات اقصائية جديدة غير معناها اللغوى..

( لف ودوران.) وصفة كبيرة شوية ..وفيها تحرش ياسيف وانا بحترمك وبحترم مستوى الحوار

..ارجو ان يظل الاحترام بيننا متبادلا..او على الاقل الاحترام لهذا القارىء المسكين..الذى كثيرا ما يضطر لمسح ماء الحوار العكر عن وجهه فى كل عبور لبوست ..أمامه

فأ ى زول يقرا الكلام المكتوب فوق ده بيفهم معناه القريب والبعيد..واهو ده عصام جبرالله اول المتداخلين..

والسلام ختام

بالمناسبة ازيك يا عصام جبرالله ...وكيف اختك العملاقة الدكتورة ناهد..اتشرفت بمعرفتها فى مؤتمر فيينا..

Quote: ..ارجو ان يظل الاحترام بيننا متبادلا..او على الاقل الاحترام لهذا القارىء المسكين..الذى كثيرا ما يضطر لمسح ماء الحوار العكر عن وجهه فى كل عبور لبوست ..أمامه

تماضر

في الخرافه في السودان دائما يحكو انو في السحار بجي بياكل الناس, حبوبتي كانت مرة براها في البيت خافت اظنها شافت ضل صرخة صرخة واحدة جابت الناس كلهم اها الناس بقو يقولوا ليها قولي بسم الله بقت هي تقوا اس الله بقولي بسم الله وهي تقول اس الله

كمان انت قولي بسم الله وما اس الله

اتحرش بيك عشان شنو , بيني وبينك شنو ياتماضر و وضحت ليك وجهة نظري , انت زولة محترمة انت بت شيخ الدين جبريل ملكة وبت ملوك
يا تماضر انت ماعدوي ولا انا عدوك بس الزول القال ليك الكلام ده ما عندو نظر

دحين الشي الفي جلابية الرئيس ده باقي ام رقيقه ولا شي تاني

Quote: يا تماضر انت ماعدوي ولا انا عدوك بس الزول القال ليك الكلام ده ما عندو نظر

خلاص كتر خيرك على كلمتك دى ..

وكل عام وبت ام حقين ..تتنسم نسيم بحر حرية...وابداع

كنت قد ادمنت لبس جلابيبنا البيضاء
لكن بعد ده الأمر يحتاج إعادة نظر

Quote: كنت قد ادمنت لبس جلابيبنا البيضاء لكن بعد ده الأمر يحتاج إعادة نظر

يازول والله ال في الجلابية ده شنو ما عارف لكن الصورة عندي نظيفة,حصلت عليها من الاخوة الاتحاديين بالداخل

لا المحيرني انو اكتر الحلوين قاعدين متمحنين بره الداره
الرقصه دي للعروسين و لا كيف!

ده عرس الشهيد العرسان في الجنة

لافض فوك ياتماضر

Quote: لافض فوك ياتماضر

دي منو سلوي سيام

مرحب حبابك ما غريبة دار
عاد ياسلوي ياسيف الفدي المسلول

وماذا عن الصور السياسية الأخرى لزعمائنا الأماجد؟؟!.

سيف مساعد
إنت شغل المساعدية والعربجية ما عاوز تسيبو!
يا خى مرة واحدة خليك مرة جنتلمان !!!
مفردات تماضر أقوى مما أعلنت عنه الصور لإن الصور قد لا يستغربها كثيرون!!

أتوقع ان تخف حدتك مع ظهور جوليا وردى فى المنبر!
جنى

http://www.sudaneseonline.org/forum/viewtopic.php?t=596...e9e014e3a95a13eef852

Quote: صورة فاضحة وردي يغني والبشير يرقص

كعادة البشير وهذا ليس بالامر الغريب ,, البشير في المناسبات العامة والمهرجانات
يتحدث نصف ساعة ويكمل باقي وقته بالرقيص حتي سمي بالرئيس الرقاص الذي لا يجيد شي
سوي تحريك مؤخرته

بقال مرحب يبك

قلت لي الرقيص شيمتنا

[]الأخوة الأعزاء :
ارجو ان يتسم الجميع بأدب الحوار واستخدام العبارات المهذبه حتى لا نخدش حياء القراء من ذكر وانثى وممكن استخدام الرمز بدلا من الأشاره للفظ البذىءاذا كان لابد من التلفظ وهذا ماارت ان انبه اليه وشاكر لكم.

أمانة ما وقع فنان.....ماقلتوا نوبة?.....بس يا سيف أخوي المعايش جبارة....الزول ده أدوهو بيت ... وإحتمال يكونوا مرتبين ليهو ماهية...عشان كده قلب.,..هلآ هلآ علي النضال...أنا أخوك يا السره......

راشد الحاج

Quote: أنا أخوك يا السره

تسلم يا اخو السره

Quote: إنت شغل المساعدية والعربجية ما عاوز تسيبو! يا خى مرة واحدة خليك مرة جنتلمان !!! مفردات تماضر أقوى مما أعلنت عنه الصور لإن الصور قد لا يستغربها كثيرون!! أتوقع ان تخف حدتك مع ظهور جوليا وردى فى المنبر! جنى

ايوه يا جني جني جنني

الصورة ليها معاني اقوي والسقوط من عدة زوايا يا جن جن جني الجنتلمان

عبد الحميد البرنس

Quote: وماذا عن الصور السياسية الأخرى لزعمائنا الأماجد؟؟!.

دي بقي تسأل منها اخوك سجيمان بوريك الحاصل فيها شنو

عادل اسحاق

ايش قصدك افصح ابن

ود مَسـعد
لقد عَدَلتَ ، وتـَغـنيًـتَ يا "عـُمـَر" وبسَطت يًدك مُنتَشِيًاَ
وأصبحت البِلاد آمنه مِن الجِنيًنه ، وللبحرالأحمر
ومن نُملي إلي دُنقلا..
الراكِبْ والدافِر علي كـُرعيًه ما بِيخاف
علِي مالـُوا وولِيًداتو إلا الضًـباع و رجِمْ الأنتنوفات..!

ياود مَسـعد : ياخُوي نِـحنَ شاهدنا عـُمر البشيًر فِي عـُدًة
رَقصات بِلذات "أغانِي الطًرَب" لِكِنْ ،حرم الناس دوول قطـُع
شًكْ بِيمدحوا علي الرسول أبو فاطنه
أبداَ النشوه دي ماها نشوة غـُنا وهيًـصان.

