Post: #1
Title: سيخسر المريخ نقاطاً في مباراته اليوم..
Author: عمر الفاروق
Date: 03-16-2008, 09:38 AM
Parent: #0
طالما الشغلانة جابت ليها أحاسيس و(مشاعير ) على قول اللمبي فأنا أشعر وأحس من قبل كم يوم إنو المريخ ربما يفقد نقاطاً في مباراته اليوم ضد الأهلي مدني في المباراة التي ستقام بإستاد مدني ..
ولو إستبعدنا إرهاب الحكام من قبل الإعلام المريخي اليوم وإستبعدنا إحتمال ميول تحكيمي لكفة المريخ فأنا إن شاء الله يتملكني شعور قوي بخسارة المريخ لنقطتين على أقل تقدير بتعادل وربما ذهبت بعيداً لتكون ثلاث نقاط كاااااملة بخسارة المريخ بإذن الله ..
عموماً سواء صدق توقعي أو خاب لكن الدوري الممتاز هذا العام لن تكون فيه رحلة الهلال والمريخ نزهة وسياحة وسيعاني الفريقين معاناة كبيرة جداً في الخروج بنقاط الأقاليم كاملة كما حدث العام السابق ومن شبه المؤكد ان تكون لفرق الاقاليم كلمة قوية في تحديد الفريق الفائز بالدوري الممتاز لهذا العام ..
من خلال المستويات التي قدمتها الفرق إضافة لسوء أرضيات ملاعب الأقاليم فإن خسارة الهلال والمريخ أو تعادلهم مع الاقاليم يحتاج فقط لوقت وإن كنت أتمنى أن يوفقنا الله في الخروج بالنقاط كاااااااملة في كل المباريات كما تعودنا في الهلال ..
ستظل مدني وعطبرة هي البعبع المخيف للقمة وستبدأ المعاناة منذ اليوم وربما يتجرع المريخ هزيمة مدوّية ستلقي بظلالها على المهرج (عفواً المدرب) المريخي الذي يقوم بمتصرفات أقل ما يمكن أن تقال عنها أنها حركات أراقوزية اعادتنا لزمن الحاوي والأراقوز..
ويكفي ما قام به عندما سدد طمبل ركلة الجزاء ضد هلال (بورتسودان)ورفض صاحبنا الأراجوز مشاهدة ضربة الجزاء وأدار وجهه بعيداً وحينها أدركت إما ان هذا المدرب إعتقد ان هذا الهلال هو هلال السودان سيد البلد أو ان المباراة مباراة في نهائي افريقيا ..
تخريمة :
الله يدّينا الفي مرادنا ..
|
Post: #2
Title: Re: سيخسر المريخ نقاطاً في مباراته اليوم..
Author: wadah beshier
Date: 03-16-2008, 09:46 AM
Parent: #1
| Quote: الله يدّينا الفي مرادنا |
آآآمين
|
Post: #3
Title: Re: سيخسر المريخ نقاطاً في مباراته اليوم..
Author: abuguta
Date: 03-16-2008, 09:55 AM
Parent: #2
انت قايل نفسك متابع الدورى الاسبانى
ياخى قوم,,شوف غيرها
مريخ عظيم يتغلب من حمام ميت دى بتحصل وين
الممتاز حقهم حقهم ,,كل من صلاح ادريس
لقدام
|
Post: #4
Title: Re: سيخسر المريخ نقاطاً في مباراته اليوم..
Author: عمر الفاروق
Date: 03-16-2008, 09:57 AM
Parent: #1
وضّاح:
المريخ في الموسم السابق فاز بي كرامة البليلة على الأهلي 3-1 بعد أن قدم الأهلي أروع مباراة له في المواسم الأخيرة ولولا ظلم التحكيم يوها بصرف ضربتيّ جزاء الأهلي لفاز الأهلي على المريخ3-1 وليس العكس ..
ونقول يااااااااااااااا رب ..
|
Post: #5
Title: Re: سيخسر المريخ نقاطاً في مباراته اليوم..
Author: Maawya Hussein
Date: 03-16-2008, 10:00 AM
Parent: #1
لاعتبارا ت لابن المنطقه الوجيه جمال الوالي سيكرم الاهلي مدني المريخ
في بورتسودان سيفقد المريخ 6 نقاط
|
Post: #6
Title: Re: سيخسر المريخ نقاطاً في مباراته اليوم..
Author: عمر الفاروق
Date: 03-16-2008, 10:02 AM
Parent: #1
يا ابقوتة:
| Quote: الممتاز حقهم حقهم ,,كل من صلاح ادريس |
الكلام ده في الشاشة الغشاشة ..
لكن إن شاء الله السداسية لينا والكاس كاسنا ونحن اهلو بنستاااااهلو ..
الإتحاد العام ينتظر تعثر المريخ ليلغي برمجة الهلال والنيل لتنزل برداً وسلاماً على المريخاب ..
عليه اتمنى أن يستعجل الهلال في النظر في مباراة النيل الحصاحيصا حتى نخرج من دائرة الترضيات وطاقية داك في راس ده ..
|
Post: #7
Title: Re: سيخسر المريخ نقاطاً في مباراته اليوم..
Author: ابو عثمان
Date: 03-16-2008, 10:06 AM
Parent: #1
تــــــــــــــــحلمون
ودالفاروق
سلامات
مشكلتكم انكم تكرهون المريخ اكثر من حبكم لفريقكم!!
طالما حبيبنا داريو كان موجود -عوجه تب مافي .
والايام بيننا
تحياتي
|
Post: #8
Title: Re: سيخسر المريخ نقاطاً في مباراته اليوم..
Author: tmbis
Date: 03-16-2008, 10:06 AM
Parent: #1
| Quote: ويكفي ما قام به عندما سدد طمبل ركلة الجزاء ضد هلال (بورتسودان)ورفض صاحبنا الأراجوز مشاهدة ضربة الجزاء وأدار وجهه بعيداً وحينها أدركت إما ان هذا المدرب إعتقد ان هذا الهلال هو هلال السودان سيد البلد أو ان المباراة مباراة في نهائي افريقيا .. |
لا دقيقة يا عمــر  .. إنت ليه ما بتكلمني بالحاجات دي ..؟
بلاي الزول دا عمل كدا ...؟
والله حبابو .. الموسم الفات كانت ( طليع لســان ) و ( دنقــران ) في الواطه .. السنة دي جابت ليها جري جوه الميدان (وقبيل وش )..؟؟
والله يا طلحــة عبد الله .. مسكنتكم فايته الحد..
|
Post: #9
Title: Re: سيخسر المريخ نقاطاً في مباراته اليوم..
