بالله يا شباب عايزين كلام ما بيتفهم من النوع الدُرّاب ..أقل كلمة ممكن تتكتب هنا إستلاب فكري .. أتفه موضوع يمكن نناقشه في المساحة دي النعجة دوللي وتأثير ثقب الأوزون على حياة الدب القطبي .. أبسط جملة ممكن تشارك بيها الإستقطاب الأيدلوجي في ظل الفكر البلشفي وتداخله مع الليبرالي إلى أين؟ كورة ما معانا لا خريبكة ولا خرابة !! حرب ما عايزين لا خليل ولا ذات الصواري .. غنا من عينة علوية مقصات ومجدي الكلاكلة ما بينفع ..
Post: #3 Title: Re: تعالوا نلعب ثقافة ثقافة .. Author: علاء الدين يوسف علي محمد Date: 05-18-2008, 06:08 PM Parent: #2
عندما ترمقك العيون السود التي بها شنو كدة ما عارف يا عمر و حين تتضح الرؤيا و ينقشع الظلام و يُغرد السمندل و تتقوقع هي بين صوت خرير المياه و نجيلة حدائق السلام
باختصار كدة يا عمر لو عزاز شامي دي سجّلت بحكم إنو أنا فردتك و كِدة خت لي مقعدي جنبها خلاس
لكن بالجد ضحكني البوست ده، وانا خايف اتكلم تقوم وتقطع من راسك لانو انت شكلك عايز تحاول تقدم رؤية نقدية للمثقفين او زي مابقلوا أزمة المثقف والسلطة ، وانا عندي اختلاف مع العبارة دي لانو مفروض تكون أزمة المثقف والتغير الاجتماعي ، لانو في رائي الميقف منوط بيهو عملية التغير الاجتماعية وما السلطة بشكل مباشر ، ده غير ثالثوث السلطة والمثقف والجمهور هلمجرا ... المهم قلت بعض الداير اقولو ، شيعني شيعنى او بالعربى كده مارس الطعمية فينى كما تود اهو بالهم قبلنا..
التحايا النواضر..
Post: #6 Title: Re: تعالوا نلعب ثقافة ثقافة .. Author: علاء الدين يوسف علي محمد Date: 05-18-2008, 07:06 PM Parent: #5
تروتسكي
والله خير ما فعلت قدومك لهذا البوست
يلة أكتب كلامك السمح داك و إنشرِح ورِّي عمر الفاروق بلفوها كيف
عمر الفاروق وعلاء الدين وتروتسكى ... السلام عليكم.
Post: #8 Title: Re: تعالوا نلعب ثقافة ثقافة .. Author: علاء الدين يوسف علي محمد Date: 05-18-2008, 07:23 PM Parent: #7
اللطيف شول أشوانق
من أمس و أنا بضحك
قاعدين في لمّة الأون لاين و فجأة معتز يرفع يدو عشان يتكلم
و نحن جلوس قرب بعضنا البعض و لصيقي شول ينقنق نقنقة مسموعة إعتراضية علي طلب معتز للحديث و يقول: ياخ مالك ياخ ... ضحكت و أنا قربه و سألته: يا زول مالك؟ فأردف يشير لمعتز: هو بتكلم شوية لكن بكتب كتير
بوست برغماتي ليس الا من شخص ليس له حظ من الكاريزما
Post: #14 Title: Re: تعالوا نلعب ثقافة ثقافة .. Author: محمد الطيب حسن Date: 05-19-2008, 09:04 AM Parent: #13
والله ياعمر الفاروق بوستك دمو خفيف
بس معليش ماابنقدر نساهم معاك اصلو ثقافتنا روسي وايطالي ولو حتيناها ليك هنا وحياتك ماتفهم اي حاجه
معلوم رفيق
Post: #15 Title: Re: تعالوا نلعب ثقافة ثقافة .. Author: عمر الفاروق Date: 05-19-2008, 10:01 AM Parent: #1
علاء الدين :
Quote: عندما ترمقك العيون السود التي بها شنو كدة ما عارف يا عمر و حين تتضح الرؤيا و ينقشع الظلام و يُغرد السمندل و تتقوقع هي بين صوت خرير المياه و نجيلة حدائق السلام
يبدو أنك مستلب فكريّاً .. لا مكان لك بيننا يا أيها العنصري البغيض..