محمد ادم

Quote: ود مَسـعد لقد عَدَلتَ ، وتـَغـنيًـتَ يا "عـُمـَر" وبسَطت يًدك مُنتَشِيًاَ وأصبحت البِلاد آمنه مِن الجِنيًنه ، وللبحرالأحمر ومن نُملي إلي دُنقلا.. الراكِبْ والدافِر علي كـُرعيًه ما بِيخاف علِي مالـُوا وولِيًداتو إلا الضًـباع و رجِمْ الأنتنوفات..! ياود مَسـعد : ياخُوي نِـحنَ شاهدنا عـُمر البشيًر فِي عـُدًة رَقصات بِلذات "أغانِي الطًرَب" لِكِنْ ،حرم الناس دوول قطـُع شًكْ بِيمدحوا علي الرسول أبو فاطنه أبداَ النشوه دي ماها نشوة غـُنا وهيًـصان.

قطع شك وردي بغني حكمت البلد يا عمر مافي متيلك عشان كدي فنان الشيوعية يغنيلك

يا ناس ...

احكمو عليها كده بس ..
فنان عملاق فى احدى اغانيه
وزول فى قمة الطرب .. . ومبسوط


بس ..


********

(تحريك مؤخرته )وانت يا ولد مش قلنا ليك قبل كده خلى عندك ادب ؟

Quote: (تحريك مؤخرته )وانت يا ولد مش قلنا ليك قبل كده خلى عندك ادب ؟

قليل ادب الرئيس الذي لا يحترم نفسه ويرقص ويحرك مؤخرته في المناسبات الرسمية والمهرجانات
كالشماسي , قليل ادب الرئيس المامالي مكانته وهمه كله رقيص وطرب
قليل ادب الرئيس الذي يرقص في المنصة امام كل القنوات الفضائية وينظر اليه كل
العالم بأستهتار , قليل ادب الذي يدافع عنه في هذا المنبر وهو مؤتمر وطني ويدعي
بأنه اتحادي ديمقراطي

Quote: يا ناس ... احكمو عليها كده بس .. فنان عملاق فى احدى اغانيه وزول فى قمة الطرب .. . ومبسوط بس ..

الفنان بغني باسم الشعب والشعب بموت, والرئيس رئيس الشعب و
والشعب بموت

لست والله أنا غيران من نعيم أنت فيه سابح - بل أنا نشوان أن واتاك حظ فملأت الكون شدوا وصياحا - أبيات من قصيدة الكروان للورد بايرون ترجمها شعرا الدكتور زاخر غبريال.

{إِنَّ فِرْعَوْنَ عَلَا فِي الْأَرْضِ وَجَعَلَ أَهْلَهَا شِيَعاً يَسْتَضْعِفُ طَائِفَةً مِّنْهُمْ يُذَبِّحُ أَبْنَاءهُمْ وَيَسْتَحْيِي نِسَاءهُمْ إِنَّهُ كَانَ مِنَ الْمُفْسِدِينَ }القصص4
{مِن فِرْعَوْنَ إِنَّهُ كَانَ عَالِياً مِّنَ الْمُسْرِفِينَ }الدخان31
{وَنَادَى فِرْعَوْنُ فِي قَوْمِهِ قَالَ يَا قَوْمِ أَلَيْسَ لِي مُلْكُ مِصْرَ وَهَذِهِ الْأَنْهَارُ تَجْرِي مِن تَحْتِي أَفَلَا تُبْصِرُونَ }الزخرف51
{وَقَالَ مُوسَى رَبَّنَا إِنَّكَ آتَيْتَ فِرْعَوْنَ وَمَلأهُ زِينَةً وَأَمْوَالاً فِي الْحَيَاةِ الدُّنْيَا رَبَّنَا لِيُضِلُّواْ عَن سَبِيلِكَ رَبَّنَا اطْمِسْ عَلَى أَمْوَالِهِمْ وَاشْدُدْ عَلَى قُلُوبِهِمْ فَلاَ يُؤْمِنُواْ حَتَّى يَرَوُاْ الْعَذَابَ الأَلِيمَ }يونس88

{النَّارُ يُعْرَضُونَ عَلَيْهَا غُدُوّاً وَعَشِيّاً وَيَوْمَ تَقُومُ السَّاعَةُ أَدْخِلُوا آلَ فِرْعَوْنَ أَشَدَّ الْعَذَابِ }غافر46

الصــورة الفاضحة هسى وينا يا مساعد.. ...

الفن مانزل جبروتوا,لقد أوضح الفنان العملاق محمد وردي مناسبة الصورة,عزم لعشاء وحضر من حضر.
في زواج زميلي كان البشير أحد الحضور لا أظن في ذلك حرج أو فضح.وطبعا لست في قامة وردي.

المهندس محمد السيد

Quote: الفن مانزل جبروتوا,لقد أوضح الفنان العملاق محمد وردي مناسبة الصورة,عزم لعشاء وحضر من حضر. في زواج زميلي كان البشير أحد الحضور لا أظن في ذلك حرج أو فضح.وطبعا لست في قامة وردي

كضبا كاضب الدعوة بمناسبة عودة محمد وردي , وردي سقوط كذب كمان

بوب

Quote: الصــورة الفاضحة هسى وينا يا مساعد.. ...

وردي ده عضو قيادة التجمع شخصيات وطنية

Quote: الفاضح هو ان يركع جبروت الفن...فى بلاط الطاغية .. هكذا ...فى حديقته وكنبته ومروحته ...وابتسامته الجوفاء... صورة فاضحة حقا..

بس باقي المهزلة ماش فناها كويس

لا بل شكرا لوردي الذي أرقص البشير وصحي فيه حاسة أنسانية انعدمت في مشاعر الانقاذ...
بس (كلمة الزول ده أدوه بيت ) واحدة من شعارات المناضلين في هذا ا لمنبر ..( اذا أتاكم فاسق بنبأ فتبينوا )

اختي عشة بت فاطنة الزينة الرزينة

Quote: بس باقي المهزلة ماش فناها كويس

كدي اصبري شويه نحن بنتعلم في فن الاعلام الايام دي استعدادا للمعركة الجاية , لسع جايات صور تانية بفقع مراراتكم

في يوم من الأيام كجيت عميمتي وشلت عصايتي ووقفت مع الصبيان في صف الكاتم (والكاتم هي رقصة شائعة عند أهلكم البقارة). شريفة بت خالي عارفة أنا ود مدارس ساكت وما بعرف أرقص الكاتم قامت جات شالتني عشان أرقص معاها. دخلت في ورطة لكن المهم رفعت عصايتي وتبعتها بحركات بطيئة وهي عامله رويس وبترقص بشعرها الطوال لامن دخلتها في صف البنات ورجعت منتشي نشوة ما حسيت بيها ليوم الليلة.

