Post: #1
Title: الجزيرة الرياضية ومتعة نقل المباريات ..
Author: عمر الفاروق
Date: 06-10-2008, 07:07 AM
Parent: #0
ما تقدمه قناة الجزيرة الرياضية من تغطية لبطولة أمم أوروبا أكد علو كعب هذه القناة وجعلنا نشعر أننا كنا في حالة ضياع تاااام ونحن نشاهد المحطات الرياضية الأخرى وهي تحتكر البطولات العالمية الأخرى وتقدمها بصورة باهتة هزيلة ..
مع الجزيرة الرياضية لا يوجد كبييير فا الأسطورة الهولندية كروييف حااااضر والأسطورة الإيطالية مالديني حاضر واسطورة التدريب الفرنسي أرسين فينقر حاضر وأعظم قدامى لاعبي المنتخبات الأوربية حاضرين في الجزيرة الرياضية إما محللين أو ضيوف ..
التغطية التي تتم قبل المباراة شئ من الخيال ثقافة قبل أن تكون رياضة ..
التغطية بعد المباراة تجعلك وكأنك موجود في البلدان التي لعبت المباراة ..
في كل بلد مشارك في البطولة يوجد مراسل ..
ومع نهاية صافرة الحكم تجد نفسك قد سافرت من النمسا أو سويسرا إلى المانيا ..إيطاليا ..هولندا..فرنسا ..وغيرها..
الجزيرة الرياضية ضربت مثالاً عملياً على أن الرياضة أخلاق قبل كل شئ وهي تحذر سماسرة السوق من زيادة أسعار بيع الكامات والكروت وتنبه الوكلاء على ذلك ..
الجزيرة الرياضية سخّرت معلقين على درجة عاااالية من الثقافة جعلتنا نستمتع بهم قبل أن نستمتع بالمباراة وجعلتنا نستمتع بالتحليل أكثر من إستمتاعنا بالمباراة ..فقد جرت العادة وفي جميع البطولات ما أن تنتهي المباراة إلا وتجد الجميع قد إنفضّوا ولكن مع الجزيرة الرياضية تجد نفسك مجبوراً على الجلوس لأخر لحظة ..
التحية لكل الفريق العامل بالجزيرة الرياضية وتحية خااااصة للمجتهد جداً والمثقف جداً المعلق والمحلل ومدير الرياضية الأستاذ أيمن جادة صاحب الصوت الهادئ والحديث الراقي..وتحية خاصة لعلي الكعبي ويوسف سيف وعلي محمد علي وكل المعلقين ..وكل المحللين ..
ونحن في إنتظار أن تنتهي إحتكارية كأس العالم وكأس الأمم الأفريقية لتعود لمكانها الطبيعي بين أحضان قناة الجزيرة التي لم تكن قد تأسست بعد حينما أحتكرت قنوات أخرى هذه البطولات ..
|
Post: #2
Title: Re: الجزيرة الرياضية ومتعة نقل المباريات ..
Author: Omar Bob
Date: 06-10-2008, 07:17 AM
Parent: #1
سلام يا عمر الفاروق
الجزيره فعلا عملت نقله نوعيه كبيره في نقل البطوله من تحليل الي تعليق الي تقارير
وحتي في مجال الاعلانات تجد هناك فارق كبير زكرتنا باعلانات السوبر بول الامريكي
اعلانات الكوكوكولا عن الفرق المشاركه قمه المتعه خاصه عن الفريق الايطالي
حندافع حندافع وانتو مالكو
مباره وديه حندافع
سميفينال برضو حندافع
خلو الهجوم بنفعكو
_____________________
لم احظي بمشاهده المباريات المنقوله بنظام الHD لغياب هذه القناه من الباقه التي بحوزتي
ولكن اتوقع من معرفتي بتكنلوجيا الHD ان يكون النقل اكثر متعه لانك ستري جزء كبير من الملعب وليس فقط المكان الذي تتواجد حوله الكره
كما يحدث الان
|
Post: #3
Title: Re: الجزيرة الرياضية ومتعة نقل المباريات ..
Author: عمر الفاروق
Date: 06-10-2008, 07:30 AM
Parent: #1
عمر بوب:
تحياتي يا راقي..
