Post: #1
Title: ضع دائرة حول رقم الإجابة الصحيحة..
Author: عمر الفاروق
Date: 01-27-2007, 08:15 AM
Parent: #0
ودّيت ليهو زول المرسال والمرسال مشى وما جا ..
السؤال :
المرسال ده يكون مالو ؟ وحصل ليهو شنو ؟
الخيارات:
1- راح من البيت وما عرف الوصف.
2- وصل البيت وكسر ركبة بعد ما لقى الجماعة مرطّبين وكده ونسى الوصية.
3- يكون مات في الطريق.
|
Post: #2
Title: Re: ضع دائرة حول رقم الإجابة الصحيحة..
Author: عمر الفاروق
Date: 01-27-2007, 08:17 AM
Parent: #1
بجي ..بجي ..بجي
ما قال بجي مالو ما جا ..ما قال بجي وانا راجية ..
السؤال :
الزول ده لييي ما جا ؟
الخيارات :
1- شالتو نومة .
2- المواصلات صعبة .
3- ظهر ليهو مشوار ضرووووووووري فجأة كده.
|
Post: #3
Title: Re: ضع دائرة حول رقم الإجابة الصحيحة..
Author: عمر الفاروق
Date: 01-27-2007, 08:18 AM
Parent: #2
ليك مدة ما بنت وانا في اشتياق لي شوفتك..يا حبيبي وين انت ؟
السؤال :
الحبيب ده يكون وين ؟
الخيارات:
1- كشوهو في دفار الإلزامية وكان قريب اسة يكون في دارفور .
2- يكون راقد مستشفى .
3- لابد من بتاع الدكان .
|
Post: #4
Title: Re: ضع دائرة حول رقم الإجابة الصحيحة..
Author: عمر الفاروق
Date: 01-27-2007, 08:19 AM
Parent: #3
الحنين البي ليه ما قدرو وليه ما قدرو ..العمر من وين بيشترو..؟
السؤال :
من وين ممكن نشتري العمر؟
الخيارات:
1- سوق العُمُر.
2- سوق سعد قشرة.
3- دكان البرقاوي .
|
Post: #5
Title: Re: ضع دائرة حول رقم الإجابة الصحيحة..
Author: عمر الفاروق
Date: 01-27-2007, 08:20 AM
يا معاين من الشباك ..يا أحلى زول شفناك ..
السؤال :
الزول ده عاين من ياتو شباك ؟
الخيارات :
1- شباك الحمام .
2- شباك التزاكر .
3- شباك الأوضة .
|
Post: #6
Title: Re: ضع دائرة حول رقم الإجابة الصحيحة..
Author: عمر الفاروق
Date: 01-27-2007, 08:20 AM
Parent: #5
كلّمني يا حلو العيون ..حيرني صمتك يا حنون ..
السؤال :
ليي حلو العيون ده ما عايز إتكلم ؟
الخيارات :
1- يكون ما متسوّك .
2- يكون أبكم .
3- يكون قاطعو معاهو ناشف.
|
Post: #7
Title: Re: ضع دائرة حول رقم الإجابة الصحيحة..
Author: عمر الفاروق
Date: 01-27-2007, 08:21 AM
Parent: #6
حبيبي اه ..قلبي تاه.. في يوم الزيارة .
السؤال :
الزيارة المقصودة دي ياتو زيارة ووين؟
الخيارات:
1- زيارة للسعودية .
2- زيارة لي سجن كوبر.
3-
زيارة لي ضريح الصايم ديمة.
|
Post: #8
Title: Re: ضع دائرة حول رقم الإجابة الصحيحة..
Author: abuguta
Date: 01-27-2007, 08:28 AM
Parent: #7
الفاروق
قلت احن فى حالك..
واحللك شوية..
انت ما شايف الصيوان لسع منصوب
الثياب بيض
تعرف امس فتحة وصلة قديمة
وجدت فيها صديقنا هوب فل
يفند الفكر الجمهورى كانه ابن القيمة الجوزية
ليت زار احد صيوانت العزاء السنوية
|
Post: #9
Title: Re: ضع دائرة حول رقم الإجابة الصحيحة..
Author: ابو جهينة
Date: 01-27-2007, 10:39 AM
Parent: #8
عزيزي عمر
تحياتي الماكنة
عمر
ممكن خيارات جديدة و كدة ؟
شكرا على السماح ..
