ماذا قال عبد الرحيم محمد حسين عن زيارته للسعودية حول كجبار .... (في بيت بكا)

يوم السبت (اول امبارح) مساء واثناء جلوسنا في عزاء
احدي قريباتناحضر السيد عبد الرحيم وزير الدفاع وبعد تقديم
واجب العزاء جلس وحوله مجموعة من الارزقية وبدأ يتحدث عن
زيارته للسعودية قائلا:
في البداية واجهونا بهتافات لا للسد لكن انا سكتهم
وقلت ليهم انت الواحد فيكم ليوه كم سنة قاعد هنا
ويتكلم عن السد ... انتو اولادكم وين اولادكم شافو البلد؟
يا قاعدين معاكم هنا يا قاعدين في الدروشاب وما بكونوا
شافوا البلد وما برطنو ....
وفي واحد اسمو صلاح محجوب اتكلم كلام انشاء كتير وهو زاتو
ما عندو دخل بي سد كجبار هو من السكوت وهنا انبري له
الارزقية قائلين (ده ما التسييس عاوزين يسيسوا الشغلة)
فقال ايوة تسييس لكن انا وضحت ليهم الحقائق قلت ليهم
ده ما تهجير السد ده اعادة توطين وعندما ساله احد الحاضرين
حتوطتنونا وين قال في سهل كوكا فيه 15 الف فدان وفي 30
الف فدان جنب الدبة حناخد 15 منها نوطن ناس المحس وبعدما
شرحت الحقائق الناس الكانوا بكوركوا سكتو وحتي في واحد
ما عارف اسمو التالت غريب كده (علمت لاحقا انه يقصد ولياب)
قالو ده المسؤول الاعلامي للمناهضة الدولية ده قال لينا
اذا كلامكم البتقولو فيه ده صاح احنا ما حنعارض السد....

وبعد داك قالوا لينا الشهداء قلت ليهم يا اخوانا ما في تنمية
من غير تضحيات احنا اخوانا الشهداء ناس الزبير محمد صالح واخوانهم
قدمو ارواحهم عشان البلد والناس الكتلوهم الليلة قاعدين معانا
مشاركننا في الحكم فلازم الناس تضحي عشان التنمية ....

ثم قال محاولا شق الناس يا اخوانا القري الحتغرق دي القري شمال
قرية اردوان غرق كامل اما جزيرة اردوان فالغرق حيكون بس في الجروف
وحتي جزيرة سمت ايضا الغرق في الجروف اما جنوب بدين او ابتداء من الحفير
ليس هنالك تاثير علي الاطلاق (هنا ساله احد الكبار كيف جروف اردوان حتغرق وسمت
وبدين البتغرق بي فيضان ما حتتاثر ) فقال ما سمت واردوان في مستوي واحد...

ثم قال احنا عايزين الناس الفي السعودية ديل نجيب زي عشرين منهم علي
حسابنا ونوديهم سد مروي عشان يشوفوا بي عينهم التنمية الحصلت ... احنا
بنعمل لي مصلحتهم يا اخوانا عاوزين ننميهم ... تصدقو قالو امبارح في
واحد من البرقيق جا لحدي الخرطوم بي عربية تيكو...

احد الطاعنين في السن كان يجلس بعيدا وسال عن ماهية حديث عبدالرحيم
فقالوا له انه يتحدث عن زيارته للسعودية حول سد كجبار فعلق في
لغة نوبية ساخرة (هو مش وزير دفاع ده سد ولا حرب)؟؟؟

لا تعليق!!!!!

سلام يا ادهم...

المقال ادناه يكشف كذب وزير الدفاع وانه طرف فى مؤامرة كبيرة لبيع الارض النوبية ام انه مخدوع وشايل القفة... المقال ادناه من صحيفة المصرى اليوم به تصريح لوزير الرى السودان من ان سدود مروى ودال وكجبار لتوليد الكهرباء فقط... من نصدق ؟ وزير الدفاع الذى يتحدث عن فوائد السدود ام وزير الرى المختص والعالم بخبايا الامور.. حتى اذا سلمنا بان وزير الرى عالم بخبايا الامور فقد يكون مثل طلعت فريد الذى خدعه المصريون وقالوا له ان 4 مليار متر مكعب من المياه يملأ دار الرياضة بالخرطوم فاقتنع !!!!!!

هذا البوست منقول من مكان أخر لتكملة الصورة..

وزير الدفاع عبدالرحيم محمد حسين (يبيع الموية فى حارة السقايين) ويكذب على الناس!

--------------------------------------------------------------------------------

فى لقائه بعدد من السودانيين وجلهم من من النوبيين فى مبنى السفارة السودانية بالرياض حاول الفريق عبدالرحيم محمد حسين خداع الناس باستدرار العواطف وايهامهم بانه اتى للحوار والتشاور بقلب وعقل مفتوحين وخلص الى ان سدى كجبار ودال قائمين

وفى المقال المرفق يصرح وزير الرى السودانى يصرح امام وزراء الرى لدول حوص النيل فى اجتماعهم بمصر ان سد مروى لإنتاج الكهرباء فقط وليس للرى وان مصر لن تتضر من السدود المقامة فى السودان!!!!

