Post: #1
Title: يا الجعيلي انا حاجز برنامج الرياضة في هارموني ..الرسول فوقك كان تدّيهو لي زول !!
Author: عمر الفاروق
Date: 05-06-2008, 04:23 PM
Parent: #0
والله يا جماعة بقيتوا تشفقونا وكل يوم هارموني في حالة توقيع عقود مع ناس امبارح نادية والليلة لبنى وبكرة ما بعيد دينا خالد (دي غايتو إلا يمسكوها برنامج الأطفال أو برنامج الأسرة)..
انا من زماااان عندي فكرة في راسي لي برنامج رياضة بي شكل معين من المستحيل تنفيذه في التلفزيون القومي (يعني يا سامي لو قالوا لي تعال بدل عمر النقي بررررضو ما بجي  )..
قناة هارموني قناة خصبة لتقديم برنامج رياضي طموح يلبي حاجة الرياضيين (الهلاليين أولاً والباقي ملحوق)...
قناة هارموني حالياً تفتقر لبرنامج بهذه اللونية ..إمكن الجعيلي لابد بيها فوق رأي وإمكن ما عندو فيها الرغبة وموجه القناة لشكل معين من البرامج ..
لكن يا الجعيلي من أسسسسة انا خاتّي طوبتي لي برنامج الرياضة بتاعك ده وجاهز لي توقيع العقد وما بنختلف في السعر يعني معاك لحدددددي 10 مليون في الشهر والسعر ده والله عشانك بس ما بندّيهو إلا لي الحبايب
البدل جاهزة والكرفتات كذلك وحا أنافس ليكم مصطفى الأغا في الأناقة لكن بس ما تركزوا في الوش واللون كتير سمح ؟
الصلعة ما بتوقع إنها مشكلة ويكفيني فخراً علي شمو مصلّع وأهو حاور أم كلثوم ..أي نعم ما كان عندو صلعة لكن النية كانت واصلة ..
البرنامج إسمو الدافـــــــــــــــــــــــــوري ..
وأهو مش هارموني قناة سودانية ؟ الدافوري ده إسم سوادني قُح (يا سلااااام ياخ إتوفقت في كلمة قُح دي)
ضيوفي جاهزيييين وحا يكونوا من المشجعين العاديييين ناس أحمد الريح وسيف كلي وتيتاوي وإحححححححتمال ناس سامي عبد الوهاب وعلي البشير أستضيفهم في حال إعتذار الضيوف ديل ..
أها يا جماعة إنتظروني على قنـــــــــــأة هارموني قريباً وقريباً جداً مع بداية الألفية الرابعة وحا أعمل ليكم زي ناس نادية مختار يجيبوني ليك كدي يا يمة محككككككككككر مع هيثم مصطفى صلاة النبي عليهو في بيتو وأسألوا ليك عاد جنس أسئلة وأقوووووم كده بعدو أمشي لي العجب وأدق الباب برااااااااحة وماف زول يسمعني وأشيل الكاميرات وأقول لي المخرج الناس ديل مافيشين شكلهم رحلوا كدي خلّينا نغشى كليتشي مادام جينا كوبر
أها يا الجعيلي غايتو انا كلّمتك ولا عذر لمن أنذر وكان ما أديتني برنامج الرياضة ده فأنا مضطر يا عزيزي بالموافقة للعمل في الشو تايم لتحليل الدوري الإنجليزي أو اليورو سبورت وبالميييت كده ربما أرضى بالموافقة برئاسة قناة الجزيرة الرياضية خلفاً لأيمن جادة ..
ياخ أقول ليك حاجة ما عايز معاك زاتو ومن دربي ده انا ماشي الحلاق لا كورة ولا يحزنون ..
هو زاااااااااتو وينا كورتنا عشان نعمل ليها برنامج ؟
قال الدفوري قال !!!!
|
Post: #2
Title: Re: يا الجعيلي انا حاجز برنامج الرياضة في هارموني ..الرسول فوقك كان تدّيهو لي زول !!
