Post: #1
Title: ونسة عاضّة ..
Author: عمر الفاروق
Date: 11-12-2006, 06:24 AM
Parent: #0
ونسة الناس عن الكورة أيام زمان ..
والله قرعم كان بيشوت الكورة من القون للقون !!!!
والله المحينة ده كان بيحاورك في كباية ..
ياخ انتو ما حضرتو زمن كنا بنغلب الكاميرون ونيجيريا وغلبنا عمان15-صفر..
نحن زمان الواحد لمن يسجلوهوا بيدوهو جنيهين وكباية ليمون ...
والله نحن زمان كنا بنلعب الكورة وفي روح تنافس ونجي من الشغل على التمرين وبعد الكورة تلقانا كلنا مع بعض اخوان اخوان ..
الهلال والمريخ اصلاً كانوا فريق واحد في المسالمة وبعدها اتقسموا لي فريقين ..
|
Post: #2
Title: Re: ونسة عاضّة ..
Author: عمر الفاروق
Date: 11-12-2006, 06:29 AM
Parent: #1
ونسة العجايز عن غنا الحقيبة ..
والله زمان الغنا عفيف والواحد عشان يشوف البت يطلع إشاعة ويقول الحريقة الحريقة الحريقة ولمن البت تطلع يقول ليها الحريقة في قلبي!!!!
طبعاً كرومة وسرور كانوا عباقرة وبيلحنوا براهم والعجيب إنو عشان تعرف الناس دي كانت متسامحة كيف فكرومة كان ممكن عادي يغني اغاني سرور !!!
ناس الحقيبة ديل عشان تعرفهم متعلمين كيف شوفو قال سمحة وجمالها فريد وخلقوها زي ما تريد!!!
وطبعا زمان في ملكة إسمها متريد والناس طبعا مفتكراهو قاصد على كيفها !!!
وطبعاً قهوة جورج مشرقي كانت ملتقى المثقفاتية وفيها كبار الشعراء..!!
ناس عبد الرحمن الريح وناس عتيق واسماعيل خورشيد ..
واصلا ناس الحقيبة ديل اتبعوا بي تربية الخلاوي فكان من الطبيعي يطلعوا فنانين ..
|
Post: #3
Title: Re: ونسة عاضّة ..
Author: عمر الفاروق
Date: 11-12-2006, 06:31 AM
Parent: #2
ونسة سيف الدين الدسوقي عن حي العرب ..
والله نحن زمان لمن كنا صغار ويجيك الراحل ابراهيم عوض وينهرك ..طبعا ابراهيم عوض اكبر مننا ونحن كنا شفع صغار ولمن نجي ماشين بي الزقاق ويا حليل امردمان زمان ..
|
Post: #4
Title: Re: ونسة عاضّة ..
Author: عمر الفاروق
Date: 11-12-2006, 06:34 AM
Parent: #3
الونسة عن خرطوم زمان..
ياخ الشوارع دي كانت نضيييييفة ووالله الخرطوم دي كانت اجمل عاصمة في افريقيا والوطن العربي وكنت تضرب لي بتاع التاكسي يجيك لحدي عندك ..
وزمان الناس بتركب بي الأبوني ..بتعرف الأبوني ؟؟؟
والجنيه كان بيساوي 3 دولار والله ..
ياخ اقول ليك حاجة ؟ انا مرتبي كان 7 قروش بس والله وكنت بعد ده بحول لي ناس البيت في الجزيرة 4 قروش..
ياخ جامعة الخرطوم كان فيها الاكل مجاااااااااان ولبن وسمك وتحلية ..
ياخ المطعم كان فيهو حاجة إسمها الوصلة ؟؟ دي يعني لمن اكلك يخلص ..أها الوصلة دي بتكون بلااااااااااااااااااااااااش ...
|
Post: #5
Title: Re: ونسة عاضّة ..
Author: Hussein Mallasi
Date: 11-12-2006, 06:46 AM
Parent: #4
الصباح تلقى المحجوب و زروق في البرلمان زي الشحمة و النار؛
و بالليل تلقاهم سهرانين مع بعض زي المافي حاجة!
|
Post: #6
Title: Re: ونسة عاضّة ..