ايهما نصدق وزير الدفاع الذى ليس له صلة بالرى ام وزير الرى الذى يعرف خبايا الامور؟؟؟؟؟؟؟؟؟؟

انهم يريدون بيع الارض النوبية للاجانب وطرد النوبيين منها!!!!!

المقال ادناه:


جريدة المصرى اليوم
تاريخ الاثنين ١٧ مارس ٢٠٠٨ عدد ١٣٧٣
-الرئيسية | اخبــار الوطن

وزير الري السوداني: سد «مروي» لا يشكل خطورة علي مصر
اتفاق علي إقامة ١٠ سدود بالسودان وإثيوبيا لتوليد الكهرباء فقط
كتب متولى سالم ٦/٢/٢٠٠٦
أكد كمال علي وزير الموارد المائية السوداني، أن سد مروي بالسودان لا يشكل أي خطورة علي مصر، مشيراً إلي اتفاق البلدين علي إنشاء السد في إطار الهيئة الفنية المشتركة لمياه النيل ضمن حصة السودان التي تم الاتفاق عليها منذ عام ١٩٥٩
وذكر الوزير السوداني في تصريحات أدلي بها عقب الجلسة الثانية لاجتماعات دول حوض النيل الشرقي بشرم الشيخ أمس التي ترأسها وزير الموارد المائية والري محمود أبو زيد أنه ينتظر طبقاً للاتفاق بين دول الحوض ومن خلال المبادرة دراسة أكثر من عشرة مواقع لإقامة سدود بها في إثيوبيا والسودان، مؤكداً أن إقامة هذه السدود لأغراض توليد الكهرباء فقط. وأشار في هذا الصدد إلي أن من بين هذه المواقع منطقة دالي جنوبي نهاية حوض السد العالي، ومنطقة كجبار قرب الشلال الثالث والشلال الخامس عند منطقة الشريد والشلال السادس عند منطقة السبالوكة.
وشدد علي أنه تم خلال مباحثات شرم الشيخ الاتفاق علي أشياء كثيرة مثل مبدأ التعاون والاستغلال العادل لمياه النيل دون الإضرار بالدول الأخري وأيضاً الجوانب الخاصة بتبادل المعلومات.

وأوضح أن أحد أهم ملامح الاتفاقية الجديدة الالتزام بعدم المساس بالمنشآت المائية في حالات النزاع، وأن يتم حل النزاعات حول المياه ودياً، مشيراً إلي أن ٩٠ بالمائة من المبادئ الخاصة بإطار التعاون بين دول حوض النيل العشر متفق عليها وأن اللجنة التفاوضية تواصل البحث في الجوانب الخاصة بتعزيز التعاون والإطار المؤسسي والتعاوني لدول حوض النيل الشرقي.

وأضاف وزير الري السوداني أن اجتماعات شرم الشيخ مستمرة في دراسة الوصول إلي آراء توافقية بشأن نقاط الاختلاف وأوضاع الاتفاقيات القائمة وبعض الجوانب الفنية الأخري، مشدداً علي وجود التزام سياسي بضرورة الوصول إلي اتفاق تعاوني بين دول حوض النيل بما يبشر بمزيد من التعاون.

وعلي صعيد متصل ذكر كمال علي أن مصر والسودان تقومان حالياً بأعمال الرصد الهيدروليكي علي روافد نهر النيل في السودان ووضع نظم تشغيل الخزانات وموازنات السد العالي والخزانات السودانية وتقدير الإيراد السنوي المائي للنهر وروافده المختلفة بهدف استغلال كل دولة لحصتها من مياه النيل، مشيراً إلي وجود دراسات في هذا الشأن لمناطق نهر النيل العليا سواء داخل حدود الدولتين أو خارجهما.

وتناول علي موضوع الربط الكهربائي بين السودان وإثيوبيا في إطار المشروعات المتعددة الأغراض المنبثقة عن مبادرة حوض النيل التي تحقق منافع مشتركة لدول أعلي الحوض وجنوبه، سواء بين مصر والسودان وإثيوبيا أو المشروعات التي تقام في الدول الواقعة في حوض النيل الاستوائي.

وأكد في هذا الصدد أن البنك الدولي بصفته الجهة التي تقود المانحين والمنظمات لتمويل مشروعات حوض النيل الشرقي والإستوائي، رصد مبلغ ١٢٠ مليون دولار لمشروعات الرؤية المشتركة، موضحاً أن هذه المشروعات تشمل دراسات مشروعات الري والخزانات والربط الكهربائي وبناء القدرات ودراسات الفيضانات وآثار الجفاف والمنافع المشتركة للاتصالات وتبادل المعلومات والبيئة. وقال الوزير السوداني إن الدراسات التي يؤكد عليها البنك الدولي تشمل أيضاً الدراسات الاجتماعية الخاصة بالآثار البيئية لهذه المشروعات وهي مستمرة حتي الآن.
وأشار إلي استمرار أعمال التدريب في إطار بناء القدرات وإجراء الدراسات الخاصة بحماية الأحواض المغذية لروافد النيل من تعرية التربة والحد من انجراف الطمي إلي مصر والسودان والذي يؤثر سلبياً علي شبكات الري وسعة التخزين في الخزانات بالسودان والسد العالي بمصر.

