دي مش كوووورة دي مزييييييييكا ..

لا يهمني أن أهدر باندوديثات بكري فكم من أناس أهدر دمهم ..
ولا يهمني أن أكرر ما كتب من قبلي فانا اليوم أعبر عن فرحتي وبطريقتي الخاصة ..
ولا يهمني أن يكون كلامي صحيحاً أم خاطئ فاليوم لا تكتب يدي ولا يفكر عقلي ولا أقول ما في قلبي ولكني أكتب في حالة اللا وعي..
ولو خوفي من إتهامي للتشبه بالمسيحيين لأحتفلت بيوم الأحد السعيد و لنصّبته عيداً قومياً في بلادي ..
فيوم الأحد هو اليوم الذي ينازل فيه فريق الهلال كل الفرق الأفريقية حين يستضيفها في قلعة طلعت فريد ..
وهو اليوم الذي إرتبط لنا بفوز فريق الهلال على جميع خصومه سواء أن كان ذلك داخلياً أم خارجياً ..
وكان يوم الأمس هو يوم الأحد 14/صفر/1428هـ الموافق 4/3/2007م يوم عيد و يوم أفراح للشعب الهلالي ولا أقول الشعب السوداني ولا أقول الشعب الرياضي..
هو يوم عيد فقط يحق لنا نحن في القبيلة الزرقاء أن نحتفل به فنحن من صنعناه ..
هو يوم نحتفل به نحن فقط لأننا من كنا واثقين من أننا سنجعله يوماً تاريخياً لأمة الهلال ..
نعم سنجعله يوماً تاريخياً لأنه اليوم الذي أوفينا فيه الوعد لقائد وربّان سفينة الهلال الراحل البابا الطيب عبد الله وقدمنا له وهو في الرفيق الأعلى فوزاً برائحة المسك فنام هنيئاً مبتسماً على جنبه اليمين ..
هو يوم تاريخي سيتذكره قادة الإتحاد العام لأنه اليوم الذي كان يوماً للمؤامرة الكبرى في مسلسل التربص بفرقة الهلال وجمهوره العظيم (والعظمة لله)..
هو يوم سأطلق عليه يوم الوفاء بالوعد وسأسميه يوم البيعة ..بيعة ابناء الهلال..
فقد أجتمع بالأمس أكثر من 30 مليون شخص (هم عدد مشجعي الهلال) ووضعوا أيديهم في أيدي 11 لاعباً كانوا هم أيضاً قد وضعوها مبايعيين لريكاردو الذي بدوره قد بايع مجلس إدارته فكان يوم البيعة ..
وعد ريكاردو فأوفى ..وماااااااا أصعب الوفاء بالعهد في هذه الأيام !!!!
قالها ريكاردو وبوضوح " سألعب مباراة تاريخية وسيتذكرها الجميع " وقد كان ...
نعم هي مباراة تاريخية ولن ننساها يا ريكاردو ..
هي مباراة ولو خسرها الهلال فلن ننساها يا ريكاردو ..
هي مباراة بدأت والجمهور يشجع وأنتهت والجمهور يرقص..
هي مباراة كان فيها كلاتشي مدافعاً وكان فيها علاء الدين مهاجماً ..
هي مباراة كان فيها مهند الطاهر ساحراً وكان فيها يوسف محمد مخلوقاً فضائياً ..
هي مباراة كان فيها ريتشارد أسداً وكان فيها قودوين غزالاً ..
هي مباراة من الزمن الجميل...
هي مباراة المتعة والإثارة ولكنها كانت من جانب واحد ..
هي مباراة حزنت جداً وانا أسمع فيها صافرة النهاية وكم تمنيت أن تكون مستمرة حتى الان ..
هي مباراة تمنيت أن يرفع فيها الحكم الرابع الزمن الإضافي ليكون يومين أو ثلاثة أيام وليس ثلاثة دقائق..
هي مباراة تمنيت أن تتواصل فأستمتع بهذا اللون الأزرق الذي يسر الناظرين ..
هي مباراة تمنيت أن يعدّل فيها الفيفا قوانين اللعبة ليصبح تغيير اللاعبين 9 لاعبين حتى أتمكن من مشاهدة كل لاعبي الهلال بعد ثبت لي أن الداخل افضل من الخارج والخارج أفضل من الداخل..
هي مباراة تمنيت وتمنيت وتمنيت فكااااااااااانت مباراة التمني ..
عفواً هي ليست مباراة ..
فما قدمه لاعبو الهلال بلأمس ليس " كورة " ..
ما كان يتبادله لاعبو الهلال بينهم لم يكن " كورة " ..
ما كنت أشاهده بالأمس لم يكن " كورة " ..
فما قدمه لاعبو الهلال بالأمس كان سيمفونية عظيمة ..
وما تبادله لاعبو الهلال بالأمس كان نوتة موسيقية كتبت بالسلم (الثنائي)..وربما كان سيكون سلماً خماسياً أو سباعياً
وما شاهدته بالأمس كان عرضاً للأوبرا في أعظم المسارح ..
ودون أن أشعر وجدت نفسي أتمايل وأتراقص وأصفق مردداً :
" دي مش كووووووووووووووورة .. دي مزيييييييييييييكا .. دي مش كووووووووووورة ..دي مزيييييييييييييييكا " ..

مبرووووووووووووك
هلالانا فوق سجل عندك
قبيله الهلالاب الدوماب

عمر الفاروق..
تحياتي..
أفرحنا فريق الهلال بعد طول غياب..
أجمل ما في المباراة يا عمر إنو الهلال لعب بأعصاب هادية..
وكسب مباراة الذهاب 2/ صفر..
والملاحظ للمباراة..
برغم محاولة فريق الزمالكـ اللجوء إلى تكتيكـ لاعبي الأندية والمنتخبات المصرية المعهود بإستفزاز لاعبي الهلال..
ولكن؛
على نفسها جنت براقش بإشهار الحكم الكرت الأحمر على أحد لاعبي الزمالكـ..
الجميل والأجمل الهلال السوداني فوتها عليهم..
والكهرباء ما قطعت..
والكتاحة ما إشتغلت..
والحكم كان ولا أروع..

ألف مبروكـ لنادي ولاعبي وجماهير الهلال..



وهارد لكـ نادي الزمالكـ (الجبلاية)..

