Post: #1 Title: عادل مُسلّم ..فنّان يستحق لقب الموسيقار .. Author: عمر الفاروق Date: 06-16-2007, 07:47 AM Parent: #0
كوكب الشرق الوهّاج ..جاء من ثغر السودان الباسم وسلك طريق النجومية بثقة وثبات وتسلل لقلوب المستمعين والمشاهدين والمتذوقين للفن الراقي في هدوء تام ..هدوء يشبه شخصيته تماماً ويشبه ادائه الغنائي .. لست على دراية ببداية إنطلاقة هذا الفنان ولكنّي سمعت أن معظم فنّاني بورتسودان ينادونه بالأستاذ حيدر بورتسودان وغيره .. وهذا ما جعلني أشعر أن عادل مسلم يغني منذ فترة طويلة .. عادل مسلم يعجبني فيه إجتهاده لإخراج أعماله بالصورة المتكاملة فلا يستعجل إخراج عمل للجمهور إلا وهو متأكد من إكتمال حلقاته من كلمات ولحن ويتكفل هو بالأداء والتوزيع الموسيقي.. شاهدت له قبل فترة حلقة عبر قناة النيل الأزرق قدم فيها مجموعة أعمل غنائية كان فيها التناغم الموسيقي قمة الروعة بمساعدة الفرقة المصاحبة والتي أبدعت أيما إبداع في ترجمة اللحن فكان عمل المجموعة كأجمل ما يكون ليجمّله عادل مسلم بصوته الجهور المليان لا تشعر بوجود أي فراغات في صوته وهو يتغنى .. عادل مسلم أشعر فيه بالفنان الموسيقار القادم وبعد أن تربّع الفنان محمد الأمين على هذا العرش لفترة طويلة لإهتمامه بتجويد أعماله هاهو عادل مسلم يقدّم نفسه كفنّان لهذا الجيل ربما سيسحب البساط من الفنانين الكبار في طريقة تقديمه لأعماله وإهتمامه بتجويدها .. التحية للفنان عادل المسلم وهو يقدم هذه الأعمال الجميلة الخاص منها والمسموع وكل التمنيات له بالتوفيق في طريقه الفني والمواصلة في هذا الطريق الذي رسمه لنفسه ولو واصل الفنان عادل مسلم بهذا النسق فإنه لابد ولا بد سيكون الموسيقار القادم ..
Post: #2 Title: Re: عادل مُسلّم ..فنّان يستحق لقب الموسيقار .. Author: Ashraf el-Halabi Date: 06-17-2007, 10:38 AM Parent: #1
عمر الفاروق سلامات رغم إني دائما بنفر من إيقاع التم تم وبحس إنو رتيب لكن الغنية دي عجبتني جداً وسمعتها أكتر من مرة التطريب فيها عالي جدأ وأظن دا بسب صوت عادل مسلم القوي والمليان تطريب عادل مسلم من أول الناس في السودان الغنوا بمصاحبة الأورغ ويعتبر خبير فيهو زمان (قبل التطور في مجال الأورغ) لما كانت الإيقاعات فيهو محدودة كان بيضيف ويركب ليهو إيقاعات طبعاً هو قبل حيدر بورسودان ولما حيدر اشتهر وجا الخرطوم هو فضل في بورسودان وكان ولا زال فنانها الأول يطربني جداً صوت عادل مسلم فشكراً للهدية اللطيفة دي ولو عندك أغاني غيرها يا ريت تنزلها.
Post: #3 Title: Re: عادل مُسلّم ..فنّان يستحق لقب الموسيقار .. Author: Deng Date: 06-17-2007, 10:54 AM Parent: #1
وأنا أقول مستوى الفن ليه بالمستوى الهابط ده في السودان. أتاري واحد زي عمر الفاروق ده بقى يتكلم في الفن. هانت الزلابية ومساكين يا فنانين السودان البقيم عملكم عمر الفاروق.
دينق.
