تمبس ... (ست الريد ) ... ( بقت بكــاية) ...

يا نسمة قوليلم محال ما بنتفرق ... مابنتفرق
لو حتى يتهدا السماء وفوق الأرض يجي منطبق
(( معقول؟))

معقول يفرقنا القدر يا نسمة قولي دا ما بيكون
قوليها لي كل الخلق والله لو مرت قرون ما بنتفرق .. مابنتفرق
بالله نتشاوف متين نتحاجي بي شوق السنين
نتحاجي بي شوق السنين نتلاقي بي لهفة وحنين
(( ياربي بتين؟))

شلال مشاعرنا الدفين جوانا يهدر من سنين
الليلة نوغل فيه زين
يحملنا موج يدينا موج
انا وانت لافحنا العرق ما بنتفرق ... مابنتفرق
(( احذروا الشيمة والعرق اللوى))

يا نسمة ليك والله شوق يتمدا كالسما والبحر
شوق النسائم للخميل شوق الفراشات للزهر
شوق العصافير للصباح شوق العتامير للمطر
يا نسمة شوقك ما قدر راجيني من قبل الخلق
(( والله شوووووق))

يا نغمة في وتر الشعور يا أحلى من كل الكلام
عطشان وبحلم بالرزاز منك يرشرش كالغمام
يا أحلى من هبّة دُعاش نديانة في تجتاح المسام
(( نضم وحاة شيخي))

دايرين يفرقوا بينا ديل بالله يا ناس ما حرام
قايلني بنساك في صُحاي ما قادر أنساك في المنام
(( ديل ناس موو مش؟!))

قوليلى يا أنبل غرام قوليلي يا بدر التمام
لو مُت بالشوق والهيام عهدك معاي ما بنتفرق
(( والعهدة على الهادي/ة))

ملحوظة : البوست على مسؤولية صاحبه وست ريده

ما قلتو نــــــوبة ..

يا نسمة قوليلم محال ما بنتفرق ... مابنتفرق
لو حتى يتهدا السماء وفوق الأرض يجي منطبق
(( معقول؟))

معقول يفرقنا القدر يا نسمة قولي دا ما بيكون
قوليها لي كل الخلق والله لو مرت قرون ما بنتفرق .. مابنتفرق


بالله نتشاوف متين نتحاجي بي شوق السنين
نتحاجي بي شوق السنين نتلاقي بي لهفة وحنين
شلال مشاعرناالدفين جوانا يهدر من سنين
الليلة نوغل فيه زين
يحملنا موج يدينا موج
انا وانت لافحنا العرق ما بنتفرق ... مابنتفرق


يا نسمة ليك والله شوق يتمدا كالسما والبحر
شوق النسائم للخميل شوق الفراشات للزهر
شوق العصافير للصباح شوق العتامير للمطر
يا نسمة شوقك ما قدر راجيني من قبل اتخلق


يا نغمة في وتر الشعور يا أحلى من كل الكلام
عطشان وبحلم بالرزاز منك يرشرش كالغمام
يا أحلى من هذا الدُعاش نديانة تجتاح المسام
دايرين يفرقوا بينا ديل بالله يا ناس ما حرام
قايلني بنساك في صُحاي ما قادر أنساك في المنام
قوليلى يا أنبل غرام قوليلي يا بدر التمام
لو مُت بالشوق والهيام عهدى المعاك ما بنتفرق


شكرا الملكه
عندما يلتقى خالد النمر وميرغنى النجار
ما علينا الا ان نبتهج

يعجبنى الاصرار فى كلمات النمر
ويبدو جليا فى

Quote: يا نسمة قوليلم محال ما بنتفرق ... مابنتفرق لو حتى يتهدا السماء وفوق الأرض يجي منطبق (( معقول؟)) معقول يفرقنا القدر يا نسمة قولي دا ما بيكون قوليها لي كل الخلق والله لو مرت قرون ما بنتفرق .. مابنتفرق

وفى اغنية اخرى يقول فيها

Quote: قدر الله ما مد السماء فى قلبى ريدك مددو

سلامات اوسلي منور بيت البكا

مع الإصرار وجمال المعاني

نجد قوة الكلمات

مثل : تجتاح .. يهدر ..

