Post: #1
Title: يوميات سائق تاكسي...
Author: عمر الفاروق
Date: 12-27-2005, 02:08 AM
سايق الهلمان ومن صباح يتلفت يمنة ويسرى(على خطى الشهيد)يذكرني بي مروحة التربيزة , والناس على أرصفة الطرقات (في نيويورك) على جانبيه في إنتظار الدفارات والحافلات وأقوى الإيمان أمجاد!!!!
لو فكرت تحك رأسك ساي تجد صاحب الهيلمان وقف قصادك وقال ليك أيوة يا معلم ماشي وين فتكتفي بإبتسامة وتقول ليهو لالالالا انا حكيت راسي بس !!!!!!
تكس ...تكس .. تكس...
كرررررررررررررررررررررك سييييييييييييييييييييييييييك صوت الفرامل وهي تحدث صريراً وأزيزاً وعويلاً ثم تسمع صوت الكلتش وزولنا سايق الهيلمان أداها خلف ورجع لي سنيورتنا الخواجية ونزل القزاز وبي إنجليزي جوبا قال ليها :
هلو لو قود مورنينج مدام ..أي سيرفز ؟؟
الخواجيايا : Yes
سايق التاكسي: قولي .. أحكي إنتي Going وين ؟؟؟
الخواجيايا : What?????
سايق التاكسي يحك رأسه ويطنطن : بالله المرا دي أسة يقولوا ليها شنو !!!يسرح ويسرح ويصن ويلملم باقي كتاب الهاندرايت ويبتسم أخيراً ويقول :Where ??? Where
تبرطم الخواجيايا بي كلام كتير لم يفرز منه صاحبنا إلا كلمة Night club!!!!!!
وبما أنه معتاد على مثل هذه الأمكنة برزت أنيابه وتهللت أساريره تمد وتمط حتى وصل تأمين الباب الخلفي أداهو رفعة كده ورجع كرسيه !!!!
حاولت الخواجيايا فتح الباب دون فائدة فعاد سواق التاكسي وفتح الباب من الداخل ودخلت الخواجيايا التاكسي ..
ومن ثم بدأت رحلة القد البي الطريقة الصاح !!!!!!!
نواصل إن ربنا مد في العمر..
|
Post: #2
Title: Re: يوميات سائق تاكسي...
Author: على محمد على بشير
Date: 12-27-2005, 02:14 AM
Parent: #1
فاصل ثم نواصل
الفاروق
بطل حركات جيش ,, شحتفت روحنا ,, يلا واصل !!!
|
Post: #3
Title: Re: يوميات سائق تاكسي...
Author: bob
Date: 12-27-2005, 02:18 AM
Parent: #2
| Quote: بطل حركات جيش ,, شحتفت روحنا ,, يلا واصل !!! |
|
|