Author: عمر الفاروق
Date: 03-16-2008, 10:13 AM
Parent: #1
| Quote: لاعتبارا ت لابن المنطقه الوجيه جمال الوالي سيكرم الاهلي مدني المريخ |
خوفي الأكبر من الفاتح النقر الذي يعشق التكتل الدفاعي ويتندق وينجح في ذلك للحد البعيد في الشوط الأول وجزء من الثاني ثم ينهار تماااااااااماً ..
الاهلي فريق يتمتع بقوة هجومية ضارية ولاعبو وسط من طراز الفنانين ..
وفداسي بعيدة من مدني حبببببببة 
| Quote: في بورتسودان سيفقد المريخ 6 نقاط |
وفي عطبرة 3 إن شاء الله
علي نقاط مدني دي معناها المريخ السنة دي الرابع..
|
Post: #18
Title: Re: سيخسر المريخ نقاطاً في مباراته اليوم..
Author: gamal elsadig
Date: 03-16-2008, 10:54 AM
Parent: #9
.
| Quote: فأنا أشعر وأحس من قبل كم يوم إنو المريخ ربما يفقد نقاطاً في مباراته اليوم ضد الأهلي مدني في المباراة التي ستقام بإستاد مدني .. |
والله كلام ...يا ابو شعور واحاسيس (قديمة) ...وقديمة دي لانو كل (احاسيسكم) منذ خروجكم من ضلع
المريخ (الاعوج) قبل سنيين وانتو بتحسو انة المريح حيتغلب في كل مباراة يلعبها بل وتتمنوا
ذلك وكالعادة دائماً ترتد (احاسيسكم) اليكم ...والمريخ الزعيم سيد اسياد البلد والبلاد المجاورة
يحقق الكاسات بكل انواعها وبكل وسائل( حملها) براً وجواً وبحراً....
وهي نفس احاسيسكم وشعوركم البتخليكم دائما غالبين وجايبين الكاسات من بره ...يااااخ احساسك ده
إحساس (صفري) عديل كده...
| Quote: إضافة لسوء أرضيات ملاعب الأقاليم |
كلام عجيب ... يعني سوء ارضية المعلب يتسبب في خسارة الخصم ...اذاً وحسب كلامك الهلال هو المستفيد
الاول من هذه (الخاصية) ...ملعب استاد الهلال اسواء من ملعب استاد الحصاحيصا وطبعاًده كلام (شداد)
وبالمناسبة ملعب الحصاحيصا سيئ جدا ً جداً جداً .... يعني الاحتفال بالمئوية( المزعومة) السبب الاساسي فيها ملعب(الزريبة)...ماتخلو عندكم (احساس) وتصلحو الاستاد (الوسخان) ده ووسخان دي قالها الرشيد على عمر الصحفي الهلالي ...وكان صادقاً ....
فاروق ...كدي ورينا (إحساسك) شنو؟؟ لو المعز ما ادوه باقي قروشو وقطعة الارض؟؟؟ و(مشاعرك)
كيف لو ما كلتشي خلى (الحردان) ورجع تاني...
(ونبضاتك) قدر شنو ...والزعيم اليوم يجندل اهلى مدني اليوم ...و(حنانك) كيف والمريخ سيد البلد يفوز بكاس الدوري بدون تعادل او هزيمة ويفوز بكاس السودان وكأس الكونفدرالية ..ومعدل (غيظك) قدر شنو وجماهير المريخ الصفوة تحتفل بكل هذه الكاسات من فوق الطااااااااابق الثاني ....
عيشوا بغيظكم وماتموتو ...عشان تغتاظو كمان وكمان .......
.
|
Post: #10
Title: Re: سيخسر المريخ نقاطاً في مباراته اليوم..
Author: عمر الفاروق
Date: 03-16-2008, 10:22 AM
Parent: #1
ابو عثمان :
| Quote: طالما حبيبنا داريو كان موجود -عوجه تب مافي . |
البيقرا كلامك ده يقول داريو كان ده مسجل ليهو إسبوعين أو إنتو ليكم خمسة سنوات بتشيلوا الممتاز..
داريو ده نحن خاتّنو ليكم عشان كاس السودان تحلّوا بيهو وخشمكم ما يكون ملح ملح
لكن في الممتاز (الدايرو) كان..
تخريمة :
قال شعبولّة :
انا بكره المريخ وحا أولها لو حتسئل ..
إن شاء الله اموت أتيل أو أخش المعتأل ..
وهييييييييييييييييييييييييه ..
|
Post: #12
Title: Re: سيخسر المريخ نقاطاً في مباراته اليوم..
Author: فيصل نوبي
Date: 03-16-2008, 10:33 AM
ياخ القضية محسومة يا ود الفاروق يا صاحبي
العجب يقع و ضربة الجزاء تجيب ليهم التعادل بعد ما يكونو مغلوبين واحد صفر
لكن يا تري هل سيحافظو علي النتيجة ولا ح يتردمو اتنين تاني !!
_
اصلو ده موسم التلاتات
|
Post: #11
Title: Re: سيخسر المريخ نقاطاً في مباراته اليوم..
Author: عمر الفاروق
Date: 03-16-2008, 10:27 AM
Parent: #1
| Quote: لا دقيقة يا عمــر .. إنت ليه ما بتكلمني بالحاجات دي ..؟ |
يا تمبس ياخ ولااااااا تزعل روحك ..
هاك دي طيب:
زولك الأراقوز عاملين معاهو لقاء قبل كم يوم قاموا سألوهو وقالوا ليهو صحي إنت شاكلت (باولينو) بين الشوطين ؟
قال ليهم لالالالا بالعكس باولينو ممتاز بس مارّي بي مشاكل وعندو نفسيات وما بينوم الليل انا حارس نجومو والسبب فقدانه لي اتوفيستر لأنو اللاعب كان صديق اتوفيستر أكتر من إنو مدربو لكن انا مدربو أكتر من إني صديقو
شوفت (الدرعة) دي كيف يا تمبس ..
وزي ما بتقول الأستاذة ندى القلعة :
الرييييييييييدة في قلبي جووووووووووووة وعايزا تبقا خووووووووووووووووووة ..
|
Post: #13
Title: Re: سيخسر المريخ نقاطاً في مباراته اليوم..
