تجمع البشمرقة يحتفل بنادية عثمان (توجد صور)..

تجمع البشمرقة يحتفل بنادية عثمان (توجد صور)..


04-25-2009, 02:26 PM


  » http://sudaneseonline.com/cgi-bin/sdb/2bb.cgi?seq=msg&board=152&msg=1252557825&rn=68


Post: #1
Title: تجمع البشمرقة يحتفل بنادية عثمان (توجد صور)..
Author: عمر الفاروق
Date: 04-25-2009, 02:26 PM
Parent: #0

المريح في كتابة الموضوع العلاقة الطيبة حد الصداقة البتجمعني بي الاخت نادية عثمان ..وعليه ما اتوقع يدخل الموضوع في باب الحسد ولا في باب العكننة ولا في باب المندب حتى ..
لكن الايام دي في موضة طالعة في الرياض كل يومين مفادها الاحتفال بالزميلة نادية عثمان ..
ادام الله محبة الجميع ونادية تستاهل كل الخير لكن هل الاحتفال بنادية كان من اجل نادية ؟؟؟؟
الحق الشرعي والمنطق المقبول الاحتفال المقام من قبل بورداب الرياض بافتراض إنو نادية زميلة المنبر ولا اتوقع إنو بورداب الرياض اقاموا الاحتفالية خارج الاطار ده ديدنهم مع كل البورداب ولو كان في حببة خيار وفقوس في نوعية الزوار ونوعية الاحتفال ونوعية الشيرنق زاتو ..لكن يبقا في النهاية الاحتفال في الاطار ده ..
فجأة وبدون إحم ولا دستور بقا كل يومين تجيك رسالة في الجوال زييها زي رسايل التخفيضات :
عزيزي العميل يشرفنا دعوتكم للاحتفال بقدوم الاستاذة نادية عثمان وممنوع اصطحاب الاطفال المكان حسب الكروكي والشيرنق 40ريال .
للاسف كانت كللللللللللللللللل الاحتفاليات المقامة غرضها التشفي وتصفية حسابات ضحيتها الوحيدة نادية نفسها وان كانت لا تدري..
كلللللل 10 رجال يجيبو معاهم مرتين تلاتة ويأجرو استراحة ويقولوا ليك تكريم نادية ..
الصفة شنو ؟؟ ما تقولوا لي الكلام المعسول اياهو بتاع نادية لا تحتاج لصفة ونادية تمثل المجتمع ونادية شخصية جماهيرية وو و و و ..
الصالحية تكرم نادية وتسلمها درع المحبة ...وماااااا علاقة نادية بالصالحية ؟؟؟
عزة السودان تكرم نادية وتسلمها درع السلام ومااااااااا عزة السودان ونادية ؟؟
تجمع الكيانات يكرم نادية ويسلمها درع بشري ..ومااا هو تجمع الكيانات ؟؟
مع العلم إنو ممكن تلاقي كل الكرموها ديل كانوا وجودا في الاحتفال الاول بتاع البورداب ..
حا يكون من المخجل لو قلتو كرمنا نادية المزيعة ولا علاقة لنا بنادية البوردابية اقول ليكم كضببببا كاضب لانو في مليون مزيع ومزيعة جو الرياض دي بغم ماف زول جابا..!!!!
نادية الاعلامية ومع كل احترامي وتقديري ليها برضو ما زائعة الصيت والشهرة ومعروفة في نطاق ضييييق لا يتعدى نطاق سودانيز اون لاين ..
وحتى في قناة هراموني نادية حتى الان تتلمس طريقها ولم تصل لقلب المشاهد العام باستثناء مشاهد سودانيز اون لاين ..
السم في الدسم هو عنوان كل هذه الاحتفالات ..
طيب يا عمر وانت مالك؟؟؟
والله يا جماعة ما عارف لكن زعلان لي نادية وزعلان من الناس البتحاول تتلبس توب الاحتفاليات وغرضها الممكشوف وواضح تصفية حسابات ..
مؤسف البيحصل ده ..
والله يا نادية ماك مقصودة بي الكلام ده يا صديقة ويا ريت حتى لو لقيتي طريقة تقعدي كتفرجة في البوست ده عشان ما تدخلي في حتة ضيقة وانا متاكد كل مداخلاتك حا تكون نلك الاوشحة هي وسام في صدري وكل الدروع انما هي جسر محبة وكل اللمات بوابات فرح تطرق قلبي ويا عمر اطططططلع منها ..
والله يا نادية الكلام ده كللللو بيطير ليك بعدين في الوزن الخشب تقييييييل والدروع دي براها 100 كيلو :)


تخريمة :
التجمع ده قيد الانشاء بس منتظرين ليهم شكلة كااااااربة كده مع اي تجمع من تجمعات الرياض دي وبعد داك يعملوا الاحتفال الشيرنق تم جمعه مسبقا..

Post: #2
Title: Re: تجمع البشمرقة يحتفل بنادية عثمان (توجد صور)..
Author: عزاز شامي
Date: 04-25-2009, 02:43 PM
Parent: #1

مرات كده يا عمر عندك شلاقة منظمة على وزن الفوضى المنظمة

طبعا الموضوع لا علاقة له من قريب أو من بعيد بمعزتنا لنادية
وغلاوتها و احترامها محفوظين ...

بس اعتقد، و بعض الاعتقاذ إثم، أنو البعض قد تكون لهم أجندة أخرى ...
ما تسألوني منو البعض لاني وحاة الله ما عارفة،
انا جابتني الحاسة الساسة وشورلوك هولمزه مني ساي ادليت بدلوي
بس قراءة لعمر بهدووووووءممكن تخلينا نفهم نشوفو من منظور مختلف




** عاد يا عمر، النصيحة انا زاتي مخلوعة من رقبتي كوني اتفقت معاك في شيء!!!

Post: #3
Title: Re: تجمع البشمرقة يحتفل بنادية عثمان (توجد صور)..
Author: Rawia
Date: 04-25-2009, 03:37 PM
Parent: #2

Quote: عزيزي العميل يشرفنا دعوتكم للاحتفال بقدوم الاستاذة نادية عثمان وممنوع اصطحاب الاطفال المكان حسب الكروكي والشيرنق 40ريال .



أربعين ريال دي ياعمر بتسوي زي شنو كدا في السعودية
يعني بتعشيك؟

Post: #4
Title: Re: تجمع البشمرقة يحتفل بنادية عثمان (توجد صور)..
Author: أحمد الشايقي
Date: 04-25-2009, 03:39 PM
Parent: #3

Quote: أربعين ريال دي ياعمر بتسوي زي شنو كدا في السعودية
يعني بتعشيك؟


تعشيك دي بتعتمد على إنك عايز تتعشى وين يا راوية ...


أحمـد

Post: #5
Title: Re: تجمع البشمرقة يحتفل بنادية عثمان (توجد صور)..
Author: ismeil abbas
Date: 04-25-2009, 03:50 PM
Parent: #4

.

عايزين الصور..يا عمر..

تسلم إنت وتسلم نادية....

إحترامى لك وللمتداخلين.............إسماعيل محمد احمد عباس..

Post: #7
Title: Re: تجمع البشمرقة يحتفل بنادية عثمان (توجد صور)..
Author: خالد عبد الله محمود
Date: 04-25-2009, 04:04 PM
Parent: #5


يعني أنت يا وغد كل يوم ضارب الإحتفالات دي و ما بتقول لأخوكـ عووكـ ؟؟؟


علي الأقل يا معفن ما كنت حأسرق سرامس الشاي بتاعتكـ

Post: #6
Title: Re: تجمع البشمرقة يحتفل بنادية عثمان (توجد صور)..
Author: Rawia
Date: 04-25-2009, 03:52 PM
Parent: #4

Quote: تعشيك دي بتعتمد على إنك عايز تتعشى وين يا راوية ...


خلينا من العشا يا أحمد
مثلا أنا لو عندي اربعين دولار بملا عربيتي بنزين (فول تانك) بعشرين دولار وبشتري حاجات للبيرسونال هايجين (من معجون وصابون حمام وشامبو شعر ومعطر وكريم )

أما لو عاوزة أشتري بقالة بالاربعين دولار لشخص واحد ممكن يشتري كفايته لمدة إسبوع بالاربعين دولار مستريح

او ممكن باربعين دور تدفع فاتورتك الشهرية للنت او فاتورة الكهربا الشهرية او الموية او لكن ما الموبايل لانه بيحتاج لاكتر من كدا
أها الاربعين ريال بتسوي شنو في السعودية؟

Post: #8
Title: Re: تجمع البشمرقة يحتفل بنادية عثمان (توجد صور)..
Author: أحمد الشايقي
Date: 04-25-2009, 05:19 PM
Parent: #6

أوكي ,

عشا في محل فاست فووود (15) ريال كفايـة

عشا في مطعم سوداني (كله درجة رابعة) (25) ريال مشويات وأفوال وكـدا,

عشا في مطعم لبناني (40) هي الاربعين كلها ممكن ثلاث اربع ريالات زيادة

عشا في مطعم خمسة نجوم (100) ريال ما بتحلك .....

طبعا العشـا دا لشخـص واحد, شفتي كيـف ؟؟؟؟

أنا عربيتي (جيب)... التانك فـل (35) ريال ... والبنزين مدعوم كتيـر يعني حوالي ثلث سعر الليتر في السودان ...

لو بتقارني بالتياب, توب سويسري مطرز من النوع .... الماشي حاله ..... (400) ريال يعني (115) دولار ...

