Post: #1
Title: دي كييييف دي يا فان باستن ؟؟
Author: عمر الفاروق
Date: 06-14-2008, 11:32 AM
Parent: #0
امبارح فان باست باااااااااااااااااااالغ والله .. المبالغة ما كانت في الاربعة أهداف ..ولااااا في حكاية الهجمة المرتدة البقت عند الهولنديين أسهل من شراب الموية .. المبالغة كانت في التغيير العجيب وغريب ورهيب وبي فهم كروي عااااااالي شديد .. امبارح فان باست لاعب بي فان بيرسي وروبن كأجنحة صريييحة .. الغريب وعجيب إنو فان بيرسي صاحب قدم يسرى وروبن صاحب قدم يسرى .. يا حليل فهمنا التقليدي بتاع الشمال شمال واليمين يمين ... في اعتقادي إنو فان باستن لعب بي الطريقة دي وخلّى فان بيرسي يكون بي الجهة اليمين عشان يخلّي قدم فان بيرسي الشمال تكون هي اللي داخل الملعب لأنو بيرسي يمتاز بالتسديد القوي بالشمال بينما ترك روبن في الجهة الشمال عشان رجلو تكون لي برة فروبن يجيد العكسيات والمرواغة والتمرير .. والله بااااااااااالغت بالجد يا فان باست في التغيرات دي .. رييييييييحتني في كنكوجي ...(وزي ما بقول مااااف زول يسألني من الكنكوج ده شنو عشان انا ما عارفو)
|
Post: #2
Title: Re: دي كييييف دي يا فان باستن ؟؟
Author: عمر الفاروق
Date: 06-14-2008, 11:35 AM
Parent: #1
بالمناسبة الهدف التاني نسخة بالكربون من السيناريو الانا إتوقعتو بعد دخول اللاعبين وقد كان فروبن مرر لبيرسي وبيرسي سدد .. جملة تدريبية واااااضحة .. الخواجات ديل قون القضاء والقدر..ما عندهم ..
![](http://www.sudaneseonline.com/db/smilies/biggrin.gif) هيييييه يا حليل ناس موسى الزومة ..
|
Post: #3
Title: Re: دي كييييف دي يا فان باستن ؟؟
Author: tmbis
Date: 06-14-2008, 12:00 PM
Parent: #2
Quote: هيييييه يا حليل ناس موسى الزومة |
.. كدي خلي طلحـة عبد الله المسكين تاني يجي يتكلم عن الكورة هنا دا .. انـا طبعا ما حضرت الكورة .. حضرت كورة الافتتاح بس .. لكن للضمان كدا ناس هولندا ديل مش ياهم (البرتقالي) الزمان ديلاك ..؟ واللا جابو ليهم (فنايل) جديدة ..؟ Quote: جملة تدريبية واااااضحة .. |
.. Quote: امبارح فان باست لاعب بي فان بيرسي وروبن كأجنحة صريييحة .. الغريب وعجيب إنو فان بيرسي صاحب قدم يسرى وروبن صاحب قدم يسرى .. يا حليل فهمنا التقليدي بتاع الشمال شمال واليمين يمين ... |
والله يا عمر حيرتنـا بي كلام عالم الرياضة دا .. ما فاضل ليك إلا تتلكم لينا عن دخل المباراة كم .. والرياح شنو بالضبط .. وبعداك تكتل لينا الكورة زي علي الحسن مالك .. الملعب بيسع لي خمسة وعشرين الف متفرج .. وشنو كدا ما عارف هي المدينة التانية وعملة البلد هي البيزو وفجأة في نص الكلام يقول ليك الهدف الخامس .. الهدف الخامس
|