Author: essam&amal
Date: 03-16-2008, 10:35 AM
Parent: #1
اللهم آميييييييييييييييييييييييييين
لكن بينى وبينك الوصافة الليها خمسة سنين دى كفاهم
قالوا الروووووووووووووووووووووووووب
ارحموهم فى الارض يرحمكم من فى السماء
ادوها ليهم هدية خلوهم يرفعوا راسهم حبة
خمسة سنين واكتر تعبوا من كلمة الوصيف دى
تحياتى لكل اسياد البلد { الهلالالالالالالالالاب }
ام وضاح
الهلالابية ابا عن ام عن جد عن عم عن خال عن انساب عن زوج عن اولاد
والى ما شاء الله .........
تحياتى الفاروق
|
Post: #14
Title: Re: سيخسر المريخ نقاطاً في مباراته اليوم..
Author: عمر الفاروق
Date: 03-16-2008, 10:40 AM
Parent: #1
نوبي يا صديق:
| Quote: العجب يقع و ضربة الجزاء تجيب ليهم التعادل بعد ما يكونو مغلوبين واحد صفر |
وقعة العجب حا تقلل الفارق لي هدف بعد ما كانوا خسرانين بي هدفين
المشكلة كلها في البرازيلي العندو نفسيات ومفتقد صديقه اتوفيستر ده ..
انا خايف تجيهو خاطرة يشوف وش اتوفيستر وهو بيلحس في لسانو يقوم يشوتها من السنتر تقد الشبكة ..
|
Post: #15
Title: Re: سيخسر المريخ نقاطاً في مباراته اليوم..
Author: عمر الفاروق
Date: 03-16-2008, 10:42 AM
Parent: #1
Quote: ام وضاح
الهلالابية ابا عن ام عن جد عن عم عن خال عن انساب عن زوج عن اولاد
والى ما شاء الله ......... |
يا سلاااام عليك يا ام وضاح ياخ ..
بس ما شايفك جبتي سيرة لي حبوبتك !!! أوعا تكون كانت مع التانيين
|
Post: #16
Title: Re: سيخسر المريخ نقاطاً في مباراته اليوم..
Author: ismeil abbas
Date: 03-16-2008, 10:49 AM
Parent: #1
الحبيب/عمر الفاروق
................................
ربنا يحقق ما تحسه وتشعر به.من أشياء الطيبة زى دى..
.....................................................
مودتى..
إسماعيل محمد احمد عباس................................
|
Post: #17
Title: Re: سيخسر المريخ نقاطاً في مباراته اليوم..
Author: عمر الفاروق
Date: 03-16-2008, 10:54 AM
Parent: #1
اسماعيل باشا:
| Quote: ربنا يحقق ما تحسه وتشعر به.من أشياء الطيبة زى دى.. |
والطيبون للطيبات ..
|
Post: #19
Title: Re: سيخسر المريخ نقاطاً في مباراته اليوم..
Author: شهاب الفاتح عثمان
Date: 03-16-2008, 10:59 AM
Parent: #1
عمــر ايهــا المبدع المنجـــم
قل لشعيـــولا ان لا يقــول اكره وان يستبدلهـــا بلا احب , واحــد .
اثنين انا لا احب اطـلاقا مستوى الكـره السودانيه حاليــا , وملاعب الاقاليــم ماساه تعكس حال فرقهــا
وتصور ان فرق القمه _ كمـا يحلو لنــا مناداتهــا _تتدرب في ملاعب ليق سيئه لمواكبه الوضع
كما فعل المـريخ هذا الاسبوع .
ونعلم ان حتى ملاعبنا الاولى شديده البعــد عن العــالم .. فعن اي مستــوى نتكــلم ?!.
ثلاثه اصابتنـا فقط بفيروس مزمن هـو سر متابعتنــا لهذا العك ..
ملاحظه اخيره
النجوم في حاله بناء نجمي لكن هــذا لا يمنع ان تكــون نتيجه المباراه لصالح النجــوم
بعدد ملاحظــاتي اعلاه
شكرا لاشراكنا في توقعك الذي نتمنى الا يصـــدق .
ونـدعـوان يشفى الكره السودانيه ويشفينا .
_______________________________________________
ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كوالالمبـور
|
Post: #20
Title: Re: سيخسر المريخ نقاطاً في مباراته اليوم..
Author: طلحة عبدالله
Date: 03-16-2008, 11:06 AM
Parent: #1
Quote:
طالما الشغلانة جابت ليها أحاسيس ..سيخسر المريخ نقاطاً في مباراته اليوم
|
غايتو يا عمر الفاروق لي عليك أجيب ليك جردل موية باردة من الفريزر عشان أساعدك في بل احاسيسك دي بعد المباراة ..
بس بلاي ما تنسي صاحبك تمبس لانو بكون العطش منشف ريقو عديل كدا ..
أشرب انت وتمبس ومن لف لفكما كما تشاؤون وبقدر ما تقدرون من احاسيسكم المبلولة في موية باردة .
هنئيا لكم شراب موية الأحاسيس (المدفونة في حتة كدا).
|
Post: #21
Title: Re: سيخسر المريخ نقاطاً في مباراته اليوم..
Author: عمر الفاروق
Date: 03-16-2008, 11:08 AM
Parent: #1
جيمي ..جيمي..جيمي..اجاااااااا .اجااااااااااا
ده إنت قايلني هندي ولا شنو
Quote: والله كلام ...يا ابو شعور واحاسيس (قديمة) ...وقديمة دي لانو كل (احاسيسكم) منذ خروجكم من ضلع
المريخ (الاعوج) قبل سنيين وانتو بتحسو انة المريح حيتغلب في كل مباراة يلعبها بل وتتمنوا
ذلك وكالعادة دائماً ترتد (احاسيسكم) اليكم ...والمريخ الزعيم سيد اسياد البلد والبلاد المجاورة
يحقق الكاسات بكل انواعها وبكل وسائل( حملها) براً وجواً وبحراً....
وهي نفس احاسيسكم وشعوركم البتخليكم دائما غالبين وجايبين الكاسات من بره ...يااااخ احساسك ده
إحساس (صفري) عديل كده... |
الغريب وعجيب إنو أحاسيسنا دي ليها خمسة سنوات بتصدق ولينا خمممممسة سنة بنقول عندنا إحساس المريخ ما حايشيل الممتاز ولينا خممممسة سنة بنقول الهلال ما بيخسر في ارضه ولينا خممممسة سنة بنقول المريخ ده شغال بي نظام (الكاس ده تشيفي لكن ما تشيلي)..
اخر احاسيسي كانت لمن المريخ لعب ضد الموردة ..ياخ كان عندي إحساس عجييييييب الصيني واللأمونيوم والبايركس حا يعمل حاجة ..
