البوردابي ده لمن الاقيهو في بوست بحس إنو حا يقطع فيني كف..

تعرف يا خالد اكون بقرا في المداخلات في امانة الله اخر ضحك واخر قرقرة ..بالله فجأة زي التقول صبّت فيني مطرة !!!
الاقي ليك الصورة بتحمّر لي والزول بيصرصر لي وجاري فيني نور طووووووووووويل ..
يا زول قلبي ده يسوي دق.. دق..دق..
بكون منتظر بتيييييييييين تديني الكف بتاعي عشان بعد داك اقدر اواصل قراية البوست

هييييييييييييييييييييييع ..عافي منك اااااا ود أخوي ..
الأسد النتر ...
هيييييييييييييييييييييييييييييييييييييع ..
أبشر بالخير..

ياعمر الفاروق

ماتشوف الشنب ده تلقى( المره ) المرأة مقطعاه النفس

Quote: ياعمر الفاروق ماتشوف الشنب ده تلقى( المره ) المرأة مقطعاه النفس

يا ابو السيد ..
ديلك بيقطعوا نفس العندو شنب والما عندو شنب ..
عاااافي منهن اخوات نسيبة ..
هييييييييييييع..

الاخ عمر الفاروق بينى وبينك اخوات نسيبه
ديل كلامن براهو والبقول غير كده ماصدق
انا راجع ليك عندى جماعه اكفتن واجيك
تحياتى

عمر الفاروق


قلت لي قاطع قلبك يا عمر ؟؟؟؟



أها النشوفك تاني مع الدوائر بتاعتك دي بي غادي

قال دوائر وإجابة صحيحة قال..

الغزاللل التدودرك





تعرف الليلة برضو مدي صاحبك معاذ (الوهم) تخيوفه

الفاروق مالك داير تسحر علي ابو وليداتي قول تبارك الله
و كمان معاك كعابه انت وكت خايف من الكفيت الحاله دي ورى الشاشه
انت و سيد احمد كمان بتحرشوا فيه وسيد احمد يقول انا بقطعوا
النفس وانت تقول اخوات نسيبه ما بتخافوا من الله
والله دي الغيره بس قطعت قلبكم وويجعت بطنكم
وجعكم الشنب دا بس عشان كدي تقولوا قطيع نفس
والله خالد سمح من راسوا لي ساسه
والله تاج راسي و زينة حياتي
والشغله فيها كفيت يا حراشين يا بتاعين المشاكل
خالص مودتي واحترامي
عفاف ابو حريره

ام (احمد)

Quote: الفاروق مالك داير تسحر علي ابو وليداتي قول تبارك الله و كمان معاك كعابه انت وكت خايف من الكفيت الحاله دي ورى الشاشه انت و سيد احمد كمان بتحرشوا فيه وسيد احمد يقول انا بقطعوا النفس وانت تقول اخوات نسيبه ما بتخافوا من الله والله دي الغيره بس قطعت قلبكم وويجعت بطنكم وجعكم الشنب دا بس عشان كدي تقولوا قطيع نفس والله خالد سمح من راسوا لي ساسه والله تاج راسي و زينة حياتي والشغله فيها كفيت يا حراشين يا بتاعين المشاكل خالص مودتي واحترامي عفاف ابو حريره

الليييييلة
الكلام دخل الحوش
كدي النشوفك يا عمر بتتخارج كيف ؟؟
من بعد تحياتي للأخ خالد
أنا جاتني نفس فكرة عمر دي
بس قلت خالد دا وقت إتصور الصورة دي
يكون مسلف ليهو زول قروش وما لامي فيهو

بالمناسبه يا ابوالسيد والفاروق عاوز اديكم نكته
ضابط رتبه كبيره جدا ساق ولدو معاهو المكتب
المهم بعد ما وصلن السواق العساكر طاق طاق التحيه
وفتحوا الابواب وجرى وكبكبه المهم والولد استغرب
بعد ابوه مادخل المكتب قال لى ابوه امى كان جات هنا
كانو حايعملو ليها شنو

عليك الله ياخالد

كم مرة قالت ليك(قوم عامل شنبك الكبير ده)
وكم مرة قالت ليك شنبك العامل زى الصدام ده بقطعواليك
يعنى الشنب العاوزتخوفنا بيه وقاطع بيه قلب عمر الفاروق
مع ام احمد عاملو درع واقى

الأخ عمر والله قطعتتتت مصارينا عدييييل


أجمل تحية للحبيب خالد للروح العالية والتناول الراقي للموضوع

وبصراحة تلك الروح التي نحلم دائما أن تسود هذا المنبر .