Author: Bakhaf
Date: 11-12-2006, 06:47 AM
Parent: #4
الونسة عن زمن الانقليز ما تنساها
والخواجة اللابس الردا
|
Post: #7
Title: Re: ونسة عاضّة ..
Author: ابو جهينة
Date: 11-12-2006, 06:58 AM
Parent: #6
عمر
Quote: ناس الحقيبة ديل عشان تعرفهم متعلمين كيف شوفو قال سمحة وجمالها فريد وخلقوها زي ما تريد!!!
وطبعا زمان في ملكة إسمها متريد والناس طبعا مفتكراهو قاصد على كيفها !!! |
مَتْريد هي شقيقة الأمير ( مَيْريد )
ملاسي : زمان .. الزمن الجميل أيام إبراهيم ملاسي و حسن علي عبيدي و علي داود و طلسم .. كانوا بيرسلونا السوق بي ( ريال ) واحد نجيب منو العيش و الفول و الطعمية و الجبنة و ( نبرشت ) فريني .. و الفريني يعادل ( قرشين ) .. و الطرادة ( سيئة السمعة ) تعادل خمسة و عشرين قرش.
تعرف يا عمر .. قالوا في ست إنداية إسمها ( أم نفسين ) .. أها في واحد يجي كل يوم العصرية يسكر و يقيف سلك أو لط في رواية أخرى. يجوا إتنين من أولادو العتاولة يسندوهو من إيديهو و يجروهو للبيت لأنو من الوزن التقيل.
يوم و هو جارينو للبيت كالمعتاد .. شاف جارهم أولادو الأربعة شايلنو في عنقريب من إنداية تانية و هو راقد ناشف من البقنية ..
أخونا قال لي أولادو : هيييه .. ديل ال بكَّروا و جو بدري
مرة حكيت القصة دي للأخ ترهاقا زميلنا هنا .. فقال و هو يتْدشا بفعل فاعل :
و فوق كل ذي سَكَرٍ .. سكِّييييييييييييير
واصل العض ..
عفوا الونسة
|
Post: #8
Title: Re: ونسة عاضّة ..
Author: Hussein Mallasi
Date: 11-12-2006, 07:32 AM
Parent: #7
الجماعة كان بيهتفوا اضرب اضرب يا ابو القاسم .. حاسم حاسم يا ابو القاسم؛
و بعدين – منو كدا ما عارف – تدخل و قال لناس ابو القاسم فوهات دباباتكم دي موجهة
نحو معامل كلية العلوم؛ و المعامل دي فيها كيماويات لو انفجرت بتفجر معاها الشرق الأوسط!!
|
Post: #9
Title: Re: ونسة عاضّة ..
Author: بدرالدين شنا
Date: 11-12-2006, 07:38 AM
Parent: #1
| Quote: وزمان الناس بتركب بي الأبوني ..بتعرف الأبوني ؟؟؟ |
أوووووووووك كان كدي أنا كبير خلاس
|
Post: #10
Title: Re: ونسة عاضّة ..
Author: سامى عبد الوهاب مكى
Date: 11-12-2006, 09:00 AM
Parent: #1
Quote: Quote: وزمان الناس بتركب بي الأبوني ..بتعرف الأبوني ؟؟؟
أوووووووووك كان كدي أنا كبير خلاس |
ياسلام الابوني ده البص الكان قبال ابو رجيلة..
طبعاً انا اصغر منك يا عمر
هههههههههههههه
|
Post: #11
Title: Re: ونسة عاضّة ..
Author: عمر الفاروق
Date: 11-12-2006, 11:08 AM
Parent: #1
يا سحس :
Quote: الصباح تلقى المحجوب و زروق في البرلمان زي الشحمة و النار؛
و بالليل تلقاهم سهرانين مع بعض زي المافي حاجة! |
ونستك عااااااااااااااااااضّة
|
Post: #12
Title: Re: ونسة عاضّة ..