شايف أولاد جون ديل عاملين مدارس كثيرة خاصة بالرقص وكلهم لى توني بلير ذاتو معاهم بيسكسكو - يعني حرام علينا وحلال عليهم.

وكمان أبوالورود دا لو كان شيوعي كان غنى قال إرادة المولى رادتني وبقيت غناي؟؟؟؟

[[Ustaz/ وردي بقول لينا وللمناضلين من (منازلهم) : الصوره دي انا كنت
معزوم عشاء عند قريبنا عبالرحيم محمد حسين اول ما جيت من امريكا..
وكانو هم من ضمنهم البشير والمعاهو ديل كانوا معزومين..و حصل غنا ...
.........

و اضاف بعدها : والطاغيه كان بقدروا يشيلوا.. يشيلوا هم.. مش بالهوهوه
من بعيد لا !..يجوا في البلد دي هناك و (يشيلوا)

http://www.sudaneseonline.org/forum/viewtopic.php?t=596...e9e014e3a95a13eef852

الهوهوه

I can say now he is really wise man

Respect

الأخ راشد الحاج سلامات

يا أخي وردي مافي حد أداهو بيت الراجل عندو بيت واحد وبناه من حر مالو إستغر ربك من حق الراجل

وردي غني لي مايو وضد مايو

وغني لاهل الانقاذ

وضد الانقاذ قدر نضالو

قال فنان قال

سيف مساعد
تحياتى مع كثير احتراماتى


فى اواخر التسعينيات قامت القيامة ولم تقعد عندما شارك الفنان سيف الجامعة فى احدي مناسبات المخلوع نميري بمصر, بينما تغاضى الجميع عن مشاركة بعض اعمدة المعارضة فى نفس الاحتفال بدعوى من نميري.


هل هذا يعنى أننا نستطيع أن نجد تبرير لقادة التجمع الذين ارتضوا اقتسام السلطة مع البشير فى الوقت الذي نحاول فيه محاكمة الفنان وتحميله كل اخفاقات هؤلاء القادة؟؟


نعم الفنان يستطيع أن يرفع سقف احلامنا, ولكنه لم يوعدنا بمشروع للتغيير

وردي قامة سامقة لاتطالها السهام الصدئه...وعليك الله جرب بس لحن جدادي يلقط الحبة...يا ابو

السيوف....

والبشير رغم كرهي له الا انه انسان ومن حقه ان بطرب او لا يطرب

ماذا لو استمع البشير لوردي هذا هو الواقع لم نستورد البشير من الخارج البشير افراز للثقافة السودانية ووردي فنان الهب وجدان هذه الامة لا تطاولو علي وردي وردي فنان السودان وروح السودان ونفس السودان كلهم لهثو لمصالحة البشير وانتم هربتم خارج السودان ونلتم الجوازات باسم النضال وتركتم الشعب السوداني ينهششه الاقزام ولو احسنتم اليات سقوط هذه الاقلية لكيفتمونا مصائب كثيرة ولكن يظل وردي هو وردي ومن لم يعجبه هذا الكلام فليشرب من البحر

سيف



انا الفاقع مرارتى اكتر من ما هى مفقوعة من الانقاذ..

قعدة الاسترخاء والانتشاء بتاعة سيدنا الرئيس..

وهو عارف زى جوع بطنه انه حول مليون ميل مربع..ناقص حلفا وشلاتين وحلايب طبعا...

حولهم الى مقابر جماعية..

وجاجم بتاعة ناس..

ما عندهم ذنب غير انهم اتولدوا سودانيين..

واتمسكوا بالبلد الغبرا دى..

وردى ما واجعنى ولا حاجة..

من زمان ركع للانقاذ..

من ساعة ما الكلية بتاعته باظت..

ونقلوا ليه واحدة تانية..

دا حقه كسودانى..

وكفنان مبدع..

ما قلنا حاجة..

لكين دا ما سبب يخليه يرد ليهم الجميل بهذا الثمن الباهظ..

وهو شخصه وسمعته كفنان السودانيين بيسمعوه فى كل حتة..

وبيحبوه رغم طولة لسانه..

حاجة تفقع المرارة..

والفن يا سيف مساعد اذا لم يستخدم لمناصرة قضاياالوطن..

ببقى تهريج..

ونعيق بوم..

وهم يغنوا..

ورئيسهم يرقص..

والبلد تغور فى ستين الف داهية..


أأأأأأأأأأأأأأأأأأأأأأخ....

ياخي أنت وردي ده قايلو رئيس التجمع الوطني الديمقراطي ولا الأمين العام للحزب الشيوعي السوداني؟
شكلك عايز تقول حاجه..أي حاجه و السلام.

سمعت الفنان محمد وردى بيتكلم عنى

ما حاتعب ارد عليه لانو قال الكلام بعضمة لسانو...

لما قلت انو انا فنانة "ودى كتيرة منك لى..واشكرك عليها"

عارف انه نحن كان بقينا فنانيين ..معناها الجمهور بيسألنا من شنو؟؟

انا زيك ما بقلب حكومة ولا بمسك وزارة..لانى ما "مناضلة" بالمعنى الانت وصفتو "الليجو يشيلوهو...وهوهوه"

الفنا ن شغلته فى الساسة هى الالهام

نحن مفروض نلهم الجماهير ونمسكها درب الامل

نوريها انها قادرة ....ونقودها

وده بنطبق بالالاف على فنان كبير زيك ياوردى عندو جمهور..من اتفتحت اضاننا للسمع عرفناك قمة...وبتقود الناس للآفاق الآملة دى..


ده دور الفن ...

مش دورو يحبط الناس ويوريهم انه تعبهم رايح سدى و سيرتهم قابلة للاندثار تحت تأثير اى غيبوبة او عزومة "اكابر"

انت يا استاذ وردى بتغلبك المواقف العظيمة؟

انت يا فنان الشعب السودانى بيوصفوا ليك درب النضال بى وين؟؟

انت قايل قعدتك مع البشير فى سهرة واحده ..حاجة عابرة؟؟

ومجرد طرب وحصل؟؟

عمر البشير انسان فعلا ومن حقو يطرب ..لكنه من جهة تانية رمز...

رمز لنظام قادو لسنين طويلة ...نظام ماتوا فيه ناس وعاشوا ناس..

وفى ارواح لسه بتحلق فى سماء القصر دايرة ..العدالة..

وفى أرواح مفقودة ..بتفتش تستريح وين؟؟

ولسة بقول ليك يا استاذ وردى ...

لو ما كبير فى نظرى ..ما بزعل ليك... وانت عارف كده....حتى لما قلت اسماء الاغانى الانقاذية واتبريت منها...ورا الكلام ده شنو؟؟

لانو الغنا رسالة ..ولانو موقف..ولانو الفن اصلو موقف..

