ثقافة MBC2 ..!!!

الجعّة ..

ودي طبعاً مقصود بيها الويسكي والفودكا والكونياك والذي منو ..
يعني لو تلفزيون السودان عمل ترجمة حا تكون :
المريسة .. العرقي ..

اللّعنة ..!!!

ودي غايتو تلفزيونا لو جا يترجمها إلا ينادي ليها محسن خالد ولّا دكين ..

هل أقمت معها علاقة ؟؟؟

دي دايماً بيترجموها ليك لمن جماعتك يكونوا صاحين الصباح وزولك بيزرر في زراير القميص وبيلبس في بنطلون الجينز ..
ويجي صاحبو داخل عليهو ويسمع كركبة في المطبخ ويجيهم صوت :
لقد حضّرت العجّة ..

قذر !!!

ودي دايماً ناس MBC2بيجيبوها ليك لمن زول يكون بشاكل ليهو في زول ..

تباً لك



دي كيف يا فاروق؟

المرأب ..
وده طوالي بتسمع فيهو صوت الكركبة وتلقى فيهو طواااااالي الكوريق متكول بالجنبة ومعاهو كرنك ..

Quote: ودي غايتو تلفزيونا لو جا يترجمها إلا ينادي ليها محسن خالد ولّا دكين ..

وانتا مالك مابتقدر؟؟ محنن ولا مطهرنك؟؟
طبعا دي ثقافتك انتا ياضحل..
ثقافة الزعط..
بينما كان انيس عبيد كمترجم هو اقدر على فهم المقصود من تلك العبارات..

عموما انا غايتو مابترجم
الحاجات دي عندي ما محتاجة ترجمة
I just do it

عمر الفاروق اخد عندك دى

انه غريب الاطوار

Quote: ثقافة الزعط..

شفت يا عمر دكين دا بقول فى شنو !!

اسي تعبيره دا مترجم ؟؟؟

Quote: ودي طبعاً مقصود بيها الويسكي والفودكا والكونياك والذي منو .. يعني لو تلفزيون السودان عمل ترجمة حا تكون : المريسة .. العرقي ..

واللـــــــــه صحي .. اولاد امدرمان .. حتى صعلكتهم بريئة ..


زي ماقلت لى دكين المكين..

الجماعة ديل (حميدة وعمر الفاروق وفلان اب جضوم الحمباق داك ) لابسين توب (شفتنة وصعلقة).. ماشافو منو الا طرفو بس.


منو القال ليك الجعة = الويسكي والفودكا والكونياك ؟؟

انت لا لطــــــــيت .. لا باريــــــــت ..؟

بعدين ياخوي .. انت مالها مواضيعك كلها (مستوحاة) من التلفزيون ..؟؟


كل شغلتك تقعد قدام التلفزيون .. وتشوف ليك ملاحظة او تعليق ..تجى تفنجط لينا بيهو هنا..


ياخ انت مالك (بيـــتوتي) كدة ...؟؟





















كوز دة

Quote: الجعّة ..

دى ( البيره ) يافاروق

(بيـــتوتي)

قر قر قر قر قر قر قر قر قر

عمر يا بيوتي

والله ياعمر موضوع الترجمة دا غريب
لكن الاغرب ترجمة السودانين اغرب..


زمان فى احدى اعياد اتحاد الطلاب الاجانب..فى دولة اجنبية وحضور اغلبه اجنبى
نريد ان نقدم انشودة الناس فى بلدى يصنعون الحب...فالمقدمة كانت سودانية
ارتجلت الترجمة..وقالت..our pepole they are making love
فضحك الحضور..ما بعرف ليه...

واخرى .قالت لل owner حقها..حين طالبتها بدفع الايجار...
we didnt want to eat your money ...
فاستغربت صاحبة البيت وهى دكتورة جامعية..كيف توكل القروش

خالص ودى لك..

ادريس البدري :

سحقاً!!!!!!
من ويييييييييييييين دي يا الحبيب

تعرف يا ديكو :
كل ما اقرا فصاحتك في الجنس بتذكر كلب السُرة !!!!

ياخ انت الأول والله ..

ماجد يا حسون :
يا ايها الوغد ..

السنجك اخوي:
والله ترجمة دكين دي عاملة زي الترجمة حقت افلام تلفزيون السودان الكباااااااااارة ومكتوبة بي لون اصفر ديك ..
ولا اقول ليك ترجمة راديو وتلفزيون العرب..

يا سمو :
انا عاااااااااارف حكاية الولاد امدرمان دي قاعدة تحرقكم في حشاكم ..
اصلو اي زول بيئة الموضوع ده بيحرقو
ياخ نحن ذنبنا شنو إنكم جيتو الخرطوم دي متأخرين ؟؟؟
والله البيت حباااااااااااااااااااااااااابو وزي ما بيقول صحبي مصعب:
البيت ده إختراع جميل..

لكن ما وريتني انت موضوع اولاد امد رمان ده مالو مسخن معاك كده ؟؟؟
يا سيدي ولا تزعل نحن اولاد ود ابزهانة ريفي المعيلق..

اها ان شاء الله ارتحت ؟

عالم حاااااااااقدة بشااااااااااااااااااااااااااااكل..

وكان الصعلقة يا زول ده طرفي منها بخيتة وسعيدة عليكم انت ودكين ..

ما رأيكم في بعض الشطائـر ؟

Quote: كل ما اقرا فصاحتك في الجنس بتذكر كلب السُرة

ما بتتذكر بتاع كلب السرة؟؟

اهو ده الانتو بتتذكرو بس مابتقدرو عليهو..

انها تواعد الظهير الربعي..

ياسامو
ياخي مالك عليهم اولاد امدرمان ديل
ديل احلى ناس..

Quote: انا عاااااااااارف حكاية الولاد امدرمان دي قاعدة تحرقكم في حشاكم ..

بالحيل حارقانا
بس مافي حشانا..

دكين الشفت ..
توب الصعلقة ده يا زول اديتنا طرفو واتلفحت بيهو كلو لمن جاري بي الواطــــــــة ..
عافي منكم يا اولاد الخرطوم ...
شفوت شديد..

تم التعديل


البورد الايام دي بالنسبة لي بقى

زي اطلاق الصراح المشروط..






البنية دي لومرقت من يدي ياعمر
الله قال بي قولك

عمر الفاروق
يا جععععععععععع

اسمعنى الجعة دى

زى الباربكان ولا الموسئ ولا شئ من هذا النوع ...

اوع تقول لى بيرة وجن وكونياك ديل شايلهم معاك فى الجعة نفسها

انا بعرف باربكان على العموم ...

Quote: الجعّة ..

لمن كنا بنمشي القماير برضو كنّا بنسميها كدة ..

