Post: #1
Title: ارقد على حضنـك انوم تملانـي ريـد واملاك غُنا *** بحـر الشعاع (نصري ياهوي)
Author: ملكة سبأ
Date: 04-27-2004, 00:53 AM
Parent: #0
الدنيا صح فراقة
ما ا نتي صح فراقة
لكن القلوب يالدنيا مداكي الامان
وعشم المسافرين الرجوع
ولو ماكدى ماكان في زول فات المكان
وانا لى حبيب يوم دار يسيب
قال لى قريب
برجع عشان نبني البيوت
نرسم خطوط الضو على طول المكان
***************
يالله وين .. ياربي وين
يالله وين خاتم
في رمشة العين الابت بالشوق تنوم القاك هنا
ارقد على حضنـك انوم تملانـي ريـد واملاك غنا
ما انت يابحر الشعاع الشمسو غابــت مـن سنة
لسـة بيغسل قلبي نورو اشرقني ياضـى الهنا
يالله وين .. ياربى وين
ياالله وين خاتم المنى
يالقمرة وين للسنسنة
لا حتى في طرق الشعاع المن زمان فوقك بنى
هيا اقلبى الصفحة العلى السما من هناك
مـادام هنـا
زولى البيدى الدنيا نور .. ضّلم رحيلو الامكنة
يالله وين .. ياربى وين
ياالله وين خاتم المنى
وتراهو زى ما الطيف يمر الليل ..اليوم يمر
والعـام يمـر
وانا في الدريب الكنت بيه الم أتر قدمك واصُر
ارجى المسافرين وانشدن
هوى في المدن ماشفتو زول شايل بشاشات الفجر!
مـزج الصباحات بالمغيب لـوّن خدودو من العصر
يالله وين .. ياربى وين
ياالله وين خاتم المنى
وآه يالبيوت .. آه يا البيوت.. آه يا بيوت
لا دق بــاب ..
لافات حيطنا العنكبوت
وانا لسة راقد في الرصيف
راجيك تقيف قدامي قبال ما اموت
الدنيا من بعدك يباس
انشرّ في الوديان سكوت
يالله وين .. ياربى وين
ياالله وين خاتم المنى
يالله يوم كـدي بالنهار فرح المواسم نفرعو
صوت القطارات من بعيد فوق الفلنكات نسمعو
اشواقنا والناس الزمان كل المسافرين يرجعو
المح حبيبي من بعيد يهجم قليبي ويقطعو
حزن السنين الفينا ساد انا وانت سوا سوا نقلعو
يالله وين .. ياربى وين
ياالله وين خاتم المنى
[/B
|
Post: #2
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: ملكة سبأ
Date: 04-27-2004, 01:24 AM
Parent: #1
كلمـات خالـد الباشـأ
الحـان ود النصـري
البهجـة الفـوق دي
ليـك ياخـال (خالد الحاج)
وياياسيكـو واوسلـى وينكـم؟
يا ابوقصـي افزعنـا
وقريـب هنـا لود العجمـي وابويسـرا
مامـان والقريـر وإبراهيم سليمان
والأروتـي الكيك
وكلكـم ياقبيلـة تعالـو اقيفـو قـدام
اساتذة الفـن موصلـى وحمزة الشفيـف
تمبـس وعمك تنقـو
الجندريـات بلا فـرز
ثلاثي الروعـة جـورج .. شتـات .. المـطر
ودعونـي افـرز مساحـة لصديقـى كبـر
وليكـم عمـوم بـورداب الدنيـافـردا فـردا
وبـورداب الخرطـوم أخـص
إهـداء التخـرج المرتقـب
والإغنيـة جااااهـزة إستعـدو ونضفـو اضانكـم
والمابتعجبـو يرجعها لـى
أكـرر ذكـر الأسمـاء ليـس للحصـر واى زول تقـوده قدمـاه إلـى هنـا يقـول شكررررن (ليه)
|
Post: #3
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: Raja
Date: 04-27-2004, 01:37 AM
Parent: #2
الملكة الكامل جمالك..
