لا برعي انا ولاني ماحي اصلي متخصص في السمحاي عيونــي بصيـرة لماحـي تصيـب مابتخيب رماحـي *** نكتّر لى الله الحميدي الظهر حاضر في اب حميدي رحلة التوفيق سعيدي ولينــا قربت البعيــدي *** سواقـــة وراثـــة ودراسـة مو جربنديي وعواسة رزانة وحكمة وفراسة ودي كان ود اب زيد اساسها *** أخيــرا التوفيق السياحـي ياياسيكــو

br>

>
br>

>
**
Save @ PC

الملكة

مالك علينا في الليل دا..الشكر كله علي صديق احمد والغنا البسافر جوة الجوة..والسفر الي حيث يهوي القلب ان يكون الان

شكرا
الود والتقدير

عبد الله جعفر

Quote: يلقط نوع في النوادر يشيل يودي البنادر مخير عاد والله قادر هن ماهن شبه الدرادر

يامرحب عبد الله جعفر
برضو في الليل دا سافر مع القلب وبالتوفيق السياحي مكان إندفنت الصرة وبتقت حنين أصله ثابت وفرعـه في السمـاء رغم ضجيج الزمن وصخب الحياة التي أخذتنا بعيدا عن ارض ستظل العشق ماجرى بأعيننا ماء الحياة ، وعن ناسا محل قبلت القاهم معايا معايا زي ضلي ..

التقدير كله ود البلد

يا الملكة إنتي الأغنية دي نكتيها من وين
أمجاد سائقي الباصات واللواري ما قبل الشريان
وسفريات التوفيق ما بعد الشريان
أغنية تعبر عن مرحلة ما بعد الشريان بثقافة ما قبل الشريان والتي كانت الصولة والجولة للسائق الماهر الذي يتمتع بشعبية كبيرة لدى الركاب
وصديق أكثر من مجد هؤلاء بأغنيته المشهورة
وين ياصبر جرا البلد مالك هاجرا
وأغنية عاين في الكرسي واحد وسفريات التوفيق التي غيرت أسلوب السفر ومفاهيمه ومعاناته رأساً على عقب.
وكثيرة هي الاغاني التي أصبحت تراث.،، وكم من علاقة حب نشأت في السفريات التي كانت تطول لأيام وأنتهت نهايات سعيدة تكللت بالزواج وكم من لقاء وحب نشأ خلال تلك الاسفار ولم يلتقي الحبيبان بعدها أبدا وأصبحت العلاقة في طي الذكريات
ذكريات جميلة أحيانا ومؤلمة في بعض الاحيان تحتشد مخيلة كل من طرق هذا الطريق، كم من علاقات أسرية نشأت من سفرية وأمتدت لسنوات طويلة
كل ذلك أصبح اليوم مع سفريات الباصات الفارهة المكيفة الهواء من ذكريات الماضي بعد أن أمتد الطريق المعبد ليختصر الزمن وقلل الاخطار والاهوال وسنجد قريبا النساء وكل من لديه قدرة على قيادة سيارة يستطيع الوصول لأي مكان بسهولة ويسر
وأرجو أن تكون ملكة سبأ من بين تلك النسوة لتفطر في الخرطوم وتقضي الويك اند في ديار الشايقية لتعود لعملها في صبيحة السبت على أمل اللقاء بهم في الاسبوع القادم
ولكن لماذا توقف الطريق الطريق عند الملتقى؟؟؟؟؟
بهذه المناسبة سوف أحكي لكم طرفة موجعة
سافر أحد الظرفاء من منطقتنا قبل ثلاثة سنوات في رحلة مضنية حتى وصل منطقة قنتي ووجد الطريق المعبد الطريق الذي كان يحلم به قد قطع الصحراء من أمدرمان ووصل ديار الشايقية ووجد لوحة كبيرة كتبت عليها (الملتقى) وكانت فرحته عظيمة وقال في نفسه ربما خلال عام أو أقل سيصل الطريق إلى حلفا ويرتاح من معاناة السفر الى الأبد ولكنه بعد ثلاثة سنوات وهو في طريق العودة الى موطنه توقف الباص في إستراحة الملتقى ووجد الطريق لم يتحرك قيد أنملة ترجل هذا الظريف وسأل احد أصحاب المقاهي في المحطة .. لماذا كتبت عبارة الملتقى في هذه اللوحة؟؟ أجاب صاحب المقهى لأن هذه النقطة هي ملتقى الطريق القادم من الشمال الغربي عن طريق دنقلا الدبة والقادم من الشمال الشرقي من مروي... تحير الرجل قليلا ووبداهته وسرعة بديهته قال المفروض يكتبوا هنا (هنا نهاية الطريق وبلاش ضحك على الدقون)
المهم أمنية أهل الشمال المهمشين أن يمتد هذا الطريق حتى نهاية مساره لكي نغني معكم بسفريات التوفيق أوالاسكلا أو حتى أفراس

أجمل حاجة ....سمعتها بعد سفرية متعبة ....

وغياب إجبارى .....من البورد....