شوفتني كيف وانا عمر إحساس..؟
أججججنننننننننن وانا عمر إحساس..
| Quote: اذاً وحسب كلامك الهلال هو المستفيد الاول من هذه (الخاصية) ...ملعب استاد الهلال اسواء من ملعب استاد الحصاحيصا وطبعاًده كلام (شداد) |
ده كلام زعل إنت مااااااااااا بتقصدو ..
| Quote: وبالمناسبة ملعب الحصاحيصا سيئ جدا ً جداً جداً .... يعني الاحتفال بالمئوية( المزعومة) السبب الاساسي فيها ملعب(الزريبة)...ماتخلو عندكم (احساس) وتصلحو الاستاد (الوسخان) ده ووسخان دي قالها الرشيد على عمر الصحفي الهلالي ...وكان صادقاً .... |
نحن بنتكلم عن الأرضية ما عن الوساخة ومهما كان فارضية استاد الهلال هي الافضل بعد إستاد المريخ
Quote: فاروق ...كدي ورينا (إحساسك) شنو؟؟ لو المعز ما ادوه باقي قروشو وقطعة الارض؟؟؟ و(مشاعرك)
كيف لو ما كلتشي خلى (الحردان) ورجع تاني...
(ونبضاتك) قدر شنو ...والزعيم اليوم يجندل اهلى مدني اليوم ...و(حنانك) كيف والمريخ سيد البلد يفوز بكاس الدوري بدون تعادل او هزيمة ويفوز بكاس السودان وكأس الكونفدرالية ..ومعدل (غيظك) قدر شنو وجماهير المريخ الصفوة تحتفل بكل هذه الكاسات من فوق الطااااااااابق الثاني ....
عيشوا بغيظكم وماتموتو ...عشان تغتاظو كمان وكمان ....... |
ممكن أأجل شعوري ؟
دي على وزن ممكن أهدي
|
Post: #23
Title: Re: سيخسر المريخ نقاطاً في مباراته اليوم..
Author: gamal elsadig
Date: 03-16-2008, 12:06 PM
Parent: #21
.
Quote: جيمي ..جيمي..جيمي..اجاااااااا .اجااااااااااا
ده إنت قايلني هندي ولا شنو |
لا لا لا ياعمر (إحساس) عارفك هلالابي ... اصلو (الفلم) باين من (الوانه) ..
| Quote: نحن بنتكلم عن الأرضية ما عن الوساخة ومهما كان فارضية استاد الهلال هي الافضل بعد إستاد المريخ |
إعتراف مهم من (حساسابي) ...يعني وصافتكم حتى في الارضية  ....بعدين شنو رافع الكلفة
كدى وبتقول (بعد استاد المريخ) وبدون القاب ...لازم تقول المريخ مسبوقة بالزعيم او سيد البلد
او صاحب الكاسات المحمولة جواً...الخ 
عمر إحساس ...زول هوي يمة ...المريخ ده ماااااابتلحق جدعو ساي ...
.
|
Post: #22
Title: Re: سيخسر المريخ نقاطاً في مباراته اليوم..
Author: haleem
Date: 03-16-2008, 12:03 PM
Parent: #1
عمر
النقر ليه تلاتة يوم شغال تدريب عكسيات بس...
عائد عائد يا بهاء
|
Post: #24
Title: Re: سيخسر المريخ نقاطاً في مباراته اليوم..
Author: عمر الفاروق
Date: 03-16-2008, 03:40 PM
Parent: #1
دكتور شهاب:
الجميل البيشبهنا ..
مشكور يا سيدي على المداخلة الراقية بس إتذكّر معاي
ليس كل ما يتمناه المرء يدركه
|
Post: #25
Title: Re: سيخسر المريخ نقاطاً في مباراته اليوم..
Author: ود المايقوما
Date: 03-16-2008, 04:26 PM
Parent: #1
الفاروق
حبيبنا ..
ان شاء الله الفوز للزعيم ...
بس مارويتنا :
الهلال والامل في عطبرة متين ؟؟؟
تحياتي يازول يارائع
|
Post: #26
Title: Re: سيخسر المريخ نقاطاً في مباراته اليوم..
Author: osman abdala
Date: 03-16-2008, 04:58 PM
Parent: #1
مبروك يا عمر الفاروق 1/ صفر
لكن لسيد البلد....
اشرب جك موية عديل...
وتاني اتغطي كويس عشان احساسك يظبط...
باقي لي بقيت تهضرب..
|
Post: #27
Title: Re: سيخسر المريخ نقاطاً في مباراته اليوم..
Author: waw
Date: 03-16-2008, 05:16 PM
Parent: #26
الاخ فارق .......
توقعات خطيرة ...........
التوقع ماركة اصلية لفوزي .................
|
Post: #28
Title: Re: سيخسر المريخ نقاطاً في مباراته اليوم..
Author: Ahmed Alrayah
Date: 03-16-2008, 06:06 PM
Parent: #1
| Quote: سيخسر المريخ نقاطاً في مباراته اليوم |
أسي يا عمر الفاروق كان قلت (إن شاء الله) فيها شنو؟
|
Post: #29
Title: Re: سيخسر المريخ نقاطاً في مباراته اليوم..
Author: keiga2000
Date: 03-16-2008, 06:26 PM
Parent: #28
عليك الله هسع كانت فتحت بوست قلت يارب المريخ يهزم ماكان احسن ليك
انتو كان عندكم دعوة بتستجاب كان جبتو ليكم كاس خارجي يا اصحاب
الصفرررررررررررررررررررررررر الدوليييييييييييييييييييييييييييييييييييييييييييييي
ياملطشة ويافضائح الكوره السودانية
المريخ دا انتو مفروض تركعوا ليه اجلالا واحتراما على ما انجزه لكم من انجازات وكااسات محموله جوا
كتروا لينا من دعواتكم المستجابه دي تاني طوالي
هههههههههههههههههههههههههه تاني تعال بدري
ياكادوقلي
كرهكم للمريخ البطل لن يزيدكم شبر من صفركم الدولي
ابومصطفى
|
Post: #30
Title: Re: سيخسر المريخ نقاطاً في مباراته اليوم..
Author: عمر الفاروق
Date: 03-16-2008, 07:41 PM
Parent: #1
لحظة نقاطع ليكم احمد الريح ده ..
| Quote: فأنا إن شاء الله يتملكني شعور قوي بخسارة المريخ لنقطتين على أقل تقدير بتعادل وربما ذهبت بعيداً لتكون ثلاث نقاط كاااااملة بخسارة المريخ بإذن الله .. |
حاجات زي دي ما بتفوت على أخوك لكن نسوي شنو الظاهر دي دعوة المسلم على أخيه المسلم
|
Post: #31
Title: Re: سيخسر المريخ نقاطاً في مباراته اليوم..
