زواج جماعى وفرادى لعزابة وعزابيات سودانيز أونلاين.

زواج جماعى وفرادى لعزابة وعزابيات سودانيز أونلاين.


03-17-2008, 03:29 PM


  » http://sudaneseonline.com/cgi-bin/sdb/2bb.cgi?seq=msg&board=150&msg=1205767781&rn=0


Post: #1
Title: زواج جماعى وفرادى لعزابة وعزابيات سودانيز أونلاين.
Author: الرشيد البصيلى
Date: 03-17-2008, 03:29 PM

يا جماعة رايكم شنو فى الفكرة دى .... وهناك إقتراحات كثيرة ... يعنى مادام الناس عندها كمبيوترات وخاشة النت صباح ومساء معناها الحالة ميسورة ... يعنى النواحى المادية ليست هى الحاجز ... ثم ان شباب سودانيز أونلاين ناس ما فى فيهم كلام يعنى الطرفين .... تمام التمام ... إذا لماذا العزوبية ... البنون يا جماعة زينة الحياة الدنيا ....انا متأكد البيبى بتاع سودانيز اولانين يطلع كدا ويكابس الجماعة بفتكروا عايز يرضع يقوم يقول ليهم وينو الكيبورد ..... يلا يا جماعة شدو حيلكم ..

Post: #2
Title: Re: زواج جماعى وفرادى لعزابة وعزابيات سودانيز أونلاين.
Author: ombadda
Date: 03-17-2008, 05:53 PM
Parent: #1

سجل رقم واحد يا أخونا البصيلى
طبيب - 38 سنة(حالف أنا اذا تميت الأربعين سنة أكنسل الموضوع دة نهائى)
المواصفات المطلوبة:
أى بت حلال

Post: #3
Title: Re: زواج جماعى وفرادى لعزابة وعزابيات سودانيز أونلاين.
Author: محمد عثمان الحاج
Date: 03-17-2008, 06:06 PM
Parent: #2

تحياتي،،،

تعرف الواحد لو عجبتو واحدة من خلال كتاباتها حيكون خايف إنو شكلها ما يعجبو، والعضوات العزابيات عموما ضنينات بوضع صورهن خشية أن يتم العبث بها، ولهذا فالطريق مسدود، اللهم إلا إذا قام الباشمهندس بكري بعمل صفحة مخصصة للزواج يكون من شروطها وضع الصورة الحقيقية الحديثة وبطريقة بحيث لا يمكن تخزين تلك الصورة أو تنزيلها بأي طريقة مثلما هو متبع في مواقع الزواج الأخرى...

Post: #4
Title: Re: زواج جماعى وفرادى لعزابة وعزابيات سودانيز أونلاين.
Author: sami Alzubair
Date: 03-17-2008, 06:08 PM
Parent: #1

الرشيد اخوي
نان الناس دي فيشان تسو كلامك ده
لازمن وابدن من الشوف بالعين
باقي لي الخلق دي ما كلها زيني
وزي ما بقول المثل
ليس من راي كمن تونس اسفيريا


سامي

Post: #5
Title: Re: زواج جماعى وفرادى لعزابة وعزابيات سودانيز أونلاين.
Author: الزبير صالح الزبير
Date: 03-17-2008, 06:21 PM
Parent: #1

عنوان حاقد ومضمون حاسد
الحقد والحسد دة مقصود بية صديق الموج عديل كدة هسي الرشيد الكاتب البوست دة ما شايف سوات ناس صديق الموج ديل القطعو المنبر دة في راس البنوت وخلوهم طفشوا من المنبر دة
هسي فيها شنو لو شمل الناس العاوزين يدبلوا ويتلتوا مع العزابة والعزابيات ديل بدل التلفت دة
بعدين يالرشيد يا اخوي لو شملتهم كوم الدعوات بيكتر وحسناتك بتزيد
ولا ما كدة


يا شباب وحاتكم ....انا بالنيو لوك ... وجنب الزهور دى.......الحساد يمتنعون!!!!

Post: #6
Title: Re: زواج جماعى وفرادى لعزابة وعزابيات سودانيز أونلاين.
Author: Muna Khugali
Date: 03-17-2008, 06:31 PM
Parent: #5

بوست شكله دمه خفيف..
انا علي اي اتنين أو "تلاته" يعرسوا أجيب ليهم هديه معتبره..
يللا نشد من ازر المشروع مع التحيات..

Post: #7
Title: Re: زواج جماعى وفرادى لعزابة وعزابيات سودانيز أونلاين.
Author: الزبير صالح الزبير
Date: 03-17-2008, 06:44 PM
Parent: #1

Quote: انا علي اي اتنين أو "تلاته" يعرسوا أجيب ليهم هديه معتبره..


مني سلامات
انتي حيبي الهدية الأول مادام قلتي معتبرة وليكي علي...................