Quote: لم احظي بمشاهده المباريات المنقوله بنظام الHD لغياب هذه القناه من الباقه التي بحوزتي
ولكن اتوقع من معرفتي بتكنلوجيا الHD ان يكون النقل اكثر متعه لانك ستري جزء كبير من الملعب وليس فقط المكان الذي تتواجد حوله الكره
كما يحدث الان |
ياخ جيتني في جرح والله ..انا ما فاهم الحنك ده شنو ..
بشوف ليك ناس الجزيرة الرياضية جايبين من 1+ لحدي 3+ وبعدين بيكتبوا HD قلبت الرسيفر فوق تحت ما لقيت القناة دي فقلت قطع شك ود اربجي محمد عبد الرحمن ده غشاني ورسل لي بطاقة ضاربة  ..
اها اسة القناة دي بيجيبوها كيف ولا بيشتركوا فيها كيف ولا الحنك شنو بالضبط عشان نضرب لي محمد عبد الرحمن ده يجيب لينا كرت تاني وبالمرة فتيلين ريحة
|
Post: #4
Title: Re: الجزيرة الرياضية ومتعة نقل المباريات ..
Author: زهير حيدر صديق
Date: 06-10-2008, 07:40 AM
Parent: #3
Quote: الجزيرة الرياضية ضربت مثالاً عملياً على أن الرياضة أخلاق قبل كل شئ وهي تحذر سماسرة السوق من زيادة أسعار بيع الكامات والكروت وتنبه الوكلاء على ذلك ..
|
الحبيب عمر
ولا حياة لمن تنادي ..
سعر الكرت الآن بسوق الدشوش بالسليمانية 300 ريال - ده إذا لقيتو -
محبتي ومشتاقين ..
|
Post: #5
Title: Re: الجزيرة الرياضية ومتعة نقل المباريات ..
Author: على محمد على بشير
Date: 06-10-2008, 07:40 AM
Parent: #3
يستاهلوا المديح
وكلماتك فى حقهم ياعمر جاءت قمه فى الروعه
|
Post: #6
Title: Re: الجزيرة الرياضية ومتعة نقل المباريات ..
Author: Omar Bob
Date: 06-10-2008, 07:46 AM
Parent: #1
سلام يا عمر
| Quote: اها اسة القناة دي بيجيبوها كيف ولا بيشتركوا فيها كيف ولا الحنك شنو بالضبط عشان نضرب لي محمد عبد الرحمن ده يجيب لينا كرت تاني وبالمرة فتيلين ريحة |
اولا كدي نبدأ ليك بمحمد عبد الرحمن
والله انا لاقيتو قبل كم يوم في لمه لمني خوجلي انا كنت طالع وهو داخل تعرف والله لقيت ليك الزول ده متريح بي ريحه مبالغه - بيني وبين نفسي قلت الزول دا اكيد كاتل ليه كتله - اسي انا فهمت الموضوع قطع شك دي باقي قريشاتك بتاعت الكرت فانت اسع استعوض الله في القروش لكن خلي يرسل ليك باقي الريحه اذا فضل منها شئ
بخصوص القناه انا والله مشترك في الجزيره عن طريق شركه الكيبل وكنت اظن ان هذه القناه متوفره للناس العندهم كرت, لكن من كلام ده واضح انو في الكرت مافي - ده اذا سلمنا جدلا انو محمد عبد الرحمن ما غشاك-
ساتصل بناس الجزيره لمعرفه اي تفاصيل عن القناه وان وجدت سوف اكتبها في هذا البوست
|
Post: #17
Title: Re: الجزيرة الرياضية ومتعة نقل المباريات ..
Author: محمد عبدالرحمن
Date: 06-10-2008, 02:01 PM
Parent: #6
|
Post: #7
Title: Re: الجزيرة الرياضية ومتعة نقل المباريات ..
Author: abas
Date: 06-10-2008, 08:04 AM
Parent: #1
ود الفاروق
كلامك صاح بس
المعلق المصري ده يغيروه
|
Post: #8
Title: Re: الجزيرة الرياضية ومتعة نقل المباريات ..
Author: عمر الفاروق
Date: 06-10-2008, 08:15 AM
Parent: #1
زهير يا حبيب:
وينك ياخ ..