خلاص يا راوية ؟


أحمـد

Post: #9
Title: Re: تجمع البشمرقة يحتفل بنادية عثمان (توجد صور)..
Author: سيف الدولة كامل
Date: 04-25-2009, 05:34 PM
Parent: #8

احمد الشايقي .... كيف حالك

والله كلامك كله سمح .. الا سيرة التياب

مالك جايبها هسع,و النسوان بقن يتجسسن

علينا يفتحن النت,, باكر بيتورن نفسنا

والله في بلاد العم سام قشرن بالجينز

ونسن التياب لكن بي كلامك ده الليلة

بتخسرنا الخمسمائة دولار,

والله عيشة الخليج ما بعدها عيشة

ربنا يهنيكم

Post: #10
Title: Re: تجمع البشمرقة يحتفل بنادية عثمان (توجد صور)..
Author: علاء الدين يوسف علي محمد
Date: 04-25-2009, 07:32 PM
Parent: #9

Quote: تجمع الكيانات يكرم نادية ويسلمها درع بشري


أوعى دة بس يكون غريبة

عمر الفاروغ
تحياتي عبرك للأستاذة نادية


Post: #11
Title: Re: تجمع البشمرقة يحتفل بنادية عثمان (توجد صور)..
Author: Rawia
Date: 04-25-2009, 08:00 PM
Parent: #10

شكرا على المعلومات يا أحمد ووافية جدا

Post: #12
Title: Re: تجمع البشمرقة يحتفل بنادية عثمان (توجد صور)..
Author: سارة علي
Date: 04-25-2009, 11:49 PM
Parent: #11

يا عمر...

دقيقة..قبل ما ارد عليك دايرة اقول انا بالجد معجبة بي نادية لانها زولة انسانة ورقيقة وظريفة ...والله يا نادية الكلام الحاقولو ما عندو علاقة بيك ..

جيتك يا عمر...
كلامك دة 120%100
جماعتك ديل كترو المحلبية شديد..ياخ ادوني احساس انهم محتفلين بي براءة البشير من موضوع اوكامبو..انا شفتا ليت لنكات في اليو توب حيرتني(ليس لنك ولا لنكين بل عدد مهول منهم)..موسيقي جيش علي موسيقي انا سوداني واوسمة ونياشين ورقصات شعبية وحاجات كدة كتيرة..نادية ذاتا حسيت بيها مخلوعة..
طبعا انا مجدعة في الرد بي جاي لانو الجماعة موقفين..ديل لو كان عندهم باس ويرد كانو نتفو ريشي..بقي علي نظام غاب اب شنب ولعب اب ضنب..


يا تامبا ياخ انحنا اصحاب والاختلاف في وجهات النظر لا يفسد للود قضية..وما تصرها لي لي قدام..
وما تخليني اتجرس اكتر من كدة...


ومن هنا اطالب بعدم عودة تمبس الي ان يوصل هذا البوست الصفحة التالتة..دايرين نجدع شوية

Post: #13
Title: Re: تجمع البشمرقة يحتفل بنادية عثمان (توجد صور)..
Author: عمر الفاروق
Date: 04-26-2009, 06:31 AM
Parent: #11

عزاز ال شامي:
ياخ انا من شوفتك اول زائر قنعت من البوست وقلت خلاص البوست اتحول لي تورتة كبييييرة وكل زول حا يجي يكتب سطرين والتالت يكون معليش يا عزاز ما هنيتك بي هناك وقلت امر واقول ليك كل سنو وانتي طيبة..
والله يا عزاز حقو اكلم ليك ناس تجمع البشمرقة ديل يحتفلو بيك برضو وكمان الشيرنق يكون 100 ريال كيف ليك؟

Quote: ** عاد يا عمر، النصيحة انا زاتي مخلوعة من رقبتي كوني اتفقت معاك في شيء!!!

وانا زاااااااااتي من لقيتك اتفقتي معاي قلبي ابا البوست ده وخلااااص مرق من نفسي :)


رايـــــــــــوة :
Quote: أربعين ريال دي ياعمر بتسوي زي شنو كدا في السعودية
يعني بتعشيك؟

ياخ احمد الشايقي ده ضغط على الاربعين ريال دي شديد ما عرفناها اربعين ريال ولا شارع الاربعين ولا الميل الاربعين زاتو:)
غايتو انا النصيييييحة اهتماماتي اختلفت وكللللل البعرفو عن الاربعين ريال دي إنو ما بتجيب لي حليب السيملاك لي مودي لانو العلبة الصغيرة بي 52 ريال وعليه ارجو من ذوي القلوب الرحيمة مدنا بعدد 5 كرتون سميلاك ضمن حملة وليـــــــــد الفاروق ومن اسسسسسة بقول ليكم دي حملة ذات ابعاد يهودية يعني لا الطالب ولا حيمورة يجي ينططو لي هنا ..

Post: #14
Title: Re: تجمع البشمرقة يحتفل بنادية عثمان (توجد صور)..
Author: عمر الفاروق
Date: 04-26-2009, 09:39 AM
Parent: #11

اسماعيل يا عباس:
Quote: عايزين الصور..يا عمر

جاري التحميض ..
صورنا كتييرة صور والناس بترقص وصور والناس واقفة حول الدرع وصور والناس مع الوشاح وصور والناس في الترابيز وصور والناس بتسالم وصور والناس بتضحك وصور والناس ماسكة المايكرفون .....
اوووووووو حكاية المكرفون دي كمان براها حكاااااااااية بجيك ليها تاني ان شاء الله..


ابو الخلد :
Quote: يعني أنت يا وغد كل يوم ضارب الإحتفالات دي و ما بتقول لأخوكـ عووكـ ؟؟؟

يا زول الشغلانة ما دايرة ليها عووووك بس انت كان تجي اول احتفال وبعد داك اتفحص الوجوه والحاضرين وبراااك كنت حا تقدر تتوقع الحفلة البعدها وين ..

Post: #15
Title: Re: تجمع البشمرقة يحتفل بنادية عثمان (توجد صور)..
Author: عصام دهب
Date: 04-26-2009, 10:01 AM
Parent: #14

كويس يا بتاع البشمرقة و الفقوس ..

عموماً أطمئن ياخي ، أنا ذاتي قاعد أجيء الرياض دي سفرة يوم واحد و بس من المطار للشغل للمطار ..

و لمن جيت و قعدت يومين حميدة صاحبي كتر خيرو هو وصاحبو جوني و كمان عزموني في مطعم صيني ( أكلو ما سمح ) و بعدين في الطيارة شعرت بنفسي زي عايز ( أهوهو ) و ( أعضي ) لي زول .. عشان كدة تاني ذاتي ما حأقعد يومين يمكن حميدة يعزمني تاني .

المهم شوف لي ( درع ) و اللا ( وشاح ) بمناسبة كوني صاحبك هنا ، و ما مشكلة ممكن ترسلو لي في المطار ..


صاحبك المخلص ..

Post: #16
Title: Re: تجمع البشمرقة يحتفل بنادية عثمان (توجد صور)..
Author: ismeil abbas
Date: 04-26-2009, 10:02 AM
Parent: #14

الظريف...عمر الفاروق..

Quote: اسماعيل يا عباس:

Quote: عايزين الصور..يا عمر


جاري التحميض ..
صورنا كتييرة صور والناس بترقص وصور والناس واقفة حول الدرع وصور والناس مع الوشاح وصور والناس في الترابيز وصور والناس بتسالم وصور والناس بتضحك وصور والناس ماسكة المايكرفون .....
اوووووووو حكاية المكرفون دي كمان براها حكاااااااااية بجيك ليها تاني ان شاء الله..


شغلك ده ذكرنى برنامج المذيع المبدع عبدالمطلب الفحل..

هسى الجاب سيرة المايكرفون هنا منو؟؟؟

غايتو جنس غايتو.. الحقوق ألأدبية محفوظة للأخ/ودالصايم..

Post: #17
Title: Re: تجمع البشمرقة يحتفل بنادية عثمان (توجد صور)..
Author: ALZOLZATOO
Date: 04-26-2009, 10:25 AM
Parent: #16

ياود الفاروق

خلي الناس تحتفل

بعدين الاربعين ريال دي شاملة المشروبات الروحية ولا دي اي واحد ومجهودو الشخصي

غايتو الاربعين ريال بتجيب دومينوز بيتزا حجم وسط والاتنين ماتينيه تاخد واحدة والتانية مجانا

ومعاها مشروب غازي الحجم العائلي

بعدين ياراوية الاربعين ريال مابتعمل حاجاتك دي كلها انتي قايلاهو ريال مدريد لوووووووووول يكه

يانادية غايتو عازمنك بيتزا يوم الاتنين وماعندنا دروع لانو انا مابمثل الا نفسي وبيتي اها تاكلي معانا البيتزا ونكون من الشاكرين

بعدين ياود الفاروق السيملاك اشتريهو من الحراج يعني يكون فضل لي الاكسبيري ديت بتاعو كم يوم بيكون رخيص خلي الولد يخشوشن لووووووووول يكه

زاتوووو

Post: #18
Title: Re: تجمع البشمرقة يحتفل بنادية عثمان (توجد صور)..
Author: معتصم محمد صالح
Date: 04-26-2009, 10:30 AM
Parent: #17

وين الصور ..



Post: #19
Title: Re: تجمع البشمرقة يحتفل بنادية عثمان (توجد صور)..
Author: Salah Abdulla
Date: 04-26-2009, 11:33 AM
Parent: #18

Quote: وين الصور ..


أنا بكورك مع محمد صالح ده .. عايزين الصور ..
بس عليك الله يا عمر ما تكون زي صور غريبة الما شفناها لغاية الآن دي ..





ويا حبذا لوكانت الصور ( بالثابتة ) ..

Post: #20
Title: Re: تجمع البشمرقة يحتفل بنادية عثمان (توجد صور)..
Author: عمر الفاروق
Date: 04-26-2009, 02:25 PM
Parent: #11

سيف الدولة :
تحياتي..
والله التياب سيرتها حبااااااابا المطرز منها والتوتل..الربط منها والكامل..العباسي منها فرع المتنبئ كان ام فرع العقارية وفي كل خير..
يا زول المدام لو ضغطت عليك اقع الدروع سااااااااااااي ..:)

علاء الدين يا صديقي المتمرد وفاكي اللعب بعد ان خفت عليك الرقابة :) :
والله يا اخوي ده ما غريبة الا الشيطان :)
الدروع البشرية بقت كتيييرة ..
عليك الله يا علاء الدين تتزكر لمن محمد حامد جمعة جانا ؟؟
ياخ اتكشح كشحة في الدنيا دي؟؟؟ راس مالو كان حجر شيشة ..
هيييييييييييه دنيا..