Author: محمد الطيب حسن
Date: 05-06-2008, 04:33 PM
Parent: #1
| Quote: ياخ أقول ليك حاجة ما عايز معاك زاتو ومن دربي ده انا ماشي الحلاق |
الحلاااااااااااق
عمر ياخوي انت متأكد ماشي الحلاق
|
Post: #3
Title: Re: يا الجعيلي انا حاجز برنامج الرياضة في هارموني ..الرسول فوقك كان تدّيهو لي زول !!
Author: اساسي
Date: 05-06-2008, 04:35 PM
Parent: #1
بالله قول ليهو اتوصا بي برنامج في ساحات الفداء لاخونا تمبس ما يستعجل ويقعوا مع زول غيره
|
Post: #4
Title: Re: يا الجعيلي انا حاجز برنامج الرياضة في هارموني ..الرسول فوقك كان تدّيهو لي زول !!
Author: عمر الفاروق
Date: 05-06-2008, 04:36 PM
Parent: #1
فاتني أن أشكر ال Cast اللي إشتغل معاي في إعداد هذه الحلقة وهم جنود مجهولون لابد من ذكر أسمائهم وأخص بالشكر المخرج علاء الدين منصور تمبس ..تمبس كان المخرج والمصوّر في نفس الوقت والشكر موصول لي معتصم دفع الله اللي شاركنا في المحطات الخارجية وصلاح شتات في الأرشيف ونشكر الأخ عبد الله داش وقرشي اللي قاموا بتصميم شعار البرنامج والمقدمة والتحية طبعاً موصولة للأخ والصديق حمّيدة مسؤول التسويق إضافة لتوفيره لعربيته لحمل المعدات والكاست (ياخ كاست دي برضو زي إتوفقت فيها مش؟)..
وعذراً لمن سقط إسمه سهواً ..
التحية لكم أيها المشاهدون الأعزاء حتى نلتقي ..
فاصـــــــــــل... ونشووووووف الحاصـــــــــل ..
|
Post: #5
Title: Re: يا الجعيلي انا حاجز برنامج الرياضة في هارموني ..الرسول فوقك كان تدّيهو لي زول !!
Author: عمر الفاروق
Date: 05-06-2008, 04:46 PM
Parent: #1
محمد الطيب:
| Quote: عمر ياخوي انت متأكد ماشي الحلاق |
أهاااااااااااااااا بدينا الإستهداف من أسة ؟
بيني وبينك القمم مستهدفة
بعدين ياخ انا ربنا عشان حرمني من نعمة الشعر دي على كبر فالحمد لله مهتم بي دقني دي شديييد ياخ بخليها تكبر تكبر تكبر عشان ما أتحرم من نعمة الحلاق دي ...
|
Post: #6
Title: Re: يا الجعيلي انا حاجز برنامج الرياضة في هارموني ..الرسول فوقك كان تدّيهو لي زول !!
Author: عمر الفاروق
Date: 05-06-2008, 04:49 PM
Parent: #1
يا أساسي :
| Quote: بالله قول ليهو اتوصا بي برنامج في ساحات الفداء لاخونا تمبس ما يستعجل ويقعوا مع زول غيره |
وإنت الصادق تمبس ده شكلو حا يمسك برنامج :
مع الشيــــف تمبس ..
الزول ده بيزبط شاي بي لبن مبااااالغة وفي رواية سلطة الأسود
لكن بحاول أشوف ليهو طريقة يعمل ليهو برنامج زي بتاع عمر الجزلي داك عشان يستضيف ليك فيهو ناس خالد الطيب وتراجي يغطس ليك حجرهم
|
Post: #7
Title: Re: يا الجعيلي انا حاجز برنامج الرياضة في هارموني ..الرسول فوقك كان تدّيهو لي زول !!
Author: عمر الفاروق
Date: 05-07-2008, 06:17 AM
Parent: #1
يا جماعة أيمن جادة ده لاخمني بي التلفونات ..أرد عليهو ولّا أرخيهو ؟
|
Post: #8
Title: Re: يا الجعيلي انا حاجز برنامج الرياضة في هارموني ..الرسول فوقك كان تدّيهو لي زول !!