وأخت نسيبة الغالية الأخت عفاف حفظه الله لك وأدام ودكما .



وأقعدوا ضاحكين مقرقرين دوما



صلاح واسبه

أجمل ما هنا هو هذه

Quote: ... الروح العالية والتناول الراقي للموضوع

سيكون أجمل لو كان عمر الفاروق لا يعرف صاحب الشنبات من قريب ولا من بعيد.
(أعني قبل فتحه هذا البوست).
تحياتي

الشباب الحلو ..
او في الحقيقة العجايز الحلوين لأنو بي صراحة كده عندي إحساس كل زوار البوست ده بيلعبو تحت الخمسين
انطكم كلكم كده وأقول لي البيلي صدقني أول مرة أصلاً اكتب تداخل مع الأخ خالد وما بعرفو لا من بعيد لا من قريب لكن كنت واثق جداً من كيفية فهمو للموضوع وكيفية تناولو للموضوع ..
الناس الراقية ما ظااااااااااااااهرة ( ده كسير تلج عشان نزوغ من كف الليلة)

ده كلللللللللو هين أسة الحكومة طلعت قااااااااااعدة معاهو وفاجأني النهار وزي ما قال لي عاطف إلا اطير..
ويا ابو الخد هاك دي انت وسيد احمد :
الراجل مزارع ويوم جا داخل البيت ونظام عايز يهرش المرا ..كورك ليها :
يا ولية أمشي ختي لي الغدا...
المرا جابت ليهو الغدا ودخلت المطبخ تاني..
زولك نفش ريشو وعجبتو ليك حكاية الهرشة دي فقام كورك ليها تاني :
يا ولية انتي الخدرا دي مالا؟؟؟
يا زول المرا من المطبخ ادتو ليك نهرة وبي صوت عالي كورت ليهو :
ماااااااااااااااااااااااالا الخدرا مااااااااااااااااااااالا؟؟ فيها شنو ؟؟أكل ساكت ..
يا زول صاحبنا سكت ساااااااكت وبعد كمل غداهو وركب حمارو مشى المرزعة وهو بيحفر في الجدول قاعد يطنطن سااااااااااااي ويقول :
ما نييييييييييييية شنو المالا ..نيييييييييييييييييية ..


وبرضو تقول شنب يا ابو الخلد ؟؟؟ والله ما بيحلك

يا ام أحمد :
دقي المحلب..
أحمد غايب في الراكيب ..
جانا (شنب) عيونو (حُمُر)..
كفت الفاروق جوة جضومو ..
وقال سيد احمد راجي لي كومو ..

يا زولة انا لو عارفك عضو معانا هنا ما كان فتحت البوست ده انا ..
كان خليت واحدة من الجكس الحايم في المنبر ده هي التكتب البوست واقول ليها يا هناية عليييييك الله أول شي اكتبيهو :
خالد التش ..مالو ما جا؟؟
شنبو حش.. مالو ما جا؟؟
الساعة تضرب مع العيادة ..اسيبك انت واحب حماده ..
حماده التش مالو ما جا ؟

اصلو انتو يا اخوات نسيبة ما بنقدر عليكم الا نجيب ليكم نسيبة زااااااااااااااتا

تحياتي يا زولة وربنا يخلي ليك ناس احمد وابو احمد ..

Quote: بحس إنو حا يقطع فيني كف

الحمد لله الما حايقطع فيك ارســــال.

Salah Waspa

سؤال اليوم:
ما هو وجه الشبه والاختلاف بين الصورتين

خالد المحرب





عاطر التحايا
ناصر موسى

واحده بي عمه و التانيه من غير عمه.

الفاروق ما تخلي الزول دهـ

يديلي هناي دهـ كف

الاخ عمر الفاروق

اقول شنو

شكرا كميات ..