تـمـام..
|
Post: #4
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: ملكة سبأ
Date: 04-27-2004, 01:42 AM
Parent: #3
رجويــة
شكـررررن ليك
خليـك قريبـة نهديـك اللحـن
ليك المحبـة
|
Post: #5
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: osly2
Date: 04-27-2004, 02:16 AM
Parent: #4
يالله وين .. ياربي وين
الملكة تتخرج متين
الملكة عادت كم فصول
عاست رماد بدل العجين
قالت ينضفوا للاضان
شوفوا العواسه الدون طحين
وتراهو زى ما الطيف يمر الليل ..اليوم يمر
والعـام يمـر
والملكة فى اخر فصل
لا تمبس المسكين نفع
لا خالد البشرح دوام
تعبان معاك فقد الامل
يا ملكة قالوا الناس زمان
ابرم حبال فتلك تمام
بعدين تعال لم الاهل
غايتو يا الملكة الناس اتلموا وراجنك
وبينى وبينك أنا متفاءل انو حول الليلى بنسمعا
|
Post: #6
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: ملكة سبأ
Date: 04-27-2004, 06:04 AM
Parent: #5
Quote: يا ملكة قالوا الناس زمان
ابرم حبال فتلك تمام
بعدين تعال لم الاهل |
دى نجرتهـا هنـا
قـال زمـان قـال 
وبعديـن لو رجعـت الفصـل الأساتـذة لسـة ماخلصـو شـرح
وانا ناويـة اجـي ثانيـة الفصـل دا
شيـــل الصبـر .. عـارفة الأغنيـة شديـدة وغلبـك لكـن بـس خليـك قرّيب
وماتبقـي متفاءل كـدا
ولـو غلبـك شدييييد شـوف لينـا واسطـة فـي دروس التحـت تحـت وبعديـن دا أعلقهـا ليك
|
Post: #7
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: yasiko
Date: 04-27-2004, 06:14 AM
Parent: #1
الملكي
سلام
تسلمي
| Quote: زولى البيدى الدنيا نور .. ضّلم رحيلو الامكنة |
نضم وحات سيدي الحسن
وراجين اللحن وشايف اوسلي داير يشمت عليك
ان بقي علي انا ان بقيت انزل ليك مدحة ما اخليهو يتم شمتو
لكما الود
|
Post: #8
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: ملكة سبأ
Date: 04-27-2004, 07:56 AM
Parent: #7
Quote: اشواقنا والناس الزمان كل المسافرين يرجعو
المح حبيبي من بعيد يهجم قليبي ويقطعو |
نضميـن وحات ستـي مريم بت ابوهاشم
تسلـم ياياسيكـو
دا ود النصرى الكارت (لسة قادر)
لـحن ونغـم وكـلام
اوسلي شدت ما انطرب بقي ينظـم في الحـروف
ولسة الجايهو جايهو
ليكم التجلـة
|
Post: #9
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: tmbis
Date: 04-27-2004, 08:39 AM
Parent: #8
شكرا يابلقيس للاهداء
..
..
بس انا ماشي افرتق الفصل .. زهجان منكم كلكم ..
|
Post: #10
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: ملكة سبأ
Date: 04-27-2004, 08:48 AM
Parent: #9
اهلين تمبـس
وياخ ماقصرتـو والله .. وياريت تنزلوا باقي الشـرح
وشيلـوا الصبـر
|
Post: #11
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: ملكة سبأ
Date: 04-27-2004, 08:54 AM
Parent: #10
ياخــال وينـك انت يااخ
يعنـي يرضيـك نتهـزأ
ولاّ عاجبـاك شماتـة اوسلـى دي
|
Post: #12
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: جورج بنيوتي
Date: 04-27-2004, 09:05 AM
Parent: #10
Quote:
الدنيا من بعدك يباس
إنشرَّ في الوديان سكوت
|
إهداء مقبول و ... ننتظر
|
Post: #13
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: ملكة سبأ
Date: 04-27-2004, 09:19 AM
Parent: #12
Quote: لا دق بــاب ..
لافات حيطنا العنكبوت
وانا لسة راقد في الرصيف
راجيك تقيف قدامي قبال ما اموت |
منـور الحـوش ياجـورج
|
Post: #14
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: nazar hussien
Date: 04-27-2004, 09:24 AM
Parent: #13
يا الملكة...