مبروك يا عمر الفاروق حقيقي انا مقدر هذه الهستيريا والفرحة الكبيرة دي لأننا بالامس شاهدنا هلال يختلف عن الهلال وكورة تختلف عن الكور التي نتقابل فيها مع الفرق المصرية لعب اولادنا بثقة وثبات وتنفيذ المطلوب منهم حرفيآ لذلك نالوا النصر واللعب مبرووووووووووك لهلالنا ولنعمل منذ الان في يالاعداد للرد بالقاهرة ولنتهيأ لذلك بما يجب والنصر لهلال السودان الثائر.

الأخت والخالة والحبوبة وكل الألقاب : دومة ..
سعيد انا بهذه القبيلة الدومابية الهلالابية ..
والكبييييير كبيييييييييييييير..


حبيبنا الرفاعي:
ياخ امبارح الهلال لعب كورة زي طبعك
لعب كورة هاااااااااادية ورزيييييييييييينة وراااااااااااااايقة ..
نفس الملامح والشبه ..


أبو رزقة :
الجماعة كانوا راجين الكهربا تقطع ..انا خايق يرفعوا شكوى يقولوا الإرسال قطع والشوط الأول ما نقلوهو تلفزيونياً ..

دايـــــــرين تاج الســــــــــــــــــــــــــر

وينك يا تاج الســــــــــــــــــــــــــــــر

ايها الرجل الحــــــــــــــــــــــــــــــــر

اليوم هلالك انتصــــــــــــــــــــــــــــــــر

رغم الشمات استجاب القـــــــــــــــــــــــــدر

اتنين / صفـــــــــــــــــــــــــــــــــــــــر

مبروك ياعمــــــــــــــــــــــــــــــــــــــــر

وين مزمل الاشــــــــــــــــــــــــــــــــــر

اكتب فى البوادى الحضــــــــــــــــــــــــــــر

احفر لصحيفتك قبــــــــــــــــــــــــــــــــــر

او اكتب عن تشـــــــــــاد وتعب السفــــــــــــر

وبالعودة لتفاصيل المباراة فعن نفسي لم أتابع الشوط الأول نهااااااائياً بالرغم من وجودي أمام شاشة التلفزيون وراديو امدرمان معاً ..
التلفزيون كانوا بيتونسوا النقي والمهدية ..
الرادي لو أدوني مليون دولار ما بحضر فيهو كورة للهلال عشان ما ضغطي يرتفع ..
انتظرت لحدي ما حسيت إنو الشوط الأول بيكون خلّص وشغلت الرادي عشان أسمع النتيجة ..
الرشيد بدوي عبيد قال الهلال ضيّع تلاتة اهداف مضمونة والحكم ما حسب ليهو ضربة جزاء وكورة لي معتز كبير في العراضة ..
قنعت من تلفزة المباراة ومارست هوايتي المفضلة لمن الهلال يكون لاعب وما متلفزة الكورة بتحاوم في الشارع إلا ان يأتيني الخبر السعيد ..
عرفت إنو الكورة تم تلفزتها وجريت جري على التلفزيون وتابعت شوط سيكون شوطاً تاريخياً وستطول فترة إقامته في مخيلتي..
لعب الهلال مباراة كان سيحقق فيها فوزاً تاريخياً على الفرق المصرية ..
اكاد أجزم أن كل من شهد المباراة سيوافقني الرأي بأن الهلال كان يمكن أن يخرج منتصراً بسبعة أهداف نظييييييفة مع الرأفة ..
وأخاف أكثر عندما أتذكر أننا أضعنا فوزاً تاريخياً ربما ندمنا عليه في مباراة الرد ولكنني أرجع وأستدرك وأحمد الله واتذكر أنني كنت أخاف أن نهزم وها نحن الان متقدمون بهدفين فلما الطمع !!!
لعب الهلال بالأمس كرة حديثة جدا جدا جدا مارس فيها هجوم من جميع الجبهات ..
لعب يوسف محمد في الجهة اليمنى فكان هجومه متواصلاً وسبب صداع للزمالك وعكس الكثير من الكرات ..
لعب علاء الدين جبريل في الجهة اليسرى فكان مصدر إزعاج متواصل وعكس كرات كانت واحدة منها كفيلة بتسجيل الهدف الأول..
إخترق كليتشي العمق فزعزع دفاع الزمالك ورواغ كما لم يراوغ من قبل..
مهند الطاهر تفنن في التسديد فتراة بيمناه وأخرى بيسراه وإن كانت تضل طريقها للمرمى ولكن العيار اللي ما يصيبش يدويش...
وكان له ما أراد فأطلق رصاصة الرحمة فكانت برداً وسلاماً على جمهور الهلال..
هيثم مصطفى وإن كان أقل اللاعبين مجهودا إلا أنه بالأمس كان قائداً ويكفي تمريرة لعلاء الدين تشفع له ما قبل وما بعد ..
خط الدفاع الهلالي كان يبدأ من الوسط فحمودة بشير وعمر بخيت اراحو ريتشارد وجوليت أيما راحة وهما بدورهم اراحا المعز فخلت أن الهلال يلعب من غير حارس مرمى ..

العزيز/ عمر الفاروق
الكورة كانت مزيكه واكتر .. زى كلامك الجميل ده .. يا عمر امبارح والهلال مش بيلعب الهلال كان بيطرب .. شعرت وكأن ريكاردو اعطى لاعبى الزمالك سكين وقال لى اخوان مهند اخرجو اليهم .. فبدأ كل لاعب من الزمالك يقطع يديه وقدميه ويقف فاغرا فاهه مندهشا من جمال المنظر !!!

امبارح ما كان فى زول (شين) فى الهلال !!

اتضح لى فعلا أنه (الجمال) لحظه، ما تقاطيع وجه !!

تعرف يا عمر الفاروق
(المصرجة) الشتره .. (عارفها) .. معذورة ... امبارح لو لقيت (شارون) كان سلمت عليهو بالأحضان !!

البوست بتاعك ده يا عمر يستأهل هذا العمل الذى اعددناه من أجل (الزعيم) ، كنت متمنى ينسمع بالأمس.
___________________________________________



أنتهز هذه السانحه لأقدم هدية (لأحباب الزعيم) ظللت أخبئها و احتفظ بها فى مكان أمن لفترة من الوقت وهى عبارة عن (نشيد) كتب للحبيب (الزعيم) أعد فكرته وكتب مقدمته الشاعر/ محمد عبدالقادر شورة ثم أكملت من بعده باقى الأبيات .
وهو نشيد خفبف سهل الحفظ منح لحنا صاخبا وراقصا، اتمنى أن يرى النور فى يوم من الأيام وأن يردده جمهور الهلال فى نشوة وطرب، واذا لم اكتب غيره حرفا فهذا النشيد يكفينى.