Quote: سعر الكرت الآن بسوق الدشوش بالسليمانية 300 ريال - ده إذا لقيتو -
محبتي ومشتاقين .. |
الكلام ده ما تكتبو هنا عشان محمد عبد الرحمن عضو المنبر هنا انا اقنعتو إنو الكرت بي 100 بس ورااااااقد كمان
ما تجيب لينا الهوا الله يرضى عليك ..الزول ده حا يذلني بي الموضوع ده لحدي البطولة الجاية ..
|
Post: #9
Title: Re: الجزيرة الرياضية ومتعة نقل المباريات ..
Author: زهير حيدر صديق
Date: 06-10-2008, 08:44 AM
Parent: #8
ود الفاروق ..
لكن ما لقيتك خطييييييييييير ..
أها يا محمد عبد الرحمن ..
كلامي الفوق ده كلو إشاعات مغرضة وما ليهو أي نصيب من الصحة ..
خارج النص:
بالله شوف لي معاك كرت كرتين (الجزيرة ما حاجة تانية )
|
Post: #10
Title: Re: الجزيرة الرياضية ومتعة نقل المباريات ..
Author: عمر الفاروق
Date: 06-10-2008, 08:56 AM
Parent: #1
علي بوجسيم :
أسة امبارح لو كنت حكم كان عملت شنو في قون نيستلروي ده ؟ كدي شوف لينا كتاب الحاوي بتاعك داك
تشكراتي يا حلو..
عباس :
Quote: كلامك صاح بس
المعلق المصري ده يغيروه |
عندهم مصري كده التقول بيعلق في شبرا والعتبة ..معلق صاااايع وكلامو كلو هشك بشك
لكن طبعا علي محمد علي معلق من طراز فرييييدة ..
تسلم..
|
Post: #11
Title: Re: الجزيرة الرياضية ومتعة نقل المباريات ..
Author: maia
Date: 06-10-2008, 09:26 AM
Parent: #1
الاخ عمر الفاروق
اختنا الجزيرة الرياضية تبع ناس مجموعة عمك صالح كامل
ولا تبع قبيلة تانية؟؟
افيدوني حيث انه بطولة امم اوروبا دي مبارياتها دايما جميلة
|
Post: #12
Title: Re: الجزيرة الرياضية ومتعة نقل المباريات ..
Author: عمر الفاروق
Date: 06-10-2008, 09:48 AM
Parent: #1
اختنا مايا :
Quote: اختنا الجزيرة الرياضية تبع ناس مجموعة عمك صالح كامل
ولا تبع قبيلة تانية؟؟ |
لالالالا ياخ فال الله ولا فالك ..
الجزيرة الرياضية تبع قنوات الجزيرة القطرية ..عندهم كرت منفصل براااهو وعندهم كامات كمان ..
بالنسبة لي ناس السدان باقي لي ناس الفضائية قناة الخرطوم الدولية قاعدة تجيبا..
وممك شراء الكرت منفصل وهو ما مكلف شديد زي جماعتنا ناس صالح كامل..
بعدين ياخ صفصف ابو السعود دي خلت لي عمو كامل ده حاجة ؟ القنوات كلها بقت ما ؤلتليش وما ؤلتلوش؟؟
|
Post: #13
Title: Re: الجزيرة الرياضية ومتعة نقل المباريات ..
Author: فيصل نوبي
Date: 06-10-2008, 10:27 AM
Parent: #1
دفعو ليكـ كم عشان تعمل الدعاية دي ..
ياخي الدعايات حقتهم كلها وووووو و و معاها ويييييييييييييي و بينها اييييييييييييييي كوكاكولا
ده عدم موضوع و فراغ بتاع جلابة منكـ ..
ايه الجزيرة و غيه الرياضية و مضيعة الوقت دي ..
أمشي شوف سوق الاسهم و لا اخبار البورصة العالمية ..
انت ما كلموكـ انه اولاد ام درمان إتطورو !!
بالبوست ده طبقت المثل بتاع ( البتدورو تكسر ليو التلج و الما بتدورو تحرش ليو الكلب )
__
مكنة بشاشا مكس مع عمر الفاروق لما يكون مابي ليو زول 
شيل ليكـ كرت من كروت الجزيرة و اتخارج سريع من هنا .
|
Post: #14
Title: Re: الجزيرة الرياضية ومتعة نقل المباريات ..