دكين دة ما قالوا حجّ ؟؟؟

لكن المهاترات ما عندكم !!
مع تحياتي

على ذكر أولئك الذين "يصنعون الحب" و"يأكلون القروش"، هل سمعتم بأستاذ الثانوي الذي دخل الفصل وطلب من تلاميذه، بكل وقار المدرسين المنقرضين، أنْ Take out your books and read SECRETLY?
لو ما مصدقين أسألوا الطاهر أخوي.
جاءته في ايميل من السودان (إلى عمان)، يندب فيه حال هذه اللغة وغربتها ... أو تغريبتها.
--------
عمر الفاروق

Quote: وزي ما بيقول صحبي مصعب

صاحبك مصعب دا منو؟

هل اعتبر ان هذا موعد ؟؟

تخريمة :
يا بيلي مصعب ده زول من الزمن الجميل تقاسمنا مرارة الغربة وحلاوتها ..
كانت لدينا المقولة المشهورة ثلاثة اشياء وقفت معنا في الغربة اكثر من الاخوان والاصدقاء:
1- إندومي..
2- MBC2..
3 - الجزيرة الرياضية ..

الزول ده مهندس خريج جامعة السودان ..
هذه الايام يرفل في اثواب السعادة ..الراجل اتورط وبقا عريس..

ما هذا الهراء..؟

biological mother .........الأم البايلوجية
step-mother ..........زوجة الأب
foster-mother .....الأم بالتبني
surrogate-mother ....الأم البديلة

......
على زمننا كانت الأم واااااااااااااااااحدة!

يا ممكونة :
الناس ديل ما عندهم
Cheese Mother... أم بالجبنة

يا ممكونة :
الناس ديل ما عندهم
Cheese Mother... أم بالجبنة

Quote: تم التعديل البورد الايام دي بالنسبة لي بقى زي اطلاق الصراح المشروط.. البنية دي لومرقت من يدي ياعمر الله قال بي قولك

لوووووووووووووووووووول
خلي عمر إحتياطي يا عزيز

أبليت حسنا (عبارتي المفضلّة)
you did well

أعتقد أنه يروقني
I think I like him

هذا جدير بالإهتمام
interesting

اللعنة
Damn

يا للهول
oh my gosh

ياله من أحمق
what a fool

أيا ما تفعل، لا تخبره
whatever you do, don't tell him

ما هذا الهراء
such bull

لا أعبأ
whatever

هذا أمر مثير للحيرة
confusing

كم أتوق
can't wait

ويحك
how dare you

رافقتك السلامة
so long

يا نوبي :
يا اخوي انت قاصد الأحتياطي المركزي ؟
ولا يكون إحتياطي البترول؟
ولا يا ربي يكون إحتياطي في فريق النسور الذهبية ..
يا اخوي دكين ده زول طيبان وبتاع قرقر ساي..

Quote: : ودي طبعاً مقصود بيها الويسكي والفودكا والكونياك والذي منو .. يعني لو تلفزيون السودان عمل ترجمة حا تكون : المريسة .. العرقي ..

يا عمر اضيفوا ليها الحاجات دي كمان لقاموس الترجمة: البَقَنية، مريسة الفقراء، الحُسُوة، وام بُقْبُق، وخميس طويرة..
الاخيرتين ديل ارجو ان لا تكون قد خانتني الذاكرة..

حليمة

يا حليمة

لاتوجد اي صلة بين خميس طوييره والمريسة والفودكا وغيرها من الخمور


خميس طوييره نوع من الاكل وهم من صميم تراث دارفور ونحن نعتز به



ابوالقاسم

سلام عليكم ...

mbc2 دخلت بيتنا من الشبااااك ...

وإحتلت مكان واسع في قائمة البرامج عندنا...

وأصبحت من الخيارات الأول لكن أفراد البيت ...

بس انا بعيب عليها مناظر الحب الساحنة ...

مع إني لا أنكر إنو بيمنتجوا مناظر كتيرة ...

بس برضو في حاجات محتاجة للحذف ...

يا نجوان :
ياخ لقيتك مباااااااااااالغة ف يثقافة BMC2 والظاهر معاها كمان قناة One

فليحفظك الرب ..

الأخت حليمة :
لكن لقيتك خطييييييييرة في تفاسير الجعّة شي بي البلدي وشي بي الأفرنجي
طيب ما ممكن نضيف الشربوت لي قوائم الجعّة

عن نفسي استخدم ترجمة الحناكيش كأفضل ترجمة :
عصير بلح ..

الفاروق وربعه : تحيات،،

جهاد الخازن على ما أظن كتب يوماً،،
((تباً لكم)) ووضع خارجها ((كما جاء في ترجمة الأفلام))،،

فالآن إن أساءك أحدهم بقولة (تبا لك) فإنتظر قليلاً يمكن البونية
يكون شكلها مختلف شوية،،
====
الشيعة راكبين طيارة لبنانية ويهتفون:
مقتدى مقتدى،،
نحب الصدر نحب الصدر ،،

الطيار بنرفزة للمضيفة : فرجيهم الصدر بلكي يسكتوا ويريحونا،،

ورتهم الصدر ،،
سكتو مسافة ،، وسخنوا تاني،،
مشتهى مشتهى
نحب السستاني نحب السستاني ((وقيل السوستاني))
=========
دي طبعاً على هامش أفلام بعد التاسعة مساءاًً

عبد اللطيف :
حيّاك ..
ياخ ذكرتني النكتة لمن نانسي عجرم قالت لي حسن نصر الله خليني امشي للإسرائيليين انا وأحلّ ليكم مشكلة الحرب..
ولمن مشت جاتهم حامل في الشهر السابع من إسرائيلي فم اكن من حسن نصر الله إلا وقرر يرجمها فردت نانسي:
دخيلك يا شيخ حسن ده جبتّلك أسير ..

Quote: الشيعة راكبين طيارة لبنانية ويهتفون: مقتدى مقتدى،، نحب الصدر نحب الصدر ،،

Quote: ياخ ذكرتني النكتة لمن نانسي عجرم قالت لي حسن نصر الله خليني امشي للإسرائيليين انا وأحلّ ليكم مشكلة الحرب.. ولمن مشت جاتهم حامل في الشهر السابع من إسرائيلي

وَكانَ عَلى قُرْبِنَا بَيْنَنَا مَهَامِهُ مِنْ جَهْلِهِ وَالعَمَى
وَماذا بمِصْرَ مِنَ المُضْحِكاتِ وَلَكِنّهُ ضَحِكٌ كالبُكَا
********
وَلَكِنّهُنّ حِبَالُ الحَيَاةِ وَكَيدُ العُداةِ وَمَيْطُ الأذَى

Omar

hall

يا دكين
إنت قصدكـ A ss Ho le ؟


طبعا السيرفر بيمسحها عشان كلمة كعبة بالانجليزي.
لذل لزم التعديل مرتين.

دكين :
ياخ انت عارف اخوك إنجليزيهو كعب شديد لكن للضمااااااااان كده
You Too

تبالك أيها الوغد,أنت تثير اشمئزازي ايها المريض اللعين


والحوار المفضل لي


- ان ماكس ظريف جداَ
- اعتقد انه يتفحصك
- لا أنه لا يفعل ذلك
- أعتقد ان احدا ما سيتغيب عن حصة الرياضة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يا أمل :
اراك لاحقاً ..