Author: عمر الفاروق
Date: 03-16-2008, 07:49 PM
Parent: #1
بالمناسبة انا لسة ما فقدت الأمل ونشوف لحدي بكرة إمكن يكون في شكوى ولا حاجة
|
Post: #40
Title: Re: سيخسر المريخ نقاطاً في مباراته اليوم..
Author: عماد محمود علي
Date: 03-17-2008, 10:11 AM
Parent: #31
| Quote: بالمناسبة انا لسة ما فقدت الأمل |
الأمل عطبرة ؟!!!!!!!! قرقرقرقرقرقر هههههههههه .
هاك الجمال ده :
 شخبطة : الما بيأكل بيده ما بشبع .......
|
Post: #32
Title: Re: سيخسر المريخ نقاطاً في مباراته اليوم..
Author: ابو عثمان
Date: 03-17-2008, 07:32 AM
Parent: #1
Quote: طالما الشغلانة جابت ليها أحاسيس و(مشاعير ) على قول اللمبي فأنا أشعر وأحس من قبل كم يوم إنو المريخ ربما يفقد نقاطاً في مباراته اليوم ضد الأهلي مدني في المباراة التي ستقام بإستاد مدني ..
ولو إستبعدنا إرهاب الحكام من قبل الإعلام المريخي اليوم وإستبعدنا إحتمال ميول تحكيمي لكفة المريخ فأنا إن شاء الله يتملكني شعور قوي بخسارة المريخ لنقطتين على أقل تقدير بتعادل وربما ذهبت بعيداً لتكون ثلاث نقاط كاااااملة بخسارة المريخ بإذن الله .. |
عمر الفاروق
احساسك طلع زي احساس محمد احساس
احلي مافي انتصارالأمس ان الهدف قد احرز بولدكم ( طمبل) الذي ودع الفلس الي غير رجعة
|
Post: #33
Title: Re: سيخسر المريخ نقاطاً في مباراته اليوم..
Author: طلحة عبدالله
Date: 03-17-2008, 08:12 AM
Parent: #1
Quote:
غايتو يا عمر الفاروق لي عليك أجيب ليك جردل موية باردة من الفريزر عشان أساعدك في بل احاسيسك دي بعد المباراة ..
بس بلاي ما تنسي صاحبك تمبس لانو بكون العطش منشف ريقو عديل كدا ..
أشرب انت وتمبس ومن لف لفكما كما تشاؤون وبقدر ما تقدرون من احاسيسكم المبلولة في موية باردة .
هنئيا لكم شراب موية الأحاسيس (المدفونة في حتة كدا).
|
ابو لحاسيس عمر الفاروق
تكون انت وتمبس ومن لف لفكما طالبني جردل موية عشان تبلوا فيهو لحاسيسكم وتكرعوا مويتو حد الثمالة . .
قال احساس قال..
يا ود لا ..
تكون قايل نفسك فوزي المرضي . 
|
Post: #34
Title: Re: سيخسر المريخ نقاطاً في مباراته اليوم..
Author: حمزاوي
Date: 03-17-2008, 08:30 AM
Parent: #1
كيفك
يا عمر
احساس
|
Post: #35
Title: Re: سيخسر المريخ نقاطاً في مباراته اليوم..
Author: سامى عبد الوهاب مكى
Date: 03-17-2008, 08:58 AM
Parent: #1
لا حولة ولا قوة إلا بالله العلي العظيم!!
عمر الفاروق صاحبي حاسي وانا ما عارف!!
ألف لا بأس عليك يا حبيب!!
شدة وتزول ...لوك الصبر!!
اقول ليك حاجة لوك ليك حاجة تانية غير الصبر!!
لانه الصبر دا مع مرارة طعمه بقي عندكم ذااااته ما عندو اي طعم من شدة((اللواكة)) يا لواكيــــــــن.
قلت لي حاسي وكمان زي ما قال ليك جمال رافع الكلفة!!
وبتقول بعد(استاد) المريخ حااااااااف كدة...يا شيخ عبر عن مشاعرك الجميلة العبرت بيها بعد زيارتكم..للرد كاسل معقل زعيم وسيد البلد..الأب الشرعي للهلال وأعظم فرق السودان معشوق الصفوة ومفخرة البلاد حفظه الله ورعاه!!
يا عمر خليك من ثاني ارضية ورينا الموية جات ولا لسه..وزي ما كتب بابكر سلك اليوم((هاك الحجر دا)) في شان تقطعو الجمار..بس ...اوعك تطقع بيه..لا يا رشاشة خت الحجر!!
يا عمر خلو كبرياء الجاهلية دا وفكروا بي طايوقكم دا واعرفو الفرق بينا وبينكم شنو...والله يا عمر لا عاوز اغيظك ولا اقلقلك ولا اتحسس ليك...انا على يقين أنه لا مقارنة على الاطلاق مابين المريخ والهلال...وخليك من (الحنك البيش) بتاع الممتاز وعلى التوالي لانه جزء فقط مما يجيب ان تتضمنه المقارنة.
يا عمر الفاروق تظلمو الهلال لو قارنتوه بالمريخ..أو على الاقل بتغشو في روحكم ساكت!!
ودا كلام ما بيعملوه إلا الهلالاب وفي السودان.
الزعامة والسيادة لها مقومات!!
قال بعد استاذ المريخ وحاسي!!
كدي حس لينا في حكاية كل مية في قصرية والاباريق في الطريق وسنحاول(الحفاض) على مستوى الهلال ولعيبتكم القربو يعملو ليهم قسطرة لعدم توفر(المراحيض) يا نادي ما عندوش حمام.
|
Post: #36
Title: Re: سيخسر المريخ نقاطاً في مباراته اليوم..
Author: عمر عبد الخالق سعيد
Date: 03-17-2008, 09:44 AM
Parent: #1
بداية دمار الكرة السودانية من انديكم
|
Post: #37
Title: Re: سيخسر المريخ نقاطاً في مباراته اليوم..
Author: عمر عبد الخالق سعيد
Date: 03-17-2008, 09:45 AM
Parent: #1
|
Post: #38
Title: Re: سيخسر المريخ نقاطاً في مباراته اليوم..
Author: سامى عبد الوهاب مكى
Date: 03-17-2008, 09:52 AM
Parent: #1
يا عمر عبد الخالق راعي احاسيس سميك
|
Post: #39
Title: Re: سيخسر المريخ نقاطاً في مباراته اليوم..
Author: سامى عبد الوهاب مكى
Date: 03-17-2008, 10:06 AM
Parent: #1
وبدون مراعاة لاي أحاسيس هاك يا عمر!!
|
Post: #41
Title: Re: سيخسر المريخ نقاطاً في مباراته اليوم..