Author: النورس الحزين
Date: 06-10-2008, 10:43 AM
Parent: #1
و الله يا الفاروق ابدعت
و أبدعت الجزيرة ،،، لكن عارف المفارقة العجيبة وين لمن يقعد سامى مع ارسن فنقر ياخى دى غايتو بالغو فيها ناس الجزيرة ...ياها زاتها حكاية الفى البر عوام ...التحليل خلى بالك مع ناس سامي ( نجر ساكت ) كلام محفوظ و ما بتسنده أى خبرة خلاف العملاق ارسن فنقر و باقى الكباتن العركتهم الملاعب
انا غايتو بعد جلدة ايطاليا الامبارح دى برشح البرتقالى للكاس و مستعد اشارط عدددديل
نسيت اضيف
ال HD هو الهاى ديفنشن و دى تقنية جديدة موجودة فى التلفزوينات و الريسفرات معا اذا عندك تلفزيون جديد بتلقى فيه البتاعة دى دى غايتو مقدار علمي و النقل عبرها بكون اكثر وضوحا
|
Post: #15
Title: Re: الجزيرة الرياضية ومتعة نقل المباريات ..
Author: عمر الفاروق
Date: 06-10-2008, 10:58 AM
Parent: #1
نوبي المحايد :
ياخ والله حيادك ده مريحني في كنكوجي ..
| Quote: انت ما كلموكـ انه اولاد ام درمان إتطورو !! |
بري... يطرشني ويعمي جيراني ..
| Quote: شيل ليكـ كرت من كروت الجزيرة و اتخارج سريع من هنا |
وأوووووووووووعا من المنتهي ..
يا زول نحن ناس صناديق سااااااااي كروت ما معانا ..
بالمناسبة الشعيرية طلعت كيف؟ تشيل ليك كيس شعيرية تاني؟
تخريمة :
غايتو صحبة البورد طلعت لينا بي كرت الجزيرة من قطر ..نوبي ماف طريقة نطلع منك بي حاجة من الشو تايم ؟
|
Post: #16
Title: Re: الجزيرة الرياضية ومتعة نقل المباريات ..
Author: فيصل نوبي
Date: 06-10-2008, 11:40 AM
Parent: #15
ياخ الحياد ده الذ منه ماف
صّدق برضو مريحني شديد
| Quote: غايتو صحبة البورد طلعت لينا بي كرت الجزيرة من قطر ..نوبي ماف طريقة نطلع منك بي حاجة من الشو تايم ؟ |
امممممممممممممممممممممممكـ جابت ليها إعترافات .. اها من الجنس الناعم ولا من الخشن
تعرف صُحبتي دي ما بتلاقي منها فائدة الا كان ضيافة و الضيافة دي أسال منها حمد و دكين كان شرحوها ليكـ
_
الشعيرية إتبرعنا بيها قبلها يعني من مكانها ما حركناها
شيل ليكـ كيس طعمية من جنب الفول الهناكـ ده
|
Post: #18
Title: Re: الجزيرة الرياضية ومتعة نقل المباريات ..
Author: محمد عبدالرحمن
Date: 06-10-2008, 02:06 PM
Parent: #16
ياعمر بوب ..
ياخى زولك دا (حلاوى ) من الجزيرة ..واسا ل ناس الجزيرة
من الحلاوين ..بعدين ماتسمع ام درمان وكنت مسجل فى الروابط
والجماعة كانوا مسمنى عمر باجيو ..طبعا دا كلو حنك بيش
ماتهتم بيهو ..شفت اهلك الحلاوين ديل الواحد فيهم بدين
من روحو ..يعنى عمر دا بكون لما جا يطلع ال150 بتاعت الكرت
دا بكون قال لروحو (ياروحى ادينت منك 150 ريال) وبكون
قبل شراء الكرت سدد الدين العليهو ...يازول قروش شنو
الفضلت كل الرسلو 150 ريال (امهن وابوهن) يعنى مفروض
يكون فى حرابيش كدا بتاعت تحويل يعنى تصل 155 مثلا
دا كلو ماحصل 150 بالضبط ..وخسران من جيبى خمسين ريال
بتاعت اتصالات ..دا غير الازعاج ..لانو كان بتصل على فى
اليوم 5 مرات ..غايتو الحمد لله المشكلة القالا دى طلعت
من التلفزيون مامن الكرت لو كان من الكرت كان حالى
انكشف فى المنبر دا ..زول صعب خلاص ياخ الزول دا ..