أما ثقافة MBC2 المصورة فده كلام تاااااااااااااني..
زمان نحن الواحد يكون ساكن امدرمان ويمشي يوصل بنات دفعتو في الجامعة للخرطوم وبحري عااااااادي ولحدي خشم الباب وبعد داك العفو في العافية
ناس MBC2 ديل الواحد فيهم كان ساكن جار البت هيتة بي هيتة يومو اليصل بيت ناس البت والبنية تفتح الباب عشان تدخل هو بيكون واقف ليها في السلم ..
فجأة البت تجيهو راجعة ولا إحم ولا دستور وتديهو ليك بوسة تشفق وبعد داك تدخل بيتها ..
غايتو نحن زمن كنا بنقرا MBC2 دي ما كانت منتشرة لكن والله يا شباب الجامعات الزمن تبارو MBC2 الواحد فيكم يقوم ينسى نفسو ولمن يوصل البت لي بيتهم في بحري مثلاً تقوم تشيلو الهاشمية ..

Quote: ولمن يوصل البت لي بيتهم في بحري مثلاً تقوم تشيلو الهاشمية ..

بازول مالك فرملت لمن اللساتك سخنن وطلع دخانن ... يلا فك الفرملة وواصل رحلتك ...

حوار بين ام وابنتها

- مام, اي دونت كير اف يو لايك هيم اور نوت
ذيس از ماي لايف ان ام قونا ليف ات ذا واي اي لايك

- هوني, يو ار ستيل يونق بيبي اي جست وونا ا....

- ذاتس ات مام, اي هاد انوف, ام اوت اوف هير, ام موفينق ان ويذ "جو"




تم ترارارام تم تم.









*بالله انيس عبيد يتكفل لينا بالترجمة

Quote: ذيس از ماي لايف ان ام قونا ليف ات ذا واي اي لايك

يا دينا ماف شي بعيد على الله ...

الله يدينا خيرها الMBC2 دي ..

مع إني ما شايف ليهو ملامح نهائي ...

Quote: مع إني ما شايف ليهو ملامح نهائي ...

منو؟ MBC2 والا جو؟؟

خيرالMBC2 ما شايف ليهو ملامح ...

غير عطلة وضياع زمن كسب ذنوب ماف حاجة ...

غايتو بس الواحد يدعو ويسأل الهداية ...

عمر الفاروق ...سلام
عن إذنك

Quote: مام, اي دونت كير اف يو لايك هيم اور نوت ذيس از ماي لايف ان ام قونا ليف ات ذا واي اي لايك

- يما, خليني بي رايي , دي حياتي أنا, إنتي كان بتدوريهو ولا لأ دي ما شغلتي, أنا الفي راسي بسويهو

Quote: - هوني, يو ار ستيل يونق بيبي اي جست وونا ا....

-يا حشاي , أنا بدور أقوليك كلا...

Quote: - ذاتس ات مام, اي هاد انوف, ام اوت اوف هير, ام موفينق ان ويذ "جو"

-ووب علي تطير عيشتي أنا , خلاس مي القشيري دا , أها خليتو ليك و قاطعة و شي منك , و بشيل عذالي و بسكن مع الجاك.

Quote: - تم ترارارام تم تم

- التنقشنك تنقشن التنقشنك تنقشن تش تش

لوووووووووووووووووووول

والله انيس عبيد ما يسوي جنس سواتك دي

Quote: تش تش

حلاوة لبن

اللخت دينا،

Quote: حلاوة لبن

ياتو لبن؟ اوعي يكون البشربو بيهو شاي ليبتون

يا دينا:

ويظهر جو وهو يرتدي الجينز الأزرق والسويتر الأسود والفانيلة البيضاء وهو يربت على كتف حبيبته وهي بالقرب من أمها ويردد:
سنرحل يا حبيبتي إلى جنوب كلفورنيا حيث سنقيم مع جدتي في كوخ صغير وهادئ ..
وتقوووووم كده هناية تنط ليك مع جو وهي لابسة رداء الجينز ورابطة القميص للصرة وهي تغني مع صوت الراديو وترقص على انغام الراب ...:
يا هووووووووووووووووووو ...

و تكادالأم تفقد وعيها لكنها تتماسك حتي تتناول الهاتف و تتصل بـ 911 ثم تنهار قائلة
" طيري طارك بلا إنت و الخايب المعاك دا, أريتها بالتقلب شاحنتكم في الهاي ويي "

مشهد اخر, بعد كم سنة كدة وجو وهناية عايشين لسة مع بعض:

- جو, اي جست كيم فروم ذا دوكتور
- واتز اب هوني, ار يو سيك؟
- جو, ام بريقنانت
- واط؟؟؟؟؟ يو هاف تو قيت ريد اوف ات, اي تولد يو ام نوت ريدي تو هاف ابيبي ناو
- بت جو, اي وانت ذيس بيبي
وهنا تثور ثائرة جو
- يا بت هوي, بلا وانت بلا بطيخ, شيلي بلاك دة وامشي بيهو بعيد مني, قلنا ليك ما دايرين شفع
دي شنو الما بتفهم دي.






انيس
كمل باقي الترجمة بالله

أنيس عن إذنك

Quote: - جو, اي جست كيم فروم ذا دوكتور

الجاك ود أمي, دي دخلتي من الإستبالية

Quote: واتز اب هوني, ار يو سيك؟-

-خير إن شاء الله نعل مافي عوجة

Quote: جو, ام بريقنانت

-الجاك حبيب قساي , أنا حامل

Quote: واط؟؟؟؟؟ يو هاف تو قيت ريد اوف ات, اي تولد يو ام نوت ريدي تو هاف ابيبي ناو

شنو؟؟؟,سجم خشمك أنا ما قت ليك ما داير عيال , تشوفي ليك طريقة تتخارجي منو هسي

Quote: بت جو, اي وانت ذيس بيبي

لكن آلجاك أنا جناي دا بدورو و ما بقدر أخليه

Quote: وهنا تثور ثائرة جو - يا بت هوي, بلا وانت بلا بطيخ, شيلي بلاك دة وامشي بيهو بعيد مني, قلنا ليك ما دايرين شفع دي شنو الما بتفهم دي.

يو إديوت دونت شيت مي , إف يو ونا كيب هيم يو جونا ليف مي , آي تولد يا آي دونت ونت بيبي ناو يو كانت ريد ماي ليبس, جاك آس

هناية:
أو ماي قود .......
و بكت
- وووووووووب علي كر علي سجم أمي

موسيقى حزينة

..
.

Quote: هناية: أو ماي قود ....... و بكت - وووووووووب علي كر علي سجم أمي موسيقى حزينة

والله يا ود البشرى اخراجك مبالغة ..

__________________

بوست متعة يا فاروق؛

كلو كوم و الجديع علي الشواطيء بالبكيني موم برااااااااااو
ديل ناس
It's toooooooooo hot let us enjoy it here
طبعا مافي تحديد "للانجويمنت" نوعها شنو

يا نادر:
ياخ أسة الخلفية حقت صورتك دي ما MBC2 لاااااااااااااااااايف

الترجمة :
جو يسأل هناية :
كنتي وين يا مطلوقة إنتي؟؟؟
هناية :
مشيت لي كلتوم !!!
جو:
شنو ؟؟؟؟؟؟؟؟؟؟؟؟؟؟؟؟؟ كلتوم الداااااااااااااااااااية ؟؟؟؟

هناية :
اي ياها كلتوم الداية ..وقالت لي انتي في السابع !!