Quote: يا معاين من الشباك ..يا أحلى زول شفناك ..
السؤال :
الزول ده عاين من ياتو شباك ؟
الخيارات :
1- شباك الحمام .
2- شباك التزاكر .
3- شباك الأوضة . |
(4) من Windows XP
Quote: كلّمني يا حلو العيون ..حيرني صمتك يا حنون ..
السؤال :
ليي حلو العيون ده ما عايز إتكلم ؟
الخيارات :
1- يكون ما متسوّك .
2- يكون أبكم .
3- يكون قاطعو معاهو ناشف. |
(4)
قالع ضرسو في الشفخانة
Quote: حبيبي اه ..قلبي تاه.. في يوم الزيارة .
السؤال :
الزيارة المقصودة دي ياتو زيارة ووين؟
الخيارات:
1- زيارة للسعودية .
2- زيارة لي سجن كوبر.
3- زيارة لي ضريح الصايم ديمة. |
(4) كدباس
كيف معاك ؟؟؟
|
Post: #11
Title: Re: ضع دائرة حول رقم الإجابة الصحيحة..
Author: عمر الفاروق
Date: 01-27-2007, 11:44 AM
Parent: #8
ابقوتة :
يااااااااااااا حليلك مالك ما كنت كوييييييييييييييييس..
مورود ولا شنو يا اخوي
|
Post: #12
Title: Re: ضع دائرة حول رقم الإجابة الصحيحة..
Author: الصادق خليفة
Date: 01-27-2007, 12:39 PM
Parent: #11
الاجابة
انت زاااااااااااااااااااااتو يا امر فاروك .
|
Post: #10
Title: Re: ضع دائرة حول رقم الإجابة الصحيحة..
Author: معتصم دفع الله
Date: 01-27-2007, 11:20 AM
Parent: #1
دائرة الشر ..
دائرة الإنتقام ..
كل الدوائر مشغولة الآن ..
دائرة صبر ..
دور بينا البلد دا ..
يا فاروق الله يحلك من الدوائر دي ..
|
Post: #13
Title: Re: ضع دائرة حول رقم الإجابة الصحيحة..
Author: عمر الفاروق
Date: 01-29-2007, 08:21 AM
Parent: #1
يا ريس ابو جهينة :
انت خياراتك دي اظنها (خيارات) و(فقوسات)..
والله أسة اقوك اكلم ليك اماندا
معتصم يا ود دفع الله ..
والله دي (دائرة ) صبر..
ولا اقول ليك (دايرة) عريس..
الصادق بن خليفة ال ثاني:
وييييييييييييين الحي بيك ..من الأرشيف وكده ..
كح كح كح
|
Post: #14
Title: Re: ضع دائرة حول رقم الإجابة الصحيحة..
Author: محمد سنى دفع الله
Date: 01-29-2007, 08:27 AM
Parent: #13
عارفك بتلفها وانت مغمض !!!
الصينية بتاعت شارع بيتكم !!
انت افتكرتها حاجة تانية
مــش ؟؟
اخوي عمر
امتحانات بدون جائزة شن نفعها ؟؟
الجائزة شـــــــــــــــنــو ؟؟؟
؟؟؟؟
|
Post: #15
Title: Re: ضع دائرة حول رقم الإجابة الصحيحة..
Author: عمر الفاروق
Date: 01-29-2007, 08:37 AM
Parent: #14
السني يا ود دفع الله ..
ياخ انا بفتش ليك من عيد الخروف عشان اقول ليك الموية في شقتي قاطعة تعال كبّ لينا موية بدل ما نشتريها من برة ..
ياخ بالجد رويتنا والله ..الله يرويك قول امين ..
اما بالنسبة لموضوع اللفة فابشرك انو انا الصينية (بلفها) عكس ..ودايييييييما ناس المرور مقطعني إيصال..
لكن انت بتلفها وين ؟؟؟
قصدي ورقة الباسطة طبعاً ما تكون فهمتني غلط ..
| Quote: الجائزة شـــــــــــــــنــو ؟؟؟ |
والله يا ود السني الأيام دي أي حاجة بقت جائزة وماف حاجة محددة كده ..
كلّو بيجوز ..
|
Post: #16
Title: Re: ضع دائرة حول رقم الإجابة الصحيحة..