ضحكتني في وقت عدمت فيهو الضحكة

شكرا ليك ولكل المتداخلين على المساحة الجميلة دي

عمر
بوست جميل ..وخالد كان الاجمل

ومن اجمل ثلاثة بوستات..والشمات بقو يحسدوك
على خفة البوست الذى اخرجنا من من ايام الحداد
* بوست حسين شريف
* بوست سفيان نابرى
* بوست عمر الفاروق...

بسال ام احمد..ما دام هى من ناس ابوحريرة
عن واحد درس معاى فى الهند..اسمه عبدالرحيم الخضر
من اولاد المايقوما..عاوز تلفون...بريد ..اى وصلة
وتشكرو على الفرفشة

يا جماعة ما تفقدو معاي عم شنبو ده
الراجل ده من ام احمد دخلت البوست وهو قاطع موية ونور ..
وبرضو يا انور تاج السر تقول لي يقطع الارسال ؟الظاهر ارسالو هو القطعوهو ليهو وتلفزيونو يوم كلو يسوي شخخخخ شخخخخخخخخ شخخخخخ

انت يا ابو احمد الليلة سقت معاك احمد ,القيادة.. دار الشرطة ولا حاجة ؟

احمد ابو حريرة :

Quote: الغزاللل التدودرك

الكتراااابللل..

هيييييييييييييييييييييييييييييييييييييع ..تااااااااااااااايتنك ..

الفاروق مشتاقين وليك وحشة،،
والله اقتلعت الضحك إقتلاعا بهذا البوست اللطيف،،

تصدق أنا وأنت كنا حنتصادم في المنبر أمس ، وكنت عايز أنزل بوست بهذا المعنى،،
ولما دخلت هنا خاتي في بالي أخونا خالد،،
ومن أمس طلعت الشنب ، لكن والله لاوزت من الكف ساي ،، وطالما زولنا طلع
هرشة وروحو رياضية هاكم العينة دي ممكن تصلح أعلان تجاري لما يلي :-

- أمواس حلاقة ،،
- أمشاط صغيرة ،،
- صفيحة صبغة سوداء،،
- أورنيش أسود ،،
- هيبة عراقية ضايعة،،
- قطامة مفتعلة مع بعض الإستثناءات (الملوخية النية مثال))،،

وتحيات ياخالد ،، عليك الله ياغير يا أحلق،، كفانا تلويع،،

أخي خالد "أبا أحمد"

حرم شنب رجال أولاد رجال ....

وحرم تحلقه لابيني لا بينك ليييييييي يوم الدين ....



أخوك/ أبوناصر

الأخ فاروق:
يا زول انت جادي في مداخلتك دي؟؟

سلام يا جماعة ليكم وللمحبة الحلوه الظاهرة دي

عمر وكل الاخوات/ن هاكم القصة دى عن الشنب واقعيه (ووقعت معاي انا ده زاتى)
اتصاحبته مع زول اسمو محمد حسن اها صحبتنا دي وقعت لينا الاتنين
وطول الوكت بقينا نكون مع بعض ووصلت حد البيوت والاهل محمد يجيني وانا امشي ليهو
يلا كل ما انا مثلاً امشي لي محمد وادق الباب ما القاهو كان بيجي يفتح الباب اخوهو
الاكبر منو يلقاني ده انا يقوم يصر الا اخش جوه واقعد اشرب حاجه المهم الزول ده لطيف
وبتونس معاي كل ما اجي والقي محمد صاحبي مافي ، مرت كده محمد يجي داخل يلقانا طاقين الحنك ، المهم بعد زمن كده محمد حسن صاحبي ده مسك في كلمه واحده (كلمة المسطول ديك) كل ما يلاقيني بتونس ما اخوهو الكبير يقول لي :- والله حكاية !! انا اسالو شنو الحكاية يازول يقول لي :- انسي ياخ انسي المهم الشغلة بتاعة والله حكاية دي كترت قمته اصريت الا اعرف هو قاصد شنو ، قام قال لي :- ياخ ببساطة اخوي الكبير ده ما بتونس مع زول بالهين وجنو وجن اصحابي بس عندو مزاج معاك في شنو نفسي اعرف ؟! قلته ليهو يا محمد كلامك ده أسال منو اخوك يا زول ما تقولو لي انا ! المهم كم زمن كده انا مامشيت بيت ناس محمد ده وبنتلاقي طوالي في حتات عامة وخاصة اها يوم كده جاني يضحك وعايز يموت عديل كده قالي :- ياخ ما عرفته ليك اخوي مالو ماعاك قلته ليهو اها قول :- قالي :- امس بالمساء يدخل ويمرق قدامي وانا قاعد اقراء فجأة كده رب قالي :- انت سفيان ده بكل شجاعة بيقدر يحلق شنوبو كلو كلو كيف ؟؟ ياخ قول ليهو انا مبسوط من رجالتك البتخليك تحلق شنبك في نص ووسط السودانيين ديل وقول ليهو اني لما اكون عايز احلقو الا اسافر مصر اقعد فيها شهرين .