هلالنا فوق
كلمات : محمد عبدالقادر شورة / تاج السر حسين
لحــن : على يعقوب
توزيع : مصطفى جمعه
أداء : عدد من الفنانين

هيلا هيلا .. الله أكبر
هلالنا منصور مظفر
هيلا هيلا .. هيلا هيلا
هلالنا منصور مظفر
الله أكبر .. ألله أكبـر
هلالنا منصور مظفر
......................................
هلالنا موج البحر أزرق الله أكبر
هلالنا خير قد تدفق الله أكبـــــــر
هلالنا منصور مظفر
هلالنا بركان تفجر الله أكبـــر
.....................................
هلالنا تدريب وفكره هلالنا فوق
هلالنا تاريخ وذكرى هلالنا فوق
هلالنا منصور مظفر
الله أكبر هلالنا بركان تفجـر
...........................................
هلالنا امواج بحر هادره هلالنا فـوق
هلالنا اهداف رائعه نادرة هلالنا فوق
هلالنا منصور مظفر
الله أكبرهلالنا بركان تفجـ،ر
.............................................
هلالنا قمه عاليه سامقه هلالنا فـــــوق
هلالنا همه وعزيمه صادقه هلالنا فوق
هلالنا منصور مظفر الله أكبر ..
هلالنا بركان تفجـر الله أكبر.

ود الفاروق

عليك الله امس اتعشيت كيف

انا شخصيا ما اكلت حاجه

لكن نمت وانا مبتسم وفاتح خشمي ونايم

لاني كنت مبسوط عشرين قيراط

شفت شوتت الولد الشقي علولو

لو جات قون ما كان خلا البلد تولول

عمر بخيت فناااااااااااااااااان ورمانة نص الملعب

مهند لاعب حر

البرنس كفايه انو برنس

علاء جبريل الله يديك العافية

يوسف محمد يا مواصلات بالجنبه اليمين

كلاتشي كلاتشي كلاتشي كلاتشي

كبير الكبير الكبير الكبير

ريتشارد وكفي

جوليت خلاص

المعز يا مرتاح امس تتفرج علي الرقيص ده

كرنقو لباع لبع الولد ده

قودوين خلخال خلخله

حموده اخ يا شقي

يا عمر الفاروق

والله أنا شايف كل الدنيا زهور وورود ،،، كل الناس سعيدة وفرحانه

احساس غريب يا أخى ،،،، ما هذا العشق ،،،، لماذا يفعــــــل

فينـا الهــــــــــــــــلال كل هذا العشق

مـا هذا العشــــــــــــــــق ،،، ما هذا السحــــــــــــر

كتبت صحيفة الأهرام :

Quote: الاهرام: بهدفين مقابل لاشئ خسر فريق الزمالك أمام الهلال السوداني في اللقاء الذي اقيم بينهما بمدينة ام درمان بالسودان في اطار ذهاب دور الـ‏32‏ لدوري ابطال افريقيا احرز هدفي الفريق السوداني تامر عبد الوهاب في مرماه في الدقيقة الـ‏11‏ من الشوط الثاني ومهند الطائر في الدقيقة الـ‏37‏ من الشوط نفسه‏.‏ جاءت المباراة قوية من طرف واحد وهو الهلال السوداني الذيهاجم بكل خطوطه بينما الزمالك اكتفي بالدفاع ولم يصل لمرمي الهلال السوداني ولو لنصف فرصة‏.‏ من بداية اللقاء وضح ان الهلال السوداني يلعب مهاجما وضاغطا بكل صفوفه بينما يلعب الزمالك متراجعا ومنكمشا وهي ليست خطة المباراة ولكنها الامر الواقع فهنري ميشيل المدير الفني للفريق الابيض لعب بثلاثة مهاجمين حازم امام وامامه عبد الحليم علي ومصطفي جعفر وهو ما يعطي الانطباع بالنية الهجومية ولكن الاعمال لم تأت علي مستوي النيات فخط الوسط تراجع بالكامل للدفاع وللتأمين‏..‏ تامر عبد الحميد وعلاء عبد الغني عاد للمساندة مع تامر عبد الوهاب وطارق السيد واحمد غانم وبالتالي ابتعد الخط الامامي تماما عن الخط الخلفي وظهرا كجزيرتين متباعيتين مما جعل الخطورة الهجومية للزمالك منعدمة‏,‏ انفراد من معتز كبير في الدقيقة الـ‏17‏ وتسديدة خارج المرمي ثم انفراد من ريتشارد جاستن وتألق من تامر عبد الوهاب وتسديدة من هيثم محمد ينقذها عبد الواحد السيد في الدقيقة الـ‏30‏ وتسديدة قوية من حمود بشير ينقذها عبد الواحد السيد في الدقيقة‏34‏ واذا الزمالك في موقف حرج والهلال يضغط بكل عناصره وعبد الواحد السيد متألق وتامر عبد الوهاب متعملق ولكن لا التألق ولا العملقة تدوم في الدقيقة الـ‏35‏ يتدخل هنري ميشيل باخراج حازم امام ليحل محله جونيور بهدف تنشيط خط الوسط لخلق هجوم ابيض يفك الضغط الكاسح للفريق السوداني القوي ولكن نزول جونيور لم يغير في الامر كثيرا فالضغط السوداني لم يعط الفرصة لاي من خطوط الزمالك بالتقدم او الهجوم وان انتهي الشوط بالتعادل السلبي‏.‏ ويبدأ الشوط الثاني وهناك شكل افضل بالانتشار العرضي وتوزيع الهجمات ولكن دون خطورة او حتي انصاف فرص ضائعة‏,‏ في المقابل استمر الضغط الهلالي المكثف وبدأ الدفاع الابيض يشعر بالقلق والارهاق من كثرة الضغط والهجوم مرة اخري يتدخل هنري ميشيل فيدفع بيوسف حمدي بدلا من مصطفي جعفر الذي تذكرنا انه يلعب من التغيير بعد التغيير بدقيقتين فقط وتحديدا في الدقيقة الـ‏11‏ يلعب جاستن الكرة العرضية من الجبهة اليمني ولا تجد متابعا من الهجوم السوداني ولكن تجد تامر عبد الوهاب الذي جاء ليخرجها فسددها في مرمي عبد الواحد السيد محرزا الهدف الاول للهلال تامر رغم انه افضل لاعبي الزمالك في اللقاء الا ان كثرة الضغط تولد الخطأ وقد جاء الخطأ في مرمي عبد الواحد عن طريق الافضل ولكن يتحمل الفريق كله هذا الخطأ وليس تامر وحده‏,‏ هجوم ازرق كاسح للهلال السوداني وتراجع كامل للزمالك الذي بدأ دفاعه يفقد تركيزه وهجومه لايفعل شيئا علي الاطلاق ويعانون من الوحدة في الامام‏.‏ والهجمات الهلالية من الجانبين الايمن والايسر عن طريق معتز كبير وريتشارد جاستن لا رادع لها وفي الدقيقة الـ‏38‏ يخترق معتز كبير ويلعب ارضية لمهند الطائر الذي يسدد في مرمي عبد الواحد السيد المتقدم عن مرماه لتسكن شباك الزمالك وتعلن عن الهدف الثاني للهلال‏,‏ خرج الامر من يد الزمالك واصبح مهزوما بهدفين يستحيل تعويضهما في ظل انعدام الهجوم الابيض تماما وفي ظل هذا وبدلا من زيادة الهجوم يسحب هنري ميشيل عبد الحليم علي المهاجم الوحيد ويدفع بمحمد ابو العلا وهي محاولة اخري للسيطرة علي وسط الملعب والغريب ان التغييرات الثلاثة في وسط الملعب ولم تعط السيطرة للزمالك وظل وسط الملعب ملكا للهلال‏,‏ في الدقيقة الاخيرة من اللقاء يطرد حكم اللقاء طارق السيد للاحتكاك بدون كرة مع معتز كبير وكان طارق السيد قد حصل علي الانذار الاول في الدقيقة الاولي من الشوط الثاني ليلعب الزمالك الثواني الاخيرة بعشرة لاعبين ويستمر الضغط السوداني والفرص الضائعة بينما الدفاع الابيض يحاول لملمة نفسه لينتهي اللقاء بفوز الهلال بهدفين مقابل لاشئ للزمالك‏.‏