Author: ahmed babikir
Date: 01-29-2007, 09:15 AM
Parent: #15
العجب حبيبي اداني تحيه دموعي سالت والمنام ابي ليه
العجب حبيبي
من الذي اعطاهوا العجب التحيه؟
1/ احمد حجازي.
2/محمود عبد العزيز.
3/ المعز محجوب.
|
Post: #20
Title: Re: ضع دائرة حول رقم الإجابة الصحيحة..
Author: Moawia Mohammed
Date: 01-30-2007, 04:26 AM
Parent: #16
يا عمر الفاروق أزيك
هاك دي للمريخابي دا
لماذا سمي بحجازي ؟
لأنو
1-أهلو جوا من الحجاز
2- ساكن في محطة حجازي
3-الحجاز بدو عكاز
4- دخل لاعب مكرت واللجنة حجزت منو كأس السودان
|
Post: #17
Title: Re: ضع دائرة حول رقم الإجابة الصحيحة..
Author: عمر الفاروق
Date: 01-29-2007, 05:17 PM
Parent: #1
احمد يا ود بابكر..
وكانت ساعة النصر في إكتمال الهلال ..
فمتى اكتمل الهلال ؟
1- في يوم 15 رمضان ..
2- في يوم اخد زيكو الكورة وقال ما دايرين.
3 في يوم ان فاز الهلال بالدوري للمرة الرابعة على التوالي.
وهاك التحية ..
|
Post: #18
Title: Re: ضع دائرة حول رقم الإجابة الصحيحة..
Author: Khalid Saeed
Date: 01-29-2007, 09:35 PM
Parent: #17
Quote: بجي ..بجي ..بجي
ما قال بجي مالو ما جا ..ما قال بجي وانا راجية ..
السؤال :
الزول ده لييي ما جا ؟
الخيارات :
1- شالتو نومة .
2- المواصلات صعبة .
3- ظهر ليهو مشوار ضرووووووووري فجأة كده. |
ود الفاروق ...
كيفك يافرده ..
تعرف يامعلم الزول ده غاشي ليك الجكساية دي وفاكيها ليك فيها وشابيكه ليك أنا زول عرس وأنا مازول لعب وكده .. وأنا جاهز .. آه قامت دردقتوا ليك قالت ليه الليله دايراك في جلسه رومانسية .. فصحبك صدق .. وجهز نفسه لكين لمن قرب لي المكان المحدد الشفاته أصحابه كانوا ناقشين المكنة لأنه كشفوا ليك النومه ولقوا الزوله دي لامه أهله وعاملين ليه كمين عشان يجي ويطورط طوالي .. آها صاحبك قام مشتت بأقرب زقاق .. وزولتك كل مرة الجماعة يسألوها :
وين الزول ده ..
تقول ليهم : بجــــي بجــــي ...
بعد شوية : يقولــوا ليها ماقال بجــي .... مالــوا ماجــا ..
تقول ليهم : بجــــي بجـــــــي ....
آها صادف أنو جارتهم ( روبــــي السجـــانة ) طبعاً إسمها (نفيسة جيش ) لكين ( روبي السجانة ) ده أسمها الفني .. كانت قاعدة والكلام ده ألهم شيطانه الشعري .. وأعوز بالله من شيطان النسوان .. ده شيطان شديد خلاص ... المهم قنعت من زولهم ده ومشت لي حفله تجامل صحبته .. آه الدلوكه .. حرت والغناء أشوطن ... روبي السجانة .. مسكت المايك وشبكتم ليك :
ماقـــال بجــي ...
مالوا ماجــا ..
بجي بجي بجي جبي ..
مالوا ماجا ...
وطبعاً ذي ماعارف في الحالات الذي دي باقي الغنية بتموهو الجمهور .
و في الإستطلاع الأخير القامت بيه مجلت فنانات ماوراء البعد الميتفيزيقي ، الغنية دي طلعت الأولى دون منافس ونالت إعجاب جميع المستعمين من جميع طبقات المجتمع .. لأنها صادفت هوى في نفسهم .. كما أنها عبرت بصدق عن حالات الزوغان التي إنتشرت في البلاد والعباد .. المغتربين زايغين .. المأجرين زايغنين .. سواقين الأمجاد زايغنين من أسياد الأمجاد .. الركشات .. الأتوس .. الرجال زايغين من نسوانهم .. جماعتك زايغين من الإشتراكات .. عييك ... العالم كله في حالة من الزوغان اللامتناهي وزي ماقال الشاعر .. يارب حجة وزوغــــــه ..