املينا من غنا الشعر الجميل دا يا بلقيس
|
Post: #16
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: ملكة سبأ
Date: 04-27-2004, 09:43 AM
Parent: #14
Quote: هيا اقلبى الصفحة العلى السما من هناك
مـادام هنـا
زولى البيدى الدنيا نور .. ضّلم رحيلو الامكنة |
خليـك معانـا يانـزار
منتظريـن ساحـر الكـلام دا
|
Post: #19
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: شتات
Date: 04-27-2004, 02:55 PM
Parent: #16
| Quote: مـزج الصباحات بالمغيب |
ليك الشروق .. ليك الأصيل
نور الصباح .. سحر المغيب
عميق الشكر .. وكل الود
صلاح / شتات
|
Post: #21
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: ملكة سبأ
Date: 04-27-2004, 04:04 PM
Parent: #19
ليـك الأفـق .. ليـك المـدى
وليـك تقديـري صـــلاح
|
Post: #73
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: ملكة سبأ
Date: 05-02-2004, 12:10 PM
Parent: #10
،
|
Post: #15
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: essam&amal
Date: 04-27-2004, 09:42 AM
Parent: #1
الملكة
مبروك مقدما
ومنتظرين الروائع
تمبس فرتك الفصل ويجيبنا نحن الطلبة الجديدين وشاطرين
وبعد تخريج الملكة على شرط يا الشوايقة اتلميتوا فينا
ملكتنا
الملكة يا التامة النجاح
يا الهالة زى فجر الصباح
تملانى ريد واملاك افراح
وبحر الشعاع فى سمانا لاح
ودى هدية ليك من ام وضاح
امال
ام وضاح
|
Post: #20
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: ملكة سبأ
Date: 04-27-2004, 04:02 PM
Parent: #15
| Quote: في رمشة العين الابت بالشوق تنوم القاك هنا |
ام وضـاح
تسلمـي ياجميلـة
عميـق شكـري وخالـص ودي
|
Post: #17
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: THE RAIN
Date: 04-27-2004, 10:44 AM
Parent: #1
بلقيس
أول التبادى، شكرا عبيرا على الإهداء السمح
تعرفى زمان، وذات خرطوم بهية وحنينة، كنا نقعد أنا وصاحبى الرقيق "محمد جبارة" ونتونس ونجيب سيرة الغنا الطاعم السمح، ويزعل منى ساعة أقول ليهو
والله يا محمد النصيحة انا فنانى المفضل، النعام
يقول لى مبروك وبخيت عليك، وتانى اقول ليهو
والله غايتو يا محمد، غناك ده كله كوم، وبت البلد كوم
دى بس كانت مجرد "غلغلة" ليهو ساى، لكين ود جبارة غناهو كله طاعم والله، وبالتحديد أنا بريد الغنيوة البقول فيها، "يلا مرجحى لى عيونك، مرجحينا، نحن ما سواح عيونك فسحينا" وبرضه "الحنين"
قلت يا "حُمد" كان داير نصيحتى، ركز بس على محمد سعيد دفع الله، ومحمد سعيد والله نمرة تلاتة طوالى بعد حسونه، وحسن الدابى، يقول لى يا خوى محمد كرم الله ما مدينا فيهو طريقه،
وبعد ما يعرف القصد من سؤالى، يقوم ليك على، يا عربى اتا العرفك بى غنا الشايقية شنو، ومال ناس السر عثمان وعبد الله محمد خير وابراهيم ابنعوف ديل يبقو شنو
المهم يا ملكة أنا زى ما قاعد اقول للجماعة، زى ما فى ناس شايقية بالميلاد، أنا شايقى بالمحبة
فى آخر لقاء قلت ليهو يا زول اتا زمان ما قلت لى عازمك تمش معاى المقل، وينى عزمتك
وتضيع العزومة وسط الإجازة المشحودة اللئيمة، والضحكات العذبة، وأضيع أنا
وتانى شكرا يا ملكة على الإهداء البديع، وراجين السمع، لأنه النصرى ده زول فعلا مختلف وعنده أداء مميز براهو
|
Post: #24
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: ملكة سبأ
Date: 04-27-2004, 04:21 PM
Parent: #17
| Quote: يلا مرجحى لى عيونك، مرجحينا، نحن ما سواح عيونك فسحينا |
ياااه يامطـر انت الخـلق دى قاعدة تجيـب الكـلام دا مـن ويـن ؟
والنـدِي محمد جبـارة(اندي من اللوبيا فـوق الجـروف) لازم يكـون صاحبـك ويكفي بس انه غنى (بحـر المودة)
والقلـوب عند بعضهـا ودار شايـق كلهـا تسعـد بيـك
وخت فـي برنامج زيارتـك (مروي شـرق) كمـان
حبابـك يامطـر وخلينا حدانـا في رجـا محمد النصـري صاحـب الأداء المتفـرد
|
Post: #18
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: JAD
Date: 04-27-2004, 11:07 AM
Parent: #1
الزول أبو عيون كحيلة جار ماري من هنا ..
 ( & )
تحياتي،،،
|
Post: #23
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: خالد الحاج
Date: 04-27-2004, 04:14 PM
Parent: #18
الملكي..الكامل كمالك..
قلت يا بت الأخت (سكاتي ولا الكلام الني)..
دخلت لقيتك شايلة الفال..
ولقيت garjah الحبيب بجمع في شتات شتات الجميل..
ولقيت شتات ينثر الحب..
والمطر خضر روابينا..
ومنتظر النصري يا ملكة ..ومردودالك يا بت العم.
|
Post: #30
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: ملكة سبأ
Date: 04-27-2004, 08:00 PM
Parent: #23
ياخــال نشيـلك ويـن ونختـك ويـن ؟!!!