على راس كل ساعة تلفون .
مع الاعتذار لاهلنا الحلاوين (اجدع ناس ) ..
ناس عبدالمنعم عمر وايهاب وعمر الحلاوى وغيرهم
من احبابنا ..
|
Post: #19
Title: Re: الجزيرة الرياضية ومتعة نقل المباريات ..
Author: محمد عبدالرحمن
Date: 06-10-2008, 02:18 PM
Parent: #18
يافيصل نوبى ..
بالله الزول دا (كتروا ليهو ) من النوتات ..
كل مايغفل نزلو ليهو نوته خلو يعرف
حاجة ..وبعدين تعال انت كنت شابكنى تلفونات
كم يوم كدا ومارجعت وريتنى الحصل شنو فى موضوع
(اليوزرنيم) وال(اى بى ) بتاع الجماعه
شكلك اتاكدت ... طيب كان ترجع تفهمنا ياخ ..
|
Post: #24
Title: Re: الجزيرة الرياضية ومتعة نقل المباريات ..
Author: فيصل نوبي
Date: 06-10-2008, 02:47 PM
Parent: #19
انت يا محمد عبدالرحمن
هسي ده القالو ليك موت بيو جاي تفتو لينا هنا
و يعني انت خلاس الجايب الديب من ديلو اسالكـ تقول باتصل عليكـ
و بعدين ترسل لي رسالة انصاص الليالي تقول مداينكـ قروش
Quote: يازول قروش شنو
الفضلت كل الرسلو 150 ريال (امهن وابوهن) يعنى مفروض
يكون فى حرابيش كدا بتاعت تحويل يعنى تصل 155 مثلا
دا كلو ماحصل 150 بالضبط ..وخسران من جيبى خمسين ريال
بتاعت اتصالات ..دا غير الازعاج ..لانو كان بتصل على فى
اليوم 5 مرات ..غايتو الحمد لله المشكلة القالا دى طلعت
من التلفزيون مامن الكرت لو كان من الكرت كان حالى
انكشف فى المنبر دا |
الفاروق ياخ هسي انا قلت منكـ فائدة و الواحد يقوم يصاحبكـ بحيادية برضو عشان نشوف الطرح دي مداخلها شنو القاكـ جايب الكرت من محمد عبدالرحمن !!
ياخ محمد ده لو ما كان حزب أمة كان ح يكون شنو يعني ؟؟
يهيء لي كده ممكن يكون انصار سنة محجب
_
محمد و عمر شيلو ليكم اتنين RJ-45 Connectors من هناكـ و شتتو سريع ..
قال IP قال
|
Post: #28
Title: Re: الجزيرة الرياضية ومتعة نقل المباريات ..
Author: محمد عبدالرحمن
Date: 06-10-2008, 03:01 PM
Parent: #24
فيصل لقيتنى كيف بالله ...
الواحد يعمل ليكم فيها رايح تعتبرو (عوير)...
|
Post: #20
Title: Re: الجزيرة الرياضية ومتعة نقل المباريات ..
Author: عمر الفاروق
Date: 06-10-2008, 02:23 PM
Parent: #1
نورسنا الحزين :
| Quote: ال HD هو الهاى ديفنشن و دى تقنية جديدة موجودة فى التلفزوينات و الريسفرات معا اذا عندك تلفزيون جديد بتلقى فيه البتاعة دى دى غايتو مقدار علمي و النقل عبرها بكون اكثر وضوحا |
جديد دي كيف ؟ يعني جديد من الكرتونة ولا جديد اشتريتو بتين ولا جديد تاريخ التصنيع ولا الحنك شنو بالضبط؟
غايتو انا تلفزيوني ده جبتو في الشيلة وانا معرس من سنة 2005 أها كيف معاك بيكون فيهو الHDدي؟
بعدين ياخ تلفزيون(موك) على قول ناس محمد عبد الرحمن وSony أها تاني شنو ليك ..وبعد ده ما لقيت الداهية القلتها دي ..