ياريتك لو ما غنيت لعمر االبشير واتنشرت صورك..

الناس كانوا دايرين يغفروا ليك هناتك ياوردى ويرجعوا ليك هيبتك الزمان..




وانت عارف برضو انا ما "ناس الدنيا" البقولوهم الناس فى الونسة العامة العادية..

"والله ناس الدنيا ديل!!!!"

لا انا ما ناس الدنيا ولا ألفت فيك كلام ..غير الشايفاه فى الصوره القدامى ...

انا ...ناسك..

شايف؟؟

والفواكه "ما القنقليز" مافى اى مكان فى السودان..
فى اماكن محدودة...

ليها علاقة بالفرد القاعد فى الصوره..
ماكل الناس تاكل تفاح وفراولة وعنب وبتضحك وتتونس وتسمع وردى كمان..
الا الناس اليدها لاحقة..
الا الناس اليدها لاحقة

ومالو الزول لو فى بلدو ويدو بتلحق فيها شنو؟

لكن الموضوع ومافيهو انه الناس فى بلدها

والليد مغلولة ..الى حلقها..
الليد مغلولة ..
الليد مغلولة

وكل الشح الحاصل ليه علاقة ..بالزول القاعد فى الصورة

"فهمت على"؟؟؟

بس كنت تكون خلاق..اكتر ياوردى وتطلع من "تلك المنظومة"

وتورى "المستمعين" انك فى وجدانهم مرتاح اكتر
وفى اعماقهم اخضر لسه

وفى اسماعهم...منحاز ليهم..
ومنحاز للدمع الساخن ...والعبرة

"بفتح العين"

يانور العين ..

ماعارفة
متاورانى الغنية السمحة دى ..ليه؟

يا نور العين؟


ياربى لانها اعذب اغنية ..ومافيها بيوت اشباح ولا زول بيموت بحد سكين؟؟

ياربى لانها اكتر غنية تكون اتسمعت لكل الناس الفى دارفور ..

وجموع لاجئين؟

ياربى لانها غنية حب ..بس..ما اكتر

وكل الحاجات متوفرة بى كترة ..اليومين ديل الا الحب؟

يانور العين؟؟


وردى..

الله يخليك لى جمهورك


و" خلى الجن البتسو فيه ده"

تور نفسك من نومة الحس..

صحى الروح من نومة ..حب الناس..
صحى الوجدان ...من غفلة ...

واتذكر "يقظة شعب" ..

" ياشعبن لهبك ثوريتك"

وامجادك ياوردى .

.الدنيا ام قش ...بتفوت

وبتبقى الذكرى الطيبة ..


.وبس



مع احترامى ومودتى

هذه ليست صورة فاضحة.

لا الغنا غيب

ولا الرقيص عيب..

عيب الديكتاتورية... وعيب التعذيب.. وعيب الكضب. وعيب افقار الناس ..وغشهم بوعود التنمية والرخاء..
عيب الراسمالية الطفيلية فى اى شكل كانت.. اسلامية ولا اتحادية ولا يسارية.. عيب.. عيب..

عيب شغل الاستخبارات والتجسس والتحسس..

لا أستطيع تبرير ما فعله الأستاذ وردي لكني اتفهم تماما ما قاله و مايشعر به الآن!
سؤال عنيد : ما عمر الأستاذ الآن ?

آخر:
كم من سنين عمره قضاها في النضال مع من لا يستحق ?
كمان واحد:
ما هي مشاكله الصحيه الآن..

احترامي لك استاذ وردي رغم ما جرى

واتمنى ان ينتشي سعادة الرئيس المره الجايه بجلابيه وحاشيه و دواخل انضف .. أو لا ينتشي زاتو!
المنتشي ليها شنو!!!

سيظل الاستاذ محمد وردى قامة فنية سامغة مهما حصل فأتمنى ان لا نخلط بين الاجتماعيات والتى تنبع من اعرافنا السودانية ومواقف وردى النضالية فهذا الرجل قدم الكثير للفن السودانى وحتى وهو مريض مازال يعطى فيجب علينا ان نعى ونحتفظ له بهذا الجميل الذى هو دين على كل سودانى فيكفى وردى أغنية الود فهى لوحدها تغفر له كل شئ فأذا كل قادتنا ومناضلينا ورؤساء احزابنا السياسية جلسو مع البشير بما فيهم زعماء الحركة الشعبية فلماذا نحاسب وردى.

اولا يا جماعة دى كانت مناسبة إجتماعية مدعو فيها محمد وردى وفى نفس الوقت عمر البشير
يعنى المناسبة دى ما كانت فى القصر الجمهورى ، وإلا كنتوا عايزنه يقول لى سيد الدعوة
لو عمر البشير جاى المناسبة دى أنا ما جاى؟
ويا أخ سيف بالله سلم ليناعلى سيدى محمد عثمان الميرغنى وما تنسى تجيب لينا منه
موية الوضوء عشان نتبرك بيهو.

بسم الله الرحمن الرحيم
الأخ بكري إسماعيل....أولآ سلامات....ثانيآ أخبرني ما الذي تغير في حكومة الأنقاذ حتي يغير وردي إتجاهه 180 درجة...أما عن موضوع البيت...فلقد قرأنا جميعآ وشاهدنا في التلفزيون تكريم الديكتاتور عمر البشير للفنان وردي...ولقد تم منحه قطعة أرض بهذه المناسبة....ثالثآ لقد ذهب وردي للقصر الجمهوري وأعرب عن تضامنه مع عمر القشير ورفضه لقرار مجلس الشعب بمحاكمة مجرمي الحرب في لاهاي...أنا لم أختلق هذه الأخبار ولكنها موجودة وموثقة في كل الصحف السودانية وبتاريخ حدوثها ويمكنك أن تراجع أرشيف تلك الصحف....إن الحديث واللعب بمقدرات الشعوب والأوطان وإستفزاز مشاعر الناس من قمة فنية كبيرة لها ملايين المعجبين كالفنان وردي شئ مرفوض تمامآ...أنا لا يهمني أن تكون من معجبي وردي أو أصلك حلفاوي ولامحسي ...ولكن تؤرقني المصائب والمحن التي تتكالب علينا كقطع الليل المظلم....كما أنني لم أدعي في يوم من الأيام بأني مناضل ولا حتي أحب هذه الكلمة التي كثر إستعمالها فاصبحت إستهجانآ....ولكني أقسم بالله العظيم أن أكون سيف حق في رقاب الظلمة وأعوانهم بكل ما أوتيت من قوة ...وسيعلم الذين ظلمواأي منقلب سينقلبون....