Post: #21
Title: Re: تجمع البشمرقة يحتفل بنادية عثمان (توجد صور)..
Author: عمر الفاروق
Date: 04-26-2009, 02:45 PM
Parent: #11

سارة علي :
تحياتي ..
Quote: ..ياخ ادوني احساس انهم محتفلين بي براءة البشير من موضوع اوكامبو

إنتي قايلة البشير كان جا بيعملوا ليهو كدي؟؟؟
البشير لو جا حا يطلعوهو احد كلاب الامن وهو عميل وجاء من اجل تقسيم الصالحية الى الصالحية والصالحات وتقسيم خان شليلة الى خان وشليلة وتقسيم عزة السودان الى عزة وعزيزة ..
Quote: انا شفتا ليت لنكات في اليو توب حيرتني(ليس لنك ولا لنكين بل عدد مهول منهم)..موسيقي جيش علي موسيقي انا سوداني واوسمة ونياشين ورقصات شعبية وحاجات كدة كتيرة..نادية ذاتا حسيت بيها مخلوعة..

انتي جادة ؟؟؟؟ حتى التنافس وصل كتــــــــــاب الوجه ؟؟؟؟
اكان كدي النكلم ناس البشمرقة ديل يلحقو يلقوا ليهم ميقا بايت مياقايين تلاتة كده قبل ما يتملي عشان كمان يرفعوا حفلتهم خصوصا والرئيس فاروغفيتش يسلم الدرع ..
والله درع الانقاذ بس ما بقاي الا نجيب ابراهومة وعاكف ونعمل قرعة ..
Quote: ومن هنا اطالب بعدم عودة تمبس الي ان يوصل هذا البوست الصفحة التالتة..دايرين نجدع شوية

لالالا ابشرك هو براااهو بيصل التالتة الا انا غتييت كل مرة بجي اديهو عفريتة ..
البشمرقة قاعدين يتاوقو ويمشو راجين الصور ..

Post: #22
Title: Re: تجمع البشمرقة يحتفل بنادية عثمان (توجد صور)..
Author: محمد عبد الماجد الصايم
Date: 04-26-2009, 02:57 PM
Parent: #21

سرور قالت:
Quote: انا شفتا ليت لنكات في اليو توب

وعمر قال:
Quote: انتي جادة ؟؟؟؟ حتى التنافس وصل كتــــــــــاب الوجه



غايتو جنس غايتو!

Post: #23
Title: Re: تجمع البشمرقة يحتفل بنادية عثمان (توجد صور)..
Author: Hussein Mallasi
Date: 04-26-2009, 03:08 PM
Parent: #22

Quote:
وكل زول حا يجي يكتب سطرين والتالت يكون معليش يا عزاز
ما هنيتك بي هناك وقلت امر واقول ليك كل سنو وانتي طيبة..

انت قايلها ما بتحصل .. ناس احمد الشايقي ديل تتوقع منهم أي حاجة.

Post: #24
Title: Re: تجمع البشمرقة يحتفل بنادية عثمان (توجد صور)..
Author: Kostawi
Date: 04-26-2009, 03:33 PM
Parent: #23

فكيت شروق و قبلت على نادية
يا عدو الجمال
يا شين

Post: #25
Title: Re: تجمع البشمرقة يحتفل بنادية عثمان (توجد صور)..
Author: doma
Date: 04-26-2009, 03:35 PM
Parent: #23

كوستاوي يا اخي الزول ما عدو الجمال بس بيقول النصيحه دززززززز

Post: #26
Title: Re: تجمع البشمرقة يحتفل بنادية عثمان (توجد صور)..
Author: doma
Date: 04-26-2009, 03:36 PM
Parent: #23

و د الصايم
يا اخي سلفني وشوشك الخدره البتفتفت من الضحك دي

Post: #27
Title: Re: تجمع البشمرقة يحتفل بنادية عثمان (توجد صور)..
Author: محمد عبد الماجد الصايم
Date: 04-26-2009, 03:39 PM
Parent: #26

Quote: يا اخي سلفني وشوشك الخدره البتفتفت من الضحك دي



دومة يا عمتكـ
إنتي أكتبي المداخلة وقولي لي خت الوش رقم كــدا
وأنا بخش المداخلة البعدكـ بخت الوش!






Post: #28
Title: Re: تجمع البشمرقة يحتفل بنادية عثمان (توجد صور)..
Author: doma
Date: 04-26-2009, 03:48 PM
Parent: #27

ود الصايم القطاعه لو ما علمت عمتك
الوش نمره واحد واتنين

Post: #29
Title: Re: تجمع البشمرقة يحتفل بنادية عثمان (توجد صور)..
Author: محمد عبد الماجد الصايم
Date: 04-26-2009, 03:53 PM
Parent: #28


+




ودا من عندي


Post: #30
Title: Re: تجمع البشمرقة يحتفل بنادية عثمان (توجد صور)..
Author: Kostawi
Date: 04-26-2009, 03:58 PM
Parent: #29

ود الصايم ما تلعب بي في حبوبتي دي


يا حبوبة
شيلي و نزلي دي بس أمسحي kostawi

[IMG]http://www.sudaneseonline.com/db/attention/200_4e.gif kostawi
[/IMG]

Post: #31
Title: Re: تجمع البشمرقة يحتفل بنادية عثمان (توجد صور)..
Author: doma
Date: 04-26-2009, 04:04 PM
Parent: #30


الليله غايتو لو الفاروق ظهر ما بحضر كيلنا

Post: #32
Title: Re: تجمع البشمرقة يحتفل بنادية عثمان (توجد صور)..
Author: Kostawi
Date: 04-26-2009, 04:13 PM
Parent: #31

Quote: الليله غايتو لو الفاروق ظهر ما بحضر كيلنا


سيبك من الوهم دا!!
مهمش حاقد

بوستو الجاي ح يكون:

الكرمبات يحتفلون بحبوبة دومة (بورداب دي سي - جمعية كوستي للجكس بواشنطون)



زول حاقد على الجمال بس,

Post: #33
Title: Re: تجمع البشمرقة يحتفل بنادية عثمان (توجد صور)..
Author: Rawia
Date: 04-26-2009, 05:46 PM
Parent: #32

ياجماعة ماتورونا الاحتفالات في اليوتوب الكيوورد بتاعتها شنو
سارة علي يعني تتفرجي براك
حاولت اعمل سيلف سفيشينسي امبارح وافتش ماعترت على اي شي عن احتفالات الرياض
المساعدة ياناس





~____________
الغريبة ياعمر لبن الاطفال دا في مصر مدعوم رخيييييس
تدفع ملاليم بس.... ناس السعودية ديل ماتقول ليهم الاطفال عماد المجتمع

بطل الجرسة وإتحمل المسؤلية

Post: #34
Title: Re: تجمع البشمرقة يحتفل بنادية عثمان (توجد صور)..
Author: سارة علي
Date: 04-26-2009, 06:22 PM
Parent: #33

ود الصائم ما تركز شديد..
عمر الفاروق دة ما تضغط عليهو..


راوية..

بفرجك ..بس شيلي الصبر....

Post: #35
Title: Re: تجمع البشمرقة يحتفل بنادية عثمان (توجد صور)..
Author: عمر الفاروق
Date: 04-26-2009, 07:29 PM
Parent: #34

ود الصايم يا قريبك :
لي اووول مرة تخزلني يا عمك كنت بتفهما طايرة ..اسماعيل قال لي وين الصور جبنا ليهو سيرة المكرفون..سارة جابت سيرة اليوتيوب جبنا سيرة كتاب الوجه ولنا فيهم مااارب اخرى ..ياخ خلي طارق الامين قدوتك وما بتجيك عوجة في اللخبتة ..

Post: #36
Title: Re: تجمع البشمرقة يحتفل بنادية عثمان (توجد صور)..
Author: عمر الفاروق
Date: 04-26-2009, 07:54 PM
Parent: #35

صور احتفال البشمرقة كما وعدناكم

قبل بداية الاحتفال بساعات وتظهر في الصورة الاستاذة تالية مصعب- أمين عام المرأة - بتجمع البشمرقة وممثل المرأة لإكساب اللقاء الشرعية الاسرية..

Post: #37
Title: Re: تجمع البشمرقة يحتفل بنادية عثمان (توجد صور)..
Author: عمر الفاروق
Date: 04-26-2009, 08:09 PM
Parent: #36


اها يا رواية دي الاربعين المستهوناها ..بشمرقة يتناولون العضة كل اتنين في صحن ..


الطرب كان حاضراً والفنان ياسر بشمرقة (ده غير شبارقة داك سمح؟).


رئيس البشمرقة يلقي كلمة نالت استحسان الحاضرين قائلاً بدعابة(غايتو يا انعام حيمورة لو كان جيتي كان ورطتي الجماعة)

Post: #38
Title: Re: تجمع البشمرقة يحتفل بنادية عثمان (توجد صور)..
Author: نادية عثمان
Date: 04-26-2009, 11:09 PM
Parent: #37

فوووووووووووووق

Post: #39
Title: Re: تجمع البشمرقة يحتفل بنادية عثمان (توجد صور)..
Author: haleem
Date: 04-26-2009, 11:22 PM
Parent: #38

غايتو يا ناس الرياض

ان شا الله يجيكم محمد فرح

يشفط كهربتكم المدفقة دي

Post: #40
Title: Re: تجمع البشمرقة يحتفل بنادية عثمان (توجد صور)..
Author: Abomihyar
Date: 04-26-2009, 11:47 PM
Parent: #39

بعد اذنك يا عمر الفاروق مع التحايا

ليك ولنادية وللمعاكم.