Post: #4 Title: Re: عادل مُسلّم ..فنّان يستحق لقب الموسيقار .. Author: اينانا Date: 06-17-2007, 12:15 PM Parent: #1
فعلا بيستحق لقب موسيقار..
أول مرة أسمع ليهو كانت من 3 أيام ..
كنت مع صديقي.. ماصدق انو دي اول مرة اسمع فيها لعادل مسلم..
عموما.. بالجد مبدع..
عندو غنية جميلة جدا...
وشوش نسيم ريدك سرى عانق جفوني مع النعاس أصبح حلم
إمتد ريدي مع الاغاني وذكرياتك في قليبا أصلو طيفك لحظة ما فكر عشم
الليل يطول واتمنى ما يطلع صباح
والمح عويناتك هناك يا غالية في وسط النجم
منك عبير الود يفوح ينزل رزاز الند علي
يفرح معاي فرح العمر طيفك معاي بيبتسم
والصندل المخمور عطور يعبق سماي
ونشوف عذارا الحي يشيلو الفال غنا
وإنتي الفرح تاج فوق جبينك مترسم
Post: #5 Title: Re: عادل مُسلّم ..فنّان يستحق لقب الموسيقار .. Author: Moawia Mohammed Date: 06-17-2007, 01:31 PM Parent: #1
الأخ عمر الفاروق فعلا عادل مسلم فنان كبير ويستحق هذا اللقب
Quote: طبعاً هو قبل حيدر بورسودان
الأخ أشرف ما اظن انو قبل حيدر بورتسودان
الأخت ايمان تفضلي
Post: #6 Title: Re: عادل مُسلّم ..فنّان يستحق لقب الموسيقار .. Author: هاشم نوريت Date: 06-17-2007, 01:38 PM Parent: #5
الفاروق دبايوا
Quote: ولكنّي سمعت أن معظم فنّاني بورتسودان ينادونه بالأستاذ حيدر بورتسودان وغيره .. [/QUOTE بداياته كانت فى الدورة المدرسية فى الثمانينات وبرع فى تقليد الاستاذ محمد الامين والاستاذ عادل اصلا من دنقلا ولكنه ولد وعاش فى بورتسودان هو شخصية هادئة جدا .
Post: #7 Title: Re: عادل مُسلّم ..فنّان يستحق لقب الموسيقار .. Author: اينانا Date: 06-17-2007, 01:55 PM Parent: #5
سملت يدك
Moawia Mohammed
تشكرات شديدة..
إيمان..
Post: #8 Title: Re: عادل مُسلّم ..فنّان يستحق لقب الموسيقار .. Author: عمر الفاروق Date: 06-17-2007, 06:28 PM Parent: #1
عن إذنكم يا حلوين ويا مشاركين نقول لي دينق ده تُر لا غادي ..باقي ده فن وذوق وما بيشبهك ..