الأخ سيف

تحياتي

هل صار وردي هو آخر المناضلين الذين كان السودان في إنتظار صمودهم لدك حصون الإنقاذ. ؟
إذن فعلى السودان السلام ..

نضال إيه يا سيف ؟ هو بقى في نضال ؟؟
هو بقى في نضال و مناضلين ؟
فقط تبقى مناضلين عبر الكيبورد .. و هو نضال لا يغني و لا يسمن من جوع ..

كل حاملي السلاح الآن سكنوا الفيللات و ركبوا اللاندكروزرز ..
كل مناضلي القاهرة رجعوا و رضوا بفتات المناصب و البقية تستجدي البشير المناصب ..
عبدالعزيز خالد المقاتل .. وزير تقانة ..
و المتفاءلون فقط هم من ينتظرون نهاية الستة سنوات رغم أنها محسومة و معروفة نتائجها.

فماذا تنتظر من وردي ؟
وردي الذي ألهب الشعب حماساً عند كل سقوط ديكتاتور ..
و غنى لمايو عندما ظن أن الشيوعيين سيستمرون إلى أبد الآبدين ..

كلمة مناضلين أصبحت ممجوجة جدا ..
كل المعارضين سئموا هذه الكلمة ..
على سبيل المثال : أين المناضلين القدامى من مذبحة القاهرة ؟؟؟؟؟؟؟؟؟؟؟

هذه الصورة لا تعدو كونها مثل بقية صور مناضلي الجنوب و مناضلي التجمع الذين يجلسون مع البشير في إجتماعات مجلس الوزراء و في المناسبات الأخرى ..
غنى وردي و يغتي الآن و سيغني .. فليطرب البشير و ليتمايل طربا سلفا كير و ليبشر الميرغني و ليعرض الصادق .. فلن يغير وردي شيئا سئم من الجميع ..

إمتناع وردي عن الغناء في حضرة السلطان لن يذهب بالإنقاذ .. و غناء وردي في حضرة السلطان هو إقتناع بأنه ليس بالإمكان أحسن مما كان ..

أرقد عافية

الاخ ابو جهينة

شكرا علي المداخلة الجميلة

بس محمد وردي عضو التجمع باسم شخصيات وطنية ده زاد الطين بله,

الجماعة الطيبين بقوا عكازي وعكازك - ما باقي ليهم إلا الدشمان.

دنيا عجيبة!!! حتى الفراولة الحامضة عملوا ليها رأس وقعر!!!!

ياناس دي والله سفاسف ............. ساكت.

محمد هارون

مين قال ليك فراولة حامضة

أهي صفة قارة في شعبنا أن يكفـن بالحَيا
و يـشطب بجرة كي بورد تاريخ من ساهم
بقدر معلىّ في صياغة وجدانه لمجرد
مشاركة بالغناء في وليمة عشاء حضرها
من حضرها والسلام ؟ !

شكراً أخي الكريم سيف،

وردي يغني للبشير، والبشير يطرب، وأبناء شعبه يقتلون في مصر؟
ما أبشع سقوط الرجال يا وردي!!
ما افدح الجرم يا البشير، أيها الدتكاتور الكاذب، الراقص، القاتل، المنتهك لأبسط شروط الإنسانية.

أعزائي البورداب،
أرجو زيارتي هنا،حيث أناقش في الخيط موضوع الساعة!:

الله

عثمان محمد صالح

وردي سقط سقوط شنيع , مهما كان الامر يغني وردي للبشير

أهي صفة قارة في شعبنا أن يكفـن بالحَيا
و يـشطب بجرة كي بورد تاريخ من ساهم
بقدر معلىّ في صياغة وجدانه لمجرد
مشاركة بالغناء في وليمة عشاء حضرها
من حضرها ؟ !
ـ مات خوجلي عثمان مطعوناً
ـ تبعثرت أوراق الجابري بعد موته وعُرض
بيته للبيع
ـ ومن الذهول كتب إدريس جماع أشعاره
الأخيرة على رملة القـيف
ـ وقـتل داء الصدر معاوية نور
ـ لقي الشاعر محمد عبد الحي ربه بجلباب
عليل فـقـير

قائمة الجحدود و إلتهام الأرواح طويلة
و مسك ختامها الذي لن يكون أخيراً هو
التبشيع بوردي
عجز إرادتنا الجماعية عن إسقاط الطغمة
الحاكمة هو الي يوجهنا لصب الغبائن على
رؤوس

حتى طيبنا الصالح من وضع روايتنا
على أرفف المكتبات و أدخل دومة
ود حامد إلى قاعات الدرس بالجامعات
لم ينج من ذاك المصير !
إننا نعتاش على أفضل مافي سنامنا
الثقافي مشاة في الهجير !

لا يُـنسى ماحدث للشاعر حميد في هذا الموقع الأغر عام 2004

لا يُـنسى ماحدث للشاعر حميد في هذا الموقع الأغر عام 2004

أعزائي البورداب،

أرجو زيارتي هنا:

الله

يناقش الخيط موضوع الساعة.

لا يُـنسى ماحدث للشاعر حميد في هذا الموقع الأغر عام 2004

أعزائي البورداب،

أرجو زيارتي في هذ الخيط:

الـــــــــــلـــــه

يناقش الخيط موضوع الساعة.

من تبرع بدولار واحد لإغاثة إسماعيل خورشيد
من الفاقة التي تآكل بسببها نعاله وفي
رواية أصح : " سـفنجة " ؟!
إسماعيل خورشيد يزرع طرقات وطنه بهيئة
متسول وفي القدمين " سـفنجة "!

مجداً لجحود الكي بورد

أليس بإمكان المقيمن بالخارج تخصيص صندوق
تبرعات ثابة تغاث بها لهفة مبدعـي الداخل
في صراعهم من أجل البقاء بدلاً من إلتهام
أرواحهم أحياء ؟!
أم هي شادية التأمل الصامت بإنتظار ركوع من
يركع لتنهال عليه السياط ؟!

الاخ عثمان انت والله الفينا

مرحب باقتراحك الجاد بتخصيص ولو دولار لدعم المبدعين في السودان

وفالنجعل من اسقاطات بعض اخوتنا هبا نقطة

انطلاق لتحقيق شي ايجابي

بدل الكتابة ورا الكى بورد وتسفيه قامات شكلت وجدان شعب كامل

وانا معاك للتنسيق

سيف



عايزة اوضح معلومة يمكن تكون غايبة عن القارئ/ة..

وهى ان الاستاذ محمد وردى عضو فى التجمع الوطنى الديمقراطى منذ تأسيسه..

