دخول القوات الدولية للسودان..!!

الله يديكم العافية .. والدافية ويكفيكم شر البلادة والدلاهة والعباطة والناس المهابيل والمساطيل والكوره السودانية والقناة السودانية وختان البنات الفرعوني ... اللهم آمين ... دخلنا الموضوع
الناس المهابيل ديل الفرحانين من دخول قوات أجنبية للسودان ،والدلايه ديل المنادين بحقوق الإنسان لما تكون أمريكا بتنبح بيهو للدخول في واحدة من الدول
..ودافنة العصاية ،
أما العبطة ديل البصفقوا لما القوات تدخل ،
والمساطيل ديل ألما عارفين في قوات أجنبية في البلد ،
والكورة السودانية الدخلها شنو
أيوااااااااااا الكورة السودانية ديل الجماعة الدايرين يشيلوا الكأس وما عندهم كدارات ولا لياقة ولا مهارات وكراعهم واحدة ...
وأنا ما قاصد الحكومة ولا حاجة
أها ، القناة السودانية دي دخلها كبير بالموضوع لانو أنا واحد ناس إن ما كتلتني القوات الممكن تدخل دي ولا ناس الكورة ديل أكيد بكون شهيد إعلان يفقع المرارة أو ضغط دم نتيجة مشهد درامي فاشل،
أها ما تسألوني عن الطهارة الفرعونية ، ده حال الأمة العربية والإسلامية لما يحصل التدخل وتبدا المجازر أي الحالة ما بعد الفرجة ، تشوف وتتمغص وما بتقدر تفتح ………… أي حاجة ..
قصدي خشمك

بيكون تم الختان الفرعوني. الإحساس ده ممكن تعرفوا لما تشوف قتلى العراق في التلفزيون ويغلبك تكمل الأخبار وتقلب القناة. عشان تجيب أى حاجة تانية
هشك بشك ...
كوره ...
أخبار..
إنشاء الله تجيب قناة فالوب المهم تغيير.
عووووووووووووووووووووك
المهم تغير .
والمعنى واضح كما قال عبد الله الطيب في وصف بيت الشعر السفيه:

ومدحشر بالقحطلين تحشرفت شرافاتاه فخر كالقحطبلي
وتفشلخ الفشخاخ في شحط الحما … ببعولة البعبعلي.

والمعنى واضح؟؟


تخريمة :
يا هشام خضر البنية مبروكة ..

انا اسع مشكلتي في كلامك دا كله تهنئة هشام خضر بي بنته
اولا مبروك يا هشام خضر البنية
نجي لعمر الفاروق
كتبت في بوست عنوانه القوات الدولية للسودان
متن البوست اتحدث عن نفس البوضوع برؤية خيالك
البهمني خاتمة البوست والجات غريبة عن طبيعة البوست في اقحام تهنئة مال امها داعي
وما عندها علاقة بالموضوع في حتمالين بس في راسي لجدعك التهنئة دي في بوستك دا
الاول : انه هشام خضر شغال في المارينز ولا بارجة امريكية ولا شغال بجدع التوما هوك زي النبق
والاحتمال الثاني وهو الاقرب من وجهة نظري : انه هشام دا انت بتعرفوا ولاقيتو قريب من فترة
وقال ليك ياخي في واحد اسمه زي اسمك في سودانيز اون لاين قمت انت نطيت وقلت ليهو ياخي انا انا زاتي .. قام كشف ليك كدا وقال ليك بالله قوم كدا انحنا المنبر دا ساكنه من سنة شختة وما لاقين طريقة نكتب فيهو تجي انت دا تقول لي انا زاتي ؟؟ قمت انت قعدت تحلف ليهو بالله لمن قعدت في الـواطـة انك دا انت زاتك .. قال ليك يا زول اديني امارة لمن نتلاقي في سماية بتي توريني ليها
قمت انت ما لقيت الا تعمل عملتك دي عشان تبرر مشيتك للسماية بقوة عين ..
يعني يا عمر الفاروق بقيت بتاع سمايات اخر عمرك؟؟

عمر يا اخوئ





سمعت بالجن الانقاذئ لبس ابرول دفاع ملكئ


thank you

عمر الفاروق الله يديك العافية
البيتين من نظم الأصمعي في وصف الأفعى :

ومدعشرٍ بالقفطلين تحشرفت ******* شرافتاه فخرّا كالخربعطل
واشلمّظت نكسٌ عفرندها ******* كحنتليس تعربدت بعجلجل
وقام بتحريفهما احد الخبثاء مداعبا للعلامة عبد الله الطيب
ولك الود
جنى