انت فوق الجمال البتحكى فيه دا زايأد شوية
النصـري ليك وللجميلين ديل كلهم
لك الود والتقديـر
وما اتحرمنـا مـن دخلتـك
|
Post: #26
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: ملكة سبأ
Date: 04-27-2004, 06:54 PM
Parent: #18
تسلـم يـازول
وأدخـل حبـابك الـف جـاد
|
Post: #22
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: تاج السر حسن
Date: 04-27-2004, 04:09 PM
Parent: #1
ياعالم هوى مالكم مفتحين المواجع ، لى قدام...
|
Post: #27
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: ملكة سبأ
Date: 04-27-2004, 07:45 PM
Parent: #22
تاج السـر
دقيييقة بس
نداويك بالتى كانت هى الداء
خليك قريب
|
Post: #25
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: THE RAIN
Date: 04-27-2004, 04:35 PM
Parent: #1
إنتى الملكة فوق جيلا
بس ياكى البغنيلا
ونغنى معاك كمان
شفتى يا سبأية السمو، أهو ريحة الكلام الشهى جابت لينا خالد الحاج الحبيب مارق، قربنا نبرك الفقرا ليهو والله
محمد النصرى والله زول غناى جد جد، سمعته مره كانو متجمعين كلهم مع بعض فى التلفزيون، النصرى، خالد شقورى وخالد شاعر الأغنية دى برضه كان معاهم
ومنتظرنك نحن هسه قاعدين فوق قيفة بحر المودة الخضرا، ومعانا منتظر الطرب شان ينتشى وترقص اللحظات عرايس
|
Post: #28
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: ملكة سبأ
Date: 04-27-2004, 07:49 PM
Parent: #1
|
Post: #54
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: ملكة سبأ
Date: 04-28-2004, 09:41 PM
Parent: #28
"
= >/>Save @ PC
اها ياياسيكو هاك كورة دقيقـك
ولسة ماعرفنا البكتبه جوا الكود كيف
لكن الله في
|
Post: #29
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: ملكة سبأ
Date: 04-27-2004, 07:56 PM
Parent: #1
**************
|
Post: #31
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: ملكة سبأ
Date: 04-27-2004, 08:19 PM
Parent: #29
يلا يامطـر
(قلّـع) ماسـوى الجمـال وحـرر احاسيسـك وتعـال أغـرقك معانـا فـي بحـر الطـرب
وتعـال شيـل معـاى نديهـا لخالـد تانـي
وفعلا صوتنا بحـح ونحن نشد عنه ونسأل :
((ماشفتو زول شايل بشاشات الفجر!))
|
Post: #32
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: خالد الحاج
Date: 04-27-2004, 08:34 PM
Parent: #31
في رمشة العين الابت بالشوق تنوم القاك هنا
ارقد على حضنـك انوم تملانـي ريـد واملاك غنا
ما انت يابحر الشعاع الشمسو غابــت مـن سنة
لسـة بيغسل قلبي نورو اشرقني ياضـى الهنا
الله يا ملكة..
خالك شمسو غابت زمااااان
إلا في ضل الحبايب ينجمع (شتات) أيامي و(المطر) يغسل أحزاني القديمة.
وخالد زاتو تطير عيشتو يشيل معاكم.. وأهديها لي جورج بنيوتي وأبو جهينة وود قاسم وسجيمان
وتمبس الغتيت.
|
Post: #39
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: ملكة سبأ
Date: 04-28-2004, 02:32 PM
Parent: #32
Quote: وأهديها لي جورج بنيوتي وأبو جهينة وود قاسم وسجيمان
وتمبس الغتيت. |
اهـا نشيـل معـاك ياخـال ونهـدي ليهـم ولكـل البـورداب ديل بـلا فـرز
وليك يا ابو حـراز
|
Post: #33
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: Anwar Ahmed
Date: 04-27-2004, 08:47 PM
Parent: #1
ارقد على حضنـك انوم تملانـي ريـد واملاك غُنا
ده الكلام
|
Post: #34
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: osly2
Date: 04-28-2004, 04:07 AM
Parent: #33
Quote: وآه يالبيوت .. آه يا البيوت.. آه يا بيوت
لا دق بــاب ..