جو :
يا بت انتي ما نصيحة ؟ مش قلت ليك ما عايزين حمل ؟؟ أسة الولد ده نأكلو من وين ونشربو من وين ..

هناية :
والله يا جو ان اما كنت قاصدة لكن تقول شنو فجأة كده جاني طمام وطراش وكنت بتوحم لي بي طحنية ..

اووووووووووووووووووووه ماااااااااااي قود.

و معاها ضربة علي الصدر

زي واحد صديقنا عامل فيها امريكي


مشينا مطعم صيني والحبيب عامل فيها ناقش الفلم

طلبنا من الويتر ميكس نودلز ... الحبيب عامل ناقش وداير نودلز بالدجاج ... قال ليهو :

بليز قيف مي هين نودلز




واخونا في السودان مشيت معاهو الـ آيس فارم


الويتر قال ليهو تطلب شنو

قال ليهو عندك كبدة ؟؟؟؟

في الموردة في عجلاتي إسمو عبد العظيم تقول ليهو أجر لي العجلة يقول ليك :
No Speak Double Touch..

تخريمة :
إنه ينتظرك خلف الروّاق ..

عمر
تعال هنا
أسال سؤال محرج ... وورط اللي بعدك ......

عندنا صاحبتنا دفعة كدة كان جنها تقشر بالانجليزي والمشكلة انها ما ناقشة التكتح..

يوم مشينا مطعم قالت للجرسون بالله الاكل دة لفوا لينا تيك اوف





ومرة تانية كنا ماشين مشوار مع بعض قالت لي "لا يا دينا ما تدخلي بالشارع دة, دة ون قو"



اما اكتر مرة احرجتنا فيها وحلفناها بعدها تاني ما تتكلم انجليزي نوهاااائي لما الدكتور في القاعة وقدام الله وخلقه سألنا من المواد الما فاهمنها وقومي يا انتي اتشوبري وقولي ليهو "والله يا دكتور انا غايتو الاسكين سكسس دة ما فاهمة فيهو اي حاجة"

حاشية
المادة القاصداها كانت study skills
والقالتو دة طبعا الكريم البتتجلبط بيهو كل يوم skin success

Quote: يوم مشينا مطعم قالت للجرسون بالله الاكل دة لفوا لينا تيك اوف

يا دينا :
ياخ لمن يجيك انفصام الشخصية حقت الظرافة بتكوني مبااااااالغة

نحن عندنا واحد الأستاذ قال ليهو قوم أقرا لينا الجملة دي فزولنا أول كلمة قالها :
إسهال دو إت ..
والجملة كانت
i shall do it

Quote: ياخ لمن يجيك انفصام الشخصية حقت الظرافة بتكوني مبااااااالغة

يعني نتمسك بدينا النهارية؟؟؟؟


وعندنا واحدة برضو شابكانا كل ما نتكلم معاها "انقهي, انقهي"

اها لما الموضوع حيرنا ليك سالناها طلعت قاصدة "enough"

اهـل العوض فى MBC2

دينا،

و الله دينا الظهرت مؤخراً دي بعد غيبة كم يوم كده لا هي النهارية و لا المسائية، ده فيرشن جديد كرت.
قولي لي كيف؟؟ بعدين حا اوريك.

Quote: لا هي النهارية و لا المسائية، ده فيرشن جديد كرت.

يعني زي الكريسيدا GL

يا بوب :
أهل العوض ما بيجوا في MBC2..
أهل العوض بيجوا في ART
راديو وتلفزيون العرب ..

Quote: بوب : أهل العوض ما بيجوا في MBC2.. أهل العوض بيجوا في ART راديو وتلفزيون العرب ..

Trade mark@

أيها السفله

يا تبلدينا:
مالك داخل متلبّد زي العامل ليك عملة ..
عليك اللعنة ..

..
.
عارف يا فاروق
انا ما بتعجبنى ثقافة الكلمات مثل ثقافة لاماكن
ناس الجادة الخامسة / كبرى بروكلين / سياتل
وشواطئ ميامى ويخوت مونت كارلو .. وأكابولكو بيتش
________________________

واط انايس F**k بوست ..
( دى الحاشرنها فى اى محل بمناسبة او بدون زى كدا )

Quote: وعندنا واحدة برضو شابكانا كل ما نتكلم معاها "انقهي, انقهي" اها لما الموضوع حيرنا ليك سالناها طلعت قاصدة "enough

دينا الله يزرع البسمة فى وشك ليل نهار ...

صاحبتك دى قاعده وين نخلى ناس funniest home video يتابعوها لينا ...

واحد بترجم الخيار العسكري: Military Cucumber

و نفس الراجل بترجم هيئة الاركان: Corporation of Corners

Quote: صاحبتك دى قاعده وين نخلى ناس funniest home video يتابعوها لينا ...

غايتو دي كان تابعوها يا سيليكون
"بوب ساجيت" ما بلقى طريقة يكافئها بيها الا يعرسها

Quote: إسهال دو إت .. والجملة كانت i shall do it

http://www.sudaneseonline.com/db/attention/100_Balloons.gif


صديقنا بيتعرف على وحدة أجنبية قال ليها :



يور تلفون نمبر هاو متش

يا تبلدينا:

Quote: انا ما بتعجبنى ثقافة الكلمات مثل ثقافة لاماكن ناس الجادة الخامسة / كبرى بروكلين / سياتل وشواطئ ميامى ويخوت مونت كارلو .. وأكابولكو بيتش

والله لكن حباااااااااابك طلعت زولنا تب ..
نحن برضو عندنا الوهمة دي ..
والعجب كمان وهمة الشهور ..
تموز وشباط وايار ..

يا ابو تميم :

Quote: يور تلفون نمبر هاو متش

ياخ انت الأول عدييييييل كده ..

عندنا واحد جا سايق ليهو عجلة الجماعة قالوا ليهو العجلة دي مستعملة ؟
قال ليهم إنتو عورة ؟؟؟ العجلة دي From The Paper

Quote: عندنا واحد جا سايق ليهو عجلة الجماعة قالوا ليهو العجلة دي مستعملة ؟ قال ليهم إنتو عورة ؟؟؟ العجلة دي From The Paper

لووووووول

دة زي السألوهو عن معنى كريسيدا GL قال ليهم يعني جديدة لنج

أخ عمر تحياتي

عليك فقط بمشاهدة

Desire
وقبله كان Fashion house
ما معروف البعدهم، شكلهم حيوصلونا To the hill

المسخوت/عمر الفاروق

شكرا على البوست الظريف كالعادة

المسخوتة/التانية دينا

Quote: وعندنا واحدة برضو شابكانا كل ما نتكلم معاها "انقهي, انقهي"اها لما الموضوع حيرنا ليك سالناها طلعت قاصدة "enough"

صاحبتك دي مجتهده جدا لأنها إلتزمت تدي كل حرف حقو؟؟؟

لكن هسه عليك الله كان ما زيادة حديث ساكت enough دي كان كتبوها enouf ما كان كفونا زي الاجتهادات دي...