الغريبة معتز طلع والجماعة ديل قاصدين كلايتشي ولا قودوين لكن ليهم الحق امبارح نجوم الهلال ما بتفرزوا..

يا ابقوتة :
والله الشعر غلبنا نكتبو والنثر غلبنا نكتبو ..
يوم الأمس كان يوم تحدث فيه المجهود وتحدثت فيه الأقدام ..
فقط نردد معاً :
دي مش كوووووووووورة ..دي مزيييييييييييييكا..



عباس يا حبيب:
المااااااااااااكلينلها شنو ؟؟؟
امبارح قون مهند ده عمل لي نفاااااااااخ ..
مهند ده بقا تخصص مصريين والله لمن شكّيت وقلت الولد ده كان في ميدان اللاجئين وعندو تار مع الناس ديل..
الولد ده بقا تخصص حلب..

Quote: ولكن تجد تامر عبد الوهاب الذي جاء ليخرجها فسددها في مرمي عبد الواحد

آآآآ يعنى ناس الهلال جابو قون واحد؟!











يلا مبروك

فووووووووووووووووووووق

فووووووووووووووووووووق

هلالنا فوق

في مباراة و لا أروع حقق زعيم البلد الأوحد للكرة السودانية انتصاراً كبيراً وفوزاً عريضاً على الزمالك المصري بهدفين أحرزهما المدافع المصري في مرماه في ظل ضغط كبير والفنان المرهف الإحساس الغزال مهند الطاهر من تسديدة فنانة في مقص المرمى.
قدم الزعيم لقاءً مميزاً من الناحيتين الفنية و البدنية خاصة في ظل حضور جماهيري كبير في مقبرة الخصوم بملعب طلعت فريد بأم درمان وقد أدى لاعبو الهلال مباراة العمر حيث جالوا وصالوا في الملعب وقدموا السهل الممتنع وكانوا جميعاً نجوماً بدءاً من المعز حارس العرين مرورا بالخبير جوليت والأسد ريتشارد وهوت هوت يوسف والفتى السمهري القامة علاء الدين والفارس حمودة وبرنس الكرة السودانية سيدا وسيدا ومنقطا هيثم مصطفى والمعلم عمر بخيت والكبير معتز كبير والإعصار قودوين وجلاد الشباك كلتشي وقدم الخير علاء الدين يوسف والمقاتل كرنقو ..
جاءت المباراة في بداية الثلث الأول متوازنة بين الفريقين وكانت الخطورة واضحة من جانب الهلال وكانت أخطرها لمعتز كبير حيث أنقذ عبد الواحد مرماه من هدف محقق وسيطر الهلال على مجريات اللعب وتمكن المرعب كلتشي من غلغلة الدفاع المتهالك للزمالك وسدد هجوم الهلال في هذا الشوط أكثر من كرة تارة في القائم وتارة في أجسام مدافعي الزمالك الواهنة وكان من الممكن أن يخرج الزعيم متقدما في هذا الشوط بثلاثة أهداف على الأقل وكانت اخطر الفرص في الدقائق الأخيرة لهذا الشوط حيث شكل مهند وكلتشي وحمودة خطورة كبيرة على المرمى الزملكاوي وسدد مهند كرة في الدقيقة 35 ليخرجها حارس الزمالك إلى ركنية وبعدها سدد حمودة صاروخ يخرجها مرة أخرى الحارس وفي الدقيقة 45 اخترق كلتشي دفاعات الزمالك إلا أن عبد الواحد السيد تدخل في الوقت المناسب لينقذ فريقه من هدف محقق.