لافات حيطنا العنكبوت
وانا لسة راقد في الرصيف
راجيك تقيف قدامي قبال ما اموت
الدنيا من بعدك يباس
انشرّ في الوديان سكوت
يالله وين .. ياربى وين
ياالله وين خاتم المنى |
الملكه غبتى وجبتى
كنت حايم فى البوست الجنبك
سمعت صوت الطنبور جيت جارى
قلت اكيد تمبس والا خالد الحاج
لحقوك بى بخره
الشئ المحيرنى الجماعه ديل
خرجوكم انت ورجاء من دون امنحان كيف؟
اما العمل الجميل القدموهو خالد الباشا والنصرى
بجيهو راجع
تحياتى
|
Post: #41
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: ملكة سبأ
Date: 04-28-2004, 02:50 PM
Parent: #34
قال إمتحان قال
يا أوسلي انا شويـة كدا وعايز افتح مدرسة خاص جدا وبنجيب الخال رئيس مجلس ادارة
واحسن ليك انت تجي تبقي الالفة بجـاي ومع الطنبور دا أضمن ليك الأمـور بتكـون هادية تمامـا..
عليك الله ود النصـرى دا ما عالم !
|
Post: #35
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: yasiko
Date: 04-28-2004, 05:53 AM
Parent: #33
الملكي
الواطة في خشم البعاد
احييك مرات ومرات
لكن بقول مع اخوي اوسلي
مبروك عليك الليلة يا فطومة (ملكة سبأ) انت ليه خرجوك ونحن ليه نطونا
لكن عين ناس اوسلي حارة حروريتن قفلت البوست
وبقولوليك برضو الحسادي كعبي ، وين كود الحفظ وان بقى ما عندك لاقيني على الماسنجر باقي طالبك "كورة دقيق"
Quote: وانا في الدريب الكنت بيه الم أتر قدمك واصُر
ارجى المسافرين وانشدن
هوى في المدن ماشفتو زول شايل بشاشات الفجر!
المح حبيبي من بعيد يهجم قليبي ويقطعو
حزن السنين الفينا ساد انا وانت سوا سوا نقلعو |
لك القومة
|
Post: #36
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: ABU QUSAI
Date: 04-28-2004, 07:56 AM
Parent: #35
سلام يا ملكتنا
سلام يا بت خالي وسلام لي أخوالي كلهم الفي الطريف والفي شبة والفي عسوم وسلام لي كل المزيراب وسلام لي جامع المفاتي وسلام ردم ردم وبالكوم لأخوالي الياسيناب ولي كل شجرة في ساقة الياسيناب . ولي كل عاشق في ديارنا يردد :
وانا في الدريب الكنت بيه الم أتر قدمك واصُر
ارجى المسافرين وانشدن
هوى في المدن ماشفتو زول شايل بشاشات الفجر!
مـزج الصباحات بالمغيب لـوّن خدودو من العصر
ويا سلام ياسلام يا سلام
|
Post: #37
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: انا بنت النيل
Date: 04-28-2004, 10:34 AM
Parent: #36
ياملك ..انت الملك
عايزين ديمة ..ديمة تكون ملك
ملك عظيم...يااااا زول
تميها كلها بالتاة المربوطة ..ومني ليك هدية ياحبيبة
وبوكيه ورد مجهبز في انتظار الخبر اليقين
بعدين نحنا ما من القبيلة ..لكن وحات الله بنموت في غناها ..وبكاها
|
Post: #45
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: ملكة سبأ
Date: 04-28-2004, 03:36 PM
Parent: #37
انـا بنـت النيـل
وانـا انـا بنـت النيـل
ياسـلام عليـك ياحبيبـة ياراقيـة
ونحـن بنمـوت فـي النـاس الـذوق
لك مودتـي وتقديـري
***وإهـــداء خــــاص ليـك ود النصـري***
|
Post: #44
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: ملكة سبأ
Date: 04-28-2004, 03:28 PM
Parent: #36
لا حولااااا يا ابوقصي لمـن قلبـي قـال شــح !!
| Quote: لأخوالي الياسيناب ولي كل شجرة في ساقة الياسيناب |
وسـلام ليـك من سبيقـة جـدي ومنقـة بت عبـدالعظيم وجـدول الباجـور وبابـور عوض إبراهيـم وجنينـة علـي حمـد
وكـل زرازيـر المديـن والمشـرق ، ونـوار البرسيـم ..
ونخـفس بساقـة القاضـي ونفـوت خـور نصـرة وليـك دعـوات حيـران خلـوة القاضـي ولا عنـد الـدرب الوسطانـي ..
الله .. يا ابـوقصـى اسـع مالـك علينـا !!
ليـك التحايـا والتقديـر ياود العمـة
|
Post: #42
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: ملكة سبأ
Date: 04-28-2004, 03:05 PM
Parent: #35
ياسيكـو
الواطـة التكيـل البُعـاد
واقول ليك سر : انا قدمت بين يدي تخرجـي ود النصري دا باقيلك بعد دا البيحميني اتخرج ولا اجي الأولى زاتو شنو؟
اوسلي اظنو انشده بمعنيين ولمن يتفك من رنـة الطنبور دي يجي يلقانا قومناها (بوسطة ومدرسة اوسطى) ..