الـ f دي مالها عيبوها لي؟؟؟

والله يا ابو حريرة لو كمان كنت شايف اجتهادها في الحسمان لينا اثناء النقاش كان وقعت من الضحك, ومعاها كمان رفعة يد بشكل امر كدة "خلاص عليكم الله, انقهي, انقهي, ما دايرين نقاش تاني".
غايتو الله يطراها بالخير, اليوم داك انا قربت اموت من الضحك.

ولما كنا في الابتدائي كدة, كانت الابلة بتاعتنا مصرية, اها قومت ليك واحدة

من البنات عشان تقرا ليها كم كلمة كدة بالانجليزي كان من ضمنها "empty"

قومي يا البت الشليقة اقريها "امبتي"

قومي يا الابلة قولي ليها "يا خيبتي" واحردي لينا الكلاس


بيني وبينكم لكن الابلة دي بالذات كانت متحيلة ودايرة ليها سبب عشان ما تدرسنا

الفاروق
هاكـ دي حصلة مع أخوك
في واحد عامل لينا فيها شفت كمبيوتر و كرت الشبكة بتاع الجهاز عنده ما شغال و داير درايفر
قلت ليو برسل ليك الدرايفر بالميل
بعد ساعتي اتصل تلفون قال لي ياخ اسمع
البتاع ده ما وصل رسلو بالفاكس

قوووووووووووووووويييييييييييييييييييييية شديييييييييييييد يا نوبي..
هاك دي يا نوبي:
لمن كنا شغالين في الجامعة إتصل علينا واحد قال جهازو بايظ وما شغال ..
قلنا ليهو جيبو عشان نشوفوا ليك مالو ..
أنقر ما جا شايل لينا الشاشة بس

..
.

Quote: لمن كنا شغالين في الجامعة إتصل علينا واحد قال جهازو بايظ وما شغال ..

heheheheheheha
والله بقرا فى المداخلة كنت متوقع
تقول انو جا شايل طشت

أها يا سلمى تأكيد لي كلامك هاك المشهد ده حصل لي أصحابي..
عندي أصحابي قاعدين بيحضروا في فيلم ولا حفلة ما متأكد وكانت للنجمة مادونا ..
أها الشباب ملمومين في البيت وأمهم قاعدة تحضر معاهم (نظام تلفزيون العائلة وكده) ..
اها مادونا كل مرة تنفعل وتجدع ليك الجمهور بي حاجة ..
أمهم على سبيل المزاح والإستحالة قالت والله المرا دي ما فضّل ليها إلا تحوم في المسرح عريانة ..
وفجأة أم أصحابي قعدت تكورك ..:
وووووووب علي وووووووب علي أقفلوا السجم ده ...
أنقري مادونا خيبت ظنها ؟

اقترح على الاخوة الاحباب اضافة ثقافة الخليج لثقافة الـmbc

ثقافة الام بي سي بتتبلع ... الا ثقافة الخليج دي البتمرض

مثلا :



يجيك واحد يقول ليك :

والله تعرف .. امبارح مشيت لي ( طويل العمر ) وقال لي ( تم ) موضوعك خالص .. ( بطرش ) ليك الفيزا طوالي


او

يا زول انا راجل سيدة


أو


اقفل الدريشة دي يا ولد



وكثير من الكلام البمغص بجد

عمر الفاروق ازيك ...

MBC2 قفلت ولاشنو ، يمكن شفت ليك محطات جديدة ..

سمعت

hey ... ya after my liver
بالعربى خلى دينافيصل تترجمها ليك

لووووووووووووووول

يا بعد جبدي

فديتج

عمر الفاروق..
بوست خطير ورائع..
يو آر ذا مان والله!

___
دينا فيصل و محمّد البشرى..
مبالغة..
بالله تمّوا لينا المسلسل ده وماتشحتفوا روحنا..

آيام سيريسلي هووكد!

Quote: والله تعرف .. امبارح مشيت لي ( طويل العمر ) وقال لي ( تم ) موضوعك خالص .. ( بطرش ) ليك الفيزا طوالي

(طرش) دي كمان فصل براهو ما في أقوى منها إلا


انقهي .....انقهي

ومرت السنين......

جو قابل ليو واحدة صغيرونية ومحندقة:

يو ار سو يونق اند كليفر, اي كان فايند يو انايس جوب ات ماي اوفيس

سيريوسلي؟؟؟ اوه ام سو هابي, اي واز دريمينق تو وورك ان ابيق اوفيس لايك يورز سير

يو قوت ات. ال بي ويتينق فور يو توداي سيفين بي ام

شور ال بي ان تايم.



انيس
ما تترجم هسي خلي الفيلم ينتهي بعدين ترجم دفعة واحدة
والا اقول ليك,,, ترجم خلاص

سلام دينا... لحين رجوع أنيس..

Quote: ومرت السنين...... جو قابل ليو واحدة صغيرونية ومحندقة:

Time passes by…
Joe meets one hot chick…

Quote: يو ار سو يونق اند كليفر, اي كان فايند يو انايس جوب ات ماي اوفيس

شكلك عندك إمكانيّات كويسة... ممكن القى ليك وظيفة في مكتبي... وأهو نكسب الأجر..

Quote: سيريوسلي؟؟؟ اوه ام سو هابي, اي واز دريمينق تو وورك ان ابيق اوفيس لايك يورز سير

معقوووولة؟ أنا أساسا حلمي في الدنيا أتوظّف في حتة راقية... وأبقى من المرطّبين الزّيك ديل...

Quote: يو قوت ات. ال بي ويتينق فور يو توداي سيفين بي ام

قسمتك وجاتك...بنتظرك في عربيتي قدّام محل الإتصالات داك بعد صلاة المغرب إنشالله .. يدّيكي العافية.

Quote: شور ال بي ان تايم.

عديلة يا زول... خلاص لبعدين..

زوجي وابني الكبير مغرمان بتسطيحي الدائم..putting me on the roof
ودي اتعلمتها منهم.. فيقومون بتعريب نصف الكلمة وترك النصف الثاني ان كان مشابه لكلمة انجليزية.. مثل هذه الترجمة evilboat تعني الشربوت أو عصير البلح حسب لغة الجماعة اخواننا اياهم..او عبارة اخري مثل sarreligion وتعني الساردين
وبالصورة دي وهكذا دواليبك..
زميل دراستي واخي العزيز عصام الدين الخواض جاد الرب، من جهة كلي، كان من اشهر الناس في كلية الاداب، بهذه التسطيحات، او الـfloating
في احدي المرات طلب منى ترجمة عبارة من الانجليزية الى العربية:my mother went crying
وتعني بالنسبة لترجمة عصام.. امي ذهبت للعزاء او مشت تشيل الفاتحة بالعامية المحضة..تخيل امه شايلة الفاتحة في صفحتها
فتكم بعافية

والله دا احلى بوست

انا طبعا من مدمني القناة

ومن احلى الحاجات النو الناس ديل بيحشرو كلمة

am sorry

في أي حاجة يعني الواحد لو داخل الحمام بيقوله

ودي بعض الثقافات المنتشرة في افلامهم :

لها مؤخرة جميلة ؟؟؟؟؟

هل نمت معه ؟؟؟ النوم دا عندهم زي شراب الموية ؟؟؟

وبعدين ماعندهم حب عذري زي بتاع الكتب والاشعار ...اعف ناس فيهم الحب عندهم مابيستمر اكثر من ساعة ساعتين بالكثير
ونهايته قطع شك نقط نقط نقط

وبعدين بصراحة مامعقدين امور الدنيا زينا بياخذو الامور ببساطة شديدة


وبعدين الواحد عادي عندهم يكتشف خيانة زوجته وببساطة يتم السماح ؟؟؟؟

وبعدين في منظر ثابت في غالبية الافلام
الاثنين صاحين من النوم و ( نللللللللللللللللللللللللللللللللللل) ومغطيين بالملاية ماعارف لو في كت ولا لا ؟؟؟






وانا الراجل دا بتعجبني افلامه مرررررررررررررررررررررررررة







ايها الزنجي اللعين

واحلى حاجة انو ماعندهم وهمة الموبايل زي الافلام والمسلسلات العربية

يعني مابتشوف الموبايل عندهم الا بالغلط


والله ياناس انا عندي قناعة انو احنا معقدين الدنيا دي زيادة عن اللزوم ...