فعلا لا نملك سوى ان نبتهج ونطرب في حضرة النمر والنجار

قدر الله ما مد السما في قلبي ريدك مددو
وزي ماتدور في قلبي سوْ ما انت أصلك سيدو

يا اوسس لي ي ..

Quote: قدر الله ما مد السماء فى قلبى ريدك مددو

عليك الله ما لي حق في كلامي بتاع المرة الفاتت داك ؟؟ الشافني عملتها ما كضب

سمعنا حاجة من جوهـ .. اي حاجة من المبكيات المعروفة ..

وديني وايماني دي مانا برضو

دي العزيزة المابتسأل عن ظروفنا
بعدين اتحرك
لسة عليك الصيوان والسكر وحب الشاي

وأبعد لينا من الكشف وكشف الحال

Quote: ما قلتو نــــــوبة ..

كويس يامعتصم انك متابع عدم ( النبونه دي ).. الناس تبكي بالدس ويجو يقولو ليك تمبس بقى بكاي ..
ياخ نحن والله من ( الخبره ) الشديدة الواحد بقى يبكي بالعين ( الشمال ) والعين ( اليمين )عامله ( باكب )

وكت أصلك جبتى السيرة

تعالى نتكلم عن ميرغنى النجار . هذا الصوت الدافى والغناوى القوية واللحن المميز جدا فى كل غناويهو زول عميق . منذ زمن بعيد الزول دا فنان لدرجة تجعلك لا تشعر به وهو بينساب فى مسامك وتحت جلدك ثم يتطور ويدخل العضم عديييل كدا

فنان صرر

وانت يا بت الذين بتعرفى محل الناس بتتوجع

تمبس . عارف البوست دا لو مخصصنو لى كنت بأدفق قدام الناس ديل وما بهمنى كان شالوا حالى

أقول ليك أدينى توكيل وأطلع منها

الملكة: الله يازاك

Quote: تعالى نتكلم عن ميرغنى النجار . هذا الصوت الدافى والغناوى القوية واللحن المميز جدا فى كل غناويهو زول عميق . منذ زمن بعيد الزول دا فنان لدرجة تجعلك لا تشعر به وهو بينساب فى مسامك وتحت جلدك ثم يتطور ويدخل العضم عديييل كدا

يسألني الله ياود العجمي نضمك دا دايرلو سلكاي ويتغنا

ووصفك دا بالظبط على مقاس النجار النسمة

ووصف النمر برضو ظابط(( يجتاح المسام ))


تمبس شايلو موج يديهو موج

وزولة تختار الأغنية دي والنجار
معناتو زولها10/10
والينبهل عديييل كدا

في زول ياود العجمي قاليك : ليك شوق والله شوق ؟!