Author: عمر الفاروق
Date: 03-17-2008, 10:24 AM
Parent: #1
زولكم ده متخلّف ولا شنو عندو تلاتة أيادي ؟:
أول مرة أشوف لاعب بيرفعوا ليهو فنيلتو عشان الإحتفال بالهدف وإظهار الفنيلة بي جوة ..
على كده مفروض ابوتريكة بعد قونو في السودان كان ينادي صائب عريقات ..
غايتو جنس تخلّف عليكم يا المريخاب ..
وبعدين وبي مناسبة القصرية وما ادراك ما الجمار
مسعولين من الخير إيبولا (عفواً إيفوسا) لمن عمل (بولندا حرير) عملا في حمّام أفرنجي ؟ ولا عملا في أدبخانة جمب باب الشارع؟
ما جررررررررررررررررررررررررررر فكّاهو في الميدان ..ولعله واحد من أسباب إخضرار نجيلتكم اليوريا بتعات ايفوسا ..
وما بعيد يكون ادّاها شوية (سماد) مع البولة دي
تخريمة :
يا عمر عبد الخالق الناس ديل عادوك وبقيت من هواة مطالعة الصحف ؟
انا خايفك بعد شوية تقول وجمع الطوابع
أحب مجلة ماجد واموت في الصبيان ظاطو ..
|
Post: #42
Title: Re: سيخسر المريخ نقاطاً في مباراته اليوم..
Author: سامى عبد الوهاب مكى
Date: 03-17-2008, 10:28 AM
Parent: #1
لا يا شاب دي يد السعد والبخت والحظ السعيد المرقتو من المكان الوسخان!!
وجابتو حيث الترتيبة!
القرمبع كيف؟؟؟
|
Post: #43
Title: Re: سيخسر المريخ نقاطاً في مباراته اليوم..
Author: abuguta
Date: 03-17-2008, 10:43 AM
Parent: #42
عمر عبد الخالق
انت ناس الحاج يوسف فيهم مريخاب
البركة فى بكرى ساعدكم كتير يامريخاب
نطالب بعودة تاج السر حسن حتى يرد عليكم وينزل الهزيمة بالتسعة
من سانجرو الاثيوبى,,,,ود عبد الخالق دا باقى ليك مو كان حاضرها
مبروك للمريخ النقاط الثلاثة,,,بصعوبة تعادل برشلونة مع اضعف فريق فى الليقا
الاسبانى,,ونحن عندنا فرق القمة لا تهزم,,,,
|
Post: #44
Title: Re: سيخسر المريخ نقاطاً في مباراته اليوم..
Author: gamal elsadig
Date: 03-17-2008, 11:05 AM
Parent: #42
.
يا ابو أحاسيس ومشاعر (مؤجلة) ..الم يحن موعد سدادها ؟؟
ولا احاسيسك طلعت (شيكات طايره) . زي شيكات المعز واخوانه
عليك الله ..زي الجماهير الصفوة دي بتخليك شاعر بشنو؟؟
نحن طبعاً شاعرين بالعظمة ...
طبعاً سيد البلد مابفرق معاهو (عامل الجمهور) بسبب الصفوة الموجودة
في كل مكان في السودان ..لكن بفرق معاهو (عامل الارض) ...وخاصة ارض (الزريبة)
يافاروق شوف كمان (بنك البدلاء) ده كيف ؟؟ هل توجد اي مقارنة بينه وبين (الدكة)
بتاعتكم ؟؟؟
ودقق النظر شوية في (الكفــيل) القاعد قدام ده ..خلي بالك كويس اصلو مالابس (عقال)
...(بنك بدلاء ) فيهو (السعودي) هداف سيكافا والزهرة (ابوحزام ناسف) وعلاء (فتاشة)
وبقية الكوكبة ...وبرضو تقول لي حاااااااااااااااسي ...
ياسامي ..مالك (مطمبلة) على صاحبك كده ...وجايب ليهو صورة (الشريحة) العالمية دي ؟؟
بالمناسبة يافاروق (الموبايل) طلعكم بتاعين فول سـااااي ... يعني حسع سامي ده
كان عزمك فول مصلح ...بكره تجي تهتف معانا (بالطول بالعرض مريخنا يهز الارض) ...
وتقول لينا احاسيسي القديمة ديك كلها كانت ماصادقة وكده..وهسع انا عرفت محل (الحب الحقيقي)
وشايف الدنيا دي كلها (احمر واصفر) ...بعدين اكتشفت انو الزعيم وسيد البلد المريخ ده
هو(نبض إحساسي زاتو)
..
|
Post: #46
Title: Re: سيخسر المريخ نقاطاً في مباراته اليوم..
Author: عمر الفاروق
Date: 03-17-2008, 11:45 AM
Parent: #44
جيمي لاهبور بطل نهي زندقي :
ياخ والله من الحاجات الجميلة إنو بقيت اشوف الواحد منكم بيفرح ويكاد يطير من الفرح بعد ما يفوز على فريق من الأقاليم وكمان بي فارق هدف !!!!
نحن لمن نفوز بي فارق هدف بنكون زعلانين وما ضايقين طعم الفرح أقل شي هدفين وانت طالع ..
وبعدين وبمناسبة الصفوة وما ادراك ما الطابق الثاني شايف تااااااااااني حكاية على جماهير المريخ الحضور مبكراً للنفرة والذهاب للكماين بالجريف شرق وما ادراك ما الطوب والله الواحد لمن بقا ما عارف روحو في استاد المريخ ولا في برنامج نسايم الليل :
يا ديمة نااااافر لي متين نفوووووورك ..
كفاي يا جاير صدّك وجوووووووووووورك ..
الليلة الليلة ..براي الليلة ..
حرق بي نار الكماين دييييييلا ..
يا ود سعد الله تجينا ضوروي ..
لو كان بي تكسي أو كان بي لوري ..
وبعد شوية نسمع والله في الحقيييييييييقة انا بعتقد إنو كرومة وسروور هم عملاقة الفن السوداني ..
معقولة بس ..
اما بمناسبة البدلاء وما أدراك ما الجقلبة فسيدكم مزمل رضي الله عنه قال المدرب حرق أعصابنا كل يوم لاعب لينا بي تشكيلة أمعب من التانية وشغال حقل تجارب في مباريات الموسم ..
يعني الجرسة حااااااصلة ..
وعدم ثبات التشكيل مؤشر سلبي وليس ايجابي وانت سيد العارفين ..