حرجع تاني اكيد لانو في كلام كثيييييييييييييييييييييييييييير

ننوسة جرت البيت فرحانة

- مام, مام وير ار يو
- ام هير بيبي
- (ابيق هوق) مام اي فاوند اجوب
- ذاتس قريت سويتي, بات وير؟؟
- اتز اسيكريت مام, ال تيل يو ليتر, افقوت اقت دريسد ناو اي هاد تو ميت ماي نيو ماناجر
- اوكي سويتي, بي بيوتيفول ازيو اولويز ار. اند دونت بي ليت.
- اوكي مام, سي يو (ابيق كيس)




فترت ياخ

واحد يكمل الفيلم الهندي دة
طبعا النهاية معروفة
كان ما عرفتوها تبقوا ما اصحاب عمر الفاروق ولا من انصار الMBC2

Quote: ننوسة جرت البيت فرحانة

hot chickie happily runs home

Quote: - مام, مام وير ار يو

يمّة .. يّمة .. إنتي وين؟؟

Quote: - ام هير بيبي

حأكون وين يعني... في السينما؟؟ في مطبخ الجّن دة!

Quote: - (ابيق هوق) مام اي فاوند اجوب

يّمة أنا خلاص إشتغلت! (قلدة حارّة)

Quote: - ذاتس قريت سويتي, بات وير؟؟

إشتغلتي متين؟ ياها ديك العدّة متندلة... والهدوم مبلولات في الطشت من أصبحت..

Quote: - اتز اسيكريت مام, ال تيل يو ليتر, افقوت اقت دريسد ناو اي هاد تو ميت ماي نيو ماناجر

وظيفة يا حجة!! بس قطّعي في حشاك لغاية ما أداوم رسمي... ماشّة أنكت الدولاب كان ألقى هدمة تنفع أقابل بيها مديري الجديد بعدين...

Quote: - اوكي سويتي, بي بيوتيفول ازيو اولويز ار. اند دونت بي ليت.

سمح يا بتي... التّفة دي رقّديها شوية... الله أداك شعر لكن الراس حجر...
وما تتأخري!! محجوب خالك عازم ضيوفه هنا... وعارفاااه صعب ومكشوف حال..

Quote: - اوكي مام, سي يو (ابيق كيس)

عارفه... عارفه.. (قلدة تانية)

____
Man! this is tiring
somebody please translate this Indian movie
the ending isn't too hard to figure out
If you can't figure it out, then you're not Omar Farouq homie
or a diehard fan of MBC
_____
بي ضبّانتها ولا لأ... يا دينا؟





or

عييييييييييييك


والله يا نجوان لا انيس لا المسخوت البيحل محلو ما يترجمو زي ترجمتك دي



عجبتني الهوت شيكي دي لكن

Quote: والله يا نجوان لا انيس لا المسخوت البيحل محلو ما يترجمو زي ترجمتك دي

آل فيصل
هلا تكرمت إحداكن بتوضيح المقصود

تصدق مجرد مصطلح عجبني من ابو حريرة (ارجع لمداخلتو فوق)
بيتهيأ لي انو بمعنى زول ساخر او مطموس كدة.






هوي انت مالو كلامك دة زي المثخن كدة؟؟؟
معاي منو؟ ام حتوت؟؟؟؟

شاكرين و مقدرين للتوضيح

عذرا إن أثقلنا عليكن , و لكن من اللتي تكتب؟

حتى نتمكن من تحديد طريقة الحوار


محمد البشرى (واقفة بجواره أم حتوت)

جميعنا يا اخي

واحدة تقرا واحدة تصيغ الرد وواحدة تكتبو

وفي واحدة رابعة كدة استفردت بالبورد الايام دي







بتاعة
سيكون لنا معك شان اخر بس خلي ام حتوت تمشي تسوي ليك الغداء

Quote: جميعنا يا أخي

إذن فالنهارية موجودة
(للأسف)

ما علينا , حبيت أنبهكن للحلقة الفيها هناية بتولد, و هي في العملية تتفاجأ بالجاك يمسك يدها و كلام زي دا
و ما تنسي المشهد لما أم هناية تصر ليه و تابا تسلم عليه

بتاعة....
أم حتوت روحت .

Quote: ومرت السنين...... جو قابل ليو واحدة صغيرونية ومحندقة: يو ار سو يونق اند كليفر, اي كان فايند يو انايس جوب ات ماي اوفيس سيريوسلي؟؟؟ اوه ام سو هابي, اي واز دريمينق تو وورك ان ابيق اوفيس لايك يورز سير يو قوت ات. ال بي ويتينق فور يو توداي سيفين بي ام شور ال بي ان تايم. انيس ما تترجم هسي خلي الفيلم ينتهي بعدين ترجم دفعة واحدة والا اقول ليك,,, ترجم خلاص

مس يو دبل يو

دي اخت بي ام دبل يو



____
خليني امشي اتمتع بالغمزات تاااني

ماشي

منعم

ديناو منعم،

وحشتووووووووني ياخ،

والله البورد من غيركم انتو و نوبي خللللاااا.
معذرة للباقين لكن المعزة اقسام.
منعم المعزة دي ما تقراها(الغنماية)






مودتي

يا انور .. والله مشتاااقين عديل

ظرف صحي طارئ .. لكن راجع باستمرار قريب


____صحبك كيكي عندو بوست انتحار جماعي لبورداب الدوحة




ونسيت ما قلت ليك دينا فتحت لي من زماااان



ولا نفقد شي سوي عدم رؤياكم الغالية

سلم لي ع بتاع البوسته


محبتي

منعم

Quote: ظرف صحي طارئ .. لكن راجع باستمرار قريب

سلامتك يا منعم و ناس كده كرامتك
في انتظارك يا حنين

Quote: ونسيت ما قلت ليك دينا فتحت لي من زماااان

دينا ما فتحت ليك ياخ، بس كانت في رحلة لي جزر المالديف و هناك ما في انترنت.