Post: #4
Title: Re: دي كييييف دي يا فان باستن ؟؟
Author: abuguta
Date: 06-14-2008, 12:10 PM
Parent: #3
تمبس صباح الابتسامة العابسة
صاحبك الفاروق دا ارسنالى اكتر من انو برتقالى طيب يافردة ما تتغزل فى قون تيرى العامل زى الشولة,,,
ياخوى وان اشتعلت الحلبة...اسبانية كانت ام برتقالية
فان كاس الدورة لا يطلع من هولاء الثلاثة,,,,
تركيا كورواتيا رومانيا,,,
لان صاحبك فان فاستن سيعلب المبارة الاخيرة بعناصر المجمعة الثالنية مما يسهل مهمة رومانيا وتطيح الكبار,,, زولك دا لو ما عمل كدا يكون ما عندو فهم كروى,,,
|
Post: #5
Title: Re: دي كييييف دي يا فان باستن ؟؟
Author: محمد سنى دفع الله
Date: 06-14-2008, 12:47 PM
Parent: #4
بوست كنكوجي ريحني لي قنقوسي مافي زول اقول لينا قنقوس ده شنو ؟؟ بس اتمتعوا بالكورة الكنكوقوسية ومحبة
|
Post: #6
Title: Re: دي كييييف دي يا فان باستن ؟؟
Author: النورس الحزين
Date: 06-14-2008, 02:13 PM
Parent: #1
Quote: الخواجات ديل قون القضاء والقدر..ما عندهم .. |
العجيب و غريب قون شنايدر
ياخ دا لفى صينية و ( جلب ) ما تسالنى جلب دى شنو
|
Post: #7
Title: Re: دي كييييف دي يا فان باستن ؟؟
Author: عمر الفاروق
Date: 06-14-2008, 02:34 PM
Parent: #1
Quote: لكن للضمان كدا ناس هولندا ديل مش ياهم (البرتقالي) الزمان ديلاك ..؟ |
والله يا تمبس وما طالبني حليفة أمبارح ناس هولندا ديل لابسين ليهم فنايد داخلية كده لو لقيت واحدة منهم تجدع بيها أحلى إستايل في مزيكا في حي الضباط بيعزفوا فيها ناس بون .. ياخ جماعتك ديل لمن قلعوا الفنايل عشان يتبادلوها انا قلت غايتو انا لو كنت لاعب ضدهم بقول ليعم أدوني الداخلية دي ماعايزا .. يا قريبك ياخ هولندا دي مدينة خضراء وبها أبقار وأمستردام مدينة هادئة والفنادق فيها خمسة نجوم ويا سلاااااااااااام الهدف السابع
|
Post: #8
Title: Re: دي كييييف دي يا فان باستن ؟؟
Author: عمر الفاروق
Date: 06-14-2008, 02:36 PM
Parent: #1
ابقوتة :
Quote: طيب يافردة ما تتغزل فى قون تيرى العامل زى الشولة,,, |
تعرف لمن زكرتني قون هنري ده خليتني افكر وأغير رأيي في أقوان القضاء والقدر..![](http://www.sudaneseonline.com/db/smilies/biggrin.gif) ياخ قون فيهو ريحة الزومة الزومة .. الكاس إن شاء الله الماني ..
|
Post: #11
Title: Re: دي كييييف دي يا فان باستن ؟؟
Author: keiga2000
Date: 06-14-2008, 02:51 PM
Parent: #8
Quote: ياخ قون فيهو ريحة الزومة الزومة |
الزومه البتضحك فيه دا جاب قوون في بكري الشريف سينما عديل كدا بتذكروا حرك عيونك كويس
ونظريه فان باستن دي بتقول لازم اللاعب يتمتع باللعب بالجميع اليسرى واليمنى والراس وغيرو.....