يلا بي ريدتنا نرحل برا دنيا الناس في جنة

[B]والله يا ود العجمي اتفرتنت رقدت

شكرا" لملكة سبأ للكلام الجميل

نورا ياشوق عمري كلو نورا يالهب المشاعر

كيف تلاقينا وتفارقي زي حلم فى لحظة عابر

الزمن من جورو أصبح حتي للاحلام يصادر

وأصلو ظلم الدنيا خلي الناس تشوف الناس مظاهر

واعذاب قلبي الرهيف الله ليه سواني شاعر

سر عجيب والحكمة بالغه ربنا القسم المصاير

قسمو للناس السعاده وقلبي قسمولو الدرادر

داير احكي وداير اشكي وداير ابكي وماني قادر

مالقيت ليك الا آهه وآهه يا فرحي المسافر

قلبي من آلامو ينزف مالجرح في قلبي غاير

حتى اتمنيت بدونك يومي ما القالو باكر

لو تعرفي انا كم بريدك كان عذابي لقيتلو اخر

والبحب تكتر عوازلو ومستحيل يلقالو عاذر

الملكة

الأغنية جميلة بحق

ومعروف عن غناء الشايقية صدق الكلمات وقوتها

Quote: ملحوظة : البوست على مسؤولية صاحبه وست ريده

اها في داعي للبشتة والبكاء دا كلو

وتقعدوا تدسوا لينا وراء تمبس دا

هسه عليك الله تمبس دا ما زول الله ساااااااااكت ومسكين

(وش خائف من كشف الحال ياتمبس)

Quote: لسة عليك الصيوان والسكر وحب الشاي وأبعد لينا من الكشف وكشف الحال

ومعتصم دا اوعى تمسكوهو اي كشف

ولو مسكتوهو انا برا لأنو بحولو لي كشف حال

Quote: اها في داعي للبشتة والبكاء دا كلو

داير احكي وداير اشكي وداير ابكي وماني قادر

Quote: هسه عليك الله تمبس دا ما زول الله ساااااااااكت ومسكين

ما في خيارات ؟!

Quote: ومعتصم دا اوعى تمسكوهو اي كشف

ولا كشف الدكتور ؟!
عشان يكشف لينا على تمبس ونحِن عليّ

منورة يا انعام ياقمر

ازيك يا ملكة

مالك علينا ومالك بينا ؟؟

Quote: شوق النسائم للخميل شوق الفراشات للزهر شوق العصافير للصباح شوق العتامير للمطر يا نسمة شوقك ما قدر راجيني من قبل الخلق

كنت عاارفي الكلام حايهبشك ياشرروم

Quote: ومالك بينا

Quote: انا الراجيك تكتب لينا كم دفتر وكم كرَّاس منَّها داير أفصِّل جبة وانْدروشْ .. وكمان طاقيِّى فوق الراس ومن كلماتا أسوى السبحى والبخرات وكم حجبات أداريبن عيون النَّاس كمان تقروقة .. وفى محراب هواك اجلس مع الجُلاّس

العزيز تمبس كيف حالك واواحوالك
طبعا انت مارحبت بي كوني عضو جديد لنج
وحضرت معكم إحتفالية الأستاذ ابو جهينة وكنت آمل
ان اتعرف علي اكبر عدد ممكن من الأعضاء ولكن معليش
يبدوان الزحمة وضيق الوقت لم يسمح بذلك0
عموما القصيدة غاية في الروعة والجمال وذكرتنا بإيام
الشباب وهيجت فينا القوافي وساعتبر هذا بداية تحدي
للكلمات الجميلة المعبرة بقوة 0

أخوك هاشم احمد خلف الله - رابطة ابناء الصحافة
الرياض - وزارة الخارجية السعودية

هاشم خلف الله

ليكا من غير ماتقولي سلام
بقول أهلا حباااب

يعني يا ملكة عارفة طرف السوط بيصلنا ورغم كدا تناولينا (حمطة) مع سبق الاصرار

Quote: قوليلى يا أنبل غرام قوليلي يا بدر التمام لو مُت بالشوق والهيام عهدك معاي ما بنتفرق (( والعهدة على الهادي/ة))

والله يا ملكة دي جرسة مابعدها جرسة الله يكون في العون ساكت.
قايلني بنساك في صُحاي ما قادر أنساك في المنام

نحن الليلة يحلنا الـ ( لا سهى ولا نام ولا أكل الطعام)

Quote: مع سبق الاصرار

ومشكلتك حكم الهوى بالذات
نص المادة الفيهو تقول :
(( لو قتل (الشوق) عاشق عمدا ، العدل مع القاتل على طول ))

Quote: قايلني بنساك في صُحاي ما قادر أنساك في المنام

لاحظ النجار دا ياشرووم مش قاصدك عديييل :
الشوق وريدك فى ضميرى بلا حدود
سهران وراك عيونى باكي ليالى سود