يا راوية كيفك


Quote: او فاتورة الكهربا الشهرية


طيب أنا ليه( ميد أمريكان أنرجي) بتشيل مني170 دولار في الشهر؟؟؟

Post: #41
Title: Re: تجمع البشمرقة يحتفل بنادية عثمان (توجد صور)..
Author: نادية عثمان
Date: 04-26-2009, 11:54 PM
Parent: #40

ياسارة علي ياحلوة


الرسول فيك توريني حفلتي في الفيسبوك بدخلوها

من كم لي كم وترسلي لي الرابط اتفرج في روحي

وفي بورداب الرياض الرااااقين الشفيفيين والله ماشفتها النبي فيك توريني الرابط سمح ؟

Post: #42
Title: Re: تجمع البشمرقة يحتفل بنادية عثمان (توجد صور)..
Author: سارة علي
Date: 04-27-2009, 00:07 AM
Parent: #41

Quote: ياسارة علي ياحلوة


الرسول فيك توريني حفلتي في الفيسبوك بدخلوها

من كم لي كم وترسلي لي الرابط اتفرج في روحي

وفي بورداب الرياض الرااااقين الشفيفيين والله ماشفتها النبي فيك توريني الرابط سمح


نادية ازيك

اولا يا اختي في التبادي لهجتك عدائية على غير المعتاد؟؟؟؟
البوست ده قلنا بدون زعل..

عمر الفاروق ده ماشايفاه؟؟؟ لي فطيتي الناس كلها وكرمتيني اولهم بالرد مع شكري وتقديري...
الحفلات الفي اليوتوب مابي تذاكر....عشان يدخلوها ..دي مفاطع للتكريم بيك التم في السعودية.."بعدين لما الحساسية بتاعتك تروح لو حابة رأيي ممكن اديك لي، ولو ماحابة طبعا بي راحتك".
مادام اخدتي الموضوع بي حساسية امتنع عن الخوض معك في نقاش لحرصي على التعامل بيننا، واللنكات يانادية اسالي النزلوها لاني لو كنت حابة اوري الناس كنت رديت على راوية.

رتبي الردود لانه حاسة بيك ماخداها شخصي معاي، وانا مابحب شخصنة المواضيع..اهدأي الموضوع ماقدر ده.
ا

Post: #43
Title: Re: تجمع البشمرقة يحتفل بنادية عثمان (توجد صور)..
Author: نادية عثمان
Date: 04-27-2009, 00:30 AM
Parent: #42

سبحان الله ياسارة !!

شنو هي الماخداها شخصي معاك دي يابت الناس الطيبين ؟!!

يعني عشان رديت عليك في حاجة فعلا عايزة اعرفها منك
لانك انتي الجبتي سيرتها أبقى متعمدة

وفاطة عمر وجاياك انتي توش وقاصداها معاك ؟

بيني وبينك شنو غير عرفة المنبر عشان أشيلها معاك ولا اختها وليه ؟!!

عارفة ؟

ربنا هو العالم بالنوايا وانتي مادخلتي نيتي وضميري

لكن وقسما برب البيت مداخلتي دي ماقصدت بيها اي شئ غير الدعابة

كما بدأتي انتي بالدعابة والمداخلة اللطيفة كما بوست عمر شقيقي وصديقي الذي قال لي في مداخلته لاتتدخلي البوست معلقة ورغم ذلك دخلت أمازحك وكنت في طريقي للرد على آخرين ولكن !!

تأكدي انو مافي شئ مزعلني من البوست ده لانو الكاتبو اخوي وصحبي وفردتي ابو حمودي الغالي جدا

وكل مابفتحو بضحك على المداخلات وصدقيني وقسما بالذي لا اقسم به كذبا أضحكتني مداخلتك الاولى

وودت ان تكون مشروع لمداخلات وصحبة بيننا .. كما أبكتني مداخلتك الثانية وأحزنني سوء ظنك في !!


شكرا لكلتا المداخلتين أختي سارة وكوني بخير

سلام







عمر الفاروق ياشقيقي وصديقي الجميل الروح والنقي القلب جدا

شكرا لهذا البوست الذي أضحكني وأبكاني وعلمني

وأوضح لي بعض الأشياء التي ماكنت لأعرفها لولا بوست كهذا !!

ودمت طيبا أبو محمد الغالي !!

Post: #44
Title: Re: تجمع البشمرقة يحتفل بنادية عثمان (توجد صور)..
Author: سارة علي
Date: 04-27-2009, 00:43 AM
Parent: #43

نادية
شكرا على ردك الذي ابان لي بوضوح اكثر مقصدك، وانا يا ستي صدقيني لا احمل لك الا كل طيب، وحتى في بوستات اليوتوب قلت في سري النت ده ملان اصناف ياريت لو ماكانوا نزلوها اليوتوب حرصا على الجو الأسري في الاحتفالية...ياستي ماتاخدي في بالك تعرفي التعامل في البوستات ده لانه مافيه الروح لذا تقرا المعاني احيانا مغلوطة...لا اكثر صدقيني..





ولي قدام نتداخل اكتر...




غايتو ياعمر الفاروق تاني اصلي بوستاتك مابدخلها.....

Post: #45
Title: Re: تجمع البشمرقة يحتفل بنادية عثمان (توجد صور)..
Author: Rawia
Date: 04-27-2009, 01:53 AM
Parent: #44

نادية وسارة
الموضوع بسيط

ياخ كلنا لو ماعشمانيين نادية بتفهمنا ماكنا دخلنا






____________
دخلتونا في أضافرينا

Post: #48
Title: Re: تجمع البشمرقة يحتفل بنادية عثمان (توجد صور)..
Author: Kostawi
Date: 04-27-2009, 02:14 AM
Parent: #45

Quote: لانه مافيه الروح لذا تقرا المعاني احيانا مغلوطة...لا اكثر صدقيني..




دا الكلام الكنت بقولو من مليون سنة

لغة الكتابة في المنتديات ما بتوصل الحاجات كلها
و ما بتوضح " البسمات" و صرة "الوش" و رفع النخرة
و شنات الفاروق و عكاز سارة

و إحتمال سارة كانت بتفرك في ملاح خضرة
عاوزا تضوقو, حرق لسانها!!

و إحتمال نادية
بتاع اللبن فطاهم الليلة و شربتو سادة!!


و كوستاوي زهجان
as we speak

شيلوا الرحمن

و أعيدوا الكلام

و أجدعوا الفاروق في الزبالة

زول موهوم و بس
و كمان عوير

Post: #46
Title: Re: تجمع البشمرقة يحتفل بنادية عثمان (توجد صور)..
Author: Rawia
Date: 04-27-2009, 01:56 AM
Parent: #40

Quote:
طيب أنا ليه( ميد أمريكان أنرجي) بتشيل مني170 دولار في الشهر؟؟؟

أبو مهيار ياعزيز
شوق ليك ولي فاطمة
شكلك التدفية بالكهربا
إحنا تدفيتنا غاز وعلى المبنى مابندفع فيها وعندي فلات ريت فاتورة كهربا كل شهر في الحدود بتاعة الاربعين دولار.... أنت أظنك ساكن بيت ومتملك

Post: #47
Title: Re: تجمع البشمرقة يحتفل بنادية عثمان (توجد صور)..
Author: Rawia
Date: 04-27-2009, 02:03 AM
Parent: #46

Quote: اها يا رواية دي الاربعين المستهوناها ..بشمرقة يتناولون العضة كل اتنين في صحن ..


إتنين في صحن شنو ديل بياكلوا من المنبع* زاتو ..... شنات طبع







___________________
*عندي أخوي كان صغير كل مانخت الاكل بيقول لينا أغرفوا كلكم وشيلو كفايتكم أنا باكل من المنبع.

Post: #49
Title: Re: تجمع البشمرقة يحتفل بنادية عثمان (توجد صور)..
Author: محمد عبدالرحمن
Date: 04-27-2009, 06:15 AM
Parent: #47



غايتو ماعارف موضوعكم شنو ..لكن تاليه مصعب عسل عديل كدا ..
صلوا على النبى ياجماعة وقولوا ماشاء الله ..

Post: #59
Title: Re: تجمع البشمرقة يحتفل بنادية عثمان (توجد صور)..
Author: انعام حيمورة
Date: 04-27-2009, 11:55 AM
Parent: #37

Quote: رئيس البشمرقة يلقي كلمة نالت استحسان الحاضرين قائلاً بدعابة (غايتو يا انعام حيمورة لو كان جيتي كان ورطتي الجماعة)


انا اسمي مكتووووب طييييب ....






نزل لينا اغنية شمار × مرقة بالله البجهزوا فيها في الصور التانية دي




-------------

ماما دومة لي كم يوم نقشت تنزيل الوشوش براي تعالي اعلمك !!

Post: #50
Title: Re: تجمع البشمرقة يحتفل بنادية عثمان (توجد صور)..
Author: عمر الفاروق
Date: 04-27-2009, 07:28 AM
Parent: #11

تيتا دومة (حقوق الاسم محفوظة ) ومااا تجي تهيجي فيني زي هيجة سارة علي دي :)
وشوش من كوستاوي والله لو وش ملاح ما تشيليهو ..وشوش ود الصايم استخدميها لكن مع الكراهة ..
بعدين ياخ عليييييك الله تعالي الرياض بس حصرياً اول لقاء لازم يكون للبشمرقة وبعد داك ندي فتافت اللقاءات لي باقي الكيانات وحا نكون نحن الراعي الرسمي لي تيتا دومة تحت شعار:
دوما والبشمرقة شمار في مرقة ..
ياخ انتي زولة لطيفة جدا ..

Post: #51
Title: Re: تجمع البشمرقة يحتفل بنادية عثمان (توجد صور)..
Author: سارة علي
Date: 04-27-2009, 07:32 AM
Parent: #50

عمر؟؟؟؟؟؟؟

Post: #52
Title: Re: تجمع البشمرقة يحتفل بنادية عثمان (توجد صور)..
Author: احمد التجانى احمد
Date: 04-27-2009, 08:07 AM
Parent: #50

Quote: لانو العلبة الصغيرة بي 52 ريال





هسع دى صغيرة ؟
صورة البروفايل دى من استوديو اناقة ولا ابوجنزير؟
جيب صورة نضيفة يااخى للبنية دى ربنا يحفظها

Post: #53
Title: Re: تجمع البشمرقة يحتفل بنادية عثمان (توجد صور)..
Author: دينا خالد
Date: 04-27-2009, 09:02 AM
Parent: #52

بوســــــــــــت غيــــر موفــــــــق !!
ما عندو اىىىى فرق من بوست الزول
(ال انا ما قريتو ) القال الناس سكرانين !