اها .. بخصوص كـود الحفـظ دحين تعـال شيل كـورة دقيقـك
|
Post: #40
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: ملكة سبأ
Date: 04-28-2004, 02:35 PM
Parent: #33
منـور ياأنـور
ياهـلا بيـك
والكـلام هديـة ليـك
|
Post: #38
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: بدرالدين شنا
Date: 04-28-2004, 02:20 PM
Parent: #1
يا جماعة فيها شنو لو سمينا المنبر دا سبأ لننعم بجمال وروعة هذه الملكة التي دائماً تأتي بالنفيس
تقديري وفخري وإعزازي
|
Post: #43
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: بدرالدين شنا
Date: 04-28-2004, 03:10 PM
Parent: #1
أنا كل يوم أعاين في العنوان (أرقد في حضنك أنوم ...) أقول ياخي ما في داعي أزعجك الناس ديل .. أها الليلة قلت والله اليحصل يحصل ودفرت الباب ودخلت القى أصحابي كلهم راقدين متيمين مخدرين في حضن هذا الإبداع
لكم تحياتي وحضن حروفي
|
Post: #46
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: ملكة سبأ
Date: 04-28-2004, 04:00 PM
Parent: #43
| Quote: يا جماعة فيها شنو لو سمينا المنبر دا سبأ لننعم بجمال وروعة هذه الملكة التي دائماً تأتي بالنفيس |
دا كلامـك يابدرالديـن
امـا التحـت خليـه .. دا كلامـي انـا دي
| Quote: تقديري وفخري وإعزازي |
Quote: ودخلت القى أصحابي كلهم راقدين متيمين مخدرين في حضن هذا الإبداع
|
ولقينـاك مصـدر انـس وزيـادة جمـال ومكمـن إبـداع
لـك المـودة والأمنيـات العذبـة
لـك التبجيـل والتقديـر
وعنـدي حاجة في كلامـك الأخيـر حارقانـي كدى خلينـي اعملهـا:
|
Post: #47
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: Nada Amin
Date: 04-28-2004, 04:01 PM
Parent: #1
الملكة
شكرا لكي و أنتي تعطرين فضاءات البورد بالنغم الجميل.
|
Post: #48
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: osly2
Date: 04-28-2004, 04:30 PM
Parent: #47
سـلام يا الملكه
اوسـلى هين كدى شوفى طريقه لى ياسيكو دأ
شايل كورة دقيقو وحاييم بين البوسـتات
قبيل اتاوقت فى بوسـت عوته قاجه
قالوا ليا قريبك ياسيكو شايل كورته
ويفتش فى الملكه
ياسيكو سـيب كورة الدقيق
احضن معاك قفة تمر
الملكه شارده من الديون
باتت تفتش فى الاجر
يا أخوى ارجع للفصل
زاكر تمام خت النذر
لازم تبكر فى الصباح
أحرص على درس العصر
باكر نشوف شغلك تمام
طنبور حنين موزون وتر
ما تبقى لى زى فلانه
من درجك البخرات تجر
|
Post: #49
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: ملكة سبأ
Date: 04-28-2004, 06:04 PM
Parent: #48
Quote: ما تبقى لى زى فلانه
من درجك البخرات تجر |
اها دي شنـو ياربـي ؟؟!
اوعك كـلام ياسيكـو يكـون صــاح ؟؟
غايتـو ياطيـش الفصـل ماتزعـل قـدم إستقالتـك وبنقبلـك فـي مدرستنـا الخـاصة
ولا جيـب كـورتك تـعال عـلى الطاحونـة
|
Post: #51
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: ملكة سبأ
Date: 04-28-2004, 06:13 PM
Parent: #47
تسلمـي نـدي
وانت تضيئين البوسـت بطلتـك المشرقـة
إتفضلـي امسـك اللحـن مـع باقـة من البنفسـج وخالص الأمنيـات
|
Post: #50
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: محارب
Date: 04-28-2004, 06:12 PM
Parent: #1
الملكة...
إبداع X ابداع
ربنايحفظك عن يمينك وعن شمالك ومن فوقك ومن تحتك
ويجعل لك حصنامن الحفظ ...