منعم، الولا سيليكون ده حكايتو شنو؟؟؟ نحن ناقصين ناس دكين و محمد البشري و تبلميتينا(تبلدينا)
الله يخلي نوبي

انور ومنعم


ازيكم, مشتاقين والله, دقيقة بس افرتق الشنط عشان اطلع الهدايا

Quote: بس افرتق الشنط عشان اطلع الهدايا

جايبه لينا جوز هند ولا شنو، انا غايتو عايز فردة واحدة بس.

Quote: نحن ناقصين ناس دكين و محمد البشري و تبلميتينا(تبلدينا)

أنور ...
وزنك كم؟
.
.
.
سوري سوري
أنا فاكر دا بوست الأسئلة
دا بتاع mbc2
طيب ترجم لي دي بالله
did you know how Ishraghah died

بتاعة....
يا بوي أنا حرقت , و دكين قافل, و تبلدينا بي كرت, إنت الما عندك محافظة ليه تنزل و تكشف و رقك
آنذر بتاعة....
كان ما بتلعب كوتشينة , عمر الفاروق ممكن يشرح

Quote: وزنك كم؟

ود البشري،
بالكيلو ولا بالعيار؟

Quote: إنت الما عندك محافظة ليه تنزل و تكشف و رقك

انا ما عندي محافظة،اناعندي ولاية عشان كده بنزل و بطلع علي كيفي.

Quote: سوري سوري

سوري ولا لبناني يا خيو.

Quote: انا ما عندي محافظة،اناعندي ولاية عشان كده بنزل و بطلع علي كيفي

فعلا ما بتلعب كوتشينة, بيني و بينك أحسن ليك

Quote: سوري ولا لبناني يا خيو

ها ها ها ها ها ها
لا ظريف

شنو يا معلم
ما جاوبت السؤال

Quote: how Ishraghah died

Quote: how Ishraghah died

أسأل المحقق كونن(سيد البوست)

Quote: الولا سيليكون ده حكايتو شنو؟؟؟

يجي الخريف واللواري تقيف يا انور .. بث اديني اسبوعين كده


___

قلت لي جزر القمر ومتين جايه لجذر الشمس هنا ( السودان)


محبتي

منعم

Quote: بس افرتق الشنط عشان اطلع الهدايا

كويث .. جبتي لينا معاك قمراية من جزر القمر يا دينا


ثمح

نعود لموضوع البوس(ط)*

النص التالي هو الترجمة الشفاهية(بتصرف) لمشهد معركة من أفلام الكاوبوي بطولة ديجانقو

"قاليك ديجانقو راكب فرسه عجاجتها في السما, طيران شديد كبكبكبكبكبك , من بعيد جاية.
قرشا ليك في حوش الإنداية ,ربط الفرسة في المرق, و لز الباب المحلوج زيييييييط
الإنداية سيدها راجل, و ملانة خيانة زززززت ,ديجانقو ما سلم عليهم, طوالي مشى البنك , طلع أبقرشين قال لسيد الإنداية أدينا عسلية, مسك القرعة مرة واحدة جوووووووت ختاها بيضا, قال ليه دبلينا, كمل التانية و و إتدشأ كراااااااااع و قش خشمه
أها قبل على الخيانة ,
قال ليهم (إنعل أماتكم جت)
كبير الخيانة (آزول أفرز)
ديجانقو (آبفرز)
كبير الخيانة (قتلك أفرز)
ديجانقو (آبفرز)
كبير الخيانة (طالعني )
ديجانقو (ما بطالعك برة , هني دي بنتهي منكم)
كبير الخيانة سل أب عشرة كك,وعمره كككرك
ديجانقو زي البرق جبد مسدسه جب معمر جاهز
تل تل تل تل تل
في دقايق ختاها ليك للجماعة رقدن رز لمن آمنوا زاتو خلاهم يعرفوا حاجة
قبل لسيد الإنداية , داك يرجف ساي فرفرفرفرفر
قاله جيب الباقي"

نهابة النص - الحقوق محفوظة لأبجقادو

بالمناسبة....
*البوس(ط) دي تحية للقالوا بغيبوا لغاية أول مارس لكن غلبهم

Quote: البوس(ط) دي تحية للقالوا بغيبوا لغاية أول مارس لكن غلبهم

لو ما غلبهم يغلب منو يعني.
ود البشري Ishraghah دي موتها خليهو، هي ذاتها منو؟؟

عمر بوست منقة بس

لكن ظلمتونا في الترجمة عشان كده الفيلم الجاي ده

ترجمة لأولاد العاصمة فقط



*شك ذيس آوت دود

-وات? وير?

-كانت يو سي ذات سووويت تشك ذير?

*هولي كراب! هيي يو واتس اب سويتي

-كم اون بيبي قيف مي سوم شوقار اي يام يور نيبر


-كحل يا عمك

* بالنسبة?

- ما كاحل الجاحة السنينة ديك?

* دين أباااك شنو يا ?

- ما تشوفنا و قدر ظروفنا

فاضلابي
يا معلم
هاك فيرشن الما أولاد العاصمة

Quote: شك ذيس آوت دود -وات? وير? -كانت يو سي ذات سووويت تشك ذير? *هولي كراب! هيي يو واتس اب سويتي -كم اون بيبي قيف مي سوم شوقار اي يام يور نيبر

-ها جنا ها , راعي لي للنجفة دي

* ياتي, ويني

-ها التليفة دا , الصيدة الجافلة دي ,هنوووووووك لا غادي

*أممممممك امانة ما وقع راجل,عييييييييك

-أييييي يا الِوردة ام برد, عاين لي و قول آي , الله لييييييي أنا

Quote: ود البشري Ishraghah دي موتها خليهو، هي ذاتها منو؟؟

دي حكايتها طويلة كان بديتها ليك قطع شك بنطلع عن صلب الموضوع
خليها مرة تانية
وما تقلق
طالما آل فيصل أون لاين و إنت عندك الوقت و مزاجك عال
أكيد حا تجي مناسبة تستدعي سيرة المرحومة


التعديل لأجل خاطر عيون التعديل

ود البشرى والله لقيتك نار

كده الفيلم ده لو عملناه دي في دي

بكون في القائمة في خيارات للسب تايتل

فكرة حلوة يا عمك
على كدا حقو نجهز خيارات تانية

هاك فيرشن الشرق

*أدروب يا ها التشوف هناك

-أوهاج مايشوف وين ها

*يا ها, البنات السمهة ما تشوف؟

-أي ها , القمرة التقول

* وي ها البنات الجميل دا جبنة ما يهسلو


و هاك فيرشن الشمال النوبي

-مهمد ساله , شايف الأنا شايفه دا

*في إيه؟

-البنت زي القمر دا ياهي . اللي جايي ألينا

* وي بيوي و دا إنس و لا جن دا كمان سبهان الله

-ووووي القمر تل ألينا, ميتين الما يسلي ألى النبي (ص)

Quote: وي بيوي

HAAAAAAAAAAAAAHAHAHAHAHAHAH
THAT WAS SO GOOD
MY MOM IS FROM 7ALFA

فاضلابي
عشان المشروع يكون عالمي
دي ترجمات لي لغات أخرى

Quote: شك ذيس آوت دود -وات? وير? -كانت يو سي ذات سووويت تشك ذير? *هولي كراب! هيي يو واتس اب سويتي -كم اون بيبي قيف مي سوم شوقار اي يام يور نيبر