Author: سامى عبد الوهاب مكى
Date: 05-07-2008, 06:18 AM
Parent: #1
وبعدين القال ليك الشعر نعمة منو؟؟ أهو على الأقل الله ريحك من تكاليف الشامبو والبلسم والحلاق والكلام الفارغ ..لو وقفت تحت المروحة ساااكت تطير ليك اي زيادات
غايتوا انا حاجز البرنامج دا قبالك ودي بعتبرا مؤامرة دنيئة من الهلالاب لاستهداف شخصي..
احرش عليك صحافة الفول يشهوك العافية..أصلهم شغالين معانا...
غايتوا يا بني صهيون خططكم التوسعية عجيبة.
|
Post: #9
Title: Re: يا الجعيلي انا حاجز برنامج الرياضة في هارموني ..الرسول فوقك كان تدّيهو لي زول !!
Author: عمر الفاروق
Date: 05-07-2008, 06:22 AM
Parent: #1
يا سامي الخصال:
جهجهتنا معاك !!! يعني أسة نشجع منو ؟ الأزرق والأبيض وووب والنجمة ووووبين ..
بعد ده إلا أشجع نجوم حي الضباط برابطة أبي عنجة ..
| Quote: احرش عليك صحافة الفول يشهوك العافية..أصلهم شغالين معانا... |
أبشرك يا حبوب..
أخوك ما بيرضى بي أقلّ من أقاشي من إستوب مكي ..
|
Post: #10
Title: Re: يا الجعيلي انا حاجز برنامج الرياضة في هارموني ..الرسول فوقك كان تدّيهو لي زول !!
Author: معتصم دفع الله
Date: 05-07-2008, 07:07 AM
Parent: #1
يا عمر كتر من البدل ..
الصلعة دي مقدور عليها
|
Post: #11
Title: Re: يا الجعيلي انا حاجز برنامج الرياضة في هارموني ..الرسول فوقك كان تدّيهو لي زول !!
Author: عمر الفاروق
Date: 05-07-2008, 07:42 AM
Parent: #1
يا تصن :
Quote: يا عمر كتر من البدل ..
الصلعة دي مقدور عليها |
ماااااااا أكضب عليك إشتريت لي كم بدلة كده بعد ما عشت أحلام اليقظة وإستلمت فيهو العقد الموقع من الجعيلي ..
لكن ده ما بيمنع إنو نستعين بي صديق خصوصاً البدلة الزيتية
وبالله قول ل يتمبس ألحقنا بي البيجية ..
|
Post: #13
Title: Re: يا الجعيلي انا حاجز برنامج الرياضة في هارموني ..الرسول فوقك كان تدّيهو لي زول !!
Author: معتصم دفع الله
Date: 05-07-2008, 08:57 AM
Parent: #11
Quote: لكن ده ما بيمنع إنو نستعين بي صديق خصوصاً البدلة الزيتية
وبالله قول ل يتمبس ألحقنا بي البيجية .. |
يا عمر انت عايز تورث بدري ( وااااااااع ) دي معناها ميت من الضحك ..
عندي ليك مفاجأة ..
أكلمك بيها ولا أموت بيها ..
ما قلت لي كورة النهائي متين ..
بعدين عندنا دعوة من الصحفيين الرياضيين لتكريم الصحفي محمد الصادق ..
ما تفوتك دي فرصة تعمل فيها حوارات على الهواء مباشرةً ( حلوة دي ) ..
عشان تمارس شغلك من هسي ..
قول ألووو ياخ ..
|
Post: #12
Title: Re: يا الجعيلي انا حاجز برنامج الرياضة في هارموني ..الرسول فوقك كان تدّيهو لي زول !!
Author: Maawya Hussein
Date: 05-07-2008, 08:48 AM
Parent: #1
انا برشح احمد الريح للشروق ...
|
Post: #14
Title: Re: يا الجعيلي انا حاجز برنامج الرياضة في هارموني ..الرسول فوقك كان تدّيهو لي زول !!
Author: محمد الطيب حسن
Date: 05-07-2008, 12:23 PM
Parent: #12
بس عندي اقتراح بسيط ياعمر الفاروق
انو الخلفيه بتاعت الاستديو تكون
الصوره دي
|
|