Post: #9 Title: Re: عادل مُسلّم ..فنّان يستحق لقب الموسيقار .. Author: Elmosley Date: 06-17-2007, 06:53 PM Parent: #1
تعرف ياعمر فعلا عادل فنان ولكنك لم توفق في تقديم نموذج لكي تثبت انه موسيقار اعتقد ان كان هذا هو نهج اعماله حاليا فهو يتآخر عن اعماله في بداياته فقد عرفني به حيدر بورتسودان حينما كنت اعمل بحثي الميداني في الشرق 1988 فوجدت فيه موهبة كبيره والحان مبشره وفيها الجديد ولكن في هذه الاغنية رغم لطافتها لقلت لك انها من لحن القرشي ملحن الشفيع وشاعره ====================================== عادل ارجوك عد الي عادل محبتي
Post: #10 Title: Re: عادل مُسلّم ..فنّان يستحق لقب الموسيقار .. Author: نهال الطيب Date: 06-17-2007, 07:59 PM Parent: #9
يا سلام ياعمر على عادل مسلم فنان بحق ما سمعت أغانيه مع آمال النور غاية في الإبداع وطبعا الكواكب رائعة لكن اللحن على حد معرفتي ما لعادل بل هو لصلاح إدريس مرة كان في سهرة معاه هو وصلاح إدريس ومحمديه في النيل الأزرق قبل سنة كده واتغنت الأغاني دي كلها واتناقش موضوع الألحان دي
وأستاذ الموصلي ليك التقدير أكمله
Post: #17 Title: Re: عادل مُسلّم ..فنّان يستحق لقب الموسيقار .. Author: Elmosley Date: 06-18-2007, 02:40 PM Parent: #10
نهال ست الفن والتذوق والجمال لك التحية علي مواكبتك الرفيعة
Post: #11 Title: Re: عادل مُسلّم ..فنّان يستحق لقب الموسيقار .. Author: Kamal Mahjoob Date: 06-17-2007, 08:06 PM Parent: #9
عادل مسلم في العام 82 بالتحديد كنت أبحث عن شريط كاسيت لعادل مسلم .... في العام 84م جددت البحث عن الشريط وأرسله لي شقيقي من السودان حيث كنت طالبا بجمهورية مصر ... بعد ذلك وقبل اسبوع فقط كنت أبحث عن شريط جديد لعادل مسلم ولم أجده (2007) ... استمع لعادل بل وأترصد حضوره على الشاشة دائما ، كل شي جميل نادرا ما يطل ، لماذا؟ السؤال موجه لعادل في المقام الأول وللباحثين عن تقديم الفن الراقي في السودان أن يجتهدوا قليلا فلقد حرمنا عادل من الإستماع له رغم امكاناته الراقية وحضوره الأنيق ، ولقد زكم القائمين على الفن انوفنا بغبار يسمونه (تجاوزا) فن ... رسالة يجب أن نوجهها لعادل ، أن أخرج من هذا القمقم ماردا ملء السمع والبصر ولك تحياتي وأنا الآن أستمع لأغنية سجلتها يوم الجمعة من التلفزيون (علي كيفك تفوت ، على كيفك تعال )
Post: #12 Title: Re: عادل مُسلّم ..فنّان يستحق لقب الموسيقار .. Author: Deng Date: 06-17-2007, 09:16 PM Parent: #1
Quote: عن إذنكم يا حلوين ويا مشاركين نقول لي دينق ده تُر لا غادي ..باقي ده فن وذوق وما بيشبهك ..
عمر الفاروق.
نقدك للفن ده زي صلاح غريبة البقى صحفي في غفلة من الزمن. والله ناس الانقاذ ديل خربوا كل حاجة حتى الفن, ومسكين الفن والفنانين الذين يتم تقيمهم بواسطة عمر الفاروق.
دينق.
Post: #13 Title: Re: عادل مُسلّم ..فنّان يستحق لقب الموسيقار .. Author: عمر الفاروق Date: 06-18-2007, 12:20 PM
الأخ أشرف : شكراً جميلاً للمرور الراقي والإضافات الجميلة
اينانا : وشوش نسيم ريدك واحدة من الأغاني التي تطربني من الفنان عادل مسلسم خصوصاً وهو يردد (وشششش وش) ..
Quote: ولكن في هذه الاغنية رغم لطافتها لقلت لك انها من لحن القرشي ملحن الشفيع وشاعره
كل ما اقرأ ليك مداخلة بتطمنّي على أضاني الموسيقية فعلاً الأغنية ليست من ألحان عادل مسلم وهي لا تشبه الحانه ولكنك أضفت الجملة الجميلة جداً (لطيفة) وده فعلاً السبب اللي خلاني انزلها .. الأغنية من ألحان صلاح ادريس(وانا تعمدت عدم كتابة الشاعر لأنو عندي رأي في صلاح ادريس حا أفرد ليهو بوست منفصل إن شاء الله )
الأخت نهال: وين الحي بيك ؟ راميانا جبنة شوفتك .. المعلومات اللي ذكرتيها صحيحة والأغنية من الحان صلاح ادريس وليست لعادل مسلم لكن زي ما قال الموصلي هي اغنية لطيفة عشان كده نزلتها .. طن من التحايا..