الشوط الثاني .. شوط الهدفين

وضح من بدايته العزم والإصرار من لاعبي الزعيم لهز شباك الزملكاوية حيث واصل الزعيم استعراض عضلاته على الزمالك المتهالك وسيطر منذ البداية على مجريات هذا الشوط حتى نهايته وصال يوسف محمد وجال في الجهة اليمنى للزمالك وفتح شوارع باسم تامر وطارق السيد ورفع الكثير من الكرات ولكن هجوم الهلال لم يوفق فيها .. ومن كرة في وسط الملعب استلمها البرنس ولعبها متقنة لعلاء الخالي من الرقابة ويلعبها عرضية ويحاول مدافع الزمالك المرتبك ليسكنها في المرمى هدف أول اشتعلت به المدرجات وارتفعت الحالة المعنوية للاعبي الزعيم ويجري المدرب تغييرين بخروج معتز ودخول قودوين ودخول كرنقو بديلا لعلاء جبريل وخروج حمودة ودخول علاء الدين يوسف وبدخول قودوين جاءت طلعات الهلال الهجومية أكثر خطورة على مرمى الزمالك حيث انفرد بأكثر من كرة من الناحية اليسرى ومن إحداها يمررها لكلتشي وبدوره يمررها للبرنس يلعبها بكل حرفنة ولكن تصطدم بالدفاع الزملكاوي.. ولم يتغير الأداء والزمالك لم يقم بأي هجمة على مرمى الهلال إلا من كرة اشترك فيها مهاجم الزمالك مع المدافع يوسف ويلعبها في المرمى ليتصدى لها المعز بكل قوة وجسارة وأصيب بالقائم ولكنه تشافى بسرعة .. واكتفى الزملكاوية بالوقوف في المنطقة الخلفية لدفاعاتهم والهلال يهاجم بكل الأجناب ومن منطقة العمق ويحاول علاء الدين يوسف بتسديدة تمر جوار القائم ويحاول كلتشي ويراوغ مدافعي الزمالك الواحد تلو الآخر وتطول كرته ويستلمها الحارس ويستمر اللعب كما هو عليه سيطرة هلالية ودفاع زملكاوي وفي الدقيقة 83 من المباراة تناقل لاعبي الهلال الكرة بكل الفنون الكروية من منتصف الملعب حتى وصولها إلى حدود الـ 18 لتجد الغزال الحريف الرهيف مهند الطاهر ويسدد كرة بالمقاس في سقف مرمى عبد الواحد السيد الذي اكتفى بالمشاهدة .. ويغلي الإستاد فرحاً وتشتعل المدرجات من جديد ويسدد كرنقو كرة قوية خارج الـ 18 لم تجد حظها في الولوج لشباك الزمالك المتهالك ... ومن أثر الفنون الراقية وامتلاك الكرة فقد لاعبو الزمالك أعصابهم فقام كابتن الفريق طارق السيد بضرب اللاعب يوسف هوت هوت من غير كرة ليشهر له الحكم اليوغندي البطاقة الحمراء .. وتستمر الفنون الهلالية حتى أعلن الحكم عن نهاية المباراة بفوز كبير أعاد الابتسامة للكرة السودانية... وفوز مريح للزعيم لمباراة الإياب بالقاهرة.
هذا الفوز الغالي مهداة إلى روح فقيد امة الهلال الزعيم الطيب عبد الله ..... اما نجم المباراة الأول كان الجمهور الكبير ومن بعده كل لاعبي الهلال والمدرب ريكاردو وجهازه الفني
ألف مبروك لكل الأهلة داخل وخارج الوطن الحبيب







مبروكـ لينا يا ود الفاروق

ودالفاروق
دخلت كل البوستات بفوز الهلال التاريخي ولم أكن أريد أن أعلق خوفاً من أن
تأخذني العزة بالفوز وأهدر كل فرحتي هنا حتى لا يتبقى منها شيء لمباراة الإياب
أعزائي الهلالاب
لم تنتهي الدائرة بعد يا أهل الهلال بعون الله لا نريد أن نهزم الزمالك فقط - نحن عاوزين الكاس ولا شيء غير الكاس (الهلال بطل أبطال أفريقيا) إنشاء الله.

مع المصريين وعموم شمال افريقيا وعندما ينازلهم الهلال في أراضيهم يعترينا الخوف لأنهم لا بد لهم أن ينتصروا ولو بأي شيء حتى بشراء الحكام لو أمكن لهم ذلك. هناك في شمال افريقيا لم يجد هلالنا عوناً من أي من الحكام ولا نريده بالطبع ولكن نريد منهم أن يكونوا عدلاء في حكمهم.
فريقنا يمر بفترة طيبة وقوية يجب أن نستفيد منها في التفوق على شمال افريقيا لأنهم ذهبوا بعيداً في مستوياتهم الفنية والتكتيكية حتى في طريقة تعاملهم مع فريق من السودان يعلمون كيف يتعاملون معه من ناحية التركيبة النفسية للاعبينا و من حيث الحرب النفسية داخل الملعب.

ود الفاروق

صدقت في حديثك عن الأحد وكان هذا الشيء في ذاكرتي ايضاً.

أبوفتحية

الأعزاء نوبي وابو فتحية :
عن نفسي سأفرح الفرح اللحظي ولا تهمني مباراة الرد ونتيجتها ..
لا أود ان أزحم رأسي بكوابيس مباراة الرد وعن عودة فريق الزمالك ولعبه وسط ارضه وجمهوره ..
لا أريد ان اتذكر التحكيم ..
نعم المباراة سهلة التعويض للزمالك والهدفين لا تعتبر فوزاً كبيراً ..
لكن عن نفسي استمتعت جداً بما قدمه فريق الهلال من كرة راقية ومجهود جبار من اللاعبين ..
ما عجبني هو المؤازرة الجماهيرية الكبيرة ..
ما أعجبني هو مواصلة فريق الهلال للحفاظ على سجله الخالي من الهزائم داخل قلعة طلعت فريد التي أمتدت لخمسة أعوام متتالية دون هزيمة ..
ما أعجبني ان الهلال لم يهزم داخل ملعبه دولياً إلا خمسة مرات طيلة تأسيس قلعة طلعت فريد ..
ما أعجبني هو الثأر من الكرة المصرية التي ومنذ الان ستعمل ألف حساب لمباريات الفرق السودانية بعد أن مللنا من مقولتهم المشهورة :
" نتيجتها معروفة طبعاً .."


نتمنى إن شاء الله أن يتوج المجهود بالصعود لدور ال16 وعن نفسي ومهما حدث فانا راضي عن فرقة الهلال وعن ما قدموه .

تخريمة :
يل وليد يا طه سيب الشغب وتعال نطط معانا

ألف مبروك يا أبو عمير

مبروك على الأداء وهاردلك علي النتيجة لأنها مفروض تكون
4-0 على أقل تقدير!

ريكاردو يا عمر "قلب الهوبة" في تغيير جوليت بكرنقو
وتحويل علاء جبريل لقلب الدفاع... أول مرة أصفق لتغيير!!
_____________________________________
إنت يا عمر الفاروق أسألك سؤال...
الزمالك ده نسى الباك اليمين بتاعو في القاهرة؟

يا لهوووووووووووووووووووووووووووووي ...
يا خراااااااااااااااااااااااااااااااااااااااااااااااااشي...
يا لهووووووووووووووووووووتي ...
بص بص بص يا عم إبراهيم ...شايف الجماعة بيلعبو أزاي ..
إيه ده ؟؟ إيه ده ؟؟؟ إيييييييييييييييييييييييييه داااااااااااااااااااااااااااااااااااااااااااااااا؟؟؟
حرام عليك يا ابن النيل حرام عليك يا سمااااااااااااااااارة ده أحنا أخوات ...
ألحأني يا خلتي ....!!!!!






