Post: #1
Title: بكري ابوبكري دحين انت باباك ده باب المندب؟ الشي يطرقوا فيهو سااااي!!!
Author: عمر الفاروق
Date: 04-01-2007, 07:17 AM
Parent: #0
عوضية مقاشيش تطرق بابك فهلّا أذنت لها يا بكري؟
النعيم جادين يقف عند الأبواب في إنتظار الدخول !!
يا شباب الهند كومارو ابو شلخة عند باب بكري فهلّا فضلتموه!!
الخلوق النعمنو ينتظر الإشارة فهل توافق يا بكري؟
الرائعة تهاني مجروس تحتاجكم يا بورداب قطر فهل ترشحوها لبكري؟
علوية حواجب إضافة حقيقية لبورداب الرياض فأذنوا لها بالدخول!!
يا جماعة انا من ما سجلت في المنبر ده (داخل في السنة التالتة) وكل يوم أقرا لي زول بيطرق في باب بكري ده !!!
الغريبة اصلو ماف زول فكّر يضرب الجرس وكلهم شغالين " كو كو كو " ومرات في ناس بالعكاز في بطن الباب..
وفي نوع كده لو ما فتحوا ليهم تلقاهو يمد رقبتو بي فوق الباب ويتاوق يا ربي الناس ديل قاعدين وما عايزين يفتحو ؟
البيحيرني في الموضوع إنو كل الناس البيطرقوا باب بكري ده بيفتحوا ليهم الباب لكن تعالوا شوفوا العجيبة شنو !!!!
العجيبة إنو معظم (لو ما قلنا كل) الببتكونوا عاملين لينا بيهم فلقة في راسنا ديل وانهم رائعين وانهم يطرقون من سنة "دو" الواحد منهم بيجي يكتب بوست واحد بس " شكراً لك بكري فقد حقق أمنيتي"
الغريبة انا ما عارف معقول يكون في زول امنيتو انو يكتب في الانترنت ؟؟؟
ياخ دي أمنية ضاربة جدا جدا !!!!
وبعدها طوالي يجي يكتب ليك " معليش يا شباب مشغولياتي كتيرة ولكن لي عودة"
طيب ياخ الواحد منكم لو ما عايز يكتب وما بيقدر يدخل النت أو ما فاضي من أول مالو عامل لينا وجع راس بي طرقو ودقّو للباب ده لمن الجيران طلعوا يتاوقوا!!!!!
اسمع باسماء كثيرة وكثيرة جداً تم ترشيحها بل وذهب البعض لأبعد من ذلك ويقولوا ليك :"
فلان ده إضافة حقيقية للمنبر" ...
ويا كافي البلا فلان ده لا يبقا إضافة ولا نعت ولا جار ومجرور اللهم إضافة عضو جديد وضياع باسوورد في السايبر..
كل مرة بسأل روحي سؤال هو الناس ديل وين ؟؟ وبيسوو في شنو ؟؟ وفلسفتهم شنو زمان لمن قالوا نحن عايزين نشترك ونبقا اعضاء في المنبر؟؟؟
في كل موسم تسجيلات يتم تسجيل 100 نفر مثلاً ولا يظهر من هؤلاء إلا إتنين تلاتة !!!!!!!
بالله يا شباب تاني ماف زول يطرق لينا الباب ده والعايز يدخل يضرب أول شي يشوفنا قاعدين ولا مافيشين ..
والبيطرق وما نفتح ليهو بالله ما يشيل لينا فحمة ويخرب لينا جير الحيطة بي "حضرت ولم أجدكم "أو يدنقر بي تحت الباب يكشّف أو ينطط زي الأهبل بي فوق الحيطة !!!!!
ويا جماعة في إختراع إسمو " الجرس" دقوهوا الله يرضى عليكم !!!
والبنفتح ليهو الباب الله يرضى عليكم يقعد يتونس مش يجي ويشرب العصير والشاي ويقول لينا " أها يا جماعة النقوم نمشي " ..
تخريمة :
أماني باروكة تطرق بابك يا بكري !!! أها نقول ليها شنو ؟
|
Post: #2
Title: Re: بكري ابوبكري دحين انت باباك ده باب المندب؟ الشي يطرقوا فيهو سااااي!!!
Author: اساسي
Date: 04-01-2007, 08:31 AM
Parent: #1
Quote: تخريمة :
أماني باروكة تطرق بابك يا بكري !!! أها نقول ليها شنو ؟ |
قول ليها اتمشطي وتعالي
الز واحد اسمه عصام العضام داك ولا خالد منو ما عارف داك جا متلب بي زمراوي لا طرق لا دقا
اها المشكلة في انه ناس كتار من البدقوا الباب ديل وتلقي كسير التلج ليهم اطنان اول ما يفتحوا ليهم الباب تلاقي الزول واقف طرزان ؟؟
|
Post: #3
Title: Re: بكري ابوبكري دحين انت باباك ده باب المندب؟ الشي يطرقوا فيهو سااااي!!!
