انا ماني سيدنا ايوب .. ولا بهادن الدودة *** (خالد الحاج)

رباه اني قد مسني الضر ....
ضراً قصد زولة قواها مهدودة
جارت عليها ايام وشلة قلوب سودا
لا شفع ليها قلبا غير ولا ايادي ممدودة
***
هادياهو حب الخير متعدية حدوده
ضمت صغير وكبير
خاتياهو مبدأ الفرز
فرشت حنانها حرير
شاهدالا دودة قز
***
وجبلا وقف محتار
مامصدق جزاء الأخيار
من فوق راسو زى سنمار!!
وثبتت ابت تتهز
***
لا رفضت سعادة الغير
ولا سحبت بساط الخير
ولسع ملاية حرير
مع انه في اشواك هى مشدودة
***
كاتماها قولة اوب
بسمت معاه الآل
صبرت على المكتوب
لعقت ترا الآمال
والفيضان بيجبو النز

ياخال الكلمات دى كتبتها وانا كنت في محنة احتمال تكون مشابهة لحد ما
كنت مدورة جواي شديد وبديت اكتب وكان في نيتي إعلان التمرد واني سوف لن اصبر ...
لابد من ان اتعامل مع كل بمايناسبه ... لن القى بالا لكل من يريد اثنائي عن هذا الأمر ، ولن ينفعنى ما اوصف به من اننى لابد ان اكون (الأحسن) وان على وكديدني ان اصبر وان اتعامل مع الأمور بروية (وطولة بال) ..
سآتي (بوجه كرتون) والونه كيفما يريد الموقف اذا كنت اريد ان اعيش وسط غابة متنوعة الوجوه كانت تتبدى لي حينها ، او لابد من ان اتحول الى سم قاتل كي اسلم من اذى الديدان التي تنخر لتنال مني ..
كلمات كثيرة جدا تراصت وتزاحمت داخل راسى كى تحرضني ...
مسكت قلمي وبدأت اكتب ما كان يملأني حينها وانوي فعله ، فبدأت بتلك الكلمات كى تكون عذري لدواخلي التى كانت تتمرد على وتضايقني وتحاول سحبي الى ما اتعودت ان اكونه ...
عشت صراع داخلي رهيب وتنازعتني نفسي بين ان اظل في مربع الخير او ان ااتنقل حسب ما تقتضي (اللعبة) ؟؟!!
وكان ياخال ان غلبتني طبيعتي قبل ان اكمل مابدات كتابته ... آخر كلمة علمتني سياسة البحر وهو بدوره غسل مابدواخلي واطفأ النار التى كنت اولدها من (لا يفل الحديد إلا الحديد) وعلمنى ان اردد

وزى ما العكار من طين كمان من طين يجي الرواق

ياخال ما محتاج مني اى كلمة اقولها في حقك ... وحبك للناس الذي نلمحه في كل زاوية من خلاياك وتسامحك هو البنتصر لخالد (ود الناس) وهو المطمنا انك باقي قلب نابض لهذا المنبر ...
وهو الذي يولد احترام الجميع لك صديقا او عدوا (ان كان لك) .
ولك التقدير والتجلة ...

الملكة..
ما قلت ليكي الشايقي ما بريد الشكر..
أعرف أعدائي يا ملكة يعلم الله ..ولكن جائت من الأصدقاء؟؟
إتخذت قرار ولم أندم عليه..هي قناعتي وإن كره البعض..
لهم ذلك ..لكن أشد ما أثار حيرتي تحولي إلي ظلامي في تكة مواوس؟؟
والحمد لله أهي تجربة علمتني الكتير.ولا أحس بغبن تجاه أي شخص
وما وجدته من محبة وتفهم من الناس الجميلين يكفيني العمر كلو..

القصيدة جميلة ويظهر إنك إتزنقتي زي خالك
بس أنا في الشعر أشتر..

شكرا ليكي وياها المحرية..الشرايط وصلت
والغنا جميل ود النصري وجعفر السقيد
ولما النفوس تهدأ نعمل أسبوع نسميه أسبوع البهجة
ونغني.

خالك ممنون ألف

لوووووووووول ياخال
شعر شنو؟
عايز تقوم على الناس مالك ؟؟
احيانا ياخال تشعر بخذلان اقرب الناس ليك حتى من نسميهم اصدقاء لذلك يكون اللجوء للصحبة المضمونة (الورقة) فنجدها خير سلوى
وتذكرتها عندما وجدتك في موقف مشابه فعلا وكانت قناعتي ان الغلبة ستكون للدواخل النقية .. ولابد من هزيمة الشر بمزيد من الخير
والكراهية بمزيد من الحب ..
بس ياخال في وجود قليل من الحرص
شفت ياخال بت اعمك الليلة اتقلبت حكيم عدييل (ههه)
وانا زاتي شغلانة خال وبت عمك دى ماعارفة لافقة كيف !!
لكن هو الاحساس الذي اعطيته للجميع واحسوه
ورايك شنو نهدي النفوس بأسبوع البهجة دا ؟؟
وانا من امس بقول فيها .. وين الغنا الجميل ؟
عشان نعرف نروق ياخال

ملكة سبا الكلام جميل ورهيف في رهافة احاحسيسك ، انتي وين يازولة ما قلنا ليك كل سنة وانتي فوق يا الملكة ، ويا خالد الحاج لايعرف الطيب الاالطيب ولو الناس منتظرة تقدير ولا كلام طيب من اشرار البورد ابقى انقلبت الموازين و-الاناء بما فيه ينضح - فانت لانك تدرك تلاعباتهم تظل الاخر يا خالد ولا بد من تطفيشك فارجوك ان تلزم اليقظة والحرد وتفويت مخططاتهم ضد البورد .

يا سلام على الكلام الجميل يا ملكتنا ، وانا لسة بالمناسبة منتظرك في قهوة الشريان . وأسمحي لي أن احيي عبرك إبن العم الرجل الطيب خالد الحاج وأقول ليهو خلي حلمك أكبر من غضبك .

كله من ذوقك او قصي
وانا احي معاك خالد
واعزمكم الاثنين على كباية شاى منعنع في قهوة ام الحسن
وجاياكم ...

عشة بت فاطمة ليكى القومة والرفعة
ورأينا خالد ينضح ادبا وخيرا لآخرين

Quote: فارجوك ان تلزم اليقظة والحرد

لو الخال اخذ بنصيحتك دى نحن حلنا يكون كيف هسي ؟؟
فعلا الحيطة والحذر والحضور هما مايجب فعله
لك تقديري