والله الموفق ،
خالد الأرباب
باحث في نقد فن فنانات ماوراء البعد الميتفيزيقي
أرتقبوا البحث القادم عن الحب وأثره في الزوغان والشتات الأيدولوجي
|
Post: #19
Title: Re: ضع دائرة حول رقم الإجابة الصحيحة..
Author: Khalid Saeed
Date: 01-29-2007, 09:35 PM
Parent: #17
نسيت ..
النماذج الأخرى .. شكلنا لينا لجنة تبحث عن الجواب الصحيح ...
وسوف نوافيكم بالنتائج في القريب القادم ..
فأبقــوا معنـــــا...
الآرباب
ناقد متجــــــول في الحفلات
|
Post: #21
Title: Re: ضع دائرة حول رقم الإجابة الصحيحة..
Author: Moawia Mohammed
Date: 01-30-2007, 04:32 AM
Parent: #1
انت زاتك ليه سموك عمر الفاروق
1- فرقت بين الحق و الباطل
2- دايما فارقه معاك
3- دايما تردد أغنية حليله الفرقه من بكره
4- كل ما ذكر خطأ
|
Post: #22
Title: Re: ضع دائرة حول رقم الإجابة الصحيحة..
Author: عمر الفاروق
Date: 01-30-2007, 08:31 AM
Parent: #1
ناقد الزمن الجميل خالد سعيد والمتخصص في نقد اغاني الإستماع الراقية للأستاذة اماني تايوتا والمطربة نفيسة مواعيد..
جماعتك زايغين من الإشتراكات
" واخد باااااااااااااااالك يا حج إبرااااااااااااهيم "
اما بخصوص ما ذكرته عن الأغنية الملحمة " بجي بجي بجي"
فانا اختلف معك في حيثيات هذه الملحمة ..
الأغنية اصلاً كتبها " سيد الدكان " ولكنه تستر في اسم إمرأة لأنها تأخذ طابع نسائي..
وأصل الحكاية إنو في واحد فاتح حساب عند بتاع الدكان ووصل رصيده إلى مليون جنيه ..
وفي يوم ما زرزر سيد الدكان صاحبنا فما كان من صاحبنا إلا وقال له قولة صارت بعدها من أشهر المقولات في الحفلات :
" دقيقة بس.. أسسسسسسسسسسسسة بجي.."
وقد كان ومرت لحظات وكمااااااااان ساعات مرت وحياتك متظرين ووسيد الدكان كل ما يوشوش صوت الريح جمب القدرة يتلب فوق التربيزة يشوف زولنا ..
وجاء الخبر اليقين ..
زولنا رحل من الحِلّة وانتقل لي حتة تانية ما معروفة ويين..ويين ..وين ويا قلبي لي زولا يحن حمل الأسى عبر السنين ..وفي اللحظة ديك بالجد سيد الدكان اشتاق ليهو شوق السحابة (الراحلة )..
ومن يومها وسيد الدكان يفتح الصفحة بتاعت زولنا ويشخبط بالقلم حول ديونه ويردد :
ما قاااااااااال بجي مااااااااااالو ما جا ..
ماااااا قال بجي وانا في رجا ..
ثم ينفعل ويبكي بصوت عاااااااااالي وهو يضرب بالقم على الصفحة :
بجي ....بجي ...بجي...
أوعدنا بجي...
بجي بجي بجي..
كلّمنا بجي...
بجي بجي بجي..
وسمع نواحه كل نساء الجزر المارات عبر الميدان ومن يومها وتانقلتها النساء في الحفلات ...
|
Post: #23
Title: Re: ضع دائرة حول رقم الإجابة الصحيحة..
Author: ايوب عبدالرحيم
Date: 01-30-2007, 08:49 AM
Parent: #1
Quote: اما بخصوص ما ذكرته عن الأغنية الملحمة " بجي بجي بجي"
فانا اختلف معك في حيثيات هذه الملحمة ..
الأغنية اصلاً كتبها " سيد الدكان " ولكنه تستر في اسم إمرأة لأنها تأخذ طابع نسائي..
وأصل الحكاية إنو في واحد فاتح حساب عند بتاع الدكان ووصل رصيده إلى مليون جنيه ..
وفي يوم ما زرزر سيد الدكان صاحبنا فما كان من صاحبنا إلا وقال له قولة صارت بعدها من أشهر المقولات في الحفلات :
" دقيقة بس.. أسسسسسسسسسسسسة بجي.."