ليكم التحية والود
ويا ابقوته ياخ مشكور شديد ياحبيب

Quote: ومن اجمل ثلاثة بوستات..والشمات بقو يحسدوك على خفة البوست الذى اخرجنا من من ايام الحداد * بوست حسين شريف * بوست سفيان نابرى * بوست عمر الفاروق...

ياخ والله ده دافع معنوي سمح من زول سمح زيك كده ده
بس ياحبيب ياتو في البوستات المعدوده

Quote: الأخ فاروق: يا زول انت جادي في مداخلتك دي؟؟

كييييييف يا سميي !!!!!!!!

عايز تعرف أنا جاد ليه ؟

أمسك عندك :

1ـ (المجانين) ـ والمجانين "كما تعلم" (أنواع وأشكال) ـ

لا يحبون الشنبات !!!!! ممكن يعملوا دقون لكن شنب

زي شنب صديقي ودالمحرب مستحيل !!!!!!!!!!!!!!!!!!!!!!!!!!!!


2ـ من خلال معرفتي الممتدة لنصف قرن (لمجانين) الجبهة الاسلامية

والتي تحول اسمها الآن للمؤتمر الوطني .... وأنت تعلم ان 99/99

بالمائة من هؤلاء مجانين سليقة وفطرة وجينا، لم أر أحدا منهم

بشنب ضخم يشبه شنبات أهلنا (الجعليون) والجعليون كافرون بقواعد

اللغة العربية لأنهم يكرهون (الكسرة والنصب) وحال المفعول به

المكسور دائما والمنصوب دائما وهي حال ضعف ووهن و.... !!!!!!!!!!

كرتون واحد من اروع اولاد حلتنا زول جواهو نضيييييف وزول من نوع الابيض ضميرك ..
بس عندو مشكلة واحدة إنو شنبو ما بيقوم كتير يعني حبببببببببة كده ..
والمشكلة إنو حواجبينو كمان ما غزيرة ..
يوم واحد مسلّط من اولاد الحلة قال ليهو يا كرتون الزول لو عايز شنبو يقوم كتير يقوم يكردو بي الموس شديييييد وبعد يومين بس يلقاهو بقا كتير..
استهونت الفكرة اخونا كرتون وشغل مخو وفكر وقدر وقال :
طيب لييي انا اعملو للشنب بس ما اشيل الشنب والحواجبين مرة واحدة وكلها يومين والموضوع يظبط ..

النتيجة :
كرتون لحدي اسة ما طلع من بيتهم لا الشنب قام لا الحواجبين قامو

ها ناس سلام عليكم
تحياتى الى الجميع بدون استثناء
الليله فى السعوديه تبداء اجازة الاسبوع
وماتنسو الاولاد منتظرين الويك اند هرشه واحده
بكون فى العربيه
يادوب جيت راجع لاكين شايفكن متونسين
طبعا جبت ورقه وقلم وبسجل فى الناس العاوزين كفيت
منن 0 تحياتى للجميع مره اخرى

عجيبة .. البوست دة فاتني كيف ..؟ ملعونة الانفلونز وكل الطيور ؟ اصلو دي ما بتاعة ناس بتمشي بكرعيين اتنيين العطسة ورا العطسة واها الواحد يدينو يهزهزن وياها الطيرة ...؟؟