يكون العيب من الزردية ؟
غايتو يا محمد عبد الرحمن شيل شيلتك معاي الشغلانة دي لو طلعت مافيشة في تلفزيوني فمصعب عندو سفرية تاني لي قطر جهز ال LCD ساااااااااااااي
|
Post: #21
Title: Re: الجزيرة الرياضية ومتعة نقل المباريات ..
Author: عمر الفاروق
Date: 06-10-2008, 02:33 PM
Parent: #1
محمد عبد الرحمن :
Quote: ...يازول قروش شنو
الفضلت كل الرسلو 150 ريال (امهن وابوهن) يعنى مفروض
يكون فى حرابيش كدا بتاعت تحويل يعنى تصل 155 مثلا
دا كلو ماحصل 150 بالضبط ..وخسران من جيبى خمسين ريال
بتاعت اتصالات ..دا غير الازعاج ..لانو كان بتصل على فى
اليوم 5 مرات .. |
الجات منك الكرت بي 100 أسة عشان طلعتني انا دافع عملتها 150 ؟ غايتو عالم جبانات بشااااااااكل
انا خايف ال150 دي تكون حقي وحق صاحبي مصعب بن عمير صاحب الغنائم الوفيرة
جاني خبر قالوا صاحبك من ما ترك جبل الرماة ولحدددي أسة بيلقط في الغنائم غايتو الله يستر عليهو من خالد بن الوليد
بعدين يا اخوي ما تتجرس الحلاوين حلاوين ما تقعد تفرز الكيمان ومع تحيات عبد المنعم عمر وماما عشة والجد شعبان ,,,, أركز ااا الجعلي..مش قالوا ليكم ضهركم فيهو سيخ ؟
|
Post: #22
Title: Re: الجزيرة الرياضية ومتعة نقل المباريات ..
Author: محمد عبدالرحمن
Date: 06-10-2008, 02:44 PM
Parent: #21
ياعمر ..
قلت ليك رسلت ليهو مسج رد لى بعد ثلاثة يوم
قال كان مشغول (جرى بس) على قولو ..ماعارف زولك
دا شغال حكم ولامهندس ..عموما زى مصعب دا كان مشى
على اهلك الحلاوين بفوز (بالاوسكار) عادى ..ياخ زول
يسافر السودان بسبعين ريال ..تعادل اجرة تاكسى داخل الدوحة...
السبعين دى زولك مرق بيها فى الخرطوم (لح) ...عفيت
منو ..
فى انتظار صاحبى وزعيمنا الهلالابى المهندس عمر بوب ليفتىء فى موضوع
التلفزيون والنظام الشغال بيهو ..وطبعا عارف عمر بوب
ماحايقصر فى تجنيبى اى (هجمة عكسية ) ..وركز على عيونو
ياباشمهندس طلع العيب فيهن ( ينولك) ثواب ..
|
Post: #23
Title: Re: الجزيرة الرياضية ومتعة نقل المباريات ..
Author: محمد عبدالرحمن
Date: 06-10-2008, 02:44 PM
Parent: #21
|
Post: #25
Title: Re: الجزيرة الرياضية ومتعة نقل المباريات ..
Author: خالد عبد الله محمود
Date: 06-10-2008, 02:49 PM
Parent: #1
عمر الفاروق
إنت مشكلتك زي موسي الزومة ما بتتطور كلو كلو ؟؟
إنت من زمن الكروت؟
الناس بقت شغالة بالرسيفرات من الجيل الثالث البتشتغل بالـ DSL و بتكلفك 50 ريال في الشهر لكن بتشوف :
1) باقة ART كاااااملة
2) باقة SHOWTIME كااااملة
3)باقة أوربت كاملة
4) باقة الجزيرة الرياضية كاااملة
القمر الأوربي طبعاً حدث و لا حرج ( لكن ما أنصحك بيهو )
سعر الجهاز + 6 شهور إشتراك حوالي 800 ريال مش أحسن من تدفع 350 ريال للجزيرة الرياضية براها؟ و بعدين تجي تدفع لناس ART عشان النيل الأزرق و الدوري السوداني و تدفع لناس الـ SHOWTIME عشان الدوري الإنجليزي؟
أنت يا عمر صحي طلعت ( ديماجوجي ) الـ HD ما عارفو ؟؟
خالد
|
Post: #26
Title: Re: الجزيرة الرياضية ومتعة نقل المباريات ..