Author: عمر الفاروق
Date: 11-12-2006, 11:09 AM
Parent: #11
الخواف :
Quote: الونسة عن زمن الانقليز ما تنساها
والخواجة اللابس الردا |
كيف ياخ والعجب لمن يقولوا ليك ياخ نحن إستعجلنا ساي يا ريت لو خليناهم لحدي سنة كم وستين والله البلد كان تكون شي خرافي ...
|
Post: #13
Title: Re: ونسة عاضّة ..
Author: عمر الفاروق
Date: 11-12-2006, 11:12 AM
Parent: #12
يا ريس :
Quote: تعرف يا عمر .. قالوا في ست إنداية إسمها ( أم نفسين ) .. أها في واحد يجي كل يوم العصرية يسكر و يقيف سلك أو لط في رواية أخرى. يجوا إتنين من أولادو العتاولة يسندوهو من إيديهو و يجروهو للبيت لأنو من الوزن التقيل.
يوم و هو جارينو للبيت كالمعتاد .. شاف جارهم أولادو الأربعة شايلنو في عنقريب من إنداية تانية و هو راقد ناشف من البقنية ..
أخونا قال لي أولادو : هيييه .. ديل ال بكَّروا و جو بدري |
ونستك سمحة
خصوصاً لي ناس كده ..
|
Post: #14
Title: Re: ونسة عاضّة ..
Author: عمر الفاروق
Date: 11-13-2006, 01:41 AM
Parent: #1
بدر الدين حلا راجل المرا :
| Quote: أوووووووووك كان كدي أنا كبير خلاس |
والله الواحد كان يخاف الكضب كان قال انت حضرت التجارة البكماء خليك من الأبوني القرييب ده
|
Post: #15
Title: Re: ونسة عاضّة ..
Author: garjah
Date: 11-13-2006, 11:00 AM
Parent: #14
ود الفاروق
ازززياك
زمان ام الصلص كنا بنلعبا بالبراميل
وشدت وحرينا بدل كراع واحدة كنا بنرفع الاتنين
|
Post: #16
Title: Re: ونسة عاضّة ..
Author: معتصم دفع الله
Date: 11-13-2006, 11:32 AM
Parent: #1
يا عمر ونستك عااااااااضة ..
وناسك حلويييييييييييييين ..
خليني أمشي مشوار كده وأجيك ..
|
Post: #17
Title: Re: ونسة عاضّة ..
Author: محمد سنى دفع الله
Date: 11-13-2006, 04:56 PM
Parent: #16
والرغيفة
قدر قمر 14
والجرجير تاكلو
تقول شربت قزازة بيبسي
ونستكم عاضة
هووووووووووووووى
يالناس الحلوة
مشتاقيننننننننننننننننن[/purple]
|
Post: #18
Title: Re: ونسة عاضّة ..
Author: عامر تيتاوى
Date: 11-13-2006, 06:33 PM
Parent: #17
اخوى عمر
زمن جوز الحمام كان اربعة
زمان كان تجدع الحجر محل يقع
ياها واطاتك
تصدق زمان جدى ادوه محلة قاعة
الصداقة دى واباها قال كفاهو
السواقى الفى البلد
زمان .. زمان
ونسة كاسرة ركبة عديل كده
|
Post: #19
Title: Re: ونسة عاضّة ..
Author: عمر الفاروق
Date: 11-14-2006, 01:48 AM
Parent: #1
سامي الخصال:
| Quote: طبعاً انا اصغر منك يا عمر |
ونستك ما حبااااااااااابا أبداً ..
يا سامي ياخ انت شكلك حضرت ايام الهلال والمريخ فريق واحد وايام ود الاشول بيشوتها بي اليمين ..
تخريمة :
صحي الهلال حا يلعب في الدوري النيجيري؟
|
Post: #20
Title: Re: ونسة عاضّة ..