وحينما دار النقاش فى القاهرة حول نوعية انضمامه...

كان رد التجمع بأن ورى موجود بصفته شخصية وطنية..

ثم دار النقاش حول شروط الشخصية الوطنية..

كل ذلك لم يكن اعتراضا على انضمام الاستاذ..

ولكن اذا كانت هناك افراد وطنية فى التجمع..

فلماذا لا يفتح الباب للغير؟

وعضوية الاستاذ فى التجمع جاءت من منطلق مواقفه الوطنية..

واناشيده الثورية..

بصوته الخرافى...

ولا ادرى اذا كان قد دخل السجن بسببها ذات يوم ام لا؟

اذا رسالة الفن هى الرقى بالمجتمع وصقله..

وايضا الدفاع عن المظلوم..

ومهاجمة الطغاة..

كيف يكون شعور المواطن الذى يعشق الاستاذ؟

حينما يراه جالسا مع الجلاد فى جلسة أنس وسمر؟

****

ثانيا قابلت الاستاذ فى القاهرة وابلغته تحية ابناء جبال النوبة فى زيارتى لهم..

بل ويغنون له..

والاغنية اسمها..

وردى نجم الصباح!

كان سعيدا للغاية..

وتاثر جدا لان الشعب فى عز ازمته ومواجهته للموت يغنى له..

ووعد بزيارتهم..

هذه معلومات رايت ان فى هذا البوست مناسبة لذكرها...

المصدر:
http://www.sudaneseonline.org

رائع دوما أخي عبدالماجد

حبيت اعلق فقط على الزوق العالي والراقي جداً للمحاورة


سارة وهي شكلها زولة مرهفة وحساسة لدرجة بعيدة

وفي ذات لا تماري في قول الحق

ياسارة لك كل الإحترام

والوقفة والإجلال للفنان الكبير وردي

الذي تقف عند قامته الكلمات.

وهو انسان لا يستحق منا المحاكمة القاسية

يستحقونها الساسة الفاشلون

في النضال وفي الحكم.

Quote: كيف يكون شعور المواطن الذى يعشق الاستاذ؟ حينما يراه جالسا مع الجلاد فى جلسة أنس وسمر؟

...............................


وآآآآآآآآآآ ...... أسفآآآآآآآآآآآآآآآي

Quote: أليس بإمكان المقيمن بالخارج تخصيص صندوق تبرعات ثابة تغاث بها لهفة مبدعـي الداخل في صراعهم من أجل البقاء بدلاً من إلتهام أرواحهم أحياء ؟! أم هي شادية التأمل الصامت بإنتظار ركوع من يركع لتنهال عليه السياط ؟!

ماذا تقصد يا عثمان محمد صالح؟

ان الفنان يركع من فاقة؟

..............

أقسم بالله الذى لا شريك له..

اشعر بالغثيان من هذه المقابلة..

وطالعة من هنا حالا..

وبعدين دى قوالة ما مقابله صحفية..

تماضر قالت وما قالت..

الشعب كله قال..

اشمعنى تماتضر؟

ولا دى برضو تصفية حسابات امريكية؟!

!JESUS

Quote: تماضر قالت وما قالت..

نور تاور سلامات..

ما تزعلى ..

دى صحافة نزيهة مية المية

نحن بس فات علينا انه الرئيس من حقو

ينـــــــــــــــــــــــطرب..

خليك هناك مع المظاليم يا نور تاور..

ماليهم غيرنا انا وانتى ...

.والبنأمن بيهم والبنأمن بيهو

وردي صديقي وقريبي،
وملهمي وأنا طفل. فقد كان صديقاً لخالي، إضافة لكونه من أهلنا النوبيين.
قد كان مناضلاً يشرفني. وقد كتبت عنه وعن صموده كثيراً في هذا المنبر. وكانت أولى مساهماتي في هذا المنبر عن ذلك الصمود الأسطوري. وقد قبلته في جبهته يوم زارنا في الدوحة حيث كنت أعمل في جامع قطر. كان معارضاً صميماً وقتها للنظام.

اليوم يسقط وردي سقوطاً مدوياً.
يسقط سقوطاًً مدوياً، مدوياً، مدوياً
مدوياً، مدوياً، مدوياً.

تحياتي سيف

العوج ملانا وما زال يملأنا
بس السقطة ما بتتعدل





سقوط بسرعة الصاروخ بدأ منذ يوم استقباله في مطار الخرطوم وتعاليه الغريب يومها

كنت حاضرا ويا ليتني لم أكن

Press Release
Al-USTADH MAHMOUD MOHAMED TAHA
“Islamic Transformation: Celebrating Martyrdom for Freedom”
THE 21ST COMMEMORATION
United States Institute of Peace
American University
January 20-21, 2006
In Khartoum, Sudan, on the 18th 0f January 1985, the government of General Numeiri executed the 76 year-old pacifist Islamic reformer Al-Ustadh Mahmoud Mohamed Taha, confiscated his mud house, burned his books, banned his organization- the Republicans- and put hundreds of his followers in jails. Taha was accused of a thought crime; he was virtually the first person in modern times to be convicted of apostasy, by a court that he treated with contempt and refused to recognize.
His main reform ideas, among other things, include the major concept of “absolute individual freedom,” enshrined in the Quran. Accordingly, Islam provided for equality of men and women before God and before the law. It provided for equity between all people regardless of ethnicity or religious background. It also provided for necessity of abrogating Jihad, if Islam to resume it influence as a major force in human history.
To commemorate Al-Ustadh’s remarkable life, United States Institute of Peace has kindly sponsored a panel presentation. American University has graciously sponsored another panel and launching the Al-Ustadh Center to keep his rich legacy alive in a world that demands his reform insights.

United States Institute of Peace
Friday, January 20th, 2006
2:00-4:00 PM (Hall and room number)
“Islamic Reform: Life and Work of Al-Udadh Mahmoud Mohamed Taha”
Dr. Elnour Hamad, University of Mansfield, Mansfield, Pennsylvania
Dr. Earnest Johnson, Shoreline Community College, Seattle, Washington
Dr. Steve Howard, Ohio University, Ohio University, Athens, Ohio

American University
(Saturday, January 21ST, 2006
2:00-4:00 PM (Hall and room number)
“Islamic Transformation for Democracy, Peace, and Development”
“Secularism from an Islamic Perspective” Dr. Abduallahi An-Na’im, Emory University, Atlanta, Georgia.
“The Sudanese Republican Thought: Islamic Transformation for Peace and Development in a post 9/11 World” Dr. Haydar Badawi Sadig, Medaille College, New York.
“Sudanese Republican Thought and Movement: An African Phenomenon” Dr. Steve Howard, Ohio University, Athens, Ohio.