Author: عمر الفاروق
Date: 06-10-2008, 02:51 PM
Parent: #1
Quote: ..عموما زى مصعب دا كان مشى
على اهلك الحلاوين بفوز (بالاوسكار) عادى .. |
Quote: ياخ زول
يسافر السودان بسبعين ريال . |
أها أبشرك بَعَد (على قول السعوديين):
المرة دي السبعين ريال فيها تالية وأم تالية
|
Post: #27
Title: Re: الجزيرة الرياضية ومتعة نقل المباريات ..
Author: محمد عبدالرحمن
Date: 06-10-2008, 02:59 PM
Parent: #26
Quote: أها أبشرك بَعَد (على قول السعوديين):
المرة دي السبعين ريال فيها تالية وأم تالية |
هو الحرام دا (كيفنو) يعنى ..حرام راسو عديل
دا ..
|
Post: #29
Title: Re: الجزيرة الرياضية ومتعة نقل المباريات ..
Author: معاوية الطيب
Date: 06-10-2008, 03:01 PM
Parent: #1
تعرف يا عمر الجزيرة دافعة كم عشان تفوز بحق النقل الحصرى ؟؟؟؟
اتخيل كم ؟؟
|
Post: #30
Title: Re: الجزيرة الرياضية ومتعة نقل المباريات ..
Author: معاوية الطيب
Date: 06-10-2008, 03:55 PM
Parent: #1
اكثر من 170 مليون دولار
|
Post: #31
Title: Re: الجزيرة الرياضية ومتعة نقل المباريات ..
Author: عمر الفاروق
Date: 06-10-2008, 03:58 PM
Parent: #1
معاوية الطيب:
| Quote: اكثر من 170 مليون دولار |
أنننننننني وأننننيييييييين ..أنننننني واننننننننننييييين ..صفر معاك ال27 يعني يا قريبك دي ممكن عااادي اشتري بيها ركشة ؟
|
Post: #33
Title: Re: الجزيرة الرياضية ومتعة نقل المباريات ..
Author: عمر الفاروق
Date: 06-10-2008, 05:05 PM
Parent: #1
أبو الخلد:
Quote: إنت مشكلتك زي موسي الزومة ما بتتطور كلو كلو ؟؟
إنت من زمن الكروت؟ |
يا زول والله الفكرة حباااااابا وأيووووووووووووووووووو شي لكن صدقني بعد شوية نبقا في السيرفر داوون والقناة قطعت وكدي اضربو للزول المشتركين عندو ..
الحنك ده والله عند ناس معتصم وتمبس ليهو زمن كنت بمشي أضّهب بهناك عامل الرسيفر حجة لكن وانت الصادق القصد كان الشيّة ..
المخلوق الإسمو عبد الله داش ده يظبط ليك شية لا تقول لي رسيفر لا تقول لي الأوروبي
|
Post: #35
Title: Re: الجزيرة الرياضية ومتعة نقل المباريات ..
Author: ودالعباسية
Date: 06-10-2008, 06:19 PM
Parent: #33
لسه ما عرفتو لينا ال HD
انا غايتو تلفزيونى قديم وبمجرد ما اشتريت الكرت نزلت مع القنوات ،،،
بس بسمع صوت بدون صورة ،،
|
Post: #34
Title: Re: الجزيرة الرياضية ومتعة نقل المباريات ..
Author: عمر الفاروق
Date: 06-10-2008, 06:08 PM
Parent: #1
ود المايقوما (أرصد بي الجديد) :
| Quote: اسال من رسيفر (سبايدر) وجيب d s l وريح بالك .. |
هيييييييييييييييييع ..
عرب والحظ ضرب..
والله إنت تاني السودان لو ودوك والي ما بترجع ..
ارقمنتي بلجوي كرنكي أيوو ويا بلدينا موهمد ساله ليبراللي وي أيكوني بجني لكني ..
الكلام لود المايقوما الترجمة وااااااااضحة يا ناس الليبرالي..
|
Post: #36
Title: Re: الجزيرة الرياضية ومتعة نقل المباريات ..