بعدين مسعول من الخير نحن المساكين ديل حالتو المهاجمين عندنا صايمين وبعد ده لعيبة النص بيجبو اقوان وعندو لاعب محور ينافس على لقب هداف الدوري ..
أخجلو يا ناس عبدة الزهرة وعبدة الشيطان وعابدة الشيخ
|
Post: #47
Title: Re: سيخسر المريخ نقاطاً في مباراته اليوم..
Author: gamal elsadig
Date: 03-17-2008, 12:40 PM
Parent: #46
.
فاروقكو.. يا إحساسكو ..
| Quote: ياخ والله من الحاجات الجميلة إنو بقيت اشوف الواحد منكم بيفرح ويكاد يطير من الفرح بعد ما يفوز على فريق من الأقاليم وكمان بي فارق هدف !!!! |
طبعاً فرحاااانين ومبسوطين ...انت قايل الزعيم المريخ بيلعب ضد فرق الاقاليم بس ؟؟ اول حاجة المريخ
لمن يكون لاعب مع نيل الحصاحيصا مثلاً بيكون لاعب ضد(احمد ادم) عافية ..بيكون لاعب ضد هلال كادقلي و(جعفر عبد الرازق) ...وضد هلال بورتسودان و(محمد الطيب) ..وضد جزيرة الفيل و(طارق احمد ادم) ....
وضد اهلي مدني و(الفاتح النقر) ..وضد الموردة (الديبة) ..وضد هلال الزريبة وده بالذات المعاهو كتاااااااااااار (شيخ فوزي وجماعتوا )(والارضية والمدفون تحتها) و(الحكاااااااام وحقدهم)
و(الاتحاد وكل لجانه) و(الاستاد والوسااااخة) ...(وناس فاروق واحاسيسهم).....الخ
| Quote: وبعدين وبمناسبة الصفوة وما ادراك ما الطابق الثاني شايف تااااااااااني حكاية على جماهير المريخ الحضور مبكراً للنفرة والذهاب للكماين بالجريف شرق وما ادراك ما الطوب والله الواحد لمن بقا ما عارف روحو في استاد المريخ ولا في برنامج نسايم الليل : |
والفرق شنو يعني ؟؟ المريخ الزعيم ونسايم الليل ماواحد : ...وطبعاً نسايم الليل
في العرضة جنوب مااحلاههها... لكن العرضة شمال (غبار سوق العيش) وريحة (الكسبرة) بالاضافة ...
للروائح اياها الصادرة (من عنديكم) ...طبعاً ريحتكم الفايحة خلت ناس سوق العيش والمنطقة الصناعية
وناس حافلات المواصلات خلتم يتقدموا بطلب نقل هذا الاستاد ابو روائح من هذا المكان الى مكان خارج
العاصمة ....يعني ...المريخ الزعيم وسيد البلد حيكون ضد فرق الاقاليم وكمان (هلال الضهاري ) .
مشاركة الصفوة في بناء الاستاد و النادي والطابق الثاني ...ده طبعاً(فكر رياضي) جديد وبعيد عليكم
اسمو(اشتراكية الصفوة الرياضية)
اناكمريخابي صفوة بقدر اقول انا مساهم في بناء وتطوير المريخ العظيم ...يعني استاد(القلعة الحمراء) ده عندي فيهو (طوبة) ...وممكن اساهم في شراء كرسي مريح في الطابق الثاني ويكتب عليهو اسمي ...ونصبح كلنا (شركاء) في بناء المريخ .... طبعاً المريخ عندو (مرتكزات فكرية ) كثيرة
لكن انتو عندكم (فكر الرجل الواحد) ....يعني لو واحد فيكم ساكت قال كدي نحاول نطور (الزريبة) دي
ونحفر فيها (حوض سباحة ) اقصد (حوض بط) ...ماحيقدر لانو طوالي (حيندفن) زي مادفنو (الحمار) في الاستاد
هسع عليك الله انت عندك في استاد الهلال كم طوبة؟؟؟ ولا شغالين تدعموا النادي (بالاحاسيس) فقط ...
يعني بكرة نسمع (شوووووبش) عمر (إحساس) ...متبرع (بكمينة مشاعر) للهلال ... (و10 طن احاسيس )
ضد المريخ ..و(دورين رملة) عشان يلعب فيها (حفياااااااااااااني)
.
|
Post: #45
Title: Re: سيخسر المريخ نقاطاً في مباراته اليوم..
Author: سامى عبد الوهاب مكى
Date: 03-17-2008, 11:28 AM
Parent: #1
فعلاً مدني مدينة عظيمة!!
كلها صفوة!!
|
Post: #48
Title: Re: سيخسر المريخ نقاطاً في مباراته اليوم..
Author: عمر عبد الخالق سعيد
Date: 03-17-2008, 04:28 PM
Parent: #1
|
Post: #49
Title: Re: سيخسر المريخ نقاطاً في مباراته اليوم..
Author: keiga2000
Date: 03-17-2008, 05:14 PM
Parent: #48
الظاهر عليكم اشتقتوا للدغات ود ابوالقاسم
صاروخ تمام.. يا سيد (الأيتام)!
* بصاروخ أرض جو حارق انطلق من قاعدة طمبل الجوية عاد المريخ من مدني السني ظافراً منتصراً ومتأبطاً نقاطه الثلاث ليخرج لسانه لكل من شككوا في قدرته على تحقيق النصر على الأهلي الذي حظي بعدد هائل من المشجعين الجدد الذين انتظروا منه أن يعيق سيد البلد فحصدوا السراب!
* وكان الدرس قاسي اترصد.. من أب زرد!
* على الرغم من أن لاعبي الفريقين تأثروا بحرارة الطقس والأجواء المشحونة التي أحاطت بالمباراة إلا أن نجوم المريخ استخدموا خبرتهم ونجحوا في العودة إلى ديارهم منتصرين بأقل مجهود!
* سيد الأتيام لم تكن له أي علاقة بالسيادة إلا في صفحات الصحف التي صدرت صبيحة أمس.. لأنه فشل في تشكيل أي خطورة على مرمى محمد كمال طيلة الشوطين.. ولم يسدد مهاجموه أي كرة بين أخشاب المرمى!
* ولم يقو على منازلة المريخ الذي قهره بهدف حارق أكد صحة توقعات كمبيوتر الصدى الذي أكد أمس أن المريخ لا محالة فائز على الأهلي مهما ارتفع الزعيق وتنوع الوعيد!
* لاعبو المريخ لعبوا بمجهود محدود.. ولم يرهقوا أنفسهم كثيراً في مواجهة فريق ضعيف.. قليل الحيلة لم يستطع أن يقود أي هجمة خطرة باتجاه مرمى الزعيم!