وهذه ليس الا في اللاعبين العباقره ومثالا لذلك الفنان الاسطورة فيصل العجب الذي احرز اهداف في اليمنى واليسرى والراس في الوصيف يعني بعد داماباقي ليه الا ينصقر فيها ويدخل بيها المرمى
لذلك اقترح العمل بالنظريه العجيبه في تعليم اللاعبين الصغار اصول الكره
ونظرياتكم دي طبقوها بعيدا عن اسيادالبلد يامان
رايك شنو اتصل ليك على عمر النقي يستضيفك في برنامجوالمهبب (وياحليلك ياعلي الريح)
وتقدم لينا فاصل من النظريات الهلاليه دي يمكن تجيب ليكم كاس خارجي
الزومه قال .....
ابومصطفى
|
Post: #9
Title: Re: دي كييييف دي يا فان باستن ؟؟
Author: عمر الفاروق
Date: 06-14-2008, 02:42 PM
Parent: #1
السني يا ود دفع الله : مرورك من هنا ريحني في ديماجوجي وكلامك في الكورة سمح زي الشخفان وتمثيلك زاتو عامل زي البنبلوص جوة الأورطي .. بالمناسبة إنت شيش طاووق ده شنو ؟
|
Post: #10
Title: Re: دي كييييف دي يا فان باستن ؟؟
Author: طلحة عبدالله
Date: 06-14-2008, 02:51 PM
Parent: #1
غايتو يا ود الفاروق دي ما سبقك عليها سابق ولا أظن يكررا لاحق .. قلت لي في اعتقادك :
Quote: إنو فان باستن لعب بي الطريقة دي وخلّى فان بيرسي يكون بي الجهة اليمين عشان يخلّي قدم فان بيرسي الشمال تكون هي اللي داخل الملعب لأنو بيرسي يمتاز بالتسديد القوي بالشمال بينما ترك روبن في الجهة الشمال عشان رجلو تكون لي برة فروبن يجيد العكسيات والمرواغة والتمرير ..
|
مرة سألت المدرب الألماني وينفرد شايفر لما عمل حاجة زي القتلو فوق دا وقلت ليهو قاصد شنو يعني ..؟ قال لي قاصد ارباك الخصم ( معني الكلام ) .. وقال انو عملية زي دي تعتبر مجازفات محرمة خاصة في المباريات الحاسمة يعني البكون فيها نظام خروج المغلوب أو ما شابه .. لأنو طالما عندك اتنين وينق ( تخصص شمال + يمين ) عليك كمدرب ذكي أن تستفيد أقصي فائدة من ميزاتم في فتح اللعب بالاطراف لإتاحة المساحة والزمن للاعبي العمق في التوغل لمنطقة الخصم وفتح الثغرات المطلوبة , وكذلك رفع الكرة أمام المرمي من الشمال واليمين علي شرط أنو لو كانت الكورة مرفوعة من الشمال مثلا لازم يكون الجناح اليمين ماخد زاوية خط تمنتاشر العلي جهتو عشان يستني اية كورة مرتدة في المنطقة دي ويمحطا في القون او يمررا علي حسب الظرف .. او : فائدة تانية أنو يرجع الكورة بي دربا اذا تخطت الجميع ووصلتو في الجهة اليمين والعكس في حالة تكون الكورة مرفوعة من اليمين .. شايفر قال دي خطة تقليدية وقديمة جدا لكن مستحيل مدرب يجازف بتغييرا لانها ( زي الملح في الطعام ) .. فان باستن دا يا ود الفاروق اراهنك ما بكون قاصد النظرية العجيبة بتاعتك دي .. ( أنا ما شفت الكورة طبعا ) .. غايتو بحول ليك السؤال واقول ليك :
Quote: دي كييييف دي يا ود الفاروق ؟؟
|
|
Post: #12
Title: Re: دي كييييف دي يا فان باستن ؟؟
Author: عمر الفاروق
Date: 06-14-2008, 02:52 PM
Parent: #1
نورسنا الحزين :
Quote: العجيب و غريب قون شنايدر ياخ دا لفى صينية |
يا زول ده ود النادي الملكي ياخ ..الود رايق وفي البطولة دي لحدي اسة ما مرق ليهو باص غلط شغال فيها توزيع زي المرارة ..