زملكاوي متجرس..

هاك ال Quiz ده يا عمر...

الزمالك كان لاعب...

3-5-2
4-4-2
3-6-1
الزمالك ما كان لاعب أصلا

ريكاردو يا عمر "قلب الهوبة" في تغيير جوليت بكرنقو

Quote: وتحويل علاء جبريل لقلب الدفاع... أول مرة أصفق لتغيير!!

الحبيب أحمد الريح :
ما أتمنيت إنو يكون تلفونك عندي زي ما أتمنيتو أمبارح ..
جاتني رغبة أكيييييدة أتصل عليك لحظة تغيير خالد جوليت بي كرنقو في حركة اعتبرها لقطة الموسم صفقت فيها لي ريكاردو أكتر منك يا ابو حميد ..
ده كللللللللللللو كوم وإلتزام عمر بخيت بي الخانة العجيبة في الوسط المتأخر كوم تاني ...
امبارح عمر بخيت ريّح يوسف محمد وريّح ريتشارد جاستن بي صورة عجيبة ..
يا احمد يا خ عليك الله رسل لي تلفونك عشان تاني الواحد ما يتجهجه في الحالات الزي دي ويلقا زول يستمتع معاهو خصوصاً والقلوب طلعت شواهد ..

تخريمة :
ريكاردو امبارح ما كان طبيعي وتغيرو ده تغير زول كان مقييل

ود الريح :
ممكن أحذف تلاتة إجابات ؟؟؟

وهاك ده Quiz تاني ممكن تستعين فيهو بي شريط المباراة...

الباك اليمين بتاع الزمالك كان...

- أحمد غانم سلطان
- سرحان عبد البصير
- لازم تحرجونا يعني
- شوف يا سعادة البيه... السؤال لغير الله مذلة... وحرام تسألوني أنا العبد الفقير إلى الله
- أنا لو اعرف أقول على طول

أحمد الريح و ود الفاروق ..
أمس دفاع الزمالك ذكرني النكتة دي

واحد حشري شديد مشى لي مدرب المنتخب القومي و قال ليهو في لاعب خطير في كل مباراة انا بشوفها الزول ده بيسيجل قون و انتو ما مدخلنو في التشكيلة ليه ؟
المدرب استغرب و قال ليهو هو شكلو كيف اللاعب ده
الحشري قال ليهو والله ما عارف شكلو كيف لكن اسمو دربكة و كل مرة المعلق يقول دربكة قدام المرمى و بعدها قوووووووووووون ..

فرقة الهلال الماسيه

فوز كبير ومثير وجميل ومستحق حققته الفرقة الماسيه والتى هى حقا ماسيه , جندلت الزملكاويه , واسعدت القاعده الهلاليه .. فوز جميل فى وقت جميل , اخرس السن الحاقدين فى كل صوب .. فوز جاء رغم المكايد والذنب وكل اشكال الاستهداف , واستطاع المارد الافريقى الازرق ان يدك حصون ابطال افريقيا والعالم العربى ..

رغم كل الخلافات الداخليه والقصور فى مجلس الادارة استطاع رجال الهلال ومن خلفهم بعض المخلصين من أعضاء المجلس العاشقين للازرق , تقديم اجمل اللوحات امام اقوى الاندية العربية والافريقيه ولقنوه درسا فى فنون الكرة ودرسا فى الانتصارات المستحقه .. ودرسا فى الهزيمه مع الرحمة .. دروس عديده قدمها فتيه الهلال فى تلك الامسيه التى تجلى فيها الهلال بدرا اضاء سماء امدرمان بل والسودان , ناثرا الفرح الجميل لكل الاهلة على امتداد القطر الكبير والى خارج حدوده فى كل انحاء العالم ..

أتصالات ومسجات من اقاصى الدنيا .. تهنى بفوز الهلال الزعيم فهو الهلال لا عجب هو ناثر الفرح والطرب .. كله كان تمام الملعب جميل والجمهور جميل والنسيم عليل , والملعب يتحدث حيويه ونشاطا .. تابلوهات فنيه من المعز وحتى كلاتشى الفنان .. تشكيله رائعه وتبديلات اروع فى الوقت المناسب .. هنيئا لك هلالنا بريكاردو وبابنائك البرره صناع النصر فى كل موقع .. هنيئا لك هلال العز بكل الذين يلتفون حولك وقلوبهم جمعا فى وقت النفرة .. من وين ما تجينا يا وجه السعد تلقانا نحن يانا نحن , وجاهزين ليك , لبستهم اصفر لبستهم احمر لبستهم أبيض , بكل الالوان الهلال فريق كبير لا يقبل الهوان , حتى لو جيت مع البارسه , شبابنا ليك واقفيين بالمرصاد جاهزين ..

تأخير النقل والتلفزة وتلك اللعبه الرخيصه المكشوفه جديره بان يتقدم هذا الاتحاد الفاشل ومن وراءه من المتأمرين على هلال الامة باستقالاتهم جماعية , وجدير بان يجعلهم مكسوفين من فعلتهم النكراء تلك , وبدلا من السعى واللهث وراء الوزير ليثبت اقدامه الراجفه الواجفة .. اذا كان تدخل السيد الوزير حرصا على المصلحه العامة , لماذا لم يتدخل عندما اوقفوا التفلزة والنقل الخارجى بالرغم من التزامات الهلال تجاه الاخرين , الم تكن هذه ايضا مصلحة عامة بل واهم المصالح .. هذا الاتحاد فاشل ياسعادة الوزير و( مرمى الله ما بترفع ) ..

تمساح الدميرة الما بكتله سلاح
يا هلالنا العظيم يا للعيون كتاح

ان شاء الله مصر فيها عصر

قدم الكيشة ولطشو

تعرفوا اجمل لقطه عملها ريكاردو في المباراه امس

انو كل الهجوم كان بالجنب اليمين للهلال والشمال للزمالك

والاقوان جات من الجه اليسار للهلال ويمين للزمالك

Quote: امبارح عمر بخيت ريّح يوسف محمد وريّح ريتشارد جاستن بي صورة عجيبة

أمبارح عمر بخيت ريّح يوسف محمد وريّح ريتشارد جاستن وريّح
ريكاردو وريّح أحمد الريح وريّح عمر الفاروق...
قال ليك علاء الدين يوسف في الاحتياطي كان مرتاح!!