Author: ارصد محمد جلال
Date: 06-10-2008, 06:26 PM
Parent: #1
| Quote: رقمنتي بلجوي كرنكي أيوو ويا بلدينا موهمد ساله ليبراللي وي أيكوني بجني لكني .. |
بالله الحلاوين برضو عندهم رطانة ؟؟
وكمان قادينا انا من ام درمان انا من ام درمان
ياخي علاء الدين قال انت ساكن في سقط لقط وابوضلوع وام الحسن (قهاوي في طريق دنقلا )اقرب ليك من ميدان الشهداء ..
|
Post: #37
Title: Re: الجزيرة الرياضية ومتعة نقل المباريات ..
Author: Sayed Bekab
Date: 06-10-2008, 06:37 PM
Parent: #1
الجزيرة الرياضية قمة النضج الاعلامي الرياضي متعة في كل شي متعة فى النقل و التحليل و الكواليتي و قمة الابداع في المحللين و الضيوف
للناس الغلابة ناس قريحتي راحت لارسيفيرات ولا كروت الشحن هاكم البث المباشر لقناة الجزيرة الرياضية الاولي مجانا
http://www.qassimy.com/game/file.php?f=50
شكرا عمر الفاروق
|
Post: #38
Title: Re: الجزيرة الرياضية ومتعة نقل المباريات ..
Author: النورس الحزين
Date: 06-10-2008, 07:55 PM
Parent: #1
Quote: عمر الفاروق
إنت مشكلتك زي موسي الزومة ما بتتطور كلو كلو ؟؟
إنت من زمن الكروت؟
الناس بقت شغالة بالرسيفرات من الجيل الثالث البتشتغل بالـ DSL و بتكلفك 50 ريال في الشهر لكن بتشوف :
1) باقة ART كاااااملة
2) باقة SHOWTIME كااااملة
3)باقة أوربت كاملة
4) باقة الجزيرة الرياضية كاااملة
القمر الأوربي طبعاً حدث و لا حرج ( لكن ما أنصحك بيهو )
سعر الجهاز + 6 شهور إشتراك حوالي 800 ريال مش أحسن من تدفع 350 ريال للجزيرة الرياضية براها؟ و بعدين تجي تدفع لناس ART عشان النيل الأزرق و الدوري السوداني و تدفع لناس الـ SHOWTIME عشان الدوري الإنجليزي؟ |
و الله يا خالد جبت المفيد
الكرت بتاع الجزيرة بى 400 ريال و مافى
فاحسن خيار هو انك تشترى جهاز دريم بوكس او لينك سات سعرو فى الحراج 600 ريال و الباقى زى ما قلت لا كروت ولا يحزنون
|
Post: #39
Title: Re: الجزيرة الرياضية ومتعة نقل المباريات ..
Author: محمد عبدالرحمن
Date: 06-12-2008, 11:28 AM
Parent: #38
ياعمر ..
اها كرتنا عامل كيف ؟ ان شاء الله مائة المائة
باقة عسل بخمسة جنية كرهنا فيها الناس
كما كرت غالى (زى دا) يمشى ساكت ..
|
Post: #40
Title: Re: الجزيرة الرياضية ومتعة نقل المباريات ..
Author: عمر الفاروق
Date: 06-12-2008, 11:53 AM
Parent: #1
| Quote: اها كرتنا عامل كيف ؟ ان شاء الله مائة المائة |
والله الكرت البقا يخليك تضرب لي الساعة واحدة صباحاً ده خلي الدورة تنتهي وبعدها بي يوم يصلك ..
اححححححححححححححححححححححححححححححححيييييييي..
|
Post: #41
Title: Re: الجزيرة الرياضية ومتعة نقل المباريات ..
Author: abdulhalim altilib
Date: 06-12-2008, 01:01 PM
Parent: #40
ود الفاروق
تحياتي ،
| Quote: اححححححححححححححححححححححححححححححححيييييييي.. |
وأنا اقول ليك :
يقطع شيطانك ، كان قطعت مصاريني
بالضحك إنت وأصحابك الفوق ديلك
بالتعليقات الحلوة النستني حقدي
الدفين على صالح كامل واحتكارياته
التي لا تنتهي ، والتي جعلتنا نجلقب
زي المجانين ما بين شارع الدشوش في
السليمانية و السويدي بحثاً عن كروت
الجزيرة .
مودتي ،
( ليمو)
|
|