Quote: ( جلب ) ما تسالنى جلب دى شنو |
يا زول عاااااارف معناها ..لأنو مرة عندنا ود في الحلة بتاع مغارز قال ليك لي ولد صاحبنا تاني كده منبوذ من الجكس فقال ليهو لو عايز البت تجري وراك بس اي بت تشوفا في الشارع أمشي عليها وأديها قرصة كده وقول ليها (جلب) وبكرة براها بتجي تدق ليك باب بيتكم .. الزول ده لحدي أسة زي ماخد ليهو 742 كف و816 شلوت و935 بونية ووالباب ده لا كوكو ولا كرو كرو ما دق ..
![](http://www.sudaneseonline.com/db/smilies/biggrin.gif) جلب..
|
Post: #13
Title: Re: دي كييييف دي يا فان باستن ؟؟
Author: humida
Date: 06-14-2008, 02:55 PM
Parent: #12
عليك الله مش حرام ود المعتصم دا يلعب بشيلسي .. قال بعمل الخطة .. و اول حاجة بخت روبن في الاحتياطي .. انا والله من الزول دا مشى شيلسي .. البلاستشين كرهتو كلو كلو ..!!
|
Post: #14
Title: Re: دي كييييف دي يا فان باستن ؟؟
Author: keiga2000
Date: 06-14-2008, 02:59 PM
Parent: #12
طلحه عبدالله قال
Quote: مرة سألت المدرب الألماني وينفرد شايفر لما عمل حاجة زي القتلو فوق دا وقلت ليهو قاصد شنو يعني ..؟
|
براحه براحه يازول على الجماعه ديل ماقدر دا لكن
علم والله
ابومصطفى
|
Post: #15
Title: Re: دي كييييف دي يا فان باستن ؟؟
Author: عمر الفاروق
Date: 06-14-2008, 02:59 PM
Parent: #1
كيجا :
Quote: وهذه ليس الا في اللاعبين العباقره ومثالا لذلك الفنان الاسطورة فيصل العجب الذي احرز اهداف في اليمنى واليسرى |
ياخ باكمبا الواااحد ده لمن كان بيلعب في الهلال جاب فيكم قون بي الطرشة .. شغلانية اليمين والشمال بتاعت هييييي جات قوون دي ما بتخارج مع الخواجات ديل.. العجب ده ما مشى لعب في امم افريقيا مالو ما جاب ليهو قون إن شاء الله بي ضهرو المهم قون ![](http://www.sudaneseonline.com/db/smilies/biggrin.gif) بالمناسبة الزومة بعد جاب قونو في الهلال جرى النص
|
Post: #16
Title: Re: دي كييييف دي يا فان باستن ؟؟
Author: خالد عبد الله محمود
Date: 06-14-2008, 03:00 PM
Parent: #1
عمر الفاروق
هولندا عمرها ما كانت عندها مشكلة في المهارات مشكلة هولندا كلها في الحظ ياخ ديل حظهم زي الزفت أسه لاعبين مباريات حلوة كدة يجي يغلبهم ليك فريق ما يسوي و ما بعيد واحد من إيطاليا أو فرنسا بعد ما يتأهل واحد فيهم.
لكن المنطق بقول الكأس هولندي , عمري ما حبيت ألمانيا و ما حأشجعها حتى لو شجعت المريخ ظاااتو (في هبوط أكتر من كده)
|
Post: #17
Title: Re: دي كييييف دي يا فان باستن ؟؟
Author: عمر الفاروق
Date: 06-14-2008, 03:13 PM
Parent: #1
طلحة بن عبيد الله :
Quote: مرة سألت المدرب الألماني وينفرد شايفر لما عمل حاجة زي القتلو فوق دا وقلت ليهو قاصد شنو يعني ..؟ قال لي قاصد ارباك الخصم ( معني الكلام ) .. وقال انو عملية زي دي تعتبر مجازفات محرمة خاصة في المباريات الحاسمة يعني البكون فيها نظام خروج المغلوب أو ما شابه .. |
امبارح فان باست ما اتقوع إنو جازف بالرغم من إنو معظم المحللين وصفوهوا بالشجاع وطالما قالوا شجاع معناها شافو إنو جازف لكن يبدو لي وصفو بالشجاع لأنو ما قام بي اي تغيير طابعو دفاعي بالرغم من إنو كان متقدم في النتيجة ..