* لا سيد (الأيتام) أجاد.. لا تعديل موعد المباراة أفاد!
* عفواً يا لجنة الخرمجة.. طبل الزعيم ضرب.. والأمن استتب!
الكهربة جات!
* من قلب الجزيرة ومن أرض المحنة.. صاروخ طمبل طمنا.. وما مهلنا!
* أصروا على اللعب عصُر.. وشافوا (النجوم) عز الضهر!
* قالوا كهربة في مدني مافي.. جاتهم من الخرطوم!
* كهربة الطوربيد.. جاتهم قوية شديد!
* حرقت القلوب قبل الشباك.. وجعلتهم يقذفون الملعب بالحجارة حزناً وحنقاً!
* أما النقر.. فهو مع المريخ دائماً في خطر!
* لما تجونا في الدورة التانية تلقوا الطابق التاني اكتمل.. والإضاءة الفسفورية اشتغلت.. لا تعرفوا لعبتوا ليل لا عُصر!
* وسط الرياح.. عز الشتا.. وسط المطر.. برضو مغلوب يا النقر!
* ده المريخ.. ناديوه قصُر.. وضربو عصُر!
* وفيك يا ميلاكي.. أسباب هلاكي!
موقعة نقر النقر
* ناس مدني ناس طيبين.. ريحونا وبسطونا.
* سفورنا بدري.. لعبونا بدري.. طمبلنا بيهم بدري.. شلنا نقاطهم بدري.. رجعنا بدري.. كتبنا بدري.. اتعشينا بدري.. ونمنا بدري!
* في ناس يا كافي البلا لا اتعشوا لا ناموا!
* يا إيد البدري.. قومي بدري.. ألعبي بدري.. أغلبي بدري.. طمبلي بدري.. شوفي كان تنقدري!
* بنقرة واحدة من الولد الخطر.. انهزم النقر!
* انتهينا من موقعة (نقر النقر).. وموقعة (دردرة الرواندي) على الأبواب!
طردوا الحكومة!
* في الجزيرة نزرع قطنا نزرع نتيرب.. نحقق أملنا.. تسلم يا (طمبال) أخوي.. يا دراج المحن!
* طمبل أجاد.. عم البلد أعياد!
* يا مأمون.. طمبل جلاد.. والجلاد بجلد.. ما بنجلد!
* حرضوا الحكم.. شجعوا الأهلي أكتر من حمد والديبة وعمر ملكية.. وطمبل خلف الكية!
* حكمة والله وحكاية.. حكومة الولاية حكومة الخرطوم!
* المريخ صدارة (بالفل مارك).. طمبل في صدارة الهدافين.. (بالفل أوبشنز)!
* زيارة ميلاكي ما جابت أختها؟ يمكن حادة على جنسية (سوري) شريف!
* قلت لي ميلاكي هدية.. وما علاقة شخصية؟
* يعني مافيهو منحة دولارية؟
* عاوزين نعرف الشفت العمل المباراة الساعة خمسة ده منووو؟
* طريق مدني صحيح بالليل خطر.. بس طمبل أخطر!
آخر الحقائق
* رجعنا الخرطوم طوالي.. أبينا نبيت في الحصاحيصا عشان نحرس نقاط النيل!
* حارسا شداد.. وسايقا صلاح!
* المريخ متصدر بـ 18 نقطة!
* غالب خمس مرات.. بي خمساطشر نقطة.. زايد نقاط النيل!
* ومستحيل عن حبك أميل.. أحب النيل أنا يا جميل!
* تصدقوا فعلاً قبلما الشمس تغيب الموضوع اتحسم؟
* نجاض العيش ده حلو حلاة!
* والعجب نفش القطن.. طمبل درشهم درش الريش في الدريش!
* حافظ يا حفيظ.. وينو الليلة طمبل عريس!
* الحكم طرد حكومة الزومة بعد أن أنذرها أولاً في مخالفة عادية!
* المريخ ينافس 13 فريق في الممتاز.. حداشر فريق رسمي.. زايد فريق اللجنة المنظمة.. وفريق الحكام!
* ميري مهبا.. المعز ما قبض الهبة!
* طالما قون طمبل مضمون رايون في الحفظ والصون!
* زيسكو محمدكو.. زامبيا فيها كم نقطة؟
* إبراهيم عوض بقى أهلاوي أكتر من عبد المنعم عبد العال!
* وخشم قسم خامس.. صبح يابس!
* ولدنا طمبل وضع إبراهيم وقسم في التخشبية.. (حمد والديبة.. حاجة عجيبة)!
* خاص لصحفي الأهلي الجديد ياسر سادس.. الأهلي راح في حق الله!
* إلى جنات النعيم.. لن ننساك يا زعيم!
* طمبل أضاع فرصة مضمونة.. جهز السوط يا مأمون.. مباراة الجماعة قربت!
* كهربة إستاد مدني رجعت سريع خلاص!
* المذيع الداخلي للإستاد قال كورة جزيرة الفيل والأمل ملعوبة الليلة الساعة سبعة ونص مساء!
* يا الفاتح خضر.. الوصية بالمهلة.. ما تنسى تحول الفاتورة لي طمبل!
* عشمنا موية حمامات الجماعة تكون جات برضو!
* ولدنا الرشيد علي الفكي نده أقطاب أمريكا وهولندا يجيبوا موية صحة لحمامات المقابر!
* وما مشكلة لو ما جات.. الحجارة راقدة في الإستاد!
* ألم أقل لكم: (في الضهر أو في نور الرتاين.. نحن نغلب.. ولو في الصباح)؟
* حارس الأهلي إيهاب زغبير ظل يتشقلب ويتشعبط ينطط ويؤخر اللعب.. حتى أتاه صاروخ طمبل.. فاستعدل!
* بيان هام.. وآخر كلام: إذا كان الأهلي سيد الأتيام.. فالمريخ سيد البلد!
|
Post: #50
Title: Re: سيخسر المريخ نقاطاً في مباراته اليوم..
Author: Ahmed Alrayah
Date: 03-17-2008, 06:30 PM
Parent: #1
| Quote: المريخ دا انتو مفروض تركعوا ليه اجلالا واحتراما على ما انجزه لكم من انجازات وكاسات محموله جوا |
ما قلت ليكم في ناس قايلين المريخ ده رجل صالح؟!
|
Post: #51
Title: Re: سيخسر المريخ نقاطاً في مباراته اليوم..
Author: mohanad haimoura
Date: 03-17-2008, 09:43 PM
Parent: #50
قلت لي احساسك ولا شنو
هاك الاحساس ده
|
|