زلم

*شوف هونيك وولا

-وين شو في ؟

*يا أزعر شو بك , هاي شأفة الأمر العم تمشي في الشارع وولا

-يا ربي شو مهضومة, يا صبية إرحمي ألبي

*أوليييييي على حظي , ويلي من عيونك ويلي

مصاروة (قاهريين)

*بص يالا

- إيه , في إيه؟

*ياد بطل تناحة ياااااد, بص شوف الإستاكوزا اللي بتدلع في أول الحارة دي

- يا لهوي يا خرابي , إيه دا يا عم دا , بسم الله ما شاء الله , يا أرض إحفظي ما عليكي

* أيوووووووووووه يا جدعان , إلحق ياد يا برعي إطلبلي المطافي لحسن ألبي آيد نار

مصاروة (صعايدة)

* شايف إللي أنا شايفه دِه يا هريدي

- ما خابرش يا عمدة ,

* ياد يا حمار إنته, الحُرمة الزي القمر دهي اللي معاهي الجاموسِه

- يا عيني يا عيني , القمر دا من النواحي دي ولا من كفر تاني

* يخرب مطِنك يا بت إنتي , جبتي الحلاوة دي منين , طخها يا هريدي

Quote: واحلى حاجة انو ماعندهم وهمة الموبايل زي الافلام والمسلسلات العربية يعني مابتشوف الموبايل عندهم الا بالغلط

ملاحظة تنم على تركيز عمييييييييييييييييييييييق


ههههههههههههه


في الهند جانا برلوم من مدينة ثانية

سالناه عاوز تدرس شنو قال :

بهارمسي




Pharmacy







فلم troy بالنسبة لي من اروع الافلام


ولكن .....................



ما هذا









يا ربي يكون طائر العنقاء ؟؟؟

كل الحلوين ..
صباحات الله بي خيرا ..
هاكم أخر وهمات MBC2 لقطتها من افلام يوم الخميس البعد الساعة 9 مسا..

إنها فتاة جامحة ..



تخريمة :
في كل افلام MBC2 العشيقة لمن تصحى الصباح وتذهب للمطبخ لعمل البيض المقلي فطوااااااااالي بتخش ليك في قميص عشيقها الطويل..لكن الشي المحيرني إنو ليي العشيق لو صحى قبالها ما بيخش في إسكيرتيها !!!

سأنتقل إلى ثانوية ميامي هذا الأسبوع يا دينا..

Quote: سأنتقل إلى ثانوية ميامي هذا الأسبوع يا دينا..

ظهرتها عاملة يا عمك
(الحقوق محفوظة)

زيز از ميى هاسبند
( this is my hausband )

واحد بيهتف بى اعلى حسو وهو بياشر لى اسم مرتو فى لوحه الناس المتخرجين

المكان : ساحه احدى الجامعات فى امريكا
الحضور : كلهم يا امريكان او ما بعرفو عربى
انا حكاها لى واحدهندى صاحبى

Quote: زيز از ميى هاسبند ( this is my hausband ) واحد بيهتف بى اعلى حسو وهو بياشر لى اسم مرتو فى لوحه الناس المتخرجين

والله يا يوسف مع الخواجات ديل بتكون هي بالجد هيز هاسباند
ياخ زمان تخش صفحات طلب الزاج في الإنترنت تلاقي الروسية كاتبة السيرة الذاتية بتاعتها :
العمر 27 سنة
الحالة : غير متزوجة
عدد الأطفال 2 ..

ولما كنا في الابتدائي كدة, كانت الابلة بتاعتنا مصرية, اها قومت ليك واحدة

من البنات عشان تقرا ليها كم كلمة كدة بالانجليزي كان من ضمنها "empty"

قومي يا البت الشليقة اقريها "امبتي"

قومي يا الابلة قولي ليها "يا خيبتي" واحردي لينا الكلاس


يا دينا ابتدائي منو ياشيخة ديل ياخ

مدير الفندق الحصلت فيو التفجيرات في شرم الشيخ جابو في الـ CNN

ات واس ا نايس بليس ناو لوك لوك زيز از امبتي بليس !

ياعمر فى واحد صاحبنا زمان ...
مره كده كنا ماشين جات عربية بتاعت فواكه
مرسوم فيها تفاح ومكتوب (Apples)

اتخيل صاحبنا نحت مخو وقراها ابليس ...

نزولا على رغبة الأخ ناذر

الترجمة العربية (بتصرف)

روك: هوجان , ماتظن يا اللخو إنة الناس ديل هم الغدروبك و خلوك تطفش , لا لا , الأمة دي كلها بتدورك ,الخلق دي كلها مقتنعابك , و هم الخلوا الروك يعترفبك.
الجمهور: ورررووووووك, عاااااااك عااااااااااااااك
روك: الروك بيمرق النصيحة و لو علي رقيبته,
يا كا من عرفناك زولا فحل, دواس , النار ما تاكلك, صبي راضع لبن أمك
الجمهور: ورررووووووك, عاااااااك عااااااااااااااك عااااااااااااااك
روك:إنت زولا معلم و ختري و روحك عاجباك, و عارفينك الشيخ دا سعالك و جابك , نعمنك كنت سيد بلدك و فارسها و خلاك تعرض و تهز فوقنا
أسمع الكلام الجد قبال لا يجيبوه ليك , الروك يقولك يوم اللعبة تطالعه في الدارة قدام الرجال ديل, حديد يلاقي حديد ,ينبرش الطرور و يسبت الصنديد
المعلق : أببببببب , الروك سواها إتحزم بي توبه و جاهو إتحداهو للصراع . هيييييييع عفيت منك آلنقر, دابي الخلا , سم الدقر .
واحدة من الجمهور كشفت راسها : أيوووووووووووووووووي , يوووووووووووووووووي يوووووووووووووووي
الجمهور: ورررووووووك, عاااااااك . آيييييي , طالعه , أكتله , لبسو الرحض , وووووووووك وررووووووك
-هوجان هوجان هوجان
-عايزين هوجان عايزين هوجان عايزين هوجان
روك: أها يا زول مالك إتلجمت . أي و لا لأ, لكن بدور أقولك ,دا صراع رجال جد , البيهجر أخوه علي الطلاق أرجل منو الله ما خلق , أها شن قولتك أي و لا يفتح الله؟
هوجان: ........ أي بالحيل من شان تعرف دواس الرجال مو لعب بطان
الجمهور: ورررووووووووووووووووووووووووووووووووووووووووووووووووووووووووك,
(المرأة القبيل زغردت وقعت غمرانة)
المعلق: الليلة يوم الرجال, الصراع نار , الروك يلاقي هوجان ,مرفعين الخلا يلاقي الأسد النتر, هييييييييييييع الرجالة لي حدها, البطان يضاروا هيييييييييع

باقي المشاهد حذفتها الرقابة
مع تحيات معامل أبو حتوت

بالمناسبة....
ود الفاروق أسمحلنا, إستلمنا المحل منك لكن يا معلم ولا يهمك حقك برة

محمد البشرى ..

تشكر كتير على الترجمة ..

بالجد معبرة جدا عن الحاصل ..