Post: #18 Title: Re: تعالوا نلعب ثقافة ثقافة .. Author: فدوى الشريف Date: 05-19-2008, 10:17 AM Parent: #15
هل يمكن أن نستخدم "القوقيل" في اللعب؟
يقول الشيخ عائض في "روشتاته" الرائعة "لا تحزن"..
الفارغون في الحياة هم أهل الأراجيف والشائعات لأن أذهانهم موزعة ، الراحة غفلة ، والفراغ لص محترف ، وعقلك هو فريسة ممزقة لهذه الحروب الوهمية. اذا قم الان صل أو اقرأ ، أو سبح ، أو طالع ، أو اكتب ، أو رتب مكتبك ، أو أصلح بيتك ، أو انفع غيرك حتى تقضي على الفراغ وإني لك من الناصحين. ...... الجهل موت للضمير وذبح للحياة ، ومحق للعمر والعلم نور البصيرة ، وحياة للروح ، ووقود للطبع ، إن السرور والانشراح ياتي مع العلم ، لأن العلم عثور على الغامض ، وحصول على الضالة ، واكتشاف للمستور ، والنفس مولعة بمعرفة الجديد والاطلاع على المستطرف.
أما الجهل فهو ملل وحزن ، لأنه حياة لا جديد فيها ولا طريف ، و لا مستعذب ، أمس كاليوم ، واليوم كالغد.
اندياح الشنو كدا ما بعرف عند نقاط الحياة المنهمرة خلف مساحات البوح المنسدل من الشعور اللامرئي لتوهان الانسانية بين الحقيقة والخيال خلف الرؤى المنبثقة من شنو كدا ما بعرف
وفجأة كدا سنتنضن الاذاعة المحلية
تخريمة : والله يا عمر الفاروق كتر خيرك بهذا البوست نفسي كان القى لي جملة مفيدة ادخل فيها كلمة اندياح دي ( صراحة غايظاني غيظ) ما عارفة ذاتو بيقولوها متين ولشنو
برجع تاني عشان ادخل كلمة تداعيات في جملة مفيدة
Post: #19 Title: Re: تعالوا نلعب ثقافة ثقافة .. Author: عمر الفاروق Date: 05-19-2008, 10:21 AM Parent: #1
تورتسكي: ياااااااااااااااااااااااااااااااااااااااااه .. يا أيها الشفيف .. ماذا فعلت بك الدنيا يا صديقي ؟ ما زلت تطارد غزلان شوارد في محيط فناء متسع بقدر عيون حبيبتي ؟ وكيف هي الأحوال ؟ اما زلت تتلمس طريق الذكريات بحثاً في نقوش هذا الجدران الآثم ؟ لا عليك يا زميل فهكذا قد خبروني ثم قالوا لي ترجّل .. هي الأشواق وحدها يا إنسان .. بحثت عنك في كل دفاتري فما وجدت سوى صفحات مكتوبة بحبر سري وحروف هروغلوفية ورسوم فرعونية ... اياااااااااااااااااااااااااا حتشبسوت عودي..
Post: #20 Title: Re: تعالوا نلعب ثقافة ثقافة .. Author: عمر الفاروق Date: 05-19-2008, 10:53 AM Parent: #1
لابأس أن نستجمّ مع هذا اللحن الرائع لقيثارة الغناء والطرب سيدة الغناء الغربي السيدة سيلين ديون صراحة انا ما فاهم بتقول في شنو لكن يبدو إنها تعادل عندنا في الغناء السوداني : الكنداكة سيدي سيدي الأراكا..
Post: #21 Title: Re: تعالوا نلعب ثقافة ثقافة .. Author: سامى عبد الوهاب مكى Date: 05-19-2008, 11:34 AM Parent: #1
عمر في واحد نسخة تانية من حمودة حلاق الجامعة قال لي قبل فترة
" ويـــــن صاحبك دا منقطع النظير"
غايتو أنا قلت احتمال قاصد (لي مدة ما شايفو)
الإجازة الجاية بعزمو ليك مخصوص!!
Post: #22 Title: Re: تعالوا نلعب ثقافة ثقافة .. Author: Osama Mohammed Date: 05-19-2008, 11:44 AM Parent: #1
""الثقافة دي تعلمناها من بدري أيام السينمات ..... كنا بنمشي نحضر افلام أبطالها ناس - رائعين - للمثال والحصر شارلس بنسون وسامي كابور و حتي البطل الكبير جورج مشرقي ...""