Quote: لأنو طالما عندك اتنين وينق ( تخصص شمال + يمين ) عليك كمدرب ذكي أن تستفيد أقصي فائدة من ميزاتم في فتح اللعب بالاطراف لإتاحة المساحة والزمن للاعبي العمق في التوغل لمنطقة الخصم وفتح الثغرات المطلوبة , وكذلك رفع الكرة أمام المرمي من الشمال واليمين علي شرط أنو لو كانت الكورة مرفوعة من الشمال مثلا لازم يكون الجناح اليمين ماخد زاوية خط تمنتاشر العلي جهتو عشان يستني اية كورة مرتدة في المنطقة دي ويمحطا في القون او يمررا علي حسب الظرف .. او : فائدة تانية أنو يرجع الكورة بي دربا اذا تخطت الجميع ووصلتو في الجهة اليمين والعكس في حالة تكون الكورة مرفوعة من اليمين .. شايفر قال دي خطة تقليدية وقديمة جدا لكن مستحيل مدرب يجازف بتغييرا لانها ( زي الملح في الطعام ) .. |
امبارح يا طلحة الحاجة العجيبة ما كانت في إنو يكون عندك وينق شمال ووينق يمين العجيب في إنو الوينقين كانت كرعينهم شمال بالتالي حكاية إنو فان بيرسي يرفع ليهو كورة معكوسة دي كانت المستحيل بي زاتو لأنه كراعو الشمال داخل الملعب بالتالي لو عايز يعكس اي كورة إلا يقيف وستعدل و و و و ومن المستحيل يعكس وهو جاري او متحرك .. الحركة دي كان بيقوم بيها روبن تماااماً لأنو روبن كان لاعب وينق شمال وبالرغم من كده روبن نفسو قدر سجل هدف من الوضعية دي وساعده في كده تورام البطئ إضافة للحارس اللي جاتو الكورة في زاويتو ..
Quote: فان باستن دا يا ود الفاروق اراهنك ما بكون قاصد النظرية العجيبة بتاعتك دي .. ( أنا ما شفت الكورة طبعا ) .. |
كدي بشد ليهو تلفون بعدين أسألو بس إن شاء الله الشبكة تكون كويسة ..باقي ناس سوداني ديل بالليل شبكتهم كعبة وفان باستن ده شايل سوداني ![](http://www.sudaneseonline.com/db/smilies/biggrin.gif) تعرف يا طلحة الخواجات ديل أييي شي بيقصدوهو خصوصا في الكورة .. مرة تابعت لي شريط فيديو مسجل لي فريقي المفضل مانشستر وكان عبارة عن حصص تدريبية للموسم السابق والخطة اللي كان بيمرن فيها فريجسون للاعبين .. تعرف الحاجة البتخلع شنو ؟ بيجيبو ليك في الشريط التمرين لي تسجيل هدف مثلا عن طريق الاطراف الكورة تتلعب من فيردنانند مثلا لي اسكولز لي رونالدو لي روني وجلب(على قول نورينا الحزين) الكورة تخش في الكيس..اها بعد داك يجيب ليك كورة حقيقية تم فيها تطبيق الهدف ده بي الكربوووون وبي النص مثلا مانشستر ضد بولتون أو ضد استون فيلا ..وبي الطريقة دي باقي الاهداف والله لمن تتحير.. من يومها وانا عرفت ليك الجماعة ديل اقوان اخوي واخوك دي ما عندهم وداريو كان ماااف هناك ![](http://www.sudaneseonline.com/db/smilies/biggrin.gif) بالمناسبة ما تعتمد على كلامي ده شديد وفعلا فان باستن غالبا بيكون ما قاصد كده لكن تصدق دي وهمةمني وجلكسة .. ولا شنو ؟