لكن انا شخصيا اتوقعتو من ما شفت الصورة دى
وقلت فى سرى شكرا نادية لانك اتحتى لنا فرصة عشان
نشوف الزول المشاكلو عمر دا .. والدوشنا بى بوستات
شكلو ..




هسه يا ندوية فى داعى تهبشى الفاروق دا ؟
















ـــــــــــــــ
الحرية لنا ولسوانا
الناس احرار فى مشاعرها وايضا فى دوافع مشاعرها مهما
كانت .. واحرار فى التعبير عنها ايضا مهما كانت دوافعها
محاكمة النوايا والضماير دا شغل بتاع ارهاب ..

Post: #54
Title: Re: تجمع البشمرقة يحتفل بنادية عثمان (توجد صور)..
Author: علاء الدين يوسف علي محمد
Date: 04-27-2009, 09:19 AM
Parent: #53

Quote: بوســــــــــــت غيــــر موفــــــــق !!
ما عندو اىىىى فرق من بوست الزول
(ال انا ما قريتو ) القال الناس سكرانين !


لكن انا شخصيا اتوقعتو من ما شفت الصورة دى
وقلت فى سرى شكرا نادية لانك اتحتى لنا فرصة عشان
نشوف الزول المشاكلو عمر دا .. والدوشنا بى بوستات
شكلو ..


هووووووووووووووي يا بايركس
أبعدي من فردتي دة أسحن ليك




Post: #55
Title: Re: تجمع البشمرقة يحتفل بنادية عثمان (توجد صور)..
Author: أحمد الشايقي
Date: 04-27-2009, 09:27 AM
Parent: #54


يا حليم قول تبارك الله,

Quote:
ان شا الله يجيكم محمد فرح

يشفط كهربتكم المدفقة دي


يازول مالك علينا,



أحمد الشايقي

Post: #56
Title: Re: تجمع البشمرقة يحتفل بنادية عثمان (توجد صور)..
Author: دينا خالد
Date: 04-27-2009, 09:28 AM
Parent: #53

عـــــــــلاء ؟؟

Quote: عمر الفاروغ
تحياتي عبرك للأستاذة نادية


ولييه عبر الفاروغ ؟ للفلترة ؟
فى حاجة بتمر من هنا بتمرق بهناك ؟
.. ووين تحاياي ؟
وهسه تضمنو كيف بوديها ؟ اكييييد ح يوديها
لزول تانى .. ؟ انت ذاااااااتك خجلت ؟
لكن انا ما نسيتها ليك .. صارااااها !!














ـــــــــــــ
ياخ اقول ليك حاجة توقيعك دا احللللى
من العملتو داك !!

Post: #57
Title: Re: تجمع البشمرقة يحتفل بنادية عثمان (توجد صور)..
Author: علاء الدين يوسف علي محمد
Date: 04-27-2009, 09:52 AM
Parent: #56

Quote: ياخ اقول ليك حاجة توقيعك دا احللللى
من العملتو داك !!


يعني ما بتجو إلا كِدة!!!؟

هوي يا دندون شوفي هنا دةنادية عثمان دي فردتي لمن غلط أطلعي منها بس
تمريرها عبر الفاروغ عشان البوست حقو و كدة
بعدين دة فرديت و بعرفو كويس
كان باصيت ليها مباشرة بتشيلو الغيرة
و غيرتو عويرة خلاص
مااااااااااا بتعرفيها


هو ذاتو التوقيع الجديد ما جاب حقو و النسى قديمو شنوووووووو




Post: #58
Title: Re: تجمع البشمرقة يحتفل بنادية عثمان (توجد صور)..
Author: نادية عثمان
Date: 04-27-2009, 10:53 AM
Parent: #57

صباح الخير عمر والجميع

موش في مقولة كده ياعمر بتقول ( الطريق الي جهنم مفروش بالنوايا الحسنة ) ولا شنو كده ماعارفة ؟

اها هسي دي بقت عليك ولا علي ماعارفة غايتو !!

عاين :

شفت مداخلة العزيزة دينا خالد الفوق دي ؟!!

أها ده الفهم الكنت خايفة يخطر على بال بعض الناس وده الحصل ياعمر لانو

ببساطة تفسير البعض المتابع لحال ناس الرياض من خلال المنبر ده ذاتو

بما في ذلك (شكلتك) مع يوسف السماني حايفسر بوستيك ده ذاتو تصفية حساب على حسابي !!

انا ياعمر زي ماقلت ليك ووالله العظيم عارفة
انك ماقصدت الشئ ده وعارفة انك لو عندك شئ مع زول

بتمش عليهو توش بلا لف ولا دوران لكن توقيت البوست ده

وبعض مفرداتو ادت الإيحاء ده للبعض زي ماحصل مع دينا للأسف !!


عارف ياعمر ياصديقي :

أنا حاولت في مداخلتي للأخت سارة أن أعطي الإنطباع واؤكد حتة انو ده بوست هظار

ومداعبة لانو انت ماقاصد غير كده وانو البوست مارسالة موجهة لاي زول

لكن أهو شفت براك الحصل شنو لما حاولت أهاظر مع سارة في بوست معنون باسمي !

ورغم توضيحي لسارة وتوضيح سارة لي لكن ماتتخيل الحزن الدخل جواي من الفهم الخاطئ ده

وبصراحة رجعت قريت المداخلات من أول تاني وحسيت باحساس مختلف ومحزن ولقيت مداخلات بعض الاخوات

الكريمات البيعبروا عن مشاعرهم تجاه بوستات الاحتفالات والصور بخصوصي في المنبر ويوضحوا وجهة نظرهم

وفهمت انو ده شئ مامريح وسبب ليهم نوع من الاستياء!!

او خليني أسميهو اهدار للباوندويث ولا شنو ماعارفة !!


المهم :

ياعمر ناس الرياض كلهم وحتى الأسر الماليها علاقة بالنت والمنبر ده

إن شاء الله يوم شكرهم مايجي يارب .. لانهم مابعرفوا نادية البوردابية

بس نادية الصحفية والتلفزيونية رغم قصر عمر اطلالتي على الشاشة !

في أسر بسيطة انت مابتعرفها عبرت عن حبها لي وسعادتها بوجودي معاهم

لانهم مثلا شافوا سهرة وردي الهم بحبوه ولا حلقة نخلات من بلادي الخاصة بأطفال المايقوما

واتعاطفوا مع الاطفال ولا شافوا سهرة صلاح إدريس ولا اي برنامج من البرامج في هارموني

وحبوا يعبروا عن اعجابهم او حتى يبدوا ملاحظاتهم وانتقادهم بمحبة واحترام

وديل ياعمر لا فتحوا بوستات لا جابوا صورهم الاتصوروها معاي ولا بعرفوا منبر بكري ده

يعني ماعندهم حساب يصفوه مع زول !!

يعني ببساطة الاحتفاء بنادية موش لانها ( اوبرا) زمانها وانا زي ماقلت

انت وزي ماانا عارفة عن روحي لسا مذيعة في أول الطريق ومامشهووووووووورة قدر ده !

لكن قدر شهرة هارموني وإحتفاء الناس بيها كان احتفالهم بي !

وقدر معرفة الناس باسم نادية الصحفية في جريدة الخرطوم .. الجريدة السودانية

الوحيدة في المملكة كان احتفاء الناس القروا إسمي في جريدة الخرطوم وفي جريدة الشرق الاوسط السعودية

وقدر معرفة الناس بنادية البت البتكتب شعر احتفوا البعض بالحاجة دي وكتر خيرهم كتير ..


خلاصة الموضوع ياعمر أبو حمودي الغالي

أنا بالجد مازعلانة من البوست ده لي روحي ابدا

لكن والله ياعمر البوست ده جعل بعض أهل الرياض الجميليين يتحسسوا ويشعروا بالحرج

فعلا زي ماقالت دينا نفس الحرج الشعروا بيهو ناس الرياض ديل لما صلاح غريبة

كتب كلامو الغريب داك وبخس الناس فرحتهم وتقديرهم وجهدهم في الاختفاء بضيفة وافدة !

مع تأكيدي للمرة المليون على يقيني بحسن نواياك ياصديقي الغالي جدا ود الفاروق

خليني أعتذر تاني لناس الرياض بورداب وكيانات وجمعيات وأسر وأفراد

الناس ديل ماحسيت انهم عايزين يصفوا حسابات عن طريق تبادل الاحتفال بي وفتح البوستات هنا

والناس ديل أنا ممنونة لي كل دقيقة ضيعوها في التفكير في كيفية اخراج احتفال وتكريم لشخصي الضعيف

وممنونة جدا لأي ريال استقطعوه من قوت عيالهم من أجل الاسهام في دفع حق الساوند والدرع والعشاء !

الناس ديل ياعمر أنا مادخلت ضمائرهم ولي بالظاهر منهم وبي احساسي الممتن جدا لناس السعودية

لكل مافعلوه من أجلي حباً وكرامة !

وتسلم أبو حمودي ويسلموا ناس الرياض يارب

Post: #60
Title: Re: تجمع البشمرقة يحتفل بنادية عثمان (توجد صور)..
Author: محمد عبد الماجد الصايم
Date: 04-27-2009, 12:07 PM
Parent: #58

وش مكرفس شديد والله يا عمر!