الزول ده أنا متنازل ليهو من اسمي عشان يكون اسمو عمر الريّح...
أنا ما مشكلة... ممكن بدل "أحمد الريّح عمر عبدالرحيم" يكون اسمي
"أحمد الريّحو عمر بخيت"!!

تعرفوا يا حلوين فرحتكم المبالغ فيها دي والمهرجان الكبير القادننا بيهو دا دليل واضح علي الحرمان الكنتوا عايشنه والتوق المكبوت بالسنوات العجاف لاي نصر ينتشلكم من حالة الاحباط والياس
فقد ظل الهلال ردحا ليس باليسير من الزمان يتعرض لهزائم بالجملة والتشققات التي ضربت في مكتبة كؤسكم حتي ان العنكبوت بنى فيها بيته هذا ان لم تكن تسكن هذه المكتبة افعي . ويا ليت ان هذه الفرحة كانت بكأس او حتي (درقة) انه فوز يتيم لشوط اول لمباراة لم يعرف حتي الان نتيجة شوطها الثاني والذي اشفق عليكم منه فليس بالبعيد ان يتم (تشطيفكم بالخمسة ) التي تعودتم عليها
عموما نقدر فرحتكم فحالكم اغني عن سوالكم وحاجتكم للفوز (ان شاء الله ) علي ديم سلمان ما كان لينقص فرحتكم مثقال خردلة من دهشة .
وقالوا في الامثال الما شفته في بيت ابوك بيخلعك

انت يا عمر امس انا ما أتصلت عليك ليه ؟..
تخيل شلت التليفون عشان أكلمك يظهر نسيت مع الفرحة ..





ياخي دي كانت مباراة ولا أروع سيمفونية ..
ألف مبروك لقبيلة الهلال ..

رايك شنو يا عمر الفاروق بعد عمايل ريكاردو دي نسميهو ريكاردينيو؟!

متابعك في البوست القلت فيهو إنك مرتاح المرة دي ومتفائل، واتذكرت كلامك وتصريح ريكاردو المدرب بعد صفارة نهاية المباراة ... سبحان الله
مبروك يا زول بس أنا خايف من ميت عقبة والله في لقاء الرد، ناسنا بيكونو في القمة وفجأة بينهارو والشبكة تتملي والشمات يكترو.

الاخ عمر الفاروق

تلك ليست مزيكه با اخي لقد اخطأت خطا كبيرا
سامحك الله
تلك كانت سيفونيه رائعه قادها مايسترو مقتدر
هو ريكاردينو علي حد تسميه احمد الريح
وعزفها ابطال الهلال
ابان معسكر الهلال بالدوحه حضرت بعض التمارين قبل ان يلتحق
بالمعسكر المدرب ريكاردو وبعضها بعد ان التحق بالمعسكر
قبل ان ياتي ريكاردو كان يدير التمارين مساعد المدرب كابتن بكري عبد الجليل
ورغم احترامي الشديد لبكري الا ان هناك فرق واضح حتي للعميان في الطريقتين
ريكادو له شخصيه قويه جدا تفرض نفسها فرضاولايفوت اي خطأ من اي لاعب
كم مره اوقف التمرين لان الكره وصلت لمهند الطاهر وهو في نفس الوضع الذي احرز منه
هدف الامس ولكنه لم يسدد الكره وصرخ في وجهه ان يسدد في المرمي واظن ان كلامه اتي بنتائجه

عمر رغم كل الذى كتبت ما وريتنا..
هل الهلال كان كويس ام ان الزمالك هو الكان بطال؟؟

Quote: تعرفوا يا حلوين فرحتكم المبالغ فيها دي والمهرجان الكبير القادننا بيهو دا دليل واضح علي الحرمان الكنتوا عايشنه والتوق المكبوت بالسنوات العجاف لاي نصر ينتشلكم من حالة الاحباط والياس فقد ظل الهلال ردحا ليس باليسير من الزمان يتعرض لهزائم بالجملة والتشققات التي ضربت في مكتبة كؤسكم حتي ان العنكبوت بنى فيها بيته هذا ان لم تكن تسكن هذه المكتبة افعي . ويا ليت ان هذه الفرحة كانت بكأس او حتي (درقة) انه فوز يتيم لشوط اول لمباراة لم يعرف حتي الان نتيجة شوطها الثاني والذي اشفق عليكم منه فليس بالبعيد ان يتم (تشطيفكم بالخمسة ) التي تعودتم عليها عموما نقدر فرحتكم فحالكم اغني عن سوالكم وحاجتكم للفوز (ان شاء الله ) علي ديم سلمان ما كان لينقص فرحتكم مثقال خردلة من دهشة . وقالوا في الامثال الما شفته في بيت ابوك بيخلعك

Quote: عمر رغم كل الذى كتبت ما وريتنا.. هل الهلال كان كويس ام ان الزمالك هو الكان بطال؟؟

حاصروا بتاعين القطــن .. حاصروا بتاعين القطــن ..

هـــــاك طويل التيلة ده ..

مبروك ...مبروك

تعرف يا أبو عمير

أجمل حاجة في الانتصار الجميل ده إنو خلى أخوانا المصريين
يتكلموا عن الروح المعنوية وضرورة الذهاب للإستاد يوم
مباراة الإياب وإنو الزمالك بيلعب باسم مصر وغيرها من
النغمات الوطنية بتاعة ناس عبدالرحمن عبد الرسول ديك!!

سمعنا تحت تحت كده إنو اتحاد الكورة المصري حيسوق ناس الزمالك
الأهرامات والمتحف وقلعة محمد علي... عشان يحسوا بالمسئولية
وكده.

الحاجة المؤكدة لحدي دلوقت إنهم حيشغلوا في الإستاد قبل المباراة
أغنية أم كلثوم "يا شباب النيل يا عماد الجيل"... بس المشكلة
نحن ذاتنا شباب النيل!!

عمر...
ياخ أنا موضوع أحمد غانم سلطان "باك الزمالك اليمين" ده
محيرني بالجد. الزول ده مكتوب في كل الإصدارات إنو سافر
مع الزمالك للسودان والغريبة مكتوب في جرايد اليوم إنو
كان لاعب!

طيب أسألك سؤال تاني...

باك الزمالك اليمين...