جميع حقوق النشر محفوظة لدى مؤسسة المصرى اليوم
و يحظر نشر أو توزيع أو طبع أى مادة دون إذن مسبق من مؤسسة المصرى اليوم -
تعليق:
لاول مرة نرى وزير دفاع يبيع الموية فى حارة السقايين!!!!!

Quote: وذكر الوزير السوداني في تصريحات أدلي بها عقب الجلسة الثانية لاجتماعات دول حوض النيل الشرقي بشرم الشيخ أمس التي ترأسها وزير الموارد المائية والري محمود أبو زيد أنه ينتظر طبقاً للاتفاق بين دول الحوض ومن خلال المبادرة دراسة أكثر من عشرة مواقع لإقامة سدود بها في إثيوبيا والسودان، مؤكداً أن إقامة هذه السدود لأغراض توليد الكهرباء فقط. وأشار في هذا الصدد إلي أن من بين هذه المواقع منطقة دالي جنوبي نهاية حوض السد العالي، ومنطقة كجبار قرب الشلال الثالث والشلال الخامس عند منطقة الشريد والشلال السادس عند منطقة السبالوكة.

أدهم حبابك

Quote: (هو مش وزير دفاع ده سد ولا حرب)

مشروع حرب .. تبدأ بسد





أو




مشروع سد .. يبدأ بحرب









وفي الحالتين أنا ضايع

اهلنا بقولو للنيل (بحر)
ووزير الحرب افتكر انو من مهامو شؤون البحر لان بحر وحرب بينهم تشابه ... وقد يتشابه عليه البقر..
حاول وزير الحرب التقليل من شأن معارضى السدود وقال انه اسكتهم!!! انها الجرأة على الحق..

منان

Quote: في البداية واجهونا بهتافات لا للسد لكن انا سكتهم وقلت ليهم انت الواحد فيكم ليوه كم سنة قاعد هنا ويتكلم عن السد ... انتو اولادكم وين اولادكم شافو البلد؟ يا قاعدين معاكم هنا يا قاعدين في الدروشاب وما بكونوا شافوا البلد وما برطنو ....

والله عوير عوارة
إتخيلوا ديل الحاكمننا !!!!!

Quote: وفي واحد اسمو صلاح محجوب اتكلم كلام انشاء كتير وهو زاتو ما عندو دخل بي سد كجبار هو من السكوت

الاخ أدهم - سلام

ليس هنالك فرق بين السكوت وحلفا ودنقلا والمحس ، فكلنا نحمل الهم النوبي وسد كجبار ودال تهم كل نوبى
أما الدكتور صلاح على محجوب فهو نوبي حادب على مصلحة النوبة كلها ولا يفرق بين هذا وذاك
ويقطع من وقته الثمين لمتابعة هذه الامور بدون كلل ولا ملل فله التحية عبر هذا البوست

Quote: ليس هنالك فرق بين السكوت وحلفا ودنقلا والمحس ، فكلنا نحمل الهم النوبي وسد كجبار ودال تهم كل نوبى أما الدكتور صلاح على محجوب فهو نوبي حادب على مصلحة النوبة كلها ولا يفرق بين هذا وذاك ويقطع من وقته الثمين لمتابعة هذه الامور بدون كلل ولا ملل

حقا انحني لهذا الكلام الرائع لم تقل الا الحق ترهاقا

فنحن في وقت في امس الحاجة ان نعمل سويا لابعاد اي خطر غرق عن المنطقة ، وكل اهل السكوت يتعاملون مع سد كجبار باعتبارها مشكلتهم بجانب مشكلة سد دال
ولكن يبدو ان للحكومة اجندتها التي لم تفصح عنها في اجتماعها مع اهل المنطقة اذا كان هذا هو تعليق السيد الوزير في مناسبة عامة،
لذلك على الجميع ان يواصلوا العمل على منع كارثة الغرق عن بلدنا الحبيبة

وكل من يود المتابعة فهناك موقع عبري تبج الذي ظل صوتا عاليا امام ما تواجهه المنطقة من خطر السدود لا يفرقون بين كجبار ودال

والتحية لكل اهلنا البسطاء وادعو الله ان لا ياتي يوم نرى فيه البلد وقد دمرها هؤلاء

Quote: في البداية واجهونا بهتافات لا للسد لكن انا سكتهم وقلت ليهم انت الواحد فيكم ليوه كم سنة قاعد هنا ويتكلم عن السد ... انتو اولادكم وين اولادكم شافو البلد؟ يا قاعدين معاكم هنا يا قاعدين في الدروشاب وما بكونوا شافوا البلد وما برطنو ....

هم لقوا يقعدو فى البلد ورفضو؟؟
بلد مافيها رجال يقدل فيها عبد الرحيم..

Quote: (هو مش وزير دفاع ده سد ولا حرب)؟؟؟

(سدآ) علينا وفى الحروب نعامة،،،