Post: #61
Title: Re: تجمع البشمرقة يحتفل بنادية عثمان (توجد صور)..
Author: احمد التجانى احمد
Date: 04-27-2009, 12:52 PM
Parent: #60

ودالصايم جاتنى منك رسالة بتقول
مالو لو فى بعض الاحيان
انت قاصدنى انا شخصيا ولا منو؟

Post: #62
Title: Re: تجمع البشمرقة يحتفل بنادية عثمان (توجد صور)..
Author: عمر الفاروق
Date: 04-27-2009, 01:00 PM
Parent: #11

الفط الفط ..الرد الرد ..
فطيتكم يا ناس عشان حاجة صغمبروتية لي نادية بت عثمان ..
Quote: واؤكد حتة انو ده بوست هظار

لالالا يا نادية هو مش هظار أوي ..البوست فعلاً موجه لإنتقاد كل الكيانات ما عدا تجمع بورداب الرياض ..
انا حبيت تأكيد إنو البوست ما موجه لي شخص بي عينه لكن اعني تمااااما كل باقي التجمعات اللي اقامت احتفالات غير مبررة وإن تم تغليفها بي ورق هدايا مزركش وربطة فيونكا مفادها الاحتفاء بي الاعلامية نادية عثمان ..
الجانب اللي فيهو الهظار هو ما يليك من البوست والتعليقات الانا بوجهها ليك لاني عارفك انك برة اللعبة تماما وفقط تقومي بتلبية دعوات من تحبين وغنو ما جزاء الاحسان إلا الاحسان ..
وده يا ستي من اصالة معدنك وطيبك ..
لكن يظل البوست جادي وجادي جدا من ناحية الاحتفالات الكتييرة اللي تمت بصدد الموضوع والمناسبة ..
صدقيني يا نادية ماف اييي شي مقنع ومبرر لكل الاحتفالات دي ..
حتى الاسر اللي قلتي ما بورداب ودعوك عشان خاطر حفلة وردي هل تتوقعي إنهم ممكن يستضيفو هيثم كابو اللي استضاف وردي الاسبوع الفات ؟؟
هل تتوقعي إنهم يستضيفو طارق جويلي اللي استضاف وردي اول ما جا..
ياخ بل هل تتوقعي إنهم ممكن يرحبو بي الزول الاتبرع لي وردي بي كليتو عديييييييل كده !!!
صدقيني يا نادية في حتة غلط في الموضوع ده تستحق الوقوف وده الانا عملتو ..
والله ما حسد ليك ويا ستي تستاااهلي اكتر من كده لكن كمان مرات اللي بيفوت حدو بيتقلب ضدو ..
البوست ده ممكن يخليك تقيفي وتفكري شويية وترجعي البصر كرتين ..
راجعت المداخلات وصدقيني ليست هي بذاك السوء وما كل الناس اخدتها بي الحدة اللي انتي اتصورتيها دي ..
حتى الاخت سارة علي هجومها كان من منطلق شكل العبارة والنفسية اللي قرت بيها مداخلتك لكن صدقيني هي قدمت ليك فوق التحايا والاحترام المتبادل..
اساس كل المتداخلين هو (كبكبة) كل التجمعات الغير(مبرر) وانتي في السيف سايد وإن كان راس السوط بيهبشط بسيييتة كده ..
مداخلة اختنا دينا ما عليك بيها ياخ البت دينا دي نجييييضة وواقع ليها ومخها يوزن بلد (لو خلت اولاد امدرمان في حالهم) مع انها في النهاية ربربت ليها بي كلام كده اتجاااازا كان فهمت منو شي ما بعرفو ليك مشاعر حرة في نواياها وعبير دوافعها محاكمة البشير وبن لادن يقود الارهاب غايتو انا متاكد دينا لو رجعت قرت كلاما ده بس حا تقعد تضحاااااااااااك ..
Quote: ولا شافوا سهرة صلاح إدريس

اها انا شي خلاني ما الاقيك غير السهرة دي ماف..:)
ياخ في زول بيعمل حلقة مع صلاح ادريس ؟؟ وكمان يخليهو يمشي سااااااااااااي بعد نهاية الحلقة ؟؟؟ والعجب كمان كان معاهو حمد الريح !!!
ياخ الحلقة دي مفروض بي سببها ما يدوك زيارة للسعودية ياخ :)
اححححححححححييييييييييييي منك ياخ ..

Quote: لكن والله ياعمر البوست ده جعل بعض أهل الرياض الجميليين يتحسسوا ويشعروا بالحرج

يبقا البوست ادى غرضو يا نادية وده فعلا الانا عايزو ..
تخريمة :
ياخ مرحب بيك في الرياض ونيابة عن تجمع البشمرقة شيلي ليك كيس موز :D:D:D

Post: #63
Title: Re: تجمع البشمرقة يحتفل بنادية عثمان (توجد صور)..
Author: علاء الدين يوسف علي محمد
Date: 04-27-2009, 01:18 PM
Parent: #62

Quote: الفط الفط ..الرد الرد


أشهد إنك زول ما نصيح



Post: #64
Title: Re: تجمع البشمرقة يحتفل بنادية عثمان (توجد صور)..
Author: Hussein Mallasi
Date: 04-27-2009, 01:27 PM
Parent: #63



قايلك بتهظر .. أتاريكم بشمرقة بالجد

Post: #65
Title: Re: تجمع البشمرقة يحتفل بنادية عثمان (توجد صور)..
Author: علاء الدين يوسف علي محمد
Date: 04-27-2009, 01:39 PM
Parent: #64

غايتو يا فاروغ
الصورة الفوق دي
النضارة اللابسة دي يا تكون عملتة عملية موية بيضاء
أو زراعة قرنية
أو زول فاااااااااااااااااااااااارة لمن غلط
ياخ في زول بلبس نضارة شمسية في حِتّة مقفّلة
و المصيبة ولو الدنيا ليل
ياخي والله مصعب الجمبك دة ما يحِلّك



Post: #66
Title: Re: تجمع البشمرقة يحتفل بنادية عثمان (توجد صور)..
Author: Rawia
Date: 04-27-2009, 01:41 PM
Parent: #64

ياعمر وعشان كلامك دا دخلنا وعشان فهمنا الانت أكدتو في المداخلة الاخيرة دي دخلنا
وشخصيا ما ها اتعقد واتحسس وازعل من أنو في أسر في الرياض إتحسست من البوست
وعلى رايك دا المقصود... ومداخلة نادية ورتني إنها هي الاتحسست وزعلت بجد من البوست
إنت ياعمر مامليت إيدك من صاحبتك ورد فعلها كويس قبل ماتفتح البوست؟

Post: #67
Title: Re: تجمع البشمرقة يحتفل بنادية عثمان (توجد صور)..
Author: عزاز شامي
Date: 04-27-2009, 01:42 PM
Parent: #1

Quote: راجعت المداخلات وصدقيني ليست هي بذاك السوء وما كل الناس اخدتها بي الحدة اللي انتي اتصورتيها دي ..

هو واحد من اثنين ..
يا انا بقيت افكر زيك
يا انت بقيت تفكر زي
يا البورد ده سحلب بينا وبقينا انا و انت تفكير جديد نوفي شبه نفسو

قبيل قريت رد نادية الفوق بتاع انو في بعض الاخوات عندهم مأخذ على الحفلات
و بحسبة رياضيات بسيطة لقيتو انو الجكس في البوست ده هو كالآتي:

عزازشامي – شخصي الضعيف
راوية
ماما دوما
سارة علي
دينا خالد

سارة و حصل اختلافكم و اتصافيتو، راوية محايدة و بتعمل في دراسة مقارنة عملات
و 40 ريال ممكن تشتري بيها شنو
ماما دوما في دورة البحث عن وش مناسب للحدث
و في مداولات بين ود الصايم و كوستاوي
دنيا خالد رمت البطاطس الحراة hot botato في عب البوست
و قامت جارية لمن خلت اب جلحات جاي سداري

وبأني الجكس الوحيد العايش شرق البحر الأحمر
و في الحتة الجغرافية الواحدة الفيدها البشمرقة الجاتب لينا الهوى دي،
فأعتقد، و طاب لي الاعتقاد انو انتي قاصداني ...

عاد يا نادية يا بت امي انا ما بأعرف اللولوة ولا الشيل في الخاطر،
كان قاصداني قوليها عديل علشان نوضح موقفنا تاني ..
لأني قلت في أول مداخلة اني متفقة مع كلام عمر (حسي الاول و التاني) في انو في تسيس للقضية
أو مآارب أخرى انت لا ناقة لك فيها ولا جمل،
الانتقاد ما موجه يك يعني انتي ضيفة و دعوك و بتستاهلي الخير ،
بس الكلام في ما وراء الكواليس ...

يعني انحنا ما مستكترين ليك المودة ولا المحبة ولا لمة الناس في ساعة خير،
و ان شاء الله تدوم أيام هنائك هنا و محل ما تقبلي ...

بس في خيط دقيق متبين لنا أنا و أخوي الكاشف على الرغم من اختلاف مشاربنا و كثافة شعرنا

عزومات البيت دي ما شأننا ولا اختصاصنا،
و مودتك بين حبّانك برضو شهرا ما لينا فيهو نفقة
بس في ناس كترو المحلبية حبة لشيء ما في نفس يعقوب ...

كان كنت قاصداني، فأعلاه ما كان من أمري في الأمر قيد النظر
كان ما قاصداني، حصل خير و برضو فرصة أوضح موقفي

وف يالحالتين مرحب بيك في الرياض بين اهلك

_____________

اهن يا عمر، وادعتك الله و الرسول اصلا انت من يومك مكوجع و مشقلب و بوستاتك مشرورة من كرعينها و انا يا عمر تاني ما بخش ليك بوست


Post: #68
Title: Re: تجمع البشمرقة يحتفل بنادية عثمان (توجد صور)..
Author: Hussein Mallasi
Date: 04-27-2009, 01:48 PM
Parent: #67

Quote: النضارة اللابسة دي يا تكون عملتة عملية موية بيضاء
أو زراعة قرنية
أو زول فاااااااااااااااااااااااارة لمن غلط

أو – ببساطة – زول بشمرقة.