Author: عمر الفاروق
Date: 11-14-2006, 05:35 AM
Parent: #1
ونسة عاضة :
والله هناية دي زمان كانت سمحة سماحة مبااااااالغة بس مسكينة والله اتبشتنت على كبر ..
|
Post: #21
Title: Re: ونسة عاضّة ..
Author: عمر الفاروق
Date: 11-14-2006, 02:04 PM
Parent: #1
اخونا قرجة :
سلامات ..
Quote: زمان ام الصلص كنا بنلعبا بالبراميل
وشدت وحرينا بدل كراع واحدة كنا بنرفع الاتنين |
اسة الشفع يلعبوا لي بي الاتاري والبلاي استيشن ..والله ديل غير بوظوا الشفع ما سوو شي..
يا حليل الحبوبة لمن تحكي ليك فاطنة السمحة والغول ويا حليل الحجلة ويا حليل الكمبلت ويا حليل سكسك ..
انتو قايلين روحكم لعبتو يا ولاد الزمن ده ...
عضة العضة
|
Post: #22
Title: Re: ونسة عاضّة ..
Author: عزيز
Date: 11-14-2006, 02:22 PM
الحبيب ود الفاروق
ليك وحشه والله
ونستكم عاضة بمزاج..
حبوبتى أيام ازمات السكر كانت بتقول كان خلو لينا الإنقليز مالو..
كان رأس السكر بى تعريفة والحالة رخية وكله متوفر وموجود..
مودتى
ود خطاب
|
Post: #23
Title: Re: ونسة عاضّة ..
Author: عمر الفاروق
Date: 11-15-2006, 02:08 AM
Parent: #1
السني يا ود دفع الله يا ود النيل النيل ..
Quote: والرغيفة
قدر قمر 14
والجرجير تاكلو
تقول شربت قزازة بيبسي |
العضّة عندك (دي تورية طبعا) والموضوع ما عندو علاقة بي الحجم
ويقول ليك ياخ والله عيش الفرن البلدي اسمح من عيش الفرن الالي يا ولد امشي جيب عيش من فرن الحطب الفي الموردة داك ..
والبيبسي ده اسكت خليهو ساي ..والله زمان تشرب جغمة واحدة الا تقفل نخرينك واراسك ده يسوي زنننننننننننننننننننن انت قايل بيبسيكم الاسة ده بيبسي ؟؟؟
بالمناسبة قمر 14 زااااااااااتو ما بقا قمر 14 زمان قمر زمان كان حنيييييين لكن الاسة ده قاااااااااااسي (والكلام ليك يا المنطط عينيك )
تحياتي..
|
Post: #24
Title: Re: ونسة عاضّة ..
Author: الخير محمد عوض
Date: 11-15-2006, 02:14 AM
Parent: #23
مـافي شـيئ جـاب ليكـم الفقـر غيـر كيس جيـلاني دا
ااااااه حليل الـقفـة وحليل ايامـا...دنـيا
عـضـة بالكمونـية.
|
Post: #25
Title: Re: ونسة عاضّة ..
Author: عمر الفاروق
Date: 11-15-2006, 02:46 AM
Parent: #1
عامر يا تيتاوي :
تحياتي..
Quote: تصدق زمان جدى ادوه محلة قاعة
الصداقة دى واباها قال كفاهو |
تعرف يا تيتاوي معناها السودانيين ديل كلهم اولاد عم قول لي كيف:
حتة قاعة الصداقة دي بالتحديد كده اي زول بيقول ليك ادوها لي جدي واباها
والبيحيرني الناس القالوا لي الكلام ده اي زول من بلد ..
واحد دونقلاوي قال لي الحتة دي كانت حقت جدي بس باعا للحكومة ..
وواحد تاني من المناقل قال لي جدي قال اخير ليهو الجزيرة من الحتة دي ..
وواحد تالت محسي حلفاوي قال لي ياخ دي زمان جدي حنسوهو حنيس عشان يشيلا ورفض !!!!
انا ما عارف الناس ما بتختار جنينة الحيوانات ليي بس ماسكين في حتة قاعة الصداقة دي !!!
اها ما قلت لي جدك برضو ادوها ليهو ؟
|
|