ولي قدام
|
Post: #52
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: ملكة سبأ
Date: 04-28-2004, 06:35 PM
Parent: #50
| Quote: أجيكم ماني زاير.. أريت رزقا يغرب سيدو طاير .... يسوقني الشوق |
يالـف مرحـب بريحـة الأهـل
اقعـد عافيـة
وياهلا بالمحـارب
|
Post: #53
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: waleedi399
Date: 04-28-2004, 06:36 PM
Parent: #1
Quote: وعشم المسافرين الرجوع
ولو ماكدى ماكان في زول فات المكان
وانا لى حبيب يوم دار يسيب
قال لى قريب
برجع عشان نبني البيوت
نرسم خطوط الضو على طول المكان |
والله ماشاء عليك يا بلقيس ملكة سبأ الليلة جبتي لينا حاجة روعة ومفاجأة سارة ما كانت في الخاطر ولا الحسبان فلك الشكر والتحية "يا بت ملوك النيل" وللاخوان التحية
وليد احمد
|
Post: #57
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: ملكة سبأ
Date: 04-29-2004, 08:35 AM
Parent: #53
سلامات وليد
ولك الإستمتاع بذلك المدهش وتلك الكلمات الرائعة
ولك التقديـر
|
Post: #55
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: Osman Hamad
Date: 04-28-2004, 10:23 PM
Parent: #1
الله يديك العافية ياملكة سبأ
انا لو كنت عارف انك ح تبدعى كدا.....كان اديتك دروس بالجاسوسية
|
Post: #56
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: HAMZA SULIMAN
Date: 04-28-2004, 11:19 PM
Parent: #55
الملكة
ربنا يحفظك يا غالية
وشكرا كتير
|
Post: #59
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: ملكة سبأ
Date: 04-29-2004, 08:50 AM
Parent: #56
حمزة الشفيـف
القومـة ليـك
|
Post: #58
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: ملكة سبأ
Date: 04-29-2004, 08:43 AM
Parent: #55
ويبـارك في أيامـك عثمان حمد
واهـو لسـة فيهـا
|
Post: #60
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: osly2
Date: 04-29-2004, 07:36 PM
Parent: #58
بجيك راجع يا ملكه
لا زلت انهل من النصرى ولا ارتواء
|
Post: #66
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: ملكة سبأ
Date: 04-30-2004, 05:30 PM
Parent: #60
اوسلـي
( أسكـت كُـب)
|
Post: #64
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: ملكة سبأ
Date: 04-30-2004, 05:01 PM
Parent: #61
مالك ياياسيكـو داير تبـرد سوقنـاوتكتـر شماتنـا!
البخـرة طلعـت ماهـي ولا شنـو ؟؟
نسـوي شنـو عـاد الشكية لبيـدن قويـة 
لا صاحـب لاغيـرو نفـع .. النافـع اللـه
غايتـو قاعـدين راجيـن اوسلـي الكـان يفلـح بغـادي ..
|
Post: #62
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: Elmosley
Date: 04-30-2004, 00:32 AM
Parent: #1
يا ايتها الملكة المبجلة
شكرا لك علي هذا الغناء الملوكي
والطمبور الموخمج
|
Post: #63
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: ABU QUSAI
Date: 04-30-2004, 03:39 AM
Parent: #62
ونخـفس بساقـة القاضـي
الملكة كيف الكلام دا ، ساقت القاضي نحفس بها كدي ساكت ، ما لازم ندخل صالون عبد العزيز ود القاضي وأشم ريحة أم حنونه وأسلم على أمي منتهي بت عبد العزيز ود القاضي وخالاتي نورة والزهرة ودار سلام وعرفة بت الخضر. وسلام لي بت عبد العظيم وخالاتي بنات جدي ا لمكي ود حاج نور .
أماني قاعدة تقلبي ليك جنس مواجع ، غايتو الله يديك العافية يا ملكتنا .
|
Post: #67
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: ملكة سبأ
Date: 04-30-2004, 10:00 PM
Parent: #63
ويامرحـب بيـك ياود العمـة .. ودى دايـرة ليهـا إحتفال قائـم بذاتـه
يا ابو قصي
|
Post: #65
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: ملكة سبأ
Date: 04-30-2004, 05:10 PM
Parent: #62
مرحبـا وهـلا بالأستـاذ
منـور الحـوش
لك الـود والتقديـر
|
Post: #68
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: ABU QUSAI
Date: 05-01-2004, 01:24 AM
Parent: #65
فوق
إن شاء الله يكون خالي عبد الله قعد ليك الكلام سمح . أرسلت ليك رسالة ثالثة بالمسنجر
|
Post: #69
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: ملكة سبأ
Date: 05-01-2004, 11:08 AM
Parent: #68
وقّعو تب ياود العمـة
وزي ماقلت ليـك دي دايرة ليهـا حفلـة براهـا ..
سعادتي بيكم يا ابو قصي لا تضاهى
ويانـاس البـورد اهـا بقـي عندنـا ضهر قوى فى الحلة دي
تحباتي لام قصى والجميـع
|
Post: #70
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: صديق الموج
Date: 05-02-2004, 04:03 AM
Parent: #69
والله يابنية......انت الملكى..وانت سبأ.......وانت الهدهد......وكان ما خايف نضم
ناسا شتر عن حكاية الموت والقبر،كان قلت ليك,وانت..............زاتو.....