Post: #69
Title: Re: تجمع البشمرقة يحتفل بنادية عثمان (توجد صور)..
Author: علاء الدين يوسف علي محمد
Date: 04-27-2009, 01:58 PM

Quote: هو واحد من اثنين ..
يا انا بقيت افكر زيك
يا انت بقيت تفكر زي


ياخ واللهِ قلتة ليك الزول دة مقطوع طاري و مقطوع منه و عنه الأمل و لا يُرجى منه
ركِّزي ياخ ركِّزي




Post: #70
Title: Re: تجمع البشمرقة يحتفل بنادية عثمان (توجد صور)..
Author: انعام حيمورة
Date: 04-27-2009, 02:19 PM
Parent: #69

Quote: ودالصايم جاتنى منك رسالة بتقول

مالو لو فى بعض الاحيان

انت قاصدنى انا شخصيا ولا منو؟



مالو لو فى بعض الاحيان
تسمح لي صحوا اراك عيان !




انا قلت الود قرب للجية شالوا الحنين !!!

كااااك

Post: #72
Title: Re: تجمع البشمرقة يحتفل بنادية عثمان (توجد صور)..
Author: علاء الدين يوسف علي محمد
Date: 04-27-2009, 02:31 PM

Quote: أو – ببساطة – زول بشمرقة.


يعني زول كشة مشى
موش




Post: #71
Title: Re: تجمع البشمرقة يحتفل بنادية عثمان (توجد صور)..
Author: نهال كرار
Date: 04-27-2009, 02:21 PM
Parent: #1

ووووب على تاليا :))

خلعت البت يا عمر بنضارتك دي

Post: #73
Title: Re: تجمع البشمرقة يحتفل بنادية عثمان (توجد صور)..
Author: Rawia
Date: 04-27-2009, 02:37 PM
Parent: #71

Quote: ، راوية محايدة و بتعمل في دراسة مقارنة عملات
و 40 ريال ممكن تشتري بيها شنو

عزوز
أنا لو أعرف اقول على طول
حصة الادب المقارن دي كنت حا ارفقها بنوت وأقول انا بكن مشاعر وحاجات زي دي
لكن لقيت إني ما مضطرة توضيح روحي لنادية... نادية مابعرفها لا الليلة لا أمس

Post: #74
Title: Re: تجمع البشمرقة يحتفل بنادية عثمان (توجد صور)..
Author: ALZOLZATOO
Date: 04-27-2009, 02:51 PM
Parent: #73



والله ياود الفاروق استيف وندر بس

http://www.google.com.sa/images?q=tbn:OBGKwr0kr-2hGM::w...stevie-wonderPic.jpg


البشمرقة يعني شنو

زاتوووو

Post: #75
Title: Re: تجمع البشمرقة يحتفل بنادية عثمان (توجد صور)..
Author: محمد عبد الماجد الصايم
Date: 04-27-2009, 03:20 PM
Parent: #74



أحمد هندسة ونعيمة!
البتجيهو حاجة يشيلا ويرجع لينا الفاضي .. يا يعمل ميت ياخ!

Post: #76
Title: Re: تجمع البشمرقة يحتفل بنادية عثمان (توجد صور)..
Author: سارة علي
Date: 04-27-2009, 04:57 PM
Parent: #75

بس بقت علي مقولة يعملوها الكبار ويقعو فيها الصغار..

دي عملية تعملا فيني يا الفاروق..انتا عارف ؟؟يدي بتاكلني للكي بورد وخاصة لمن القي (توافق)في وجهات النظر..
فبوستيك دة دردقتني ليه..دردقة..

وبالتالي انتا الخائن..

واحتياطا..عزاز ودينا خونة برضو..



وعاش البشمارقة الابطال..
عاش

عاش

عاش






#######
نيابة عن الباقين انحنا متنازلين ليك عن الرد..بس ملاسي دة ما تفضو..ادي حقو..الكلام دة عيب منك

Post: #77
Title: Re: تجمع البشمرقة يحتفل بنادية عثمان (توجد صور)..
Author: Rawia
Date: 04-27-2009, 05:06 PM
Parent: #76

Quote: البشمرقة يعني شنو


غايتو الجيش الكردي إسمه الباشمرقة

Post: #78
Title: Re: تجمع البشمرقة يحتفل بنادية عثمان (توجد صور)..
Author: نادية عثمان
Date: 04-27-2009, 06:23 PM
Parent: #77

راوية وحاة الخوة وعلوية السمحة لا إتحسست ولا شئ

خاصة وانتي عارفة نحنا عرفتنا عشرة عمر زي ماقلتي


لكن والله الإتحسسوا بورداب من ناس الرياض ذاتهم يعني

ماالقاصدهم عمر عشان يتحسسوا وده الحسسني أنا فهمتي شئ ؟



عزاز شامي

البينا عامرة ياحبيبة وماف شئ يزعلني منك

لكن بالجد إتفاقك في الراي إنتي وأخوك الكاشف

كان بيكون في محلو لولا انو التحسسات جات

من (أبردب) البورداب لينا وماالفئة المقصودة وده الجاب الحسس في الحتة دي فهمتي شئ ؟!


ماما دومة

تقعد تقوم على كيفها وفي حد ممكن يزعل من ماما دومة ياجدعان ؟

سارة علي

تسلمي من كل شر يارب


و

إتونسوا ونستكم وساووا الشمار يرحمكم الله !!

توضيح .. الحتة دي هظار عشان مايجي زول حساس يحس انوأنا إتحسست ولا حاسة بحساسية سمح ؟


(وش الله خلقو كده ضاحك رغم أي شئ )وإحتياطيا ياشابات ههههههه لعدم وجود وشوش ضاحكة خير ؟


التعديل لمحاولات وضع وشوش ود الصائم الضاحكة وفشل ذريع ياخ

Post: #79
Title: Re: تجمع البشمرقة يحتفل بنادية عثمان (توجد صور)..
Author: Kostawi
Date: 04-27-2009, 06:55 PM
Parent: #78

يا نادية
خليك من ناس عزاز و الفاروق ديل.
ديل ناس قرع هلال بطاطس شمام

و بعدين إنتي البوديك المحلات ديك زاتو شنو?

و كمان أنا متحسس من كلامك القلتيه لدومة
كيف تقولي ليها زحي مننا كدا وله كدا?
حقارة يعني?

Post: #80
Title: Re: تجمع البشمرقة يحتفل بنادية عثمان (توجد صور)..
Author: نادية عثمان
Date: 04-27-2009, 08:48 PM
Parent: #79

كستااااااااااااااااوي

والله إنت حماش نيران ياااااااااخ

أسمع

ماما دومة دي أحلى زول الله خلقو وبطل تحريش ونزل لينا صورتها الحلوة ديك سمح ؟

Post: #81
Title: Re: تجمع البشمرقة يحتفل بنادية عثمان (توجد صور)..
Author: Kostawi
Date: 04-27-2009, 09:29 PM
Parent: #80

يا نادية
كمان فضل لينا جكس الحبوبات

دومة دي حبوبتي و بريدها و بس
يعني Full stop

زيها و زي حبوبتنا الظلامية د. بيان أم كبك مشلخ deek



و بعدين أنا متحسس من كلامك دا
كيف تقولي لي أنا زول بتاع صور ساكت


و الصور النزلتها ليك ديل رسلهم لي ود الفاروق بالماسنجر







فأنا طالبك إعتذارين
أو حا أشتكيك للإدارة

Post: #84
Title: Re: تجمع البشمرقة يحتفل بنادية عثمان (توجد صور)..
Author: نادية عثمان
Date: 04-27-2009, 10:34 PM
Parent: #81

كستاوي العزيز


والنبي فيك تنزل لينا صورة بيان صحبتي العسل دي ياخ


وصورة ماما دومة بتاعة التوب الوردي داك أكيد بتكون لفحتها صاح ؟ هههههه

عاين

بتعملها كيف حركة الصور الكتيرة في برواز وأحد دي علمونا مما علمكم الله ياخ ..ههههههه

Post: #85
Title: Re: تجمع البشمرقة يحتفل بنادية عثمان (توجد صور)..
Author: دينا خالد
Date: 04-28-2009, 00:01 AM
Parent: #79

ندوية الود عمر دا اديهو فى راسو
الصحبه براها ودا براهو .. ما تكرهينا !

عزاز ؟ انتى سمعتى قال شنننننننن ؟؟


علاء ؟ والله تحاياك دى تقول لا بتمشى لا حاجة !!!
لوووووووووول .
كامل تضامننا الى ان تثوب اليييا !


Post: #82
Title: Re: تجمع البشمرقة يحتفل بنادية عثمان (توجد صور)..
Author: Ahmed Abdallah
Date: 04-27-2009, 09:33 PM
Parent: #1

Quote: لكن الايام دي في موضة طالعة في الرياض كل يومين مفادها الاحتفال بالزميلة نادية عثمان .


الغربة قاهرة يا ود الفاروق

Post: #83
Title: Re: تجمع البشمرقة يحتفل بنادية عثمان (توجد صور)..
Author: سارة علي
Date: 04-27-2009, 10:33 PM
Parent: #82

يا كوستاوي..

كمبيوترك دة بعدين بيشتكيك لي الله يوم القيامة..

محملو فوق طاقتو..ما خالي صورة طايرة ما لافحا..انتا..(دي معاها ورورة)..



طبعا يا نادية اتحيرتي الزول دة متين لفح الصور دي..

بالمناسبة يا كوستاوي رجع لينا البوست بتاع عووووك داك..لانو عندنا عوعوة كتيرة..

Post: #86
Title: Re: تجمع البشمرقة يحتفل بنادية عثمان (توجد صور)..
Author: نادية عثمان
Date: 04-28-2009, 01:05 AM
Parent: #83

دينا ماتحرشيني ياخ !!