- جا السودان لكن ما لعب
- ركب الطيارة لكن نزل منهم في أسوان
- ما جا السودان أساسا
- بطل ثقالة... الزول ده كان لاعب واسمو أحمد واقف سرحان!

Quote: فقد أجتمع بالأمس أكثر من 30 مليون شخص (هم عدد مشجعي الهلال)

فى التنك واللـــــــــــــــه

يا عمر معليش جنناك...

شكلنا كده حانتكلم كتير عن تغيير ريكاردو لي جوليت
بكرنقو وتحويل علاء جبريل لقلب الدفاع.

بدل ما نقول "ريكاردو غير جوليت بكرنقو وحول علاء جبريل
لقلب الدفاع" رايك شنو ندي العملية دي اسم حركي؟
__________________________________

لو وافقت أنا أقترح نسميها " Ricardation".
المدرب البيعملها نسميهو "Ricarder" والمدرب البيعملوها
فيهو -زي هنري ميشيل كده- نسميهو "Ricarded"

الأخ عمر الفاروق تحياتي ومبروك الفوز مع أني مريخابي بضارب عديل.

والله عجبنا الفوز لأن العقدة المصرية كانت معقدانا نحن كمان والحمد الله لله الهلال قدر يفكها رغم أن الزمالك كان حمام ميت وبدون ريش كمان (وش ضاحك) .

والله قبل شوية كنت بحضر في برنامج الرياضة اليوم في دريم وقال المذيع أن الحكم الدولي جمال الغندور قال بعد المباراة ياريت لو كان الشوط التاني ما أتلفز حتى لا نرى هذه الفضيحة ولكن بلوا رأسكم لمباراة الرد من هسي و كلوا إلا الخمسات .


خارج النص :
شايف mbc action ظهرت يعني تاني مافي نوم ليك .
بس ما تطبق الأكشن ده بهناك .

عمر الفاروق مبارك الفوز و يا زول نحن ما زلنا في نهاية الشوط الاول و تبقي من عمرة المباراة شوط ثان و العبرة بخواتيم المباريات.

حقيقة الجماعة ما قصروا تب مع انه التلفزيون كالعادة كان مقصر... و كانت مسخرة ان ينتظر الناس شوطا كاملا حبيسي التلفزيون في انتظار اتفاقية الحكم الثنائي!! الله لا غز فيهم بركة اولاد الهرمة... حتي الدافوري السوداني عايزين يحرموا منه الناس... تبت يداهم و تب.

الفاروق ألف مبارك
و كمان
لعباس
و فيصل نوبي
و تاج السر
ياسر عبد القادر
حاتم ابراهيم
أم وضاح
و بقية الناس
الباركنا ليهم
في موضع آخر

ـــــــــــــــــــــــــــــــ
نوبي:
ممكن أسرق الصورتين الفوق ديل؟

وقالوا في الامثال الما شفته في بيت ابوك بيخلعك

اساسي الاساسي

قالوا البيتو من قطن

يكتر مخاليه

مبروك للهلال الجار الكبير..

من الآن أستطيع أن أقرأ ما سيفعله أولاد ميت عقبة في مباراة الرد لكسبها

في القاهرة وهاك السيناريو المرتقب:

سيدفع أولاد بمبة ميت عقبة رشوة للتحكيم وسيحتسب لهم الحكم ضربتى جزاء

وسيطرد إثنان من لاعبي الهلال و سيحتسب لهم هدفين من تسلل واضح وستنتهي النتيجةأما 4- صفر أو 3 صفر لصالحهم.... وقال مصر فيها كورة...!!

حبيبنا أحمد الريح :
ياخ والله معاي مصري زمالكاوي مرضااااااان ..
طبعاً غاب اليوم التاني وما جا ..
الليلة لاقيتو تعرف أول كلمة وقبل ما يسلم علي قال لي شنو ؟
قال لي:
يا خرابي ؟؟؟ ده إيه ده ؟؟؟ يا عم ده نحن عندنا السايد اليمين شواااااااااااااااااارع !!عارف يعني إيه شوارع ؟؟
هو إنت يا "عومار" محمود سعد ماكانش "موقود" في المباراة ؟؟ ولا ماكانشش شايف اللي بيحصل ده ؟؟
الراجل مرر الباص للواد اللي إسمو الطاهر ولا مين ده وهو إستلمها وعدّل نفسو ولف ورفع راسو وحدد الزاويا ووووو ياااااااااااااااه يا لهوووووووووووتي :
والله يا ابوحميد طوالي جيت في بالي وقررت أحوّل ليهو الأسئلة بتاعتك دي لأنو شكلو كده مزاكر أكتر منّي

أجمل تعليق سمعتو قالوا المصريين بعد الكورة خلّصت طلّعوا إشاعة إنو الكورة اللي تلفزها السودان ما كان لاعب فيها فريق الزمالك وهي كورة مسجلة لأنو الفريق الكان بيلعب ده ما كان الزمالك ..


تخريمة :

Quote: لو وافقت أنا أقترح نسميها " Ricardation". المدرب البيعملها نسميهو "Ricarder" والمدرب البيعملوها فيهو -زي هنري ميشيل كده- نسميهو "Ricarded

طيب والمدرب الما بيعمل طريقة ال Ricardation". وما فاهما زي أتوفيستر كده نسميهو شنو ؟
انا أقترح " Ricardless"..

صدقت يا فاروق
تشكر يا ذوق ... وعشت يا زعيم
و(في استادكم نحن اسيادكم) و(سيد البلد ........ سيد البلد)
معزتي

احمد الريح :
ياخ إنت هواي ولا صعلوق قهاوي؟

Quote: أجمل حاجة في الانتصار الجميل ده إنو خلى أخوانا المصريين يتكلموا عن الروح المعنوية وضرورة الذهاب للإستاد يوم مباراة الإياب وإنو الزمالك بيلعب باسم مصر وغيرها من النغمات الوطنية بتاعة ناس عبدالرحمن عبد الرسول ديك!!

وهاك كمان يا ود الريح اخر الروح الوطينة الجات على نادي الزمالك :

Quote: قررت إدارة نادي الزمالك تخفيض أسعار تزاكر الدخول لمباراة الهلال السوداني حتى يتمكن عدد كبير من متابعة المباراة من داخل الإستاد للوقوف خلف النادي.

والله ياعمر الفاروق ويا كل الهلاليين
من حقكم ان تفرطوا فى الفرح
فقد كانت كما تقول مزيييييييكا مش كورة
اللعبها الهلال دى
مع حبى للهلال
ضياء الدين ميرغنى