Author: عمر الفاروق
Date: 04-01-2007, 08:44 AM
| Quote: الز واحد اسمه عصام العضام داك ولا خالد منو ما عارف داك جا متلب بي زمراوي لا طرق لا دقا |
 :
:
:
اساسي الأساسي:
ياخ رجعتني لي اساسي الزمااااااااااان داك يا حليلو والله ..
قلت لي زولك جا داخل ساي لا احم لا دستور ؟؟؟ الكويس إنو بنات منبرنا كانوا لابسات الطرح ..
تخريمة :
الله بيسألك متى كان اخر عهدك بالباسكن روبنز
|
Post: #4
Title: Re: بكري ابوبكري دحين انت باباك ده باب المندب؟ الشي يطرقوا فيهو سااااي!!!
Author: اساسي
Date: 04-01-2007, 08:58 AM
Parent: #3
Quote: تخريمة :
الله بيسألك متى كان اخر عهدك بالباسكن روبنز |
ياخي الجماعة تقول مولودين في السكا الله يقدوا ياخي قدا جيبي هو ماله غالي كدا؟
كدي عيب لي اسكريم لولي ؟
والله اخوك بقي شروم عديل كدا من سقط السنون
|
Post: #5
Title: Re: بكري ابوبكري دحين انت باباك ده باب المندب؟ الشي يطرقوا فيهو سااااي!!!
Author: abuguta
Date: 04-01-2007, 09:01 AM
والله ياعمر يافاروووووووووووق
بوستك مجنون جن..فعلا ما وجدنا اضافة حقيقة للطارقين منهم والطارقات ..غير ناس معينين
لكن انت رايك شنو فى الناس الجدد ديل..بذكرونى بقريق البرشا لما يكون مكتمل النجوم
ود شيقوق ..ابوبكر الرطانى..بت طلحة..ود المحرب وحرمه..ابو حريرة..ود جبرا..وناس مواظبين
# لكن ناسك التانين المبدعين ودعايتهم ..بقو اعباء على المنبر..
# طيب فى زول تانى يكون مسجل من سنة 2002 وعدد بوستاتو 20..ايضا يجى ينطلك فى حلقك ويقولك
انا قديم ومن مؤسسين المنبر دا..انت مع شنو...
# كاتب عربى ومبدع غضنفر..يكون مصاحب ليه سودانى يقولو لازم اسجلك..ويتصل على بكرى..ويجى يعرض بضاعتو وما يلقى مشجعين ويمشى..
وكدى امشى وتعال؟؟
|
Post: #6
Title: Re: بكري ابوبكري دحين انت باباك ده باب المندب؟ الشي يطرقوا فيهو سااااي!!!
Author: وليد محمد المبارك
Date: 04-01-2007, 09:06 AM
Parent: #5
خلاص المورده غلبت المريخ ومزاجكم راقي وقمتو تخستكوا بالورد
|
Post: #7
Title: Re: بكري ابوبكري دحين انت باباك ده باب المندب؟ الشي يطرقوا فيهو سااااي!!!
Author: عمر الفاروق
Date: 04-01-2007, 09:27 AM
Parent: #1
ابقوتة باشا:
تسجيلات السنة دي كانت افضل تسجيلات وعاملة زي تسجيلات الهلال ما زي تسجيلات جماعتنا التانيين ديك ..
بالمناسبة الطرق زااااااااااااتو خشم بيوت ..
في ناس يطرقو ويدقو ويدقو وماف زول يهبب ليهم وتلقاهم ديل الذ ضيوف..
وفي ناس بالله بس بي سماعة التلفون يعزموهم ويخلوا ليهم الباب مضارا وفااااااااتح وهم سقيلين سقالة السنين ..
كو كو كو ..
افتحولي الباب ..
كو كو كو ..
مافيش مفتاح ..
|
Post: #8
Title: Re: بكري ابوبكري دحين انت باباك ده باب المندب؟ الشي يطرقوا فيهو سااااي!!!
Author: معاذ حسن
Date: 04-01-2007, 09:43 AM
Parent: #7
| Quote: إضافة حقيقية لبورداب الرياض فأذنوا لها بالدخول!! |
غايتو يا عمر الله يسألني العبارة دي كتبتها أنا وبكري ذاتو ما اشتغل بي وزعلت وحردت المنبر كم يوم ولما ماف زول هبب لي رجعت براي..
ومن هنا استغل هذا البوست (المغرض الحاقد) واناشد الاخ بكري قبول عضوية الاستاذ طارق صديق كانديك.الفتحنا بوست زماااان عشان نسجلوا يا بكري بليز كيتا في عمر الفاروق.
|
Post: #9
Title: Re: بكري ابوبكري دحين انت باباك ده باب المندب؟ الشي يطرقوا فيهو سااااي!!!
Author: نهال الطيب
Date: 04-01-2007, 11:18 AM
Parent: #8
عمر الفاروق
كلامك ده قبل الصورة ولا بعدها
|
|