ماجوطتو ليكم أكتر من كده أسوي شنو أكفتو ليكم يعني ؟!! هههههههههههههه




سارة

أغرب شئ في صور كستاوي انو في صور أنا ماإتصورتها ذاتو

أها هو صورني ليها كيف ماعارفة شفتي جن الزول ده ؟ هههههههه


لكن النصيحة لي الله زول فنان صاح ؟

Post: #87
Title: Re: تجمع البشمرقة يحتفل بنادية عثمان (توجد صور)..
Author: هاشم نوريت
Date: 04-28-2009, 01:09 AM
Parent: #86


ياعمر دا عشاء الفنانين ولا البشمرقة

Post: #88
Title: Re: تجمع البشمرقة يحتفل بنادية عثمان (توجد صور)..
Author: سارة علي
Date: 04-28-2009, 01:23 AM
Parent: #87

غايتو يا نادية كوستاوي دة منووو خووووفة..
ههههههههههههه
شاكة في انو يكون الهكر..وصورك دي الدليل..

Quote: لكن النصيحة لي الله زول فنان صاح ؟


لا ما صاح..

هسة حركتو دي اجتهد فيها عمل شنو؟؟ما لصق لصق لصق..كتر خير الكمبيوتر..

كوستاوي..(تنويه)
انا شايلة عكازي ولساني حارقه ملاح خضرة..

Post: #89
Title: Re: تجمع البشمرقة يحتفل بنادية عثمان (توجد صور)..
Author: نادية عثمان
Date: 04-28-2009, 01:27 AM
Parent: #88

بالغتي فوكا ياسارة ياخ !

يعني كوستا ده مافنان هسي ؟

ياخ الزول إجتهد شديد وإنتي قايلة اللصيق ده هين ؟


ياخ انا وش من وشوش ود الصائم البتدردق غلبني الصقها هنا !!

Post: #90
Title: Re: تجمع البشمرقة يحتفل بنادية عثمان (توجد صور)..
Author: حنين للبلد
Date: 04-28-2009, 02:11 AM
Parent: #89

يا شباب البوست ده بحمل نتداخل في؟؟ ولا صفرجت.!!

Post: #91
Title: Re: تجمع البشمرقة يحتفل بنادية عثمان (توجد صور)..
Author: نادية عثمان
Date: 04-28-2009, 02:19 AM
Parent: #90

ياحنونة الحليونة

صحبتي الغالية

البوست ده سيدو فاتحو سبيل تداخلي زي ماعايزة لا (صرفجت) ولا شئ سمح ؟ ههههه

Post: #92
Title: Re: تجمع البشمرقة يحتفل بنادية عثمان (توجد صور)..
Author: Kostawi
Date: 04-28-2009, 03:06 AM
Parent: #91

يا نادية كدى سيبينا من سارة دي
عاملة نفسها في تمريكا وضاربة الكهف!!!

أتحداها تجيب لي صور نادية كلها في أريتريا
و أتحدى أي زول في SOL


أها شنو ليكي?

و برضو أتحدى أي زول يجيب صور للظلامية صحبتي الإسمها بيان

و كمان ود الفاروق و أبو رزقة و معتصم و أبو ساندرا و الشين تمبس
و//////////////

صوري وصلت 2500 صورة
من 1999 لي 2009



يا سارة أنا عندي ليك صورة ولكن ما ح أختها
و ما تسأليني جبتها من وين!!!

إمضاء
كوستاوي الخردة الكرمبا

العنوان:
محل ساكن أوباما

Post: #93
Title: Re: تجمع البشمرقة يحتفل بنادية عثمان (توجد صور)..
Author: Kostawi
Date: 04-28-2009, 03:54 AM
Parent: #92

Quote: يا شباب البوست ده بحمل نتداخل في؟؟ ولا صفرجت.!!



طبعا حنين للبلد مفتكرة الصور الختيتها لها
مصورها أنا!!!
NO
يا حنين!!!

أنا لم آخت منك ولا صورة واحدة
الصور موجودة في بوستات تانية

أنا بخت فيها شوية ظلال و غيوم و شفق
و العيون النور الكان بجهرا

وبس


فما تسطبلتي فيني ساكت!!!

شيلوا حلاتكم دي مني ساكت
و خلونا نلعب {الفات فات)

و نمص الشيشة


Big
Hi

Post: #94
Title: Re: تجمع البشمرقة يحتفل بنادية عثمان (توجد صور)..
Author: محمد عبد الماجد الصايم
Date: 04-28-2009, 08:59 AM
Parent: #93

Quote: زيها و زي حبوبتنا الظلامية د. بيان أم كبك مشلخ deek










Post: #95
Title: Re: تجمع البشمرقة يحتفل بنادية عثمان (توجد صور)..
Author: Hussein Mallasi
Date: 04-28-2009, 02:11 PM
Parent: #94

Quote:
و بحسبة رياضيات بسيطة لقيتو انو الجكس في البوست ده هو كالآتي:

عزازشامي – شخصي الضعيف
راوية
ماما دوما
سارة علي
دينا خالد

الجكس يا عزاز لفظ ليس رديفاً للنساء؛
فهي لا تطلق - هكذا - على النساء في عمومهن.

Post: #96
Title: Re: تجمع البشمرقة يحتفل بنادية عثمان (توجد صور)..
Author: عزاز شامي
Date: 04-28-2009, 02:16 PM
Parent: #95

منو منهن ما مستوفية شروط الانضمام لمنظومة الجكس التقليدية؟

Post: #97
Title: Re: تجمع البشمرقة يحتفل بنادية عثمان (توجد صور)..
Author: محمد عبد الماجد الصايم
Date: 04-28-2009, 02:19 PM
Parent: #96

يعني إلا يقول ليكـ دينا خالد؟

Post: #98
Title: Re: تجمع البشمرقة يحتفل بنادية عثمان (توجد صور)..
Author: عزاز شامي
Date: 04-28-2009, 02:28 PM
Parent: #97

ود الصايم،

الحق اخوك تامبا رامي زلابية طازة في وش الكتاب، الح قبل ما تكمل

Quote: الجكس يا عزاز لفظ ليس رديفاً للنساء؛
فهي لا تطلق - هكذا - على النساء في عمومهن.


صحيح، كل جكس سيدة و ليست كل سيدة جكس ...

حسين ملاسي عندو اعتراض على ربط الكلمة بالمجمل بالنساء
انا زاتي سؤالي كان مضطرب و مشوش و متوتر، وبعد قراءة ثانية،
عرفت غلطي...

Post: #99
Title: Re: تجمع البشمرقة يحتفل بنادية عثمان (توجد صور)..
Author: دينا خالد
Date: 04-28-2009, 09:06 PM
Parent: #98

Quote: ماجوطتو ليكم أكتر من كده أسوي شنو أكفتو ليكم يعني ؟!! هههههههههههههه


مش انتى فى الرياض ؟؟ فما المانع اذا (ولا اذن ما عارفه) ؟
.. هو ذاتو بكون دايرها .. يعنى الا يكلمك عديييل يا ندوية ؟

Quote: الجكس يا عزاز لفظ ليس رديفاً للنساء؛

لووووول يا ملاسى لقيتك صعب ياخ
ما تحكها معاهن كدا ... (انا بره طبعا) ..
ود الصايم ؟؟
عايز شنو انت ؟؟؟ كلمنى عدييل ياخ (وش بتاع كوستاوى )
ما دايرة حقك ..
عــومــــــــــر !!
Quote: حتى الاسر اللي قلتي ما بورداب ودعوك عشان خاطر حفلة وردي هل تتوقعي إنهم ممكن يستضيفو هيثم
كابو اللي استضاف وردي الاسبوع الفات ؟؟
هل تتوقعي إنهم يستضيفو طارق جويلي اللي استضاف وردي اول ما جا..


افلست والله يا فاروغ .. هسه دا حنكك ؟
ياخى ما دايرين مع كابو مش على كيفهم ؟
ما دايرين مع طارق مش كيف كيفهم ؟؟
هسه انت ناس كتاااار جو الرياض دى وجيت قابلتهم ..
وهسه ما داير تقابل نادية مش برضو على كيفك ؟
فى زول نزل ليك بوست قال ليك قبل كدا انت قابلت فلان
وفلان .. عدم مقابلتك لى نادية دى تصفية حسابات ؟؟
ياخ مش كل زول عندو حق يشتغل لصالح مزاجو ؟ حتى لو مزاجو خررب ؟
هسه انا لو جيت الرياض وما دايره اقابل ود الباوقة ؟ بالغصب ؟
ولو ادسيت من ود الصايم ؟ بسكنى ؟ ياخ انت ما سمعت الراجل البقول
على كيفى على كيفى اضع عمامتى او اخليها ؟
بعدين ياخ دى احاسيس .. يعنى خارج نطاق معرفتك ..
نقطنا بى سكاتك ..


Post: #100
Title: Re: تجمع البشمرقة يحتفل بنادية عثمان (توجد صور)..
Author: محمد عبد الماجد الصايم
Date: 04-29-2009, 09:12 AM
Parent: #99

Quote: نقطنا بى سكاتك ..



دس إذ ذا بوينت!
شطة بس يا دندونتو!

Post: #101
Title: Re: تجمع البشمرقة يحتفل بنادية عثمان (توجد صور)..
Author: نادية عثمان
Date: 05-01-2009, 02:48 AM
Parent: #99

Quote: افلست والله يا فاروغ .. هسه دا حنكك ؟
ياخى ما دايرين مع كابو مش على كيفهم ؟
ما دايرين مع طارق مش كيف كيفهم ؟؟
هسه انت ناس كتاااار جو الرياض دى وجيت قابلتهم ..
وهسه ما داير تقابل نادية مش برضو على كيفك ؟
فى زول نزل ليك بوست قال ليك قبل كدا انت قابلت فلان
وفلان .. عدم مقابلتك لى نادية دى تصفية حسابات ؟؟
ياخ مش كل زول عندو حق يشتغل لصالح مزاجو ؟ حتى لو مزاجو خررب ؟
هسه انا لو جيت الرياض وما دايره اقابل ود الباوقة ؟ بالغصب ؟
ولو ادسيت من ود الصايم ؟ بسكنى ؟ ياخ انت ما سمعت الراجل البقول
على كيفى على كيفى اضع عمامتى او اخليها ؟
بعدين ياخ دى احاسيس .. يعنى خارج نطاق معرفتك ..
نقطنا بى سكاتك ..



آمنت بالله !!