ونحن شايقية بالولف وكان مكضبانى اسالى خالد الحاج او زى ما بقول الرائع حميد:
هزى سعن البينا كنك ..
فقد سافرتى بنا الى عوالم تانية..............وجزر بعيدة......
شمينا نوار اللوبى الاصفر.... وريحة القنقر اللخدر...وبرسيم مفروض يرارى ننتاوقلوا
تحت مدينيى مزروبي بى شوك كتر ومحروسي بببركة سيدى الحسن...وهسع ضمةلانى سامعكم
ولانى قادر ارجع.... وزى ما قالت فاطنى بتت خير:
انت بالعافية التخصك فى المصارين تبقالك هدم قرقاب ونعلين.
|
Post: #71
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: ملكة سبأ
Date: 05-02-2004, 11:45 AM
Parent: #70
| Quote: هزى سعن البينا كنك .. هزى سعن البينا كنك .. هزى سعن البينا كنك .. هزى سعن البينا كنك .. هزى سعن البينا كنك .. هزى سعن البينا كنك .. هزى سعن البينا كنك .. هزى سعن البينا كنك .. |
خشيت دغش سعن الدٍّنى المـرفوع على سيبات وفـا
روابي كان قُطاع غنا
وانـت قايـل النـاس (الفُرصة) قاعديـن يغبونـا !؟
وتعـرف يامـوج الشايقيـة دى انـا بعتبرهـا إحسـاس ، لمن تلقي نفسك هائم في الجـروف ووسـط نـوار البرسيـم وقلبـك معلق بينـات شخاليـب سبيـط المديـن ، وكـل ماتسمعلك جنى صفـق يطيـر لا فـوق يطيـر يندق - تطيـر تنـدق ، اقعـد فـي طـرف الحجـرة وأول سلـم على مـوج البحـر وكــورك قـول انـا شاااايقـي ومـافي زولا بكضبـك ..
ونحن مابنحتكـر الجمـال دا لأنه قبـل كـدي جربنا ومانفـع ، وكـت قلنـا نـزرب التمـرة مـن زرزور المديـن ..
ليـك التحايـا يا مـوج وتسلـم علـى الطلـة الفاهمـة
|
Post: #72
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: ملكة سبأ
Date: 05-02-2004, 12:00 PM
Parent: #69
|
Post: #74
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: صديق الموج
Date: 05-02-2004, 05:16 PM
Parent: #72
يالملكى بمناسبة المدين خلينى احكى ليك حكاية ولانها تحمل عبق الجروف وريحة عرق الترابلة
وحزوز الملح على رقابهم تفوق اجمل كرفتات كرستيان ديور وبير كاردن واس تى ديبون خلينى
النهديها لى خالد ولد علويى وود محجوب.والقصة من لسان الشاعر المطلوق حميد:
قال لى واحد من ناس نورى وهو انسان مسكين ويلقى الكلام على عواهنه مرة قاعدين فى المسجد
والامام يتحدث عن خروج ادم من الجنة وكيف ان تلك التفاحة كانت هى القشة التى قصمت ظهر
البعير وقد حذر ادم عنها مرارا وتكرارا من عدم الاقتراب منها الى اخر القصة المعروفة
قام الزول المسيكين قالوا اصلها كان شجرة مهمى قدر ده ما كان يزربا مالو مارقنا من الجنى
ما ترا ود طه عندو فد مدينيى زاربا... الزرزور ما يقدر يصلا.....
هاك المنطق دا يا خرابى،،،،تسلمى يا الملكى..
|
Post: #75
Title: Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو
Author: ملكة سبأ
Date: 05-03-2004, 06:03 PM
Parent: #74
ايا مـوج البحـر تحديـد
سلامــات وعوافـي
عافيييين ليـك وانت نازل بينـا جـرف وطالـع بينـا قيـف .. ومـن عوافـى لـ مرحـب حبـاب .. لا خليـت مديـن لاقنقـر ..
لمـن غطستنـا فـي قلـب البلـد والحكايـات والطرائـف ..
ونفـس القصـة حاصلي فـي بلدنـا .. بيقولهـا عـن ناس ساقي معينـة واصفنهـم يمسكنـة زويلك زاتـو .. وقالـو ورثوهـا عن جدهـم الزرب برضـو القمريـة فـي راس التمـرة وقال ليهـا: ان بقيتـي مرة طيـري..
وطبعا الكلام دا بتـقال وقت الشكـل والمشاغـلات ..
تسلـم انت ياصديق
ودارى اقولك برضو (انت دا بالعافية التخصك في المصارين ، تبقالك هدم قرقاب ونعلين)
|
|