دي الصورة والحالة بعدما قصينا الصورة نص وشنبو صار نص ؟

قت ليهو ما توفر منها شوية لبكرة اصلو الواحد لما يكبر الشعر خصوصا بقل ؟ قل لا "دة حقي القانوني " انا الدلجة في راسي دي عامل ليها بلانص بالشنب دة "

اها قولو ليها يتصور من غير عمة بشان يبقي " شنبو ابو دلجة"

(سامحينا يا ام احمد ؟ لانو ما سمع كلامي واهو الموضوع صار Public ؟ )


...

الاخوة الاعزاء وصل الفرده ابوبكر وقبليهو فاروق حامد
ياابوبكر ات جيت من وين بطل فضايح 0000
فاروق حامد يازول كيفن احلق شنبى اوعدك 0000
تحياتى الكتار

Quote: فاروق حامد يازول كيفن احلق شنبى اوعدك 0000

ياخي ات لسه معجب بالمليجي وفيلم "الارض" ؟ ات ما شفت ناس هانكس واستالوني وميل جبسن وللتحلية بيونسي ؟؟؟

قولي فوقك صحـّاً بى كضب مابلفقو
يا أب رسوة العجن فقر الطواييق صفقو
مولاي أعطاك قسماً كتير من رفقو
من صبرك بتصبر ناس جماعة إن شفقو

ودالمحرب أب شنب خوّفت الناس بالحيل . الصورة الجاية تكون بالتوب والسيف والقرجة والبندقية فوق كرعيك والخوسة في الضراع عشان تفرزعم مرة واحدة

سمية الحسن طلحة

عمر الفاروق



مالك مع علي إبراهيم اللحو دا ياخ

اخى الحبيب ناذر ردى ليك كل طاير مرتحل عبر البحر
حمتو اشواقى الدفيقه

Quote: ودالمحرب أب شنب خوّفت الناس بالحيل . الصورة الجاية تكون بالتوب والسيف والقرجة والبندقية فوق كرعيك والخوسة في الضراع عشان تفرزعم مرة واحدة

يا ملكة .. تونا طالعيين من حمي تقومي تجيبي لينا سبارتاكوس بشان يخوفنا ؟؟؟

الاخ عمر و الاخ خالد

عاطر التحايا

و الله يا عمر محمد ولدي مجنني جن كل مره بيقول يا ابوي اشتري لي شنب و كل ما اوديه الحلاق يحلق شعرو يقول لي كلم عمو الحلاق عشان اديني شنب .

الاخ خالد ممكن سلفة يا أخ عشان الولد

الاخ الصادق (ابومحمد)ربنا يخليلك محمد ونحن
نجود له بالدم وقوليه عمك قاليك الشنب مابترسل
بى الايميل ادينا صندوق بريد
وشكرا

الحبوب خالد

شكراً للطفك و خفة دمك ، البريد على البروفايل لزوم المرسال و كده .

بالجد والله العظيم الولد عاوز اشتروا ليه شنب .

معليش احكي ليك حكاية بايخة شويه وحقيقية (واحد صاحبناعند بنت وولد صغاريين ، البنت أصغر من الولد شويتين ، المهم البنت كلو ما تشوف اخوها بيبول تقول لابوها باب اشترى لي واحد زي بتاع اخوي ده عشان ابول بيهو) عفوا لفلة الأدب .على فكرة دي اول مرة في حياتي اكون جرء للدرجة دي .

أبو أحمد ..

منو الجاب ليك سيرة اللحو والبحر ؟؟؟؟؟؟؟

حرم تسلفني بندقك علا أجيبه ليك مقدد زي الغربال !!!!!!

أنا أخوك يا سمية ......

والله دي الغيره بس قطعت قلبكم وويجعت بطنكم
وجعكم الشنب دا بس عشان كدي تقولوا قطيع نفس
والله خالد سمح من راسوا لي ساسه
والله تاج راسي و زينة حياتي


إعلان يستحق التقدير والإحترام
أدام الله المودة
(بس دسوهو من ناس ود الفاروق ديل )

0