Post: #14 Title: Re: عادل مُسلّم ..فنّان يستحق لقب الموسيقار .. Author: Hussein Mallasi Date: 06-18-2007, 12:35 PM Parent: #13
يا زول وكت قلت عليهو غناي يبقى أكيد غناي
Post: #15 Title: Re: عادل مُسلّم ..فنّان يستحق لقب الموسيقار .. Author: Ahmed Yousif Abu Harira Date: 06-18-2007, 12:46 PM Parent: #14
عادل فنان كبير يا عمر
وصوته جميل وأداؤه رائع
بس باقي لي ما وجد الرواج الاعلامي الذي يتناسب مع حجمه.
لدي شريط لعادل مسلم عمره أكثر من عشر سنوات ولا زالت اسمعه بنفس الاذن التي كنت اسمعه بها من زمان.
لم اتابع اعماله الجديدة لكنني واثق من ان خطه الذي انتهجه سيضعه في مصاف الفنانين الكبار.
تحياتي له عبركم ودمتم
Post: #16 Title: Re: عادل مُسلّم ..فنّان يستحق لقب الموسيقار .. Author: Elmosley Date: 06-18-2007, 02:35 PM Parent: #13
والله العظيم انا ما عارف الكاتبها ولا الملحنها منو وكمان المقدمه فيها حته صغيره من لما ترجع بالسلامه للسني الضوي بس مامشكلة هذا هو التقاطع بين الاجيال ااما اضانك فانا واثق فيها بس مرات بتسبح عكس التيار (والريح)
Post: #18 Title: Re: عادل مُسلّم ..فنّان يستحق لقب الموسيقار .. Author: عمر الفاروق Date: 06-18-2007, 03:00 PM Parent: #1
Quote: بس مرات بتسبح عكس التيار (والريح
ما سامع عادل مسلّم بيغني في شنو يا استاذ؟
البيخاف الموج بشيلو ..والبواصل العوم بيوصل ..
Post: #19 Title: Re: عادل مُسلّم ..فنّان يستحق لقب الموسيقار .. Author: يسرى معتصم Date: 06-18-2007, 09:47 PM Parent: #18
Quote: وأنا الآن أستمع لأغنية سجلتها يوم الجمعة من التلفزيون (علي كيفك تفوت ، على كيفك تعال )
Post: #20 Title: Re: عادل مُسلّم ..فنّان يستحق لقب الموسيقار .. Author: عماد شمت Date: 06-18-2007, 10:15 PM Parent: #19
فعلا اخ عمر الفاروق عادل مسلم فنان له امكانيات كبيره ادائه متميز
ومساحات في الصوت وتطريب ,,
عادل مسلم شاهدته في الدوره المدرسيه نهاية السبعينات وهو يتغني
باحدي روائع ابو الامين بالمناسبه كان مقلدا لود الامين ولو ما بتخوني الذاكره
عزفه علي العود باليد اليسري واعتقد هو قبل حيدر بورتسودان فقط حيدر
وجد الرواج قبله وكان سريعا في الظهور ..معليش المعلومات حفرتها من الذاكره
لطول غيابي من السودان لكن بامكانك تسأله من هذه المعلومات تكون صححت لي المعلومات
او علي الاقل تصحح ورقة الامتحان دي..
علي العموم تشكر علي هذه المساحه لهذا الفنان الجميل
لك ودادي
Post: #21 Title: Re: عادل مُسلّم ..فنّان يستحق لقب الموسيقار .. Author: Ashraf el-Halabi Date: 06-18-2007, 10:53 PM Parent: #1
معاوية
Quote: الأخ أشرف ما اظن انو قبل حيدر بورتسودان
أظن بعد كلام الفنان عماد عويس دا ما عندك كلام تاني!