LAUNCH OF AL-UTADH MAHMOUD MOHAMED TAHA CENTER FOR ISLAMIC TRANSFORMATOIN
4:00 PM (Hall, and room number)
The purpose for which Al-Ustadh Center is formed is to promote global understanding and peace through interfaith and cross-cultural exchange. The Al-Ustadh Center will: (a) foster exchange of reform and transformation ideas and experiences; (b) promote multicultural tolerance with the altruistic goal of promoting global interfaith awareness, understanding, and peace; (c) Advocate the guarantee of basic human rights.

NOTE
Attendance at American University is open to all. Attendance at the U.S. Institute of Peace is by reservation or invitation.
Those who would like to attend are strongly advised to e-mail their names to Dr. Baqir Mukhtar ASAP ([email protected]).
For any other enquires please contact Mr. Mukhtar M. Mohamed Taha at (703-980-2301). [/size]

السلام عليكم با اخوان
انتو ماعون الجماعه ديل الشال اى زول مستخسرنوا على وردى ولا شنو
الوعاء الذى استطاع ان يفكك جميع الاحزاب والكيانت السياسيه ما غريب عليهوانو يشيل الرائع وردى
بعدين هو انحنا الضارينا فى السودان شنو غير قريبى وود عمى ونسيبى وعايز اسالكم يات يوم انحنا حاسبنا الحكام الذين يسرقون قوت هذا الشعب ما كلوا ما يقعدوا جوديه تطلع حكاية القرابه وانا قلت ليكم الناس ديل دخلوا اى بيت سودانى وفككوه ببراعه يعنى شنو لو الطرطو الاسمو عبد الرحيم ده يعزم وردى عشا ويجى حبيبو الريس ويستمتعوا بوردى وما امتصوه من دماء هذا الشعب ويعنى شنو لو دارفور ولا الشرق ولا الغرب ولا البلد كلها تجوع وتغور فى ستين داهيه.
ويا وردى ما ضرورى تغنى للدفاع الشعبى
بس الصدمنا انك غنيت قدام هؤلاء السفاحين

الاخ عبد الماجد فرح

والله ياريت لو سحبت هذه المكالمة بين وردي وسارة منصور

اولا هذه المكالمة بعد عشرة دقائق من نشر الصورة ولم يتم سماع الراي بالكامل عنها
ثانيا يري البعض قصور النقاش بين وردي وسارة حول راي تماضر شيخ الدين

أقسم بالله العظيم انني كنت حاضرا لتلك الجلسة منذ بدايتها وحتى نهايتها وقد حكيت القصة بمجملها في البوست الذي اوردت لنكه اعلاه ، و هو بعنوان (خيبة أمل الشعب السوداني في رموزه الغنائية النضالية .. محمد وردي نموذجا) ؟؟

صنفرة :

أرجو من كل من يريدون ان يحكموا على عواهن الامور مراجعة ذلك البوست ..

Quote: أقسم بالله العظيم انني كنت حاضرا لتلك الجلسة منذ بدايتها وحتى نهايتها وقد حكيت القصة بمجملها في البوست الذي اوردت لنكه اعلاه ، و هو بعنوان (خيبة أمل الشعب السوداني في رموزه الغنائية النضالية .. محمد وردي نموذجاً !!) ؟؟

ناذر تانى ما اشوفك تتحاوم فى حلتنا. .

أستاذ عثمان
تحياتي

Quote: من تبرع بدولار واحد لإغاثة إسماعيل خورشيد من الفاقة التي تآكل بسببها نعاله وفي رواية أصح : " سـفنجة " ؟! إسماعيل خورشيد يزرع طرقات وطنه بهيئة متسول وفي القدمين " سـفنجة "!

Quote: أهي صفة قارة في شعبنا أن يكفـن بالحَيا و يـشطب بجرة كي بورد تاريخ من ساهم بقدر معلىّ في صياغة وجدانه لمجرد مشاركة بالغناء في وليمة عشاء حضرها من حضرها ؟ ! ـ مات خوجلي عثمان مطعوناً ـ تبعثرت أوراق الجابري بعد موته وعُرض بيته للبيع ـ ومن الذهول كتب إدريس جماع أشعاره الأخيرة على رملة القـيف ـ وقـتل داء الصدر معاوية نور ـ لقي الشاعر محمد عبد الحي ربه بجلباب عليل فـقـير قائمة الجحدود و إلتهام الأرواح طويلة و مسك ختامها الذي لن يكون أخيراً هو التبشيع بوردي عجز إرادتنا الجماعية عن إسقاط الطغمة الحاكمة هو الي يوجهنا لصب الغبائن على رؤوس

Quote: حتى طيبنا الصالح من وضع روايتنا على أرفف المكتبات و أدخل دومة ود حامد إلى قاعات الدرس بالجامعات لم ينج من ذاك المصير ! إننا نعتاش على أفضل مافي سنامنا الثقافي مشاة في الهجير !

وأضيف الى القائمة ( مصطفى سيد أحمد )

ماقلت إلا الحق
قدموا لنا الكثير , وبالمقابل أهديناهم الجحود !!
ومسحنا تاريخهم في ثواني

وبعضهم في أصعب اللحظات لم يجدوا من يقف معهم!!!

هنيئا لمناضلي الكيبورد , ان ظنوا بأن الإساءة لوردي ومن قبله للطيب صالح ستزيدهم نضالا وشهرة !!

واذا كان غنا محمد وردى لى البشير ..شىء لم يعجبنى وانتقدته فيه

اعتقد انه تقبل نقدى ..وقد احسست ذلك من كلماته

فهو يكن لى الاحترام ..وانا اكن له كثير منه...


ووردى نفسه استنكر من رده انه مع الانقاذ او انه يغنى للانقاذ واعتقد ان هذا مكسب عظيم لجمهوره

انه يترفع عن فنه للغناء للانقاذ...

شكرا ياوردى على كلامك المهذب ولولا جرجرة المحاورة له لما قال الاشياء الصغيرة التى قالها..

واغفر له ما قال...

لانى اعرف انه فنان ومحب وحساس ومرهف..ووضع تحت ضغوط لم يكن يتحسب لها...

Quote: هنيئا لمناضلي الكيبورد

مناضلى الكيبورد من هم؟؟؟ يانهال كرار



الذى اعرفه عن هذا التعبير انه من ابداع طغمة معينة من الاسفيريين

ابتدعوه لقتل روح نقد الانقاذ فى هذا المنبر وكل المنابر
استخدموا فيه اسوأ الاساليب لهتك الاعراض ..وسب الناس..