|
Post: #18
Title: Re: دي كييييف دي يا فان باستن ؟؟
Author: عمر الفاروق
Date: 06-14-2008, 03:16 PM
Parent: #1
حميدة :
Quote: عليك الله مش حرام ود المعتصم دا يلعب بشيلسي .. قال بعمل الخطة .. و اول حاجة بخت روبن في الاحتياطي .. انا والله من الزول دا مشى شيلسي .. البلاستشين كرهتو كلو كلو ..!! |
وده الشي البيخليهو ينضرب شديييد ..![](http://www.sudaneseonline.com/db/smilies/biggrin.gif) أسة عليك الله كان ما روبن ده بتغلبنا يا حميدة
|
Post: #19
Title: Re: دي كييييف دي يا فان باستن ؟؟
Author: عمر الفاروق
Date: 06-14-2008, 03:35 PM
Parent: #1
يا خالد:
Quote: هولندا عمرها ما كانت عندها مشكلة في المهارات مشكلة هولندا كلها في الحظ |
تعرف انا حا اقول ليك كلام غريب جدا ومشاتر جدا ومخالف لي رأي كللل النقاد والمحللين في القنوات المختلفة بس ما تضحك فيني ![](http://www.sudaneseonline.com/db/smilies/biggrin.gif) المنتخب الهولندي في مباراتيه ضد إيطاليا وفرنسا لم يكن هو الفريق الأفضل ولم تكن إيطاليا وفرنسا أسواء لكن التوفيق الذي لازم المهاجمين الهولنديين كان هو السبب.. إيطاليا اضاعت اهداف اكثر من هولندا ولعبت افضل من هولندا معظم فترات المباراة لكن ثلاثة فرص ثلاثة اهداف .. فرنسا فقدت المباراة من أول عشرة دقائق ثم عادت وسيطرت سيطرة تاااامة على المباراة ولكن اربعة فرص واربعة اهداف وخلصت المباراة .. هولندا الحالية استفادات من الدروس السابقة وما ادراك ما الكرة الشاملة دون تحقيق النتيجة ..
|
Post: #20
Title: Re: دي كييييف دي يا فان باستن ؟؟
Author: abuguta
Date: 06-15-2008, 07:02 AM
Parent: #19
Quote: براحه براحه يازول على الجماعه ديل ماقدر دا لكن |
كيجا التحيات الصباحى
ياخوى ماهو شغلكم كله كدا,بقت على طلحة براه,,ود الفاروق بتكلم ليك عن فان فاستن تقولو مازدا بقولك روبين وفان فرسى تقولو العجب,,,ياخى الدنيا صباح ,,ناسك ديل مهزمين تلالتات وموضوع البوست ناسو بهزمو اربعات,,,فشتان الفرق بين اب عشرين وبحر ابيض عموما الفهم طلحوى
|
Post: #21
Title: Re: دي كييييف دي يا فان باستن ؟؟
Author: samo
Date: 06-15-2008, 08:52 AM
Parent: #1
Quote: امبارح فان باست لاعب بي فان بيرسي وروبن كأجنحة صريييحة .. الغريب وعجيب إنو فان بيرسي صاحب قدم يسرى وروبن صاحب قدم يسرى |
والله ياعمر الفاروق .. دي كانت من اجمل المباريات الشاهدتها ...
فان باستن اثبت انه مدرب لا يشق له غبار ..
زل اول وثاني العالم في اول مباريتين ...
منتخب هولندا .. اشبه بالحلم ..