Quote: عادل مسلم شاهدته في الدوره المدرسيه نهاية السبعينات وهو يتغني باحدي روائع ابو الامين بالمناسبه كان مقلدا لود الامين ولو ما بتخوني الذاكره عزفه علي العود باليد اليسري واعتقد هو قبل حيدر بورتسودان فقط حيدر وجد الرواج قبله وكان سريعا في الظهور ..معليش المعلومات حفرتها من الذاكره
شكراً ليك وليسري للغنيتين
يا فاروق الوجيه صلاح إدريس دا بعزف ياتو آلة..! يعني لما يجيهو الإلهام اللحني بسجلو بي شنو!؟ ما تقول لي بالكبريتة!!.. لأنه لو بيدخن المفروض ولاعته تكون ليزر
جميل إنو عادل مسلم عندو ألحان جديدة ودا الممكن يساعد على استمراريته بس يحاول يستعين بملحنين دارسين علشان يوظفوا إمكانياته الصوتية الهائلة دي مظبوط وياريت كمان يحاول يكتر من إيقاعات الشرق
Post: #22 Title: Re: عادل مُسلّم ..فنّان يستحق لقب الموسيقار .. Author: EL fahal Abdelatif Date: 06-18-2007, 11:17 PM Parent: #21
لم استمع لعادل مسلم من قبل .. لست فنانا..او موسيقيا...لكنى اجيد الاستماع.... ومع دا...الاحساس بالموسيقى خشم بيوت..والامزجة..بنات بيئاتها.. لكن الاغنية المقدمة هنا كنموذج .. حسب رأيى الشخصى.. ما فيها جديد موسيقى..ما فيها تميز موسيقى .. ربما الكلمات ليها عند البعض مضمون.... صوت الفنان جيد..فى رأيى .... اما الاغنية المختارة هنا..فهى فقيرة بمستوى الحوار الموسيقى...ورتيبة من ناحية اللحن...
Post: #23 Title: Re: عادل مُسلّم ..فنّان يستحق لقب الموسيقار .. Author: سلمى الشيخ سلامة Date: 06-19-2007, 04:37 AM Parent: #1
(ربما سيسحب البساط من الفنانين الكبار في طريقة تقديمه لأعماله وإهتمامه بتجويدها) هذا حكم قاسى يا صديقى والفن ليس فيه (ابسطة) بالعكس فيه تنافس لتقديم الجميل دائما ولا تتوقف حركته الا بتوقف الكائنات عن الحياة فمنذ ان نشا الفن وهو يختار ما يقدم الفنان لفنه وانسانيته( كل اشكال الفنون) حتى فى السودان كان الكاشف مفتاحا لكنه لم ينزع بساطا من احد بل كان احد دعامات الفن السودانى ليجئ بعد الكاشف فنانين استطاعوا ان يواصلوا مشوار فنهم الانسانى المشروع فالاحكام الصارخة كهكذا حكم تقضى على الفنان نفسه وتجعل منه شخص غير قابل للنقد او متقبل له فمحمد الامين او محمد وردى فنانين كبار لكن حتى الان لم يظهر ناقد يقول لهما ماهما مخطئان فيه موسييقيا على صعيد التاليف وصاروا فوق النقد مع احترامنا لهما لكن بالضرورة نحتاج الى وقفة مع فنهما كل الذى اود قوله ان لا احد فوق النقد وكل فنان يضع بصمة ومذاق خاص به لكنه ليس فوق النقد والا لما كان من جدوى لوجود فن النقد وما كنا سنقف على ارث الانسانية الفنى من خلال ما كتب فى النقد لك احترامى
Post: #24 Title: Re: عادل مُسلّم ..فنّان يستحق لقب الموسيقار .. Author: عبدالله وداعه الامين Date: 06-20-2007, 04:25 AM Parent: #23