هل تستخدمين ذات التعبير "للنيل" من الآخر الذى لا توافقينه فى الرأى؟؟

من هم مناضلى الكيبورد فى هذا الخيط يا نهال كرار..



انا لم اشارك فى قتل فنان..

ولم اسكت على قتل الفن والفنانيين...

وقد حاول من اطلق التعبير "مناضلو الكيبورد" من قبل قتلى..نفسيا وروحيا

وانا اشكر اصدقائى الذين احييونى بعد الممات..

فلن اسمح لهذا التعبير ان يطلق جزافا ..على مساعى التى منبعها محبة الوطن والفن والشعب الكبير الابى ..شعب السودان


واعيد شكرى للفنان العملاق محمد وردى على رده الوافى برغم رداءة الجو..

تماضر

حديثي لم أوجهه لشخص محدد

فلا داعي لأخذه بصورة شخصية

رأيك ملك لك وأحترمه ورأيي ملك لي

تحدثت عما يتم هنا من إغتيال لصورة رموز نحترمها كالفنان الكبير وردي والأديب المبدع الطيب صالح
ولم أتحدث عن ردك أو ما قصدته


ملحوظة :عدد المشاركات تعدت 100 أغلبهم تحدثوا عن سقوط وردي !!

نهال

قلتى كده؟؟

طيب.

there is alot of confusion and blackmaling here

I will be back soon

be back

wallahi ya isam

you are certainly needed here

ود الجيران تروتسكي

Quote: ناذر تانى ما اشوفك تتحاوم فى حلتنا

شكرا يا بطل لإيراد اللنك .. ليت قومي يعلمون ..
ما كتبته أنا باكرا وقبل حوالي العام عن خيبتنا في وردي تنبه له هؤلاء فقط الأن ..

صنفرة :

ألم يقل وردي بلسانه (لو كنت عارف الجبهجية بحبوا الغنا بتاعي كنت رجعت من زمان) !!

نذورى كشف وتابع ..
انا قاعد اكشف بس ..
وياما حتشوف
هى كان بقت على وردى المسكين براهو هينه..
وزى مابنقول ماشين فى السكه نمد....

Quote: ما كتبته أنا باكرا وقبل حوالي العام

كلام الناس دعاية ونذورى درس الحكاية
اها للنهاية واشوف اخر البدايه
بالصفقه كده ساعدونا
الصفقه كيف جاملونا...
النسمع منكم
اجـــش ؛ مبـــــــــالغه

فوق عشان نرد علي الناس

معتز

كل عام وانت والجميع بخير


اجـــش ؛ مبـــــــــالغه

تماضر قولي بسم الله

انتي مش قولتي لي نور تاور ما باقي الا انتي ونور


اها تاني اتذكرتي ايام زمان و قلتي وردي كلاموا كان ناعم و كده

انتوا جنيتوا يا ناس ولا شنوا


وردي و البشير ما بتلموا مع بعض

و كان لميتوهم تبقوا بالغتوا


الاستاذه تماضر كدي فكري فيها تاني

و قولي لي انا شخصيا



لي زمن ما قادر اقتنع


في بوست لذيذ كدي ارجعي ليوا و يمكن اكون غلطان

ده اللنك

نحن شـعب فاشـل وحالة صـوتية .. لاغيــر

ناصر الدين صلاح

سلام


انت يا اخوى هسه جايب سيرتى ليه؟

تماضر جابت سيرتى ردا على مداخلتى فى اللقاء العملوه مع وردى..

والجبت فيها سيرتها...

وبس..

داير تلبسنى تهمة (مناضلة) على صمة خشمى؟!

استهدا بالله وخلينى فى حالى...

لانه انا بعيد عنك..

مكويه بى ستين حاجة وحاجة من البلد البحبها وما عندى غيرها دى..

والاسمها السودان...

لا قادره اصلها..

ولا قادرة اعيش بلاها..

يعنى باختصار كدا..

حالة ممكن تقول عليها..

blue hell

عشان كدا خلينى فى حالى..

مع الشكر الجزيل...

الاخت نور تاور

سلامات


كان ردي لتماضر بعد ان كتبت في هذا البوست العام ما يلي

Quote: خليك هناك مع المظاليم يا نور تاور.. ماليهم غيرنا انا وانتى ...

وبس


افهم انفعالك لكن لم يحدث اي تداخل في الماضي معك
يستدعي كل هذا !!!!!!!!!!!!


خليتك
بعافيه

احترامي



نصرالدين

والله وفي رأئي الشخصي وابدا لا أنتمي لهم


لا أري شي في الصورة ولا فيها شي يخل بالآداب


ولا تنقص منه كرئيس


وأتحدي اي رئيس عربي أو غير ذلك أن يقف وسط شعبه


ويتحدث معهم دون حمايه


وياهو ده السودان

وانا بقول للناس العاشت بره كتير

وتعودت علي العيش خارج السودان


بقول ليهم تاني ياهو ده السودان

تماضر
معليش يعني لو ممكن
تفصلي لينا اكتر
ما يهمنا من مكالتك مع وردي
ياخ عايزين نعرف رأيه وتفسيره بوضوح
وهل هو حاسي بالاثر السيء -مهما كان التبرير -
اللي تركته هذه الصوره
ورأيه المثير للجدل في محاكمات دارفور

ولك التحية

up

ليس في الامر عجب
لو كان هذا السلوك صدر من (فنان) لكان الامر غريبا
ولكني وبكل وضوح لا اعتقد ان وردي فنان
نعم ان وردي انسان يمتلك صوتا جميلا وله رصيد من الغناء الجيد وهذا شي كتفق عليه
ولكن كلمة فنان كبيرة شوية وردي مغني جيد ولكنه ليس بفنان وانا لا استغرب ان يغني للبشير او حتي للترابي

فوق

يا شعبا تسامي
لو غني وردي اكيد اي زول ح يطرب يكفي انو وردي
و بلاش مغالاة
تساموا و
هي بقت علي وردي بس
ما الدنيا كلها راجعة
و نزل لينا الود هنا الجميع ينسي الامر
تسلم

سودانية

شنو يعني العيد ما جابك ليتا

سلام مربع
يا زول نسيت الشية و الشربوت الرسلتهم ليك في بيتكم
و لا تكون نسيت الشاي المنعنع في بيتنا
لوووووووول
كان احلي عيد عيدوا في السودان
و ربنا يعيدوا علينا و عليك بالبركة و الخيرات
اخبارك ايه
تسلم

,والله مشتاقين

املي ان اراك عن ما قريب
وبديك سلك في الايام القادمة