وقد كان ومرت لحظات وكمااااااااان ساعات مرت وحياتك متظرين ووسيد الدكان كل ما يوشوش صوت الريح جمب القدرة يتلب فوق التربيزة يشوف زولنا ..
وجاء الخبر اليقين ..
زولنا رحل من الحِلّة وانتقل لي حتة تانية ما معروفة ويين..ويين ..وين ويا قلبي لي زولا يحن حمل الأسى عبر السنين ..وفي اللحظة ديك بالجد سيد الدكان اشتاق ليهو شوق السحابة (الراحلة )..
ومن يومها وسيد الدكان يفتح الصفحة بتاعت زولنا ويشخبط بالقلم حول ديونه ويردد :
ما قاااااااااال بجي مااااااااااالو ما جا ..
ماااااا قال بجي وانا في رجا ..
ثم ينفعل ويبكي بصوت عاااااااااالي وهو يضرب بالقم على الصفحة :
بجي ....بجي ...بجي...
أوعدنا بجي...
بجي بجي بجي..
كلّمنا بجي...
بجي بجي بجي..
وسمع نواحه كل نساء الجزر المارات عبر الميدان ومن يومها وتانقلتها النساء في الحفلات ... |
عمر الفاروق ياظريف تضحك كل ايامك
الغنية دي ذكرتني غنية قديمة سمعتها ايام الجامعة انا حنزل الغنية وعاوزك انت تعمل الديكور والممثلين
والحكاية كلها ...
امباره(امبارح) جيتي البارتي كيف
ماقلتي ابوكي فييييي
تلبتي الهيتة كيف
دقستي الفارة دا
فتهتييييييييييييييييي الباب
سامجكا سامجكا
كل زول بالجنز بتاعه
الا انا جنزيه براه
كل زول بالجكس بتاعه
الا انا جكسينه ثلاثة
سامجكا سامجكا
شوف البحر اها اها
جنب البحر اها اها
جوه البحر اها اها
وهي اطول من كدة بس نسيت الباقي
وتسلم
|
Post: #24
Title: Re: ضع دائرة حول رقم الإجابة الصحيحة..
Author: ahmed babikir
Date: 01-30-2007, 09:30 AM
Parent: #23
عزب وزيد عزابك ياسلطان زمانك..
من هو السلطان:
1/السلطان قابوس
2/السلطان عجبنا
3/السلطان كسري
من هو المعزب
1/داريو كان
2/داريو طاش
3/داريو هدايا
|
Post: #25
Title: Re: ضع دائرة حول رقم الإجابة الصحيحة..
Author: عمر الفاروق
Date: 01-30-2007, 09:43 AM
Parent: #1
الأخ معاوية :
اولاً وجب التصحيح فإسمي هو :
عمر (الفاروغ) وهو إما من :
1- زول بتاع فارغة ومقدودة.
2- زول يعيش في الفراغ .
3- زول من الحضارة المصرية الفرغونية .
|
Post: #26
Title: Re: ضع دائرة حول رقم الإجابة الصحيحة..
Author: Moawia Mohammed
Date: 01-30-2007, 03:35 PM
Parent: #25
بس أوعك كمان تكون شغال في شركة شنو كدا ما عارف للشحن والتفريغ
انت عارف يا فاروغ الشحن ساهل ولذيذ لكن التفريغ صعب ومكلف
|
Post: #27
Title: Re: ضع دائرة حول رقم الإجابة الصحيحة..
Author: ahmed babikir
Date: 01-30-2007, 11:25 PM
Parent: #26
Quote: احمد يا ود بابكر..
وكانت ساعة النصر في إكتمال الهلال ..
فمتى اكتمل الهلال ؟
1- في يوم 15 رمضان ..
2- في يوم اخد زيكو الكورة وقال ما دايرين.
3 في يوم ان فاز الهلال بالدوري للمرة الرابعة على التوالي.
|
مافي خيارات !!؟؟
|
Post: #28
Title: Re: ضع دائرة حول رقم الإجابة الصحيحة..
Author: مهند مامون
Date: 01-31-2007, 12:52 PM
Parent: #1
يا غرقت يا جيت حازمها
تطلع منو السكرونة دي :
1. احدى ساحرات الباريا
2. صرة بتاعة دولارات
3. أم دريقة صغيرونة
|
|