هل لديك المزيد لا تبخلى به علينا

ناجي
يوجد الكثير المثير

ماعندك مشكلة ، هنا نرفع وبالدرب نرسل ليك .. أبشر تب

مرحب حبيب بلدو
انا برضو حبيبتي بلدي
حاجيك لحكاوي السفر قديما وحديثا والعلاقات التي تنشأ خلال الأسفار..

وكدي شوف صابر جرا لمن كان بيغنو ليه ( الرملة قيزانا مقنطرة جا ماشي فيها قطع مسطر) والغنا حاليا (مريح سفرك كالسباحي) قمة اليسر ..
اما طريق الشريان وللملتقي مشتركين فيه سوا يعني مانقدر نقول انه دا تبع منو.. حاليا الشغل تقريبا مستمر بقطاع تجاه مروي وقطاعين او تلاتة اتجاهكم .. ربنا يهون وادعو معانا باليوم اليصل فيه التوفيق لخشم بيوتنا ..

اخيرا
ظهرت

الملكة

عودنا حميدا

وان شاء الله تواصلي


ولي عوده

إنشـــاء الله عبد الله بابكر
تحياتـــي

Quote: عاين في الكرسي واحد تآمن بى الله واحد

أنا عاينت وآمنت بأن الله واحد وآمنت بأنك شفيفة ودائماً تكشحي فينا موية غسيل إبداع الشايقية وأنا سبق وقلت ليك أنا بريد الشايقية لو تذكري ...
الملكة عليك الله ما تغيبي تاني
لا أخفي شوقي الحاااااااااااااار

Quote: عليك الله ما تغيبي تاني

وحقيقي انا مابقدر ، علشان في الزي بدر الدين هنا ..
تحياتي ياسمح .. وماحكيت لينا عن اماني وشعورها ..
عندنا بنية ماشة عليكم ، لوايمليي معاك حاول نتفاهم ..

الأخت الملكة

صديق أحمد عمق وغنى الصوت وحنيته


أشكر لك التهويمة معه فالكثيرون (آمنوا)


ودمت ,

العزيزة الملكة
الشكر مرة اخري

ياسيكو وينك...تفتقدك الساحة تماما..حاولت الاتصال بك وفشلت

عبد الله جعفر

الملكي سلام
اشكرك لامن امشي البيت
انت مالك ختيتي الأغنية باسمي "ما بقى ينعلونا بالغنى"
اقولك: "غنانا ولا الحديث الني"
او كما قال حميد

ملكة سبأ آسف للخرمجة خارج الموضوع.

يسن أتصلت عليك فى المكتب وتركت لك رسالة أرجو الاتصال ضرورى.

سيف

ملكة سبأ

الله يديك الفي مراضك
صديق دا مكانته عندي مافي زول بشاركو فيها
تعرفي اول حفلة احضرا في طفولتي بفنان غير النعام ادم الله يحمه
و محمود النعام كانت بصديق احمد الشاعر،،و كانت فيها لمبات كهربة
و دا كان حدث اهم من طلوع الانسان للقمر،،و ما كنا عارفين نفرح
بصديق و لا بنور الكهربة،،،و مانومنا فوق قيزان الرملة اليوم داك
لانه الحفلة ما كانت حفلة نصاحي
يا الله علي هذه الذكريات التي تمري امامي الان حية نابضة،،دا كان
زمن الجزيري بقت مخادة وتاني ختت طين زيادة
و اللمبة ان قالت بق،،وحسن جا، و ازيدك من الشعر
بيت ملهمة عبد الله محمد خير قصيدة اللمبة و حسن جا قريبتي لزم
و لم يشفع لها جمالها الفائق فقد لاقت عنت لا يطاق في حياتها
وهذه قصة اخري لا اريد ان اعكر بها صفو هذا التداعي الحميم
تحمل الزكريات فرح و اسي و تهيج الاشواق في علينا في بلاد كتاحتها
حبيبات جليد و نحن من نشأنا علي جفاف طبيعة و نضرة دواخل الناس
السمحي


اضحك هنا بما يعني الفرح و عكسه
وبكا الرجال ضحك يا ملكة نواحينا
السامقة

اهههههههههههههههههههههههه
وبس ولو بس _تفيد_

الملكي
سلام
"ان شاء الله الغيبة جابت حق سفرتا لي حش التمر"
حمدا لله على السلامة
اشكر اهداءك
إن هذا الرجل الأمي لرحمن "عبد الله محمد خير" ، يطيِّع الكلام وفق ما يريد
يأتيك بالسهل الممتنع ، "وادعوك الآن للتفرس في انواع
الجناس المستخدمة في هذه القصيدة"
ثم يأتي هذا الفنان العظيم "صديق أحمد" ويضفي عليه ما لا استطيع وصفه
ولكن أحسة فيقتلني مرات ومرات
عموماً أسأل الله "محل ما تمشي تلقيها ماخدالا رشا
وتكسحي بالنور والمنشة"
نريد أن نسمع المزيد "العيد المضى"
لكل جل احترامي