اجمل مافي الجناحين (روبين وفان بيرسي ) انهم ماكانو ثابتين الفي اليمين في محلو والفي اليسار في يسارو .. كانو بيتبادلو .. اتخيل .. يعنى تلقي فان بيرسي فجاءة بقى جناح يمين .. بعد ربع ساعة تلقاهو في الجناح اليسار .. والعكس لي روبين ..
مبالعة ومتعة لحد الاندهاش ...
تقول لي هلاريخ ... قوم لف .. عامل مازدا3 ابصلعة بتاعك دة ..
بالمناسبة ... انت وين مختفي يا ضب ..
شين دة ...
|
Post: #22
Title: Re: دي كييييف دي يا فان باستن ؟؟
Author: النورس الحزين
Date: 06-15-2008, 11:10 AM
Parent: #1
يا عمر فان
ياخ عندي سؤال
لى معظم الهولنديين بتلقى اسمهم الاول ( فان )
حسى كان كوركت يا فان اظن نص هولندا بتلتفت
|
Post: #23
Title: Re: دي كييييف دي يا فان باستن ؟؟
Author: عمر الفاروق
Date: 06-15-2008, 03:16 PM
Parent: #1
يا سمو : وين الحي بيك .. التقيل الورا والبطولة لسة فيها كلام كتييير ومباريات عجيييبة وغريبة ..
Quote: بالمناسبة ... انت وين مختفي يا ضب .. |
تعرف المرة الفاتت انا ومصعب كنا في سيرتك واتفقنا إنو إنت من أصدقاء المرحلة ![](http://www.sudaneseonline.com/db/smilies/biggrin.gif) ضغطنا ليك صحبك حميدة وقلنا ليهو واحدة من الأسماء اللي زحمتنا بيها " سمو " وشغل لينا حيّز في الذاكرة بدون ما نستفيد منو أي شي ![](http://www.sudaneseonline.com/db/smilies/biggrin.gif) لابد كده مالك يا حبوب ؟؟
|
Post: #24
Title: Re: دي كييييف دي يا فان باستن ؟؟
Author: عمر الفاروق
Date: 06-15-2008, 06:19 PM
Parent: #1
نورسنا الحزين : الناس ديل يكونوا لمّوا ليهم في شيخ من شيوخ الأزهر الجدد أصحاب الفتاوي العجيبة ويقولوا ليهم "فان " وردت في المصحف الكريم ..
Quote: حسى كان كوركت يا فان اظن نص هولندا بتلتفت |
غايتو نحن زمان في الحلّة لمن تكون ما داير تدي زول حاجة بتقول ليهو الحاجة دي بي " الفان " يعني كااااان ليك يا حبة ..![](http://www.sudaneseonline.com/db/smilies/biggrin.gif) فان دار فارد فان دارسار فان بروكلن فان باستن ..انت الموضوع يكون عندو علاقة بي المروحة بتاعت الطاحونة الهولندية ؟ ولا فان دي ما معناها مروحة كمان ![](http://www.sudaneseonline.com/db/smilies/biggrin.gif) ولا شنو يا فان ..اقصد يا مان
|
Post: #25
Title: Re: دي كييييف دي يا فان باستن ؟؟
Author: Ayoub Osman Nahar
Date: 06-15-2008, 11:11 PM
Parent: #24
والله قوون شنايدر سينما تلقى حارس فرنسا لى هسى ماسكو وجع ( نوايط ) ؟؟؟؟؟؟؟؟ البعرفها ليهو جائزه
|
Post: #26
Title: Re: دي كييييف دي يا فان باستن ؟؟
Author: النورس الحزين
Date: 06-16-2008, 09:28 PM
Parent: #1
نوايض الوضوء ولا واحدة تانية
|
Post: #27
Title: Re: دي كييييف دي يا فان باستن ؟؟
Author: Ayoub Osman Nahar
Date: 06-16-2008, 10:20 PM
Parent: #26
يا زول قول بسم الله ؟؟؟؟؟
|
|