ودا باقي المناحة :
بين يوم وليلة ودادك اتبدل صدود
يبقالي عاد الفرقتنا دى عين حسود
أنا بعشقك ليه الحواجز والسدود
تابعت قول عزالي ولا بقيت جحود
احكم علىٌ واخلاصي ليك وحبى الشهود
وبي نظرة فيها شفا مواجع قلبي جود
يا أنت يانور الامل وزينة الوجود
صعبان علىَ صدودك الفات الحدود
صافيني مرة وانت عندى نجم سعود
خليني افرح ولي صدى الايام يعود
اهواك لافتنتني قامة ولا خدود
وزيك ولا زهر الروابي ولا الورود
ولو جابو يوم لى قلبي سيرتك ياودود
جابو لو سيرة الحور وجنات الخلود


للالايلا لايلاللا لايلا لا

تمبس

...
...
معقول

يــا..
بــت
أول حاجة ( ست الريد ) .. دي احسن زولة عارفه مزاجي .. بعدين بي الطريقة دي ببقى علي اتنين .. ( بكأ وشليخ لا ورا )..
ياخ انا احب اي حاجة حلوة في الدنيا دي ..
اي حاجة لذيذة ممكن تغير طعم الحياة دي

Quote: ياخ انا احب اي حاجة حلوة في الدنيا دي ..

ياخ براحة على بورد بكري دا!!

أرجع لود العجمي وتعال نتفاوض









انا عارضة الباص ويرد بتاعي للبيع

الملك


معقول ولا مامعقول ؟

Quote: وديني وايماني دي مانا برضو

يعني نطيتو عالم جبانات بشكل ..

Quote: دي العزيزة المابتسأل عن ظروفنا بعدين اتحرك لسة عليك الصيوان والسكر وحب الشاي وأبعد لينا من الكشف وكشف الحال

خلاس يا ملكي شغلتي كلها تبقى في الصيوان ولمليم الكراسي ..
ليكم يوم يا ظلمة ..
هسي صاحبي الكاشف دا بقى مورط مورط ..
غايتو يا تامبا انا في الحاجات دي بنكرك عديل كده وبكب الزوغة في أقرب ملف ..
بعد دا خلي رئيس العصابة يجي ويقول أنا زاتو بره منها ..
أها بكره مارقين واحد ..
يلا أسقطوا واحد واحد ولا نامت عين العزابة ..

Quote: خلاس يا ملكي شغلتي كلها تبقى في الصيوان ولمليم الكراسي

ما اختك الملكي زاااتها كل ما يندق صيوان في البلد دي شغلتها تبقى في السكر وحب الشاي



لقط لينا الكبابي ديل معاك

ورسل لينا السفنجة المشهورة ؛ عندي مقاسات آخدا وبعد داك بوريك صاحبك مورط قدر شنو

Quote: لقط لينا الكبابي ديل معاك ورسل لينا السفنجة المشهورة ؛ عندي مقاسات آخدا وبعد داك بوريك صاحبك مورط قدر شنو

معتصم اعمل حسابك دا فخ عدييييييييييييييل كدا

يقوموا يثبتوا عليك السفنجة اياها

وتبقى بالثابتة عليك ومحل تمشي السفنجة تبراك




تخريمة:

بدل يقولوا العديلة تبراك

اها انت السفنجة ح تبراك

هو البكا زاتو ما خشم بيوت
بس الاغنية سنينة شديد

Quote: الاغنية سنينة شديد

وانت قايل الناس دي بتندبح بالساهل ؟!



حبابك الف طارق جبريل

Quote: نورا ياشوق عمري كلو نورا يالهب المشاعر كيف تلاقينا وتفارقي زي حلم فى لحظة عابر الزمن من جورو أصبح حتي للاحلام يصادر وأصلو ظلم الدنيا خلي الناس تشوف الناس مظاهر