- من مذكرات واحد كدا -
Post: #23 Title: Re: تعالوا نلعب ثقافة ثقافة .. Author: القلب النابض Date: 05-19-2008, 11:56 AM Parent: #22
لوووول يا عمر قاصد اساسي
الزول دا مثقف جد وكتب بوست رهيب بس ما فهمتو .. دي براغماتية الانتلوجنسيا في زمن الحرب والموت الاحمر ..
التحية ليك ولي اساسي .." شكلو اتورط"
معتز تروتسكي .. سلام لك في الحضور وفي الغياب الطال ..
القلب النابض ياقلب يديك العافية ، صحتك واخبارك بس الايام دي شوية عاطل عشان كده بطل لكن عندي دريبات تانية لو عايزة تسالي ،عموما الصحة والاخبار يامثقفة..
Post: #26 Title: Re: تعالوا نلعب ثقافة ثقافة .. Author: معتصم دفع الله Date: 05-19-2008, 03:40 PM Parent: #1
البوست دا بدعم الموقع الثقافي .. المنبثق من تراجيديا الواقع الحياتي .. ونستلوجيا الحنين من واقع الحالة التي يعيشها الشباب .. وعدم رغبتهم في الدخول لعوالم تفضي بهم إلا متاهات يصعب الرجوع منها .. والناتجة من تقوقع أحلامهم المقفولة في شنطة حديد مجدوعة في آخر الغرفة ..
يطرشني كان فاهم حاجة ..
عمر تاني ما تجينا بي هناك قال ثقافة ثقافة ..
برقيات ثقافية .. تروتسكي يا شقيقي سلام .. علاء الدين ليك شوق كتير .. السني ودأبوي متين جيتك لينا ..
معتصم & ود النسي & الجميع... اعتماد امكانية التحول اللامرئي في اطار الحراك الاجتماعي كمذهب لدراسة السلوك النفسي تجاه الانسانية في مقابلة الاخر مع الانا الذاتية ودرجة تعقيد هذه العلاقة بشكل ديالكتيكي تفرز مايسمى اصطلاحا[بالشوق]...
*بالمناسبة الكلام ده جد مانجر..... التحايا النواضر..
Post: #31 Title: Re: تعالوا نلعب ثقافة ثقافة .. Author: معتصم دفع الله Date: 05-19-2008, 05:19 PM Parent: #30
تروتكسي يا شقيق .. الطمعية لها دور أساسي في التعويض عن مكنون الفقد الغذائي للفرد منا .. وهكذا يفعل الشوق بنا كمجراهو في دمائنا نحو من إرتضيناه .. بعد أن رمتنا في صحراء العدم وصراعنا الحتمي نحو التحول (الأيدولوجي) الممعن في البقاء .. وإمعاناً منا في جره ناحيةالتواعد الأسري الذي درجنا عليه .. مصنفاً بذلك الكم الهائل من كمية الحنين للطعمية وشاكلاتها .. وجلسة أنس كاربة قد تقودنا إلى غدٍ أفضل بوجبة كاملة الدسم والأشواق ..
أنجر يا شقيقي .. فلنا شوق من ذاك النجر .. وسلام لمن حولك ..
فى رؤية نقدية مزبهلة نحاول ان نؤطر لازدواجية الوعى و اللاوعى فى اطروحة الشاعر خالد سوفيت عند التعمق فى مفردات النص نتجاوز عتبة الايدلوجيا منغمسين بين كماشة التأطير و مسلمات التقطير نقف عند قوله: فى بستان الابدية جلس العدم يتفلى فلا الصئبان زالت ولا القمل قل (بالتشديد) سأقوم بدراسة اركولوجية (و هى مبحثى للدكتوراة ) عن العلاقة الطفيلية النفعية الشبيهة بالبرجوازية الانتهازية بين القمل كرمز للقهر و بين الرأس كرمز للبلروتاريا
Quote: عمر الفاروق وعلاء الدين وتروتسكى ... السلام عليكم.
وعليكم السلام .. وبعدين ياخ مالك ما شاركتنا في اللعبة دي ؟ اخوانا الجنوبيين ديل لمن يقوموا لي ثقافة ثقافة بيكونوا مباااااااالغة والعجب خريجات الأحفاد .. كدي أدينا من بيت الكلاوي حيث قناة جونقلي ودس المحافير في ظل البوح الهادئ مع ليلة خريفية برائحة المانجو وطعم الأبنوس ونكهة الباباي ولون الأشياء ..
Quote: بوست برغماتي ليس الا من شخص ليس له حظ من الكاريزما
يبدو أنك خلطت بين البرغماتية والبرمائية !!! لا عليك يا عزيزي فهما الإثنان يدخلان في باب اللافقاريات وإن كانت بعض البرغماتية تمتاز بعود فقري رخو .. اما بخصوص الكاريزما فيكفي أنها كانت واحدة من الأسباب التي تم الموافقة عليّ من قبل نسابتي لإكمال الزواج بعد أن سألوا ناس الحيّ هل عمر عندو كاريزما؟ وبحمد لله أجمع الناس على إنو عندي كاريزما وإن كان البعض قد قال إنها بتجيني مرة مرة !!! هون عليك يا صديقي فهكذا هم أهل دول الهلال الخصيب!!!
Post: #34 Title: Re: تعالوا نلعب ثقافة ثقافة .. Author: عمر الفاروق Date: 05-20-2008, 10:12 AM Parent: #1
محمد طيب:
Quote: معلوم رفيق
إنت في قرقر كتير انا في إسوي جنجال ..إنت ماف معلوم فايدة نفر؟ إنت يسوي ثقافة ثقافة انا ما يسوي جنجال إنت يبقى جنجال انا في لازم كلام كباااار .. تخريمة : اللغة الروسية ما هي إلا تداعيات لوطن ممزق بين القوقاز وفلادفيستك مروراً بكييف ونهاية بي طاجكستان فلا تبتئس يا صديقي وعليك بالروسيات فهن أكثر جمالاً وإحتمال دخولهن للإسلام وارد ..
Post: #35 Title: Re: تعالوا نلعب ثقافة ثقافة .. Author: محمد الطيب حسن Date: 05-20-2008, 12:23 PM Parent: #34
عزيزي عمر الفاروق سردق بنا فوق صوت الليل المفنكش وانساك من ديل وهم ساي
حقا اخي الجخبظيظ انت مثل الفول في العشاء فهو كالبارسلوجي يلخلخ من انتشي حتي اذا ما اشرءب الغد وادرك السفسطاني غايته وتجفلب وتشرزم علي هيروشيميا حياتة دنكل سفه كااااااااااربه وقام اتخارج
اساسي: الظهور وحده لا يكفي يا زميل ..فمن من أناس يخفونها تلك الأحاسيس في الدواخل فتفضح عيونهم ما يخفون .. وليست العين وحده من يفضح الأسرار فكم من نخرة وإضنين ساهمت في كشف الأسرار .. لا عليك فهكذا هي الدنيا ما بين ما كنا (نحلم) به وبين ما تحقق فلا مرسال الدكان أتى بفائدة ولا سقطت انت في تلك (الحفرة).. كن بخير ..
Post: #37 Title: Re: تعالوا نلعب ثقافة ثقافة .. Author: عبداللطيف حسن علي Date: 05-20-2008, 06:16 PM Parent: #36
Quote: بالله يا شباب عايزين كلام ما بيتفهم من النوع الدُرّاب ..أقل كلمة ممكن تتكتب هنا إستلاب فكري .. أتفه موضوع يمكن نناقشه في المساحة دي النعجة دوللي وتأثير ثقب الأوزون على حياة الدب القطبي .. أبسط جملة ممكن تشارك بيها الإستقطاب الأيدلوجي في ظل الفكر البلشفي وتداخله مع الليبرالي إلى أين؟ كورة ما معانا لا خريبكة ولا خرابة !! حرب ما عايزين لا خليل ولا ذات الصواري .. غنا من عينة علوية مقصات ومجدي الكلاكلة ما بينفع ..
عايزين ثقافة ثقافة يا شباب ..
قد بي الطريقة الصاح ...
كوووووووووووبح ..
وعمر كان أول من خالف قوانين بوسته .. لأنه لا يستطيع ..إلا أن يكون .. هو
.
..